މި ޖިސްމުގާ ވަނީ 03

އަމީރާ އެއްޗެއް ނުބުނެ ދެލޯ އަޅާލައިގެން ހުރެ އެތަނުން ދުރަށް ހިނގައިގަތެވެ. މާކިން ނުފެންނަ ހިސާބަށް ދެވުނު ހިނދު ފަނޑު ހިނިތުންވުމެއް ވެސް އެ ތުންފަތް މަތީގައި ދުވެލިއެވެ. ”ސަމްޓައިމްސް ހީ ރިމައިންޑްސް މީ އިޔާ“ ބޭއިހްތިޔާރުގައި އަމީރާގެ އަނގައިން ނުކުތެވެ.

***

ކަންނެތް ހިނގުމެއްގައި އަމީރާ ގޮސް ވަނީ ސްޓޯރ ރޫމުގެ ތެރެއަށެވެ. އެތެރެއަށް ވަދެ ކަނާއަތް ފަރާތުގެ ފާރުގައި އިން ސްވިޗް އޮން ކޮށްލިއެވެ. އެ ހިނދު މުޅިތަނަށް ހުދު އަލިކަމެއް ފެތުރިގެން ދިޔައެވެ. އެ ބޮޑު ކޮޓަރީގައި މެދުން އެއްފަރާތަކަށް ބޮޑު ކައުންޓަރެއް އިނެވެ. ކައުންޓަރގެ ދެފަރާތުގައި ގޮނޑިތައް އަތުރާލެވިފައި ވީ އިރު އެތަނުގެ ބިއްދޮށުގައިވާ ކަބޮޑުގައި، އެކަމަށް ބޭނުން ކުރާ ހުރިހާ ސާމާނެއް ޑިސްޕްލޭ ކޮށްފައިވާ ހުއްޓެވެ. ބިއާރ މަގުތަކާއި ސޮޓް ގްލާސްތަކާއި އަދި ވައިން ގްލާސްތަކެވެ. އެފުޅިތައް ހުޅުވުމަށް ގެންގުޅޭ ”ބޮޓްލް އޯޕެނާރ“ އާއި އައިސް ބަކެޓް ތަކެވެ. އަދި އެނޫން ވެސް އިތުރު  ސާމާނުތަކުން ކަބޮޑު ވަނީ ބަރާވެފައެވެ.

ކައުންޓަރުގެ ކުރިމައްޗަށް ހިނގެން ހަނި މަގެއް އިނދެފައި، ދެ ފަރާތައް ކޮޅުނެތް ކޮޅަށް ފެންނަން ހުރީ  ބައިވަރު ހަރުތަކެކެވެ. އެއިން ކޮންމެ ހަރެއް ވެސް ފުރާލެވިފައި ވަނީ އަގުބޮޑެތި ބަނގުރަލުގެ ވައްތަރުތަކެވެ. ކޮންމެ ފުޅިއެއްގެ ކައިރީގައި ނަން ލޭބަލް ކުރެވިފައިވީ އިރު ހީވަނީ ފިހާރަ އެއް ހެންނެވެ. ފަހަރަކު ފުޅިއެއްގެ ބަލަމުން ގޮސް އަމީރާ ހޯދި ފުޅި ފެނުމުން އެ ހިފައިގެން ކައުންޓަރު ކައިރިއަށް ދިޔައެވެ. ކަބަޑެއް ހުޅުވާލުމަށްފަހު ތަބަކެއް ނަގައި އައިސް ބަކެޓް އެއް ލުމަށްފަހު މިނީބާއިން އައިސް އަޅާ އެ ބަކެޓް ފުރާލަމުން އޭގެ ތެރެއަށް ވައިން ފުޅި ލިއެވެ. އަދި ބޮޓްލް އޯޕެނާރ އެއް ނެގުމަށްފަހު އެވެސް ލިއެވެ. ކަބަޑުގެ އެންމެ ތިރިއަށް ޓްރޭ އެއްގައި، ވިސްކީ ސްޓޯންތަކާއި ލުނބޯ އަޅާފައިވާ ބިއްލޫރި ބޯތައްޓަކާއި ޗެރީ އަދި އޮލިވްގެ ބޯތައްޓެއް ބަހައްޓާފައި ހުއްޓެވެ. އޭގެން ކޮންމެ ވައްތަރަކުން ދެތިން އެތި ލައިގެން އަމީރާ  ބޭރަށް ހިނގައިގަތެވެ. އޭނާގެ އަތްމަތި އަވަސްވެފައި ކޮންމެ އެއްޗެއް ވެސް ޓްރޭގައި އަތުލާރީ ނުހަނު ފަރުވާތެރިކަމާއި އެކުއެވެ.

އަލުން ލިފްޓަށް އަރައިގެން ދިޔައިރު އޭނާ މަޑުކޮށްލީ ހޫގޯ ދިރިއުޅޭ ފަންގިފިލާއަށެވެ.  އެއީ އިމާރާތުގެ އެންމެ މަތީ ފަންގިފިލާއެވެ. ދޮރު ހުޅުވާލުމަށް ފަހު އެތެރެއަށް ވަދެވުމާއި އެކު ފުރަތަމަ ވެސް އަމީރާގެ ދެލޮލުގައި އަޅައިގަތީ ކަޅުކުލައިގެ ކޯޓު ފަޓުލޫނުގައި ހަތިޔާރު އަޅާއިގެން ތިބި ހޫގޯގެ ހާއްސަ ހަށިފާރަވެރިންނެވެ. އެންމެން އެއްފަހަރާ ބަލައިލި ގޮތުން ހިސާބަކަށް އޭނާ ސިހުނެވެ. އެއީ އާމަންޒަރެއް ނޫން ނަމަވެސް އެމީހުންގެ މޫނުތަކުން ފެނިގެންދާ ނުރައްކާތެރި ކުލަވަރުން އަމީރާގެ ޅަހިތް އަބަދުވެސް ބިރުގަންނުވާލިއެވެ. އެއިން މީހެއް ކޮނޑާއި ހަމައަށް ވެސް އަމިރާ ނާރައެވެ. ހޫގޯ ފަދައިން އޭނާ ގެންގުޅޭ މީހުންނަކީ ވެސް އަނިޔާވެރިކަން ހައްދުފަހަނަ އަޅާފައިވާ ބައެކެވެ. ގޮތެއް ހަދާފާނެކަމުގެ ބިރު ހިތުގައި އަބަދުވެސް އޮވެއެވެ. އަމީރާ ހިފައިގެން ހުރި ތަބަކަށް ޖާސޫސީ ނަޒަރެއް ދެމުން ،ދޮރު ކުރިމަތީގައި ހުރިމީހާ، އޭނާ ވަނުމަށް ތަން ދެއްކިއެވެ.

ހޫގޯގެ ހާއްސަ ކޮޓަރިއާއި ހަމައަށް އައިސް މަޑުކޮށްލި ހިނދު ފުރަތަމަ ވެސް އަމީރާގެ ކަންފަތުގައި ހިފައިލީ ހޫގޯގެ ގަދަ އަޑެވެ. އޭނާގެ އެކުވެރިންނާއި އެކު ކޮންމެ ވެސް ވާހަކަ އެއް ދެއްކުމަށްފަހު ހިނިގަނޑެއް ޖަހައިލިއެވެ. އަމީރާގެ މޫނަށް ޖައްސާލެވުނީ ފޫހި ވައްތަރެކެވެ.

”މޭ އައި ކަމިންގ ސާރ“ ފުންނޭވާއެއް ދޫކޮށްލަމުން ގޮވާލި އިރު އަމީރާގެ ހިތްތެޅިގަތެވެ. ކޮންމެ ދުވަހަކު އެ މަސައްކަތް ކޮށްކޮށް އާދަވެފައިވީ ނަމަވެސް އެ ޅަހިތުގައި އިންތިހާ ބިރުވެރިކަން ވެއެވެ. އެތެރެއިން ވަންނާށޭ ގޮވާލުމުން އަމީރާ ވަނެވެ. ތަނަވަސް ކޮޓަރީގެ ތެރެ ބަލައިލަން ރީތި ނަމަވެސް އެއްވެސް ތަރުތީބެއް ނެތެވެ.  ދުވާ ރާހުތް ވަހުން ނޯށް ދަމާލަން ނުކެރެއެވެ. އެވަހަށް ކެތްނުވެގެން ސަލާމަތުން އޮތް އަތުން އަމީރާއަށް ނުގޮތަކަށް ނޭފަތު އަތް ޖައްސާލެވުނެވެ.  އޭރު ހޫގޯ އާއި އޭނާގެ ދެ ރަހްމަތްތެރިން ތިބީ ކޮޓަރީގެ މެދަކާއި ހިސާބުގައި ހުރި ވަށް މޭޒެއްގެ ކައިރީގައިއެވެ. މޭޒުގެ މަތީގައި ޖުވާގެ ކާޑުތައް އަތުރާއިގެން ތިބެ ކުޅޭމުން ދިޔައިރު ކައިރީގައި ދެތިން ޑޮލާރ ނޫޓު ބޮޑި ވެސް ބާއްވާލާފައި އޮތެވެ.

ހޫގޯ އަތުން ކޮށްލި އިޝާރާތާއި އެކު ތަބަކުގައި ހުރި ސާމާނުތައް މޭޒުމަތީގައި އަމީރާ އަތުރާލިއެވެ. އެއަށްފަހު ތަބައް ތިރިކޮށްލުމަށްފަހު އަދަބުވެރިކަމާއި އެކު އިސްޖަހައިލަމުން ދުރުވެލިއެވެ. އެހެން ހުރި އިރު ވެސް އަމީރާއަށް ދިޔައީ ނުހަނު ބޮޑަށް އުނދަގޫވަމުންނެވެ. ހޫގޯގެ ދެ ރަހުމަތްތެރިންގެ ތެރެއިން އެމީލިއޯގެ ކަޅި މެދުކެނޑުމެއް ނެތި ހުއްޓިފައިވަނީ އޭނާގެ މޫނަށެވެ. އެމީލިއޯ އަކީ މީގެ މަހެއް ކުރިން ހޫގޯއާއި އެކު އެގެޔަށް އަންނަން ފެށި މީހެކެވެ. އުމުރުން ފަންސާހަކަށް އަހަރު ވާން ކައިރިވެފައި ވީ އިރު އޭނާގެ ބޮލުގެ އިސްތަށިތައް ވަނީ ހުދުވެފައެވެ. މޫނުމަތީ ރޫ އަރާފައިވީ އިރު ވެސް އަދިވެސް ހިތް ޒުވާނެވެ. ޒުވާން އަންހެން ކުދިން އެއީ އޭނާގެ ބަލިފައެވެ. ގޭގެ އެހެން ނޯކަރުންގެ ފަރާތުން އަމީރާ އަޑުއަހާފައިވާ އެމީލިއޯއަކީ މުއްސަނދި މަހުޖަނެކެވެ. އެންމެ ފުރަތަމަ އައި ދުވަހުން ސުރެން އޭނާގެ ލޮލުގައި އަމީރާގެ ރީތިކަން ވަނީ އަޅައިގަނެފައެވެ. ދެތިން ފަހަރަކު އަމީރާއާއި ގާތް ވުމަށް މަސައްކަތް ކުރިއެވެ. ނަމަވެސް ކޮންމެ ފަހަރަކު ވެސް ހަނިގޮތަކަށް ވަނީ އޭނާ ސަލާމަތް ވެފައެވެ. އެމީލިއޯ އެތާގައި އިންކަން އެނގުނު ނަމަ އޭނާ އެތަނަށް، މާކިން ފޮނުވީހެވެ. އަމީރާގެ މަސައްކަތެއް އެހެން މީހަކު ކޮށްފިނަމަ އެކަމުގެ އަނިޔާ އޭނާއަށް ލިބޭނެއެވެ. ނަމަވެސް އެމީލިއޯގެ ވިހަ ނަޒަރު ދުށުމަށް ވުރެން ހޫގޯގެ އަނިޔާތައް ލިބިގަތުން ވެސް މާ ހިތައް ފަސޭހައެވެ.

