”ރުއާ..ބަލާލާތި އިނގޭ އޭނައަށް“ ކީވާން ނުކުތުމުގެ ކުރިން ރުއާނާއަށް ލިއަމްގެ ހާލަތު ކިޔައިދިނެވެ. ކުރިއަށް ވުރެން ރަނގަޅު ކަމަށް ކީވާން ބުނުމުން ރުއާނާއަށް ހަމަޖެހުމެއް ލިބުނެވެ. ނަމަވެސް ހުންނަން ބޭނުންވި ވަގުތު ދާން ޖެހުމުން ރުއާނާ ހުރީ ދެރަވާ ގޮތް ވެފައެވެ. ބޯޖަހާލާފައި ލިއަމްގެ ގާތައް ދިޔައެވެ. ރުއާނާ ވިސްނަމުން ދިޔައީ ދެން ނޫހް ފެނުމުން ލިއަމް ހަނދާނެ ގޮތަކާއި މެދުގައެވެ. ކީވާން ބުނާހެން ލިއަމްގެ ރުޅިއަކީ އާދަޔާއި ހިލާފް ރުޅިއެކެވެ. އެކަން އޭނާއަށް ވެސް ވަނީ ތަޖުރިބާ ކުރެވިފައެވެ.
****
ރުއާނާ ފެނުމުން ލިއަމް އިށީނދެގެން އިން ހިލަގޮނޑިން ތެދުވީ ނުހަނު އަވަސް ހަރަކާތަކާއެކުގައެވެ. ނަމަވެސް އެވަގުތު އޭނާގެ ދުލުން އެންމެ އަކުރެއްވެސް ބޭރެއް ނުވިއެވެ. ރުއާނާގެ މޫނަށް ބަލައިލި ނަމަވެސް، ލޮލާއި ލޯ ސީދާކޮށްލުމުގެ ހިތްވަރެއް އޭނާގެ ކިބަޔަކު ނެތެވެ. އެމޫނުމަތިން ފެނުނު މޮޅިވެރިކަމުން ރުއާނާގެ ހިތައް ނުހަނު އުނދަގޫވަމުން ދިޔައެވެ. ދެލޮލުގެ ކައިރި ރަތްވެ، ދުޅަވެފައި ހުރި ގޮތުން ގިނައިރު ތަކެއް ވަންދެން ރޮއެފައިވާކަން ވެސް ހާމަވެއެވެ. އެގޮތައް ލިއަމް ރުއިތަން ފެނުނީ މުޅިން އަލަށެވެ.
”ގެނޭ ދުއްވާނަން…“ ރުއާނާ ބުނެލިއެވެ. އެހާލަތުގައި އިނދެ އުނދަގޫ ވާނެކަން ނަގައި ގަނެވުނީއެވެ. ނަމަވެސް ލިއަމް ދެފަރާތައް ބޯހޫރުވާލިއެވެ.
”އިޓްސް އޯކޭ، އަމް ފައިން..“
ލިއަމް ކާރަށް އެރުމުން އިތުރު އެއްޗެއް ރުއާނާއަކަށް ވެސް ނުބުނެވުނެވެ. އޭނާވެސް ޖެހިގެން އިން ސީޓަށް އަރާފައި އިންގޮތައް އިނެވެ. ދެމެދުގައި އޮތީ މަރުފަދަ ހަމަހިމޭންކަމެވެ. ދޭތެރެއަކުން ރުއާނާ ބަލާލާއިރުވެސް އޭނާ އިންނަނީ ގެއްލިފައެވެ. ނުބުނި ނަމަވެސް ލިއަމްގެ ވިސްނުންތައް ހުރީ އިޒްވާ އާއި ގުޅިފައިކަން ރުއާނާއަށް ޔަގީނެވެ. އެގޮތުގައި އިންދާ، ފޯނުލާން އިންނަ ހާއްސަ ޖާގައިގާ އޮތް ލިއަމްގެ ފޯނަށް ކީވާންގެ ކޯލެއް އަންނަތަން ފެނުމުން ރުއާނާ އެ ފޯނު ނެގިއެވެ. އަދި ލިއަމްއަށް އިވޭނެހެން ސްޕީކަރަށް ލައިދިނެވެ.
”ބްރޯ، މިދަނީ މިހާރު އިޒީ ނަގައިގެން.. މާމަމެން ކައިރީގަ ވާހަކައެއް ހަދާލާފަ ކުރިން ބައިން އޮންނާނީ.. ދެން އެކަމާއި ނުވިސްނާ ނިދާލެވޭތޯ ބަލައްޗޭ“
ކީވާންގެ އަޑު އިވި ލިއަމްގެ މޫނުމަތިން ހިސާބެއްގެ ހަމަޖެހުމެއް ފެންނަމުން ދިޔައެވެ. ’ހޫމްމް‘ އަޅުވާލަމުން ލިއަމް އެ ފޯނު ކަނޑާލިއެވެ.
”އަމް ސޮރީ“ ރުއާނާ ބުނެލިއެވެ. އެހިނދު ލިއަމް ނިތްއަރުވާލިއެވެ. ރުއާނާ މާފަށް އެދުނީ ކޮންކަމަކާއި ގުޅިގެން ކަމެއް ނޭނގުނީއެވެ.
”އެގަޑީގަ ދާންޖެހުނީމަ..“
”އޯވް ދެޓް؟ އެއީ މާފަށް އެދެން ޖެހޭ ވަރުގެ ކަމެއް ނޫން.. ކިހިނެތް ޕޭޝަންޓް؟“ލުއިގޮތަކަށް ހީލަމުން ލިއަމް ވާހަކަ ދެއްކިއެވެ. އެހީލުން ވެސް ރުއާނާގެ ފިކުރުތަކަށް ހިސާބެއް ތަސައްލީއެއް ގެނެސްދީފިއެވެ.
”ރަނގަޅު.. އެގަޑީގަ ޑީއުޓީ ޗޭންޖް ވި ޑޮކްޓާރއަށް ކުޑަކޮން ކިޔާލަ ދޭން ދާން ޖެހުނީ މިވަގުތު ސިޓުއޭޝަން“ ރުއާނާ ވެސް ޖަވާބު ދިނެވެ. އެއަށްފަހު އަނެއްކާ ވެސް އޮތީ ހަމަހިމޭން ކަމެވެ. ގެއަށް ދެވެންދެން ވެސް އޮތީ އެގޮތުގައެވެ.
ގޭޓުގެ ތެރެއިން ކާރު ވެއްދި ހިނދު ރުއާނާ ފޭބިއެވެ. އެތެރެއަށް ވަންނަން އައި ހިނދު ފޯނަށް ކޯލެއް އައިސްގެން ރުއާނާ ބަލައިލިއެވެ. ސްކްރީނަށް އަރާފައިވާ ނަން ފެނި އެ މޫނުން ފެނިލީ ލުއި ހިނިތުންވުމެކެވެ.
”ހޭއީ. ވަޓްސް އަޕް“ ފޯނު ކަންފަތުގައި ޖަހައިގެން ހުރެ ވާހަކަ ދައްކަން ފެށިއިރު އައިސް ހުރި ޖޯޝާއި އެކު އޭނާގެ އަޑު ވެސްކުޑަކޮން ބާރެވެ.
”ސީރިއަސްލީ؟ މިކޮޅަށް؟ ކިތައް ދުވަހަށް ؟ އޯހް ޔެސް ޔެސް.. ދެން ދިމާ ވާނެ އެންނު ކޮންމެ ދުވަހަކު… އަހަރެން މިކޮޅަށް ޗޭންޖްވި ގޮތަށް ފަހުން ހަބަރެއް ވެސް ނުވި ވިއްޔަ“ ރުއާނާ ސިޑީގެ ހަރުފަތްތައް ގިރާކުރަމުން ދިޔައީ ލިއަމްގެ ފަހަތުން ހެންނެވެ. ދޭތެރެއަކުން އެކޮޅުން ދައްކާ ވާހަކައަށް ހީގަނެއެވެ. އޭނާގެ އެ ސިފަ ފެނުމުން ލިއަމް ހުރީ ހިސާބަކަށް ހައިރާން ވެފައެވެ. މާ ބާރަށް ހީ ވާހަކަ ދައްކާ އުޅުން ފަދަ ކަމެއް އޭނާއަށް އަދި އަލަށް ވެސް ރުއާނާގެ ކިބަޔަކުން ނުފެނެއެވެ. ޝައުގުވެރި ވީވަރުން ސިޑީން އަރާފައި ވެސް ކޮޓަރިއަށް ނުވަދެ އޭނާއަށް މަޑުކޮށްލެވުނެވެ.
”މިހާރު ވެސް މާދަމާ ވުން ލަސްވެފަ މިހުންނަނީ.. ކާންޓް ވެއިޓް ހަމަ .. އޯކޭއި، ސީ ޔޫ ޓުމޯރާ ޖެފް“ ކަންފަތުން ފޯނު ދުރުކޮށްލި ގޮތައް އިސްއުފުލާލެވުނީ މަޑު އަޑެއް އިވިގެންނެވެ. ކަޅި ޖަހާނުލާ ލިއަމް ބަލަން ހުރިތަން ފެނި، ސިހުނު ވަރުން ރުއާނާގެ މެޔަށް ފިނިވެގެން ދިޔައެވެ. ލިއަމްގެ ކޮޓަރިއާއި ފުރަގަސްވާހެން ފޯނުން ވާހަކަ ދައްކަން ހުރުމުން ކޮޓަރިއަށް ނުވަދެ ހުރިކަމެއް އޭނާއަކަށް ނޭނގެއެވެ.
”މްމް؟ ކަމެއް ބޭނުންވީތަ؟“ ހިންދިރުވާލާފައި ރުއާނާ އެހިއެވެ.
”ކާކު އެއީ؟“
”އޯހްހް.. ކިހިނެތްވީ؟“ ރުއާނާއަށް އެހުނީ ހައިރާންވީ ވަރުންނެވެ.
”އައި ސެއިޑް ކާކު ހޭ؟“ ލިއަމް ހިސާބަކަށް ނުރުހުންވެފައި އެއްސެވެ. އެފަދަ ޒާތީ ސުވާލެއް ކުރުމުން ރުއާނާއަށް ނިތް އަރުވާލެވުނެވެ. ނަމަވެސް ލިއަމްގެ ގޯސްވެފައިވާ ތަބީއަތު އިތުރަށް ހަރާބު ނުކޮށްލަން ޖަވާބުދިނެވެ.
”އެއީ ކުރިން ކިޔެވި ކޮލްޖްގަ އުޅުނު އިރު ވާހަކަ ދައްކާ އުޅުނު ހަމައެކަނި ކުއްޖާ… ތަޖްރިބާ ސެޝަން ތަކެއް މި ވީކްގަ އެބަ އޮތެއްނު ހޮސްޕިޓަލްގަ.. އެއަށް މިކޮޅަށް އައިސްގެން އެއުޅެނީ.. އަހަރަކަށް ވުރެން ގިނަ ދުވަސްފަހުން ދިމާވާތީ އަމް ކައިންޑް އޮފް އެކްސައިޓެޑް“ އުފާވެރި ހިނިތުންވުމަކާއި އެކު ރުއާނާ ވާހަކަ ދެއްކިއެވެ. އެ ޖަވާބުން ލިއަމް ހިތްހަމަ ޖެހިގެން ދިޔައެވެ. އެހެންހޭ ބުނެ ބޯ ޖަހައިލިއެވެ.
”އިޒް ދެޓް އަ މޭން، ރައިޓް؟“ އަހަން ނާހަން ހުރެފައި އެންމެ ފަހުން އެހިއެވެ. ރުއާނާ ބޯ ޖަހައިލިއެވެ.
”ދެން ޑޯންޓް ގޯ!“
”އެއީ ކީއްވެ؟“ ލިއަމްގެ މޫނުމަތިން ހިސާބަކަށް ހަސަދަވެރިކަމެއް ފެނުމުން އެވަގުތު ކޮޅު ރުއާނާގެ މޫނު ފެވިލީ ލާނެތް ހިނިތުންވުމަކުންނެވެ. ”އަމް ސިންގަލް.. ސޯ އައި ކެން ޓޯކް، ރައިޓް؟“ ސަމާސާގެ ރާގެއްގައި ރުއާނާ ވާހަކަ ދެއްކިއެވެ.
ލިއަމް އެއްޗެއް ނުބުންޏެވެ. ނަމަވެސް ހުރީ މޫނަށް ވެރިކުރުވި އަސަރުތަކުގައެވެ. ރުއާނާ ހީކުރީ ލިއަމް ހިތްހަމަ ނުޖެހުނީ ކަމުގައެވެ. އެކަމާއި އުނދަގޫ ވެފައި ހުއްޓާ ފެނުނީ ކޮޓަރިއަށް ވަންނަން ދިޔަ ތަނެވެ.
”ހިތްހަމަ ނުޖެހުނީބަ؟ އަމް ޖަސްޓް ޖޯކިންގ“ ދެފިކުރެއްގަ ހުރެފައި ރުއާނާ ތަޅުގައި އަތްލިއެވެ. އެތެރެއިން ތަޅުލާފައި ހުރުމުން ވަދެވޭގޮތެއް ނުވިއެވެ. ހިސާބަކަށް ހާސްވިއެވެ. ލިއަމްގެ ބޯހިޔާވަހިކަމުގައި ހުރެ ދެމެދުގައި އެފަދަ ނުތަވަސްކަމެއް އޮންނާކަށް ރުއާނާ ބޭނުމެއް ނުވިއެވެ. ނަމަވެސް އިޒްވާގެ ކަންތަކުގައި ލިއަމް މޮޅިވެރިވެފައި ހުރުމުންނާއި އެކު މާ ބޮޑަށް ދޮރުގައި ޖަހާކަށް ނުކެރުނެވެ. ދެފަހަރަކު މަޑުމަޑުން ޖަހާލާފައި ދޮރު ނުހުޅުވުމުން އަމިއްލަ ކޮޓަރިއަށް ވަނެވެ.
