މި ޖިސްމުގާ ވަނީ 19

”އާއެކޭ.. ހަމަޖެހިބެ.. ކައެ ގޮސްފަ ނޯޓު ބައި ބަލައްޗޭ..“ކޮޓަރީގެ ދޮރުގެ ތަޅުގައި މީހަކު ހިފާލި އަޑު އިވިގެން ރަވީހް މަޑުމަޑުން ބުނެލިއެވެ. މާއިން އާއެކޭ ބުނެ ބޯޖަހައިލަމުން ރަވީހް ކިޔައިދިންހެން، ފައިގެ އެހީގައި ފޯނު ނަގާ އޭނާގެ ބޫޓު ތެރެއަށް ކޮށްޕާލިއެވެ. އެކަން ކާމިޔާބުވީ ކިރިޔާއެވެ. ދޮރުހުޅުވާލާފައި އެތެރެއަށް ވަނީ ކުރިން އެތަނަށް ވަތް ފުލުސް އޮފިސަރުންނެވެ. ގަޑި ހަމަ ވެއްޖެ ކަމުގައި ބުނެ މާއިން ނުކުތުމަށް އެނގިއެވެ. މާއިން ވެސް ބޯޖަހާލާފައި އިތުރަށް މަޑުކުރާކަށް ނުހަދައެވެ. ބޭރަށް ނުކުތެވެ.

”ޝިޓ*! ޝިޓ*“ ސްޓޭޝަނުން ނުކުތް ވަގުތު ވީ އިޔާން އެތެރެއަށް ވަދެގެން އައި ވަގުތެވެ. ކުއްލިއަކަށް އިޔާން ފެނި އޭނާއަށް ހުއްޓެވުނެވެ. ފެނިއްޖެ ނަމަ ޔަގީނުންވެސް އިޔާންގެ ސުވާލުތައް އަމާޒުވާނެއެވެ. މާއިންއަށް ތެޅިގަނެވުނެވެ.

***

އިޔާން ބަލައިލުމުގެ ކުރިން ބޮނދަމުން އޭނާއަށް ފާހާނަ ބަރިތަކާއި ދިމާލަށް ދެވުނެވެ. މާއިން އެތަނުން ނުކުމަތީ އިޔާން ވަތްކަން ޔަގީންވުމުންނެވެ.

**

”ސާރ އެ މަގުގަ ހުރި ކެމެރާ ތަކުން ވަނީ މިހާރު ދެނެގަނެވިފަ ރަވީހް އާއި އެކު އެވަގުތު ތިބި ފަސްމީހުން.. އެމީހުން ހޯދުމުގެ މަސައްކަތް މިހާރު ކުރިއަށް އެބަދޭ“ ފައިލް އެއް ހިފައިގެން އިޔާންގެ ކެބިންއަށް ވަނީ ޒޯޔާއެވެ. އޭރު ސައިމަން އާއި މަހުދީވެސް ތިއްބެވެ.

”އެންމެ ރަނގަޅު.. ރަވީހްގެ ބަޔާން ނެގޭވަރު ވެއްޖެތަ؟“ އިޔާން ދެން ބަލައިލީ ސައިމަންގެ މޫނަށެވެ. ސައިމަން ދިނީ އޭނާ ގެނައި ފައިލެވެ. ގޮނޑީގައި  އިށީންދެލަމުން ފައިލްގައިވާ ގަނޑުތަކަށް ނަޒަރު ދިންދިން ހެން އިޔާންގެ ލޭ ދިޔައީ ކެކެމުންނެވެ.

ފައިލް އެއްކޮޅުން އަނެއްކޮޅަށް ބަލާ ނިމުނު އިރު ރުޅިގަދަވެގެން ގޮސް ކަތުރުކަށިގަނޑަށް ވާންވެގަތެވެ.  ގޮށްމުށުގެ ބާރު ހަމަލާއެއް  އޭނާގެ މޭޒަށް ދޫކޮށްލިއިރު ކުރިމަތީގައި ތިބި  ތިން މީހުން ތިބީ ހިސާބަކަށް ނުތަނަވަސްވެފައެވެ. އިޔާން އެހާ ރުޅިގަދަވެފައި އިންދާ މީގެ ކުރިން އެތަނުން އެކަކުވެސް ނުދެކެއެވެ. ތިންމީހުން އެކަކު އަނެއްކަކަށް ބަލައިލުމަށްފަހު އިޔާންއާއި ގާތައް ޖެހިލީ މަހުދީއެވެ.

”ހަމަޖެހިލާ .. އެމީހުންނަކަށް އީޒީއެއް ނުވާނެ ދެން މިވަރުން ސަލާމަތް ވަކަށް“

“ސޯ އަމިއްލައަށް ކުރި ހުރިހާ ކަމަކަށް އެއްބަސް ވެފަ ދޯ މިއޮތީ.. މްމްމް ވީ އެންމެ އަވަހަކަށް މީތި ޕްރޮސެސް ކުރޭ.. ކޮބާތަ އޭނާއާއި ބައްދަލްކުރަން އައި ވަކީލްގެ ވަނަވަރަކީ؟“

އިޔާންގެ ރުޅި މަޑު ކުރުމަށް މަސައްކަތް ކުރަމުން އަހައިލިއެވެ. މަހުދީ ލޮލުގެ އިޝާރާތުން ޝައިމަންއަށް އަންގާލިއެވެ.

”ސަ ދަ ތިންގްއިޒް.. އަޅުގަނޑުމެން ދެންމެ ދިޔައިރު އެކޮޅުން އައި ފަރާތް ގޮސްފި.. އެގަޑީގަ އެކަމާއި ހަވާލްވެގެން ހުރި އޮފިސާރ މިވަގުތު މިކޮޅަކު ނެތް.. ސީން އަކަށް ގޮސްފަ ވީ“  ސައިމަން ޖަވާބު ދިނެވެ. އެންމެ ރަނގަޅު ކަމަށް އިޔާން ބުނުމުން ސައިމަން އާއި ޒޯޔާ ނުކުމެގެން ދިޔައެވެ. މަހުދީ ޖައްސައިލީ އެތަނުގައި ހުރި، އެންމެ މީހެއްގެ ޖާގައިގެ ސޯފާގައެވެ.

”މިހާރު މިއޮތް އަހަރެމެން ދެމީހުން އެކަނި ވީ.. ދެން ބުނެބަލަ ހުރިހާ ކަމެއް ރަނގަޅު ތަ؟ ކޮން ވާހަކައެއް ތަ އެވަގުތު ބުނަން އުޅުނީ؟“

“ ހިނގާބަލަ ކޮފީއަކަށް“ ޖަވާބު ދިނުމުގެ ބަދަލްގައި އިޔާން އިށީންދެ އިންތަނުން ތެދުވިއެވެ.

ދެމީހުން އެކުގައި ގޮސް ވަނީ ކެންޓީނަށެވެ. އެހެން މީހުންނާއި އެކަހެރިކޮން ހުރި މޭޒެއްގެ ދޮށުގައި އިށީންދެ ދެ ކޮފީ ގެނައެވެ.

”ފަށާބަލަ ނިކަން..“ ވެއިޓަރު ކޮފީ ތަށި ގެނެސް ބެހެއްޓުމުން މަހުދީ، އިޔާންއާއި ދިމާ ބަލައިލަމުން ނިތް އަރުވާލިއެވެ.

”އިޓްސް އެބައުޓް އެމީ“ އެންމެ ފަހުން އިޔާން ބުނެލިއެވެ.

”ވަޓް؟ އެމީ؟ އަމީރާ؟ އެމީ ފެނުނީ ތަ؟“ އެތައް ދުވަހެއް ފަހުން އަމީރާގެ ވާހަކަ އިޔާން ފެށުމުން ދެލޯ ބޮޑުކޮށްލައިގެން އިނދެ މަހުދީއަށް އެތައް ސުވާލެއް އެއްފަހަރާ ކުރެވުނެވެ. އިޔާން ލަސްލަހުން ބޯޖަހައިލިތައް ފެނި ކުރިއަށް ވުރެން ބޮޑު ހައިރާންކަމެއް އެމޫނު ފެންނަމުން ދިޔައެވެ.

”ވެން؟ ކޮބާތަ މިހާރު؟ ރާއްޖެ ގެންނާކަށް ނުވިސްނަން ތަ؟“

”ޝީ އިޒް ހިޔާރ …ބަޓް ވަރަށް ގިނަ ކަންކަން ބަދަލް ވެއްޖެ“ އިޔާން އެންމެ ފަހުން ހުރިހާ ކަމެއް ފެށިގެން ނިމެންދެން މަހުދީއަށް ކިޔައިދެމުން ދިޔައެވެ. އެއިން ކޮންމެ އާ ހަބަރަކާއި އެކު މަހުދީގެ ހައިރާންކަން އިތުރުވެއެވެ. އޭނާގެ މޫނުން ވަރުގަދަ ޝޮކެއް އެއް ލިބިގެން ދިޔަކަން ހާމަވެއެވެ.

”އޯހް ނޯ.. ތިބުނީ އިޔާން ދައްކާ އެއްވެސް ވާހަކަ އެއް އެމީ ގަބޫލެއް ނުކުރެއޭ ތަ އަދިވެސް؟ އަހަންނަށް ވެސް އެދުވަހު ބްރޯގެ ސިޓީ ގަ އަސްލު ހުރި އެއްޗެއް ނޭނގޭތީ ހުރެވުނީ.. އެކަމަކު ވެސް އަހަންނަށް އެނގޭ އެވަރުގެ އެއްޗެއް ނުލިޔާނެކަން.. އަހަރެން ވަރަށް ކީން ފެންނަ ކޮންމެ ކަމަކަށް ގަބޫލް ނުކުރަން.. އެދުވަހު ބެލިން ވިސްނައިދެވޭތޯ ވެސް.. އެކަމަކު އަހަންނާއި ނަވާޒް ދެއްކި އެއްވެސް ވާހަކައެއް އެމީ ގަބޫލް ނުކުރީމަ ދެރައީ.. ގޯސް ގޮތަކަށް ނުދެކެން ވެސް ބުނިން..  އަސްލު ހޭންޑް ރައިޓިންގެ ވާހަކަ ލުއިސް އަށް ބުނެވުނީމަ ކަންނޭގެ އެމީ އެހާ ބޮޑަށް އެ ރުޅިއައީ..“ އިޔާންގެ ހުރިހާ ވާހަކައެއް އެނގުމުން މަހުދީގެ ހިތުގައި ހަމްދަރްދީ އުފެދުނެވެ. އޭނާ ދެއަތް ދެއަތާއި ގުޅުވާލަމުން ގޮނޑީގެ ތެރެއަށް ހަށިގަނޑު ދޫކޮށްލީ ދެން ހަދާނެ ގޮތަކައި ދޭތެރޭގައި ވިސްނާ ފަދައަކުންނެވެ.

