މި ޖިސްމުގާ ވަނީ 09

”ހާކާދޭނަންތަ..“ އަމީރާ ސިހުނީ އިޔާންގެ އަޑު ކަންފަތް ދޮށުން އިވުމުންނެވެ. ހީބިހި ނަގާލި އިރު މޫނުމަތީގައި ފިނިދަލެއް ހިއްލާލިއެވެ. ލަދުން ވިރެމުން ދިޔައެވެ. އެހެން ހުއްޓާ އޭނަގެ އަތުގައި އިޔާން ހިފައިލުމުން ތެޅިގަނެފައި ބަލައިލި އިރު އިޔާންގެ ނަޒަރު ސީދާވެފައިވިއެވެ.  އަމީރާއަށް ހަރަކާތެއް ވެސް ނުގެނެވިފައި ހުއްޓާ އިޔާން ހިނގައިގަތެވެ. އިޔާންގެ މިސްރާބު ހުރީ އޭނާގެ ކޮޓަރިއަށެވެ. ނުބަލަން މަސައްކަތް ކުރަމުން ދިޔަ ނަމަވެސް އެ ފިރިހެންވަންތަ ހަށިގަނޑަށް، އަމީރާއަށް ކަޅި އުކެމުން ދިޔައެވެ.

***

އަމީރާގެ އަތުން އިޔާން ދޫކޮށްލީ، ކޮޓަރިއަށް ވަދެވުމުންނެވެ. އިޔާން ގޮސް އިށީންދެލީ އެނދުގެ ފަޑީގައެވެ. އަމީރާއަށް ހުރި ފިޔަވަޅުމަތީގައި ހުރެވުނެވެ. ހަދާނެ ގޮތެއް ނޭނގިފައި ހުރިއިރު މުޅި ކުއްޖާ ފިނިވަމުންދިޔައެވެ. އިސްޖަހައިގެން ހުރިގޮތައް ހުރިއިރު، ބޭސްފުޅީގައި ހިފާ ފިތާލެވުނު އިރު ވެސް އަމީރާއަކަށް އިޙްސާސް ނުވިއެވެ.

”ބޭސްފުޅީގަ އެންމެ ބޭސް ކޮޅެއް ވެސް އެބަހުރިތަ..“އަމީރާ ސިހުނީ އިޔާންގެ އަޑުއިވިފައެވެ. ބަލައިލި އިރު ލާނެތް ހިނިތުންވުމެއް ވެރިކޮށްގެން އިޔާން އިނެވެ.  އަމީރާގެ ދެއަތުގައި ވަނީ ފުޅީގައި ހުރި ހުރިހާ ބޭހެކެވެ. ދެފުށްޖެހިފައިވީ ފުޅިއަށް އެއްފަހަރު ނަޒަރެއް ދެވުނު އިރު އަނެއް ފަހަރު އިޔާންގެ މޫނަށް ބެލެމުންދިޔައެވެ. އިޔާންގެ ރީތި ހިނިތުންވުން ހަދިޔާ ކޮށްލުމުން އަމީރާ ކަރުކެހިލުމަށްފަހު އަވަސްވެގަތީ ޓައިލްސް މައްޗަށް ފައިބާފައި ހުރި ބޭސްތައް ސާފްކުރުމަށެވެ.

”ޓިޝޫ ތަ ތި ހޯދަނީ“ އަމީރާ ވަށައިގެން ބަލަމުން ދިޔަގޮތުން އިޔާން އަހައިލިއެވެ. އެއްޗެއް ނުބުނެ ހުރެފައި ބޯޖަހައިލިއެވެ. އިޔާން އެއިންގޮތައް އިނދެ، އެނދުމަތީގައި ދެއަތް އަޅުވާލަމުން ފަހަތައް ހަށިގަނޑު ދޫކޮށްލަމުން އަމީރާއަށް ލޮލުން އިޝާރާތް ކޮށްލީ ރީތިވާ މޭޒުމައްޗަށެވެ.

”ވައި ހީޒް ސޯ ހޮޓް.. އާހް މައި ޙާރޓް“ އަމީރާގެ ހިތުގައިވިއެވެ. ޓިޝޫއިން ތަން ސާފްކޮށް ލުމަށްފަހު ވަރަށް ފިތައިގެން ފުޅިން އައި ބޭސްކޮޅު ޝަހާދަތް އިނގިލީގައި ލުމަށްފަހު އިޔާންގެ ގާތައް އައެވެ. އިޔާން ކަޅި ޖަހައި ނުލާ އަމީރާގެ މޫނަށް ބަލަމުން ދިޔައިރު އެންމެ ފަހަރަކުވެސް އަމީރާގެ މޫނުން ނަޒަރު ވަކިކޮށް ނުލައެވެ. ހީވީ އަމީރާގެ މުޅި ހަށިގަނޑު އެކްސް ރޭ ކުރަމުން ދިޔަހެންނެވެ.  ކުރިއަށް ވުރެން ބޮޑަށް އަމީރާ ދިޔައީ ފިނިވަމުންނެވެ. އެ ފިރިހެންވަންތަ ހަށިގަނޑު އެހާ ގާތުން ފެނިލި އިރު އަމީރާގެ ތުންފަތުގައި ދަތް އަޅާއިލެވުނެވެ.

”މޭ އައި؟“

”ޔެސް“ އަމީރާގެ ނާޒުކު އިނގިލިތައް އިޔާންގެ ހަށިގަނޑުގެ ބީހިލި ވަގުތު ހަށިގަނޑަށް ކުރުވަމުން އަސަރްތައް ދެގުނަވިއެވެ. އެ ހިމަ ހޯލި ފިނި އިނގިލިތަކުން އޭނާގެ ކަނދުރާގައި ފިރުމަމުން ދިޔަ ގޮތުން އިޔާންއަށް ލޯމަރާލެވުނެވެ. ހިތާއި ސިކުނޑީގައި އުފެދެމުން ދިޔަ ޖަޒުބާތުތައް ފުންވެގެން ދިޔައިރު އަމިއްލަ ނަފްސް ކޮންޓްރޯލް ކުރުމަށް ކުރަމުން ދިޔަ މަސައްކަތް ހީވީ ބޭކާރުވެދާނެ ހެންނެވެ. މަރާލެވިފައިވި ދެލޯ އިހުނަށް ވުރެން ބޮޑަށް ފިތާލަމުން ބެޑްޝީޓްގެ ބައެއް އަތައް ބޮނޑިކޮށްލެވުނެވެ. އިޔާންގެ ޒުވާން ހިތުގައި ރޯވެގަތް އަލިފާންގަނޑު ފެތުރިދާނެ ކަމުގެ ބިރަށް އަމީރާގެ ދެއަތުގައި ހިފަހައްޓާލިއެވެ.