އިރުއެރިކަން އިއުލާންކުރީ، ސައިޑް ޓޭބަލް މަތީގައި ބެހެއްޓިފައިވާ ގަޑީން އިވިގެންދިޔަ ސޯނާގެ އަޑުންނެވެ. ރޭގައި ލަސްވަންދެން ނުނިދި އޮވެފައި އެހާ ހެދުނާއި ހޭލަން ޖެހުމުން ރުއާނާގެ ދެލޮލުން ނިދީގެ އަސަރު މުޅިން ކެނޑެން އިރުކޮޅެއް ނެގިއެވެ. އަތުގައި އަޅުވާލެވިފައިވާ ވޫލްކޮޅު ދަމައިގަނެ ތަރުތީބު ގެއްލިފައިވާ އިސްތަށިގަނޑު ރަމަތަ ކޮށްލިއެވެ. އެނދާއި ގާތުގައި ހުރި މަޑު ކެހެރި ފައިވާން ގާތްކޮށްލަމުން އޭގެ ތެރެއަށް ފައި ކޮށްޕާލަމުން ފާހާނައަށް ވަނެވެ. ފެންވަރާލައިގެން ނުކުމެ ހޮސްޕިޓަލަށް ދިޔުމަށް ތައްޔާރު ވެލިއެވެ. ކިޔެވުމުގައި ހޭދަކުރަން ޖެހޭ ފަހު ދުވަސްކަމުން، ކުލާހުގެ ކުދިންނާއި އެކު ކުޑަ ކަމެއް ރާވާފައި އޮތުމުން މިއަދު ތަންކޮޅެއް އަވަހަށް ދާންޖެހެއެވެ. އަނެއްކޮޅުން މާދަމާ އޮންނަ އިޒްވާ އާއި އީތަންގެ ކައިވެނީގެ ކަންތަކުގައި އިޒްވާއަށް އެހީވުމަށް ދާންވެސް ޖެހެއެވެ. ބުރަ ދުވަހަކަށް ވާނެކަމާއި މެދު ޝައްކެއް ނެތެވެ.
ކޮޓަރިން ނުކުމެވެން އިންނަ ބެލޮކޮނީގެ ފަރުދާ ކަހާލި އިރު ބޭރަށް ބޯކޮން ވެހެމުން ދިޔަ ސްނޯ ފެނި ރުއާނާއަށް މޫނު ހަދާލެވުނެވެ. ކުރީގައި ނަމަ އެއީ ހަށިގަނޑުގެ އެއްބައެވެ. ނަމަވެސް އެ ފިނީގެ ތެރޭގައި މިހާރު އުޅެލުމަކީ އެއްވެސް ކަމެއް ނޫނެވެ. ބޯ ހެދުން އަޅާ އުޅުމުން ހަގީގަތުގައި ރުއާނާގެ ހަށިގަނޑަށް އަރައިގެން ދަނީ އުނދަގޫ ވާފަދަ ހޫނެކެވެ. ނަމަވެސް އެނޫން ގޮތެއް ވެސް ނެތެވެ. އިތުރު މީހެއްގެ ދުލުގައި ސުވާލު މާކެއް ޖެހޭކަހަލަ ކަމެއް ކުރާކަށް ބޭނުމެއް ނޫނެވެ. އެންމެ ފަހު ކަމަކަށް ތައްޔާރު ވެވުނު ގޮތައް ލޯގަނޑު ކުރިމަތީގައި ހުރެ ކަޅިއެއް އެއްލިއެވެ. ސިނަމަން ބްރައުން ކުލައިގެ ސްވެޓާރ އަކާއި ކަޅު ޖީންސްގައި ނުހަނު ފުރިހަމައެވެ. އާއްމުކޮން ފަހަތައް ދޫކޮށްލާފައި އޮންނަ ފަން އިސްތަށިގަނޑު ދޫ ހުޅިއެއް ޖަހާފައި އޮތީ މައްޗަށް ނަގާފައެވެ.
ކަޅުކުލައި ކޯޓާއި ދަބަސް އަތައް ލައިގެން ނުކުތް އިރު ލިއަމްގެ ހިލަމެއް އޭނާގެ ކޮޓަރިއަކުން ނުވެއެވެ. ނަމަވެސް ސިޑިއާއި ހިސާބުން ދިއްލާފައި ހުރި ބޮކި ފެނި ރުއާނާއަށް ލިބިގެން ދިޔައީ ހައިރާންކަމެކެވެ. އަލިމަޑު ބޮއްކެއް ދިއްލި ނަމަވެސް އެފަދައިން ހުދު އަލިކަމެއް ލިބޭފަދަ ބޮއްކެއް ލިއަމް އަދި ގޭތެރެއަކު ނުޖައްސައެވެ. ނަމަވެސް ރުއާނާއަށް ކަމެއް ހަވާލުކޮށްގެން އެ ކޮޓަރިއަށް ގެންދާ ދުވަސްދުވަހު އެތަނުން ފަހަކަށް އައިސް ފެންނަނީ ހުދު އަލިކަމެވެ.
ސިޑީގެ ހަރުފަތްތައް ގިރާކޮށްލި އިރު ލިއަމް އިނީ ލިވިންގ ރޫމް ސޯފާއެއްގައެވެ. ކަޅުކުލައިގެ އަތްދިގު ގަމީސް، ކްރީމްކުލައިގެ ޓްރައުޒާގެ ދަށައް ޖަހާފައިވާ އިރު އޭނާ ފެންނަލެއް ނުހަނު ރަސްމީވެފައި ފިރިހެންވަންތައެވެ. ރުއާނާ ފެނުމުން ބަލައިލި ގޮތުން ހީބިހި ނަގައިގެން ދިޔައެވެ. އަދިވެސް ރޭގެ ހިތްހަމަ ނުޖެހުމުގެ އަސަރު އެ މޫނުމަތިން ފެނެއެވެ. ކަޅި ޖަހާނުލާ ބަލަން އިން ގޮތުން ރުއާނާގެ ދެފައިވެސް ނޯޅުނީ ކިރިޔާއެވެ.
”މްމް މީ، ކީއްވެ ހާދަ އަވަހަކަށް ތައްޔާރު ވެގެން“ ލިއަމް އިން ސޯފާއާއި މާދުރު ނޫން ހިސާބަކަށް ރުއާނާ މަޑުކޮށްލިއެވެ.
”އަޑުއެހިން ފަހު ދުވަސްވެ ކަމެއް ކުރިއަށް ގެންދާ ހަބަރު.. ހިނގާ ދަމާ“ މޫނުމަތިން އެ ކުލަ ދައްކައިގެން އިންނަމަ ވެސް ލިއަމްގެ އަޑުގައި ހިތްހަމަ ޖެހުމެއް ނެތެވެ. އެކަމުން ހިސާބެއް ހަމަޖެހުމެއް ރުއާނާއަށް ލިބުނެވެ. ބޯ ޖަހައިލަމުން ލިއަމްގެ ފަހަތުން ރުއާނާ ވެސް ގޮސް ކާރަށް އެރިއެވެ.
ގޭގެ ގޭޓުން ނުކުމެ ކާރު ދުއްވަމުން ގޮސް، ހޮސްޕިޓަލަށް ދެވުނު އިރުވެސް ދުއްވަމުން ދިޔަ ރާސްތާއަށް ވުރެން ރުއާނާގެ މޫނަށް ލިއަމްގެ ނަޒަރު ހުއްޓެއެވެ. އެބެލުމުގައިވީ ތަފާތު އިޙްސާސްވެއެވެ. އިންޒާރާއި އެކު ކަމެއް އަންގާލަ ދޭން އުޅޭ ފަދަ ނަޒަރެކެވެ. އިސްޖަހައިގެން އުގުމަތީގައި އޮތް ދަބަހުގެ ވާގަނޑާއި ކުޅެމުން ދިޔައިރުވެސް ރުއާނާގެ ހިތް ތެޅެމުން ދިޔައީ އިންތިހާއަށެވެ. ރޭގައި އޭނަ ވާހަކަ ދެއްކި ގޮތުން ލިއަމް އެހާ ނުރުހޭ ނަމަ އެދެމެދުގައި އޮތް ނަމެއް ނެތް ގުޅުމަށް ނަމެއް ދޭން ލިއަމް މަސައްކަތް ކުރާނީ ނޫންހެއްޔެވެ. ހިތާހިތުން ރުއާނާއަށް އަޑުލެވެމުން ދިޔައެވެ. ލިއަމްގެ އެ ބެލުންތަކުގައިވާ ހަގީގީ މާނަ ނަގައިގަނެވުނީ ހޮސްޕިޓަލުގެ ގޭޓުން ވަދެފައި ލިއަމް ކޮށްލި ސުވާލުންނެވެ.
”ރޭގަ ބުނި މީހާ އަންނާނެ ދޯ މީޓް ކުރަން “ ހުންގާނުގައި އަތް އަޅުވާލައިގެން އިނދެ ލިއަމް ބަލަމުންދާ ގޮތުން ހީވަނީ ޖެހޭ ނުޖެހޭ ހިސާބުގައި އިނދެ އޭނާގެ މުޅި ހަށިގަނޑު އެކްސްރޭ ކުރަމުންދާ ހެންނެވެ.
”ތިބުނީ؟“
”ރޭގަ ބުނީ މެންނު ކޮންމެ ވެސް ފިރިހެނެއްގެ ވާހަކަ ؟ އޭނަ އާދޭތަ؟“ ރުއާނާ ހީކޮށްގެން ހުރީ ލިއަމްއަށް އެހާ ވަރެއް ވެފައި ހުރީ އޭނާ ’ ސިންގަލް‘ އޭ ބުނެ ރޭގައި ވާހަކަ ދެއްކުނު ގޮތުން ކަމުގައެވެ. ނަމަވެސް ޖެފްރީންގެ ވާހަކަ ފެށުމުން ނުތަވަސްވެފައި އިން ރުއާނާ ގާތައް އައީ އަމަށަކު ހިންޏެއް ނޫނެވެ. ހިނިގަނޑު ކޮންޓްރޯލު ކުރުމަށްޓަކައި ދެތުންފަތް ވަރުގަދައަށް ފިއްތާލަން ޖެހުނެވެ. އެކަމުގެ ސަބަބުން ލޮލުން ފެންވެސް އަންނަ ގޮތްވިއެވެ.
”އޯހް ގޯޝްޝް! ހީ ގޮޓް ޖެލެސް ؟ އެވެސް ޖެފްރީންގެ ވާހަކަ ދެއްކީމަ؟“ އަމިއްލަ ނަފްސާއި ވާހަކަ ދެއްކުނު އިރު ރުއާނާއަށް ދިޔައީ އެތެރެއިން ހެމުންނެވެ.
”ޑޯންޓް ގޯ ! ޑޯންޓް މީޓް ހިމް! ކެން ޔޫ ޑޫ ދެޓް؟“ ލޮލުގެ ހިމަކޮޅުން ބަލަން އިނދެ ލިއަމް ސުވާލުކުރުން ނުހުއްޓިއެވެ. ރުއާނާގެ ސިކުނޑީއަށް އެވަގުތު އައި ހިޔާލަކުން ވަކިން ހިނިއައެވެ. އޭނާ ނިންމީ އިތުރަށް ލިއަމް ތަޅުވަލާށެވެ. ލިއަމްގެ މޫނުމަތީގެ ކުލަވަރުން އެހާ ހެނދުނާވެސް އޭނާގެ ދުވަސް ރަނގަޅު ކޮށްލަދީފިއެވެ.
”ނޯ ވޭ..އެއީ ވަރަށް ގާތް ކުއްޖެކޭ.. އޭނަ ކައިރިއަށް މީޓް ކުރަން ނުދާންވީ ކީއްވެ؟“
“މިބުނީނު ނުދާށޭ..އަޑެއް ނީވޭތަ؟“ ރުއާނާގެ ޖަވާބުން ލިއަމްގެ ނަފްސަށް ވެރިވެގަތީ ހިސާބެއްގެ ރުޅިއެކެވެ. އަޑަށް ހަރުކަށިކަން ގެނެސްފައި ބުނުމުން ވެސް ރުއާނާގެ މޫނުމަތިން މިފަހަރު ޖެހިލުމެއް ނުފެނެއެވެ. ހަށަމް ބަނދެލަމުން ލިއަމްގެ މޫނަށް ބަލައިލިއެވެ.
”އައިލް ގޯ.. އަހަރެން ޖެނީވާގަ އުޅުނު އިރު، ހީ ވޯޒް ދި އޮންލީ ޕާސަން އެ ބޮޑު ކޮލެޖާއި ހޮސްޕިޓަލުން ވެސް ގާތް ގުޅުމެއް ބޭއްވި.. އެހެން އެންމެން އަހަންނާއި ބުލީ ކޮށް ހެދި އިރު ވެސް، ޖެފް ކައިރީ ހުރިއްޔާ އަހަންނާއި އެއްކޮޅަށް ތެދުވާނެ“ ރުއާނާ ހީލިއެވެ. އެ ޖަވާބުން ލިއަމްއަށް ލިބުނީ ސިހުމެވެ. މޫނަށް ވެރިވެގަތީ ތަފާތު ކުލައެވެ. ސާފް ރުޅިވެރިކަމެވެ.
”ވަޓްޓް؟ ބުލީ އޭ؟ ހޫ ދަ ހެލް ޑިޑް ދެޓް؟ ޓެލް މީ!“ ރުއާނާއާއި ގާތައް ޖެހިލަމުން ދެ އަތާއި ކަރަށް ބަލަން ފެށިއެވެ. އަދި ރުއާނާގެ ދަތްދޮޅީގައި ހިފަހައްޓާލަމުން އެ މޫނާއި ކަންފަތް ކައިރި ބެލިއެވެ.
