މި ޖިސްމުގާ ވަނީ 31

ކޯޓު ލަމުން ވާރޭގެ ތެރެއަށް ނުކުމެވުނު ހިނދު ހުއްޓުމެއް އައީ ސަދަފް ފަހަތުން އައިސް އޭނާގެ އަތުގައި ހިފުމުންނެވެ. އިރަމްގެ ނޭވާވެސް ހީވީ އަރުގައި ތާށިވެގެން ދިޔަހެންނެވެ.

”ކުރިންވެސް ބުނީމެންނު މަށާ ފިލަން ހިތައް ވެސް ނާރުވާށޭ.. ވައި އާރ ޔޫ ޓްރައިން ސޯ ހާޑް؟“ ސަދަފް ވާހަކަ ދެއްކިއެވެ. އިރަމްއަށް އިސްއުފުލާލެވުނެވެ. ސަދަފްއާއި ހަތަރުކަޅި ބައްދަލްވެގެން ދިޔަ ހިނދު ހީވީ ވަށައިގެން ހިނގަމުން ދިޔަ މަންޒަރު ވެސް ފުސްވެގެން ދިޔަހެންނެވެ. ކަޅި ޖަހައި ނުލާ ސަދަފް ބަލަމުން ދިޔައިރު އެ ދެލޮލުގައިވީ އަސަރްތައް ތަރުޖަމާ ކުރަން އިރަމްއަކަށް ނޭނގުނެވެ.

****

”އިރޫ.. ޕްލީޒް.. އަމް ބެގިންގ ޔޫ.. ޑޯންޓް ޑޫ ދިސް ޓު މީ“ ސަދަފް ވާހަކަ ދެއްކި އަޑަށް، އެ މޫނުން ކަޅި ދުރުކޮށްލަމުން އިރަމް ދޫކޮށްލީ ފުން ނޭވާއެކެވެ. އެހެނަސް އިރަމްގެ އަނގައިން ބަހެއް ވެސް ނީއްވާލުމުން އެއަތުގައި ހިފައިގެން ސަދަފް މިސްރާބު ޖެހީ އޭނާގެ ކާރަށެވެ. ދެމިނެޓް ހިނގާލެވުނު ހިނދު އެހިސާބަށް އާދެވިއްޖެއެވެ. ކާރުގެ ކުރީ ސީޓް ހުޅުވާލުމަށްފަހު އިރަމް އަރުވަން އުޅުނު ހިނދު ސަދަފްގެ އަތުން އިރަމް އަތް ދަމައިގަތެވެ. ހިތް ރޮއެގަތް ނަމަވެސް ، ތާއަބަދު އޮޅުވާލުމެއްގެ ތެރޭގައި ހުރެ އަމިއްލަ ހިތައް އަނިޔާ ދޭކަށް އިރަމް ބޭނުމެއް ނުވިއެވެ.

”ކެން ޔޫ ޕްލީޒް ސްޓޮޕް ޓަޗިންގ މީ؟ އޭމް އައި ޔޯ ޕްރޮޕާރޓީ އޯރ ސަމްތިން؟ ވަޓް ދަ ހެލް އިޒް ރޯންގް ވިތް ޔޫ! ސްޓޭ އަވޭ ފްރޯމް މީ!“ ސަދަފް ދެވަނަ ފަހަރަށް އަތްލަން ހިއްލާލުމުން އިރަމް ހަޅޭއްލަވައިގަތެވެ. އެ މޭގައި އަތް އަޅުވަލަމުން ފަހަތައް ކޮއްޕާލިއެވެ. ސަދަފް ދިޔައީ ސިހިގެންނެވެ. އިރަމްގެ އެ ސިފަ އޭނާއަށް ފެނުނީ މުޅިން އަލަށެވެ. ހައިރާންކަމުން ފުރިގެންވާ ބެލުމަކުން ބަލައިލެވުނެވެ. ފެނުނީ އިރަމްގެ ފެންކަޅިވެފައިވާ ދެލޮލެވެ. ނަމަވެސް ސިކުންތުކޮޅެއްގެ ތެރޭގައި ކަރުނުތައް އޮއްބާލަމުން އެ މޫނަށް ރުޅިވެރިކަން ގެނައި ގޮތެވެ.

”ވަޓް؟“ ސަދަފްއަށް އެހުނެވެ. ނަމަވެސް ފެނުނީ ދުވެލާފައި އިރަމް އޭނާގެ ލޯ ކުރިމަތިން ދިޔަތަނެވެ. ސަދަފްއަށް ހުރެވުނީއެވެ. ހިތައް ވެގެން ދިޔައި ތަފާތު ގޮތެވެ. އިރަމްގެ ފަހަތުން ދާން ވެގެން ހިއްލާލި ފިޔަވަޅު ފަހަތައް އަޅާލަން މަޖުބުރުވީ ދުވަމުން ކަހަލަ ގޮތަކަށް ބޭރަށް ނުކުތް އޭނާގެ އެކުވެރިޔާ ގޮވާލުމުންނެވެ.

”ޝެޑީ..ވޮލެޓް ބާއްވާފަ އޭ ތިދިޔައީ“ އިރަމްގެ ފަހަތުން އަންނަން ހަދައިގެން ވޮލެޓްގެ މަތިން ވެސް ހަނދާން ނެތުނީއެވެ. ލޮލުގެ ހަނިއަރިން ތެމިފައިވި ހިސާބު ނުގޮތަކަށް ފުހެލަމުން، އެކުވެރިޔާއާއި ސަދަފް ކުރިމަތިލީ ހިނިތުންވުމަކުންނެވެ. އަލުން އެކުވެރިންނާއި ގާތައް ދިޔުމުގެ ވިސްނުމެއް އޭނާގެ ނެތެވެ. ކާރަށް އެރިއެވެ. ސީޓުގައި ހަމަޖެހިލެވުނު ހިނދު ހުންގާނުގައި ދެއަތުން އަތް އަޅުވާލެވުނެވެ. ބުރަބޮޑުވެފައި ސިކުނޑިއަށް ލުޔެއް ހޯދަން އޭނާ ބޭނުންވީ ކޮންމެވެސް މީހަކާއި ވާހަކަ ދައްކާށެވެ. އިރަމް ވާހަކަ ދެއްކި ގޮތުން ހިތުގައި ވޭން އަޅަމުން ދިޔައީ ނުބައިގޮތަކަށެވެ.

ވިޝާމް ވެސް ވާނީ ޒަންޔާއާއި ބައްދަލްކުރަން ގޮސްފައިކަން އޭނާ ދަނެއެވެ. އެންމެ ފުރަތަމަ ފޯނު ނަގާ މީހަކާއި ވާހަކަ ދައްކާލުމުގެ ނިޔަތުގައި ގެއަށް މިސްރާބުޖެހިއެވެ. އެނޫނީ އޭނާ މޮޔަވެދާނެއެވެ.

****

ބަރާބަރު ހަތަރު ހަފްތާއަށް ފަހު މާއިން ގެއަށް އައެވެ. ފަތިހުގެ ވަގުތުކަމަށް ވެފައި ބިންގަނޑުވެސް އަލި ނުވާތީ، ގޭގެ އިތުރު މީހަކު އެވަގުތު ހޭލާ އުޅޭހެންނެއް ހިއެއް ނުވެއެވެ. ގެއާއި މާދުރު ނޫން ހިސާބެއްގައި ހުންނަ މިސްކިތުން ބަންގިގޮވާ އަޑުވެސް އޭރު އިވެމުން ދިޔައެވެ. އެހެނަސް އެއަޑަށް އިޖާބަދިނުމަކީ އޭނާ ކޮށް އުޅޭ ކަމެއް ނޫން ފަދައެވެ. ބޮނދަމުން އައިސް އަމިއްލަ ކޮޓަރިއަށް ވަދެވުނު އިރު ހަމަޖެހުމުގެ ނޭވާއެއް ދޫކޮށްލެވުނެވެ. ދިގު އިސްތަށިގަނޑު ކޮށާ ތުނިކޮށްފައި ވީ ނަމަވެސް އޭނާގެ ހެނދުން އެޅުމުގެ ވައްޓަފާޅިއަކަށް ބަދަލެއް ނާދެއެވެ. ކިރިއާ އަތަކަށް ކިރިލީ ނަމަވެސް ސޮހިގެން ދާފަދަ ދޫ ސޯޓަކާއި ދޫކަމުން ގޯންޏެއްގެ ސިފަޖަހާ ޓީޝާޓެއް ލައިގެން ހުރިއިރު، މީހާގެ ހަށިގަނޑު ސިފަވަނީ ހިމަ ހޯލިކޮޅެއްހެންނެނެވެ.  ތުންފަތާއި ލޯ ކައިރިއަށް ވެސް އަރަނީ ކަޅު ކުލައެވެ. އޭނާގެ ކަރާއި އަތާއި ފައިގާ އަމުނާލާފައި ހުރި ރިހި ފައްތައް ވެސް އެގޮތުގައި ހުއްޓެވެ.

ކޮނޑުގައި އޮތް ބެކްޕެކް އެނދުމައްޗަށް ހޫރުވާލަމުން ބާކީ އޮތް ހުސްތަނަށް ޖެހިގަތެވެ. އޭނާގެ މޫނުމަތިން ޠަބީއަތު ރަނގަޅު ނޫންކަން ހާމަވެއެވެ. ޖީބަށް އަތް ކޮއްޕާލަމުން އޭނާ ނެގީ އިރަމްގެ ފޯނެވެ. ފަރިތަކަމާއި އެކު ފޯނުގެ ލޮކް ފިލުވުމަށް ޖަހަންޖެހޭ ކޯޑު ޖަހާލަމުން ހުޅުވާލިއެވެ. ގެލެރީއަށް ވަނުމުން ފެނުނު އިރަމްގެ ފޮޓޯއަށް ފުން ނަޒަރެއް ދިނެވެ.

”ސަދަފްއަށްތަ ހުރިހާ މޮޅެއް ލިބެން ޖެހެނީ؟“ ފޮޓޯގަނޑު ބޮޑުކޮށްލަމުން އޭނާގެ ސަހާދަތް އިނގިލީގެ ދިގު ނިޔަފަތިގަނޑުން އިރަމްގެ މޫނާއި ދިމާލުގައި ފިރުމާލިއެވެ. އެއްވެސް އަސަރެއް މޫނަށް ވެރިނުކޮށްލާ އޮތް މާއިންގެ ތުންފަތައް މަކަރުވެރި ހިނިތުންވުމެއް ވެރިވެގެން ދިޔައީ އެ ފޮޓޯއާއި ޖެހިގެން އިން ފޮޓޯ ފެނުމުންނެވެ. އެއީ އޭނާއަށް އަލަށް ފެނިގެން ދިޔަ އެއްޗެއް ނޫންކަން އެންމެ ބަލައިލުމަކުން ވެސް ދޭހަވެއެވެ. އެ ފޮޓޯއިން ފެނިގެންދަނީ ކުރު ސޯޓުކޮޅަކާއި ތުނިތުނި ގަމީހެއްގައި ވާރެއާއި ތެމެމުން އިރަމް ސަކަރާތް ޖަހަމުން ދިޔަ މަންޒަރެވެ.  ނުގޮތަކަށް އަމިއްލަ ތުންފަތުގައި އިނގިލިން ބީއްސާލެވުނު އިރު އެ ސިކުނޑީގައި ދައުރުކުރުވަމުން ދިޔައީ ރަނގަޅު ހިޔާލުތައްކެއް ނޫނެވެ.