”މޫމްމް.. ނައު އިޓްސް ފައިން“ އިޔާން މަޑުމަޑުން އިއްވާލިއެވެ. އެއަށްފަހު ފުން ނޭވާއެއް ދޫކޮށްލެވުނީ މެޔާއި ދިމާލުގައި އަތް އެޅުމަށްފަހުއެވެ.

”އާރ ޔޫ ޝުއާރ އޫ އޯކޭ..“ އިޔާން މޭގައި އަތް އެޅި ތަން ފެނި އަމީރާ ހީކުރީ އިޔާންގެ މެޔަށް ވެސް އަނިޔާ ލިބުނީ ކަމަށެވެ. ކަންބޮޑުވެފައި އައިސް އިޔާންގެ މޭގައި އަތްލެވުނެވެ.

”މޮޔަ ކުއްޖާ“ އިޔާންގެ އަމިއްލަ ނފްސަށް އިވޭވަރަށް ބުނެވުނެވެ. އަމީރާގެ އެއަމަލުވީ އޭނާގެ ހިތް އިތުރަށް ކޮންޓްރޯލް ކުރަން އުނދަގޫ ވީ ކަމަކަށެވެ. އެ މޭގައި އަތް ލައިގެން ހުރެ އަމީރާ މައުސޫމް ކަމާއި އެކު އަނިޔާއެއް ހޯދަން ބަލަމުން ދިޔަގޮތުން އިޔާންގެ ތުންފަތުގައި ސިހުރުވެރި ހިނިތުންވުމެއް ދުވެލިއެވެ. އެހާ ގާތުން އަމީރާގެ މޫނު ފެންނަމުން ދިޔައިރު އެ ލޯބި މޫނު ފެނި އިޙްތިޔާރުން ބޭރުގައި އިޔާން އަމީރާގެ ކޯތާފަތުގައި އަތް ބީއްސާލެވުނެވެ. ތެޅިގަނެފައި އަމީރާއަށް އިޔާންގެ މޫނަށް ބަލައިލެވުނެވެ. ތިބެވުނީ އެކަކު އަނެއްކަކުގެ ނޭވާ އިޙްސާސް ވަމުން ދާހާ ކައިރި ފަށުގައެވެ.

”އަމް ފައިން.. ޔޫ ލުކް ސޯ ބިއުޓިފުލް“ އެ އަޑު އަމީރާގެ ކަންފަތް ދޮށުން އިވިލި ހިނދު، މުޅި ހަށިން ހީބިހި ހަލުވާލިއެވެ. އިޔާންގެ ދެލޮލަށް ބަލައިލެވުނެވެ. އަމީރާގެ ހިތުގެ ތެޅުން ހިފެހެއްޓެނީއެއް ނޫނެވެ. މުޅި ހަށިގަނޑު ހީވީ ރޫޅިގެންދާން ކައިރިވެފައިވާ ހެންނެވެ. އިޔާންގެ ހަށިގަނޑުން އަރަމުންދިޔަ ފިރިހެން ސެންޓްގެ މީރު ވަސް، ސިކުނޑިއާއި ހިސާބަށް ފޯރަމުން ދިޔައިރު، އިޔާންއަށް ފަހްމް ނުވާނެހާ ސިއްރުން އަމީރާއަށް ވަސް ބަލައިލެވުނެވެ. އަމީރާގެ ތުންފަތުގައި ފެވިލީ ލޯބިވެތި ހިނިތުންވުމެކެވެ.

އިޔާންގެ މޫނު ކައިރިކޮށްލި ހިނދު އަމީރާގެ ދެ ލޯ މެރެމުންދިޔައެވެ. އިޔާންދެކުނީ އެއީ ދައުވަތެއް ކަމުގައެވެ. އިޔާންގެ ކަޅި ހުރީ އަމީރާގެ މަޑު ރަތްކުލައިގެ ތުނި ތުންފަތަށެވެ. އިޔާންގެ ވަރުގަދަ ދެއަތުގެ ތެރޭގައި އަމީރާގެ ނާޒުކް ހަށިގަނޑު ހައްޔަރު ވެގެންދިޔައެވެ. ސިކުންތުކޮޅަކަށް ދެމިގެން ދިޔަ އެވަގުތުކޮޅު، ނިމިގެން ދިޔައީ ކޮޓަރީގެ ދޮރުގައި ޓަކި ޖަހައިލި އަޑަށެވެ. ތެޅިގަނެފައި އަމީރާ ދުރަށް ޖެހިލިއެވެ. ނަމަވެސް ހުއްޓެން މަޖުބޫރުވީ އިޔާން އެއަތުގައި އަނެއްކާ ވެސް ހިފާލުމުންނެވެ. ލަދުން ވިރެމުން ދިޔައިރު އަމީރާއަށް އިސްއުފުލާލަން ކުޅަދާނަކަމަކަށް ނުވިއެވެ. ލޭގެ ހިނގުން އަވަސް ހަށިގަނޑުގައި ވީ ހޫނުކަން އިތުރުވަމުން ދިޔައެވެ.

އެތާގައި ހުންނަން ދަތިވުމުން އިޔާންގެ އަތުން ވީއްލިގަނެގެން އަމީރާ ދުވެލާފައި ކޮޓަރިން ނުކުމަތެވެ. ނަމަވެސް ދޮރާއި ހިސާބުން ކޮންމެވެސް މީހަކާއި މުޑިއަރައިގެން ހުއްޓެން މަޖުބޫރުވިއެވެ.  އެ ޒުވާނާ ފެނި އަމީރާ ދެލޯ ބޮޑުވާ ގޮތްވިއެވެ. ފުރަތަމަ އެއީ ކާކު ކަމެއް ނޭނގުނު ނަމަވެސް އެއީ އިޔާންއާއި އެކު އައިސް އުޅޭ ޒުޥާނެއްކަން އަމީރާއަށް އެނގުނެވެ.

”އި..އިޔާން ސާރ ކޮބާ“ އަރީފްގެ އަނގައިން ލަސްލަހުން ނުކުތެވެ. އޭނާގެ ނަޒަރު، އަމީރާގެ ބޮލުން ފެށިގެން ފަޔަށް ދަތުރުކޮށްލިއެވެ. އެ ސިއްރުވެރި ނަޒަރުން ހީވީ ކަމެއް ހޯދަން އުޅޭހެންނެވެ.

”އި… އިޔާން އެބައުޅޭ..ކި-“

”އަމް ހިޔާރ… އަރީފް ކިއްކުރަން މައްޗަށް ތި އެރީ“އަރީފްގެ އަޑު އިވިގެން، ހަލުވި ހިނގުމުގައި އިޔާން ނުކުތެވެ. އަވަސް އަވަހަށް އަމީރާގެ އަތުގައި ހިފާއި އޭނާގެ ފުރަގަހަށް ލީ ގޮތުން ހީވީ އަރީފް އަށް އަމީރާ ފޮރުވަން އުޅުނު ހެންނެވެ. އަވަހަށް އަންނަން އުޅެން ހަދައިގެން ޓީޝާޓެއް ވެސް އިޔާންއަކަށް ނުލެވުނެވެ.

