ހިރާސް 2 (18)

”ހޯލްޑް އޮން.. މަށައް ކީއްކުރެވުނީ.. ވަ-“ މައުސޫމްކަމާއި ނިޔަނެތިކަމާއިއެކު ވާހަކަ ދައްކަން ފެށި ހިނދު ނޫހްގެ މޫނުމައްޗަށް އަރުވާލި އެތިފަހަރާއި އެކު ނޭފަތުން ލޭގަނޑު އޮހިގަތެވެ. އެންމެ އެތިފަހަރެއް ނޫނެވެ. ތިންފަހަރަށް ޖެހިއެވެ. ވީ ތަދަށް ވުރެން، ރުއާނާ ފަދަ އަންހެންކުއްޖެއްގެ ކުރިމަތީގައި ބަލިކަށިވި ގޮތުން ނޫހްއަށް ލިބުނީ ހައިރާންކަމެކެވެ. އެއްވެސް ބާރެއް ވެސް ނުކޮށްލެވުނެވެ. މިއީ ކާކުހެއްޔެވެ. ޔަގީނުންވެސް އެ ދެމުންދާ ހަމަލާއިން އާދައިގެ އިންސާނެއްގެ ބާރު ނޫންކަން އިޙްސާސްވިއެވެ.

****

”އޭތް. މިހިރަ މޮޔަޔާ.. ހަމަ މިހާރު ދޫކުރޭ “ ކަރުފަޅައިގެންދާހާ ބާރަށް ޔީލާ ހަޅޭއްލަވައިގަތެވެ. ނަމަވެސް ރުއާނާއަށް އެއަޑަށް ދިނީ ބީރު ކަންފަތެކެވެ. ރުއާނާ ދޫކުރަމުން ދިޔަ ކޮންމެ ހަމަލާއަކުން ނޫހްއަށް ވަމުން ދިޔަ ތަދުން ހީވީ ހޭވެރިކަން ފިލާދާން އުޅުނުހެންނެވެ. އަމިއްލަ ނަފްސުގެ ދިފާއުގައި އެއްވެސް ކަމެއް ނުކުރެވުނެވެ. އެއަށް ވުރެން އޭނާގެ ހަރަކާތް އަވަހެވެ.

”ރުއާނާ .. ހަމަ މިހާރު ދުރަށް ދާށޭ.. އަޑެއްނީވޭތަ! އޭތްތް!“ ޔީލާއަށް ހުރެވުނީ ކައިރިވާންވެސް ނުކެރިފައެވެ. ދުރުގައި ހުރެ ހަޅޭއްލަވައިގަތެވެ. ނަމަވެސް މިފަހަރުވެސް ރުއާނާ ނުހުއްޓުނެވެ. އޭނާއަށް ހުއްޓުމެއް އައީ ކީވާން ފެނިފައެވެ. ކީވާން އައިސް ރުއާނާގެ ގައިގާ ފަހަތުން ހިފެހެއްޓީއެވެ.

”ސީރިއަސްލީ ޑޮކްޓާރ ޔީލާ.. ފުރަތަމަ ކަމަކަށް ޑޮކްޓާރ ޔީލާގެ ލޯބިވެރިއާ ހިފަހައްޓަން ވީނު.. މާ ރީއްޗެއް ނޫނޭ އަމިއްލަ ކޮއްކޮ ގަނަތެޅެމުންދާ ކަން އެނގި ހުރެމެ މަޑުން ހުންނާކަށް.. ހަނދާންއެބހުރިތަ މީގެ މަހެއްހާ ދުވަސް ކުރީގެ ހަނދާނެއް؟ އެދުވަހު ކުރިމަތީގަ އެންނު ނޫހް އެހާ އެއްޗިހި ގޮވާލީ އިޒީއާއި ދިމާލަށް .. އެކަމަކު ޔޫ ޓޫކް ހިޒް ސައިޑް..އެ ދުވަހު ގޮވީ ދުވަހަކު ވެސް އުފަލަކު ނޫޅެވޭނެ އޭ.. އެވަރުން ވެސް އަޅާނުލީމެންނު… މިއަދު އެއައީ އިޒީއަށް އަނިޔާ ކޮށްފަ“ ނޫހްގެ ގައިން ދޫކޮށްލަމުން ފަހަތައް ކޮއްޕާލިއެވެ.