”މްމްމްމް ވަރަށް މީރު.. ހޫގޯ ކަލޭ ކޮންތާކުންތަ މިހާ މީރު ވައިން ތި އެތެރެ ކުރަނީ“ ހޫގޯއާއި އެންމެ މަގަތައް އިން ލޮރެންޒޯ އަހައިލިއެވެ.

”އޭނާ އަބަދު ވެސް ގެންގުޅެނީ ކޮލެޓީ އެއްޗިހިނޭ.. އޭގެ ތެރެއިން ވެސް ބައެއް އެއްޗެހި ހީވޭ ވަރަށް މީރުވާނެހެން“ އެމީލިއޯ ހިނިގަނޑެއް ޖަހައިލިއިރުވެސް ކަޅި ހުރީ އަމީރާގެ މޫނަށެވެ.

”މިސާލަކަށް ކޯއްޗެއް.. އަމީރާ ރަނގަޅުތަ ކަލެއަށް“ އެމީލިއޯގެ ޖުމްލައިން ހޫގޯ ވެސް ބުނެލިއެވެ. އެއަށްފަހު ޖަހައިލީ ވިހަ ހިނިގަނޑެކެވެ. އަމީރާގެ ދެލޯ ބޮޑުވިއެވެ. އެޅަހިތް އޮބި ނޯންނަވަރަށް ތެޅިގަނެގެންދިޔައެވެ. އޭރު ހޫގޯ ވެސް ނުލަފާ ހިނިތުންވުމެއްގައި އަމީރާގެ މޫނަށް ބަލަހައްޓައިގެން އިނެވެ.

”އިފް ޔޫ ވޯންޓް ޔޫ ކެން ހޭވް އިޓް“އެ ހިނިތުން ވުމުގައި ހުރެ ހޫގޯ ބުނެލި ހިނދު ރޮވިފައި ހުރެ އަމީރާ ދެފާރަތައް ބޯ ހޫރުވާލިއެވެ. ހީވީ  އަމީރާއަކީ ހޫގޯގެ މުދަލުން ބައެއް ހެންނެވެ.

”ގައިމެއް ނޫންތަ…“ހޫގޯގެ ޖުމްލައިން އެމީލިއޯއަށް ހީވީ ދުނިޔެ ރަންވި ހެންނެވެ. އޭނާ އިންތަނުން  ތެދުވަތް ހިނދު ދޮރުގައި މީހަކު ޖަހާލި ހެން ހީވެގެން ހޫގޯ ބަލައިލީ އަމީރާގެ މޫނަށެވެ.

ދެލޮލުން އައިސް ހުރި ކަރުނަތައް ފުހެލަމުން އަމީރާ ގޮސް ހުޅުވާލިއެވެ. ދޮރު ކުރިމަތީގައި ހުރީ ލޯލާއެވެ.  އެހިނދު އަނެއްކާ ވެސް އަމީރާގެ ދެލޯ ކަރުނުން ފުރިގެން އައެވެ. ލޯލާގެ މޫނުމަތިން ވެސް ފެނުނީ މޮޅިވެރިކަމެވެ. އަމީރާގެ އަތުގައި ހިފާލައިގެން،  ލޯލާ އެތެރެއަށް ވަނެވެ.  އޭނާގެ ފަހަތުގައި މާކިން ވެސް ހުއްޓާ ފެނުމުން، ލޯލާ ގެނައީ މާކިންކަން އެނގުމުން ހިސާބަކަށް އަމީރާގެ ހިތައް ހަމަޖެހުން ލިބުނެވެ.

”ވަރަށް ބޮޑަށް މާފަށް އެދެން އެކަމަކު އަމީރާގެ އެހީ މިވަގުތު ކިޗަންއަށް އެބަ ވަރަށް ބޮޑަށް ބޭނުންވޭ.. އަމީރާގެ ބަދަލުގަ މާކިން އެހީވާނެ.. އެންމެ ރަނގަޅު ތަ އަމީރާ ގެންދިޔަސް“ ލޯލާ ވާހަކަ ދެއްކި އިރު ދޭތެރެއަކުން އަމީރާގެ އަތައް ބާރު ކޮށްލެވެއެވެ.

”ވަޓް އަ ޖޯކް.. މިގޭގަ އެތައް ބައިވަރު އަޅުންނެއް ތިބިއިރު ވެސް ތިބުނަނީ ތަ އަމީރާ ބޭނުންވެއޭ.. ބޭކާރުވާހަކަ ނުދައްކާ އޭނާ ބަހައްޓާފަ ކަލޭ ދޭ މިތަނުން“ ލޯލާއާއި ދިމާލަށް ހޫގޯ ކަޅި އަޅާލިއެވެ. އެމީލިއޯ އާއި ލޮރެންޒޯ ވެސް ހިނިގަނޑެއް ޖަހައިލިއެވެ.

”ލޯލާ އެބުނީ އެންނު އަމީރާ ބޭނުން ވެއޭ ބަދިގެއަށް..އަޑެއް ނީވޭތަ“ ދޮރު ބޭރުގައި ހުރެފައި އެތެރެއަށް ވަންނަމުން މާކިން ބުނެލިއެވެ. ހޫގޯއަށް މާކިން ފެނުނީ އެތެރެއަށް ވައިންފަހުންނެވެ. އެހިނދު އޭނާގެ މޫނުން ހިސާބަކަށް ޖެހިލުން ވުމުގެ އަސަރުތައް ފެންނަން ފަށައިފިއެވެ.

”އަމީރާ ޔޫ ކޭން ގޯ..“ މާކިންގެ މޫނަށް ބަލަހައްޓައިގެން ހުރެފައި ހޫގޯ އިއްވާލިއެވެ. އެހިނދު އަމީރާއަށް ވެސް ބަލައިލެވުނީ މާކިންގެ މޫނަށެވެ. މާކިންގެ އެހާ ބޮޑަށް ސީރިއަސްވެފައި ހުއްޓައި ކުރިން ދުވަހަކުވެސް  އަމީރާ ނުދެކެއެވެ. އަނެއްކޮޅުން މާކިން ފެނުމުން ހޫގޯއަށް ވެސް އެއައި ބަދަލު އަމީރާއަށް ނުހަނު ބޮޑަށް ފާހަގަވިއެވެ. ފުރަތަމަ ފަހަރަށް މާކިންއާއި މެދު އަމީރާއަށް ވިސްނާލަން ޖެހުނެވެ.

”ލެޓްސް ގޯ އެމީ“ އަމީރާގެ އަތުގައި ހިފައިގެން ލޯލާ ނުކުމަންނަން ހިނގައިގަތެވެ. ބޭރަށް ނުކުމަތް އިރުވެސް އަމީރާގެ ކަޅި ހުރީ މާކިންއަށެވެ. އަލުން އަނބުރާ ބަދިގެއަށް ދެވުނު އިރުވެސް އަމީރާއަށް ހުރެވުނީ ފުން ވިސްނުމެއްގައި އެވެ. އެމީލިއޯގެ އަމަލުތަކަށް ވުރެން ވެސް ބޮޑަށް މާކިންއާއި މެދު ވިސްނެމުން ދިޔައެވެ. ގެއްލިފައި ހުރިވަރުން ލޯލާ ވާހަކަ ދައްކަމުން ދިޔަ ކަމެއް ވެސް އަމީރާއަކަށް ރެއަކާއި ނުލައެވެ.

”އެމީ..އެމީ“އެންމެ ފަހުން ޖަވާބެއް ނުލިބުމުން އަމީރާގެ ދެކޮނޑުގައި ހިފާ ލޯލާ ތަޅުވައިގަތެވެ.

”ލޯލާ އާންޓްއަށް ކިހިނެތް އެނގުނީ އެތަނުގައި އަހަރެން ހުރިކަމެއް“ އަމީރާއަށް ފުރަތަމަ ވެސް އަހައިލެވުނެވެ. ލޯލާ އަނގައިން އަޑެއް ލައްވާލިއެވެ.

