މި ޖިސްމުގާ ވަނީ 36

”ދެން މިބުނާ ދުވަހު އޭނަ އައީމަ ހޫގޯ ވެއްދީ، ހޫގޯގެ މެހެމާނުންނަށް ހާއްސަ ކޮޓަރިއަށް.. އަހަރެން ދިޔައިން އެމީހުންނަށް ފިނި އެއްޗެއް ހިފައިގެން.. އެކަމަކު ސިހުނީ މޭޒުމަތީގައި ރާ ތަށިތައް ހުރީމަ.. ދެން އަހަރެންގެ ގެނައި ސާމާނު ބަހައްޓާފަ ހޫގޯ ނުކުންނަށް އިޝާރާތް ކުރީމަ ނުކުތިން.. ދެން ހުރީ ދޮރުގަ ކަންފަތް ޖަހައިގެން .. ފުރަތަމަ ވެސް އިވުނީ، ފްލައިޓް ނައްޓާލަނީ ކޮން އިރަކުހޭ ހޫގޯ ބުނާއަޑު…ދެން އަންހެން މިހާ ބުނި ގަޑީއާއި އެއްޗިހި… ދެން ބުނަނީ، ލާހިކެއްނޫނޯ މަގޭ ދަރިންނަށް ނުލިބުނު އުފަލެއް، އޭނާގެ ދަރިންނަށް ލިބޭކަށް ..މިރޭ މި ފުރަނީ އެ އާއިލާއަށް ރަނގަޅު ބަދަލެއް ހިފާށޯ.. ކާކުގެ ކައިރިން ކޮން ބަދަލެއް ކަމެއް ނޭނގޭ.. މީހެއްގެ ނަމެއް ވެސް ބުނަ އަޑު ނީވޭ“ އެމީހުންނަށް ބުއިންތައް ގެންދަން އުޅުނު މަސައްކަތު މީހާ ހުއްޓުވާފައި އެ ސާމާނު ހިފައިގެން އޭނާ ދިޔަ ހިނދު ފެނުނު މަންޒަރު ވަރަށް ތަފްސީލާއި އެކު ފިލިން ފިއްޔަށް ކިޔައިދިނެވެ. އެތަނުން ނުކުމެ ބޭރުގައި ހުއްޓާ އިވުނު ވާހަކަތައް ވެސް ކިޔައިދިނެވެ. ދެލޯ ބޮޑުވެފައި ހުރެ ލައިލާއަށް ބަލައިލެވުނީ ޒާހިރްގެ މޫނަށެވެ. ޒާހިރް ވެސް ހުރީ ސިހިސިހިއެވެ. ލިބުނު ޝޮކުން  ބަސްހުއްޓުނެވެ.

****

”މޫނު ބުރުގާ އެޅި އަންހެނެއް؟ ހޫގޯ އާއި އެކު ރާ ބޯން، ނިގާބީއެއް؟.. ލިއޯ ރަނގަޅު އެއްޗެއްތަ ތިކިޔަނީ؟ އެ އަންހެން މީހާ ރާއްޖެއައީ؟ ބަދަލް ހިފަން؟ ކޮން ކަމެއްގެ ބަދަލެއް؟ ކާކު ކައިރިން؟“ ލައިލާގެ ހިތާއި ސިކުނޑީގައި ސުވާލުގެ ބޮޑު ތޫފާނެއް އުފެދި، އޭނާގެ ނަފްސު ހައިޖާނު ކޮށްލައިފިއެވެ. އެ ސުވާލުތައް އޭނާގެ ދުލުން ބޭރުވަމުން ދިޔައީ އެއްވެސް ހިފެހެއްޓުމެއް ނެތް އޮހޭ ފެންގަނޑެއް ފަދައިންނެވެ.

”މަޑުކޮށްބަލަ އެދުވަސްކޮޅެއްނު ޝާއިރާ ވެސް ރާއްޖެ އައި ދުވަހެއްނު؟ ލައިލާ ކިޔައިދިނީމެންނު އޭނާގެ ގޮތް“ ކުއްލިއަކަށް ކަމެއް ހަނދާން ވެގެން ޒާހިރް ބުނެލިއެވެ. ވަގުތުން ލައިލާ ދެކޮޅަށް ބޯ ހޫރުވާލިއެވެ.

”ނޫނޭ..ޝާއިރާ ދަރިން ގޮވައިގެން އުޅުނީ ލަންޑަންގަ …. އެހެންނޫނަސް އޭނާ ކާކު ކައިރިން ބަދަލް ހިފަން.. އޭނަ އާއި ހޫގޯ-“ ލައިލާގެ ވާހަކަ މެދުކެނޑުނީ ބުނަން އުޅުނު ޖުމްލައިގެ ބަރުދަން އޭނާގެ ހިތަށް އިހުސާސްވުމުންނެވެ.

”ހޫގޯ އާއި ޝާއިރާއަކީ އެކައްޗެއް.. އެކެއްގެ ދެފަރާތް ފަދަ ބައެއް…“

ލައިލާއަށް ފުރިހަމަ ނުކުރެވުނު ޖުމްލަ ޒާހިރު ނިންމާލައިދިނެވެ. އެ ބަސްތައް އިވުމާއެކު ލައިލާގެ މުޅި ހަށިގަނޑުން ވަރުދޫވެ، ދެފައިކޮޅުން ވާގ ދޫވެގެން ދިޔަ ފަދަ އިހުސާސެއް ކުރެވުނެވެ. އިތުރަށް ބަހެއް ބުނާނެ ހިތްވަރެއް ނުލިބި، ގާތުގައި ހުރި ގޮނޑިއަށް ބަރުވެގަނެވުނެވެ.

”ޝާއިރާ އަކީ ކާކު؟ ހޫގޯގެ ލޯބިވެރިއެއްތަ؟“ ހައިރާން ވެފައިވާ އަޑަކުން ލިއޯއަށް ވެސް އެހުނެވެ. ނަމަވެސް ލައިލާއަކަށް ވާހަކައެއް ނުދެއްކުނެވެ. ހުރެވުނީ ބަސްހުއްޓިފައެވެ. އެ މަދު ސިކުންތުކޮޅުގެ ތެރޭގައި ވެސް އޭނާގެ ލޮލުގެ ކުރިމަތީގައި ސިފަވަމުން ދިޔައީ ބިރުވެރި މަންޒަރެކެވެ. މާޒީއެވެ. ގެއްލިފައި އިންދާ ޒާހިރް ކޮއްޓާލުމުން ބަލައިލިއެވެ.

”ލިއޯ، ކޮން ތާރީހެއްގެ ތިބުނާ އަންހެން މީހާ ތިގެއަށް ދިޔައީ؟.. ސީދާ ދުވަސް ބުނެބަލަ“ ޒާހިރް އަހާލިއެވެ. އެހިނދު ލިއޯ ހަނދާބް ކޮށްލުމަށްފަހު އެ ތާރީހް ބުނެދިނެވެ.

”ޖެނުއަރީ ފަނަރަ.. އެއީ ޝާއިރާ ވެސް މިކޮޅަށް އައި ދުވަސް، އާމިލާ އެހެން ބުނާ އަޑު އަހަރެން އެހިން.. އެކަމަކު އޭނާގެ ދަރިންނާއި އެއްކޮން އުޅެނީ ލަންޑަންގަ ކަމަށް ވަނީ.. އެވެސް މިހާރުގެ ފިރިމީހާ އާޝިއު އާއި އެއްކޮން.. އަހަންނަށް ފެނިފަ ހުރީ ޝާއިރާގެ ކުރީގެ ފިރިމީހާ ޒައީމް….  މަހާ ދައްކާލަ ބަލާށޭ ބުނީމަ، ޒަންމެންގެ ވެޑިންއަށް ދިޔަ ދުވަހު ލޯންޗް މަތީގަ އާމިލާ އަހަންނަށް ދެއްކި، ޝާއިރާއާއި ދެ އަންހެން ދަރިން ލަންޑަންގެ ތަންތަނުގަ ނަގާފަ ހުރި ފޮޓޯތައް ވެސް… ޝާއިރާ އާއި ހޫގޯއަކީ ކުރީގަ ރައްޓެހިންނަށް ވިއަސް މިހާރު އެތަނަށް ގޮސްފާނެއެކޭ އަހަރެންގެ ހިތެއް ނުބުނޭ.. ޒައީމްއާއި ކައިވެނިކޮށްގެން އުޅޭނަމަ އަހަރެން ތިވާހަކަ ގަބޫލް ކުރީސް.. އާޝީއުވެސް އެއީ ޒާތަކަށް އުޅޭ މީހެއް، އެކަމަކު ހޫގޯއަކާއި ގުޅުމެއް ނޯންނާނެ.. ދަރިން ބޮޑެތިވެފަ އެތިބީ.. އަނެއްކޮޅުން މޫނު ބުރުގާ އަޅާ ވަރަށް ވުރެން ޝާއިރާއަކީ ނުބައި މީހެއް.. އެހެންނޫނަސް އެތާގަ މޫނު ފޮރުވައިގެން އުޅެންވީ ސަބަބެއް ވެސް ނެތެއްނު!.. އޭނައަކަށް ނޭނގޭނެ އަހަރެން ލިއޯ ގެންގުޅޭ ކަމެއް ވެސް..“ އިރުކޮޅަކު އެއްޗެއް ނުބުނެ އިނުމަށްފަހު ލައިލާ ވާހަކަ ދެއްކިއެވެ.

އެވާހަކަތައް އަޑުއަހަމުން ދިޔައިރު ޒާހިރްއަށް ލައިލާގެ މޫނަށް ބަލައިލެވުނެވެ. ޝާއިރާގެ ކެހިވެރިކަމާއި ނުލަފާކަން އެންމެ ގާތުން ތަޖުރިބާކޮށްފައި ވަނީ ލައިލާއެވެ. އޭނާގެ ހަގީގަތް އެންމެ ރަނގަޅަށް އެނގޭނީވެސް ލައިލާއަށް ތާއެވެ.  އެހެނަސް، ޒާހިރްގެ ސިކުނޑީގައި ޝާއިރާއާއި މެދު ކުނިޖެހިފައިވާ ވަރުން، މި ފަހަރު ވިސްނާލަން ޖެހުނެވެ. އުފެދުނު ޝައްކާއި ވަހުމުގެ ސަބަބުން އެކަމާއި މެދު ފަރުވާކުޑަ ކޮށްލާކަށް ބޭނުމެއް ނުވިއެވެ. ސަބަބަކީ، ޝާއިރާއާ ބައްދަލުވި މަދު ފަހަރުތަކުގައި ވެސް، އެކުޑަ ދެލޮލުން ފާޅުވާ މަކަރުވެރިކަން އޭނާއަށް ވަނީ ވަރަށް ސާފުކޮށް ފާހަގަކުރެވިފައެވެ. ލައިލާގެ ވާހަކައަށް ދެކޮޅު ނުހެދި ނަމަވެސް، ސިކުނޑީގައި އެކި ޚިޔާލުތައް އެވަގުތު ވެސް އެނބުރެމުން ދިޔައެވެ.

”ލިއޯއަށް އެނގޭތަ އެއްވެސް މިންވަރެއް އޭނާގެ މޫނުން؟ މިބުނީ މޫނު ކަވަރ ކޮށްފަ އިނަސް ދެލޯ ފެންނާނެތާ.. ރިކޮގްނައިޒް ވާ ކަހަލަ-“

”ޔެސް.. ޔެސް.. އޭނާގެ އަޑު.. އޭނާގެ ދެލޯ ދެވަނަ ފަހަރަށް ކައިރިން ފެނިއްޖެއްޔާ ޔަގީން އެނގޭނެ“ ޒާހިރްގެ ސުވާލު މެދުކަނޑާލަމުން ލިއޯ ޔަގީންކަމާއެކު ޖަވާބު ދިނެވެ. އެއާއެކު ހާސްވެފައިވާ ހިތަށް ކޮންމެވެސް ވަރެއްގެ ތަސައްލީއެއް ލިބި، ހަމަޖެހުމުގެ ނޭވާއެއް ލެވުނެވެ.

”އެހެންވީމަ ފޮޓޯ އެއް ފޮނުވާލާނަން .. ވާނުވާ އަންގާލާތި..އެ އަންހެން މީހާ ދާ ވަކި ދުވަހެއް އެނގޭތަ؟“

”ނޭނގޭ.. ގޭތެރެއިން މީހަކު ބުނާ އަޑު އިވުނު އަންނަ ވާހަކަ އެއް.. އިތުރު އަޕްޑޭޓް ލިބޭ ވަރަކުން އަންގާނަން.. ފޯނު ބޭނުމެއް ނުކުރެވޭ.. އެކަމަކު އައިލް ޓްރައި މައި ބެސްޓް“ ލިއޯ ޖަވާބު ދިނެވެ.

”ލިއޯ، ޖިނާންގެ ހަބަރެއް ވިތަ؟“  އަހަން ނާހަން ހުރެފައި ލައިލާ އަހާލިއެވެ.

”ނޫން، އެއްވެސް މައުލޫމާތެއް ނުލިބޭ ހަމަ “ އާދައިގެ މަތިން އެ މާޔޫސީ ޖަވާބު ލިއޯ ދިނެވެ. އެއަށްފަހު އިތުރު ވާހަކައެއް ނުދައްކައި، ދާންޖެހުމުން ލިއޯ ފޯނު ކަނޑާލިއެވެ.

”ޒާހިރް ތިބުނީނު ފޮޓޯއެކޭ، ޝާއިރާގެ ފޮޓޯގެ ވާހަކަތަ ބުނަން ތިއުޅޭނީ؟“

ލައިލާ އަހާލިއެވެ. އިރުކޮޅަކު ހަނުހުރެފައި ޒާހިރް ބޯޖަހާލުމުން، ލައިލާގެ މޫނުމަތިން ހިތްހަމަ ނުޖެހުން ފެނިލިއެވެ.

”ނޫނޭ، ޒާހިރް އަހަރެން މިބުނީނު އެއީ އޭނައެއް ނޫނޭ.. އޭނަ އާއި ހޫގޯ ގެ ގުޅުން އެއީ ކުރީގެ އޮތް ގުޅުމެއް .. ޒާހިރްއަށް ވިސްނާލައިފިއްޔާ އެބަ އެނގެއެންނު އާމިލާ އާއި ޝާއިރާގެ ގުޅުން އެހާ ރަނގަޅުކަން.. އެ ނޫނީ ޝާއިޜާގެ އާއިލާގެ  އެކަކު ވެސް ނެތް … އެމީހުންގެ މަންމައާއި ބައްޕަ ވެސް ދިރިއުޅެނީ މެލޭޝީއާގަ..  ޝާއިރާ ކިތަންމެ ނުބަޔަސް، ނެތެއްނު އޭނާ ބަދަލް ހިފަން މިތާގަ އެކަކު ވެސް.. ހުރީ އަހަރެން.. މަށާއި ޝާއިޜާގެ ވެސް އެއްވެސް ގުޅުމެއް ނެތް… އެހެންވީމަ މިބުނީ، ބޭކާރު ކަންތަކައް ވަނުމުގެ ބޭނުމެއް ނެތް .. އަހަރެމެންނަކަށް ވަގުތެއް ނެތް.. މާކް ފެނޭތޯ އަހަރެން ކެނޑިނޭޅި މި މަސައްކަތް ކުރަނީ.. އެއީ އަހަރެންގެ ހުރިހާ ވެސް މީހަކީ އަދި އުއްމީދެއް ވެސް ގުޅިފަ ވާ ކަމަކީ“ ވާހަކަ ދައްކަމުން ގޮސް މާކިންގެ ނަން ދުލުން ބޭރުކޮށްލެވުނު ހިނދު، އިންޒާރަކާއި ނުލާ ލައިލާގެ ދެލޮލުން ކަރުނައިގެ ސައިލާބެއް އޮހޮރިގަތެވެ. އެ ދަރިފުޅުގެ ނަން ހިތައް ވެރިވާ ކޮންމެ ފަހަރަކު އޭނާގެ މޭ ހީވަނީ ފިތިގެން ދާހެންނެވެ. ޒާހިރްއަށް ދުރުގައި ބަލަން ހުންނަން ކެތް ނުވެގެން ލައިލާގެ ގާތައް އައިސް، އެ ދެއަތުގެ ތެރޭގައި ބޮނޑި ކޮށްލިއެވެ.

