މި ޖިސްމުގާ ވަނީ 33

ދިޔަ ބާރުމިނުގައި އިރަމްގެ ގައި މައްޗަށް ވާހެން ސަދަފް އޮށޯވެލިއެވެ. ދެފަރާތުން އެނދުގައި އަތް ވިދެލައިގެން އިނުމުން  އެ ހަށިގަނޑުގައި ނުޖެހެއެވެ. އެ ދެމެދުގައި ހުރި ކުޑަ ހުސްތަންކޮޅުގެ ތެރެއިން އެކަކު އަނެއްކަކުގެ ހޫނު ނޭވާގެ އަޑު އިވޭހާ ގާތެވެ. ދެލޮލުގެ ތެރެއަށް ފީނައިގަނެވުނު އެ ކުރު ސިކުންތުކޮޅުގެ ތެރޭގައި، މުޅި ދުނިޔެ ހީވީ ހުއްޓިފައި ވީ ހެންނެވެ. ކޮޓަރީގެ ތެރޭގައި އޮތް ހަމަހިމޭންކަން މުގުރާލަމުން ދިޔައީ ހަމައެކަނި އެ ދެ ހިތުގެ ތެޅުމުގެ އަޑެވެ. ސަދަފްގެ މަގްސަދަކީ އިރަމް ބިރުގަންނުވާލުން ކަމުގައި ވިޔަސް، އެ ރީތި މޫނު އެހާ ގާތުން ފެނުމުން  ހިއްސުތައް ކުއްލިއަކަށް ހޭލައިގަތެވެ. އެ އޮމާން މޫނާއި ދިގު އެސްފިޔަތަކުގެ ނިވަލުގައި ބޮޑު ދެލޮލުގައި ވީ ކޮންފަދަ ޖާދުލެއްބާއެވެ. ރަތްކުލައިގެ ތުނި ތުންފަތް އެހާ ގާތުން ފެނުމުން ނާރުތަކުގައި ލޭގެ ހިނގުން ހިނދެއް ހިނދަކަށް އަވަސްވެ، ހިތުގެ ހަމަޖެހުން މުޅިންހެން ގެއްލިގެން ދިޔައެވެ. ތުންފަތުގައި ބޮޑުވާ އިނގިލި ހިންގާލެވުނު އިރު، އިޚްތިޔާރުން ބޭރުގައި، މަޑުމަޑުން އިރަމްގެ މޫނާ ދިމާއަށް އޭނާގެ މޫނު ގާތްކޮށްލެވުނެވެ. ބިރުގަނެފައި އޮތް އިރަމްގެ ދެލޯ މެރިގެން ދިޔައީ، ކުރިއަށް އޮތް މަދު ސިކުންތުކޮޅުގައި ވާނެ ގޮތެއް ނޭނގޭ ހާލުގައެވެ.

****

ސަދަފްގެ ހަރަކާތްތައް ހުއްޓުނީ އިރަމްގެ މޫނާއި ޖެހޭ ނުޖެހޭ ހިސާބަށް ދެވިފައި ވަނިކޮން ދިގު އެސްފިޔަތައް ތެމެމުން ދިޔަ ތަން ފެނިއެވެ. ފުރަތަމަ ކަރުނަތިކި އެ ކޯތާފަތްމަތިން ތިރިއަށް ރޮނގަކަށް ފޭބި ތަން ފެނި ސަދަފްއަށް ތުންފަތުގައި ދަތްއަޅާލެވުނެވެ. އަވަސް ހަރަކާތަކާއި އެކު ތެދުވެ އެނދުގައި އިށީންދެލިއެވެ. ދެފަރާތައް ބޯހުރުވާލެވުނީ ހިނދުކޮޅަކަށް ނަމަވެސް އޭނާގެ ސާބިތު  ހިތް މަގުން ކައްސާލަން އުޅުމުންނެވެ. ނަމަވެސް ވަގުތު ފާއިތު ވުމުގެ ކުރިން އޭނާގެ ހިއްސުތަކައް ހަމަ ވިސްނުން  ދެނެގަނެވުމުން ދޫކޮށްލެވުނީ  ހިތްހަމަޖެހުމުގެ ނޭވާއެކެވެ. އެހެން އިނދެ ފަސް އެނބުރި ބަލައިލި އިރުވެސް އިރަމް އެއޮތް ގޮތައް އޮތެވެ. ނަމަވެސް މިފަހަރު އޮތީ ދެލޯ ހުޅުވާލައިގެންނެވެ. ދެލޮލުގައިވީ ރަތްކަމާއި އެކު ކަރުނުތައް ބޮނޑިވެފައިވަނީ އެސްފިޔަތަކައް ވެސް ކެތްނުވާ މިންވަރަށެވެ.

”ނެކްސްޓް ޓައިމް، ބިހޭވް ޔުއަރ ސެލްފް!.. އިރަމްއާއި އިރަމްގެ ދޮންބެގެ ނަޒަރުގަ އަހަންނަކީ ވަރަށް ދަށު ދަރަޖައިގެ މީހެއް ދޯ؟.. އެކަމަކު ތިހީވަނީ ގޯސްކޮން!.. ދެންމެ މިގާތްވި ވަރަށް، ދުވަހެއްގެ ކޮޅުން ވެސް އެހެން އަންހެނެއްގެ ގައިގަ އިނގިލި ކުރިންވެސް ބިހިލާފަ ނޯންނާނެ.. އެންޑް އަމް ޕްރައުޑް އޮފް ދެޓް!.. ހަމަހޭވެރިކަމުގައި ނެތް ދުވަހު ވެސް އެފަދަ ކަމެއް ނުކުރާއިރު އަދި ހަމަހޭވެރިކަން ހުއްޓަ އެފަދަ ކަމެއް ކުރާނެތަ؟“ ސަދަފް ކޮށްލި ސުވާލާއި އެކު އެއަޑުގައި ފޮރުވިފައިވާ ރިހުމާއި ކެކުޅުން ސިއްރެއް ނުކުރެވުނެވެ. އޭނާގެ މޫނުމަތިން އެ އަސަރުތައް ފާޅުނުވި ކަމުގައި ވިޔަސް، ހިތަށް ލިބިފައިވާ ފުން ޒަޚަމްތައް އިރަމްއަށް އިޙްސާސް ކުރެވުނެވެ. ތެދުވެ ސަދަފްގެ ގާތުގައި އިށިންދެލިއެވެ.

”އަހަންނާއި ގުޅުން ނުބޭއްވި ނަމަވެސް މައްސަލަ އެއް ނެތް .. އެކަމަކު މާއިންއާއި ދުރުން އުޅޭ! ރީތި ސިފައެއް ހުއްޓަސް އެއީ ތިހީކުރާ ކަހަލަ ރަނގަޅު މީހެއް ނޫން!.. އަބަދު އަހަންނެއް ނުހުންނާނެ މިހެން ސަލާމަތް ކޮށްދޭކަށް.. ހާއްސަކޮން އިރަމް ތިހާ ރުޅި އަންނައިރު..އެނީވޭސް، ބޭރުގަ މިހުރީ.. އާދޭ!“

އިތުރަށް މަޑެއް ނުކުރެއެވެ. އިސްވެ އިރަމްގެ މޫނަށް ބަލައެއް ވެސް ނުލައެވެ. ބާރު ހިނގުމުގައި ސަދަފް ނުކުމެގެން ދިޔައީއެވެ.

”އަމް ސޮރީ“ އެދެ ލަފްޒު، އިރަމްގެ ހިތުގެ ފުނުގައި ތާށިވެފައި އޮތް ކަހަލައެވެ. ދުލާ ހަމައަށް އެ ބަސްތައް ގެނައުމަށް އޭނާ ނުކުޅެދުނެވެ. އޭނާގެ ހަރުކަށި ބަސްތަކުން ސަދަފްގެ ހިތަށް ދެވުނު އަނިޔާގެ ފުންމިން ވަޒަންކުރެވުނު އިރު މާ ލަސްވެއްޖެއެވެ. އެއްވެސް އިޚުތިޔާރަކާއި ނުލައި ދެލޮލަށް ބޮނޑިވި ކަރުނަތައް ކޮންޓްރޯލުން ނެއްޓި ކޯތާފަތްމަތިން ފައިބައިގަތެވެ. ފުރަތަމަ ފަހަރަށް އަމިއްލަ ނަފްސަށް އަޑުލައިގަނެވުނެވެ. ފުރަތަމަ ފަހަރަށް އަމިއްލަ ނަފްސު ކުށްވެރިކުރެވި، ހިތާހިތުން ޝަކުވާ ކުރެވުނެވެ. ހިތުގައި ގުގުމަމުން ދިޔައީ އެންމެ ފަހުން ސަދަފް ބުނެފައި ދިޔަ ޖުމްލައިގެ ތަންކޮޅެވެ.

”އިރަމް ތިހާ ރުޅި އަންނައިރު“ އެ ޖުމްލައިގާ ހުރި މާޔޫސީކަމުން އިރަމްގެ ހިތައް ކުރަމުން ދިޔައީ ނުބައި އަސަރެކެވެ.

”ސަދަފް އާއި މެދު ހިތުގައި ތަފާތު ނަޒަރަކުން ދެކެވޭ އިރު ރުޅި އަންނާނީ ކިހިނެތްތަ“ ގިސްލުމުގެ ތެރެއިން އިރަމްއަށް ވާހަކަ ދެއްކުނެވެ. އެތައް އިރަކު ރޮވުނު ފަހުން އޭނާގެ ނަފްސަށް ހަމަޖެހުމެއް ނުލިބުނެވެ. ނަމަވެސް ދާން މަޖުބޫރުވީ އިޔާން ގުޅަން ފެށުމުންނެވެ. ފޯނު ނަގައިފިނަ އަޑުގައި ހުރި ތުރުތުރު ފާހަގަވެ އޭނާ ބޭޒާރު ވެދާނެއެވެ. ކަނޑާލުމަށްފަހު މަގުމަތީގައި ކަމަށް ބުނެ މެސެޖެއް ކޮށްލަމުން، ލޯގަނޑު ކުރިމަތީގައި ހުރެ ޓިޝޫއަކުން  ކުޑަކޮން މޫނުމަތި ރަނގަޅު ކޮށްލިއެވެ. ނަމަވެސް އެހާ ވަރަށް ރުއިމުގެ ސަބަބުން އޭނާގެ މޫނުން ތަފާތު ފެނެއެވެ. ލޮލުގެ ރަވަ ކައިރި އާދަޔާއި ހިލާފަށް ރަތެވެ. އަތްދަބަސް ނުލާ އާދެވުމުން މޭކަޕް ކުރެވޭކަށް ވެސް ނެތެވެ. އެފަދަ ހާލެއްގައި ވަނިކޮން އަމީރާ ގުޅަން ފެށިއެވެ. ހިތާއި ދެކޮޅަށް ފޯނުނެގިއެވެ.

”ދޮރު ހުޅުވަބަ.. ދޮރު ކައިރީގަ މިހުރީ“ އަމިރާގެ އަޑުޖެހުމުން ފޯނު ކަނޑާލާފައި ދޮރު ހުޅުވާލިއެވެ. އެވަގުތު ވެސް އޭނާގެ ނަޒަރު ދަތުރުކޮށްލީ ސަދަފް ފެނޭތޯއެވެ. ނަމަވެސް އެފަދަ ހިލަމެއް ނުވެއެވެ. ފެނުނީ އަމީރާއާއި މީރާންއެވެ. ދެމީހުން ފެނުމުން ތުން ފިއްތާލާފައި އިރަމްއަށް އަނެއްކާވެސް ރޮވިއްޖެއެވެ.

އިރަމްގެ އަތުގައި ހިފައިގެން އަމީރާ އެތެރެއަށް ވަނެވެ. އޭނާގެ ކޮނޑުގައި ބޯ އެޅިގޮތައް އިރަމް ގިސްލާން ފެށިއެވެ.

”ކިހިނެތް ވީ ކުޑޫ؟“ އިރަމްގެ އެސިފަ އަކީ އާންމުކޮން ނުފެންނަ ސިފައަކަށް ވާތީ އޭނާގެ މޫނުން ފެންނަނީ އިންތިހާއަށް ކަންބޮޑުވުމެވެ. އަމީރާ އިޝާރާތް ކޮށްލީ މިވަގުތު ވާހަކަ ނުދެއްކުމަށެވެ.

”މިޙާރު އެންމެން އެބަ އުޅޭ ފޮޓޯ ނަގަން.. އެފެމެލީ ފޮޓޯ ނަގަން އުޅެނިކޮން އަހަރެމެން މިއައީ ދޯ މީރާން… އިރޫ މިތާގަ އިނދެ ރޮއެރޮއެފަ އެތަނަށް ދިޔައީމަ ކަމަކު ނުދާނެ އެންނު.. އެންމެންގެ ސުވާލްތައް އަންނާނީ ކިހިނެތް؟.. ބޭނުންތަ އެހެން ވާން؟“ ޓިޝޫއިން އިރަމްގެ މޫނު ސާފްކޮށްލަ ދެމުން އަމީރާ ދިޔައެވެ.

”ކޮބާ އޭނަ؟“ ކުރެހިފައިވާ އަޑަކުން އިރަމް އެއްސެވެ. މީރަން އަނގަނަގައިގެން އިންތަން ފެނި ހިނިއައިސް ހުރެ އަމީރާ އެދުނީ މިވަގުތު ބޭރަށް ނުކުމެލުމަށެވެ.

”ސަދަފް ގުޅީ އަހަންނަށް.. ކިޔައިދިން ވީގޮތް… އޭނާ ވަރަށް ބޮޑަށް މޫޑް ގޮސް ހުރީ.. އެކަމަކު އެއީ ރުޅިއަކުންނެތް ނޫން … އޭނަ ވެފަ ހުރި ދެރައިން މޫޑް ގޮސްފަ ހުރީ.. އޭނަގެ ދެލޯ ފެންކަޅިވެފަ ހުރީ.. އަހަރެމެން އައީމަ އެދިޔައީ..“ އަމީރާ ކިޔައިދިނެވެ. އިތުރަށް އިރަމް ސުވާލެއް ނުކުރެއެވެ. އިތުރު ކަރުނުން ދެލޯ ބަރާވިތަން ފެނި އަމީރާއަށް ބޯހޫރުވާލެވުނެވެ.

”އިރޫ ޕްލީޒް މިވަގުތު ހުއްޓާލަމާ.. ނޫނީ އެންމެންގެ ސުޥާލްތައް އަމާޒުވެ އިތުރު ޕްރެޝާރަ އަކާއި ކުރިމަތި ލާންޖެހޭނީ.. މަޖުއްތަ ނުބުނަން ހުއްޓަ، ކޮންމެވެސް މީހެއްގެ ފުށުން އިޔާންއަށް އިވުނީ ސަދަފްއާއި އެއްކޮން އިރޫ ދިޔަކަން.. އެހެންވެ މިނަ އެގުޅަނީ“ ފޯނުގެ ޑިސްޕްލޭއިން އިޔާން ގުޅާ މަންޒަރު ފެނި އިރަމްއަށް އަމީރާ ދައްކާލިއެވެ.

”އިރޫ އާއި މީރާން ދެން އަހަރެން.. ތިން މީހުން އެއްކޮން މިއުޅެނީ.. ކުޑަކޮން ތަންތަން ބަލާލާފަ ތިތަނަށް ގޮސްގޮސް ހުއްޓަ ފޮޓޯ ނަގަން ވާއިރަށް އިރޫގެ މޭކަޕް ރީތިކޮށްލަން ބޭނުމޭ ބުނީމަ މިއުޅެނީ“ އިރަމްގެ މޫނަށް ބަލަހައްޓައިގެން ހުރެ އަމީރާ ބުންޏެވެ. ދޮގު ހަދަން ޖެހުމުން ހިސާބަކަށް ހުރީވެސް ފިނިވެފައެވެ. އިޔާން އެންމެ ރަނގަޅު ކަމަށް ބުނެ ފޯނު ބޭއްވުމުން އަމީރާއަށް ދޫކޮށްލެވުނީ ފިނި ނޭވާއެކެވެ. އޭރު އިރަމްވެސް ރުއިން ހުއްޓާލާފައި އަމީރާ ގެނައި މޭކަޕް ސާމާނުން ލުއި މޭކަޕެއް ކުރަމުންދިޔައެވެ. ލޮލުގެ ރަތްކަމާއި ދުޅަކަން ކޮންމެވެސް ވަރަކަށް ފޮރުވުނު ނަމަވެސް ރަނގަޅަށް ބަލާލައިފި ނަމަ އެނގޭވަރުވެއެވެ. އެ މަސައްކަތުން ނިމިގެން ހޯލާއި ހަމައަށް ދެވުނު އިރު ލަސްވެގެން މަޖުދާ ވެސް ނުކުމެ ހުއްޓެވެ.

”އިޔާންއާއި ބައްޕަ މިހާރު ފަންސާހަކަށް ފަހަރު އަހައިފި ތިންމީހުން ކޮބާތޯ.. މަންމަ ދޮގު ހަދާ ހަދާ ވަރުބަލި ވެއްޖެ“ މަޖުދާ ވެސް ހުރީ ހިސާބަކަށް ހާސްވެފައެވެ. އިރަމް ވަކި އެއްޗެއް ނުބުނެ މީރާންއާއި އެއްވަރަށް ހިނގާލާފައި އެތެރެއަށް ވަނެވެ.

”ކަމެއް ވެފަތަ އިރޫއަށް ؟ ހާދަ ގޮތަކަށް އެހުރީ؟ ލޯ ވެސް  ރަތް ހެން ހީވެ“ މަޖުދާއަށް އަހާނުލާ ނުހުރެވުނެވެ. އަވަސް އަވަހަށް އަމީރާ ދެފަޜާތައް ބޯހޫރުވާލިއެވެ.

”ދެންމެ ލޯ ހިރުވާތީ އުޅުނު..ފޮޓޯ ނަގަން ވެގެން  އަލުން މޭކަޕްވެސް ކޮށްގެން މިއައީ.. އެހެންވެ ލަސްވީ“ ދެވުނު ޖަވާބުގެ މޮޔަކަން އިހްސާސްވީ ޖަވާބު ދިން ފަހުންނެވެ. މަޖުދާ ދެލޯ ހަނިކޮށްލި ގޮތުން އެ ޖަވާބަކީ މާ ހަމަޖެހޭ ޖަވާބެއް ނޫންކަން މާބޮޑަށް ވެސް ޔަގީން ކޮށްދިނެވެ. ނަމަވެސް ސުޥާލެއް ނުކުރެއެވެ. ހީލަފާއި  އެތެރެއަށް ވަނުމަށް އަތުގެ އިޝާރާތުން ބުނެލިއެވެ.  އަމީރާގެ ހިތް ނުތަނަވަސްކަމުގެ ތެރެއިން ހަމަޖެހުމުގެ ނޭވާއެއް ބޭރުވިއެވެ.

ގަޑީން ބާރަ ޖެހުމާއި ގާތްވި އިރު ވިޝާމްއާއި ޒަންޔާގެ މޫނުމަތިން ފެންނަނީ ލޮޑުކަމެވެ. ތިބީ ތަނެއްގައި އިށީންދެލަން ބޭނުންވެފައެވެ. އެހެނަސް އަދިވެސް އާއިލާ މީހުންގެ ފޮޓޯ ނެގުން ދަނީ ކުރިއަށެވެ. މެހެމާނުންތައް މަދުވަމުން ގޮސް ގިނަ ބަޔަކު މާލެ ދިޔުމަށްޓަކައި ފާލަމަށް ދާންވަނީ ފަށާފައެވެ. ރިސޯޓުގަ މަޑުކުރާ މީހުންވެސް ލަސްލަހުން ހޯލުން ދޫކޮށް ދަމުން ގޮސް މާލަން މިހާރު ހުސްވަމުން ގޮސް ބާކީ ތިބީ ހަމައެކަނި ގާތް ތިމާގެ މީހުންނާއި ގާތް އެކުވެރިންނެވެ.

މަޖުދާގެ ފަހަތުން އަމީރާ ވެސް ގޮސް އިށީންދެލީ މުޅި ސްޓޭޖް ހާމައަށް ފެންނަން ހުރި ގޮނޑިތަކުން ހުސް ގޮނޑިއެއްގައެވެ. އޭރު ޒަންޔާގެ އާއިލާ ނިމި ވިޝާމްގެ އާއިލާ އަށް ޖެހިއްޖެއެވެ. ހައިކަލްއާއި އާމިލާއާއި އެކު ސަދަފް އާއި ޔުމާން ސްޓޭޖަށް އެރިއެވެ. މާއިން ނެތުމުން ވިޝާމް އަހައިލިއެވެ.

