މި ޖިސްމުގާ ވަނީ 18

އެމީހުންގެ ތެރެއިން ވެސް އޭނާއަށް ސިހުން ލިބުނީ ގުރޫޕް ގަނޑުގެ މެދުގައި އޭނާގެ މޫނަށް ނުބައި ހިނިތުންވުމަކާއި އެކު ބަލަހައްޓައިގެން ހުރި ޒުވާނާ ފެނިއެވެ. އެއީ ހަމަ އެމީހާއެވެ. ހައެއްކަ ދުވަސްކުރިން އޭނާއާއި ފޮށެން އުޅުނު ޒުވާނާއެވެ. އަޅާ ނުލާ ދާން ހިނގައިގަނެފައި ވެސް ހުއްޓެން މަޖުބޫރުވީ އޭނާއިން ތަނުން ތެދުވެ އިރަމްއާއި ދިމާލަށް އަންނަން ހިތްލާލި ފިޔަވަޅު ފެނިއެވެ. ޖެހިލުން ވެފައި ހުރެމެ އިރަމް ވަށައިގެން ކަޅި ހިނގައިލީ އެހީއަށް އެދެން މީހަކު ހުރިތޯއެވެ. އެދުވަހު ސަދަފްގެ ސަބަބުން ސަލާމަތް ވީއެވެ. ނަމަވެސް އެމީހުން ނޫން އިތުރު އެކަކުވެސް އެހިސާބުގައި އެވަގުތު ނެތެވެ. މާލޭގެ ހަނި ގޯލިތަކުގެ އާންމު އުސޫލުން، އެއީ ވެސް ގޯޅީގެ ކަންމައްޗަށް ވެފައި ގެއެއްގެ ފޫޓުން ބައެއް، އޮތީ މަގަށް ވާހެނެވެ. އެހިސާބަށް މީހަކު އެރީމާ ނޫނީ ނުވެސް ފެންނާނެއެވެ.

***

އިރަމް ގަސްތުކުރީ އަނބުރާލާފައި އައިކޮޅަށް ދިޔުމަށެވެ. ދުރުމަގުން ނުގޮސް ކައިރި މަގަށް އެޅެވުނު މޮޔަ ދިޔައީ ހީވަމުންނެވެ. ގައިމުވެސް ދުރުމަގުން ދިޔަނަމަ ދެވުނީހީ މަޖީދީ މަގުންނެވެ. އެތައް ގޮތަކުން ރައްކާތެރި ވީހެވެ.

”ޔާ ﷲ..ސޭވް މީ ފްރޮމް ދިސް އީވިލް ޖާރކްސް“ އިރަމް އައިކޮޅަށް ހިނގައިގަތް އިރު ވެސް ދިޔައި ހިތް އަވަސްވަމުންނެވެ. ނުގޮވި ނަމަވެސް އޭނާގެ ފަހަތުން ހަރު ފިޔަވަޅު ތަކެއްގައި އެ ޒުވާނާ އަންނަމުން ދިޔައެވެ. ތުރުތުރު އަޅަމުން ދިޔަ ދެއަތުން ފޯނު ނަގާފައި ބެލީ ގޭ އެއްވެސް މީހަކަށް ގުޅޭތޯއެވެ. ނަމަވެސް ފޯނުގެ ކީބޯޑުގައި އިނގިލިތައް ވެސް ރަނގަޅަށް ނުޖެހެއެވެ. އިޔާންއަށް ގުޅަން ކުރި މަސައްކަތް ވެސް ވީ ބޭކާރެވެ. ހިތްވަރު ކޮށްލާފައި އަނެއްކާ ވެސް  ހޯދަނިކޮން ނާޔާގެ ނަމްބަރު ފެނިގެން، ލަސް ނުކޮށް ގުޅިއެވެ. ކާކުގެ ނަސީބެއް ކަމެއް ނޭނގެއެވެ. ނިކަން އަވަހަށް ނާޔާ ފޯނު ނަގައިފިއެވެ.

”ދޮ..ދޮން..ދޮންތާހްހް.. ހެލްޕް ..އެއްކަލަ..އެއ..އެއްކަލަ މީހާ ފަހަތުން އަޅާ ގަނެގެން… އައި ޑޯން..ޓް ނޯ މި..މި..ހުރެވުނު ތަނެއް ކިޔައިދޭކަށް.. ދޮންތަ “ ފޯނު ނެގިގޮތައް ނަގާފައި އިރަމް ވާހަކަ ދައްކަން ފެށިއެވެ. ނާޔާގެ އަޑުން، އޭނާ ވެސް ސިހުނުކަން އެނގުނެވެ.

”އިރޫ ޖަސްޓް ހިޔާރ މީ.. ރަން އޭޒް ފާސްޓް އޭޒް ޔޫ ކޭން.. ފޯނު ކަނޑާ ނުލާތި.. މި ދަނީ.. އަޅެ ހީވާ ތަނެއް ބުނެބަ“

”ދޮންތާ އޭނާ އަންނަނީ ..ހެލްޕް މީ.. “ އިރަމްއަށް އެންމެ ފަހުން ރޮވުނެވެ. އޭނާއާއި ޖެހޭ ނުޖެހޭ ހާ ކައިރިން ޒުވާނާގެ ފިޔަވަޅުތައް އަޑު އިވުނެވެ. ފޯނުން ވާހަކަ ދެއްކި އިރު ނާޔާއަށް ވެސް ހުރެވުނީ ރޮވޭ ގޮތްވެފައެވެ.

”އޭތްތް! ހަމަ މިހާރު ހުއްޓޭ!.. އިރޫ ތަ ކިޔަނީ؟ އައްޗާ ލޯބި ނަމެއް.. ހަހްހައްހާ.. އަހަންނަށް ކިޔަނީ ރަވީހް..ބޭބީ ގާލް ކަމް ހިޔާރ… ކާންޓް ވެއިޓް އެނީ ލޯންގާރ.. ވަޓް އަ ބިއުޓީ..“ ރަވީހް ، އިރަމްގެ އަތުގައި ހިފާ ގަޔާއި ދިމާލަށް ގެނައެވެ.

“ މަންމާ..އާހްހްހް ..ހެލްޕް.. ދޮންތާ ދޮންތާ… ޕްލީޒް..“ އިރަމްއަށް އޭރު ރަނގަޅަށް ވެސް ރޮވިއްޖެއެވެ. ކުއްލިއަކަށް އިރަމްގެ ފޯނު ނަގައި އޭނާ ފޯނު ކަނޑާލަމުން ޖީބަށް ކޮއްޕާލިއެވެ.  އެހިސާބުން އިރަމްގެ އަޑު ކެނޑުނެވެ. ފައިބަމުން ދިޔަ ފެންތަކާއި އެކު ބޯ ހޫރަމުން ދިޔައީ ގައިގާ އަތް ނުލާށޭ ބުނާ ފަދައިންނެވެ.

***

”އިރޫ ހާސް ނުވެ ތި އޭރިއާ ކިޔައި ދީބަ..ހަލޯ ހަލޯ.. އިރޫ“ ނާޔާއަށް އިރަމްގެ އަޑު ގެއްލުނީ އެހިސާބުންނެވެ. ކާރުގައި ޔުމާން އާއި ނާޔާ ނައްޓާލިއިރު ނާޔާއަށް ދިޔައީ ރޮވެމުންނެވެ.

”ނާޔޫ.. ޙާސް ނުވޭ.. އިރޫ އޯކޭ ވާނެ އިރާދަކުރެއްވިއްޔާ“ ޔުމާން ދިޔައީ ނާޔާއަށް ހިތްވަރެއް ދެވޭތޯ ބަލަމުންނެވެ. އިރަމް ހެޔޮ ހާލުގައި ލެއްވުމަށް އެދި ޔުމާންއަށް އެތައް ފަހަރަކު ދުއާ ކުރެވުނެވެ. ޔޫވިން ގޮވައިގެން ބަގީޗާގެ ތެރޭގައި އުޅެނިކޮން ލިބުނު އިރަމްގެ ކޯލާއި އެކު އެންމެ ސިކުންތެއް ވެސް ލަސް ނުކޮށް އެމީހުން ނުކުތީއެވެ. ނާޔާގެ ގަނެފައި ހުރި ބިރާއި އެކު އޭނާއަށް އިޔާންއަށް ހަބަރު ދޭންވެސް ވީ ބޮޑުކަމަކަށެވެ. އިޔާން އަށް ގުޅުމަށްފަހު ޔުމާންގެ ފޯނު ނަގާފައި ވިޝާމް އާއި ސަދަފް އަށް އަންގާލިއެވެ. އޭނާގެ ފަރާތުން އެހީއަކަށް އެދެން ވެސް ތިބީ އޭނާގެ ކޮއްކޮމެންގެ ގާތުންނެވެ.

”މަންމަ ބުނި ބިންނާ ކިޔާ ކުއްޖެއްގެ ގެޔަށޯ އިރޫ އެންމެ ފަހުން ދިޔައީ.. އެނގޭތަ އެ ކޮން ހިސާބެއް ކަން؟.. މަންމައަށް ވެސް ގޭ އިންނަ އެގްޒެކްޓް ޕޮއިންޓް ނޭނގޭ ކަމަށް ބުނީ..“ ފޯނު ކަންފަތުގައި ޖަހައިގެން އިނދެ ޔުމާން އެއްސެވެ.

”އޯޝަން ކެފޭ ކައިރި އެއީ..އެގޭ އިންނާނީ އެތަނުގެ ކުރިމައްޗަށް“ ހިތްވަރުކޮށްފައި ނާޔާ ބުނެލިއެވެ. ބޯޖަހާލާފައި  ޔުމާން އަނެއްކާ ވެސް ފޯނުން ވާހަކަ ދައްކަން ފެށިއެވެ.

****

”އޯކޭ..އެހިސާބާއި ކައިރީ ގަ މިހުރެވުނީ ވެސް.. ދެތިން މިނެޓުން ފޯރާނެ.. އިރަމްގެ ނަމްބާރ ފޮނުވާލާ.. މޭބީ ލޮކޭޓް ކޮށްލެވޭނެ ދާ މަގުމަތީގަ ވެސް“ ފޯނުގައި ހުރެ ދުވެލާފައި ސަދަފް މަގު ހުރަސް ކޮށްލިއެވެ. އޮފީސް ނިންމާފައި އެކުވެރިންނާއި އެކު ސަދަފް ކޮފީ އެއްގައި އިނދެފައި ގެޔަށް ދާން ނުކުތް ހިނދު ޔުމާން ގުޅާފައި އެދުމުން ލަސް ނުކޮށް އެކަމަށް މަސައްކަތް ކުރަމުން ދިޔައެވެ. އެންމެ ފަހުން ދުވަހު ވެސް އިރަމްއަށް ވީ ގޮތް ފެނުނީ ވެސް އޭނާއަށް ތާއެވެ.