”ލައިލާ.. އަހަންނަށް އިތުބާރު ކުރޭ.. މާކް އެއީ އަހަރެންގެ ވެސް ދަރިއެކޭ.. އެކުއްޖާ ހޯދަން އަހަރެން ވެސް ބޭނުމޭ.. ފަހަރެއްގަ ވެދާނެ އަހަރެން މިދިން ހިޔާލަކީ މާކް ހޯދުމަށް ވެސް ކުރެވޭ މުހިއްމު ކަމަކަށް ވެދާނެ… ޝާއިރާގެ ވާހަކަ އަހަންނަށް ކިޔައިދިން ހިސާބުން އެ ވަރު ރުޅި އަންނަ އަންހެނެއް މި އުޑު ދަށުގަ ނެތް .. އަސްލު އަހަރެން ގަބޫލެއް ނުކުރަން އަދިވެސް އޭނާގެ އުޅުން އިސްލާހު ވީ ކަމަކަށް.. އާމިލާއާއި ޝާއިރާގެ އުޅުމަށް ހިންގާލާ އެންމެ ނަޒަރަކުން ވެސް އެކަން ދެނެގަނެވޭނެ.. ނޫންތަ؟ ޒަންގެ ކައިވެނީގެ ފޮޓޯ ތަކުގައި ހުންނާނެ އެންނު ސާއިރާ.. އެތަނުން ފޮޓޯ އެއް ހޯދާލާފަ ފޮނުވާލަން ވީ ކަންނޭގެ“

ޒާހިރްގެ ޖުމްލަ ނިންމަލުމާއި އެކު ދެފަރާތައް ބޯހުރުވާލާފައި ލައިލާއަށް އޭނާގެ ގައިން ދުރަށް ޖެހިލެވުނެވެ. ޒާހިރް ނިތް އަރުވާލީ ކިހިނެތް ވީހޭ އަހާ ފަދައަކުންނެވެ.

”އަހަރެން ނުބުނަމޭ އޭނަގެ އުޅުން އިސްލާހުވިއެކޭ.. އެއީ ނުބައި ނުލަފާ އަންހެނެއް.. ބިރުގަނޭ ޒަން އަށް ގޮތެއް ހަދާފާނެތީވެސް.. އެކަމަކު މިބުނަނީ މިކަމުގަ އަހަންނަށް ހަމަ ހީނުވަނީ އޭ.. އޭނާ ކާކު ކައިރިންތަ ބަދަލު ހިފާނީ.. މަށެއްނު ހުންނާނީ، އޭނަ ބަދަލު ހިފަން ވެސް..“ ލައިލާ ތަކުރާރް ކޮށްލީ އޭނާ ކުރިން ވެސް ބުނެލި ވާހަކަ ތަކެވެ. ޒާހިރްއަށް ބޯހޫރުވާލެވުނީ ލައިލާ އެކަމާއި އެއްބަސް ނުވާނެ ކަން އެނގުމުންނެވެ. އެންމެ ފަހުން ހަތިޔާރު ބެހެއްޓިއެވެ. އަދި ލައިލާގެ ވިސްނުން ހުރިގޮތާއި ބެހޭގޮތުން ސުވާލު ކޮށްލިއެވެ.

”އަހަންނަށް ހީވަނީ އެބުނާ މޫނު ބުރުގާ އެޅި އަންހެން މީހާ، އެއްވެސް ގޮތަކުން ކުރިން ފެނިފައިވޭތޯ އެމީ ކުރެން އަހަން ދިއުން ކަންނޭގެ އެންމެ ރަނގަޅު ވާނީ“ ލައިލާގެ ވިސްނުން ހާމަކޮށްލިއެވެ. އެ ހިޔާލް ވެސް ޒާހިރަކަށް ގޯހެއް ނުވިއެވެ. ނަމަވެސް އޭނާގެ އަމިއްލަ ސިކުނޑިން ދެމުންދިޔަ އިންޒާރުތައް ދޫކޮށްލާކަށް އަދިވެސް ބޭނުމެއް ނުވިއެވެ. އެކަމަކު މިވަގުތު ދެން އިތުރަށް އެކަމާއި ބަހުސް ކޮށް ލައިލާއާއި ދެބަސްވާކަށް ޒާހިރް ނޫޅުނެވެ.

“ އެމީ ކައިރީގަ ބުނަން ވީނު، ބައްދަލް ކޮށްލެވޭ ކަހަލަ ގޮތެއް ވޭތޯ؟“ ޒާހިރް އަހާލުމުން ލައިލާ ބޯޖަހައިލިއެވެ. ފޯނު ނަގާފައި އަމީރާގެ ނަމްބަރު ހޯދަން ފެށިއެވެ.

****

”ވައި؟“ ޝަކުވާގެ ރާގެއްގައި ޒަންޔާ ވާހަކަ ދެއްކީ ކާރު ޕާކް ކޮށްފައި ވިޝާމް އައިސް ގާތައް ހުއްޓުމުންނެވެ. އެހެން ހުރެ ބަލައިލި އިރު ’ކެޓް ވޯކް’ގައި މަންހާ ގޮސް އިމާރާތުގެ އެތެރެއަށް ވަންނަނީއެވެ. އަނގަޔަށް ޖައްސާލީ ފޫހި ވައްތަރެކެވެ. އޮފީހަށް އަލަށް އައި ދުވަހު ވެސް މަންހާ ގެންނަން ޖެހުމުން ޒަންޔާ ހުރީ ކޮންމެވެސް ވަރަކަށް ހިތްހަމަ ނުޖެހިފައެވެ. ވިޝާމްއާއި ޒަންޔާ ނުކުންނަނިކޮން މަންހާ ވެސް ފަހަތުން ނުކުތެވެ. ޒަންޔާގެ ފުރަތަމަ ދުވަސް ކަމުން ވިޝާމް ބޭނުންވީ ތަންކޮޅެއް ލަހުން އޮފީހަށް ދާށެވެ. ސަބަބަކީ އަލަށް ދާ ދުވަހު ހުރިހާ މުއައްޒަފުންގެ ލޮލުގައި އަޅައިގަނެ  އެންމެންގެ ބެލުންތައް އަމާޒުވެ ކުޑަވެސް ނުތަވަސްކަމެއް ޒަންޔާއަށް ލިބެން އޭނާ ބޭނުން ނުވީއެވެ.  އެކަމަކު މަންހާ ގައިމް އެއަށް ވުރެން އަވަހަށް ދާންޖެހޭނެތާއެވެ. ޒަންޔާ ދެކުނީ އެއީ ވެސް މަންހާ ކޮށްލި ޖެއްސުމެއް ކަމުގައެވެ.

ގޭގެ ފެހިކަން ގަދަ ގޯތިތެރޭގައި އެވަގުތު ކޮފީއަށް އިންސާފު ކުރަން ތިބި ޝާއިރާއާއި އާމިލާގެ ލޮލުގައި މި މަންޒަރު އަޅައިގަތެވެ. މަންހާ ފައިމަގުގައި ދާން އުޅުމުން، އާމިލާގެ ހިތުގައި އުފެދުނު ރަޙުމެއްގެ ބޮޑުކަމުން، އޭނާ ގެންގޮސްދިނުމަށް ވިޝާމްގެ ކައިރިން އެދުނެވެ. މައިމީހާގެ ކުރިމަތީގައި ވިޝާމްއަކީ އަބަދުވެސް ކިޔަމަންތެރި ދަރިއެކެވެ. ހިތުގައި ރުޅިވެރިކަމުގެ އަލިފާން އަނދަމުން ދިޔަ ނަމަވެސް، މަންމަގެ އެދުމަށް ކޮޅު ފައިން ޖަހަން ނުކެރުނީއެވެ. އެންމެ ފަހުން ހިތާއި ދެކޮޅަށް ކާރަށް އެރުވީއެވެ.

ވިޝާމްގެ ލޮލުގައި އަޅައިނުގަތް ނަމަވެސް، މަންހާ ކާރަށް އެރި ވަގުތު ޝާއިރާގެ ތުންފަތަށް ވެރިވި ވިހަ ހިނިތުންވުން ޒަންޔާގެ ދެލޮލަށް ސިއްރެއް ނުވިއެވެ. އޭނާގެ ތަބީއަތު ހަރާބުވެފައި ހުރީ ވެސް އެކަމާއި އެވެ. ހިތުގައި ވަރުގަދަ އިޙްސާސް އެއް އުފެދިފައި ނުވި ނަމަވެސް ދެމެދުގައި ވާ ގުޅުން ރަނގަޅު ކުރަން ވިޝާމްއެކޭ އެއްފަދައިން އޭނާ ވެސް ނުހަނު މަސައްކަތް ދަނީ ކުރަމުންނެވެ. އެކަމުގައި ކުލަ ޖެހެން ވެސް ވަނީ ފަށާފައެވެ. އޮފީހަށް ނުކުތް ފުރަތަމަ ދުވަހު ވެސް އޭނާގެ ހިނިތުންވުމަށް މަންހާ ހުރަސް އަޅައިފިއެވެ. ކުރިއަށް އޮތްތާގައި ވާނެ ގޮތެއް ވެސް ނޭނގެއެވެ.

”އަމް ސޮރީ.. މަންމަ ބުނީމަ ދެކޮޅު ހަދަން ނުކެރުނީ“ ވިޝާމް ކުށްވެރިއަކު ފަދައިން މާފަށް އެދުނެވެ. ހިތްހަމަނުޖެހިފައި ހުއްޓަސް ހިތުގައި ބަނދެލާފައި ހުރި ޝަކުވާތައް ދުލާއި ހަމައަށް ގެންނާކަށް ނުކެރުނެވެ. ގަދަ ކަމުން ހީލަމުން ޒަންޔާ ހިނގައިގަތެވެ.

”އަސްލުވެސް، އަމް ރިއަލީ ސޮރީ.. ދެން ނުވާނެ އެހެންނެއް.. އައި ޕްރޮމިސް“ ޒަންޔާއާއި އެއްވަރު ކޮށްލަމުން  އަނެއްކާ ވެސް ވިޝާމް ވާހަކަ ދެއްކިއެވެ. ދެލޯ ހަނިކޯށްލައިގެން ހުރެ ޒަންޔާ އެ މޫނަށް ބަލައިލިއެވެ.

“މިސާލަކަށް މާދަމާ މަންމަ ބުނީއޯ އޭނަ ގެނެސްދޭން، ދެން؟“ ޒަންޔާ ހަމައެކަނި ބޭނުންވީ ވިޝާމްގެ ޖަވާބު އަހާލުމަށެވެ.

”ހާސް ނުވޭ.. މީ ފަސްޓް އަދި ލާސްޓް ޑޭ“ ވިޝާމްގެ އަޑުގައިވީ ސާބިތުކަމެވެ. އެކަމުން ލިބުނު ހިތްހަމަޖެހުމުން ޒަންޔާގެ މޫނަށް ދިރުން ލިބުނެވެ.

“ އެނީވޭސް، ޔޫ ލުކް ގޯޖިއަސް“

“މްމްމް؟“

“ އައި ލަވް އިޓް، ވެން ޔޫ ވިއަރ ރެޑް.. ޑެޑްލީ ބިއުޓިފުލް“ ޒަންޔާގެ ކުރިމައްޗަށް އަރަމުން ވިޝާމް އިއްވާލިއެވެ. ކަޅުރަތް ކުލައިގެ ފަށުވި ގަމީސްކޮޅާއި ކަޅުކުލައިގެ އޮފީސް ޓްރައުޒާގައި  ފެންނަލެއް ނުހަނު ރީއްޗެވެ. އާންމުކޮން ފަހަތައް ދޫކޮށްލާފައި އޮންނަ އިސްތަށިގަނޑު އޮތީ އައްސާލާފައެވެ. ތަފާތު ފާހަގަ ވީ ނަމަވެސް އެ މޫނުމަތިން ފެންނަ މައުސޫމު ކަމާއި ރީތިކަން މާބޮޑަށް ވެސް އިތުރުހެން ހީވެއެވެ. އޭނާގެ ބޮލުން ފެށިގެން ފަޔަށް، ވިޝާމް ކަޅި ހިންގައިލި ގޮތުން މުޅި ކުއްޖާ ފިނިވެ، ހަށީގައިވާހާ ލޯލިތަކެއް ކޮޅަށް ޖެހުނެވެ. އަތުގައި ވިޝާމް ހިފައިލި އިރު ހަރަކާތެއް ވެސް ގެންނަން ނޭނގިފައި ހުރެވުނީއެވެ.

ކޮނޑާއި ހަމައަށް ދިގުވެފައި އޮތް ވިޝާމްގެ އިސްތަށިގަނޑު، ސަދަފް އެކޭ އެއްގޮތައް މިއަދު އޮތީ އައްސާފައެވެ. އެރީތިކަމަށް އެކަމުން އިތުރު ދިރުމެއް ލިބުނު ފަދައެވެ. ޖެހޭ ނުޖެހޭފަށުގައި ހުރެ، އެ ތޫނު ދެލޮލުން ވިޝާމް ބަލަމުން ދިޔަގޮތުން ހައްތަހާ ބޮޑަށް ވިރޭގޮތްވަމުން ދިޔައެވެ. ހެދުމުގެ ކުލައެކޭ އެ މޫނުގެ ކުލައެކޭ ތަފާތެއް ނެތެވެ. އެ ނަޒަރަށް ކެތްނުވެގެން އެންމެފަހުން އިސްޖަހައިލެވުނެވެ.

”އެހެމް.. އެހެމް“ ދެމީހުން ސިހިފައި ބަލައިލި އިރު ހެވިފައި ހުރި އަމީރާ ފެނި އަވަސް އަވަހަށް ތަން ދިނެވެ.  ދެމީހުންގެ މޫނުމަތިން ލަދުރަކި ކަމެއް ފެނިލި އިރު އަމީރާއަށް ދިނީ ލޯބިވެތި ހިނިތުންވުމެކެވެ. ތިބެވުނީ ދޮރުމަތީގައި ކަމުން އަމީރާއަށް ހުރެވުނީ އެތެރެއަށް ނުވަދެވިފައެވެ.

”ފައިނަލީ ވީ  އަރ ހިއަރ“ ވިޝާމްގެ އަތުން އަތް ނައްޓުވާލުމަށްފަހު ޒަންޔާ ދުވެލާފައި ދިޔަ ގޮތައް އަމީރާގެ ގައިގާ ބައްދާލިއެވެ.

”އޯ އެމް ޖީ ޔެސް! އަންނަ ވާހަކަ އިވުނީން ސުރެން އަމް ވެއިޓިންގް ފޯރ ދިސް“ ދެ އަންހެން ކުދިންގެ އުފާވެރި ހަޅޭކެއްގެ އަޑު އިވިގެން ދިޔައިރު އަމިއްލަ ވާހަކަ އަށް ގެއްލެއް މާ ގިނަ އިރެއް ނުނެގިއެވެ.