ނޫހް ތިރިވެގެން ދިޔައިރު ލިބިފައިވާ އަނިޔާގެ ސަބަބުން ކޮޅަށް ހުންނަން އުނދަގޫ ވެގެން ވެއްޓުނެވެ. ރުއާނާގެ ވާހަކަ އިވުނު ހިނދު ޔީލާއާއި ލޫކް ތިބީ ދެލޯ ބޮޑުވެފައެވެ.

”ވަޓް؟ ނޫހް އެހާ ދަށު ދަރަޖައަކަށް ނުވެއްޓޭނެ.. ތި ވާނީ ކަލެއާއި އީތަން ހަދައިގެން ދެއްކި ވާހަކައަކަށް..“ ޔީލާ ދެކޮޅު ހެދިއެވެ. ޔީލާއަށް ކޮންމެ ގޮތެއް ނޫހް ހެދި ނަމަވެސް އިޒްވާއަށް އަނިޔާ ކޮށްފާނެ ކަމަކަށް ގަބޫލެއް ނުކުރެވެއެވެ. ޔީލާއަށް ބޯހޫރުވާލެވުނެވެ. ދެލޮލަށް ޖަމާވި ކަރުނުތަކާއި އެކު އޭނާ ނޫހްއަށް ބަލައިލީ އެވާހަކަ ދޮގުކޮށްދޭށޭ ބުނާ ފަދައަކުންނެވެ.

”އާރ ޔޫ ބްލައިންޑް ބިޗ*؟ ތި ފެންވަރުގެ މީހުން ޑޮކްޓަރުންގެ ކޯޓު އަޅައިގެން މިތާގަ ހުރުމުގެ މާނައެއް ނެތެއްނު.. ބޯއީފްރެންޑާއި އެއްކޮން ޖަލުގަ މަޑުކޮށްލަން ދާންވީއެންނު..“ ރުއާނާ އަށް ދެފަރާތައް ބޯހޫރުވާލެވުނެވެ. އެވަގުތު އެތާގައި ހުންނާކަށް ވެސް ބޭނުމެއް ނުވިއެވެ. ނޫންނަމަ އޭނާގެ ރުޅިގަނޑު އިތުރަށް ކޮންޓްރޯލް ނުވެ ޔީލާގެ މޫނުމައްޗަށް ވެސް އެތިފަހަރެއް ދުކޮށްލެވިދާނެއެވެ. ނުކުމެގެން ދާން އުޅުނު ހިނދު ކީވާން ލޮލުގެ އިޝާރާތުން މަޑުކޮށްލުމަށް އެދުނެވެ. ކީވާން ވެސް ނޫހްއަށް ކޮޅަށް ނުހުރެވޭ ވަރަށް ގޮށްމުށުގެ ހަމަލާތައް ދޫކޮށްލިއެވެ. އޭނާ ހަމަޖެހުނީ އެންމެފަހުން ނޫހް ފަހަތައް ވެއްޓުމުންނެވެ.