”އޭނަ ހުރީ ތެމި ފޯވެގެން .. އަޅާލާނެ ކަމެއް ނެތް އޭނާ ނެތަކަސް“ ޖަވާބު ދިނީ ހައިކަލްއެވެ. ހައިކަލް ހުރީ ހިސާބަކަށް ހިތްހަމަ ނުޖެހިފައެވެ. މާކުރިންވެސް އެގަޑިއަށް އައުމާށް މާއިން އަށް އޭނާ އެންގިއެވެ. އެންމެ ފަހަރަކު ނުނެވެ. ރިސޯޓަށް އައުމުގެ ކުރިން ފެށިގެން ޕާޓީގެ ވަގުތާއި ޖެހެންދެން ތަކުރާރްކޮށް ބުންޏެވެ. ނަމަވެސް މާއިން އަށް އެނގުނީ ވާރެއާއި ތެމޭށެވެ. ހައިކަލް ދެކުނީ އެއީ ވެސް އެ ހަފްލާގައި ބައިވެރި ނުޥާން މާއިން ޖެހި އުކުޅެއްކަމެވެ. އޭނާ ނެތުމުން ގާތް އެކުވެރިންވެސް ސުވާލް ކުރިއެވެ. އެހެނަސް އާއިލާގެ އަގު ހިފެހެއްޓުމަށްޓަކައި، އެ އެންމެންނަށް އެކަންތައް ފޮރުވުމަށް، ހައިކަލްއާއި އާމިލާއަށް ޖެހުނީ ދޮގުހަދާށެވެ.

އެ ފޮޓޯ ނެގިއިރު ވިޝާމްއަށް ބެލެމުން ދިޔައީ އަމީރާއަށެވެ. އެ ފޮޓޯގައި އަމީރާ ބަހައްޓަން އޭނާ އިންތިހާއަށް ބޭނުންވިއެވެ. ނަމަވެސް ގެންނާނީ ކީކޭ ކިޔާފައި ހެއްޔެވެ. ވިޝާމްއަށް ތުން ފިއްތާލެވުނެވެ. ކުރިމަތީގައި އެއަންހެންކުއްޖާ ހުރުމުން ވެސް ހިތައް ފިނިކަން ލިބެއެވެ. އެމީހުންގެ ފޮޓޯއަށް ފަހު ނާޔާއާއި ޔޫވީން އެރިއެވެ.

އެތައް ފޮޓޯއެއް ނެގުމަށްފަހު ހިތްހަމަ ޖެހޭ ވަރު ވުމުން އާމިލާ ގޮވާލީ އަމީރާއަށެވެ. ޔަގީން ނުވެފައި ހުރެ އަމިއްލަ މޭގައި އިނގިލި އެޅުނެވެ. އާމިލާގެ މޫނުމަތިން ފެނުނު ލޯބިވެތި ހިނިތުންވުމާއި ބޯޖަހާލި ގޮތުން އެއީ އަމީރާއަށް ދެވުނު ހާއްސަ ދައުވަތެއްކަން ޔަގީންވިއެވެ. އަމީރާ ޖެހިލުންވެފައި ހުރެ ކައިރީގައި ތިބި މަޖުދާއާއި އިޔާންގެ މޫނަށް ބަލައިލިއެވެ. އެމީހުންގެ މޫނުމަތިން ފެނުނީ އުފާވެރިކަމެވެ. ދެމީހުންވެސް އިޝާރާތް ކޮށްލީ އަވަހަށް ދިޔުމަށެވެ. އަމީރާއާއި ހެދި އާމިލާ އުޅޭގޮތް އެންމެންނަށް ވެސް އެނގޭތީ އެއީ މާބޮޑު ކަމަކަށް ނުހެދިއެވެ.

އެހެނަސް އެހިތްގައިމު މަންޒަރުން ނަފްރަތާއި ރުޅިވެރިކަމުން ފިހިފިހި ތިބީ ދުރުގައި ތިބި ޝާއިރާގެ ދެމައިންނެވެ.

”އެއީ ތަ އެ އަންހެން ގޮލާ؟“ ތުންފިއްތާލައިގެން ހުރި އިރު މަންހާ ހީވަނީ ރުޅިން ފިހި ދާނެހެންނެވެ. ޝާއިރާގެ ފުށުން ޖަވާބެއް ނާންނާތީ އެނބުރިލިއިރު ޝާއިރާގެ ދެލޮލުން އަލިފާން ކަނި ބުރަމުންދިޔައެވެ. އޭނާގެ ދެލޮލުން އަމީރާއަށް އަމާޒުވެފައިވާ ކޮޅެއްނެތް ހަސަދައިގެ ނަޒަރުން، މުޅި މާހައުލުގެ ފިނިކަން ކެނޑި، އުދާސްކަމެއް ވެރިވި ކަހަލައެވެ. އެ ނަޒަރުން ސްޓޭޖް މަތީގައި ތިބި ހައިކަލްއާއި އާމިލާގެ އާއިލާއި އެކު ފޮޓޯއަކަށް ހުއްޓިލައިގެން ހުރި އަމީރާ އަނދާ އަޅިއަށް ހަދާލަން އުޅުނު ފަދައެވެ. މަންހާ، އޭނާގެ އަތުގައި ކިތަންމެ ވަރަކަށް ހިފި ނަމަވެސް، ޝާއިރާ ހުރީ އެހެން ދުނިޔެއަކަށް ގެއްލިފައެވެ. ހީވަނީ އެތައް ދުވަހެއްގެ ޝިކާރަ ލޮލުގެ ކުރިމަތިން ފެނިގެން ބަލަހައްޓާއިގެން އިންހެނެވެ. އެހެން އިނދެފައި ނުރައްކާތެރި ގޮތަކަށް ހީލި އިރު، އެ ހީލުން ޝާއިރާގެ ލޮލާއި ހަމައަށް ފޯރިއެވެ. ހީވީ ރޭވުންތަކެއް ސިކުނޑީގައި ރާވާލި ހެންނެވެ.

”ފޮޓޯ ނަގަން ދާނަން؟ މަންމަ ފޮޓޯ ނަގައިފިން.. މަންހާ ނާންނާތީ އާޝިއު އާއި އެއްކޮން ނެގީ“

”އައްޗި، މަށެއް ނޫޅެން ނަގާކަށް..“ އާމިލާގެ އިޝާރާތްތައް ހުރިގޮތުން، ފޮޓޯ ނަގަން ގޮވަން އުޅޭކަށް އެނގި މަންހާ އެތާގައި ނުހުންނަން ނުކުމެގެން ދިޔައެވެ. ވިޝާމްގެ ކައިރީގައި އިތުރު އަންހެނެއް ހުއްޓާ އޭނާ ގޮސް ފޮޓޯ ނަގަން ކެތެއް ނުވާނެތާއެވެ. ޒަންޔާއަށް ހިނިތުންވެފައި ހުރެވޭނީ އެތަނުގައެވެ. ގެއަށް ދިޔުމުން އޭނާގެ ދިރިއުޅުން ނަރަކައަކަށް ހަދާލާނީ މަންހާއެވެ.

”މަންހާ ކީއްވެތަ އެދިޔައީ؟“ ޝާއިރާގެ ގާތައް ހުއްޓިފައި އާމިލާ އެހިއެވެ. އާމިލާ ހުރި ހިސާބަކަށް ހިތްހަމަ ނުޖެހިފައެވެ.

”މާ ގިނައިރު ކޮޅަށް ހުރުމުން ގައިގަ ރިއްސާތީއޭ ބުނީ“ ގަދަކަމުން ހިނިތުންވެލާފައި ޝާއިރާ ޖަވާބެއް ދިނެވެ. އެހިނދު އާމިލާގެ މޫނު އިހުނަށް ވުރެން ގޯސްވިއެވެ.

”ވިޝާމް އާއި ޒަން ނުވާ ވަރުބައްޔެއް މަންހާ ވާނެތަ؟ ގައިމު މިތަނުގައި މިތިބި އެހެން ކުދިން މަސައްކަތް ކުރި ވާރާއި ގާތައް ވެސް މަންހާ ކަމެއް ނުކުރޭ.. ޕާޓީއަށް އައި މީހަކޯ، އައިންސުރެން ކޮޓަރީގަ އޮވެފަ ޕާޓީ ނިމެން ކައިރިވީމަ އެ އައިސް ވަދެލީ.. އަހަންނަށް ހެޔޮ އެހެން ނަޔަސް! ޝާއިރާ ނިކަން ބުނެބަލަ ޕާޓީއަށް އައި މީހަކު އެހެން ހަދާނެތަ!“ އާމިލާ ވާހަކަ ދެއްކީ މަޑުންނެވެ. ނަމަވެސް އޭނާގެ ރުޅި އަންދާޒާ ކޮށްލެވުމުން ޝާއިރާ ހިސާބަކަށް ނުތަނަވަސްވިއެވެ. އާމިލާ ރުޅި އަރުވާލައިގެން ޝާއިރާގެ މަސައްކަތެއް ކާމިޔާބެއް ނުކުރެވޭނެއެވެ. އަނެއްކޮޅުން މަންހާއެވެ. ވިޝާމްއާއި އޭނާގެ އަންހެންނާއި އެއްކޮން ފޮޓޯ ނަގާކަށް މަންހާއެއް ނާންނާނެއެވެ.

”މަންހާ ހުރީ މިކޮޅަށް އައިއިރު ވެސް ވަރަށް ގަދަޔަށް ހުން އައިސް.. އަހަރެން ވެސް ނުކުމެ އުޅުނީ ބޭސްދީފަ  ވަރަށް ފެން އުގުޅާ ހަދާފަ.. ދޮންތަ ކައިރީގަ ނުބުނީ ހާސްވެދާނެތީ.. މަށައް ޔަގީން މަންހާ ބަލި ވާހަކަ ބުނީމަ ދޮންތަ އަންނާނެކަން.. އެކަމަކު މިހާ ބޮޑު އިވެންޓެއް ނިމޭ އިރު ދޮންތަ ކިހާ މުހިއްމުވާނެ.. އެހެންވެ ކައިގެން ނިމުނުތަނުން ތަންތާގަ ރިއްސާ ވާހަކަ ބުނީމަ މި ފޮނުވާލީ“ ނިޔަނެތި ކަމާއި އެކު ޝާއިރާ ވާހަކަ ދެއްކިއެވެ. އެހާ ވަރަށް ދޮގު ހެދި އިރުވެސް މޫނުމަތިން ޖެހިލުންވުމުގެ ކަންފުޅެއްވެސް ފެންނާކަށް ނެތެވެ. ޝާއިރާގެ ސިކުނޑީގައިވާ މޮޅު ރޭވުންގަނޑު އިޙްސާސް ނުވާހާލު އާމިލާގެ ހިތް މުޅިން މަންހާއާއި މެދު ސާފްވިއެވެ. ވަގުތުން އާމިލާގެ ރުޅި ފިނިވެގެން ދިޔައެވެ. އަދި ކަންބޮޑުވެފައި ހުރެ މަންހާގެ ހާލު އިތުރަށް އޮޅުން ފިލުވަމުން ދިޔައެވެ.

”ދެން އަރާމް ކޮށްލީމަ ރަނގަޅުވާނީވެސް.. އަހަރެމެން ފޮޓޯ ވެސް ނަގައިފިން.. މިހާރު މިދަނީ އިނގޭ މަންހާގެ ކައިރިއަށް ..ބަލިވެއްޖެޔާ ނިކަން ފީކަޅާ ވެސް މީހެއް އެއީ“ ހިނިގަނޑެއް ޖަހާލަމުން ޝާއިރާ ބުނެލިއެވެ. އިތުރަށް ދެކޮޅު ހެދުމެއް ނެތި އާމިލާ ވެސް ބޯޖަހައިލިއެވެ. ޝާއިރާ އެ ހިނިތުންވުމުގައި ހުރެ އެތަނުން ނުކުމެގެން ދިޔައެވެ.

”އެމީހުން ކީއްވެ އެދިޔައީ؟“ އާމިލާ އެނބުރި އައުމުން ހައިކަލް އެހިއެވެ. ޝާއިރާ ބުނެލި ގޮތައް މަންހާގެ ހާލަތު އާމިލާ ހިއްސާކޮށްލިއެވެ. ހައިކަލްގެ މޫނުމަތިން ވެސް ކަންބޮޑުވުން ފެނުނެވެ. ޕާޓީގެ ކަންކަން ނިމުނީމަ މަންހާގެ ހާލު ބަލާލަން ދާންވާނެކަމަށް ބުނެލުމުން އާމިލާ ހިތްހަމަ ޖެހުނެވެ. އޭނާގެ އެދުމަކީ ވެސް އޭނާގެ ހުރިހަމައެކަނި އާއިލާއާއި ހައިކަލް ގުޅުން ބަދަހިކުރުމެވެ.  ޝާއިރާގެ އުޅުން ހުންނަގޮތުން ހައިކަލް އަބަދުވެސް އޭނާ ދެކެ ހިތްހަމަ ނުޖެހޭކަން އާމިލާ ދަނެއެވެ.

ހުރިޙާ ބޮޑެތި މީހުން، ކުދިވެރިން ގޮވައިގެން ކާންވެގެން ނުކުތުމުން، ޒުވާނުންނަށް މައިދާން ހިތަކަށް ލިބުނެވެ. ދެން ފެށުނީ ކޮންމެ މީހަކު ވަކިންނާއި ޖޯޑުތައް ފޮޓޯ ނެގުމެވެ. ނާޔާއާއި ޔުމާން ނުކުމަތް ވަގުތު ބަލާފައި އިޔާންއާއި އަމީރާ ވެސް އެމީހުންނާއި އެއްކޮން ފޮޓޯއެއް ނެގިއެވެ.  އެހެން ބަޔަކަށް ފުރުސަތު ދެމުން ދެމީހުން އެއް ކައިރިވެލިއެވެ.

”މައި ޑޯޓަރ އިޒް ބެކް“ މާދުރުން ރޮމުން އައި ރީއާ ފެނި ލާނެތް ހިންޏެށް އަމީރާ ހީލިއެވެ.  އަމީރާގެ އުނގައް ވަދެވުމާއި އެކު އޭނަގެ ރުއިން ވެސް ހުއްޓިއްޖެއެވެ. ފަހަތުން އައި ނީޝަން ހުރީ މާ ނޭވާ ލެވިފައެވެ. ރީއާ ހަމަޖެހުނުތަން ފެނި ނީޝަން ވެސް އިތުރަށް މަޑުނުކޮށް ނުކުމެގެން ދިޔައެވެ.

”ދެން ދަރިފުޅު ވެސް ބައްޕިގެ ޓައިމް ކޮޅު އަތުލީއޭ ދޯ“ ތުން ފިއްތާލަމުން ރީއާގެ ކޮލުގައި ހިފާލާފައި އިޔާން ބުނެލިއެވެ. އެހެން ހެދުމުން ރީއާ ހީކުރީ އިޔާން އުރަން އުޅެނީ ކަމަށެވެ. ނުހަނު ބާރަށް އަމީރާގެ ކަރުގައި އޮޅިގަތެވެ. އަމީރާ ހިނިއައިސްފައި ހުރެ ބައްދާލިއެވެ. ތިންމީހުން ސިހުނީ އެދިމާލަށް ކެމެރާގެ ފްލޭޝް އެޅިގެން ދިޔުމުންނެވެ. އޭރު އެހެން މީހުންގެ ނަޒަރު ހުއްޓިފައިވީ އިރު ނެގުނު ފޮޓޯ ފުރިހަމަ ކަމުން ފޮޓޯގްރަފާރ ވެސް ނުހަނު ފޯރީގައި އެހެން މީހުންނަށް ދައްކަމުން ދިޔައެވެ. ލިބެމުންދާ ސަމާލުކަމުން އަމީރާ ދިޔައީ ލަދުން ވިރިގެންނެވެ.

”އިޓްސް އޯކޭ ބޭބީ“ އަމީރާއަށް ވަމުން ދިޔަ ގޮތުން އިޔާންއަށް ދިޔައީ ހެވެމުންނެވެ. ދެވަނަ ފޮޓޯ ނަގަން އުޅޭކަން އެނގުމުން އަމީރާއާއި ކުޑަކޮން ގާތްވެލާފައި ހުއްޓިލިއެވެ. މިފަހަރު އެހެންމީހުން ދިމާ ކުރުމުގެ ގޮތުން ހޯއްގޮވަމުން އަޑުން ހޯލް ގުގުމާލައިފިއެވެ.

“ދެން ދޭބަ ދުރަށް.. ނާޔޫ ދައްތަ އައިސްފާނެ“ ދެތުންފަތް ޖައްސާ ބާރުކޮށްގެން ހުރެ އަމީރާ ވާހަކަ ދެއްކިއެވެ.

”އެރަނގަޅުވާނެ.. ދޮންތަ ކޫލްވާނެ.. މިހާރު ވިޝާމްމެން ވެސް އެ ފޭބީ ދޯ…ޓްވެލް ވަންދެން ރީއްކޮ އެ ކެތްކޮށްލީ“ އަމީރާގެ ކޮނޑުގައި ބޯ އެޅި ގޮތައް ލަސްލަހުން ނިދެމުން ދިޔައީ ރީއާ ނަގަން އުޅުމުން އަމީރާ އެދުނީ ބޭއްވުމަށެވެ.

”ނިދި ބަރު ނުވަނީސް ނެގީމަ ކަމަކު ނުދާނެ.. ކޮބާ އިރޫ؟“ އިރަމް ފަހުން ނުފެންނާތީ އަމީރާ ހޯދާލިއެވެ. މާދުރުނޫން ހިސާބެއްގައި އެކަނިމާއެކަނި އިން އިރަމް ފެނިގެން އިޔާން ދައްކާލިއެވެ. މުޅިތަން ހަލަބޮލިވެފައިވާ އޮތް އިރުވެސް އިރަމްގެ ފުށުން ފެންނަނީ ހަމަހިމޭންކަމެވެ. ފުން ވިސްނުމަކަށް ގެއްލިފައިން ކަހަލައެވެ. އިޔާންގެ ނަޒަރު ދަތުރުކުރަމުން ދިޔައީ ސަދަފް ހޯދުމަށެވެ. މީހުންގަނޑުގެ ތެރެއިން އޭނާގެ ހިލަމެއް ނުވުމުން، ހިތަށް ލިބުނު ކުޑަ ހަމަޖެހުމަކާއެކު އަލުން އަމީރާއަށް ސަމާލުކަން ދިނެވެ.

”އަހަރެން އެއްޗެއް އަހާލަންތަ؟“ ރީއާ ގޮވައިގެން ގޮނޑީގައި ރަނގަޅަށް ހަމަޖެހިލަމުން އަމީރާ ސުވާލުކުރިއެވެ. އިޔާން ހ މަޑުމަޑުން ބޯޖަހާލިއެވެ.

”ޝެޑީ މެން ގޭގަ އުޅެއެއްނު އެހެން މީހެއް.. މާއިން ކިޔާ.. އެއީ ވަރަށް ގޯސް މީހެއްތަ؟“ އަމީރާ ކުރި ސުވާލުން އިޔާންގެ ނިތައް ރޫ ގިނަ ވިއެވެ.

”ކިހިނެތް ވީ؟ ކުއްލިއަކަށް ތި ސުވާލު ތިކުރީ؟“

”އައި ފީލް ވިއަރޑް.. މިރޭ ދިމާވި އޭނަ އާ.. އެއްކަލަ ސޭމް ސްޓުޕިޑް ފީލިންގ އެކްސްޕީރިއަންސް ކުރަން ޖެހުނީ އޭނާ ފެނުނީމަ ވެސް.. މާއިން އަހަރެންގެ ކުރިމަތިން ހުރަސްކުރިއިރު، ހުރީ ވަރަށް ފާޑަކަށް ބަލަން. އެކަމަކު ގިނައިރުތަކެއް ވަންދެން ބަލަން ހުރީ އިރޫއަށް“

“އިރޫ އޭ؟“ އިޔާން ސިހުނެވެ. އަމީރާ ބޯޖަހައިލަމުން އާއެކޭ ބުނެލިއެވެ.

”ދެން ޝެޑީ ވެސް ބުނި އޭނާއާއި ދުރުން އުޅެން“

”ސަދަފް؟ އޭނާއަށް ކިހިނެތް އެނގުނީ އެމީއާއި ދިމާ މާއިން ބެލިކަމެއް؟“

”އަހަންނާއި ޝެޑީ ދިމާވެގެން ވާހަކަ ދައްކަން ތިއްބައޭ މާއިން ވަދެގެން އައީ.. އެގަޑީގަ އޭނާ ބެލިކަން ސަދަފްއަށް އެނގޭނެ އެއްނު..އަނެއްކާ އެހާ ފާޑަކަށް ވިއްޔަ ބެލީ ވެސް.. ދެން ވަކިން އިން ގޮނޑިއެއްގަ މާއިން ގޮސް އިށީނީ..އެތާގަ އިނދެވެސް މާ ވަރަކަށް އެއް ދިމާލެއް ބަލާކަން ފާހަގަވެގެން އަހަރެން ބަލާލިން.. މަޖުއްތަ ކައިރީގަ އިރަމް ހުރީ ..އެގަޑީގަ އޭނަ ކަޅިޖަހާނުލާ ހުރީ އިރޫއަށް ބަލަން.. އެއީ ވީ ގޮތަކީ.. ސަދަފް ހަމައެކަނި ބުނީ އޭނާއާ ދުރުން އުޅުމަށް. އިތުރު ތަފްސީލެއް ނުދީ ޔުމާންބޭ ގޮވުމުން އޭނާ ހިނގައްޖެ“ އަމީރާ ތަފްސީލް ކޮށްދިނެވެ. އަމީރާގެ ވާހަކައިން އިޔާންގެ ނިތުގައި ވީ ރޫތައް ފިލައިގެން ދިޔަ ނަމަވެސް ނުބައި ރަނގަބީލެއް ސިކުނޑީގައި ޖަހައިލި  ކަހަލަ އިޙްސާސެއް ކުރެވުނެވެ.

