ނޫނެކެވެ! ނިކްޔާން ޔޫއާ ވަރި ކުރާކަށް ބޭނުމެއް ނޫނެވެ. އެއީ ކީއްވެ ހެއްޔެވެ؟ ސަބަބު ނިކްޔާނަށް ނޭނގުނީ ކީއްވެ ހެއްޔެވެ؟ ޔޫއާ ދެކެ ނިކްޔާނަށް ލޯބި ވެވުނީ ހެއްޔެވެ؟ ނިކްޔާނަށް ޖަވާބު ދިނީ ނިކްޔާންގެ ހިތެވެ. އާއެކެވެ! ނިކްޔާނަށް ޔޫއާދެކެ ލޯބި ވެވިއްޖެއެވެ. އަނެއްކާ ވެސް ޔޫއާއަށް ވީ ވައުދަކާއި ޙިލާފު ވެވިއްޖެއެވެ…
(11 ވަނަ ބައި)
އިރުކޮޅަކު އޮށޯވެލައިގެން އޮވެފައި ނިކްޔާން ކޮޓަރިއަށް ވަނެވެ. ކޮޓަރި ތެރޭގައިވީ ނިދާބޮކީގެ ފަނޑު އަލިކަމެވެ. އެނދުގައި އޮތް ޔޫއާ އޮތީ ފުންނިންޖެއްގެ ތެރޭގައެވެ. ނިދާބޮކީގެ ފަނޑު އަލިން ޔޫއާގެ މޫނުމަތިން ފެންނަނީ މައުސޫމްކަމާއި ނިޔަނެތިކަމެވެ. ލަސް ފިޔަވަޅުތަކެއްގައި ގޮސް ޔޫއާ ގާތުގައި އުޑަފައިން އިށީނެވެ.
”އައިމް ސޮރީ… ޔާންއަށް ވެވުނު އެއްވެސް ވައުދަކަށް ތެދުވެރި ކަމާއި އެކު ނުހުރެވުން… އައިމް ސޮރީ…“ ނިކްޔާންގެ ލޮލުން ކަރުނަތިއްކެއް ވެއްޓުނެވެ. ”ޕްލީޒް ޑޯންޓް ލީވް މީ…“ ނިކްޔާން ބިންމަތީގައި އިށީނދެ ކުޑަ ކުއްޖެއް ފަދައިން ރޯން ފެށިއެވެ. އެހިތަށް މިއަދު ވަރަށް ތަދު ވެއްޖެކަން ޔަގީނެވެ.
މޫނުމަތީގައި އަތްއަޅައިގެން އިނދެ ނިކްޔާން ކިތަންމެ އިރަކު ރުޔެވެ. ދެން ނިކްޔާން ހަދާނީ ކިހިނެތް ހެއްޔެވެ؟ ޔޫއާދެކެ ލޯބިވާކަން އެނގި ކައިވެނި ވަރިފަށަށް ދާކަށް ނިކްޔާން އެއްގޮތަކަށް ވެސް ބޭނުމެއް ނޫނެވެ. ނަމަވެސް ޔޫއާ ނިކްޔާންދެކެ ލޯތްބެއް ނުވެޔެވެ. ދެން ހަދާނީ ކިހިނެތް ހެއްޔެވެ؟
ކަރުނަ ފުހެލާފައި ނިކްޔާން ތެދުވެ ފާހާނާއަށް ވަނެވެ. ވުޟޫ ކޮއްލައިގެން ނިކުމެ ދެރަކްޢަތު ނަމާދެއް ކޮއްލިއެވެ. ދުޢާއަށް އަތް ނަގައިގެން އިނދެ ނިކްޔާން ކިތަންމެ އިރަކު ރުޔެވެ.
ނިދިފައި އޮތް ލަޔާލީއަށް ހޭލެވުން އިރު 8 ޖަހަން އުޅެޔެވެ. ދެކޮޅު ބަލާލި އިރު އިޔާލް ފެންނަން ނެތުމުން އެދިޔައީ ކޮލެޖަށް ކަން ލަޔާލީއަށް ދެނެގަނެވުނެވެ. ތެދުވެ އިށީނީ ފެންވަރާލަން ދިޔުމަށެވެ. އެހެނަސް އިނދެވުނީ ހުސް ގަޔާކަން އެނގުމުން ލަޔާލީގެ ހަރަކާތްތައް ހުއްޓުނެވެ.
