ހިރާސް 2 (09)

”މަށައް ކިހިނެތް އެނގެނީ އެމީހުން މިހާރުވެސް ދުނިޔޭގަ ތިބި ކަމެއް؟“ ބިލާލްގެ ޖުމްލަތަކަށް ރާބިއު ރައްދު ދިނެވެ. އެހިނދު އޭނާ އަނެއްކާ ވެސް ޖަހައިލީ ނުބައި ހިނިގަނޑެކެވެ.

”ރުއާނާގެ ވަށައިގެން ނުރައްކާ.. ހޮސްޕިޓަލުގަ ވެސް ނުރައްކާ… ހޮސްޕިޓަލުން ބޭރުގަ ވެސް ނުރައްކާ..ހަހަހަ.. ކަލޭމެން ދެމީހުން ކުރެ އެކަކަށް ވެސް ސަލާމަތެއް ނުވެވޭނެ“
”ދެން ކީއްވެތަ ކޮންމެ ފަހަރަކު އައިސް ތިދަނީ އަހަންނަށް ގޮތެއް ނުހަދާ.. ހަމަ މަރާލާފަ ދާންވީނު ރުއާނާ އާއި ހަމައަށް.. އެނޫން ގޮތަކަށް ނެތޭ ކަލޭމެންނަށް އެކުއްޖާ ލިބޭކަށް.. އަހަރެން ދުނިޔޭގަ ހުއްޓާ ލާހިކެއް ނޫން ރުއާ ގެންދާކަށް“ ރާބިއު ޖަހާލައީ މަލާމާތުގެ ހިނިގަނޑެކެވެ.

”އެހެންތަ؟ ހަނދާން ނެތުނީތަ؟ ކަލޭގެ އަނބިމީހާ އަދި ރުއާނާއާއި އަހަރެންގެ މަންމަ ހޫރައިން ވީ އޭނާގެ އަތްދަށުގަ ކަން.. ހައްޔަރުގަ ތިބި އެހެން މީހުންނާއި މެދު ކަލޭ ބިރު ނުގަތަސް، ދެން އެހުރީ ކަލޭގެ ލޯބިވާ ހޫރައިން އެންނު؟“ ބިލާލްގެ އަޑުން ރާބިއުއަށް ތެޅިގަނެވުނެވެ.

****

”ހަހަހަހާ.. ކަލޭ ހަދާނެ ތަ ތެދެއް؟ .. ހޫރައިން ދުނިޔޭގަ ހުރި ނަމަ އަހަންނަށް މިހާރު ކޮންމެ ވެސް ގޮތަކުން އެކަން އެނގިފަ އޮތީ ހީ.. އެކަމަކު އެދުވަހުގެ ފަހުން އަހަންނަކަށް ހޫރައިންގެ އެއްވެސް ހަބަރެއް ނުލިބޭ .. ދެން މަ ކިހިނެތް ކަލޭގެ ވާހަކަ ގަބޫލް ކުރަނީ؟.. ކަލޭއާއި ކަލޭގެ ބަފާ ވެގެން ނުކުރަނީ ކީއްތަ؟..“ ހިތްހަމައަކަށް އަޅުވަމުން އަނެއްކާ ވެސް ރާބިއު އިއްވާލިއެވެ.

”މައްސަލައެއް ނެތް..! ހޫރައިން ކަލެއަށް ދައްކާނަން..އެކަމަކު އޭގެ ކުރިން ކަލެއަށް އެނގެންޖެހޭ އެއްޗެއް އެބައިން.. އެދުވަހު ކަލޭ ފިލައިގެން އައީމެންނު ރުއާނާ ގޮވައިގެން، ދެމަފިރިއަކު ސަލާމަތް ނުކޮށް..؟ ހަނދާން އެބަހުރިތަ؟ ހަހަހަ..އަހަންނަށް ޔަގީން ކަލޭ އެދުވަހު އެ ހިނގާދިޔަ އެއްވެސް ކަމެއްގެ މަތިން ހަނދާން ނުނެތޭނެކަން!“

”ކަލޭ ކީކޭ ބުނަން ތިއުޅެނީ؟“ ރާބިއުއަށް އަހާލެވުނެވެ. ކެނޑި ނޭޅި ބިލާލްގެ ތުންފަތުން ފެނިގެންދާ މަކަރުވެރި ހިނިތުންވުމުން ، ރާބިއުއަށް ބަލަހައްޓާއިގެން ހުރެވުނީ ވެސް ފާޑަކަށެވެ.

”ހަމަޖެހިބަލަ.. ދެން އިތުރަށް އެއްޗެއް އަހަރެން ބުނެދޭކަށް ނުޖެހޭނެ.. ތިން ދުވަސް ފަހުން އެނގޭނެ.. ކަލޭ އެދުވަހު ރުއާނާ ސަލާމަތް ކުރި ތަނަށް ރޭގަނޑު ބާރަ ޖެހުމުގެ ކުރިން އާދޭ!..އަހަރެން އިންތިޒާރުގައި ހުންނާނަން..ގަޑިއަށް އަންނާތި..! ނަމަނަމަ ރުއާނާ ގެންދަން ނުހަދާތި!“ އިތުރު އެއްޗެއް ނުބުނެ އޭނަގެ ލޯމަތިން ބިލާލް ގެއްލުނެވެ. ރާބިއުއަށް ފާރަށް ލެނގިލެވުނެވެ. އަތުގައި ހުރި ކޮތަޅުތައް ހުރި ދިމާލަށް ތިރިކޮށްލެވުނެވެ. ދެލޯ މަރާލެވުނު އިރު ހީވީ ލޯބިވާ އަންހެނުންގެ ސޫރަ ކުރިމަތިން ފެނުނުހެންނެވެ.

”އަހަންނަށް އެތަނަށް ދައުވަތު ދީފައި އެމީހުން އަނެއްކާ ރުއާއަށް ކަމެއް ކުރަން ނޫޅޭނެބާ؟ މިހިސާބުން މީހެއްގެ އެހީ ނުހޯދާ ވާނެބަ؟“ ރާބިއު ފާރުގައި ބޯ ޖަހާލީ ބޯ ހާސްވެފައި ހުރިވަރުންނެވެ. ބިލާލްގެ މަކަރުވެރި ހިނިތުންވުމުން ރާބިއުގެ މުޅި ސިކުނޑީގައި ނުރައްކަލު ރަނގަބީލެއް ދަނީ ޖެހެމުންނެވެ.

”ދުވަހަކު ވެސް އެފަދަ ކަމެއް ކުރަން ބިލާލް ނުބުނެ.. ޔަގީން ފޮރުވިފައިވާ އޭނާގެ ބޭނުމެއް މިކަމުގައި ވާނެކަން“ ލަސްނުކޮށް ރާބިއު އަވަސްވެގަތީ ގެޔަށް ދެވޭތޯއެވެ. އެހެން ހުރިހާ ކަމަކަށް ވުރެން ރުއާނާގެ ރައްކާތެރިކަމަށް ރާބިއު އިސްކަން ދެއެވެ. އެއީ އޭނާ މިއަދާއި ހަމައަށް ވެސް ދިރިހުރުމުގެ އަސްލެވެ. އޭނާގެ ފުރާނައެވެ. އަމިއްލަ ލޭ ނޫނަސް އެއީ އޭނާގެ ހިތެވެ.

***

އެނދުގައި ދެކޮޅަށް ތެޅިލަ ތެޅިލަ އޮތް އިރު ރުއާނާ އޮތީ ދާހިތްލާ ފޯވެފައެވެ. ފެންނަމުން ދަނީ ހުވަފެނެއްކަން ދޭހަވެއެވެ. އިސްތަށިގަނޑު އޮތީ ހޭވިފައިއެވެ.

ފެނުނީ ކުޑަ ކުޑަ ރުއާނާއެވެ. އުމުރުން އަށެއްކަ އަހަރުގެ ރުއާނާއެވެ. އޭނާއަށް ހުރެވުނީ ފެހިކަންގަދަ ބިޔަ ގަސްތަކުން ފުރިފައިވާ ޖަންގައްޔެއްގެ މެދުގައެވެ.ޖަންގަލީގެ ދެކޮޅަށް ދުވަމުން ދިޔައިރު މުޅި ހިސާބުގަނޑުގައި ހިފާލާފައިވަނީ ރުއާނާގެ ރުއިމުގެ އަޑެވެ. އޭނާގެ އަތުގައި ވަނީ ތޫނު ނިޔަފަތިތަކަކުން މީހަކު ވަކި އަޅާފައިވާ ނިޝާނެކެވެ.

”މަންމާ.. މަންމާ.. ކޮއްކޮ ގެންދޭ“ ރުއާނާ ގޮވަމުން ދިޔައެވެ. ދެން ފެނުނީ އޭނާގެ ފަހަތުން އައި ބައެކެވެ. އެއްވެސް މީހެއް މޫނު ފެންނަގޮތެއް ނުވިއެވެ. ކުލަ ނުވާފަދައެވެ.