މާއިން ހަނދާންކޮށްލި އިއްޔެގެ މަންޒަރެވެ.

…..

އިރަމްއާއި ވާހަކަ ދެއްކުމަށްޓަކައި ފާރަވެރިވަމުން ދާތާ ބަރާބަރުން ހަތަރު ހަފްތާ ވީއެވެ. އާއިލާއިން މީހެއްގެ ލޮލަށް ނުފެނި ގެސްޓްހައުސްއެއް ކުއްޔަށް ނަގައިގެން މާއިން ދިރިއުޅެނީ އެތާގައެވެ. މާގިނަ ފޮޓޯއެއް އިރަމްގެ ފޯނުގައި ނެތްނަމަވެސް، އޭގައިޥާ މަދު ފޮޓޯތަކުގެ ތެރެއިންވެސް މާއިންގެ ކަޅި ހުއްޓުނީ އިރަމް އެ ތުނި ގަމީހުގައި ވާރެއާއި ތެމެން އުޅުނު މަންޒަރު ފެނިގެންދާ ފޮޓޯއެވެ. ހަށިގަނޑުގައި ގަމީސް ތަތްލަވާފައި ވާގޮތުން ވަނާތަކުގެ ބައްޓަންތައް ހުރަހެއް ނެތި ފާޅުވެއެވެ. ނާޔާއާއި ޔުމާން ކައިވެނީގެ ފަހުން އާންމުކޮން އިރަމް ފެންނުނަސް، މާބޮޑަކަށް އޭނާއަށް ސަމާލުކަން ދެވިފައެއް ނެތެވެ. އެހެން ނަމަވެސް  އެ ފޯނުންއެ ފޮޓޯތައް ފެނުނު ދުވަހުން ފެށިގެން އިރަމްގެ ހިޔާލް ނުން އިތުރު ހިޔާލެއް މާއިންގެ ބޮލަކަށް ނުވަދެއެވެ. އޭނާގެ މައިގަނޑު މަސައްކަތަކީ ނިދާފާއި ހޭލައިގެން އަމިއްލަ ކާރުގައި އިރަމް ފެނޭތޯ އެގޭ ކައިރިން މުގޯލި އެޅުމެވެ. ފެންނަން ވެސް ފެނެއެވެ. ނަމަވެސް ދުވަހަކުވެސް އެކަނި ނުފެނެއެވެ. މުޅިން ވެސް އިޔާން ނޫނީ ނަދީމްއާއި އެކުއެވެ. އެހެންނޫނީ ނާޔާ ނޫނީ ޔުމާން އާއި އެކުއެވެ. ދެން ފެންނާނީ މީރާން ނުވަތަ ނީޝަންއެވެ.  އެގޮތުން އިއްޔެ ވެސް އޭނާ ނުކުތީ އެ މަސައްކަތަށެވެ.  މަހެއް ވެގެން ދިޔައިރު އޭނައަށް އިރަމް ވަކިން ފެނުނީ އިއްޔެއެވެ.  ކޮލެޖުން ފެށިގެން އަތިރިމައްޗާއި ހަމައަށް އޭނާގެ ފަހަތުން ކާރުގައި މާއިން ވެސް ދިޔައެވެ. ގަސްތުކޮށްގެން ހުރީ ކޮންމެ ގޮތެއް ހަދާފައި ވެސް އިރަމްއާއި ވާހަކަ ދެއްކުމަށެވެ.

އެކަމަކު ފެނުނީ އެންމެ ހީނުކުރާ މަންޒަރެވެ. ފެނުނީ ސަދަފްއާއި އިރަމް އެވެ. ދެޒުވާނުން ތިބިލެއް ގައިގޯޅިކަމުން މާއިންގެ ނޭވާ ހާސްވާގޮތްވިއެވެ.  ފުދޭވަރަކަށް ދުރުން ފެނުމުން ދެމެދުގައި ދެކެވުނު ވާހަކައެއް އޭނާއަކަށް ނޭނގެއެވެ. ނަމަވެސް އިޝާރާތްތަކުން ހަމަނުޖެހުމެއް ހިނގައިގެން އުޅުނުކަން އެނގެއެވެ. ކޮންމެއަކަސް އެދެމެދުގައި ކަމެއް ހިނޣާކަމަށް ހިތް ބުންޏެވެ. ސަދަފް ފެނުނު ވަގުތުން މާއިންގެ ލޭ ކެކިގަތް އިރު ، އޭނާގެ މޫނަށް އިރަމް ބަލަން ހުރިގޮތް ސިފަވުމުން މޭގަނޑު އަނދައިގަތެވެ.

….

އިއްޔެގެ އެ ހާދިސާގެ ހަނދާނުން ނުކުމެވުނު އިރު މާއިންގެ މޫނު މަތި ކިލަނބު ކޮށްލާފައިވަނީ ހަސަދައާއި އާއި ނުރައްކާތެރި ކަމުގެ ކުލަތަކުންނެވެ. ”ހަހް! އަހަންނަށް އުފަލެއް ލިބެން އުޅެންޏާ އެދޭތެރޭގަ އޭނާ! ސަދަފް.. ސަދަފް.. ސަދަފް! މި ނޫން ނަމެއް ނީވޭ! ބޮޑު ބ*ލ*އަކަށް ވެއްޖެ! އޭނައަށް ޖެހޭނީ އެ މަންޖެއާއި ދުރަށް ދާން“ އިރަމްގެ ތަސްވީރު ކައިރި ކޮށްލަމުން ތުންފަތް ޖައްސާލި އިރު މާއިންގެ ތުންފަތުގައި ދުވެލަ ދުވެލަ ހުރި މަކަރުވެރިކަން އިހުނަށްވުރެން ފުންވެގަތެވެ.

****

ކަޓިން ބޯޑުމަތީގައި  އަތުރާލާފައި ހުރި ތަރުކާރީތައް ކޮށަމުން، އަމީރާ ދިޔައީ އުނދުނުގެ މަތީގައި ހުރި ތެލިވެސް ބަލަމުންނެވެ. ދޭތެރެއިން އަތުކުރީގައި އަޅާފައި އޮތް ގަޑިއަށް ވެސް ނަޒަރު  ހިންގާލައެވެ. އާމިލާ ފޮނުވައިގެން އެގެއިން މީހަކު އޭނާ ބަލާ އަންނާނެ ވާހަކަ އޮތީ ބުނެފައެވެ. އަމީރާ ބެލީ އޭގެ ކުރިން މަސައްކަތް ނިންމާލާފައި ތައްޔާރު ވެވޭތޯއެވެ. އަމީރާއާއި އެކު އިރަމްވެސް މަސައްކަތުގައި އުޅެމުން ދިޔައެވެ.

“ ސަމްތިންގް ހެޕެންޑް ލަވް؟“ އަމީރާ ކައްކަމުން ދިޔަ ސާމާނު ނިމުމުން އުނދުން ނިއްވާލަމުން އެނބުރިލީ ރޮށި ފިހަމުން ދިޔަ އިރަމްއާއި ކުރިމަތިވާނެ ހެންނެވެ. އިރަމް އައިސް ވާހަކަ ދެއްކި ނަމަވެސް އެހެން ދުވަސްދުވަހާއި ހިލާފަށް މިއަދު އޭނާގެ ތަބީއަތުގައި ހުރި މަޑުމައިތިރިކަން، ނަގައިގަންނާކަށް އަމީރާއަކަށް އުނދަގުލެއް ނުވިއެވެ.

އަމީރާގެ ސުވާލުން ލަސްލަހުން ރޮށި ދަމުން ހުރި އިރަމްގެ ހަރަކާތް އެކުއެކީގައި ހުއްޓުނެވެ. އިސްޖަހައިލި ގޮތައް އަނގަޔަކުން ބަހެއް ނުބުންޏެވެ. މަޖުދާ ދުރުން އަންނަ އަޑުއަހާފައި އަމީރާވެސް އިތުރު ސުވާލެއް ނުކޮށް މަޑުކޮށްލިއެވެ.

”އިރޫ.. އެމީއާއި އެއްކޮން ދާންވާނެ އެނގޭ އެގެޔަށް..“މަޖުދާގެ ޖުމްލައިން އިސްޖަހައިގެން ހުރި އިރަމް ތުންފަތް ހަފާލިގޮތް އަމީރާއަށް ފެނުނެވެ.

”މަންމާ އަހަރެން-“

”އާން ދައްތާ އިރޫ ބުންޏޭ ދާނަމޭ.. ދޯ“ އިރަމް މަނާ ކުރަން އުޅުނުކަން އެނގުމުން އަމީރާ އަވަހަށް ބުނެލިއެވެ. އެއާއި އެކު އިރަމް އިސްއުފުލާލިތަން ފެނި އަމީރާ، މަޖުދާގެ މޫނަށް ބަލައިލީ އެ ނަޒަރު ނުފެންނަ ކަމަށް ހަދާލާފައެވެ.

”އިރޫ ގޮސްގެން ފަސޭހަ ވާނީ ވެސް ދޯ…ރީއްކޮ ދާއިރު އުނދަގޫވާނެ އިތުރު މީހަކު ނުދަންޏާ.. މިއަދު ކޭކުގެ ފައިނަލް ޓަޗްސް ހުރީމަ މަންމައަކަށް އަދި ނެތް ދެވޭކަށް.. އެކަމަކު ނިމުނު ހާ އަވަހަކަށް ޖޮއިން ވެލާނަން ދަރިފުޅުމެންނާ.. އަދި ހަނދާން ނެތިފަ މިހުރީ ، އެބަހުރި ހުރިހާ ކުދިންގެ ހެދުންތައް ނިންމައިގެން ގެނެސް.. އެގެއިން އައިސްވާނެ ހެއޮވަރުތޯ ބަލަން“ މަޖުދާ ބުނެލިއެވެ. އަމީރާ ބޯޖަހާލިއެވެ.

މަޖުދާ ދިޔަކަން އެނގުމުން އިރަމް ބަލައިލީ ލޯ އަޅާލައިގެން ހުރެއެވެ. އަމީރާ ގާތައް ހިނިއައިސް ހުރެ، އިރަމްގެ އަތުން ސާމާނުތައް އަތުލަމުން ރޮށި ފިހަން ފެށިއެވެ. އޭނާ އެންގީ ގޮނޑިއެއް ހިފައިގެން އައިސް އިށީނުމަށެވެ.

”އައި ނިއު އިޓްސް އެބައުޓް ސަދަފް، ސޯ ޓެލް މީ، ވަޓް ހެޕެންޑް؟“ އަމީރާ ނިތް އަރުވާލުމުން އިރަމް ތުން ފިއްތާލިއެވެ. އެހެން އިނދެ އިއްޔެގެ ހާދިސާ ކިޔައިދިނެވެ. ކަކުލުގައި އިރަމް ބޯ އަޅައިގެން އެއްދިމާލަކަށް ކަޅި ހުއްޓާލިއިރު ދެލޯ ފުސްވެގެން ދިޔައީ ލޮލަށް ޖަމާވި ކަރުނުންނެވެ.