”ގަބޫލެއް ނުކުރެ.. އެއްކަލަ ފަހަރު އަރީފް ފުރަތަމަ އެމީ ގާތު ޔަނާލްގެ ވާހަކަ ދެއްކިއެއްނު.. އޭރު ވެސް ވަރަށް މަސްލަހަތު ގޯސްވެފަ އޮތީ.. ރޯން ވެސް ރުއި.. މަ އާދޭސް ކުރި ފަހުން ދެން އެދުވަހު އަހަރެންގެ ޥާހަކަ ގަބޫލް ކުރި.. އެކަމަކު ފަހުން އަހަރެން ކުއްލިއަކަށް އަންނަން ޖެހިފަ، އެފަދަ ގޮތަކަށް ކަންތައް ވެގެން ދިޔައީމަ އެމީއަށް ގަބޫލް ކުރަން ވެސް އުނދަގޫ ވެގެން އެއުޅެނީ.. އެކަމަކު މިހާރު މަ މިހުރީ އެމީގެ ކައިރީގަ.. އެއްގެ އެއްގަ.. އެކަމަކު ވެސް އަހަރެންގެ ފުށުން އިވޭ އެންމެ ލަފްޒެއް އަޑުއަހަން ވެސް އެމީ ތައްޔާރެއް ނޫން.. ދެފައި ބުޑައް ވެއްޓި އާދޭސް ވެސް ކޮށްފިން … މިއަދު ވެސް އެހެން ކަންތައް އެވީ..“ އަމީރާގެ މަތިން ހަނދާންވަމުން ދިޔަދިޔަހެން ހިތައް ވަމުން ދާ ތަދު އިތުރުވެއެވެ. ވިސްނާ ވިސްނާ މުޅިން ބަލިކަށިވެއްޖެއެވެ. އަމީރާގެ ރުހުން ދެން އަލަކުން ނުލިބޭނެއޭ ހިތް ބުނަނީއެވެ. އެ އަންހެން ކުއްޖާގެ ލޯތްބަށް ފެންބޮވައިގަނެފައި ވީ އިރު ވެސް ދުރުގައި ހުރުން ނޫން ގޮތެއް ނެތެވެ. އެދެލޮލުން ލޯބި ފެންނަ ނަމަވެސް އެ ދައްކާ ނަފްރަތުގެ ކުލަތަކުން ދެން ދުވަހަކުވެސް އިޔާންގެ ގާތައް ނާންނާނެ ހެން ހީވަނީއެވެ. އެހެން ނަމަ ފައި ބުޑަށް ވެއްޓުނީމަ އޭނާ ދައްކާ ވާހަކަ އަޑުއަހަން ފުރުސަތެއް ދިނީސްތާއެވެ.

”އެދުވަހު ބްރޯ ނެގި ފޮޓޯ ކޮބާތަ؟.. ސިޓީގެ ފޮޓޯ އެއް ނެގީ މެންނު“

“ އޮޕަރޭޝެއްގަ އުޅެނިކޮން ފޯނު ހަލާކުވީއޭ.. ބައެއް ފޮޓޯތައް ވެސް ގެއްލިފަ ހުރީ.. އެ ފޮޓޯ ވެސް ގެއްލުނީ.. އައި ކްލައުޑަށް ސޭވް ވެފައި ހުރި އެމީގެ މަދު ފޮޓޯ ތަކެއް ސަލާމަތް ވީ“ މާޔޫސް ކަމާއިއެކު އިޔާންއަށް ބުނެވުނެވެ.

”އޯހް ނޯ..މަށައް ފޮނުވިން ދޯ އެދުވަހު.. ހުރޭ މަ ގެއަށް ގޮސްފަ ބަލާލަނަން..  އޭރު ގެންގުޅުނު ފޯނު މިހާރު އޮންނާނީ ދަރިފުޅަށް ރައިމްސް ބަލަން ދީފަ.. އޭތި ދެއްކީމަ ވެސް ގަބޫލް ކޮށްފާނެ“

”އައި ޑޯންޓް ތިންކް ގަބޫލް ކުރާނެ ހެންނެއް.. އޭނަ ހުރީ ވަރަށް ގޮތުގަ“

”ބްރޯއަށް ތިކަން ނުވިއްޔާ މަ އުޅޭނަން ތިކަމާ.. އޯކޭ އެންނު؟ ދެން ވެސް މީހާ ހަމަޖެހިބަ.. ތި އިންނަނީ މަތިމަރުވެފަ.. ދުނިޔެ މަތިން ފޫހިވާކަށް އަދި ނުވޭ.. މާ ލަހީ އެންނު މަ ކައިރިއަށް އައިލެއް ވެސް“

މަހުދީ ދެމުން ދިޔަ ހިތްވަރުން ވެސް އިޔާންއަކަށް ލުޔެއް ނުލިބުނެވެ. އެ ދެއްކިޔަސް އަމީރާ، އޭނާގެ ކޮޅަށް އަންނާނެ ކަމުގެ އެއްވެސް ޔަގީން ކަމެއް ނެތެވެ. އެއްޗެއް ނުބުނަން އިނދެފައި އެއް ނޭވާއިން ކޮފީ ތަށި ހުސްކޮށްލިއެވެ.

***

ދެދުވަސް ވެގެން ދިޔަ އިރު އިރަމް ފެންނަނީ ހިސާބަކަށް ހަމައަކަށް އެޅިފައިވާ ތަނެވެ. ދޭތެރެއަކުން ރޯލި ނަމަވެސް ކުރިއަށް ވުރެން ރަނގަޅެވެ. މަޖުދާއާއި ނާޔާ އަކީ ސައިކޮލޮޖިސްޓުން ކަމަށް ވުމުން އޭގެ ފައިދާ ނުހަނު ބޮޑަށް ކުރިއެވެ. ކޮންމެ ދުވަހު ހޮސްޕިޓަލުން އަވަދެވިވެގެން ނާޔާ އެގެޔަށް އައިސް އިރަމްއަށް ކައުންސެލިން ދެމުން ދެއެވެ. ރީއާ ބެލުމަށްޓަކައި މަޖުދާ ހޮސްޕިޓަލުން ވަކިވެގެން ގޭގައި ހުންނަތާ ދެ އަހަރު ވަނީއެވެ. ނަމަވެސް އޭނާގެ އިލްމު ދަރިފުޅަށް ޓަކައި ބޭނުން ކުރަމުން ދިޔައެވެ. އެކަނި ނުކޮށްލާ ގިނަ ވަގުތު އިރަމްއާއި އެކު ހޭދަކުރަމުން ދިޔައެވެ.

ނީޝަން އާއި އިރަމް ތިބީ ޓެރެހުގައި ހުރި އުނދޯލީގައެވެ. ކޮންމެ މީހެއްގެ އަތުގައި މެގްނަމެއް އޮތެވެ. މެންދުރުގެ ވަގުތު ނަމަވެސް ވިއްސާރަ ދައްކަމުންދާ ދުވަސްކޮޅަކަށް ވާތީ އުޑުމަތި އޮންނަނީ ބަނަކޮށްލާފައެވެ. ޓެރެހުގައި ވާ ގަސްތަކުން ލުއި ލުއި ވައިރޯޅިތައް ދޭތެރެއަކުން ޖެހިލައެވެ. ހިތް ފަސޭހަ މާހައުލެކެވެ.

”މިއަދު ދޯ އެމީ ދައްތި ރެސްޓޯރެންޓްއަށް ދާން ޖެހެނީ؟ ކޮބާތަ މިހާރު؟“ މެގްނަމުގައި ލޮވެލަމުން ނީޝަން އަހައިލިއެވެ. އޭނާ ކޮންމެވެސް ވާހަކަ އެއް ދައްކަން އުޅެފައި ވެސް ފުރަތަމަ ސުވާލް ކޮށްލީ އެވެ. ދޭތެރެއަކުން ދޮރާއި ދިމާލަށް ވެސް ބަލައިލައެވެ.

”މިހާރު ގޮސްފަ ވީ .. އިރު އޮއްސޭ ފަހުން ކަންނޭގެ އާދެވޭނީ“

“ ވާހަކަ އެއް ބުނަން ވެސް ވެފަ އެބަ އޮތް ކުޑޫ ކައިރީގަ..“ ނީޝަންގެ މޫނުމަތިން ސީރިއަސް ކަން ފެނުމުން އިރަމްގެ ގާތައް ކުޑަކޮން ހިނިއަންނަ ގޮތް ވިއެވެ. އެއީ ނީޝަންއާއި މުޅިން ނުބައްދަލު ސިފައެކެވެ. އަބަދު ހުންނާނީ އޭނާގެ ސަކަކަމުގައެވެ. ހިނިއައިކަން ނުދައްކަން ކަރުކެހިލަމުން ކިހިނެތް ވީހޭ އިރަމް އެއްސެވެ.

”އިއްޔެ އައި ހާރޑް ސަމްތިންގް.“

”ވަޓ؟“

”އަ ހާރޑް ފައިޓް ބިޓްވީން ދެމް“

”މީނދި ކުޑަ ހަންޑިގަނޑާ.. ތި ތަންކޮޅެއް މީހަކަށް ރޯ ފިލާނެހެން ތިކިޔާ އެއްޗެއް ކިޔާބަލަ“ ނީޝަން އަދިވެސް އެ ބުނަން އުޅޭ އެއްޗެއް ނުބުނާތީ އިރަމް އަކަށް މަޑަކުން ނީނދެވުނެވެ.

”އައި ހާރޑް ދޮންބެ އާއި އެމީ ދައްތަ ޒުވާބް ކުރާ އަޑު“

”ކޯއްޗެކޭ ނީޝަން؟“ އިވުނީ މަޖުދާގެ އަޑެވެ. ނީޝަން ޖެހުނީ ކޮޅަށެވެ. އެވަރުން މީހަކު އާދޭތޯ ދޮރާއި ދިމާ ބެލި އިރު، މަޖުދާ އައިސް ކުރިމަތީގައި ހުއްޓުނު އިރުވެސް ނީޝަންއަކަށް ނޭނގުނެވެ. އަނެއްކާ އެއިވުނީ އެންމެ ގޯސް ތަންކޮޅެވެ. އެހީއަކަށް އެދެން އިރަމްގެ މޫނަށް ބަލައިލި އިރު އިރަމް އިނީ ނީޝަންގެ ޖުމްލައިން އާޝޯހްވެފައެވެ.

