މި ޖިސްމުގާ ވަނީ 15

”ދަރިފުޅަށް އެނގޭނެ އޭ ބުނި.. އެގޭގަ އުޅޭނެޔޯ އޭރުވެސް.. އިރޫ އާއި ސޭމް އޭޖް ކުއްޖެއް އެއީ.. އަމީރާ ކިޔަނީ..މްމްމް..އެމީ އެއީ ލޯބިން ކިޔާ ނޭމް“ މަޖުދާ ނިކަން އުފަލުން އިނދެ އަމީރާގެ ވަނަވަރު ކިޔައިދިނެވެ.  އެހިނދު އިޔާންއަށް ތެޅިގަނެވުނެވެ. އިޔާންއަށް އެއްޗެއް ނުބުނެވިގެން އުޅެނިކޮން އިރަމްގެ ކޮޓަރީގެ ދޮރު ހުޅުވާލުމަށްފަހު ނުކުތް އަންހެންކުއްޖާ ފެނި އިޔާންގެ ދެލޯ ބޮޑުވިއެވެ. ކުރިމަތީގައި ހުރީ އަމީރާއެވެ. އިޔާންއަށް ހީވީ ހިތުގެ ހިނގުން ހުއްޓިގެން ދިޔަ ހެންނެވެ. ވަށައިގެން ވީ މަންޒަރު ފުސްވެ ހަމައެކަނި އަމީރާ ފެންނަމުން ދިޔަހެންނެވެ. އެ ސޫރަ ގެއްލިދާނެކަމުގެ ބިރަށް، އެސްފިޔަ ޖަހައިލަން ވެސް ހިތް ނޭދުނެވެ. ދެލޮލަށް ކަރުނަތައް ޖަމާވަމުން ދިޔައި އެއްވެސް އިޙްތިޔާރެއް ނެތިއެވެ. ކުރިމަތިން ފެނިގެންދަނީ އެ ހިތުގެ މަލިކާއެވެ. އޭނާގެ ހިތުގެ ދިރުމެވެ.

***

ކުރިމަތީގައި ހުރި އިޔާންގެ މޫނަށް އަމީރާ ކަޅި ހުއްޓާލައިގެން ހުއްޓެވެ. ރޭންސުރެން އޭނާ ދިޔައި މިކަމަށް ވަރަށް ބޮޑަށް ތައްޔާރް ވަމުންނެވެ. ރޭގައި އިޔާންއަށް ފިލައިގެން ކޮޓަރިއަށް ވަތް ނަމަވެސް، ހެނދުނުން އިޔާންއާއި ދިމާވާނެކަން އޭނާއަށް މާ ކުރިން ވެސް އެނގެއެވެ. އެ މޭގައި ފޮރުވިގަންނަމުން، ހިތުގެ  ފުނުގައި ބަނދެފައި ވާ ހާސް ޝަކުވާތައް ބޭރުކޮށްލަން ބޭނުންވިއެވެ. ހިތް ފުރެންދެން ރޯލަން ބޭނުންވިއެވެ. ނަމަވެސް ހިތް ފިސްފިސް ވެފައި ހުރެމެ އަމީރާ ދިޔައީ ކެތްކުރޭވޭނެ އެންމެ މައްޗަކަށް ކެތް ކުރަމުންނެވެ.

”އިޔާ.. މިއޮތް އައީ އެމީ.. ލުއިސް ބޭބެ ބުނި އިޔާ އަށް ފެނިފައޭ ހުންނާނީ..“ މާހައުލުގައި އުފެދިފައިވާ ކުލަވަރު ފަހްމް ނުވެ މަޖުދާ ނިކަން ހިނިއައިސްފައި ހުރެ އިޔާންގެ އަތުގައި ހިފާލަމުން އަމީރާ ދެއްކިއެވެ. އަމީރާގެ މޫނުމަތިން ފެންނަމުން ދިޔަ ހުސްކަމުން އިޔާންގެ ހިތް ރޮއެގަތެވެ. އަމީރާއާއި ވަކިން ބައްދަލް ކުރަން ހިތް އެދެމުން ދިޔައީ އިންތިހާއަށެވެ.

”ނައިސް ޓް މީޓް ޔޫ.. އިޔާން“ އަމީރާ ބީރައްޓެހި ގޮތަކަށް ބުނެލިއެވެ. އިޔާންއަށް ޖަވާބެއް ނުދެވުނެވެ. އެވަގުތު ދޮރު ހުޅުވާލުމަށްފަހު ނަދީމް އާއި އިރަމް ވަތް ކަން ނަސީބެކޭ އަމީރާ ހިތައް އަރަމުން ދިޔައެވެ.

”ހެލޯ ބޭބީ“ އަމީރާގެ ރޮމުން ދިޔަ ހިތުގައި އަތްއަޅަމުން އޭނަގެ ސަމާލްކަން ހުއްޓާލީ މަޖުދާގެ އުރުގައި އިން ރީއާއަށެވެ. އެންމެ ފުރަތަމަ ނަޒަރުން ވެސް އެއީ އިޔާންގެ ދަރިފުޅުކަން އަމީރާ ދެނެގަތެވެ. އިޔާންއާއި އެއްވެސް ތަފާތެއް ނެތެވެ. އިޔާންގެ ހުރިހާ ސިފަތަކެއް ތުއްތު ރީއާގެ ގައިގާ އެބަހުއްޓެވެ. އެންމެ ބޮޑަށް ފާހަގަ ވީ އަމީރާ އެ ކޮލުގައި ކޮއްޓާލުމުން ރީއާގެ ހަދިޔާ ކޮށްލި ލޯބި ހިނިތުންވުމާއި އެކު ކޮލަށް އެޅިގެން ދިޔަ އަޑިކޮޅެވެ. އިޔާން  ހިނިތުންވެލާއި އިރު ކޮލަށް އަޑިކޮޅެއް އެޅޭތީ ރީތިވެގެން، އަމީރާގެ ގާތުގައި ހުރެ އޭނާ ހިނިތުންވެލާ ކޮންމެ ފަހަރަކު ކޯތާފަތުގައި އިނގިލިން ބީއްސާލާ ހަނދާންވިއެވެ. މާޒީގެ ހަނދާން ތަކުން އޭނާގެ މޫޑް ކިލަނބު ކޮށްލާކަށް ބޭނުމެއް ނުވިއެވެ. ކަރުނުތައް ހިންދާލުމަށް ހިންދިރުވާލަމުން، ރީއާއާއި ދިމާލަށް އަތް ދިއްކޮށްލި ހިނދު އަމީރާގެ އަތުގެ ތެރެއަށް އެކުއްޖާ ވެއްޓިގަތެވެ. އަމީރާއަށް ކުރެވުނީ ތަފާތު އިޙްސާސެކެވެ.

”މާޝާﷲ“ ރީއާގެ މޫނުގައި އަމީރާ ފިރުމާލިއެވެ. އެ ލޯބި ހިނިގަނޑަކާއި އެކު އަމީރާގެ ކަރުގައި އޮޅުލައިގަތް ގޮތުން، ލޯބިން ހިތް ފުރިގެންދިޔައެވެ. އެ ތުއްތު ކުއްޖާ ފެނުމުން އޭނާގެ ހިތުގައި އުފެދިގަތީ ތަފާތު އަސަރެކެވެ.

”އިރޫ ކިހިނެތް ވީ.. ދަރިފުޅާ ކިހިނެތް ވީ ރޮވެނީ“ ނަދީމްއާއި އެކު ގެޔަށް ވަދެފައި މަޖުދާ ފެނުމުން ބައްދާލި ގޮތައް އަނެއްކާ ވެސް އިރަމް ފެށީ ރޯށެވެ. ނަދީމް ފުން ނޭވާއެއް ދޫކޮށްލަމުން ވީ ގޮތްބުނެދިނެވެ.

”ކާކޭ؟ ސަދަފް؟“ އިޔާންއަށް އަނގަ ހަދާލެވުނެވެ. ހުރިހާ ވާހަކައެއް ކިޔައިދިނުމުން ވެސް އޭނާއަށް ފާހަގަ ކުރެވުނީ ސަދަފްގެ ނަމެވެ. ނަދީމް ބޯ ޖަހައިލުމުން އިޔާން ޖެހިލީ އިރަމްގެ ގާތަށެވެ.