ދެން ފެނުނީ ކުއްލިއަކަށް މުޅިތަން އަނދިރިވެގެން ދިޔަ ތަނެވެ. މަޑުމަޑުން އަލިވަމުން ގޮސް ފެނިގެން ދިޔައީ ކުރިމަތީގައި އޮތް ފެންގަނޑެކެވެ. ކޯރެއްގެ އައްސޭރިއެއް ފަދައެވެ. ފަހަރަކަށް ވުރެން ފަހަރެއް ފެންގަނޑާއި ގާތް ވަމުން ގޮސް ނުހަނު ކައިރިން ފެންގަނޑު ފެނުނެވެ.

”ރުއާ.. ރުއާ.. އާދޭ..މަންމަގެ ރުއާ“ ސާފް ފެންގަނޑަކަށް ކުރެހުން އެޅިގެން ދިޔަ ސޫރައެއް ފަދައިން އޭނާއަށް ފެނުނީ ތިރީހަކަށް އަހަރުގެ އަންހެނެއްގެ ސޫރައެވެ. އަތުގެ އިޝާރާތުން ރުއާނާއަށް ގޮވަމުން ދިޔައެވެ. އެ  ސޫރަ ރުއާނާއަކަށް ނޯޅޭނެއެވެ.

”މަންމާ!..“ ސިހިފައި ހޭލެވުނުއިރު ރުއާނާއަށް މާ ނޭވާ ލެވެއެވެ. ފެނުނީ ހުވަފެނެއް ކަން ޔަގީންވި ނަމަވެސް އެންމެ ފުރަތަމަ ފެނުނު މަންޒަރު، އަށްއަހަރުގެ ރުއާނާ ވަލުތެރޭގައި ދުވި ދުވުން އެއީ  މާޒީގައި އޭނާ ތަޖުރިބާ ކޮށްފައިވާ ކަމެކެވެ. ހަމަ އެގޮތަށެވެ. އެއްވެސް ތަންކޮޅެއް އުނިނުވެއެވެ. ސީދާ އެ މަންޒަރެވެ. ހިތައް ވެރިގެންދިޔައި ބިރުވެރިކަމެކެވެ. އެދުވަސް މަތިން އޭނާ ދުވަހަކު ވެސް ހަނދާނެއް ނުނެތޭނެއެވެ. ރުއާނާގެ އުފާވެރި ދިރިއުޅުނު ކިލަނބު ވެ ލޯބިވާ މަންމަ އަތުން ބީވީ ދުވަހެވެ. ނަމަވެސް ސުވާލަކީ އެހާ ގާތުން އެ މަންޒަރު އަނެއްކާ ވެސް އެ އިޙްސާސްވެގެން ދިޔައީ ކީއްވެބާއެވެ. ދެން އޭނާ އަށް ވިސްނާލެވުނީ ދެވަނަ އަށް ފެނިގެން ތަންކޮޅެވެ. އެ ފެންގަނޑު ފެނުނު މާ ހައުލަކީ ހިސާބަކަށް އޭނާ ދަންނަ ތަނެއްހެން ހީވިއެވެ. ނަމަވެސް ވިސްނާ ވިސްނާވެސް އެ ކަމަކަށް އޭނާ ސިކުނޑި މަސައްކަތެއް ނުކުރިއެވެ. ޖަވާބު ހޯދަން ބޭނުން ވި ސުވާލުތަކުން އޭނަގެ ސިކުނޑި ވަނީ ފުރިފައެވެ.

އެއްލި ކަޅިއަކުން ރުއާނާއަށް ފެނުނީ ހުޅުވިފައިވާ ކުޑަދޮރާއި ދިމާލުން ހުރަސްކޮށްލި ކަޅު ހިޔަންޏެކެވެ. ހީވި ގޮތެއް ކަމަށް ބަލާފައި އިންދާ ދެވަނަ ފަހަރަށް ވެސް އެ ހިޔަނި ފެނި އެއީ ހީވުމެއް ނޫން ކަން ޔަގީންވިއެވެ. މުޅި ކުއްޖާގެ ހިތް ރޫރޫ އަޅައިގަތެވެ. ހޭވިފައިފާއި ވަ އިސްތަށިގަނޑު އަތުން ރަނގަޅު ކޮށްލަމުން، އިންތަނުން ތެދުވެފައި ގޮސް ހުއްޓުނީ ކުޑަ ދޮރާއި ގާތުގައެވެ. ބިރުގަނެފައި ހުރިވަރުން  ބޭރު ބަލާކަށް ވެސް އޭނާ ނޫޅުނެވެ. އަވަސަ އަވަހަށް ދޮރު ކަހާލިއެވެ. ނަމަވެސް އަނެއްކަ ވެސް ސިހުނީ ކުޑަ ދޮރާއި ދިމާލަށް ތިރިއަށް ވެއްޓިފައިވާ އޮތް އެއްޗެއް ފެނިއެވެ.

”އާތްތް!“ ތޫލި އަޑަކުން ހަޅޭއްލަވައި ގަނެވުނެވެ. އަނގަމަތީގައި އަތް އަޅައިގެން ހުރެ ތިރިވެވުނު މުޅި ކުއްޖާ ތުރުތުރު އަޅަމުން ދިޔައެވެ. ކަރުނަތައް ނުހުއްޓެވެ.  ދޮރުގެ ކައިރިއަށް ވެއްޓިފައި އޮތީ ރަތާއި ކަޅުގެ ދޫނިފަތެކެވެ. ދެއަތުގައިވި ތުރުތުރާއި ހެދި އެ ނެގުން ވެސް ރުއާނާ އަށް ވީ ބޮޑު ވޭނަކަށެވެ.

”މީ ކޮންފަދަ ކަމެއް ބާ.. އަނެއްކާ ކޮން ކަމެއް ފެށެން އުޅެނީބަ؟ ޔާ ﷲ“ އެއްލެމުން އެއްލެމުން ކަހަލަ ގޮތަކަށް ރުއާނާއަށް ގޮސް ވަދެވުނީ ފާހާނާގެ ތެރެއަށެވެ. ސިކުނޑިގެ ތެރޭގައިވީ ހައިޖާނު ގަނޑަށް ރުއާނާ ބޭނުންވީ ލުޔެއް ދިނުމަށެވެ.

ލިއަމްއަށް ފެންނަން ބޭނުން ނުވެގެން ދެދުވަހުގެ އޮފްއެއް ނަގައިގެން ރުއާނާ އިއްޔެ އެއްކޮން ނިދީއެވެ. މިއަދު އެރި އިރާއި އެކު މި ޖެހުނު ކަންތައް ގަނޑުން މުޅި ކުއްޖާ ހިތް ތެޅި ފޮޅެމުން ދިޔައިރު ހިތުގައިވާ ބިރުވެރިކަމުން މުޅި ހަށިގަނޑުގައި ވަރުގަދަ ތޫފާނެއް އުފެދިގެން ގޮސްފިއެވެ.

ބިލިގާރ ފުރާ ފެން އަޅާލަމުން އެއަށް ވައްޓާލި ’ބާތް ބޮމްބް‘ އިން މުޅި ތަނުގައި ހިފައިލީ މަޑުމަޑު އާވި ވަހެވެ.

ތާފާނާ ފެނުގެ ތެރެއަށް ހަށިގަނޑު ދޫކޮށްލި ހިނދު އަތައް އަރައިގެން ދިލައާއި އެކު ރުއާނާގެ އަނގައިން އަނެއްކާ ވެސް ހަޅޭކެއްގެ އަޑޫ ބޭރުވިއެވެ.

”އާތް..އާތްތް“

”ދަރިފުޅާ އޯކޭތަ.. ކިހިނެތް ވީތަ؟.. ހުރިހާ ކަމެއް ރަނގަޅުތަ؟“ ބޭރުން އައިވަގުތު، ރުއާނާގެ ހަޅޭކުގެ އަޑު ކޮޓަރިން އިވުމުން ރާބިއު އެކޮޓަރީގެ ދޮރުގައި ތަޅާއިގަތެވެ.

ލޮލުން ފެންތައް އަންނަމުން ދިޔައިރު ރުއާނާގެ އަތުން ކެތް ނުވާ ވަރަށް ދިލަ ނަގަމުން ދިޔައެވެ. އަތުގައި އިނީ އޭނާއަށް ހުވަފެނުން ފެނުނު ގޮތައް ވަކި އަޅުވާލާފައެވެ. ލޭ އަންނަމުން ދިޔައިރު ، އާވި ފެނގަނޑުގައި ޖެހުމުންނަގާ ދިލައިން ކެތް ނުވެއެވެ. ރުއާނާ ހިތްވަރު ކުރަމުން ދިޔައީ ހަޅޭއްލަވައި ނުގަނެ ވޭތޯއެވެ.