”މިހުރިހާ ސުވާލެއް ކޮށް ވާހަކައެއް ދެއްކީމަ ވެސް އެހެން ސުވާލެއް ދަރިފުޅު ތިކުރީ.. ހަހަހަ.. މްމްމް އެ ގަޑީގަ އެމީ ދިޔައީމަ އާންޓް ވެސް ބަދިގޭގަ އުޅުނީ އެހެން ހުއްޓަ މާކިން އައިސް ބުނީ ކޮންމެވެސް ގޮތަކުން ހަބަރު ލިބިގެން އެމީލިއޯ އައިސް އުޅޭ ކަމަށް.. އާންޓްއަށް ބުނެވުން ސޯ ވަޓް އޭ ވެސް.. އެހެންނު ވާނީ ކުރިއަކުން ނޭނގެއޭ އެމީލިއޯ އެ ޒާތައް އުޅޭ ކަމެއް އެމީ ކައިރީގަ.. ދެން މާކިން ކުޑަގޮތަކަށް ބުނެލި އެމީލިއޯ އުޅެނީ މިހެންނޭ.. އޭނާއަށް ފެނުނޭ އެންމެ ފަހުން އައި ދެފަހަރު ވެސް އެމީ އާ ދިމާ އެމީލިއޯ ބެލި ގޮތް.. ދެން ހޫގޯ އަކީ ކިހާ މަކަރުވެރި މީހެއް.. އޭނާ ކުރާނެތަ ރަނގަޅު ކަމެއް..އޭނާގެ އިސްމީހަކު އައިސް އެހާ ރީތިކޮން ދޯ އެމީ ކައިރީގަ ވައިން ގެންދަން ބުނީ.. އެހެންޏާ އެމީއާއި ދިމާލަށް ބަވާލާފަ ދޯ ކަމަކު ބުނެލަނީ.. އެހެންވެ މާކިންގެ ޖުމްލަތައް ގަބޫލް ކުރެވިގެން މިއައީ އޭނައާއި އެއްކޮން..“ ލޯލާ ކިޔައިދިނެވެ. އެ ވާޙަކަތަކުން އަމީރާ އިތުރަށް ވިސްނާލެވުނެވެ. ހައިރާންވެސް ވިއެވެ. މާކިންއަށް ވުރެން ގިނައިން ހަގީގަތުގައި އޭނާ ގިނަ ވަގުތު ހޭދަކުރަނީ ލޯލާއާއި އެކުއެވެ. އެވަރުގެ ކަމެއް ލޯލާއަށް ފާހަގަ ނުވެ މާކިންއަށް ފާހަގަ ވާންވީ ކީއްވެ ހެއްޔެވެ. އަމީރާގެ ބޮލުގައި ރިއްސައިގަތެވެ.

”އާންޓް އަކަށް ވެސް ކުރިއަކުން ނޭނގޭ އޭނާ އެފަދަ ގޮތަކަށް އެމީއަށް ޓްރީޓް ކޮށްފާނެ ކަމެއް..މާކިން ވަރަށް ހުށިޔާރު…“

“ އެކަމަކު ވެސް އެމީ..އާންޓްއަށް ހަމަ ބޮޑު ޝޮކެއް ލިބުނީ މާކިން ކަމަކު އެދެން ވެސް އާންޓްގެ ކައިރިއަށް އައީމަ.. އެނގެއެންނު އޭނަ ވަރަށް ރުޅި އަންނާނެ ދައްތަ ދެކެ..“ ދެރަވެލާފައި ލޯލާ ބުނެލިއެވެ.

”އިޓް ވިލް ބީ އޯލްރައިޓް.. ޑޯންޓް ތިންކް ޓޫ މަޗް.. ލުކްސް ލައިކް ހީ ހޭޒް ނޯ އޮޕްޝަން ބަޓް ޔޫ“ އަމީރާ ހިނިތުންވެލިއެވެ. ދެންމެވެގެން ދިޔަ ކަންތައް ހަނދާން ނައްތާލާފައި އަމީރާ ކޮޓަރިއަށް ދާން ވެގެން ނުކުމަތީ ތާޒާ ވެލުމުގެ ނިޔަތުގައެވެ. ހިތުގައި އުފެދިފައިވާ ހައިޖާނުގަނޑަށް ހަމަޖެހުމެއް އަންނާނީ އެންމެ ކަމަކުން ކަން އަމީރާ އަށް އެނގެއެވެ.

”އެމީ..“ ދޮރާއި ހިސާބަށް ގޮސްފައި އަމީރާ ހުއްޓުނީ ލޯލާ ގޮވާލުމުންނެވެ.

“ މިހާރު އިރު އޮއްސި ހައެއް ޖަހަނީ.. ރެސްޓް ކޮށްލާ ދެން.. ހޫގޯ ވެސް ހިއެއް ނުވޭ މިހާ ލަސްވީމަ އުނދަގޫ ކޮށްފާނެ ހެންނެއް.. އޭނާ އައިސްފިނަމަ އައި ނޯ ވަޓް ޓް ޑޫ .. ޔޫ ހޭވް ސަމްތިންގް ޓް އެޓެންޑް ރައިޓް..އައި މީން ޕްރެޔާރ.. “ ލޯލާގެ އެންމެ ފަހު ޖުމްލަ ބުނެލީ ނުހަނު މަޑުންނެވެ.

”ގޯ ސްވީޓްހާރޓް“ އަމީރާ ހުންނަން ފެށުމުން ލޯލާ ހީލިއެވެ. އަމީރާއަށް ބޯ ޖަހައިލެވުނު އިރު އެދެލޮލުން ވެސް ލޯލާއަށް ޝުކުރުވެރި ވެފައި ވީ ވަރު ހާމަވެއެވެ.

ބަދިގެއިން ނުކުމެދެފަރާތަށް ބަލާލިއިރު، އެއްވެސް މީހެއްގެ ހިލަމެއް ނުވާތީ، އަމީރާގެ ހިތަށް ބޮޑު ހިތްހަމަޖެހުމެއް ލިބުނެވެ. އޭނާ ލަސްފިޔަވަޅު ތަކެއްގައި ގޮސް ކޮޓަރީގެ ތެރެއަށް ވަނެވެ. އެތެރެއިން ދޮރު ތަޅުލުމަށްފަހު، ހިތްހަމަޖެހުމާއެކު ފާޚާނާއަށް ވަދެ، ވުޟޫކޮށްލައިގެން ނުކުތެވެ. އަލަމާރީގައި އޭނާއަށް ވީ ފަޅިން، އެންމެ ތިރީގައިވާ ޑްރޯވާރގެ ތަޅު ހުޅުވާލިއެވެ. ވަރަށް ފަރުވާތެރިކަމާއި އެކު ރައްކާކުރެވިފައި އޮތް މުސައްލަ ނަގާ ގިބްލައަށް ވާހެން ފަތުރާލިއެވެ. މުސައްލައިގެ މަތީގައި އޮތް ހުދު ބުރުގާ އަޅައިލުމާއެކު، އޭނާގެ ދޮން މޫނަށް އިތުރު ފުރިހަމަކަމެއް ލިބި، ނޫރާނީކަމެއް ވިދައިގަތްހެން ހީވިއެވެ. ހިތާމަތަކުން ބަނދެވި، ކިލަނބުވެފައިވާ އެ މޫނުމަތިން، އާރޯކަމާއި ހިތްހަމަޖެހުމުގެ އަސަރުތައް ފެންނަން ފެށިއެވެ.

ރަކުޢަތަކަށްފަހު ރަކުޢަތެއް އަދާކޮށް، ޝުކުރުވެރިކަމާއި ކިޔަމަންތެރިކަމާއެކު ނަމާދު ނިންމާލުމަށްފަހު، ދުޢާ އަތް މައްޗަށް ނަގާލި ހިނދު، ހިތުގެ ފުންމިނުގައި ހުރި ހިތާމަތަކާއި ހާސްކަން ފޮޅިގެން ގޮސް، އެ ދެލޮލަށް ކަރުނަތައް ބޮނޑިވެގަތެވެ.

”ޔާﷲ.. މިއަޅާގެ ހިތްވަރު ދެރަވެ، ބާރު ނެތިގެން ގޮސްފައިވާ މި ވަގުތު، އިބަ ﷲގެ ރަޙްމަތުން  މިއަޅާއަށް އެހީތެރިވެވޮޑިގަންނަވާ ފާނދޭވެ.. ޔާ ﷲ މިއަޅާގެ ހިތަށް ކެތްތެރިކަމާއި ސާބިތުކަން ދެއްވާ އެމީހުންގެ ނުބައި ރޭވުންތަކުން މިއަޅާ ސަލާމަތް ކޮށްދެއްވާފާނދޭވެ.. މި ދަތި އުނދަގޫ ހާލުން ސަލާމަތްކުރައްވައި، މި އަނިޔާވެރިންގެ ކިބައިން މިއަޅާއަށް މިނިވަންކަން ދެއްވާށި.“ ދުއާއަށް ނަގައިގެން އިން އިރު ދެއަތް ވެސް ދިޔައީ ހިސާބަކަށް ތުރުތުރު ލަމުންނެވެ. ހުއްޓުމެއްނެތި އަމީރާގެ ދެލޮލުން ކަރުނަ އޮހޮރެމުންދިޔައެވެ.  ކަރުނަތަކުގެ ތެރެއިންވެސް، އެތައް އިރަކު ދުއާ ކުރުމުގައި އިނދެފައި މޫނުގައި އަތް އެޅި ހިނދު އަމީރާގެ ހިތަށް ބޮޑު ހަމަޖެހުމެއް ލިބި، އޭނާގެ ހިތްވަރަށް އިތުރު ބާރެއް ލިބުނު ކަހަލައެވެ.

ކަރުނަތައް ފުހެލުމަށްފަހު މުސައްލަ ނަގާ އަލުން ކަބަޑަށް ލިއެވެ. އެއީ އޭނާގެ ސިއްރެކެވެ. އިތުރު މީހަކަށް އޭނާއަކީ މުސްލިމެއް ކަން އެނގިއްޖެނަމަ  ކަން ވާނޭ ގޮތް އިޙްސާސް ކޮށްލަން ވެސް ދައްޗެވެ. ހޫގޯއަކީ މުސްލިމުން ދެކެ އިންތިހާއަށް ނަފްރަތުކުރާ މީހެކެވެ. އަމީރާ އަޑުއަހާފައިވާ ގޮތުން ކުރީގެ އަނބިމީހާ ވެސް އޭނާއާއި އިނދެ ހުރެ އިސްލާމްވީ ހިނދު ހޫގޯ ވަނީ އެތައް އަނިޔާއެއް ދިނުމަށްފަހު އޭނާ ވެސް ދޫކޮށްލާފައެވެ. ލޯލާއާއި މާކިންއަށް ފިޔަވައި އިތުރު އެކަކަށް ވެސް އަމީރާގެ އެ ސިފަ ނުފެނެއެވެ.

އެނދުގައި ކުރުގައެޅި ލައިގެން އޮށޯވެލެވުނު އިރު އޭނާގެ ނަޒަރު ހުރީ ފައިގައި އަޅުވާލެވިފައިވާ ޓެގަށެވެ. އެ ޓެގަކީ ދެއަހަރު ކުރީން އޭނާގެ ފައިގާ އެޅުވުނު އެއްޗެވެ. އެ ހަނދާންތައް ވުމުން ހިތުގައި ނުހަނު ބޮޑަށް ރިއްސައިގަތެވެ. ނުރޯން ކިތަންމެ މަސައްކަތެއް ކުރި ނަމަވެސް ކަރުނަތަކެއް ނުހިފެހެއްޓުނެވެ.

”އިޔާ..“ ހިތިގޮތަކަށް އަމީރާގެ ދެތުންފަތް ފޫއަޅުވާލާފައި ބޭރުވިއެވެ.