”ކާމްޑައުން، އެމީހުންނާއި އަހަރެން އެންމެ ފަހުން ބައްދަލްވީ މީގެ އަހަރެއް ކުރިންނޭ.. މިހާރުގެ ވާހަކައެއް ނޫނޭ މިދައްކަނީ.. ކަޅު އަނދިރި ތަން ތަން ދެކެ ޖެހިލުންވެ އެއްނު.. ވަރަށް ގިނައިން ފެއިންޓްވޭ.. ހާއްސަކޮން އެކޮޅުގަ އުޅުނު އިރު ގިނަ.. ޕެނިކް އެޓޭކްސް ތައް ވަރަށް އަންނާނެ.. ބިލާލް ދިމާކޮށްލާ ދުވަސް ދުވަހު އެހެން ބޮޑަށް ވަނީ.. އެންޑް ދޭ އޯލް މޭޑް ފަން އޮފް މީ.. އެކްސެޕްޓް ޖެފް.. ހީ ސޭވް ކުރާނެ އަބަދުވެސް.. އެކަން ބައްޕައަށް އެނގުނީމަ މިކޮޅަށް ޗޭންޖް ކުރީ ވެސް.. ކްލާސް ރޫމް ތެރޭގަ އެކަނި ބަހައްޓާފަ ބޮކި ނިއްވާލާފަ އެންމެން ބޭރަށް ވެސް ދާނެ .. އެއިން ކޮންމެ ފަހަރަކު ހޮސްޕިޓަލްގަ ފަރުވާ ކުރަން ޖެހޭ… ދެޓް ވޯޒް މައި ޕާސްޓް.. އަލްހަމްދުލިއްލާހް މިކޮޅަށް އައިފަހުން އައި ފީލް ރިލީވްޑް.. އާހްހްހް…މިހާރު މިތިބީ އެންމެ ބެސްޓް ކްލާސްމޭޓްސްއާއި އެންމެ ބެސްޓް ފްރެންޑްސް ލިބިފަ.. އެހެންވެ މިހާރު ދެރައެއް ވެސް ނުވޭ“ ކިތަންމެ ހަމަޖެހިލައިގެން ވާހަކަ ދެއްކި ނަމަވެސް ރުއާނާގެ ދެލޮލުގައި ކޮންމެވެސް ވަރެއްގެ ތެތްކަމެއް ވިއެވެ. އެވާހަކަ ލިއަމްއަށް ކިޔާ ދެވުމުން ހިތައް ލިބުނީ ފިނިކަމެވެ.
”ވަޓް؟ އެމީހުން ހީކުރީ ސަލާމަތް ވެވޭނެ ކަމަށްތަ؟ .. އެކަހަލަ ކަމަކަށް ދޫދެވުނީމަ އެންނު އިޒީއަށް ވެސް އެހެންވީ.. ސޯ ނޯ!.. ޖެނީވާރ އައި.އެން މެޑިކަލް ޔުނިވާރސިޓީ ރައިޓް؟ ގިވް މީ ދި ނޭމްސް ރައިޓް ނައު!“ ލިއަމް ކޮށްލީ އަމުރެވެ. ރުއާނާގެ ދެލޯ ބޮޑުވިއެވެ. އަވަސްއަވަހަށް ދެފަރާތައް ބޯހޫރުވާލެވުނެވެ.
”އިޓްސް ފައިންއޭ ލިއަމް.. މިހާރު ސަލާމަތް ވި ފަހުން ކޮން ދުވަހެއް “
”ހެލް ނޯ.. އިފް ސަމްވަން ޓަޗްސް ވަޓްސް މައިން، އައި ޑޯންޓް ޝޯ މާސީ.. ސޯ، ޓެލް މީ ދެއަރ ފަ*** ނޭމްސް. “ ރުއާނާގެ މޫނުގެ ދެފަރާތުގައި ހިފަހައްޓާލައިގެން އިނދެ ލިއަމް ވާހަކަ ދެއްކިއެވެ. ލިއަމް އަޑު ބާރުވެފާ ކާރުތެރޭގައި ގުގުމާލަ ގުގުމާލަ ހުއްޓެވެ. ރުއާނާއަށް ތުންފަތް ހަފާލެވުނެވެ. އެވާހަކަ ލިއަމްއަށް ކިޔައިދެވުނު މޮޔަ ވެސް ހީވިއެވެ. އަނެއް ކޮޅުން ވާހަކަ ދައްކަމުން ގޮސް ”މައިން“ އޭ ބުނެލި ގޮތުން ހަށިގަނޑުގައި ވާހާ ލޯލިތަކެއް ކޮޅަށް ޖެހިގެން ދިޔައެވެ.
”އިފް ޔޫ ޑޯންޓް ޓެލް މީ، އައިލް ކިސް ޔޯ ލިޕްސް މިދާ ބާރު މިނުގަ ގޮސް މުޅި އޮޑިޓޯރިއަމްގަ ތިބި އެންމެންގެ ކުރިމަތީގަ.. އެތާގަ ކުރިއަށް އެބަ ދޭ އަލަށް ޖޮއިން ކުރި ކުދިންނަށް ބާއްވާ އޮރިއެންޓޭޝަން“
”އޯކޭ އޯކޭ.. އޯކޭ.. މުޅި ކުލާހަކަށް ބްލޭމެއް ނުކުރެވޭނެ.. އެކަމަކު ފަސްމީހަކު އުޅުނީ ގުރޫޕް ހަދާފަ“ ލިއަމްގެ ވާހަކައިގެ މިސްރާބުން ރުއާނާ ގަތީ ބިރެވެ. ލިއަމްއަކީ ބުނެފި ކަމެއް ކުރާ ޒުވާނެކެވެ. އެންމެންގެ ކުރިމަތީގައި އެފަދަ ކަމެއް އޭނާ ކުރަން ބުނެފިނަމަ ކުރާނެއެވެ. އެފަދަ ކަމެއް ވާކަށް ބޭނުމެއް ނޫނެވެ. އެހެން ވެއްޖެނަމަ ލަދުން ގޮސް މޮޔަވެސް ވެދާނެއެވެ. އެންމެ ފަހުން ލިއަމްއަށް އެމީހުންގެ ވަނަވަރު ކިޔައިދިނެވެ.
”ޕްލީޒް އަމް ބެގިންގ ޔޫ ، ފަހުން އަހަރެން ލަދުގަންނަން ޖެހޭ ވަރުގެ ކަމެއް ނުކުރައްޗޭ.. އެމީހުން ގޯސްވިޔަސް ހުރިހާ ލެކްޗަރާސް އެއް ވެސް ރަނގަޅު“
”ރަނގަޅޭ؟ އެމީހުން ރަނގަޅު ވީމަތަ، ފަސް އަހަރު ވަންދެން އެ ގަނައިގަ އުޅުނު އިރުވެސް އެތަނުން ރުއާ ކެނޑުނު ދުވަހާއި ޖެހެންދެންވެސް ކަމެއް ނުކޮށް އެތިބީ؟.. ހިތްހެޔޮ ކޮން ވާހަކަ ދެއްކީމަ އެ ނިމުނީތަ؟ ބުލީ ކުރަމުން ގޮސް މީހެއްގެ ހަށިގަނޑާއި ފުރާނަ ވެސް ވަކިކޮށްލާ ފަހަރު މަދެއްނޫން.. ރުއާ ބޭނުންތަ ތި ފަދަ ކަމެއް އެހެން ކުއްޖަކު ތަހައްމަލު ކުރަން؟ މިތަނުގައި ބުލީ ކޮށްގެން އަހަރެމެން ދެނީ ދެވަނަ ފުރުސަތެއް… އިސްލާހު ނުވެއްޖެނަމަ އިތުރު ޗޮއިސްއެއް ނީންނާނެ.. ހަމަ ސީދާ ތަނުން ވަކިކުރެވޭނެ..“ ލިއަމް ބުނެލިއެވެ. އެހިސާބުންދެން އިތުރަށް ބުނާނެ އެއްޗެއް ރުއާނައަކަށް ނޭނގުނެވެ. ލިއަމް އެބުނީ ވެސް މުޅިއަކުން ދޮގެއް ނޫނެވެ. އެކަމަކު ވެސް އެމީހުންނަށް އެއްވެސް ކަމެއް ކުރާކަށް ރުއާނާ ބޭނުމެއް ނޫނެވެ. އެކަމަކު ހާއްސަކޮން އިޒްވާގެ ކަންތަކަށް ފަހު ލިއަމްގެ މިޒާޖަށް ބޮޑެތި ބަދަލްތަކެއް އައިސްފިއެވެ.
”ޖަސްޓް ބިކޯޒް ހީ ސޭވްޑް ޔޫ، ޑަޒަންޓް މީން ޔޫ ކޭން ހޭންގްއައުޓް ލައިކް ބަޑީޒް… ޑޯންޓް ޓޯކް ޓޫ މަޗް!.. އައި ވޯންޓް ޓޮލެރޭޓް އިޓް.. އޯކޭ؟“ ކާރުން ރުއާނާ ފޭބުމުން ލިއަމް ގޮވާލިއެވެ. ލިއަމް ކޮށްފާނެ ކަމަކާއި ވިސްނަމުން ދަނިކޮން ރުއާނާއަށް އެވާހަކައިން ބަލައިލެވުނެވެ. އެހެން ހުއްޓާ ލިއަމް ކާރުން ފައިބާފިއެވެ. އައި ގޮތަށް އައިސް، ރުއާނާގެ ހިމަ އުނަގަނޑުގައި ބާރަށް ހިފާލަމުން އޭނާގެ ހަށިގަނޑާ ކައިރިކޮށްލިއެވެ. އެ ދެމެދުގައިވާ ދުރުމިން ކުޑަވެ، ލިއަމްގެ ހޫނު ނޭވާތައް ރުއާނާގެ މޫނަށް އިހުސާސް ކުރެވެން ފެށިއެވެ. އެހާ ގާތުން އެ ނަޒަރު ހުއްޓިފައި ހުރިއިރު ރުއާނާ ދިޔައީ އިންތިހާއަށް ލަދުގަންނަމުންނެވެ. ލިއަމް ނިތް އަރުވާލިއެވެ.
”ކެން ޔޫ ޑޫ ދެޓް؟“
”ގަޑިޖެހެނީ“ އަވަސް އަވަހަށް ބޯޖަހައިލަމުން ރުއާނާ ވާހަކަ ދެއްކިއެވެ. އޭނާގެ އަޑުވެސް ނުކުތީ ކިރިޔާއެވެ.
”މްމްމް.. އަހަރެންގެ ގަޑިތައް ފަހަތައް ޖައްސާލަން މިހާރު މެސެޖްއެއް ކޮށްލަން މިއުޅެނީ.. އައި ހޭވް ސަމް ބިޒްނެސް ޓް ޑޫ.. ގޯ އިންސައިޑް“ ރުއާނާގެ ކޯތަފަތުގައި އަތުގެ ނުފުށުން ބީއްސާލަމުން ލިއަމް ބުނެލިއެވެ. ރުއާނާ ބޯޖަހައިލުމުން، ދުރުވެލާފައި ގޮސް ކާރަށް އެރިއެވެ.
****
”އެކްސައިޓެޑް؟“
އިޒްވާ އާއި ލޫކް ތިބީ ރުއާނާގެ އިންތިޒާރުގައެވެ. ފުރަތަމަ ދެ ކްލާސް ނިމުނު ގޮތައް ރުއާނާއަށް ވޯޑަށް ދާން ޖެހިގެން ދިޔަގޮތައް އަދި ނާދެއެވެ. ދެ މީހުން މަޑުކޮށްގެން ތިބީ ނާސިންގ ސްޓޭޝަންގައެވެ. ދެމީހުން ފިޔަވައި އިތުރު މީހަކު އެވަގުތު ނެތެވެ.
”ހީވެ ހިތްތެޅޭހެން ވެސް…“ އިޒްވާ މޭގައި އަތް އަޅާލަމުން ތުންފިއްތާލިއެވެ. ލޫކްއަށް ހީލެވުނެވެ. އިޒްވާގެ ކޮނޑުގައި ޖަހާލަމުން ހާސްނުވުމަށް ބުނެލިއެވެ.
”އިޒީ އިއްޔެ ކިޔައިދިނީ މެންނު އީތަންއާއި ދެމެދު އޮތް ރިލޭޝަންޝިޕް.. ރޭގަ ވަރަށް ވިސްނަމުން ދަނިކޮން އައޭ ވަރަށް ސަޅި އައިޑީއާރ އެއް“
ލޫކް ދެފަރާތައް ބަލާލަމުން ބުނެލިއެވެ. ތުއްތު އިރުންސުރެން އެކުގައި ގިނަވަގުތު ހޭދަކުރެވުމުން ނީރާ ފިޔަވައި ދެން އާއިލާގެ އެހެންމީހުންގެ ތެރެއިން ލޫކްއާއި އޮންނަ ގުޅުން ވަރުގަދައެވެ. އެއްއުމުރަކަށް ވެފައި، ކިޔަވަމުން ދަނީ ވެސް އެކައްޗެއް ކަމުން ހޭދަކުރެވޭ ވަގުތު ގިނައެވެ. އޭނާގެ ހަޔާތުގެ ގިނަ ކަންކަން ލޫކްއަށް ހިއްސާ ކުރެއެވެ. ރުއާނާއަށް ކިޔައިދިނުމަށް ފަހު އެވާހަކައާއި ގުޅުން ހުރި ވާހަކައެއް ދައްކަން ވާ ވަގުތު ލޫކް އާއި ދުރަށް ދާން ޖެހޭތީ އެކަމާއި މާ ވަރަށް އިޒްވާއަށް ވިސްނުނީއެވެ. އެންމެ ފަހުން ރޭގައި އޭނާގެ ޙާލު ބަލަން ލޫކްއައި ވަގުތު ހުރިހާ ވާހަކައެއް ލޫކްއަށް ހިއްސާ ކުރިއެވެ.
އިޒްވާ ނިތް އަރުވާލީ ބުނާށޭ ބުނާ ފަދައަކުންނެވެ.