”އިރޫ ކީއްވެތަ ބުނީމަ ބުނާ ގޮތް ނުހަދަނީ؟ އަހަންނަށް ލިބުނު އިބްރަތް ނުފުދޭތަ؟ އިރޫގެ ކައިރީގަވެސް ކިތައް ދުވަހު ރުއިން.. އެއްފަސްގަނޑެއްގަ، އެއް ހިޔާވައްސެއްގަ ދިރުއުޅޭ ދެމީހުން އަހަރެމެން މިއީ އަދި… އެދުވަހު އަހަރެން ތަހައްމަލް ކުރި ވޭން އެހެން މީހަކު ތަހައްމަލް ކުރާކަށް ނޭދެން..އެއީ ކިހާވަރެއްގެ ޕެއިންއެއް ކަން އެނގޭތީ އެހާ ވަރަށް މިހެން މިކިޔަނީ.. މަށައް ކޮށްދޭ ކަމެއްގެ ގޮތުގައި ނަމަވެސް، ޕްލީޒް ގިވް ހިމް އަ ޗާންސް، އެޓްލީސްޓް! ޑޯންޓް ޔޫ ތިންކް ހީ ޑިޒާރވްސް އިޓް؟ އެއީ ވެސް އިރޫ ކަހަލަ އިންސާނެކޭ“ ކިތަންމެ ރީތިކޮން ވާހަކަ ދެއްކި ނަމަވެސް އިރަމްގެ މިޒާޖު ހުންނަގޮތުން ފަސޭހައިން ގަބޫލް ނުކުރާނެކަން އޭނާ ދަނެއެވެ. އެހެންވެ ވާހަކަ ދެއްކީ ވެސް ހިސާބަށް ހަރުކަށި ރާގެއްގައެވެ.

”ދެން ހީ ޝުޑްންޓް ޑޫ ތިންގްސް ދެޓް ކޮންފިއުޒް މީ“ އެއިންގޮތައް އިނދެ އިރަމް ބުނެލިއެވެ. އަމީރާއަށް ދެފަރާތައް ބޯހޫރުވާލެވުނު އިރު އިރަމްއަށް ވިސްނައިދޭނީ ވެސް ކިހިނެތްބާއޭ ހިތާހިތާ ސުވާލްކޮށްލެވުނެވެ.

”އަޅެ އިރަމް.. އަހަރެން ދައްކާ އެއްވެސް ވާހަކައެއް އަޑުއަހާނެ ކަމެއް ނެތް.. ދުވަހަކުވެސް ނާހައްޗޭ! އެކަމަކު އޭނައަށް ވާހަކަ ދައްކާލަން ފުރުސަތެއް ދޭތި.. އޭނަ ކިޔާ އެއްޗެއް އަޑުނޭހިޔަސް ، ވާހަކަ ދައްކަން ފުރުސަތެއް ދިނުން ގޯހެއް ނުވާނެ“ އަމީރާ އެންމެފަހުން އެވާހަކަ އެވަގުތައް މެދު ކަނޑާލިއެވެ. ބޭރުން ވިޝާމްގެ އަޑު އިވުނީއެވެ. އަވަސްކޮށްގެން ނުކުތް އިރު ވިޝާމް ސޯފާގައި އިނެވެ. އޭރު ނަދީމްގެ ކޮޓަރީގެ ތެރެއިން އިޔާންގެ އަޑު އިވެއެވެ.

އަމީރާ ފެނުމުން ފިނި ނޭވާއެއް ވިޝާމްއަށް ދޫކޮށްލެވުނެވެ. ރީތި ހިނިތުންވުމަކާއި އެކު ހެނދުނު ސަލާމް ކިޔެވެ. އަމީރާ ވެސް ރައްދުދީފައި ކޮޓަރިއަށް ވަނީ ތައްޔާރުވެލާށެވެ. ރީއާ ވެސް ވީ އެކޮޓަރީގައެވެ.

”ކޮބާ ފެނިއްޖެތަ؟“ އިޔާން ނުކުމަތްތަން ފެނިގެން ވިޝާމް އަހާއިލިއެވެ. ހުރިހާ ދަތެއް ފެންނަވަރެއް ހީލަމުން އިޔާން ދައްކާލީ އޭނާގެ އައިޑެންޓިޓީ ކާޑެވެ. އިރަމް ފަހަތުގައި ހުރެ އިޔާންގެ އަތުގައި ވިކައިގަތެވެ.

”އަޅެ މީހަކު ހައިރާނެއް ނުވާނެތަ ދޮންބޭ.. ތިއަށް ވުރެން އަވަހަށް ތިކަމާއި އުޅެކަށް ނޭނގޭތަ.. މާދަމާ މީ ވެޑިންގ އޭ“

”މިކަން ވާނެއޭ ކުޑަ އިރުކޮޅެއްގެ ތެރޭގަ.. ކާމްޑައުން“ އިރަމްގެ ކޮލުގައި ހިފާލަމުން އިޔާން ޖަވާބުދިނެވެ. އޭނާ ވިޝާމްއަށް ކަޅިއެއް އެއްލި ހިނދު އޭނާ ދެފަރާތައް ބޯހުރުވާލިއެވެ.

”ބަލާ މީނަ މަ ވެޑިންގަ ފަރުވާ ކުޑަކޮށްލިވަރު.. ހެކިވެރިއެއް ވިއްޔަ.. އެންމެ ފަހުވަގުތު އައިޑީ ކާޑު ގެއްލި ، އެ ފެނުނު އިރު މުއްދަތު ހަމަވެފަ.. ޕިސް ހަނދާންކުރާތި ކަލޭ ވެޑިންގަ މަ ނުހުންނާނަން ރާއްޖޭގަ ވެސް“ ވިޝާމް ލޯ އަޅާލި އެވެ. އިޔާން ހޭންފަށާފައި އައިސް އިށީނީ އޭނާގެ ގާތުގައެވެ.

”ކުޑަ އިރުކޮޅެއްގެ ތެރޭގަ މިކަން ވާނެއޭ.. މިހާރު އެ ނިންމަނީ.. ރައްޓެއްސެއް އުޅޭނެ އެތާގަ.. ހާސް ކަނޑާލާ.. ކީއްވެ ސަދަފް މައްޗަށް ނޭރީ؟“ ފަހު ޖުމްލަ އިޔާން ބުނެލީ ފުދޭވަރަކަށް މަޑުންނެވެ. ނަމަވެސް އެ ޖުމްލަ އެމީހުންގެ ކުރިމަތީގައި އިން އިރަމްއަށް އިވުނެވެ. މެޔަށް ފިނިވެލިއެވެ. ބަލާ އަންނާނީ  ސަދަފްހެން ކުރިންވެސް ހީވެފައި އޮތް ނަމަވެސް ވިޝާމް ފެނުމުން އިރަމް ހުރީ ހަމަޖެހިލައިގެންނެވެ. ނަމަވެސް އެ ހަމަޖެހުން ގެއްލިގެން ދިޔައެވެ. އެމީހުންނަށް ފަހްމް ނުވާނެހާ ލަސްލަހުން ތެދުވެ ކޮޓާރިއަށް ވަނެވެ.

”ތައްޔާރެއް ވެސް ނުވަންތަ؟“ އެނދުމަތީގައި އިން ރީއާ އުރާލައިގެން  އަމީރާ އުޅުނީ ނުކުންނާށެވެ.

”ނޫން މިދަނީ“

އިރަމް ޖަވާބު ދިނެވެ. އަމީރާ ވެސް މަޑުކޮށްލީ އިރަމްއާއި އެކު ދިއުމަށެވެ.  ހެދުމެއް ހިފައިގެން އިރަމް ފާހާނައަށް ވަދެ ބަދަލްކޮށްގެން ނުކުމެ، ކުޑަގޮތަކަށް ތައްޔާރު ވެލިއެވެ. ތިން އަންހެން ކުދިން ނުކުމަތް ތަން ފެނި އިޔާން އާއި ވިޝާމް ވެސް ތެދުވިއެވެ. އިޔާން ބަލައިލަމުން ހީލިތަން ފެނި އަމީރާ ހީލިއެވެ. ނަމަވެސް އެހެން މީހުން ތިބުމުން ވާހަކަ ދައްކާކަށް ނުކެރުނެވެ.

”އާއީ ދޫނީ.. ހާދަ ލޯބި ބެއާރއެއް.. ދީބަލަ ބޭބެއަށް“ ރިއާ އުރާލެވޭތޯ ވިޝާމް އަތް ދިއްކޮށްލިއެވެ. ނަމަވެސް ލާނެތް ގޮތަކަށް ހީލަމުން އަމީރާގެ ކަރުގައި އޮޅިގަތެވެ.

”ނޯޓީ.. އެމީ ފެނިއްޖެއްޔާ ދޮންބެ ކައިރިއަށް ވެސް ނުދޭ “ ދެވަނަ ފަހަރަށް ވެސް ވިޝާމް އުރާލާހިތުން ކައިރިވުމުން ރީއާ އެހެން ހެދުމުން އިރަމްއަށް ހެވުނެވެ. ތިންމީހުން ނުކުތް އިރު ގޭގެ ދޮރު މައްޗަށް ވާހެން ސަދަފްގެ ކާރު އޮތެވެ. އަމީރާއާއި ވިޝާމް ކާރާއި ދިމާލަށް ދިޔައިރު އިރަމްގެ ފިޔަވަޅުތަކަށް ލަސްކަމެއް އައެވެ. ތެޅެމުން ދިޔަ ހިތް މަތަކޮށްލަމުން، ހިންދިރުވާލިއެވެ.

”އިރޫ.. މިއޮތް ކުޑަ ތަންކޮޅުގަ ހިނގާލާފަ އަންނަން ހާދަ ލަހޭ“ ދޮރުފަތް ހުޅުވައިގެން ހުރެ އިޔާން ގޮވާލުމުން އިރަމް ދުވެލާފައި އައެވެ. ވިޝާމް ކުރީގައި އިން އިރު، އިޔާން އާއި އަމީރާ ތިބީ ފަހަތުގައެވެ. އަމީރާގެ ކައިރީގައި އިށީންދެ ހަނި ނަޒަރެއް ސަދަފްއަށް ދިއްކޮށްލި އިރު އޭނާ އިނީ ފޯނަށް ކަޅި ހުއްޓަލައިގެންނެވެ. އަވިއައިނު އަޅާލައިގެން އިންގޮތުން އެދެލޯ ވަނީ ފޮރުވިފައެވެ. ގަދަ ނޫކުލައިގެ ޓީޝާޓްގައި ފަހަތުން ފެނުނު އިރުވެސް އެ ރީތިކަމަށް އިރަމްއަށް ކަޅި އުކެއެވެ.

”ހޭއީ“ ކަންފަތައް އިޔާރޕޮޑު ޖަހާލާފައި އިން އޭގެން އެއްޗެއް އަޑު ނާހާކަން ހާމަވީ ރީއާ އަތް ގޮވާލި އަޑުއިވިފައެވެ. އެއަޑު  ޖެހުމުން ވެސް އިރަމްގެ ހިތައް އެނގުންވެލިއެވެ.