”ހޫ އިޒް ދިޒް؟“ އަރީފް އަހައިލިއެވެ. ހުސްގަޔާ ހުރުމުން އިޔާންއަށް ނަޒަރެއް ދެމުން ފަހަތުގައި ހުރި އަމީރާއަށް ވެސް އޭނާ ގެ ސިއްރުވެރި ނަޒަރު އަމާޒުކޮށްލިއެވެ. އެބެލުމުގައި ޖާސޫސީ ކަމެއް ހުރިއިރު އަރީފް ހީވީ ކަމެއް ދެނެގަންނަން އުޅުނު ހެންނެވެ. އިޔާން ނުރުހުމާއި އެކު ކަޅި އަޅާލުމާއި އެކު، ނަގައިގަނެވީ ކަންނޭގެއެވެ. އަރީފް އިސްދޮށައް ޖެހިއެވެ.

“މައިންޑް ޔޯ އޯން ބިޒްނެސް.. ދިޒް އެއިންޓް ޔުއާރ ކޮންސާން.. ރައިޓް؟“ އިޔާން ގެ ހަރުކަށި އަޑު އިއްވާލުމުން އެންމެފަހުން އަރީފް، އަތުގައި އޮތް ނޯޓުފޮތް އިޔާންގެ އަތައް ދިއްކޮށްލަމުން ނުކުމެގެން ދިޔައެވެ. ނުކުމެ ދޮރު ލައްޕަން އެނބުރުނު ހިނދުވެސް އޭނާގެ ނަޒަރު ހުރީ ސީދާ އަމީރާގެ ދެލޮލަށް ހުއްޓިފައެވެ.

”ހާދަ ފާޑަކަށޭ އެމީހާ އެ ބެލީ.. ކާކު އެއީ“ އިޔާންގެ އަތުގެ މުލައްދަނޑީގައި ހިފައިގެން ހުރި އިރު އަމީރާގެ ހިތް ނުބައި ގޮތަކަށް ތެޅެމުން ދިޔައެވެ. އަރީފް ނުކުމެގެން ދިޔައިރު ބަލާލި ގޮތް އަމީރާއަށް ފެނުނެވެ. އެ ނަޒަރުގައި ވީ ތަފާތުކަން ފުރަތަމަ ވެސް އަމީރާގެ ހިތައް އުނދަގޫ ކުރަމުން ދިޔައެވެ.

”އެއީ އޭނަގެ ގޮތް.. ބުނީމެންނު އޭނާއަށް، އެމީ ފެނުނު ވާޙަކަ .. އެއީ އަރީފް އަކީ.. އޭނައަށް ފެނުނީމަ، އިތުރަށް ސިއްރު ކުރުމުގެ ބޭނުމެއް ނެތެންނު، އެކްޗްއަލީ އައި ހޭވް ސެއިޑް ނަވާޒް އާއި މަހުދީގެ ގާތުގަ އަމީރާގެ ވާހަކަ.. އެދެމީހުން މާދަން އަންނާނެ ބައްދަލުކޮށްލަން… އެމީހުންނާއި މެދު ކަންބޮޑުވާކަށް ނުޖެހޭނެ.. ދެމީހުންނަކީ ވެސް މެރީ ކޮށްގެން އުޅޭ ރަނގަޅު މީހުން.. ނަވާޒްގެ ހުންނާނެ ބޭބީ އެއްވެސް..  އެ އެންމެންނަކީ  ވެސް އަހަންނަށް ވުރެން ހަގު މީހުން… އަދި އަހަރެންގެ ދަށުން މަސައްކަތް ކުރާ މީހުން .. އެމީހުން މަށައް ކުރާ ރެސްޕެކްޓް ކުރާނެ މިގޭ މީހުންނަށް ވެސް އަމީރާއެއް ވެސް..އެކަމަކު-“  ވާޙަކަ ދައްކަމުން ގޮސް އިޔާން ހުއްޓާލީ އެހިސާބުންނެވެ. އަރީފްގެ ވާހަކަ ބުނަން ބޭނުންވެއެވެ.  ނަމަވެސް  އެހެން މީހުންގެ ވާހަކަ ބުނުމަށްފަހު ވެސް އަރީފްގެ ހަގީގަތް ބުނެދޭން ފަސްޖެހެނީއެވެ. ސަބަބެއް ނެތިއެއް ވެސް ނޫނެވެ. ނަމަވެސް  އެއިން އެއްވެސް ވާހަކަ އެއް އަމީރާއަށް ކިޔައިދިނުމަށް އިޔާން އަދި ތައްޔާރެއް ނޫނެވެ.

”އެކަމަކު؟ އެކަމަކު ކިހިނެތް ވީ؟ “

”އެކަމަކު ..މްމްމް.. ބީ ކެއާރފުލް.. އަރީފްއާއި މެދު.. ”އިޔާންގެ ޖުމްލައާއި އެކު އަމީރާގެ މޫނުމަތިން ފެންނަމުން ދިޔައީ ކަންބޮޑުވުން އިތުރުވެގެން ދިޔައެވެ. އަމީރާގެ ދެއަތުގައި އިޠާން ހިފާއިލިއެވެ.

”ލުކް އައި ޑޯންޓް ވޮނަ ޔޫ ޓް ގެޓް އެނީ ހާރޓް.. މިތަނުން ނިމިގެން ދާއިރު، އައި ޕްރޮމިސް އައިލް ޓޭކް ޔޫ ވިތް މީ..“ އަމީޜާގެ އަތައް ބާރުކޮށްލަމުން އިޔާން ޔަގީންކޮށްދިނެވެ. ނަމަވެސް އަރީފްގެ އެ ނޭންގާނީ މިޒާޖުން ، ނުބައި އިޙްސާސްއެއް ހިތައް ދިޔައީ ކުރުވަމުންނެވެ. ފުންނޭވާއެއް ދޫކޮށްލަމުން އަމީރާ ހީލީ އިތުރަށް އޭނާގެ ސަބަބުން، އިޔާން ވިސްނަން ޖެހިދާނެކަމުގެ ބިރަށެވެ.

”ކެން އައި..ގޯ“ އިރުކޮޅަކު އެގޮތުގައި ހުރުމަށްފަހު އަމީރާ ބުނެލިއެވެ. އޭރުވެސް އިޔާންގެ އަތްތިލަ ހުރީ އޭނާގެ ދެއަތާއި ގުޅުވާލެވިއެވެ. ތެޅިގަނެފައި އިޔާން ދޫކޮށްލިއިރު އެ ފިރިހެންވަންތަ ހިނިތުންވުން ހަދިޔާކޮށްލިއެވެ. ލަދުގަނެފައި ހުރެ އަމީރާ ވެސް ހިނގައިގަތީ ކޮޓަރިއަށް ވަނުމަށެވެ.