”ބަ..ބައްޕާ އަމް ފައިން.. ކުޑަކޮން ފައި ކައްސާލީ.. އަނިޔާއެއްނުވޭ…“ ރާބިއުއަށް އިވޭވަރަށް ޖަވާބު ދިނެވެ. އެންމެ ރަނގަޅޭ ބުނެ ރާބިއު ދިޔަ އަޑުއަހާފައި ރުއާނާ ހިފަހައްޓާއިގެން ހުރި ނޭވާ ވެސް ބޭރުކޮށްލެވުނެވެ.

”އާއޫއޫ.. ވަޓްސް ހެޕެނިންގް؟ ވަޓްސް ގޮއިންގ އޮން؟ ފަސްޓް  ޑްރީމް.. ސެކަންޑް ޝެޑޯ.. އާފްޓާރ ދެޓް، ފެދާރ.. އެންޑް ނައު ދިޒް“ އަތުގައިވާ ހަލާކުވެފައި ހުރި ހިސާބަށް ރަނގަޅާށް ތާފާނާ ފެން އަޅަމުން ދިޔައެވެ.

”އާހްހް.. ދިޒް ޕެއިން.. އާހް“ ރޮވެމުން ދިޔަ އިރު އެއަޑު ބޭރު ވެ ނުދިޔުމަށްޓަކައި ދެތުންފަތް ބާރަށް ލައްޕާލިއެވެ. އެ މަސައްކަތް ނިމިގެން، ގަޔަށް ވެސް ފެން ޖަހާލުމަށްފަހު ބާތްރޯބުގައި ރުއާނާ ކޮޓަރިއަށް ވަނެވެ.

ކޮޓަރީގެ ހުރިހާ ލައިޓެއް ޖައްސާލަމުން، އޭނާ ގެންގުޅޭ ބޭސްފޮށި  ހޯދާލިއެވެ. މާ ބުރަ މަސައްކަތަކާއި ނުލާ އެ ފެނުމުން ހިފައިގެން އައިސް އެނދުމަތީގައި އިށީންދެލިއެވެ. ޒަހަމުވެފައިވީ ހިސާބަށް އަތް އޮޅާލަމުން، ބޭސްފޮށީގެ ތެރެއިން ނެގި ބޭސްފުޅިއާއި ކަފަކޮޅާއި އެކު އޭނާއަށް ހުއްޓުމެއް އެރީ އެތަން އިންގޮތް ފެނިފައެވެ.

”ހޮލ* ޝިޓ*“ ވަކިތައް ހުރި ހިސާބު އެއްކޮންހެން ވަނީ ކަޅާއި ވިލު ނޫކުލައަކަށް އަރާފައެވެ. ޔަގީނުންވެސް ނޫފައި ގަތުމުން ހުންނަނީ އެގޮތަކަށް ނޫނެވެ. މުޅި އެހިސާބުން ނަގަމުން ދިލަ ހިސާބަކަށް ލުއި ވެފައި ވި ނަމަވެސް ލޭ އައުމަކަށް ބަދެލެއް ނާދެއެވެ. މަޑުމަޑުން ލޭ ތިކިތައް ފާއްދަމުންދިޔައެވެ. ސާފް ކޮށްލުމަށް އެޅި ފެންތަކުން އަނެއްކާ ވެސް ދިލަ ނަގައިގަތެވެ. ނަމަވެސް ހިތްވަރުކޮށްފައި ރުއާނާ ފުޅީގައިވާ ފެންތައް އެއްކޮންހެން އަތައް އޮއްސާލިއެވެ. އެއީ ބޮޑެތި ފާރުގަނޑުތަކުގައި ބޭސް އެޅުމުގެ ކުރިން ސާފް ކުރުމަށް އަޅާ ހާއްސަ ލިކުއިޑެކެވެ.

ވަރަށް މަސައްކަތުން ބޭސް ހޭކުމަށްފަހު ކަފަކޮޅެއް އަޅާލަމުން މުޅި އަތުގައި އެއްކޮން ހުދުކުލައިގެ ބެންޑެންޖް އޮޅާލިއެވެ.

”ވަޓް އަ ޑޭ.. އަދި މިއުޅެނީ ރަނގަޅަށް އިރު ނާރައިގެން“ އިތުރު ކަމެއް ކުރާހިތެއް ވެސް ރުއާނާ ނެތެވެ. ބާތްރޯބާއި އެކު އެނދުގައި އޮށޯވެލިއެވެ. ރުއާނާއަށް ހުއްޓުމެއް ނެތި ވިސްނެމުން ދިޔައީ މިއަދު މި  ހިނގަމުންދާ  ކަންތަކާއި މެދުގައެވެ.

”ކާކުބަ އަޅެ އެއީ.؟ ވެދާނެ ބާ އަހަންނަށް ބިރު ދައްކަން އުޅޭ މީހާއަށް؟.. ބަސް ތެރެއިން ވެސް ފެނުނު..އެހާ އޯޕެން ތާކުން މަށަށް ފެނުނު އިރު ގެޔަށް ނައިސް ވެސް ނުހުންނާނެ.. އެކަމަކު ސުވާލަކީ އަހަރެންގެ މަންމަ އާއި އެހާދިސާއާއި އެމީހާ ރިލޭޓެޑް ވަނީ ކިހާ ހިސާބަކުން ބާއޭ…. އަނެއްކާ މަންމައާއި ގުޅުން ހުރި މީހެއްބަ؟ މަންމައާއި ގުޅުމެއް ހުރިއްޔާ ބައްޕައަށް އެނގޭނެ.. މި ފެދާރ އިން ވެސް އެއީ އެމީހާގެ ކަމެއް ކަމަށް ހިތް ބުނޭ..“ މުށުތެރޭގައި އޮތް ދޫނިފަތައް ބަލަން ހުރި އިރު ރުއާނާގެ ހިތުގެ ތެރޭގައި އެތައް ކަމެއް އެނބުރެމުން ދިޔައެވެ. އެތައް ސުވާލެކެވެ. ޖަވާބު ހޯދަން ބޭނުންވި ނަމަވެސް އެ ސުވާލްތައް ހިފައިގެން ރާބިއުގެ ގާތައް ދާންވީބާއޭ ހީވަމުންދިޔައެވެ. އޭރުން ޔަގީނުން ވެސް ރާބިއު ހާސްވާނެއެވެ. އެހެންވާކަށް އަދި ރުއާނާ ބޭނުމެއް ނޫނެވެ. މިހާރު ވެސް ރާބިއު އޭނާއަށް ޓަކައި ހާދަ ކަމެއް ގުރުބާން ކޮށްފިއެވެ.

”ޝުޑް އައި ގޯ އެންޑް އާސްކް؟ ބަޓް ހައު.. މްމްމް އެގިއްޖެ ހަނދާނެ ގޮތެއް އެމީހަކު އަންނަނީ މުޅިން ވެސް އަހަރެން އެކަނި ހުއްޓަ.. މިއަދު ދާންވީ ބޭރަށް .. ވީހާ ވެސް ގެއާއި ދުރަށް.. އަމިއްލަ މީހާއަށް ގެއްލުމެއް ލިބުނަސް ފަރުވާލެއް ނެތް.. ވާހާ ދުވަހު ފިލައިގެން ވެސް އުޅޭވިއްޖެ.. މިއަދު ހަމަ މިކަމާއި ކުރިމަތި ލާނީ.. މަރުވާނީ އެއްފަހަރުތާ“ ބެންޑޭޖް ގަނޑުގެ މަތިން، ސަލާމަތުން އޮތް އަތުން ފިރުމާލިއެވެ. އެތައް އިރަކު ފިކުރު ކުރުމުގައި އޮވެފައި މިއަދު ބޭރަށް ނުކުމެލަން އޭނާ ގަސްތުކުރިއެވެ. އެކަނި ނަމަވެސް އޭނާ ބޭނުންވީ ދާށެވެ. އެނދުމަތިން ތެދުވީ މެންދުރު ނަމާދަށް ގޮވިއަޑު އަހާފައެވެ.

ނަމާދު ކޮށްގެން، އަތް ދިގު ކްރީމް ކުލައިގެ އޯވާރ ސައިޒް ޓީޝާޓަކާއި ކަޅު ޖީންސްގައި ރުއާނާ ކޮޓަރިން ނުކުތެވެ. ވީހާ ވެސް ގަޔަށް ދޫ އެއްޗެއް ލީ ރާބިއުއަށް ފާހަގަ ނުވޭތޯ އެވެ. ސޯފާގައި ރާބިއު އިންތަން ފެނި ރުއާނާ ކުޑަކޮން ހިތް ނުތަނަވަސްވާ ގޮތް ވިއެވެ.