”މިއޮތް ވިއްސާރަ ދުވަހު ވެސް އަވި އައިނުގަތަ؟“ އަމީރާ ވާހަކަ ދެއްކި އަޑަށް ސަދަފް ފަސް އެނބުރިލިއެވެ. އޭރު އޭނާ އިނީ ހެވިފައެވެ. ނަމަވެސް އެންމެ ފަހަރަކުވެސް އިރަމްގެ މޫނަކަށް އޭނާ ބަލައެއް ނުލިއެވެ.

”ނުބައި ކޮޅަކުން އިރުއަރައިގެން އުޅޭ މީހެއް އެއީ“ ވިޝާމް ވެސް ބައިވެރިވިއެވެ. އިޔާންވެސް ލޯގަނޑުން ބަލައިލިއެވެ. އޭނާ ވެސް އިނީ ހިސާބަކަށް އަޖައިބުވެފައެވެ. އިޔާން ދޭތެރެއަކުން އިރަމްއަށް ކަޅި އެއްލައެވެ. އިރަމްގެ ނަޒަރު ސަދަފްއަށް ހުއްޓެމުން ދިޔައީ މަދެއްކޮން ނޫނެވެ. ނަމަވެސް އައިނުގެ ސަބަބުން، ލޯގަނޑުން ނަމަވެސް ސަދަފް ބަލާކަމެއް ނުވަތަ ނޫން ކަމެއް އިޔާންއަކަށް ޔަގީނެއް ނުވިއެވެ. އިރަމްގެ ދެލޮލުން ފެނުނު އަސަރުތައް ދިރާސާ ކުރަމުން ދިޔައިރު އިޔާން އިނީ ހިސާބަކަށް ހިތް ނުތަނަވަސްވެފައެވެ. ދެޒުވާނުންނާއި މެދު ހިތުގައި އުފެދިފައިވާ ޝައްކުތަކައް އިތުރު ބޮޅެއް އިތުރުވިއެވެ.

”ހޭއި..“ ސަދަފް ގޮވައިލީ ކިރިޔާ ވިޝާމްއަށް އިވޭވަރަށެވެ. ވިޝާމް ނިތްއަރުވާލި އެވެ.

”މާއިން އެބައުޅޭ ގޭގަ“ ސަދަފް ބުނެލި ހިނދު ވިޝާމްގެ މޫނުމަތީގެ ކުލަވަރު މުޅިން ބަދަލްވެއްޖެއެވެ.

”ކިހިނެތް އެނގުނީ؟“

”ދެންމެ ދޮންބެ ގުޅާފަ ބުނީ … އޭނާ އެބައުޅެޔޯ އެކަމަކު ގެއަށް އައި އިރެއް ނޭނގެޔޯ“ ސަދަފް ކިޔައިދިނެވެ. ވިޝާމްގެ މޫނުމަތި ބަނަވެފައިވި އިރު އިހު ހުރި ތާޒާކަމެއް މިހާރަކު ނުވެއެވެ. ”އަޅާލާނެ ކަމެއް ނެތް.. މާދާމާގެ ކަންކަން ނިމެންދެން ހުރެލާ އެއްޗެއް ނުބުނެ.. ތިއްތިބޭ .. އެބައޮތް ވަރަށް ބޮޑު ވާހަކަ އެއް ބުނަން ވެފަ .. ފްރީ ވެފަ އަހަންނަށް އެނގިލަ.. އިޓްސް އެބައުޓް ހިމް“

”ކޮން ވާހަކައެއް؟ ކަމެއް ހިނގަނީތަ ޝެޑީ؟“

”ނޫން.. ހިނގަން ވާއިރަށް .. އައި މޭ ނީޑް ޔުއާރ ހެލްޕް… އެންޑް އިޔާން ގާތު ބުނޭ އެމީއަށް ބަލަން.. މަ ނުކުރަން އޭނައަކަށް އިތުބާރެއް..“ ސަދަފް ދައްކަމުން ދިޔަ ވާހަކައިން ވިޝާމްގެ ނިތައް ރޫ އަރައިގެން ދިޔައެވެ.

”ރީތިކޮން ބުނެބަލަ“

”އެޓް ދި މޯމެންޓް، އައި ކޭންޓް“ ފަހަތައް އިޝާރާތް ކޮށްލަމުން ސަދަފް ބުނެލިއެވެ. އިޔާންގެ ކަޅި ހުރީ އެދެމީހުންނަށްށެވެ. ވިޝާމް ބޯޖަހައިލިއެވެ. ނަމަވެސް ސަދަފްގެ ވާހަކަތަކާއި މެދު ދިޔައީ ވިސްނެމުންނެވެ. މާއިންއާއި މެދު ހުދު އޭނާއަކަށް ވެސް އިތުބާރެއް ނޯވެއެވެ. ގެއަށް ނައިސް މަހެއް ވަންދެން އުޅެފައި ކުއްލިއަކަށް އައުމުން ސުވާލް ނުއުފެދި ނުހުންނާނެ ތާއެވެ. މާއިންއާއި މަންހާ އެއް އުމުރަކަށް ވެފައި ކުރީން ސުރެން ނުހަނު ގާތެވެ. މަންހާ އައުމުން ކަމެއް ހިންގާލަން މާއިން އައީބާއޭ ވެސް ހީވިއެވެ. ސަދަފް ދައްކަން އުޅޭ ވާހަކައެއް ނޭނގުނު ނަމަވެސް ގޯހެއް އުޅޭކަމަށް ހިތް ބުނަމުން ދިޔައެވެ. މަންހާގެ ހަގީގަތް މީހަކު އޭނާއަށް ބުނެދޭކަށް ނުޖެހޭނެއެވެ. އޭނާއަށް ވުރެން ބޮޑަށް މަންހާގެ ހަގީގަތް އެނގޭނެ މީހަކު މިއުޑު ދަށުގައި ވާނެ ހެންނެއް ހިއެއް ނުވެއެވެ.

ގެއަށް އާދެވުނު އިރު ޔޫވިން އުރާލައިގެން ޔުމާން ބޭރުގައި ހުއްޓެވެ. އޭނާގެ މޫނުމަތިން ވެސް ހިސާބެއްގެ ހިތްހަމަ ނުޖެހުމެއް ވިއެވެ. ނަމަވެސް ރީއާ ގޮވައިގެން އިޔާން ފޭބުމުން ހިނިތުންވެލިއެވެ. އިރަމް ފައިބާފައި އިޔާންގެ ފަހަތުނުން އެތެރެއަށް ވަނުމަށް މިސްރާބު ޖެހިއެވެ.

ކާރުން ފައިބާފައި ވަށައިގެންވާ މާހައުލަށް ދެވުނު ނަޒަރާއި އެކު އަމީރާގެ ބޮލަށް އެނބުރުން އަރައިގެންދިޔައެވެ. ބޮލުގައި އަތް އަޅާލެވުނު އިރު މުޅި ކުއްޖާއަށް ވެގެން ދިޔަ އުނދަގޫތައް ފަހަރަކަށް ވުރެން ފަހަރެއް ފަހަރެއް ދިޔައީ އިތުރުވަމުންނެވެ. ފިޔަވަޅުތަކަށް ހުއްޓުން އެރިއިރު ހަރަކާތްތެއް ނުކޮށްލެވޭ މިންވަރަށް އައްސިވިއެވެ. ދެލޮލަށް ޖަމާވި ކަރުނުތަކާއި އެކު އަމީރާއަށް ފަހަތައް ފަހަތައް ދެވުނެވެ. ވީ ގޮތެއް ނޭނގުނެވެ. މެއިންނާއި ބޮލުން ދިލަ ނަގައިގަތީ އިންތިޙާއަށެވެ. ހުރެވުނީ ދެލޮލުން ހޯސްލާފައި އައި ކަރުނަތައް ފުހެވޭނެ ހާލަތެއްގަ ވެސް ނޫނެވެ. އެގޭ ފެނުމުން އެހާ ބޮޑު ބަދަލެއް އައީ ކީއްވެހެއްޔެވެ. އެއްޗެއް ވިސްނޭ ވަރަށް ވުރެން ހާލަތު ގޯހެވެ. އަނގަޔަކުން އަޑެއް ނުނިކުތެވެ.

ގެއަށް ހިނގާލި ކޮންމެ ނަޒަރަކުން ހީވީ އެތައް ބަޔަކު އެއްފަހަރާ އޭނާގެ ކަންފަތް ދޮށުގައި ވާހަކަ ދައްކަމުން ދިޔަހެންނެވެ. ކުޑަ އަންހެން ކުއްޖެއްގެ ހުނުމުގެ އަޑާއި އަންހެނަކާއި ފިރިހެނެއްގެ އަޑު ސިކުނޑީގައި ގުގުމަމުން ދިޔައިރު ދެކަންފަތުގައި އަމީރާއަށް އެޅުނެވެ. ރޮވެމުން ދިޔައިރު ނޭފަތުން ފައިބަމުން ދިޔަ ލޭތައް ވެސް އޭނާއަށް ފެނުނީ ބިރުވެރި އެއްޗެއްގެ ސިފައިގައެވެ.

”އެމީ..އެމީ“ އަރިވަމުންދާ ކަހަލަ އިޙްސާސެއް ކުރެވުނު ވަގުތު ވަކިން ބޮޑަށް އުނދަގޫތައް ވިއެވެ. ބިންމަތީގައި ޖެހުމުގެ ކުރިން އޭނާ ހިފެހެއްޓީ ވިޝާމްއެވެ. ފަހަތުން ސަދަފް ވެސް އައި އަޑު އިވުނެވެ.

”އެމީ .. އެމީ.. ޔޫ އޯކޭ؟“ ވިޝާމްއަށް ހިފެހެއްޓުނު އިރު އަމީރާގެ ދެލޯ ކިރިޔާ ހުޅުވެނީއެވެ. އަމީރާގެ ނޭފަތުން އޭރު ވެސް ލޭ ފައިބަމުން ދިޔައިރު މުޅިކުއްޖާ އާދަޔާއި ހިލާފަށް އޮތީ ހުދުވެފައެވެ. އޭނާ އުޅުނީ ގެއަށް ވެއްދުމަށެވެ.

”އެމީ؟“ އަމީރާ ލަސްވެގެން އިޔާން ވެސް ނުކުތީ އެވަގުތުއެވެ.ފެނުނު މަންޒަރުން ދުވެފައި އާދެވުނެވެ.

”ގެއަށް ނުވަދެ ހިނގާ ހޮސްޕިޓަލަށް..“ ސަދަފް  ބުނެލިއެވެ.

އިޔާން އަތްދަނޑި މައްޗަށް އަމީރާ ލައިގެން ކާރަށް އެރިއެވެ. ސަދަފް މަޑުކޮށްފައި އިޔާންއާއި އެކު ދިޔައީ ވިޝާމްއެވެ. ބާރު ސްޕީޑްގައި އައިސް މަޑުކޮށްލީ ގެއާއި އެންމެ ކައިރިއަށް ހުރި ހޮސްޕިޓަށެވެ. އަވަސް ފަރުވާ ދޭ ބަޔަށް އަމީރާ ވެއްދުނު އިރު ބޭރު ގޮނޑިބަރީގައި ދެމީހުން އިށީންދެލިއެވެ. އިޔާންގެ މޫނުމަތިން ފެންނަނީ އިންތިޙާ ދަރަޖައިގެ ކަންބޮޑުވުމެވެ.