”ކޮށްލެވުނު ވަރު އަދި ކުޑަ… އަހަންނަށް ވެސް ގަބޫލް ކުރަން އުނދަގޫ ވެފަ މިހުންނަނީ އަނިޔާގެ ވާހަކަ އައީމަ.. އެކަމަކު އިޒީގެ ކޮލަށް ވެފަ ހުރި ވަރުން ގަބޫލް ކުރެވިއްޖެ.. ޕްލަސް އިޒީއާއި ޖަދަލު ކޮށް އިޒީއަށް ބެވުން މިއީ ނޫހް މިހާރު އާންމުކޮން ކުރާ ކަމެއްނު!.. ވަކިން ސިއްރުގަ އެއް ނޫން.. އެންމެންނަށް ފެންނަހެން ފާޅުގަ… ޔެން ބަނޑުގަ ރިއްސާތީ ގެނަ ދުވަހު ވެސް ހީވީ އީތަން އާއި އިޒީ ގުޅިގެން އުޅޭތީ މީނައަށް ބާރުކޮށްގެން އުޅޭހެން.. ބުނަންތަ ވާހަކަ އެއް! މި ދިނީ ލާސްޓް ޗާންސް!.. ދެން މީގެ ފަހުން ނުގޮތަކަށް އިޒީއާއި ދިމާ ބަލައިލިއަސް ނިމުނީ! އިޒީއާއި ގާތައް އެންމެ ފިޔަވަޅެއް އެޅިޔަސް މަ ވަރު ނުބައި މީހެއް މިދުނިޔޭގަ ނުހުންނާނެ!… ހާއްސަކޮން ލިއަމްއާއި ލޫތް އާއި ހިސާބަށް މިއިން ކަމެއް ދާން ބޭނުން ނޫނިއްޔާ އިޒީ ގާތުން މާފަށް އެދެން ދޭ“ ލިއަމްގެ ޥާހަކަ ބުނުމުން ނޫހްގެ މޫނުމަތިން ފެނިލީ ނުތަނަވަސްކަމެވެ. އިޒްވާގެ ސަބަބުން އެތެރެހަށީގައި އުފެދިފައިވާ ރުޅި ދެގުނަ ވީ ކީވާން، މާފަށް އެދެން ބާރު އަޅަމުން ދިޔަވަރުންނެވެ. އޭނާ އެއްޗެއް ނުބުނެ ހުންނަން ފެށުމުން ވެސް ކީވާން އަތް މަޅާލިއެވެ. އެންމެ ފަހުން ހިތާއި ދެކޮޅަށް ނޫހް ބޯ ޖަހައިލިއެވެ. ކީވާންގެ މޫނުމަތީގައިވި ރުޅިވެސް ނޫހް ބިރުގަންނަވާލިއެވެ.

”ސޯ ކީވާން ތިބުނީ އިޒީގެ ކޮލުގާ ނޫހް ހަމަ ޖެހިއޭ ތަ؟“ ރޮވެމުން ދިޔައިރު ޔީލާއަށް އެހުނެވެ. ކީވާން ބަލައިލީ ނޫހްއާއި ދިމާލަށެވެ.

“އަޅެ ކުޑޫ ހަމަ އެހާ ޔަގީން ކުރަން ބޭނުންވޭތަ! ކީވާންބެ މާފަށް އެދޭށޭ ބުނުމުން އޭނަ ބޯ ޖަހައިލީ އެންނު އެ.. ކަމެއް ނުކުރާނަމަ އެހާ މަޑުން ހުންނާނެތަ! ކުޑޫ ވެސް ވެއްޖެއެއްނު މީހުން ދައްކާ ވާހަކަ އަޑުއަހަން.. މިތާގަ މިތިބަ އެކަކު ވެސް މިއީ ކުރިން ދުވަހަކުވެސް އޮޅުވާލައިގެން ދޮގު ވާހަކަ ފެތުރި ބައެއް ނޫން“ ލޫކްވެސް ރުޅިގަދަވަމުން ދިޔައިރު ހުރެވުނީ ނޫހްއާއި ދިމާ ބަލާލަން ވެސް ބޭނުން ނުވެފައެވެ. އެއަށްވުރެން ބޮޑަށް، އެވާހަކަތައް ޔީލާ ގަބޫލް ނުކުރަން އުޅޭހެން ހީވުން އޭނާދެކެ ރުޅި އާދެވުނެވެ.

”ޑިޑް ޔޫ ހިޓް ހާރ؟“

”ޔާހް.. “ ކުރެވުނު ކަންތަކުން ދެރަވިހެންނެއް ހިއެއް ނުވެއެވެ. އަނގައިން ފައިބަމުން ދިޔަ ލޭތައް ފުހެލަމުން ވަރަށް ހަމަޖެހިލާފައި އެއްބަސްވިއެވެ.

”އޯޙްހް.. ސޯ ނައު ޔޫ ޗޫސް ހޮނެސްޓީ؟.. ނޫހް.. އިޓްސް އޯވާރ ބިޓްވީން އަސް“ ޔީލާ މަޑެއް ނުކުރިއެވެ. ފައިބަމުން ދިޔަ ފެންތަކާއި އެކު އޭނާ ހުންނަން ބޭނުން ނުވީއެވެ. އިޒްވާގެ މަތިން ހަނދާންވީ ވީހެން ޔީލާގެ މެއިން ދިލަ ނަގަމުންދިޔައެވެ. އޭނާގެ ފަހަތުން ލޫކް ދިޔައިރު ރުއާނާ ވެސް ނުކުތެވެ.  ދަމުން ނޫހްއަށް ބަލައިލީ އަލިފާނުގެ ބެލުމަކުންނެވެ. އެ ނަޒަރުން އެކަނި ވެސް ނޫހް ސިހުނުކަން ގައިމެވެ.