”އިރޫ ޓޭލް މީ ޑީޓެއިލްސް.. ޔޫ އޯކޭ؟“ އިރަމްގެ އަތުގައި ހިފާލި އިރު އިޔާންގެ ދެލޮލުން ފެންނަނީ ނުރައްކާތެރި ކުލަވަރެކެވެ. ރުޅި ގަދަވެފައި ހުރި އިރު އޭގެ ރަތްކަން މޫނުމަތިން ފެނިލައެވެ.

އޭނާ ރަނގަޅުކަމަށް ބުނެ އިރަމް ބޯޖަހައިލިއެވެ. ނަމަވެސް ގަނެފައިވާ ބިރު މުޅިން ނުފިލާތީ ހުރީ ރޮވިފައެވެ.

“ ސަދަފް އަތްލިތަ އިރޫގެ ގައިގަ.. އެންމެ އިނގިއްޔަކުން އަތް ލިއަސް ނިމުނީ!“ސަދަފްގެ ނަން އިވުމުން ވެސް ހީވީ އިޔާންގެ މޫނުމަތީގައި މީހަކު ޖަހާލިހެންނެވެ. އިޔާންގެ ރުޅިގަނޑު ހިލިދާނެތީ ނަދީމްވެސް އިޔާންގެ އަތުގައި ހިފާލިއެވެ.

”ދޮންބޭ.. ހީ.. ހީ ސޭވްޑް މީ“ އިރަމް ބުނެލިއެވެ. އެކަމާއި އެއްބަސްވުމުގެ ގޮތުން ނަދީމް ވެސް ބޯޖަހައިލިއެވެ. އެކަމަކު ވެސް އިޔާންއަށް ގަބޫލްކުރަން އުދަގޫވިއެވެ.

”އޭނާ ސޭވް ކުރީއޭ ކިޔާފަ އަނގައިން ވެސް ބުނެގެން ނުވާނެ..! މޭބީ ހީޒް ޓްރައިން ޓް ގެޓް އެޓެންޝަން.. މީގެ ފަހުން އެކަނި ނުނިކުންނާތި ބޭރަށް! އެންޑް އޮފީހަށް ގޮސް ބަލާނަން ތި ގްރޫޕާއި އޭނާގެ ޑީޓެއިލް އެއް“ އިޔާން ނުކުމެގެން ދާން ހިނގައިގަތީ ސަދަފްގެ ނަން އިވުމުން ހުންނަން ވެސް ހިތް ނޭދުމުންނެވެ. ދަމުން އަމީރާގެ މޫނަށް ބަލައިލީ އެހެން މީހަކަށް ފަހްމް ނުވާނެ ހެންނެވެ. ނަމަވެސް އެވަގުތު އޭނާ ހުރީ އިސްޖަހައިގެންނެވެ. ހީވީ އިޔާންއާއި ހަތަރު ކަޅި ވެސް ހަމަ ނުކުރަން ހިތުލައިގެން ހުރިހެންނެވެ.

އަމިއްލަ އެޕާރޓްމަންޓަށް ވަދެވުމުން އިޔާން ޖެހިގަތީ ސޯފާއަށެވެ. ބަނޑުން އޮތް އިރު ދެލޯ މަޜާލެވުނީ ސިކުނޑިއާއި ނުބައްދަލް މިންވަރަކަށް ހާސްކުރުވަމުން ދިޔަ ހިޔާލްތަކުންނެވެ. އަމީރާގެ މޫނުމަތިން ފެނުނު ދުރު ކަމުން އިޔާންގެ ހިތުގެ ހިނގުން ވެސް ހީވަނީ އާދައިގެ ވަރަށް ވުރެން ބޮޑަށް ލަސްވެފައިވީހެންނެވެ.

”އެމީ އައި މިސްޑް ޔޫ ސޯ މަޗް…އާހްހް..ވީ ޝުޑް ޓޯކް “ އެއޮތް ގޮތައް އޮވެފައި އިޔާން ނެގީ ޖީބުގައި އޮތް ފޯނެވެ. އޭނާ މެސެޖެއް ކޮށްލާފައި، އެ ނަމްބަރަށް ގުޅާލިއެވެ.

”ޔެސް ބޮސް..“ ވާހަކަ ދެއްކީ ޝައިމަންއެވެ.

”ސައިމަން.. މެސެޖް ފެނިއްޖެ ދޯ.. ދެންމެ މި ފޮނުވި ލޮކޭޝަން ބަލާފަ، ކެމެރާ ފޫޓޭޖް ހޯދާ.. އެންޑް އައިޑެންޓިފައި ދެމް އޭޒް ސޫން އޭޒް ޕޮސިބަލް.. އެންޑް އޯލްސޯ އަމް ޓޭކިންގ ދި ޑޭ އޮފް.. ރިމައިންޑް މީ އާފްޓާރ ޑަން ދި ހޯމް ވޯކް އައި ޖަސްޓް ގޭވް! ”އިޔާން ބުނެލިއެވެ. އެންމެ ރަނގަޅުކަމަށް ބުނެ ސައިމަން ފޯނު ބޭއްވުމުން އޮތްތަނުން ތެދުވެ ކޮޓަރިއަށް ވަދެފައި ނުކުމަތީ ޓީޝާޓެއް ލަމުންނެވެ. އަލުން އެނބުރި މަޖުދާމެންގެ އެޕާރޓްމަންޓަށް ވަތް އިރު މަޖުދާ އާއި  އިރަމް އާއިއެކު އަމީރާ ބަދިގޭގައި އުޅޭތަން ފެނި އިޔާންއަށް އިރުކޮޅަކު ބަލަން ހުރެވުނެވެ. އިރަމް އަދިވެސް އެއްކޮން ހަމައަކަށް ނޭޅޭތީ އޭނާ ހޭހަން ކުރުމުގައި މަޖުދާ އުޅެމުން ދިޔައެވެ. އިޔާންގެ ސަމާލްކަން ހުއްޓުނީ އަމީރާގެ އުނގުގައި ރީއާ އިންތަން ފެނިފައެވެ. ދިމާވިތާ ވީ މަދު ސިކުންތުގައި އަމީރާއާއި ރީއާ އެކުވެރި ވެވިފައިވީ ވަރު ފެނި އިޔާންގެ ހިތައް ލިބުނީ ބަޔާން ކުރަން ދަތި ހިތްހަމަޖެހުމެވެ. އަމީރާއާއި ވާހަކަ ދައްކާފައި ނޫނީ ނުދާން ނިންމައިގެން ހުރެ އިޔާން ބަދިގެއަށް ވަނެވެ.

”ދަރިފުޅާ މިއަދު ނުދަނީތަ؟“ އިޔާން ފެނިގެން މަޖުދާއަށް އަހައިލެވުނެވެ. އޭރު ހުރީ ވެސް އިޔާންގެ ޑިއުޓީއަށް ދާ ގަޑި ނުހަނު ގާތްވެފައެވެ.

”ޔެސް.. މިއަދުވެސް އޮފް.. ”އިޔާންގެ ޖަވާބުން އެހެންހޭ ބުނެ މަޖުދާ ކުރަމުން ދިޔަ މަސައްކަތާއިގެން އަވަސްވެގަތެވެ.

”ދަރިފުޅާ ހިނގާ ހޮސްޕިޓަލަށް ދަމާ.. ހިމަ ހޯލިކޮޅެއްހެން ހުންނަ ކުއްޖެއް.. އެ ފިރިހެން ސޮރު އަތުގައި ހިފައިގެން ގޮތުން މިއޮތީ ދުޅަވެފަ.. “ އިރަމްގެ އަތުގައި ބޮނޑި ތާން ކުރަމުން މަޖުދާ ބުނެލި އަޑުއިވިގެން އިޔާންވެސް ކައިރިވެލިއެވެ.

”ޔެއާރ އިޓް ލުކްސް ބޭޑް..ހިނގާ ހޮސްޕިޓަލަށް ދޮންބެއާއި އެއްކޮން ..“

”ދޮންބެ ރެޑީ ވާން ނަގާނެ އެންނު ފުދޭވަރަކަށް ވަގުތު.. މަންމާއާއި އެއްކޮން ގޮސްލާނަން“ ނުދާން އިނދެފައި ވެސް އެންމެފަހުން އިރަމް ތެދުވެލީ ކެތްނުވާވަރަށް ތަދުވަމުން ދާތީއެވެ. އިޔާން އެންމެ ރަނގަޅުކަމަށް ބުނެ ބޯ ޖަހާލިއެވެ. މަޖުދާއާއި އެކު އިރަމް ގެއިން ނުކުތުމުން، ވާ ނުވާ އަންގާލުމަށް ބުނެ އެމީހުންގެ ފަހަތުން ނަދީމްވެސް އޮފީހަށް ދިޔުމަށް ނުކުމަތެވެ.

