މި ޖިސްމުގާ ވަނީ 17

”މަ..މަ..މަންމާ..އާހްހް“ ނޭފަތުން އޮހިގަތް ލޭތަކާއި އެކު އަމީރާގެ ހަށިގަނޑު ތިރިއަށް ވެއްޓިގެން އައި ހިނދު އިޔާންއަށް އެދިމާލަށް ދުއްވައިގަތެވެ.

އާމިލާގެ ހާލަކީ ތޯއެވެ. ނުވެސް ދަންނަ އަންހެން ކުއްޖަކު ފެނިގެން ހުއްޓިފައި ހުރިއިރު އޭނާއަށް ނުވެސް އެނގި ހުއްޓާ ދެލޮލުން ކަރުނުތައް އޮހޮރިގެންދިޔައެވެ. ވީ އެއްވެސް ގޮތެއް ނޭނގުނެވެ. އެހެން ހުއްޓާ އަމީރާ ވެއްޓެން ދިޔަ ހިނދު އާމިލާއަށް އެދިމާލަށް ދުއްވައިގަނެވުނެވެ.

***

”އެމީ..އެމީ…“ އަމީރާގެ މޫނު ވަނީ ހުދުވެފައެވެ.  އިޔާން އެ ދެކޮނޑުގައި ހިފައި ތަޅުވައިގަތް އިރު ވެސް އެއްވެސް ދިރުމެއް ހަށިގަނޑުގައި ނުވާ ކަހަލައެވެ.

”ހިނގާ ހޮސްޕިޓަލަށް ދާން.. “ ވިޝާމް ދުވެލާފައި ނުކުތް އިރު، އިޔާން ދިޔައީ އަމީރާ އަތްދަނޑި މައްޗަށް ލައިގެންނެވެ.

”ހޭންގް އިން ދެއާރ ބޭބީ“ އަމީރާ އޮތް ހާލަތުން އިޔާންގެ ހިތް ރޮއެގަތެވެ. އަތްދަނޑި މައްޗަށް ދެމިފައި އޮތް އިރު ލުއިކަމުން ވެސް ހީވަނީ ފަތެއްހެންނެވެ. ދެރަގޮތެއް ނުވޭތޯ ހިތުގެ އަޑިން ދުއާ ކުރަމުން ދިޔައިރު އޭނާގެ ދެލޯ ފެންކަޅިވަމުން ދިޔައެވެ.

”އާމީ..ކިހިނެތް މި ވީ..  ކޮން އަންހެން ކުއްޖެއް އެއީ؟ ކީއްވެތަ އަހަންނަށް މިހާ ސްޓްރޭންޖް ފީލިންގ އެއް މި އަންނަނީ؟“ އަމީރާގެ ސޫރަ ފެނުނު ހިނދު ގަނޑުވެގެން ދިޔަ ހައިކަލްގެ ދެފަޔަށް ދިރުމެއް ލިބުނީ އަމީރާ ގޮވައިގެން ދިޔަފަހުންނެވެ. ބަލަހައްޓާއިގެން ހުރެވުނު އިރު ވަމުންދިޔަ ގޮތުން މުޅި މީހާއަށް ކުރަމުން ދަނީ ގޮތް ނޭނގޭ އިޙްސާސެކެވެ.

”ނޭނގޭ ހައިކަލް އެ ކުއްޖާ ފެނުނީމަ އަހަންނަށް ވެސް މި ވީ ގޮތެއް.. ހަމަ ފާޑަކަށް ހުއްޓެވުނީ.. ކީއްވެ ބާ؟ ބުނެދޭން ވެސް އުނދަގޫ… ހަމަ ކުއްލިއަކަށް އަހަންނަށް ރޮވުނީ..ދުވަހަކު ވެސް މިފަދަ ކަމެއް ނުވޭ.. އެންމެ ފަހުން މިކަހަލަ ކަމެއް ވީ އަހަރެން ޑިޕްރެޝަނުގަ އެންމެ ބޮޑަށް ސަކަރާތްވި ދުވަސްކޮޅު..އެއީ އަމާޔާ އަހަރެމެންގެ އަތުން ގެއްލުނު ދުވަސްވަރު“ އާމިލާގެ ދެލޮލުގައި އޭރުވެސް ކަރުނައިގެ ތެތްކަން ނުކެނޑެއެވެ. ލޯ ފުހެލަމުން، ހަމަޖެހެވޭތޯ އޭނާ މަސައްކަތް ކުރަމުން ދިޔައެވެ. ނަމަވެސް ނޭނގޭ ސަބަބަކާއި ހުރެ އަމީރާގެ ސޫރަ އޭނާގެ ސިކުނޑީގައި ކުރެހުނީ ނުހަނު ބޮޑަށެވެ. ހިތައް އުނދަގޫ ކުރުވަނީއެވެ.

”އަހަންކަށް ވެސް ނުވިސްނުނު.. އާހްހް…ދެން ފަހުން މިކަމާ ވިސްނާނީ.. ހިނގާ ހޮސްޕިޓަލަށް ދާން…“ހައިކަލްގެ ބަހަށް އާމިލާ ވެސް ބޯޖަހައިލިއެވެ.

”މިތަނުގައި ދެންމެ ތިބި ދެ ސްޓާފުން އެބަ ޖެހޭ  ޑިސިޕްލިންގ ބޯޑަށް ހާޒިރްކުރަން.. ފުރަތަމަ ފަހަރަށް އެފަދަ ކަމެއް ފެނުނީމަ ކަނޑާނުލެވޭނެ ތާ ދޯ“ އާމިލާ ފާހާނާގެ ތެރޭގައި ހުރި ކަމެއް ނޭނގި އާލާއާއި ޝިއުނާ ދެއްކި ވާހަކަތައް، ހައިކަލްއަށް އޭނާ ކިޔައިދިނެވެ. ހައިކަލްގެ މޫނުމަތިން ފެނުނީ އިންތިހާ ދަރަޖައިގެ ހިތްހަމަނުޖެހުމެވެ.

”އެކުއްޖާ އާއި ދިމާލަށް؟ އެވެސް ގޯލްޑް ޑިގާރ؟“ ހައިކަލްއަށް އެހުނެވެ. އާމިލާ ބޯޖަހައިލުމުން ހައިކަލްއަށް ދެފަރާތައް ބޯހޫރުވާލެވުނެވެ.

އާމިލާއާއި ހައިކަލްއަށް  ހޮސްޕިޓަލާއި ހަމައަށް ދެވުނު އިރު ހުރީ އިރުއޮއްސިފައެވެ. އެ މީހުންގެ ފަހަތުން ހެން ނަދީމް އާއި މަޖުދާއާއި އިރަމް ވެސް ވަދެގެން އައެވެ.

އިޔާންއާއި ވިޝާމް ތިބީ އަވަސް ފަރުވާދޭ ކޮޓަރީގެ ބޭރުގައި ޖަހާފައި ހުރި ގޮނޑިތަކުގައެވެ. ދެމީހުން ކުރެ އެކަކު ވެސް ބަހެއް ނުބުނެ ތިބިއިރު މޫނުމަތިން ކަމަކާއި ވިސްނަމުންދާކަން ހާމަވެއެވެ. ދެމީހުން ސިހުނީ އެތެރެއިން ނުކުމަތް ޑޮކްޓަރ، އަމީރާގެ އެހީތެރިއަކަށް އެދި ގޮވާލުމުންނެވެ. ކައްޓެއް ޖެހިހެން އިޔާން އިށީންދެ އިން ގޮނޑިން ތެދުވެ އެދިމާލަށް ދިޔައެވެ.

އެހާ ނާޒުކް ވަގުތެއްގައި ވެސް އިޔާން އުޅެނު ގޮތުން ވިޝާމްގެ ގާތައް ހިނިއަންނަ ގޮތްވިއެވެ. އޭނާ  ވެސް ތެދުވެ އިޔާންގެ ފަހަތުން ދިޔައެވެ.

”އައްސަލާމް އަލައިކުމް.. އަމީރާގެ އެހިތެރިއެއް ދެއްތޯ؟… އިރާދުކުރެއްވިއްޔާ މިހާރު ރަނގަޅު.. ހޭ ވެސް އަރައިފި…ކުއްލިއަކަށް ސިކުނޑިއަކަށް ލިބުނު ޝޮކް އަކުން ޕެނިކް އެޓޭކްއެއް އައީ.. އެންޑް  ހޭޒް  ޝީ ހޭޑް އެނީ ސިވިއާރ ޓްރައުމާރ އޯރ އެކްސިޑެންޓް ބިފޯރ؟“  ޑޮކްޓަރުގެ ސުވާލާއި އެކު އިޔާންއަށް ބަލައިލެވުނީ ވިޝާމްގެ މޫނަށެވެ. އަމީރާ އެކަކުގެ ގާތުގައި ވެސް ނުބުނުމަށް ވައުދުކުރުވާފައި އޮތް ކަމަކަށް ވުމުން އެކަމަށް އިޙްތިރާމް ކުރަން ބޭނުންވިއެވެ. ނަމަވެސް ޑޮކްޓަރުގެ ގާތުގައި ދޮގު ހަދައިގެން ވަކި މޮޅެއް ނުޥާނެތާއެވެ. ވިއްޔާ ވާނީ ގެއްލުމެވެ. އަމީރާއަށް ވީ ގޮތެއް ވެސް އެނގޭނީ ތެދު ތެދައް ޖަވާބުދީގެންނެވެ. ކުޑަކޮން ވިސްނާލުމަށްފަހު އިޔާން އެންމެ ފަހުން ބޯ ޖަހައިލިއެވެ.