”މާދަމާ ރޭ ވެޑީންއަށް ދާ ފަހުން ދެން ރޫމްގަ ތިބޭނީ ތި ދެމީހުންނެއްނު. އެވަގުތެއްނު ވެޑިން ގިފްޓްސް ތައް ކެނޑުމާއިވެސް އުޅޭނީ.. މިހާރު އީތަން ވެޑީންގ ގިފްޓްސް ވެސް ރެޑީ ކޮށްފި..އެކަމަކު އިޒީ އެކަމާއި ނޫޅޭ އަދިވެސް.. ވިސްނައިފިންތަ ދެނެ އެއްޗަކާއި މެދު؟“
”ސުބްހާނައްﷲ..އެވަރުގެ ވާހަކައެއް އަހަންތަ އެހާ ދުރުން ތިފެށީ“ ދެފަރާތައް ބޯހޫރުވާލެވުނު އިރު އިޒްވާއަށް ހެވުނެވެ. ”އީތަން ކޯއްޗެއް ހޯދީ؟“
”ތިދެން މީހުން ކުރާ ކަހަލަ ސުވާލްތަ؟ މަ ނޫޅެން އޭނާ އެކުރި ހުރިޙާ މަސައްކަތެއް ބޭކާރު ކޮށްލާކަށް“ އިޒްވާގެ ބޮލުގައި ލޫކް ޖެހިއެވެ. ކުޑަ ތަދެއް ވެގެން ދިޔުމުން އަނގައިން އަޑެއްލައްވާ ލާފައި ބޮލުގައި އިޒްވާ ފިރުމާލިއެވެ.
”ދޭނެ އެއްޗެއް ނޭނގިގެން އެކަމާއޭ މިވިސްނަނީ“
”މަ ދެންތަ ސަޅި އައިޑިއާރއެއް؟“ ލޫކް އެހުމުން އިޒްވާ ބޯޖަހައިލާފައި ، އޭނާގެ މޫނަށް ބަލަން ފެށީ ޝައުގުވެރިކަމާއި އެކުއެވެ.
”ތިހާ އަޑުއަހާ ހިތުން އިނީމަ މިހާރު ނެތް ބުނާ ހިތެއް“ ލޫކް، އޭނާގެ ލާނެތްކަން ދައްކާލިއެވެ. ދެނޭ ކިޔާ ކުސްތަޅާލަމުން ބުނަން އެދުނެވެ. ލޫކްގެ އަތުގައި ހިފައިގެން އިނދެ އިޒްވާ ތުންދަމާލިއެވެ.
”އަހަހަ އޯކޭއި.. ބުނަން މިއުޅޭ ވާހަކައިގެ ގޮތުން ނޫނެކޭ ބުނެފާނެތީ ވެސް އެބަ ޖެހިލުން ވޭ.. އެކަމަކު ވެސް މިބުނަނީ އެނގޭ.. އިޒީ ބުނަންވީނު ލޯބިވާ ވާހަކަ.. އީތަންގެ ގާތުގަ.. އެއީ ކަންނޭގެ އީތަންއަށް ލިބޭނެ އެންމެ ބޮޑު ހަދިޔާއަކީ“ ލޫކްގެ އަޑައް ސީރިއަސްކަން ވެރިކޮށްލަމުން އަހާލިއެވެ. އިޒްވާއަށް ބަލަހައްޓައިގެން އިނދެވުނީއެވެ. އިރުކޮޅަކު އެގޮތުގައި އިނދެ ދެފަރާތައް ބޯހޫރުވާލިއެވެ. ލޫކްގެ މޫނަކުން ތަފާތެއް ނުފެނެއެވެ. މާކުރިން ވެސް އިޒްވާގެ ޖަވާބަކީ އެއީކަން އޭނާއަށް އެނގެއެވެ.
”ކީއްވެ؟“
”ރޭގަ އެއްނު ކިޔައިދިނީ ހުރިހާ ވާހަކައެއް.. ރުއާ އިއްޔެ ތިވާހަކަ ދެއްކީމަ ވެސް އަހަރެން ބުނިން އަދި ބުނެވެން ނެތް ވާހަކަ .. ނޫހްއާއި އެކީގައި އަހަރެން އުޅުނިން ދިހަ އަހަރު ވަންދެން.. އުމުރުން ފަނަރަ އަހަރުން ފެށިގެން ފަންސަވީސް އަހަރު ވަންދެން.. ނޫހް ދެކެ ވެވުނީ އާދައިގެ ލޯތްބެއް ނޫން.. އެކަނިން ސްޓްރަގްލް ކުރި ކަންކަން ކިޔައިދިނީމެންނު.. އޭގެ ފަހުން މިވީ އަހަރު ތެރޭގައި ވަރަށް މަސައްކަތުން އެކަންތައް ހަނދާން ނައްތާލެވުނީ.. އަހަންނަށް އީތަންއަށް ފޯލް ވެވުނީ ނުވެސް އެނގި ހުއްޓަ.. އީތަން ކަމުދާ ވާހަކަ ބުނީމަ ވެސް މިހުރެވެނީ ނޫހް ކަންތައް ކުރިގޮތުން އިތުބާރު ކުރަން ޖެހިލުން ވާތީ.. ފާޑަކަށް ބިރު ގަންނަނީ.. ހިތައް އަހަރަނީ ދިހަ އަހަރު ވަންދެން އެކީގައި އުޅުނު މީހަކު އެހެން ހެދިއިރު، އޭގެ މާ ފަހުން ދިމާވި މީހަކު ކިތަންމެ ކެއާރ މިހާރު ދިނަސް ފަހުން ބަދަލު ނުވެ ހުރެދާނެބާއޭ.. އެ ފިއަރ ހިތުގަ ބަނދެވިފަ އޮތީ ވަރަށް ބޮޑަށް“ ދެއަތް ދެއަތާއި ގުޅުވާލަމުން އޭނާގެ ހިތުގައި އޮތްގޮތައް ވާހަކަ ދެއްކިއެވެ. އީތަންއާއި ނޫހްގެ ހުރި ތަފާތު އެންމެ ފުރަތަމަ ދުވަހު ވެސް އިޒްވާއަށް ފާހަގަވިއެވެ. އީތަންއަށް ހިތް ލެނބިގެން ދިޔައީ ވެސް އެހެންވެއެވެ. ހިތުގެ އަޑިން އީތަން ދެކެ ރުހެވޭ އިރުވެސް އެވާހަކަ ބުނަން ބޭނުން ނުވަނީ އެކަމުގެ ސަބަބުންނެވެ. އެހެނަސް ހިތައް އުނދަގު ވަނީއެވެ. އީތަން ވެސް ބަދަލުވެދާނެތީ އެ ބިރު ގަންނަނީއެވެ.
”އިޒީ.. ތި ފިއަރ އަންޑަސްޓޭންޑް ވެއޭ.. އެކަމަކު އަހަންނަށް ވެސް އެހެން އެންމެންނަށް ވެސް ފެނޭ އީތަން އިޒީއާއި ހެދި އުޅޭ ގޮތް.. އެކަމަކު އެހެން ނޫހް ނޫޅެއެންނު ދުވަހަކު ވެސް.. ދޮގެއްތަ މިއީ؟ އީތަންއާއި މަ މިހާ ގާތް އިރުވެސް، ނޭނގޭ ކަމެއް އިޒީ ބުނެދިނީ ރޭގަ.. ބުނީ މެންނު އީތަންގެ ލިމިޓްސް ވާހަކަ .. ކުޑޫ އީތަންއާއި ބްރޭކްއަޕް ކޮށްލި ރީޒަން.. އަހަރެން ހާދަ އުފާވިއޭ އީތަން ދޫކޮށްލާފަ ކުޑޫ ދިޔައީމަ..ކުޑޫ ކަހަލަ މީހަކު އެއްގޮތަކަށް ވެސް އީތަން ކަހަލަ ރަނގަޅު މީހަކަށް ނުގުޅޭ… އެއްބަނޑު އެއްބަފާ މީހަކަށް ވިޔަސް މަ ވާހަކަ ދައްކާނީ ތެދަށް.. އެހުރިހާ ވާހަކައަކަށް ފަހު މަގޭ ހިތުގަ އީތަންއަށް އޮތް ރެސްޕެކްޓް އެތައް ގުނައެއް އިތުރު ވެއްޖެ.. އިޒީ ބުނެބަލަ އެކަހަލަ މީހަކު މިހާރު އުޅޭނެތަ؟ ދެޓް ލުކް .. ދެޓް ގޭޒް، އޮންލީ ފޯރ ޔޫ.. އިޒީއަށް ކޮންމެ ކަމެއް ވިޔަސް އެހުންނަނީ އޭނައެއްނު އެންމެ ކައިރީގަ.. މަށައް ޔަގީން ނޫހްގެ ފެންވަރަށް އީތަން ދުވަހަކުވެސް ނުވެއްޓޭނެ ކަން.. މަށާ އެއްކޮން އުޅޭ އިރުވެސް އިޒީގެ ނަން ނޫން އިތުރު އެއްޗެއް އޭނާގެ އަނގަޔަކުން ނުނިކުމޭ.. އޭނަ ވަރަށް ލޯބިވޭ.. އެހެން ނުހަދާ މިކަމާ އުޅެންވީ އެންނު… ކިހާ ސަޅި ވެޑިންގ ގިފްޓަކަށް ވާނެތަ؟“ ލޫކް ވާހަކައަށް ފަހު އިޒްވާއަށް ބަލަން އިނެވެ. އެއްޗެއް ބުނޭތޯއެވެ.
”އެކަމަކު އޭނަ ދުވަހަކުވެސް ނުބުނޭ ލޯބިވާ ވާހަކައެއް.. ލައިކްވާ ވާހަކަ ބުނީ“
”އަޖައިބެއްނު އިޒްވާ .. އެދެލޮލަށް ނިކަން ބަލައިލަބަލަ .. އިޒީ އަށް ނޫން އެންމެނަށް އެނގޭ އީތަން އިޒީ ދެކެ ލޯބިވާކަން“ ލޫކްއަށް ދެފާރަތައް ބޯހޫރުވާލެވުނެވެ. އިޒްވާގެ ނަން ލޫކް ބުނެލިގޮތުން އޭނާގެ ގާތައް ހިނިއަންނަ ގޮތްވިއެވެ.
”ދެއަރ ހީ އިޒް“ ލިފްޓުން ފައިބައިގެން އައި އީތަން ފެނިގެން އިޒްވާއަށް ލޫކް ދައްކާލިއެވެ. ކީވާންއާއި ކޮންމެވެސް ވާހަކައެއް ދައްކަމުން ދިޔައިރު ދެމީހުން ދިޔައީ ހެމުންނެވެ. އިޒްވާ ފެނުމުން އެ ރަތް ތުންފަތުގައި ދުވެލަ ދުވެލަ ހުރި ލާނެތް ހިނިތުން ވުން ލޯބިވެތި ހިނިތުން ވުމަކަށް ބަދަލްވިއެވެ. ލިފްޓާއި ހިސާބުން އިޒްވާ ކައިރިއަށް އާދެވެންދެން އެ މޫނުން ކަޅި ދުރުކޮށް ނުލައެވެ.
”ހޭއި .. އެއްޗެއް ކެއިންތަ؟“ އެހެންމީހުންނަށް ފަހްމް ނުވާނެހާ މަޑުމަޑުން އީތަން އަހައިލިއެވެ. އީތަން ބަލަމުން އައިގޮތުން ހިސާބަކަށް ލަދުގަނެފައި ހުރެ އިޒްވާ ބޯޖަހައިލިއެވެ.
”ޕެކް ކޮށްފިންތަ؟“
”މްމްމް.. އީތަން ކައިފިންތަ؟“
”ޔެސް، އަހަރެމެން ދެމީހުން ކައިގެން މިއައީ.. އެޕާރޓްމެންޓްއަށް އެއްޗިސް ގެންދަން މިރޭ ދާނަން…އެކަން ނިމިގެން ދިމާ ވެވޭނެތަ؟“ އީތަން އަހާލިއެވެ. އެހިނިތުންވުމުގައި ހުރެ އިޒްވާ ބޯޖަހައިލިއެވެ.
ކީވާންއާއި ލޫކް ވާހަކަ ދައްކަން ތިބި އިރު އިޒްވާއާއި އީތަން ދިޔައީ ބަސްމޮށުންތެރި ކަމަކާއި ނުލާވެސް ލޮލުގެ އިޝާރާތުން އެކަކު އަނެއްކަކާއި ވާހަކަ ދައްކަމުންނެވެ.
”މިދެމީހުން މިހާ އަނގަ ތަޅަ ތަޅާފަ އުޅުނު އިރު، މިހާރު އިންނަން ކައިރިވީމަ ހީވަނީ ދެގުރާ ހެން“ އީތަންއާއި އިޒްވާގެ ހަމަހިމޭން ހިނިތުންވުންތައް ނަގައިގަނެވިގެން ކީވާންއަށް ދިމާނުކޮށްލާ ނުހުރެވުނެވެ. ލަދުން އިނދެ އިޒްވާ ހީލިއެވެ.
”މިވެސް ލޯބީގެ ވައްތަރެކޭ.. ކޮބާތަ އާލިއާ؟.. އެކަންތައް ނިންމާކަށް ނުވޭތަ.. އަޑު އެހިން އާލިއާ ފަހަތުން ޑޮކްޓާރ ހޭޒް އުޅޭ ވާހަކަ“ ކީވާންއާއި ދިމާކޮށްލީ އީތަންއެވެ. އީތަން އެދިނީ އާ ހަބަރެކެވެ. ހޭޒްއަކީ ދާދިފަހުން އެތަނާއި ގުޅުނު ޑޮކްޓަރެކެވެ. އޭނާ މެސެޖް ކުރުމުން އެންމެ ފަހަރަކުވެސް އާލިއާ ރައްދެއް ނުދެއެވެ. ކީވާންގެ މޫނުމަތި ހިސާބަކަށް ބަދަލްވިއެވެ. ނަމަވެސް ފަޅި ސިކުންތުގެ ތެރޭގައި އެހިނިތުންވުން އިޔާދަ ކޮށްލަމުން މޫނުމަތީގައި ވި ކުލަވަރު އޮއްބާލުމުގައި ކާމިޔާބު ހޯދިއެވެ.
”އެކަމާއި ވެސް އެބަ އުޅެމޭ.. އަދި އެކަމަކު ވާގޮތެއް ނުވޭ.. މިހާރު ލިއަމް މިގުޅަނީ ކީއްވީ؟“ ކީވާންއަށް ލިއަމް ގުޅުމުން ފޯނު ނަގާފައި ހަލޯ އޭނާ ބުނެލިއެވެ.