އެންމެން ނުކުމެ ގޭތެރެ ހަމަހިމޭން ވުމުން އަމީރާގެ ހިތުގައި ބިރުވެރިކަމެއް އުފެދުނެވެ. ރީއާ އުނގައް ލައިގެން އިން އިރު ތުއްތު އަޑުން ދައްކަމުން ދިޔަ ވާހަކަތަކަށް ރައްދު ދެމުން ދިޔަނަމަވެސް އިޔާން ވާހަކަ ދައްކަން އުޅެފާނެކަމުގެ ބިރު ހިތުގައި އޮތެވެ. އެހެން އިންދާ އިޔާން ބަދިގެތެރެއަށް ވަނެވެ. ތެޅިތެޅި އޮތް ހިތަކާއި އެކު އަމީރާ އިސްޖަހައިގެން އިނެވެ.

”ބޭބީ.. އާދެބަ ދޮންބެ ކައިރިއަށް ދާން “ އިޔާންއައިސް ގެންދަން އުޅެން ފެށުމުން ރީއާ ބޮޑާ ހާކާލަމުން އަމީރާގެ ގައިގާ ބައްދާލިއެވެ. އެވަރުން ވެސް އަމީރާ އިސްއުފުލާ ނުލިއެވެ. ލުއި ހިނިތުންވުމެއްގައި އިނދެ ރީޔާގެ ކޮލުގައި ފިރުމާލިއެވެ.

”ދޮންބެ ހޭވް އައިސް ކްރީމްސް“ އެންމެފަހުން އިޔާން ބުނެލި ހިނދު ، ރީއާ، އަމީރާގެ އުނގުން ތެދުވެލިއެވެ. ދުވެލާފައި މީރާންގެ ކޮޓަރިއާއި ދިމާލަށް ދިޔައެވެ. އިޔާން ވެސް ރީއާގެ ފަހަތުން ނުކުތީ އޭނާ މީރާންގެ ކޮޓަރިއަށް ވަތްކަން ޔަގީން ކުރުމަށެވެ. އެ ދަނޑިވަޅު ބަލާފައި އަމީރާ ގޮސް ކޮޓަރިއަށް ވަދެ ދޮރު ލެއްޕިއެވެ.

އިޔާން އައިސް ހޯދާލިއިރު އަމީރާ ފެންނަން ނެތުމުން ވީ ގޮތް ދެނެގަނެވުނު ފަދައަކުން ހީލިއެވެ.

ދިޔަގޮތައް ގޮސް ޓަކި ނުޖަހާ ދޮރު ހުޅުވާލިއިރު އަމީރާ އިނީ އެނދުމަތީގައެވެ. އިޔާން ފެނުނު ހިނދު އޭނަ އިންތަނުން ކޮޅަށް ތެދުވިއެވެ. އެމޫނުމަތިން ހައިރާންކަމުގެ އެއްވެސް ޝުއޫރެއް ނެތެވެ. ވަނީ ހުސްކަމެވެ. މާކުރިން ވެސް އިޔާން އަންނާނެކަން އެނގޭ ކަހަލައެވެ.

”އެމީ“ އިވިގެން ދިޔަ އިޔާންގެ މަޑުމޮޅި އަޑުން އަމީރާގެ ހިތް އެކީ މަޑުވެގެން ދިޔައެވެ. ނަމަވެސް އޭނާ ހުރީ ގޮތުގައެވެ. ހިތައް ވަމުން ދިޔަ ތަދު ފޮރުވާލަމުން އިޔާޏްއާއި ހަތަރުކަޅި ހަމަކޮށްލިއެވެ.

”ޑޯންޓް..ޔޫ ލޮސްޓް ދި ރައިޓް ޓް ސޭ މައި ނޭމް..ހަމަ މިހާރު ނުކުމޭ!“ ޝަހާދަތް އިނގިލިން ދޮރު ދައްކާލަމުން އަމީރާ ކޮށްލީ އަމުރެކެވއިޔާން ކުރިއަށް އެޅި ފިޔަވަޅާއި އެކު ވެސް އަމީރާ ހުރިތާގައި ހުއްޓެވެ. އެ ދެލޮލުން އިޔާންއަށް ފެނުނީ އިންތިހާ ދަރަޖައިގެ ނަފްރަތެވެ. އެރުޅިވެރި ނަޒަރުން ހީވީ އިޔާން ފިއްސާލި ހެންނެވެ. އިޔާންއަށް އަނގައިން  އަދި އެންމެ ބަހެއް ވެސް ނުބުނެވެއެވެ. ނަމަވެސް އަމީރާ ދައްކަމުން ދިޔަ ކުލަތަކުން މިހާރުވެސް ހިތްވަރު އެލޭ ގޮތްވެއްޖެއެވެ.

”ޖަސްޓް ހިޔާރ މީ އައުޓް“

”ނެވާރ!!.. މަށާ، އިޔާން ދައްކަން ޖެހޭ އެއްވެސް ވާހަކައެއް ނޯންނާނެ.. އައި ހޭވް އަ ގިފްޓް ފޯރ ޔޫ.. ޖަސްޓް ވެއިޓް“ އަމީރާ އަވަސް ފިޔަވަޅުތަކަކާއި އެކު ގޮސް ހުއްޓިލީ ރީތިވާ މޭޒު  ކައިރީގައެވެ. މޭޒުމަތީގައި އިން އޭނާގެ އަތް ދަބަސް ނަގައި ހުޅުވާލުމަށްފަހު އޭގެ ތެރެއިން ނެގީ އިޔާންގެ ކޭޝްކާޑެވެ. އެހިފައިގެން އައިސް އިޔާންގެ މޫނާއި ދިމާލަށް ކާޑު ހޫރުވާލިއެވެ. އަމީރާގެ ދެލޯފުރިގެން އައިކަރުނުތައް ހީވީ މާޒީގެ ކޮންމެ ހަނދާނެއް ވަކިވަކިން ހަނދާންކޮށްދެމުން ދިޔަހެންނެވެ.

”ނައު ގެޓް ދި ފަކ* އައުޓް އޮފް ހިޔާ!“ ކަރުނުތައް ހުއްޓުވުމަށް ކުރެވެމުން ދިޔަ ހުރިހާ ކަމެއް އަމީރާ ދިޔައީ ކުރަމުންނެވެ. މުޅި ކުއްޖާގެ މޫނު ރަތްވެފައި ވީ އިރު ދުރަށް މޫނު އަނބުރާލަމުން ދެއަތުން ފުހެލިއެވެ.

”ޖަސްޓް ލެޓް މީ ޓޯކް.. ލެޓް މީ އެކްސްޕްލެއިން“ އަމީރާއާއި ގާތް ވެލަމުން އެއަތުގައި ހިފަން އިޔާން ކުރި މަސައްކަތް ދިޔައީ ބޭކާރުވެގެންނެވެ. އަމީޜާގެ މުޅި ހަށިގަނޑު ދިޔައި ތުރުތުރު އަޅަމުންނެވެ. އިޔާންގެ މޭގައި އަތުން އަޅާ ކޮއްޕާލަމުން އެދެމަދަށް އަތް ހުރަސްކޮށްލިއެވެ.

”އެކްސްޕްލެއިން ވަޓް؟ މިފަހަރު ތިއައީ ދެ އަނބި ހޯދި ވާހަކަ ބުނަންތަ؟ ..ހަހަހާ.. ހީވާ ގޮތުން އަހަންނެއް ނުވާނެ ހައިރާނެއް.. ތީ ކިހާ ގޮތެއް ނެތް ދޮގުވެރި ފިރިހެނެއް ކަން މަށައް އެނގޭ.. އަހަރެން ކުރިން ފަހަރު ބުނިހެން އިޔާން ބޭނުންވަނީ ޒުވާން އަންހެން ކުދިންގެ ފަރާތުން އަރާމާއި ލައްޒަތު.. އެހެންނު! އަހަރެންގެ ދިވާނާކަމުން އިޔާންގެ ފަހަތުން ތަތްވެގެން އުޅެވުނީ.. މޭބީ އަމް ޖަސްޓް އަ ގޯލްޑިގިން ހޯރ*.. އެހެންނު“

”ޝަޓް އަޕް!.. ސްޓޮޕް ހިއުމިލިއޭޓިން ޔޯ ސެލްފް..! މަށާ ދިމާލަށް ކޮންމެ އެއްޗެއް ކިޔަސް ވަރިހަމަ..އެކަމަކު އަމިއްލަ ނަފްސަށް ތިކަހަލަ އެއްޗިހި ނުކިޔާ.. އައި ލަވް ޔޫ  އެމީ.. ވަރަށް ބޮޑަށް ލޯބިވޭ އެމީ..ޖަސްޓް ގިވް މީ އަ މިނެޓް ޓް އެކްސްޕްލެއިން އެވްރީތިންގް.. ޕްލީ-”މިފަހަރު އިޔާންއަކަށް ޖުމްލައެއް ކުރިއަކަށް ނުގެންދެވުނެވެ.