“ ކީކޭ ނީއްކޯ؟ ހަހަހައްހާ ކިޔާ އެތި… ދޮންބެ އިޒް އޯކްވާރޑް.. އެމީ އައި ފަހުން ބަސް މަދުވެފަ ހުންނަނީ.. ދެމީހުން އެއްގޮތަކަށް ވެސް ވާހަކަ ދައްކާ ނޫޅޭ“ އިރަމް ޖަހައިލީ ހިނިގަނޑެކެވެ. ނީޝަން ވަގުތުން ދެފަރާތައް ބޯހޫރުވާލިއެވެ.

”އެބުނާހެން.. ނީޝަން ދެން މިހާރަކަށް އައިސް ބޮޑެތި މީހުން ދައްކާ އުޅޭ ޒާތުގެ ވާހަކަ ދައްކަން ހާދަ ފޯރިއެއް ހިފާލާފައޭ ދޯ ތިހުންނަނީ“ މަޖުދާ ޖަހައިލީ ނީޝަންގެ ގެ ބޮލު ފުއްކިބައިގައެވެ.

”ނޫނެކޭ.. ދެން އަޑުއަޙާބަލަ.. އެބަ އުޅޭ ގޯހެއް.. މްމްމް މައްސަލައެއް ނެތް… ތި މީހުން ނީޝް ކައިރީގަ ދެން ނާހާތި… ވީ ގޮތެއް ނޫޅެން ދެން ކިޔާކަށް ވެސް“ ތުން ދަމާލަމުން އަތުގައި އޮތް މެގްނަމް، ނީޝަން އަނެއްކާ ވެސް ބޯން ފެށިއެވެ.

”ކިޔާބަލަ އަޅެ.. އޭރުން ދޯ ގަބޫލް ކުރަން ވެސް އެނގޭނީ“

”ނުކިޔާނަމޭ އެންނު އައި ސެއިޑް! ހަހް..ދެޓްސް ފައިނަލް“ އިރަމް އެދެމުން ދިޔައިރު ނީޝަންމް މޫނުހަދައިގެން އިނދެ ދިޔައީ އެކަމާއި ދެކޮޅު ހަދަމުންނެވެ.

”އޯކޭ މަންމަ ކައިރިއަށް ދެން ނާންނާތި މީގެ ފަހުން  ބޭރަށް ދާން ހުއްދަ ހޯދަން“

”މަންމައެއް ނޫންތަ ބުނީ ބޮޑެތި މީހުން ދައްކާ އުޅޭ ޒާތުގެ ވާހަކަ ނުދައްކަން.. މިއަދު މިވަގުތުން ފެށިގެން ނީޝް މިއީ ކުޑަ ކުއްޖެއް.. “ މަޖުދާއަށް ލޯ އަޅާލަމުން ނީޝަން އިންތަނުން ތެދުވިއެވެ. އިރަމްއާއި މަޖުދާ ހޭން ފެށުމުން ދޮރާއި ހިސާބަށް ގޮސް އެނބުރިފައި ތޫލި އަޑަކުން އޭނާ ހަޅޭއްލަވައިގަތެވެ.

”މަންމަ މިދަނީ މި ނީއްކޮ ރުޅި ފިނިވޭތޯ.. މާ ލަސް ނުކޮށް އެތެރެއަށް ވަންނައްޗޭ.. ހީވާ ގޮތުން ހަވީރަށް ނޫނީ މިރެއަށް މި ތައްޔާރު ވަނީ..ތިން ދުވަސް މިވަނީ މިހެން ވިލާ އަރުވާތާ“ އުޑުމަތީގައި އެއްވަމުންދާ ކަޅާއި އަޅީގެ ކުލަތަކުގެ ވިލާތަކައް ނަޒަރެއް ދެމުން މަޖުދާ ގެއަށް ވަންނަން ދިޔައެވެ.

އިރަމް ގަސްތުކުރީ އަދި އިރުކޮޅަކު އެތަނުގައި މަޑުކޮށްލުމަށެވެ. އިރަމް އުނދޯލިން ތެދުވެ ގޮސް ހުއްޓިލީ ރެއިލިންގެ ގާތުގައެވެ. ދަގަނޑުގައި ދެއަތް  އަޅުވާލަމުން މޫނު މައްޗަށް އުފުލާލަމުން ދެލޯ މަރައިލިއެވެ. ފުންނޭވާއެއް ދޫކޮށްލި އިރު  އޭނާގެ ބަލިކަށިވެފައިވާ ނަފްސަށް ލިބުނީ އަޖައިބެއް ފަދަ ހިތްހަމަ ޖެހުމެކެވެ. ވައި ރޯޅިތަކާއި އެކު ފަންފަން އިސްތަށިގަނޑު ދެކޮޅަށް ކިރިލަ ކިރިލާ ވީ އިރު ބައެއް އިސްތަށިތަކުގެ ކޮޅުން އެ މޫނައް ދިޔައީ ކުދި ކުދި ގޯނާ ކުރަމުންނެވެ.

މޫސުމީ ހިތްގައިމުކަމަށް ހިތް ދޫކޮށްލައިގެން ހުރި އިރަމް ސިހުނާ އޭނާގެ ޖީބުގައި އޮތް ފޯނު ވައިބްރޭޓްވި އަޑަށެވެ.

”ހައި..“ އައިސް އިން މެސެޖް ކިޔާލެވުނު އިރު އިރަމްގެ ނިތައް ރޫ އަރައިގެން ދިޔައެވެ. ކާކުބާއޭ ހިތައް އެރިއެވެ.

”މޭބީ އޮޅިގެން ކަންނޭގެ “ އަޅާ ނުލާ ފޯނު ނިއްވާލަން އުޅެނިކޮން ދެވަނަ މެސެޖް އައިސްފިއެވެ. “ ހައުޒް ޔޫ؟ ފީލިންގް އެނީ ބެޓާރ؟“

މެސެޖް ކިޔާލި އިރު އިރަމްގެ މޫނުން ފެނުނީ ނުތަނަވަސްކަމެވެ. އޭނާއަށް އެ ކާކުކަމެއް ނޭނގުނު ނަމަވެސް، އެ މީހަކަށް އޭނާ ނޭނގޭނަމަ އެގޮތަކަށް މެސެޖް ނުކުރާނެތާއެވެ. ކުދި ކުދި ކަންކަމާއި ވެސް މިހާރަކަށް އައިސް އިރަމް ނުހަނު ބޮޑަށް ހާސްވެއެވެ. އޭނާ ބިރުގަންނަ ގޮތްވީ އެއީ އަނެއްކާ ރަވީހްގެ ގުރޫޕްގަނޑުން މީހަކު ބާއޭ ހީވެފައެވެ.

“ ސީން ކޮށްފަ ޖަވާބެއް ނުދީ، ކާކު ކަމެއް ނޭނގިފަ ދޯ ތިހުންނަނީ؟  ހެހެހެ..އަމް ސަދަފް.. “

ސަދަފް ކަން އެގުމުން ގަނެފައި ވީ ހުރިބިރަކާއި ހާސްކަމެއް އެކުއެކީގައި ފިލާދިޔައެވެ. އިރަމްގެ ތުންފަތައް ވެރިވީ ރީތި ހިނިތުންވުމެކެވެ. އަލުން އެނބުރި އުނދޯލީގައި އިށީންދެލިއެވެ.

”އިޒް  ދެޓް ޔޫ؟ ކުރިއާއި ބަލާފަ ވަރަށް ބޮޑަށް ރަނގަޅު..“ ސަދަފްގެ މެސެޖެއް ޖަވާބު ފޮނުވާލިއިރު އިރަމްގެ ތުންފަތުން އެ ހިނިތުންވުން ނުފިލައެވެ.

”މްމް އޯކޭ.. ސީ ޔޫ ދެން.. “

”އޯކޭ“ ފަހު މެސެޖް ކޮށްލާފައި އިރަމް ވިސްނާލިއެވެ.

”ސަދަފް އެހާ ބޮޑު ކަމެއް ދެފަހަރަށް ކޮށްދިނީމަ ވެސް އަހަރެން އެންމެ ފަހަރަކު ވެސް އަދި ޝުކުރުގެ ބަހެއް ނުބުނަން.. އޭމް އައި ވިއާރޑް؟ އޭނާ ހިތައް އަރާނީ ވެސް ކީކޭ.. މީ ކަމެއް ކޮށްދޭވަރުގެ މީހެއް ނޫނޭ ހިތައް އަރާނެ ޔަގީން ..އާހްހް.. އިރަމް ތީ ހަމަ މޮޔައެއް“ އަމިއްލަ ބޮލުގައި އިރަމްއަށް ޖަހައިލެވުނެވެ. ތުންފަތް ހަފާލަމުން އިރަމް އަނެއްކާ ވެސް ފޯނު ނަގާފައި ސަދަފްއަށްގެ ކޮންވޯއަށް ވަނެވެ. ކީބޯޑުގައި އިނގިލިތަކުގެ ކުރި ހާކަލަމުން މެސެޖް އެއް ލިއުމުގެ މަސައްކަތް ފެށިއެވެ.

”ވަޓް ޝުޑް އައި ރައިޓް؟“ ދެތިން މިނެޓު އެގޮތުގައި އިން އިރުވެސް ލިއާނެ ވަކި އެއްޗެއް ހިތައް ނައުމުން މާޔޫސް ކަމާއި އެކު ކަރު އެލުވާލެވުނެވެ. އެއީ ދުވަހަކު ވެސް ވީ ގޮތެއް ނޫނެވެ.

***

އޮފިސް މޭޒު ދޮށުގައި އިން އިރު ސަދަފް ގެ މޫނުމަތީގައި އުފާވެރި ހިނިތުންވުމެއް ވިއެވެ. އަތުގެ ތެރޭގައި އޮތް ފޯނު އަބުރާލަމުން މޭޒުގައި ބާއްވާމުން ކުރިން ކުރަންއިން މަސައްކަތައް އަލުން ރުޖޫއަ ވެލިއެވެ. އިރަމްގެ ހާލަތު ބަލާލެވުމުން ހިތައް ލިބިފައިވަނީ އަޖައިބެއް ފަދަ ހިތްހަމަ ޖެހުމެކެވެ.

ވަކި ގޮތައް ނުދެކެވުނު ނަމަވެސް، އިޔާންއާއި ނާޔާގެ ކޮއްކޮއަށް ވީތީ އިރަމްއާއި މެދު ސަދަފް ނުހަނު ކަންބޮޑުވިއެވެ. ދިރުމެއް އެ ލިބުނީ އިރަމްގެ މެސެޖައް ފަހުއެވެ.

”ޝެޑީ“ މަސައްކަތައް ސަމާލްކަން ދީގެން އިންދާ ސިހުނީ ކެބިންގެ ދޮރު ހުޅުވާލުމަށްފަހު އެތެރެއަށް ވަދެގެން އައި ޔުމާން ގޮވާލިއެވެ.