”ސަދަފް ބުންޏަސް އެބުނީ ރަނގަޅު ވާހަކައެއް.. މާއިންއާއި ދުރުން އުޅެއްޗޭ.. މާކަމުދާ ގޮތަކަށް ނޫން އޭނާ އުޅެނީއެއް.“ އިޔާން ވާހަކަ ހުރިގޮތުން މާ ބޮޑަކަށް ތަފްސީލް ކޮށްދޭން ބޭނުންވެފައި ހުރިހެންނެއް ހިއެއް ނުވެއެވެ.

”އެކަމަކު މާއިންއާއި އިޔާ ކުރިން ކްލޯޒް ވާހަކަ އަހަރެން އަޑުއެހިން.. ދައްކަމުން ދިޔަ ވާހަކައެއްގެ ތެރެއިން އެއްދުވަހު މަޖުއްތަ އެހެން ބުނި..އޭރު މީނަ ނުވެސް ފެނޭ..މިރޭ އަލަށް ވެސް މިފެނުނީ“

”އެއީ ކުރީން.. އޭރު ވިޝާމްއާއި އޮންނަ ގާތްކަމުގައި ސަދަފްއާއި ވެސް އޭނައާއި ވެސް ކްލޯޒް ވާނެ .. އެކަމަކު އެދެމީހުންނާއި އެއްވެސް ގުޅުމެއް މިހާރު ނޯންނާނެ.. މަށައް ހެޔޮ ސަދަފްއާއި ކިތަންމެ ވަރަކަށް ވާހަކަ ދެއްކިއަސް އެކަމަކު މާއިންއާއި ނުދެއްކޭނެ! ޑޯންޓް އީވެން ތިންކް އެބައުޓް ސޭއިންގް އަ ވޯރޑް! ސާފު؟“ އިޔާން ބުނެލީ އިންޒާރެއް ފަދައިނެވެ. އެ މޫނުގައި ފެވިފައިވަނީ ހަރުކަށިކަމެވެ. އުފެދިފައިވާ ސުވާލު ހުރި ނަމަވެސް އިތުރަށް އަހަން އަމީރާ ޖެހިލުންވިއެވެ. އިޔާން ދެވަނަ ފަހަރަށް އޭނާގެ އިންޒާރު ތަކުރާރް ކޮށްލުމުން އަމީރާ ލަސްލަހުން ބޯޖަހައިލިއެވެ.

”އަދި އިތުރު ސުވާލެއް އެބައިން.. އެހެން ޓޮޕިކް އެއް އިނގޭ.. ބަޓް އެ ސުވާލު ކުރީމަ ރުޅި ނާންނާނެކަމަށް ޕްރޮމިސް ކުރޭ“ އަމީރާ ބުނެލީވެސް ހިސާބަކަށް ޖެހިލުން ވެފައި ހުރެއެވެ. އިޔާން ބޯޖަހައިލުމުން، އަހަން ނާހަން އިނދެފައިވެސް އޭނާ ސުވާލްކޮށްލިއެވެ.

”ޔަނާލްއާއި އިޔާންގެ ސްޓޯރީގެ އެކި ބައިތައް އިވުނީ… އަދިވެސް އަމިއްލައަށް އެވާހަކަ ނުފަށަމެންނު..އަހަރެން ބޭނުން ފެށިގެން ނިމެންދެން ތަފްސީލާއި އެކު ތި ޥާހަކަ އެނގެން… ސަމްހައު، އަހަންނަށް ފީލްވަނީ ޝެޑީ އިނޮސެންޓްއޭ.. އިޔާއަކަށް ހިއެއް ނުވޭތަ؟“ ތުންފަތް ހަފާލަ ހަފާލަ އިނދެފައި އަމީރާއަށް ބުނެލެވުނެވެ. އިސްޖަހާލައިގެން އިނީ އިޔާންގެ މޫނުމަތިން ހިތްހަމަނުޖެހުމުގެ އަސަރެއް ފެނިދާނެތީވެ ބިރުގަތްވަރުންނެވެ.

”މްމްމް މާލެ ދެވުނީމަ ތި ވާހަކަ ދައްކާނީ ދޯ… މިއީ އެކަހަލަ ވާހަކައެއް ދައްކަން އެންމެ އެކަށީގެންވާ މާހައުލެއް ނޫން“ އިޔާންގެ ޖަވާބުން އިސްއުފުލާލި ހިނދު، އެމޫނުން އަމީރާއަށް ފެނުނީ އޭނާ އުއްމީދު ކުރި ގޮތައް ތަބީއަތު ގޯސްވެފައިވާ މިންވަރެވެ. އިހުނަށް ވުރެން ބޮޑަށް ތުންފަތް ހަފާލެވުނެވެ. އަމީރާ ބޯޖަހައިލީ އިޔާންއަށް ފަސޭހަ ވީ ދުވަހަކުން އެވާހަކަ އަހާ އޮޅުން ފިލުވުމަށް ނިންމާފައެވެ. އިޔާންގެ ފުށުން އެ ޖަވާބު ނުހޯދިއްޖެނަމަ ސަދަފްގެ ގާތު އަހައިގެން ނަމަވެސް އޭނާ އޮޅުން ފިލުވާނެއެވެ. އިރަމް އުޅޭ ގޮތް ފެންނަނީ އޭނާއަށެވެ. ދެ ޒުޥާނުން އެކަކު އަނެއްކަށް ހިތް ދެވިފައި ވީއިރު އެދެމެދުގައި ޖެހިފައިވާ ކުނި ފިލުމުން ކޮންމެވެސް ދުވަހަކުން ގުޅޭނެތާއެވެ. އެފަދަ ދުވަހަކުން ދެން ހުންނަން ޖެހޭނީ އިޔާންއަށް އެނގިދާނެތީ އެކަމާ ސިހިސިހިއެވެ. މިޙާރުވެސް އެދެމެދުގައި ގުޅުމެއް ނުވާއިރު ވެސް އިޔާންއަށް ޝައްކުވެގެން އުޅޭހެން ހީވެގެން މިވަނީ އެކަމާއި ނުހަނު ވިސްނަން ޖެހިފައެވެ.

މަޖުދާ އާއި ނަދީމް ކައިގެން އައިސް ރީއާ ނަގައިގެން ދިޔައެވެ. ދެމީހުން އެއްކޮން ތިބުމުން މަޖުދާގެ މޫނުން ފެނުނު ލާނެތް ހިނިތުންވުން ނަގައިގަނެވުނީ އަމީރާއަށެވެ.  ލަދުން އިނދެފައި ވެސް މޫނުމަތިން ތަފާތެއް ދައްކާނުލާ އަމީރާ ތެދުވަތެވެ.

”މިދަނީ އިރޫ ގޮވައިގެން.. ދޭ މަންމަމެންނާއި އެއްކޮން“ އަމީރާ ބުނުމުން އިޔާން ބޯހަޖަހައިލިއެވެ. މަޖުދާމެންގެ ފަހަތުން އޭނާ ވެސް ދިޔައެވެ. ވަކި އެއްޗެއް ނުބުނެ އިރަމްގެ ގާތައް ގޮސް  އަތުގައި ހިފައިގެން އަމީރާ ދާންވެގެން ނުކުތެވެ.

ވިޝާމްއާއި ޒަންޔާގެ އިތުރުން މުޅި އާއިލާގެ އެންމެހައި މެމްބަރުންނަށް ކެއުމުގެ އިންތިޒާމު ކުރިން ހަމަޖެހިފައި އޮތީ، ހޯލުގެ ފުރަގަހުގައި އޮތް ހިތްގައިމު ދޮންވެލި ތުނޑީގައެވެ. ރާޅުޖަހާ އަޑާއި، އަރާމް ފިނި ރޯޅިތަކުގެ ތެރޭގައި އެ ވަގުތު ހޭދަކޮށްލުމަކީ އެންމެންގެ ވެސް އުއްމީދެވެ.   ނަމަވެސް މޫސުން ގޯސްވެފައި ޥާތީ ރޭވި ރޭވުމާއި އެއްގޮތައް ކުރިއަކަށް ނުދިޔައެވެ. ތަޤުދީރުގެ ނިންމުމާއެކު، އެންމެ ފަހުން އެންމެން ބައްދަލުކުރަން ޖެހުނީ އާއިލީ ރެސްޓޯރެންޓުގެ ހިމޭން މާޙައުލުގައެވެ. ބަގީއެއްގައި އެހިސާބަށް ފޯރުނު އިރުވެސް އިރަމް ވާހަކަ ނުދެއްކިއެވެ.

”އިރޫ.. ދެން ކުޑަ ސްމައިލްއެއް މޫނަށް ވެރިކޮށްލަބަ.. މަޖުއްތަ މިހާރު އަހައިފި އިރޫއަށް ކިހިނެތް ވެފަހޭ ވެސް.. އަހަންނަކީ އެއް އިރެއްގަ ވެސް ދޮގުހަދަން އެހާ މޮޅު މީހެއްނޫން..“ އަމީރާ ވާހަކަ ދެއްކީ ރެސްޓޯރެންޓްގެ އެތެރެއަށް ވަދެވުމުންނެވެ. އެއާއިއެކު މަޖުބޫރުވެފައިވާ މީހަކު ފަދައިން އިރަމް ހިނިތުންވުމެއް ވެރިކޮށްލިއެވެ.

“އެމީ.. ކަމެއް ކޮށްދެވޭނެތަ؟“ އިރަމް އެހުމުން އަމީރާ ބޯޖަހައިލިއެވެ.

”މީ، އޭނަ ކައިރީގަ ބުނެބަ އިރޫ ބުންޏޭ ސޮރީއޭ.. އައި ޖަސްޓް ކޭންޓް“

”އެކަމަކު އިރޫ ވާހަކަ ދެއްކީމަ އެއްނު ތީތީ ސޯލްވް ވާނީ.. އަހަރެން ތިވާހަކަ ގޮސް ޝެޑީ ކައިރީގަ ބުނީމަ ކޯއްޗަކަށްތަ ވާނީ! އިރޫ މޮޔަތަ އަޅެ!“ އަމީރާ މަސައްކަތް ކުރީ އިރަމްގެ ވިސްނުން ބަދަލުކުރެވޭތޯއެވެ. ނަމަވެސް ދެފަރާތަށް ބޯހޫރުވާލިއިރު، އޭނާގެ ދެލޮލުގައި ބަބުޅަމުންދިޔަ ކަރުނަ ތިކިތައް ފެނި އަމީރާގެ ހިތަށް ބަޔާންކުރަންދަތި އަސަރެއް ކުރިއެވެ. އިތުރު ބަހެއް ބުނުމުގެ ބަދަލުގައި، އަވަސް އަވަހަށް ބޯޖަހާލީ އެކަމަށް އެއްބަސްވުމުގެ ގޮތުންނެވެ.

”މިދެމީހުން މިއައީ އެންމެން ކައި ނިމުނީމަ ދޯ.. އަވަހަށް އެއްޗެއް ކާލައިގެން ނިދަން ދާން ހިނގާ “  ނާޔާއަށް އިރަމްއާއި އަމީރާ ފެނުމުން ތައްޓަކަށް ކާއެއްޗިހި އަޅާދޭން ފެށިއެވެ.

***

ވިޝާމްއައި ޒަންޔާއަށް ހާއްސަ ކުރެވުނީ ރިސޯޓުގައިވާ ވިޝާމްގެ ހާއްސަ ވިލާއެވެ. އެއީ ރިސޯޓުގެ އެންމެ ފުރިހަމަ އެއް ’ވޯޓާރ ވިލާ‘ ވެސްމެއެވެ. ފާލަމުގެ މަތިން ބަގީ ދަތުރު ކުރަމުން ދިޔައިރު ދެޒުވާނުން މެދުގައި  އޮތީ ހަމަހިމޭންކަމެވެ. ބަގީ ދުއްވަން އިން ސްޓާފް، އާދެވިއްޖެ ކަމުގައި ބުނުމުން ދެމީހުން ވެސް ފޭބިއެއެވެ. އެއާއި އެކު އިތުރަށް މަޑުނުކޮށް އޭނާ ވެސް ގޮސްފިއެވެ. ހަމަހިމޭން މާހައުލުގައި ދެމީހުން އެކަނިވީއެވެ.

ވިޝާމްގެ ފަހަތުގައި ހުރެ އެތެރެއަށް ވަންނަން ދިޔައިރު އާދަޔާއި ހިލާފް ބާރު މިނެއްގައި ހިތްތެޅެމުން ދިޔައެވެ. ބައިމަތިފުޅާ ވަރުގަދަ ހަށިގަނޑު ފަހަތުން ފެންނަމުން ދިޔައިރު ވެސް ޒަންޔާގެ އެތެރެހަށި ގަނޑުބަޑުވަމުން ދިޔައެވެ. ވިސްނަމުން ދިޔައީ ކޮޓަރިއަށް ވަދެވުމުން ވާނެ ގޮތަކާއި މެދުގައެވެ. ކޮންމެ ގޮތެއް ވިޔަސް ކައިވެނި ކުރެވުނީ ވިޝާމްއެކޭ އެއްފަދައިން އޭނާ ވެސް އެކަމާއި ފުރިހަމަ ރުހިގެންނެވެ. އެއްވެސް މަޖުބޫރު ކަމެއް ނެތިއެވެ.

ކައިވެންޏަށް އެއްބަސްވި ދުވަހުން ފެށިގެން، ވިޝާމް ދިޔައީ ދެމީހުންގެ ދެމެދުގައި އޮތް ގުޅުން ބަދަހިކުރުމަށް ނުހަނު މަސައްކަތް ކުރަމުންނެވެ. ޒަންޔާވެސް އެކަމަށް އެއްބާރުލުން ދެމުން ދިޔައެވެ. ތަފާތު ކައިވެންޏަކަށް ވިޔަސް، އެ ކައިވެނި ވެވިއްޖެއެވެ. މިހާރު އޭނާއަކީ ވިޝާމްގެ ހަލާލް އަނބިމީހާއެވެ. ދެމަފިރިއެއްގެ ގޮތުގައި އެކަހެރިވާ ފުރަތަމަ ފަހަރަށް ވީ ނަމަވެސް، ޝަރުޢީ ހަމަތަކުގެ މަތިން ފިރިއެއްގެ ޙައްޤުތަކަށް އިޖާބަދިނުމަކީ އޭނާގެ މައްޗަށް އޮތް ވާޖިބެކެވެ. މިރޭ ވިޝާމް އެދެފިނަމަ، ހިތް ނުތަވަސްވެފައިވާ ކަންތަކާއި ވެސް ޖެހޭނީ ކުރިމަތިލާށެވެ. ފިރިމީހާގެ ޙައްޤުތަކަށް އުޒުރުވެރި ވެއްޖެނަމަ، މާތްﷲގެ ހަޟްރަތުގައި ފާފަވެރިވާނެކަން ޒަންޔާގެ ހިތުގެ ކޮންމެ ވިންދެއް ހަނދާންކޮށްދެމުން ދިޔައެވެ.

ކައިވެނީ ފުރަތަމަ ރޭ ކޮންމެ އަންހެން ކުއްޖަކުވެސް އެކަމާއި ވިސްނާނެތާއެވެ. ދުވަހަކުވެސް ފިރިހެން ކުއްޖެއްގެ ގައިގާ އިނގިލި ކުރި ވެސް ބީއްސާލާފައި ނުވާއިރު އެފަދަ އެއްޗެއް ހިތައް އެރިއަސް ހީވަނީ މޭގެ ތެރޭގައި ގަދަ ފިނީގެ އޮއިވަރުތަކެއް އެއްފަހަރާ  ދައުރުވަމުންދާ ހެންނެވެ.

ވިޝާމް ފެނުމުން ލަދު ގަންނަމުން ދިޔައީ ވެސް އިންތިހާއަށެވެ. ހަނދާންވީ ދެދުވަސް ކުރިން އޭނާ އާއި ވަކިން ބައްދަލް ކޮށްފައި ވިޝާމް ބުނި ވާހަކަ ތަކެވެ.

……..

ކައިވެންޏާއި ބެހޭގޮތުން ވިޝާމް ވާހަކަ ދައްކާލަން ބޭނުންވާ ކަމަށް ބުނުމުން ޒަންޔާ އާ ބަސް ދިނެވެ. އަށެއް ޖެހުމާއި ގާތްވެފައި ވަނިކޮން ވިޝާމް އެރޭ ބަލާ އައުމުން ޒަންޔާ ގެއިން ނުކުތެވެ. ވިޝާމް ވާހަކަ ދައްކަން ބޭނުންވީ ރެސްޓޯރެންޓަށް ގޮސްފައި ކަމަށް ބުނުމުން ޒަންޔާ ވެސް ދެވެންދެން އެވަގުތުކޮޅުގެ އިންތިޒާރުގައި އިނެވެ. ހަލަބޮލި ވެފައިވާ މާހައުލު ދޫކޮށް ވިޝާމް އިހްތިޔާރުކުރީ ވީއައިޕީ ސަރަހައްދު ޕްރައިވެޓް ކޮޓަރިއެކެވެ. އެތެރެއަށް ވަތްއިރު ދެފަރާތައް ހުރި އަރާމް މަޑު ސޯފާގެ މެދުގައިވާ މޭޒުމަތީގައި ކުރިން ބައިން ކާއެއްޗިހި ގެނެސް އަތުރާފައި ހުއްޓެވެ. ތަނުގައި ވަނީ އެތަނެތީގެ މީރުވަސް ހިފާލާފައެވެ. ދެޒުވާނުން އިށީނުމުން އެމީހުންގެ ހިދުމަތުގައި މަޑުކޮށްގެން ހުރި ނޯކަރު ވެސް ނުކުމެގެން ދިޔައެވެ.

ނުކައި އާދެވުމުން ބަނޑުހައިކަން އިޙްސާސް ކުރެވިފައިވާ ނަމަވެސް ކާން ނުފެށި މަޑުކޮށްގެން އިނީ ވިޝާމްގެ އިޝާރާތަކަށް ބަލަބަލާއެވެ.

”ކައިގެން ދޯ ވާހަކަ ދައްކާނީ.. މޭކް ޔޯސެލްފް ކޮމްފޯޓަބަލް“ ވިޝާމް ހީލުމުން ޒަންޔާ ވެސް ރައްދުގައި ހީލިއެވެ. ދެމީހުން ކަމުން ދިޔައިރުވެސް ދެމެދުގައިވަނީ ހަމަހިމޭންކަމެވެ. ބަނޑުހައި ވެފައި އިންނަމަވެސް ޒަންޔާއަށް މާގިނައިން ކާކަށް ނުކެރުނެވެ. ކާތަކެތި  ނުބައީއެއް ނޫނެވެ. އެއީ މިހާތަނަށް އޭނައަށް ކެވުނު އެންމެ މީރު އެއް ކެއުންވެސް މެއެވެ. ނަމަވެސް ކުރިމަތީގައި ވިޝާމް އިނުމުން ކާން އުނދަގޫވީއެވެ. ނަތީޖާއެއްގެ ގޮތުން ވިޝާމްއަށް ވުރެން އަވަހަށް އޭނާ ނިންމާލެވުނެވެ.

”ހާދަ ކުޑަކޮން.. މަ އިނީމަ ބިރުންތަ؟ ނޫނީ ލަދުންތަ؟ އެހެން ނުހަދާ ރަނގަޅަށް ކައްޗޭ“ ޒަންޔާގެ ތަބީއަތު ދެނެގަނެވިގެން ވިޝާމް ވާހަކަ ދެއްކީ ގާތްގޮތަކަށެވެ. ތަންކޮޅެއް ގިނައިން ހީލައިގެން އިންނަން ފެށިއެވެ.

”ނޫނޭ.. މި ހަމަ އާންމުކޮން ކައި އުޅޭވަރު“ ޒަންޔާ ޖަވާބު ދިނެވެ. އެހެންހޭ ބުނެ ވިޝާމް އެއްޗެއް ނުބުނެއެވެ. އޭނާ ދައްކަން އުޅޭ ވާހަކައިގެ އިންތިޒާރުގައި ޒަންޔާ އިނީ ކެތްމަދުވެފައެވެ. ނަމަވެސް  މޫނުމައްޗަކުން އެކަމެއް ނުދައްކައެވެ.