އިރަމްގެ ފޯނު ނަމްބަރު ލިބުނު އިރު އޭނާއަށް ’އޯޝަން ކެފޭ‘ ގެ ކުރިމައްޗަށް އެރިއްޖެއެވެ. އެހިސާބުގައި ހުރެފައި އޭނާގެ ފޯނުގައި އެ ނަމްބަރު ޖެހުމަށްފަހު ’ލޮކޭޝަން‘ ހޯދުމަށް މަސައްކަތް ފެށިއެވެ. ދާދި ކުޑަ ވަގުތުކޮޅެއްގެ ތެރޭގައި ބޭނުންވި ފަދައިން އިރަމްގެ ފޯނު އޮތް ތަން،  އޭނާގެ ފޯނުގެ އިސްކްރީނަށް ދެއްކިއެވެ. ފޯނުން ފެނިގެންދާ މެޕްއިން، އިރަމްގެ ފޯނު އޮތް މިސްރާބް ދައްކައި ދިނުމަށްޓަކައި ވާ ކުދި ރޮނގުތަކާއި އެއްގޮތައް ސަދަފް ހިނގަމުން ދިޔައިރު އެހިސާބަށް ފޯރަން ހަތްވަރަކަށް މިނެޓް އިނުމުން އޭނާގެ ފިޔަވަޅުތައް ވެސް ބެހެއްޓީ ނިކަން ހަލުވިކޮންނެވެ.  މެޕުގެ ރޮނގު ބުރިތައް ހުއްޓިފައިޥާ ހިސާބަށް ސަދަފްއަށް ފޯރުނު އިރު އަނދިރިވެއްޖެއެވެ.

ކުރިމަތިން ފެންނަން އިނީ އިތުރު ހަނި ގޯޅިއެކެވެ. އެތެރެއަށް ވަދެގެން ދިޔައިރު އެހިސާބު ގަނޑުގައި އެއްވެސް މީހަކުވެސް ނެތެވެ. ފެންނަނީ ވެސް މާލޭގެ އެހެން ހިސާބުތަކާއި އަޅާ ބަލާއިރު ފަޅުކޮންނެވެ. މަގުގެ ކޮޅަށް ދެވުނު އިރު ކޮންމެވެސް ހިސާބަކުން އަންހެން ކުއްޖެއް ހަޅޭކްގެ އަޑު އިވުނުހެން ހީވެގެން އޭނާއަށް ހުއްޓެވުނެވެ. ދެވަނަ ފަހަރަށް އިވުމުގެ ކުރިން ސަދަފް އެއަޑަށް ހުރީ ސަމާލްކަން ދީގެންނެވެ.

***

އިތުރަށް ބަލަން ނުހުރެ، އިރަމްގެ ހިމަ އުނަގަނޑުގައި ހިފާލައިގެން ހުރެ  ގަދަކަމުން ގެންގޮސް ވެއްދީ މަގުގެ ގޮޅުގައި ހުރި ގަރާޖެއްގެ ތެރެއަށެވެ.

”ޕްލީޒް ތިހެން ނަހަދާ.. ހެޔޮނުވާނެ… މީހެކޭ… ތިހެން ނުހަދާ“ އިރަމް ރޮމުން  ދިޔައިރު، ވީހާވެސް ބާރަކަށް ދިޔައީ ހަޅޭއްލެވޭތޯ ބަލަމުންނެވެ. ނަމަވެސް ނުބައި ފާޑަކަށް ހީގަންނަމުން އިރަމްގެ އަނގަމަތީގައި ޖަހައިލިއެވެ.

”އާހްހްހް…މަންމާ.. ނޫން..ނޫން“ އިރަމްގެ އަނގައިން ފައިބަމުން ދިޔަ ލޭތަކާއި ލޮލުން ފައިބަމުން ކަރުނުތަކާއި އެކުވެގެން ތިރިއަށް ފައިބަމުން ދިޔައެވެ.

”އީޒީ ..އީޒީ ބޭބް.. ހިނގާބަލަ އަހަންނާއި އެއްކޮން ރިޒޯޓަކަށް.. ވަން ނައިޓް ސްޓޭންޑް އެއް ހަދާލަން.. ބޭނުން ވަރަކަށް ލާރި ދޭނަން.. ތިހެން ގަދަ ހަދާފަ އުޅުނީމަ ވަކިން ހަމަ ކްރޭވިންގ..   އާދެބަލަ ކައިރިއަށް..“ އިރަމްގެ ކަރުދޮށުގެ ތުންފަތް ޖައްސާލަމުން ރަވީހް ބުނަމުން ދިޔަ ޖުމްލަތަކުން އިރަމް ހޮޑުލަވައި ގަންނަމުން ދިޔައެވެ. ރަވީހްއަށް ހިފަހައްޓަން އުނދަގޫ މިންވަރަށް އޭނާ ދިޔައީ ގަދަހަދަމުންނެވެ. ނުވިސްނާ ހުއްޓާ، ގައިގާ ހުރި ބާރެއް ލާފައި އިރަމް، އޭނާގެ މުލައްދަނޑީގައި ދަތް އެޅިއެވެ.

“ ބަ*އެންނު.. އައްދޯތް.. މިހިރަ **!! ދެން ލާހިކެއް ނޫން އަމުދުން ފިލައިގެން ދާކަށް!“ ވީ ތަދުން ރަވީހް ހަޅޭއްލަވައިގަތެވެ. އެވަގުތު އޭނާގެ އަތުން އިރަމްއަށް ދުލެއް ލިބުނެވެ.

ބިރުން ރޫރޫ އަޅަމުން ދިޔައިރު އިރަމް ދެ ފަރާތް ބަލާލާފައި އުޅެގަތީ ދުއްވައިގަންނާށެވެ. ނަމަވެސް ދޮރުން ނުކުންނަން އުޅުނު ހިނދު އޭނާގެ އަތުގައި ހިފާ ކުއްލިއެއް ޖަހާލަމުން ނިކަން ބާރަށް ބައްދައިގަތެވެ. ރަވީހްގެ ހޫނު ނޭވާތަކާއި އެކު އިރަމްގެ މޫނުގެ އެކި ހިސާބު ތަކުގެ ބޮސްދެމުން ދިޔައިރު އުފުރިގެންދާ ފަދައަކުން އިރަމް ހަޅޭއްލަވަމުން ދިޔައެވެ. އެއާއި ރަވީހްގެ އެކު ދެތިން ހަމަލާ އިރަމްގެ ހަށިގަނޑަށް ވެސް އަރައިގެން ދިޔައެވެ.
“ ކިހާ ބޮޑު ބަލ*އެއް ..އަޑުގަދަ ނުކޮށް ހުރެބަލަ.. ކަންފަތުގަ ވެސް ރިއްސައިގަނެއްޖެ އޭ“

”ދޫކުރާށޭ .. ހަމަ މިޙާރު ދޫކުރޭ“

އިރަމްގެ މުޅި ހަށިގަނޑަށް ވަމުން ދިޔަ ތަދުން ކުރިއަށް ވުރެން ބޮޑަށް ރޮވެމުންދިޔައެވެ. މަޖުދާގެ އަޑުއަޙާފައި އިޔާންއާއި އެކު އާދެވުނު ނަމައޭ ހިތައް އެރި ވަރެއް ނޭނގެއެވެ. އަނެއްކާ ވެސް އޭނާ އުޅެގަތީ ރަވީހްއަށް އަނިޔާއެއް ދެވޭތޯއެވެ.

އިރަމް ލައިގެން ހުރި ހެދުމަށް ދަމައިގަނެ ބޮޑު ބައެއް އިރާލުމާއިއެކު،  ކުއްލި ހަރަކާތަކާއި އެކު އޭނާގެ ދަތްދޮޅީގައި އިރަމް ބޮލުން ޖެއްސެވެ. ނަމަވެސް ދެން ވީ މާދެރަ ގޮތެކެވެ. ދުއްވަގައިގެން ދިޔަ ހިނދު އޭނާގެ ފައި ފުރޮޅިގެން އަރިއަޅާލާފައި ހުރިގޮތައް ވެއްޓުނީއެވެ.

”އަދިވެސް ފިލަން އުޅޭތި.. މިރޭ ހަމަ މަ ހިތް ފުރުނީމަ ދޫކޮށްލާނީ“ އޭނާ ވެއްތީގަތީ އިރަމްގެ ގައިމައްޗަށެވެ. ނަމަވެސް ރޮމުން ދިޔަ އިރަމްއާއި އޭނާގެ ގައިމަތިގައި އޮތް ރަވީހްއަށް ސިހުމެއް ލިބުނީ ގަރާޖުގެ ދޮރުފަތް ހުޅުވުނު އަޑު އިވިފައެވެ.

”އޭތްތްތް! ޔޫ ފަކ*ން އޭސ*ހޯ*“އެތެރެއަށް ވަތް ހިނދު ފެނުނު މަންޒަރުން ސަދަފްގެ މޭގަނޑު ދިޔައީ ގުޑައިގެންނެވެ. ރުޅިގަދަވި ވަރުން އޭނާގެ މުޅި ހަށިގަނޑަށް ލިބުނީ އާދަޔާއި ހިލާފް ހިތްވަރެކެވެ. ދިޔަ ބާރު މިނުގައި އިރަމްގެ ގައިމަތިން، ރަވީހް ނަގާ ދުރަށް ހޫރާލީ ފާރުބުޑަށެވެ.

”އައްދޯއި“  ސަދަފް، ރަވީހް ފާރު ބުޑުން ނެގީ އޭނާގެ ލައިގެން ހުރި ގަމީހުގެ ގިރުވާނުގައި ހިފާފައެވެ. ސަދަފް އަތުގެ ދެތިން ހަމަލާ ރަވީހްގެ މޫނުމައްޗަށް އަރުޥާލެވުނު އިރު އޭނާގެ ދެލޯ ރަނގަޅަށް ނުހުޅުވެއެވެ. އޭނާގެ ހަށިގަނޑުގެ އެކި ހިސާބުތަކުން ލޭ އަންނަ މުން ދިޔަ އިރުވެސް ސަދަފް ނުހުއްޓިއެވެ.

”ދެވަނަ ފަހަރަށް މި ލެވެލްއަށް ވެއްޓުނީ..  މިއަދު މަ ދާނީ ދެވަނަ ފަހަރަށް އިތުރު އަންހެން ކުއްޖެއްގެ ގައިގަ ކަލޭގެ އިނގިލި ކުރި ވެސް ޖައްސާލަން ނުކެރޭ ވަރު ކޮށްފަ!…“ ސަދަފް ދެވަނަ ފަހަރަށް ރަވީހް ފާރުބުޑަށް ހޫރާލާހާފައި، ފައިގާ ހުރި ބާރެއްލާފައި  އޭނާގެ ބަނޑުގައި ކޮޅުފައިން ޖެހިއެވެ.

”ސަ..ސަދަފް“ ރޮވެމުން ދިޔަ އިރަމް އަށް ސަދަފްއަށް ގޮވާލެވުނީ އޭނާގެ ހަށިގަނޑުގައި އަޅަމުން ދިޔަ ވޭނަށް ކެތް ނުވެގެންނެވެ. ހެދުމުގެ ބޮޑު ބައެއް އިރިފައިވީ އިރު މޭމަތި ފޮރުވާލުމަށްޓާކައި ތުރތުރު އަޅަމުން ދިޔަ ދެއަތް ތިލަ އިރަމް ހުރީ ހުރަސްކޮށްގެންނެވެ. އެންމެފަހުން ރަވީހް ދޫކޮށްލާފައި ސަދަފް އައިސް ހުއްޓުނީ އިރަމްގެ ގާތުގައެވެ. އޭނާ ލާފައި ހުރި ގަމީސް ބޭލުމަށްފަހު އިރަމްގެ ގައިގާ އޮޅާލަ ދިނެވެ.