”ރުއާ.. ވެއިޓް!“ ލިފްޓާއި ހަމައިން މަޑުޖެހިލީ ކީވާންގެ އަޑުންނެވެ. އޭރު ހިސާބަކަށް ރުޅި މަޑުވެފައި ހުރުމުން ހަމަޖެހިލަމުން ކީވާންއަށް ނިތްއަރުވާލިއެވެ. ކީވާން މަޑުކޮށްލީ ޔީލާއާއި ލޫކް ލިފްޓަށް އަރަންދެންނެވެ. ނޫހްއާއި ދެކޮޅަށް އެހާ ވަރުގަދަ ކަމާއި އެކު ރުއާނާ ކުރިމަތިލީ ގޮތާއި މެދު ސުވާލް އުފެދިފައި ހުރި ނަމަވެސް، މިވަގުތައް މުހިއްމުވީ އިޒްވާގެ ވާހަކައެވެ.

“ކަމް ހިއާރ.. އައި ޖަސްޓް ވޮނަ ހަގް ޔޫ“ ލިފްޓްގެ ދޮރު ލެއްޕުނު ތަން ފެނި ރުއާނާގެ ފަރާތުން ބަހެއް ނީވެނިސް ކީވާން ބައްދާލިއެވެ. ރުއާނާ ދެލޯ ބޮޑުވެފައި ހުރެވުނީއެވެ. ނަމަވެސް ރުއާނާއާއި ދުރުވެލަމުން ކީވާން ދެއްކި ވާހަތައް އިވި ލިބުނީ ބަޔާންކުރަން ދަތި ހިތްހަމަޖެހުމެކެވެ. ހައިރާންކަން ފިލާ އެމޫނަށް ހިނިތުންވުމެއް ވެރިވާން ގިނައިރެއް ނުނެގިއެވެ.

”ތޭންކިއު ފޯރ ބިއިންގ ދަ ބެސްޓެސްޓް ފްރެންޑް ޓް މައި ބޭބީ ސިސްޓާރ.. ވަރަށް ބޮޑަށް ތޭންކްސް… ރުއާ ނެތް ނަމަ ނޭނގޭނެ އިޒީ މެރިއަސް.. އޭނާ ނުބުނާނެ ކިތަންމެ ވަރެއް މީހަކު ކޮށްލިއަސް.. އެންޑް ރުއާ ވެސް.. އަހަރެމެންގެ ބައްޕަމެން އެހާ ކްލޯޒް އިރު ވީ ހޭވް ޓް ބީ ކްލޯޒް .. އިޒީ އެކޭ ރުއާ އެކޭ ތަފާތެއް ނެތް .. ތިއީ ވެސް އަހަރެން ކޮއްކޮއެއް ފަދައިން ދެކޭ ކުއްޖެއް.. ޔޫ ކޭން ޓޯކް އެނީތިންގ ވިތް މީ.. ދެންމެ ތިބުނީނު ޔީލާ ކައިރީގަ ، ކުރީ ދުވަހު ވެސް ނެގީ ނޫހް ސައިޑޭ.. އެއީ ކޮންދުވަހެއް؟ ކަމެއް ހިނގީތަ؟ ކީއްވެތަ އިޒީއާއި އެ ބެހެނީ ނޫހް؟“