”ކީކޭ  ދޮންބޭ“

”ދޮންބެ ބުނީ ބުލޫ މޫން ރިޒޯޓުން އަނެއްކާ ވެސް ގެސްޓުންގެ ކޮމްޕްލެއިން އަންނާތީ މިފަހަރު މި ގަސްތުކުރަނީ ހަމަ އެކޮޅަށްދާން.. ކުރީ ފަހަރު ވެސް ދާން އުޅެނިކޮން ސަހީމް ބުނީ ހުރިހާ ކަމެއް ހަމައަކަށް އުޅުނު ވާހަކަ..އެކަމަކު އަނެއްކާ ވެސް އެތައް ކޮމްޕްލެއިން އެއް“ ޔުމާންގެ އަޑުގައިވީ ނުތަނަވަސްކަމެވެ. ސަދަފް ވެސް މަސައްކަތް ހުއްޓާލަމުން ޔުމާންއަށް ސަމާލްކަން ދިނެވެ.

”އަހަރެމެންގެ ފަސް ރިޒޯޓު އޮތް އިރު، ބާކީ އޮތް ހަތަރު ރިޒޯޓުން ކޮމްޕްލެއިން ނާންނައިރު މި ރިޒޯޓުން ކީއްވެބާ މިހާ ގިނައިން ކޮމްޕްލެއިން މި އަންނަނީ..؟“

”އެވާހަކަ ތާ.. ކުރީ ފަހަރު ބައްޕަ ވަރަށް ހިތްހަމަ ނުޖެހިފަ ހުރީ.. ޝަހީމުމެން ވެސް މަ ދޫދެނީހެން ހީވަނީ.. އަދި އެހެން ވާހަކަ އެއް ވެސް އަޑުއަހައިގެން މިދަނީ..“

”ކޮން ވާހަކައެއް؟“ ސަދަފްގެ ޖުމަލްއިން މިފަހަރު ޔުމާންއަށް ތުންފަތް ހަފާލެވުނެވެ.

”ދަތިންގް އިޒް މާއިން ބާރު ފޯރުވައިގެން އެ ރިޒޯޓުއަށް އެބަތިބި މިދިޔަ ހަފްތާގެ ތެރޭގައި ހަތަރު މީހަކު ނަގާފަ.. އެވެސް  ހުސް މެނޭޖާރ ލެވެލްގެ ވަޒީފާ.. މިއަދު އެތަނުގަ ވަރަށް ގިނަ ދުވަސްވީ ސްޓާފެއްގެ ފަރާތުން އެ ކޮމްޕްލެއިން އައީ…ރިޒޯޓްގައި އެތިބި އެޗް އާރ މީހުން ވެސް ހީވަނީ ވެކޭޝަން މޯޑްގައި ތިބިހެން.. އެތަނުގައި ހިނގާ އެއްވެސް ކަމެއް އެނގޭކަމަކަށް ނުހަދާ..“ ޔުމާންގެ ހިތްހަމަ ނުޖެހިފައި ހުރެ ކިޔައިދިނެވެ. ސަދަފް ވެސް ހައިރާން ވިއެވެ. މާއިންއަކީ ހައިކަލްގެ ވިޔަފާރީގެ އެއްވެސް ކަމަކާއި ނުގުޅި ދުރުން އުޅޭ ޒުވާނެކެވެ. ހައިކަލް އާއި އާމިލާގެ އިތުރުން، އޭނާ ވެސް މިހާރު އެތައް ފަހަރަކު އޮފީހަށް ނުކުންނަން މާއިން ގާތު އެދެފިއެވެ. އެކަހަލަ ވިސްނުމެއް ވެސް ނުގެންގުޅެއެވެ.

”އެކަމަކު މާއިން؟ “ ސަދަފްއަށް އެހުނެވެ.

”ޔާހްހް.. ހަމަ މާއިން އޯ.. ގަބޫލް ކުރަން ވެސް އުނދަގޫ ވެފަ މިހުންނަނީ.. މާއިން އަށް ވެސް އެނގެންވާނެ އެ ގޮތައް ޖޮބްތައް މީހުންނަށް ދިނުމަކީ ބައްޕަ ކިހާ ނުރުހޭ ކަމެއްކަން.. އެންމެ ކުޑަ މިނުން އިންޓަވިއު އެއްވެސް ކޮށްފަ ނެތް.. ތައުލީމް ހޯދި ތަނެއް އަދި ކުށުގެ ރިކޯޑެއް ފެންނާކަށް ނެތް.. މިއަދު އެކޮޅުން ގުޅި ސްޓާފަކީ އެތަނުގަ ގިނަ ދުވަސްވީ އަދި މާސްޓާރސް ހަދާފަ ހުރި ތައުލީމީ ފަރާތެއް.. އެކަހަލަ މީހުންނަށް ވެވޭ ކިހާ ބޮޑު ބޭއިންސާފެއް ދޯ މިއީ..“

”އާހްހްހް.. ތިވާހަކަ އިވިއްޖެއްޔާ ބައްޕަ ވަރަށް ހިތްހަމަ ނުޖެހޭނެ .. ދޮންބެއާއި އެއްކޮން އަހަރެން ދަންތަ؟“

”ނޫނޭ މިހެން ހަދާނީ.. ބައްޕައަށް އެގިއްޖެޔާ ވަރަށް ގޯސްވާނެ.. އެކޮޅުގައި ވެސް ބުނެލާފަ އިންނާނެ ބައްޕައާއި ހަމައަށް އަދި ނުގެންދަން.. އަހަރެމެން ދެމީހުން އެއްކޮން ގޮސްފިއްޔާ ސުވާލް ވެސް އަންނާނެ… އެހެންވީމަ ވިޝާމްއާއި އެއްކޮން ދޮންބެ ދާނަން..އެކޮޅަށް ގޮސްލާފަ ކަންކަން ބަލާލާތި އިނގޭ“ ޔުމާން އެދުމުން ސަދަފް ބޯޖަހައިލިއެވެ.

ޔުމާން ނުކުމެގެން ދިޔުމުން އަނެއްކާ ވެސް ސަދަފްއަށް ގޮނޑީގެ ތެރެއަށް ޖެހިގަނެވުނެވެ. މިއަދުގެ މަސައްކަތުގެ ބުރަދަން އިޙުސާސްވެގެން ދިޔަ ހިނދު ސަދަފްއަށް ބިމުގައި ދެފައި ތަޅައިގަނެވުނެވެ.

”މީނަ އަހަރެމެން ތިން މީހުންނަށް އެހީއެއް ނުވާތާ އިތުރު ޓްރަބަލް ހަމަ ހޯދަނީ.. ޓްރަބަލް މޭކާރ“ ސަދަފް ހުރީ މާއިން ދެކެ ނުހަނު ބޮޑަށް ހިތްހަމަ ނުޖެހިފައެވެ. ފޯނު އަނެއްކާ ވެސް ވައިބްރޭޓް ވި އަޑު އަހާފައި ކަންނެތް ކަމާއި އެކު ސަދަފް ފޯނު ހުޅުވާލިއެވެ.

”އާރ ޔޫ ފްރީ ޓްމޯރޯ ނައިޓް ޓްނައިޓް؟“ އައިސް އިނީ އިރަމްގެ މެސެޖެކެވެ. މެސެޖް ކިޔާލެވުނުއިރު މާއިންގެ ސަބަބުން އައިސް ހުރި ރުޅި ވަތް ތަނެއް ވެސް ނޭނގުނެވެ. ނޭނގޭ ސަބަބަކާއި ހިތައް އުފާވެރިކަމެއް ލިބުނެވެ.

”ޔެސް އަމް ފްރީ.. ވަޓް ހެޕެންޑް؟“ މެސެޖް ލިއެ ފޮނުވާ ނިންމާލި، އިރުކޮޅެއް ކުރިން މަސައްކަތް ބުރަވެގެން ބޮޑާ ހޭކުނު ހަދާންނުވާ ކަހަލައެވެ. އިރަމްއަށް އެ ޖަވާބު ދެވުނީ ކީއްވެކަމެއް ހުދު ސަދަފްއަށް އަކަށް ވެސް ނޭނގުނެވެ.

”ކެން ވީ ގޯ އައުޓް ފޯރ އަ ޑިނާރ؟.. އިޓްސް އޮން މީ.. އައި ވޮނަ ސޭ ތޭންކިއު ޕްރޮޕަރލީ“

”އިޓްސް ނަތިން.. އެ މަގާމުގަ ކޮންމެ އަންހެން ކުއްޖަކު ހުރި ކަމުގައި ވީ ނަމަވެސް، އަހަރެން  އެގޮތައް ކަންތައް ކުރާނީ.. ބަޓް ވީ ކޭން ސްޓިލް ގޯ ފޯރ ޑިނާރ“

’ހެޕީ ފޭސް’އަކާއި އެކު އެންމެ ރަނގަޅު ކަމުގައި ބުނަމުން ދާންވީ ތަނާއި ގަޑި އިރަމް ބުނެދިނެވެ.

އިރަމް ގަޑި ބުނުމާއި އެކު އެގޭ ކައިރިއަށް ކާރުގައި ބަލައި ދާނެ ވާހަކަ ސަދަފްއަށް ބުނެލިއެވެ. ސަދަފް އަށް ހީލެވުނެވެ. ނަމަވެސް ހިތުތެރޭގައި ކުޑަ ނުތަވަސް ކަމެއް ވެއެވެ. އިރަމްއާއި އޭނާއާއި ދެމެދު ގުޅުމެއް ނެތެއް ކަމަކު އެކުގައި ފެނިއްޖެނަމަ އިޔާން ހަދާނީ ކިހިނެތްބާއޭ ހިތައް އަރަމުން ދިޔައެވެ.

*****

ހުދު ކުލައިގެ ޔުނީފޯމާއި ކަޅުކުލައިގެ އޭޕްރޯނުގައި ހުރިއިރު އަމީރާއާއި ނުހަނު ގުޅެއެވެ. ބޮލުގައި އަޅާލެވިފައި އޮތް ކޯރި އިން އޭނާގެ ޝަހުސިއްޔަތު އިތުރަށް ވަރުގަދަ ކަމަށް ދައްކައެވެ. ކަޓީންގ ބޯޑުގެ މަތީގައި ފަހަރަކު ތަރުކާރީއެއް ކޮށަމުން ދިޔައިރު ނުހަނު ފާޑުވެރިއެވެ. އެހާމެ އަތްމަތި ހަލުވިއެވެ. އެ މައްސައްކަތުގައި އުޅެމުން ދޭތެރެއަކުން އުނދުން މަތީގައި ކެކެމުން ދިޔަ ދެ ތެލި ހާކާލައެވެ.

