”ސޮރީ…“ ނިކްޔާން މަޢާފަށް އެދުނެވެ. ޔޫއާ އެއްވެސް އެއްޗެއް ނުބުނެ ކޮޓަރިއަށް ވަދެ ”ބަން“ ކިޔާފައި ދޮރު ޖެހިއެވެ. ނިކްޔާނަށް ފުން ނޭވާއެއް ދޫކޮށްލެވުނެވެ. ބޮލުގެ އިސްތަށިގަނޑުގައި ހިފާ ވާން ކޮއްލަމުން ނިކްޔާން ސޯފާއަށް ވެއްޓިގަތެވެ.
(10 ވަނަ ބައި)
އެނދުމަތީގައި ބަންޑުން އޮށޯވެލައިގެން އޮތް ޔޫއާގެ ދެލޮލުން ފަހަރަކު ކަރުނަ ތިއްކެއް ވެއްޓެމުން ދިޔައެވެ. ކޮޓަރި ތެރޭގައި ހުރި، ހުރިހާ ބޮތްކެއް ނިވާލާފައި ހުރި އިރު، ޔޫއާގެ ގިސްލުމުގެ އަޑު ކޮޓަރި ތެރޭގައި އިވެމުން ދިޔައީ ލުއި މިއުޒިކެއް ފަދައިންނެވެ. މިއަދު ޔޫއާ ވަރަށް ހިތުގައި ޖެހިއްޖެވެ.
ތެދަށް ބުނާނަމަ ޔޫއާއަށް ކުރެވުނީ ކޮއްޓެއްގައި ތާށި ވެފައި އިން ގުރަޔަކަށް ކުރެވޭ ފަދަ އިހުސާސެކެވެ. ޔޫއާއަށް ވެސް ހަމަ އެފަދައެއްނުން ހެއްޔެވެ؟ ޔޫއާގެ ހަޔާތުގައި ޔޫއާ ބޭނުން ގޮތަށް ނެގުނީ ކޮން ފިޔަވަޅެއް ހެއްޔެވެ؟
ޔޫއާ ރޯއަޑު އިވޭތީ ނިކްޔާންގެ ހިތުގައި ރިއްސާލިއެވެ. ދެރަވިއެވެ. އިންތިހާއަށެވެ. ނިކްޔާންގެ ސަބަބުން ޔޫއާގެ ދެލޮލުން ކަރުނަ އަންނާތީ ނިކްޔާން އެކަމާ ހިތާމަ ކުރިޔެވެ.
ލިފްޓު ތެރޭގައިވީ މަރުފަދަ ހިމޭން ކަމެކެވެ. ލިފްޓުގައި ހުރީ އަންހެން ކުއްޖެއް އެކަންޏެވެ. ކޮނޑުގައި އިން ދަބަސް ހުޅުވާލަމުން އެކުއްޖާ އޭގައި އޮތް ހޫޑީ ނެގިއެވެ. މޫނާއި ނިއްކުރި ނިވާވާހެން އިން ”ފުލް ފޭސް ހޫޑީ“ އެކުއްޖާ ލިޔެވެ.
އެންމެ ތިރީ ބަޔަށް އާދެވުމުން ލިފްޓުގެ ދޮރު ހުޅުވުނެވެ. އެކުއްޖާ ޖީބުގައި އޮތް ފޯނު ނަގަމުން ހިނގައިގަތެވެ. ”މިޝަން ވަން! ކާމިޔާބު. ހެހެހެ“ އެކުއްޖާ ވިހަ ހިނިތުންވުމަކާއި އެކު ބުނެލިއެވެ. އަނދިރިގަނޑުން ނިކުމެވުމުން އެޅުނު ބޮކީގެ އައްޔާއި އެކު، ޒުކާގެ މޫނު ކަޝްފު ވެލިއެވެ.
”ޔޫއާގެ ނަންބަރު ވެސް ލިބިއްޖެ. ޝީ ޓޯޓަލީ ޓްރަސްޓްސް މީ“ ޒުކާ ފޮނި ވެލާފައި ބުނެލިއެވެ. ”ޕާފެކްޓް. އާދޭ އެހެންވެ. ދެން މިކަމާ އުޅޭނީ މާދަމާ“ އެކޮޅުން ބުނެލި އަޑު އިވުނެވެ. މިދަނީ ކަމަށް ބުނެ ޒުކާ ފޯނު ބޭއްވިއެވެ. ޒިބު ދަމާލާފައި ހޫޑީ އިން މޫނާއި ނިއްކުރި ފޮރުވާލަމުން ޒުކާ ބަހަށް އެރިއެވެ.