ކުލަނޫން ގޮތަކަށް ރޭގެ ހާދިސާ ލަޔާލީއަށް ސިފަވެލިއެވެ. އަތް މުއްކަވާލަމުން ލަޔާލީ ދަތްކުނޑިވިކާލިއެވެ. ”ހައު ޑެއާރް ހީ“ ލަޔާލީ ރުޅިވެރި ކަމާއި އެކު ބުނެލިއެވެ.
ކޮލެޖަށް ވައިން ރިއާނާ ދެކޮޅު ބަލަމުން ދިޔައީ އިޔާލް ފެނޭތޯއެވެ. އިޔާލްގެ އިންތިޒާރުގައި ރިއާނާ އިންނަތާ މިހާރު 5 ވަރަކަށް މިނިޓް ވެދާނެއެވެ. އަދި ވެސް އިޔާލް ނުފެންނާތީ ރިއާނާގެ ހިތުގާ ރިއްސާލިއެވެ.
”މަންޖޭ ކޯއްޗެއް ތަ ތިހޯދަނީ؟“ ފަހަތުން އިވުނީ ޔޫއާގެ އަޑެވެ. ”ޔޫ އެއްނުން؟“ ރިއާނާ ދޮގުހެދިއެވެ. ކައިޝަލްއަށް އިޔާލްގެ ވާހަކަ އެނގޭކަށް ރިއާނާ ބޭނުމެއް ނޫނެވެ. އެހެންކަމުން ރިއާނާ އެވާހަކަ ޔޫއާއަށް ވެސް ވަންހަނާ ކުރިޔެވެ.
”އަހަރެން މިހުރީ. ހިނގާ ކްލާހަށް“ ޔޫއާ ރިއާނާގެ އަތުގައި ހިފާލަމުން ބުނެލިއެވެ. ”ޔާ. ލެޓްސް ގޯ“ ރިއާނާ ހީލާފައި ތެދުވިއެވެ.
ދެއެކުވެރިން ކިލާހަށް ވައިން އިރު ކިލާސް ރޫމުގައި އިން އިޔާލް ފެނި ރިއާނާގެ ތުންފަތުގައި ހިނިތުންވުމެއް ކުރެހުނެވެ. ރިއާނާ އިށީނީ އިޔާލްގެ މޫނު ރީތިކޮށް ފެންނަ ހިސާބެއް ބަލާފައެވެ.
ނިދިފައި އޮތް ނިކްޔާންއަށް ހޭލެވުން އިރު 12 ޖަހަން އުޅެޔެވެ. ޔޫއާ ކިލާސް ގަޑި ނިމެން ކައިރިވެފައި ހުރުމުން ނިކްޔާން ތެދުވިއެވެ. ޔޫއާއަށް ކާލާނެ ހެދިކާކޮޅެއް ގަންނަން ދިޔުމަށެވެ.
”އިޔާލް“ ޔޫއާއަށް ވަދާއީ ސަލާމް ކިޔާފައި ނިކުމެ ރިއާނާ އިޔާލްއާއި އަރާ ހަމަ ކުރިއެވެ. އިޔާލް ހިނިތުންވެލިއެވެ. ”ހޭ“ އިޔާލް ޖީބަށް އަތްޖަހާލިއެވެ. ”ގެއަށް ތަ؟“ އިޔާލްއާއި އެއްވަރަށް ހިނގައިގަންނަމުން ރިއާނާ އަހާލިއެވެ. ”ޔާ. ޔޫ؟“ އިޔާލް ސުވާލު ކޮއްލިއެވެ. ”ސޭމް“
ދެން ދެމީހުންގެ ދެމެދުގައި އޮތީ ހަމަހިމޭން ކަމުގެ ވަގުތުކޮޅެކެވެ. ސައިކަލާއި ހަމައަށް ވާސިލް ވެވުމުން ސައިކަލު މަޑި ދަށުގައި އޮތް ހެލްމެޓު ނަގާ އިޔާލް ސައިކަލަށް އެރިއެވެ. ”ބާއި“ އިޔާލް ހީލާފައި ހެލްމެޓު އަޅާލިއެވެ. އިޔާލް ގެއްލެންދެން ރިއާނާ ބަލަން ހުއްޓެވެ. އިޔާލްދެކެ ލޯބި ވެވިއްޖެކަން ރިއާނާއަށް ޔަގީން ވެއްޖެއެވެ.