”މްމްމް..ޔެސް… އެކްސިޑެންޓްއެއް.. ވެން ޝީ ވޯޒް ފައިވް..“ ހަނދާނުން ބައެއް ގޮސްފައިޥާ ވާހަކަ ބުނަން އުޅޭފައި ވެސް ނުބުނެ ގަސްތުގައި އޭނާ ދޫކޮށްލިއެވެ.

“ އެހެން ދެއްތޯ؟ކުރިން އެކްސިޑެންޓެއް ހިނގާފަ އެއްވެސް ކަހަލަ ގެއްލުމެއް ޕޭޝަންޓްގެ ބޮލަށް ލިބިފަ ތޯ ހުރީ؟“ އެ ސުވާލާއި އެކު އިޔާންއަށް ތުންފަތުގައި ދައިގަނެވުނެވެ.

”ލުކް.. ވީ ސަސްޕެކްޓް ސަމްތިންގް.. ކެން ޔޫ ޓެލް އަސް އެބައުޓް އިޓް؟“

”ޝީ ލޮސްޓް ޙާ މެމޮރީސް ބެކް ދެން“ އެންމެފަހުން ނުބުނަން އުޅެފައި ވެސް އިޔާންއަށް މަޖުބޫރުވެގެން ބުންޏެވެ. އަމީރާއަށް  އެނގިއްޖެނަމަ އޭނާ ދެކެ ރުޅި އަންނާނެކަން ގައިމެވެ.

”އާރ ޔޫ ސީރިއަސް އިޔާން؟“ ވިޝާމްއަށް ލިބުނު ހައިރާން ކަމުގައި އެހުނެވެ. އިޔާން ހަމައެކަނި ބޯހަޖައިލުމަކުން ފުއްދާލިއެވެ. އިޔާންގެ ޖަވާބުއަހާފައި ޑޮކްޓަރުގެ މޫނުމަތިން ވެސް ހައިރާން ވެފައި ހުރިކަން ހާމަވެއެވެ.

”ތިފަދަ ކަމަކަށް އަޅުގަނޑުމެން ސަސްޕެކްޓް ކުރީ.. ހާ ފެއިންޓިންގ މައިޓް ނޮޓް ބީ ޕިސިކަލް.. އިޓް ކުޑް ބީ އިމޯޝަނަލް… ވަރަށް ބޮޑަށް ނޯސް ބްލީޑިންގ ވޭ މިކޮޅަށް ގެނައިރު.. ޕެނިކް އެޓޭކްގަ ވެސް އެގޮތައް ބްލީޑް ވާނެ.. އެކަމަކު އާންމުކޮން އެކަހަލަ ކަމެއްގަ ލޭ އަންނަވަރަށް ވުރެން މާ ގިނައިން ހުރި ލޭ އައިސް.. ހޭއެރި ފަހުން ޕޭޝަންޓް ވެސް ބުނެލި ބޮލުގައި ވަރަށް ބޮޑަށް ރިއްސާ ވާހަކަ..މިހާރު ސީޓީ ސްކޭން އާއި އެމް އާރް އައި ސްކޭނެއް ހެދުމުގެ މަސައްކަތް ކުރަމުން އެ ދަނީ ..“

”ޑޮކްޓަރ.. އެކަމާއި އަމީރާގެ މެމޮރީސް ގެއްލުމާއި ގުޅުމެއް ހުރެދާނެތޯ؟“

”އެހެންވެގެން ސީޓީ ސްކޭން އާއި އެމް އާރް އައި ހަދާލަން މިއުޅެނީ.. ފަހަރެއްގައި ވެދާނެ ސިކުނޑީގައި ކެހިފަ ހުރި ހަނދާން ތަކެއް އަލުން ރިސާފޭސް ވާން އުޅެނީކަމަށް.. ލެޓްސް ހޯޕް ފޯރ ދި ބެސްޓް“ ޑޮކްޓަރުގެ ވާހަކައަށް ފަހު އަލުން އެނބުރި އެތެރެއަށް ވަނެވެ.

އެއިން ކޮންމެ ޖުމްލައަކާއި މެދު އިޔާންއަށް ނުހަނު ބޮޑަށް ވިސްނެމުން ދިޔައެވެ. އޭނާއަށް ސިފަވީ ހޮސްޕިޓަލް އަށް އަމީރާ ގެނެވުނު އިރު އޮތް ހާލަތެވެ. ޑޮކްޓަރު ބުނިހެން ނުހަނު ބައިވަރު ލޭ އަމީރާގެ ހަށިގަނޑުން ވަނީ ބޭރުވެފައެވެ. އޭގެ އަސަރު އިޔާން ލައިގެން ހުރި ޓީޝާޓްގައި ވެސް ފެންނަން ހުއްޓެވެ.

”ވިޝާމް.. ޕްރޮމިސް މީ މިއިން އެއްވެސް ވާހަކައެއް އެކެއްގެ ކަންފަތައް ވެސް ނުފޯރުވާނެ ކަމަށް.. އައި މީން އަމީރާ އެކްސިޑެންޓް ވިކަމާއި މެމޮރީސް ގެއްލިފަ ހުރި ކަމުގެ ވާހަކަ ފަހުން ވިއަސް އެކެއްގެ ގާތުގައި ވެސް ނުބުނާނެ ކަމަށް ޕްރިމިސް“

”ޑޯންޓް ވޮރީ… މައި ލިޕްސް ޒިޕްޑް ފޯރ ޔޫ“ ހިތުގައި ގަނޑުބަޑުވެފައި އޮތް ހައިޖާނުގަނޑު އެއްފަރާތް ކޮށްލަމުން ވިޝާމް ހީލިއެވެ. އެތަކެއް ސުވާލެއް ވެސް އޭނާގެ ހިތުގައިވިއެވެ.

”ދަރިފުޅާ ކޮބާ އެމީ؟.. ކީކޭ ބުނީ ޑޮކްޓާރ؟ ރަނގަޅުތަ އެމީ؟“ މަޖުދާގެ ހުރިހާ ސުޥާލްތަކެއް އައީ އެކުއެކީގައެވެ. ނަދީމްއާއި އިރަމް އަދި ހައިކަލްއާއި އާމިލާ ތިބިއިރު އެންމެންގެ މޫނުމަތީގައި، ވެސް ވީ އަމީރާއާއި މެދު ކަންބޮޑުވެފައި  މިންވަރެވެ. އިޔާން ބޯޖަހާލަމުން ހުރިހާ ކަމެއް ރަނގަޅުކަމަށް ބުނެ އިތުރު ސުވާލެއް ކޮށްފާނެތީވެ ’ޕެނިކް އެޓޭކް‘ އެކޭ ބުނެ ހަމަޖައްސާލިއެވެ.

”އެކަމަކު ދޮންބޭ.. ކީއްވެގެން ތަ އެމީ އަށް ޕެނިކް އެޓޭކެއް ޖެހެންވީ؟.. ނުލާހިކް ރަނގަޅަށް ގެއިން ނުކުތް އިރު ވެސް ހުރީ“ އިރަމްގެ ސުވާލް އަމާޒުވުމުން އިޔާންއަށް ބަލައިލެވުނީ ވިޝާމްގެ މޫނަށެވެ.

”މޭބީ ނެޗުރަލީ އިޓް ހެޕެންޑް..“ ވިޝާމް މަޑުމަޑުން ބުނެލިއެވެ.

އެތަނުގައި އެންމެން ތިބޭތާ ގަޑި އެއްގެ އިރުފަހުން ނަރުހަކު ނުކުމެ އަމީރާ ޕްރައިވެޓް ކޮޓަރިއަކަށް ބަދަލު ކުރަން އުޅޭ ވާހަކަ ބުނެލިއެވެ. އެމީހުން ދިން ޑޮކިއުމަންޓެއް ހިފައިގެން ކައުންޓަރަށް ދިޔުމަށް އެދުމުން ނަދީމް އެކަމާއި ހަވާލް ވެގެން ދިޔައެވެ.

”ޕޭޝަންޓް އެގެންދަނީ އެމަޖެންސީ ރޫމްގެ ތެރެއިން ލިބުނު ރޫމަށް..ޕޭޝަންޓް އާއި ދެން ބައްދަލް ކުރެވޭނީ ރޫމުން …އެއީ ފިފްތް ފްލޯގެ ދެ ނަމްބަރު ކޮޓަރިއަށް.. އެންޑް ޕޭޝަންޓްގެ ބައިސްޓޭންޑާރ އިޔާން ދޯ؟.. ކެން ޔޫ ކަމް އިންސައިޑް؟“ އިޔާން ބޯޖަހާލަމުން ނަރުހުގެ ފަހަތުން އެތެރެއަށް ދިޔައެވެ. އިޔާން ފެނުމާއި އެކު ކުރިން އޭނާއާއި ބައްދަލް ކުރި ޑޮކްޓަރު އައެވެ.