އަމީރާ ކައްކަމުން ދިޔައީ ބަދިގެ ތެރޭގައި ވަކިން އޭނާ އަންނާތީ ތައްޔާރު ކޮއްފައިވާ   މޭޒެއްގައެވެ. އެތަނަށް އެހެން ޝެފުން ގާތް ނުވާން އާމިލާ ވަނީ އަންގާފައެވެ. އާމިލާއާއި އެވަގުތު ހުސްކޮން ތިބި ޝެފުން  އަމީރާގެ  މަސައްކަތް ބެލުމަށްޓަކައި ދުރުގައި ތިއްބެވެ.  އެ  ހުނަރުވެރިކަމަށް ގެއްލިފައި ތިބި އިރު ތައުރީފްގެ ބަސްތައް އެމީހުންގެ އަނގައިން މެދު ނުކެނޑި އިވެއެވެ.

”އަމް އިމްޕްރެސްޑް.. ވަޓް ޑޫ ޔޫ ގާއިޒް ތިންކް؟“

”ޔޫ އާރ ރައިޓް މެޑަމް.. އައި މީން ޝީ އިޒް ސޯ ޔަންގް، ޔެޓް ދޯޒް ސްކިލްސް އެމޭޒް މީ“ އާމިލާ ވާހަކައަށް އެއްބަސް ވުމުގެ ގޮތުން އެހެން ޝެފެއް ވެސް އިތުރު ކޮށްލިއެވެ. މުޅި ތަނުގައި ދުވަމުން ދިޔައީ ބަނޑު ފުރޭހާ މީރުވަހެކެވެ. އާމިލާ ދީފައިވާ ވަގުތުގެ އެއްގަޑި އިރު ބާކީ އޮއްވާ،  އަމީރާ ހުރިހާ ކެއްކުމެއް ނިންމާލެވުނެވެ.

އާމިލާގެ ދެލޮލުން ވިދަމުން ދިޔައި ފަނޑު ތެތް ކަމެކެވެ. އަމީރާގެ ހުރިހާ ކަމަކަށް ސަމާލުކަން ދީގެން ހުރިއިރު، އެ އަންހެން ކުއްޖާގެ ކޮންމެ ހަރަކާތަކުން، ގެއްލިފައިވާ އޭނާގެ ފުރާނަ ފަދަ ލޯބިވާ ދަރިފުޅުގެ ހަނދާން އާވެއެވެ. ދެލޮލުން ފޭދިފައިވާ ފެންތިކި ހިންދާލަމުން އާމިލާ ހިންދިރުވާލިއެވެ.

”އެމީ ނިމުނީ ތަ؟“ އާމިލާ ގޮވާލިއެވެ. އަމީރާ ލުއި ހިނިތުންވުމެއްގައި ހުރެ އަވަސް އަވަހަށް ބޯޖަހައިލިއެވެ. އަމާޔާ ވެސް ކަމެއްގައި އުޅެނިކޮން އާމިލާއަށް ގޮވާލެވިއްޖެ ނަމަ ބޯޖަހާލާނީ އެގޮތަށެވެ. ހާދަ އެއްގޮތެވެ. ތަފާތެއް ނެތެވެ. އާމިލާއަށް މިއަދު މާ ވަރަކަށް އަމީރާގެ ބުޅި އިސްތަށިކޮޅަށް ބެލިއްޖެއެވެ. ހާލަތާއި ނުބައްދަލު މާ ގިނަ ހިޔާލްތައް ހިތުގައި ބޮނޑިވެގެން ދާން ފެށުމުން ދެ ފަރާތައް ބޯ ހޫރު ވާލެވުނެވެ.

އަމީރާ ތައްޔާރު ކުރި ކާތަކެތި ބެހެއްޓުމަށް ހުރި މޭޒުގެ މައްޗަށް ހުރިހާ ސާމާނެއް ގެންދެވުނު އިރު ފަހަރަކު ތައްޓަކަށް އެންމެ ފަހު ފަހަރަށް ބަލައިލެވުނެވެ.

”އެވްރީތިން ލުކްސް ގްރޭޓް.. އިޓްސް ޓާއިމް… ޑަން“ މަސައްކަތް ނިމިގެން އަންގާލުމުން އާމިލާގެ ފަހަތުން ހެން އެހެން މީހުންވެސް ވަނެވެ.

”އަޅުގަނޑު ތައްޔާރު ކުރީ  ޓޫ މެއިން ކޯސް އާއި ސެލެޑެއްގެ އިތުރުން ދެޒާރޓެއް.. ދިޒް އިސް ސީ ފުޑް ޕައެއްލާ.. ދެން ހިޔާރ އިޒް ގަޒްޕާޗޯ.. އެންޑް ސެލެޑް އަކަށް މިހުރީ ޕިޕިރަންނާ.. ޑެޒާރޓް އަކަށް އަޅުގަނޑު ތައްޔާރު ކުރީ ކްރީމާ ކަޓަލާނާ..“ ކޮންމެ އެއްޗެއްގެ ފުރިހަމަ ތަފްސީލް އަމީރާ ކިޔައިދެމެން ދިޔައެވެ. އެންމެންގެ މޫނުމަތީގައި ވަނީ ޝައުގުވެރިކަމެވެ. އަމީރާގެ ވާހަކަ ނިމުމުން އާމިލާއަށް ތައުރީފް ނުކޮށްލާ ނުހުރެވުނެވެ.

”ޕްރެސެންޓޭޝަން ވަރަށް ވަރަށް ފުރިހަމަ.. މާޝާﷲ.. ވަޓް އަ ކްރިއޭޝަން.. ހިނގާ ދޯ އިންސާފް ކުރަން.. މިހާރު މި ދުވާ ވަހުން ވެސް ހުރެވެނީ އެއްނޫން“ ފަހަރަކު ތައްޓަކާއި ގާތްވަމުން އާމީލާ ދިޔައީ ރަހަބަލަމުންނެވެ. އަނގަޔަށް ފުރަތަމަ ސުވާއާއި އެކުވެސް އޭނާގެ މޫނުމައްޗަށް ވެރިވާ ޝުއޫރުތަކުން ރަހަތައް ނުހަނު ކަމުދާކަން ހާމަވެއެވެ.

”މްމްމް..އޯހް މައި ގޯޑް..ފްރޮމް ވެއާރ ޔޫ ލާރންޑް އޯލް ދީޒް؟ ވޯހް.. ޖަސްޓް ވޯހް..ދުވަހަކު ވެސް ނުކަން  މިހ މީރު ސްޕެނިޝް ކެއުންތަކެއް…އައި ކޭންޓް ބިލީވް…ހާދަ މީރޭ.. ކޮންމެ އެއްޗެއް ވެސް ވަރަށް ފްލޭވާރފުލް..ހަމަ ބުނެދޭން ވެސް ނޭނގޭ..“ އަމީރާގެ ކޮނޑުގައި ހިފަހައްޓާލަމުން ނުހަނު ބޮޑަށް ހިނިއައިސް ހުރެ އާމިލާ ހުއްޓުމެއް ނެތި ތައުރީފްގެ ބަސްތައް އޮއްސަމުން ދިޔައެވެ. އަމީރާގެ މޫނުން ލަދުވެތި ހިނިތުންވުމެއް ފެނިގެންދިޔައެވެ.

”މްމްމް.. ދިޒް އިޒް ކްރޭޒީ.. ހަމަ ޝެފް ކިސް“ އާމިލާއަށް ފަހު ކާތަކެއްޗަށް ކައިރިވެލި ޝެފުންގެ އަނގައިން ވެސް މެދު ނުކެނޑި އެ ބަސްތައް އިވެމުން ދިޔައެވެ. ދާދި މަދު ސިކުންތުކޮޅެއްގެ ތެރޭގައި ހުރިހާ ސާމާނެއް ހުސްވެގެން ދިޔައިރު އަދިވެސް ބޭނުންވާ ކަމަށް އެންމެން ބުނަމުން ދިޔައެވެ.

”ތޭންކިއު އޯލް.. ވަރަށް އުފާ ވެއްޖެ ކަމުދިޔައީމަ“ އަމީރާގެ ހިތައް ލިބިފައިވާ ހިތްހަމަ ޖެހުނު ދެގުނަވެގެން ދިޔައީ މަޖުދާގެ ޖުމްލަ އިވިފައެވެ.

”އެމީ ޔޫ ޑިޒާވް އަ ޕްލޭސް.. ޔޫ އާރ ހަޔާރޑް.. މާދަމާގެ ހަވީރް ހަތަރެއްގެ ކުރިން އަންނަން ވާނެ އިނގޭ“

އަމީރާއަށް ބޯ ޖަހައިލެވުނު އަދަދެއް ވެސް ނޭނގެއެވެ. އެ ހަބަރު އެންމެ ފުރަތަމަ އޭނާ ދޭން ބޭނުންވީ މަޖުދާއަށެވެ. އެއީ އެކަމަށްޓަކައި އޭނާއަށް އެންމެ ހިތަވަރުން ދޭ ފަރާތެވެ. އެއަށްފަހު ނަދީމްއާއި އެ ލޯބި އެއާއިލާއެވެ. އެމީހުން އުފާވާނެ ވަރު އަމީރާއަށް އިޙްސާސްވެއެވެ.

އެންމެންގެ ފުށުން ސަލާމަތްވެގެން ފޯނާއި ހިސާބަށް ދެވުނު އިރު ރޭގަނޑުވެ އަށެއް ޖަހަނީއެވެ. އަމީރާގެ ލޯ ބޮޑުކޮށްލެވުނެވެ. އޭނަ އެ ތަނަށް އައީ މެންދުރު އެވެ. އެހާ ގިނަ ވަގުތު ހަމަ ހޭދަ ވެއްޖެބާއޭ ހީވިއެވެ. ކެއްކުމުގައި އުޅެން ފަށައިފިނަމަ ވަގުތު ހިނގައިދާ ގޮތްވެސް އޭނައަށް ނޭނގެއެވެ. އަމީރާ ބޭނުންވީ އަވަހަށް ގެއަށް ދިޔުމަށެވެ. ގެއްލިގެން ދިޔަ ނަމާދުތައް ކުރުމަށް އޭނާ ބޭނުންވިއެވެ.

”ހޭއި.. އަމީރާ“ އާމިލާގެ ހުއްދަ ލިބުމުން އަމީރާ ދަބަހާއި ފޯނު ހިފައިގެން ނުކުންނަން ދިޔަ ހިނދު ހުއްޓުނީ ފަހަތުން އޭނާގެ ނަމުން ގޮވާލި އަޑުއަހާފައެވެ. އަމީރާ ބަލައިލި އިރު ޒުވާން އަންހެން ކުއްޖެކެވެ. ހިތްހެޔޮ ހިނިތުންވުމެއްގައި އޭނާ ހުރިއިރު އަމީރާ ވެސް ހީލިއެވެ.