”އިޓްސް ނަތިންގް.. އަސްލު އިޒީ އަކީ ފަސްޓް ފްރެންޑް.. ސޯ ޝީ އިޒް ސްޕެޝިއަލް… އިޒީ ވާހަކަ ދައްކަން ބޭނުން ވެގެން އެދުވަހު މީޓް ކުރަން ދިޔައީ.. ބަޓް އެތަނުގަ ވާހަކަ ދެއްކޭ ގޮތެއް ނުވި.. ލައިކް އިޓްސް ހާރޑް ޓް ސޭ.. ”ލަދުން ހުރެފައި ވެސް އެދުވަހު ޔީލާއާއި ނޫހް ކޮޓަރިއަކުން ނުކުތްތައް ފެނުނު ވާހަކަ ރުއާނާ ބުނެދިނެވެ. އެތަނުގައި އިޒްވާއާއި ދިމާލަށް ނޫހް ކިޔާލި އެއްޗިސް ވެސް މެއެވެ. ކީވާން ހައްތަހާ ބޮޑަށް ރުޅިގަދަވާ ގޮތްވިއެވެ. އެހުރިހާ ކަމެއްގެ ތެރެއިން ވެސް އިޒްވާގެ ދިފާއުގައި ޔީލާ އެއްޗެއް ނުބުނިކަން އެނގުމުން ރުޅިގަނޑު ދެގުނަ ވިއެވެ. މިހާރަކަށް އައިސް ޔީލާއާއި މެދު އިޒްވާ ބަހައްޓާ ދުރުކަން އޭނާއަށް ވެސް އެނގެއެވެ. އެހެނަސް އެ ދުރުމިނުގެ އަސްލު އޮތީ ނޭނގިއެވެ. އެކަން ހާމަވެގެން ދިޔައިރު އިޒްވާއާއި މެދު ހަމްދަރްދީ  ވެވުނީ އިންތިހާއަށެވެ.

”ހައު ކުޑް ހީ..“

”މިއަދު އިޒީގެ ކައިރީގަ އަހަން މި މަޑުކޮށްލަނީ.. އެއްޗެއް ހީވާތާ ދުވަސްކޮޅެއް ވެއްޖެ“ ދެތުންފަތް ހަފާލަމުން ރުއާނާ ކުޑަކޮން ވިސްނާލިއެވެ. އެވާހަކަ ބުނަންވީބައެވެ. ކީވާން އަހަން ފެށުމުން، އެންމެ ފުރަތަމަ ދުވަހުން ފެށިގެން، ނޫހުގެ ނަމާއި އެކު އިޒްވާގެ މޫނަށް ބަދަލްތަކުން ރުއާނާ ފެށިއެވެ. އޭނާގެ ޝައްކު ޔަގީނަށް ބަދަލް ވާނީ އިޒްވާގެ ކައިރިން ކަމެއް އޮޅުން ފިލުވޭ ވަރު ވުމުންނެވެ. ވާހަކަ ނިންމާފައި ބަލައިލި އިރު ކީވާންއަށް ވެފައި ހުރި ގޮތުން ރުއާނާގެ ގާތައް ހިނިވެސް އައެވެ.

”ތިބުނާހެން މިހާރު ކޮންމެ ވެސް ވަރަކަށް އެބަ ސެންސް މޭކް ކުރޭ ކަންނޭގެ.. އިޒީއާއި ޥާހަކަ ދެއްކުމަށްފަހު ވީ އެންމެ އަވަހަކަށް ބުނައްޗޭ..“ ކީވާން އެހާ އުއްމީދާއި އެކު އެދުމުން ރުއާނާއަކަށް ދެކޮޅު ހަދާކަށްނުކެރުނެވެ. އާއެކޭ ބުނެ ހިނގައިގަތީ ތިރިއަށް ދިޔުމަށެވެ.

***

”ވަރަށް ތަދުވޭތަ“ ލިއަމްގެ ގައިގާ ބައްދާލައިގެން އިން ގޮތައް ދެފަރާތައް އިޒްވާ ބޯހޫރުވާލިއެވެ. އޭނާގެ އަތުގައި އޮތް އައިސް ޕެކް އިން ދޭތެރެއަކުން އިޒްވާގެ ކޮލުގައި ޖައްސަމުން ދިޔައެވެ. ދެމީހުން ތިބީ އިޒްވާ އާންމުކޮން އަންނަ ޕާކްގައެވެ.