”ޔޫ އޯކޭ؟ އިރަމް..އިރަމް“  ސަދަފްއަށް އިތުރު އެއްޗެއް ނުބުނެ ވެނީސް، އިރަމް އަރި އަޅާލައިގެން އޭނާގެ އަތުގެ ތެރެއަށް ވެއްޓިގެން ދިޔައެވެ. އިތުރަށް މަޑުނުކޮށް އޭނާ ވެސް އިރަމް އަތްދަނޑި މައްޗަށް ލައިގެން ނުކުމެތް ހިނދު ޖެހުނީ އިޔާންގެ ކުރިމައްޗަށެވެ.  އިރަމް އޮތް ހާލު ފެނި އިޔާންއަކަށް ކެތެއް ނުވިއެވެ.

”އިރޫ..އިރޫ..“ އިޔާން ތެޅިގަނެފައި އިރަމްގެ ގައިގާ ހިފައިގެނެވުނެވެ. އޭރު އޭނާގެ ދެލޯ ކިރިޔަ ކިރިޔާ ހުޅުވެއެވެ.

”ދޮން..ދޮންބޭ“ އިރަމްގެ ދެލޮލުން ހޯސްލާފައި ކަރުނުތައް ފައިބައިގަތެވެ. އިޔާންގެ ލޯ ވެސް ތެމޭގޮތްވިއެވެ.

”އިރަމް ގެންދާނަން.. ޓޭކް ކެއާރ އޮފް ހިމް! މިގަޑީގަ އޭނާ ފިލައިފިއްޔާ ފަހުން ހޯދަން އުނދަގޫވެދާނެ“ އިރަމް ގެންދަން އިޔާން އުޅުނު ހިނދު ސަދަފް ބުނެލިއެވެ. ކިތަންމެ ނުރުހޭ މީހަކަށް ވިޔަސް ސަދަފް އެވަގުތު ބުނެލީ ރަނގަޅު ވާހަކައެއް ކަން އޭނާއަށް ވިސްނިގެން ބޯ ޖަހައިލިއެވެ.

”ވާނުވާ އަންގާލާތި“ އަމުރުވެރި ރާގެއްގައި ބުނެ، އިޔާން ފޯނު ނަގައިގެން އެތެރެއަށް ވަންނަން ދިޔަ ހިނދު ، ސަދަފް ބޯޖަހާލިއެވެ. އިޔާން ވާހަކަ ދެއްކުމުން އޭނާގެ ދެލޯ ތެމިލި ލިބުނު އުފާވެރިކަމަކުންނެވެ. އިޔާން އޭނާއާއި އެފަދަ ކަމެއްގައިވެސް އަނގައިން ބުނާނެ ކަމަކަށް ސަދަފް ހިއެއް ނުކުރެއެވެ.

ދުވެލާފައި އެގޯޅިގަނޑުން ސަދަފް ނުކުތެވެ. ’އޯޝަން ކެފޭ‘ ކައިރިއަށް ދެވުނު ހިނދު އެހިސާބުގައި ޔުމާން އާއި ނާޔާ ތިއްބެވެ. ނާޔާއަށް އިރަމް އޮތް ހާލު ފެނި ރޯންފެށުނެވެ. ނަމަވެސް ލަސްވާ ކޮންމެ މިނެޓަކީ ވެސް އިރަމްއަށް ވާނެ ގެއްލުމެކެވެ. އެކަން ދެނެގެން އަވަސްވެގަތީ އެންމެ ކައިރިއަށް ހުރި ހޮސްޕިޓަލަށް ދިޔުމަށެވެ.

***

އަމީރާ ގޭގައި ރީއާ ގޮވައިގެން އިންއިރު އަތުގެ ތެރޭގައި އޮތް ފޯނަށް އިރުއިރު ކޮޅުން ނަޒަރް ހުއްޓާލެވޭ ގޮތްވެއެވެ. އިރަމްއާއި މެދު ކަންބޮޑުވެފައިވާ ވަރުން އޭނާއަށް ތަނެއްގައި އިށީނުން ވެސް ވީ ބޮޑުވޭނަކަށެވެ. ކާންދިނުމަށްފަހު، ޓީވީއިން ކާޓޫން އަޅުވާފައި ސޯފާގައި ބޭންދިގޮތައް ރީއާ ވެސް ރީތިކޮން އިނެވެ. ދެކޮޅަށް ހިނގާލަ ހިނގާލަ ހުރި އިރު ،ނަދީމްއާއި އާއި މަޖުދާގެ ފޯނަށް ގުޅި ނަމަވެސް ދެމީހުން ކުރެން އެކަކުވެސް ކޯލަކަށް ޖަވާބު ނުދެއެވެ. ނާޔާގެ ނަމްބަރް ނޭނގޭތީ އެކަމެއް ވާކަށް ވެސް ނެތެވެ. ދެން ހުރީ އިޔާންއެވެ. އަމީރާއަށް ތުންފަތުގައި ދައިގަނެވުނެވެ. އިޔާންއަށް ގުޅަން ނޫޅެ ޖިންސްގެ ޖީބަށް ފޯނު ކޮށްޕާލަމުން އެނބުރި އައިސް ރީއާގެ ގާތުގައި އިށީންދެލިއެވެ.

”ދޫނި ނިދިއައީތަ؟“ އެހެން އިނދެ އިނދެފައި ރީއާ ލޯ އުނގުޅަން ފެށުމުން އަމީރާ އަހާލިއެވެ. ލަސްލަހުން ބޯ ޖަހައިލަމުން ރީއާ އާފުރިލިއެވެ. ހިނިއައިސް އިނދެ ބޯޖަހާލަމުން ރީއާ އުރާލައިގެން އަމީރާ ގޮސް ވަނީ މަޖުދާގެ ކޮޓަރިއަށެވެ. ރީއާ ނިންދެވުމަށް ލައްވާ އުޅޭ ބައެއް އަންނައުނު އެތަނުގައި ބަހައްޓާފައި ހުރެއެވެ.

”އޯޙް ނޯހްހް.. ދައްތަ ހުރިހާ އެއްޗެއް ދޮވެފަ ގެންދިޔައީ ދޯ..މިތާގަ މިހުރީ ހުސް ރީއްކޮ ލާފަ  ހުރި އެއްޗިހި“ ހުރިހާ އަންނައުނެއް ހެން ދާ ވަށިގަނޑުގައި ހުއްޓާ ފެނުމުން އޭނާއަށް ބޮލުގައި އަތުން ޖަޙާލެވުނެވެ. ދެން އޭނާ ނުކުމަތީ އިޔާންގެ ބަޔަށް ދާށެވެ. އެ ނޫން އިތުރު ގޮތެއް ވެސް ނެތެވެ. އިޔާން މިގަޑީގައި ނާންނާނެކަން ޔަގީން ވާތީ އޭނާ ބޭނުންވީ ވީ އެންމެ އަވަހަކަށް ރީއާގެ އަންނައުނެއް ހިފައިގެން އައުމަށެވެ. ލާފައި ހުރި އެއްޗިހިނުގައި ވެސް ބެހެއްޓޭކަށް ނެތެވެ. ހަވީރް ޕާކަށް ގޮސް ކުޅެކުޅެފައި އައުމުގެ ސަބަބުން ރީއާ ހުރީ ނުހަނު ބޮޑަށް ދާ ހިތްލާފައެވެ.

”އާހްހް…ކޯޑް؟“ އިޔާންގެ އެޕާރޓްމަންޓް ހުރީ ތަޅުލާފައެވެ. ދޮރު ހުޅުވުމަށްޓަކައި ޖަހަން ޖެހޭ ހާއްސަ ކޯޑް އޭނާއަކަށް އެއްގޮތަކަށް ވެސް ނޭނގުނެވެ. އަނެއްކާ ވެސް މަޖުދާއަށް ގުޅާލިއެވެ. އެކަމަކު މިފަހަރު ވެސް ފޯނެއް ނުނެގިއެވެ. އިތުރު ގޮތެއް ނެތިގެން އިޔާންއަށް އެންމެ ފަހުން ގުޅިއެވެ.

”ހަލޯ“ އިޔާންގެ އަޑާއިއެކު މުޅި ކުއްޖާގެ ހަށިގަނޑުގައި ހީވީ ފިނީގެ ރާޅެއް ދަތުރު ކޮށްލި ހެންނެވެ.

”މި..މި.. ރީއްކޮގެ ހެދުމެއް..ހޯދަން.. އެޕާރޓްމަންޓް.. ލޮކް“ވަކި ވަކި ލަފްޒުތަކަކަށް ބުނެވުނު އިރު އެބަސްތައް ބޭރުވީ ވެސް ކިރިޔާއެވެ.

”އަމް ހިޔާރ“ އަމީރާ ސިހުނީ، އޭނާގެ ފަހަތުން އިވިގެންދިޔަ އިޔާންގެ އަޑުންނެވެ. ބަލައިލި އިރު ކަންފަތުގައި ފޯނު ޖަހައިގެން ހުރެ އިޔާން ފޯނު ތިރިކޮށްލަނީއެވެ. އޭނާގެ ނަޒަރު ސީދާވެފައި ހުރީ އަމީރާއަށެވެ. ވަގުތުން ފޯނު ތިރިކޮށްލަމުން އަމީރާ ވެސް އިސްޖަހައިލިއެވެ.

”ބައްޕީ ..“ އަމީރާގެ އުރައް އަރަމުން ރީއާ ލޯބިގޮތަކަށް ގޮވާލިއެވެ. އިޔާން ލޯބިން ފުރިގެންވީ ފަދައަކުން ހީލައިގެން ހުރެ ރީއާގެ ގާތައް ދިޔައެވެ.

”ބޭބީ ރަނގަޅަށް ކެއިންތަ؟ ބައްޕި އަންނާނަން އިނގޭ.. އަދި އެބަ ބޭރަށް ދާންޖެހޭ“ އަމީރާގެ އަތުން ރީއާ ނަގައި އުރާލިއެވެ. މައުސޫމް ހިނިތުންވުމަކާއި އެކު ރީއާ ބޯޖަހައިލަމުން އިޔާންގެ ގައިގާ އޮޅިގަތެވެ. ނުބަލަން ހުރެ ހުރެފައިވެސް އަމީރާއަށް އިޔާން ޖަހަމުން ދިޔަ ކޯޑަށް ނަޒަރެއް ދެވުނެވެ. އޭނާގެ އުފަން ތާރީހް ފެނިގެން ދިޔުމުން އަމީރާއަށް އަނގަ ހުޅުވުނެވެ. އޭނާގެ މޫނުމަތީގެ އެއްވެސް ކުލަވަރެއް އިޔާންއަށް ފެންނަން ނޭދޭތީ ނުހަނު އަވަހަށް ދުރު ބެލިއެވެ.

”އިޔާން އާއި މިގޭ އެންމެން ރީއްކޮގެ ކައިރީގަ ޓްވެންޓީ ފޯ އަވާރސް ހެން އުޅޭ އިރު ކޮބާތަ އިޔާންގެ ވައިފް؟.. އަހަރެން އައި ފަހުން ލޮލަކަށް ނުދެކެން.. އަނެއްކާ.. ނުހުންނަނީތަ؟ ނޯ ވޭ.. ނޯ ވޭ… މި ހާ މަކަރު ހުންނަ މީހަކު އިތުރު އަންހެނެއް ނުގެން ގުޅެ ހުންނާނެ ތަ.. ހަހަހަ ނޯވޭ.. މައި ބޭޑް“ އަމިއްލަ ހިތާ ހިތާއި ކިޔައިލެވުނު އިރު އަމީރާގެ އަނގަޔަށް ވައްތަރެއް ޖެއްސުނެވެ. އިރަމްގެ ހާލަކީ ކޮބާތޯ އަހަން ބޭނުން ވެފައި އިނެއް ކަމަކު އިޔާންގެ ގާތުން އަހާކަށް ބޭނުމެއް ނުވެއެވެ. އެމީހުންގެ ފަހަތުން އެތެރެއަށް ވަންނަން އުޅެފައިވެސް ދޮރުގެ ކައިރީގައި އޭނާ މަޑުކޮށްލިއެވެ.