”ކީއްތަ ތިކުރީ؟“ އިޔާލް ދުރަށް ކޮއްޕާލަމުން ލަޔާލީ ރުޅި އަހިސްފައި ސުވާލު ކުރިއެވެ. އިޔާލް އިސްޖަހާލައިގެން ހުރި މަޑު މަޑުން އަތް ހިއްލާލަމުން ތުން ފުހެލިއެވެ. ”ކީއްހޭ ތިކުރީ!“ ލަޔާލީގެ އަޑު އިހުނަށް ވުރެ ބާރުވެލިއެވެ. ”މަގޭ އަނބިމީހާއަށް ބޮހެއް ދިނުން އެއީ ގޯސް ކަމެއް ތަ؟ ނުވަތަ ހަރާން ކަމެއް ތަ؟“ އިޔާލް ނިތްހިއްލާލިއެވެ.
”މަށާ ދިމާލަށް ތިހެން ނުކިޔާށޭ! މިއީ ކަލޭގެ އަންބެއް ނޫނޭ!“ ލަޔާލީ އަކުރުތަކަށް ދަމާލަމުން ބުނެލިއެވެ. ”ކަލޭ މަށާއި ދެން ކައިރި ނުވާ-“ ލަޔާލީ ދައްކަމުން ދިޔަ ވާހަކަ އިޔާލް ހުއްޓުވީ އަނެއްކާވެސް ލަޔާލީއަށް ބޮސް ދެމުންނެވެ. މިފަހަރު އިޔާލް ހުރީ ލަޔާލީގެ ހަރަކާތް ތަކަށް ސަމާލު ވެގެންނެވެ. ލަޔާލީގެ ހަށިގަނޑު ފާރާއި ތަތްކޮއްލަމުން، ދެއަތުގައި ހިފާ މައްޗަށް ހިއްލާލިއެވެ.
އެއްއަތުން ލަޔާލީގެ ދެއަތުގައި ހިފަހައްޓައިގެން އިޔާލް ހުރި އިރު އަނެއް އަތުން ލަޔާލީގެ ހަށިގަނޑުގެ އެތަން މިތާގައި އަތްހާކަމުން ދިޔައެވެ. އިރުކޮޅެއް ވަންދެން ލަޔާލީ ގަދަ ހެދި ވެސްމެއެވެ. އެހެނަސް އިރުކޮޅެއް ފަހުން ލަޔާލީގެ ހަރަކާތްތަށް ހުއްޓުނެވެ. އިޔާލްއަށް ހަމަ ޖެހުމުގެ ނޭވާއެއް ލެވުނެވެ. ލަޔާލީގެ ހަށިގަނޑު އުފުލާލަމުން އިޔާލް ކޮޓަރިއާއި ދިމާލަށް ދިޔައެވެ.
30 10 ވަނީއެވެ. އަދި ވެސް ޔޫއ އޮތީ ކޮޓަރީގައެވެ. ނިކްޔާން އެއޮތީ ސޯފާގައެވެ. ނިކްޔާނަކަށް ކޮޓަރިއަށް ވަންނާކަށް ނުކެރުނެވެ. ޔޫއާއާއި ކުރިމަތި ލާކަށް ނިކްޔާނަކަށް ނުކެރުނެވެ. ކުރިމަތި ލާނީ ވެސް ކިހިނަކުން ހެއްޔެވެ؟
އެވަގުތު ނިކްޔާންގެ ޖީބުގައި އޮތް ފޯނު ރިންގުވާން ފެށިއެވެ. ގުޅަމުން ދިޔައީ މާޔާކަމުން ނިކްޔާން އަވަހަށް ފޯނު ނެގިއެވެ. ”ދަރިފުޅާ؟“
ދަންވަރުގެ ވަގުތެވެ. އެނދުގައި އޮށޯވެލައިގެން އޮތް އިޔާލް އޮތީ ލަޔާލީގެ މޫނުކޮޅުގައި ފިރުމާލަ ފިރުމާލައެވެ. މާދަމާ ހޭލެވުމުން ލަޔާލީ އިލާޔަށް ވަރުބާލާނޭ ކަން ވެސް އޭނާއަށް އެނގެޔެވެ. ނަމަވެސް އެއީ ކައިވެނި ކުރެވި އެހާ ގިނަ ދުވަސް ވީއިރުވެސް ލަޔާލީއާއި ގާތް ވެވުނު ފުރަތަމަ ފަހަރުކަމުން އިޔާލް ހުރީ ހިތްހަމަ ޖެހިފައެވެ. ވަގުތީ އުފަލެއް ނަމަވެސްއެވެ.
މޯޅި އަކަށް ދެމިލަމުން އިޔާލް ތެދުވީ ފާހާނާއަށް ދިޔުމަށެވެ. އެވަގުތު އިޔާލްގެ ފޯނަށް މެސެޖެއް އައެވެ. ބިންމަތީގައި އޮތް ޖިންސު ލަމުން އިޔާލް ސައިޑް ޓޭބަލް މަތީގައި އޮތް ފޯނު ނެގިއެވެ. ”ހޭ“ މެސެޖުގައި އިނީ ހަމަ އެކަނި އެހެންނެވެ. ލާފައި އިން ފޮޓޯއިން އެއީ މިއަދު ކޮލެޖުން ދިމާވި ރިއާނާކަން އިޔާލަށް އެނގުނެވެ.