”ކުއްލިއަކަށް ކިހިނެތް މިވީ؟“ އިޔާން ދެއަތް ދެއަތާއި ގުޅުވާލަމުން ވާހަކަ ދެއްކިއެވެ. އެތެރެއަށް ވަންނަން ދިޔައިރު ވެސް އަމީރާ ހުރީ ހެޔޮ ހާލުގައެވެ. އެހާ މަދު ވަގުތުކޮޅެއްގެ ތެރޭގައި އެވެގެން ދިޔަ ގޮތުން ހުރެވުނީ ސުވާލް އުފެދޭ ގޮތްވެފައެވެ.

”ތި މީހުން ދޮންބެ މެންނާއި އެއްކޮން އެތެރެއަށް ދިޔައީމަ އަހަރެމެން ވެސް ނުކުތީ ދާން ވެގެން ..އަހަރެމެންނަށް ވުރެން ކުރިން އެމީ ފައިބައިފި.. ގެއަށް ވަންނަން ދަނިކޮން ދޮރާއި ހިސާބުގައި ހުއްޓުން އަރާފަ އެމީ ހުރީ.. ފަހަތައް ފަހަތައް ޖެހެމުން ގޮސް އަރި އަޅާލި.. ބޮލުގަ ވެސް އަތް އަޅާއިގެން ހުރީ.. ކިރިޔާ ހިފެހެއްޓުނީ ބިމުގަ ޖެހެން ވާއިރަށް“

”އެހެންތަ… ކާރުގަ އިން އިރު ވެސް އެމީ ހަމަ ވަރަށް ނޯމަލް.. ބިރުގަންނަނީ ވެދާނެ ގޮތެއް ނޭނގޭތީ.. އެމީގެ ސިޗްއޭޝަން އެނގެއެންނު.. މެމޮރީ ކަންތައް.. ސަދަފްއަށް ގުޅާފަ ބުނާތި އެއްވެސް މީހެއްގެ ކައިރީގަ ނުބުނަން.. އެހެން ނޫނީ އެންމެން އެއްފަހަރާ އަންނާނެ.. ޕެނިކް ވީމަ ބޮޑަށް ބޭނުންވާނީ ސްޕޭސް.. އަނެއްކޮޅުން މިއަދު ކަންކަން ދޫކޮށްލާފަ އެމީ ވެސް ބޭނުމެއް ނުވާނެ އެންމެން ގެންނާކަށް“ އިޔާން އެދުނެވެ. އެވަގުތައް ފެނުނު އެންމެ ރަނގަޅު ގޮތަކީ އެއީއެވެ. ވިޝާމް ވެސް ބޯޖަހާލާފައި އިޔާން އެދުނު ގޮތައް ކަންތައް ކޮށްދިނެވެ.

އެތެރެއަށް އައުމަށް ގޮވާލުމުން އިޔާން ވަންނަން ދިޔައެވެ. ވިޝާމް ވިސްނާލަން އިރުކޮޅަކު އިނދެފައި އިޔާން ވަދެ އިރުކޮޅެއް ހިނގިފަހުން އޭނާ ވެސް ވަނެވެ. އިޔާންގެ ސުވާލެއް އަމާޒުވެދާނެތީ ހިތުގައި އުފެދިފައިވާ ކަންބޮޑުވުމުން ބޭރުފުށުން ނުދައްކާ ހިތްވަރު ކުރިނަމަވެސް، އޭނާގެ ހިތް ތެޅިފޮޅެމުން ދިޔައީ އަމީރާގެ ހާލު އެނގުމަށެވެ. ހިތާއި ހިތުން އަމީރާގެ ހާލަތު ރަނގަޅުވުމަށް ދުއާ ކުރެވުނެވެ. އެންމެ ފަހުން އިށީންދެ އިންތަނުގައި ވެސް ނީނދެވުނެވެ. ދެވަނަ ވިސްނުމަކާއި ނުލާ އަވަސްފަރުވާ ދޭ ބަޔަށްވަނެވެ. އެތެރޭގައި ބައިބަޔަށް ވަކިކުރެވިފައި ވާއިރު ފަރުދާތަކުން ކޮންމެ ބައެއް ވަނީ ނިވާ ކުރެވިފައެވެ. އެންމެ މަގަތައް ހުރި ގޮޅީގެ ތެރެއިން އިޔާންގެ އަޑު އިވުމުން އޭނާއަށް ނުފެންނާނެ ހެން ވިޝާމް ބޭރުގައި މަޑުކޮށްލިއެވެ. ސާފްކޮން އެތެރޭން ދައްކަމުން ދިޔަ ވާހަކަ އިވެމުންދިޔައެވެ.

”މިހާރު ހާލަތު ރަނގަޅު.. ވައިޓަލްސް އާއި ބީޕީ ވެސް ނޯމަލް.. އެކަމަކު މިގޮތައް އަވަސް އަވަހަށް ޕެނިކް އެޓޭކް އައުމަކީ ހަމަ ރިސްކީ ވެދާނެ ކަމެއް.. ޕެނިކް އެޓޭކް ކެނޮޓް ޓްރިގާރ އަ ސްޓްރޯކް އޮން އިޓްސް އޯން، ބަޓް ވެން ދޭ ހެޕެން ޓޫ އޮފެން، ދޭ ކެން ޕުޓް ދި ބޮޑީ އަންޑާރ އެކްސްޓްރީމް ސްޓްރެސް އެންޑް މޭ ލީޑް ޓު އަ ސީރިއަސް މެޑިކަލް އެމާރޖެންސީ“ ޑޮކްޓަރު ކިއައދެމުން ދިޔަ ވާހަކަތައް އަހަމުން އިޔާން އަށް ބަލައިލެވުނީ އަމީރާގެ މޫނަށެވެ. ދެލޯ ހުޅުވާލައިގެން އޮތް ނަމަވެސް މޫނުމަތީގައި ވަނީ ވަރުބަލިކަމެވެ. އެ ނާޒުކު އަތުގައި އިޔާންއަށް ހިފާލެވުނެވެ. އަމީރާގެ ހާލަތާއި ބެހޭގޮތުން އިޔާން އިތުރު ސުވާލްތައް ވެސް ޑޮކްޓަރާއި ކުރަމުން ދިޔައެވެ. ޑޮކްޓަރު ދެމުން ދިޔަ ޖަވާބު ތަކުން އޭނާގެ ހިތް އަމީރާގެ ހާލަތާއި މެދު ކަންބޮޑުވުމުން ފުރާލިއެވެ.

”ޕޭޝަންޓް ބުނެލި ކަންތައްތަކަށް ބެލުމަށްފަހު އަޅުގަނޑު ރިކޮމެންޑް ކުރަން ނިއުރޮލޮޖިސްޓްއަކަށް ކޮންސަލްޓް ކުރަން .. އެޓޭކްތައް އަންނަ ކޮންމެ ފަހަރަކު އެބާދޭ ނޫންތޯ ސިވިއާރ ހެޑޭކްސް އެންޑް ނޯސް ބްލީޑިންގް.. ސޯ އެހެންވެ އެއީ.. މިވަގުތު އިތުރު ގޯހެއް ނުފެނޭ… އަދި ވަން އަވާރ ބަލާލުމަށްފަހު އިތުރު ގޯހެއް ނެތިއްޔާ ދުރުވިއަސް މައްސަލައެއް ނެތް..“

އިޔާން ބޯޖަހައިލުމުން ޑޮކްޓަރު ނުކުމެގެން ދިޔައެވެ. ފަރުދާ ގަނޑު ރަނގަޅުކޮށްލަމުން އަމީރާގެ މަގަތުގައި އޭނާ އިށީންދެލިއެވެ.

”ޔޫ އޯކޭ ސްވީޓްހާޓް؟“ އަމީރާ ތެދުވަންނަން އުޅުމުން އިޔާން އެހީވިއެވެ. ބޯ ދަށައް އަތް ލައްވާލަމުން ނެގުމަށް އެހީވިއެވެ. އަމީރާގެ ގާތުގައި އިށީންނަމުން އުނަގަނޑުގައި ހިފާ ގަޔާއި ލައްކޮށްލިއެވެ. އިޔާންގެ މޫނުމަތީގައި ވިދަމުންދިޔައީ ކަންބޮޑުވުމެވެ.

އަމީރާ ދިއައީ ވިސްނަމުންދެނެވެ. އޭނާއަށް އަންމުންދާ ބަދަލްތަކާއި މެދު ފިކުރު ނުކޮށް ނުހުރެވެއެވެ. އެގޭ ފެނުމުން މިއަދު އެވީގޮތުން، ފުރަތަމަ ފަހަރަށް އޭނަގެ އާއިލާއާއި  ކތުއްތު އިރުގެ ހަނދާންތައް ހޯދުމަށް އަޒުމް ކަނޑައެޅިއެވެ. އޭނާއަށް މެދުވެރިވަމުންދާ ކަންކަން ހުއްޓެން ވެސް އޮތީ އެގޮތަށެވެ. ހައިކަލްގެއާއިލާއާއި އެއްވެސް ގުޅުމެއް ހުރިބާއޭ ހިތައް އެރި ވަރެއް ނޭނގުނެވެ. ކުރެވޭ ގާތް އިޙްސާސްވެސް ކުރެވެނީ ހަމައެކަނި އެގޭ މީހުން ފެނުމުންނެވެ. ހަނދާންވީ އެންމެ ފުރަތަމަ ރާއްޖެ އައި ރޭގެ ހަނދާނެވެ. ފްލައިޓުން ފައިބާ އެޅި ފުރަތަމަ ފިޔަވަޅުން ކުރެވުނު އިހްސާސެވެ. އެއާރޕޯޓުން ނުކުތް ހިނދު ރާއްޖޭގެ މަލަމަތި  އަލަން ފެނުނު ވަގުތު ކުރެވުނު އިހްސާސެވެ. އެރޭ އަލަށް ޔުމާން ފެނުން ހިނދު ވީ ގޮތެވެ. ޔުމާންއަށް ވުރެން ކުރިން ނަދީމްއާއި ވެސް ބައްދަލްވިއެވެ. ނަމަވެސް ނަދީމް ފެނިގެން އެފަދަ ގޮތެއް ނުވެއެވެ. އޭގެ ފަހުން ގެއަށް އާދެވުނު އިރު ގޭގެ މީހަކު ފެނިގެން ވެސް އެފަދަ ގޮތެއް ނުވެއެވެ. އެހެނަސް ހައިކަލްއާއި އާމިލާ އަދި ވިޝާމްއާއި ސަދަފް ފެނުމުން ވެސް އެ އިޙްސާސް ތަކުރާރްކޮށް ކުރެވުނެވެ. ވަމުންދަނީ ކީއްކަމެއް ހުދު އަމީރާއަކަށް ވެސް ނޭނގެއެވެ.  ހާއްސަކޮން އާމިލާއާއި ހައިކަލް ފެންނަ ކޮންމެ ފަހަރަކު އެ އިޙްސާސް އިތުރަށް ފުންވެއެވެ. އެހެން ވާންވީ ސަބަބެއް ވެސް އޭނައަކަށް ނޭނގެއެވެ.