”މްމްމް.. އިރަމް ކިހިނެތް؟“ އަހަން ނާހަން ހުރެފައި އަމީރާ އެއްސެވެ.

އިޔާން ހުރީ އައިސް އަލަމާރިއާއި ވީ ފަރާތައް އެނބުރިގެން، ފެންފުޅިއެއް ނަގައިގެންނެވެ. ތައްޓެއް ނަގާފައި ހުރިއިރު އޭނާ ދިޔައި ފެންއެޅުމަށް ތައްޔާރު ވަމުންނެވެ. އަމީރާގެ އަޑު ޖެހުމުން ފަސް އެނބުރިފައި ހުރެވުނީ ޔަގީން ނުވެފައެވެ.

”ގެއަށް ދޫކޮށްލަން މިހާރު އެއުޅެނީ “ ފަރުވާލެއް ނެތް ފަދައަކުން އިޔާން ބުންނެވެ. އަމީރާގެ ނިތައްރޫ އަރައިގެން ދިޔައެވެ. މީރާންގެ ފުށުން އިރަމްއަށް ވެފައި އޮތް ގޮތް އަމީރާއަށް ވަނީ އެނގިފައެވެ. އެހާލަތުގައި އޮތް ކުއްޖަކު ގެއަށް ދޫކޮށްލާ ވާހަކަ ބުނުމުން ހައިރާން ވާނެތާއެވެ.

”ކީއްވެ މިހާ އަވަހަށް؟ “

“ ހޮސްޕިޓަލުން ދޭން ވާ ފަރުވާ ދީފަ ވަނީ.. ގެއަށް ގެނެސްގެން މަންމައާއި ދޮންތަ އަށް ފަރުވާ ދެވޭނީ.. އިރޫ ރޯވަރުން މަންމަ އެދުނީ އެގޮތައް ހަދަން.. އަހަރެން އެބަޖެހޭ ސްޓޭޝަނަށް ދާން.. ވަރުބަލީ ވީމަ ޖަސްޓް ޓެކްސްޓް މީ“ ރީއާގެ ހެދުން  އަމީރާގެ އަތައް ދެމުން އިޔާން ބުނެދިނެވެ. އަމީރާ އެއްޗެއް ނުބުނެ ގާތައް ހުއްޓުނު ރީއާ އުރާލައިގެން އެތަނުން ނުކުންނަން ދިޔައެވެ.

”އިރޫ ފޮނުވާލަންޏާ މީނަ ކޮންތާކަށް ތަ ދެން ދާން އޮތީ؟“ އަމީރާގެ ސުވާލް ހިތުގައި ބާއްވައިގެން ހުރެ އޭނާ ދިރިއުޅޭ ބަޔަށް ވަދެ އަވަސް ވެގަތީ ރީއާ ނިންދެވުމުގެ މަސައްކަތް ކުރާށެވެ.

***

ގެއަށް އައި ގޮތައް ސަދަފް ވަނީ ފާޙާނާއަށެވެ. އިރަމްގެ ހަށިގަނޑުން ހަލާކުވެފައިވީ ތަންތަނުން އައިސް ހުރި ލޭ ތަކާއި ދަލުގެ ސަބަބުން އޭނާ ހުރީ ސާފް ވެލަން ބޭނުންވެފައެވެ. ހިސާބަކަށް ފިނި ރެއެއް ނަމަވެސް އޭނާ ފެންވަރާލީ ފިނިފެނުންނެވެ.  ފާހާނާއިން ނުކުތް އިރު އުނުގައި އަނދެލައިގެން ހުރި ތުވާއްޔާއި އެކު އައިސް ޖެހިގަތީ ތަނަވަސް ދިގު ސޯފާއަށެވެ.  ހަށިގަނޑަށް ލިބިފައިވާ ވަރުބަލިކަމަށް އަރާމެއް ހޯދުމަށް އޭނާ ހުރީ ނުހަނު ބޭނުންވެފައެވެ. ނަމަވެސް އޭނާގެ ދެލޮލާއި ނިދި މިރޭ ދުރެވެ.

ލިބިފައިވާ ވަރުބަލިކަމުގެ ތެރެއިން ވެސް، ހިސާބެއްގެ އުފާވެރިކަމެއް ހިތައް ލިބިފައި ވާ ފަދައެވެ. ތުންފަތުގައި ވީ ހިނިތުންވުން އެކަމަށް ހެކިދޭ ކަހަލައެވެ.

”ފައިނަލީ ހީ ޓޯކްޑް“ ސަދަފްގެ ދެލޮލުގެ މިޔަކަނުގައި ވީ ތެތްކަމެކެވެ. ކަރުނައިގެ އަސަރެވެ. ނަމަވެސް އެއީ ދެރަވެގެން މިއަދު ވީ ގޮތެއް ނޫނެވެ. އެތައް ދުވަހަކަށް ފަހު އިޔާން އޭނާއާއި ވާހަކަ ދެއްކުމުން ހިތައް ލިބުނު އުފާވެރިކަމުގެ އަސަރެވެ. ސަދަފް ލޯ މަރާލި ހިނދު ސިފަވެގެން ދިޔައީ އިޔާން އާއި ވިޝާމް އަދި މާއިން އާއި އެކު ސަކަރާތް ޖަހާ އުޅުނު ދުވަސްތަކެވެ. އެއީ މާޒީއެވެ. އޭނާގެ އުފާވެރި މާޒީއެވެ. އެދުވަސްތައް އަލުން އެނބުރި ބައްދަލް ކުރާނެ ނަމަ ކޮން ފަދަ ހެއްޔެވެ. ނަމަވެސް އެހުރިހާ ކަމެއް ބަދަލް ވެއްޖެއެވެ. ހިތައް ނުގެނެވޭނެހާ ބޮޑަށެވެ. އެވެސް އޭނާގެ ކުށެއް ނެތިއެވެ. ހުރިހާ ވެސް ނުބަޔަކީ އެ ސުންޕާ ޔަނާލް އެވެ. އޭނާ ދުވަހަކު ވެސް، އެ ޔަނާލްއަކަށް މާފެއް ނުކުރާނެއެވެ. ކޯތާފަތް ތެމޭހެން ހީވެގެން ސަދަފް ލޯ ހުޅުވާލިއެވެ. ނަޒަރު ހުއްޓާލެވުނީ ސޯފާގެ ކުރިމަތީގައި ހުރި އަލަމާރީގައިވާ ލޯގަނޑުން ފެންނަމުން ދިޔަ އަމިއްލަ ސޫރައަށެވެ. ރޮގަކަށް ފައިބާފައި ހުރި ކަރުނު ތިކި އަތުގެ ނުފުށުން ސަދަފް ފުހެލިއެވެ.

”އިންޝާﷲ އަދި ރަނގަޅު ވާނެ“ މޭގައި މަޑުމަޑުން ސަދަފް ޖަހާލިއެވެ. ހީވީ އަމިއްލ ހިތް ހަމަޖައްސާލި ހެންނެވެ. އެއިން ގޮތައް އިންދާ ދޮރުގައި ޓަކި ޖަހާލި އަޑު އިވުނެވެ.

”ހުޅުވާފަ“ އޭނާގެ އަޑާއިއެކު ވަދެގެން އައީ އާމިލާއާއި ހައިކަލްގެ އިތުރުން ވިޝާމްއެވެ. ތިންމީހުން އޭނާއަށް ބަލަމުން ދިޔަގޮތުން ސަދަފްއަށް ނިތް އަރުވާލެވުނެވެ.

”ދަރިފުޅާ ރަނގަޅުތަ؟ އިޔާން ނުޖަހާ ތަ؟“ އާމިލާ އައިގޮތައް ފުރަތަމަ ވެސް ސަދަފްގެ އަތުގައި ހިފަހައްޓާލަމުން ވަށައިގެން އެނބުރިފައި ބަލާލިއެވެ. ހީވާގޮތުން އޭނާއަށް ގެއްލުމެއް ލިބިފައި ވޭތޯ ބެލީއެވެ. ސަދަފް ގާތައް ހިނިއަންނަ ގޮތް ވެފައި ހުރެ ކިހިނެތް ވީހޭ އެހިއެވެ.

”އިޔާން އާއި ދެމީހުން ހަމަ ނުތޮޅެން؟“ ވިޝާމް ވެސް އުޅެނީ ހައިރާން ވެގެންނެވެ.

”ގާއީޒް އަމް އޯކޭ އޭ.. މީހަކު އަނެއްކާ ނުބައި ހަބަރެއް ދިނީތަ؟“

“ނޫނޭ މަންމަގެ ޝެޑީ މިއަދު އިރޫ ގޮވައިގެން ހޮސްޕިޓަލަށް ދާން، އިޔާ އޯކޭ ވި ޥާހަކަ މަޖޫ ބުނީންސުރެން މަންމަ މިހުންނަނީ ހަމަ ކޮސްވެފަ“ އާމިލާގެ ޖުމްލައިން ހައިކަލްވެސް ލާނެތް ހިންޏެއް ހީލައިގެން ހުއްޓެވެ.

”އަހަންނަށް އަދި އިޔާން ގާތު އެހުނު ..ހަމަ އޯކޭ ވެފަ ހުރެހޭ އެގަޑީގައި ޝެޑީއާއި އިރޫ ހަވާލު ކުރީ“ ވިޝާމް އަނެއްކާ ވެސް ބުނެލިއެވެ.

”ދެން އޭނާ ކީކޭތަ ބުނީ؟ ތިއްތިބެ ވެސް ދައްކާ ވާހަކަ ދޯ..އެހެން ނޫނަސް އެފަދަ ހާލަތެއްގައި އަރާރުން ވުމުން ބޯތް ޕާޓީއަށް ވެސް ހުސް ގެއްލުން..އެހެންނު؟.. އިރަމް ވަރަށް ވީކް ވެފަ އޮތީ .. އަނެއްކޮޅުން ކުށެއް ކޮށްފަ ޖެހިގެން އަންނަ ދުވަހު ވެރިއަކާއި ގުޅިގެން ގައުމުން ފިލައިގެން ދާ މީހުން މިހާރު ގިނައީ.. އޭނާ ވެސް ފިލައިގެން އެވަގުތު ގޮސްފިއްޔާ ފަހުން ހޯދުން އެއީ ފަސޭހަ ކަމެއްނޫން.. މިޙާރު ދެވަނަ ފަހަރަށް އިރަމްއަށް އެހެން އެހަދަނީ.. އެހެންވެ އަހަރެން ބުނީ އޭނާގެ ގާތައް ދާން.. ސޯ އަހަރެން އިރަމް ގޮވައިގެން ހޮސްޕިޓަލަށް މިދިޔައީ“ ސަދަފް އާދައިގެ ހިނިތުންވުމެއްގައި ހުރެ ބުނެލިއެވެ. އޭރު ތިން މީހުންގެ މޫނުމަތިން ވެސް ސަދްފްއާއި މެދު ހިތްހަމަ ޖެހިފައި ހުރިވަރު ހާމަވެއެވެ.