”ހެލޯ.. ޕޭޝަންޓްގެ ސްކޭންތައް ރަނގަޅު.. ބަޓް ފާހަގަ ކޮށްލަން ޖެހޭ ކަމެއް އެބައިން.. މާ ބޮޑަށް ކުރީގެ ހަނދާންތައް ހަނދުމަ ކޮށްދޭން އެއްވެސް ކަމެއް ނުކުރުއްވާތި..ނޫންނަމަ މިފަދަ އެޓޭކްތައް އައުން ގާތް.. އާންމުކޮން މިހެންވާނަމަ ފުރާނައަށް ވެސް ގެއްލުމެއް ވެދާނެ.. ބީ ކެއާރފުލް ވިތް ދެޓް“ އަމީރާގެ ސިކުނޑީގައި ގެއްލިފައިވާ ހަނދާންތަކެއްގައި ގޮތުގައި ފޮރުވިފައިވާ ކަންތައްތައް، ހަގީގަތުގައި ހިމާޔަތް ކޮށްދެނީ އަމީރާ ކަމުގައި ޑޮކްޓާރު ބުނެދިނެވެ. ހަނދާންތައް ގެއްލުމުގެ ކުރިން ހިތާމަވެރި ހާދިސާއެއް ހިނގާފައި އޮވެދާނެކަމަށާއި އެކަމުގެ ސަބަބުން ކުއްލިއަކަށް ހުރިހާ ކަމެއް ހަނދާން ވާން އުޅޭ ނަމަ އެކަމުގެ ފިއްތުންތައް އޭނާގެ މުޅި ނަފްސަށް ތަހައްމަލް ކުރަންޖެހޭނެ ކަމަށް ބުނެދިނެވެ. އަމީރާގެ ހަށިގަނޑުގައި ފަހަރުގައި އެވޭން ތަހައްމަލް ކުރާނެ ހިތްވަރު ނުހުރެދާނެއެވެ. ޑޮކްޓަރު، އަކުރުން އަކުރަށް ތަފްސީލައިއެކު ކޮންމެ ވާހަކައެއް ވެސް ކިޔައިދެމުން ދިޔައެވެ.

”ޔޫ ކާންޓް ޕުޝް ހާރ.. ދޫކޮށްލާ ޕޭޝާންޓް އަމިއްލަ އަށް އެހުރިހާ ކަމެއް އޭގެ ޒާތުގަ ހަނދުމަވާން .. ކިރިޔާ ވެސް އަމީރާއަށް އުނދަގޫ ވާކަމެއް ނަމަ އޭގެ ނޭދެވޭ އަސަރް އަމީރާއަށް ކުރާނެ.. ބޮލުގައި ރިއްސާތީ އުޅޭނަމަ ލަސްނުކޮށް ޑޮކްޓާރ އަށް ދައްކަން އިރުޝާދު ދެން..ޑޯންޓް ވޮރީ ސްލޯލީ ހުރިހާކަމެއް ވެސް ރަނގަޅުވާނެ“ ޑޮކްޓަރު ދިޔުމުން އިޔާންއަށް ދޫކޮށްލެވުނީ ފިނި ނޭވާއެކެވެ. އިޔާންގެ ހިތުގައި ރިއްސައިގަތެވެ.

”އެމީ ކޮން ހަނދާންތަކެއް ބަ ގެއްލިފަ ވަނީ؟.. އޭގެ ކުރިން، އަނެއްކާ ދެރަ ކަމެއް އެމީ ތަހައްމަލް ކުރީތަ ؟ އާހްހް.. އައި ތިންކް ވީ ޝުޑް ޓޯކް..އެކަމަކު..އެކަމަކު އެމީ އަހަންނާއި ވާހަކަ ދައްކާނެތަ؟ “ އެތައް ސުވާލެއް ހިތުގައި ބަނދެލައިގެން، ހިޔާލްތަކުގެ ތެރޭގައި ފީނަމުން އިޔާން ލިފްޓަށް އަރައިގެން މައްޗަށް ދިޔައެވެ.

ބޮލުގައި ރިހުމެއް ހިފާލާފައިވީ އިރު އަމީރާއަށް އިނދެވުނީ އެނދުގެ ހެޑް ބޯޑުގައި ލެނގިލައި ގެންނެވެ. އެތަނުގައި އޭނާގެ ހިދުމަތުގައި ތިބި ނަރުހުންގެ ފުށުން ގޭ މީހުން ތިބިކަން އެނގި އޭނާގެ ނުތަވަސްވެފައި ވީ ސިކުނޑިއަށް ހަމަޖެހުމެއް އިޙްސާސް ކުރެވިގެން ދިޔައެވެ.

”ވަޓް ވޯޒް ދެޓް؟ އެ އަންހެން މީހާ..  އެ ފިރިހެންމީހާ.. ވައި ދޭ އާރ ސޯ ފެމިލިއާރ؟ ހާދަ ސްޓްރޭންޖް އޭ…އަދި ދުވަހަކުވެސް ދެކެފައި ނުވާ ބައެއް.. ކީއްވެބަ މިހެން މި ފީލްވަނީ؟… ފުރަތަމަ ޔުމާންބޭބެ..ދެން އިޔާންގެ ފްރެންޑް..އޭގެ ފަހުން ދެން އެދެމީހުން..ވަޓް އިޒް ހެޕެނިންގ؟ ”އިތުރަށް އެކަމާއި ވިސްނަން ބޭނުން ނުވިޔަސް އަމީރާއަށް އެކަމާއި ފިކުރު ކުރެވެނީ އިންތިހާއަށެވެ.

”ހޭއި.. ހައުޒް ޔޫ ޑާލިންގ“ ދޮރު ހުޅުވާލާފައި އެންމެ ފުރަތަމަ އެތެރެއަށް ވަނީ އިރަމްއެވެ. އޭނަގެ ފަހަތުން މަޖުދާއާއި ނަދީމް އާއި މީރާންއާއި ނީޝަން ވެސް ވަނެވެ. އެންމެންގެ މޫނުތަކުން އަމީރާއަށްޓަކައި ވީ ކަންބޮޑުވުން ދެކެފައި އަމީޜާއަށް ހީލެވުނެވެ.

”އަމް ފައިން ގާއީޒް“ ބޮލުގައި ރިއްސަމުން ދިޔަ ނަމަވެސް އެމީހުންގެ މޫނުތަކުން ފެންނަން ހުރި އަސަރަކުން އެ ވާހަކަ ބުނާކަށް އަމީރާ ގަސްތެއް ނުކުރިއެވެ.  މަޖުދާ އައިގޮތައް ހުއްޓި އަމީރާގެ ބޮލުގައި ފިރުމާލަމުން ދެލޯ އަޅާލިއެވެ.

”ދައްތަގެ އެމީ މިހާރު ދޮގު ހަދަން ފެށީތަ.. އިޔާ ބުނި އެމީ ބޮލުގައި ރިއްސާތީ އުޅޭތީވެ މިހާރު އިންޖެކްޝަނެއް ވެސް ޖަހައިފިއޭ.. ނިކަން ދެކިބަލަ ކުޑަ ވަގުތު ކޮޅެއް މިވީ މިހާރު އެކަމަކު މޫނުމަތިން ފެން ދަމާލައިފި.. މާ ބޮޑަށް ލޭ އައިސް ހުރީމަ އަދިވެސް ނޭފަތް ކައިރިން ރަތްކަން ވެސް ނުކެނޑި މިހުރީ“ މަޖުދާގެ އޯގާތެރިކަން ފެނި އަމީރާގެ ދެލޮލުން ކަރުނަ ހިލެން އުޅުނެވެ. ނިކަން ލޯބިން އަމީރާގެ ބޮލުގައި ފިރުމާލިއެވެ.  އެފަދަ އަޅާލުމަކަށް އޭނާގެ ހިތް ރޮމުން ދިޔަތާ ކޮންދުވަހެއް ހެއްޔެވެ. ހަނދާންވީ ލޯލާގެ މަތިންނެވެ. އޭނާއާއި މެދު ލޯލާ ވެސް ކުރިން ބެހެއްޓީ އެފަދަ ގާތްކަމެކެވެ. މަންމައަކު ދަރިއަކަށް ދޭނެފަދަ ލޯތްބެކެވެ. ނަމަވެސް ހުރިހާ ކަމެއް ބަދަލްވީ ހީވެސް ނުކުރާ ފަދައަކުންނެވެ. ހަގީގަތުގައި މީހަކަށް އިތުބާރުކުރުމަކީ އަމީރާއަށް ކުރުން އެންމެ ނާދިރްކަންތަކެވެ. ނަމަވެސް އެ އާއިލާއިން އޭނާއާއި މެދު ބަހައްޓާ ގާތްކަމުން ދެރަ ގޮތެއް ހަދާފާނެ ހެން އޭނާއަށް ހީއެއް ނުވެއެވެ.

”ހެހެހެ އަލް ބީ ފައިން އިންޝާﷲ.. ޖޮބް ވެސް ނުލިބުނީ ދޯ މި ވީގޮތުން“ މޮޅިވެރިކަމާއި އެކު އަމީރާއަށް މަޖުދާގެ މޫނަށް ބަލައިލެވުނެވެ.