”އެމީ..“ އަމީރާގެ ފިޔަވަޅުތަކަށް ހުއްޓުމެއް އައީ އިޔާން، އޭނާއަށް ”އެމީ“ގެ ނަމުން މުހާތަބުކުރުމުންނެވެ. މާރިއާއާއި ލުއިސް އެނަމުން ގޮވާ ހެދި ނަމަވެސް އިޔާން އަބަދު ވެސް ގޮވާ އުޅެނީ ”އަމީރާ“ގެ ނަމުންނެވެ. ހައިރާންވެ ހުރެ ނިތް އަރުވާލެވުނެވެ.

”އެހެމްމް.. އެމީ.. އަހަރެން ބުނިން ނަވާޒްމެންގެ ގާތުގަ އެމީ އަކީ މާރިއާއަށް މާމަ ކިޔާ ކުއްޖެއް ކަމަށް.. ޔޫ ބެޓާރ ކީޕް ދެޓް އިން މައިންޑް..އޯކޭ؟ އެމީގެ ހުރިހާ ޑީޓެއިލް އެއް ، ކިތަންމެ ޓްރަސްޓް ކުރެވުނަސް އަދި އެމީހުންނަކަށް ދޭކަށް ބޭނުމެއް ނުވޭ “

އިޔާން ބުނެލިއެވެ. އަމީރާއަށް ބޯ ޖަހައިލެވުނީ ލިބުނީ ހަމަޖެހުމާއި އެކުއެވެ. ހުދު އޭނާ ވެސް ބޭނުންވަނީ އެގޮތެވެ. އަރީފް އާއި ހުރެ ވެސް އޭނާއަށް މިހާރު ވިސްނަން މިވަނީ ޖެހިފައެވެ. މި ފަސްގަނޑުން ނުދެވެނީސް އޭނާގެ ހަބަރު، ކޮންމެ ވެސް ގޮތަކުން ހޫގޯ މެންނާއި ހިސާބަށް ވެސް ގޮސްދާނެއެވެ. އޭރުން އަނެއްކާ ވެސް އޭނާ ސަލާމަތް ވާން އޮތް މަގު ވެސް ބަންދުވީއެވެ. ބޯޖަހާލަފައި އަމީރާ ކޮޓަރިއަށް ވަނެވެ.

****

ފަތިސް ވެއްޖެ ކަމަށް އިއުލާނު ކުރަމުން ދިޔަ ސޯނާ ގަޑީގެ އަޑު ކަނޑާލަމުން ކަންނެތް ކަމާއި އެކު އަމީރާ ތެދުވިއެވެ. ނަމާދު ކޮށްގެން ވީހާ ވެސް އަވަހަކަށް ބަދިގެއަށް ދާނެ އަމީރާ ބޭނުން ވިއެވެ. އިޔާންގެ އެކުވެރިން އަންނަ ވާހަކަ ބުނެފައި އޮތުމުން އަމީރާ ބޭނުންވީ ހެނދުނު ރަނގަޅު އެއްޗެއް ހަދާލާށެވެ.

ކޮޓަރިން ނުކުމަތް އިރު މާރިއާ އާއި ލުއިސް، ލިވިނގްރޫމު ސޯފާތަކުގައި ތިއްބާ ފެނުމުން އަމީރާ ދިޔައީ ސިއްސައިގެންނެވެ. ހައިރާން ވެސް ވިއެވެ. އެވަގުތަކީ އެމީހުން އާންމު ކޮން ނިދާފައި ތިބޭ ގަޑިއެކެވެ. އެމީހުންގެ ގާތުގައި ދެދަބަސް ވެސް ހުއްޓާ ފެނުމުން، އެކަމާއި ސުވާލް ކޮށްލެވުނެވެ.

”ބޭބެގެ އެކުވެރިއެއް ނިޔާވެގެން ކުއްލިއަކަށް މެޑްރިޑަށް ދާން ޖެހިގެން މިއުޅެނީ.. ދެކުދިންގެ ތެރެއިން ކުއްޖަކު ނުކުމޭތޯ އާންޓް މި އިނީ“ މާރިއާ ބުނެލިއެވެ. އޭނާގެ މޫނުމަތީގައި މޮޅިވެރިކަން ވީ އިރު ލުއިސް ވެސް އިސްޖެހިފައި އިނެވެ. ދޭތެރެއަކުން ދެލޯ ފުހެލާ ގޮތުން، ނިޔާވީ ލުއިސްއާއި ނުހަނު ގާތް މީހެއް ކަން އަމީރާ ދެނެގަތެވެ.

”ލައްބަ.. ކޮން އިރަކުން ދަނީ.. ޑޫ ޔޫ ނީޑް އެނީ ހެލްޕް؟“

”ނޫނޭ ދަރިފުޅާ.. މިހާރު ހަމަ މި ނުކުންނަނީ..އިޔާންގެ ގާތުގަ ވެސް ބުނެލާތި އިނގޭ.. “ ލުއިސްގެ އަތުގައި ހިފައިގެން މާރިއާ ތެދުވެލިއެވެ. އަމީރާ  ބޯޖަހައިލަމުން ދެމަފިރިންނަށް ދަބަސްތައް ނެރެދިނުމަށް އެހީވިއެވެ.

”ބީ ކެއާރފުލް “  ގޭގެ ދޮރާށިން ނުކުމެވެވުނު އިރު ނުހަނު ފަސޭހައިން ކާރެއް ވެސް ލިބުނެވެ. ދެމީހުން ކާރަށް އަރައިގެން އޭނާގެ ލޯ ކުރިމަތިން ގެއްލެންދެން، މޮޅިވެރިކަމާއި އެކު އަމީރާ ބަލަހައްޓައިގެން ހުއްޓެވެ.

“ ދުވަސް މި ފެށުނީ ހިތާމަވެރި ހަބަރަކާއި އެކު“ ފުންނޭވާއެއް ލަމުން އަމީރާގޭގެ ގޭޓު ލައްޕާލަމުން އަވަސްވެގަތީ އެތެރެއަށް ވަނުމަށެވެ. ނަމަވެސް ހުއްޓެން މަޖުބޫރުވީ ކޮންމެވެސް މީހެއްގެ ގައިގާ ލައިގަތުމުންނެވެ. ޖެހުނު ގޮތުން އަމީރާގެ ނޭފަތައް ތަދެއް ވެސް އަރައިގެން ދިޔައެވެ.