ކޮލެޖުން ނިކުން ޔޫއާ ހުރީ ގެއަށް ދާހިތް ނުވެފައެވެ. ނިކްޔާންއާއި ކުރިމަތި ލާން ބޭނުން ނޫންވީމައެވެ. އެހެނަސް ޔޫއާ ދެން ދާނީ ފަހެ ކޮންތާކަށް ހެއްޔެވެ؟ ޔޫއާ ފޯނު ނެގީ ރިއާނާއަށް ގުޅާލުމަށެވެ. އެގެއަށް ދެވޭތޯއެވެ.
”މަންޖޭ“
ފަހަތުން އިވުނީ ބަރު ފިރިހެނެއްގެ އަޑެވެ. ޔޫއާ ފަހަތަށް އެނބުރުނެވެ. ފެނުނު މަންޒަރުން މޭގަނޑު އަނގަޔަށް ނައީ ކިރިޔާއެވެ. ހޫރެމުން ކަހަލަ ގޮތަކަށް ހިނގާފައި އައީ ޕާޓޭ ވައްތަރަކަށް ހުރި ފިރިހެނެކެވެ. ލައިގެން ހުރި ޖިންސުގަނޑު ވެސް ކިރިޔާ ނުވެއްޓޭ ކަމެވެ. ލައިގެން ހުރި ކޮނޑުކެނޑި ދޮވެލާފައި ހުރީ ކޮން އިރަކު ކަމެއް ވެސް ނޭނގެޔެވެ. ދުވަމުން ދިޔަ ވަހުން އެމީހަކު އެހުރީ ހަމައިގައި ނޫންކަން ޔޫއާއަށް ދެނެގަނެވުނެވެ. އެހެނަސް އެއަށް ވުރެ ބޮޑަށް ޔޫއާ ބިރުގަތީ އޭނާގެ އަތުގައި އޮތް ވަޅި ފެނިފައެވެ.
ޔޫއާ ހިނދުކޮޅަކަށް ވެސް މަޑު ކުރުމެއް ނެތި ފިޔަވަޅުތަށް އަވަސް ކޮއްލިއެވެ. ”މަންޖޭ“ އަނެއްކާވެސް އޭނާ ގޮވާލިއެވެ. ”މަޑު ކޮއްބަލަ. އާދެބަލަ ކައިރިއަށް“ އެމީހާގެ ވެސް ފިޔަވަޅުތައް އަވަސް ވެއްޖެއެވެ. ޔޫއާއަށް ރޮވޭ ގޮތް ވެއްޖެއެވެ. ބިރުން މޭގަނޑު އަނގަޔަށް އައިފަދައެވެ. ހިތުގެ ތެޅުމުގެ އަޑު ކަންފަތާއި ހަމައަށް ވެސް އެބަ އިވެޔެވެ.
ޔޫއާއަށް އިތުރަށް ކުރިއަށް ނުދެވެނީސް އޭނާ ޔޫއާގެ އަތުގައި ހިފުމަށް އަތް ދިއްކޮއްލިއެވެ. ޔޫއާ އަކަށް އެކަމެއް ނޭނގުނެވެ. ނަމަވެސް ދެން އިވުނީ އެމީހާ ހަޅޭ ލަވައިގަން އަޑެވެ.