”އަދިވެސް މި ހާލަތުގަ އޮވެގެން ޖޮބްގެ ވާހަކަ .. ސާބަހޭ އެމީ…މްމްމް… މޭބީ އެއަށްވުރެން ރަނގަޅު ގޮތެއް ވާން ކަން ނޭނގޭ.. ހައިކަލްބޭބެ އާއި އާމިލާ ދައްތަ އެބަ ތިބި އެމީއައި ބައްދަލް ކޮށްލަން ބޭރުގައި މަޑުކޮށްލައިގެން…“ ނަދީމްގެ ޖުމްލައިން އަމީރާއަށް ނިތް އަރުވާލެވުނެވެ. މެޔަށް ފިނިވެގެން ދިޔައިރު އަމީރާ ބޯޖަހައިލިއެވެ.

”އާމީ.. އާދޭ.. ހިޔާ ޝީ އިޒް“ ކޮޓަރީގެ ދޮރުން ބޯ ދިއްކޮށްލާފައި މަޖުދާ ގޮވާލި ހިނދު ބޭރުގެ ގޮނޑިތަކުގައި ތިބެފައި އާމިލާއާއި ހައިކަލް އެތެރެއަށް ވަނެވެ. ފުރަތަމަ ވެސް އެނދުގެ ހެޑްބޯޑުގައި ލަތްގަނެލައިގެން އިން އަމީރާ ފެނި އާމިލާއަށް ހައިކަލްގެ އަތައް ބާރުކޮށްލެވުނެވެ. ހައިކަލްގެ މޫނުމަތީން ވެސް ފެންނަމުން ދިޔައީ ބަޔާންކުރަން ދަތި ޝުއޫރެކެވެ.

”ހާ..ހާއީ އެމީ“ އާމިލާގެ އަނގައިން ނުކުމަތް ދެ ލަފްޒް ބުނެލީ ގަދަކަމުން ކަހަލަ ގޮތަކަށެވެ. ހީވީ އެތައް އިރަކު ނޭވާ ނުލާ ހުރެފައި ބުނެލިހެންނެވެ. އެހާ ވެސް އުނދަގޫ ގޮތެއް ހުއްޓެވެ.

”ކާމް ޑައުން.. ޖަސްޓް ފޯކަސް އޮން ދި ގާލް“ ތުންފަތައް ހިނިތުންވުމެއް ވެރިކޮށްލަމުން އާމިލާއަށް އެކަނި އިވޭ ވަރަށް ހައިކަލް ބުނެލިއެވެ.

”ކިހިނެތްތަ އެމީ.. އަމް ރިއަލީ ސޮރީ..ޑިޑް އައި ސްޓާރޓްލް؟ “ އާމިލާގެ ތުންފަތައް ނުހަނު އުނދަގުލުން ވެރިކޮށްލެވުނު ހިނިތުންވުން އެގޮތުގައި ބެހެއްޓޭތޯ އޭނާ މަސައްކަތް ކުރަމުން ދިޔައެވެ. ނޭނގޭ ސަބަބަކާއި ހުރެމެ އޭނާ ދެރަވަނީއެވެ.

”ނޫނޭ..ދައް..ދައްތާ..އަމް ފައިން އަލްހަމްދުލިއްލާހް“ ކަޅިޖަހާނުލާ އާމިލާގެ މޫނަށް ބަލަން ހުރެފައި ނުހަނު ފުރިހަމަ ހިނިތުންވުމެއް އަމީރާ ވެސް ރައްދުކޮށްލިއެވެ. ’ދައްތަ‘ އޭ ބުނެ މުހާތަބުކުރަން އެހާ އުނދަގޫވި ވަގުތުކޮޅެއް އޭނާގެ ހަޔާތުގައި ވެސް ނާދެއެވެ.

“އެހާލުގަ އޮވެ ވެސް އެމީ އެކިޔަނީ ޖޮބް ލިބޭނެ ހޯ ހަހަހަ.. ނޫނޭ ވާ މުރާލި ދަރިއެއް މި“  ހިނިއައިސް ހުރެމެ މަޖުދާ ބުނެލިއެވެ.

”ހެހެހެހެ.. އަހަރެންގެ މާއިންމެން ގެ ނުހުރޭ މިފަދަ ވިސްނުމެއް.. ކިހާ ދެރަ… ހާސްނުވޭ އެމީ.. ހޮސްޕިޓަލުން ގެޔަށް ދެވުނީމަ ދެން އެކަމާ ވިސްނާނީ ދޯ.. އެ ޖޮބް ހަމަ އެމީއަށްޓަކައި އަދިވެސް ހުޅުވިފަ އިނީ.. “ ހައިކަލްގެ ޖުމްލަތަކުން އަމީރާއަށް އެ ހިނިތުންވުމުގައި އިދެ ބޯޖަހާލެވުނެވެ. އިރުކޮޅަކު ވާހަކަ ދައްކާލަން މަޑުކުރުމަށްފަހު އެދެމަފިރިން ދިޔައެވެ. އެމީހުން ދިޔަ ތަނުން އައިސް ވަނީ ނާޔާ އެވެ.

”ނާޔޫ.. ކޮބާތަ ޔޫވީކޮޅު.. މިއަދު އަދި އެކުއްޖާ ނުވެސް ފެނޭ.. “ ނަދީމް އަހާލުމާއި އެކު ޔުމާން އާއި އެކު ޔޫވީން ތިރީގައި ވެއްޖެ ކަމުގައި ނާޔާ ބުނެލިއެވެ. އެހެންހޭ ބުނެ ނަދީމްއާއި މަޖުދާ ނުކުމެލީ ނީޝަން ބަނޑުހައި ވެއްޖެކަމުގައި ކިޔަންފެށުމުން، ތިރީގައި ހުންނަ ކެންޓީނަށް ދިޔުމަށެވެ. އޭރު މީރާން އާއި އިރަމް ނިކަން ހަމަޖެހިލާފައި ސޯފާގައި ތިއްބެވެ.

”ހޭލޯ…ނައިސް ޓް މީޓް ޔޫ އެމީ.. ކިހިނެތް  ތަ މިހާރު؟ ހޮސްޕިޓަލްގައި ބިޒީ ކަމުން މި ތިން ދުވަހު ގެޔަށް ވެސް ދެވެނީ ވަރަށް ލަހުން.. އެކަމާއި ހުރެ އެމީ އައި ވާހަކަ މަންމަ ބުނީމަ ވެސް ނުދެވިގެން މިއުޅެނީ..“ ނާޔާއާއި އަމިރާ އަދި ބައްދަލް ވީ މުޅިން އަލަށެވެ. ނަމަވެސް ވާހަކަ ދައްކަން ފެށީ ނުހަނު ގާތްކޮންނެވެ.

****

ޒަންޔާ މަޑުކޮށްލައިގެން އިނީ، އޭނާގެ ކޮޓަރިން ނުކުމެވެން ހުންނަ ބެލްކޮނީ ކޮޅުގައިވާ ބީޗް ޗެއާގައެވެ. އިރު އަރަމުން ދިޔަ ވަގުތު ކަމުން ރަން ދޯދިތައް އުޑުމައްޗަށް ލަސްލަހުން ފެތުރެމުން ދިޔައެވެ.  އޭނާގެ ދޮން ހަންގަނޑަށް އިރުގެ ދޯދިތައް އެޅެމުން ދިޔަގޮތުން ހީވީ ވިދަމުން ދިޔަހެންނެވެ. ބެލްކޮނީގައި ހުރި އެކި ކުލަކުލައިގެ ފިނިފެންމާ ގަސްތަކުން ޖެހެމުން ދިޔަ ލުއި ވައިރޯޅިތައް ވެސް ހީވީ ޒަންޔާގެ މިލާ މޯޅިވެފައިވީ މޫނުމައްޗަށް ދިރުމެއް ގެނެސްދޭން މަސައްކަތް ކުރަމުން ދިޔަހެންނެވެ.

”ޒަން…ޒަން.. ދަރިފުޅާ“ ކޮޓަރީގެ ތެރެއަށް ވަދެގެން އައީ ލައިލާއެވެ. ލައިލާގެ އަތުގައި ތަބަކެއް ހުރިއިރު އޭގައި، އާވި އަރައަރާ ހުރި މައިލޯ ތައްޓަކާއި ޓޯސްޓް ހުއްޓެވެ. ޒަންޔާގެ މޫނުފެނުމުން ހިތައް މޮޅިވެރިކަން ވަތް ނަމަވެސް ލައިލާ ހިނިތުންވެލައިގެން ހުރެ، އޭނާ އިން ގޮނޑީގައި ބާކީ އިން ހުސްތަންކޮޅުގައި އިށީންދެލިއެވެ.

”ދަރިފުޅާ.. ހިނގާބަ އެއްޗެއް ކާލަން .. ޒިޒީ އާއި ޒޫރާން ވެސް އެބަ ތިބި ނުކާން ވެގެން ދޮންތި ނުކާތީވެ… މަންމަ މިއައީ ދަރިފުޅަށް އެންމެ މީރު ގޮތައް ޗިކަން އަޅައިގެން ޓޯސްޓް  ފިހެގެން.. “ މަގަތުގައި ހުރި ކުޑަ ކޮފީ މޭޒުމަތީގައި ތަބައް ބަހައްޓާފައި އޭނާ ތެދުވެ ޒަންޔާގެ އަތުގައި ހިފައި ނެގިއެވެ. އެހެން ފަހަރުތަކުގައި ހަދާހެން ނެގުމުން ވެސް މިފަހަރު އޮއްތާލާކަށް  ނޫޅެއެވެ. ލައިލާގެ ހިތައް އެކަމުން ތަސައްލީއެއް ލިބުނެވެ. ޒަންޔާ އެނބުރި ރާއްޖެ އައި ފަހުން ހަތަރު ދުވަސް ވެގެން ދިޔައިރު އެނޫނީ އެފަދައިން ކޮޅަށް ވެސް ނީދެއެވެ.