”އާހްހް..އިޔާނޫ އަޅެ ބަލާ ލައި-“ ނޭފަތް މަތީގައި އަތް އަޅާލައިގެން ހުރިއިރު، ވަމުން ދިޔަ ތަދުން ކެތްނުވެގެން އަމީރާއަށް ވާހަކަ ދެއްކުނީ ވެސް ފުދޭވަރަކަށް ބާރަށެވެ. އަމީރާ ހީކުރީ ކުރިމަތީގައި ހުރީ އިޔާންކަމަށެވެ. ނަމަވެސް އިސްއުފުލާލި އިރު އަރީފް ހުއްޓާ ފެނުމުން ބުނަމުން ދިޔަ ޖުމްލަ ވެސް މެދުކެނޑުނެވެ. ކަޅު ހޫޑީ އަކާއި ކަޅު ޖީންސްގައި ހުރިއިރު އޭނާގެ ތުންފަތުގައި ދުވެލަ ދުވެލަ ހުރީ މައުނަކުރަން ދަތި ހިނިތުންވުމެކެވެ.

”މާރިއާ އާއި ލުއިސްގެ ގްރޭންޑް ޑޯޓާރ ހާދަ މޮޅޭ ދޯ ދިވެހިން ވާހަކަ ދައްކަން.. “ އަރީފްގެ ޖުމްލައިގާވީ މަލާމާތުގެ ކުލަވަރެވެ. އަމީރާ އަށް އެކަން ފަހްމްވީ އިރުކޮޅެއްފަހުންނެވެ. ބުމަ އަރުވާލެވުނީ އޭނާގެ ހިތައް ވެރިވި އަސަރްތައް ކަޝްފް ކޮށްލަމުންނެވެ.

”ވަޓް ޑޫ ޔޫ މީން“

”ނަތިންގް… ލުކްސް ލައިކް މިސްޓާރ ޕާފެކްޓް އިޒް ޓްރައިން ޓް ފޫލް އަނަދާރ އިނޮސެންޓް ގާލް..ބީ ކެއާރފުލް“

”މޮޔަ ވީތަ.. ހާދަ މޮޅޭ ދޯ ދޭތެރެ ޖައްސަން ވެސް.. އަޑުއަހަން އެއީ އަންހެނުންގެ ސިފަ އެއް ކަމަށް.. އެކަމަކު މިތާގަ އަހަރެންގެ ކުރިމަތީގައި މިވަނީ ފިރިހެނެއް.. އޯހް މޭބީ ފިރިހެނެއްގެ ސިފައިގާ ހުރި އަންހެނެއް…“ އަމީރާގެ ޖެހިލުން ކުޑަ ޖަވާބު އަރީފް ހައިރާން ވާގޮތްވިއެވެ. ބަލާބެލުމަށް އޭނާއަށް، އަމީރާ ސިފަކުރެވުނީ މަޑުމަތިރި އަންހެންކުއްޖެއްގެ ގޮތުގައެވެ.

ކަރުކެހިލަމުން އަރީފް ބަލައިލީ މަކަރުން ފުރިގެންވާ ފަދައަކުންނެވެ. އޭނާގެ ބޭނުމަކަށް ވީ އިޔާންއާއި މެދު ޒަމާނުން ސުރެން އޮތް ރުޅިވެރިކަމާއި އެކު އިތުރު ކަމަކުން ބަދަލުހިފުމެވެ. އެކަން ވާން އޮތީ އަމީރާގެ ވިސްނުން އިޔާން އާއި ދެކޮޅަށް އަނބުރާލައިގެންނެވެ.  ނަމަވެސް އަމީރާގެ މިޒާޖު ހުރިގޮތުން އެކަމަކީ ނުހަނު އުނދަގޫ ކަމެއްކަން އޭނާއަށް އިޙްސާސްވީ ކަހަލައެވެ. އޭނާ ހިނިގަނޑެއް ޖަހައިލިއެވެ.

”މާ މަޖާ އެއްޗެއް ބުނެވުނީތަ..! “

”ނޫނޭ.. މާ ގަޓު ވެގެން ނޫޅެއްޗޭ.. ކަލެއަށް އަދި އިޔާންގެ ހަގީގަތް އެނގޭނެ.. އެއީ ތި ހީކުރާހާ ރަނގަޅު މީހެއް ނޫން…“

”އިޔާން ބުނީ ހަމަ ރަނގަޅަށް.. މަހުދީއާއި ނަވާޒްއާއި ވާހަކަ ދެއްކި ނަމަވެސް އައި ހޭވް ޓް ބީ ކެއާރފުލް އަރައުންޑް ޔޫ.. އަހަންނާއި އަލަށް ވާހަކަ ދެއްކި ދުވަހު ވެސް އެނގިއްޖެ ތި މީހެއްގެ ހުރި ފެންވަރު.. ހީކުރަނީތަ ތިހެން އެއްޗެއް ބުނެލިއަސް އަދި ގަބޫލް ކުރާނެއޭ“ އަމީރާ ބުނަން ބޭނުންވި ވާހަކަތައް ބުނުމަށްފަހު އެތަނުން ދުރަށް ހިނގައިގަތެވެ. އަރީފްގެ ކުރިމަތީގައި އެންމެ ހިނދުކޮޅަކު ވެސް ހުންނާކަށް އަމީރާ ބޭނުމެއް ނުވިއެވެ.

“އަދި ރޯނެ.. ވަރަށް އަވަހަށް ރޯނެ.. އިޔާން ގާތުގަ އަހާލައްޗޭ ޔަނާލް އަކީ ކާކު ހޭ“ ފަސްދީފައި އަމީރާ ދަނިކޮން އަރީފް ގޮވާލިއެވެ. އެއިން ޖުމްލައަކަށް އެއްވެސް ރައްދެއް އަމީރާ ނުދިނެވެ. ނަމަވެސް ”ޔަނާލް“ގެ ނަން އިވުނު ހިނދު އަމީރާގެ ހިތައް ތަފާތު އަސަރެއް ކުރިއެވެ. އެ ހިތުގައި އެތައް ސުވާލްތަކެއް ވެސް އުފެދިއްޖެއެވެ. އަމީރާގެ ދިރިއުޅުމުގެ ހުރިހާ ފަލްސަފާއެއް އިޔާންއަށް އެނގުނު ނަމަވެސް، އިޔާންގެ ހަޔާތުގެ އެއްވެސް ވާހަކައެއް އަމީރާއަށް ހިއްސާކޮށްފައެއް ނުވެއެވެ. އެންމެ ކުޑަމިނުން އަމިއްލަ އާއިލާއާއި ބެހޭ ގޮތުން ވެސް ބަހެއް ބުނެފައި ނެތެވެ. ހަމައެކަނި އިޔާންއާއި ބެހޭ ގޮތުން އަމީރާއަށް އެނގެނީ، އޭނާ މަސައްކަތް ކުރަނީ ފުލުސް އޮފިސަރެއްގެ ގޮތުގައި ކަމެވެ.  ކުރިން އިޔާންއާއި މެދު ސުވާލްކޮށް ވެސް އަމީރާ ނުހަދަނީ ފުރިހަމައަށް އިތުބާރު ކުރެވޭތީއެވެ. އަދި އިޔާންއާއި މެދު  އަމިރާގެ ހިތުގައި އުދެމުން އަންނަ ޖަޒުބާތުތަކުގެ ސަބަބުންނެވެ. ނަމަވެސް އެހެން އަންހެން ކުއްޖެއް އިޔާންގެ ވާހަކައެއްގެ ތެރެއިން އައުމުން އަމީރާގެ ހިތައް ނުހަނު ބޮޑަށް އުނދަގޫވަމުން ދިޔައެވެ. އިޔާންގެ ހިތުގައި ވެސް އޭނާއާއި މެދު އިޙްސާސްތަކެއް ނުވާނަމަ އެ ބަހައްޓާ ގާތްކަން އެގޮތުގައި ނުވާނެކަން އޭނާދަނެއެވެ. ރޭގެ ހާދިސާ ހެއްކަކަށް ފުދެއެވެ. އިތުރު ގޮތަކަށް ނުވިސްނާ ފުރަތަމަ އެކަން އަހާ ސާފް ކުރަން ނިންމައިގެން އޭނާ އެތެރެއަށް ވަދެގެން ދިޔައެވެ.