”ބައްޕާ“ ރާބިއު އިނީ ޓީވީއިން ދައްކަމުން ދިޔަ ހަބަރަކަށް ގެއްލިފައެވެ. އޭނާ ބަލައިލީ ރުއާނާގެ އަޑަށެވެ.

”ދަރިފުޅަށް ނުކުމެވިއްޖެ ދޯ!.. އެކަމަކު ވާ ސާބަސް އިއްޔެ އެއްކޮން ކޮޓަރީގަ.. މިއަދުވެސް އެހެރީ ގަޑިން ވީވަރު .. އަދި ކިރިއާ ވިއްޔަ ބައްޕައަށް ތި ފެނިލީ“ ފުރަތަމަ ވެސް އަހަން ޖެހުނީ ރާބިއުގެ ޝަކުވާއާއި ނުރުހުމުގެ އަޑެވެ.

”ސޮރީއޭ ބައްޕާ އެއްކަލަ ކަންތަކާ މާ ބޮޑަށް ސްޓްރެސް ވީއޭ.. ފޯނަކު ވެސް އަތެއް ނުލެވޭ“

”ފޯނޭ ބުނީމަ މިހަނދާންވީ.. އިޒްވާ ކިޔާ ކުއްޖެއް ދަރިފުޅު ހޯދަން ބައްޕަ ފޯނަށް އިރުކޮޅެއް ކުރިން ގުޅި.. އެއީ ޑޮކްޓާރ އިޒްވާ ދޯ.. ދަރިފުޅުގެ ފްރެންޑް؟.. ބުނި ދެ ދުވަސް ވެއްޖެއޯ ރުއާގެ ފޯނަށް ގުޅަން އިޒްވާ އުޅެ އުޅެ ނުގުޅޭތާ“ ރާބިއު ކުއްލިއަކަށް ހަނދާން ވެގެން ބުނެލިއެވެ. އެހިނދު ރުއާނާގެ ދެލޯ ބޮޑުވިއެވެ. ހަލުވި ފިޔަވަޅު ތަކެއްގައި ގޮސް ވަނީ ކޮޓަރިއަށެވެ. ބާލީސް ދޮށުގައި އޮތް ފޯނު ނަގައި ބަލާލިއިރު އޮތީ ޗާޖް ހުސްވެގެން ނިވިފައެވެ. ފޯނު ޗާޖަރަށް ޖެހުމަށްފަހު އަނެއްކާ ވެސް ރާބިއު ގާތައް ނުކުތެވެ.

”އިޒީއަށް ބައްޕަ ނަމްބާރ ލިބުނީ ކިހިނެތް ބަ؟“ ރުއާނާ އެހިއެވެ. ރުއާނާ ހޮސްޕިޓަލުގައި އެޑްމިޓް ކުރިރޭ ރުއާނާގެ ފޯނުން އިޒްވާ ގުޅިވާހަކަ ރާބިއު ބުނެދިނެވެ.

”އޯހް.. ފޯނު ނިވިފަ އޮތީ.. އިރުކޮޅަކުން ހުޅުވުނީމަ ތާ ދޯ ގުޅޭނީ ވެސް.. ބައްޕާ .. މްމްމް“ ބޭރަށް ދިޔުމަށް އޭނާ ފުރަތަމަ ބޭނުންވީ ރާބިއު ކުރެން ހުއްދަ ހޯދުމަށެވެ.

”ކިހިނެތް ވީ؟ ދަރިފުޅު ހާދަ ފާޑަކަށޭ ތިއުޅެނީ.. އެގަޑީގަ ފާހާނާއަށް ވެއްޓިފަ ބޮޑު އަނިޔާއެއް ވީތަ؟“

”ނޫނޭ ..ނޫނޭ އަމް ފައިން.. ދަ ތިންގ އިޒް.. މްމްމް ރުއާ މިއަދު ބޭރަށް ދާން ބޭނުން.. އެކަނީން“ ޖުމްލަ ފުރިހަމަ ކޮށްފައި ރުއާނާއަށް ރާބިއުގެ މޫނަށް ނަޒަރެއް ދެވުނެވެ.

”ނޯ .. ނޯ ވޭ.. ފްރެންޑަކާއި އެއްކޮން ވިއްޔާ އޯކޭ“

”ބައްޕާ.. ރުއާ އަށް ޓްވެންޓީ ސިކްސް ވަނީ މިއޮތްގެން.. މިހާރު އެއްކަލަ ޓްރައުމާ ވެސް ..މްމްމްމ ފާޑަކަށް އޯކޭ ވޭ އެބަ.. ދެން ބޭރު ތެރެއަށް ނުކުމެ ދިމާ ވާ ކަންކަމާއި ކުރިމަތި ލައިގެން އުޅެވޭނީ..އަބަދު ފިލައިގެން އުޅޭނީ ކިހިނެތް؟ އެންޑް ބައްޕައެއް ވެސް އަބަދަކު ނުހުންނާނެ ރުއާ ފަހަތުގަ.. ބައްޕަ  ވެސް އަމިއްލަ ކަންކަމުގަ އުޅެން ޖެހޭނެ… އެހެންނޫނަސް އަމިއްލަ ކާރެއް އޮވެމެ ރުއާ ނުދުއްވާ މިހުންނަނީ..އެންޑް ޕްލަސް ލައިސެން ވެސް އެބައޮތް ރުއާ އަތުގަ ”ވާހަކަ ފެށިގޮތައް ރުއާނާގެ ވާހަކަ ނިންމާލީ، ހުރިޙާ ކޮޅަކުން ރާބިއުގެ އަނގަ ބަންދު ކޮށްލާފައެވެ.

އެއްޗެއް ބުނަން އުޅެފައި ވެސް، ރާބިއު ހުޅުވާލި އަނގަ ލައްޕާލިއެވެ. އެއްޗެއް ބުނެވޭކަށް ވެސް ނެތެވެ. ރުއާނާ އެބުނީ ދޮގު ޥާހަކައެއް ވެސް ނޫނެވެ. ނަމަވެސް ބިލާލްގެ މަތިން ހަނދާންވެ ރުއާނާއާއި މެދު ކަންބޮޑުވަނީއެވެ.

”މައްސަލައެއް ނެތް.. އެކަމަކު އިރު އޮއްސެން ވާއިރަށް ހުންނަން ޖެހޭނީ ގޭގަ…. މަޑުކުރައްޗޭ.. އެބައަންނަން“ ރާބިއު ވަނީ އޭނާގެ ކޮޓަރިއަށެވެ. އިރުކޮޅެއް ފަހުން އެނބުރި އައި އިރު އޭނާގެ އަތުގައި ކުޑަވަރެއްގެ ލަކުޑި ފޮއްޓެއް އޮތެވެ. ފޮށި ހުޅުވާލުމަށްފަހު އޭނާ ފޮށި ތެރެއިން ނެގީ ރިހި ކުލައިގެ ރީތި ގެތުމެއް ހުރި ހިމަ ފަށެކެވެ. ފަށުގެ ފުލުގައި ކުޑަ ކުޑަ ބިއްލޫރި ފުޅިއެއް އިނެވެ. އޭގެ ތެރޭގައި ފެހިކުލައެއްގެ ދުމެއް ފާޑު ހުއްޓެވެ.

”ބައްޕާ މީ؟“ ހައިރާންވެފައި ހުރެ ރުއާނާއަށް އެހުނެވެ. ފަށުފުލެއްގެ ބަދަލުގައި ކުޑަކުޑަ ބިއްލޫރި ފުޅިއެއް އިނުމުން ތަފާތު ވިއެވެ. އޭނާއަށް އެ ފަށް ވަރަށް ރީތިވިއެވެ.

”ސުޥާލް ނުކުރޭ.. ދަރިފުޅަށް އެނގެއެންނު ދަރިފުޅުގެ ލައިފް އެހެން މީހުންނާއި ތަފާތު ވާނެ ކަން.. ނުރައްކަލެއް ކުރިމަތި ވެއްޖެނަމަ މީގައި މިވާ ކުޑަ ފުޅިގެ މަތި ނަގާ.. އޭރުން ޔޫ ވިލް ގެޓް ހެލްޕް.. ބޭނުން ކުރެވޭނީ އެންމެ ފަހަރަކު.. ޑޯންޓް ފޮގެޓް އެބައުޓް އިޓް!“ ރުއާނާގެ ކަރުގައި ފަށް އަޅުވާލަ ދެމުން ރާބިއު ބުނެދިނެވެ. ރުއާނާ ބޯ ޖަހައިލަމުން ފުޅި އިން ބައި ހެދުމުގެ ތެރެއަށް ލިއެވެ. އޭނާ ކޮޓަރިއަށް ވަނީ ތައްޔާރުވެލުމަށެވެ. ހުދުކުލައިގެ ކުޑަ ދަބަހަކަށް ބޭނުންވާނެ ސާމާނު އަޅާލިއެވެ. ލައިގެން ހުރި އަންނައުނުގެ މަތިން ކަޅުކުލައިގެ ބޯ ކެހެރި  ކޯޓަކާއި އެކު ކަޅުކުލައިގެ ކޯރިއެއް އަޅާލިއެވެ.