ޒަންޔާގެ އަނގައިގާ ޓޯސްޓުން އެތިކޮޅެއް ލައިލާ ލައްވާލަ ދިނެވެ. މަޑުމަޑުން އަނގަހުޅުވާލެވުނު އިރު ޒަންޔާގެ ދެލޮލަށް ބޮނޑިވެގަތީ ކަރުނައެވެ. ލައިލާގެ އެހެޔޮކަމުން މިއަދު ޒަންޔާގެ ހިތައް ވަނީ ތަދެކެވެ. އަރުތެރެ ބެދެމުން ދިޔަގޮތުން އެންމެ އެތިކޮޅެއް ވެސް އިތުރަކަށް ޒަންޔާއަކަށް ދިރުވައެއް ނުލެވުނެވެ. ލައިލާ ދެވަނަ ފަހަރަށް ލަވައިދޭން އަތް ހިއްލާލި ހިނދު އެއަތުގައި ހިފާ ތިރިކޮށްލަމުން ލައިލާގެ ގައިގާ ޒަންޔާ އޮޅުލައިގަތެވެ. އަޑު ނީއްވި ނަމަވެސް އެދެލޮލުން ފައިބަމުން ދިޔަ ކަރުނު ތިކިތަކުން ލައިލާގެ ކޮނޑު ދިޔައީ ތެމެމުންނެވެ. ލައިލާގެ ލޮލުން ވެއްޓެން ދިޔަ ކަރުނު ތިކި ޒަންޔާއަށް ފެނުމުގެ ކުރިން ފުހެލިއެވެ.

”މަންމަ ރުޅި އެއް ނާދޭތަ އަހަރެން ދެކެ..؟ މާކް އަށް ވީ ގޮތުން..އަމް ސޮރީ މަންމާ.. އަމް ރިއަލީ ސޮރީ..“

”ދަރިފުޅާ ތިހެން މާފަށް ނޭދިބަލަ ..މަންމަގެ ދަރިފުޅާއި މެދު ހިތުގައި ރުޅިވެރިކަމެއް އޮންނާނެތަ އަޅެ.. ޒަން ހުއްޓާލަބަލަ.. އަހަރެމެން އިންސާނުންނަށް އޮންނާނީ މަސައްކަތް ކުރުން  ..ކާމިޔާބު ދެއްވާނީ އެފަރާތުން .. ޒަން އަށް ވެސް މަންމަ އަށް ވެސް ކުރެވޭނީ މަސައްކަތް.. ގިނަގިނައިން ދުއާ ކުރުން މަތީގަ ދެމިތިބެން ޖެހޭނީ..އިރާދުކުރެއްވިއްޔާ ރަނގަޅު ގޮތަކަށް ނިމޭނީ.. މާކް ފެންނާނެ ދަރިފުޅާ.. “

”އިންޝާﷲ.. އެކަމަކު އެމީ..ދެޓް ގާލް އޯލްރެޑީ ސަފާރޑް އަލޮޓް.. މާކް އެންމެ ފަހުން ވެސް އެދުނީ އެކަމަށް..އެމީ ސަލާމަތް ނުކޮށްދެވުނީ އަހަރެން އެންމެ ދެރަވަނީ.. އެންމެ ލަސްޓް މޯމެންޓް ހަނދާން ވިޔަސް ދެރަވޭ..ހޫގޯގެ އަތް ދޮށައް ގޮސްފިއްޔާ ޖިނާންއާއި ކައިވެނިކުރުވާނެ“ ޒަންޔާއަށް ދެލޯ މަރާ ފިތާލެވުނެވެ.

ލައިލާ ވެސް އެންމެ ހިތައް އުނދަގޫވަނީ އަމީރާގެ މަތިން ހަނދާންވެފައެވެ. މާކިންއަށް ހާލު ޖެއްސި ނަމަވެސް ފުރާނައާއި ކުޅެ ނުލާނެކަން މިއީ ދުވާލް ފަދައިން އޭނާ ދަނެއެވެ. ނަމަވެސް އަމީރާ ކޮބައިބާއެވެ. ހޫގޯއާއި ޖިނާންގެ ނުބައިކަން ހިތައް އެރުވި ނަމަވެސް ހިތް ބިރުން ތެޅިފޮޅިގަނެއެވެ. އޭނާ ތަހައްމަލް ކުރި ފަދަ ހިތްދަތި ކަމެއް އިތުރު މީހަކަށް ޖެހޭކަން އޭނާ ނޭދެއެވެ.

”ޒަން.. މަންމަ އެބައޮތޭ ދަރިފުޅަށް ވާހަކައެއް ކިޔައިދޭން ވެފަ..“ ލައިލާގެ ޖުމްލައިން ވަގުތުން ޒަންޔާ ގެ މޫނުން ޝައުގުވެރިކަން ފެނިގެންދިޔައެވެ.

”މަންމަގެ ފްރެންޑް މޯނާ އެނގެއެންނު ދޯ.. އޭނާގެ ވާހަކަ ކިޔައިދިނީމެންނު.. ކެންސަރ ބަލީގެ ކަންތައް“ އެހިސާބަށް ބުނި ހިނދު ޒަންޔާއަށް ކާކުކަން އެނގިގެން ބޯ ޖަހައިލިއެވެ.

”އޭނާގެ ދަރިއެއް ހުންނާނެ.. ލިއޯ ކިޔާ.. ވީ ހަޔާރޑް ހިމް“ ލައިލާގެ ތުންފަތުގައިވާ ހިނިތުންވުން ޒަންޔާއަށް ވިސްނިގެން ދެލޯ ބޮޑުކޮށްލެވުނެވެ. އޭގެ ފަހުން ލައިލާ ދައްކަމުން ދިޔަ ކޮންމެ ވާހަކައަކުން ޒަންޔާގެ މިލާ މޯޅިވެފައިވާ މޫނަށް ދިރުން ލިބިގެން ދިޔަ ފަދައެވެ.

”މަންމާ ޔޫ އާރ ދި ބެސްޓް.. އެކަމަކު އެމީހުންނަށް ލިއޯ ބަސްޓް ވެއްޖެޔާ އޭނާގެ ދުވަސް ވެސް ދުއްވާލާފާނެ“ ލިބުނު އުފާވެރި ހަބަރުން ޒަންޔާ އަށް ލައިލާގެ ގައިގާ އަނެއްކާވެސް ބައްދާލެވުނެވެ. ނަމަވެސް އެގޭގެ ކަންތައް ވާގޮތް ލައިލާއަށް ހަނދުމަ ކޮށްދިނެވެ.

”ލެޓްސް ހޯޕް ފޯރ ދި ބެސްޓް.. ލިއޯ އެ މަސައްކަތާއި ކުރިމަތިލީ އެއްވެސް މަޖުބޫރުކަމެއް ނެތި އެއީ ކިހާ ޑޭންޖާރ ކަމެއްކަން އެނގިހުރެ.. މަންމަ ހީކުރި ވަރަށް ވުރެން އޭނާ ސްމާރޓް އަދި“ ލައިލާގެ ވާހަކަ ތަކުން ހިތްހަމަ ޖެހުމަށްވުރެން ، ބޮޑީ ލިބުނު ނުތަނަވަސް ކަމެވެ. ނަމަވެސް ލައިލާ ބުނިހެން އެކަމަކީ ކުޑަކަމެއް ނޫނެވެ. ރަނގަޅު ގޮތެއް ވޭތޯ ދުއާ ކޮށް،  އުއްމީދު ކުރުން ނޫން ގޮތެއް ނެތެވެ.

****

ހޮސްޕިޓަލުގައި އެނދުމަތިކޮށްފައި ބޭއްވުމަށްފަހު ހަތަރު ދުވަސްފަހުން އަމީރާ ގެއަށް ދޫކޮށްލިއެވެ. ހަތަރު ދުވަހު އޭނާގެ ގާތުގައި އެންމެ ގިނައިން ހޭދަކުރީ އިރަމްއާއި މަޖުދާއެވެ. ވަޒީފާގެ ވަގުތުތަކަށް ފަހު ނަދީމް ވެސް އާދެއެވެ. މީރާން ވެސް ސްކޫލުން އަވަދިވެގެން ނީޝަން ގޮވައިގެން އާދެއެވެ. ދުވާލަކު އެއްފަހަރު ނަމަވެސް ނާޔާ ވެސް އާދެއެވެ. ނަމަވެސް އެންމެން އައި އިރު ވެސް އެންމެ ފަހަރަކު ވެސް އިޔާން ނާދެއެވެ. ކޮންމެ ރެއަކު ނިދެނީ، އެކަމާއި ވިސްނި ރޯން އޮތްވައެވެ.