”ސޯ ވަރަށް ބޮޑު ވާހަކައެއް ދައްކަން އަސްލު މިގެނައީ .. މި އިންނަނީ ފަށޭނެ ކޮޅެއްވެސް ނޭނގިފަ..“

”އޯކޭ ވާނެ ސިމްޕަލްކޮން ކިޔާދިނަސް.. އަލަށް ދިމާވެގެން އުޅޭ ދެމީހުންނަށް ވެފަ ކުއްލިއަކަށް ލައިފް ކިޔައިދޭންވީމަ ސާރކަމްސްޓެންސް ތަކެއް ހުންނާނެ.. ދެން ލައިފް ކުރިއަށް ދާވަރަކުން އެކަކު އަނެއްކަކާއި ބެހޭ ގޮތުން ކިޔައިދެމުން ދިޔައީމަ އޯކޭވާނެ.. އެކަމަކު ދޮގާއި ނުލާ ތެދަށް.. އޭރުން މައްސަލަ ނުޖެހޭނީ.. އައި ވޯންޓް ވަރަށް ސްމޫތް ކޮން ދާން.. މިހެން ބުންޏަސް އަންނާނެ އަޕް އެންޑް ޑައުންސް ދޯ…ބަޓް އިފް ވީ ޝެއަރ، އިފް ވީ ލިސަން، އެއީ މާ އުނދަގޫ ކަމެއް ނޫން ސޯލްވް ކުރާކަށް..ސިމްޕަލް“ ޒަންޔާ ޥާހަކަ ދެއްކިއެވެ. އެޖަވާބު ވެގެންދިޔައީ ވިޝާމްއަށް ޒަންޔާ ކަމުދިޔަ އެންމެބޮޑު ސަބަބަށެވެ. އެހާ ޅައުމުރުގައި ވެސް އެފަދަ ހަރު ވިސްނުމެއް ޒަންޔާގެ ކިބައިގާ ހުރުމުން ހިތާއި ހިތުން ތައުރީފް ކޮށްލެވުނެވެ.

”ތޭންކިއު..ތޭންކިއު ސޯ މަޗް.. މިޙާރު ވެސް ހީވެއްޖެ ޒަން އާއި އެއްކޮން އުޅުމަކީ މާ އުނދަގޫ ކަމެއް ނޫންހެން..“

”ހެހެހެ.. ސިމްޕަލް ލައިފް އެއީ އެންމެ ސްޓްރެސް ތަކާއިވެސް ދުރު ލައިފް“ ޒަންޔާ އަނެއްކާ ވެސް ޖަވާބުގައި ބުނެލިއެވެ.

”އެގްޒޭކްޓްލީ“ ވިޝާމްއަށް ލިބުނު ހިތްހަމަ ޖެހުމާއިއެކު ހީލެވުނެވެ. ލިބުނު ހިތްހަމަ ޖެހުމާއި އެކު، އޭނާ ދައްކަން އައި ވާހަކަ ފެށިއެވެ.  ”އަސްލު ވަރަށް ހައިރާންވި، އެންމެ ނައިޓީން.. އެހެންނު؟ ކީއްވެ މަންމަ އާއި ބައްޕަގެ އަތްމައްޗަށް ކައިވެނީގެ ކަންތައް ދޫކޮށްލީ؟އަދި ހާދަ ޔަންގްއޭ އެފަދަ ފިޔަވަޅެއް އަޅަން.. މިބުނީ މަށައް ޔަގީން ޒަން ބޭނުންވާނެ އެތައް ފިރިހެނެއް އުޅޭނެކަން..“

ވިޝާމްގެ ވާހަކަ އިވި ޒަންޔާއަށް ދޫކޮށްލެވުނީ ފިނި ނޭވާއެކެވެ. ވަކި އެއްޗެއް ނުބުނެ ޒަންޔާ ހިމޭންކަން އިޙްތިޔާރް ކުރިއެވެ.

”ޔާހް.. ވަރަށް ޔަންގް.. ތިބުނިހެން އެންމެ ނަވާރަ އަހަރު.. އަޑު އަހާފަ ކަންނޭގެ އޮންނާނީ އެމީއާއި ބައްދަލުވުމުގެ ކުރިން އަހަރެން އުޅުނު ގޮތް …ވަރަށް އެހެން ކަހަލަ ގޮތަކަށް، ލައިކް މިހާރު މި ފެންނަ ޒަންޔާ އެއް ނޫން އޭރު މިއީ.. ކޮންޕްލީޓް ޑިފަރެންޓް ޕާސަން.. ބޮޑު ކަމަކާއި ގޯ ތްރޫ ކުރަމުން ގޮސް ވަރަށް ބޮޑަށް މެންޓަލީ އިލްވެފަ ހުރީ.. އެހެން ހުއްޓަ ބައްޕަ ބުނީ ކަމުދާ ކުއްޖަކު ހުރިއްޔާ ކައިވެނި ކުރަންވީނުހޭ.. އަހަރެން ބޭނުމެއް ނުވި އަމިއްލައަށް އެ ސްޓެޕް ނަގާކަށް… އެފަދަ ކަމަކަށް ސްޓްރެންތެއް ވެސް ނެތް.. އެހާ ވޯސް ވެފަ ހުއްޓަ ކިހިނެތް އެނގެނީ އަހަންނަށް ނެގެނީ އެންމެ ރަނގަޅު ޑިޒިޝަނަށް ވެދާނެ ކަމެއް ވެސް.. ސޯ އެމީހުންގެ އަތް މައްޗަށް ދޫކޮށްލީ.. ދެން ބައްޕަ މި ކައިވެނީގެ ވާހަކަ ދެއްކީމަ އަހަރެން ބުނިން މައްސަލައެއް ނެތް ވާހަކަ.. އެހެންނޫނަސް، މަންމައާއި ބައްޕަ ނުނިންމާނެ އެންނު ދަރިއަކަށް ދެރައެއް ލިބޭ ފަދަ ނިންމުމެއް.. އައި ޓްރަސްޓް ދެމް، މޯރ ދޭން މައި އޯން ސެލްފް“ ޒަންޔާ ކިޔައިދިނެވެ.

”ޔޫ އަރ ސޯ ބްރޭވް… ބައްޕަމެން ފަރާތުން އެހިން ބޮޑު ކަމަކާއި ގޯ ތުރޫ ވާހަކަ.. އަދި ކިއައިދޭނެ ކަމަށް ހީކުރަން.. އަމް އަ ގުޑް ލިސަނަރ“

ކޮންމެވެސް ވަރަކަށް އަމިއްލަ ދިރިއުޅުމުން ބައެއް ވިޝާމް، ޒަންޔާއަށް ހިއްސާކުރިއެވެ.

”އަހަރެންގެ އެކްސް އެއް ހުންނާނެ.. ހީވަނީ ޒަންއަށް އޭނާ ފެންނާނެހެން ވަރަށް އަވަހަށް.. އެއީ، އެކްސް އަކީ އަހަރެންގެ ކަޒިންއެއް“ އެހިސާބަށް ބުނެލިއިރު ޒަންޔާގެ މޫނުން ސިހުން ފެނުނު ނަމަވެސް ޝައުގުވެރިކަމާއިއެކު އަހަން އިނެވެ. އެ މޫނުމަތިން ހިތްހަމަ ނުޖެހުމުގެ އަސަރެއް ނުފެންނާތީ އެކަމުން ހިތްވަރު ލިބި ގަނެ ވިޝާމް ވާހަކަ ކުރިއަށް ގެންދިޔައެވެ.

”އޭނާގެ އަނދިރި ފަރާތް އަހަންނަށް އެނގުނީމަ އަމިއްލައަށް އޭނާ ދޫކޮށްލީވެސް .. ވަރަށް ބޮޑަށް ލޯބިވީން .. އެކަމަކު ވެސް އޭނަ ދޫކޮށްލެވުނު ދުވަސް އެއީ ހަޔާތުގައި އެންމެ އުފާވި ދުވަހޭ ބުންޏަސް ދޮގަކަށް ނުވާނެ.. އެދުވަހު އެ ފިޔަވަޅު ނެގުނީތީ އަމިއްލަ ނަފްސާއި މެދު ވަރަށް ބޮޑަށް ފަޙްރުވެރިވޭ… އެހުރިހާ ކަމެއް މަޑުމަޑުން ކިޔައިދޭނަން.. އެކަމަކު ދުވަހެއްގެ ކޮޅުން ވެސް އޭނައާއި ވާހަކަ ނުދައްކާނެ ކަމުގެ ޔަގީންކަން ދެން.. ކީކޭ ހިތައް އަރަނީ މިހާރު؟“

”ހަމަ ކޫލް.. އެކަމަކު ކޮންމެ ގޮތަކަށް ކުރެވޭ ކައިވެންޏެއް ނަމަވެސް ތިންވަނަ މީހެއްގެ ރޯލް އަހަރެން ނުކުޅޭނަން..  ފަހުންވިޔަސް އޭނަގެ ގާތައް ދާ ކަހަލަ ވިސްނުމެއް އެބަހުރިތަ؟“

’ނެވާރ!.. އެކަހަލަ އެއްވެސް ވިސްނުމެއް ނެތް… ވަރަށް ހާލުން އެހުރިހާ ކަމަކާއި ވިސްނި ވިސްނުމާއި ވެސް ދުރުވެވުނީ.. އޭނާ ފެނުނީމަ ގޮތަކަށް އުނދަގޫވޭ..އެކަމަކު ޔަގީނުން ބުނަން އެނގޭ ކުރިންވީ ލޯތްބެއް ނުވޭ، ހަމަ ގަދަ ފަދަ ރުޅިއެއް އަންނަނީ.. އަނެއްކޮޅުން އިޔާން އާއި ސަދަފް މާ ކުރިން ބުނެފަ އޮތީ އެފަރާތައް މޫނު ދިމާ ކޮށްލިޔަސް ގުޅުން ކަނޑާލާނެ ކަމަށް.. އެދެމީހުންނަށް އެނގޭނީ މަންހާއާއި ގުޅުމެއް ބޭއްވިކަން ވެސް.. އެކަމެއް ވީފަހުން ތިން އަހަރުވެ ހަތަރު އަހަރަށް އެޅުނީ ދެން ގާތް ގަނޑަކަށް“ ވިޝާމް ބަލައިލި އިރު ޒަންޔާގެ މޫނުމައްޗަކުން ތަފާތު ކުލައެއް ނުފެނެއެވެ.

”ވަރަށް އުފާވެއްޖެ ތެދުތެދަށް ބުނެދިނީމަ.. ވިޝާމްގެ ސައިޑް ބުނެދިނީމަ އަހަރެންގެ ސައިޑް ވެސް ކޮންމެވެސް ވަރަކަށް ބުނެދޭން ވާނެ އެންނު.. ދުވަހަކުވެސް މީހަކާއި ރައްޓެއްސެއް ނުވަން.. އެކަމަކު މީހެއް ދެކެ ލޯބިވީން.. ވަރަށް ބޮޑަށް.. އެކަމަކު އެއީ ވާން ނެތް ކަމެއް.. އެކަމާއި އުޅުނަސް ވެގެންދާނީ ދުނިޔޭ ލަދަކައް.. އެހެންނޫނަސް އޭނާ ލޯބިވަނީ ވެސް އެހެން ކުއްޖަކު ދެކެ.. “ ޒަންޔާގެ ކިޔައިދިނެވެ. މޫނުމަތިން ހިސާބެއްގެ މާޔޫސްކަމެއް ފެންނަމުން ދިޔަ ނަމަވެސް އެ ހިނިތުންވުން މޫނަކުން ނުފޮރުވެއެވެ.

”އެއީ ކާކުބާ؟ މްމް، އަދިވެސް ލޯބިވޭތަ؟ “ ވިޝާމް އަހައިލިއެވެ. އެސުވާލަށް ޖަވާބު ނުދެވިފައި އިރުކޮޅަކު އިނދެވުނެވެ.

”ވިޝާމް ބުނިހެން އަހަރެންވެސް ވަރަށް މަސައްކަތުން އެހިޔާލާއި ދުރުވެފަ މިހުރީ.. ކުޑަކޮން ވިސްނޭ ބައެއްފަހަރު.. އެކަމަކު ދެން މިއީ ރޭގަނޑު ފަދައިން އެއީ ނުވާނެ ކަމެއްކަން އެނގޭ އިރު، އެކަމާ ބޮޑަށް ވިސްނާ ފިކުރު ކުރުމުގެ މާނައެއްވެސް ނެތެއްނު .. ނަން ބުނެލާނަން އަދި ފަހުން.. ބަޓް ޑޯންޓް ވޮރީ.. އެހުރިހާ ކަމަކާއި ވިސްނުން އެއްކައިރި ކޮށްލާފައި އަހަރެން ވެސް މި ކައިވެންޏަށް އާންބަސް ދިނީ ދިރިއުޅުން ކޮޅަށް ޖެހުމަށް ބޭނުންވާތީ.. ބޭނުންވަނީ ލައިފްއާއި ގެން ކޮންޓިނިއު ކުރަން“ ދެއަތް ދެއަތާއި ގުޅުވާލަމުން ޒަންޔާ ވާހަކަ ދެއްކިއެވެ. ވިޝާމްގެ ކުރިމަތީގައި އިނދެ އެހާ ހަމަޖެހިގެން އެވާހަކަ ދެއްކުނީތިވެސް ޒަންޔާ ހައިޜާންވިއެވެ. ނަމަވެސް އިތުރު މީހަކަށް ކިޔައިދީފައި ނުވާ ވާހަކަ ތަކެއް ކަމުން، އެވާހަކަތަކަށް ފަހު ހިތައް ފަސޭހަކަމެއް އިޙްސާސް ވަމުން ދިޔައެވެ. ސިކުނޑީގައިވާ ފިކުރުން ބައެއް އުނިވެއްޖެހެން ވެސް ހީވިއެވެ.

”ސޯ ދެމީހުންގެ ފަރާތުން ނޭނގި ހުރި ކަންކަން ކައިވެންޏަށް ފަހު ވާހަކަ ދައްކައިގެން އޮޅުން ފިލުވާނީ ދޯ.. ޒަން ބުނި ހެން “ ވިޝާމް އަނެއްކާ ވެސް ހީލިއެވެ. ޒަންޔާވެސް ބޯޖަހާލާފައި ހިނިތުންވުން ފުޅާކޮށްލިއެވެ.

“ އެނގޭތަ، އަހަރެންގެ މަންމައާއި ބައްޕަވެސް އެއީ އެރޭންޖް މެރިއޭޖްއެއް..މާމަ ނިޔާވިތާ މާގިނަ ދުވަހެއް ނުވޭ ކާފައަށް ކެންސަރ ޖެހިފަ ކަން އެނގުނީ.. އެނގުނު އިރުވެސް ހަތަރުވަނަ ސްޓޭޖްގަ ހުރީ.. ކާފަ ނިޔާވުމުގެ ކުރިން ބޭނުންވި ބައްޕަގެ ކައިވެނި ކުރަން … ވީހާވެސް ބޮޑަށް ކާފަ އުފާކޮށްދޭން ބައްޕަ ބޭނުންވީ… އެހެންވެ އަމިއްލައަށް ޕާޓްނާރ އެއް ނުހޯދާ ކާފަ ބުނާ ކޮންމެ މީހަކާއި ވެސް އިންނަން އާންބަސް ދިން.. ދެން މަންމަ ފަރާތުގެ ކާފަ އާއި އޮންނަ ގާތް ގުޅުމުން ކައިވެނި ހަމަޖެހުނީ.. ބައްޕައަށް މަންމަ ފެނުނު ފުރަތަމަ ދުވަހުވެސް ލައިކް ވި ކަމަށް ވަނީ.. މަހެއް ވީ ތަނާ ރަނގަޅަށް ފޯލް ވެވި  ދެމީހުންނަށް ތިބީ ލޯބިވެވިފަ.. އޭގެ މަހެއް ފަހުން ކައިވެނި ކުރެވުނީ .. ބަލާ ލޯބިކަން މިހާރު.. މާޝާﷲ، މީހަކު ނުބުނާނެ އެއީ އެރޭންޖް މެރިއޭޖް އެކޭ ވެސް.. ނޫން ތަ؟“

”ރިއަލީ؟ ދައްތަ އާއި ބޭބެ، އެރޭންޖް މެރިއޭޖް؟“ ވިޝާމްގެ ވާހަކައިން ޒަންޔާއަށް ކުޑަވަރެއްގެ ޝޮކެއް ލިބުނެވެ. އަނގަމަތީގައި އަތް އެޅުނު އިރު ގަބޫލް ކުރަންވެސް ދަތިވިއެވެ. ވިޝާމް ބުނާ ހެން ހައިކަލްއާއި އާމިލާ އުޅޭ ގޮތުން އެއީ  އެފަދަ ކައިވެންޏެއް ހެން އެއްގޮތަކަށް ވެސް ހިއެއް ނުވެއެވެ. އުޅެނީ އެހާ ވެސް ލޯބިންނެވެ. ގެއަށް ޒިޔާރަތް ކުރާ މީހުންނަށް ވެސް ދެމެދުގައި އޮންނަ ލޯބި ހާމަވާނެއެވެ. ވިޝާމް ހިނިއައިސް އިނދެ ބޯޖަހައިލިއެވެ.

”ނޭނގޭތަ؟ ޒާހިރްބެ ނުކިޔާތަ؟“ ވިޝާމް އަހައިލިއެވެ. ޒަންޔާ ބޯޖަހައިލަމުން އާއެކޭ ބުނެލިއެވެ.

”ދެމީހުންވެސް ބޭނުންވަނީ ލައިފް ކޮންޓިނިއު ކުރަން.. މާޒީ ހަނދާން ނައްތާލާފަ އާފެށުމަކުން ފަށަން..އައި ތިންކް އިފް ވީ ޓްރައި ލިލް ހަރޑަރ، މާ ގިނަ ދުވަހެއް ނުނަގާނެ ކަންނޭގެ ފޯލްވާކަށް.. ލެޓްސް ވޯކް އޮން އިޓް..ބޭނުމެއްނޫން މާ ގިނަ ދުވަހެއް ވޭސްޓް ކުރާކަށް“ ވިޝާމް އަތް ހިއްލާލާފައި ދިއްކޮށްލިއެވެ. އިރުކޮޅަކު މަޑުކޮށްލުމަށްފަހު ފުރިހަމަ ހިނިތުންވުމަކާއި އެކު އެއަތުގެ ތެރެއަށް ޒަންޔާ އަތް ލަމުން ބޯޖަހައިލިއެވެ.

…….

ހިޔާލުތަކުގެ ފުން ކަނޑަށް ޣަރަޤުވެފައި އިން ޒަންޔާއަށް، ހޭވެރިކަންވީ ހިނދު،  ފިނި ނޭވާތަކެއް ބޭރުކޮށްލެވުނެވެ. ސިޑިން އަރައިގެން ދިޔައިރު އެތަނުގެ ފުރިހަމަކަން ފެނި  ހިތުގައިވާ ނުތަވަސްކަމަށް ހިސާބެއްގެ ހަމަޖެހުމެއް ލިބިގެން ދިޔައެވެ. ދެމީހުންނަށް ހާއްސަ ކުރެވިފައިވި ކޮޓަރި ހުރީ ދެވަނަ ބައިގައެވެ. ދޮރު ހުޅުވުމަށްފަހު އެތެރެއަށް އެޅި ފުރަތަމަ ފިޔަވަޅާއިއެކު ދެޒުވާނުން ސިހުނެވެ. ތަނަވަސް ކޮޓަރީގެ ތަޅުން މަތި ފުރާލާފައިވަނީ ރަތް ކުލައިގެ ފިނިފެންމާ ފިޔައިންނެވެ. ކިންގްސައިޒް އެނދުގައި އަޅާފާއިއޮތް ހުދު ބެޑްޝީޓްގެ މަތީގައި ވެސް ރަތާއި ހުދުގެ ފިނިފެންމާ ފިޔައިން ހިތުގެ ބައްޓަމަށް ޑިޒައިންކޮށްފައި ހުއްޓެވެ.