ދެލޯ މަރާލެވުނު އިރު ހީވީ އެބީހުން އިހްޝާސްވިހެންނެވެ. އެ ފިރިހެންވަންތަ އަޑުން ”އެމީ“ އޭ ކިޔާ ގޮވާލިހެންނެވެ. ދެލޯ ހުޅުވާލެވުން އިރު ވަހްމްކަން އިޙްސާސްވި ނަމަވެސް ހިތައް އެކަމުން ތަސައްލީއެއް ލިބުނެވެ.  އެ އޮތް ގޮތައް އޮވެ އޭނާގެ ބާލީސް ދަށުން ނެގީ ސިޓީ އުރައެކެވެ.  އެއީ ހަޔާތުގައި ވެސް އެންމެ އިތުބާރުކުރި މީހާގެ ފަރާތުން އަމީރާއަށް ލިބުނު އެންމެ ހިތްދަތި ހަދިޔާއެވެ. ސިޓީ އުރައިގެ ތެރޭގައި އޮތީ ކޭޝް ކާޑަކާއި ފަތްޖަހާފައިވާ ގަނޑުކޮޅެކެވެ. ގަނޑުކޮޅު ނަގާކަށް އަމީރާ ބޭނުމެއް ނުވިއެވެ.

”ޔޫ ތިންގް އަމް އަ ގޯލްޑް ޑިގާރ.. ހަހް… އަހަންނަށް ހަމައެކަނި އެދެވުނީ ތި ލޯތްބާއި ރައްކާތެރިކަމަށް.. މި ކާޑުގައި މިވާ އެއް މިލިއަން ޑޮލާރ ގެ ފައިސާއަކަށް ނޫން.. އުމުރުން އެހާ ހަގު އިރުވެސް ލޯތްބަކީ ކޮބައިކަމާއި، ލޯބީގެ ހަގީގީ މާނަ އަހަންނަށް ދަސްކޮށްދިނީ އިޔާ..ވައި ޔޫ ލެފްޓް މީ ލައިކް ދިޒް..“ ކޭޝް ކާޑަށް ނަޒަރު ހުއްޓާލައިގެން އޮތް އިރު، އެ ހިތުގެ ތެރޭގައި ތޮއްސިފައިވާ ޝަކުވާތައް ބޭރުކޮށްލިއެވެ.

”މިހާރު އެނގޭ އިޔާ ބޭނުންވީ އެހެން ކަމެއް ކަން.. އެކަންތައް އިޔާން ބޭނުންވި ގޮތައް ފުދުނު..އާފްޓާރ އޯލް އަހަންނަށް ޓަކައި ހިތުގައި ރަހްމުގެ ކަންފުޅެއް ވެސް ނެތް.. ބަޓް ވައި.. އައި ލަވް ޔޫ ސޯ މަޗް .. އިޔާ ނޭނގެ އަހަރެންގެ މަތިން ހަނދާން ވެސް ހުރި ކަމެއް.. އެކަމަކު އިޔާގެ ސޫރަ ދެވަނަ ފަހަރަށް ދުށުމަށް އެދި، ކޮންމެ ދުވަހަކު އެތައް ފަހަރަކު މި ހިތް ކަރުނައަޅާ“ އެއަޑުގައިވީ ރިހުމެވެ. ނަފްރަތުކުރަން ބޭނުން ވި ނަމަވެސް އިޔާން ދެކެ ރުޅިއެއް ނާދެވެއެވެ. ކީއްވެ ކަމެއް ނޭނގެއެވެ. އިޔާން އޭނާއަށް ޖެއްސި ހާލަށް ފަހު ވެސް، އަދިވެސް އަމީރާގެ ހިތުގައިވާ ލޯބި ތާޒާކަމާއެކު ދެމި އެބައޮތެވެ. އެ ލޯބި އެއްވެސް އިރެއްގައި ކުޑަވެގެން ނުދެއެވެ.

***

”އިޔާ..އިޔާ“ މަޖުދާ ބުނެގެން އިޔާން ހޯދުމަށް، އެ އެޕާޓްމަންޓްގެ ތެރެއަށް ނާޔާ އައިސް ވަނީ ޔޫވިން ވެސް ގޮވައިގެންނެވެ.

”ރީއްކޯ“ ގެއަށް ވަދެވުމާއި އެކު ނާޔާގެ އަތުން ވީއްލިގެން ޔޫވިން ދުވެލާފައި ގޮސް ވަނީ އިޔާންގެ ކޮޓަރިއަށެވެ. ދޮރުހުޅުވާލި އިރު އިޔާންގެ ހިލަމެއް ނުވެއެވެ. އެނދުމަތީގައި ރީއާ އިނީ، އޭނާގެ ކުޅޭ ބާސްކެޓެއް ބަންޑުން ކޮށްލައިގެންނެވެ.

”ބޭބީ ކޮބާ ބައްޕި“ ނާޔާ ސުވާލުކޮށްލުމުން ތުއްތު އަޑުން ބައްޕަ ފާހާނާކަމަށް ބުނެލިއެވެ. އެއަށްފަހު ނާޔާ ސުވާލެއް ކުރުމުން ވެސް ޖަވާބު ދެވޭ ވަރަށް ވުރެން ރީއާގެ މަސައްކަތް ބުރަކޮށްލިއެވެ. ކައިރީގައި ޔޫވިން ވެސް ދެފައިވަށް ކޮށްލައިގެން ދެމީހުންގެ އަމިއްލަ ދުނިޔެއަށް ގެއްލުނެވެ. ދެކުދިން ތުއްތު ބަހުރުވައިން ހުއްޓުމެއް ނެތި ދައްކަމުންދިޔަ ވާހަކައިން ދޭތެރެއަކުން ނާޔާއަށް ހީލެވެއެވެ. ކޮޓަރީގެ ތަނަވަސް ބެލްކޮންޏަށް ނާޔާ ނުކުމެލީ އިޔާން ފާހާނައިން ނުކުމަންނާނެ އިރެއްގެ އިންތިޒާރުގައެވެ.

”މްމްމްމް ބީޗް ވިއު.. އިޔާ ލަކީކަން “ އެންމެ މަތީ ފަންގިފިލާކަމުން އެއްފަރާތުން ފެނިގެންދަނީ ދުރުދުރަށް ދާންދެން ހާމައަށް ފެތުރިފައި އޮތް މޫދާއި ފެހިކަން ގިނަ ގަސްތަކެވެ. ހެނދުނު އެ ހިތްގައިމު ވަގުތުވެސް ޖެހިލާ ފިނިވައިރޯޅިތަކުން އަރާމް އިޙްސާސްވަމުންދިޔައެވެ. ނުހަނު ހުވަފެނީ މަންޒަރެކެވެ. އަނެއް ފަރާތުން ފެނިގެންދަނީ ބިޔަ އުސްއިމާރާތްތަކެވެ. އަނދިރިވުމުން ފެނިގެންދާ ”ސިޓީ ލައިޓްސް“ މަންޒަރުން ނިއުޔޯކް ފަދަ ތަންތަނަށް ދޫ ނުކުރާނެކަން ގައިމެވެ.

”ދިޒް އިޒް ވައި އަ ވޮނަ ލިވް އިން ހުޅުމާލެ“  ތުންދަމާލަމުން ނާޔާ ފަސް އެނބުރުނީ ޔުމާން ވަންނަކަން އެނގިހުރެއެވެ. ޔޫމާން ލާނެތް ގޮތަކަށް ހީލަމުން ނާޔާގެ އުނަގަނޑުގައި އަތް އަޅުވާލިއެވެ.

“އޭރުން އަމް ޝުއާރ ނާޔޫ ކޮންމެ ދުވަހަކު ރޯނެ ޑިއުޓީއަށް ދާ ގަޑިޖެހިގެން.. މާލޭގަ އަދި އެވެސް ގެޔާއި އެހާ ކައިރީގަ ހޮސްޕިޓަލް ހުންނައިރު ވެސް ކިރިޔާ ވިއްޔަ ތިޔަ ގަޑިއަށް ދެވެނީ.. އެ ހެޔޮ ފަތިސް ނަމާދު ކޮށްގެން ތައްޔާރު ވާން ފެށިޔަސް.. ދެން ކޮބާ ސަލާމަތެއް ހުޅުމާލެއަށް ދިރިއުޅުން ބަދަލުކުރަން ވެއްޖެޔާ“ ޔުމާން ހޭންފަށަމުން ނާޔާއާއި ސަމާސާ ކޮށްލިއެވެ. ނާޔާ ތުން ދަމާލަމުން ޔުމާންގެ އަތުގައި ވިކާލިއެވެ.

”ދެން ހެވޭ.. ދެން ހުޅުމާލެއަށް ޗޭންޖް ވެވިއްޖެޔާ ދެން ބަލާނެ އެންނު އެވަރު އަހަރެން ވެސް.. އެކަމަކު މިހެން ބުންޏަސް އައި ޕްރިފާރ ޓް ސްޓޭ ވިތް މައި ލޯބި މަދާރ އިން ލޯ“ ނާޔާ އުފާވެރި އަޑުން ބުނެލި ލޯބިވެތި ޖުމްލަތަކުން ޔުމާންގެ ހިތައް ކުރުވީ ބުނެދޭން ދަތި އުފާވެރި އިޙްސާސްއެކެވެ.

”ދަ ބެސްޓް ވައިފް އެވާރ..“ ޔުމާންއަށް ކުރިއަށް ވުރެން ބާރަށް ނާޔާގެ ގައިގާ ބައްދާލެވުނެވެ.

”އެހެމް އެހެމް..“ދެމީހުން ސިހިފައި ދުރަށް ޖެހިލީ އިޔާންގެ އަޑުއިވިގެންނެވެ. ފަހަތް ބަލައިލި އިރު ހެވިފައި އިޔާން ހުރި ގޮތުން ނާޔާ  ނުހަނު ލަދުގަތެވެ.

”އައްދޭ ދޮންތައަށް އެނގޭތަ ލަދު ވެސް ގަންނަން“ ނާޔާގެ ކޮލުގައި ހިފާލަމުން އިޔާން ބެލީ  ދިމާކޮށްލެވޭތޯއެވެ. ޔުމާން ވެސް ހިނިގަނޑެއް ޖަހައިލިއެވެ.

”ދެން ދޯ.. އެހެންނޭ ވާނީ ކުއްލިއަކަށް ވިއްޔަ ތިޔަ ފާޅު ވަނީ.“ ނާޔާ ވެސް ވަކި ދުލެއް ނުކުރިއެވެ.

”މިއައީ އެންމެން އެއްކޮން ބްރޭކްފާސްޓްއަކަށް އިއްޔެ ދާން ރާވާފަ އިނީމައޭ.. އަހަރެމެންނާއި އެއްކޮން ހިނގާބަލަ ގޮސްލަން“ ޔުމާން އެދުނެވެ.