”ދަރިފުޅު ތިހެދީ އެންމެ ރަނގަޅަށް…އެހެންވެއޭ ބައްޕަ އަބަދުވެސް ބުނަނީ މީ ބައްޕަގެ އެންމެ ބަސްއަހާ ދަރިއޭ… އެކަންކަމާއި އެހާ ބޮޑަށް ނުވިސްނާތި..ކޮންމެ ވެސް ދުވަހަކުން ތިދެކުދިންގެ ދެމެދުގައި ކުރިން އޮތް އެކުވެރިކަން އަލުން އިއާދަވާނެ.. އަދި ކޮންމެ ވެސް ދުވަހަކުން އިޔާއަށް އެނގޭނެ ޝެޑީ އިނޮސެންޓްކަން“ ސަދަފްގެ ގައިގާ ހައިކަލް ބައްދާލަމުން ހިތްވަރުދިނެވެ. ސަދަފްގެ ކުށެއް ނެތްކަން އޭނާއަށް އެނގެއެވެ.

ހައިކަލްގެ ވާހަކައިން ހައިރާންވީ ވިޝާމްއެވެ. އޭނާއަކަށް މަޑަކުން ނުހުރެވުނެވެ. ހިތައް ވެރިވެ ގަތް ސުވާލް އޭނާއަށް ކުރެވުނެވެ.

”ޝެޑީ އިނޮސެންޓް ކަން؟ ތިބުނީ؟ އަދި ގެޓް އެއް ނުވި… އޭރު އިޔާ އާއި ޝެޑީ މައްސަލަ ޖެހުނީ، ޔަނާލްއާއި އާއި ދެމީހުން ޑްރަގްއާއި އެކު ހައްޔަރު ކުރި ހިސާބުންނެއްނު؟“

”ނޯ ވޭ.. އަދިވެސް ވިޝާމް ދަރިފުޅު ހީކުރީ އެގޮތައް ކަމަށްތަ.. ތިގޮތަކަށް ނޫނޭ ވ-“ އާމިލާ ފެށި ޖުމްލަ ހުއްޓުވާލީ ސަދަފްއެވެ. ލޮލުގެ އިޝާރާތުން އޭނާ ކޮށްލި ހަރާކާތް އާމިލާއަށް ފަހްމްވިއެވެ. ވިޝާމްގެ ގާތުގައި އެވާހަކަ ދައްކަން އުޅެއުޅެ އޭނާ ވަރުބަލިވެއްޖެއެވެ. އިޔާންއޭ ކިޔާފައި ފަށައިފިނަމަ، ސަދަފް ދެން ދައްކާ އެއްވެސް ވާހަކަ އެއް ވިޝާމް އަޑެއް ނާހާނެއެވެ.

”އާރ ޔޫ ގައިޒް ހައިޑިންގް ސަމްތިންގ؟“

”ނޫނޭ.. މަންމައައި ބައްޕައަށް އެގޮތައް ފީލްވާތީ އެބުނެލީ..މްމްމް އެންމެން ކޮފީ ބޯނަން ތަ؟“ އެވާހަކަ ދައްކަން ބޭނުން ނުވާތީ  ސަދަފް މައުލޫއު ބަދަލް ކޮށްލިއެވެ.

”މްމްމް…އޯކޭ ހިނގާ ގާޑެންއަށް.. ”ސަދަފްގެ މޫނަށް ނިކަން ރަނގަޅަށް ވިޝާމް ބަލައިލިއެވެ. ފުރަތަމަ ފަހަރަށް ސަދަފްއާއި ދޭތެރޭގައި ވިސްނާލަން ޖެހުނެވެ. އޭނާއަށް ނޭނގި ކަމެއް ހިނގީބައޭ ހީވަމުންދިޔައެވެ.

”އިރޫ ގެންގޮސްފި އޯ ގެޔަށް ދެންމެ މަޖޫ މެސެޖް ކޮށްފި.. ދަރިފުޅާ އެއްޗެއް ލައިގެން ގާޑެންއަށް އާދޭ އިނގޭ..“ ފޯނަށް ބަލަން ހުރެފައި އާމިލާ ބުނެލިއެވެ. އޭނާގެ ފަހަތުން އިރަމްއާއި ބެހޭގޮތުން ސުވާލް ކުރަމުން ހައިކަލްއާއި ވިޝާމް ވެސް ނުކުތެވެ.

***

އަރައިގެން އައި އިރާއިއެކު އިޔާންއަށް ހޭލެވުނެވެ. ފުރަތަމަ ވެސް ބަލައިލެވުނީ ގާތުގައި ނިދިފައި އޮތް ރީއާއަށެވެ. ރީއާގެ ބޮލުގައި ފިރުމާލަމުން އަވަސްވެގަތީ އޮފީހަށް ދިޔުމުގެ ކުރިން ފެންވަރާލުމަށެވެ. ފަހަކަށް އައިސް ގިނަ ދުވަސް ދުވަހު، ރީއާ ހޭލަނީ އިޔާން ފެންވަރައިގެން ނުކުންނަ ފަހުންނެވެ.

ހެނދުނުގެ އެންމެ ފިނި ވަގުތުކަމުން އޭނާ ފެންވަރާލީ ހޫނުފެނުންނެވެ. ފެނުގެ އަސަރު ކުރުވި ހިނދު ދެލޮލުގައިވާ ނިދީގެ އަސަރު އެކުއެކީގައި ފިލައިގެން ދިޔައެވެ.  މުޅި މީހާ ތާޒާވިއެވެ. ލަސް ނުކޮށް ފާހާނާއިން ނުކުތް ހިނދު ރީއާ ވެސް އެނދުން ތެދުވަނީއެވެ.

”ގޫޑް މޯނިންގް ސްވީޓެސްޓް“ ގައިގާ ވާހާ ފެނާއި އެކު އިޔާން އައިގޮތައް ރީއާ އުރާލިއެވެ.

”ބައްޕީ އައްޗީ !.. އައްޗީ ކޮއްކޮ ރުޅި.. ދެން ބައްޕީ!“ އެހާ ހެނދުނާ ފެނުގެ އަސަރު ރީއާއަށް ކުރުމުން ތުއްތު އަޑުން ހަޅޭއްލަވައިގަތެވެ. އިޔާން ހޭންފަށަމުން ރަނގަޅަށް އޭނާ ތެއްމާލިއެވެ. ފަހުން ރީއާ ވެސް ލޯބި ހިނިގަނޑެއް ޖަހާލާފައި އިޔާންގެ ގައިގާ ބައްދާލިއެވެ. އެގޮތުގައި ސަކާރަތް ޖަހަމުން އިޔާން ވަނީ ފާހާނާއަށެވެ. ތަނަވަސް ފާހާނައިގެ ބާތްޓަބަށް ތާފާނާ ކޮން ހުރި ފެންއަޅާ ފުރާލިއެވެ.

”ބައްޕީ ލެވެންޑާރ ބަބްލްސް…ޕްލީޒް!“ ތުންކޮޅު ނެރެލަމުން ރީއާ އެދުނެވެ. އިޔާން ބޯޖަހާލާފައި ރީއާ އެދުނު ފަދައިން ’ލެވެންޑާރ ބާރތް ބޮމްބް‘ އެއް ބިލިގާރ އަށް ވައްޓާލި ހިނދު،  އެރި ފޮނުތަކާއި އެކު ފެނުގެ ތެރެއަށް ހިނދިގެން ދިޔަތަން ބަލަން ހުރެފައި ރީއާ އެރުނެވެ. މުޅި ފާޙާނާގެ ތެރޭގައި ވަނީ ލެވެންޑާރ ވަހުން ހުވަނދު ލެވިފައެވެ.

”ޔޭ…ޔޭ.. ބައްޕީ އާދެ“

”ފަހުން ދޯ ދޫނީ.. މިހާރު ރެޑީ ވާން ވެއްޖެ.. މާމަ އެބަ ފޮނުވާލަން ބައްޕި ނުކުމެފަ އެނގޭ“ އިޔާންގެ ޖުމްލައަށް ރީއާ ބޯޖަހާލާމުން ފެންގަނޑުގައިވާ ބޮކި ތަކާއި ކުޅެން ފެށިއެވެ. އިޔާން ހިނިތުންވެލަމުން އެތަނުން ނުކުންނަން ދަމުން ރީއާގެ ދެތިން ކުޅޭ އެތި ފެންގަނޑަށް ލައިދިނެވެ. ބިލިގާރ އެރެފިނަމަ ފަސޭހައިން ރީއާ ނުފައިބާނެކަން އިޔާންއަށް ދަނެއެވެ.

ތުވާލި ގަޔާއި ވަކިކޮށްލަމުން ކަޅު ކުލައިގެ އޮފީސް ޓްރައުޒާލިއެވެ. ރީތިވާ މޭޒުގެ ކުރިމަތީގައި ހުއްޓެމުން ބޮލުގެ އިސްތަށިގަނޑުގައި ޖެލް ކޮޅެ ހާކާލާފައި  ލޯޝަން ފުޅި ނަގަން ހުއްޓާ ދޮރުގައި މަޑު މަޑުން ޓަކި ދިން އަޑު އިވުނެވެ. ރީއާ ހޭލައިގެން އުޅޭ ވަގުތުތަކުގައި، މަޖުދާއާއި ގޭގެ އެކަކުވެސް ޓަކި ޖަހާއިރު މަޑަކުން ނުޖަހާނެކަން އޭނާއަށް އެނގެއެވެ.

”އިޒް ދެޓް ހާރ؟“ އިޔާންއަށް ދެލޯ ހަނިކޮށްލެވުނެވެ. އެއްއަރިއަކަށް ހިނިތުންވެލައިގެން ހުރެ އެނދުމަތީގައި ބާއްވާފައި އޮތް ކަޅު ގަމީސް ގަޔަށް މަހާލައިގެން ގޮސް ދޮރު ހުޅުވިއެވެ. އޭނާ އުއްމީދު ކުރިފަދައިން ކުރިމަތީގައި ހުރީ އަމީރާއެވެ.

”އިޒް ހީ ނޮޓް ގޮނަ އޯޕެން؟“ އަމިއްލަ ނަފްސަށް އިވޭވަރަށް އަމީރާއަށް ބުނެވުނެވެ. މަޖުދާ ބުނިގޮތުން މިހާރު އިޔާން އުޅޭނީ ހޭލައިގެންނެވެ. އޭނާ އައީ ރީއާ ބަލައެވެ. ދެތިން ފަހަރު ޓަކި ދިނުމުން ވެސް ނުހުޅުވުމުން ދާން ހިއްލާލި ފިޔަވަޅު މަޑުޖައްސާލަން ޖެހުނީ ދޮރު ހުޅުވުނު އަޑު އަހާފައެވެ. އަމީރާ ފަސް އެނބުރުނެވެ.

ދޮރުމަތީގައި އިޔާން ހުއްޓާ ފެނުމުން ރީއާ ކޮބާތޯ އަޙާލަން އުޅުނު ނަމަވެސް އަމީރާގެ އަނގަޔަކުން ބަހެއް ނުނިކުތެވެ. ދޫ ހަރަކާތެއް ނުކުރިއެވެ. ގަމީހުގެ ގޮތްތައް ނާޅުވާ ހުރުމުން އެ ވަރުގަދަ ހަށިގަނޑު ހާމައަށް ފެންނަން އޮތެވެ. މަސްތައް އެތުރިފާލެއް ފުރިހަމަކަމުން އެނޫން މިސްރާބަކަށް ކަޅި ހުއްޓާލަން އުނދަގުލެވެ. އިޔާން އައިސް ކައިރިއަށް ހުއްޓުނު އިރުވެސް އޭނާއަކަށް ނޭނގުނެވެ.