“ ތި ބޭނުމުގަ ދޯ މިތަނަށް އައިސް ތިއުޅެނީ..“ އަމީރާ ދިޔަ ދިމާލަށް ބަލަން އަރީފް ހުއްޓާ  ސިހިގެން ދިޔައީ ފަހަތުން މީހަކު ވާހަކަ ދެއްކި އަޑު އިވިގެންނެވެ. ބަލައިލި އިރު ފަހަތުގައި ހުރީ މަހުދީއެވެ. މަހުދީގެ މޫނުމަތިން، އިންތިޙާއަށް  ހިތްހަމަ ނުޖެހުން ފެނިގެންދެއެވެ.

”ޝިޓ*.. މީނަ ގޮސް އިޔާންގެ ގާތުގަ ބުނެފިއްޔާ އަހަރެންގެ ޕްލޭންތައް މުޅިން ހަރާބު“ އޭނާގެ މޫނު ހުރި ގޮތުން އެތަނުގައި ދެންމެ ދެކެވުނު ވާޙަކަ ތައް އިވިއްޖެކަން އެނގި އަރީފްގެ ތުންފަތް ހަފާލެވުނެވެ.

“ އަދިވެސް އިޔާންއަށް ގެއްލުމެއް ދޭން؟.. ކަލޭގެ އާއިލާގެ ފަރާތުން ޖެހުނު ކަންތައް އަދިވެސް އޭނާ އެދަނީ ތަހައްމަލް ކުރަމުން.. މިތަނަށް ވެސް ތިޔައީ މޮޅު ޕްލޭނަކާއި އެކު ކަން ޔަގީން.. މިހާރު އެ އަންހެންކުއްޖާ ފެނިގެން ދޯ ތި ތެޅެން ފެށީ… އެހެންނު؟.. ދެން ތިބުނީ ޔަނާލް އޭތަ.. ކަލެއަކަށް ނޭނގޭތަ ކަލޭގެ އެ ނުބައި ދައްތަ ގެ ސަބަބުން ކަމެއް އިޔާންގެ ދިރިއުޅުން އެހާ ޅައުމުރުގައި އެ ސްޕޮއިލް ވީ.. އަދި ވެސް މޭ ފުއްޕާލާފަ ތިއަންނަ އިރު ލަދު ކޮބާ؟“ އިޔާންގެ ދިފާއުގައި މަހުދީ ވާޙަކަ ދައްކަން ފެށީގޮތުން އިތުރަށް އަރީފްގެ ލޭ ކެކިގަތެވެ.

”ބުނަން ވާހަކަ އެއް .. މިއީ ކަލެއަކާއި ބެހޭ ކަމެއް ނޫން.. އެއްކައިރީގަ ހުރެ ބަ-“

”އާން މަށާއި ބެހޭ ކަމެއް ނޫން ކަން އެނގޭނެ މާލެ ދެވުނީމަ.. އިޔާން އެއީ އަހަރެމެންގެ ބޮސް .. ދެން އިޔާންގެ ދަށުން ހުރި މީހަކީ އަހަރެން.. އަހަންނަށް ދެން މިކަހަލަ ކަމެއް ކުރަނިކޮން ފެނިއްޖަނަމަ ހަނދާން ކުރާތި ވަޒީފާ ގެއްލޭނެކަން.. ވަޒީފާއިން މުއައްޒަފުން ކަނޑާލުމުގެ ބާރު އަހަންނަށް ވެސް ލިބިގެންވޭ.. އަނެއްކާ އޭނާގެ ހިޔާވަހި ކަމުގެ ދަށުގަ ހުރެގެން ތިފަދަ ގަނޑެއް ކަންނެން ކަލެއަށް ކެރުނުކަން!.. ފުރަތަމަ ގޮސް އަމިއްލަ އާއިލާ މައިތިރި ކުރަން މަށައް ފެންނަނީ“ މަހުދީ ކިޔަން ބޭނުން ވި އެއްޗެއް ކިޔާ ނިންމުމަށްފަހު އެތަނުން ދުރަށް ދިޔައީ އަރީފް ދައްކާ ވާހަކަ އެހުމުގެ އެއްވެސް ޝައުގެއް ނެތީމައެވެ.

”ހީވާ ގޮތް ދޯ .. ވަޒީފާއިން ވަކިކުރުމުގެ ބާރު އެއީ ކަލޭގެ އަތުގަ އޮތް ކަމެއް ނޫން..އިޔާންއާއި އެކު ކަލޭގެ ދުވަސް ވެސް ދުއްވާލަން ވީ“ މަހުދީގެ ކުރިމަތީގައި ވާހަކަ އިތުރަށް ދެއްކުމަށް ޖެހިލުންވުމުން އަރީފް ބުނެލީ އަމިއްލަ ނަފްސަށް އިވޭހާ މަޑުންނެވެ. އޭނާގެ މޫނުން ރުޅިވެރިކަން ނޫން އަސަރެއް ނުވެއެވެ.

…

ބަދިގެ ތެރޭގައި  އުޅުނު އިރުވެސް އަމީރާގެ ސިކުނޑީގައި ހަރުލާފައި ހުރީ ،އަރީފް ދެއްކި ވާހަކަތަކެވެ. އެހެން ދުވަސްދުވަހު އޭނާގެ ކިބައިގާ ހުންނަ ޖޯޝެއް ވެސް މިއަދުނުވެއެވެ. ގިނަ ކަންތައް އޭނާ ކުރަމުންދިޔައީ އެހިޔާލަށް ގެއްލިފައި ހުރެއެވެ. އިޔާން އައި އިރު ވެސް އަމީރާއަށް ރެއަކާއި ލާ ގޮތެއް ނުވިއެވެ. ކޮފީ މޭކަރުން، މަގަކަށް އަޅަމުން ދިޔަ ކޮފީއިން މަގު އޭރު ދިޔައީ ފުރެމެންނެވެ.