”ކޮބާ ހިނގާ ދަމާ.. ދޮންބެ އެބަހުރި ބަލާ އައިސް“ ނަރުހުން އައިސް އައިވީ ކެނިއުލާތައް ނައްޓާލުމަށްފަހު ހޮސްޕިޓަލުން ދޫކޮށްލި ކަމުގެ ލިއުންތައް ދިނުމުން އެބައިގާ ސޮއި ކުރުމަށްފަހު އަމީރާ ތެދުވިއެވެ. ކަބަޑުގައި ހުރި ސާމާނުތައް ކަރުދާސް ކޮތަޅަކަށް އަޅައިގެން އޭރު އިރަމްވެސް ހުރީ ތައްޔާރުގައެވެ. އަމީރާ ހިނިތުން ވުމެއް ރައްދުކޮށްލަމުން ހިނގާށޭ ބުނެ އިރަމްގެ އަތުގައި ހިފައިގެން ނުކުތެވެ.

“ މަންމަ ވެއްޖެ އެމީގެ ބޭސް ނަގަން ގޮސްފަ.. އެނގޭތަ މިއަދު ރީއްކޮ ގޮވައިގެން މިއުޅެނީ“

”އައި މިސް ހާރ .. ފޯރ ޑޭސް އެ ފުށްކޮޅު ނުފެނި މިވަނީ.. އައި ލަވް ދެޓް ކިއުޓީ ޕައި..އެއީ  ހަމަ އިޔާގެ ތައްގަ..ގްގް“ ރީއާގެ ވާހަކަ އިރަމް ބުނުމުން އިޙްތިޔާރުން ބޭރުގައި އަމީރާއަށް ވާހަކަދެއްކުނެވެ. ހަގީގަތުގައި ވެސް އަމީރާ ހުރީ ރީއާގެ މަތިން އިންތިހާއަށް ހަނދާންވެފައެވެ. އަމީރާ އައި ފަހުން ރީއާ ގިނަ ވަގުތު ހޭދަކުރަނީ ވެސް އޭނާއާއި އެކުގައެވެ. ބުނެވުނު ޖުމްލަ ހުއްޓުވާލެވުނީ ބުނަން ނުވާ ހިސާބަކަށް ބުނެވުނު ފަހުންނެވެ. އޭރު ހުއްޓިފައި ހުރި އިރަމް ހުރީ އަނގަހުޅުވިފައެވެ.

”ވެއިޓް.. ވަޓް..؟ އެމީ ވަޓް؟ އިޔާ؟ ދޮންބެ ؟ ހާދަ ލޯބިން ދޮންބެ ނޭމް؟“ އިރަމްއަށް ހުރެވުނީ އަނގަނަގައި ގެންނެވެ.

”ވަޓް ދި ހެލް އަމީރާ.. ހާދަ އަނގަ ވެސް ގަދައޭ ރާއްޖެއައި ފަހުން“އަމީރާއަށް ދުލުކުރީގައި ދަތް އެޅުނު އިރު އަމިއްލަ ނަފްސަށް އިވޭވަރަށް ކުދި ކިޔުނެވެ.

”އެމީ.ވަޓްސް ގޮއިން އޮން؟.. ބަލާ ދޮންބެ މި ހަތަރު ދުވަހު ނައިސް އިރޫއަށް ކޮށްފަ އޮތްހާ މެސެޖް މިހުރީ.. އެމީ ކިހިނެތް ހޯ އަޙާފަ.. އެންމެ ފަހުން އިހަށް ރޭ ރުޅިގަދަވެގެން ވީޑިއޯ ކޯލް ކޮށްފަ އެމީ ދެއްކީ.. އެގަޑީގަ އަހަރެން އެހީމަ ބުނީ އެމީ ހޯދަން ރީއްކޯ ކިޔާވަރުންނޯ… އިޒް ދެއާރ ސަމްތިންގ އައި ޑިޑިންޓް ނޯ؟ މްމް ބައި އެނީ ޗޭންސް..ޑިޑް ޔޫ ގާއީޒް ހޭޑް އަ ފައިޓް؟.“ އިރަމް ހުރީ ޖާސޫސް ކުރާ ފަދައަކުން ބަލަހައްޓާއިގެންނެވެ. އަމީރާއަށް ހިންދިރުވާލެވުނެވެ.

”އަހާން ނޫނޭ..އަހަރެމެން ދިމާ ވެސް ނުވޭ  އެގޮތަކަށް.. އަހަހާ..އޭ..އޭނާ އެންނު މަ ގެނައީ މިކޮޅަށް އެހެންވެ ބަލައިލީ ކަންނޭގެ އެންނު.. އެހެންނޫނަސް ތިބުނި ގޮތައް ރީއްކޮ ހޯދަން ކިޔާވަރުން ކަމަށް ވެސް ވެދާނެ.. އަހަރެން މިބުނީ ރީއްކޮ މަތިން އަހަރެން ހަނދާންވި ވަރު.. ސޯ“ އަމީރާ ވާހަކައެއް ހަދާލަން ވިސްނާފައި ވެސް ބުނީ ދޮގު ވާހަކައެއް ނޫނެވެ. ނަމަވެސް އޭނާގެ ގާތައް ހުރީ ރުޅި އަންނަ ގޮތްވެފައެވެ. އޭނާގެ ހާލާއިއަހްވާލް އެއްވެސް ވަރަކަށް ބަލަން ނައިސް އިރަމް މެދުވެރި ކޮށް އެހުމުގެ ވަކި އޮތީ ކޮންބޭނުމެއް ހެއްޔެވެ. އިރަމްވެސް ’އޯހް‘ އޭ ބުނެ ހީލަމުން އަމީޜާގެ އަތުގައި ހިފައިގެން ނުކުތެވެ.

”ޔޭ..ޔޭ“ ބޭރުން ނުކުތް ހިނދު މަޖުދާގެ ގާތުގައި ހުރެފައި އަމީރާ ފެނިގެން ރީއާ ލޯބި ހިނިގަނޑެއް ޖަހާލުމަށްފަހު އައިސް ދެފައިގާ ބައްދާލިއެވެ. އެކުޑަ ކުޑަ ކުއްޖާގެ ހިތުގައި އެހާ ކުޑަ ދުވަސްކޮޅެއްގެ ތެރޭގައި އޭނާއާއި ހެދި އުޅެމުންދިޔަ ގޮތް ފެނި ލޯބިން ހިތްފުރުނެވެ.

”ޔެސް..ޔެސް ދޫނިކޮޅު“ ރީއާ ނަގާ ގަޔާއި ފިތާލަމުން އެ ކޯކޮޅުގައި ނިކަން ލޯބިން ބޮސްދިނެވެ.

”ޕާކަށް..ޕާކަށް..ޕްލިސްސް.. ކޮއްކޮ ބޭނުން ..ބޭނުން…ޕްލިސްސް..ޕްލިސް“ އަމީރާގެ ކަރުގައި އޮޅިގަންނަމުން މައުސޫމް ގޮތަކަށް ތުންފިއްތާލިއެވެ. ރީއާ އެދެމުންދިޔަ ގޮތުން އަމީރާއަކަށް ދެކޮޅު ހަދާކަށް ނުކެރުނެވެ. އަމީރާއަށް ބެލުނީ މަޖުދާއާއި އިރަމްގެ މޫނަށެވެ.

”ދަރިފުޅޫ އަދި ދާނަމޭ ގޮވައިގެން… ފުރަތަމަ ހިނގާ ދޯ ހުރިހާ ކުދިން ކާރަށް އަރަން..އިޔާ ބުނި ރީއްކޮ އަނގައިން އެމީގެ ވާހަކަ ނުހުއްޓަ ޔޯ މި ދިޔަ ދުވަސްތަކުގަ.. އެކަމަކު ހުން ބާރުކަމުން ގެންނަން ނުކެރުނީ އިޔާއަށް ވެސް.. ހުއްޓާ ނުލާ ނިކަން ރުއޯ އެމީގެ ގާތައް އަންނަން ކިޔަކިޔާފަ..“ މަޖުދާ ވެސް ހީލަމުން ހިނގައިގަތީ ކާރާއި ދިމާލަށެވެ. މަޖުދާގެ ޖުމްލައިން މިފަހަރު އަމީރާ ސިހުނެވެ.

”ރީއްކޮ ހުން އައީ؟ ވެން؟ ކިހިނެތް ދޫނި މިހާރު“ އަމީރާގެ ދެލޯ ބޮޑުވިއެވެ. މަޖުދާ އާއެކޭ ބުނެ، ރީއާ ގޮވައިގެން ޑޮކްޓަރަށް ދެއްކުމަށް ވެސް އިޔާން ދިޔަ ވާހަކަ ބުނެދިނެވެ.

”މިއަދު ހޭލިފަހުން ރަނގަޅު.. އެހެންވެ ދެން އިޔާ އެއައީ ގޮވައިގެން.. “

އަމީރާއަށް ތުންފިއްތާލައިގެން ހުރެ ރީއާގެ ކޮލުގައި ނުހަނު ލޯބިން ބޮސްދެވުނެވެ. ”ސޯ އެހެންވެ ދޯ އިޔާން ނައީ.. ސްޓިލް ހީ އިޒްންޓް އިނޮސެންޓް“ އެ ޖުމްލަތައް އޮތީ އަމީރާގެ ހިތުގައެވެ. އިޔާންގެ ކުށެއްކަން އެނގުނު ނަމަވެސް އަމީރާ ހުރީ ގޮތުގައެވެ. ކުރިން ބައިން އިޔާން ނައުމުން ހިތުގައި ބަދެވިފައި ހުރި ޝަކުވާތަކުގެ ސަބަބުން ، ދެރަވާ ގޮތްވެފައި ހުއްޓަސް އެކަން ގަބޫލް ނުކުރަން އަމީރާ ދެފަޜާތައް ބޯހޫރުވާލިއެވެ.  މަޖުދާގެ ފަހަތުން ރީއާ އުރާލައިގެން ހުރެ އަމީރާ ވެސް އައެވެ. އޭރު އިޔާންގެ ކާރު ޕާކިން ޒޯނުން ނެރެގެން އެމީހުންގެ އިންތިޒާރުގައި މަޑުކޮށްލައިގެން އޮތެވެ.