”ވައި ޔޫ ހިޔާރ؟“ އަމީރާ ސިހުނީ އިޔާންގެ އަޑަށެވެ. އެ ދެލޯ ހުއްޓިފައިވަނީ ސީދާ އަމީރާގެ މޫނަށެވެ. މުޅިމޫނު ރަތްވާ ކަމުގެ އިޙްސާސް ކުރެވުނު ވަރުން ތުންފަތުގައި ދަތް އަޅާލަމުން އަމީރާ އަވަސް އަވަހަށް، އޭނާގެ ނަޒަރު އިޔާންގެ މޫނު ދުރުކޮށްލިއެވެ. އޭރުވެސް ހިތުގެ ހިގުން އަވަސް ވެފައި ވީ އިރު ދެއަތް ފިނިވަމުން ދިޔައެވެ.

”ރީ..ރީއްކޮ ކޮބާ؟“ ނުހަނު އުނދަގުލުން އެންމެފަހުން އަމީރާއަށް ބުނެވުނެވެ. އިޔާންގެ އަނގައިން ބަހެއް ނުބުނެއެވެ. ދެވަނަ ފަހަރަށް އަހަން ބޭނުން ވިޔަސް އަމީރާއަކަށް ނުކެރުނެވެ.

އިޔާންއާއި ދިމާލަށް އާވާރާއެއް ފަދައިން ބަލަން ހުރިކަން ޔަގީނުންވެސް އޭނާއަށް އެނގޭނެއެވެ.  ވެދިޔަ ހުރިހާ ކަމަކަށް ފަހުގައި ވެސް، އެފަދަ ކަމެއް ވެގެން ދިޔުމުން އަމީރާއަށް އަމިއްލަ ނަފްސަށް އަޑުލައިގަނެވުނެވެ. ހިތަކީ ނުހަނު ނުސިޔާނު މަސްކޮޅެކެވެ. އެންމެ ހީނުކުރާ ފަދަ ވަގުތު ނަފްސަށް ކެހިދޭނެއެވެ.

”ވައި ޔޯ ފޭސް އޯލް ރެޑް؟“ އިޔާންގެ ޝަހާދަތް އިނގިލި ކޯތާފަތުގައި ބީހިގެން ދިޔަ ހިނދު އަމީރާގެ ހިތާއި ނަފްސުގައި އުފެދިފައިވާ ހައިޖާނުގަނޑު ދެގުނަވެގެން ދިޔައެވެ. ރުޅިވެރިކަމުގެ ކުލަތައް ގެނެސް އިޔާން ބީހުނު އިނގިލީގައި ހިފާ އަނބުރާލަން ބޭނުންވި ނަމަވެސް ހީވީ އެފަދަ ހުރިހާ ކަމެއް ކުރަން ހަށިގަނޑު ގަނޑުވެފައި ވީހެންނެވެ. އިޔާންގެ ދެއަތް، އަމީރާގެ ކޯތާފަތުގެ ދެފަރާތުން އެޅުވިގެން ދިޔަ ހިނދު ވެސް އެގޮތުގައި އަމީރާއަށް ހުރެވުނެވެ.

”ބައްޕީ!“ އަމީރާއަށް ހަމަ ބިމަށް އާދެވުނީ ކޮޓަރީގެ ތެރެއިން އިވިގެން ދިޔަ ރީއާގެ އަޑުންނެވެ. އިސް އުފުލާލަމުން އިޔާންގެ ދެއަތް، އޭނާގެ ކޯތަފުން ނެގިއެވެ. ހިތުގައި ހިލިފައިވީ ޖަޒުބާތު ތަކާއި އެވަގުތު މޫނަށް ވެރިކުރުވި ރުޅިވެރިކަން ނުބައްދަލެވެ.

”ޑޯންޓް އެވާރ ފޮގެޓް ޔުއާރ ޕްލޭސް!.. އަމް ހިއާރ ޖަސްޓް ފޯރ ހާރ!“ އިޔާންގެ މޫނަށް ޝަހާދައް އިނގިލި ދިއްކޮށްލަމުން އަމީރާ އިއްވާލިއެވެ. އިޔާންގެ މޫނުމަތިން ފެނިލީ މާޔޫސްކަމެވެ.

”އަމީރާ.. އަހަރެން މި އެދެނީ ފަހު ފުރުސަތައް.. ދީފާނަން އެންމެ ފުރުސަތެއް..ހުރިހާ ކަމެއް އެކްސްޕްލެއިން ކޮށްދޭން..“ އާދޭހުގެ ރާގެއްގައި ނުހަނު މަޑުމައިތިރި ކަމާއި އެކު އިޔާން ބުނެލި ނަމަވެސް އަމީރާއަށް އެކަމާއި ވިސްނާލަން ޖެހުނެވެ. އަދި އޭނާ ބޭނުންވަނީ އެގޮތުގައި ހުންނާށެވެ.

”ކޮންމެ ފަހަރަކު ފުރުސަތޭ ތިކިޔަނީ ކީއްވެގެން ތަ؟.. އަނގަހުޅުވާލަން އުޅޭ ކޮންމެ ފަހަރަކު، އަހަރެން އިޔާންގެ އަނގައިގާ ހިފައި ގަންނަނީ ތަ؟.. ކިޔަން ބޭނުން ވަންޏާ ކިޔޭނެ.. ދައްކާނެ ވާހަކައެއް ނެތީމަ ކޮންމެ ފަހަރަކު އައިސް ތިހެން ބުނެލާފަ ދަނީ.. ދެން ހެވޭ އިޔާން.. މަށެއް ބޭނުމެއް ނުވޭ ވާހަކަ ދައްކާކަށް.. “ އަމީރާ ރުޅިވެރިކަމާއި އެކު ބުނަމުން ދިޔަ ނަމަވެސް އެއަޑު ބެހެއްޓީ ރީއާއަށް ނީވޭނެ މިންވަރަކަށެވެ. އަލިފާނެއް ފެނެއް ވަކި ނުވާ ކުއްޖަކަށް ދެބަސްވާ އަޑު އިއްވާކަށް އަމީރާ ބޭނުމެއް ނޫނެވެ.

”އެހެންނޫނަސް އިޔާންއަށް ލޯބި އެއީ ކޯއްޗެއްކަން އެނގޭތަ؟.. ގެރި ލޯބި ވާން އެނގޭނީ!“

ރުޅި ނާންނަން ކެތްކުރަމުން ދިޔަ ނަމަވެސް އިޔާން އަކަށް ވެސް މިފަހަރަކު ނުހުރެވުނެވެ. އެހިތައް ވެފައިވާ ތަދުގެ މައްޗަށް ހީވެސް ނުކުރާ ފަދަ ގޮތަކަށް ރުޅިވެރިކަން ފެތުރިގަތެވެ.

”ރީއްކޮ ރޫމް ގަ ވެއިޓް“ އިޔާން ، އަމީރާގެ އަތުގައި ހިފާލަމުން ގަދަކަމުން ކަހަލަ ގޮތަކަށް ގެންގޮސް ވެއްދީ ޖެހިގެން ހުރި ކޮޓަރީގެ ތެރެއަށެވެ. އެއީ އޭނާގެ މަސައްކަތު ކޮޓަރިއަށެވެ. އަމީރާގެ އަތުން އޭނާ ދޫކޮށްލީ އެކޮޓަރީގެ ދޮރު ރަނގަޅަށް ތަޅުލުމަށްފަހުއެވެ. ދެވަނަ ސިކުންތު އައިގޮތައް، އައިސް އަމީރާގެ ދެކޮޑުގައި ހިފާލަމުން ގެން ގޮސް ޖެއްސީ ފާރުގައިއެވެ. އިޔާން ހުއްޓިލީ އަމީރާގެ ނޭވާ އިޙްސާސްވާ ހިސާބު ގާތުގައެވެ.

ހައިރާން ވެފައި ހުރެމެ މުޅި ކޮޓަރީގެ ތެރެއަށް ނަޒަރު ހިންގާލަ ހިންގާލަ އަމީރާ ހުރިއިރު ދެލޮލަށް ބޮނޑިވެގެން ދިޔަ ކަރުނުތައް އިޔާން ދުށްޓެވެ. އެ ބަދަލަކީ ކޮޓަރީގައިވާ ފޮތް ހަރުތައް ފެނިގެން ވީ ގޮތެއްކަން އޭނަ ދަނެއެވެ. ނަމަވެސް މިވަގުތު އެކަމަށް ފަރުވާލެއް ބަހައްޓާކަށް އިޔާން ބޭނުމެއް ނުވިއެވެ.

”ވައި އާރ ޔޫ ސޯ ސެލްފިޝް!“ ފުރަތަމަ ފަހަރަށް އިޔާން ރުޅިވެރިކަމާއި އެކު އަމީރާއާއި ވާހަކަ ދެއްކިއެވެ.

”އަމީރާ ތިއުޅެނީ އަހަރެންގެ ކެތްތެރިކަން އިމްތިޙާނު ކުރަންތަ؟..ނޫނީ އަހަރެން ބޯ ގޮއްވަންތަ.؟ ނިކަން ބުނެބަލަ ހަނދަން ވީ ގޮތެއް؟.. ދެންމެ ތިބުނީ ވާހަކަ ދައްކަން ބޭނުންވަންޏާ ވާހަކަ ދެއްކުނީހޭ…. އެނގޭތަ އަމީރާ ހޯދަން އަހަރެން މަސައްކަތް ކުރި ވަރު! މިގެއިން ފެނުނު ހިނދު އަހަރެން ވެފަ ހުރި އުފާ ދެނެވޮޑިގެންވާނީ ހެއްދެވި ފަރާތް.. ކިތައް ފަހަރު އާދޭސް ކުރިން އެދުވަހު؟ ޗާންސްއަކަށް އެދުނީ އަހަންނަށް އެވާހަކަ ނުދެއްކިގެންނެއް ނޫނޭ.. އެ ވާހަކައިގެ ގޮތުން ބޭނުންވީ ހަމަޖެހިގެން ވާހަކަ ދައްކަން… އެކަމަކު ވެސްއެ ފުރުސަތު މަށައް ނުދީމަ ވާހަކަ ދައްކަން ފެށިން.. އެއީ އަހަރެން ލިއުނު ސިޓީ ނޫން ކަމަށް ބުނެދޭން ކުރި މަސައްކަތް ބޭކާރުވީ.. ވާހަކަ ނުވެސް ދެއްކުނު .. އަމީރާ ހުއްޓުވީ މެންނު.. ދެން އެއީ ވެސް އަހަރެންގެ ކުށް؟“

”އިތުރަށް ވެސް އާދޭސް ކުރަން އަހަރެން ތައްޔާރަށް މިހުރީ.. އެކަމަކު..އެކަމަކު އަހަރެން، އަމީރާ ދެކެ ވާ ލޯތްބަށް ތިގޮތައް ޖޯކް ޖަހާ އަޑުއަހާކަށް އިތުރަކަށް ނުހުރެވޭނެ“ އިޔާންގެ ފަހު ޖުމްލަ ބޭރުވި އިރު އެއަޑުގައި ވީ ރިހުމެވެ. ހިތައް ކެތް ނުވެގެން އަމީރާގެ ދެކޮނޑުން އަތް ނައްޓުވާލާފައި ފަސް އެނބުރުނެވެ. އެދެލޮލުން ވެއްޓިގެން ދިޔަ ކަރުނަ ތިކި އަތުގެ ނުފުށުން ފުހެލި އިރު ހީވީ އެ މަންޒަރު އަމީރާއަށް ދައްކަން ބޭނުން ނުވާ ހެންނެވެ.