”ހޭއި އަމް ލައިބާ.. ވީ މެޓް އާލިއާރ ރައިޓް؟ “ ލައިބާ އެބުނީ ކާ ތަކެއްޗަށް އިންސާފް ކުރި އިރުގެ ވާހަކަ ކަން އެނގި އަމީރާ ބޯޖަހާލިއެވެ. އެންމެންނަށް ކާ އެއްޗިހި އަޅާދެމުން އޭނާ ލައިބާއަށް ވެސް ދިން ހަނދާންވިއެވެ.

”ޔެސް އައި ގެސް.. ބައި ދި ވޭ، ނައިސް ޓް މީޓް ޔޫ“ ހިތްހެޔޮ ހިނިތުންވުމުގައި ހުރެ އަމީރާ ސަލާމަތް  އަތްދިއްކޮށްލިއެވެ. ލައިބާގެ މިޒާޖުން އެއީ ހިތްހެޔޮ ކުއްޖެއްކަން އަމީރާ ދެނެގަތެވެ. މާ ގިނަ އިރެއް ނުވެ އެކުވެރިއެއް ފަދައިން ލައިބާ ވާހަދައްކަން ފެށިއެވެ. އޭނާއަށް ވުރެން ދެ އަހަރު ލައިބާ ދޮއްޓެވެ. ނަމަވެސް ވާޙަކަ ދެކެވުނު އިރު ދުރުކަމެއް ނުވެއެވެ.

”ހާދަ ބޯރޑް ވެފަ އޭ ލައި ހުންނަނީ.. އެންމެން ވެސް ވަރަށް ރަނގަޅުވާނެ ބަޓް ދެން އޭޖްގެ ގޮތުން ވަރަށް ޑިފަރެންސް ހުންނަ  މީހުން ތިބީ ދޯ.. އޮންލީ ލައި މިތާގަ ކުޑަ ކުއްޖަކަށް އުޅުނީ…ދެން ހުސް ބޮޑެތި މީހުން.. އެމީ ވާނެ ސްޕެނިޝް ޑިޝެސް ދަސްކޮށްދޭން އިޓް ވޯޒް ޓޭސްޓީ.. އައި ކާންޓް ބިލީވް ހަމަ..ސެމިއުލްގެ ކެއްކުމަށް ވުރެން އެތައް ގުނައެއް ސަޅި“

“ ދެން އަނެއްކާ ލަދު ގަންނަވަން އިނގޭ ތި ފެށީ.. ހެހެހެ..ވެއިޓް އަހަރެމެން ދެމީހުންނަށް ވުރެން ހަގު ކުއްޖެއް ނެތިއްޔާ އެއްގޮތަކުން ރަނގަޅޭ.. ވީ ކޭން ހޭންގްއައުޓް މޯރ“ ލާނެތް ހިނިތުންވުމެއް އަމީރާ ވެރިކޮށްލިއެވެ. ލައިބާ ވެސް ހޭންފެށިއެވެ. އަދި އަމީރާއާއި އެއްބަސްވުމުގެ ގޮތުން ބޯ ޖަހައިލިއެވެ.

”މްމްމް އެންމެ ރަނގަޅު ސްޕެނިޝް ޑިޝަސް ދަސްކޮއްދޭނަން.. އެކަމަކު އޭގެ ބަދަލެއްގެ ގޮތުގެ މިޑްލް އީސްޓްގެ ކެއުންތައް ދަސްކޮށްދޭން ވާނެ.. އޯކޭ؟“ އަމީރާ އެދުނެވެ. ލައިބާ އުފަލާއި އެކު ބޯޖަހާލިއެވެ. ލައިބާ އަކީ މެދުއިރުމަތީގެ ހާއްސަ ކެއުންތައް ތައްޔާރު ކުރުމުގައި އުޅޭ ޝެފެކެވެ.

ދެޒުވާނުން ވާހަކައިގާ ތިބެ ލިފްޓަށް އަރައިގެން ތިރިއަށް ފޭބިއެވެ. ދެމީހުން މަޑުކޮށްލީ ބޭރުގައިއެވެ. މަޖުދާ މެސެޖްކޮށްފައި އޭނާ ބަލައި އިޔާން އަންނާނެ ވާހަކަ ބުނުމުން ހިތް ޒާތަކަށް ތެޅެމުން ދިޔައެވެ. އިއްޔެގެ ޖަގަޑާއަށް ފަހު އޭނާ އިޔާން އަދި ނުދެކެވެ. މިއަދު އައީ ވެސް ނަދީމްއާއި އެކު އެ ކާރުގައެވެ. ރެސްޓޯރެންޓް ކުރިމައްޗަށް ވާހެން ހުރި ބިޔަ އިމާރާތުން އޭނާގެ ނަޒަރު ކަސިޔާރު ނުވެއެވެ. ކަޅިޖަހައިނުލާ ބެލެމުން ދިޔައީ  އިޔާން ނުކުމެގެން އަންނާނެ އިރަކަށެވެ.

”އެމީ ހާދަ ވަރަކަށޭ ޕޮލިސް ސްޓޭޝަނަށް ތިބަލަނީ.. ބީ އެފް އަކީ ފުލުހެއްތަ؟“ ލައިބާ ލާނެތްކަމާއި އެކު އަހައިލިއެވެ. އަމީރާ ތެޅިގަނެފައި ނަޒަރު ދުރުކޮށްލިއެވެ.

”ހެހެހެ ނޫނޭ.. އެތަން ރީތިވެ ބަލައިލީ .. ވަރަށް ސަޅި ދޯ އެހެރަ ބަގީޗާ ގަސްތައް ބޭރުގައި ހުރި ގޮތް.. “ އަމީރާގެ މޫނަށް ވެރި އަސަރުތައް ފޮރުވާލުމުގައި ނުހަނު ކާމިޔާބެވެ. ލައިބާ ވެސް އަމީރާގެ ވާހަކައެއް ބޯޖަހާލަމުން އެ ގަސްތަކުގެ ރީތި ކަމުގެ ވާހަކަ ދެއްކިއެވެ. އެހެން ތިއްބާ އެ އިމާރާތުން ލައިބާ އިންތިޒާރުކުރި ފަރާތް ނުކުމެގެން އައެވެ. އޭނާގެ ފަހަތުން އިޔާން ވެސް ނުކުމެގެން އައެވެ.

އާޝޯހްވެފައި އަމީރާއަށް ބަލަހައްޓައިގެން ހުރެވުނީ އިޔާން މިރޭ ތަފާތު ކަމުންނެވެ. ކަނޑު ނޫކުލައިގެ ފުލުސް ޔުނީފޯމްގައި ހުރި އިރު ތޮފި އޮތީ އަތުގައެވެ. އާންމު ގޮތެއްގައި އިޔާން އޮފީހަށް އަންނަނީ އާދައިގެ ހެދުމުގައެވެ. އެކަމާއި ސުވާލް އުފެދިގެން މީރާން ކުރެން އެއްދުވަހު އެހި ހިނދު އޭނާ ބުނި ގޮތުން، އިޔާންގެ މަގާމު މަތިވުމުގެ ސަބަބުން ހާއްސަ ކަމެއް އޮތިއްޔާ ނޫނީ ޔުނީފޯމް ލާކަށް ނުޖެހޭނެއެވެ. މިއަދު އެގޮތައް ފެނުމުން ހައިރާންވި ނަމަވެސް އަހާކަށް ވެސް ނުކެރޭނެއެވެ.

”ހާއީ ދޫނީ“ ލައިބާގެއަތުގައި ހިފާލަމުން ސައިމަން ބުނެލިއެވެ. ލައިބާ ވެސް ހިނިތުންވެލަމުން ސައިމަންގެ އަތުގައި އޮޅިގަތެވެ.

”އެހެމް.. އެހެމް“ އިޔާންއަށް ސައިމަން ފެނުމުން ދިމާ ނުކޮށްލާ ނުހުރެވުނެވެ. އަންހެންކުއްޖަކާއި އެކު ސައިމަން އެ ފެނުނީ މުޅިން އަލަށެވެ. ސައިމަން ލަދުން ހުރެ ވެސް ހިނިގަނޑެއް ޖަހައިލިއެވެ.

”ހެހެހެ.. ލައި..މިހުރީ އަހަރެންގެ ބޮސް.. ސާރ ދިސް އިޒް މައި ވައިފް ޓް ބީ“ ސައިމަން ދައްކާލީ ލައިބާއެވެ. އިޔާން ފުރިހަމަ ހިނިތުން ވުމެއް ލައިބާއަށް ދިނެވެ.

”އެންޑް  ހިޔާރ އިޒް މައި ފްރެންޑް އެމީ.. “ އަމީރާގެ އަތުގައި ލައިބާ ހިފާލަމުން ސައިމަން އަށް ދައްކާލިއެވެ.

”ހެލޯ.. ނައިސް ޓް މީޓް ޔޫ..“ ސައިމަން ސަލާމަތް އަތް ދިއްކޮށްލުމުން އަމީރާއަށް ބަލައިލެވުނީ އިޔާންގެ މޫނަށެވެ. އިޔާންގެ ނަޒަރުވެސް ހުރީ އަމީރާއަށެވެ. ހީވީ އެހެން ފިރިހެނެއްގެ އަތުގައި އަމީރާގެ އަތްތިލަ ބީހިލަން ނޭދިފައި ހުރިހެންނެވެ. ނަމަވެސް އަލަށް ދިމާވި އެކުވެރިޔާގެ ކުރިމަތީގައި ލަދުގަންނާކަށް ބޭނުމެއް ނުވިއެވެ. ސައިމަންގެ އަތުގައި ހިފާ އަމީރާ ސަލާމް ބަލައިގަތެވެ. ރޭގަނޑުގެ ސަލާމަށް ފަހު ދެމީހުން މިސްރާބު ޖެހީ ސައިމަންގެ ކާރަށެވެ.

”އެމީ ރައިޑްއެއް ބޭނުން ތަ؟“

”ނޫނޭ.. އެމީ ބަލާ އައިސް މިއުޅެނީ “ އަމީރާގެ ގާތައް ޖެހިލަމުން އިޔާން ސައިމަންއަށް ޖަވާބު ދިނެވެ.