”އިޔާ..“ ދެލޯ މަރާލަމުން އިޔާންގެ ބަނޑުގައި އަމީރާއަށް ބައްދާލެވުނެވެ. ދެލޯ މަރާލެވުނީ އެހުރިޙާ ކަމެއް އެކުވެ އެހިޔާލްތައް އެގެޔާއި ގުޅުނު ހިސާބުންނެވެ. މިއަދު އެގޭ ފެނުމުން އެކަމާއި ފިކުރު ނުކޮށް ހުންނާނީ ކިހިނެތް ހެއްޔެވެ. އެހެން ވާން ފެށީ ވެސް އެގޭ މީހުން ފެނުމުންނެވެ.

“ ޔެސް… ބޮލުގަ ރިއްސަނީތަ؟ ކިހިނެތް ވީ ލަވް.. ޕްލީ ޓެލް މީ ، ވާ ގޮތެއް ނުބުނެ ރޮންޏާ އަހަރެން ހާދަ ހާސްވެއޭ.. “ އަމީރާގެ ލޮލުން ފައިބަމުން ދިޔަ ކަރުނުތައް ފެނި އިޔާންއަކަށް ނުހުރެވުނެވެ. އަތް ހިއްލާލަމުން މަޑުކޮށްލަން އިޝާރާތް ކޮށްލަމުން އަމީރާ ކުރިއަށް ވުރެން ބޮޑަށް އިޔާންގެ ގައިގާ ބައްދާލިއެވެ. ބޭނުންވީ މައްސުނި ހިޔާލްތަކުން ގަޑުބަޑުވެފައިވާ ސިކުނޑީއަށް ހުސްކަމެއް ގެނެސްދޭށެވެ. ނޫންނަމަ ވިސްނަމުން ގޮސް ސިކުނޑި ފެޅިދާނެއެވެ. ނުފިލާ ރިހުމެއް ބޮލުގައި ހުއްޓެވެ. އިރުކޮޅެއްފަހުން އިޔާންގެ މެއިން ބޯ ހިއްލާލިއެވެ. އަމީރާއާއި މެދު އިޔާން ކަންބޮޑުވެފައިވީ ވަރުން ދެލޮލުން އެކަނިވެސް ހާމަވެއެވެ. ކަރުނުތައް ފުހެމުން އަމީރާ ކުރެން އަހަން ފެށިއެވެ.

”އިޔާ ދެއާރސް އަ ލޮޓް އޮން މައި މައިންޑް.. ފަށާނޭ ކޮޅެއް ނޭނގޭ. އައި ތިންކް ދެއަރސް ސަމްތިންގް ރޯންގް ވިތް މީ.. ނުވެސް ދަންނަ ބަޔަކާއި މިހާ ބޮޑާށް މި ވިސްނެނީ ކީއްވެކަމެއް ނޭނގެ.. އިޔާއަށް ކިޔައިދިނީ މެންނު ގޯ ތުރޫ ކުރި ކަންކަން..  އެދުވަހު ހޮސްޕިޓަލުން ހޫގޯގެއަށް ދެވުމަށްފަހުގަ ދެން ހިތައް އެރި ދުވަހަކު ވެސް މައިންބަފައިންނާއި އާއިލާގެ މީހަކު ވީތަނެއް ނުހޯދާނަމޭ.. ފެނުނަސް ގާތްވެސް ނުވާނަމޭ.. އެގެއިން ސަލާމަތްވެގެން ޖަލަކަށް ދާންޖެހުނު ނަމަވެސް.. އެންމެ ފަސް އަހަރުގަ ކުޑަ އަންހެން ކުއްޖަކު ދޫކޮށްލާފަ ދާން ކެރޭނީ ހާދަ ރަހްމް ކުޑަ ވީމައޭ…އެހެންވެ ހޯދަން އުޅެން ބޭނުން ނުވީ.. އެކަމަކު މިހާރު ބޭނުންވޭ އެބަ އެނގެން..“

ފަރުދާގެ ބޭރުގައި ހުރެ އަމީރާގެ ވާހަކަތައް އަޑު އަހަމުން ދިޔައިރު ވިޝާމްއަށް ފާރުގައި ލައްވެގަނެވުނެވެ.  ”ހޮސްޕިޓަލް؟ ފަސް އަހަރުގެ ކުޑަ އަންހެން ކުއްޖެއް؟“ ބޮލުގެ ތެރެއަށް އަތް މަހާލެވުނު އިރު ދެލޮލުގައި ޖަމާވެފައިވާ ކަރުނުތައް ލަސްލަހުން އޭގެ މަގާމުން ދޫވެއްޖެއެވެ. ދެލޯ ފުހެލި ނަމަވެސް އާކަރުނު ކޯތާފަތް ތެތްމަމުން ދިޔައެވެ. އެ ހާލުގައިވެސް ކެތްތެރިވެގެން ހުރީ އަމީރާ އަނެއްކާ ވެސް ވާހަކަ ދައްކަން ފެށުމުންނެވެ. ހިތުގައިވީ ޝައްކުތައް ޔަގީނާއި ގާތްވީ ނަމަވެސް ވިޝާމް ކެތްތެރިވިއެވެ.

“ އިޔާ އަހަންނަކަށް އަހަރެންގެ އަމިއްލަ ނަފްސު ބައެއް ފަހަރަށް ކޮންޓްރޯލެއް ނުކުރެވޭ.. ނޭނގޭ ވާ ގޮތެއް ވެސް… ހީވެދާނެ މިވާހަކަ ކިޔައިދިނީމަ އަހަރެން މޮޔަ ގޮވަނީއޭ ނޫނީ ބުއްދި ހަމަ ނުޖެހޭ މީހެކޭ..އަހަރެން އަމިއްލައަށް ވެސް ހީވޭ މިކަމާ ވިސްނަމުން ގޮސް މޮޔަވެއްޖެހެން .. ބޮލުގަ ވެސް ރިއްސާ.. ބޯ ފަޅައިގެން ދާން އުޅޭހެން ހީވަނީ“ އެހިސާބަށް ވާހަކަ ދެއްކުނު އަމީރާއަށް ރަނގަޅަށް ވެސް ރޮވުނެވެ. އިޔާން ދެފަރާތައް ބޯހޫރުވާލިއެވެ. އަމީރާގެ ކޯތާފަތް މަތީގައި ދެފަރާތުން އަތް އަޅުވާލަމުން މަސަލަސް ކުރަންފެށިއެވެ.

”ނޫނޭ ތިހެން ހިތައް އަރުވާކަށް ވެސް ނުވާނެ އެންނު އެމީ.. ނުފޮރުވާ ތެދުތެދަށް ކިޔައިދީބަލަ .. އަޑުއަހާނަމޭ.. އެނގެއެންނު އެމީ ދެކެ އަހަރެން ލޯބި ވާވަރު.. ވީ އިރު ތިކަހަލަ އެއްޗެއް ހިތައް އަރުވާނީ ވެސް ކިހިނެތް“

”ނޭނގޭ ވާގޮތެއް ކިޔައިދޭކަށް.. ދެރަވަނީ … ހިތާއި ސިކުނޑީއަށް ކެތް ނުޥާވަރަށް ވިސްނެނީ“ ލޮލުން ފައިބަމުންދިޔަ ކަރުނަތައް އަތުގެ ނުފުށުން ފޮހެލަމުން، އޭނާގެ ހިތުގެ ފުންމިނުގައި ފޮރުވިފައިވާ އުދާސްތައް ބޭރުކުރަން ފެށިއެވެ. ވާހަކަ ދައްކަމުން ދިޔައިރުވެސް އެއަޑުގައި ހުރި ތުރުތުރު ފާހަގަވެއެވެ. ކުރެހިގެން ބައެއް ފަހަރު މެދު ކަނޑާލަން ޖެހެއެވެ. އޭނާއަށް ވަމުން އަންނަ ގޮތާއި ތަހައްމަލް ކުރަން ޖެހިފައިވާ ގޮތް ނޭނގޭ ކަންތައްގަނޑު އިޔާންއަށް ކިޔައިދިނެވެ. އަދި ހައިކަލްއާއި އާމިލާގެ އިތުރުން އެގޭ މީހުން ފެނުމުން ވަމުންދާ ހުރިޙާ ގޮތަކާއި އަދި މިއަދު އެގޭ ފެނުމުން ވީ ގޮތް ވެސްމެއެވެ. ހިތުގައިވި ހުރިހާ ކަމެއް ހިއްސާ ކުރެވުމުން ހިސާބަކަށް ލުއިވިއެވެ. ވާހަކައަށް ފަހު ވެސް އިޔާންގެ ފުށުން ބަހެއް ނީވުމުން އަމީރާއަށް ބަލައިލެވުނެވެ.

އަމީރާގެ ވާހަކަ އިވި ޒާތަކައް އިޔާން ހުއްޓުން އަރައިގެން ދިޔައެވެ. ވެގެން ދިޔައީ ތަފާތު ގޮތެކެވެ. އެ ނުސިޔާނު ވަގުތުކޮޅުވެސް ހަނދާންވީ ހައިކަލްގެ މައްސަލައިގެ މަތިންނެވެ. “އެމީ އެކިޔާދިނީ އެގޭ މީހުން ފެނުމުން ވާގޮތް.. ހައިކަލްބެ އުޅެނީ އެމީހުން ކުޑަ އަންހެން ދަރިފުޅު ގެއްލިގެން.. އަނެއްކާ އެކުއްޖާއަށް އެމީ ވެދާނެބަ؟“ ހިތައް އެރި އެއްޗަކުން އިޔާންއަށް ދެފަރަތައް ބޯހުރުވާލެވުނެވެ. ހިތް އޮބި ނޯންނަ ވަރަށް ތެޅިގަތެވެ. ޔަގީނުންވެސް އެ މައްސަލައިގެ ހަގީގަތެއް އަމީރާއަކަށް ނޭނގޭއެވެ. އެހެނަސް އެދެއްކި ވާހަކައިން އަޖައިބުވިއެވެ. އިތުރަށް ބުނާނެ އެއްޗެއް ނޭނގުނެވެ.  އެކަމާއި މެދު އެހެން ނަޒަރިއްޔާތަކުން ވިސްނަން ޒަމީރު ދިޔައީ މަޖުބޫރު ކުރުވަމުން ދިޔައެވެ. އިޔާންއަށް ވާހަކަ ނުދެއްކި އިންދާ ނަރުހަކު އައިސް ގެއަށް ދިޔުމުގެ ހުއްދަ ދިނެވެ. އަމީރާގެ އަތުގައި ހިފައި ނެގިއިރުވެސް އެ މޫނުން ސިހުން ފިޔަވައި އިތުރު ކުލައެއް ނުފެނެއެވެ.