”އީތަން ބުނި ސިޑިން ކަހާލިއްޔޭ.. މޫނު ޖެހުނު އިރު، ފަޔަކަށް ކަމެއް ނުވޭތަ؟ ލިފްޓް ހުއްޓާ އެކަމަކު އިޒީ ކީއްކުރަންތަ ސިޑިއަށް އަރަންވީ އެއް“އިޒްވާގެ ބޮލުގައި ފިރުމާލަމުން އިސްތަށިތައް ރަނގަޅު ކޮށްލަ ދިނެވެ. ލިއަމް އިނީ އިޒްވާއާއި މެދު ކަންބޮޑުވެފައެވެ. ކޮލުގެ ރަތްވެފައިވާ ހިސާބުން ފޮއްސިކަން ވެސް ފެނެއެވެ. މިހާރު ނުރޮވުނު ނަމަވެސް އިޒްވާ ދުވަހުގެ ބޮޑުބައެއް ހޭދަކޮށްލީ ރުއިމުގައެވެ. ލިއަމްގެ ސުވާލްތައް މާ ގިނައިން އަމާޒުވާތީ އިޒްވާ ތެދުވެލިއެވެ. ގަދަ ކަމުން ހިނިތުންވެލަމުން އޭނަ ރަނގަޅުކަމަށް ބުނެލިއެވެ.

”ގެއަށް ދާންވީމަ ބުނައްޗޭ އިނގޭ .. އެގަޑީގަ ކާންދިނީމެންނު ބޭހެއް އެއީ ވަރަށް ފަސޭހައިން ނިދިއަންނަ އެއްޗެއް… ނިދި އަންނަ ގަޑީގަ ވާނެ ޖައްސާލަން“

”އަދި ނާދެ ނިންޖެއް… އެކަމަކު މިހާރު ހީވެ ތަދު ލުއިވެއްޖެ ހެން“ އިޒްވާ ޖަވާބުދިނެވެ. ލިއަމް ބޯ ޖަހައިލިއެވެ. ލިއަމް އަނެއްކާ ވެސް އަހައިލީ އިތުރުތާކަށް އަނިޔާވިތޯއެވެ.

”ކުޑަކޮން ފަޔަށް ވެސް ތަދުވޭ.. ސިޑިން ތިރިއަށް ޖެހުނު ގަޑީގަ އަތްގަނޑުގަ ހިފުނުގޮތުން ސަލާމަތްވީ.. ތިރިވި ގަނޑީގަ ކުޑަކޮން ކަހާލާފަ މޫނު ވަތައް ޖެހުނީ.. ދެން މޫނަކަށްނު ބޮޑަށް އަނިޔާވާނީ… އެގަޑީގަ މުޅި މީހާ އައްސިވެފަ ހުރީ.. “ ލިއަމްގެ ސުވާލްތަކުން ސަލާމަތްވުމަށް މޮޅުވާހަކައެއް އިޒްވާ ހަދާލިއެވެ. ނޫންނަމަ އެކި ގޮތްގޮތުން ސުވާލް އުފައްދައިގެން ވެސް އޭނަކުރެން ލިއަމް އަހާނެއެވެ. ފަސޭހައިން ލިއަމްގެ ސުވާލްތައް ނުހުއްޓާނެއެވެ.

”އޯކޭ އޯކޭ.. އެކަމަކު މީގެފަހުން ސިޑިއަށް އަރައިގެން ނުވާނެ!.. ކިރިޔާ ހާޓް އެޓޭކެއް ނުޖެހުނީ ދޮންބެއަށް.. ނަސީބެއްނު އީތަންއަށް ފެނުނު ކަން ވެސް“ އިޒްވާގެ ކޮލުގައި ނުހަނު ލޯބިން ލިއަމް ފިރުމާލިއެވެ. އިޒްވާ ހީލަމުން ބޯޖަހައިލިއެވެ.

ދެމީހުން ގެޔަށް ދިޔުމަށް ހިނގައިގަތީ އިރުއޮއްސި ރަނގަޅަށް އަނދިރިވުމުންނެވެ. އިޒްވާ ގެއަށް ލުމަށްފަހު ލިއަމް މިސްރާބު ޖެހީ އަމިއްލަގެއަށެވެ. އެހުރިހާ އިރު އިޒްވާގެ ކުރިމަތީގައި ވެރިކުރުވައިގެން ހުރި ހިނިތުންވުން ވެސް  ފޮރުވުނެވެ. މީހަކު ނުބުނެދިން ނަމަވެސް އިޒްވާގެ މޫނުމަތީގައިވާ ނިޝާނަކީ ސިޑިއަކުން ވެއްޓިގެން ވެފައި ހުރި ގޮތެއް ނޫންކަން އޭނާ ދެނެގަތެވެ. އިޒްވާއަށް މަޖުބޫރުކޮށްގެން ނާހާ ލިއަމް ގަސްތުކުރީ އަދި މަޑުކޮށްލުމަށެވެ.