”މަންމާ.. އިރޫ ދާނަން އިނގޭ…  ބިނޫގެ ގެ މަންމަ ނިޔާވިފަހުން އަދި ބަލާލަން ނުދެވޭ.. މިއަދު ކްލާސްވެސް ނެތީމަ ދާން ވެގެން“ އިރަމް އަހައިލީ ހުއްދައަށް އެދޭފަދައަކުންނެވެ.

”ނޯ ވޭ..އެކަނި ނުދެވޭނެ…ދޮންބެ ކައިރީގަ މަންމަ ބުނާނަން އެހިސާބަށް ލައިދީފަ ގެޔަށް ދާން“

”ނޫނޭ މަންމާ ..މިހާރު އަހަރެން ރަނގަޅޭ.. އިރޫ ދާ ވާހަކަ ބުނީމަ ބިނޫގެ ކުޑާ އެބައާދޭ ސައިކަލުގަ ބަލާ… ދެން ނިމޭ ގަޑީގަ ގުޅާލާނަން ދޮންބެ އަށް .. ބުނައްޗޭ ފޯނު ނަގާށޭ“ އިރަމް އެދުނެވެ. ބަލައި އަންނަ ވާހަކަ ބުނުމުން ނިކަން ފަސޭހައިން މަޖުދާ އާއެކޭ ބުނެލިއެވެ. އިރަމް ވެސް އަމީރާއާއި ރީއާއަށް އަތް ހޫރުވާލަމުން ނުކުތެވެ.

“އެމީ.. ކިހިނެތް ތަ؟“ ކާރަށް އަރާ އިށީނުމާއި އެކު ކުރީ ސީޓުގައި އިން ނަދީމް ވާހަކަ ދެއްކިއެވެ.

”އަލްހަމްދުލިއްލާހް މިހާރު ރަނގަޅު“

”ރަނގަޅޭ އެބުނީނު ނިކަން.. ޑޮކްޓާރ ބުނި ލޭ މަދުކޮން އުޅޭ ވާހަކަ .. ވަރަށް ރަނގަޅަށް ކާން ވާނެ.. އިރޫ އާއި އެމީގެ ނެތް ހަމަ ތަފާތު އެންމެ ތަންކޮޅެއްވެސް“ މަޖުދާ ބުނެލި އިރު އެއަޑުގައިވީ އަޅާލުމެވެ. ހެވިފައި އިނދެ އަމީރާ ބޯޖަހައިލިއެވެ. ކާރުގެ ކުރީ ސީޓު ހުސްކޮން އިންތަން ފެނުމުން ހައިރާން ވެސްވިއެވެ. އިޔާން ބަލައި އައި ވާޙަކަ އިރަމް ގައިމު ބުންޏެވެ. އެ ސޫރަ ދެކިލަން ކިތަންމެ ބޭނުން ވިޔަސް ކޮބައިތޯ އަހާލާކަށް ވެސް ނުކެރޭނެއެވެ.

”ކޮބާތަ އިޔާ..؟“ އެ ސުވާލްގެ ޖަވާބު ހޯދަން ކެތްމަދުވެފައި އިންދާ ކޮށްލީ މަޖުދާއެވެ.

“މިއޮތް އައީނު.. މިތަނުގެ ކެންޓީނުގެ ލެމަން އައިސް ޓީ މަށައް މީރޭ ބުނެވުނީމަ ގަންނަން އެދިޔައީ.. ރަނގަޅު ދަރިއެކޭ.. ހެހެހެ“ ނަދީމްގެ ޖުމްލަ ނިމެން ވާއިރަށް އިޔާން އައިސް ވަނެވެ. ޗޮކްލެޓް ކުލައިގެން އަތްކުރު ޓީޝާޓަކާއި މަޑުމުށި ކުލައިގެ ސޯޓްގައި ހާދަ ފުރިހަމައެވެ. ވަރުގަދަ މުލައްދަނޑީ ހާމައަށް ފެންނަން ހުރި އިރު އަމީރާއަށް ސިއްރުން ބެލުނު އަދަދެއް ވެސް ނޭނގެއެވެ. އޭނާ ހިފައިގެން ހުރި ކޮތަޅުން ނަދީމްގެ ކޮފީ ދިއްކޮށްލަމުން، ކޮތަޅު އިންގޮތައް ވަތްގަނޑަކަށް ލިއެވެ. ނަދީމް އެއްޗެކޭ ބުނުމުން އިޔާން ހީލީ ވެސް އެހާ ރީތިކޮންނެވެ. ނަމަވެސް އަމީރާގެ މޫނަށް ބަލައިވެސް ނުލިއެވެ. ހިތައް އުނދަގުވެގެން، އަމީރާ ފެށީ ރީއާ އާއި ވާހަކަ ދައްކާށެވެ.

”ޕާކަށް ދޯ ނާނީ..ޕްލިސް“ އިޔާން ދުއްވާލުމުން، އަތް ޖަހާލަމުން އަނެއްކާ ވެސް އަމީރާ ގާތު އެހިއެވެ.

”ދައްތަމެން އިތުރު ތާކަށް ދާން އެބަ އިންތަ“ އަމީރާ އަހައިލުމުން މަޖުދާ ނޫނެކޭ ބުނެލިއެވެ. ރީއާއަށް ނީވޭނެހެން ދެވޭނެ ހޭ އަހައިލުމުން ނިކަން ހެވިފައި އިނދެ މަޖުދާ ބޯ ޖަހައިލިއެވެ.

”ބަޓް އެމީ އަދި ދޫކޮށްލީ..ފިޓް ތަ؟“ މަޖުދާގެ ސުވަލަށް އަމީރާ ވެސް ބޯ ޖަހައިލިއެވެ.

”މްމްމް ޔެސްސް.. ލެޓްސް ގޯ.. ކޮއްކި ބޭނުން ތާކަށް މިއަދު ދާނީ ދޯ“ ރީއާގެ ގައިގާ ބައްދާލައިގެން އިނދެ އެ ކުޑަ ބަޓްން ނޭފަތުގައި ހިފާލަމުން އަމީރާ  ބޯޖަހައިލިއެވެ. އެހިނދު ރީއާއަށް ހީވީ އާދަޔާއި ހިލާފް އުފާވެރިކަމެއް ލިބުނުހެންނެވެ.

”ބެސްޓް..ބެސްޓް“ އެކުޑަ ދެތުންފަތައް ވެރިވި ހީލުމުން ފުޅާވެ ލޯބި ހިނިގަނޑެއް ޖަހާލިއެވެ. މަޖުދާއާއި ނަދީމް ވެސް ހެވިފައި ތިބެ ރީއާއާއި ލޯބި ކޮށްލިއެވެ.

”އެމީ ދެކެ މިހާރު ރީއްކޮ އެންމެ ލޯބި ވަނީ..ހެހެހެ..އެމީ ޖޮބްއަށް ދާންފެށީމަ ބަލާނެ ކަމެއް ނެތް، ހަމަ ޔަގީން ދެން ކިޔާނީ އެތަނަށް ދާން ހިނގާށޭ“

ނަދީމްގެ ބަހުން، ހެވިފައި އިނދެ އަމީރާއަށް އެތްލި ކަޅިއަކުން ކާރުގެ ކުރީ ކޮޅުގައި އިން ލޯގަނޑުން އިޔާން، ސީދާ އޭނާގެ މޫނަށް ބަލަން އިންތަން ފެނި ހުއްޓުން އަރައިގެން ދިޔައެވެ. މުޅި ހަށިގަނޑުގައި ހީވީ ފިނި ރާޅެއް ދަތުރު ކޮށްލިހެންނެވެ. ކަޅި ޖަހާނުލާއި ބަލަމުން ދިޔައިރު ހީވީ އެ ނަޒަރުން އަމީރާ ލަދު ގަންނަވާލަން އުޅުނުހެންނެވެ. ކައިރީގައި މަޖުދާއާއި ނަދީމް ތިބިކަން އިޙްސާސްވެ އަމީރާ އަވަސް އަވަހަށް އިސްޖަހައިލިއެވެ. ނަމަވެސް ދެވަނަ ފަހަރަށް ބަލައިލި އިރު ވެސް އެގޮތުގައި އިޔާންގެ ނަޒަރު ހުއްޓިފައި ހުއްޓެވެ. ފިނިވަމުން ދިޔައިރު އެމޫނުގައި ފެތުރިގަތީ ޖަންބުކުލައެވެ. އަޅާނުލާ ރީއާއާއި ވަހަކަ ދައްކަން އިން ނަމަވެސް ހިތުގެ ތެޅުން ނުހަނު ބޮޑަށް އިޙްސާސް ވަމުން ދިޔައެވެ.