”އިޔާންއަށް އެނގޭތަ އަމިއްލަ އަށް ކުރެވުނު ކަންތައް! އަދި ބުނެފި އެންނު ލޯތްބޭ؟ އިޔާންއަށް އެނގޭތަ ލޯތްބަކީ ކޯއްޗެއް ކަން؟ ފެނޭތަ އިޔާން.. ފެނޭތަ؟ މިއީ އިޔާން މަށައް ދިން ލޯބި“ އަމީރާ ލައިގެން ހުރި ގަމިސް ކުޑަކޮން ހިއްލާލުމަށްފަހު  ދައްކާލީ ހަމައެކަނި ބަނޑުގެ ވެސް ކުޑަ ތަންކޮޅެކެވެ. އެހިސާބުން ވެސް ބޮޑު ލަކުނެއްގެ ތަންކޮޅެއް ފެނިގެން ދިޔައިރު އިޔާންއަށް ދުރަކު ނުހުރެވުނެވެ. އަމީރާގެ އަތުގައި ހިފާ ގަޔާއިކައިރި ކޮށްލިއެވެ. ނަމަވެސް އަމީރާ ދިޔައީ ގަދަހަދަމުންނެވެ.

”ދޫކުރޭ އިޔާން.. މަގޭ ގައިގަ އަތްލުމުގެ އެއްވެސް ހައްގެއް އިޔާންއަކަށް ނެތް.“އިޔާން ދުރުނުވުމުން، އެންމެފަހުން ކުއްލިއެއް ޖަހާލަމުން ދުރުވެލި އިރު އަމީރާއަށް ރޮވުނެވެ. ކެތް ނުވީއެވެ. މާޒީގެ ހިތްދަތިކަން ލޮލުގެ ކުރިމައްޗަށް ހީވީ ސިފަވެގެން ދިޔަހެންނެވެ.

”ޑޯންޓް ޓެލް މީ ޔޫ ވެންޓް ބެކް ދެއާރ“ އަމީރާގެ އަތުގައި ހިފައިގެން ހުރި އިރު އިޔާންގެ ދެލޮލަށް ޖަމާވަމުން ދިޔަ ކަރުނުތައް ސާފްކޮން ފެންނަމުން ދިޔައެވެ. އަމީރާގެ ގާތައް އަނެއްކާ ވެސް ޖެހެމުން އިޔާން ދިޔަ ގޮތުން އަމީރާ ވެސް ދިޔައީ ފަހަތައް ޖެހެމުންނެވެ. އޭނާ މަތަވީ ފާރުގައި ޖެހިފައެވެ.

”އައި ޑިޑް.. އެންޑް އެވްރީތިންގް ހެޕެންޑް ބިކޯޒް އޮފް ޔޫ! އައި ޙޭޓް ޔޫ މޯރ ދޭން އެނީތިންގ އެންޑް މޯރދޭން އެނީވަން އެންޑް މޯރ ދޭން މައި ރިއަލް ޕޭރެންޓްސް..ވަޓް ޑޫ ޔޫ އެކްސްޕެކްޓް؟ ޔޫ ތިންކް އައި ޝުޑް ކިސް ދޯސް ރެޑް ލިޕްސް އާފްޓާރ އެވްރީތިންގް ޔޫ ޑިޑް؟ ހަހް؟ ލީވް މީ އެލޯން  އިޔާން.. ވާވަރަށް އަނިޔާ ދެވިއްޖެ އެންނު..ދެން ހެޔޮ.. މިތަނަށް އަހަރެން އައީ އިޔާންގެ ލޯބި އާއިލާއަށް އެއްވެސް ގެއްލުމެއް ދޭކަށް ނޫން ..އަހަރެން އަމިއްލަ ފަސްގަނޑަށް އައިސް އަމިއްލަ ފައިމައްޗަށް ތެދުވަން ބޭނުން ވެގެން ..ޑޯންޓް މައިންޑް މީ“ ދެލޯ ފުހެމުން ދިޔަ ނަމަވެސް މެދުކެނޑުމެއް ނެތި އެ ރީތި ދެލޮލުން ފައިބަމުން ދިޔަ ކަރުނުތަކާއި އެއްވަރަށް އެއަޑުވެސް ދިޔައި ބާރުވަމުންނެވެ. އެ ހިތުގައި އަޅަމުންދާ ވޭނުން ލަގޮނޑިއަށް ބާރުވަމުން ދިގޮތުން ހީވީ ނޭވާ ވެސް ތާށިވާން އުޅުނު ހެންނެވެ. ނަފްރަތު ދެއްކުމަށް ކުރުމަށް ދިޔަ ހުރިޙާ ކަމެއް ބޭކާރުވާން ފެށިއެވެ. ފާރު ބުޑަށް ތިރިވެވުނު އިރު އަމީރާއަށް ގިސްލެވުނެވެ.

އިޔާންއަކަށް އެ މަންޒަރު ދެކޭކަށް ކެތެއް ނުވިއެވެ. އޭނާގެ ދެލޮލުން ވެސް ކަރުނަތައް ފައިބަމުން ދިޔައެވެ. އަމީރާގެ އަތުގައި ހިފާ ދެއަތުގައި ހިފާލަން މަސައްކަތް ކުރި ހިނދު މިފަހަރުވެސް އަމީރާ އެދެއަތް ފޮޅުވާލިއެވެ. އަމީރާގެ ފައި ދޮށަށް ތިރިވެވުނު ގޮތައް އެދެފައިގާ އިޔާން ހިފާލިއެވެ.

”ބޭބީ ޕްލީޒް.. އެންމެ ފަހަރަކު އަހަރެން މި ދައްކާ ވާހަކަ އަޑުއަހާ ފާނަންތަ..އަމް ބެގިންގ ޔޫ“

”ބޭނުމެއް ނޫނޭ.. ހުސް ދޮގު.. އިޔާންއަށް އެނގޭނެ ހަމަ އެކަނި ދޮގު ހަދަން.. ކީއްވެތަ ނުކުންނަން ނޭނގިފައި ތިހުންނަނީ.. އަހަރެން ވަރަށް ސާފް ކޮން މިބުނާނީ އިޔާން ދެކެ ލޯތްބެއް ނުވޭ“

”ދެން މި ދެލޮލުން މި ފައިބާ ކަރުނުތަކޯ.. މިއިން ކޮންމެ ކަރުނަ ތިއްކެއް އެމީގެ ހިތުގެ ހާލަތު ބުނެދެމުން ދާ ކަހަލަ.. ހެޔޮނުވާނެ އެމީ…އަހަންނަށް މާފް ކުރޭ ..އަހަންނަކަށް އެންމެ ސިކުންތެއް ވެސް ކެތެއް ނުވާނެ އެމީއާއި ދުރުން އުޅޭކަށް“ އަމީރާގެ ޖުމްލަތަކުން ހިތް ކުދިކުދި ވެގެން ދިޔަ ނަމަވެސް އަދިވެސް އިޔާން ދިޔައީ ހިތްވަރު ކުރަމުންނެވެ. އަމީރާގެ އަތުގައި ހިފާލާފައި ގެނެސް އޭނާގެ މޭމަތިގައި ބޭއްވިއެވެ. އެހިތުގެ ޖަހަމުންދަނީ ހަމައެކަނި އަމީރާއަށް ޓަކައި ޖަހަމުންދާ ވިންދެއްކަން އިޙްސާސްކޮށްދޭން އިޔާން ބޭނުން ވިއެވެ. ނަމަވެސް އަމީރާ ގަދަ ހަދާލަމުން ދުރަށް ޖެހުނެވެ.