”ބައްޕާ ދަނީ އިނގޭ..“ ރުއާނާ ލިފްޓަށް އެރުމުން  ރާބިއު ބޯޖަހައިލިއެވެ. ލިފްޓުގެ ދޮރު ލެއްޕުމާއި އެކު ރާބިއު އެހުރިހާ އިރު މޫނަށް ވެރިކުރުވައިގެން ހުރި ހިނިތުންވުން ފޮރުވުނެވެ. އަވަސް ހަރަކާތަކާއި އެކު އޭނާގެ ޖީބުން ފޯނު ނަގާފައި މީހަކަށް ގުޅާލިއެވެ.

”ޒައްޔާނު.. ސްޓޭ އެލާރޓް .. މައި ޑޯޓާރ ޖަސްޓް ލެފްޓް..“ ރާބިއުގެ މޫނުމަތިން ވިދަމުން ދިޔަ ހާސްކަން ހިސާބަކަށް ނެތިގެން ދިޔައީ އެކޮޅުން އޭނާ ހިތްހަމަޖެހޭ ފަދަ ޖަވާބެއް ލިބުމުންނެވެ.

****

ޑިއުޓީއަށް ފަހު ލިއަމްގެ މިސްރާބު ޖެހީ ގެއަށް އައުމަށެވެ. ނަމަވެސް ވަކި ހިސާބަކުން ހިޔާލް ބަދަލްވީ  ޔޫމީންގެ ގާތައް ދިޔުމަށް ހިޔާލް އައުމުންނެވެ. އެގެއަށް ނުދެވޭތާ ހަފްތާއެއް ވެއްޖެއެވެ. ދާއިރު ފުރަތަމަ ވެސް އަޑުއަހަން ޖެހޭނީ ޔޫމީންއާއި ކައިވަންގެ ޝަކުވާގެ އަޑެވެ. އެހެން ހިތައް އެރުމާއި އެކު ލިއަމްގެ ގާތައް ހިނިއައެވެ.

ކަޅުކުލައިގެ އަތް ދިގު ޓީޝާޓާއި ޖީންސްގެ އޭނާ ފެންނަނީ ނުހަނު ފުރިހަމަ ކޮންނެވެ. ގިނައިރު ވުމުގެ ސަބަބުން ނިތްމައްޗަށް އޮތީ ތަރުތީބެއް ނެތްފަދަ ގޮތަކަށް އިސްތަށިގަނޑުން ބައެއް ވެއްޓިފައެވެ.

”އަދި ހަތަރެއް ދޯ މިޖެހީ..  ފަހެއްގެ ކުރިން  ނިމުނު ދުވަހެއް މި ނޫނީ ނާދޭ ކަންނޭގެ“ އަނގަޔަށް ވައްތަރެއް ޖައްސާލިއެވެ. އާދައިގެ މަތިން މުޅި ކާރުތެރެއިން އިވެމުންދަނީ ޑޭން ބާޑްގެ ’ބްލެވާރޑް’ގެ އަޑެވެ. މަޑުމަތިރި މިއުޒިކްގެ ބީޓަށް އޭނާ ދިޔައީ ތުމުން ފުމެމުންނެވެ. ކުޑައިރުން ސުރެން ވެސް އެ ލަވަޔަކީ އޭނާގެ ހިތުގެ އެއްބައެވެ.

ލަވައިގެ ޖަޒުބާތުގައި ޖެހިފައި އިންދާ އޭނަގެ ސިކުނޑިއަށް ވެރިވެ ގަތީ ރުއާނާގެ ނަމެވެ. ކީއްވެކަމެއް ނޭނގުނެވެ. ލިއަމްގެ ތުންފަތުގައި ފެވިގެން ދިޔައީ ރީތި ހިނިތުންވުމެކެވެ. އެ ހިންތުންވުމަކީ މަދުން ނޫނީ މީހަކަށް ފެނިގެންދާނެ ނަސީބެއް ނޫނެވެ. އަބަދުހެން ސީރިއަސްކަމުގެ ކުލަވަރު ގައިގާ ބަދެގެން އުޅޭ ޒުވާނާގެ މުޅިން ވެސް ތަފާތު ސިފައެކެވެ.

”އަދިވެސް އަހަރެން ދެކެ ރުޅި އައިސްފަ ކަންނޭގެ.. އިޒީގެ ގާތުން ނަމްބަރު ހޯދައިގެން މެސެޖް ވެސް ކޮށްފިން.. ރިޕްލައި ނުދިންތާގަ މެސެޖް ބެލީކީ ވެސް ނޫން .. އަނެއްކާ ނުފެންނަނީ ބަ މެސެޖް؟“ އެހިނިތުންވުމުގައި އިނދެ ލިއަމްއަށް ބުނެވުނެވެ. އަނެއްކާ ވެސް ފޯނު ނަގާފައި ބަލައިލެވުނީ ރުއާނާގެ ފަރާތުން ޖަވާބެއް އައިތޯއެވެ. ނަމަވެސް އެއްވެސް މެސެޖެއް ނެތެވެ. އެގޮތުގައި ފަންސާހަކަށް ފަހަރު މިހާރު ފޯނު ބެލިއްޖެއެވެ.

”މްމްމް ކާކުބަ އަންނަ ވާހަކަ ބުނީ.. މިމީޙުންތިބީ ދޮރުމަތީގަ“ އެގޭގެ ކުރިމައްޗަށް ކައިރި ކުރަން ވާއިރަށް ކައިވަން އާއި ޔޫމީން ދޮރުމައްޗަށް ނުކުތްތައް ފެނި ލިއަމްގެ ގާތައް ހިނިއައެވެ. ކީވާންގެ ކަމެއްކަން ވަގުތުން އެނގުނެވެ. އަދި ނުބުނާށޭ ބުނީމަ ވެސް ބުނީތާއެވެ.

”ކިތައް ދުވަސް ފަހުން ތިއައީ މިގެއަށް“ ލިއަމް ކާރުން ފައިބައިގެން އައުމުން އޭނާގެ މެދުހަށީގައި އޮޅުލައިގަނެގެން ހުރެ ޔޫމީން ވާހަކަ ދެއްކިއެވެ.

”މޭބީ އަ ވީކް އޯރ ޓޫ.. އިޒް ދެޓް ތްރީ؟“ ލިއަމްގެ ލާނެތް ޖަވާބުން ޔޫމީން ޖަހައިލީ ލިއަމްގެ އުނަގަނޑުގައެވެ. ކައިވަން ވެސް ދިޔައީ ހެމުންނެވެ.

”ކޮބާ މިގޭގަ އުޅޭ ދެމަފިރިން.. ކިވީ މިއަދު މާ އަވަހަށް ގެއަށް އައިސްފި.. ފަހުން ގުޅީމަ ބޮލުގަ ރިއްސާތީ އައީ އޭ ބުނީ“ ލިއަމް ދެމަފިރިންނޭ ބުނުމުން އެދެމީހުންގެ ހެއުން ވީ އިތުރެވެ.

”އާންން..އޭރު އައިގޮތައް ދެންމެ ނުކުތީ .. ނުކުމެފަ ލިއަމް އެބައާދެ ބުނީމަ މިނުކުތީ.. މިހާރު އެބައިން ކާން.. އާލް ވެސް އަދި ނާދޭ ގެއަކަށް.. އެއްޗެއް ކައިފިންތަ؟.. ކޮބާ އިޒީ؟“

”އިޒީ އަދި ނުދާނެ ގެއަކަށް.. މިރޭ ދެން ކާނީ“ ކައިޥާންގެ ސުވާލަށް ޖަވާބު ދެމުން ލިއަމް ބުނެލިއެވެ. އޭރު އެތެރެއަށް ވަދެވިއްޖެއެވެ.

ފުރަތަމަ ވެސް ފެނުނީ ސޯފާގައިން ނުހަނު ހަމަޖެހިލައިގެން އޮތް ކީވާންއެވެ. އޭނާގެ ދެފައި އޮތީ ސޯފާގެ ކުރިމައްޗަށް ހުރި މޭޒުމަތީގައެވެ. އެއްފައި މައްޗަށް އަނެއް ފައި ލައިގެން ހަލުވާލަ ހަލުވާލަ އޮތް އިރު އަތުގައި ހުރި ބަތްތަށި ލަސްލަހުން ހުސްވަމުން ދިޔައެވެ. ޓީވީއަށް ގެއްލިފައި އޮތްވަރުން ބަޔަކު ވަތްކަމެއް ވެސް ކީވާންއަކަށް ނޭނގުނެވެ.