”ރޭގަ އަޅެ ބުނެލި ނަމަ މިއަދު އޮފް ނެގީސް.. މިހާ ލަސް ވީމަ ކާންޓް.. ދެން އިރުކޮޅަކުން ދާން ވީ ރެޑީ ވާން.. އެހެން ފަހަރަކުން ދާނަން އެނގޭ..“

”އަޅެ ދޮންތަބޭ އާއި އެއްކޮން އޮފީސްގަ ވޯކް ކުރަން ވީނު ތި ޖޮބް ދޫކޮށްލާފަ.. ކަޑަތަ..ތިހާ ބިޒީކޮން އުޅެނިކޮން ބަލި ވެސް ވެދާނެ“ ޔުމާން އަހައިލިއެވެ.

”ނޫނޭ.. މަށަކަށް ތިހާ ފަސޭހަ ޖޮބްތަކަކު ނޫޅޭވޭނެ.. އެހެންވެ ބައްޕަ ވެސް އެވަރަށް ކީމަ ނޫޅުނީ… މި ހަމަ އެންމެ ކަމުދާ ފީލްޑް.. ”

”މީ ނިކަން ފޮނިވެސް ފިރިހެނެކޭ… ހިނގާ ދާން ކުދިން ކޮޅުން ގޮވައިގެން“ އިޔާންއާއި ދިމާލަށް ލޯ އަޅާލަމުން ނާޔާ ނުކުންގޮތުން އިޔާންއާއި ޔުމާންއަށް އެކުއެކީގައި ހޭންފެށުނެވެ.

”އިއްޔެ ރީއްކޮ ވަރަށް ހެޕީ ވެފަ ހުރީ ދޮންތަ މެންނާއި އެއްކޮން ރިޒޯޓްއަށް ގެންދިޔަތަނާ.. އިޔާ ނެކްސްޓް ޓައިމް އަކުން ރީއްކޮ ގޮވައިގެން ބަލައްޗޭ އެކަހަލަ ތަންތަނަށް ތަންކޮޅެއް ގިނައިން ގެންދެވޭތޯ.. އޭރުން މަންމަ ހޯދަން ވެސް ނުކިޔާނެ.. ވަރަށް ޝަކުވާ ވެސް ކުރި ބައްޕި ނުދެޔޭ ބުނީ ރީއްކޮ ގޮވައިގެން މަޖާކޮށްލާކަށް.. އިޔާއަށް ވެސް އެނގެއެންނު އެ އުމުރުގެ ކުދިންނާއި ބަލާފަ ރީއްކޮ ވަރަށް އަވަހަށް ކަންކަން ދަސްކޮށްލާކަން.. މިހާރު ވަރަށް ގިނަ އެއްޗިހި ވެސް ކިޔާ .. ސްޕެންޑް ގިނަ ވަގުތު ރީއްކޮއާއި އެއްކޮން“ ނުކުންނަން ދަމުން ނާޔާ ބުނެލިއެވެ. ކުރިން އަޑުގައި ހުރި މަޖާކަމުގެ ބަދަލުގައި މިހާރު ހުރީ ސިރިއަސްކަމެވެ. އެ ޖުމްލަތަކުން އިޔާންގެ ހިނިތުންވުން ފަނޑުވި ނަމަވެސް ބޯޖަހައިލިއެވެ.

ނާޔާ މެން ނުކުމެގެން ދިޔަތަން ފެނި ބެލްކޮނީގައި ހުރި ސޯފާގެ ތެރެއަށް އިޔާންއަށް ޖެހިގަނެވުނެވެ. ހަށިގަނޑު ދަމާލެވުނު ގޮތައް އޭނާގެ ދެލޯ މަރާލެވުނެވެ. އެހެން އޮވެފައި ފުންނޭވާއެއް ދޫކޮށްލެވުނު އިރު ދެލޯ ހުޅުވާލެވުނީ ފޯނު ވައިބްރޭޓްވި އަޑަށެވެ. އައިސް އިން މެސެޖަށް ޖަވާބު ދިނުމަށްފަހު ފޯނުގެ ލޮކް ސްރީނުގައިވާ ރީއާ އާއި އޭނާގެ ފޮޓޯއަށް  ފެންކަޅިވެފައިޥާ ދެލޮލުން އިޔާންއަށް ބަލައިލެވުނެވެ. އެ ލޯބި މޫނުމަތީގައި އެވާ ހިނިތުންވުން ތާއަބަދުމެ ހުންނަން އިޔާން ވެސް ބޭނުންވެއެވެ. އެ ފޮޓޯގައި ބޮސްދިން އިރު ހިތުގައިވީ ކުށްވެރި އިހްސާސެކެވެ. ހިތައް ނުހަނު އުނދަގޫ ވަމުންދިޔައެވެ.

”އަމް ސޯ ސޮރީ ޕްރިންސެސް.. ޔޫ ޑިޒާވް ބެޓާރ ދެން ދިޒް ބޭބީ ގާލް.. އައިލް ޑޫ މައި ބެސްޓް އިންޝާ ﷲ“  ފޯނުގައި ބޮސްދިނުމަށްފަހު އިޔާން އިންތަނުން ތެދުވިއެވެ. އޭނާ އަވަސް ވެގަތީ ސަލާމް ފޮނުވާލުމަށްފަހު ގޭގައި މިއަދު މަޑުކޮށްލުމަށެވެ. އެ މެސެޖް ލިޔެލިޔެ ހުއްޓާ އޮފީހުން ގުޅާތަން ފެނި އަވަހަށް ފޯނު ނެގިއެވެ.

”ސާރ ވަރަށް އަވަހަށް ސީން އަކަށް ދާން ޖެހިއްޖެ.. އޮފީހަށް ނުގޮސް ނިރޮޅުމަގަށް އާދޭ“ ވާހަކަ ދައްކަން އަނގަހުޅުވާލި ހިނދު ފުރަތަމަވެސް އިވިގެން ދިޔައީ އެކޮޅުން ބުނެލި ޖުމްލައެވެ. އިޔާންއަށް އަނގަ ލައްޕާ ލެވުނު ހިނދު އަނގަޔަށް ވައްތަރެއް ޖައްސާލެވުނެވެ.

ކުޑަގޮތަކަށް ތައްޔާރުވެގެން ނުކުމަތް އިރު އޭނާގެ ފޯނަށް ހުއްޓުމެއް ނެތި ކޯލްތައް އަންނަމުން ދިޔައެވެ. އިޔާން ފޯނަށް ޖަވާބު ދިނީ ކާރަށް އަރާފައެވެ.

”ކީކޭ.. ސައިމަން..“

”ސާރ މިކޮޅުގަ ވަރަށް ހަމަ ނުޖެހުން ވެސް ހިންގާ އެބަ.. ވާރ ޒޯން އެކޭ އެއްފަދަ…އިތުރަށް ފޯސް ބޭނުންވޭ އެބަ“ވާހަކަ ދެއްކީ އިޔާންގެ ޔުނިޓްއަށް އެންމެ ފަހުން ގުޅުނު ޝައިމަންއެވެ.

“ އޯކޭ ދެން..އެހެންވީމަ އިންފޯމް ކޮށްލާ އޮފީހަށް“ އިޔާން ފޯނު ބާއްވަމުން ކާރުގެ ސްޕީޑް ތަންކޮޅެއް އަވަސްކޮށްލިއެވެ.  ފަނަރަވަރަކަށް މިނެޓް ހިނގިފަހުން އިޔާންއަށް މަންޒިލަށް ފޯރިއެވެ.  ކާރު ޕާކު ކޮށްފައި ޕޮލިސް ޓޭޕްއިން ބަންދުކުރެވިފައިވީ ހިސާބަށް އިޔާން ދިޔައެވެ. އެހިސާބު ގާޑް ކުރަން ހުރި އޮފިސަރަށް އޭނާ ފެނުމުން ވަނުމަށް ތަންދެއްކިއެވެ. އެތެރެއަށް ވަންނަމުން ދިޔައިރު ދެތިން މީހަކު ޓޭޕްގަނޑުގަ ކައިރީގަ ތިބެގެން އަޑުގަދަ ކުރަމުން ދިޔަ ތަން ފެނިގެން އިޔާން މަޑުޖެހިލިއެވެ. އެމީހުންގެ ކައިރީގައި ހަނދާނެ ގޮތް ހުސްވެފައި ހުރި ސައިމަން ފެނި އިޔާންގެ ދެލޯ ހަނިވިއެވެ.

”ސާރ..“ އިޔާން ފެނުމުން އެތެރެއިން ނުކުން އަންހެން އޮފިސާރ ޒޯޔާ ގޮވާލިއެވެ.

”މި ކޮން ކަމެއް… ކޮބާ ސައިމަން ބުނި މީހުންތައް“ އިޔާން ހައިރާންވެ ހުރެ އަހައިލިއެވެ.

”މީހުންތަކޭ“ ޒޯޔާ ވެސް ހުރީ ހައިރާން ވެފައެވެ. އިޔާން އެކިޔާ އެއްޗެއް އެއްގޮތަކަށް ވެސް  ނޭނގުމުން ދެވަނަ ފަހަރަށް އަހާލިއެވެ.

”ސައިމަން ގުޅާފަ ބުނި ހީވަނީ ވާރ ޒޯން އެއް ހެންނޭ.. ވަރަށް ހަމަނުޖެހުން ބޮޑުވެ އިތުރަށް ފޯސް ބޭނުން ވާ ވާހަކަ..އެހެންވެ އޭނައަށް އޯކޭ ދީފަ މަ މިއައީ..“

“ ވަޓް.. މިތާގަ ތިބީ މިތިބަ ތިންމީހުން އެކަނި.. އެއީ ވެސް ނިޔާވެފައި އޮތް ފިރިހެން ކުއްޖާގެ އާއިލާގެ ބައެއް.. ނޫސްވެރިން ވެސް އަދި އަންނަން ނުފަށާ“ އިޔާންގެ ވާހަކަ ތައް އަޑުއިވިގެން އޭނާގެ ޔުނިޓްގައި އުޅޭ އިތުރު ދެ އޮފިސަރުން ގެ ތެރެއިން މަހުދީ ވެސް ބުނެލިއެވެ.

“ ދެން ކާކު އައި ވާހަކައެއް ތަ އެ ސޮރު އެދައްކަނީ. މަހުދީ އެކޮޅާށް ގުޅާފަ ބުނޭ ވީ ކޭން ހޭންޑްލް އޭ“ ކޮންމެ ވެސް ވަރަކަށް ވެގެން އުޅޭ ގޮތް އިޔާންއަށް އެނގުނެވެ. ސައިމަންއަށް ނުގޮވާ އޭނާއަކަށް ނުހުރެވުނެވެ.