”ތިން މީހުން ދާށޯ ކުލާހަށް.. ތިމީހުން އެކަންޏޯ މަދީ“ ލިއަމް ބުނިގޮތައް ކީވާން ބުނެލިއެވެ.
”ދޮންބެ ބުނި އިރުކޮޅެއް ވާނެއޭ.. އެހެންވެ މިތިބީ އަދި“
އިޒްވާ ވެސް ގޮޑިން ތެދުވެ ހިނގައިގަތެވެ. ތިންމީހުންނަށް ދެވުނު އިރު ރުއާނާ ވެސް ކްލާހަށް އައިސް ވަންނަނީއެވެ. އެމީހުންގެ ފަހަތުން އެތެރެއަށް ވަންނަން ދިޔަ ހިނދު ރުއާނާގެ ފޯނަށް އީމެއިލްއެއް އައުމުން މަޑު ޖައްސާލިއެވެ. ބަލާލި ހިނދު އައި.އެން މެޑިކަލް ޔުނިވާރސިޓީގެ ނަމުގައި އައިސް އިން އީމެއިލަކަށް ވާތީ ހިސާބަކަށް ހައިރާންވިއެވެ. ފުރަތަމަ ވެސް ހަނދާންވީ ލިއަމްގެ މަތިންނެވެ. އެވަގުތު ކްލާސްތެރޭގައި ހުރި ލިއަމްއަށް، ބޯ އަރިކޮށްލައިގެން ހުރެ ބަލައިލެވުނެވެ. އޭނާގެ މޫނުމަތިން ހަމަޖެހިލާފައި ހުރިތަން ފެނުނު ނަމަވެސް ހިތް ނުބައިގޮތަކައް ތެޅިގަނެއްޖެއެވެ.
”ތި މީހުން ދޭ … މިޗެކް ކޮށްލާފަ ދާނަން“ ރުއާނާ ބުނުމުން އެމީހުން އެތެރެއަށް ވަދެގެން ދިޔައެވެ. އީމެއިލްއަށް ރުއާނާ ވަނެވެ. އެންމެ ފުރަތަމަ ވެސް ދެވުނު ނަޒަރުން މުޅި ކުއްޖާ ވެސް ސިހިއްޖެއެވެ. ފަނަރަވަރަކަށް ފޮޅުވަތުގެ ޕެރެގްރާފް ކިޔާ ނިމުނު އިރު އަނގަމަތީގައި އަތް އެޅިއްޖެއެވެ. އެތަނުގެ ފަރާތުން ރުއާނާގެ ކިބައިން އެތައް ފަހަރަކު މާފަށް އެދިފައިވީ އިރު އެކަމަށް ފިޔަވަޅު އެޅިފައި ނުވާތީ އެކަމާއި ހިތާމަ ކުރާ ވާހަކަ ދައްކާފައި އޮތެވެ. އޭގެ އިތުރުން އެތައް ވާހަކަ އެއް ދައްކާފައި އޮތް އިރު އެއިން ކަމަކާއި މާ ބޮޑު އަޅާލުމެއް ދޭކަށް ނޫޅުނެވެ. ހަގީގަތުގައި އެއީ މިހާރު އޭނާ ވިސްނާ ވެސް ކަންކަމެއް ނޫނެވެ. ނަމަވެސް އިތުރު ސިހުމެއް ލިބުނީ އެންމެ ފަހުން ލިޔެފައި އިން ތަންކޮޅު ކިޔާފައެވެ.
”ވަންސް އެގެއިން، ވީ ސިންސިއަރލީ އެޕޮލޮޖައިޒް.. އޭޒް އަ ރިޒަލްޓް އޮފް ދިސް މިސްކޮންޑަކްޓް، ދެއަރ މެޑިކަލް ލައިސެންސެސް ހޭވް ބީން ޕާރމެނަންޓްލީ ރިވޯކްޑް އެންޑް ކެނޮޓް ބީ ރިއިންސްޓޭޓެޑް“ ދެލޯ ބޯޑުވެފައި ހުއްޓާ ފޯނު އޮތް އަތް ތިރިވެއްޖެއެވެ. އަނެއް އަތުން އަނގަމަތީގައި އަތް އެޅިއްޖެއެވެ.
”އެވަރުގެ ބޮޑު ސްޓެޕެއް އެ ނެގީ ލިއަމް އަހަރެން ކުރެން އަހާވެސް ނުލައޭ.. ހީ ހޭޒް ނޯ ރައިޓް ޓް ޑޫ ދެޓް… އެމީހުން މިހުރިހާ ދުވަހެއްގަ ކުރި މަސައްކަތް އެންމެ ދުވަހަކުން ފެނަށް އެވީ.. އަޅެ އެވަރު ކޮށްލާކަށް ނުވާނެ އެންނު“ އެމީހުންގެ ޑޮކްޓަރުކަމުގެ ލައިސެންސް ހަމަ ބާތިލް ކުރީހެއްޔެވެ. ރުއާނާ ބޯ ހާސްވެއްޖެއެވެ. އޭނާގެ ސަބަބުން އެފަދަ ބޮޑު ކަމެއް ކުރިމަތިވާކަށް ބޭނުމެއް ނޫނެވެ. ނަފްސަށް ރުޅިވެރިކަން ވެރިގަތެވެ. ކްލާހުގެ ތެރެއަށް ވަންނަން ވެސް ބޭނުމެއް ނުވިއެވެ. އެންމެ ފަހުން އޭނާ ލަސްވެގެން އިޒްވާ ނުކުމެގެން އަންނަތަން ފެނި އެތެރެއަށް ވަނެވެ.
”ވަޓް ހެޕެންޑް؟“ ރުއާނާގެ މޫނުމަތީގެ ކުލަވަރު ބަދަލުވެފައި ވީތަން ފެނި އިޒްވާއަށް ނާހާ ނުހުރެވުނެވެ.
”ލޯންގް ސްޓޯރީ“އައިސްފައި ހުރި ރުޅިން އެވާހަކަ ދައްކަން ވެސް ބޭނުން ނުވީއެވެ.
ރުއާނާ ވަދެގެން އައި އިރު ލިއަމްއަށް އެމޫނަށް ބަލައިލެވުނެވެ. ވަގުތުން ރުއާނާގެ މޫނުމަތީގެ ކުލަވަރު ނަގައިގަނެވުނެވެ. މީހަކު ނުބުނެދިނަސް އެއީ ކޮންކަމެއްގެ ސަބަބުން އައި ބަދަލެއްކަން ލިއަމްއަށް އެނގެއެވެ. އޭނާގެ ގާތައް އައީ ލާނެތް ހިންޏެވެ. ކުލާސް ފެށިގެން މެދާއި ހިސާބަށް ގޮސް ބަލައިލި އިރުވެސް ރުއާނާ އިނީ ލޯ އަޅާލައިގެންނެވެ.
”އެކަކު ހެނީ.. އަނެއްކަކު ރުޅި މޫނު ހަދައިގެން… ކިހިނެތްބަ ވީ؟“ ދެމީހުންގެ މޫނުމައްޗަށް އަރާ ފައިބަމުން ދިޔަ ކުލަވަރު ދިރާސާސް ކުރަން އިނދެފައި އީތަން ބުނެލީ ލޫކްއަށް އެކަނި އިވޭވަރަށެވެ. ލޫކް ވެސް ފަސް އެނބުރި ރުއާނާގެ މޫނަށް ބަލާލާފައި ލިއަމްއަށް ކަޅިއެއް އެއްލިއެވެ.
”ދޮންބެ މޮޅުކަމެއް ކޮށްލީ ކަންނޭގެ“ ލޫކް ވެސް ހިނިއައިސް އިނދެ ޖަވާބުދިނެވެ.
އެގޮތުގައި ކްލާސް ނިމުނު އިރު އެމީހުން ރޭވިފަދައިން ޕިއްޒާ ޕާޓީއެއް ޖެހިގެން އޮތް ހުސް ކުލާސް ރޫމުގައި ކުރިއަށް ދިޔައެވެ. ކިޔެވުމުގައި ހޭދަކުރަންޖެހޭ ފަހު ދުވަސްކަމުން އެންމެންގެ މޫނުމަތިން ހިސާބަކަށް މޮޅިވެރިކަމެއް ވެސް ފެންނަމުން ދިޔައެވެ. ކިޔަވައިދިން ހުރިހާ ލެކްޗަރާރ އިން ވެސް ބައިވެރިވިއެވެ. ކޮންމެ ލެކްޗަރާރ އެއް ވަކި ވަކިން ވާހަކަ ދެއްކިއިރު ލިއަމްވެސް ހުރިހާ ކުދިންނާއި މުހާތަބް ކޮށް ވާހަކަ ދައްކާފައި ކުރިއަށް އޮތް އެންމެ ފަހު އިމްތިހާނުން ރަނގަޅު ނަތީޖާއެއް ހޯދުމަށް މަސައްކަތް ކުރަން ބުނެލިއެވެ.
އެކަމުން އަވަދިވީ މެންދުރު އަނބުރާލި ފަހުންނެވެ. ފަހު ދުވަސްކަމުން ދުވަހުގެ ބާކީބައި އޮތީ ހުސްކޮށްލަދީފައެވެ. އިޒްވާ ކައިވެންޏައް ޓަކައި ކުރިއަށް އޮތް ދެދުވަހަށް ވެސް ރުއާނާ ވަނީ ޗުއްޓީ ނަގާފައެވެ. ދަބަހަށް ފޮތްތައް އަޅައިގެން އޭނާއަށް ނުކުމެވުނީ އެހެން މީހުންނަށް ވުރެން ލަހުންނެވެ. ރުއާނާގެ ގާތުގައި އައުމަށް ބުނެ އިޒްވާއާއި އީތަން ވަކިން ނުކުތް އިރު ލޫކް ވެސް އެހެން އެކުވެރިއަކާއި ވާހަކަ ދައްކަމުން ނުކުތީއެވެ. ލިފްޓުން ފޭބުނު ހިނދު ފޯނު ރިންގުވަމުން ދާތީ ބަލައިލި އިރު ޖެފްރީންއެވެ. ނަގާފައި ވާހަކަ ދެއްކި ހިނދު އޭނާ އެދުނީ ބޭރަށް ނުކުމެލުމަށެވެ. ގޭޓު ކައިރީގައި ހުރި ވާހަކަ ބުނެފައި ފޯނު ކަނޑާލިއެވެ. ނުކުތް އިރު ޖެފްރީން ހޯދަކަށް މާގިނަ މަސައްކަތެއް ކުރާކަށް ނުޖެހުނެވެ.
ގޭޓު ކައިރީގައި ހުރި ޒުވާނާއަށް ރުއާނާ ފެނުމުން ހުރިހާ ދަތެއް ފެންނަ ވަރަށް ހީލައިފިއެވެ. ވަރުގަދަ ހަށިގަނޑަކާއި އެކު ދިގު އިސްކޮޅެކެވެ. ހުދު ހަންގަނޑާއި އެކު ކަންފަތް ފޮރުވޭވަރަށް ހުރި ބްލޮންޑް އިސްތަށިގަނޑު ނުހަނު ގުޅެއެވެ. އީތަންއާއި އިޒްވާ ވެސް ފެނުމުން މަޑުކޮށްލުމަށް އެދިފައި ރުއާނާ އެދިމާލަށް ދުއްވައިގަތެވެ. ދިޔަގޮތައް ގޮސް ޖެފްރީންގެ ގައިގާ ބައްދާލިއެވެ.
“ އައި މިސްޑް ޔޫ ސޯ މަޗްޗް“ އަކުރު ތަކަށް ދަމާލާފައި އޭނާ ވާހަކަ ދެއްކިއެވެ. ރުއާނާގެ ގައިގާ ދެއަތުން ވަށާލި އިރު އެ މޫނުމަތިން ފުޅާ ހިނިތުންވުމެއް ފެނެއެވެ.
”މޯރ މޯރ… އާހްހް ހާދަ ދުވަހެއް ވެއްޖެއޭ ދިމާ ނުވާތާ.. ހައު ހޭވް ޔޫ ބީން؟“ ވަކިވަކި އަކުރުތަކަށް ދަމާލާފައި ރުއާނާ ވާހަކަ ދެއްކިއެވެ.
”އަމް ގުޑް.. ކިހިނެތްތަ ރުއާ؟ މިކޮޅަށް އައި ތަނުން އަދި ދެންމެ ވާހަކަ އެއްވެސް އަޑުއަހާފިން ..“
”ޑޯންޓް ޓެލް މީ، އިޓްސް އެބައުޓް ދެއަރ ލައިސެންސް؟“
ރުއާނާ އަނގަޔަށް ވައްތާރެއް ޖައްސާލިއެވެ. ޖެފްރީން ފެށީ ހޭށެވެ.
”ބީ އެފް ތަ އެއީ؟“ އޭނާ އަހާލިއެވެ. އެހިނދު ރުއާނާގެ މޫނަށް ފާއްދާލީ މަޑުރަތްކަމެކެވެ. ވަކި އެއްޗެއް ރުއާނާ ނުބުންޏެވެ.
”ބަޓް ހީ އިޒް ސްޕެޝިއަލް ދޯ؟ އޭނައަށް ރުއާ ހާދަ އިމްޕޯޓެންޓް ވެގެންނޭ އެފަދަކަމެއް ކޮށްދޭނީ“ ޖެފްރީން މައުނަވީ ގޮތަކަށް ބުނެލިއެވެ.