”އެމީ..ވޮޗް އައުޓް“ އަމީރާގެ ހަރަކާތްތަކަށް ބަލަން އިޔާން އިރުކޮޅަކު ހުރެވުނެވެ. ހޫނު ކޮފީތައް ބަނޑުންވަމުން ދިޔަ މަންޒަރު ފެނި ތެޅިގަނެފައި އޭނާ އައިސް އަމީރާގެ އަތް ދުރުކޮށްލިއެވެ. އެހިނދު މަގުގައި ހުރި ކޮފީތައް ބަންޑުންވީ އިޔާންގެ އަތަށެވެ.

”އައުޗް“ވީ ތަދުން އިޔާންއަށް އަނގައިން އަޑެއް ލައްވާލެވުނެވެ.

”އާހްހް.. އަމް ސޮރީ.. އަޅޭ“ ސިހިގެން ދިޔަ އިރު ހުރިހާ ކަމެއް އެހާ މަދު ވަގުތުކޮޅެއްގެ ތެރޭގައި ވެގެން ދިޔައިރު އަމީރާއަށް ދެލޯ ބޮޑުކޮށްލެވުނެވެ. އޭރު ހޫނު ކޮފީ އެޅުނު ހިސާބު ވަނީ ނޫފައިގަނެފައެވެ. އަމީރާއަށް އެއަތުގައި ހިފާލެވުނު ގޮތްވެސް ނޭނގެއެވެ. ރޮވިފައި ހުރެ އެތަކެއް ފަހަރަކު މާފަށް އެދުނެވެ.

”އަމް ސޮރީ އިޔާ.. އަމް ސޯ ސޮރީ..އާދޭ ފެން އަޅަން“ އޭނާގެ ސަބަބުން އިޔާންގެ އަތައް ވެފައިވާ ވަރުން އަމީރާއަށް ރޮވުނެވެ.

”އިޓްސް އޯކޭ.. އެމީއަށް އަނިޔާއެއް ނުވަންޏާ އައިމް ފައިން“ އަމީރާގެ ދެލޮލުން ކަރުނަ ފެނުމުން ތަދުވަމުން ދިޔަ ނަމަވެސް އިޔާން ބެލީ އެއްވެސް ވަރަކަށް އެކަން ފާޅުނުކޮށް ވޭތޯއެވެ. އެދެލޮލުން އެންމެ ކަރުނަ ތިއްކެއް ވެއްޓޭކަށް ވެސް  އިޔާން ނޭދެއެވެ. ފެން އިސްކޫރާއި ދިމާ ކޮށްގެންހުރި އިރު އޭނާގެ އަތުގައި، އަމީރާ މަޑުމަޑުން ދިޔައީ ފިރުމާލަ ދެމުންނެވެ. އޭރުވެސް އެދެލޮލުން ފެންތައް ފައިބަމުން ދިޔައެވެ.  އަތުގެ ނުފުށުން ކަރުނަތައް ފުހެލިތަން ފެނި، އިސްކޫރު ނިއްވާލުމަށްފަހު އަމީރާއާއި ކައިރިވެލިއެވެ.

”ލުކް އެޓް މީ“ އަމީރާގެ ކޯތާފަތުގެ ދެފަރާތުން އިޔާން ހިފާލިއެވެ. އެމޫނާއި ކައިރިވެލަމުން އެ ދޮން ކޯތާފަތުގައި ބޮސްދިނެވެ. ލިބުނު ހިތްހަމަޖެހުމުން، އިޔާންގެ ތުންފަތް އިޙްސާސްވެގެން ދިޔަ ހިނދު ކަރުނަ ތަކާއި އެކު ވެސް އަމީރާގެ ދެލޯ މެރުނެވެ.

”އަހަރެން ރަނގަޅޭ އެމީ.. އިރުކޮޅަކުން ރަތް ކަން ވެސް ކެނޑިދާނެ.. ތިހެން ރޮންޏާ އަހަރެން ވެސް ރޯން ފަށާނަން“

”އެކަމަކުވެސް ހާދަ ތަދުވާނެއޭ.. އިޔާ ބުންޏަސް މިހިސާބުން ލޭ ހިލިފަ މިވަނީ..  އަހަރެން ކިހިނެތް ހެދިއްޔާތަ މިތަން އަވަހަށް ރަނގަޅު ވާނީ..“

”ލޭވެސް ކެނޑީދާނެއޭ އެމީ އިރުކޮޅަކުން..ޑޯންޓް ވޮރީ“

”އެކަމަކު ވެސް-“

”މްމްމް…އަ ކިސް މައިޓް ހެލްޕް“ އަމީރާގެ ހިމަ އުނަގަނޑުގައި އަތް އަޅުވާލަމުން އިޔާން ބުނެލީ ސީދާ އެދެލޮލުގެ ތެރެއަށް ފީނައިގަންނަމުންނެވެ. އަމީރާގެ ހިތްތެޅިގަތެވެ.ދޮން މޫނަށް ޖަންބުކުލަ ފާއްދާލަން ނެގީ މަދު ސިކުންތުކޮޅެކެވެ. އިޔާންގެ މޫނަށް ކަޅި ހުއްޓާލައިގެން ހުރިއިރު ފިރިހެންވަންތަ މޫނުމަތީގައި ވީ ތާޒާކަމުން އަމީރާގެ ހިތުގައިވާ އުދާސްކަމަށް ނިމުން ގެނުވި ފަދައެވެ.

”ދެންން.“ނުރައްކާތެރި ދަރަޖައަކަށް އިޔާން ގާތްވެފައި ވަނިކޮން އަމީރާ ތެޅިގަނެފައި ދުރުވެލިއެވެ. އޭރު ލާނެތް ހިންޏެއް ހީލައިގެން އިޔާން ހުއްޓެވެ.

”އަހަރެމެން ނުކުރާ ކަމެއް ތަ.. މިހާ އަވަހަށް ރޭގެ ކަންތައް މަތިން ހަނދާން ނެތުނީތަ؟ ޔޫ ނޯ ވަޓް…އިޓް ވޯޒް ޓޭސްޓީ… “ އަމީރާގެ ތުންފަތުގައި އިޔާން ޝަހާދަތް އިނގިލި ހާކަލިއެވެ. އެ ދޮންމޫނަށް ވެރިވެފައިވާ ލަދުރަކި ހިނިތުންވުން ދެކި، ކުރިއަށް ވުރެން ބޮޑަށް އިޔާން ބޭނުންވީ ލަދުގަންނަވާލާށެވެ.

އިޔާންގެ އަތް ފޮޅުވާލާފައި، ހުރެ އަމީރާ ދުރަށް ދުއްވައިގަތެވެ. އަލުން ކޮފީ މޭކަރުން އިތުރު މަގަކަށް ކޮފީ އަޅައިގެން ގެނެސް މޭޒުމަތީގައި ބަހައްޓާފައި އިޔާން ގާތު އިށީނުމަށް ބުނެލިއެވެ. އިޔާން ހެމުން ދިޔަ ތަން ފެނި އަމީރާ އަނގަޔަށް ވައްތަރެއް ޖައްސާލިއެވެ.