”ގެއަށް ގޮސްފަ ދެން ވާހަކަ ދައްކާނީ.. އެގެޔަށް އަދި ދާން ބޭނުން“

އިޔާން ބޯޖަހައިލިއެވެ. އެކަމަކު އެދުނީ ގެޔަށް ގޮސް ދުވަހުގެ ބާކީ ބައި އަރާމް ކުރުމަށެވެ. އަމީރާ އެކަމާއި އެއްބަސް ނުވުމުން އިޔާންއަށް ޖެހުނީ ހަތިޔާރު ބަހައްޓާށެވެ. އަމީރާއަށް ކޮޅަށް ތެދުވެވުމުން އިސްތަށިގަނޑު ރަނގަޅު ކޮށްލަ ދެމުން ގަޔާއި ކައިރިކޮށްލިއެވެ. ބޭރަށް ނުކުމެވުނު އިރު ވިޝާމްގެ ހަބަރެއް ނެތެވެ. އިޔާން ގުޅާލަން ފޯނު ނެގިއިރު ކާރުގައި އިން ކަމަށް ބުނެ އިރުކޮޅެއް ކުރިން އޭނާ ކޮށްފައި އިން މެސެޖް ފެނި އަމީރާއަށް އެކަން އަންގާލިއެވެ.

އެހިސާބަށް ދެވުނު އިރު ވިޝާމް ހުރީ ދޮރު ކައިރިއަށް ނުކުމެއެވެ. އަމީރާ ފެނުމުން އޭނާއަށް ބަލައިލެވުނެވެ. ލޯ ތެމިފައިވާ ވަރުން އޭނާއަށް ސިކުންތަކު އެއްފަހަރު ކަހަލަ ގޮތަކަށް ހިންދިރުވާލެވެއެވެ.  އަމީރާ ފެނުމުގެ ކުރިން ހަމައަކަށް އެޅިލުމުގެ ގޮތުން މަސައްކަތް ފެށިނަމަވެސް، އެ ސޫރަ ފެނުމުން ވިޝާމްއަށް ކެތްކޮށްލަން އުނދަގޫވިއެވެ.

”މަންމަ މާ ގިނައިން އެމީގެ ވާހަކަ އަހަން ހެދީމަ ޝެޑީ ބުނެފީމޯ އެމީ ވެއްޓިގެން ހޮސްޕިޓަލަށް ގެންގޮސްފިއޭ.. އެހާ ސީރިއަސް ނޫނޭ ބުނީމަ ވެސް އަންނަން އުޅުނީ.. އެންމެ ފަހުން މަ ގުޅާފަ މިބުނީ މިހާރު އެމީ ގެއަށް ގެންދަނީއޭ މި… މަންމަ ބުނެފި އަރާމް ކޮށްލަން ބުނާށޭ އެމީ ކައިރީގަ ގެއަށް ނުގޮސް“ ވިޝާމް ޥާހަކަ ދެއްކީ ކާރު ދުއްވާލަމުންނެވެ.

”ކޮބާ ބުނީމެންނު.. “ ކުޑަކޮން ހީލަމުން އަމީރާގެ ކޮލުގައި އިޔާން ހިފާލިއެވެ.

”އެކަމަކު ވަރަށް ކުރިން އެދުނު ކަމެއް އެއީ..ވަރަށް ލަދުގަންނާނެ ނުދެވިއްޖެއްޔާ.. މިޙާރު ހަމަ ރަނގަޅު އަލްހަމްދުލިއްލާހް“ އަމީރާ ދެފަރާތައް ބޯހޫރުވާލިއެވެ. ކުރިއަށް ވުރެން ބޮލުގެ ރިހުން ލުއިވާން ފަށާފައި ހުރުމުން  ކަމެއް ނުކޮށް ހުންނާކަށް ބޭނުމެއް ނުވިއެވެ. އޭނާ ނުގޮސްފިނަމަ ޒަންޔާއަކަށް ވެސް އެހީއެއް ނުވެވޭނެއެވެ. އެވާހަކަ އިޔާން ގާތު ބުނެލިއެވެ.

”ޒަންމެން ގެއަށް ގެންގޮސްދޭނަން.. އެކަމަކު ވިޝާމްމެން ގެއަށް މިގަޑީގަ ނުދިޔަސް އޯކޭ ވާނެ..“ އިޔާން ބުނުމުން އެންމެ ފަހުން އަމީރާ އެއްބަސްވިއެވެ. އެގެޔާއި ހަމައަށް އާދެވުނު އިރު އަމީރާ އަންނަ ވާހަކަ ގުޅާފައި ބުނުމުން ޒާރާ ބޭރުގައި މަޑުކޮށްލައިގެން ހުއްޓެވެ.

”މިދަނީ ރިސޯޓަށް އެނގޭ.. އެތާގަ ކަންކަން ކުރިޔަށް ދާ ގޮތް ބަލާލަން ވެގެން .. މިރޭ ކަންނޭގެ އާދެވޭނީ.. ބަލައިގެން އުޅެއްޗޭ“ އަމީރާ ކާރުން ފޭބުމުން އިޔާން ކުޑަކޮން ބައްދާލިއެވެ.

****

އާދުވަހަކަށް މަރްހަބާ ކީ އިރު މިއަދު މިއީ ގިނަބައެއްގެ އިންތިޒާރުގެ ނިމުމެވެ. ހައިކަލްގެ އެންމެ ބޮޑު އަދި އެންމެ އަގުބޮޑު ރިސޯޓު ކަމުގައިވާ ’ކްރިސްޓަލް ކޯވް‘ ގައި ޒަންޔާއާއި ވިޝާމްގެ ކައިވެނީގެ އެންމެފަހުގެ ތައްޔާރީތައް ދިޔައީ ކުރެވެމުންނެވެ. ހައިކަލްއާއި ޒާހިރް އަތުކުރި އޮޅާލާފައިވަނީ މުޅި ރާއްޖެ ސިހިގެންދާ ފަދަ، ތާރީޚުގައި ރަންއަކުރުން ފަވާލެވޭނެ ފަދަ ކައިވެންޏަކަށް މި ކައިވެނި ހެދުމަށެވެ. ދެ އާއިލާގެ މެދުގައި އޮތް ގާތް ގުޅުމާއި، ވިޔަފާރީގެ ވަރުގަދަ ބާރުވެރިކަން ދައްކާލުމަށް މިއީ ރަނގަޅު ފުރުސަތެއް ތާއެވެ. އެހެންކަމުން، އެއްވެސް ޚަރަދަކަށް ބެލުމެއް ނެތި، އެންމެ ފުރިހަމަ އިންތިޒާމްތައް ދިޔައީ ހަމަޖައްސަމުންނެވެ.

މުޅި ރާއްޖޭގެ ހުރިހާ ނޫސް މަޖައްލާތަކުގެ ފަލަ ސުރުހީއަށް އަރާފައިވަނީ މި ކައިވެނީގެ ޚަބަރެވެ. ސޯޝަލް މީޑިއާގެ ހުރިހާ މަންސަތަކެއްގައި ވެސް އަދުގެ އެންމެ ހޫނު މައުޟޫއަކީ ”އަހަރުގެ ކައިވެނި“ އެވެ. ގިނަބަޔަކު ތިބީ މި ފުރިހަމަ ހަފުލާގެ މަންޒަރުތައް ފެންނާނެ ވަގުތަކަށް ކެތްމަދުވެފައެވެ.

ހައިކަލްއާއި ޒާހިރްގެ ގާތް އެކުވެރިންނާއި ދެމީހުންގެ ދަށުން މަސައްކަތް ކުރާ މުއައްޒަފުންނާއި އެމީހުންގެ އާއިލާތަކައް ވެސް ދައުވަތު އޮތީ ދެވިފައެވެ. ޕާޓީ ފެށިގެން ނިމެންދެން މާލެއާއި ރިސޯޓާއި ދެމެދު ދަތުރު ކުރުމަށް ލޯންޗްތައް އޮތީ ދަތުރުތަކައް ތައްޔާރުގައެވެ.

ދުވަހުގެ ހަލަބޮލިކަން ގޭތެރެއިން ވެސް ދިޔައީ ފެންނަމުންނެވެ. ރިސޯޓަށް ދާން ހަމަޖެހިފައިވާ ގަޑީގެ ކުރިން އެންމެފަހުގެ ތައްޔާރީތަކުގައި އެންމެން އުޅެމުން ދިޔައެވެ. ފުރަން ހަމަޖެހިފައި ވަނީ އެކެއް ޖަހާއިރު ކަމަށް ވުމުން ހެނދުނުގެ ނާސްތާ ކުރަން ހަމަޖެހުނީ އެންމެން އެއް ތަށިމައްޗަކުއެވެ. އާމިލާއާއި ހައިކަލް އެދިގެން ޒާހިރްގެ އާއިލާ ހެނދުނުގެ ނާސްތާގައި ބައިވެރިވީއެވެ. އެންމެންގެ މޫނުމަތިން ހިނިތުންވުން ނުފިލައެވެ. އެއާއިލާ އައި ހަބަރާއި އެކު ހައިކަލްއާއި އާމިލާގެ އިތުރުން ޔުމާންއާއި ނާޔާ ވެސް ނުކުމެ ހުއްޓެވެ. އެމީހުންގެ ފަހަތުގައި ވިޝާމްއާއި ސަދަފް މަޑުކޮށްލައިގެން ތިއްބެވެ.

”އަވަހަށް އާދޭ “ އާމިލާ ހީލައިގެން ހުރި އިރު މޫނުމަތިން އުފާވެރިކަން ފަނޑުނުވެއެވެ. ލައިލާއާއި ޒާހިރްގެ ފަހަތުން ޒާރާއާއި ޒަންޔާ ވަނެވެ. އާމިލާއާއި ލައިލާ އެކަކު އަނެއްކަކުގެ ގައިގާ ބައްދާލައިގެން ތިބެ ވާހަކަ ދައްކަމުން ދިޔައިއެވެ. ލަސްނުކޮށް ގޮނޑިތަކުގައި އިށީންދެ އުފާވެރި މާހައުލެއްގައި ތިބެ ސަޔަށް އިންސާފް ކުރަމުންދިޔައެވެ. ދޭތެރެއަކުން ވިޝާމްއާއި ޒަންޔާ ވެސް އެކަކު އަނެއްކަކާއި ނަޒަރު ބައްދަލް ކޮށްލައެވެ. އެފަދަ ކޮންމެ ވަގުތެއްގައި އެކަކު އަނެއްކަކަށް ހިނިތުންވުމެއް ރައްދު ކޮށްލައެވެ.

”ބުނީމެންނު ކޮއްކޮގެ އާއިލާ އައިސްފިއޭ.. ކޮބާ އެމީހުން؟ ވަރަށް ދެކިލަން ބޭނުން“ އެތަނުގައި އެއިން މީހެއް ފެންނަން ނެތުމުން ލައިލާ އެއްސެވެ.

”އާދު… ދޭބަލަ ޝާއިރާއަށް ގޮވާލަން.. އަދި އެމީހުންނަކަށް ނުނިކުމެވޭ “

”ޝާއިރާ؟ “

“ ލައިލާއަކަށް އަދި ނުފެންނާނެ ދޯ އޭނާއެއް … އެހެންނުވާނީ ރާއްޖެއިން ބޭރަށް ދިޔަ ގޮތައް އެއައީ ވިއްޔަ..“ ލައިލާއަށް ބަލާލާފައި ހައިކަލް ބުނެލިއެވެ.