”ހޭ. ކިހިނެތް މަގޭ ނަންބަރު ހޯދީ؟“ އިޔާލް އަހާލިއެވެ. ”ކްލާސް ގުރޫޕް އިން“ ރިއާނާގެ މެސެޖު ފަޅި ސިކުންތެއް ތެރޭގައި ލިބުނެވެ. ”މިކުއްޖާ މަށަށް ހިތްކީބާ؟“ އިޔާލްގެ ތުންފަތަށް ހިނިތުންވުމެއް ވެރިވިއެވެ. ފޯނު ބާއްވާފައި އިޔާލް ދެން ވަނީ ފާހާނާއަށެވެ.
ސީލިންގާއި ދިމާލަށް ބަލަން އޮތް ނިކްޔާންގެ ޙިޔާލުގައި ދައުރު ވަމުން ދިޔައީ މާޔާ ދެއްކި ވާހަކައެވެ. ”ދަރިފުޅުމެން މަތިން ވަރަށް ހަނދާންވޭ. ދަރިފުޅާ ޔޫއާ ރަނގަޅަށް ބަލައްޗޭ. އެއީ ހަމަ ރަންގަނޑެއް. ދެން ނުލިބޭނެ އެކަހަލަ ދަނބިދަރިއެއް“
ނިކްޔާން ދެލޯ މަރާލިއެވެ. އެއާއި އެކު އެދެލޮލުގައި ބޮނޑިވެފައި ހުރި ކަރުނަތަށް ފައިބައި ގަތެވެ. އެއާއި އެކު ޔޫއާއަށް ވެވުނު ވައުދު ނިކްޔާނަށް އަޑު އިވުނު ފަދައެވެ. ”އޭރު ޔޫ ހުރީ ޔޫގެ ބައްޕަގެ ބެލުމުގެ ދަށުގައެއްނުން؟ މިހާރު ޔޫ ތިހުރީ ޔާންގެ ބެލުމުގެ ދަށުގަ. ޔޫގެ ހަޔާތުގެ މިކަހަލަ ނިންމުން ތަކުގައި އެއްބާރުލުން ދޭން ޖެހޭނީ މިހާރު ޔާންއަށް.. ޔާން ޔޫ ކިޔަވަން އެހީވެދޭނަން. ހުރިހާ ހަރަދެއް ކޮއްދޭނަން.. ޔޫ ކިޔަވާ ނިމުމުން ޔޫ ބޭނުމިއްޔާމުން ޔޫ ވަރިވެސް ކޮއްދޭނަން..“
ނޫނެކެވެ! ނިކްޔާން ޔޫއާ ވަރި ކުރާކަށް ބޭނުމެއް ނޫނެވެ. އެއީ ކީއްވެ ހެއްޔެވެ؟ ސަބަބު ނިކްޔާނަށް ނޭނގުނީ ކީއްވެ ހެއްޔެވެ؟ ޔޫއާ ދެކެ ނިކްޔާނަށް ލޯބި ވެވުނީ ހެއްޔެވެ؟ ނިކްޔާނަށް ޖަވާބު ދިނީ ނިކްޔާންގެ ހިތެވެ. އާއެކެވެ! ނިކްޔާނަށް ޔޫއާދެކެ ލޯބި ވެވިއްޖެއެވެ. އަނެއްކާ ވެސް ޔޫއާއަށް ވީ ވައުދަކާއި ޙިލާފު ވެވިއްޖެއެވެ…
(ނުނިމޭ)
އެގާރަވަނަބައިގެ ތެރެއިން:
”ޕްލީޒް ޑޯންޓް ލީވް މީ…“ ނިކްޔާން ބިންމަތީގައި އިށީނދެ ކުޑަ ކުއްޖެއް ފަދައިން ރޯން ފެށިއެވެ. އެހިތަށް މިއަދު ވަރަށް ތަދު ވެއްޖެކަން ޔަގީނެވެ.
Comments (2)
GURRRRLsays:
ސެޕްޓެމްބަރ 14, 2025 at 18:20Alheyyyy.. Nikyan ah enme fahun lowbi vevu y dhww…. So cuteee
Mi zuka mi ulheny rangalhu kamakaa eh nuun 100 % gerey..
Shiherr plzz.. Kaishal n ria dhuru nukurahcheyy..
Curiously waiting for the nxt prt
Whn nxt????
💛💜Tc.. Lysm Shiher
vaahaka moyasays:
ސެޕްޓެމްބަރ 15, 2025 at 18:06Haadha kurey.., ekm vx varah reethi