”ދަރިފުޅޫ މިއޮތް އާދެވުނީ ޕާކަށް“ ސެންޓްރަލް ޕާކްގެ އެއްފަރާތައް ކާރު މަޑުކޮށްލަމުން އިޔާން ގޮވާލިއެވެ. އޭރު ނަދީމްއާއި މަޖުދާ ވެސް ވަނީ ފައިބާފައެވެ.  އެއަޑައް ރީއާ އުރާލައިގެން ހުރެ އަމީރާ ވެސް ފޭބިއެވެ.

”ބްވިޖް..ބްވިޖް“ ރީއާގެ ދެލޮލުގައި ބްރިޖް އަޅައިގަތުމުން އެންމެ ފުރަތަމަ ވެސް ބޭނުންވީ އެތަނަށް ދާށެވެ.  އެންމެ ރަނގަޅޭ ބުނެ އެދިމާލަށް އަމީރާ ރީއާ ގޮވައިގެން ދިޔުމުން ، ރީއާ ގެ ނަމުން އިޔާން ގޮވާލިއެވެ. އޭނާ ލޯ އަވި އައިނުން ފޮރުވާލާފައި ހުރުމުން އިޔާން ބަލަމުން ދިޔަކަން އަމީރާއަކަށް ނޭނގެއެވެ.  އިޔާން ގެންގުޅުނު ކޮތަޅުން ދެ ތަށި ނެގުމަށްފަހު ދިއްކޮށްލިއެވެ.

އަމީރާއަށް ބަލައިލެވުނެވެ. އޭގައި ހިފަން ހިތް އެދުނަސް އޭނާ ބޭނުން ވީ އިޔާންގެ މޫނުމައްޗަށް އެތަށި ޖަހާށެވެ.  މަޖުދާއާއި ނަދީމް ބަލަހައްޓާއިގެން ތިބުމުން އެންމެފަހުން އޭގައި އަތްލަމުން ކުޑަކޮން އިން ސްޓްރޯބެރީ މިލްކްޝޭކް ރީއާގެ އަތައް ދިއްކޮށްލިއެވެ.

އަމީރާއާއި ރީއާ ދިޔުމުން އެމީހުން ފެންނަ ހިސާބުގައި އިން ބެންޗެއްގައި ނަދީމް އާއި މަޖުދާ އިށީންދެލުމުން ، އިޔާން ވެސް ބެންޗުގެ ބާކީ އޮތް ތަނުގައި އިށީނެވެ.

”އެމީ ހާދި ލޯބިއޭ..ނޫންތަ ނަދީމޫ.. ބަލާ ރީއްކޮ ވެސް އެމީއަށް އެޓޭޗް ވެފަ ހުރި ވަރު.. ކިރިޔާ ވީކްއެއް މިވީ އެކަމަކު އެމީއާއި ހެދި އެއުޅެނީ މަށާއި ހެދި ވެސް ނޫޅޭ ވަރަށް“  މަޖުދާއަށް އަތުގައި އިން ތަށީގައި ތުންޖަހާލަމުން ބުނެލި އިރު ތުންފަތުގައިވީ އުފާވެރި ހިނިތުންވުމެކެވެ.

“އަސްލުވެސް.. ހިތްހެޔޮ ކުއްޖެއް އެއީ.. ރީއްކޮއާއި އެމީ، އެކުގައި އުޅޭ ކޮންމެ ވަގުތަކު ޔަނާލް އާއި އެމީ އާއި އަޅާ ކިޔާލެވޭ އަހަންނަށް.. އެމީ އަސްލު ވެސް ރީއްކޮއަށް ހާދަ ރަނގަޅޭ ..“ ނަދީމްވެސް ބުނެލިއެވެ.

އިޔާން ބެންޗްގައި ލެގިލައިގެން އިނދެ އަމީރާގެ މޫނައް ކަޅި ޖަހާނުލާ ބަލަމުން ދިޔައިރު، މަޖުދާގެ ވާހަކަ އިވި ތުންފަތުގައި ހިނިތުންވުމެއް ދުވެލިއެވެ. އިޔާންއަށް އަވިއައިނު ގެނެވުނުކަން ނަސީބެކޭ ހިތައް އެރިއެވެ. އެހެން ނޫންނަމަ މައިންބަފައިންގެ ކުރިމަތީގައި މިއަދު އޭނާ ބޭޒާރު ވީހެވެ. ބްރިޖްމަތީގައި ތިބެ ހީހީފައި ރީއާ އާއި އަމީރާ އުޅެމުން ދިޔަ ގޮތުން އިޔާންގެ ތުންފަތުގައި ވާ ހިނިތުންވުން  ފުޅާވިއެވެ.

***

އިރަމް ގެއަށް ދިޔުމަށްޓަކައި އެކުވެރިޔާގެ ގެއިން ނުކުމަތީ އިރުއޮއްސެން އުޅެނިކޮންނެވެ. އެވަގުތު އެގޭގައި މީހަކު ނެތުމުން ދާން ޖެހުނީ އެކަނިންނެވެ. އޭނާގެ އެކުވެރިޔާއަކީ ސައިކަލް ވެސް ދުއްވާ އުޅޭ ކުއްޖެއް ނޫނެވެ.

“ ދޮންބެއަށް ގުޅަންވީ ކަންނޭގެ … އުހޫންން.. ނޫނޭ.. ބަސް ސްޓޮޕަށް ދާންވީ.. އެކަނި ހިނގާލާފަ ދިޔައީ ވިއްޔާ ސަންސެޓް ވެސް ފެންނާނީ.. “

އިރު އޮއްސޭ މަންޒަރަކީ އިރަމް އަބަދުވެސް ބަލާ ހިތްވާ މަންޒަރެކެވެ. އެވަގުތައް އުޑުމަތީގައި ފެވިލާފައިވާ ކުލަތަކުން ހަށިގަނޑަށް ތަފާތު ދިރުމެއް ލިބިގެންދާ ފަދައެވެ. ހިތައް ތަފާތު ހަމަ ޖެހުން ގެނުވައެވެ. އެނގެޔާއި އާރޓިފިޝަލް ބީޗް އޮންނަނީ މާދުރަކު ނޫނެވެ. ދުރުމަގުގެ ބަދަލްގައި އޭނާ ބޭނުންވީ މަގުކުރުކޮށްލާފައި ހަނިގޯޅިތަކުން ދާށެވެ. އޭރުން  ފަސްމިނެޓް ވަރުން އެހިސާބަށް ދެވޭނެއެވެ. ފަންފަން އިސްތަށިކޮޅު ވަޔަށް ވިހުރެމުން ދިޔައިރު ދޮން މޫނުން ނުފިލާ ހިނިތުން ވުމެއް ފާޅުވަމުން ދިޔައެވެ.

ފޯނުން ސްނެޕްޗެޓް ހުޅުވާލުމަށްފަހު އެނާ ދިޔައީ އެކުވެރިންނަށް ’ސްނެޕް‘ އެއް ކޮށްލުމަށްޓަކައި ތައްޔާރުވަމުންނެވެ. އެގެއިން ލާފައި އާޓިފިޝިއަލް ބީޗަށް ދެވެން އޮތް ހަނި ގޯޅިއަށް އެޅުނު ހިނދު، ފިޔަވަޅު ތައް ހުއްޓެން މެދުވެރިވީ ޒުވާން ފިރިހެން ގުރޫޕެއް ދިމާ ކުރިމަތިން ފެންނަން އޮތު މުންނެވެ.

އެމީހުންގެ ތެރެއިން ވެސް އޭނާއަށް ސިހުން ލިބުނީ ގުރޫޕްގަނޑުގެ މެދުގައި އޭނާގެ މޫނަށް ނުބައި ހިނިތުންވުމަކާއި އެކު ބަލަހައްޓައިގެން ހުރި ޒުވާނާ ފެނިއެވެ. އެއީ ހަމަ އެމީހާއެވެ. ހައެއްކަ ދުވަސްކުރިން އޭނާއާއި ފޮށެން އުޅުނު ޒުވާނާއެވެ.

އަޅާ ނުލާ ދާން ހިނގައިގަނެފައި ވެސް ހުއްޓެން މަޖުބޫރުވީ އޭނާއިން ތަނުން ތެދުވެ އިރަމްއާއި ދިމާލަށް އަންނަން ހިތްލާލި ފިޔަވަޅު ފެނިއެވެ. އޭނާއަށް އިރަމް ފާހަގަ ވީއެވެ. ޖެހިލުން ވެފައި ހުރެމެ އިރަމް ވަށައިގެން ކަޅި ހިނގައިލީ އެހީއަށް އެދެން މީހަކު ހުރިތޯއެވެ. އެދުވަހު ސަދަފްގެ ސަބަބުން ސަލާމަތް ވީއެވެ. ނަމަވެސް އެމީހުން ނޫން އިތުރު އެކަކުވެސް އެހިސާބުގައި އެވަގުތު ނެތެވެ. މާލޭގެ ހަނި ގޯޅިތަކުގެ އާންމު އުސޫލުން، އެއީ ވެސް ގޯޅީގެ ކަންމައްޗަށް ވެފައި ގެއެއްގެ ފޫޓުން ބައެއް، އޮތީ މަގަށް ވާހެނެވެ. އެހިސާބަށް މީހަކު އެރީމާ ނޫނީ ނުވެސް ފެންނާނެއެވެ.

***

(ނުނިމޭ)