”ކަންތައް ހަމަވީ މި ދެން..“އިޔާން ވާހަކަ ދެއްކީ އެމީހުން އުޅެމުން ދިޔަ ގޮތައް ބަލަން އިރުކޮޅަކު ހުރުމަށް ފަހުއެވެ. އޭނާގެ ގާތައް ހުރީ ހިނި އައިހެވެ. ކާރު ތެރޭގައި އަމީރާގެ ފޯނު ބާއްވާފައި އޮތުމުން  އައީ އެދޭން ވެގެންނެވެ.

”ކީއްކުރާނީ، ހާލު ހުރި ގޮތް“ އިޔާންއާއި އެއްބައިވެލި އިރު ވިޝާމްއަށް ވެސް ހެވުނެވެ. އޭނާގެ ގާތުގައި މަޑުމަޑުން ހުރެފައި އަމީރާއާއި ޖެހުމުން ޒަންޔާގެ މިޒާޖައް އައި ބަދަލުން ހިނި ނާންނަވަރެއް ވެސް ނޫނެވެ. ޚާއްޞަކޮށް އަމީރާގެ މޫނުމަތީގައި ވި އުޖާލާ ހިނިތުންވުމަކީ ވިޝާމްގެ ހިތަށް ބަޔާންކުރަންދަތި އުފާވެރިކަމެއް ގެނުވި މަންޒަރެކެވެ. އެ މަންޒަރުން، އިޔާންއާ ދައްކަން އުޅުނު މުހިންމު ވާހަކަވެސް ވިޝާމްގެ ހަނދާނުން ކުޑަހިނދުކޮޅަކަށް ކަސިޔާރުވެގެން ދިޔައެވެ.

“ އެމީ! ކޮންމެސް ނަންބަރަކުން ވަރަށް ގުޅި.. އަންހެން ނަމެއް އިނީމަ ފޯނެއް ނުނަގަން“ އިޔާން ފޯނު ދިއްކޮށްލުމުން އަމީރާ ބަލައިލިއެވެ.

”ސާބަސް އެނގޭ، ލައިލާ ދައްތަ އެންނު މިއީ.. ޒަން ގެ މަންމަ.. ކިހިނެތް ވީބަ؟ “ ލައިލާއަށް ގުޅަން ނޫޅެ ޒަންޔާގެ މޫނަށް އަމީރާ ބަލައިލިއެވެ. ޒަންޔާވެސް ނޭނގެއޭ ބުނާ ފަދައަކުން  ކޮނޑު އަރުވާލަމުން ދެފަރާތައް ބޯހޫރުވާލީ ހައިރާންވެ ހުރެއެވެ. އެތެރެއަށް ވަދެ ގުޅަން ހިތުލާފައި އަމީރާ މަޑު ޖައްސާލިއެވެ. ހޮސްޕިޓަލަށް ދާން ޖެހުމުން މިއަދު އާދެވުނީވެސް ދެގަޑި އިރެއް ހާ ލަސް ވީ ފަހުންނެވެ. ހެޑް ޝެފަށް އަންގާލާފައި ވާތީ އަދި މަޑުކޮށްލައިގެން ހުރީ ޒަންޔާގެ ފަހަތުން ދާށެވެ.

”އެމީ އަތައް ކިހިނެތް ހަދާފަ؟“ އަމީރާގެ އަތުގައި ތަތްކޮށްފައިވާ ހުދުކުލައިގެ މަލަންކޮޅު ފެނުމާއެކު، ވިޝާމްގެ މޫނުމަތިން ކަންބޮޑުވުމުގެ ކުލަވަރު ފާޅުވެގެންދިޔައެވެ.

“ ރޭގައި ޑޮކްޓަރަށް ދެއްކިތަނާ ހަދަން ޖެހުނު ޓެސްޓުތަކެއް ނިންމާލާފައި ދޯ މިއައީ… އެއީ ލޭ ނެގި ތަންކޮޅު“ އިޔާން ހީލަމުން ޖަވާބުދިނެވެ. އަމީރާ ވެސް ހިނިތުންވުމެއް ގައި ހުރެ  ބޯޖަހައިލިއެވެ. އެއަށްފަހު ޒަންޔާއާއި އެކު އެތެރެއަށް ވަދެގެން ދިޔައެވެ. އަމީރާ ލޯމަތިން ގެއްލުމާއެކު، އިޔާންގެ މޫނުމަތީގައިވި ހިނިތުންވުން ފިލައިގޮސް، އެ މޫނަށް ސީރިއަސްކަން ވެރިވެއްޖެއެވެ.

”އެމީ އޯކޭތަ؟“ ވިޝާމް ސުވާލުކޮށްލީ އިޔާންގެ މޫނަށް އަރާފައިބަމުންދިޔަ ކުލަވަރުތައް ފެނިފައެވެ.

”އުއްމީދު މިކުރަނީ އިރާދުކުރެއްވިއްޔާ ރަނގަޅުވާނެ ކަމަށް.. ކަމެއް ކޮށްދޭން އެބަ ޖެހޭ ބްރޯ“ އިޔާންގެ އަޑުގައިވަނީ ނުތަނަވަސްކަމެވެ. ވިޝާމް ނިތް އަރުވާލުމަށްފަހު ބުނާށޭ ބުނެލިއެވެ.

”އިޓްސް އެބައުޓް އެމީ.. ޝީ ރިއަލީ ލަވްސް ހަރ ޖޮބް.. އެހެންވެ ފޯސްކޮށްގެން ޑިއުޓީއަށް ނުކުތުން ނުހުއްޓުވާ މިހުންނަނީ.. ވާގޮތަކީ، ކުއްލި ކުއްލިއަށް ބޮލަށް އެނބުރުން އަރަނީ.. މަ ބުނީމަ ވެސް ގޭގަ ހުންނާކަށް ބޭނުމެއް ނުވި..  ބަލާލައްޗޭ ރަނގަޅައް..“އިޔާންގެ ކަންބޮޑުވުން ފެނި ވިޝާމް ބޯޖަހައިލިއެވެ.
”ދެން އެކަމާ ހާސްނުވޭ. އަހަރެން މިހުރީނު، ވަރަށް ގާތުން ބަލާނަން. ޑޮކްޓަރު ވަކި އެއްޗެއް ބުނިތަ؟“

”އިގޭ ބަލާނެކަން.. އެކަމަކު ރިސޯޓު އިން އައި ފަހުން ތަންކޮޅެއް އަވަސްއަވަހަށް ބޮލުގަ ރިއްސާ ވާހަކަ ބުނީ.. ދެން މިއަދު މިހެދި ޓެސްޓް ތަކުގެ ރިޒަލްޓްސް ލިބެނީ ދެތިން ދުވަސް ފަހުން..  ޑޮކްޓަރ ބުނީ އޭގެންނޭ އެއްޗެއް ބުނަން އެނގޭނީވެސް.. މަންހާ ވެސް މިއަދު އައިސްފި ދޯ؟ އެ އަނެއް ކަންތައް“

”ޔާހް، މަންހާ އައިސްފި.. އޭނަގެ ގޮތް އިނގޭތީ މާ ކުރިން އެންމެނަށް އަންގާފަ އޮންނާނީ އެވާހަކަ.. ހާސްނުވޭ… އިރާދުކުރެއްވިއްޔާ ރަނގަޅުވާނެ.. މަވެސް އެބައޮތް ޥާހަކަ އެއް ދައްކާލަން ވެފަ، ދިމާ ކޮށްލައްޗޭ ބްރޭކް ވީމަ.. އެގާރަ ޖަހާއިރު މީޓިންގް އެއް އޮތީމަ އެކޮޅުން މިހާރު އެގުޅަނީ އެނގޭ“ ފޯނު ދައްކާލަމުން ވިޝާމް އެތެރެއަށް ވަންނަން ދިޔައެވެ. އިޔާން ބޯޖަހައިލިއެވެ.

ރެސްޓޯރެންޓްގެ ތެރެއިން ނުކުމެ، އެނބުރި ފުލުސް އޮފީހަށް އިޔާން ވަންނަން ހިނގައިގަތީ ފުން ވިސްނުމެއްގެ ތެރޭގައި ހުރެއެވެ. ސިކުނޑީގެ ކަނެއްގައި ގޮށްޖެހިފައިވާ އެތައް ސުވާލުތަކަކާއި ޚިޔާލުތަކެއް އޭނާގެ މޫނުމަތީގެ ކުލަވަރު މުޅިން ބަދަލުކޮށްލައިފިއެވެ.

ބޭރުފުށުން ހަމަޖެހިފައިވާ ކަމުގެ އަސަރު ދައްކަން މަސައްކަތް ކުރި ނަމަވެސް، އޭނާގެ ހިތް އޮނބި ނޯންނަ މިންވަރަށް ދަނީ ތެޅެމުންނެވެ. ނަފްސު އޮތީ ބިރުވެރިކަމެއްގެ ތެރޭގައެވެ. ހަނދާނަށް އަންނަމުންދިޔައީ ސީ.ޓީ ސްކޭން ހެދުމަށްޓަކައި އަމީރާ އެތެރެއަށް ވެއްދި ވަގުތު، އޭނާ ކުރި ސުވާލަކަށް ޖަވާބު ދެމުން ޑޮކްޓަރު ބުނި ބަސްތަކެވެ. އެ ބަސްތަކުން އޭނާގެ މުޅި ނަފްސު ވަނީ ގުޑާލާފައެވެ.

…..

”އަޅުގަނޑު ކުރިން މަސައްކަތްކޮށްފައިވާ މިކަހަލަ އެހެން ކޭސްއެއްގެ ތަޖުރިބާއަށް ބަލައި، ކަމެއް ހިއްސާ ކޮށްލާނަން.. ބުނީމެންނު ދޯ އަމީރާގެ މެމޮރީ ލޮސްގެ ވާހަކަ.  ގެއްލިފަވާ ހަނދާންތައް އެނބުރި އަންނަން އުޅޭ މަރުހަލާގަ މިފަދަ ކަންކަން މެދުވެރިވުމަކީ އާންމު ކަމެއް.. އާންމުކޮން، ހަނދާންތައް ގެއްލުމުގެ ކުރިން ޕޭޝަންޓް ކޮށް އުޅުނު ނުވަތަ ގޯ ތްރޫ ކުރި ބައެއް ކަންކަން ، މިހާރު ދިމާވީމަ އެކަން ކަމަށް ސިކުނޑި ލެނބި، ސިކުނޑީގަ އުފައްދާނެ ތަފާތު އިތުރު ކަންކަން ނުވަތަ ސިޗްއޭޝަންތައް… އެއިން އެއްވެސް ކަމަކީ އަމިއްލައަށް ގިނަފަހަރު ހޭންޑްލް ކޮށްލެވޭ ވަރަށް ވުރެން ބުރަދަން ހުރި ކަންކަމަށް ވެފައޮންނަނީ.. ކޮންމެ ގޮތެއް ވިއަސް މެމޮރީ އެއް ނެތީމަ ޕޭޝަންޓްއަކަށް ނޭނގޭނެ މި ވަމުންދާގޮތެއް.. ސިކުނޑިއަށް ބާރުބޮޑު ވީ ވީ ހެން، ދެން ވާނީ ޕެނިކް…މިހެން  ބްލީޑް ވުން އެއީ އަޅުގަނޑު ކުރިން ބުނިހެން އަޅާނުލާ ދޫކޮށްލަން ވާ ވަރުގެ ކަމެއް ނޫން.. މިހުރިޙާ ޓެސްޓްތަކެއްގެ ނަތީޖާ ލިބޭނީ ފޯރ ޑޭސް ފަހުން.. އޭގެ ކުރިން ތިކޮޅުން ބަލާލަންވީ ކޮންކަހަލަ ކަންކަމަކާއި ގުޅިގެންތޯ ޕޭޝަންޓް އެންމެ ބޮޑަށް އޯވާރތިންކް ކުރަނީ.. މިބުނީ ވަކި ކަމަކާއި ވިސްނައިގެން ތޯ މި އެޕިސޯޑު އަންނަނީ .. އަދި އެކަންކަމަކީ ކޮބައިތޯ ބަލާލަ ދޭންވީ“

…..

ޑޮކްޓަރުގެ ކޮންމެ ޖުމްލައެއް އިޔާންގެ ސިކުނޑީގައި ހުރީ ހަރުލާފައެވެ. އެއިން ކޮންމެ ލަފްޒެއް، މުޅި ނަފްސު ހާސްކަމުގެ ތެރެއަށް ގަންބުވާލައިފިއެވެ. ލިފްޓުން ފައިބައިގެން، ބަރު ފިޔަވަޅުތަކެއްގައި ގޮސް އަމިއްލަ ކެބިންއަށް ވަތްއިރު، މަހުދީއާއި ޒޯޔާ އެތަނުގައި ތިއްބެވެ. އޭނާ ފެނުމާއި އެކު ދެ ޒުވާނުން  ކޮންމެވެސް ވާހަކަ ދައްކަން އުޅުނެވެ. ނަމަވެސް، އެމީހުންގެ އަޑު އިވުމުގެ ކުރިން އިޔާން އަތް ހިއްލާލައި، ވާހަކަ ނުދެއްކުމަށް އިޝާރާތް ކުރިއެވެ. އޭނާ ބޭނުންވީ ހިމޭންކަމެވެ. ސިކުނޑީގައި އެނބުރެމުންދާ ހައިޖާނުގަނޑަށް ތަރުތީބެއް ގެންނާށެވެ.

މޭޒުގެ ވަތްގަނޑު ހުޅުވާލުމަށްފަހު، އިޔާން ނެގީ ކަޅުކުލައިގެ ބޯ ނޯޓުފޮތެކެވެ. ”މި ކަންތައް ނިންމާލާފައި ގޮވާލާނަން.. އިހަށް ނުކުމެ“ ފޮތުގެ ސަފުހާތައް ހުޅުވާލަމުން، އިސްއުފުލާ ބަލައިވެސް ނުލައި އިޔާން ބުނެލީ މަޑުމައިތިރި އަޑަކުންނެވެ. މަހުދީއާއި ޒޯޔާ އެކަކު އަނެކަކަށް ބަލާލުމަށްފަހު، ބޯ ޖަހާލައިފައި ކެބިންއިން ނުކުތީ އިޔާންގެ ތަބީއަތުން ކަމެއް ގޯސްހެން ހީވެގެންނެވެ.

ފޮތުގެ ބަނޑޭރިގަނޑުގައި އަމީރާގެ ނަން ރީތި ފަރުމާއަކުން އަޅާލެވިފައި އިނެވެ. ފުރަތަމަ ސަފްހާއިން ފެށިގެން މެދާއި ހަމައަށް ފުރިފާ ވާއިރު އޭގައި ވަނީ އަމީރާގެ މައުލޫމާތެވެ. އަމީރާގެ  ރެކޯޑެވެ. އަދި އަމީރާގެ ސިއްހީ ހާލަތާއި، ނަފްސާނީ ބަދަލުތަކުގެ ތަފްސީލެވެ. އަމީރާއަށް ސިއްރުން، އޭނާގެ ހަގީގީ އާއިލާ ހޯދުމުގެ ބުރަ މަސައްކަތުގައި އިޔާން އުޅޭތާ އަހަރެއް ވެއްޖެއެވެ. ސްޕެއިންގައި ހޭދަކުރި ދުވަސްތަކުގައި އަމީރާ ކިޔައިދިން ކުދިކުދި މައުލޫމާތުތަކަށް ބަރޯސާވެގެން ކުރިއަށްދިޔަ ނަމަވެސް، އުއްމީދުކުރި ފަދަ ބޮޑު ކުރިއެރުމެއް އަދި ފެންނާކަށް ނެތެވެ. ހުރިހާ ވެސް މައްސަލައަކީ އަމީރާގެ އަސްލު އާއިލާއާއި ބެހޭ މައުލޫމާތެއް ހޯދަން އުޅޭކަން އެނގިއްޖެނަމަ އެކަން ހުއްޓުވަން އުޅެފާނެތީއެވެ. އެއްބައި ފަހަރު އާއިލާ ހޯދަން ވިސްނުން ބަހައްޓާ ވާހަކަ ދެއްކި ނަމަވެސް ގިނަފަހަރު އޭނާގެ ވިސްނުން ހުންނަނީ އެކަމާއި ދުރަށެވެ.