އިޔާން ބުނަމުން ދިޔަ ކޮންމެ ޖުމްލައެއް ވެސް ހީވީ އަމީރާގެ ހިތް ތޮރުފާލިހެންނެވެ. ހަރުކަށިކަމާއި އެކު އިޔާން ބުނި ގޮތުން ހުއްޓުން އަރާފައި އަމީރާއަށް ހުރެވުނެވެ. ދުވަހަކު ވެސް އެފަދަ ގޮތަކަށް އިޔާން ވާހަކައެއް ނުދައްކައެވެ.

”ތިހާ ބޮޑަށް އެމީއަށް އެނގިފަ ހުރިއްޔާ އެނގޭނެ ތާ ދޯ އަރީފް ހުރީ މިވަގުތު ޖަލުގަ ކަން ވެސް.. އަހަރެންގެ އަންބެއް ނުހުންނަކަމާއި ހުރިހާ ކަމެއް ވެސް އެނގިފަ ތާ ހުރީ“ އިޔާން ބުނެލީ ޖެއްސުމުގެ ރާގެއްގައެވެ.

އަމީރާއަށް ތެޅިގަނެވުނެވެ. އިޔާންގެ އަތުގައި އަމީރާއަށް ހިފުނެވެ. ދެލޯ ބޮޑުވެފައި ހުރެ އިޔާންގެ އަތައް ދަމާލެވުނެވެ. އެ ދެލޮލުން ފައިބަމުން ދިޔަ ކަރުނުތައް ފެނި އަމީރާއަކަށް އިތުރަކަށް ކެތެއް ނުވިއެވެ.

”ޔޫ..ޔޫ މީން.. ޔޫ އާރ ޑިވޯރސްޑް؟“ ތުރުތުރު އަޅަމުންދިޔަ އަޑަކުން އެހުނެވެ. އޭރު އިޔާން ދިޔައީ ނުކުންނާށެވެ. އަމީރާގެ ކުރިމަތީގައި އޭނާގެ ކަރުނުތައް ބޭރުކުރުމަށް ވުރެން އެތަނުން ދިޔުން ބުއްދިވެރިކަމުގައި ހިތް ބުނީއެވެ.  ނަމަވެސް ސިހުނީ އިޔާންގެ މެދު ހަށީގައި ފަހަތުން އަމީރާ ބައްދާލުމުންނެވެ. އެއްވެސް ހަރާކަތެއް އޭނާ ނުގެނެސް ހުރިގޮތައް ހުއްޓެވެ.

”އިޔާ.. އަމް އާސްކިންގ ޔޫ އަ ކްއެޝަން.. އާރ ޔޫ ޑިވޯރސްޑް؟ އަރީފް ޖެއިލް ގަ؟“

”ކުރިން މަ ނުބުނަންތަ ޑިވޯރސް ވި ވާހަކައެއް؟ ކީއްކުރަންތަ އިތުރު ވާހަކައެއް ދައްކަން ވީ އެއް؟ އަހަރެން ދައްކާ އެއްވެސް ވާހަކަ އަޑުއަހާނަންތަ އަމީރާ؟“

”ހުސް ދޮގު…ހުސް ދޮގު..ދެން ކީއްވެތަ ނުބުނެވުނީ ބޭބީއެއް ހުންނަ ވާހަކަ؟ މަހުދީ އަތައް ސިޓީ ދިން ވާހަކަ އޭނަ އޭ ބުނީ!އެންމެން އިއްތިފާގުވި އެއީ އިޔާންގެ ހޭންޑް ރައިޓިންގް ކަމަށް“

”އަދިވެސް ގޮތުގަ ދޯ! އަހަންނަށް ވެސް އަހަރެންގެ ދަރިއަކު ހުރިކަމެއް ނޭނގެންޏާ ބުނަނީ ކިހިނެތް ތަ! ހުސް ދޮގު ކަމަށް ވަންޏާ ތި ހުރިހާ ސުވާލެއް މަށާއި ކުރުމުގެ ބޭނުމެއް ވެސް ނެތް.. އިޓްސް އޯވާރ ބިޓްވީން އަސް..މީގެ ފަހުން އަހަންނާއި އަމީރާއާއި ދައްކާނެ އެއްވެސް ވާހަކައެއް ނޯންނާނެ.. އޭޒް ޔޫ ސެއިޑް ވީއާރ ކޮމްޕްލީޓް ސްޓްރޭންޖާރސް.. އެންޑް އޯލްސޯ ޔޫ ވިލް ރިގްރެޓް ދިސް“  އިޔާން ބާރު ހިނގުމުގައި ތަން ދޫކޮށްފައި ދިޔައިރުވެސް އަމިޜާއަށް ހުއްޓިފައި ހުރެވުނެވެ. ލޮލުން އޮހެމުން ދިޔަ ކަރުނު ތަކާއި އޭނާއަށް ވެސް ތިރިވެވުނެވެ. އިޔާން އެންމެ ފަހުން ބުނި ޖުމްލައިގެ ބުރަދަން އިޙްސާސް ވާން، މިހާ އަވަހަށް ފަށައިފިއެވެ.

”ޔޫ ވިލް ރެގްރެޓް ދިސް“ އިޔާންގެ އެ ޖުމްލަ ހީވީ އޭނާގެ ކަންފަތް ދޮށުގައި ގުގުމަމުން ދިޔަހެންނެވެ. ދެފަރާތައް ބޯހޫރުވާލެވުނީ ބޯ ހާސްވި ވަރުންނެވެ. އިޔާންގެ ފަހަތުން ދާން ސިކުނޑި އެދެމުން ދިޔައިރު ވެސް އޭނާއަށް އެހެން އިނދެވުނީއެވެ. އިޔާން ދެއްކި ވާހަކައިން އެތައް ސުވާލެއް އުފެދިގެން ދިޔަ ނަމަވެސް ދެން ހަނދާނެ ގޮތެއް ވެސް ނޭނގުނެވެ. އެ ސުވާލުތަކުގެ ޖަވާބު ހޯދަން ދާނީ ވެސް ކާކުގެ ގާތައް ހެއްޔެވެ.

”އަހަންނަށް މާދުރަށް ތަ މިދެވުނީ؟ އާހްހް.. އިޔާން އެބުނީ ތެދަކަށް ވެދާނެބަ؟ ބޭބީއެއް ހުރިކަމެއް ބައްޕައަކަށް ނޭނގިދާނެތަ؟ އަހަރެންގެ އަސްލު މައިންބަފައިން ހާ އެންމެން ރަހުމް ކުޑަ ނުވެދާނެ! އެކަމަކު.. އެކަމަކު އަހަންނަށް ހީވަނީ މާ ބޮޑަށް ކަންނޭގެ އިޔާންއަށް ޝައްކު ކުރެވުނީ“ އަމީރާ އަށް ވިސްނާލެވުނީ އިޔާންގެ އަންބެއް ނެތް ވާހަކަ ބުނި ތަންކޮޅު ހަނދާން ވެފައެވެ. ތެދެކެވެ. މިގޭތެރެގައި އޭނާ ހޭދަ ކޮށްލި ތިން ހަފްތާ ތެރޭގައި ވެސް، އިތުރު އަންހެނަކު ފެނިފައެއް ނުވެއެވެ. އެންމެ ކުޑަ މިނުން ތުއްތު ރީއާ ވެސް މަންމައޭ ކިޔާފައި ގޮވާ ނުލައެވެ.

”އައި ތިންކް އައި ވެންޓް ޓޫ ފާރ“ ދެލޯ މަރާ ފިއްތާލެވުނު ހިނދު އަމީރާއަށް އިތުރަށް ރޮވިއްޖެއެވެ.

****

“ސާރ .. ސާރ ހުއްދަ ދިނުމުން ރަވީހްއާއި ބައްދަލް ކުރަން އައިސް ހުރި ފަރާތާއި ބައްދަލް ކުރެވޭނެ ގޮތް ހަދައިދީފިން.. “ ސައިމަން ބުނެލުމުން މަހުދީ މޭޒު ދޮށުގައި އިނދެފައި ބޯޖަހާލިއެވެ.

”އެއީ އޭނާގެ ލޯޔާރ އޭ ދޯ ބުނީ؟“

“ޔެސް.. އެކޮޅުގަ ހުރި އޮފިސާރ ގާތުގަ ބުނެފަ އިންނާނީ ދީފަ އިން ގަޑީގެ އެންމެ ސިކުންތެއް ލަސް ވަންދެން ވެސް ނުބަހައްޓުވާ އޭނާ އަލުން ގޮޅިއަށް ގެންދަން“ ސައިމަން އިތުރަށް އޮޅުން ފިލުވާ ދިނެވެ. ރަވީހް ބަހައްޓާފައި ހުރީ ސްޓޭޝަންގައި ވަގުތީ ގޮތުން ކުށްވެރިން ބައިތިއްބާ ގޮޅިތަކުން ގޮޅިއެއްގައެވެ.

”ރަނގަޅު އެހެންވީމަ.. އިޔާން ސާރ އެބަ އާދޭ މިކޮޅަށް.. ކޮބާތަ ޒޯޔާ؟“ މަހުދީ އަހައިލިއެވެ. ސައިމަން ނޭނގެއޭ ބުނެ ދެކޮނޑު ހިއްލާލިއެވެ. މަހުދީވެސް ވަކި އެއްޗެއް ނުބުނެ ނުކުމެގެން ދިޔައީ ރަވީހް ބަހައްޓާފައި ހުރި ގޮޅިއަށް ދިޔުމުގެ ބޭނުމުގައެވެ. އޭނާގެ ފަހަތުން ސައިމަން ވެސް ނުކުތެވެ.

***

އިޔާން ނުކުމުގެން ދިޔަ ގޮތައް ކާރަށް އަރާފައި ދެތިން ނޭވާ ބޭރު ކޮށްލީ އޭނާގެ ނަފްސް ހަމައަކަށް އަޅުވާލުމުގެ ގޮތުންނެވެ. ހުންގާނުގައި ބޯ ޖައްސާލައިގެން އެގޮތުގައި އިރުގަނޑެއް ވަންދެން އޮތެވެ. އެންމެފަހުން އޭނާގެ ފޯނު ނަގާފައި ގުޅާލީ މަހުދީ އަށެވެ.

”ކީކޭ ބޮސް؟“

“ އައި ތިންކް ވީ ހޭވް ޓް ޓޯކް“

”އޯކޭއި!. ބަޓް އަހަރެން ވެސް ގުޅަން އުޅެނިކޮން ތިގުޅީ.. ފުރަތަމަ އާދެބަލަ ސްޓޭޝަނަށް .. އިރަމްގެ ކޭސްގަ އެބަހުރި ދެނެގަނެވިފަ ހުރި ބައެއް ކަންކަން“

“މިދަނީ“

އިޔާން ފޯނު ކުރު ކޮށްލިއެވެ.  ލޯގަނޑުން އިސްތަށިގަނޑު ރަނގަޅު ކޮށްލަމުން ކާރު ދުއްވާލިއެވެ. ހުޅުމާލޭގެ ހަލަބޮލި މަގުތައް ކަޑައްތު ކުރުމަށްފަހު މެދުމިނުގެ ދުވެއްޔެއްގައި ގޮސް ބްރިޖްއަށް އެރުނެވެ. ހިސާބަކަށް އުޑުމަތި ބަނަކޮށްފައި އޮތްއިރު ވައި ރޯޅިތަކުގެ ހަމަލާތައް ވެސް ބާރުވަމުން ދެއެވެ. ކާރުގެ ބިއްލޫރިގަނޑު ކަހާލާފައި ވުމުން އެ ރޯޅިތަކުގެ އަސަރް އޭނާއަށް ކުރަމުންދިޔައެވެ. އޮފީހާއި ހަމައަށް ފޯރުނު އިރު، ތުނިކޮން ވާރޭ ވެހެން ފެށިއެވެ.