ލިބުނު ހައިރާންކަމުން ސައިމަންގެ އަނގަ ހުޅުވުނެވެ. ހުޅުވުނު އަނގަ ލައްޕަން ވެސް އޭނައަށް ނޭނގުނެވެ. ދެމީހުން ފަސް ދީފައި ދަންދެން އޭނާއަށް ބަލަހައްޓައިގެން ހުރެވުނެވެ. އެހެން މީހަކު ނަމަ އެވަރަކަށް ހައިރާނެއް ނުވީހެވެ. ނަމަވެސް އެއީ އިޔާންއަށް ވީތީ ހައިރާން ނުވެ ހުރެވޭނީ ކިހިނެތް ހެއްޔެވެ. ލައިބާ އަވަހަށް ހިނގާށޭ ބުނުމުން އިތުރަށް މަޑުނުކޮށް އޭނާ ހިނގައިގަތެވެ.

އިޔާން އެއްޗެއް ނުބުނެ ހިނގައިގަތީ އަނެއްކާ ވެސް މަގު ހުރަސް ކުރާށޭވެ. އަމީރާއަށް މަގު ހުރަސް ކުރަން ނުކެރޭނެކަން އެނގޭތީ، އަމީރާ ހުއްޓުމުން އެ އަތުގައި އިޔާން ބާރަށް ހިފަހައްޓާލިއެވެ. ޓްރެފިކް ލައިޓް ފެހިކުލައިން ދިއްލުމުން ހިނގައިގަތެވެ.

އިޔާން ހިފަހައްޓައިގެން ހުރި ހިސާބަށް ވަކިން ހީވީ ވިންދު ޖަހަމުން ދިޔަހެންނެވެ. އެ ރައްކާތެރިކަން އިޙްސާސް ވެގެން ދިޔުމުން ހުރަސް ކުރެވުނު އިރުވެސް އޭނާއަށް ނޭނގެއެވެ. އެއަތުން އިޔާން ދޫ ކޮށްލީ ކާރުގެ ކުރީ ސީޓްގެ ދޮރު ހުޅުވާލަ ދިނުމަށްފަހުއެވެ. އެވަރުން ވެސް އޭނާގެ އަނގައިން ބަހެއް ބޭރު ނުކޮށްލައެވެ. އަމީރާއަށް އިޔާންގެ މޫނަށް ބަލައިލެވުނެވެ. ނަމަވެސް އެ މޫނުމަތީގައި އޭނާއަށް ޓަކައި އެއްވެސް ޝައުގެއް ނެތްފަދައެވެ. އަމީރާ ބަލަން ހުރިކަން އެނގިހުރެމެ އަޅައިލުމެއްނެތި ގޮސް ކާރަށް އަރާ ދުއްވާލިއެވެ. މުޅި ކާރު ތެރޭގައިވީ މަރު ފަދަ ހަމަހިމޭންކަމެކެވެ. ނޭވާއެއްގެ އަޑުވެސް ނީވޭ ކަހަލައެވެ.

”އައި ތިންކް ވީ ނީޑް ޓް ޓޯކް.. ޑޫ ޔޫ ހޭވް ޓައިމް؟“ އެންމެފަހުން އަމީރާގެ ދެތުންފަތް ހަރަކާތް ކުރިއެވެ. ނަމަވެސް އިޔާންއަށް އަމީރާ އެއްޗެއް ކިޔައޭ ހީވެސް ނުވާކަހަލައެވެ.

”އައި ސެއިޑް އައި ވޮނަ ޓޯކް އިޔާން“ ދެވަނަ ފަހަރަށް އަމީރާ ބުނި ނަމަވެސް އިޔާން ފުށުން ޖަވާބެއް ނީވުނެވެ. ބުނާށޭ ވެސް، އަޑުއަހާކަށް ބޭނުމެއް ނެތެކޭ ވެސް އޭނާ ނުބުނެއެވެ. އަމީރާ ދެރަވާ ގޮތްވިއެވެ.  އަމީރާގެ ހިތައް ކުރި އަސަރު އެ ދެލޮލުގައި ބަބުޅަމުން ދިޔަ ކަރުނު ތިކިތަކުން ހާމަވެއެވެ.

”އިޔާން ބޭނުން ވީމަ އެހެން މީހުންގެ ކުރިމަތީގަ އަމިއްލަ ހަރުމުދާގަނޑެއް ހެން، މަށާއި ދޭތެރޭގައި ކަންތައް ކޮށްފަ އަދި ދެއްކެން ވެގެން އެމީ އޭ ކިޔާފަ ވާހަކަ ވެސް ދެއްކޭ ދޯ.. ވާހަކަ ދައްކަން ބޭނުން ނުވަންޏާ ފުރަތަމަ ކަމަކަށް ކާރަށް އެރުވީ ކީއްކުރަންތަ؟.. އެވެސް ކުރީ ސީޓަށް..އިޔާން ބަލާ ނަޔަސް ހިނގާފަ ގޮސްފާނަމޭ..“ އެންމެ ފަހުން ވާހަކަ ދައްކަމުން ގޮސް އަމީރާއަށް ރޮވިއްޖެއެވެ.

އަމީރާގެ ވާހަކަ ތަކުން އިޔާން އަތް މުށްކަވާލެވުނެވެ. ކާރުގެ ދުވެލި ބާރު ކުރަމުން ގޮސް ފުލް ސްޕީޑަށް ލިއެވެ. އެތެރެ ހަށީގައިވާ ހައިޖާނުގަނޑު ފުންވެގެން ދިޔަ އިރުވެސް އިޔާން ހަނު އިނެވެ. ރުޅިގަނޑު ދައްކާލީ އަމަލުންނެވެ. އަމީރާގެ މޫނުމަތިން ފެނުނު ބިރުވެރިކަމާއި ދެލޮލުން ފައިބަމުން ދިޔަ ކަރުނުތައް ފެނި ހިތްމަޑުވިއެވެ.  ކާރު ދުއްވަމުން އޭނާ ދުވެލި މަޑުކޮށްލީ ބްރިޖުން ފޭބުމުންނެވެ.

”ކީއްވެތަ މަޑުކުރީ ތި؟.. ދުއްވަން ވީ އެންނު ދެންމެ ތި ދުއްވިހާ ބާރަށް“ އަމީރާ ބުނެލީ ފުދޭ ވަރަކަށް ބާރަށެވެ. ކޮންމެ ވެސް ވަރަކަށް ވާރޭގެ އަސަރު ވެސް އޭރު ދިޔައީ ކުރަމުންނެވެ. ވިންޑް ސްކްރީނަށް އެޅެމުންދިޔަ ފެންތިކިތައް ވައިޕާއިން ފުހެމުން ދިޔައެވެ. އޭސީގެ ސަބަބުން ހަރުލާފައިވީ ފިނިކަން ވެސް އިތުރުވެފައިވާ ފަދައެވެ.

ދެން ވެސް އިޔާން އެއްޗެއް ނުބުނެއެވެ. މިފަހަރު ވެސް ކާރުގެ ދުވެލި ބާރުކޮށްލީއެވެ.

”އާތްތް..“ އަމީރާއަށް ހަލޭއްލަވައި ގަނެވުނެވެ. އޭނާގެ ބޮލުގައި ރިއްސަން ފެށީވެސް އެވަގުތުއެވެ. ބޮލަށް އަރަމުން ދިޔަ އެނބުރުމާއި އެކު ހޮޑު ލެވޭވަރުވިއެވެ.

”ކާރު ހުއްޓާ!.. ހެޔޮ ނުވާނެ!“ އަމީރާއަށް ވާހަކަ ދެއްކޭ ވަރުވެސް ވީ އިރިޔާއެވެ. ރޮވެމުން ދިޔައީއެވެ. އިޔާން ކާރު ހުއްޓުވާލީ ޕާކެއްގެ އެއްފަރާތަށެވެ. އަމީރާ ދޮރު ހުޅުވާލުމަށްފަހު ނުކުތް އިރު ހީވީ މޫނުމައްޗަށް އަނދިރިވެގެން ދިޔަ ހެންނެވެ. އެނބުރުން ފިލަންދެން ފިޔަވަޅެއްވެސް އަޅަން ނުކެރިގެން އިރުކޮޅަކުން ހުންނަން ޖެހުނެވެ. އިރުކޮޅެއް ފަހުން ބޮލަށް ވެފައި ހުރިގޮތް ހަމަ އަކަށް އެޅިގެންދިޔައެވެ.  ނަމަވެސް ހޮޑު ލަވައިގަތީ ނުހަނު ބޮޑަށެވެ. އެންމެ ކައިރީގައި ހުރި ޑަސްޓް ބިނާއި ގާތައް އަމީރާއަށް ދެވުނީ ކިރިޔާއެވެ. ހަށިގަނޑުގައި ވާހާ ހަކަތައެއް ދައްދެން އޭނާއަށް ހޮޑު ލެވެމުންދިޔައެވެ.

”އޯޙް..ޝިޓ*.. އެމީ… އަމް ސޮރީ.. އަމް ސޯ ސޮރީ“ އަމީރާ ކާރު ފޭބުމުން ވެސް އިޔާން ނުފައިބަން އިނދެފައި ވެސް އޭނާ ހޮޑުލަމުންދިޔަ މަންޒަރު ފެނި ސިހުނެވެ. ކާރުގެ ތެރެއިން ނުކުމެ އަމީރާގެ ގާތައް ދެވުނު ގޮތް ވެސް ނޭނގުނެވެ.

އަމީރާގެ ބޮލުގައި އަތް ޖައްސާލި ހިނދު އަތް ފޮޅުވާލަމުން  ދުރަށް ޖެހުނެވެ.  ކޮނޑުގައި އޮތް އަތް ދަބަހުގެ ތެރެއިން ޓިޝޫ އެއް ނަގާ އަނބގަމތި ސާފްކޮށްލާފައި އެތަނުން ދުރަށް ހިނގައިގަތެވެ.  ނަމަވެސް އިޔާން ބާރުގަދަ ދެއަތުގެ ތެރޭގައި އަމީރާ ހިފަހައްޓާލިއެވެ. އަމީރާގެ ދެލޯ ރަތްވެފައިވީ އިރު މެދުނުކެނޑި ކަރުނަ ފައިބަމުން ދިޔައެވެ.

”އަމް ސޯ ސޮރީ.. އައި ޑިޑިންޓް މީން ޓް ޑޫ ދިސް.. އަމް ރިއަލީ ސޮ-“ އިޔާންގެ ޖުމްލަ ފުރިހަމަ ނުވަނީސް އެ ކޯތާފަތައް އަރައިގެން ދިޔައި އަމީރާގެ އަތުގެ ހޫނު ހަމަލާއެކެވެ. ހީވީ ދެލޮލަލުން އަލިފާންކަނި ބުރަމުން ދިޔަހެންނެވެ.  ކަރުނު ތައް ފުހެލަމުން، ވަރުބަލި ކަމާއި އެކު އަމީރާ އަނެއްކާވެސް ހިނގައިގަތީ އިޔާން އާއި ދުރަށެވެ.