ނަމަވެސް މިޙާރަކަށް އައިސް އަމީރާގެ ފުށުން ފެންނަމުންދާ ކަންކަމާއި އިވެމުންދާ ކަންކަމަށް ބަލާފައި އިޔާންގެ ހިތުގައި އެހެން ޝައްކެއް ވަނީ އުފެދެން ފަށާފައެވެ. އިޔާން ބޭނުންވީ ނުބުނެ އެކަމާއި އުޅޭށެވެ.

”ޑޮކްޓަރު އެބުނަނީ އެމީއަށް އެހެން ދިމާވަނީ ކޮންކަމާ ގުޅިގެންތޯ ބެލުމަށް.. ހޫމްމްމް،“ އިޔާން އަމިއްލަ ނަފްސާ ވާހަކަދައްކަމުން ދިޔައެވެ.

“ އެމީ ބުނިގޮތުން  އެންމެ ފުރަތަމަ އެހެންވީ ރާއްޖެ އައި ރޭ .. އެވެސް ދޮންތަބެ ފެނިގެން.. ދޮންތަބެއަށް ވުރެން ކުރިން ބައްޕަ ފެނުނު.. އެކަމަކު ބައްޕަ ފެނިގެން ވެސް އެފަދަ ގޮތެއް ނުޥޭ… ބަޓް ދޮންތަބޭ؟.. ދެން، އާމިލާ ދައްތައާއި ހައިކަލްބެ ފެނުނީމަ އެހެން ވެގެން ދިޔައީ.. އެދުވަހުވެސް ސަކަރާތް ވެގެން ހޮސްޕިޓަލަށް ގެންދަން ޖެހުނު.. ދެން ވިޝާމްއާއި ސަދަފް ފެނުނީ.. އެންޑް ސޭމްތިންގް ހެޕެންޑް .. އޭގެ ކުރިން މަންމަމެންނާއި އިރޫއާއި ވެސް ބައްދަލްވި.. އެކަމަކު ވެސް އެއްވެސް ތަފާތު ގޮތެއް ނުވޭ… ދެން ވިޝާމްގެ ޕާޓީ އޮތް ރޭ މާއިން ފެނުނީމަ އެހެންވީ..“ ބޭނުންވާ މައުލުމާތު ފޮތުގެ އާ ގަނޑެއްގައި ނޯޓުކުރަމުން ދިޔައިރު އިޔާންގެ ސިކުނޑީގައިވެސް ރިއްސައިގަތެވެ.

”އެންމެ ބޮޑު ބަދަލެއް އައީ އެގޭ ފެނުނީމަ..“ އެންމެ ފަހު ޖުމްލައާއި އެކު އިޔާންގެ ގަލަމުގެ ތުނޑު ފޮތުގައި ހަރުލާ ގޮތް ވިއެވެ. ފޮތުން ނަޒަރު ވަކިކޮށްލުމަށްފަހު އޭނާ ބަލާލީ މޭޒާ ދުރުގައި ހުރި ފައިލް ރެކަށެވެ. ހިތަށް އެރި އެއްޗަކުން ގޮނޑިން ތެދުވެގެން ގޮސް، ރެކުގެ އެންމެ ބިއްދޮށުގައި، އެކަހެރިކޮށް ބޭއްވިފައި އޮތް ފައިލެއް ނެގިއެވެ. އޭގެ ބޭރުގައި ފެންނަން އޮތީ ’ހައިކަލް’ގެ ނަމެވެ.

”އާހްހް، ވަޓް އަމް ތިންކިންގް!“ އަމިއްލަ ނަފްސަށް އިވޭ ވަރަށް ބުނެލި އިރު އިޔާންގެ އަޑުގައި ވީ މާނަ ނުކުރެވޭފަދަ އަސަރުތަކެކެވެ. ފައިލް ހުޅުވާލަން ހިއްލާލި އަތް ދެފަހަރަށް ތިރިކޮށްލިއެވެ. ތިންވަނަ ފަހަރު ކުރި މަސައްކަތް ކާމިޔާބުވިއެވެ. ފުންނޭވާއެއް ދޫކޮށްލާފައި މޭޒު ދޮށުގައި އިނދެ އިޔާން ހުޅުވާލީ އެންމެ ފަހަތެވެ. އޭގައި ވަކިން އޮތް ކުޑަ ސިޓީ އުރަ ކަނޑާލަމުން  އެތެރޭގައި އޮތް ޕޯޓްރެއިޓް ފޮޓޯ ނެގިއެވެ. އެ ފޮޓޯއަށް ހިންގާލި ފުރަތަމަ ނަޒަރާއެކުވެސް އިޔާންގެ މުޅި ހަށިގަނޑުން ވަރުދޫވެ، ބަސްހުއްޓުނެވެ. ކުރިން ދެތިން ފަހަރު ހަމަ އެ ތަސްވީރު ފެނިފައިވީ ނަމަވެސް އެހެންޏާ ފާހަގަ ނުވި އެތައް ކަމެއް، އެ މަދު ސިކުންތު ކޮޅުގެ ތެރޭގައި ފާހަގަވެ ސިކުނޑި ފުރި ބާރު ވެއްޖެއެވެ.

”ކާލީ ބްލެކް ހެއަރ، ބިގް އައީޒް ވިތް ލޯންގް އައިލޭޝަސް، ދީސް ޗީކްސް، ދަ ގްލޯ އިން ޔޯ ފޭސް…ދަ ސްމައިލް އެންޑް ދީސް ރެޑް ލިޕްސް.. އާހްހް،“ ބޭއިޙްތިޔާރުގައި އިޔާންގެ އަނގައިން ބޭރުވަމުން ދިޔައެވެ. ބޮލުގެ ރިހުން ގަދަވުމާއެކު ފޮޓޯގަނޑު މޭޒުމަތީގައި ބަންޑުން ބޭއްވުމަށްފަހު، ގޮނޑިއަށް ހަށިގަނޑު ދޫކޮށްލެވުނެވެ. ދެލޯ މަރާލުމާއިއެކު ލޯމައްޗަށް ސިފަވެގެން އައީ އަމީރާގެ މައުސޫމު ސޫރައެވެ. އެ ބުޅި އިސްތަށިކޮޅާއި، ރަތް ތުންފަތުން ފެންނަ ލޯބިވެތި ހިނިތުންވުމެވެ. ދިގު އެސްފިޔަތަކުގެ ނިވާލުގައިވާ އެ ބޮޑު ދެލޮލާއި ކޯތާފަތުގައި ވާ ވިދުމެވެ. ފޮޓޯއިން ފެނުނު ކޮންމެ ސިފައެއް އަމީރާއާ ގުޅި ލާމެހިގެންދަނީ ބިރުވެރި މިންވަރަކަށެވެ. އެއްވެސް ތަފާތެއް ނެތެވެ. ހާދަހާ ވައްތަރެވެ.

ނަމަވެސް އެކަން ކުރިން ނަގައިނުގަނެވުނީ ކީއްވެހެއްޔެވެ. ދެލޯ ތަގުޅިކޮށްލައިގެން އިޔާން އެތައް އިރަކު އޮތެވެ. އުފެދިފައިވާ ސުވާލްތައް ދެގުނަވެ ހިތް ހާސްކުރުވަނީއެވެ. ހޫގޯ ފަދަ ރަހުމެއް ނެތް މީހެއްގެ އަތްދަށަށް އޭނާ ދާންޖެހުނީ ކިހިނެއް ހެއްޔެވެ؟ މިހާ ބޮޑު އާއިލާއަކުން ބޭރުވީ ކޮން ހާދިސާއަކުން ހެއްޔެވެ؟ އަމީރާގެ ހަނދާންތައް ފޭރިގަތީ ކާކު ހެއްޔެވެ؟ ހުދު އަމީރާއަށްވެސް މި ސުވާލުތަކުގެ ޖަވާބެއް ނޭނގެއެވެ. އެ ސުޥާލު ތަކުރާރްކޮށް އަމީރާ ކުރެން އެހި ނަމަވެސް އެއަށް ޖަޥާބު ދިނުމަކީ އޭނާއަށް ކުރެވޭނެ ވެސް ކަމެއް ނޫނެވެ. އޭގެ ކުރީގެ ހުރިޙާ ހަނދާނެއް ގޮސްފައިވީ އިރު ޖަވާބު ދެވޭކަށް ނޯންނާނެތާއެވެ. ނަމަވެސް، ކަމެއް ގޯސް ވެފައިވާ ކަމަށް ހިތާއި ސިކުނޑީން އެއްބަސް ވަމުން ދިޔައެވެ.

އިޔާން ދެލޯ ހުޅުވާލިއެވެ. އަލުން ފޮޓޯގަނޑު ފުށުން ޖަހާލަމުން ކަޅިއެއް އެއްލިއެވެ. ފުން ނަޒަރަކުން އޭނާ ބަލާލިއެވެ.

“ހޫ އަރ ޔޫ، ބޭބީ؟“ ތުނބުޅީގައި އަތް ހިންގާލެވުނު އިރު އިޔާންގެ އަނގައިން ލަސްލަހުން ނުކުތެވެ. އެގޮތުގައި އިރުކޮޅަކު އިނދެ އިނދެފައި ސިކުނޑީގައި އޭނާ ކަމެއް ރާވާލަމުން ފޮތް ލައްޕާލިއެވެ.

****

ބައްދަލްވުން ނިމިގެން ވިޝާމްއަށް ނުކުމެވުނު އިރު ޒަންޔާ ކެބިންގައި އުޅެއެވެ. ނައިސް ހުރެ ހުރެފައި އައުމުން ދައްކާނެ ވާހަކަ ވެސް އޮތީ ގިނަވެފައެވެ. އެކަމާއި ހުރެ ދެގަޑި އިރުގެ ބައްދަލުވުން ހަތަރު ގަޑިއިރަށް ދިގު ދެމިގެން ދިޔައެވެ. ގަޑި ބަލައިލި އިރު ތިނެއް ޖަހަނީއެވެ. ވިސްނާލެވުނީ ޒަންޔާ ހެނދުނުގެ ނާސްތާ ނުނަގައި އައުމުން އެކަމާއި އެވެ.

ދިއުމުގެ ކުރިން ކޮންމެވެސް ވަރަކަށް ޒަންޔާއަށް ކަންކަން ކިޔާލަ ދީފައި އިތުރު އަންހެން މުއައްޒަފަކު ވެސް އެހީވާން ގެނެސްފައި ދިއުމުން މާ ބޮޑު ތަކުލީފެއްގައި އުޅޭތަނެއް ނުފެނެއެވެ. މޭޒު ދޮށުގައި ތިބެ މަސައްކަތުގެ ތަފްސީލްތައް އުނގެނެމުން ދިޔައިރު ޒަންޔާގެ އެކުވެރިކަމާއި ހުރެ އެ އަންހެންކުއްޖާ ވެސް ނުހަނު ހިތްހަމަ ޖެހިފައި އިނެވެ.

”ހޭއި ކޮބާ ކިހިނެތް ފަސްޓް ޑޭ؟“ ޒަންޔާގެ ގޮނޑީގެ ފުރަގަހަށް ހުއްޓެމުން ގޮނޑީގައި ވިޝާމް އަތްއަޅުވާލިއެވެ.

“ ސާރ، ޝީ އިޒް ޕާފެކްޓް.. ވަރަށް އަވަހަށް ނަގައިގަނެފި މިއަދު މިކިޔައިދިން އެއްޗިހި.. އެއްފަހަރާ އެހާ ގިނައިން ވޯކް ދިނީމަ އޮޅިދާނެތީވެ، ދެން މާދަމާއަށް ބެހެއްޓީމި“ ކައިރީގައި ހުރި އަންހެންކުއްޖާ ހީލާފައި ބުނެލިއެވެ. އެ ޖަޥާބުން ވިޝާމްގެ ތުންފަތުގައިވެސް ދުވެލީ ރީތި ހިނިތުން ވުމެކެވެ. އޭނާއަށް ޝުކުރު އަދާ ކޮށްލިއެވެ. ކަމެއް ނޫން ކަމުގައި ބުނެ އެ މުއައްޒަފު ދިއައެވެ. ދަމުން ޒަންޔާއަށް އަތް ހޫރުވާލިއެވެ.

”ނިއު ފްރެންޑް އެއް ލިބުނީ ދޯ.. ހެހެހެ، ވަރަށް ފްރެންޑްލީ ވާނެ ހުރިހާ ކުދިން ވެސް…“ ވިޝާމްއަށް ޒަންޔާ ރައްދު ދިނީ ހިނިތުން ވުމަކުންނެވެ.

ބަނޑުހައި ނުވޭތަ؟“

”ނޫނޭ، އެ ގާލްއާއި އެއްކޮން ލަންޗް ނެގިން“ ޒަންޔާ ޖަވާބު ދިނުމުން ހިތްހަމަ ޖެހުމުގެ ނޭޥާއެއް ވިޝާމް ދޫކޮށްލިއެވެ.

”ލެޓްސް ގޯ!“

”ކޮންތާކަށް؟“ ހައިރާންވެފައި ހުރެ ޒަންޔާއަށް އެހުނެވެ.

”ބައްޕަ ބުނެގެން.. މަންހާ އިންޓްރޯ ކޮށްދޭން ވެގެންނޯ.. ބައްޕަ އާއި މަންމަ ދެން ޝާއިރާ ވެސް އައިސް އެބަހުރި މިކޮޅުގަ.. “ ފޫހި ވައްތަރެއް އަނގަޔަށް ހަދާލަމުން ވިޝާމް ބުނެލިއެވެ. ޒަންޔާގެ ތުންފަތް މަތިން ހިނިތުންވުން ފިލައިގެން ދިޔަ ނަމަވެސް ބޯޖަހައިލިއެވެ. ކިތަންމެ ނުރުހުން ވިޔަސް، ދެން ކޮންމެ ދުވަހަކުވެސް މަންހާއާއި ކުރިމަތިލާން އޭނާއަށް ޖެހޭނެއެވެ. މިވަގުތު ނުދާނަމޭ ބުނަން ބޭނުން ވިޔަސް، އެ ބަހުގައި ހުރެ އަނބުރާ އައިކޮޅަށް ދިޔުން ވެސް ވެގެންދާނީ ބޭކާރު ކަމަކަށެވެ.