”ލައްބަ އިޔާން ސާރ“ ސައިމަން އައިސް ހުއްޓިފައި ދެކަކުލުގައި އަތް ވިއްދާލިއެވެ. އޭރު އޭނާއަށް މާނޭވާ ލެވެއެވެ.

”ކޮބާތަ ސައިމަން ބުނި ވާރ ޒޯން.. މިތާކުން މަށަކުން ނުފެނޭ އެކަހަލަ މަންޒަރެއް.. ބައި އެނީ ޗާންސް އާރ ޔޫ ޑޭ ޑްރީމިންގް“ އިޔާންގެ ޖުމްލައިން ކައިރީގަ ތިބި ތިންމީހުންގެ ގާތައް ހިނި އައި ވަރުން އަނގަމަތީގަ އަތް އެޅުނެވެ.

”ސާރ އެތިބަ ތިން އަންހެން ވެރިން ވަރަށް އަޑުގަދަ ކުރިއޭ.. މޫނުމަތީގަ ފެންފުޅިއަކުން ވެސް ޖެހި.. ކިހިނެތްތަ އަޅުގަނޑު އެކަނިން ކޮންޓްރޯލް ކުރާނީ..“

”ސައިމަން އުމުރުން ކިތައް އަހަރޭ ތަ ބުނީ“ އިޔާން އަހައިލިއެވެ.

“ އަށާރަ.. ކިހިނެތް ތޯ ވީ“

”އާހްހްހް ހޫ ޓްރެއިންޑް ޔޫ… ޓެލް މީ ހޫ ދަ ފ* އިޒް ދެޓް“

އިޔާންގެ ހަރާބުވެފައިވީ މޫނަށް ނަޒަރު ހުއްޓާލައިގެން ހުރި އިރު ހިސާބަކަށް ސައިމަން ލަދުވެސް ގަންނަގޮތްވިއެވެ. އޭނާ ލަސްލަހުން އިނގިލި ދިއްކޮށްލީ ޒޯޔާގެ މޫނަށެވެ. އެހިނދު  ޒޯޔާ ކަޅިއަޅާއިލިއެވެ.

”ޒޯ.. ސައިމަން އަށް ޒޯ ދަސްކޮށްދިނީ ފަރަށް ދާނެ ގޮތް ދޯ.. ބޮލި ހިލާނެ ގޮތެއް ނޫން އެހެންނު.. އެކަމަކު ވާ ދޯ ތިން އަންހެނުން ހިފަހައްޓަން ފަނަރަ މީހުންގެ ފޯސް އަކަށް ވިއްޔަ އެ ރިކްއެސްޓް ކުރީ.. އަޖައިބެއް ނުޥާނެ ތަ.. މިހާރު މަށައް އެގުޅަނީ ޗީފް.. މި ކޯލް ޓްރާންސްފާރ މިކޮށްލަނީ ޒޯގެ އޮފީހަށް.. ތިމީހުން ހަވާލުވޭ މިކަމާ.. މިއަދަށް ފަހު ޒޯ އުޅޭންވީ ސައިމަން އަށް ބޮލި ހިލަން ދަސްކޮށްދޭކަންނު“ ހިތްހަމަ ނުޖެހިފައި ހުރެ އިޔާން ގޮސް ވަނީ އެތެރެއަށެވެ. އިޔާން ގޮސް އޮބާލުމާއި އެކު ކައިރީގަ ތިބި މީހުން އެހުރިޙާ އިރު ހިފަހައްޓާއިގެން ތިބި ހިނިގަނޑު ދުއްވާލިއެވެ. ސައިމަން ދެކެ ރުޅި އައިސް ރަތް ވެފައި ހުރެވެސް ޒޯޔާއަށް ވެސް ހެވުނެވެ. ލަދުގަނެފައި ހުރެ ސައިމަން މިފަހަރު މިސްރާބު ޖެހީ އިޔާންގެ ފަހަތުން އެތެރެއަށް ދިޔުމަށެވެ.

***

ހައިކަލްއާއި އާމިލާ ތިބީ މެންދުރު އަނބުރާ ދޭއްގެ ހަބަރު ބަލަން ލިވިންގރޫމު ސޯފާތަކުގައެވެ. އެވަގުތަކީ ހައިކަލް އޮފީހުން ގެޔަށް އައިސް މެންދުރުގެ ކެއުމަށްފަހު އާންމުގޮތެއްގައި ކޮފީ ބޯ ގަޑިކަމުން ދެމަފިރިންގެ ކުރިމަތީގައިވާ މޭޒުމަތީގައި ހުރީ އާވި އަރައަރާ ހުރި ކޮފީތަށިތަކެވެ.

”މިހާރު ހާދަ ގިނަ ވެއްޖެއޭ މާރާމާރީތައް ދޯ.. މަޖޫ ވެސް ކިޔާ އިޔާން ވެސް ބިޒީ ވެގެންނޯ އުޅޭނީ މިކަމާއި ހުރެ މިހާރު..“  ކޮފީ ތަށި ތުމުގައި ޖަހައިލަމުން އާމިލާ ބުންޏެވެ.

”އާން.. ކުރީ ދުވަހު ވެސް ގެއެއްގެ ތެރޭގައި މަރާލާފައި އޮތްވާ ފެނުނީ މީގެ ހަފްތާއެއް ކުރިން މާރާމާރާއެއް ހިންގައިގެން ހައްޔަރު ކޮށްފަ، ފުރަތަމަ ފަހަރު ކަމަށް ނަސޭހަތް ދީފަ ދޫކޮށްލި މީހަކޯ“

”ނަސޭހަތް ދީފަ ވެސް ދޫ ނުކޮށް ބަހައްޓަން ވީ އެހެން..“

”އާންން.. ބޭރު ތަންތާގަ އެހަދާހެން ކައުންސެލިން ދިނުމެއް ވެސް ރާއްޖޭގަ މާ ބޮޑަކަށް ނޯވެ..އެކަން ނުކުރާށޭ ބުނެ އަދި ހުއްޓާލަން ބުންޏަސް ހުއްޓޭތަ.. ޕްރޮގްރާމްތައް ހިންގަން ވެސް އެބަޖެހޭ..އަޅާލާނެ މީހަކު ނެތިއްޔާ އެކަހަލަ ކުދިން ހައްތަހާ ބޮޑަށް ގޯސްވާނީ“ އާމިލާގެ ޖުމްލައަށް ރައްދު ދެމުން ހައިކަލް ބުނެލިއެވެ.

”ކީއްކުރާނީ އަދުގެ ހާލަތު.. ކޮބާ ހައިކަލް އެއްކަލަ ކަންތައް ކިހާ ހިސާބެއްގަ ތަ އޮތީ“  އާމިލާ ކުއްލިއަކަށް ހަނދާންވެގެން އަހައިލިއެވެ.

”އިޔާން ހަމަ ބިޒީ ކަމުން މިހުންނަނީ.. ނަދީމް ވެސް ބުނި އެ ސޮރު ކައިރީގަ ސުރުހީ އަޅާލާނަމޯ ފެނުނީމަ.. އެމީޙުންގެ ލޮލަށް ވެސް އިޔާން ފެންނަނީ ރޭގަނޑު“

”އަހަރެމެން ދަރިފުޅު ފެންނާނެ ބާ އަހަރެން ދުނިޔޭގަ ހުއްޓާ.. ކިތަންމެ ބޮޑު ހަރަދެއް ކޯށްގެން ވެސް އަހަރެން ބޭނުން ހައިކަލް“

”އަހަރެންވެސް ބޭނުމޭ…އިރާދުކުރެއްވީތީ އަދި ފެންނާނެ.. ޕޮޒިޓިވްކޮން ވިސްނަން ވާނީ.. އަހަރެމެންގެ އަތުގަ ފައިސާއާއި މުދާ ކިތަންމެ ގިނަނަމަވެސް ހުންނާނެ ނުކުރެވޭނެ ކަންތައް..  މިއީ ގާތްގަނޑަކަށް ދިހަވަނަ ފަހަރު މި ކޭސް ރިއޯޕެން ކުރަން ހުށައަޅާތާ.. އެކަމުގަ ހެކި ނެތިފަ އެމީ އެންމެ ފަހުން ފެނުނު މީހަކު ވެސް ނޭނގި އަދި ކެމެރާގެ މަންޒަރެއް ވެސް ފެންނަން ނެތީމަ ވަރަށް އުނދަގޫ ވާނެ.. ކޮންމެ ފަހަރަކު ވެސް ކޭސް ރިޖެކްޓް ވަނީ އެހެންވެ..“ އާމިލާގެ އުނަގަނޑުގައި ހައިކަލް އަތްވަށައިލަމުން ނުހަނު ލޯބިން ބުނެލިއެވެ.

”އިންޝާﷲ އެދަރިފުޅާއި އަހަރެމެން ބައްދަލުވާނެ“ ހިތްވަރު އެލޭ ގޮތްވި ނަމަވެސް އާމިލާގެ ކަރުނުން ހައިކަލްގެ ގަމީސް ތެމެމުން ދާތަން ފެނި ހައިކަލްއަށް ކެތްކުރަން މަޖުބޫރުވިއެވެ.

***

ފަތިހުގެ ހިތްފަސޭހަ ވަގުތު އިއުލާން ކުރީ އެނދުގެ މަގަތުގައި ހުރި ސައިޑް ޓޭބަލްގެ މަތީގައިވާ ސޯނާގަޑިންނެވެ. ލަސްލަހުން ދެލޯ ހުޅުވާލެވުނެ އަމީރާ އަވަސް ވެގަތީ މަސައްކަތައް ނުކުތުމުގެ ކުރިން ނަމާދުކޮށްލުމަށެވެ.  ވުޟޫކޮށްގެން އައިސް ނަމާދުގައި ހުއްޓާ ބަންކްބެޑްގެ މަތީގައި އޮތް ލޯލާވެސް ތެދުވެގެން ފާހާނައަށް ވަދެއްޖެއެވެ.

”މިއަދު ހޫގޯ އަންގާފަ އޮތީ މެންދުރަށް ވަރުގަދަ ކެއުމަށް ހަދަން.. ހީވާ ގޮތުން އެމީލިއޯ އާއި ލޮރެންޒޯ އަންނަނީ“ އަމީރާ ނަމާދުން އަވަދިވި ތަން ފެނި ލޯލާ ބުންޏެވެ. މުސައްލަ އޮޅަމުން ދިޔަ އަމިރާގެ ހަރަކާތްތައް ވަގުތުން ހުއްޓުނެވެ.