އިޔާންގެ ހިތައް އެންމެ ތަދުކުރަމުން ދިޔައީ އަމީރާ ދެއްކި ލަކުނެވެ. އޭނާ އައިފަހުން އަމީރާގެ ދިރިއުޅުމުގައި ދިމާވީ ކޮންކަންތައް ތަކެއް ބާއޭ ހިތައް އަރަމުންދިޔައެވެ. އަމީރާ ކޮޅަށް ތެދުވަތުމުން ވެސް އިޔާން އެގޮތުގައި އިނެވެ. އެހެން އިނދެފައި އެދެފައިގާ ހިފާލަމުން އެމޫނަށް އިޔާން ބަލާލިއެވެ. އެ ހިނދު އަމީރާގެ މުޅި ހަށިގަނޑު ހަމަހިމޭންވިއެވެ. އެފަދަ ނިކަމެތި ހާލަތެއްގައި އިޔާން ވަނިކޮން މިއިން ދުވަހަކުވެސް އަމީރާ ނުދެކެވެ. އޭނާގެ ދެފައި ބުޑަށް ވެއްޓިގަނެގެން އިން އިރު އަމިއްލަ ހިތާ އަމީރާއަށް ސުވާލް ކޮށްލެވުނެވެ. އޭނާއަށް މި ކަންތައް ކުރެވެނީ ހަމަ އެންމެ ރަނގަޅަށްބާއޭ އެވަގުތު ހިތައް އެރީ ކީއްވެކަމެއް ހުދު އޭނާއަަށް ވެސް ނޭނގެއެވެ.

”އަމް ބެގިންގ ޔޫ އެމީ.. އައި ލަވް ޔޫ ސޯ މަޗް.. އެތައް ފަހަރަކު އެމީ ހޯދަން އަހަރެން ދިޔައިން.. އެނގޭތަ.. އަހަރެން ލިޔުނު ސިޓީ އެ-“

”ހުއްޓާލާށޭ! ”އިޔާން އެ ފައިބުޑަށް ވެއްޓި ކުރަމުން ދިޔަ ހުރިހާ އާދޭސްތަކަކަށް އަމިރާ ދިޔައީ ބީރު ކަންފަތެއް ދެމުންނެވެ. އިޔާންއަށް ފުރުސަތެއް ދިނުމަށް ހިތައް އަރާފައިވެސް އަމިއްލަ ހާލަތާއި މެދު ވިސްނާލުމަށްފަހު އެހިޔާލް ދޫކޮށްލިއެވެ. މީހަކަށް އިތުބާރުކޮށްފައި ދިރިއުޅުމައިގެން ކުރިއަށް ދިއުމަށް ވިސްނާ ކޮންމެ ފަހަރަކު އޭގެ ހިތިރަހަ ލަނީ އޭނާގެ އަމިއްލަ ކަރުބުޑުގައެވެ. އެވެސް އެއްވެސް ކުށެއްނެތިއެވެ. ލޯލާއަކީ އަމީރާގެ މުޅި ދިރިއުޅުމުގެ ހުންގާނު ހަވާލްކޮށްގެން  ކަނުލޮލަކުން އިތުބާރު ކުރި ފަރާތެވެ. ނަމަވެސް އެންމެ ފަހު ވަގުތު އޭނާ ވީ ކެހިވެރިއަކަށެވެ. އިޔާންވެސް އެފަދައެވެ. ރީއާގެ މަތިން ހަނދާން ވެ އަމީރާއަށް ހައްތަހާ ބޮޑަށް އުނދަގޫވިއެވެ. އެ ސިޓީގައި އެވަނީ ތެދުކަން ޔަގީނެވެ. އިޔާން ކޮންމެ އެއްޗެއް ބުނެލި ކަމުގައި ވިޔަސް އެ ދަރިފުޅު އެއީ އެ ސިޓީގައިވާ ވާހަކަތަކަށް ބާރުދޭ އެންމެ ބޮޑު ހަގީގަތެވެ. އެ މައުސޫމް ކުއްޖާގެ ކުށެއް ނެތެވެ. ދެތިން ނޭވާއެއް ލުމަށްފަހު ހިތްހަމައަކަށް އެޅުވޭތޯ އަމީރާ އުޅެގަތެވެ. ނަމަވެސް ހިތް ކުދި ކުދިވެ އޭނާގެ އެތެރެ ހަށި ވަނީ ފުނޑިފައެވެ.

”ވަށްކަމެއް ކުރި މީހަކު  ފަޅާ އަރައިގެން ގާނޫނު ކުރި މައްޗަށް ގެންދިޔައީމަ ބުނަނީ ކީކޭ؟.. ތިމަންނަ އެކަމެއް ނުކުރަމޭ.. އެހެންނު!.. އެ ކުށުން ސަލާމަތް ވާން ކިތަން ދަށުދަރަޖައިގެ ކަމެއް ވެސް ކޮށްފާނެ..އަމިއްލަ މީހާއަށް ވުރެން ފެންވަރުގެ ގޮތުން ކިތަންމެ ދަށްމީހެއްގެ ކައިރީގައި ތި ބީދައިން ކުޑަ ކަކޫ ޖަހަންވެސް ޖަހާނެ..އޭގެ މާނައަކީ އޭނާ އަކީ ކުށުން ބަރީއަ ވެފައި ވާ މީހެކޭ އެއް ނޫން..!“ އަމީރާ ގައިގާ ހުރި ބާރަކަށް އޭނާގެ ފައި ދުރުކޮށްލިއެވެ. އެހިނދު އިޔާންގެ އަތް އަމީރާގެ ފައިން ދޫވެގެން އައެވެ.

”ނައު ގެޓް ލޮސްޓް..! މިއަދުން ފެށިގެން ތިއީ އަހަންނަށް އެއްވެސް މީހެއް ނޫން!… އަހަރެންގެ މި ދިރިއުޅުމުގައި އެއްވެސް ހިއްސާއެއް ލިބިގެންވާ މީހެއް ވެސް ނޫން.. މަށައް މުޅިން ބީރައްޓެއްސެއް .. އަހަރެން އިޔާންގެ ގާތުގަ ބުނާނެ އެންމެ ފަހު ވާހަކަ މިއީ.. އަހަރެމެން ދެމީހުންގެ ދެމެދުގައި އޮތްހާ ގުޅުމެއް މިއަދުން ފެށިގެން ވާނީ ކެ..ކެ..ކެނޑިފަ!“ އިތުރަކަށް އަމީޜާއަކަށް ކެތެއް ނުވިއެވެ. އިޔާންގެ ކުރިމަތީގައި ހުރެ ރޯން ބޭނުން ނުވާތީ އޭނާ ވަންނަން ދިމާ ކޮށްލީ ފާހާނައިގެ ތެރެއަށެވެ. ނަމަވެސް ހުއްޓެން މަޖުބޫރުވީ އިޔާން އޭނާގެ އަތުގައި ހިފުމުންނެވެ. މި ފަހަރު އަމީރާ އޭނާ ގަޔާވީ ފަރާތައް އަނބުރާކަށް ނޫޅުނެވެ. އަމީޜާ ހުއްޓުމާއި އެކު އެއަތުން ވެސް ދޫކޮށްލިއެވެ.

“ މައްސަލަ އެއް ނެތް.. ޔޫ ވިލް ރިގްރެޓް ދިސް..“  އިޔާންގެ އަޑުގައި ވީ ކުރަކިކަން ނަގައިގަނެވުނު ހިނދު އަމީރާގެ މެއިން ދިލަ ނަގައިގަތެވެ. ނަމަވެސް އޭނާ ހުރީ ގޮތުގައެވެ. އެއަށް ދެމީހުންގެ ދެމެދަށް ވެރިވެގަތީ މަރުފަދަ ހަމަހިމޭންކަމެކެވެ. ކުރިމަތީގައި ހުރި ރީތިވާ މޭޒުގެ ލޯގަނޑުން އިޔާންގެ މޫނު ފެނުނު ހިނދު އޭނާގެ ހިތް ރޯލިއެވެ. އިޔާންގެ ދުޅަވެ ރަތްވެފައިވީ ދެލޮލުން ފައިބަމުން ދިޔަ ކަރުނައިގެ ސައިލާބުތަކުންނެވެ.. ހޭވިފައިވީ އިސްތަށިގަނޑުގެ ތެރެއަށް އަތް މަހާލައިގެން ހުރެ ދަމައިގެން ގޮތުން އަމީރާއަށް އެ މަންޒަރު ދެކެން އުނދަގޫ ވިއެވެ. ކީއްވެކަމެއް ނޭނގުނެވެ. ވަގުތު، ސިކުނޑީގެ ކަނަކުން އިޔާންގެ ވާޙަކަ އަޑުއެހުމަށް މަޑުކޮށްލުމަށް އެދުނެވެ. އެކަމަށް ބީރު ކަންފަތެއް ދެމުން ކަރުނައިގެ ކޯވަރެއް ބޮމުން އޭނާ ވަނީ  ފާހާނައަށެވެ.