”މިހާރު އެއޮތް ހަވީރު ވެގެން ދިޔައީ… އަދި ކިރިޔާ ތަ އިންޓްރޯ ވަނީ؟ ހާދަ ލަހަކުން؟ ހެނދުނު އައި މީހެއްނު“

”ޔާހް، އަސްލު ބައްޕަ ބުނި މަ ކައިރީގަ އެކަން ކުރަން.. އަހަރެން ސީދާ ދެކޮޅު ހެދީ ބަހަނާއެއް ދައްކާލާފަ.. ދެން ބުނީ ޝެޑީ ކައިރީގަ.. އެއީ އަދި މަށައް ވުރެން ބޯހަރު އިންސާނެއް.. އޭނަ ވައިވެސް ނޭޅުނު… އެހެންވެ ބައްޕަ އެންމެ ފަހުން އައީ.. މިއަދު އެއްކޮން އޭނައަށް މިތަން ދައްކާފަ ކަންކަން ހުންނާނެ ގޮތް ކިޔައިދިނީ އޯ.. އޭނައަށް ގެއަށް ދެވެނީ މިރޭ ކަންނޭގެ، ކަޒް މަޑުކުރުވާނަމޯ އެމީ މެން އުޅޭ ގޮތް ދައްކާލަން.. ބައްޕަ ހިތްހަމަ ނުޖެހިފަ އެހުންނަނީ ޝާއިރާ، އެމީގެ ވާހަކަ ކުރީ ދުވަހު ނެގީމަ އޭގެ ފަހުން“ ވިޝާމް ކިޔައިދިނެވެ. އެހެންހޭ ބުނެލިއިރު މިފަހަރު ޒަންޔާއަށް ހުރެވުނީ ހެވިފައެވެ.

ދެމީހުންނަށް ދެވުނު އިރު ހައިކަލް ހުރީ އެމީހުންގެ އިންތިޒާރުގައެވެ. އާމިލާގެ ގާތުގައި ޝާއިރާ ވެސް ހުރިހާ ދަތެއް ފެންނަވަރަށް ހީލައިގެން ހުއްޓެވެ. ލަސްވުމުން މާފަށް އެދިފައި، ދެ ޒުވާނުން މަޑުކޮށްލީ އެއްފަރާތުގައެވެ. ޒަންޔާ ފެނުމުން މަންހާ ލޯ އަޅާލި ގޮތް ފެނި ވިޝާމް ޒަންޔާއާއި ދެމެދުގައި ހުސްތަން ނެތިކޮށްލަމުން އަތުގައި ހިފާލިއެވެ. ޒަންޔާ ބަލައި ލުމުން ފިރިހެންވަންތަ ހިނިތުންވުން ރައްދުކޮށްލިއެވެ.

މަންހާގެ ގާތުގައި މޫނު ހަދައިގެން ހުރި ޔުޒީނާފެނި ވިޝާމްއަށް ހެވުނެވެ. އޭނާ އަޑުއެހި ގޮތުން، މަންހާއަށް އެތަން ދައްކާލަން ގޮވައިގެން އުޅުނު މީހަކީ އެއީއެވެ.

”ހެޔޮކޮން ވިއްޔާ ޔުޒީއަށް ވެސް މަންހާގެ ކުލަވަރު ދައްކާލީ“ ޒަންޔާގެ ކަންފަތް ކައިރީގައި ވިޝާމް ބުނެލިއެވެ. އަދި ޒަންޔާއަށް ޔުޒީނާ ދައްކާލިއެވެ. އެ މަންޒަރު ފެނި ޒަންޔާއަށް ވެސް ހެވުނެވެ.

ހައިކަލް ވާހަކަ ދައްކަން ފެށިތަނުން ބަދިގޭގެ ތެރެއިން އަމީރާއާއި ލައިބާގެ އިތުރުން، އިތުރު ދެ ޝެފުން ނުކުމެގެން އައެވެ. ވިޝާމްއާއި ޒަންޔާ ފެނުމުން ހީލާފައި ވެސް އަމީރާގެ ސަމާލުކަން ދިނީ ހައިކަލްއަށެވެ. މަންހާގެ ތައާރަފްއެއް ދީފައި، ހައިކަލް އިޝާރާތް ކޮށްލީ މަންހާ ހުރި ދިމާލަށެވެ. އަމީރާ ވެސް އެދިމާ ބަލައިލިއެވެ. އޭނާއަށް ފެނުނީ ސިކާރައަކަށް ދަހިވެތިވެފައިވާ ފަދައަކަށް އޭނާއަށް ބަލަން ހުރި އަންހެން ކުއްޖެކެވެ. ރީއާ ގެނބުނު ދުވަހު ކޮންމެވެސް ވަރަކަށް މަންހާ ފެނުނު ނަމަވެސް ، އެދުވަހު ވެގެން ދިޔަ ގޮތުން މާކަ ބޮޑު ސަމާލުކަމެއް ދެވިފައެއް ނެތެވެ. އެ ނަޒަރު ފެނި އަމީރާގެ ހިތް މިއަދު ސިހިއްޖެއެވެ. އިތުރަށް މުޅި ހިތް ގުޑައިގެން ދިޔައީ މަންހާއާއި ދިމާ ފަހަތައް، އާމިލާގެ ގާތުގައި ހުރި އަންހެން މީހާ ފެނިފައެވެ.

އަމީރާގެ ޅަ ހިތުގައި އުފެދުނު ބިރުވެރިކަމުން، މޫނުމަތިން ލޭގެ ކުލަ ފިލައި ހުދުވާކަށް ގިނައިރެއް ނުނެގިއެވެ. ތިރީހަކަށް މީހުން ތިބި ތަނަވަސް މާލަމުން މަންހާ އަދި އަންހެން މީހާގެ ކަޅި ހުރީ އޭނައަށެވެ. އެގޭ މީހަކު ފެނުމުން އާންމު ގޮތެއްގައި ވާ އެއްވެސް  އުނދަގުލެއް މިފަހަރަކު ބޮލަކަށް ނުކުރިއެވެ. ހުރިހާ އުނދަގުލެއް ކުރުވަން ފެށީ މެޔަކަށެވެ. ނޭނގޭ ސަބަބަކާއި ހުރެ ހިތް ތެޅެމުން ދިޔައީ މަތަ ނުކޮށްލެވޭހާ ބާރުމިނެއްގައެވެ. ޅަހިތް ފުރެމުން ދިޔައީ ބިރާއި ސިހުމުންނެވެ.

”ލައި، ކެން ޔޫ ހޯލްޑް މީ.. އެންމެން ތެރޭގަ ވެއްޓޭކަށް ބޭނުމެއް ނޫން“ ނޭވާ އަވަސް ވެ ހަށިގަނޑަށް އަރަމުން ދިޔަ ތުރުތުރުން ދެފައިކޮޅުން ވާގި ދޫވާހެން ވެސް ހީވަމުން ދިޔައެވެ.

”ވަޓް ހެޕެންޑް އެމީ؟“ ލައިބާ ހާސްވެ ހުރެފައި ވެސް އަމީރާގެ އަތުގައި ނުހަނު ބާރަށް ހިފާ ގަޔާއި ކައިރިކޮށްލިއެވެ. އަމީރާއަކަށް ޖަވާބެއް ނުދެވެއެވެ. ހަމަ ތުރުތުރު ލަމުން ދިޔައީއެވެ. ފިނިވެފައި ހަށިގަނޑު ވެސް ހީވީ ގަނޑުފެންކޮޅެއްހެންނެވެ.

ފުސް މަންޒަރެއް ސިފަ ވެގެން ދިޔައިރު، އޭނާގެ ސިކުނޑީގައި ކުރެހޭ ކުޑަ އަންހެން ކުއްޖާ ސިފަވިއެވެ. އެހެންޏާ އަބަދުމެ ހަރުލާފައި ހުންނަނީ އެކުއްޖާގެ ހުނުމާއި ، މަންމާއޭ ކިޔާފައި ގޮވާލާއަޑެވެ. ނަމަވެސް މިފަހަރު މަންޒަރު ތަފާތެވެ. ސިފަވެގެން ދަނީ، އެގާރަ ވަރަކަށް އަހަރުގެ އަންހެން ކުއްޖަކު އައިސް ޓެނިސް ރެކެޓަކުން ނުހަނު ބާރަށް، ކުޑަ އަންހެން ކުއްޖާގެ ގައިގާ ތަޅާ މަންޒަރެވެ. އިތުރު އަންހެން ކުއްޖަކު ރޮއިގެން އަޑުވެސް އިވުނެވެ.

”ދޮންތީ ޕްލީޒް ނޯ“ އޭ ބުނެ، ބިންމަތީގައި އޮތް އަންހެން ކުއްޖާގެ ގާތައް ހުއްޓިލީ އެވަރުގެ ކުޑަ އެހެން އަންހެން ކުއްޖެކެވެ. ބިންމަތީގައި އޮތް އަންހެން ކުއްޖާގެ ގައިގާ، ފަހުން އައި ކުއްޖާ ނުހަނު ބާރަށް ބައްދާލިއެވެ. ނަމަވެސް އެ އަނިޔާވެރިކަމަށް ހުއްޓުމެއް ނައެވެ. ދެން ބޮޑު އަންހެން ކުއްޖާ ރެކެޓުން ތަޅަން ފެށީ ދެ އަންހެންކުދީންގެ ގައިގައެވެ. ފަހަތުން ބޮޑު އަންހެނަކު ފެނިލިހެން ހީވިއެވެ. ނަމަވެސް ޔަގީނެއް ނޫނެވެ.

ފިލްމެއް ފަދައިން ރޯލްވަމުން ދިޔަ މަންޒަރުން، ބޮލުގައި ނުއުފެދި ހުރި ރިހުންގަނޑު ވެސް ކުއްލިއަކަށް ހޭލައިފިއެވެ. އިތުރު ތަނެއް އަމީރާއަށް ފެންނަ ވަރެއް ވެސް ނުވިއެވެ. މޫނުމައްޗަށް އަނދިރިވެ، ވަށައިގެންވާ މާހައުލު އޮޅުންބޮޅުން ވާން ފެށިއެވެ. ހަނދާނެ ގޮތް ހުސްވެފައި ހުރެ ލައިބާ މަޑުމަޑުން އަމީރާއަށް ގޮވަމުން ދިޔައެވެ. އަވަސް ނޭވާތަކެއް ދޫކޮށްލަމުން އަމީރާ ނެތް ހިތްވަރު ނެރެން މަސައްކަތް ކުރަމުން ދިޔައެވެ. އެފަދަ ހާލެއްގައި ވަނިކޮން، ނަސީބު މިފަހަރު އަތުގައި ހިފައިފިއެވެ. ހައިކަލްގެ ވާހަކަތައް ނިންމާލާފައި ދާންވެގެން ހިނގައިގަތް ހިނދު މަންހާ އާއި ޝާޢިރާ އެ ވިހަ ބެލުމުގައި ހުރެ ވެސް ދާތަން ފެނުމުން ލަސްލަހުން ދެލޯ މަރާލެވުނެވެ.

”އެމީ.އެމީ.. އޯކޭ ތަ؟“ އެންމެންތައް ނުކުމެގެން ދަންދެން ހުރެފައި އަމީރާ ތިރީގައި އިށީންނަން އުޅުނު ހިނދު ލައިބާއަށް ވެސް ހިފެހެއްޓޭ ގޮތެއް ނުވިއެވެ. ލައިބާގެ އަނގައިން ބޭރުވި ތޫލި ހަޅޭކުގެ އަޑާއިއެކު، އަމީރާ ބިންމަތީގައި ޖެހުމުގެ ކުރިން ވިޝާމް ދުވެފައި އައިސް އޭނާގެ ހަށިގަނޑުގައި ހިފެހެއްޓިއެވެ.

”ދަރިފުޅާ ކިހިނެތް ވީ؟ އެމީ؟“ ލައިބާގެ ހަޅޭކުގެ އަޑަށް އެނބުރި ހައިކަލްއާއި އާމިލާ ވެސް އައިސްފިއެވެ. ދެމީހުންގެ މޫނުމަތިން ފެންނަނީ އިންތިޙާ ކަންބޮޑުވުމެވެ. ވިޝާމް އެއިން ސުވާލަކަށް ޖަވާބުނުދީ އަތްދަނޑި މައްޗަށް އަމީރާ ލަމުން ދުވެލާފައި ނުކުމެ ވަނީ ޖެހިގެން ހުރި ޗޭންޖިންގް ރޫމަށެވެ.  އަމީރާ ގޮނޑިއެއްގައި ބައިންދާފައި ހުރިހާ ކުޑަ ދޮރުތަކެއް ހުޅުވާލިއެވެ. އޭރު ޒަންޔާ ގެނައި ފެންފުޅިއެއް އަތުލާފައި އާމިލާ ފެންދޭން އުޅުނެވެ.

ކޮންމެވެސް ވަރަކަށް ހަމައަކަށް އެޅެމުން ދިޔަނަމަވެސް ދެލޮލުން ހުއްޓުމެއް ނެތި ކަރުނަ ތިކިތައް ފައިބަމުން ދިޔައެވެ. ހަށިގަނޑުގައި އުފެދިފައިވާ ތުރުތުރާއި އެކުވެސް ތުންފަތުގައި ބާރަށް ދަތް އަޅާލައިގެން އިނީ ރުއިމުގެ އަޑު ބޭރު ނުވޭތޯއެވެ. އާމިލާއާއި ހައިކަލް އަދި ވިޝާމް އެވަގުތު ފެންނަފަށުގައި ތިބުމުން ރޮވެނީއެވެ. އެ މޫނުތަކުން ފެންނަ ކަންބޮޑުވުމާއި ހާސްކަން އަމީރާގެ ހިތައް ދަތިކުރުވާ، އެ މޫނުތަކުން ގާތް އިޙްސާސްއެއް ކުރުވަނީއެވެ. އޭނާއާއި ދިމާ ބަލަން ތިބިގޮތުން ހިތްދަތިވަނީއެވެ. ހާއްސަކޮން އާމިލާ ފެނުމުން އެހާލަތު މާބޮޑަށް ގޯސްވިއެވެ. ބޭނުންވީ އާމިލާގެ ކޮނޑުގައި ބޯއަޅާލައިގެން އޮވެ ރަނގަޅަށް ރޯލުމަށެވެ. އެހެން ހިތައް އަރަން ޖެހޭ އެއްވެސް ސަބަބެއް ނޭނގެއެވެ. ވިސްނާ ވިސްނާ މުޅި ކުއްޖާ ބަލިވެއްޖެއެވެ. ބޯ ހާސްވަނީއެވެ.

އެ މަންޒަރު ފެނި ވިޝާމްއަށް ކުރުވަމުން ދިޔައީ ނުބައި އަސަރެކެވެ. އަމީރާގެ ތުރުތުރު އަޅާމުން ދިޔަ ހަށިގަނޑުގައި އާމިލާ އަތްލަން އުޅުނު ހިނދު ދުރަށް ޖެހުނެވެ. އަޑު ނީއްވާ ރޮމުން ދިޔަ ގޮތުން އާމިލާގެ ހިތައް ވެސް ކުރުވަމުން ދިޔައީ ނުބައި އަސަރެކެވެ. އޭނާއަށް ފަހު ޒަންޔާއާއި ލައިބާ ކައިރިވުމުން ވެސް އަމީރާއާއި ގާތްވެވޭ ގޮތެއް ނުވިއެވެ. ދެފަރާތައް ބޯހޫރުވާލަމުން އަތްފޮޅުވާލަނީއެވެ. އޭނާގެ ހާލަތު ހުރި ގޮތުން އެއްވެސް މީހަކަށް ކަމެއް ވިސްނައިދެވޭ ވަރަށް ވުރެ އޭނާ އިނީ ނަފްސާނީ ގޮތުން ބަލިކަށިވެފައެވެ. އިޔާންއަށް ގުޅާފައި އަމީރާގެ ހާލަތު ކިޔައިދިނުމުން އިތުރަށް ބަހެއް ނުބުނެ ފޯނު ކަނޑާލި ގޮތުން އަންނަނީކަން އެނގުނެވެ.