ކޮޓަރީގެ އެކި ހިސާބުތަކުގައި ދިއްލާލާފައިވާ އުއްބައްތިތަކުގެ ފަނޑު އަލިކަން، މުޅި މާހައުލުގައި ވަނީ ހިތްގައިމު ރަންކުލައެއް ޖައްސާފައެވެ. އެއަލީގައި ޒަންޔާގެ މޫނަށް ވެރިވެފައިވާ ކުލައަށް ގެއްލި ވިޝާމްއަށް ހުރެވުނީއެވެ. ތުންފަތުގެ ކުލަ ވަކިން ރީއްޗެވެ. އަރަނީ ރީތި ލޭކުލައެވެ. ޒަންޔާގެ މައުސޫމްކަން ފެނި އޭނާގެ ހިއްސުތަކުގައި ކުޅެލީ ތަފާތު އޮއިވަރެއްގައެވެ. “ ގޯރޖަސް“ ވިޝާމްގެ އަޑު ނުކުތީ ހިތުގެ ފުނުންނެވެ. އެއަޑަށް ޒަންޔާ ބަލައިލިއެވެ. ވިޝާމްގެ އެބެލުމުން ކެތްނުވެގެން ދުރުބަލައިލި އިރު މޫނަށް ޖަންބުކުލަ ވެރިވެގަތެވެ. “ކަމް“ވިޝާމް ހިފައިލީ ޒަންޔާގެ އަތުގައެވެ. އެއަތުގައިވީ މަޑު ތުރުތުރު ފާހަގަވެ ހީލެވުނެވެ. އެއްޗެއް ނުބުނެ ޒަންޔާ ބައިންދާލީ އެނދުގައެވެ.

”ލެޓްސް ޓޯކް“ ވިޝާމް ވާހަކަ ދެއްކިލެއް މަޑުކަމުން ވެސް ޒަންޔާ ފިނިވިއެވެ. ދެއަތް ދެއަތާއި ގުޅުވާލަމުން ލަސްލަހުން ބޯޖަހައިލިއެވެ.

”މިރޭ އެހިސާބަށް ނުދިޔަސް ވީ ކެން ޓްރައި.. ޔޫ ރެޑީ؟“ވިޝާމް އަހައިލިއެވެ. ޒަންޔާ އިސްޖަހައިގެން އިން އިރު ހިތްތެޅެމުން ދިޔަ އަޑު ވިޝާމްއަށް ނީވި ހުންނާނެކަމާއި މެދު ވެސް ޝައްކެވެ. ގުޅުވާލާފައި އޮތް ދެއަތައް ބާރު ކޮށްލެވުނެވެ. ޒަންޔާގެ ދެއަތައް މަތީގައި ވިޝާމްގެ އަތް ތިލަ ބާއްވާލެވުނު އިރު އޭނާއަށް އިސްއުފުލާލެވުނެވެ. ”ބިރުންތަ؟“

“ކައިންޑް އޮފް… ނާ..ވަސް..“ މަޑުމަޑުން ޒަންޔާގެ ދެތުންފަތް ހަރަކާތް ކުރިއެވެ. އިވުނީ ވިޝާމްގެ ލުއި ހީލުމެކެވެ. އޭނާ އިންތަނުން ތެދުވެ، ޒަންޔާއާއި ނުހަނު ގާތުގައި ހުއްޓިލިއެވެ. އެ ގާތްކަމުން ހިތާއި ނަފްސަށް ކުރަމުން ދިޔަ ބާރުން ގުޑުމެއްވެސް އަރުވާލަން ނުކުޅެދުނެވެ. ހުޅީގައި ހަރުކޮށްލާފައިވާ ތުނި ވެއިލް ނައްޓުވާލަމުން ފަހަތައް ދޫކޮށްލިއެވެ. ހުޅިއަށް ޖަހާފައިވާ އިތުރު ދަތިތައް ނައްޓާލި ހިނދު ނިއުޅިގެން ދިޔައީ ދިހުންކުލައިގެ ފަން ފަން އިސްތަށިގަނޑު އެރީ މީރުވަހެކެވެ. އިސްތަށިގަނޑުން ބައެއް މޫނަށް ގޯނާ ކުރަން ފެށުމުން އެ ބައި ކަންފަތް ދޮށަށް ވިޝާމް ލައްވާލަދިން ހިނދު އެއިނގިލިތައް ބީހިލުމުން ހީވީ މުޅި ހަށިގަނޑުގައި ކަރަންޓްގެ އޮއިވަރެއް ދަތުރުކޮށްލި ހެންނެވެ. ތުންފަތް ހަފާލި ގޮތައް އިތުރަށް ރަތްވެގެން ދިޔައެވެ.

”އިޓްސް އޯކޭ.. ޑޯންޓް ބީ ސްކެއަރޑް، އޯކޭ؟.. އަލް ބީ ޕޭޝަންޓް“ ވިޝާމް ކައިރިވެލަމުން ޒަންޔާގެ މޫނުގެ ދެފަރާތުން ހިފާލިއެވެ. ޒަންޔާ ބޯޖަހައިލުމުން ވިޝާމް ހިނިތުންވުން ފުންވެގެން ދިޔައެވެ. ވިޝާމްގެ އަތް އޭނާގެ ހިމަ އުނަގަނޑުގައި އަޅުވާލުމާއި އެކު ދެމެދުގައިވި ދުރުމިން ނެތިގެން ދިޔަ ހިނދު ލަސްލަހުން ދެލޯ މެރިގެން ދިޔައެވެ.

****

އާދުވަހަކަށް މަރްހަބާ ކީއިރު އިއްޔެއާއި ރޭގައި ވެހުނު ބޯ ކެރީގެ ނިޝާންތައް ވަނީ މުޅިން ފުހެވިފައެވެ. ފިނިކަމާ ވަކިވެ، މިއަދު ބައްދަލުކުރީ ހޫނުގަދަ ދުވަހެކެވެ. އިރުގެ ރަންދޯދިތައް ކަނޑުގެ ލޮނުގަނޑަށް އެޅި، މުޅި އުދަރެސް ވަނީ އުޖާލާކޮށްފައެވެ. ކުދިކުދި ކަޅު ވިލާކޮޅުތައް ރޫޅި، އުޑުމަތި ދިޔައީ ސާފްވަމުންނެވެ. ވައިރޯޅިތައް މަޑުވެ، ކަނޑުމަޑެވެ.

މޫސުމަކީ ހަގީގަތުގައިވެސް ކަނޑުގެ ރާޅުބާނީ ފަދައިން، ނިމުމެއް ނެތް ބަދަލުތަކުގެ ސިލްސިލާއެކެވެ. އޭގެ މިޒާޖަށް އަންނަ ބަދަލުތަކަކީ ހީވެސް ނުކުރާހާ އަވަސް، ކުއްލި ބަދަލުތަކެކެވެ. އިއްޔެގެ ނާމާންކަމާއި ބިރުވެރިކަމަށްފަހު، މިއަދު ފެންނަނީ ހިތްތަކަށް ފިނިކަމާއި ތަސައްލީ ގެނެސްދޭ، ގުދުރަތީ ރީތިކަމުން ފުރިގެންވާ މުޅިން ތަފާތު ސަފުހާއެކެވެ.

އިރަމްއާއި އަމީރާ، ހަތެއް ނުޖަހަނީސް ތެދުވެ ރީއާ ގޮވައިގެން ނުކުތީ ރިސޯޓުގެ ހިތްގައިމުކަން ދެކޭށެވެ. ދަތުރަށް ފަހު އެނބުރި މާލެ ދިއުމަށް ހަމަޖެހިފައިވަނީ އެރޭގެ ކެއުމަށްފަހުއެވެ. ހުރިހާ ބޮޑެތި މީހުން ދުރާލާ ރާވާފައިވާ ތާވަލުގައިވާ ގޮތުންނަމަ، ހެނދުނު ދިހައެއް ޖެހުމުގެ ކުރިން ހުރިހާ އެންމެންވެސް އާއިލާއަށް ހާއްސަކުރެވިފައިވާ ހުދު ދޮންވެލި ފިނޮޅަށް ޖަމާވާންޖެހެއެވެ. އެއީ މެންދުރުގެ ކެއުމަކަށްފަހު މޫދަށް އެރި މަޖާކުރުމަށް ރޭވިފައި އޮތުމުންނެވެ. އޭގެ ކުރިން ބޭނުންވީ ރަނގަޅަށް ތަންތަން ބަލާލުމަށެވެ. ވިލާތައް ހުރި ދިގު ފާލަމުގައި ހިނގާލާފައި އައި އިރު ރިސޯޓުގެ މަލަމަތި ފެނެއެވެ.
”އަޅެ ހާދަ ރީއްޗޭ ރޫމްތައް.. އަމް އިން ސޯ ލަވް.. އެމީ ބަލާބަލަ“ ފައިވާން އަތައް ނަގައިގެން  ހުސްފަޔާ ފާލަން މަތީގައި އިރަމް ދުވެލިއެވެ. މެދުނުކެނޑި ފޯނުން ދިޔައީ ފޮޓޯ ނަގަމުންނެވެ.

”އިރޫ ފޯނުގެ ސްޓޯރޭޖް ފުލްވާނެ މިއަދު“ ހިނިއައިސްފައި ހުރެ އަމީރާ ދިމާލިއެވެ. އަމީރާވެސް ދިޔައީ ރީއާގެ ފޮޓޯތައް ނަގަމުންނެވެ.

ދެފަރާތުގައި ފަރުމާކޮށްފައިވާ ރީތި ވިލާތަކާއި ގުޅުވާލާފައި އޮތް ދިގު ފާލަމުގެ މަތީގައި ފިޔަވަޅުތައް އަޅަމުން ކުރިއަށް ދިޔައިރު، މުޅި ރިސޯޓުގެ މަލަމަތި ފެންނަނީ ސިހުން ގެނުވާފަދަ ފުރިހަމަ ކަމަކާއެކުގައެވެ. މޫދުގެ ލޮނުގަނޑުގެ މަތީގައި މަޑުމަޑުން ހޫރެމުންދާ ހުދާއި ލަކުޑިކުލައިގެ އެ ވިލާތަކުގެ ފުރާޅުތައް ފެންނަނީ، ކަނޑުގެ ރާޅުބާނީގެ ތެރެއިން ފޮޅިފައިވާ ނީލަމް މާތަކެއް ފަދައިންނެވެ. ފާލަމުގެ ދެފަރާތުން ފެންނަން އޮތީ ސާފު ބިއްލޫރިގަނޑެއް ފަދަ މޫދެވެ. މޫދުގެ އަޑީގައިވާ ދިރުންތަކާއި، ކުލަކުލައިގެ މަސްތައް ދުވަމުންދާ މަންޒަރު ނުހަނު ސާފުކޮށް ފެންނަން ހުއްޓެވެ.

އިރުގެ ރަން ދޯދިތައް ފަރުގެ ފުން ހިސާބުތަކަށް އެޅުމުން، މޫދުގެ ކުލަ ގަދަ ނޫކުލައަކުން ފެށިގެން ފަނޑު ފެހިކުލައަކަށް ބަދަލުވަމުންދާ ގޮތް ނުހަނު ފުރިހަމައެވެ. ދުރުދުރަށް ބަލާލުމުން ފެންނަނީ، ރިސޯޓުގެ އައްސޭރިފަށުގައިވާ ފެހިކަންގަދަ ރުއްތަކާއި ގަސްތައް، ލުއި ލުއި ރޯޅިއާއެކު ނަށަމުންދާ މަންޒަރެވެ. ސާފް ހުދުކުލައިގެ މަޑުފަސްގަނޑާއި ގުޅިފައިވާ ދިގު ތުނޑިއެވެ. ދޮންވެލިގަނޑުގެ މަތީގައި ރާޅުތައް ބީއްސަމުންދާއިރު، އެއިން އުފެދޭ ހުދު ފޮނުތައް ފެންނަނީ ވެލިގަނޑުގައި އަޅާލެވޭ މުތީގެ ހާރެއް ފަދައިންނެވެ. މި ހިތްގައިމު މަންޒަރުތަކުން ހިތަށް ލިބިދެނީ ބުނެދޭން ނޭނގޭފަދަ ފުން އަރާމަކާއި ހިތްހަމަ ޖެހުމެކެވެ. ދެލޮލަށް ފެންނަމުންދިޔަ ކޮންމެ މަންޒަރަކީ ގުދުރަތުގެ ކުޅަދުންވަންތަކަން ހާމަކޮށްދޭ ދިރިހުރި ތަސްވީރެކެވެ.

އަމީރާއަށް އެއިން ކޮންމެ މަންޒަރަކީ ވެސް މުޅިން އަލަށް ކުރެވޭ ތަޖްރިބާއެކެވެ. ”މާޝާﷲ“ ފާލަމުން ފައިބަމުން އަދި އެއްފަހަރު މާހައުލަށް އޭނާއަށް ކަޅިއެއް ދެވުނެވެ. އެހިސާބުން އޭނާގެ އަތުގެ ތެރެއިން ރީއާ ވެސް ނުކުމެ ފާލަމާއި ގުޅިފައިވާ ދޮންފަސްގަނޑަށް ފައިބާ ދުއްވައިގަތެވެ. ސްޕެއިން އިން އައިގޮތައް މާލެއާއި ހުޅުމާލޭގައި އުޅުމުން އެފަދަ ހިތްގައިމުކަމެއް އޭނާއަކަށް ފެނިފައެއް ނުވެއެވެ. ދޮންފަސްގަނޑުގެ ތެރެއަށް ފައި ގެނބުނު ހިނދު އެ ކުރެވުނު އަރާމް އިޙްސާސުން ދެލޯ މެރިގެންދިޔައެވެ. އެގޮތުގައި އޭނާއަށް ހުރެވުނީއެވެ. ހަރަކާތެއް ކޮށްލަން ވެސް ހިތް ނޭދުނެވެ. އެހެން ހުއްޓާ ދެލޮލުގައި ތެތްކަމެއް ހިނގައިލީ އޭނާއަށް ކުރެވޭ އެ އާދަޔާއި ހިލާފް އިޙްސާސް އެވަގުތު ކުރަން ފެށުމުންނެވެ. ބޮލުގައި ހިނގައިލި ނޭންގާނީ އަސަރުތަކެކެވެ. ވަންހަނާވެފައި ހަނދާނެއް އަންނަން އުޅޭ ފަދައެވެ. ހިތް  ބުނަން ފެށީ އެ ފަސްގަނޑާއި އެ މާހައުލަކީ އޭނާއަށް އާ ތަނެއް ނޫންކަމުގައެވެ. ނަމަވެސް ހަނދާނަކަށް ނައެވެ.

ލޯ މަރާލާ ފިތާލެވުނީ ކުޑަކުއްޖެއްގެ ހުނުން ސިކުނޑީގައި ހަރުލުމުންނެވެ.

”އަމީ..އަމީ.. ދަރިފުޅާ“ ދެން އިވުނީ އެފަދަ ކޮންމެ ވަގުތެއްގައި އޭނާގެ ސިކުނޑީގައި ދެން ގުގުމާލާ އަންހެންމީހާގެ އަޑެވެ. މިފަހަރުވެސް ވީ އެހެންނެވެ. އެ އަންހެންމީހާއާއި ކުޑަކުއްޖާގެ އަޑު ހީވީ އޭނާގެ ވަށައިގެން އެކި ދިމަ ދިމާލުންނެވެ. ބޮލަށް އެނބުރުން އަރަން އުޅޭހެން ހީވެގެން ލޯ ހުޅުވާލިއެވެ. އިތުރަށް ބޮލަށް ބާރުލާން މަސައްކަތް ކޮށްފި ހެއަށް ގޮތްވެދާނެ ކަމުގައ ބިރަށް އަމީރާއަށް ތިރިވެލެވުނެވެ.

”އިރޫ..އިރޫ ..ކެން ޔޫ ހެލްޕް މީ“ ދެއަތުން ބޮލުގައި އަތްއަޅާލައިގެން ހުރެ އަވަސް ނޭވާތަކެއްލަމުން ހަށިގަނޑު ހަމައަކަށް އަޅުޥާލަން މަސައްކަތް ކުރިއެވެ.  ގަދަ ރިހުން ލަސްލަހުން މަޑުވަމުން ދިޔައިރު އެއަޑުތައް ވެސް ކެނޑެމުންދިޔައެވެ.

”އެމީ!..އޭތްތް!“

އެހެން ހުއްޓާ އަމީރާ ސިހުނީ އޭނާގެ ފަހަތުން ސަދަފްގެ އަޑު އިވިފައެވެ. ”ރީއްކޯ! އެމީ! ވޮޗްއައުޓް!“ އޭނާއަށް ފެނުނީ ސަދަފް ފަހަތުން ދުވެފައި އަންނަތަނެވެ. އޭނާގެ ދެލޮލުން ބިރުވެރިކަން ފެންނަމުން ދިޔައިރު އަމީރާގެ ގާތުން އަޅާފައި ދިޔަގޮތައް ދިޔައީ މޫދާއި ދިމާލަށެވެ. އަމީރާ ވެސް އެދިމާ ބަލައިލި ހިނދު ފެނުނު މަންޒަރުން ހިތް ނުހުއްޓުނީ ކިރިޔާއެވެ. ރޮއެގަނެފައި އެދިމާލަށް ދުއްވައިގަތެވެ. ތެޅެމުން ދިޔަ މޭގަނޑު ހީވީ އަނގަޔަށް އަންނަން އުޅުނުހެންނެވެ. ސަދަފް މޫދަށް ޖެހިގަނެފައި ނެގީ ރީއާއެވެ. ސަދަފްގެ އަތުގެ ތެރޭގައި އޮތް އިރު ރީއާގެ ހަށިގަނޑުގައި އެއްވެސް ކަމެއް ނެތެވެ. މުޅި ކުއްޖާ ހުއްޓިފައި އޮތް އިރު ދެލޯ މެރިއްޖެއެވެ. އަމީރާއަށް ރީއާގެ ގައިގާ ހިފައިގަނެވުނެވެ.

”ރީއްކޯ.. ރީއްކޯ؟ އަޅޭ ކިހިނެތްތަ އެވީ!“ ރޮމުން ރޮމުން އަމީރާއަށް ގޮވުނެވެ. އޭރު އެ މަންޒަރު ފެނި އިރަމް އާއި އެމީހުންގެ ހަބަރެއް ވޭތޯ ނުކުތް ނާޔާއާއި އިޔާންއަށް ވެސް ފެނިގެން ދުވެފައި އައެވެ.

”ދަރިފުޅޫ!“ ރީއާ އޮތް ހާލަތު ފެނި އިޔާންގެ ދެލޯ ބޮޑުވިއެވެ. ރީއާގެ މޫނު ހުދުވެފައިވީ އިރު ވިންދު ޖަހާހެންނެއް ވެސް ހިއެއްނުވެއެވެ. އިޔާންގެ ދެލޯ ތެމޭކަށް މާގިނަ ވަގުތެއް ނުވިއެވެ.  ސަދަފްގެ އަތުން ރީއާ ޖަހައިގަނެ ތަޅުވަން ފެށިއެވެ. ”ދަރިފުޅޫ…ބައްޕި ދޫނީ!  ރީއްކޯ.. ލޯ ހުޅުވާލަބާ“ އިޔާން ވެފައިވާ ގޮތުން ވާހަކަ ވެސް ނުދެއްކުނެވެ. ތުރުތުރު އަޅާމުން ދިޔައިރު ރީއާގެ ކޮލުގައި ކޮއްޓަމުން ދިޔައެވެ. ޑޮކްޓަރަކަށް ވީ ނަމަވެސް ނާޔާއަށް ވެސް ހުރެވުނީ ގުޑުވާލަން ވެސް ނޭނގިފައެވެ. އަމީރާގެ ރުއިމުގެ އަޑު މާހައުލުގައި އޮތީ ހިފާލާފައެވެ.

”ދޭބަ މިދިމާލުގަ އެބައުޅޭ ބަގީ ދުއްވާ މީހަކު.. ބުނޭ ވީހާ ވެސް އަވަހަކަށް އަންނަން“ ރޮވިފައި ހުރި އިރަމްއަށް ބަލާލާފައި ސަދަފް ގޮވާލިއެވެ.

”އެއްކައިރިވޭ.. ސީޕީއާރ“ އިޔާންއަށް ވެފައި ހުރިގޮތުން ސީޕީއާރް ދިނުމަކީ ވެސް ކުރުން ފަސޭހަކަމެއް ނޫނެވެ. ގެއްލިގެންދާ ކޮންމެ ސިކުންތަކީ ވެސް އެ ކުއްޖާ ނުރައްކަލުގެ ތެރެއަށް ވެއްޓިގެންދާނެ ސިކުންތެކެވެ. ގަދަކަމުން އިޔާން ދުރުކޮށް، ސަދަފް ކައިރިވެލާފައި އެ މަސައްކަތް ފެށިއެވެ. އިރުގަނޑެއްގެ މަސައްކަތުން ރީއާ ކުޑަކޮން ލޯހުޅުވާލިއެވެ. އެހިނދު ހޮޑާއި ފެން އަނގަޔާއި ނޭފަތުން އައީ އެކުއެކީގައެވެ. ފުރަތަމަވެސް ފެށީ ރޯށެވެ. އިޔާންއަށް ގައިގާ ހުރި ބާރެއްލާފައި ބައްދާލެވުނު އިރުރޮވިއްޖެއެވެ. ހުދުކަން ކެނޑިގެން ދިޔައިރުވެސް ރީއާގެ މޫނުމަތިން ފެންނަނީ ވަރުބަލިކަމެވެ.