”އައި ފީލް ބޭޑް އެބައުޓް ދެމް.. އެހާބޮޑު އަދަބެއް ނުދިނަސް ސަސްޕެންޑަކުން ފުދޭނެ.. އޮޅިގެން ބުނެވުނީ ބުލީގެ ވާހަކަ.. އެވެސް މިއަދު ހެނދުނު.. ދެން އޭނާ ކުރި ކަންތައް މިއީ“
”ތެދުތެދަށް ބުނާނަމަ ލިއަމް އެހެދީ ހަމަ ރަނގަޅަށް.. ސަސްޕެންޑަށް ފަހު ވެސް އައިސް އެކަމޭ އެމީހުން ކުރާނީ…ކިހާ ވަރަކަށް ރުއާ ސަފާރ ކުރިން.. ރުއާ އައިފަހުން ވެސް އެމީހުންގެ އެ އަމަލުތައް ނުހުއްޓި.. އެމީހުންނަށް ވުރެން ނިކަމެތިހެން ހީވާ ކޮންމެ ބަޔަކާއި ފޮށޭނެ.. އަދި އެނގޭތަ، ތީއޭޓާރ އިން ޓޭބަލް ޑެތް ކޭސްތަކެއް ވެސް ފެންމަތިވި.. އެކަމުގަ ވެސް އެމީހުން އުޅެނީ.. އެ ފަސް މީހުން.. މިހާރު ލައިސެންސް އަތުލީމަ ހުންނާނީ އެއްޗެއް ވިސްނިފަ.. ވަރަށް ގިނަ ކުދިން ބުންޏޯ އެހެދީ ހަމަ ރަނގަޅަށޭ.. ދެންމެ ފްރެންޑެއް ގުޅާފަ އެހެން އެކީ“ ޖެފްރީން ކިޔައިދިނެވެ.
”ޓޭބަލް ޑެތްސް؟ ދެން އެމީހުންގެ މައްސަލަ ނުބަލާތަ؟“
”ބެލި.. ހޮސްޕިޓަލްގެ ބައެއް ބޯޑު މެމްބަރުންގެ ދަރިން ވެސް އުޅޭތީ އެމީހުން އޮތީ އެތެރެއިން ހިންދާލާފަ.. އެތާގެ ޗެއާރމަންއަށް އެހުރިހާ ވާހަކައެއް އެގިގެން ބޯޑު މެމްބަރުންވެސް ވަކިކޮށްފި.. އެ ފަސްމީހުންނަށް އަންނާނެ ވަރުގަދަ ޖަލު ހުކުމެއް ވެސް“
“އޯހްހް“ ރުއާނާއަށް ބޯޖަހައިލެވުނެވެ. ލިއަމްދެކެ އައިސް ހުރި ރުޅިތައް ވެސް ފިނިވެގެން ދިޔައެވެ. އެފަދަ ބަޔަކަށް ވީހާވެސް ބޮޑު ޝަޒާއެއް ހައްގުކަމުގައި ހިތާހިތުން ބުނެވުނެވެ.
”އެހެންވެ މިބުނީ ހަމަ ރަނގަޅަށޭ އެހެދީ.. ދެން އެކަމާއި ނުވިސްނާ ހިނގާބަ ކޮފީއަކަށް.“ ޖެފްރީން ރުއާނާގެ އަތުގައި ހިފަހައްޓާލަމުން ބުނެލިއެވެ.
“ޖެފް އަމް ސޮރީ އިނގޭ.. މިއުޅެނީ ބެސްޓްފްރެންޑްގެ ވެ-.. މަޑުކޮށްލައްޗޭ“ ފޯނަށް މެސެޖްއައި އަޑު އަހާފައި ރުއާނާ ބަލައިލިއެވެ. ލިއަމްގެ މެސެޖެއް ކަމުން ނިތައް ރޫ އަރުވާލައިގެން ހުރެ ބަލައިލިއެވެ.
”ބުނޭ އޭނަ ކައިރީގަ ދުރުގަ ހުންނާށޭ“ މެސެޖާއި އެކު ރުއާނާގެ ކަޅި މުޅި މާހައުލަށް ހިންގާލީއެވެ. އޭނާއަށް ލިއަމް ފެނުނީ ގަރާޖުގެ ތެރެއިންނެވެ. ކާރުގެ ދޮރުފަތުގައި ފަރުވާކުޑަ ގޮތަކަށް ލެގިލައިގެން ހުރިއިރު، އެއް އަތުގައި އޮތީ ކޮފީ ތައްޓެކެވެ. ހުއްޓިގެން ހުރިގޮތުން ހީވަނީ ފެޝަން މެގަޒިންއެއްގެ ބޭރުގަނޑުން ފެންނަ ފަދަ މޮޑެލްއެއް ހެންނެވެ. ނަމަވެސް، ރުއާނާއަށް ކަޅި ހުއްޓާލައިގެން ހުރި އެ ތޫނު ދެލޮލުގައިވީ ނުރައްކާތެރި ވިދުވަރެކެވެ.
”ކިހިނެތް ވީ؟“ އެ ނަޒަރުން މުޅި ހަށިގަނޑުގައި ހީވީ ފިނީގެ ރާޅެއް ދަތުރު ކޮށްލިހެންނެވެ. ނަމަވެސް އެކަން ނުދައްކާ ރުއާނާ އަވަސް ނޭވާއެއް ބޭރުކޮށްލީ ހަމަޖެހޭކަން ދެއްކުމުގެ ގޮތުންނެވެ.
”ބިކޯޒް ޔުއާރ އެޓެންޝަންސް ބިލޯންގްސް ޓު ހިއަރ“
ލިއަމްގެ މެސެޖުން މިފަހަރު ވެސް ރުއާނާއަށް ވެގެން ދިޔައީ އެފަދަ ގޮތެވެ. ދެއަތް ހީވަނީ ފިނިކަމުން ގަނޑުފެނުގެ ތެރޭގައި ގެންގުޅެފައި ނެގިހެންނެވެ. ”ޔޫ ޑޯންޓް އޯވން މީ“ ޖަވާބުގައި ރުއާނާ ފޮނުވާލިއެވެ.
ނަމަވެސް ލިއަމް ހުރީ ދޫދޭ ގޮތަކަށް ނޫނެވެ. ވަގުތުން ދެން އައި މެސެޖުން ރުއާނާގެ މޫނުމަތީގެ ކުލަވަރު މުޅިން ބަދަލުކޮށްލިއެވެ. ގަތް ލަދުން މުޅި މޫނު ރަތްވެގެންދިޔައެވެ. ”ފަނީ، މިހާ އަވަހަށް ހަނދާނުން ނެތުނީތަ ކުރީ ދުވަހު އަހަރެންގެ ރޫމް ތެރޭގަ ހިނގާދިޔަ ކަންތައް؟ އަޅެ އޭނައާއި ވާހަކަ ދައްކަބަލަ ދެން ވާ ގޮތެއް ބަލާލަން“
ފޯނުން ނަޒަރު ވަކިކޮށްލަމުން ރުއާނާ އިސްއުފުލާލި އިރު ލިއަމް ބަލަހައްޓާއިގެން ހުރެފައި އޭނާގެ ފޯނު ޖީބަށް ކޮށްޕާލިއެވެ. ކޮފީތަށީގާ ބާކީ ހުރިބައި ބޯލަމުން އަތުގެ ތެރޭގައި ތަށި ބޮނޑިކޮށްލިއެވެ. ހިންދިރުވާލަމުން ރުއާނާ ވެސް ފޯނު ލޮކް ކޮށްލިއެވެ. ދެން ފެށީ ޖެފްރީން އާއި ވާހަކަ ދައްކާށެވެ.
”ސޮރީ ޖެފް، އަހަރެންގެ ބެސްޓްފްރެންޑް ގެ ވެޑިން މާދަމާ އޮންނާނެ.. ސޯ އެބަހުރި ރެޑީ ތަކެއް ވެސް ވާން ޖެހޭ.. އެހެން ފަހަރަކުން ވާނެ ދޯ ކޮފީއެއް ބޯލަން ދާން“ ރުއާނާގެ ޖުމްލަތަކާއް އެއްބަސްވެލުމުގެ ގޮތުން ޖެފްރީން ވެސް ހިނިތުންވެލަމުން ބޯޖަހައިލިއެވެ. އަދި އޭނާ ހުންނަ އެޑްރެސް ވެސް ރުއާނާއަށް ދިނެވެ. ދެމީހުން ވާހަކައިގާ ތިބުމުން ލިއަމް އައިސް ގާތައް ހުއްޓުނު އިރުވެސް ރެއަކާއި ލާ ގޮތެއް ނުވިއެވެ.
”ޑަން ބޭބީ؟“ ސިހިފައި ރުއާނާ ބަލައިލި އިރު ޖެހޭ ނުޖެހޭ ހިސާބުގައި ލިއަމް ހުއްޓިލައިގެން ހުއްޓެވެ. ސިހުނު ވަރުން ކުޑަ ހަޅޭކެއްގެ އަޑުވެސް އަނގައިން ބޭރުވިއެވެ.
”އޮހް، އިޒް ދިޒް ހިމް؟ ހެލޯ“ ހިތްހެޔޮ ހިނިތުންވުމަކާއި އެކު ޖެފްރީން އަތް ދިއްކޮށްލުމުން ލިއަމް ދެލޯ އަޅާލާފައި ބަލައިލީ ރުއާނާގެ މޫނަށެވެ. ރުއާނާ އިޝާރާތްކޮށްލީ ސަލާމް ކޮށްލުމަށެވެ. ހިތާއި ދެކޮޅަށް ނަމަވެސް ޒާތެއްގެ ހިނިތުންވުމެއް ވެރިކޮށްލަމުން ސަލާމް ކޮށްލިއެވެ.
”އޯކޭ ރުއާ. ދަނީ އޭ.. އަދި އެބަ ޖެހޭ ޖީ އެފް އާއި ވެސް ދިމާ ވެލަން.. އޭނަގެ ކަޒިންއެއްގެ ވެޑީން ވެސް މާދަން އޮވޭ .. އެހެންވެއާއި އެއްކޮން ތަންކޮޅެއް ކުރިން މިކޮޅަށް މިއައީ.. އަސްލު އަދި ދެދުވަސްފަހުން ހޮސްޕިޓަލް އިވެންޓް އޮތީ“ ޖެފްރީންގެ ޖުމްލަތައް މިފަހަރު އިވި ލިއަމްގެ މޫނަށް ވެރިކޮށްލައިގެން ހުރި ހުރިޙާ އަސަރެއް ނެތިގޮސްފިއެވެ. އަނގަ ސަކަރާތްވިއެވެ. އެ މަންޒަރު ދެކެން ހުރި ރުއާނާގެ ގާތައް ހިނި އައިވަރުން ތުންފަތުގައި ބާރަކަށް ދައިގަނެވުނެވެ. ޖެފްރީން ދިޔަ ހިނދުއައިސް މަޑުކޮށްލީ އީތަންއާއި އިޒްވާއެވެ. ރުއާނާއަށް ހުރެވުނު ގޮތުން ދެމީހުން ނިތް އެއްލުމުން ވަކިން ބޮޑަށް ނުހީ ކެތްކޮށްލަން ދިޔައީ އުނދަގޫވެގެންނެވެ.
”ހިނގާ .. “ ލިއަމްވެސް ޒާތަކައް ހެވިފައި ހުރެ ކާރަށް އެރިއެވެ. ރުއާނާ މާ އަވަހަކަށް ހިނގައިގަތްތަން ފެނި އެއަށް ވުރެން ކުރިން އިޒްވާއާއި އީތަން ގޮސް ފަހަތައް އަރައިފިއެވެ. އެންމެފަހުން ޖެހުނީ ކުރިޔަށް އަރާށެވެ. އެމީހުން ދިޔައީ ލަވާލްއާއި ޔާސިރްގެ ހާއްސަ ދައުވަތަކަށެވެ. ކައިވެނީގެ ކުރިން އާއިލާ އެއްތަން ވެލަން ބާއްވާ ހާއްސަ ކެއުމަކަށެވެ. ވަގުތުގެ ގޮތުން ޓްރެފިކްގައި ނުޖެހި ފުދޭވަރަކަށް އަވަހަށް މަންޒިލަށް ފޯރިއެވެ.
ކައިވަންއާއި ޔޫމީންއަށްވެސް އެހިސާބަށް ފޯރުނީ އެމީހުންނާއި ދާދި އެކުއެކީގައެވެ. ކާރުން ފޭބުނު ހިނދު ރުއާނާ ފެނިގެން ޔޫމީން ނިކަން ހިނިއައިސްހުރެ އައިސްފިއެވެ. ލިއަމް ފައިބައިގެން އައިސް ރުއާނާގެ ފަހަތައް ހުއްޓުމުން އޭނާއަށް އިރުކޮޅަކު ބަލަން ހުރެވުނެވެ. ވަކިވަކީން ދެޒުވާނުންގެ މޫނަށް ބެލުނެވެ. ”މާޝާﷲ.. ހާދަ ގުޅެއޭ ދެކުދިން“ އެކަކު އަނެއްކަކާއި ގުޅޭވަރުން ޔޫމީންއަށް ބުނެނުލާ ނުހުރެވުނެވެ. އެހިނދު ރުއާނާގެ މޫނުމަތިން ފެނުނީ ލަދުރަކި ހިނިތުންވުމެކެވެ. ލިއަމް ހީލަމުން ރުއާނާއަށް ނުފެންނާނެހެން ޔޫމީންއަށް އެއްލޯ މަރާލިއެވެ.
”ލާނެތް ކުއްޖާގަނޑު..ހައްހަހާ“ ހިނިގަނޑެއް ޖަހާލަމުން ލިއަމްގެ އަތުގައި ޖަހައިލިއެވެ. ރުއާނާގެ އަތުގައި ހިފައިގެން އެތެރެއަށް ވަތްއިރު އިޒްވާއާއި އީތަންވެސް އަމިއްލަ ދުނިޔޭގައި ތިބެ އެމީހުންގެ ފަހަތުން ދިޔައެވެ. ކޮންމެވެސް ވަރަކަށް ވާހަކަ ދައްކަމުން ދިޔައިރު، ބައްދަލް ކޮށްލާ ނަޒަރުތައް ގިނައެވެ.
އެތެރެއަށް ވަތްއިރު ބާކީ ތިބި އާއިލާގެ މެމްބަރުން އެތަނުގައި ތިއްބެވެ. އީތަންގެ ފަރާތުން މީހަކު ނެތް ނަމަވެސް އިޒްވާގެ މުޅި އާއިލާ ތިބެފައި އެ އުނިކަމެއް ފެންނަވަރެއް ނުވިއެވެ. އުފާވެރި މާހައުލެއްގައި ތިބެ ކެއުމަށް އިންސާފްކުރަން ފުރަތަމަވެސް ވަނީ ކާބަޔަށެވެ. ލަވާރްއާއި ޔާސިރް އަދި އައްޒާމް އަށް ރުއާނާ ފެނުނީ މުޅިން އަލަށެވެ. ތިން މީހުންނާއި އާއިލާގެ އެހެން ބޮޑެތި މީހުންގެ ހިތްހެޔޮކަން ރުއާނާއަށް ފެނުނެވެ.