”އެމީ.. އެމީ.. ބަލާބަލަ.. ކިހިނެތް ވީ؟ މީހަކު އެއްޗެއް ބުނީތަ؟“ އާމިލާ ކަންބޮޑުވެފައި އިނދެ އަހާލިއެވެ. އަމީރާއަށް ވަމުން ދިޔަގޮތުން އާމިލާއަށް ކެތްކުރެވެނީއެއް ނޫނެވެ. ދެލޯ ފެންކަޅިވިއެވެ. ”ބަލާ.. އިޓްސް އޯކޭ .. ޖަސް ބްރީތް އޯކޭ! ސްވީޓް ހާރޓް ޖަސްޓް ބްރީތް“

”އެމީ.. އަދި ފެން ފޮދެއް ބޯލަން ހިނގާ“ އާމިލާ ޥާހަކަ ދައްކާ ދައްކާ ވެސް އަމީރާއަށް ގޮތެއް ނުވިއެވެ. އެންމެ ފަހުން ހައިކަލްވެސް ގާތްވެ ވާހަކަ ދެއްކޭތޯ އުޅެމުންދިޔައެވެ.

ނަމަވެސް އަމީރާ ދުރުވެލާވެފައި ދެފައި ގެނެސް މޭގައި ޖައްސާލި ގޮތައް ކަކުލުގައި ބޯ އަޅުވާލިއެވެ. ބުޅި އިސްތަށިގަނޑުގައި ބޯ އަޅުޥާލެވުނު އިރު އިޙްސާސް ކުރެވެމުން ދިޔައީ ގޮތް ހުސްވެ މާޔޫސްވެފައިވާ މިންވަރެވެ. ފަސްވަރަކަށް މިނެޓް ފާއިތުވި ހިނދު ދުވެފައި އައިސް ވަތް އިޔާން ފެނި އެހެން މީހުން ދުރުވެލިއެވެ.

އެހުރިހާ އިރު ކެތްތެރިވީ ނަމަވެސް އިޔާން ފެނުމާއި އެކު، ކެތްތެރިކަން ކޮޅުން ލާ ގޮތްވިއެވެ. އިތުރަށް ނުހިފަހައްޓާ ރޮވިއްޖެއެވެ. އަމީރާ އިން ހާލަތުން އިޔާންގެ ހިތް ހީވާ ފިތުނު ހެންނެވެ.  އަމީރާގެ ގައިގާ ބައްދާލެވުނު އިރު އިތުރު މީހުން ތިބި ނަމަވެސް އެކަމަކު ސަމާލުކަން ނެތްފަދައެވެ. މޭގެ ތެރޭގައި އަމީރާ ބޮނޑި ކޮށްލަމުން އޯގާތެރިކަމާއި އެކު އަމީރާގެ ބޮލުގައި ފިރުމާލިއެވެ.

”އިޔާ.. އިޔާ.. އަ.. އަނެއްކާ ވެސް… އެގޭ މީހަކު…ފެނުނީ“ އާމިލާއާއި ހައިކަލް އަދި ވިޝާމް ވެސް ހުރިކަން ވެސް އަމީރާ ހަނދާން ނެތްފަދައެވެ. ގިސްލުމުގެ ތެރެއިން ބޭއިހްތިޔާރުގައި މަޑުމަޑުން އެ ލަފްޒުތައް ބޭރުވިއެވެ. އިޔާންއަށް ތުންފަތް ހަފާލެވުނެވެ.  ދެމީހުން އެކަނިވެލުމަށް ބޭނުންވާ ކަމަށް ވިޝާމްއަށް އިޝާރާތް ކޮށްލިއެވެ.

އެ އިޝާރާތް ނަގައިގަނެވިގެން އެމީހުން ނުކުތް އިރު، އާމިލާއާއި ހައިކަލްއަދި ޒަންޔާގެ  މޫނުމަތިން ހައިރާންކަން ނޫން ކުލައެއް ނުފެނެއެވެ. ވިޝާމްގެ މޫނުމަތިން ތަފާތު ފެންނަމުން ދިޔަނަމެވެސް އަމީރާގެ ޖުމްލައިން ހައިރާން ނުވެއެވެ. އެއީ ވިޝާމްއަށް އާ ވާޙަކައެއް ނޫނެވެ. އަމީރާގެ ލޯމަތިން ދާން ބޭނުން ނުވެ ހުރެފައި ވެސް މަޖުބޫރުވެފައި ހުރެމެ ނުކުމެގެން ދިޔައެވެ.

”ލުކް އެޓް މީ ބޭބީ، އެވްރީތިންގް ވިލްބީ ފައިން.. ކިހިނެތް ވީ ދެންމެ؟“ އަމީރާގެ ރުއިން މަޑުޖެހިލި ހިނދު އިޔާން ސުވާލް ކުރިއެވެ. އަޑުމަޑުވި ނަމަވެސް ގިސްލެވެމުން ދިޔައެވެ. މޫނާއި ދެލޯ ނުހަނު ރަތެވެ. ބޮޑު ދެލޮލުން ކަރުނައިގެ ތިކިތައް ކޯތާފަތް މައްޗަށް ފައިބަމުން ދިޔައިރު އިޔާން ނުހަނު ލޯބިން ފުހެލަ ދެމުން ދިޔައެވެ. އަމީރާ އެއްކޮން ހަމައަކަށް އެޅިލަން ދެން އިތުރަށް ސުވާލް ނުކޮށް އިޔާން އިނެވެ.

ވަރަށް އުނދަގުލުން މަންހާ އާއި ގާތުގައި ހުރި އަންހެން މީހާ ފެނުނު ހިނދު ވެގެން ދިޔަގޮތް އޭނާ ކިޔައިދިނެވެ. އެކަމުން އިޔާންއަށް ބުނާނެ އެއްޗެއް ނޭނގުނެވެ. މަންހާގެ އިތުރުން ދެން އޭނާ އެދެއްކީ ޝާއިރާގެ ވާހަކަ އެނގުމުން އިޔާންއަށް ތުންފަތުގައި ދަތްއެޅުނީއެވެ. އެތަނަށް ވަންނަން އައި މަގުމަތީގައި އެމީހުން އޭނާއަށް ފެނުނެވެ.

”ކެން ވީ ޓޯކް، އާފްޓާރ ޔޫ ފީލް ލިލް ބެޓާރ؟ ކިހިނެތް ބޯ؟ އަދިވެސް ތަދުވޭތަ؟“ އަމީރާގެ ބޮލުގައި އިޔާން ފިރުމާލިއެވެ.

”ކުޑަކޮން“ ކުރަކި އަޑަކުން އަމީރާ ޖަވާބު ދިނެވެ.

އިޔާންއަށް ބަލައިލެވުނީ ހަމްދަރުދީން ފުރިފައިވާ ނަޒަރަކުންނެވެ. އަމީރާގެ މޫނުމައްޗަށް ހިންގާލާ އެންމެ ނަޒަރަކުން ވެސް އެ މޫނުގެ ކުލަ ފަނޑުވެފައިވާ މިންވަރު ދެނެގަނެވެއެވެ. އިޔާން ބަހެއް ނުބުނެ ތެދުވެފައި އަތްދަނޑި މައްޗަށް އަމީރާ ލާން އުޅުނު ވަގުތު ވާހަކަ ދެއްކިއެވެ.
“އައި ކެން ވޯކް.. މިހާރު އޯކޭ.. ހަމައެކަނި ބޮލުގަ ކުޑަ ރިހުމެއް ހުރީ..“

”ޔޫ ޝުއަރ؟“

”ޔާހް.. މީހުން ބަލާނެ އަބަދު އުރީމަ“

”އެއީ ކަމެއް ނޫނޭ.. އައި ޑޯންޓް ކެއަރ މީހުން ކިތަންމެ ވަރަކަށް ބެލިޔަސް.“ އެ ނާޒުކު ވަގުތުކޮޅުވެސް އަމީރާގެ މައުސޫމް ވާހަކަ އިވި އިޔާންގެ ތުންފަތައް ފަނޑު ހިނިތުންވުމެއް ވެރިވިއެވެ. އިޔާން ފަހުން ވެސް އަތްދަނޑި މައްޗަށް ލާން އުޅުމުން ހިނގާފައި ދެވޭނެ ކަމަށް ބުނެލިއެވެ. އިޔާން ވެސް ބޯޖަހާލާފައި އޭނާގެ އަތުގައި ހިފާ ގަޔާއި ކައިރިކޮށްލިއެވެ.

ދޮރުން ނުކުމެވުނު އިރު މަޑުކޮށްލައިގެން ވިޝާމްއާއި ޒަންޔާއެވެ. އަމީރާ ކޮޅަށް ހުރިތަން ފެނި ހަމަޖެހުމުގެ ނޭވާއެއް ދެޒުވާނުންނަށް ދޫކޮށްލެވުނެވެ.

”ހައުޒް ޔޫ؟“ ޒަންޔާ ހުއްޓާ ވިޝާމް ގޮސް ހުއްޓިލީ އަމީރާގެ ކުރިމަތީގައެވެ. ހާސްވެފައި ހުރިވަރުން އޭނާގެ އަޑުން ވެސް އެކަން ސިއްރެއް ނުވިއެވެ. ފަނޑު ހިނިތުންވުމެއްގައި ހުރެ ރަނގަޅުކަމަށް ބުނެ އަމީރާ ބޯޖަހައިލި ގޮތުން ވިޝާމްގެ މޫނުން ހާސްކަން ފިލާ ދިރުންއައެވެ. ފުންނޭވާއެއް ދޫކޮށްލި އިރު އަވަސް އަވަހަށް ބޯޖަހައިލެވުނެވެ.

ވިޝާމް އުޅުނު ގޮތުން އިޔާންއަށް ބަލައިލެވުނީ ފާޑަކަށެވެ. އަމީރާއަށް އެފަދަ ގޮތެއް ވުމުން އެހެން މީހުންނަށް ވެސް ތިބީ ހާސްވެފައިކަން އޭނާއަށް އެނގެއެވެ. ނަމަވެސް ވިޝާމްގެ މޫނުމަތިން ފެންނަނީ ތަފާތުކުލަވަރެކެވެ. ފެންކަޅިވެފައި ހުރިހެން ވެސް ހީވެއެވެ. އެ އަސަރުތައް ވިޝާމް ފޮރުވާލިލެއް އަވަސްކަމުން މާ ބޮޑަކަށް ޔަގީނެއް ނޫނެވެ. ޒަންޔާ އާއި ދެމީހުންނަށް ހިނިތުންވުމެއް ރައްދުކޮށްލާފައި އިޔާން ނުކުތީ އަމީރާ ގޮވައިގެން ގެއަށް ދިއުމަށެވެ.

“ޑޮކްޓަރ އަށް ގުޅާފަ އެބަ ޖެހޭ މެޑިކޭޝާނެއް ހޯދަން ބުނަން.. ހަތަރު ދުވަސް ފަހުން ރިޒަލްޓްސް ލިބިގެން ދައްކަން ވާ އިރަށް ވެސް ސޭފްޓީއެއް ހޯދަން އެބަޖެހޭ.. ނޫންނަމަ ސިޗްއޭޝަން ވޯރސްވެ އެމީއަށް ނުރައްކަލެއް ވެސް ވެދާނެ.. މައްސަލައަކީ ޑޮކްޓާރ އަށް ތެދަށް ހުރިހާ ވާޙަކައެއް ނުކިޔާދީ މިކަހަލަ ކަންކަމެއް ނުވާނެ..  ވަޓް ޓު ޑޫ؟ ގުޅާފަ ނުބުނެ  ދާން ވީ ކަންނޭގެ.. އެމީ ނުލާ ގޮސްފިއްޔާ އެވާހަކަ ކިޔައިދޭން ވެސް އީޒީ ވާނީ“ ގާތުގައި އަމީރާ ހުރި ނަމަވެސް އެ ޖުމްލަތައް އޮތީ އިޔާންގެ ހިތުގައެވެ. ހިތާއި ހިތުން ގޮތެއް ނިންމިއެވެ. ނަމަވެސް  އަނެއްކާ ވެސް މާޔޫސްވީ އޮފީހުން ގުޅަން ފެށުމުންނެވެ. އެކަމަކު އަމީރާ އެކަނި ދޫކޮށްލާފައި އޭނާ ނުދާނެއެވެ.

”އެމީ؟ ކިހިނެތް މިހާރު؟“ ރެސްޓޯރެންޓްގެ ތެރެއިން ނުކުމަތް ހިނދު ސަދަފް އަށް އަމީރާ ފެނިގެން ހުއްޓިލެވުނެވެ. އޭނާ ގޮވާލި އަޑަށް ދެމީހުން ވެސް ހުއްޓި އެނބުރިލިއެވެ. އިޔާން ގާތުގައި ހުއްޓަސް އެކަމާއި އަޅާނުލާ ގާތައް ގޮސް އަމީޜާއާއި ވާހަކަދެއްކިއެވެ. އަމީރާއަށް ވީ ގޮތް ދާދި ދެންމެ އަކު އާމިލާގެ ފުށުން އަހާފައިވާތީ އޭނާގެ މޫނުމަތިން ހުރީ ކަންބޮޑުވުމެވެ.

”މިހާރު އޯކޭ.. ކިހިނެތް އެނގުނީ؟“

”މަންމަ ބުނި ދެންމެ އައިތަނުން.. އެމީހުން  އެބަތިބި އެމީ ފެނޭތޯއޭ ކިޔާފަ.. ނޭނގޭ ކަންނޭގެ ނުކުތް ކަމެއް..“ އަމީރާގެ ސުވާލާއި އެކު ސަދަފް ރައްދުދިނެވެ. އަމީރާ ބޯޖަހައިލިއެވެ.

“ބިޒީ؟“ އަމީރާއާއި ޥާހަކަ ދެއްކުމަށް ސަދަފް ހުޅުވާލި އަނގަ ލައްޕާލަން ޖެހުނީ އޭނާއާއި އިޔާން ވާހަކަ ދެއްކި އަޑަށެވެ. ފުރަތަމަ ހީވި ގޮތެއް ކަމަށް އަޅާނުލާ އޭނާއަށް ހުރެވުނީއެވެ. ނަމަވެސް ދެވަނަ ފަހަރަށް ވެސް އިޔާން ވާހަކަ ދެއްކުމުން ހަމަ ރަނގަޅަށް ވެސް ސަދަފް ކޮސްވިއެވެ.

”ބިޒީ ނޫނިއްޔާ ދެވިދާނެތަ އެމީ ޑްރޮޕް ކޮށްލަދޭން؟“

ސަދަފްއަށް އަވަސް އަވަހަށް ބޯޖަހައިލެވުނެވެ. އިޔާންގެ އަޑުން ލިބުނު ހިތްހަމަޖެހުމާއި އެކު ސަދަފްގެ ތުންފަތައް ރީތި ހިނިތުންވުމެއް ވެސް ވެރިވެގެންދިޔައެވެ.

”ބިޒީ އެއްނޫން.. ހަމަ ފްރީ.. ލެޓްސް ގޯ“ ސަދަފްގެ ޖަވާބުން އިޔާން ހިތްހަމަޖެހުނެވެ.

“ތޭންކްސް ސަދަފް.. ދާނަން އިނގޭ ހަމަ ވީ އެންމެ އަވަހަކަށް.. އޮފީހުން ވަރަށް ގުޅާ އެބަ.. އެހެން ނޫންނަމަ ހަމަ ނުދާނަން މިވަގުތު.. އަމް ސޮރީ“ ސަދަފްއަށް ޝުކުރު އަދާކޮށްފައި އިޔާން އެނބުރި އަމީރާގެ އަތުގައި ހިފާލިއެވެ. އަމީރާ އެއީ ކަމެއް ނޫން ކަމުގައި ބުނެލިއެވެ. އިޔާންގެ އަތައް ފިތާލަމުން މިހާރު ކުރިއަށް ވުރެން ރަނގަޅުކަމުގައި ބުނެލިއެވެ. އިޔާން ބޯޖަހައިލަމުން ހިތާއި ދެކޮޅަށް އޮފީހަށް މިސްރާބު ޖެހީ އަނެއްކާވެސް ގުޅަން ފެށުމުންނެވެ.