ޔޫއާ ފަހަތަށް އެނބުރުން އިރު ކޮންމެވެސް މީހަކު އޭނާގެ ކަރުގައި ހިފާ ފާރާ ތަތްކޮއްގެން ހުއްޓެވެ. އަނގަމަތީގައި އަތް އެޅުނީ އެއީ ކާކުކަން އެނގުމުންނެވެ. ”ޔާން؟“
ޔޫއާގެ އަޑު ނިކްޔާންއަށް އިވުން ހެނެއް ހިޔެއް ނުވިއެވެ. ދަތްކުނޑިވިކާލައިގެން ހުރި އިރު ނިކްޔާންގެ އަތް އޭނާގެ ކަރަށް ވާން ވަމުން ދިޔައެވެ. ދެބުމަ ގާތް ވެފައި ހުރި އިރު ކަރުގައި ހުރި ނާރުތަށް ވަނީ ފުއްޕާލާފައެވެ.
”ޔާން! އޭނަ ދޫކޮށްލާ!“ މީހުންތަށް އެތަނަށް އެއްވާން ފެށުމުން ޔޫއާ ބުނެލިއެވެ. ”ހަނދާން ކުރާތި. ދެން ކަލޭ މަގޭ އަންހެނުން ގައިގައި އިނގިލި ކުރި ޖައްސާލަން އުޅުނަސް ނިމުނީ“ ނިކްޔާން ބުނެލީ ބިރުވެރި ރާގަކަށެވެ. އެމީހާ ކޮއްޕާލާފައި ޔޫއާގެ އަތުގައި ހިފައިގެން ގޮސް ނިކްޔާން ސައިކަލަށް އެރިއެވެ.
ސައިކަލު ފަހަތުގައި އިން ޔޫއާ އިނީ ހައިރާންވެ އަންތަރީސް ވެފައެވެ. ދުވަހަކު ވެސް ނިކްޔާން އެހާ ރުޅި އަހިސްފައި ހުއްޓާ ޔޫއާ ނުދެކެއެވެ. ޔޫއާ އިނީ ގަންނާ ކުރެއްވީ ބިރުން އަނގައިން ވެސް ބުނަން ނުކެރިފައެވެ.
”މިއަދުން ފެށިގެން ޔޫއާ ކޮލެޖަށް ދާނީ މަށާއި އެކު“ ގޭތެރެއަށް ވަދެ ނިކްޔާން ބުނެލިއެވެ. ”ޔާންއަށް ކީއްތަ ތިވަނީ؟ ކިހިނެތް އެތަނަށް އަންނަން އެނގުނީ؟ އެތާ ކީއްތަ ތިކުރަނީ؟ ކީއްވެ ތަ ޔާން މިހާރު ޔޫ ފަހަތުން އަބަދު ތިއުޅެނީ؟“ ޔޫއާ އެއްފަހަރާ ސުވާލު ގޯނި އޮއްސާލިއެވެ.
”ބުނަން ވީތަ؟“ ނިކްޔާން ތެދުވެގެން ގޮސް ހުއްޓުނީ ޔޫއާގެ މޫނާއި މޫނު ޖެހޭ ނުޖެހޭ ހިސާބުގައެވެ. ހިންދިރުވާލާފައި ޔޫއާ ބޯޖަހާލިއެވެ.
(ނުނިމޭ)
ބާރަވަނަބައިގެ ތެރެއިން:
”ކައި… އަހަރެން ވާހަކައެއް ބުނަން ބޭނުން…“ ރިއާނާ ބިރުން އިނދެ ބުނެލިއެވެ. ”ބުނެބާ؟“ ކައިޝަލް ބުނެލިއެވެ. އެއަޑުގައި ވީ ވޭން އަޑު އިވި ރިއާނާގެ ހިތުގައި ރިއްސާލިއެވެ. އަމިއްލަ ނަފްސު ކުއްވެރި ކުރެވުނެވެ.
Comments (1)
Arrmyy gurrlsays:
ސެޕްޓެމްބަރ 18, 2025 at 19:28Oh nooo…… Kaishal kaaryy riaa eulheny e vaahaka bunantha.. Hell noo…
Alheyy feel so bad for kaishall..
Enme inthizaaru kureveyny yoo ge reaction ah.. Nikyan lowbi vaa vaahaka bunymaa
Btw mi prt vx vrh reethi maasha allah
So so curious..
When Next????
Take Care
Lyy 💜🖤💜🖤💜