”ކާކު އައީ ރީއްކޮ ގޮވައިގެން ބީޗަށް؟“ އިރަމް އައިސް ބަގީ އަންނަ ހަބަރު ދިނެވެ. އެއަޑަށް  އިޔާން އަހައިލިއެވެ. އެއަޑުގައިވި ރުޅިވެރިކަމެވެ. ސަދަފް އެއްޗެއް ނުބުނެ ބަލައިލީ އަމީރާއަށެވެ.

”ހާރ“ އެމީހުން ސިހުނީ ފަހަތުން އިވުނު މަންހާގެ އަޑުންނެވެ. ސަދަފްއަށް ތުންފަތުގައި ދަތް އަޅާލެވުނީ އެކަންތައް ފަސޭހައިން ނުނިމޭނެ ކަން އެނގުމުންނެވެ. އިޔާންގެ ރުޅިވެރި ނަޒަރު މިފަހަރު ހުއްޓުނީ އަމީރާއަށެވެ. ”އެކުއްޖާ މޫދަށް ގޮސް އެރެންދެން މީނަ ހުރީ ފާލަން ކައިރީގަ ރީތިކޮން ބަލަން.. މޫދަށް ނުވެއްޓެނީސް ނެގެން ވެސް އޮތް.. އަހަރެން މިދިމާލަށް އައި އިރު ސަދަފް ގޮސް ނަގައިފި“ މަންހާގެ ވާހަކައިން އެތަނުގައި ހީވި ކުޑަވަރެއްގެ ބޮމެއް ގޮވިހެންނެވެ.

”މަންހާ!“ ސަދަފްއަށް ގޮވާލެވުނީ ހިތްހަމަ ނުޖެހުނު ވަރުންނެވެ. އެހެން ބުނެ އިތުރު ޥާހަކައެއް ދެއްކުމެއް ނެތި އޭނާ ގޮސްފިއެވެ.

”އެއީ ތެދެއްތަ؟“ އަމީރާގެ ކުރިމައްޗަށް ހުއްޓި އިޔާން އަހައިލީ ނުހަނު ބާރަށެވެ. އޭރުވެސް ކޮނޑުމަތީގައި ރީއާ އޮވެ ދިޔައީ މަޑުމަޑުން ގިސްލަމުންނެވެ. ކުއްލިއަކަށް ހިނގާދިޔަ ހާދިސާއިން އިޔާން ހުރީ މުޅިއަކުން މާ ހަމަ ޖެހޭ ހާލަތެއްގަ ނޫނެވެ. ރީއާ އޮތް ގޮތް ސިފަވިޔަސް އޭނާގެ ލޭ ދިޔަ ކެކިގެންނެވެ. އިޔާންގެ ހަނދާންވީ ސްޕެއިންގައި ހުއްތާ، ޔަނާލްގެ ގެއިން ރީއާ ގެނައި ދުވަހު ނާޔާ ފޮނުވި ފޮޓޯތަކުގެ މަތިންނެވެ. އެފަހުން އެފަދަ ނިކަމެތި ޙާލެއްގައި ލޯބިވާ ދަރިފުޅު ވީތަން ފެނުނީ މުޅިން އަލަށެވެ. އެއީ އޭނާގެ ފުރާނައެވެ. ހިނދުކޮޅަކަށް އިޔާންއަށް ހީވީ އޭނާގެ ހިތްވެސް ހުއްޓިގެން ދިޔަހެންނެވެ. ޖަޒުބާތުތައް ކޮންޓުރޯލުން ނައްޓާ ރުޅި އިސްކުރެވެން ދިޔައީވެސް އެހެންވެއެވެ.

އިޔާން ވާހަކަ ދެއްކިގޮތުން ކުރިއަށް ވުރެން ބޮޑަށް އަމީރާއަށް ރޮވުނެވެ. ގަސްތުގައި އެފަދަ ކަމެއް އަމީރާ ނުކުރާނެކަން އިޔާންއަށް އެނގެން ޖެހޭނެ ނޫންހެއްޔެވެ. އެހާ ދެރަވެފައި ހުއްޓާ އިތުރަށް މޭގައި ރިއްސާގަތެވެ. ޝަކުޥާތައް ހިތުގައި ބަނދެވިގެން ދިޔައީ ނުހަނު ބޮޑަށެވެ.

”ދޮންބޭ ކާމްޑަ-“

”އިރަމް ހުރޭ މަޑުން! އަމީރާ ކައިރީގަ މިއަހަނީ، ރީއާ ދޫކޮށްލާފަ މިތާގަ ހަމަ ހުރީހޭ!“ އިޔާންގެ އަޑު ކުރިއަށް ވުރެން ބާރުވިއެވެ. އަމީރާއަށް މިފަހަރުވެސް ވާހަކައެއް ނުދެއްކުނެވެ. އިޔާންގެ ހަޅޭކުން ބިރުގަނެފައި ހުރި އިރަމް ވެސް އަމީރާގެ ގާތައް ޖެހިލަމުން ދެކޮނޑުގައި އަތް އަޅުވާލިއެވެ.  އޭރު ބަގީ ދުއްވާ މީހާއާއި އިތުރު ދެމީހަކު ވެސް ދުވެފައި އެދިމާލަށް އައިސްފިއެވެ.

”އަޑެއް ނީވޭތަ! އޭތް!“

އަމީޜާގެ ދިފާއުގައި ސަދަފް ވާހަކަ ދައްކަން ހުޅުވަލި އަނގަ ލައްޕާލަން ޖެހުނީ އޭނާ ވާހަކަ ދައްކަން އުޅުނު ކަން އެނގިގެން އިޔާން އަތް ހުރަސް ކޮށްލާފައި ރުޅިވެރި ނަޒަރަކުން ބަލާލުމުންނެވެ.

”އިޔާ.. މަޑުން ޥާހަކަ ދައްކަބަލަ! އެމީ ގަސްތުގަ ނުކުރާނެއޭ އެކަހަލަ ކަމެއް.. ގެނޭ ދޮންތަ އަތައް.. ރީއްކޮ ގޮވައިގެން ދާނަން އެމީހުންނާއި އެއްކޮން.. ކާމް ވެލާފަ އާދެ“ އަމީރާ ރޮމުން ދިޔަ ގޮތް ފެނި ހިތައް ކެތް ނުވެގެން ނާޔާ ބުނެލިއެވެ. އިޔާންގެ އަތުން ރީއާ އުރަން އުޅުނު ހިނދު ނާޔާގެ ފޮޅުވާލާފައި އިޔާން އެމީހުންގެ ފަހަތުން ދިޔައެވެ.

”ޑޯންޓް ޓަޗް ހަރ ފްރޮމް ނައު އޮން!“ ދަމުން އަމީރާއާއި އަރާ ހަމަވުމަށްފަހު އިޔާން ބުނެލި އަޑުއަހާފައި އަމިރާއަށް ދެލޯ މަޜާލެވުނެވެ. ހީވީ ތުނޑު ނެތް ހަންޖަރަކުން ހިތުގައި ކޫރުން އަޅާމުން ދިޔަހެނެވެ. އަރުތެރެ ބެދި ލަގޮނޑިއަށް ބާރު ކުރަންފެށިއެވެ. އިހުނަށްވުރެ ބޮޑަށް ގިސްލެވެމުން ދިޔައެވެ. ދެލޮލުން ހުއްޓުމެއްނެތި އޮހެމުންދިޔަ ހޫނު ކަރުނަތަކުގެ ސަބަބުން، ކުރިމަތީގައިވާ މަންޒަރުތައް ފުސްވަމުންދިޔައެވެ.

”އިޔާން! ކިހިނެތް ތިއުޅެނީ! އޭތް!“ ނާޔާގެ ގާތައް އައި ރުޅީގައި ދުވަހަކު އިރާންއާއި ވާހަކަ ނުދައްކާހާ ބާރަށް ވާހަކަ ދެއްކުނެވެ.

”އެމީ ބަހައްޓާފަ ދާކަށް ބޭނުމެއް ނޫން.. އެކަމަކު އަންނާނަން އެނގޭ ރީއްކޮއަށް ވާގޮތެއް ބަލާލާފަ.. ކެން ޔޫ ސްޓޭ ހިއަރ.؟ “ އަމީރާ ރޮމުން ދިޔަ ގޮތް ފެނި އިރަމް އަށްވެސް ހުރީ ރޮވިފައެވެ.  ސަދަފްގެ މޫނަށް ބަލާލާފައި އިރަމް ފަހު ޖުމްލަ ބުނެލިއެވެ. އޭނާ ބޯޖަހައިލުމުން ޝުކުރު އަދާކޮށްފައި އެމީހުން ދިޔަ ދިމާލަށް އިރަމް ވެސް ދިޔައެވެ.

”ލެޓްސް ގޯ“  އަމީރާގެ ކޮނޑުގައި އަތް ޖައްސާލައިގެން ހުރެ ސަދަފް ގެންދިޔައީ އިރުކޮޅެއް ކުރިން ކޮފީ ބޯން އޭނާ އިން ގަސްދޮށަށެވެ. އެތަނުގައި ހުރި ސަންބެޑުގައި އަމީރާ ބޭންދިއެވެ. އަމީރާ އެހާ ހިތުގައި ޖެހިފައި ރޮމުން ދިޔަ މަންޒަރު ބަލަން ސަދަފްއަށް ދިޔައީ އުނދަގޫ ވަމުންނެވެ. އޭނާގެ އިސްތަށިގަނޑުގައި އިން ވޫލްކޮޅު ނައްޓާލަމުން ރަނގަޅަށް އައްސާލިއެވެ.

”އިޓްސް އޯކޭ، ޔޫ ކެން ކްރައި“ އަމީރާގެ ގާތުގައި އިން ހުސް ޖާގައިގާ ސަދަފް އިށީންދެލިއެވެ. ރީއާއާއި ހެދި އަމީރާ އުޅޭ ގޮތް އޭނާއަށް ވެސް ފެނެއެވެ. ގޭގެ މީހުންގެ ފަޜާތުން ވެސް އަމީރާ އައިފަހުން ރީއާ ގޭގައި އުޅޭ ގޮތް ވެސް އޭނާއަށް އޮތީ އެނގިފައެވެ. އެފަދަ ގޮތަކަށްއިޔާން ބަވާލުމުން ދެރަވާނެ ވަރު އޭނާއަށް އަންދާޒާކޮށްލަން ވެސް ދައްޗެވެ. ދަމުން އެދިޔައީ ދުވަހަކުވެސް ރީއާގެ ގައިގާ އަތް ނުލާން އަމުރުވެސް ކޮށްފައެވެ. ސަދަފް ހިތްހަމަނުޖެހުނީ މަންހާގެގޮތް ރަނގަޅަށް އެނގިހުރެ އިޔާންއެހާ ފަސޭހައިން ގަބޫލްކުރުމުންނެވެ.

”ކިހިނެތް ބޯ؟ ތަދުވޭތަ؟“ ރުއިމުގެ ތެރެއިން ވެސް އަމީރާއަށް ބަލައިލެވުނީ  ސަދަފްގެ ސުވާލުންނެވެ. އޭރު މުޅި ކުއްޖާގެ ދެލޯ ވަނީ ރަތްވެ ނުހަނު ބޮޑަށް ފޮއްސިވެފައެވެ.

”ހައު..ޑި..ޑިޑް ޔޫ ނިއު އެބައުޓް ދެޓް؟“ ކުރެހިފައިވާ އަޑަކުން އަމީރާ އެހިއެވެ. ދެލޯ ފުހެލާ ހަމައަކަށް އެޅިލަން އުޅުނު ނަމަވެސް ތާޒާ ކަރުނުން ދެލޯ ފުރެއެވެ.

”އެބަ އަންނަން؟“ ސަދަފް އެގަސްގަނޑުގެ ބިއްދޮށަށް ނުކުތެވެ. މާ ދުރު ނޫން ހިސާބަކުން ސްޓާފަކު ފެނުމުން ޓިޝޫ ފޮއްޓަކާއި ފެންފުޅިއެއް ހޯދައިގެން އެނބުރިއައެވެ. އޭރު ރުއިން ހުއްޓާލާއިގެން އިންނަމަވެސް ދެލޯ ނުހަނު ތެތެވެ.  ޓިޝޫ ފޮށި ދިއްކޮށްލުމުން އޭގައި އަމީރާ ހިފިއެވެ. ފެންފުޅި ވެސް ކަނޑާލާފައި އެވެސް ދިނެވެ.

”ބަނޑުހައިތަ؟“ ސަދަފް އަހާލިއެވެ. މަޑުމަޑުން ދެފަރާތައް އަމީރާ ބޯ ހޫރުވާލިއެވެ.

”ކިހިނެތް އެނގުނީ؟“

“މަންމަމެން ޓެންގަ އަންނަން ބުނީމަ މަ ވެސް ސައި ނުބޯންވެގެން ކޮފީއެއް ބޯލަން އައީ.. މިދިމާ މިކޮޅުގައި މަންހާ ހުރީމަ ފޫހިވެގެން މިތަނަށް އައީ.. އައި ސޯ ރީއްކޮ ދުވެފަ ދިޔަތަން.. ފުރަތަމަ ހުރީ ރާޅު ފެންދަށުގަ..އެހެންވެ މަ ވެސް ހީކުރީ އެރޭކަށް ނޫޅެނެ ކަމަށް.. އެމީ ހުއްޓިފަ ހުރީމަ ދާން އުޅެފަ ވެސް ފޯނެއް އައިސްގެން ހުރީ .. އެކަމަކު އައީޒް ހުރީ ރީއްކޮއަށް.. އެހެން ހުއްޓަ އެމީ ބޮލުގައި އަތް އެޅިތަން ފެނިގެން ފޯނު ބާއްވާފަ ދަނިކޮން ރީއްކޮ ގޮސް މޫދަށް ޖެހިގަތީ“ މަންހާ ފެނުނު ދިމާލަށް އިޝާރާތް ކޮށްލަމުން ސަދަފް ކިޔައިދިނެވެ.

”ކާކު އެއީ؟“ އެ ވާހަކަ ސަދަފް ކިޔައިދިނުމުން އަމީރާ އަނެއްކާ ވެސް ހުރީ ރޮވޭ ގޮތްވެފައެވެ. މަންހާގެ ވަނަވަރު ސަދަފް ކިޔައިދިނެވެ.

”ރީއްކޮއަށް ވީ ގޮތުން ޕްރެޝާރގަ ހުރީމަ ކަންނޭގަ އިޔާން ރުޅިއައީ.. އޭނާ ވެސް އަހަރެން ވެސް ތިއްތިބެ ވެސް ރުޅި އަންނަ އަންހެނެއް އެއީ..“ ސަދަފް އިތުރަށް ކިޔައިދިނެވެ.

”ކީއްވެ ރުޅި އަންނަނީ؟“ އަމީރާ މަޑުމަޑުން އަހާލިއެވެ. ވިޝާމްގެ އެހާ އަމިއްލަ ވާހަކައަކަށް ވުމުން ސަދަފް ވިސްނާލަން އިރުކޮޅަކު އިނެވެ. ނަމަވެސް އަމީރާއާއި މެދު ދެކެވޭ ގާތް ކަމުން އެވާހަކަ ބުނަން ގަސްތުކުރިއެވެ. އޭނާއަށް އަމީރާއާއި މެދު އިތުބާރު އޮވެއެވެ.

”އެއީ ތިއްތިބެ އެކްސް.. ވަރަށް ކަޑަކޮން ނިމިފަ އިން ކަމެއް.. ތިއްތިބެގެ ކަމެއް ވިއްޔާ އިޔާންއަށް ނޭނގި ނުހުންނާނެ އެންނު.. އިޓްސް އަ ސީކްރެޓް އިނގޭ“ ސަދަފްގެ ވާހަކަ އިވި އަމީރާއަށް ބަލައިލެވުނެވެ.

“އެންޑް މަންހާއަކީ އިޔާންގެ އެކްސް ވައިފް ޔަނާލްގެ ބެސްޓްފްރެންޑް.. ސޯ އެ ރުޅި ޑަބަލް ކޮން އިޔާން އަންނާނެ މަންހާ ދެކެ“

”ސޯ އިޔާންގެ އެނީމީއަށް  ވަރަށް ބޮޑަށް ބަރޯސާ ވެވިއްޖެ މިފަހަރު .. އެހެންނު“

”ނޯ ނޯ ނޯ..  މަންހާ ދެކެ އޭނަ ހަމަ އަސްލަށް ވެސް ރުޅި އަންނާނެ.. އެ ސިޗްއޭޝަންގަ ރީއްކޮ އޮތް ގޮތުން އެ ޕްރެޝާރގަ އިޔާން އެހުރީ .. ސްޓިލް އައިނޯ އޭ އިޔާން އެގޮތައް ޓޯކް ކޮށްގެން ނުވާނެ ކަން.. އެމީގެ ރުޅި ހައްގު، ބަޓް މަންހާ އާއި އިޔާން ގުޅުވާފަ އޭނާގެ ކުރިމަތީގަ ވާހަކަ ނުދައްކައްޗޭ.. އިޔާން ހައްތަހާ ބޮޑަށް ރުޅި އަންނާނެ“ ސަދަފް  ނަސޭހަތްތެރިވިއެވެ.

”ބަޓް.. ހައު ކުޑް ހީ އީވެން ސޭ ދެޓް ޓު މީ؟ ރީއްކޮ އަކީ އަހަރެންގެ ބޮޑީގެ އެއްބައި..  އެވަރުގެ ކަމެއް ގަސްތުގަ ނުކުރާނެ އެއްނު.. އެގަޑީގަ ހަމަ އަނެއްކާ ވެސް ބޮލުގަ ރިއްސަން ފެށީ.. އެހެންވެ ސްޓަކް ވީ.. ނޭނގެ ވީ ގޮތެއް ވެސް ދެން ރީއްކޮ ގައިގަ..އަ..އަތް ..ނު..ނުލާން..ބުނީ..މަ“ އަނެއްކާ ވެސް އަމީރާއަށް ރޮވިއްޖެއެވެ. ހިތް ކުދި ކުދި ވެފައިވީ ފަދައަކުން ރޮމުންދިޔަ އިރު އެ ކަރުނު ތަކުގައި ނިމުމެއް ނުވާ ފަދައެވެ. ސަދަފްއަށް ކުރެވުނުހާ ވެސް ކަމަކީ އަމީރާގެ ކޮނޑުގައި ފަހަތުން އަތް އަޅުވާލުމެވެ.

****

އިޔާންގެ ހިތައް ހަމަޖެހުމެއް ލިބުނީ ނާޔާއާއި ރިސޯޓުގަ ހުންނަ ޑޮކްޓަރު ވެގެން އެތައް އިރަކު ބަލާފައި ރީއާ ރަނގަޅުކަމުގައި ބުނުމުންނެވެ. ރީއާ މެޔާލާ ބޮނޑިކޮށްލައިގެން އިނދެ ހަމްދުކުރެވުނު އަދަދެއް ވެސް ނޭނގެއެވެ. ހާލަތު ރަނގަޅު ވަންދެން އޮތީ އައިވީއެއް ގުޅާފައެވެ.

”އިޔާ ދެން ބާއްވާ ރީއްކޮ.. މިހާރު ނިދިފަ އެއޮތީ..އެކުއްޖާއަށް އުނދަގޫ ވެސް ވާނެ  ތިހާ ވަރަށް ފިތީމަ“ ނާޔާއަށް ވާހަކަ ދެއްކެމުން ދިޔައީ ހިތްހަމަ ނުޖެހިފައި ހުރެއެވެ.

”ކީކޭ ޑޮކް ބުނީ؟“ އެމީހުންގެ މަގަތުގައި ހުއްޓާ ފޯނަށް މެސެޖެއް އައުމުން ބަލައިލި އިރު ސަދަފްއެވެ.

”ބޭބީގެ ލަންގްސްއަށް ފެނުގެ އަސަރެއް ނުކުރެއޯ.. އަނެއްހެން ރަނގަޅު.. އެމީ ކިހިނެތް؟ ކޮބާ އެމީ؟“ އިރަމް ވެސް ޖަވާބުގައި ފޮނުވާލިއެވެ. ސަދަފް އިންތަން ބުނެ މެސެޖް ކުރުމުން ބޭރަށް ނުކުމެފައި މަޖުދާއާއި ނަދީމްއަށް ގުޅާލިއެވެ. އޭރު އަދި އެއިން މީހަކަށް އެކަން ނޭނގެއެވެ. އިރަމް މަޑުކޮށްލީ އެމީހުން އަންނަން ދެންނެވެ. މާ ގިނަ އިރެއް ނުވެ ބަގީތަކުގައި ފަހަރަކު ބައެއް އަންނަމުންދިޔައވެ.

”ކިހިނެތް ވީ ރީއްކޮއަށް؟“ ތެޅެމުން ފޮޅެމުން އައިސް މަޑުކޮށްލީ އެންމެ ފުރަތަމަ ވެސް މަޖުދާއެވެ. އޭނާގެ ފަހަތުން ނަދީމް އާމިލާއާއި ހައިކަލް ވެސް އައެވެ.