އިޔާންއަށް ދެލޯ މަރާލެވުނެވެ. ކުށެއް ނުކުރެވޭ އިރުވެސް އަދު އޭނާ މިވަނީ ބޮޑު ކުށްވެރިއަކަށް ވެ ނިމިފައެވެ. ހިތައް ކުރި އަސަރުން ހީވީ ތުނޑުތޫނު އެތައް ހަންޖަރަކުން އެއްފަހާރާ އެހިތް ލޭކޮށާލެވުނު ހެންނެވެ. ވާހަކަ ދައްކަން ކިތަންމެ މަސައްކަތެއް ކުރިނަމަވެސް ހަތިޔާރު ބެހެއްޓުން ނޫން ގޮތެއް އިޔާންއަކަށް އެވަގުތު ނުފެނުނެވެ.

”ދަ ލަވް އައި ގޭވް ޔޫ، ވޯޒް ޔޫސްލެސް.. ރައިޓް؟ “ ހާސް ވޭނުން ފުރިފައިވި ޖުމްލަ އޭނާގެ ދެތުންފަތް ފޫ އަޅުވާފައި ނުކުތެވެ. ހުއްޓުމެއް ނެތި ފައިބަމުން ދިޔަ ކަރުނުތަކާއި އެކުވެސް މަޑުކޮށްލެވުނީ އަމީރާ ނުކުމެ ވާހަކަ ދައްކާތޯއެވެ. އެކަމަކު ވިއްސަކަށް މިނެޓް ހޭދަވެގެން ދިޔަ އިރު  ކާމިޔާބީގެ ކޮޅުމައްޗެއް ފެންނާކަށް ނެތެވެ. މަރުވެފައިވާ ހިތާއިއެކު ދެލޯ ފުހެލަމުން އިޔާން އެކޮޓަރިގެ ތެރެއިން ނުކުތެވެ.

***

ބިޔަރު ވަހުން މުޅި ކޮޓަރީގެ ތެރެ އެއްވަސް ވެފައިވީ އިރު ކޮޓަރިތެރޭގައި ތިބީ ޖިނާން އާއި ހޫގޯ އެވެ. މޭޒުގެ ދެފަރާތުގައިވާ ދެ ސޯފާގައި ދެމީހުން ތިބީ ރަލުގެ މަސްތުކަމަށް ޣަރަޤުވެފައެވެ.  މޭޒުމަތީގައި ދިހަވަރަކަށް ފުޅި ހުސްކޮށްފައި ހުއްޓެވެ. ދެމީހުންގެ އެމީހުންގެ ގާތުގައި ޒުވާން ފުރައިގެ އަންހެން ކުދިންތައް ނިވާކަން ކުޑަ ހެދުންތަކުގައި ތިބިއިރު ލަދުވެތި ވައްތަރުތައް ޖައްސަމުން ނަށަމުން ދިޔައެވެ. ދޮރުގެ ކައިރީގައި ހަތިޔާރު އަޅައިގެންހުރި،  ޒުވާން ފުރައިގެ ފިރިހެން ގާޑް އޮފިސާރ، އެ މަންޒަރު ފެނި ހުރީ އިސްއުފުލާލަން ވެސް ނުކެރިފައެވެ. ލިއޯއަކީ ދާދިފަހުން ހޫގޯގެ ވަޒީފާއަށް އައި ޒުވާނެއް ކަމުން އެހުރިހާ މަންޒަރެއް ވެސް އޭނާއަށް ވި ނުހަނު އާ އެހެނަސް ލަދުވެތި ކަމަކަށެވެ.

”އެގޮލާއަށް ހީވަނީ މިތަނުން ނުކުމެވުނީ މަ އެދެން ސަލާމަތް ވީކަމަށް.. މީ އަދި ފެށުނީ“ ރަލުގެ ދީވާނާ ކަމުން ޖިނާން ސޯފާގައި އިން އިރު ވެސް އިނީ ފާޑަކަށް ދެ އަރިއަށް ކިރިލަ ކިރިލާއެވެ. ”ލިއޯ.. ބްރިންގް ސަމް ޕޯކް ޗޮޕްސް“ އެއާއި އެކު ލިއޯ އޭނާގެ މައިކްރޯ ފޯނުން ބަދިގޭގައި އުޅޭ މީހުންނަށް އެކަން އަންގާލިއެވެ.

ހޫގޯ، ސޯފާގައި ރަނގަޅަށް ހަމަޖެހިލި ހިނދު،  ޓަކި ޖެހުމަށްފަހު ވަދެގެން އައީ އޭނާގެ ހާއްސަ ހަށިފާރަވެރިޔެކެވެ.

”ބޮސް އަމީރާ ސްޕެއިން އިން ގޮސްފި“ އޭނާގެ ޖުމްލައިން ހޫގޯއަށް ކޮޅަށް ތެދުވެވުނެވެ. ހޫގޯ ހުރިގޮތުން ޖެހިލުން ވެފައި ހުރެ އޭނާ ބޯޖަހައިލީ ޔަގީންކޮށްދޭން ފަދައަކުންނެވެ.

”އޭނާގެ އެ ހިތްވަރު! ލާ ހިކެއް ނޫން މި ހޫގޯގެ އަތްދޮށުން ސަލާމަތް ވާކަށް.. މީ އެ ލައިލާގެ ނުބައި ދޮންދަރީގެ ސުންޕާކަން! ހަމަ މިޙާރު އޭނާ ގެނެސް އަހަރެންގެ ކުރިމަތީގައި މަރާލާ! ކޮންތާކަށް ދިޔައީ އަމީރާ!“ ހޫގޯގެ ދެލޯ ފެންނަމުން ދިޔައި އަނގުރު އަލިފާން ކޮޅެއްފަދައިންނެވެ. އައިސްފައިހުރި ގަދަ ރުޅިން އޭނާ ހިފައިގެން ހުރި ބިޔަރު ފުޅި ފިތާލި ގޮތުން އަތުގެ ތެރޭގައި ފުނޑުފުނޑު ވެގެން ދިޔައެވެ.

”ޒަންޔާ ހޯދުމުގެ މަސައްކަތް އަދިވެސް ދަނީ ކުރަމުން..އަދިވެސް ނުފެނޭ.. އަމީރާ ދޯ.. އަމީރާ ދިޔައީ ކޮންގައުމަކަށް ކަމެއް ބުނާކަށް ނޭނގޭ“

”ކޮބާ ތީގެ މާނައަކީ؟“ ޖިނާންއަކަށް މަޑަކުން ނުހުރެވުނެވެ. ދެފަރާތައް އެއްލެމުން ކަހަލަ ގޮތަކަށް އޭނާ އައިސް ކުރިމަތީގައި ހުއްޓުނެވެ.

“އަހަރެން ބެލި ބެލިބެލުމުން އެނގުނީ އަމީރާ ރާއްޖެ ދިޔަކަން..އޭނާ ދިޔަ ފްލައިޓްއަކީ ތައިލޭންޑްއަށް މަޑުކޮށްފަ ރާއްޖެ ދިޔަ ފްލައިޓްއެއް.. އެވަރަށް އެނގުނީ.. އިތުރަށް މަސައްކަތައް ކުރަމުން ދަ-“ އޭނާގެ ޖުމްލަ ފުރިހަމަ ނުވަނީސް މުޅިތަނަށް އިވިގެން ދިޔައި ޖިނާންގެ އަތުގައި ފިސްތޯލުގެ ގަދަފަދަ އަޑެވެ.  އެހިނދު ވާހަކަ ދައްކަމުން ދިޔަ ސެކިއުރިޓީ މީހާގެ ވޭނީ ހަޅޭކުގެ އަޑާއިއެކު އޭނާ ހުރިތަނަށް ވެއްޓުނެވެ. ނޭވާ ނުލެވިގެން ދެފަރާތައް ތެޅިގަނެފައި ދެލޯ އެންމެ ފަހުން މެރުނެވެ.