”ދެން އިޔާން… ސްޓޮޕް ލާފިންގ.. ތި އެއް އެނގޭނެ މި ވަގުތު އެކަހަލަ ކަމެއް ކުރީމަ.. އަވަހަށް އަންނަން ވެގެން ދަތެއް ވެސް ނުއުގުޅަން..ހަހަހަހާ“ އަމީރާ ލާނެއް ހިނިގަނޑެއް ޖަހައިލީ ދޮރާއި ހިސާބަށް ގޮސްފައެވެ.

”އޯހް މޭމް.. އާރ ޔޫ މޮކިންގ މީ ނައު؟.. މިވަގުތު ޓޭސްޓް ހުރިގޮތެއް ހިނގާ ބަލައިލަމާ“ އިޔާން އިންތަނުން ތެދުވަތް ހިނދު އަމީރާ ތޫލި އަޑަކުން ހަޅޭއްލަވައި ގަންނަމުން ދުއްވައިގަތެވެ. އަމީރާއަށް ވީގޮތުން އިޔާންއަށް ހެވުނެވެ. އަމީރާ އިތުރަށް ތަޅުވާލުމުގެ ނިޔަތުގައި އިޔާން ވެސް ނުހުއްޓި، އޭނާގެ ފަހަތުން ދުވިއެވެ.

އިޔާންއަށް އަމީރާ މަތަވީ އަމީރާގެ ކޮޓަރިއާއި ހިސާބުންނެވެ. އޭނާގެ ދެއަތުގެ ތެރޭގައި، ލުއި ފަތެއް ހެން އަމީރާ ހައްޔަރުކޮށްލިއެވެ.

”އިޔާ މީ..މީހަކު އައިސްފާނެ“ އިޔާންގެ އެ ގައިގޯޅި ކަމުން އަމީރާގެ ހިތައް ޒާތެއްގެ ބިރުވެރިކަމެއް ވަނެވެ. ދެމެދުގައި އުމުރުގެ ތަފާތު ހުރި ނަމަވެސް އެކަމަކަށް އަމީރާގެ މާބޮޑު ފަރުވާލެއް ނެތެވެ. ނަމަވެސް އިޔާން އަދިވެސް އޭނާއާއި މެދު ހިތުގައި އޮތްގޮތެއް ވެސް ހާމައެއް  ނުކުރެއެވެ. އަރީފް ދެއްކި ވާހަކަތަކާއި ގުޅޭ އެތައް ސުވާލެއް ވެސް އަމީރާގެ ހިތުގައި ތާޒާކަންމަތީގައި އެގޮތުގައި އެބަހުއްޓެވެ.

ކޮޓަރީގެ ދޮރު ހުޅުވާލުމަށްފަހު އިޔާންގެ ފައިން ދޮރު ޖަހާލިއެވެ. އޭނާ އަމީރާ ތަތްކޮށްލީ  ފާރުގައިއެވެ. އިޔާންގެ އަތް، އަމީރާގެ ދެފަރާތުން ފާރުގައި އަޅުވާލަމުން އަމީރާގެ މޫނަށް ނުހަނު ފުން ނަޒަރެއް ދިނެވެ.

”ޑަމީ …އަމް ނޮޓް ގޮނަ ޑޫ އެނީ ތިންގް.. ޖަސްޓް ކާމް ޑައުން“ އަމީރާގެ ދެލޮލުގައި ވާ ނުތަނަވަސްކަން ނަގައިގަނެވުމުން އިޔާން ހީލިއެވެ.

އޭރުވެސް އިޔާންއާއި ދާދި ގާތުގައި ހުރެވުމުން، އަމީރާގެ ހިތުގެ ތެޅުން އާދަޔާއި ހިލާފަށް ވަނީ  އަވަސްވެފައެވެ.

”އެމީ..ވަޓްސް ރޯންގް.. ފެނުނު ތަނާ ވެސް އެނގުނު ކަމެއް ވެފަ ކަން.. އެހެންވެ މިތަނަށް މި ގެނައީ.. ކިހިނެތް ވީ؟.. ޑިޑް ސަމްވަން ސެއިޑް އެނީ ތިންގް؟ “ އަމީރާގެ މިޒާޖަށް އައިސް ހުރި ބަދަލް އެނގި ހުރެމެ އިޔާން ބުނެލިއެވެ. އިރުކޮޅެއް ކުރިން، އޭނާ ކޮޓަރީގެ ތެރޭގައި އުޅެނިކޮން، މަހުދީ ވަނީ މެސެޖަކުން އަރީފްގެ ވާޙަކަ ކިޔައިދީފައެވެ. އަމީރާއާއި ބައްދަލް ކުރުމަށް އައުމަށް ނިންމާފައި ވަނިކޮން މާދަމާއަށް ލަސްކޮށްލަން ބުނެ އިޔާން މެސެޖް ކޮށްލާފައި ކޮޓަރިން ނުކުމެގެން އައީ އަމީރާ ހޯދުމަށެވެ.

”ނޯ..މްމް..ނޯ..އައި މީން ޔެސް… ހޫ އިޒް ޔަ..ޔަނާލް؟“އަހަން ނާހަން ހުރެފައި އަމީރާ އެންމެ ފަހުން އަހައިލިއެވެ. އިޔާންގެ މޫނުމަތިން އެއްވެސް ހައިރާން ކަމެއް ނުފެނުމުން އަމީރާއަށް ނިތް އަރުވާލެވުނެވެ.

”ޔަނާލް އަކީ އަހަރެންގެ ކުރީގެ އަންހެނުން.. “ އެހާ ހަމަޖެހިލާފައި އިޔާން ބުނެލި ޖުމްލައިން އަމީރާއަށް ލިބުނީ ވަރުގަދަ ޝޮކެކެވެ. ހައިރާންވެފައި ހުރެ ދެލޯ ބޮޑުކޮށްލެވުނެވެ. އަނގަމަތީގައި އަތް އަޅާލައިގެން ހުރެ، ދެފަރާތައް ބޯ ހޫރުވާލެވުނު ހިނދު އިޔާން ބޯ ޖަހައިލީ ތެދެކޭ ބުނާ ފަދައަކުންނެވެ. އަމީރާގެ ފައި ވެސް ބިމުގައި ހަރުލާ ގޮތެއް ނުވިއެވެ. އަރި އަޅާލަން އުޅޭހެން ހީވެގެން ފާރުގައި އަތް ޖައްސާލި ހިނދު، ހުޝިޔާރުކަމާއި އެކު އިޔާން އޭނާގެ ގައިގާ ހިފެހެއްޓިއެވެ.

****

(ނުނިމޭ)