”ނަވާވީސް ވެގެން ތިރީސް ވާން އުޅޭ އިރު ވެސް އަދި ވެސް ބޮޑެއް ނުވޭ ދޯ“ ޓީވީއިން ފެނިގެންދާ މިކީ މައުސް ކާޓޫން ފެނި ލިއަމްއަކަށް ނުހީއެއް ނުހުރެވުނެވެ. އޭރު ޔޫމީންއާއި ކައިވާންވެސް ކީވާންއަށް ކުދި ކިޔަމުން އެތަނުން ގޮސްފިއެވެ.

”އޭ މަޑުކޮށްބަލަ  ވަރަށް ފައްކާ ތަންކޮޅެއް ދެން އިންނާނީ“ކީވާންގެ އުނގުމަތީގައި އޮތް ރިމޯޓު ނަގާ ޓީވީ ނިއްވާލަމުން ލިއަމް ހިނގައިގަތީ ކީވާންގެ ކޮޓަރިއާއި ދިމާލަށެވެ. ލިއަމް ދިޔައީ ރިމޯޓް ވެސް ހިފައިގެން ކަމުން ކީވަން އަށް މަޖުބޫރުވީ އޭނާގެ ފަހަތުން ދާށެވެ.

”އޭން ދެން ފޮނި ވާނެ ކަމެއް ނެތޭ.. މީނަ މަށައް އުނދަގޫ ކުރަން ގަޑިއެއް ގަޑިއެއް ވެސް ނެތޭ ދޯ..“

”ކުރީ ދުވަހު މަ ކައިރީގައި ބުނީ އާލް އާއި އަލުން ގުޅެން ބޭނުން ވެގެން ވާހަކަ ދެއްކީމަ އާލް ރިޖެކްޓް ކުރި ވާހަކަ.. މަށަކީ އާލް ނަމަ ކަލެއާއި ވައިވެސް ނޭޅޭނަން. އޭނައަށް ފެންނަ ހިސާބުގަ ވެސް މާ ބޭބީވެގެން އެބައުޅެއޭ.. ނަސީބެންނު އެ މަންޖެ އަނގައިން ބުނާކަށް ވެސް“ ލިއަމް ވާހަކަ ދައްކަން ފެށި އެކޮޓަރިއަށް ވަދެވުމުންނެވެ.

”ބްރޯ އަދިވެސް ލެކްޗާރ ދޯ ތި ދެނީ.. އަހަންނަށް ހަމްދަރްދީ ވެބަލަ“

”ކިހިނެތް ތަ ހަމްދަރުދީ ވާންވީ.. ފުރަތަމަ މީހާގެ އުޅުނު ތަންކޮޅެއް ހަރުމީހަކު އުޅޭހެން ބައްޓަން ކޮށްބަލަ.. އޭނައަށް ފެންނަ ހެން ތިހެން އުޅުނީމަ އޭނައަށް ފީލް ވާނީ އަދިވެސް އެ ބޭބީ މިޒާޖާއި އެ ޕްލޭބޯއީ އުޅުމޭ ތިހުރީ…  އަމިއްލަ ކޮޓަރިއަށް ވަދެފަ އެކަނިވީމައޭ ކާޓޫން ބަލާނީ.. އަހަރެން ވެސް ހަދަނީ ހެން “ ވާހަކަ ދައްކަމުން ގޮސް ލިއަމް އެންމެ ފަހު ޖުމްލަ ބުނެލީ ނިކަން މަޑުންނެވެ. ކީވާންއަކަށް ނުހީއެއް ނުހުރެވުނެވެ. އެނދުމަތިން ބާލީހެން ނަގާ އޭނާގެ ގައިގާ ބޮޑިއެއް އަޅާލިއެވެ. ބެލްކޮނީގެ ދޮރު ހުޅުވިފައި ހުރުމުން ކީވާން ދިޔައީ ދޮރު ލައްޕާލާށެވެ.

”ހިނގާބަލަ ރައިޑަކަށް ދާން .. މިހާރު މޫސުން އޮޅިފަ ދޯ މިއޮންނަނީ.. ސްޕްރިންގ ގަ ވެސް ކުޑަކޮން ސްނޯއެބަ ފައިބާ..“ ބޭރަށްދިން ނަޒަރާއި އެކު ކީވާން ބުނެލިއެވެ. އޭނާގެ އަޑަށް ލިއަމްވެސް އައިސް ހުއްޓިލީ ކުޑަދޮރު ކައިރީގައެވެ. މޫސުން ދިރާސާ ކުރާ ފަދައަކުން ލިއަމް ވެސް އުޑުމައްޗަށް ބަލައިލިއެވެ.

”ޔެސް.. އެ ކުރީކޮޅު ވީމަ ސްނޯވ ވެހެނީ އެ… ސަޅިވެދާރ އެއް..ހޫމްމް އަހަރެން ވަރަށް ތާރޑް ވީލް ކުރާ ހިތްވެއްޖެ ކުއްލިއަކަށް.. އާލް ވެސް ގެންދަން ވީނު.. “ ލިއަމްގެ ހިޔާލުން ކީވާންގެ ދެލޯ ހަނިވިއެވެ.

”ކަމޯން.. އޭނާއައި ފަހުން އަހަންނަށް އަދި އަނގައިން ވެސް ނުބުނެވޭ.. ނުލާހިކު ކްލޯޒް ފްރެންޑް އެއް އޭނަގެ ބޭބެ އެއީ.. އަނެއްކާ އަނެއްކޮޅުން އަހަރެންގެ ގެއަށް އިންވައިޓް ނުކޮށްގެން އުޅޭ މީހެއްނު ތިއީ.. ދާ ކަހަލަ އެންނު ނިންމާފަ .. ގޮސްފިއްޔާ ޓީ ދޭނަން“ ލިއަމްގެ ލާނެތް ހިނިތުންވުން ދެކި ކީވާންގެ އަތް މަޅާލިއެވެ. ދެލޯ އަޅާއިގެން ހުރެވެސް ކާންގެންގުޅުން ތަށި ހުސްކޮށްފައި މެޒުމަތީގައި ބަހައްޓަމުން ފާހާނާއަށް ވަދެ އައީ ތައްޔާރުވެލިއެވެ. ލިއަމްއަށް ހެވިގެން އަނގަމަތީގައި އަތް އެޅިއެވެ.

”ހަމަ އެހާ އަހަރެންގެ ގެއަށް ދާ ހިތް ވޭތަ؟ ދެން މަށައި އެއްކޮން އުޅޭން އަންނަން ވީނު“

”ނޯވޭ.. މިއޮތް އަރާމް ދިރިއުޅުން ދޫކޮށް މަށަކަށް ވަލަކަށް ޗޭންޖްއެއް ނުވެވޭނެ.. މިހެން ހަމަ ޒިޔާރަތް ކުރެވޭނީ“ ކީވާން ޖެކެޓް ހިފައިގެން ނުކުމަތެވެ. އޭނާގެ ފަހަތުން ލިއަމްވެސް ނުކުތެވެ.

”ކައިގެން ދާން މަޑުކުރާތި ލިއަމް“  ޔޫމީން ސޯފާގައި އިނދެފައި، އެދެމީހުން ނުކުމަތްތަން ފެނިގެން ބުނެލިއެވެ.

”ސޮރީ ދޮންތާ.. ނެކްސްޓް ވިޒިޓްގަ އިނގޭ.. މިދަނީ ދުއްވާލަން“ ލިއަމް ޖަވާބު އަހާފައި ޔޫމީން ވެސް އިތުރަކަށް އެއްޗެއް ނުބުނެ ބޯޖަހައިލިއެވެ.

ދެ  ޒުވާނުން ކާރުގައި މިސްރާބު ޖެހީ ހޮސްޕިޓަލަށެވެ. އާލިއާ އެތަނުގައި މަޑުކޮށްގެން ހުރި ވާޙަކަ ބުނުމުން ލިއަމް ދުވެލި ވެސް ބެހެއްޓީ ތަންކޮޅެއް ބާރުކޮންނެވެ.

”ކަލެއަށް އެކަނިތަ އާލް އެ ރިޕްލައި ކުރަނީ.. މަ އެއްޗެއް ބުންޏަސް އޭނަ ރިޕްލައި ނުދޭތާ އަޅައިވެސް ނުލާ..“ ތުން ފިއްތައިގެން އިނދެ ކީވާން ކުދި ކިޔާލީ ލިއަމްއަށް އާލިއާ މެސެޖް ކުރަމުން ދިޔަ މަންޒަރު ފެނިފައެވެ.