ގޭޓާއި ކައިރިން މަހުދީ ފެނިގެން އިޔާން ފުރަތަމަ ދިޔައީ އޭނާގެ ގާތަށެވެ.

”ބްރޯ އެމީ ރަނގަޅުތަ؟“ މަހުދީ އަހައިލިއެވެ. ދެންމެ ހިނގައިދިޔަ ހާދިސާގެ ޚުލާސާއެއް އިޔާން ކިޔައިދިނީ ފާޅުވަމުންދިޔަ ހާސްކަމާއެކުގައެވެ. އެ ވާހަކަތައް އިވުމާއެކު، މަހުދީގެ މޫނުމަތިން ވެސް ފެނިގެންދިޔައީ ކަންބޮޑުވުމުގެ ކުލަވަރެވެ. އަދި ހުރިހާ ކަމެއް ރަނގަޅުވާނެ ކަމަށް ބުނެ އިޔާންއަށް ހިތްވަރުދިނެވެ.

”ކިހިނެތް ވީ ސައިމަން އެހާ ވަރަކަށް އެގުޅީ؟“

”މިހާރު އޯކޭ އޯ، ޒޯ އައިސް ދީފި .. ސޯދިގް އައިސް އުނދަގޫ ކުރާވަރުން ، ކުރީ ދުވަހުގެ ސީންގެ ޑޮކްސް ތައް ބޭނުން ވެގެންނޯ“

”ސޯދިގް އޭ ބުނީމަ މަ ވެސް އަވަހަށް މިއައީ.. އެކަންތައް ނިމިއްޖެއްޔާ މަ އަންނާނަން ހޮސްޕިޓަލަށް ގޮސް އިނގޭ“

”ހެލްޕް އެއް ބޭނުންތަ؟“

”މި ވަގުތައް އޯކޭ“ ހިތްހަމަޖެހުމުގެ ހިނިތުންވުމެއް ރައްދުކޮށްލާފައި އިޔާން ހަލުވި ފިޔަވަޅުތަކެއްގައި ގޮސް ކާރަށް އަރައި މިސްރާބުޖެހީ ’އީ-މެޑް ހޮސްޕިޓަލް‘ އާ ދިމާއަށެވެ.

***

އިރަމް އާއި މާއިން އެކު އެކީގައި ސަދަފްއަށް ފެނުނުތާ ތިން ދުވަސް ވެގެން ދިޔައިރު، ސަދަފްގެ ފޯނަށް އިރަމް ގުޅަން ކުރި މަސައްކަތް ކާމިޔާބު ވާ ގޮތެއް ނުވިއެވެ. ޖެހި ޖެހިގެން އޮތް ހަތަރު އިމްތިހާނު ނިމި މިއަދު މިއީ ފަހު އިމްތިހާނު އޮތް ދުވަހެވެ. އެކަމަށް ދޭންވާ ސަމާލުކަން ވެސް ފުރިހަމައަށް ދެވޭ ގޮތެއް ނުވިއެވެ. ވިސްނެނީ ސަދަފް އޭނާގެ ލޯމަތިން ގެއްލުނު އިރު އެ މޫނުން އެންމެ ފަހުން ފެނުނު އަސަރުތަކާއި މެދުއެވެ. އެ މޫނު ސިފަވާ ކޮންމެ ފަހަރަކު، މާޔޫސީ އަދި އުދާސީ ކުލަވަރުގެ ތެރެއިންވެސް އެދެލޮލުގައި ވާ ވޭން، އިރަމްގެ ހިތައް ތަދުކުރަނީއެވެ. ކޮންމެ ފަހަރަކު އެ މަންޒަރު ސިފަވުމުން، ހިތުގައި އުފެދޭ ރިހުން ކަރުނައިގެ ސިފައިގައި ބޭރުވާން ތައްޔާރުވެއެވެ.

އިމްތިހާނުތައް ނިމިގެން ހޯލުން ނުކުތް އިރު ހައެއް ޖަހަނީއެވެ. އޭނާގެ އިންތިޒާރުގައި ނާޔާ އައިސް އިނެވެ. އެއަރބްލޭޑް ސައިކަލްގެ މަތީގައި އިން އިރު އިރަމް ފެނުމުން ހީލިއެވެ. ސަދަފްގެ އާއި ގުޅިފައިވާ ހިޔާލްތައް އެއްފަރާތް ކޮށްލަމުން ނާޔާއާއި ކައިރިވެލި އިރު އިރަމް ބެހެއްޓީ ލާނެތް ހިނިތުންވުމެކެވެ.

”ދޮންތަބެ ކައިރީގަ ބުނެފިންތަ؟“ ސައިކަލްގެ ފަހަތައް އަރަމުން އިރަމް ކޮށްލި ސުވާލާއި އެކު ނާޔާ ދެފަރާތައް ބޯހޫރުވާލިއެވެ.

“ ދާދި ދެންމެ އަކު އޭ އެނގުނީ.. އެހެންވެ އިރޫ ބަލާ އިޔާ އަންނަން އުޅުނީމަ މަ މިއައީ .. އިޒް އިޓް ޓޫ ސޫން ޓު ހޭވް އަނަދަރ ބޭބީ؟“ ފަހަތައް އެނބުރިލަމުން ނާޔާ ބަނޑުގައި އަތްޖައްސާލިއެވެ.  ވޭތުވެ ދިޔަ ދެހަފްތާ ބަދަލްތަކެއް އަންނަމުން ދާކަން އެނގިހުރެ ވެސް ނާޔާ މަޑުކޮށްލައިގެން ހުރީއެވެ. އެންމެ ފަހުން މައްސަރު ދުވަސްކޮޅު ލަސްވެގެން ދިޔުމާއި އެކު ’ޕްރެގްނަންސީ ޓެސްޓް ކިޓް‘ އަކުން ޓެސްޓު ކޮށްލީއެވެ. ރަތްކުލައިގެ ދެ ރޮނގު ކޮޅު ފެނުނު ހިސާބުން ބަޔާން ކުރަން ދަތި އުފާވެރިކަމެއް ލިބުނެވެ. ނަމަވެސް ދެވަނަ ސިކުންތު ވިސްނާލެވުނީ ޔޫވީން އާއި ދޭތެރޭގައެވެ. ހަތަރު އަހަރުވެގެން ދިޔަ ނަމަވެސް ޔޫވީންގެ އުޅުމުގައި ހުންނަ ޅަ ގޮތްގަނޑުން އެކަމާއި ވިސްނުނީއެވެ. އެވާހަކަ އިރަމްއާއި ނާޔާ ހިއްސާކުރަން ފެށީ ސައިކަލް ދުއްވާލުމަށްފަހުއެވެ. އެހެންޔާ ތަންކޮޅެއް ބާރު މިނުގައި ނާޔާ ސައިކަލް ދުއްވި ނަމަވެސް މިފަހަރު އެ ދުވެލި ބެހެއްޓީ ލަސްކޮންނެވެ.

”ނޫނޭ.. ޔޫވީއަށް ފޯރ ވީ އެންނު.. މިހާރު ރަނގަޅޭ.. އަސްލު ޓޫ އިޔާރޒް ވެސް ފައިން.. ކައިރި ކައިރީގަ ބޭބީ މެން ތިބީމަ ކިޙާ ކިއުޓް.. އެހެންނޫނަސް ޔޫވީ މާ ބޭބީކޮން އުޅޭ އިރު އިތުރު ބޭބީއެއް އައީމަ މަޑުމަޑުން އެކަން ވެސް ބަދަލުވެދާނެ .. މިހާރު ދޮންތަބެ ފެމެލީގަ ޔޫވީ އެކަނި ހުންނާތީ އެންމެން މާ ބޭބީކޮން ގެންގުޅެނީ.. ދެން އަހަރެމެން ގެޔަށް އައިސްފިއްޔާ ގާލް އަކާއި ބޯއީ އަކާއި މިތިބެނީ ސޯ މަންމައާއި ބައްޕަ ދެން އަހަރެމެން އެންމެން މިތިބެނީ ރީއްކޮއާއި ޔޫވީއަށް އޮބްސެސް ވެފަ.. ދެން ވާނީ ކިހިނެތް.. ޔޫވީއާއި އެއްކޮން ރީއްކޮގެ ބޭބީކަން ވެސް ފިލާނެ ޔަގީނުންވެސް ހެހެހެ…“ އިރަމް ވާހަކަ ނިންމާލީ ހިނިގަނޑަކުންނެވެ. ނާޔާގެ ގާތައް ވެސް ހިނި އައި ނަމަވެސް އިރަމް ދެއްކީ ރަނގަޅު ވާހަކައެއްކަން ގަބޫލްކުރެވުނެވެ. އިރަމްއާއި ވާހަކަ ހިއްސާކުރެވުނީމަ ވެސް ހީވީ ބުރަދަން ހުރީ ގާގަނޑެއް ބޮލުން ނެގުނު ހެންނެވެ.

”ޑޯންޓް ވޮރީ ދޮންތާ.. ތީ ހަމަ ނޯމަލް.. އެންޑް އަމް ސޯ ސޯ ހެޕީ ފޯރ ޔޫ“ ނާޔާގެ ފަހަތުން އިރަމް ބައްދާލަމުން ފަހު ޖުމްލަ ބުނެލީ ފުދޭވަރަކަށް ބާރަށެވެ. އެއުފާވެރިކަން އިރަމްގެ މޫނުމަތިން ވެސް ފެނެއެވެ.

”ބަލާ މީހުން ވެސް ބަލާނެ ދޯ ތިހާ ބާރަށް ހަޅޭއްލަވަންޏާ“

”ހެވޭ އައި ޑޯންޓް ކެއަރ.. ހުވާ އަމް ސޯ ހެޕީ“

”ހަހަހަ.. އެމީ  ޑިއުޓީއަށް ދިޔަ ދޯ.. އެހާ ވަރުން ތިންމީހުން އެއްކޮން ކާން އަރާފަ އެހެން ކިޔަން ހުރީ.. ގެއަށް ވެސް ދިޔައީ ކާރުގަ.. ދިޔަތަނުން މަންމަ ބުނި ޑިއުޓީގައޭ.. އެންމެ ފަހުން ބައްޕަގެ ސައިކަލުގަ މިއައީ“ ނާޔާ ބުނެލިއެވެ.

”ޔާހް.. އެދުވަހު އަނބުރައިގަތީ.. ޖެހިގަތް އައި ދުވަހު ޑިއުޓީއަށް އަނެއްކާ ނުކުންނަން ފަށައިފި.. އެންމެން ކީމަ ވެސް ޝީ ސެއިޑް މިހާރު ރަނގަޅޭ.. އަސްލު ކުއްލިއަކަށް އެހެން ވަނީ، އެވެސް އެވަގުތުކޮޅު.. އޭގެ ފަހުން އިރުކޮޅެއް ވީމަ އޯކޭއޭ ބުނީ.. ރަނގަޅު ނޫނަސް އެމީ ބުނެފާނެ ރަނގަޅޭ.. އަބަދުވެސް އަހަރެމެން ހާސްވެދާނެތީ އުޅެނީ.. “ އިރަމް ބުނެލިއެވެ.

”ދޮންތައަށް ހީވަނީ، އެމީއާއި ވާހަކަ ދައްކާލަންވީ ހެން.. ދޮންތަ ވާހަކައެއް ވެސް އަޑު އެހީމޭ އަދި“ ނާޔާ ސައިކަލް މަޑު ކޮށްލީ  ’ގޯލްޑެން ފޯކް’ގެ ތެރެއަށެވެ.

އިރަމް ގުޅާލީ އަމީރާ ކޮބައިތޯއެވެ. ފޯނު ނުނަގައި ކަނޑާލަމުން އަމީރާކޮށްލީ މެސެޖެކެވެ.

”ދޮންތާ، މަންމައާއި އެއްކޮން ކޮންމެވެސް ތާކަށް އެމީ ދާން ޖެހިގެން ބައްޕަ ބަލާ އައީމަ  އަވަހަށް ގެއަށް އައީއޯ.. “ ފޯނަށް ބަލަން ހުރެންއިރަމް ބުނެލިއެވެ. ނާޔާ ވެސް ބޯޖަހައިލިއެވެ.

ދެމީހުން މައްޗަށް އެރީ އާދެވުނު ފަހަރު ކޮފީއެއް ނަމަވެސް ބޮއެގެން ދިޔުމަށް ބޭނުން ވެގެންނެވެ. ވަގުތުގެ ގޮތުން އެތަނުގައި މީހުން ތިބީ ދެމޭޒުގައެވެ. އިރަމް ގޮނޑީގައި އިށީން އިރު ބައެއްގެ ނަޒަރު މޫނަށް އަމާޒުވެފައި ހުރިހެން ހީވެގެން ބަލައިލި އިރު އެމީހުންނާއި އެންމެ ކައިރިއަށް ތިބި މޭޒު ދޮށުގައި ތިބި ހަތަރު ޒުވާނުންގެ ކަޅި ހުރީ އޭނައަށެވެ. އެމީހުން ފެނުނު ވަކި ތަނެއް ނޭނގުނު ނަމަވެސް އެއީ އޭނާ ތާކުން ދުށް ބައެކޭ ހިތް ބުނާ ވަރުން އިރުކޮޅަކު ވިސްނާލަން ޖެހުނެވެ.

އެހެން އިންދާ އިރަމް ސިހިއްޖެއެވެ. އެމީހުންނަކީ ކޮންބައެއްކަން ހަނދާންވީއެވެ. ވާރޭގެ ތެރެއިން ސަދަފްއާއި ދިމާލަށް ބަވާލާފައި އައި ދުވަހު، އޭގެ ކުރިން އޭނާއާއި އެކު ކޮފީ ބޯން ތިބީ އެޒުވާނުންނެވެ.  އެތާގައި ސަދަފް ނެތް ނަމަވެސް ސަދަފް އައިސްފާނެ ކަމުގައި ހިތް ބުނަން ފެށުމުން އިރަމްގެ މެޔަށް ފިނިވެގަތެވެ. އެވަގުތުން ފެށިގެން ދޮރާއި ވީ ފަރާތައް އޭނާގެ ކަޅި ހުއްޓެން ފަށައިފިއެވެ.

”ކޮބާ ޝެޑީ؟“އެމީހުންގެ ވާހަކަ އެހިސާބަށް ރީތިކޮން އިވެއެވެ. އެކަކު ބުނާ އަޑު އިވިގެން އިރަމްގެ ހިތައް އެނގުން ވެލައިފިއެވެ.

”ޝެޑީ ދަންނަ ކުދިން ކޮޅެއް ކަންނޭގެ“ ނާޔާއަށް ވެސް އަޑު އިވިގެން ހީލިއެވެ. އޭނާ އިތުރަކަށް  އެކަމާއި ނޫޅެއެވެ. އެވެސް ނަސީބެކޭ އިރަމްގެ ހިތައް އެރިއެވެ. އެ ނޫންނަމަ އެ ޒުވާނުން އިރަމްއާއި ދިމާ ބަލަމުން ދިޔަ ގޮތާއި ލާނެތް ގޮތަކަށް ތިބެ ހޭ މަންޒަރު ފެނުނީހެވެ. އިރަމްއަށް އެމީހުން ދިމާކުރާކަން ޔަގީންވީ ސަދަފް ކޮބާހޭ ދެތިން ފަހަރު އެމީހުން ތަކުރާރް ކޮށްލުމުންނެވެ. ސަދަފްގެ ނަން ބުނެލަނީ ވެސް އަކުރުތަކަށް ވަކިން ބާރު ކޮށްލާފައެވެ.