“ޔާސިރް، އަހަންނަށް ހީވަނީ ރުއާ ކޮންމެވެސް މީހަކާއި ވައްތަރުހެން.. ވިސްނާ ވިސްނާ ވެސް ސިކުނޑިއަށް ނައިސްގެން މިއުޅެނީ“ ވާހަކަ ދެއްކީ އައްޒާމެވެ.
”ލަވާ ވެސް އެހެން އެކިޔަނީ.. ކޮންމެވެސް މިހަކާއި ވައްތަރުހެން ހީވަނީ.. އަލާނިޔަލް ކިޔައިދިނެއްނު ރުއާގެ ފެމެލީގެ ވާހަކަ.. އެހެންވެ ނުކެރޭނެ އަހާލާކަށް ވެސް.. ކޮށްލެވޭ ސުވާލަކުން ވެސް އެކުއްޖާ ދެރަވެދާނެ“ ޔާސިރް ވާހަކަ ދެއްކީ އައްޒާމް ދެއްކިހާ މަޑުންނެވެ.
އިޒްވާ ފެނުމުން ޔަޒަކް ވަކިން އައުމަށް އެދި ގޮވާލިއެވެ. ލޫކްއާއި އީތަން އެކަކު އަނެއްކަކަށް ބަލައިލިއެވެ. ޔަޒަކް، އިޒްވާ ގެންދާނީ ޔީލާގެ ވާހަކަ ދެއްކުމަށްކަން އެމީހުންނަށް ވެސް އެނގޭ ފަދައެވެ. އެގޮތުގައި ވިއްސަކަށް މިނެޓް ހޭދަވިފަހުން އަލުން އެނބުރި އިޒްވާ ވަނެވެ. އިޒްވާގެ މޫނުމަތީގެ ކުލަވަރު އޭރު ހިސާބަކަށް ހުރީ ބަދަލްވެފައެވެ. ދިޔައިރު އެމޫނުމަތީގައިވި ތާޒާކަމެއް ނެތެވެ. ކާން އިން އިރުވެސް މާ ރަނގަޅައް ކެއި ހެންނެއް ހިއެއްނުވެއެވެ. އެންމެ އަވަހަށް ތެދުވީ ވެސް އޭނާއެވެ. އިޒްވާގެ ފަހަތުން އީތަން ވެސް ތެދުވަތެވެ.
”ޔީލާ ނާދޭތަ؟“ އިޒްވާ ކުރެން އީތަން އަހައިލީ ކާކޮޓަރީގެ ތެރެއިން ނުކުމެވުމުންނެވެ. އިޒްވާ ދޫކޮށްލީ ފުންނޭވާއެކެވެ. އިޒްވާ ބޯޖަހައިލިއެވެ. އިތުރަށް ވާހަކަ ނުދައްކާ ދެމީހުން ނުކުމެލީ ބެލްކޮނީއަށެވެ.
”ޒެކް ދޮންބެ ދެންމެ ވާހަކަ ދެއްކި… ބުނީ ނޫހް އާއި ރުޅިވި ފަހުން ގެއިންވެސް ނުނިކުމެއޭ.. ހޮސްޕިޓަލްއިން ވެސް ލީވް ނަގައިގެން އުޅެނީ.. ވަރަށް ރޮއެރޮއެފަ ބުންޏޯ އިޒީ ކައިރީގަ ބުނާށޭ ސޮރީއޭ.. ދޮންބެއަކަށް ވެސް ނޭނގޭނެ ހިނގައިގަތް އުޅޭ އެއްވެސް ކަމެއް.. ލޫކް ބުންޏޯ އެދެމީހުން ބްރޭކްއަޕްވި ވާހަކަ“ އިޒްވާ ވާހަކަ ދެއްކި އިރު ހުރީ ހިސާބަކަށް ފެންކަޅިވެފައެވެ. އީތަންއަށް އެއަތުގައި ހިފާލެވުނެވެ.
”ދެން ޒެކް ދޮންބެއަށް އެނގޭތަ ޔީލާއާއި އިޒީ ވާހަކަ ނުދައްކަން ފެށީ ކީއްވެކަން؟“
”ނޫން.. ދޮންބެ ކުރިން ވެސް އެހި ކީއްވެހޭ ވާހަކަ ނުދައްކަނީ.. އެކަމަކު އެދުވަހުވެސް އިޒީ ނުދެން ޖަވާބެއް.. ދެންމެ ވެސް އެހީމަ އިޒީ ނުބުނަން ވަކި އެއްޗެއް.. އެކަމަކު ވަރަށް ދެރަވޭ އެބަ.. ކުޑޫގެ ވިއަރޑް ވިހޭވިއަރ އާއި އެކުވެސް ވީ ވާރ ކްލޯޒް ދޯ“ އެހިސާބަށް ވާހަކަ ދެއްކުނި އިރު އިޒްވާއަށް ރޮވުނެވެ. މޫނުމަތީގައި އަތް އެޅުނެވެ. އަޑު ނީއްވި ނަމަވެސް ހިމަ އިނގިލިތަކުގެ ދޭތެރެއިން ކަރުނުތިކިތައް ފޭދެން ފެށިއެވެ. އީތަން އިރުކޮޅަކު ބަލަން އިނދެފައި އެދެއަތުގައި ހިފާ މޫނުން ވަކިކޮށްލިއެވެ. އިޒްވާގެ ދެލޮލުން ފައިބަމުން ދިޔަ ހޫނު ކަރުނުތައް އެދެއަތުން ނުހަނު ލޯބިން ފުހެލަ ދިނެވެ. އިޒްވާގެ މޫނުގައި ދެއަތުން ހިފާލަމުން އުފުލާލިއެވެ.
”ޓެލް މީ ވެން ޔޫ އަރ ރެޑީ.. ވެޑިންގެ ކުރިން އެނގެއަށް ގޮސްފަ ޔީލާއާއި ވާހަކަ ދައްކަން ހިނގާ… ދެމީހުން އެއްކޮން ދާނީ.. ކޮންމެ ގޮތަކަށް ކަން ހިނގާފައި އޮތް ނަމަވެސް ޔީލާއަކީ އިޒީގެ ފެމެލީ.. އަބަދު މޫނު ދެކޮޅަށް އަނބުރައިގެން ނުވެސް އުޅެވޭނެ.. ޔީލާއަށް ނޫހްއާއި އިޒީ ގުޅިގެން އުޅުނުކަން ނޭނގި އޮތްނަމަވެސް، ނޫހް ޖެހިކަން އެނގުނީމަ ސޮރީ ބުނަން އެ އެދުނީ.. އެގެޔަށް ގޮސްފަ ވާހަކަ ދައްކާލީމަ އޭނާ ވެޑިންގ އަށް ވެސް އަންނާނެ ކަންނޭގެ.. މިހާރު އޮތް ސިޗުއޭޝަންގަ އޮވެއްޖެނަމަ ޔީލާއަކަށް ފަސޭހައެއް ނުވާނެ އިޒީއާއި ޓޯކް ކުރާކަށް..“ އީތަން ވާހަކަ ދައްކަމުން ދިޔައެވެ. އިޒްވާ ރުއިމުގެ ތެރެއިންވެސް ބޯޖަހައިލިއެވެ. އީތަން ދެއްކި ޥާހަކަތައް އޭނާއަށް ގަބޫލް ކުރެވުނީއެވެ. މާދަމާ ހެނދުނު ދާނީ ކަމަށް ބުނެލިއެވެ. ޔީލާއަށް އޭނާގެ ކުރިމައްޗަށް އަރަން ނުކެރޭނެކަން އިޒްވާ ވެސް ދަނެއެވެ. ހަމަގައިމު ވެސް ޔިލާ ނެތި އިޒްވާގެ ކައިވެނި ނިމިގެންދާކަން ހިތެއް ނޭދެއެވެ. ނޫހުގެ ހަގީގަތް އެނގުމުގެ ކުރިން ދެ އަންހެން ކުދިންގެ ދެމެދުގައި އޮތީ ނުހަނު ވަރުގަދަ ގުޅުމެކެވެ.
***
”ހޭއި“ ޝިއާ އިނީ ގަހެއްގެ ގޮފިގަނޑެއް މަތީގައެވެ. ގެއްލިފައި އިން ވަރުން ޒައްޔާން އައިސް މަގަތުގައި އިށީން އިރުވެސް އޭނާއަކަށް ނޭނގުނެވެ. ޒައްޔާން ވާހަކަ ދައްކަން ފެށުމުން ސިހުނު ވަރުން ޝިއާއަށް ހަޅޭއްލަވައިގަނެވުނެވެ.
”ކުއްލި ކުއްލިއަށް ވިއްޔަ ފާޅުވާނީ“ ދެލޯ އަޅާލައިގެން އިނދެ މޭމަތީގައި އަތްބާއްވާލެވުނީ ލެވެމުން ދިޔަ އަވަސް ނޭވާތައް ހަމައަކަށް އަޅުވާލުމަށެވެ. ޒައްޔާންގެ އަނގައިން ނުކުތީ ލުއި ހީލުމެއްގެ އަޑެވެ.
”ކޮބާ ހަންޓް ކުރުން ކިހިނެތް ދަނީ؟“ މަޖާ ރާގެއްގައި ޝިއާ އަހައިލިއެވެ. ޝިޔާގެ ސުވާލް ދެނެގަނެވުމުން ޒައްޔާންގެ ހިނިތުންވުން ފުޅާވިއެވެ.
”ކުރިއަށް ދަނީ ހަމަ.. އެކަމަކު ލިއަމްއަށް ޖޮއިން ނުވެވިފަ އެހުންނަނީ އިޒްވާގެ ކައިވެނީގެ ކަންތައް ކުރިއަށް ދާތީ އަނެއްކޮޅުން ރުއާ ބަލަހައްޓަނީ އޭނަ..“ޒައްޔާން ޖަވާބު ދިނުމުން ޝިއާގެ މޫނަށް ވެރިވީ ތަފާތު ހިނިތުންވުމެކެވެ.
”ދާންވާނެ އެނގޭ ވެޑިންގްއަށް.. ލިއަމް ބުންޏެއްނު ކޮންމެހެން ހަދާފަ ވެސް އަންނަން“ އަނެއްކާ ވެސް ވާހަކަ ދެއްކީ ޒައްޔާންއެވެ. މިފަހަރު ޝިއާގެ މޫނުމަތިން ހިނިތުންވުން އެކުއެކީގައި ގެއްލިގެން ދިޔައެވެ.
“އައި ކޭންޓް“
”އެއީ؟ ޝިއާގެ އިތުރު ކަމެއް ނުވެސް ނެތެއްނު މާދަމާއަކަށް“
”ސްޓިލް.. އައި..އައި ކޭންޓް.. ލިއަމް މެސެޖް ކުރީމަ ވެސް އަދިވެސް ޖަވާބެއް ނުދެވިގެން މިއުޅެނީ.. ބުނެލަ ދެއްޗޭ ނުދެވުނީއޭ“ ޝިއާ ގަދަކަމުން ހީލި އިރު ޒައްޔާންގެ ނިތައް ރޫ އަރައިގެން ދިޔައެވެ.
”އޯކޭ.. އެކަމަކު ލިއަމް އާއި އަލާނިއަލް ބޭބެމެން އަހާނެ ކޮބާހޭ ޝިއާ.. ހަމަ އަހަރެން ދޮގު ހަދަންވީތަ؟.. މަށައް އަހާލެވިދާނެތަ ނުދެވޭނެ އޭ ތިބުނާ ރީޒަން؟“
”މްމްމް.. މީ ބައްޕަގެ ކައިރީގަ މަޑުކޮށްލަން.. މިއަދު އަދި ނުދެވޭ.. ދެން ގޮސް ބޭނުމީ ގިނައިރު އިނދެލަން“ ޝިއާ ޖަވާބު ދިން އިރު އިސްއުފުލާ ނުލާ އިންގޮތުން ޒައްޔާންއަށް ވިސްނާލެވުނެވެ. އޭނާ ބުނި އެއްވެސް އެދުމަކަށް ޝިއާ ދެކޮޅު ހަދާފައެއް ނެތެވެ. ބައްޕަގެ ވާހަކަ ބުނުމުން އެކަމާއި ދެކޮޅަށް އެއްޗެއް ބުނާކަށް ޒައްޔާން ބޭނުމެއް ނުވިއެވެ. ނަމަވެސް އެ މައުޟޫއު ފެށުމާއި އެކު ޝިއާގެ ތަބިއްޔަތު ބަދަލްވެގެން ދިޔަ ގޮތް ފެނި ހިތުގައި ސުވާލް އުފެދޭ ގޮތްވިއެވެ.
”މަންމަ ވަރަށް ކިޔާ ޒައްޔާން ގެނެސްދޭން.. ބައްޕަގެ ކައިރިއަށް ޒައްޔާން ދިޔަ ދުވަހު އައީ މަންމައާއި ދެމީހުން ބެސްޓީސް އިންނަށް ވެފަ ވިއްޔަ“ ޒައްޔާން ބަލަން އިންގޮތުން ޝިއާ މައުޟޫއު ބަދަލްކޮށްލިއެވެ.
”ހެހެހެ.. މާދަމާ ރޭ ހުސްވާނެ .. ގޮސްފަ ހަބަރެއް ވެލާނަން އިނގޭ.. ޝީ ރިމައިންޑްސް މީ އޮފް މައި މޯމް.. ހަމަ އެހާ ހިތްހެޔޮ ވާނެ.. “ ޒައްޔާންގެ އަޑައް ޝިއާއަށް ވެސް ބަލައިލެވުނެވެ. މަޑުމޮޅިކަމުގެ އަސަރުތައް ޒައްޔާނުގެ މޫނުން ފެނުމުން ޝިއާގެ އަތް ހަރަކާތް ކުރިއެވެ. މަޑުމަޑުން ޒައްޔާންގެ އަތްމަތީގައި އަތް ބާއްވާލެވުނެވެ.