”ހަބަރެއް ހިފައިގެން އަންނައިރު އަލިމަގެއް ނުފެންނަ ކަހަލަ ހަބަރުތައް މަގޭ ރުޅި އަރުވަން ނޫނީ އިއްވާނެ ކަމެއް ނެތް.. އޭގެ ކޮންމެ މީހަކަށް ވެސް މިފަދަ ނިމުމެއް އަންނާނީ.. ގިނަދުވަސްވީ މީހެއް ބޮޑެއް ކުޑައެއް، މަ ކައިރިއަކު ނޯންނާނެ“ ބަޑީގެ އަޑަށް އެތަނަށް ޖަމާވި އެހެން ސެކިއުރިޓީ މީހުންނަށް އިވޭވަރަށް ޖިނާންގެ އިއްޒާރު އިއްވާލިއެވެ. މަރުވެފައި އޮތް މީހާގެ ގައިގާ ކޮޅު ފައިން ޖަހަމުން ޖިނާން އަލުން އިށީނީ ކުރިން އިން ސޯފާގައެވެ. ޖިނާން ދެން ގޮވާލީ ލިއޯއަށެވެ.

ބިރުން ގޮސް ތުރުތުރު އަޅަމުން ދިޔައިރު އެ އަސަރުތައް ލިއޯ ފޮރުވާލަން ނުހަނު ކާމިޔާބެވެ. ހިނިތުންވުމަކުން ޖިނާންއާއި ކުރިމަތިލިއެވެ.

”އޭނާއަށް ނުވި ކަންތައް މަ މި ހަވާލް ކުރަނީ ލިއޯއާއި.. ހަމަ މިހާރު މި ވަގުތުން ފެށިގެން އަމީރާ ދިޔަ ތަނެއް ހޯދާ.. ހޯދައިފިއްޔާ ހާއްސަ ހަދިޔާއަކާއި އެކު ކަލޭގެ ބޭނުމެއް ބުނީމަ އެކަމެއް ކޮށްދޭނަން..އެކަމަކު މީނަ މި ގެނައި ހަބަރަކާއި އެކު އައިސްފިއްޔާ ހިތައް ސިފަކޮށްލާ މިއޮތް ސޫރަ.. އެއީ ކަލޭގެ ނިމުން.. ހަނދާން ކުރާތި!“ޖިނާންގެ އިންޒާތައް އިވެމުން ދިޔައިރު ލިއޯގެ ގައިން ހީބިހި ހަލުވާލިއެވެ. އެކަމައް ނޫނެކޭ ބުނި ކަމުގައިވި ނަމަވެސް އޭނާއަށް ސަލާމަތެއް ނޯންނާނެއެވެ. ހިތާއި ދެކޮޅަށް ލިއޯ ބޯޖަހާލުމަށް ފަހު އޭނަ ނުކުމަތީ ވީހާވެސް އަވަހަށް އެ މަސައްކަތް ފެށުމަށެވެ.

****

އިރުއޮއްސެމުން ދިޔަ ވަގުތު އަމީރާ އިށީންދެލައިގެން އިނީ ނީޝަންއާއި އެކު ގޭގެ ޓެރެހުގައި ހުރި އުނދޯލީގައެވެ. އުޑުމަތީގައިވާ އަލި ދަނބުކުލައާއި ރަތާއި އޮރެންޖްގެ އެކިކުލަ ތަކުގެ ވިހާކޮޅުތައް އުޑުމަތީގައި ރަސްކަން ކުރަމުން ދިޔައިރު، ޖެހިލާ ފިނިފިނި ވައިރޯޅިތަކުގެ އަޜާމް އިޙްސާސް ހަށިގަނޑަށް ކުރުވަމުން ދިޔައެވެ. އެއްބައި ހިޔާ ކޮށްފައިވާއިރު އެހިސާބުގައި ވަނީ ދިގު ސޯފާއަކާއި ޖޯލިފައްޗެއްގެ އިތުރުން ކޮފީ ބޮވޭނެހެން ނުހަނު ފުރިހަމައަށް ތައްޔާރުކޮށްފައި ވާކޮފީ ކޯނާރއެކެވެ. ރީއާއަށް ހާއްސަކޮން، ފެންސް ޖަހާފައި ތައްޔާޜުކޮށްފައި ’ޕްލޭ އޭރިއާ‘ ވެސް އޮތީ އެސަރަހައްދުގައިއެވެ. ހާމައަށް އޮތް ހިސާބުގައި އޮތީ ފެހިކަން ގަދަ ގަސްތައް އިންދާފައިއެވެ. ގިނައީ ބޮޑެތި ޕޮޓުތަކުގައި އިންދާފައި ދިގު ގަސްތަކެވެ. ފަލްސިފެރާއާއި ފިލޯޑެންޑްރަން އަދި މޮންސްޓެރާގެ އެކި ވައްތަރުތަކާއި، ކެކްޓަސްގެ އެކި ވައްތަރުތައް ހިމެނެއެވެ. ލަކުޑި އުނދޯލި ހުރީ ގަސްތަކުގެ މެދަކަށް ވާހެންނެވެ. ގަސްތަކުން ބަގިޗާހެދިފައިވާ އިރު، ކޮފީ ބޯންތިބޭ ހިސާބުގައި ތިބޭ މީހުންނަށް އުނދޯލި އިންނަނީ ފޮރުވިފައެވެ. ބޮޑު ހުސްޖާގަ އަދިވެސް އޮތެވެ.

ހެނދުނުގެ ހާދިސާގެ ހިތްދަތިކަން ތާޒާކަންމަތީގައި ހުރިއިރު ނުފިލާ ރިހުމެއް އެމޭގައިވަނީ ވަކި ހިއްޕާލާފައެވެ. ނީޝަން ކިޔައިދެމުން ދިޔަ މަޖާ ވާހަކަތައް އަޑުއަހަމުން ދިޔައިރު އަމީރާގެ މޫޑް ހިސާބަކަށް ހުރީ ރަނގަޅު ވެފައެވެ.

”ދައްތިއަށް އެނގޭތަ.. ކުރިން ނީޝް އިންގްލިޝް ވާހަކަ ފޮތް ކިޔާ އުޅޭތީ ދޮންބެ ވަރަށް ދިމާ ކުރާނެ.. ބަޓް އާފްޓާރ ހީ ގޮޓް ބެކް ފްރޮމް ސްޕެއިން ހީ ބިކޭމް ޓޯޓަލް ބްކްހޯލިކް.. މިހާރު ދޮންބެގެ އެޕާރޓްމަންޓްގަ އިންނާނެ ލައިބްރަރީއެއް ވެސް.. ބަޓް އެތަނަށް އެކަކަށް ވެސް ނުވަދެވޭނެ“ ނީޝަން އިނދެފައި ފެށީ އިޔާންގެ ވާހަކަ އެވެ. އަޑު އަހަން އުނދަގޫ ނަމަވެސް އެ ވާހަކައިން އަމީރާ ހައިރާން ވެސް ކޮށްލިއެވެ.

”ހީ ނެވާރ ރީޑް ބްކްސް؟“ އަމީރާ ނާހަން އިންދާ ވެސް އހުނެވެ.

”ނެވާރ .. ހީ ހޭޓް .. އެކަމަކު މިހާރު އެޑިކްޓްވެފަ އެހުންނަނީ..ސްޕެއިންއަށް ދިޔަ ދުވަހު އައި ސެއިޑް ބުކްސް ގެންނަން ގިފްޓްއަކަށް.. އަހަހަ ނީޝް ބުނީ ބޭރަށް ނުކުމެވޭ ކޮންމެ ދުވަހަކު ފޮތެއް ގަންނަން.. އެންޑް ޔޫ ނޯ ވަޓް.. ހީ ޑިޑް އިޓް.. ބޭރަށް ދާ ކޮންމެ ދުވަހަކު ފޮތެއް ގަނެފަ ނީޝްއަށް ޕިކްސް ފޮނުވާނެ…ހަހަހައްހާ.. ހީ އިޒް ދި ބެސް ހަމަ“ ނީޝަން ހެމުން ހެމުން މިފަހަރުވެސް ބުނެލި ޖުމްލައިން އަމީރާގެ ދެލޯ ބޮޑުވިއެވެ. އަމީރާ ހައިރާންވިއެވެ. ސްޕެއިންގައި އިޔާން އުޅުނު ކޮޓަރީގެ ތެރެއިން ފޮތްތަކެއް ފެނުމުން އަމީޜާ އެދުވަހު އިޔާންގާތު ބުނި ވާހަކަ ހަނދާންވިއެވެ.