”އިރޫއަކަށް ވެސް ނޭނގޭ އަސްލު  ވީ ގޮތެއް.. ރީއްކޮ ގެނބުނީ.. ސަދަފްއަށް ފެނިގެން ނެގީ ..ސީޕީއާރު ދިނީމަ ހޭއެރި..އެކަމަކު-“ އިރަމް ބުނީ އަމީރާއާއި ދިމާލަށް އިޔާން އެއްޗިހި ކިޔާލި ގޮތުގެ ވާހަކައެވެ. އިޔާން ދެކެ އޭނާ ވެސް އައިސްހުރި ރުޅީގައި ކޮންމެހެން ފޮރުވާކަށް ނުހަދައެވެ.

”މަންހާ އެހެން ބުނީ؟“ އާމިލާއަށް ގަބޫލް ނުކުރެވިގެން އެހިއެވެ. އިރަމް ބޯޖަހާލިއެވެ. މަންހާ އެހެން ބުނީ އެންމެން ތިއްބާ ކަމުގައި އިރަމް ބުނެދިނެވެ. އަމީރާ ގަސްތުގައި އެފަދަ ކަމެއް ނުކުރާނެ ކަން އެންމެންނަށް ވެސް އެނގެއެވެ. މަޖުދާ ގާތައް ވެސް އިޔާން އެހެން ހެދުމުން ރުޅިއައެވެ. ރީއާއަށް ނިދިފައި އޮތް ވާހަކަ ބުނުމުން އޭނާ ދިމާކޮށްލީ އަމީރާ ހޯދުމަށް ދާށެވެ.

“ އިޔާން އަތް ނުލާ ބުނިއްޔާ އެމީއަކަށް ނުވެސް ކެރޭނެ އަންނާކަށް، އެމީ ކައިރި މަތަވަނީ ވެސް ދޯ.. މަޖޫ މަޑުކުރޭ..އަހަރެން އަންނާނަން ގޮސްފަ“ އާމިލާ ބުނެލުމުން ހިތާ ދެކޮޅަށް މަޖުދާ މަޑުކުރިއެވެ.

އާމިލާގެ ފަހަތުން އިރަމް ވެސް ސަދަފް އާއި އަމީރާ ތިބިތަނަށް ދިޔައެވެ. ދުރުން ފެނުނު އިރުވެސް އަމީރާގެ ދުޅަވެފައިވާ މޫނު ފެނި އާމިލާގެ ހިތައް ފުން އަސަރުތަކެއް ކުރިއެވެ. އޭރުވެސް ކަރުނު އައުން މެދު ނުކެނޑެއެވެ. އެވަގުތު މަންހާދެކެ އިންތިހާއަށް ރުޅި އާދެވުނެވެ. އެރުޅީގައި ހުރެ ވީ އެންމެ އަވަހަކަށް ލާންޗެއް ތައްޔާރު ކުރަން ރިސޯޓުގެ މެނޭޖަރަށް އެންގިއެވެ. އަދި ޝާއިޜާއަށް ގުޅިއެވެ.

”ވީ އެންމެ އަވަހަކަށް މަންހާ ގޮވައިގެން ޝާއިރާ މިރަށުން ދޭ… މިހާރު ޖެޓީގަ އޮންނާނެ މާލެދާ ލޯންޗެއް.. މަންޙާ މިއަދު އަހަރެންގެ އެންމެ ގާތް އެކުވެރިންގެ ކައިރީގަ ލަދުގަންނު ވާލައިފި“ ޝާއިރާ ފޯނުނެގުމުން އާމިލާ ބޭނުން ވާހަކައެއް ދެއްކުމަށްފަހު، ޝާއިރާއަށް އެއްޗެއް ބުނާނެ ތަންވަޅެއް ވެސް ނުދީ ފޯނު ކަނޑާލިއެވެ. އެރުޅީގައި ހުރެ ބުނަން ނުވާ ވަރުގެ އެއްޗެއް ވެސް އޭނާއަށް ބުނެވިދާނެއެވެ.

ސަދަފްއާއި އެކު އަމީރާ ތެދުވިތަން ފެނި އާމިލާ އާއި އިރަމް ވެސް އެދިމާލަށް އައެވެ. ”ދައްތަ ވާހަކަ ދައްކާލާނަން އެމީއާއި ވަކިން އިނގޭ“ އެމީހުންނާއި ފުދޭވަރަކަށް ގާތްވެފައި ހުއްޓާ އިރަމްގެ ގާތުގައި އާމިލާ ބުނެލިއެވެ.

އޭނާ ބޯޖަހާލަމުން އެހިސާބުގައި މަޑުކޮށްލިއެވެ. އާމިލާ ގޮސް ހުއްޓުމުން ސަދަފް ވެސް އަންނަތަން ފެނުނެވެ. ސަދަފްއާއި އެކަނިވެރިކޮން ހުންނަން ޖެހިލުންވާތީ އިރަމް ވަނީ ގަސްބޮނޑިއެއްގެ ތެރެއަށެވެ. މާ ދުރަކަށް ހިނގަން ނުޖެހި، މޫދު ފެންނަ ހިސާބަށް ނުކުމެވުނެވެ. އިރަމް ގަސްތުކުރީ އެތަނުގައިވާ ގޮނޑިތަކުން ގޮނޑިއެއްގައި އިށީނދެލުމަށެވެ. ސިކުނޑީގައި އުފެދިފައިވާ ނުތަވަސްކަމަށް އެ މާހައުލުން ފަރުވާއެއް ހޯދުމުގެ ބޭނުމުގައެވެ. ފޯނުން ގަޑި ބަލައިލި އިރު އަދި ނުވަގަޑީ ބައެވެ. އިރު އެރިފަހުން މިވީ ވަގުތު ކޮޅު ތެރޭގައިވެސް ހާދަ ގިނަ ކަންތައްތަކެއް ހިނގައިފިތާއެވެ. ދެފަރާތައް ބޯހޫރުވާލަމުން އިރަމްއަށް ތުން ފިއްތާލެވުނެވެ.

”އެކްސްކިއުޒް މީ“ ފަހަތުން ސަދަފްގެ އަޑު އިވިގެން އިރަމް ފަސް އެނބުރިލިއެވެ. ސަދަފް އަސަރެއް ނެތް ފަދައަކުން ބަލާލާފައި އައިސް ހުއްޓިލީ އިރަމްގެ ފައި ކައިރީގައެވެ. އިރަމް އިސް އުފުލާލިއެވެ. ސަދަފް ވަކި އެއްޗެއް ނުބުނެ އިޝާރާތް ކޮށްލީ އިރަމް ހުއްޓިގެން ހުރިތާގެ ތިރިއަށެވެ.  ތިރިބަލައިލި ހިނދު ފިރިހެން ފައިޥާނެއް ފެނިގެން ވީގޮތް އެނގުނެވެ. އަވަސްއަވަހަށް ދުރުވެލަން އުޅެނިކޮން އެ ފައިވާނުގެ ވަދުތެރެއަށް އޭނާގެ ފައި ވަދެ އަރިއަޅާލާ ގޮތްވިއެވެ.

”އާތްތް!“ ލިބުނު ސިހުމުގެ ކުޑަ ހަޅޭކެއްގެ އަޑު އިރަމްގެ އަނގައިން ނުކުތެވެ. އޭނާ ހީކުރީ ބިންމަތީގައި ޖެހޭނީ ކަމަށެވެ. ނަމަވެސް ސަދަފް އެއަށް ވުރެން ކުރިން ހިފިއެވެ. އިރަމްގެ އުނަގަނޑުގައި ހިފާ ބިންމަތީގަ ބެހެއްޓިއެވެ.ދުރުވެލާފައި ބަލައިލި އިރު އިރަމް ބަލަހައްޓައިގެން ހުރި ގޮތުން ސަދަފްއަށް ވެސް އިރުކޮޅަކު ހުރެވުނީއެވެ. ނަމަވެސް އެއްލި ކަޅިއަކުން، އޭރު ފޯނު ކަންފަތުގައި ޖަހައިގެން އެދިމާލަށް އައި ނަދީމް ފެނިގެން އިރަމްގެ މޫނު ނަޒަރު ވަކިކޮށްލިއެވެ.

”ދެންމެ އެހެން އަތްލެވުނީމަ ވެސް ބުނާނަން ދޯ ގަޔަށް ބޮލަށް އަރަނީއޭ؟“

ސަދަފް ވަކި އެއްޗެއް ނުބުނުމުން އެތަނުން ދިޔުމަށް އިރަމް އަޅާލި ފިޔަވަޅު ހުއްޓާލަން  ޖެހުނީ އެއަޑުންނެވެ. ފަސް އެނބުރި އެމޫނަށް ބަލައިލިއެވެ. ސަދަފް ޒާތަކައް ހިނިއައިސް ހުރުމުން އިރަމް ލަދުގަންނަ ގޮތްވިއެވެ. އެ ނަޒަރުން އިރަމްއަށް އިހްސާސްވީ މަލާމާތުގެ ކުލަވަރެވެ. އެތޫނު ނަޒަރުން އިރަމްއަކަށް ކެތެއް ނުވިއެވެ. ލޮލަށް ކަރުނުތައް ބޮނޑިވެގަތެވެ. ސަދަފް އެތަނުން ދިޔައިރުވެސް އިރަމްއަށް ހުރެވުނީއެވެ.

****

ވިޝާމްއަށް ހޭލެވުނީ މާވަރަކަށް ފޯނު ވައިބްރޭޓްވާ އަޑަށެވެ. އަޑު ކަނޑާލަމުން ނަޒަރެއް ދިނީ އޭނާއާއި މަގަތުގައި އޮތް ޒަންޔާއަށެވެ. ނިދިފައި އޮތް އިރުވެސް ނުހަނު މައުސޫމެވެ.  ރީތި ހިނިތުންވުމެއް ވިޝާމްގެ ތުންފަތުގައި ދައުރުވެލިއެވެ. ޒަންޔާގެ ގައިމަތީގައި އޮތް ރަޖާގަނޑު ރަނގަޅު ކޮށްލަމުން އޭނާ ފޯނު ބަލައިލިއެވެ. އާމިލާގެ މިސްކޯލެކެވެ. އެއްފަހަރު ގުޅާފައި ދެން އިނީ މެސެޖެކެވެ. ހޭލެވުނީމަ ރެސްޓޯރެންޓަށް ގޮސް އެއްޗެއް ކާލަން އެދިފައެވެ. އާމިލާއަށް ޖަވާބު ފޮނުވާލަމުން ގަޑިއަށް ނަޒަރެއް ދިނެވެ.

”އެގާރަ ޖަހަނީ؟ ޝި*“ ތަރުތީބު ގެއްލިފައިވާ އިސްތަށިގަނޑު އިތުރަށް ހާވާލިއެވެ. އެހެން އިނދެ ރައްޓެހިންނާއި އާއިލާގެ މެމްބަރުން އިންސްޓަގުރާމާއި ފޭސްބުކަށް ލާފައިވާ އޭނާއާއި ޒަންޔާގެ ފޮޓޯތަކަށް ބަލަން އިރުކޮޅަކު އިނެވެ. ”އެއްބައި މީހުން ސްޓޯރީއަށް އަޅާފަ މިހުރީ ރޭގެ ހުރިހާ މަންޒަރެއް ކަވަރ ކޮށްފަ ބޮޑެތި ޑޮކިއުމަންޓްރީ ތަކެއްނު… ހާދަ ބައިވަރެކޭ ދޯ އަނެއްކާ މިއޮތީ ވެސް“ އެކަނި އޮވެ ވާހަކަ ދައްކަމުން، އެވަގުތު ފެނުނު ޕޯސްޓަކަށް ވިއްޔާ ލައިކް ދެމުން އޭނާ ދިޔައެވެ. ނިދާ ހޭލި ވަގުތުކަމުން އޭނާގެ އަޑުވެސް ހުރީ ފުދޭވަރަކަށް ބަރުކޮންނެވެ. ލަސްލަހުން އެނދުން ތެދުވެ ތުވާލި އޮޅާލަމުން ފާހާނާއަށް ވަނެވެ.

އެހުރިހާ އިރު ދެލޯ މަރައިގެން އޮވެފައި ޒަންޔާ ލޯ ހުޅުވާލީ ވިޝާމް ފާހާނާއަށް ވަތް އަޑުއަހާފައެވެ. އެނދުގައި ހަމަޖެހިލާ މުޅި ގައިގާ ކްއިލްޓް އޮޅާލިއެވެ. ކޮޓަރި ތެރެއަށް ބަލައިލެވުނީ އޭގެ ފަހުންނެވެ.  ދެމީހުންގެ ހެދުންތައް ތިރީގައި ހުރިތަން ފެނި މުޅި މޫނު ރަތްވާކަށް ގިނަ އިރެއް ނުނެގިއެވެ. ރޭގެ ހަނދާންތައްވެ އެވަގުތު އެކޮޓަރި ތެރޭގައި އިތުރަށް ހުންނާކަށް އޭނާ ނޫޅުނެވެ. އަލަމާރި ކައިރީގައި ހުރި ފޮށި ހުޅުވާލަމުން ލާން ބޭނުންވާ ސާމާނާއި އޭނާގެ ފޯނު ހިފައިގެން ކޮޓަރިން ނުކުތެވެ. ބޭނުމަކަށްވީ ވިޝާމް ފާހާނައިން ނުކުތުމުގެ ކުރިން ޖެހިގެން ހުރި ގެސްޓްރޫމަށް ވަނުމެވެ. ނަމަވެސް އުއްމީދު ކުރި ގޮތާއި ހިލާފަށް އެތަން ހުރީ ތަޅުލާފައެވެ. ދެން ހުރި ކޮޓަރި ހުންނާނީ ތިރީގައިކަން ޒަންޔާ ދެނެގަތެވެ. ކްއިލްޓުން ރަނގަޅަށް ގައިގާ އޮޅާލުމަށްފަހު އަވަސް ފިއަވަޅުތަކަކާއި އެކު ޒަންޔާ ތިރިއަށް ފޭބިއެވެ.

ނަސީބު ކަންދިމާކުރި ގޮތުން އެތަން ހުރީ ހުޅުވާފައެވެ. އޭނާއަށް ހަމަޖެހުމެއް ލިބުނީ ކޮޓަރީގެ ތަޅުލެވުމުންނެވެ. އެހާ ހަލުވިކޮން ސިޑީގެ ހަރުފަތްތައް ގިރާކޮށްފައި އައުމުން ހުރީ ހިސާބަކަށް ވަރުބަލިވެފައެވެ. އެކޮޓަރިއަކީ  ދެން ހުރި ދެ ކޮޓަރިއަށް ވުރެން ޖާގައިގެ ގޮތުން ތަންކޮޅެއް ކުޑަކޮން ހުރި ކޮޓަރިއެކެވެ.

”ފައިނަލީ..އާހްހް“ ކްއިލްޓާއިއެކު އޭނާ ޖެހިގަތީ އެކޮޓަރީގެ އެނދުމައްޗަށެވެ. ހަނދާންކުރަން ނޫޅުނު ނަމަވެސް އެހެން އޮތް އިރު ހަނދާންވީ ހަމަ ރޭގެ ހާދިސާއެވެ. ދެފަރާތައް ބޯހޫރުވާލާފައި ލަދުގަންވަރުން ލުއިގޮތަކަށް ހަޅޭއްލަވައިގަނެއެވެ. އެހެން އޮވެފައި ބަނޑުހައި ހޫނުކަން އިޙްސާސް ވެގެން ޒަންޔާ އެންމެފަހުން ތެދުވެއްޖެއެވެ. ފާހާނާއަށް ވަދެ މާގަނޑު ދޮށުގައި ހުއްޓި އިސްކުރު ތައް އަނބުރާ އަނބުރާ އަތައް ތަދުވި އިރުވެސް ފެނެއް ނައެވެ.

”ވަޓް ދަ ހެލް! މިހާރު މީ ކޮންކަމެއް“ އިސްތަށިގަނޑުގެ ތެރެއަށް އަތްމަހާލައިގެން ހުރެ ފާހާނެ އެހެން އިސްކުރުތައް ވެސް ޖެއްސޭތޯ ބެލިއެވެ. ބިލިގާރ އަށް ފެން އެޅޭހެން އިންނަ ބަޔާއި މޫނު ދޮންނަ ތަށީގައިވާ އިސްކުރާއިވެސް ބެހުނެވެ. ނަމަވެސް އެއްވެސް ތާކުން ފެން އަންނަ ގޮތެއް ނުވިއެވެ.

”ޒަންޔާ، ދެން ދޭ ވިޝާމްއާއި ފޭސް ކުރަން.. އެ ނޫން ގޮތެއް ނެތެއްމު… ލަދުން ބޯ ހަލާކު“ ކޮޓަރީގެ އެއްބިތުން އަނެއް ބިތައް އޮތް ރާސްތާގައި ހިނގަމުން، އަމިއްލަ ނަފްސާއި ޒަންޔާ ދިޔައީ ވާހަކަ ދައްކަމުންނެވެ. ނިޔަފަތިތައް ކަމުން ދިޔައިރު އަމިއްލަ ބޮލުގައި ޖަހައިވެސް ލެވުނެވެ. އެހެން ހުއްޓާ ލައިލާ ވެސް ގުޅަން ފެށިއެވެ.

”ކީކޭ މަންމާ؟“

“ދަރިފުޅާ ، އާމިލާ ބުނި ހޭލައިގެން އުޅޭ ވާހަކަ.. އެއްޗެއް ކައިފިންތަ؟“

”ނޫނޭ.. ދެން.. ދާންވީ.. ބީޗްއަށް ދާ ވާހަކަ ކީ.. އެތަނުގަ ތަ ތިތިބީ؟“ ޒަންޔާ އަހައިލިއެވެ.

”ނޫނޭ.. މިއުޅެނީ ރީއްކޮއަށް ކަމެއް ވެގެންނޭ“ ލައިލާ ބުނެލިއެވެ. ޒަންޔާ ކިހިނެތް ވީހޭ އެހުމުން ހިނގައިގެން އުޅޭ ހާދިސާގެ ވާހަކަ ޒަންޔާއަށް ލައިލާ ކިޔައިދިނެވެ. ޒަންޔާއަށް އަނގަމަތީގައި އަތްއެޅުނެވެ. ފުރަތަމަ ވެސް އަމީރާ ކޮބާތޯއެވެ. އާމިލާ ވާހަކަ ދެއްކުމުން ރުއިން ހުއްޓާލާފައި ، މިހާރު އިރަމް އާއި އެކު ކޮޓަރިއަށް ގޮސްފި ކަމަށް ބުނުމުން ޒަންޔާވެސް ފޯނު ކުރުކޮށްލީ އަމީރާގެ ގާތައް އެބަ ދަމޭ ބުނެފައެވެ.

”ހަމަނެތް ދޯ އިތުރު ގޮތެއް“ ތުންފިތާލާފައި ޒަންޔާ ޖެހިލީ އޭނާ ގެނެސް އެނދުމައްޗަށް އަޅާލި ސާމާނާއި ގާތަށެވެ.

ޒަންޔާ އެނބުރި އައީ ވިޝާމް ރީތިވެ ވެސް ނިމުނު ފަހުންނެވެ.  ކަޅުކުލައިގެ ސޯޓަކާއި އަތްކުރި ޓީޝާޓެއްގައި އާދައިގެ ގޮތަކަށް ފެނުނު ނަމަވެސް ނުހަނު ފުރިހަމައެވެ. އަވަހަށް އަންނަން އޭނާ އައީ ކުއިލްޓުވެސް ބާއްވާފައެވެ. އިސްތަށަށް ޖަހައިގެން ހުރެ އަލާމާރިއާއި ގާތައް ދިޔައިރުވެސް އެނދުގައި އިނދެ ވިޝާމް ބަލަމުން ދާކަން އެނގެއެވެ. އޭނާގެ ހަވަނަ ހިއްސު ހުރީ ސަލާމަތުންނެވެ.

”ފާހާނާއިން ނުކުތް އިރު މިތާގަ އޮތް ކުއިލްޓު ގެއްލިއްޖެ.. މި ފޮށި ހުޅުވާފަ އޭގެން ހެދުމެއް ވެސް މަދު.. އަޑުއެހި ޖެހިގެން ހުރި ގެސްޓް ރޫމް ތަޅުގައިވެސް މީހަކު އަތްލި އަޑު.. އަނެއްކާ ވަގަކު ވަނީބާ“ ސަމާސާގެ ރާގެއްގައި ވިޝާމް އިނދެ ބުނެލި އިރު އޭނާ ދިޔައި ވެސް ހެމުންނެވެ. ޒަންޔާ އުޅުނު ގޮތް  ވިޝާމްއަށް އެނގުނުކަން އެނގުމުން އިތުރަށް އެތާގައި މަޑެއް ނުކުރެއެވެ. ގަތް ލަދުން ދުވެލާފައި ގޮސްވަނީ ފާހާނައަށެވެ.