”ހާސްނުވޭ ލޯލާ އާންޓް ހުއްޓަ އެމީހުންނަކަށް އެއްވެސް ގޮތެއް ނުހެދޭނެ އެމީއަށް“

”ސްޓިލް އަމް ސްކެއާރޑް.. ލޮރެންޒޯ އާއި މެދު އަހަންނެއް ނުވިސްނަން..އެކަމަކު އެމީލިއޯ ވަރަށް ބިރުވެރި.. އެކަނި ހުންނަން ބިރުގަނޭ އޭނާ މިގޭގަ ހުރިވާހަކަ އިވިއްޖެޔާ“

”ޑޯންޓް ބީ.. އެދުވަހު އެމީ އެކަނިން އެހުރިހާ ކަމަކާއި ފައިޓް ކުރިއަސް މިއަދު އާންޓް ދާނަން އެމީ ދާ ކޮންމެ ތާކަށް އެކުގަ..  އާންޓް ވަރަށް ވިސްނަން އެބަ އެމީ މިތަނުން ސަލާމަތް ކުރަން.. އެމީހުންނަށް ނޭނގި އެމީ މިތަނުން ނެރޭނެ ގޮތެއް މި ވިސްނަނީ“ ލޯލާ މާޔޫސްވެފައި ހުރެ ނަޒަރު ދިއްކޮށްލީ އަމީރާގެ ފައިގައިވާ ޓެގަށެވެ.

”ތި ހިޔާލް ދޫކޮށްލާ އާންޓް.. ޓޫ އިޔާޒް ކުރިން އަހަރެން ފިލައިގެން ދިޔަހިނދު ދިމާވި ގޮތް ހަނދާން އެބަހުއްޓެއްނު.. މި ޓެގް އަހަރެންގެ ހަށިގަނޑުން ވަކި ނުކުރެވޭ ހިނދު  އަޅާ ކޮންމެ ފިޔަވަޅެއް އަދި ލާކޮންމެ ނޭވާއެއް އެމީހުންނަށް އެނގޭނެ.. އަހަރެންގެ ކޮންމެ ހަރަކާތަކަށް ބަލަން އެތިބީ އެމީޙުން.. ގޭގެ ކޮންމެ ކަނެއްގަ އެތައް ބައިވަރު ހަތިޔާރު އެޅި މީހުން..އޭރު އަހަރެން އަތުލައިގަނެގެން ގެނެސް ދިން އަނިޔާތައް އަދިވެސް ހަށިގަނޑުގެ އެތަން މިތަނުގައި ވޭ.. ދެއަތާއި މޫނުގަ ލަކުނެއް ނެތަސް މުޅި ހަށިގަނޑު ލަކުނުން ފުރިފަ މިހުރީ“ އަލުން އެތަނުން ސަލާމަތް ވެގެން ދިޔުމުގެ ހިޔާލު ހިތައް އައި ނަމަވެސް އަމީރާގެ ހިތުގައި ނުހަނު ބޮޑު ބިރުވެރިކަމެއް ވެއެވެ.

”ވީ ވިލް ފިގާރ އިޓް އައުޓް.. ދެރަގޮތެއް ނުވާނެ ކަމަށް އުއްމީދު ކުރަންވާނީ.. އަމް ޖަސްޓް ހޯލްޑިން މައި ސެލްފް މިތަނުން އެމީ ސަލާމަތް ކޮށްދެވެންދެން.. އޭގެ ފަހުން ދެން އާންޓް ވެސް އުޅޭނީ މިތަނުން ސަލާމަތް ވެވޭތޯ.. ލައްކަ ދުވަހު މިހެން ސާވެންޓެއް ގޮތުގަ އުޅެވިއްޖެ“

ލޯލާގެ ޖުމްލަތަކަށް އަމީރާ ބޯޖަހައިލިއެވެ. ނަމަވެސް އެފަދަ ބޮޑު އުއްމީދެއް އަލުން ކުރާކަށް އަމީރާގެ ހިތެއް ވެސް ސިކުނޑިއެއް ވެސް އެއްބަހެއް ނުވެއެވެ.

އިރުކޮޅަކު ލޯލާގެ ގާތުގަ މަޑުކޮށްލާފައި އަމީރާ  ނުކުމަތީ މަސައްކަތަށް ދިޔުމުގެ ނިޔަތުގައެވެ.  ލިފްޓުން ފައިބައިގެން އޭނާގެ މިސްރާބު ބެހެއްޓީ ބަދިގެއަށެވެ. އަދިވެސް ރަނގަޅަށް އަލި ނުވިލޭތީ ގޭތެރެ ވެސް ވަނީ ފުދޭވަރަކަށް އަނދިރިކޮށްލާފައެވެ. ހަމައެކަނި ލިބޭ އަލިކަމަކީ ކޮރިޑޯގެ ދެފަރާތުގައިވާ ކުދިކުދި ލައިޓްތަކުން ވާ ފަނޑު އަލިކަމެވެ.

”އެމީ“ ކުއްލިއަކަށް އަމީރާ ސިހުނީ އޭނާގެ ފަހަތުން މީހަކު ގޮވާލިހެން ހީވެގެންނެވެ. ފަސް އެނބުރި ބަލައިލި ހިނދު  އެއްވެސް މީޙެއްގެ ހިލަމެއް ނުވެއެވެ. ހީވިގޮތެއް ކަމަށް ބަލާފައި އޭނާ ކުރި ބަލައިލި ހިނދު ޖެހޭ ނުޖެހޭ ހާ ކައިރީގަ އެހުރީ އެމީލިއޯ ނޫން ދެވަނަ މީހެއް ނޫނެވެ. ”އާހްހް“ ލިބުނު ސިހުމުން އަމީރާއަށް ހަޅޭއްލަވައި ގަނެވުނެވެ. އެމީލިއޯ ޖަހައިލީ ހިނިގަނޑެކެވެ. އަމީރާ ދުރަށް ދިޔުމަށް ތެޅިގަތް ގޮތުން އަމީރާގެ ދެއަތުގައި ހިފާ އޭނާގެ ހަށިގަނޑުގައި ތަތްކޮށްލިއެވެ.

”ކަލޭ.. ކީއްވެގެންތަ އަހަރެން ފަހަތުން ނުނެއްޓިގެން ތިއުޅެނީ..ހަމަ މިހާރު ދޫކުރޭ .. ދޫކުރާށޭ“ އަމީރާއަށް ރޮއިގަނެވުނެވެ. ނަމަވެސް ހަޅޭއްލަވަން ކުރި މަސައްކަތް އިތުރަށް ކާމިޔާބު ވާގޮތެއް ނުވިއެވެ. އެމީލިއޯގެ އަތް އަމީރާގެ އަނގަމަތީގައި އަޅާ ވަނީ ނުހަނު ބޮޑަށް ބާރުކޮށްލެވިފައެވެ. ލޮލުން ފައިބަމުން ދިޔަ ފެންތަކާއި އެކު އަމީރާ ދިޔައީ ގަދަހަމުންނެވެ.

”ނުކުރާނަން ދުލެއް.. އެނގެ އެންނު ކަލެއަށް އަހަރެން ކަޅިއަޅަމުންދިޔަ ވަރު.. މިކަހަލަ ފުރުސަތަކަށް މިހުރީ ބަލަ ބަލަ.. މިހާރު ހޫގޯ ވެސް މަށައް ކަލޭ ދޭން ހުރީ ނިންމައިގެން“ އެމީލިއޯގެ ވިހަ ހިނިތުން ވުމުގައި ހުރެ ބެލީ އެންމެ މަގަތައް ހުރި ކޮޓަރީގެ ތެރެއަށް އަމީރާ ވެއްދޭތޯއެވެ. ނަމަވެސް ގަދަހަދަމުން ދިޔަ ގޮތުން ކިތަންމެ ލޫޅާފަތިކޮން ހުރިކަމުގައި ވީ ނަމަވެސް އަމީރާ ގެންދިޔުން ވީ އެމީލިއޯއަށް ނުހަނު އުނދަގޫކަމަކަށެވެ.

”މައިތިރިވެގެން ހުރެބަލަ.. އާހްހްހް“ ހިތްވަރުކޮށްފައި އެމީލިއޯގެ އަތުގައި އޭނާ ދަތް އެޅިއެވެ. ވީ ތަދުން އެމީލިއޯ ހަޅޭއްލަވައިގަތެވެ.

”އަހަރެން ދޫކޮށްލާ ހެޔޮނުވާނެ..އާހްހް..ދޫކުރާށޭ.“ އަމީރާ ރޮމުން މީހެއްގެ އެހީ އަކަށް އެދި ގޮވަން ފެށިއެވެ. ނަމަވެސް އެއަޑު އިވޭ ހިސާބުގައި އެއްވެސް މީހަކު ނެތެވެ.

”ކަލޭ ހީކުރީތަ ދަތް އެޅީމަ ބިރުން ފިލާނެއޭ ..އޭތް“ އޭނާގެ ބޮލު މެދަށް އެމީލިއޯގެ އަތުގެ ހަމަލާއެއް ދިނެވެ. ތަދުވެގެން ކުރިއަށް ވުރެން ބޮޑަށް އަމީރާއަށް ރޮވުނެވެ.

”ރީތިކޮން ނުދަންޏާ ދެން މިތާގަ މަ ބޭނުން ފުއްދާނީ“ އެމީލިއޯ ބެލީ އަމީރާއާއި ގާތްވެވޭތޯއެވެ. އަމީރާއާއި ގާތައް މޫނު ކައިރިކޮށްލި ނަމަވެސް އޭނާއަށް ކަމެއް ކުރެވުމުގެ ކުރިން ކުއްލިއަކަށް ފަހަތުން އައި މީހަކު އައިސް  އެމީލިއޯގެ ގިރުވާނުގަ ހިފައިލާ ދުރަށް ހޫރާއިލީ އޭނާ ބަލަބަލާ ހުއްޓައެވެ. ވިއްސައިގެން ގޮސް ފާރުގައި ޖެހި އެމީލިއޯ މަތަވިއެވެ. ޖެހުނު ގޮތަށް އޭނާގެ ބޯ ފެޅިގެން ލޭތައް އޮހޮރެމުން ދިޔައެވެ. ވީ ތަދުން އޭނާއަށް ހަޅޭއްލަވައިގަނެވުނެވެ.