”އެމީ ވެއިޓް.. އައި ސެއިޑް އަމް ސޮރީ..އަޑުއަހާބަލަ“ އިޔާން ފަހަތުން އައި ނަމަވެސް އެއްވެސް ފަރުވާލެއް ނުބެހެއްޓިއެވެ. ވާރޭގެ ކަނިތައް ބޯ ކުރަމުންދާން ފެށުމުން މަގުގެ އެއްކައިރިއަށް ހުއްޓި ޓެކްސީއަކަށްއަށް ނެގިއެވެ. ގެއަށް ދާނެ މަގުތައް އެނގުނު ނަމަވެސް މަގު ހުރަސްކޮށްފައި ދާކަށް އަމީރާއަކަށް ލާހިކެއް ނޫނެވެ. ޓެކްސީތަކަށް އެރުމަށް ޖެހިލުންވީ ނަމަވެސް އެނޫން އިތުރު ގޮތެއްވެސް ނެތެވެ.

”ކޮންމެ ފަހަރަކު ތިހެން ހެދީމަ ދެން މަ ވީ ހަމަ އާދޭސް ކުރަމުން ފަހަތުން ދުވަންތަ! އަމީރާއަށް އެކަނިތަ އެނގެނީ ގޮތް ދޫ ނުކޮށް ހުންނަން!.. މައްސަލަ އެއްނެތް.. ކެރެންޏާ ދާންވީ ހަމަ..  ކާރުގަ މި އިނީ… ރުޅި ފިނިވީމަ އާދޭ“ އަމީރާގެ މިޒާޖު ހުރި ގޮތުން އިތުރު އެއްޗެއް ބުނެވިދާނެތީ އިޔާން ކާރާއި ދިމާލަށް ދިޔައެވެ. މިވަގުތު އަމީރާ އޭނާ ދެކެ އައިސް ހުރި ރުޅި ގަނޑު ހައްގުކަމަށް ގަބޫލް ކުރެވެއެވެ. އެހާ ފަސޭހައިން ދޫދީފައި އޭޏާ ކާރަށް އެރީ ވެސް އެހެންވެއެވެ. ނަމަވެސް އެއީ އިޔާންއަށް ހެދުނު އަނެއް ގޯހެވެ. އެވަގުތު ކައިރިއަށް ހުއްޓުނު ޓެކްސީއަށް އެރުމަށްފަހު އަމީރާ ދިޔަތަން ފެނި ގަބޫލްކުރަން އުނދަގޫވިއެވެ.

****

ދެއަތައް ކިރެމުން ކަހަލަގޮތަކަށް މާއިން އައިސް ވަނީ ހަދަން ފަށާފައި ހުރި އިމާރާތެއްގެ ތެރެއަށެވެ. އޭރު ދެލޯ ވެސް ރަނގަޅަށް ނުހުޅުވެއެވެ. ތުންފަތާއި ދެލޮލުގެ އަތިމަތި ހުރީ ކަޅުވެފައެވެ. އެވަގުތުވެސް ރާ ފުޅިއެއް  އަތުގައި އޮތެވެ. ދޭތެރެއަކުން ފުޅީގައި ތުން ޖަހާލާފައި ކޯވަރުތައް ބޯލައެވެ. ގައިގާ ވާ އަންނައުނު ތައް ވެސް ހީވަނީ ދޫ ކަމުން ސޮއްސިގެން ގޮސްފާނެހެންނެއެވެ. ނުހަނު އުނދަގުލުން ސިޑިތައް ގިރާކުރުމަށްފަހު އިމާރާތުގެ ހަވަނަ ފަންގިފިލާއަށް އެރިއެވެ.

އެތަނަކީ މާއިންއާއި އޭނާގެ ހާއްސަ އެކުވެރިންގެ ސިއްރު މަންޒިލެވެ. އެމީހުންގެ ވިޔަފަރިއާއި ސައްލާތައް ކުރާ މައިޒާނެވެ. ފަންގިފިލާގައި ވީ ހަމައެކަނި ކޮޓަރީގެ ދޮރު ކައިރިއަށް ހުއްޓި އަތުގައި އޮތް ތަޅުދަނޑި ތަޅުވަޅަށްލުން ވެސް ވީ އޭނާއަށް ބޮޑު ކަމަކަށެވެ. ލޯ ނުހުޅުވޭތީ ތަޅުދަނޑި ސީދާވާ ގޮތެއް ނުވިއެވެ. އެންމެ ފަހުން ދޮރުގައި ޖަހާލިއެވެ.

”މަށޭ މީ ހުޅުވާ“ އަމުރު ކޮށްލި ހިނދު މާ ގިނަ އިރެއް ނުވެ ދޮރު ހުޅުވައިފިއެވެ.

”ކައެ ހާދަ ވަރަކަށް ކެނޑ*ފައޭ ތިހުރީ.. ބަސްޓް ވެދާނެ އެންނު ތިހެން އުޅެނިކޮން.. “ ވާހަކަ ދެއްކީ އޭނާގެ އެކުވެރިއާ ހާނިމްއެވެ. އެވަގުތު ހުރީ އޭނާ އެކަންނެވެ.

”ކައެ ރިޒޯޓުގަ މަޑުނުކޮށް އައިސްގެން ތިއުޅެނީ ކީއްކުރަންތަ؟ ކޮބާތަ ސަފްރާޒް އާއި މާޒިން އާއި ޖޫދް؟ އެމީހުން ރިޒޯޓް ގަ ތަ؟“

“ އެ ތަނަކުން ރަލެއް ނުލިބެއޭ .. ކަލޭ ބުނީމެންނު ކަލޭގެ އަގު ވެއްޓޭހެން ނޫޅެން ..އޭރުން ބަސްޓް ވެދާނެއޭ..މަށަކަށް މިއާއި ނުލާކެތެއް ނުވާނެ“ ކަބަޑަކުން ނެގި ހަކުރު ފެކެޓެއް ހިފައިގެން އައިސް ހާނިމް ވެސް އިށީންދެލިއެވެ. އޭނާގެ ދިގު އިސްތަށިގަނޑު ހާވާލާފައި އޮތްގޮތުން  މޫނު ވެސް ފެންނަން ކިރިޔާއެވެ. ތުނބުޅި ވެސް އެހާ ދިގެވެ. ދޫ ޓީޝާޓަކާއި ޖީންސެއްގައި ހުރިއިރު މިއިން ދުވަހަކު ގައިން ތާހިރް ވި ވައްތަރެއް ނުޖެހައެވެ.

“ އެމީހުން އެތާގަ.. އެ ގުރޫޕް ކޮންމެވެސް ޝަހީމެއް ލައްވާ ޑްރަގް ހޯދައިގެން ބޭނުން ކުރޭ.. އޭނާއަށް ލާރި ދީގެން އަނގަ ބަންދުކޮށްގެން އުޅެނީ“ ދެން ހާނިމް ބުނި ޖުމްލައިން މާއިން ސިހޭ ގޮތްވިއެވެ.

”ޝަހީމް އޭ؟ އޭނައަށް ކީއްކުރަން ..އެއީ ބޮޑު އަނގައެއް.. ލާރި ދިނަސް އެ ގޮލާ ކައިރިން ސަލާމަތެއް ނުވާނެ.. މިހާރު ޔުމާންއަށް އަންގާފަ އޮންނާނީ.. ހައިކަލްގެ ގާތް މީހެއް ވީމަ އޭނާ ނުހުންނާނެ މަޑަކުންނެއް.. އެމީހުން ޕްރެޝާރ ކޮށްފިއްޔާ ޝަހީމް ކިޔާނެ ..މިހާރުން މިހާރު ފިޔަވަޅު ނޭޅިއްޖެޔާ ހުރިހާ ކަމެއް ފްލޮޕް.. ކައޭމެން ވެސް ގަމާރުތަ އަޅެ.. މިކަންތައް ބޮސް އަށް އެނގިއްޖެޔާ އަހަރެމެންގެ ޒަމާން ދިޔައީ އޭ“ މާއިންގެ ރުޅިވެރި ޖުމްލަތައް އިވުމުން ހާނިމްއަށްވެސް ތެޅިގަނެވުނެވެ. އޭނާ އަވަސްވެގަތީ އެ މީހުންނަށް އެހަބަރު ދިނުމަށެވެ.

”އަންގައިފިން އެމީހުންނަށް.“ ހާނިމް ބުނެލިއެވެ.

”ހޫމްމް ހޫމްމް.. ކޮބާ އެއްކަލަ ފޯނު ޗާޖް ވެއްޖެތަ..“މާއިން އަހައިލުމުން ހާނިމް ބޯޖަހާލާފައި ގެނެސްދިނެވެ.

އެތަނުގައި މަތިމައްޗަށް ބަރި ޖަހާފައި ދެތިން ގޮނދަޑި އޮތެވެ. އޭގެ މައްޗަށް ޖެހިގަނެ ފޯނު ނަގައި ހުޅުވާލިއެވެ.

”ކޯޑު ރިމޫވް ކޮށްފަ ދޯ މީނީ… ކައޭ ބެލިން ތަ މި؟“

”ނޫނޭ ބްރޯ ބަލާނެ ވާހަކަ ބުނީމަ މަ މިއިނީ ނުބަލަން އަދިވެސް“

”އޯކޭ“ މާއިން ބޯޖަހާލާފައި، ފޯނު ހުޅުވާލި ހިނދު ލިބިގެންދިޔައީ ސިހުމެވެ.  ފޯނުގެ ވޯލްޕޭޕާރ ގައި އިނީ އަންހެންކުއްޖާގެ ފޮޓޯ ފެނި ޒާތަކަށް ހިތް ތެޅިގަތެވެ. ދެލޯ ބޮޑުވެފައިވީ އިރު ނުބައި ގޮތެއް ވެގެންދިޔައެވެ. އިތުރަށް ޔަގީން ކުރަން ގެލެރީއަށް ވަނެވެ. ފެނުނީ އިރަމްގެ ފޮޓޯ ތަކެވެ.

”ދޮންބެ ދައްތަގެ ކޮއްކޮ…އިޔާންގެ ކޮއްކޮ.. އިރަމް“މާއިންއަށް ދެލޯ މަރާލެވުނީ ހާސްވި ވަރުންނެވެ. ނާޔާއާއި އިޔާންގެ ކޮއްކޮއަށް ވެސް މިދުވަސްކޮޅު ކަމެއް ވެގެން އުޅޭ ހަބަރު ލިބިފައި އޮތަސް އެއީ މިކަންތައް ކަމެއް އޭނާއަކަށް ނޭނގެއެވެ.

***

(ނުނިމޭ)