***

ހަވީރުވެގެން އައިއިރު އޭނާ ދިޔައީ ސަދަފް އާއެކު ރަށުތެރެ ބަލާލުމަށް ޓަކައި ތައްޔާރުވުމުންނެވެ. ރީއާއަށް ދިމާވި ކަންތަކަށް ފަހު މެންދުރަށް އެމީހުން ރޭވި ކަންތައް ވެސް އޮތީ ނުވެފައެވެ. އެކަން ހިނގީ އޭނާގެ އިހްމާލުން ކަމަށް ވުމުން، ކޮޓަރީގައި އޮވެއްޖެނަމަ މިރޭގެ ތައްޔާރީތައް ވެސް ކުރިއަށް ނުގޮސްފާނެއެވެ. އެހެން ވާކަށް އަމީރާ ބޭނުމެއް ނުވެއެވެ. ހިލޭ ބައެއްގެ ތެރޭގައި އުޅެމުންދާއިރު އޭނާގެ ސަބަބުން އެއްވެސް ޒާތެއްގެ އުނދަގުލެއް އެއިން މީހަކަށް ކުރިމަތިވާކަށް ބޭނުމެއް ނޫނެވެ. ކިތަންމެ ބޮޑަކަށް ތަބީއަތު ގޯސްވެފައި ހުރި ނަމަވެސް އިތުރު އެއްވެސް މީހަކަށް އޭނާ ރޯ މަންޒަރު ފެންނާކަށް ނޭދެއެވެ.

ކަޅުކުލައިގެ ޖީންސަކާއި ހުދު ގަމީސްކޮޅެއްގައި ތައްޔާރުވެލި އިރު އެމޫނުގައި ތާޒާ ކަމެއް ނުވެއެވެ.  މާ ބޮޑަށް ރުއިމުގެ ސަބަބުން ދެލޮލަށް ވެސް ހުރީ ޒާތަކަށް ބަރުވެފައެވެ. ފަޑު ރަތްކުލައިގެ ލިޕްސްޓިކަކުން ރަތް ތުންފަތުގެ ކުލަ ގަދަކޮށްލިއެވެ. ބުޅި އިސްތަށިގަނޑު އައްސާލާފައި އޮތީ ހުޅީއަކަށް ހަދާފައެވެ.

”އެމީ..“ ކޮޓަރި ތެރެއަށް މަޖުދާ ވަދެގެން އައުމުން އަމީރާ ލޯގަނޑު ކުރިމަތީގައި ހުރެ ފަސް އެނބުރި ބަލާލިއެވެ. މަޖުދާ ފެންނަ އިރަށް އަމީރާ މަސްނޫއީ ހިނިތުންވުމަކުން ތުންފަތް ފަވާލައިފިއެވެ.

”ވާހްހް ހާދަ ލޯތްބޭ..އެއްޗެއް ކައިފިންތަ ދަރިފުޅު؟“ އަމީރާގެ ބުރަކަށީގައި އަތް ޖައްސާލަމުން އަމީރާ ކުރެން މަޖުދާ ނުހަނު ލޯބިން އަހާލިއެވެ. އަމީރާ ހިނިތުންވެލައިގެން ހުރީ ގަދަކަމުން ކަން ދެނެގަންނާކަށް އޭނާއަކަށް އުނދަގުލެއް ނުވިއެވެ. މަޖުދާގެ ހިތައް އަސަރު ކުރީވެސް އެހެންވެއެވެ.

”ދެން މިރޭ އެއްޗެއް ކާން އުޅޭނީ.. ސަދަފް އެބަ އަންނަމޭ ބުނީމަ މި ތައްޔާރު ވަނީ.. ކޮބާ އިރޫ؟ ކިހާ އިރަކުތަ މިރޭ ފުރަނީ؟.. އަދި މިއުޅެނީ އެއްޗިސް ވެސް ނާޅާ“ އުފާވެރި އަޑަކުން އަމީރާ ވާހަކަ ދައްކަމުން ދިޔައެވެ. މަޖުދާއަށް ކުރެވުނުހާ ވެސް ކަމަކީ ހީލެވުނީއެވެ.

”އިރޫއާއި މީރާން އާއި އެބައުޅޭ ބޭރުގަ.. ނާޔޫ އާއި ޔުމާން އަންނަން ދެން ކަންނޭގެ.. ދައްތަ ހީކުރީ އެމީ ވެސް ދެއޭ އިރޫ ބުނި ކަމަށް“

”ލައްބަ އޭރު ދާން އުޅެފަ، ސަދަފް ބުނި ގެސްޓު އޭރިއާ ދައްކާލަން ގެންދާ ވާހަކަ.. އެހެންވެ ޕްލޭން ޗޭންޖްކޮށްލީ.. އެމީހުންވެސް ދާނެ ކަންނޭގެ އެތަނަށް“ އަމީރާ ބުނެލިއެވެ. އެހެންހޭ ބުނެ މަޖުދާ ވެސް ބޯ ޖަހައިލިއެވެ.

”އެމީ“ މާނަފުން ގޮތަކަށް މަޖުދާ ގޮވާލިއެވެ. އަމީރާ ކިހިނެތްވީހޭ އަހާ ފަދައަކުން ބުމަ ހިއްލާލިއެވެ.

”އިޔާ ކީ އެއްޗަކަށް އެހާ ބޮޑަށް ނުވިސްނައްޗޭ.. ޔަގީން ހަމަ މިހާރު ހުންނާނީ އެ ރުޅިގަނޑު ގޮސްފަކަން.. އަދި އެހާ ބޮޑަކަށް ވާހަކަ ދެއްކޭ ވަރެއް ނުވޭ.. އެކަމަކު މާލެ ދެވުމާއި އެކު ޥާހަކަ ދައްކާނާން.. ދެރަ ނުވައްޗޭ.. ފަހުން އިރޫ ވެސް ހޯދި.. އިރޫ އެހުންނަނީ ރުޅި އައިސްގެން ނުދާން .. އިޔާ އިނީމަ ނުވަންނަން ވެގެން ދައްތަ ކައިރީގަ ބުނީ ރީއްކޮ ނެރެދީބަލާށޭ.. އެންމެފަހުން ނެރެދިނީމަ އުރީ.. ދައްތަ އަށް ހީވަނީ އިޔާ، އިރޫއާއި ވާހަކަ ދައްކަން އުޅުނީ އެމީއާއި ބެހޭގޮތުން ކަންނޭގެ.. “

”ތިބުނީ“ އަމީރާއަށް ފާހާގަ ވީ މަޖުދާ އެންމެ ފަހުން ބުނި ޖުމްލައެވެ. ހިތްތެޅިގަތީ އިޔާން އާއި އޮތް ގުޅުން އެނގުނީބާއޭ ހީވެފައެވެ.

”މްމް މިބުނީ، އިރޫއާއި އެއްކޮން އެމީ އުޅޭތީ، އެހާ ވަރަށް އެއްޗިހި ކިޔުނީމަ އެކަމާއި ދެރަވެގެން ކަންނޭގެ އެއުޅެނީ“

ބުނެވެން އުޅުން ޖުމްލަ އިސްލާހު ކޮށްލާފައި މަޖުދާ އަލުން ވާހަކަ ދެއްކިއެވެ. އެ ޖަވާބުން ވަކި އެއްޗެއް ނުބުނެ އަމީރާ ހީލިއެވެ. ބޭރުން މީރާންއާއި ސަދަފްގެ އަޑުއިވުމުން މަޖުދާއާއި އެކު އަމީރާ ވެސް ނުކުތެވެ.  ސަދަފް ބަގީގައި އިން އިރު އުރުގައި ރީއާއިނެވެ. ޒަންޔާއާއި މީރާން  ކޮންމެވެސް އެއްޗެކޭ ކިޔާ ހެއްވަމުން ދިޔައިރު ތުއްތު ހުނުމުގެ އަޑުން މުޅިތަނުގެ ހަމަހިމޭންކަން އޮތީ ގެއްލިފައެވެ.  އަމީރާ ބަލައިލީ އިޔާން ފެނޭތޯއެވެ. ފާލަމުގެ ތަންކޮޅެއް ދުރުގައި ވިޝާމްއާއި އެކު މަޑުކޮށްގެން ހުރި އިޔާން ފެނުމުން އަމީރާގެ ފިޔަވަޅުތަކަށް މަޑުޖެހުމެއް އައެވެ. ރީއާ ފެނުމުން އުރާލަން އިންތިހާއަށް ބޭނުންވި ނަމަވެސް، އިޔާންގެ ކުރިމަތީގައި އެފަދަ ހިތްވަރެއް ދައްކާކަށް އޭނާއަކަށް ނުކެރުނެވެ. ފެނުމުން އެތާގައި ހުރެފައި ބަލައިލީ ވެސް ޒާތަކަށެވެ.  މަޖުދާ ބުނިކަމުގައި ވީ ނަމަވެސް، އެދެލޮލުން ފެންނަން ހުރި ނުރުހުމުގެ އަސަރުތަކުން، އޭނާގެ ހިތުގައި އުފެދިފައިވާ ރުޅިވެރިކަން އަދިވެސް ފިނިނުވާކަން ހާމަވަމުން ދިޔައެވެ. ރީއާ އުރާލާ ހިތުން ކެތްމަދުވެފައި ހުރި އިރު އެކުއްޖާއަށް ވެސް އަށް އަމީރާ ފެނިގެން ލޯބި ހިނިގަނޑެއް ޖަހާލާފައި އަތް ދިއްކުރަން ފެށިއެވެ.

”އިޓްސް އޯކޭ ދަރިފުޅާ، ހަމަ ކުރިން ގެންގުޅޭހެން ގެންގުޅޭންވީއޭ“ އަމީރާގެ ބުރަކަށީގައި ޖަހާލަމުން މަޖުދާ ހީލިއެވެ. ނަމަވެސް ދާކަށް ނުކެރުނެވެ.  ކަރުނުތައް ހިންދާލަން މަސައްކަތް ކުރަމުން ގަދަ ކަމުން ކަހަލަ ގޮތަކަށް ހީލިއެވެ.

”ރީއްކޮ ކިހިނެތް މިހާރު؟“ ހިތްވަރުކޮށްފައި ވާހަކަ ދެއްކިއެވެ.

”އަލްހަމްދުލިއްލާހް، ޝީ އިޒް ފައިން މިހާރު.. އެ އައިވީ ހުސްކޮށްލައިގެން އައިގޮތައް ވަރަށް އެކްޓިވް ހަމަ.. ބޭބީމެން ބޮޑުވަމުން އަންނައިރު އެކަހަލަ ކަންކަން ވެސް ވެގެންނޭ ކުދިން ބޮޑެތި ވާނީ.. އެއީ އެވަރުގެ ކަމެއް ނޫން، އެހެންނޫނަސް އެމީގެ ކުށެއް ވެސް ނެތޭ އެއަކު“ މަޖުދާ އަނެއްކާވެސް ހަނދާންކޮށްލަ ދިނެވެ. ނަމަވެސް އަމީރާއަށް ބެލުނީ ދުރުގައި ހުރި އިޔާންއަށެވެ. އޭނާގެ ކަޅި ވެސް ހުރީ ސީދާ އަމީރާއަށެވެ. އެންމެފަހުން އަމީރާ އަތް ނުލުމުން ރީއާ ރޯންފެށިއެވެ. އެއީ އަމީރާއަށް އެންމެ ބަލަން އުނދަގޫ މަންޒަރެވެ. އިތުރަށް ކެތްނުވެގެން އެދިމާލަށް ދެވުނެވެ. އަމީރާގެ އަތުގެ ތެރެއަށް ވަދެވުމުން ވަގުތުން ރުއިން ހުއްޓިއްޖެއެވެ. އާދައިގެ މަތިން ލޯބި ހިނިގަނޑެއް ޖަހާލާފައިއެވެ. އެހިނދު އެހެން އެންމެންނަށް ހެވުނު އިރު އަމީރާގެ ދެލޮލުގައިވީ ކަރުނުތައް ކޯތާފަތް މައްޗަށް ތިކި ޖަހަން ފެށިއެވެ. މާބޮޑަށް ޖަޒުބާތީވީއެވެ.

”ރީއްކޮ ގޮވައިގެން ދަމާ“ ސަދަފްގެ އަޑަށް އަމީރާ ދެލޯ ފުހެލާފާއި ބަލައިލިއެވެ. އޭނާ ލޮލުގެ އިޝާރާތުން އޭނާއަށް އިޔާން ދެއްކިއެވެ.

”ތިއްތިބެއަށް މެސެޖްކޮށްފަ އޭނާކުރެން އެހީއޭ މި.. އެހެން ނޫނަސް މީރާންއާ ޒަން ވެސް ދާނެއޭ“ ސަދަފް އިތުރަށް ބުނެލިއެވެ. ބޯޖަހައިލަމުން ރީއާ އުރާލައިގެން އެރިއެވެ. އަމީރާއާއި އެކު ފަހަތައް އެރީ ޒަންޔާއެވެ. ސަދަފްއާއި އެކު ކުރިއަށް އެރީ މީރާންއެވެ. ފާލަން މަތިން ފޭބި އިރު އިޔާންއާއި ހަމަވި އިރު އިޔާން ބަލަން ހުރިތަން ފެނި އަމީރާ ބެލީ ދުރެވެ.

ރަށުތެރެ ބަލާލުމަށްފަހު އުފާވެރި ވަގުތުކޮޅަކަށް ފަހު އެނބުރި ކޮޓަރިތަކަށް އާދެވުނު އިރު ހުރީ އިޝާ ނަމާދު ގާތްވެފައެވެ. ބޭރުގައި އުޅުނު ވަގުތު ރީއާ އާއި އެކު އުޅެވުމުން އަމީރާގެ މަޑުމޮޅިވެފައިވި މިޒާޖަށް ހުރީ ކޮންމެވެސް ވަރެއްގެ ހެއޮ ބަދަލްތަކެއް އައިހެވެ. ނަމަވެސް އެކުލަވަރު ބަދަލުވީ ގެއަށް ވަތް ހިސާބުންނެވެ. ސިޑި ކައިރީގައި އިޔާން ހުރީ އެމީހުންގެ އިންތިޒާރުގައި ކަންނޭގެއެވެ. ފޯނުން ކޮންމެވެސް މީހަކާއި ނުހަނު ހިނިއައިސްހުރެ ވާހަކަ ދައްކަމުން ގޮސް ރީއާ ފެނުމުން  އުރާލައިގެން ދިޔައެވެ. އޭނާ އެތާގައި ހުރި މީހަކަށް ވެސް ހަދާ ނުލައެވެ.  އަމީރާގެ ހިތް ހީވީ ތޮރުފިގެން ދިޔަހެންނެވެ. ނަމަވެސް ކާކޮޓަރިން، ނަދީމްއާއި މަޖުދާގެ އަޑު އިވުމުން ކެތްތެރިކަން އިޙްތިޔާރް ކުރުމަށްފަހު އަމީރާ ކޮޓަރިއަށް ވަނެވެ.

”ކޮބާ ހިނގާ ނަމާދުކޮށްގެން އެއްޗެއް ކާލަން..ނައިންގަ ފުރާނެ މާލެދާން“ އަމީރާ ފެނުމުން އިރަމް ވާހަކަ ދެއްކިއެވެ. އޭރު ނީޝަން ދިޔައީ ދަބަހަށް ސާމާނު އެޅުމުގައި އަވަދިނެތި އުޅެމުންނެވެ. އޭނާއާއި ބައިވެރިވެ ދަބަހަށް ސާމާނު އެޅުމަށްފަހު އަމީރާވެސް ނަމާދަށް އެރިއެވެ.

****

މެޝިންތަކުގެ ބީޕްއަޑުން ހޮސްޕިޓަލްގެ ތަނަވަސް ކޮޓަރިތެރެ ގުގުމާލަ ގުގުމާލަ ހުއްޓެވެ. ކޮޓަރީގެ މެދެއްހާ ހިސާބުގައި ހުރި އެނދުގައި އޮތީ ޒުވާން ފިރިހެނެކެވެ. ހަށިގަނޑުގެ އެތަން މިތަނަށް ގުޅާފައިވަނީ އެނދުގެ ވަށައިގެން ހުރި އެތައް މެޝިންތަކެއްގެ ނަރުތަކެވެ. މޫނުމަތީގެ ބޮޑުބައެއް ހަލާކުވެފައިވީ އިރު އެތަންތަނުގައި އަޅާފައިވާ މަލަންތައް ނައްޓާފައިވީ ނަމަވެސް ލަކުނުތައް ހުރިގޮތުން ބުރުސޫރަ ދެނެގަނެވޭ ވަރުވެސް ނުވެއެވެ. ހަށިގަނޑުވެސް އެފަދައެވެ. ހަށިގަނޑުގެ އެއްވެސް ތަނެއް ސަލާމަތުން އޮތް ކަމުގެ ނިޝާނެއް ފެންނާކަށް ނެތެވެ. ކިތަންމެ ފުންކޮށް ބެލި ނަމަވެސް، އަމިއްލަ ޒާތުގައި އޭނާ ނޭވާލާ ކަމުގެ އިހުސާސެއް ނުކުރެވެއެވެ. އޭނާގެ ފުރާނަ ދެމެހެއްޓުމަށްޓަކައި އަނގަޔަށް ލައްވާފައިވާ ހޮޅިއަކުން ވެންޓިލޭޓަރުގެ އެހީގައި އެހީގައި ބޭއްވިފައި އޮތީއެވެ.

”މިސް މަހާ؟“ އެނދާއި ދުރުނޫން ހިސާބެއްގައި، ކުޑަދޮރުގެ ދާރާގައި ލެނގިލައިގެން ހުރި ޒުވާން އަންހެންކުއްޖާ ފަސް އެނބުރިލީ ކޮޓަރި ތެރެއަށް ވަތް ނަރުހުގެ އަޑުންނެވެ. ދިގު އިސްކޮޅެއް ހުރި ރޫފަ ރީތި އަންހެން ކުއްޖެކެވެ. ހުދު ދޮންކަމެއް ހުރި ހަންގަނޑު އޮމާން ކަމުން ވިދުމެއް ހުއްޓެވެ. ކަޅުކުލައިގެ ރާޅުބާނީ އިސްތަށިކޮޅު އޮތީ ވިހުރެން ދޫކޮށްލާފައެވެ.  ނަރުސް އަންހެންމީހާގެ އަޑަށް ބަލާލި ނަމަވެސް މަހާގެ ފުރިހަމަ ސަމާލުކަން ހުއްޓިފައި ހުރީ އެނދުގައި އޮތް  ދިރުންނެއް މަސްގަނޑަށެވެ.

”އެއްވެސް ކުރިއެރުމެއް ނާދޭ… ހަމަ ކުރިންވެސް އޮތް ހާލަތުގަ“ މެދު އުމުރުގެ އެ ނަރުސް މީހާ ވަރަށް ރުންކުރު ރާގަކަށް ބުންޏެވެ. އޭނާގެ އަޑުގައި އެއްވެސް ކަހަލަ އޯގާތެރިކަމެއް ނެތެވެ. އެ މަރުތަޅު އެޅިފައިވާ ބަސްތަކަށްފަހު، އެއްވެސް އިތުރު ތަފްސީލެއް ދިނުމެއް ނެތި ކޮޓަރިން ނުކުމެގެން ހިނގައްޖެއެވެ. މަހާގެ ހިތުގައި އުފެދުނު ޝަކުވާތައް ދުލާ ހަމައަށް ނައީ އޭނާގެ ކެތްތެރިކަމުގެ ސަބަބުންނެވެ. ނަމަވެސް އޭނާގެ މޫނުމަތިން ނުރުހުންތެރިކަން ފާޅުވިއެވެ.

”އެޓްލީސްޓް ވީ އަރ ޕޭއިން އެވްރީ ސާވިސް، ދޭ އޮފަރ“ މޭޒު މަތީގައި ހުރި ޖޫސްޕެކެޓުން ތުމުގައި ޖަހައިގެން އަނެއްކާވެސް މަހާ ގޮސް ހުއްޓިލީ ކުޑަ ދޮރު ކައިރީގައެވެ. ބޭރަށް އޮހެމުންދިޔަ ހުދު ސްނޯގެ ތިކިތަކުން، އޭނާގެ ހަލަބޮލިވެފައިވާ ހިތަށް ކޮންމެވެސް ވަރެއްގެ ހަމަޖެހުމެއް ލިބޭތޯއެވެ. އެ ހުދުކަމުގެ ތެރެއަށް ގެއްލިފައި ހުރެ، އޭނާގެ ތުންފަތްމައްޗަށް ވެރިވީ ފަނޑު ހިނިތުންވުމެކެވެ. އެއީ ލިބުނު ހިތްހަމަ ޖެހުމުގެ ސަބަބުން ކަމެއް ނުވަތަ ހިތުގެ ރިހުމުން ސަލާމަތްވާން ކުރި މަސައްކަތެއް ކަމެއް ބުނާކަށް ނޭނގެއެވެ.

***

(ނުނިމޭ)