“ މާރިއާ އާންޓް ބުނި ގެއާއި މާދުރު ނޫން ހިސާބެއްގަ ލައިބްރަރީ އެއް އިންނާނެ ވާހަކަ ..އެންޑް ތި ރޫމްއިން ފެންނަ ބައެއް ފޮތްތަކުން އައި ނޯ.. އިޔާ ވެސް ފޮތް ކިޔާ އުޅޭކަށް“

އަމީރާގެ އެ ޖުމްލައަށް އިޔާން ވަކި ރައްދެއް ނުދީ ހީލާފައި ވެސް އެދުވަހު އޭނާ ގޮވައިގެން ލައިބްރަރީއަށް ދިޔައެވެ. އޭގެ ފަހުން ލައިބްރަރީއަށް ދިޔުމަކީ ދުވަހެއް ނިމިގެން ދާއިރު ކުރަން އޮންނަ އެންމެ މުހިއްމު ކަންތަކައް އޮންނަނީ ވެފައެވެ.

ސްޕެއިންގައި އުޅުނުއިރު އިޔާންގެ ކޮޓަރި ތެރޭގައި އެހުރީ އެހެންވީ އިރު އޭނާ، ނީޝަންއަށް ގަންނަމުން ދިޔަ ފޮތްތައް ތާއެވެ. އިޔާން އެހާ ކުރާހިތް ނުވި ކަމެއް އާދައަކަށް ހެދީ ހަމަ އަމީރާއަށްޓަކާއި ހެއްޔެވެ. އަމީރާގެ ހިތައް ވެގެން ދިޔައީ ތަފާތު ގޮތެކެވެ. ނަމަވެސް ދެވަނަ ސިކުންތު އޭނާ ދެފަރާތައް ބޯ ހޫރުވާލީ އެއަށް ވުރެން ފުނައް އެކަމާއި ނުވިސްނާށެވެ.

”ހީ އިޒް އެ ޖާރކް އަމީރާ! އީވެން އިފް އިޓްސް ހާރޓް ، ސްޓޭ އަވޭ ފްރޮމް ހިމް! ހީ އިޒްންޓް ވޯރތީ އިނަފް ޓް ވޭސްޓް ޔޯ ޕްރިޝިއަސް ޓިއާރސް“ އަމީރާގެ ހިތުގައި ފެވިގަތެވެ.

”ހީ އިޒް ދި ބެސްޓް ބްރަދާރ އެވާރ.. “ ނީޝަން ބުނެލިއެވެ. އޮޅިގެން ވެސް އިޔާންގެ އަންހެނުންނާއި ބެހޭ ގޮތުން ނީޝަން ބުނޭތޯ އޭނާ އިނީ ކަންފަތް ދީގެންނެވެ. ނަމަވެސް އެކަހަލަ އެއްވެސް ޖުމްލައެއް އޭނާގެ ފަރާތުން ނީވުނެވެ. އަމީރާ މާޔޫސް ވާ ގޮތް ވިއެވެ.

“ އެމީ.. މިތާގަ ތަ.. އެމީއޭ މިހޯދަނީ“ ޓެރެހުގެ ދޮރުން ވަންނަން އައި މަޖުދާއާއި ނަދިމްއަށް ނީޝާންގެ އަޑުއިވިގެން އެދިމާލަށް އައިތަނުން އެމީހުން ފެނުނެވެ. އުނދޯންޏާއި މަގަތުގައި ހުރި ދެ ގޮނޑިގައި ދެމީހުން އިށީނދެލިއެވެ.

”ކިހިނެތް ވީ ދައްތާ.. އިރޫ އައިސްފިތަ ކުލާހުން؟“ އަމީހާއަހާލިއެވެ.

“އިރޫ ބަލާ އިޔާ އެދިޔައީ.. އެމީ..ލުއިސް ބުނި އައުމުގެ ކުރިން ޖޮބްގެ ވާހަކަ ..ބޭބެ ބަލައިފީމޭ އެކަންތައް.. ޖޮބް އޯކޭ ވެފަ އިނީ..  ވަރަށް ރަނގަޅު ގޮތެކޭ ވީ.. ރެސްޓޯރެންޓްގެ ސްޕެނިޝް ކެއުންތަކާއި ހަވާލްވެ ހުރި ބޭރު ޝެފް ފޮނުވާ ނުލެވިފަ ހުއްޓާ ބޭބެއަށް ބުނެވުނީ.. އެމީގެ ވާހަކަ ބުނެފަ، ވީހާ ވެސް އަވަހަށް ވޯކް ކުރަން ބޭނުންވާ ވާހަކަ ބުނީމަ ހައިކަލް ނުހަނު ހިތްހަމަ ޖެހިފަ ހުރީ..“ ނަދީމް ގެ ވާހަކަ ތައް އަހާފައި އަމީރާގެ މޫނު އުޖާލާވިއެވެ.

”އެކަމަކު އެމީގެ އޭޖް ބުނީމަ ކުޑަކޮން ނުތަވަސްވެފަ ހުރީ.. ސަބަބަކީ ރާއްޖެއާއި ދުނިޔޭގެ އެކި ގައުމުތަކުގައި ފެތުރިފައިވާ މަޝްހޫރު ފްރެންޗައިޒް ރެސްޓޯރެންޓް ތަކެއް އެއީ ކްރަސްޓް އެން ކޯ އަދި ގޯލްޑެން ފޯކް.. އޭގެ ތެރެއިން ވެސް ގޯލްޑެން ފޯކް  އަކީ އެކި ގައުމުތަކުގެ މަޝްހޫރު ކެއުންތައް ތިބޭ މައްޝޫރު ތަނެއް..އެތަނުގެ އެންމެ މަޝްހޫރީ ވެސް ސްޕެނިޝް އަދި އިޓާލިއަން ކެއުންތައް.. އެމީއަށް ވެސް އެނގެއެންނު ދޯ ޖޮބްތަކަށް ނަގާއިރު ގިނަ މީހުން  މިހާރު ބަލަނީ ތަޖުރިބާއާއި އެމީހުންނަށް ލިބިފައި ހުންނަ ސެޓްފިކެޓްތަކަށް ކަން.. “ ނަދީމް މިހަފަރުގެ ޖުމްލަތަކުން އަމީރާގެ ހިނިތުންވުން ފަނޑުވާ ގޮތްވިއެވެ.

”ބަޓް.. ހައިކަލް އެގްރީޑް… އެކަމަކު އޭގެ ކުރިން ހައިކަލް އާއި އޭނާގެ އަންހެނުން އެބަ އެދޭ ޓެސްޓް ރައުންޑަކަށް ދާން.. ރެސްޓޯރެންޓްގައި ހެޑް ޝެފް އަކަށް އުޅޭނީ ހައިކަލްގެ އަންހެނުން އާމިލާ.. މާދަމާ ހަވީރް އެމީ ގާތު ރެސްޓޯރެންޓްއަށް ދިއުމަށް އެދުނީ .. އެމީ ކުރަންވީ ކަމަކީ އެތަނަށް ގޮސްފަ ހައިކަލް އާއި އާމިލާ އިމްޕްރެސްވާ ވަރުގެ ކެއުމެއް ތައްޔާރު ކޮށްދޭންވީ ވިތިން އޭން އަވާރ.. ކާތަކެއްޗަށް އިންސާފް ކުރުމަށްފަހު އެމީހުން އެތަނުގަ ގޮތެއް ނިންމާނެ.. އެމީހުން ސެޓިސްފައި ވަންޏާ ނޯ މޯރ ޓްރެއިނިންގަ ސްޓްރެއިޓް ޓް ދި ޖޮބް.. އިމްޕްރޫވްމަންޓް އެއް ބޭނުން ވަންޏާ ތްރީ މަންތްގެ މުއްދަތަކަށް ޓްރެއިން ކޮށްދޭ ގޮތަކަށް..“ނަދީމް ވަރަށް ތަފްސީލާއި އެކު ކިޔައިދިނެވެ.

އޭނާގެ ވާހަކަ އެއްކޮން ނުނިމެނީސް އަމީރާގެ ތުންފަތުން ފަނޑުވި ހިނިތުންވުން އަލުން އެ ތުންފަތުގައި ފެވިލިއެވެ. ހައިކަލް އާއި އޭނާގެ އަނބިމީހާ ހިތްހަމަޖެހޭ ފެންވަރަށް އެ މަސައްކަތް ކޮށްދެވޭނެއެވެ. ކެއްކުމަކީ އޭނާއަށް އެއްވެސް ކަމެއް ނޫނެވެ. އަމިރާއަށް އަމިއްލަ ނަފްސާއި މެދު ޔަގީންކަން އޮތެވެ. އަމީރާ ހީލަމުން ބޯ ޖަހައިލިއެވެ.

***

(ނުނިމޭ)