ލިއަމްގެ ލާނެތް ހިނިތުންވުމުގައި ހުރެ އެއްޗެއް ބުނަން ހިތައް އަރުވާލި ނަމަވެސް ކީވާންގެ ޖުމްލައިން ހަނދާންވީ ރުއާނާގެ މަތިންނެވެ. އާލިއާ މެސެޖް ކުރަމުން ދިޔަ ކޮންވޯ ލައްޕާލަމުން އޭނާ އަނެއްކާ ވެސް ބަލައިލީ ރުއާނާގެ މެސެޖެއް އައިސް އިންތޯއެވެ. ނަމަވެސް މާޔޫސް ކަމާއި އެކު އޭނާ ފޯނު ލޮކް ކޮށްލީ އެއްވެސް މެސެޖް އައިސް ނެތީމައެވެ.

ދެމީހުންނަށް ހޮސްޕިޓަލާއި ހަމައަށް އާދެވުނު އިރު ބޭރުގައި މަޑުކޮށްލައިގެން ހުރި އާލިއާ ފެނުނެވެ. ހޮސްޕިޓަލު ޔުނީފޯމްގެ ބަދަލްގައި މިހާރު ލައިގެން ހުރީ ފިޔާތޮށިކުލައިގެ ހެދުމަކާއި ކަޅު ކުލައިގެ ޖީންސެކެވެ. އޭނާގެ ކޯޓު އަތުގައި އޮތެވެ.

”ސޮރީ..ވަރަށް އިރު ވެއްޖެތަ ހުންނަތާ؟“ އާލިއާ ފެނުމުން ލިއަމް ހިނިތުންވެލިއެވެ. އާލިއާ ދެކޮޅަށް ބޯ ހޫރުވާލަމުން ކާރުގެ ފަހަތު ސީޓަށް އެރިއެވެ.

”ނޫނޭ ހަމަ ދެންމެއަކު ނުކުތީ.. ފުރަތަމަ ނުކުތް ތަނާ އަނެއްކާ ޑޮކްޓާރ ރުއާނާ އެދިގެން މެޑިސިންއެއް އެއް ޕާސްކޮށްލަ ދޭން މި ފާމަސީއަށް ވެސް ވަނިން.“

”ރުއާނާ އޭ؟“ ލިއަމްއާއި ކީވާންއަށް އެކުއެކީގައި ބުނެވުނެވެ. ދެމީހުން ފަހަތައް އެނބުރުނު އިރު ނަޒަރު ހުރީ އާލިއާގެ މޫނަށެވެ. އާލިއާއަށް ވެސް ނިތް އަރުވާލެވުނެވެ.

”ރުއާނާ މިދެދުވަހު ޑިއުޓީއަކަށް ވެސް ނާދޭ ސަޑެންލީ ހިޔާރ؟ފޯރ މެޑްސް؟ އަނިޔާއެއް ވީތަ؟“ ލިއަމްއަށް އެހުނެވެ. އޭނާގެ ހިތުގައި ނުގޮތައް ރުއާނާއާއި މެދު ކަންބޮޑުވުން ވިއެވެ.

”މްމްމް.. އޮފް ނަގާލީ ކަންނޭގެ ޓަޔާރޑް ވީމަ.. މްމްމް ޝީ ސެއިޑް އެކަނި ދުއްވާލަން ނުކުމެއޭ މިއުޅެނީ.. އަހަރެން ވަރަށް އެހިން.. އެކަމަކު ނުއެއް ބުނޭ ވަކި އަނިޔާއެއް ވި ވާހަކައެއް.. އެކަމަކު ވެސް އަނިޔާއެއް ވީމަ ގެންދާނީ އެކަހަލަ ބޭޙެއް“

”ކޮން ބޭޙެއް ގެންދިޔައީ؟“

”ބުރޫފެން“

”ކިތައް ޑޯޒް؟“

”ސިކްސް ހަންޑްރެޑް އެމް ޖީގެ ހަތަރު ގުޅަ..އެތާގައި އިން ފާމަސިސްޓް ވެސް ޕްރިސްކްރިބްޝަން އެއް ނެތި ވަރަށް ނުދޭން އުޅުނީ.. ބަޓް ރުއާ ވަރަށް ބެގްކުރި އެހެންވެ އަހަރެން އެންމެ ފަހުން އެ ހޯދައިދިނީ“ އާލިއާ ކިޔައިދިނެވެ.

ލިއަމްގެ ހިތް ނުތަވަސްވިއެވެ. ގުޅުމެއް ނެތެއް ކަމަކު ރުއާނާއާއި މެދު ފާޑަކަށް ވިސްނޭ އިރު އެފަދަކަމެއް ރުއާނާ ކުރި ހަބަރު ލިބުމުން ވީ ގޮތެއް ނުބަލާ އޭނާއަކަށް ނުހުރެވުނެވެ. އޭނާ ފޯނުގައި އިން ރުއާނާގެ ނަމްބަރަށް ޑައިލް ކޮށްލަން އުޅެ އުޅެ އެކަމެއް ކުރާކަށް ނުކެރުނެވެ.

”ކޮންތާކަށް ކަމެއް އެނގޭތަ އޭނާ ދިޔައީ؟“ އަނެއްކާ ވެސް ލިއަމް އަހާލިއެވެ. އާލިއާ ދެފާރަތައް ބޯހޫރުވާލިއެވެ.

”ކަލެއަށް ހާދަ ވަރެއްވެފަ އޭ ދޯ ތިއިނީ؟ އަނެއްކާ ރުއާއަށް ހިތް ކީތަ؟“ ލިއަމް އުޅެމުން ދިޔަ ގޮތުން ކީވާން އަކަށް މަޑަކުން ނީނދެވުނެވެ.

”ބޭކާރު ވާހަކަ ނުދައްކާ މި ނަމްބާރ އަށް ގުޅާބަ ތި ފޯނުން .. އަޙާބަލަ ހުރި ތަނެއް!.. ”ލިއަމް ހިތް އަވަސް ވެފައި ހުރެމެ އޭނާގެ ފޯނުން ރުއާނާގެ ނަމްބަރު ދައްކާލަމުން ކީވާންގެ ގާތުގައި ބުނެލިއެވެ.

”އޯކޭ..އޯކޭ .. ކާމްޑައުން.. އަހަރެންގެ އަތުގަ ވެސް އެބަ އިނޭ ރުއާގެ ނަމްބަރު..“ ކީވާން އަންތަރީސްވެފައި ހުރެ ލިއަމްގެ އަތް އޭނާގެ އަތުން ނައްޓުވާ، ރުއާނާއަށް ގުޅިއެވެ.

ދެތިންފަހަރަކު ފޯނު ރިންގް ވީ ނަމަވެސް ފޯނެއް ނުނެގިއެވެ.

“ ގެއަށް ދިޔައީ ކަންނޭގެ އެންނު.. ދެން ބަހައްޓާ މާދަން ރުއާ ދާނެ އެންނު ހޮސްޕިޓަލަށް ވެސް..ދެދުވަހުގެ އޮފް އެއް ވިއްޔަ ނެގީ“

ކީވާންގެ ޖުމްލަތަކަށް ރައްދެއް ލިއަމް ނުދެއެވެ. ބޯޖަހާލަމުން ކާރު ދުއްވާލިއެވެ. އޭރު ވެސް އޭނާގެ ސިކުނޑީގެ ވަނީ ރުއާނާގެ ނަމެވެ. ހިތައް ވެރިވަމުން ދިޔަ ކަންބޮނޑުވުންތައް އޭނާ އަކަށް ކޮންޓްރޯލެއް ނުކުރެވުނެވެ. އޭގެ އަސަރުތައް މޫނާއި ހިސާބަށް ހުރީ ފޯރާފައެވެ. ކުރިން ހުރި މަޖާ މޫޑު، ސީރިއަސްކަމަށް ބަދަލުވެއްޖެއެވެ.

”އާރ ޔޫ ސީރިއަސް؟“ ލިއަމްގެ މޫނަށް އެތައް އިރަކު ބަލަން އިނދެފައި ކީވާން ބުނެލިއެވެ. ރުއާނާގެ ވާހަކަ އާލިއާ ބުނި ހިސާބުން ލިއަމްއަށް އައި ބަދަލް އޭނާއަށް ނުހަނު ބޮޑަށް ނަގައިގަނެވުނެވެ.

”ވަޓް؟“

”ޔޫ ލުކް ޓެރިބަލް ލިއަމްބޭ“ މިފަހަރު ޖަވާބު ދިނީ އާލިއާއެވެ. އޭނާގާތައް ވެސް އިނީ ހިނި އައިހެވެ. ކީވާން ވެސް ފަސް އެނބުރިލާފައި އާލިއާއަށް ނަޒަރެއް ދިން އިރު އިނީ ހެވިފައެވެ.