”އާހްހް ހޫ ދަ ފ*.. ***“ އެ ހާލަތު ގައި ވެސް ހޫގޯގެ އަނގައިން ބޭރުވަމުން ދިޔައީ ލަދުވެރި ބަސްތަކެކެވެ. ފަހަތުގައި ހުރި މީހާ ފެނި އެމީލިއޯ އިން ތަނުން ތެދުވެ އަނެއްކާ ވެސް ފަހަތައް ފިޔަވަޅެއް އަޅާލިއެވެ. އެމީލިއޯގެ އަމަލުތަކުން އަމީރާއަށް ބަލައިލެވުނު އިރު ފެނިގެން ދިޔައީ މާކިންއެވެ. ތުރުތުރު އަޅަމުން ދިޔައިރު މާކިންގެ ދެލޮލުގައި ވީ ރުޅިވެރިކަމެވެ.

”ހުރި ގޮތްކުޑަކަން .. ކަލޭގެ ލަދުކޮބާ ތަ.. އިއްޔެ މަ ދިން އިންޒާރު ތަކުގެ މަތިން ހަނދާން ނެތުނީތަ..އޭންން..“ އެމީލިއޯގެ ކަރަށް ބާރުވާ ވަރަށް އޭނާ ލައިގެން ހުރި ގަމީހުގެ ގިރުވާނަށް މާކިން ދަމާލިއެވެ. އަނެއް އަތުން މާކިންގެ އަތުގެ ގޮށްމުށުގެ އެތައް ހަމަލާއެއް އެމީލިއޯގެ މޫނަށް އަރުވަމުން ދިޔައެވެ.

”މާކ..މާކިން.. އަހަންނަށް މާފް ކުރޭ..ދެން..އަ..އަތެއް ނުލާނަން“ މާކިންގެ ބާރު އިޙްސާސް ކުރެވެމުން ދިޔަ ހިނދު އެމީލިއޯ ހިތްވަރު އެލުވާލިއެވެ. ރޮއި ހޭރިގަތީ ދެން  ސަލާމަތް ނުވާނޭ ހީވުމުންނެވެ.  ނަމަވެސް މާކިން ހުރީ ދޫދޭ ގޮތަކަށް ނޫނެވެ.

”މާކިން ..މާކިން..ސްޓްޕް އިޓް“ މާކިންއަށް ހުއްޓުމެއް އައީ އަމީރާގެ ކުރަކި އަޑުއިވިފައެވެ.

”ދެވަނަ ފަހަރަށް ކަލޭގެ މުޑުދާރު ދެއަތުން އަމީރާގެ ގައިގަ އަތްލަން މަސައްކަތް ކޮށްފިއްޔާ ކަލޭ މަރުވާނީ މަގޭ ދެއަތުން.. ހަނދާންކުރާތި.. “ އެމީލިއޯގެ ގައިން ދޫކޮށްލުމަށްފަހު މާކިން ހުއްޓިލީ އަމީރާގެ ކުރިމަތީގައެވެ. އެދެލޮލުން ފައިބަމުންދާ ކަރުނަތައް ފެނި މާކިންގެ ހިތުގައި ރިއްސައިގަތެވެ. އަމީރާގެ ދެއަތުގައި ހިފައިލިއެވެ. އެހިނދު  މާކިންގެ ގައިގާ އަމީރާ ދެއަށް ވަށާލުމުން މާކިންއަށް ހިސާބަކަށް ހުއްޓުން އެރިއެވެ. ހިތުގައި އުދެނީ ހައިޖާނުގަނޑެކެވެ.  އޭނާގެ ހިތުގައި އަމީރާއާއި މެދު އުފެދިފައިވާ އިޙްސާސްތައް އެނގޭ ނަމަވެސް އެގޮތައް ބައްދާލައިގެން އަމީރާ ހުންނާނެބާއޭ ހިތައް އެރިއެވެ. މާކިން ދެލޯ މަރައިލެވުނެވެ. ހިތުގައި އުފެދެމުން ދިޔަ އިޙްސާސްތައް ފުންވެގެން ދިޔުމާއިއެކު މާކިން މަޖުބޫރުވީ ދުރަށް ޖެހިލުމަށެވެ. އޭރު އަމީރާގެ ރުއިން ހުއްޓިފައި ވީނަމަވެސް އެދެލޮލުގައި އަދިވެސް ކަރުނައިގެ އަސަރުވެއެވެ.

“ ހޫގޯގެ ފަރާތުން ބޮޑު އަނިޔާއެއް ލިބޭނެ އޭނާގެ މީހަކަށް ކަމެއް ވެއްޖެއްޔާ.. އަހަރެންގެ ސަބަބުން މާކިންއަށް ދެރަ ގޮތެއް ވާކަން ނޭދެން“ އެމީލިއޯ ދިޔަ ދިމާލަށް މާކިން ވެސް ދާން ހިނގައިގަތުމުން އަމީރާ ހުއްޓުވިއެވެ.

”އެމީ އަށް ހީވޭތަ ދެން މިގޭގަ އެންމެ ސިކުންތެއް ވެސް ސޭފް ވާނެ ހެން..“

”ނޫން.. ލޯލާ އާންޓްގެ ގާތައް އައިޑިއާއެއް ހޯދަން ދާންވީ ކަންނޭގެ.. މާކިން ވެސް ޓޯކް ކުރީމެންނު އިއްޔެ.. އިފް ޔޫ ވޯންޓް ކަމް ވިތް މީ.. “ އަމީރާ ހިނގައިގަތް ހިނދު މާކިންއަށް ދެފަރާތައް ބޯ ހޫރުވާލެވުނެވެ.

”ސްޓިލް އެމީ … ސްޓިލް.. އަދިވެސް އެމީ އަށް ނޭނގޭތަ އެއީ ކާކު ކަމެއް.. އޭނަގެ ހަގީގަތް ކޮން ދުވަހަކުންތަ އެމީއަށް އެނގޭނީ.. އެއް ރޫމެއްގެ ނިދާ ހަދާ އިރުވެސް އެމީއަށް ހަމަ ޝައްކު ވެސް ނުކުރެވެނީތަ“ މާކިންއަށް ވާހަކަ ދެއްކުނީ ފުދޭވަރަކަށް ބާރަށެވެ. އެއަޑުގައި އެކުލެވިފައިވީ ހިތްހަމަ ނުޖެހުމެވެ. މާކިން އާއި ހަތަރު ކަޅި ހަމަވި ހިނދު އަމީރާގެ މޫނަށް ރުޅި ވެރިކަން ވެރިވާން ސިކުންތެއް ވެސް ނުނެގިއެވެ.

”ބުނަން ރަނގަޅު ޥާހަކައެއް މާކިން..ދެންމެ އެހީވި ނަމަވެސް އޭގެ މާނަ އޮޅުވާ ނުލާ .. ކަމެއް ކޮށްދެވުނޭ ކިޔާފަ އައިސް ޖެހޭތަ ލޯލާ އާންޓްއޭ ކިޔައިގެން ތި ގޮތައް  ވާހަކަ ދައްކަން.. އެންމެން ކެހި ދިން އިރު ވެސް މަށައް ވަފާތެރިވެ ތެދުވެރިކަން މަތީގައި ހުރި ހަމައެކަނި އިންސާނާ އެއީ.. އިންސާނުން ސިފައިގަ ތިބި ޖަނަވާރުންތަކެއްގެ ތެރޭގައި ދިރިއުޅެމުން އައި އިރު މަށައްޓަކައި އެ ދައްތަ ހާދަ ކަމެއް ކޮށްދީފިއޭ.. ވީއިރު މާކިން އައިސް ތިކަހަލަ ވާހަކަ ދެއްކީމަ މަށައް ރުޅި އާދެވޭނީ..“ އަމީރާ ބުނެލިއެވެ.  އޭނާ އިތުރަށް މާކިންއާއި އަރާރުން ވާން ބޭޏުން ނުވާތީ، ލޯލާ ހޯދުމަށް ވެސް ދާން ނޫޅެ އޭނާ ބެލީ ބަދިގެއަށް ދެވޭތޯއެވެ.

”އޯކޭ އަޑުނާހާތި.. އެކަމަކު ހަނދާންކުރާތި ..ހުރިހާ ކަމެއް އެނގުނީމާ މަށައް ބްލޭމް ކޮށްގެން ނުވާނެ.. ބީ ކެއާރފުލް“ އަމީރާ ދަނިކޮން އޭނާއަށް އިވޭ ވަރަށް މާކިން ގޮވާލިއެވެ. ނަމަވެސް އަމީރާ އެއްވެސް އެއްޗެއް ނުބުންޏެވެ. ގޮތް ހުސްވެފައިވާ ފަދައަކުން މާކިންއަށް ފުންނޭވާއެއް ދޫ ކޮށްލެވުނެވެ.

”އާހްހް އަހަންނަށް އެހީ އެއް ވެވޭނީ ވެސް އަހަރެން ދައްކާ ވާޙަކަ އަޑުއަހައި ގެންނެއްނު.. މި ވާ ގޮތުން އަހަންނަކީ ކާކުކަން ވެސް ބުނެދޭން މިވަނީ ހައްތަހާ އުނދަގޫ.. ވައި އާރ ޔޫ ސޯ ސްޓަބަން “ މޮޅިވެރިކަމުގެ އަސަރުތަކުން މާކިން މޫނުމަތި ފެވިފައިވީ ހިނދު އެތައް އިރަކު ވިސްނުމުގައި ހޭދަކުރުމަށްފަހު މާކިން ހިނގައިގަތީ އެތަނުން ދުރަށް ދިޔުމަށެވެ. ނަމަވެސް ފިޔަވަޅު ތަކައް ހުއްޓުމެއް އައީ އޭނާގެ ފަހަތުން މީހަކު ކަރުކެހިލި އަޑުއިވިފައެވެ.

”ހެލޯ މާކިން“މާކިން ފަސް އެނބުރުނު އިރު ކޮރިޑޯގެ ފާރުގައި ލެނގިލައިގެން އެހުރީ ލޯލާ ނޫން ދެވަނަ މީހެއް ނޫނެވެ. އަނދިރި ގަނޑުން އަލި ހިސާބަށް އޭނާއައި އިރު ދެތުންފަތުގައި ފެވިލާފައިވަނީ ވިހަހިނިތުން ވުމެކެވެ. ނަމަވެސް މާކިންގެ މޫނުމަތިން ހައިރާން ކަމެއް ނުފެނެއެވެ. ވެރިވީ ފޫހިކަމެވެ.

”މިހާރު އެނގިއްޖެ ދޯ އެގަމާރު އަމީރާ ކަލޭ ދައްކާ އެއްވެސް ވާހަކައެއް އަޑުނާހާނެކަން“ ލޯލާ އެ ނުބައި ހިނިތުންވުމުގައި ހުރެ އެއްސެވެ.

***

(ނުނިމޭ)