ޝިއާގެ މަޑު އަތްތިލަ އިޙްސާސްވެފައި ޒައްޔާންއަށް ބަލައިލެވުނެވެ. އެފަދަ ގާތްކަމެއް ޝިޔާގެ ފުށުން ފެނުނީ މުޅިން އަލަށެވެ. އެދެލޮލާއި ހަތަރު ކަޅިހަމަވެގެން ދިޔަ ހިނދު ހީވީ ވަށައިގެން ހިނގަމުން ހުރިހާ މަންޒަރެއް ފުސްވެ ވައިގެން ހިލަން ވެސް ކެނޑިގެން ދިޔަހެންނެވެ. އެކަކު އަނެއްކަކުގެ ލޮލުގެ ތެރެއިން ތަފާތު ކަމެއް ހޯދަނީ ފަދައެވެ. ގެއްލިފައި ތިބި ދެޒުވާނުންނަށް ހަމަ ބިމަށް އާދެވުނީ ޖެހިގެން އިން ގޮފިގަނޑަށް އައިސް ތިރިކޮށްލި ވާލެއްގެ ހިލަން އަޑުންނެވެ. ކަރުކެހިލަމުން ޝިއާ އަވަސް އަވަހަށް އަތް ދަމައިގެނެވުނެވެ.
”މްމް.. އެހެމް.. މީ.. ސޮރީ“ ޝިއާ އިސްޖަހައިލަމުން ދެއަތް ދެއަތާއި މޮޑެލިއެވެ. އަދިވެސް ޒައްޔާންގެ އަތުގެ ހޫނުކަން ހީވީ އިޙްސާސްވަމުން ދާހެންނެވެ. ލަދުގަނެފައި އިންވަރުން އެ މޫނު ރަތްވަމުން ދިޔަކަން ޝިއާއަކަށް ނޭނގެއެވެ.
”އައި ޑޯންޓް މައިންޑް ވެން އިޓްސް ޔޫ“ ޒައްޔާން ބުނެލީ ކިރިޔާ އޭނާގެ ހިތައް އެއަޑު ފޯރާހާ މަޑުންނެވެ.
”އެއްޗެއް ބުނިންތަ؟“
”މްމް.. އެ ކަމެއް ނޫނޭ ބުނެލީ..“ ޝިއާ ބަލަހައްޓާއިގެން އިންލެއް މައުސޫމްކަމުން ޒައްޔާން އަށް ނުގޮތަކަށް ހީލެވުނެވެ. ޝިއާވެސް އެއްޗެއް ނުބުނެ ހީލިއެވެ.
****
އާ ހެނދުނަކަށް މަރްހަބާ ކީ އިރުވެސް ހީވަނީ އިރު އޮއްސިފައިވާ ހެންނެވެ. ބޯކޮން ސްނޯ ފައިބަމުން ދިޔައިރު، ގަދަ ފިންޏެއް އޮތީ މާހައުލުގައި ހިފާލާފައެވެ. ގޭތުން ވަދެގެން އައި ބިލާލް ހަނި ބްރިޖް މަތީގައި ހިނގާލާފައި ދިޔައިރު އޭނާގެ މިސްރާބު ހުރީ ބިޔަ ގަނޑުވަރުގެ ބިއްދޮށުގައ އޮތް ހުސްޖާގައަށެވެ. އެތަނުގައި ފުރަގަސްދީގެން ހުރީ ’ނީލް‘ އެވެ.
”ބައްޕާ“ ބިލާލް ގޮވާލި އަޑު އަހާފައި އޭނާ ފަސް އެބުރުނެވެ. ހުޑު ރަނގަޅު ކޮށްލިގޮތުން ހީވަނީ ބިލާލްއަށް ވެސް އޭނާގެ ސިފަ ދައްކަން ބޭނުން ނުވާހެންނެވެ.
”ހުރިހާ ކަމެއް ތައްޔާރު“ ބިލާލް ވާހަކަ ދެއްކި އިރު މަކަރުވެރި ހިނިތުންވުމެއް އޭނާގެ މޫނަކުން ނުފިލައެވެ.
”އެކަމަކު ދަރަކު ބުނި، އިޒާންގެ ދަރި އެމީހުންގެ މުޅި ސަހަރު އެއްކޮންގެން އުޅޭ ވާހަކަ“ އޭނާގެ ބަރު އަޑުން އިއްވާލިއެވެ.
”ލިއަމް ދޯ.. އޭނާ ހީކުރީ މުޅި ގޭގަ އިޒާން އެޅުވި ސީލްގެ ބާރުގައި އަހަރެމެންނަށް އެގެޔަށް ގޯނާއެއް ނުދެވޭތީ، އިތުރު އެއްކަމެއް ވެސް ނުވާނެއޭ.. ތިބުނާ ބަޔަކު އެއްތަން ކުރިއަސް އެ އެންމެންނަށް ވުރެން އަހަރެމެންގެ ލަޝްކަރު ވަރުގަދަ ވާނެ .. މިފަހަރު ރުއާނާއަށް ޖެހޭނީ އަންނަން.. ނޫންނަމަ ހޫރައިން ދައްކައިގެން ވިޔަސް ގެންނާނަން“ ބިލާލްގެ އަޑުގައިވާ ޔަގީން ކަމުން ނީލްއަށް ބޯ ޖަހައިލެވުނެވެ. މޫނުމައްޗަށް ވައްޓާލާފައި އޮތް ކޯރި ހިއްލާލީ އޭނާގެ އަނގަ ފެންނަވަރަށެވެ.
”ދަރިފުޅާއި މެދު ބައްޕަ އެބައޮތް ވަރަށް ޔަގީންކަން.. އުއްމީދަކީ ރަނގަޅު ހަބަރެއް ދާދި އަވަހަށް ލިބޭނެ ކަމަށް.. ބައްޕައަށް މިހާރުވެސް ހީވެއްޖެ ރުއާގެ ހީލުމުގެ އަޑޫ އިވޭހެން“ ނީލްގެ ތުންފަތުގައި ދެމިލީ އެފަދަ މަކަރުން ފުރިގެންވާ ހިނިތުންވުމެކެވެ. “ ބައްޕަގެ އެހެން އެދުމެއް ވެސް އޮތް“
ބިލާލް ނިތް އަރުވާލީ ބުނާށޭ ބުނާ ފަދައަކުންނެވެ. ނީލް އަތް ހިއްލާލާފައި ގޮވާލީ އެމީހުންގެ އިޝާރާތަކައް ބަލަން ދުރުގައި ހުރި ދަރަކަށެވެ.
”ދަރަކް.. ރޭ އަހަރެން ނިންމި ގޮތް ބިލާލަށް ތަފްސީލް ކޮށްދީބަލަ“
ބޯޖަހާލާފައި ދަރަކު ޖެހިލީ ބިލާލްގެ ގާތަށެވެ. އަނގަ މައްޗަށް އަތް ހުރަސްކޮށްލަމުން ބިލާލްގެ ކަންފަތްދޮށުގައި ދަރަކް ދައްކަންފެށި ވާހަކައިން ބިލާލްގެ މޫނުމަތީގެ ކުލަވަރު އޮއްސެން ގިނައިރުތަކެއް ނުވިއެވެ.
”ދޫކޮށްލާށޭ؟“ ދެލޯ ބޮޑުވެފައި ހުރެ ބިލާލަށް އެހުނީ ފުދޭވަރަކަށް ބާރަށެވެ.
”ޝުޝްޝް“ ތުންފަތުގައި ޝަހާދައް އިނގިލި ހުރަސް ކުރަމުން ނީލް އިއްވާލިއެވެ. ދަރަކްގެ މޫނަށް އެއްފަހަރު ބަލައިލިއްޔާ އަނެއްފަހަރު ނީލްގެ މޫނަށް ބިލާލް ދިޔައީ ބަލަމުންނެވެ. އޭނާގެ ހިތުގައި އުފެދިފައިވާ ސުވާލަށް ޖަވާބު ހޯދަން ހުރީ އިންތިހާއަށް ބޭނުން ވެފައިއެވެ. ނަމަވެސް އޮޅުން ފިލުވާދޭން ނޫޅެ ފެނުނީ ނީލް އެތެރެއަށް ވަދެގެން ދިޔަތަނެވެ.
”މީ ކޮންކަމެއް ދަރަކް؟“ އިންތިހާއަށް ހިތްހަމަ ނުޖެހިފައި ބިލާލް އެއްސެވެ. ލޯ ކުރިމަތިން ނީލް ގެއްލުމާއި އެކު ދަރަކްގެ މޫނުން ވެސް ހިސާބެއްގެ ހިތްހަމަ ނުޖެހުމެއް ފެނިގެން ދިޔައެވެ.
”ކިހިނެތް އެނގޭނީ.. ބައްޕާފުޅުގެ އެންމެ ފަހުގެ ނިންމުން.. އަހަރުތަކެއް ވަންދެން ބޭކާރު ކަމެއް ކަންނޭގެ އަހަރުމެން އެންމެންނަށް މިކުރެވެނީ.. ބިލާލަކަށް ހިއެއް ނުވޭތަ ބައްޕަގެ ނިންމުމާއި އެއްގޮތައް ކަންކޮށްގެން އެމީހުންގެ ލޮލަށް އަހަރުމެން ނުފެނި ތިބެދާނެ ހެންނެއް؟ އަދި ދެން ހަނދާން ކޮށްލަބަލަ ވެރިއަކަށް އެހުރި މާއިޝްއާއި އޭނާގެ އަޅުންނަށް މިކަންތައް އެނގިއްޖެނަމަ ވާނެ ގޮތެއް! އަހަރެމެންގެ އެތައް މިލިއަން އަޅުން ތިއްބަސް ފަހުން ކަންވާނެ ގޮތެއް އެނގޭނެތަ؟“ ވިސްނުންތެރި ކަމާއި އެކު ދަރަކް ވާހަކަދެއްކިއެވެ. އެއިން ކޮންމެ ޖުމްލައެއް އިތުރު ހާސް ކަމެއްގެ ތެރެއަށް ބިލާލް ގަންބުވާލިއެވެ. އޭނާގެ ދިގު އިސްތަށިގަނޑުގެ ތެރެއަށް އަތް ކޮއްޕާލިއިރު ނުތަވަސްވެފައި ހުރިވަރު ހާމަވެއެވެ.
”ނޫނޭ.. އެކަން އެހެން ވިޔަ ދީގެން ނުވާނެ.. ކޮންމެވެސް ގޮތެއް ހަދަން އެބަ ޖެހޭ!“
”ސިއްރުން ވެދާނެ.. އެކަމަކު ބިލާލްއަށް ހީވަނީތަ، ނީލްއަށް ނޭނގި ކަމެއް ކުރެވިދާނެ ހެން! އެގޭ ދުވަހަކު އަހަރެމެން ދެމީހުންނަށް އޮތީ މަރު“ ދަރަކް ކަރުއެލުވާލިއެވެ.
”އެހެންވިޔަސް މިހުރިހާ ދުވަހު އަޅުވެތިކޮށްގެން އުޅެފަ ދޫކޮށްލުމުގެ އެއްވެސް ވިސްނުމެއް އަހަރެންގެ ނެތް.. ރުއާނާ އާއި އެކު އެމީހުންވެސް ތިބެން ޖެހޭނީ“ ބިލާލްގެ އަތް މުށްކަވާލެވުނެވެ. ދެލޮލުގައި ވިދައިގަތީ ތަފާތު ވިދުވަރެކެވެ. އިތުރަށް މަޑުނުކޮށް އެތަނުން އޭނާ ޢައިބުވިއެވެ.
***
ކާރުން ފައިބަމުން އިޒްވާ ބަލައިލީ ކުރިމަތީގައި ފެންނަން ހުރި ޔަޒަކްއާއި މިލާންގެ ގެއަށެވެ. އެތައް ދުވަހެއް ފަހުން އެގެއަށް އާދެވުނު ހިނދު އޭނާއަށް ކުރީ ތަފާތު އަސަރެކެވެ.
”ރެޑީ؟“ ފަހަތުގައި ހުއްޓިލި އީތަންއަށެވެ. ފުންނޭވާއެއް ލަމުން އިޒްވާ ބޯޖަހައިލިއެވެ. އިޒްވާގެ އަތުގައި ހިފާލައިގެން އީތަން ހިނގައިގަތް އިރު ގޭޓާއި ހިސާބުން ހުއްޓެން މަޖުބޫރުވީ މާދުރު ނޫން ހިސާބެއްގައި މަޑުކޮށްގެން ހުރި ނޫހް ފެނިފައެވެ. ފޯނު ކަންފަތުގައި ޖަހައިގަތް އިރު އޭނާއަކަށް އެމީހުންނެއް ނުފެނެއެވެ. އިރުކޮޅަކާއި ކަންފަތާއި ފޯނު ދުރުކޮށްލަމުން ސްކްރީނަށް ބަލާލާ ގޮތުން ހީވަނީ ގުޅަން ބޭނުންވާ މީހަކަށް ނުގުޅިގެން އުޅޭހެންނެވެ.
އިޒްޥާއަށް ބަލައިލެވުނީ އީތަންގެ މޫނަށެވެ. އޭރު ލަސްލަހުން އެ މޫނަށް ވެރިވި ރުޅިވެރިކަން ފެވި ރަތްކުލަ ފާއްދާލާފައިއެވެ. އިޒްވާގެ އަތައް އީތަންގެ އަތްތިލަ ބާރުވަމުން ދިޔަ ގޮތުން އީތަންގެ ރުޅި އަންދާޒާ ކޮށްލެވުނެވެ. ދެން ފެނުނީ އެއަތުން ދޫދީފައި އީތަން އެދިމާލަށް ހިނގައި ގަތްތަނެވެ.
****
(ނުނިމޭ)
Comments (1)
Anonymoussays:
ފެބްރުއަރީ 1, 2026 at 13:09nice