***

ދުންފިނިބޯކަމުން މަގުތައް ފެންނަނީ ފުދޭވަރަކަށް އަނދިރިކޮންނެވެ. ފެހިކަން ގަދަ ގަސްގަހުގެ ކުރިން ހުދުކުލައިގެ ބޯ ދުންގަނޑު ފެނެއެވެ. ކާރު ދުއްވަމުން ގޮސް ރުއާނާ ވަނީ ޖަންގަލީގެ ތެރެއަށެވެ. ޒިއުރިކްގެ ބޮޑެތި މަގުތަކުގެ ބަދަލުގައި އޭނާ ބޮޑަށް ބޭނުންވީ އެފަދަ މާހައުލެއްގައި ކާރު ދުއްވާލާށެވެ. އެހެންނޫނަސް އޭނާ ކުރަން ބޭނުންވާ ކަންކަން ކުރެވޭނީ އެފަދަ ތާކަށް ގޮހެވެ. ”އެ ފިރިހެން މީހާ އަންނާނެ ނަމަ.. އަހަރެންގެ ހިތުގަ ހާދަ ބައިވަރު ސުވާލް އެބަހުއްޓޭ“ ހިތުގައި ވާ ބިރުވެރިކަން އެއްފަރާތަކަށް ގެނެސް އޭނާގެ އަޒުމް ވަރުގަދަ ކޮށްލިއެވެ. އޭނާގެ އަތުގައި ރިއްސަން ފެށީ ކާރު ދުއްވަން ފެށުމުންނެވެ. އާލިއާ ޑިއުޓީގައި ހުރިކަން އެގިގެން ގެނައި ބޭސްގުޅަ ކާލައިގެން ވަގުތީގޮތުން ރިހުން ހުރީ މެދު ކެނޑިފައެވެ. ނަމަވެސް އަދިވެސް އެއަތައް ބާރުކޮށް ލެވިއްޖެނަމަ ހިސާބަކަށް ވޭން އިޙްސާސް ވަމުންދިޔައެވެ.

ކާރުގެ ބިއްލޫރި ގަނޑު ކަހާލި ހިނދު އޭނާގެ ހަށިގަނޑުގައި އައިސް ބީހިލީ ތެތްފިނި ވައިރޯޅިތަކެވެ. ގަޔަށް އަރައިގެން ދިޔަ ހީގަނޑާއި އެކު ރުއާނާގެ ތުންފަތުގައި ރީތި ހިނިތުންވުމެއް ދައުރުވެލިއެވެ. ކޮންމެވެސް ވަރަކަށް ސްނޯވްގެ އަސަރު ވެސް ދޭތެރެއަކުން ކުރެއެވެ. ފިނިގަދަކަމުން ހަށިތައް ރޫރޫއަޅާވަރުވެއެވެ.

ކާރު ދުއްވަމުން ގޮސް ރުއާނާއަށް މަޑު ޖެހިލެވުނީ ޖަންގަލީގެ މެދުން ހެން ދެކަފި ވެފައިވާ މަގެއް ފެނިއެވެ. ރުއާނާ ވައަތް ފަރާތައް ކާރު އަނބުރާލީ ވަކި އެއްޗެއް ހިތުގައި އޮވެގެންނެއް ނޫނެވެ. ދިހަވަރަކަށް މިނެޓް ދުއްވުނު ފަހުން ގެއެއްގެ އަލިވާހެން ހީވެގެން ކައިރިއަށް ދިޔައިރު ދުރުދުރުގައި ދިހަވަރަކަށް ގޭ ހުރިތަން ފެނި ހިސާބަކަށް ހައިރާންވިއެވެ.

”ވަޓް ދަ.. މިތަނުގައި މީހުން އުޅޭތަ؟.. ސިންސް ވެން؟ މްމްމް އިންޓްރެސްޓިންގ“ އެހިސާބު ދެކިލަން ހިތް ޝައުގުވެރިވިއެވެ. ބައެއްގޭ ތައް ކައިރީގައި ދެތިން މީހަކު ތިއްބެވެ. އެއްގެ އާއި އަނެއް ގޭގެ ދެމެދުގައި ފުދޭވަރަކަށް ދުރުމިން ހުއްޓެވެ. ރުއާނާ ކާރު މަޑުކޮށްލީ އެންމެ ބިއްދޮށަށް ހުރި ގެއާއި ދުރުނޫން ހިސާބެއްގައެވެ.

”ވޯހްހް.. ވާއޫއޫ..“ އެގޭގެ ރީތިކަން ފެނި ރުއާނާގެ ދެލޯ ބޮޑުވިއެވެ.  ކަޅާއި އަޅި ކުލައިން ތިން ފަންގިފިލާއަށް، ނުހަނު އުސް ކޮން ހުރި  ހަވާލީއެއްފަދަ ރީތި ބޮޑު ގެއެކެވެ. ހުވަފެނީ ގެއެކެވެ. ހުރިހާ ފަންގިފިލާއަކާއި ގުޅިފައި، ގޭގެ ވަށައިގެން ބޭރަށް ޥާހެން އިން ދިގު ސިނޑިއެއް އެއް އިންއިރު ގާޑެން ލައިޓް ތަކުން ގެ ފެންނަލެއް ސިހުރުވެލިއެވެ. ގޭގޭފުރަގަހަށް ފެންނަން އޮތީ ބިޔަ ގަސްކަރައެވެ.  ބޭއިޙްތިޔާރުގައި ރުއާނާއަށް ކާރުން ބޭރަށް ނުކުމެވުނެވެ. އޭނާ ގެއިން ބޭރަށް މިއަދު ނުކުމަތް އަސްލު ސަބަބު، މިހާރު ހަނދާނުގައި ނެތްފަދައެވެ.

”ވޯހްހް.. ހާދަ ރީއްޗޭ.. ހޯލް ޑާރކްނެސް އިޒް އަނޮދާރ ލެވެލް.. ޕާފެކްޓް އެޑިކްޝަން.. ކޮންޕްލީޓްލީ ޓްވަލައިޓް ވައިބްސް“ ރުއާނާގެ އަނގައިން ބޭއިހްތިޔާރުގައި ނުކުތެވެ. ފޯނު ޖީބަށް ލަމުން ރުއާނާ ކުރިއަށް ހިނގައިގަތެވެ. އެގޭގެ ބިއްދޮށަށް ދެން ވެސް އޮތީ ޖަންގަލީގެ ބައި ކަމުން އޭނާ ގަސްތުކުރީ އެހިސާބުން އެތެރެއަށް ވަންނާށެވެ. އެހިސާބު ދެނެގަތުމަށް ޓަކައި ނޭނގޭ ޝައުގުވެރިކަމެއް އޭނާގެ ހިތުގައި ވަނީ އުފެދިފައެވެ.

ރުއާނާއަށް ނޭގުނީ ގެއިން ފެށިގެން އޭނާ ޝިކާރަކުރުމަށް ބަޔަކު އޭނާ ފެންނަ ހިސާބު ދުރުގައި ފާރައަށް ތިބިކަމެވެ.

އެތެރެއަށް ވަދެގެން ދިޔައިރު ހިނގޭހެން އޭނާގެ އިސްކޮޅު ހުރި ދިގު ވިނަތައް ދެފަރާތައް ކަފިކޮށްފައި މަގެއް ހަދާފައި އޮތެވެ. ހީވާ ގޮތުން އެއީ އެ ސަރަހައްދުގައި ދިރިއުޅޭ މީހުންގެ މަސައްކަތެކެވެ. ހައެއްކަ މިނެޓް ހިނގުނު ފަހުން އޭނާގެ ފަހަތުން ބަރު ފިޔަވަޅެއްގެ އަޑު އިވުނުހެން ހީވެގެން މުޅި ކުއްޖާ ހުއްޓުނެވެ. ނަމަވެސް ހީވިގޮތެއް ކަމަށް ބަލާފައި ދެވަނަ ފިޔަވަޅު އަޅަން ފައި ހިއްޅާލި ހިނދު އޭނާގެ ކަންފަތް ދޮށުން ހީވީ އައި ބާރު ވައިރޯޅި އަކާއި އެކު ދޫނި ފަތްތަކެއް ކޭއްތިގެން ދިޔަހެންނެވެ. ރުއާނާ ބިރުގަތީ އެހިސާބުންނެވެ.

”ރުއާނާ.. ރަން..ރަން“ ރުއާނާގެ ކަންފަތް ދޮށުގައި ހީވީ ވައިރޯޅިއެއް ފަދައިން މީހަކު ބުނެލި ހެންނެވެ. ގަނެފައިވާ ބިރުވެރިކަން ދެގުނަވިއެވެ. ހުރި ދިމާލަ ފަހަތައް އެނބުރި ހަށިގަނޑުގައި ހުރި ބާރެއްލާފައި އޭނަ ދުއްވައިގަތެވެ.

***

(ނުނިމޭ)