”ކޮން ވާހަކައެއް؟ ބުނެބަ“ ނާޔާ ކުރިން ދެއްކި ވާހާކައާއި ގުޅޭ ގޮތުން އިރަމް ސުވާލް ކުރިއެވެ.

”އިޔާ އާއި އެމީ އޮތީ ކޮން ގުޅުމެއް؟ އިރޫއަށް އެނގޭނެ އެމީގެ ކަމެއް ވިއްޔާ، ސޯ ދޮގު ނުހަދަ ބުނޭ“ ނާޔާ އެ ސުޥާލު ކުރިގޮތުން އިރަމްއަށް ބަލައިލެވުނެވެ. ނާޔާ ހުރީ ހިތްހަމަ ނުޖެހިފައިތޯ ނޫނީ ނޫންތޯ ދިރާސާ ކޮށްލިއެވެ. ނަމަވެސް ތަފާތެއް ފާހަގައެއް ނުކުރެވުނެވެ. ފެނުނީ ޝައުގުވެރިކަމެވެ.

”އަހަންނެއް ނޫން ކަންނޭގެ ދޮންތަ ކައިރީގަ އަސްލު ބުނަން ޖެހޭނީ.. ދޮންބެ އާއި އެމީ އުޅެނީ ގުޅިގެން.. މަންމައާއި ބައްޕަ ނޫން އެންމެންނަށް އެނގޭ ސޯ ދޮންތަ ކައިރީގަ ވެސް މިބުނީ“

އިރަމްގެ ދިން ޖަވާބާއި އެކު ނާޔާއަށް އަނގަމަތީގައި އަތް އަޅާލެވުނެވެ. ހައިރާންކަމުން ދެލޯ ބޮޑުވާ ގޮތް ވެފައި ވީ ނަމަވެސް ލިބުނު އުފާވެރިކަން ގޮނޑިން ތެދުވެ އުޅުނީ ފުންމައި ގަންނާށެވެ. ނަމަވެސް އިރަމް އަތުގައި ހިފެހެއްޓުމުން އަމިއްލަ ހާލަތު އިހްސާސްވެ އަލުން ގޮނޑީގައި އިށީންދެއްޖެއެވެ.

”ދޮންތާ އީޒީ، ނުފުންމާނެ..އައި ތޯޓް ކުޑަކޮން އޯކޭ ނުވެފަ ކަމަށް ތި ސުވާލް ކޮށްލީ “

”ނޫން..ނޫން.. ވަރަށް އުފާވެއްޖެ.. އައި ނިއު އެއީ ވާނެކަމެއްކަން .. އަބަދުވެސް ޔުމާން ކައިރީގަ ކިޔަން ހާދަ ގުޅެއޭ ދެކުދިން.. ކާކު އެމީއަށް ފޯލް ނުވާނީ.. އެހާ ޕްރިޓީ އެހާ ރަނގަޅު.. ލިލް ޕްރެޝަރ އެއް ދިނީމަ އައި ނޯ އިރޫ ތެދު ބުނާނެކަން އެހެންވެ އެހެން މިވާހަކަ ދެއްކީ  “

ނާޔާގެ ލާނެތް ޖަވާބު އަހާފައި އިރަމްއަށް ހެވުނެވެ. އެވާހަކައިގާ ތިއްބައި އިރަމް ސަމާލުކަން އަނެއްކާ ވެސް ދެވުނީ އެ މޭޒުން ވާހަކަ ދައްކާ އަޑު އިވިފައެވެ.

”މިއޮތް އަންނަނީ އެންނު.. “

އިރަމް ބަލައިލީ އެމީހުން ބަލައިލި ދިމާލަށެވެ. ސަދަފް ދޮރުން ވަދެގެން އައި އިރު ސޯޓަކާއި ކަޅުކުލައިގެ އަތްދިގު ހޫޑީއެއްގައި ހުރުމުން އެއައީ ޖިމުން ކަން ދޭހަވެއެވެ. އަތުގަ އޮތް ޓިޝޫއިން މޫނުމަތިން ފުހެމުން އައި އިރު ކޮނޑުގައި އޮތް ދަބަހުގެ ވާގަނޑާއި ކުޅެލިގޮތް ވެސް އެނގުން ވެލައިފިއެވެ. އިރަމްއަށް ކަޅި ޖަހާލަން ވެސް ނޭނގުނެވެ.

ސަދަފްއަށް އިރަމް ފެނުނީ މޭޒު ދޮށުގައި އިށިން ވަގުތު އެކުވެރިން ލާނެތް ގޮތަކަށް ތިބެ އެ މޭޒު ދައްކާލުމުންނެވެ. އިރަމް ބަލަހައްޓާއިގެން އިން މަންޒަރު ފެނި ސަދަފްއަށް ވެސް ބަލަހައްޓައިގެން ހުރެވުނެވެ. ނަމަވެސް އިތުރު އަނިޔާއެއް ހިތައް އެވަގުތު ދޭން ބޭނުން ނުވާތީ، ހިތައް ވެރިވި އިޙްސާސްތައް ކޮންޓްރޯލް ކޮށްލުމަށްފަހު އިސްޖަހައިލިއެވެ. ރައްޓެހިންގެ ކުރިމަތީގައި އަމިއްލަ ހިތް ބޭޒާރު ވާކަށް ވެސް ބޭނުމެއް ނޫނެވެ.

”މަޑުން ތިބޭ“ އެންމެން ދިމާ ކުރާ ވަރުން ސަދަފް ލޯ ހަނިކޯށްލިއެވެ. އެހިނދު އެކުވެރިންގެ ހުނުން ހައްތަހާ އިތުރު ވިއެވެ.  ހިނިއައި ނަމަވެސް އެކަމާއި އަޅާ ނުލާ އިނދެފައި، ފޯނަށް މެސެޖެއް އައި އަޑު އަހާފައި ބަލައިލިއެވެ.

”ވައި އަރ ޔޫ އިގްނޯރިންގް މީ؟“ އިރަމްގެ މެސެޖު ފެނުމުން ސަދަފް އަށް ބަލައިލެވުނެވެ. އިރަމް އެ ސުޥާލް އެކުރީ ހަމަ ނޭނގިގެން ހެއްޔެވެ. ނޫނީ ގަސްތުގައި އެކަންތައް އަނެއްކާ ހިލުވާލަން ހެއްޔެވެ. އިރަމް ބޭނުންވާ ގޮތެއް ސަދަފްއަކަށް ނުވިސްނުނެވެ. އިރަމް ހަދާ އެއްޗެއް ބަލަން މަޑުކޮށްލިއެވެ.

”އައި ވޮނަ ޓޯކް! އެންމެ ފައިވް މިނެޓްސް ދެވޭނެ ތަ؟“

”ނޯ!“ އެންމެ ފަހުން ސަދަފް މެސެޖަށް ޖަވާބު ދިނެވެ. ފޯނަށް  ސަމާލުކަން ދީގެން އިނަސް ކަޅި ހުރީ އިރަމްގެ މޫނަށެވެ. އެ ދެލޮލަށް ޖަމާވި ކަރުނުތައް ސަދަފްއަކަށް ސިއްރެއް ނުވިއެވެ. އެ މަންޒަރަކީ ބަލަން އެންމެ އުނދަގޫ މަންޒަރެވެ. ކޮންމެ ގޮތަކަށް އިރަމް އުޅުނު ހުއްޓަސް ހިތުގައި އެއަންހެން ކުއްޖާއާއި މެދު އުފެދިފައިވަނީ އަޖައިބެއްފަދަ ޖަޒުބާތެކެވެ. ކުޑަވެސް ހިތްދަތި އަސަރެއް އެ ރީތި އަންހެންކުއްޖާގެ މޫނުމަތިން ފެންނާކަށް ސަދަފް ނޭދެއެވެ.

”އެބައަންނަށް ވޮޝް ރޫމަށް ޖެހިލާފަ“ ސަދަފް އެންމެ ފަހުން ތެދުވިއެވެ. ދަމުން އިރަމްއަށް ނަޒަރެއް ދިނެވެ. އެއްވެސް ކަހަލަ އިޝާރާތެއް ކޮށްނުލީ ނަމަވެސް އެއީ އިރަމްއަށް އޭނާ ދިން ދައުވަތެކެވެ. އޭނާގެ ފަހަތުން އިރަމް އަންނާނެ ކަން ސަދަފްއަށް އެނގޭ ކަހަލައެވެ.

”މްމް، ދޮންތާ އެބަ އަންނަން ފާހާނައަށް ގޮސް“ އިރަމް ތެދުވުމުން ނާޔާ އެންމެ ރަނގަޅޭ ބުނެ ބޯޖަހައިލިއެވެ. ފާހާނަ ބަރިއާއި ހަމައަށް ދެވުމުން އިރަމްގެ ކަޅި ދަތުރުކޮށްލީ އެއްވެސް ހިސާބަކުން ސަދަފް ފެނޭތޯއެވެ. ބޭރުން އޭނާގެ އެއްވެސް ހިލަމެއް ނުވިއެވެ. ނުވަންނަން ހުރެފައި ފިރިހެނުންގެ ފާހަނަ ބަރީގެ ތެރެއަށް ވަނެވެ. އެތާކު ވެސް ނެތެވެ. މާޔޫސްވީ ވަރުން އިރަމްގެ ދެލޮލަށް ކަރުނު ޖަމާވާކަށް ގިނަ އިރެއް ނުވިއެވެ. ރޮވުނު ހިނދު އެތަނުގައި ހުންނަން ބޭނުމެއް ނުވިއެވެ. އިރަމް ވަނީ ޖެހިގެން ހުރި އަންހެނުންގެ ފާހާނަ ބަރިއަށެވެ. މޫނު ދޮންނަ ތައްޓައި ހިސާބަށް ދެވެންވާއިރަށް ރަނގަޅަށް ވެސް ރޮވިއްޖެއެވެ. ކޯތާފަތައް މަތިން ކަރުނައިގެން ރޮނގުތައް ފައިބަމުން ދިޔައިރު މުޅި މޫނަށް ރަތްކަމެއް ވެރިވެއްޖެއެވެ. އިރުކޮޅަކު ރޯން ހުރެފައި ނާޔާ ގުޅަން ފެށުމުން ތުންފިއްތާލެވުނެވެ.

”އާހްހްހް“

“ ކޮބާ؟ އަހަރެމެން ތިބި ވާހަކަ ބުނީމަ ދޮންތަބެ އާއި ޔޫވީ ވެސް އައިސްފި.. “ އިރަމްއަށް ގުޅާ ގުޅާ ފޯނު ނުނެގުމުން ނާޔާ އެންމެ ފަހުން ކުރީ މެސެޖެކެވެ. ޔަގީނުން ވެސް އެ ސިފައިގާ ހުރެ ނާޔާގެ ކުރިމައްޗަށް އަރައިފިއްޔާ އޭނާގެ ސުވާލްތައް އަންނާނެއެވެ. ލޮލުން ފައިބަމުން ދިޔަ ކަރުނު ތައް ވެސް ހުއްޓުމަކަށް ނާދެއެވެ. ކައުންޓަރުގައި ލަތްވެ ހުރެ ނާޔާއަށް މެސެޖެއް ކޮށްލިއެވެ. ކްލާހުގައި އެއްކޮން އުޅުނު ކުއްޖަކު ވަރަށް ދުވަހަށް ފަހު ފެނިގެން ވާހަކަ ދައްކަން މަޑުކޮށްލީ ކަމަށް ބުނެ އިރަމް ވާހަކަ އެއް ހަދާލިއެވެ. އަދި އިރުކޮޅެއް ވާނެ ކަމަށް ބުނެލިއެވެ. ދޮގެއް ހަދަން ބަލައިލި އިރު އެންމެ ފުރަތަމަ ވެސް ހިތައް އައީ އެކަހަލަ އެއްޗެކެވެ. ހަމައަކަށް އެޅި ލެވޭ ވަރުވުމުން މޫނު ދޮވެލިއެވެ. އަތް ދަބަސް ހިފައިގެން އާދެވުނުކަން ވެސް ނަސީބެކޭ ހިތައް އެރިއެވެ. އާންމުކޮން މޭކަޕް ކޮށް ނޫޅުނު ނަމަވެސް އެއީ ވިޝާމްގެ ކައިވެނީގެ ޕާޓީއަށް ދިއުމަށް ގެންދިޔަ ދަބަސްކަމުން ނަސީބު އަތުގައި ހިފީއެވެ. އެދުވަހު އައިގޮތައް އެއްވެސް އެއްޗެއް ނުނަގައި ހުރުމުން އޭގެ ތެރެއިން ފުއްދަޅާއި މޭކަޕް ކުރުމަށް ބޭނުންވާ ދެތިން އެއްޗެއް ލިބުނެވެ.

ކުޑަވަރެއްގެ މޭކަޕެއް ކޮށްލަމުން މޫނުމަތީގެ ކުލަވަރު ފަނޑުވިއެވެ. ނަމަވެސް އަދިވެސް ދެލޯ ފެންކަޅިވެފައި ހުރުމުން ރަތް ކަން ފިލާ ގޮތެއް ނުވިއެވެ. “ މިއީ ހުސް ސަދަފް ކަންތައް“ މާޔޫސްވި ވަރުން ތުންފިއްތާލެވުނެވެ.

”މިހާރު މަ ކީއްކުރީ؟“އިރަމް ސިހުނީ ކުއްލިއަކަށް ފަހަތުން އަޑެއް އިވުނީމައެވެ. ދެލޯ ބޮޑުކޮށްލެވުނީ މީހަކު ދޮރުހުޅުވާ އަޑުވެސް ނީވުނީމައެވެ. ވަންނަ ދޮރު ކައިރި ފާރުގައި ލެނގި ހަށަމް ބަނދެލައިގެން އެހުރީ ސަދަފް އެވެ. އިރަމް މޭގައި އަތް އަޅުވާލައިގެން ހުއްޓެވެ. ލިބިފައިވި ސިހުމުން އަރައިގަންނަން އިރުކޮޅެއް ނެގިއެވެ.

ސަދަފްގެ ތޫނު ނަޒަރު ހުއްޓިފައިވީ ސީދާ އިރަމްގެ ދެލޮލަށެވެ. ހަމަޖެހިލެވުމުން އިރަމް ލަދުގަންނަ ގޮތްވިއެވެ. އެހުރިހާ އިރު އިރަމް ރުއި އިރުވެސް ސަދަފް އެތާގައި ހުރިބާއެވެ. ގައިމުވެސް އެތަނަށް އޭނާ ވަތްފަހުން އިތުރު މީހަކު ނުވަދެއެވެ. ވަންނަ ދޮރުވެސް އިނީ އިރަމްއާއި ގާތަށެވެ. ވާހަކަ ދައްކަން ބޭނުންވީ ނަމަވެސް ލަދުގަތްފައި ހުރި ވަރުން އިރަމް ދިމާކޮށްލީ ނުކުންނާށެވެ.  ނަމަވެސް ސަދަފް މާ ހުށިޔާރެވެ. އިރަމްގެ އަތުގައި ހިފައި ގާތައް ދަމާލިގޮތައް ގެންގޮސް ފާރުގައި ތަތްކޮށްލިއެވެ. މިނިވަން ނުވެވޭނެހެން ދެފަރާތުން ދެއަތް ގެންގޮސް އިރަމްގެ އަތްތިލައާއި ގުޅުވާލަމުން ފާރުގައި ޖެއްސިއެވެ.

****

(ނުނިމޭ)