***

ބަނދުކޮށްފައިވާ ގޮޅީގެ ތެރޭގައި ދެފަރާތައް ހިނގާލަ ހިނގާލަ ހުރިއިރު ރަވީހްގެ މޫނުމަތިން ފެނިގެން ދިޔައީ އިންތިހާ ދަރަޖައިގެ ރުޅިވެރިކަމެކެވެ. އޭނާގެ އަތުގެ ބޮޑުބައެއް ވަނީ ބެންޑޭޖް ކޮށްފައި އެވެ. ކަނދުރާއާއި ނިތްކުރީގެ ދެތިން ހިސާބެއްގައި މަލަން އަޅާފައި ހުއްޓެވެ. ހިސާބަކަށް ދޮންކޮން ހުންނާތީ އޭނާގެ މޫނުގައި ސަދަފް ތަޅައިގެން ހިސާބުތައް ހުރީ ރަތް ކޮންނެވެ.

ދިގު އިސްތަށިގަނޑު ހުޅި ޖަހާލާފައި އޮތް އިރު ދޭތެރެއަކުން އިސްތަށިގަނޑުގައި އަތް ހިންގާލައެވެ.

”ބައްދަލް ކުރަން މީހަކު އައިސް އެބަހުރި“ ރަވީހް ފަސް އެނބުރުނީ ގޮޅީގެ ދޮރު ހުޅުވުނު އަޑު އަހާފައެވެ. އޭރު ދެ ފުލުސް އޮފިސަރުން، ފަހަތުގައި ޖައްސާފައި ތިއްބެވެ. އެމީހުންގެ އަތުގައި އޮތް ބިޑި ފެނުމުން އައިސް ހުރި ރުޅިގަނޑު އިތުރު ވީހެން ހީވެއެވެ. ނަމަވެސް އޭނާގެ އަތުގައި ބިޑި އަޅުވާފައި ނެރެ، ގެންދިޔަ އިރު ވެސް ގަދަ ހަދާކަށް މަސައްކަތެއް ނުކުރެއެވެ. ދެ އޮފިސަރުން ވެގެން ރަވީހް ގެންގޮސް ވެއްދީ ތަހުގީގް ކޮޓަރިއެއް ތެރެއަށެވެ.

”ފަނަރަ މިނެޓް!“ އަތުގައި އޮތް ގަޑިއަށް ނަޒަރެއް ދެމުން އެއް އޮފިސަރު ބުނެލިއެވެ. އެމީހުން ނުކުތުމުން ރަވީހް ފަހަތައް އެނބުރުނު ހިނދު ނިތް އަރުވާލެވުނެވެ.

”މޭން! މާއިން“ މާއިން ފެނުމުން ރަވީހްގެ މޫނަށް ވެރިވެފައި ވާހާ ރުޅިވެރިކަމެއް ހީވީ ވަގުތުން ފިލާ ދިޔަހެންނެވެ. ނިކަން ހެވިފައި ހުރެ ރަވީހްގެ ގައިގާ ބައްދާލި ގޮތުން އެދެމެދުގައި އޮތީ އާދައިގެ ގުޅުމެއް ނޫންކަން ދޭހަ ވާވަރުވެއެވެ.

”ބްރޯ ކެމެރާ.“ ރަވީހްގެ ގައިން ދުރުވެލަމުން މާއިން އިޝާރާތް ކޮށްލީ މަތީގައި ހަރުކޮށްފައިވާ ކެމެރާތަކަށެވެ. ރަވީހް ވެސް ވިސްނިގެން އެ ހިނިތުންވުމުގައި ހުރެ އިށީނީ އެތަނުގައިވާ މޭޒުގެ ކޮޅުގައިވާ ގޮނޑީގައެވެ.  މުޅި ތަނުގެ ތެރޭގައިވަނީ އަނދިރިކަމެވެ. ހަމައެކަނި ހުރި ބޮކީގެ ފަނޑު އަލިކަން ހުރީ މާއިން އިށީން ގޮނޑިއާއި ދިމާލަށެވެ.

”ކިހިނެތް ތަ އަހަރެންގެ ލޯޔާރ ލުކް؟“ މާއިން ހީލީ ނުބައި ފާޑަކަށެވެ. ކަޅުކުލައިގެ ކޯޓު ފަޓުލޫނުގައި ހުރިއިރު އޭނާގެ ދިގު އިސްތަށިގަނޑު އޮތީ ހެޔޮވަރު ވަރަކަށް ކޮށާލާފައެވެ. ބަލާބެލުމަށް މާތްފާޑު ޖަހައެވެ.

”އަހަހަހާ.. ބްރޯ ކައެ އަންނާނެ ތަ ރަނގަޅު ގޮތަކަށް.. އަހަހަހާ.. މީހަކު އައިސް އެބަހުއްޓޭ ބުނީމަ ވެސް މަށައް އެނގިއްޖެ ކަލޭކަން..“

”ހަހަހަހަ.. މިހެން ދޯ އުޅެވޭނީ.. މަށައް ބޮސް ގުޅާފަ ބުނި ރަވިއްޓެއަށް އެބައުޅޭ ކަމެއް ވެގެން… ހަމަ އެންމެ ސިކުންތެއް ވެސް ލަސްނުކޮށް މިއައީ … ސޯ ވަޓް ހެޕެންޑް؟“ މާއިން އެހުމާއި އެކު ރަވީހް، އޭނާ ކުރި ކަންތައް ފަހުރުވެރި ވެލާފައި ކިޔައިދޭން ފެށިއެވެ.

”މަށައް ކަމުދާ ކަހަލަ ސިފައެއް ހުރިއްޔާ މަ ދާނަން ދޯ އެމީހެއްގެ ފަހަތުން.. އޭނާ ގަދަ ނުހެދި ނަމަ އަނގަމަތީގައި ޖަހާކަށް ވެސް ނުޖެހުނީސް.. ފާޑެއްގެ ފިރިހެން ބ*އ* އައިސް  އެ އަންހެން ރު* ގޮވައިގެން ދިޔައީ މަށައް މިހާލު ޖައްސާފަ.. ނުވިތާކަށް ގޮޅިއަށް ކޮށްޕާލާފަ“ ޒަހަމްވެފައި ހުރި ތަންތަނަށް އިޝާރާތް ކުރަމުން ރަވީހް ބުނެލި އިރު އަނެއްކާ ވެސް މޫނު ފެވިލީ ރުޅީގެ ކުލަތަކުންނެވެ.

”އެ ކޮންމެ މީހަކަށް ވިއަސް އެމީހެއްގެ އެ ހިތްވަރު ދޯ !.. ލާހިކެއް ނޫން އަހަރެމެންގެ ތެރެއިން އެކަކާއި ވެސް ކުޅެލާފަ ފިލާކަށް.. އެ ފިރިހެން ގޮލާގެ ކައިރިއަށް ދިޔުމުގެ ކުރިން އަންހެން ގޮލާއަށް ހޭ އަރުވާލަން ވީ.. އެއީ ތާ ތިހެން ވާން ޖެހުނު ސަބަބަކީ“ މާއިން ބުނެލިއެވެ. އޭނާގެ ވާހަކައާއި އެއްބަސް ވުމުގެ ގޮތުން ރަވީހް ވެސް ބޯޖަހާލިއެވެ.

”އެކަމަކު އޭނާ ހޯދާނީ ކިހިނެތްތަ؟“ މާއިން އަޙާލުމާއި އެކު، ރަވީހް ތުންފަތުގައި ދުވެލީ މަކަރުވެރި ހިނިތުންވުމެކެވެ. އޭނާ އަރައިގެން ހުރި ބޫޓް ބޭލުމަށްފަހު، ފައިން ޖަހާލާފައި މޭޒު ދޮށުން ބޫޓު ކިބަ ދޫކޮށްލީ ސީދާ މާއިންގެ ފަޔާއި ދިމާލަށެވެ.

”ފޯނ-“ ފައިން މަތަކޮށްލުމަށްފަހު މާއިން އެ ބޫޓު ކިބަޔަށް ދިން ނަޒަޜާއި އެކު ދެލޯ ބޮޑުވިއެވެ. ލިބުނު ހައިރާން ކަމުގައި  ބަހެއް ބުނަން ވެސް ނޭނގިފައި ހުރެވުނު އިރު އެތެރެއަށް ފުލުސް އޮފިސަރެއް ވަދެފާނެ ކަމުގެ ބިރުވެސް އޮތެވެ. ސިކުންތަކު ދެފަހަރު ދޮރާއި ދިމާ ބަލައިލެވުނެވެ. އެތަނުގެ ތެރެއަށް ފޯނެއް ވެއްދުމަކީ އާދައިގެ ކަމެއް ނޫނެވެ.

”ޝޫޝުޝް.. ފައިން ނަގާފަ ތި ބޫޓުގެ ތެރެއަށް ލާ“

”ޔަގީންތަ ބަސްޓް ނުވާނެ ކަން؟..“

”އާއެކޭ.. ހަމަޖެހިބެ.. ކައެ ގޮސްފަ ނޯޓު ބައި ބަލައްޗޭ..“ކޮޓަރީގެ ދޮރުގެ ތަޅުގައި މީހަކު ހިފާލި އަޑު އިވިގެން ރަވީހް މަޑުމަޑުން ބުނެލިއެވެ. މާއިން އާއެކޭ ބުނެ ބޯޖަހައިލަމުން ރަވީހް ކިޔައިދިންހެން، ފައިގެ އެހީގައި ފޯނު ނަގާ އޭނާގެ ބޫޓު ތެރެއަށް ކޮށްޕާލިއެވެ. އެކަން ކާމިޔާބުވީ ކިރިޔާއެވެ. ދޮރުހުޅުވާލާފައި އެތެރެއަށް ވަނީ ކުރިން އެތަނަށް ވަތް ފުލުސް އޮފިސަރުންނެވެ. ގަޑި ހަމަ ވެއްޖެ ކަމުގައި ބުނެ މާއިން ނުކުތުމަށް އެނގިއެވެ. މާއިން ވެސް ބޯޖަހާލާފައި އިތުރަށް މަޑުކުރާކަށް ނުހަދައެވެ. ބޭރަށް ނުކުތެވެ.

”ޝިޓ*! ޝިޓ*“ ސްޓޭޝަނުން ނުކުތް ވަގުތު ވީ އިޔާން އެތެރެއަށް ވަދެގެން އައި ވަގުތެވެ. ކުއްލިއަކަށް އިޔާން ފެނި އޭނާއަށް ހުއްޓެވުނެވެ. ފެނިއްޖެ ނަމަ ޔަގީނުންވެސް އިޔާންގެ ސުވާލުތައް އަމާޒުވާނެއެވެ. މާއިންއަށް ތެޅިގަނެވުނެވެ.

***

(ނުނިމޭ)