އާމިލާ ގޮވާލީ މޭޒުކައިރީގައި އެމީހުންގެ ހިދުމަތުގައި ހުރި ނޯކަރުގެ ގާތުގައެވެ. އިޙްތިރާމާއި އެކު ބޯޖަހާލަމުން އޭނާ ދިޔައީ އާމިލާ ބުނިގޮތައް ކަންތައް ކޮއްދިނުމަށެވެ. އާދު ދިޔައިރު ޝާއިރާ މަޑުކޮށްލައިގެން ހުރީ މަންހާ އުޅޭ ކޮޓާރީގެ ދޮރުމަތީގައެވެ. އޭނާގެ ބޮޑާ ކަމާއި ކިބުރުވެރިކަން ތަހައްމަލްކުރަން ޖެހިފައި ވުމުން ހިސާބަކަށް ފޫހިވެފައި ހުރެ ނަމަވެސް ހިނިތުންވެލަމުން ނާސްތާގައި ބައިވެރިވުމަށް އާމިލާ އެދުނު ވާހަކަ އަންގާލިއެވެ. މޫނު ކުނިކޮށްލައިގެން ހުރެ ބޯ ޖަހައިލަމުން ޝާއިރާ ވަނީ މަންހާގެ ކޮޓަރިއަށެވެ.

”މަންހާ.. ކޮން ފާޑަކަށްތަ ތިއުޅެނީ؟“ ޝާއިރާ ވަތް އިރު އެނދު ހުރަހަށް މަންހާ އޮތެވެ. އެހެން އޮތް އިރުވެސް އޭނަ ރޮމުން ދާ ކަން ޝާއިރާއަށް އެނގުނެވެ. މޫނުމައްޗަށް ވެރިވި ނުރުހުންތެރިކަން އިތުރުވީ މަންހާ އެގޮތައް އޮވެ ކުރިއަށް ވުރެން ބާރަށް ރޯންފެށުމުންނެވެ. މަންހާގެ އަތުގައި ހިފައި ޝާއިރާއަށް ނެގުނީ ގަދަކަމުން ކަހަލަ ގޮތަކަށްށެވެ.

”މިއަދު ދެން ކީއްކުރަން ތި ރޮނީ.. މީ މަންހާ އަމިއްލައަށް ބުއި ބޮނޑިއެކެއްނު..“ ޓިޝޫ ފޮއްޓެއް ގެނެސް މަންހާގެ އުނގުމައްޗަށް ޖަހަމުން ޝާއިރާ މަޑުކޮށްލީ އޭނާގެ ކުރިމަތީގައެވެ. ނަމަވެސް މޫނުފުހޭލަކަށް ނޫޅުނެވެ. ރުއިމުގެ ސަބަބުން އޭނަގެ މުޅި މޫނަށް ވަނީ ދުޅަކަމާއި ރަތްކަން ވެރިވެފައެވެ.

”އޭތް.. މަންހާ ހާދަ ފީކަޅާ ވެގެން ތިއުޅެނީ؟ ދެން ހުއްޓާލަން ވެއްޖެއެއްނު.. ގޮތް ހުސްވީކީ ނޫނޭ އަދި“

”މަންމައަށް ތިހެން ބުނަން ފަސޭހަދޯ.. އަހަރެން އޭނަ ބޭނުމޭ..“ ރުއިމުގެ ތެރެއިން މަންހާ އިއްވާލިއެވެ. ޝާއިރާއަށް ޗޮކެއް ކަނޑާލެވުނެވެ.

”ދެން މަންހާ މިތާގަ އިނދެ ލޮލުން ފެން ބޭލުވީމަ އޭނަ ލިބޭނެތަ.. މަންޙާއަށް ކޮންކަމެއް ވީ؟ މަ ކިހާ ވަރަކަށް އާދޭސް ކުރިން އޭނާއާއި ގުޅިގެން އުޅެން އެހެންނަމަ އެކުޑަ ހަންޑިގަނޑެއް ނޫނޭ ވިޝާމް ގާތުގަ މިރޭ ހުންނާނީ، ކަލެއޭ ހުންނާނީ… އެހެންނަމަ އަހަރެމެން އެދުން ހާސިލް ވިތާ ކޮން ދުވަހެއް .. މީ ކަލޭގެ ގަމާރުކަން ހަމަ މަންހާ“ މަންހާގެ ބޮލުގައި ޝާއިރާ ޖެހިއެވެ. ބޮލަށް ތަދުވީ ނަމަވެސް އޭނާގެ ހިތުގައި އަޅަމުންދާ ވޭން ވާ ރިހުން ގަދައެވެ.

”ދެން ވެސް ގޮތް ދޫކޮށްފަ އާދޭ .. ފަހުމް ތިކަމާ ވިސްނާނީ.. ދެން ނުގޮސް އިނެފިއްޔާ އާމިޅާ އަންނާނީ.. އެއަށް ވުރެން ކުރިން ދާން އާދޭ“

”މަންމާ އަހަންނަކަށް ކެތެއްނުޥާނެ ވިޝާމް އެހެން މީހަކައި ކައިވެނި ކުރެވޭތަން ބަލަން ދާކަށް.. ހާއްސަކޮން އެ އަންހެނާގެ މޫނު ދެކޭކަށް ވެސް ބޭނުމެއް ނޫން.. މިގޭގެ ގެންގުޅޭ އެންމެން އެނަގެ ރީތިވާހަކަ ދައްކަނީ.. އޭނަގެ ނސީބު އެއީ މަށައް ނުފެނި ހުރިކަން… އެހެންނަމަ އެ މޫނުގަނޑު ނޮޅާލީސް “  މަންހާ އިންތަނުން ތެދުވަން ހިޔާލް ވެސް ނުކުރާ ފަދައެވެ.

ކޮޓާރީގެ ބޭރުން އާމިލާ ގޮވާލީ ވެސް ދެމީހުން އެހެން ތިއްބައެވެ. އާމިލާ އެތަނުން ފޮނުވާލުމަށް ފަހު މިދަނީ ކަމުގައި ބުނެ ޝާއިރާ ނުރުހިފައި ހުރެ މަންހާއަށް ކަޅި އަޅާލިއެވެ. “ މަ ބުނީމެންނު އޭނާ އަންނާނެ އޭ“

“ މަންމާ މަ މިރޭ ފުރާ ފްލައިޓުން ލަންޑަންއަށް ދާނަން.. ހެއޮނުވާނެ އަހަރެން އެތަނަށް ގެންދަން ނޫޅޭ“

”މިހިރަ ނުވިސްނޭ ގަމާރާ.. ލަންޑަނަށް ދާށޭ؟ ވިޝާމް ހޯދާދޭން މަ އެހީވަނަމޭ .. މަންހާ ހީކުރީ ކައިވެނި ކުރެވުނީމަ އެ ނިމުނީ ކަމަށްތަ؟ އަހަރެމެންގެ މަގްސަދު މަތިން މިހާ އަވަހަށް ހަނދާން ނެތުނީތަ؟“ ރޯން އިން މަންހާގެ ރުއިން ކެނޑި އިސްއުފުލާލެވުނެވެ. އެހިނދު ޝާއިރާ ހީލީ މަކަރުން ފުރިގެންވާ ފަދަ އަކުންނެވެ. އެ ކުޑަ ދެލޮލުން ފެނިގެންދާ ވިދުވަރުން މަންހާއަށް އެބުނި އެއްޗެއް ފަހްމް ވެއްޖެއެވެ.

”ކަންކަން މިހެން ދަންޏާ އެކަމަކު މަންމައަށް ހީވޭތަ؟“ ޓިޝޫއަކުން މޫނުމަތި ސާފްކޮށްލިއިރު މަންހާގެ ރާގު ބަދަލުވިއެވެ. ޝާއިރާ ބޯޖަހައިލަމުން އެ ހިނިތުންވުން ފުޅާކޮށްލިއެވެ. އެސިކުނޑީގައި ދައުރުކުރުވަމުން ދިޔައީ ކޮންފަދަ ޕްލޭނެއް ކަމެއް ނޭނގުނަސް ޝާއިރާގެ ބަހަށް މަންހާ އިތުބާރު ކުރެއެވެ. އޭނާގެ މޫނުމަތިން ހަމަޖެހުން ފެނިލިއެވެ.

ޝާއިރާ އާއި އާޝިއު އައިސް ވަންއިރު މަންހާ ފެންނަން ނެތުމުން ހައިކަލް ސުވާލުކުރިއެވެ. މަންހާ ފާހާނައިގާ އުޅޭތީ ލަސްވެދާނެ ކަމަށް އާޝިއު ބުނުމުން ބޯޖަހާލާފައި ކެއުމަށް އިންސާފް ކުރުމަށް ބުންޏެވެ. ޝާއިރާ ވެސް ހިނިތުންވުމެއް ތުންފަތައް ވެރިކުރުވައިގެން ހުރެ ގޮނޑިއެއްގައި އިށީނދެ ތައްޓައް ކާއެއްޗިސް އެޅުމަށް އުޅުނެވެ. އެއްލިކަޅިއަކުން އޭނާއާއި ދިމާ ކަޅިޖަހައިނުލާ ބަލަހައްޓައިގެން އިން ލައިލާ ފެނި މުޅި މީހާއަށް ހުއްޓުން އެރިއެވެ.

”ލައިލާ؟“ ލައިލާގެ މޫނަށް ޝާއިރާ ބަލަހައްޓައިގެން އިންއިރު ހީވީ ބިރެއް ފެނިގެން ބަލަމުން ދިޔަހެންނެވެ.

ލައިލާގެ މޫނުމަތީގައި އިހު ހުރި ތާޒާކަމެއް ނެތެވެ. އެތެރެ ހަށީގައި ހުޅުހިފަމުން ދިޔައިރު ހިތާއި ސިކުނޑި އިއްތިފާގުން އަންގަމުން  ދިޔައީ ތަން ދޫކޮށްފައި ދިޔުމަށެވެ. އެތެރެހަށީގައި އުފެދުނު އަސަރްތައް ބޭރުފުށައް ވެސް ފޯރާފިއެވެ. އެންމެ ހިނދުކޮޅަކު ވެސް އެތަނުގައި މަޑުކޮށްލާކަށް އޭނާގެ ހިތެއް ނުބުންޏެވެ. އެ ސޫރަ އެއީ ދުވަހަކު ވެސް ލައިލާއަށް އޮޅޭނެ ސޫރައެއް ނޫނެވެ. އެއީ އޭނާގެ ހަޔާތުގެ ބަރުބާދީގެ މޭސްތިރިޔާއެވެ. އޭނާގެ ދިރިއުޅުން ނަރަކައަކަށް ހަދާލީ ޝާއިރާއެވެ. އެ ވިހަ ދެއަތުންނެވެ. ހީވީ މާޒީގެ ހިތި ޞޮފްހާތައް ހިޔާލީ ލޯގަނޑުގައި ރޯލްވެގެން ދިޔަހެންނެވެ.

***

(ނުނިމޭ)