***

އަމިއްލަ ކޮޓަރީގެ ތެރޭގައި ދެކޮޅަށް ހިނގަމުން ދިޔަ ނޫހްގެ މޫނުން ރުޅިވެރިކަން ވިދަމުންދިޔައެވެ. ކަންފަތުގައި ފޯނު ޖަހައިގެން ހުރެ ޔީލާއަށް ގުޅަން ކުރި މަސައްކަތް ބޭކާރުވަމުން ދިޔައެވެ. ދާދި މަދު ވަގުތުކޮޅެއްގެ ތެރޭގައި ޔީލާ ވަނީ އޭނާގެ ނަމްބަރު ވެސް ބްލޮކްކޮށްފައެވެ. ކުރިން ވިއްޔާ ޔީލާގެ ފޯނަށް ނުގުޅިއްޖެ ހާލަތެއްގައި ކޮބައިތޯ ބަލަން ގުޅަނީ ލޫކްއަށެވެ. ނަމަވެސް މިއަދު އެފަދަ ހިތްވަރެއް ކުރާކަށް ލާހިކެއް ނޫނެވެ. ގުޅިއަސް ލޫކް ވެސް ފޯނެއް ނުނަގާނެއެވެ.

މޮޔައަކު ފަދައަކު އިސްތަށިގަނޑަށް ދެއަތް މަހާލައިގެން އިނދެ ލޫކް ހަޅޭއްލަވައިގަތެވެ. ޔީލާއަށް ގުޅޭނެ ހަމައެއްވެސް ގޮތެއް ނެތޭ ހިތައް އަރާފައި ބޯހާސްވީވަރުން އަތުކޮޅަށް ފޯނު ހޫރާލެވުނެވެ. އެއާއި އެކު ޓައިލްސް މައްޗަށް ފޯނު ޖެހި އޭގެ ބައިތައް އެކި ދިމަ ދިމާލަށް ބުރައިގެން ދިޔައެވެ. މުޅި ކޮޓަރީގެ ތެރޭގައި އެއަޑު އެކޯވެފައި އިރުކޮޅަކު ހުއްޓެވެ.

”އައި ސްވެއާރ.. އެ އަންހެން ގޮލާގެ ވިހަކަމާއި ސުންޕާކަން މިއީ.. ހޭއަރުވާލާނަން ދެން އަތު ޖެހިއްޖެޔާ.. ހީވީ ކަންނޭގެ އަހަރެން ކަމެއް ނުކޮށް ހުންނާތީ ކޮންމެ ފަހަރަކު ސަލާމަތް ވެގެން އެހާ ފަސޭހައިން ދެވޭނެއޭ.. އެންމެ ފަހުން ޔީލާ ވެސް ގެއްލުނީ.. އިޒްވާ އަކަށްވެސް އަދި އެއަންހެން ގޮލާއަކަށް ވެސް ސަލާމަތެއް ނުވެވޭނެ“ ރުޅީގެ ސަބަބުން މޫނަށް ވެރިވެފައިވީ ރަތްކަމާއި އެކު ނޫހް ދިޔައީ ތުރުތުރު އަޅަމުންނެވެ. އޭނާގެ މޫނުމައްޗަށް އަރާފައިވާ ރުއާނާގެ ހަމަލާތަކުގެ ސަބަބުން ޒަހަމްވެފައިވާ ހިސާބުތަކުގައި މަލަން އަޅާފައި ހުއްޓެވެ.

***

ހެނދުނު އެންމެ ފުރަތަމަ ކްލާހަށް ވަނީ ރުއާނާއެވެ. އިއްޔެގެ ކަންތައްގަނޑުގައި އުޅުމުގެ ސަބަބުން ނިންމަން ހުރި ފިލާވަޅުތައް ނުނިމޭތީ ރުއާނާ އަވަހަށް އައީ އެ މަސައްކަތް ކުރުމުގެ ނިޔަތުގައެވެ. އައި މަގުމަތީގައި ކެންޓީނުން ނެގި އައިސްކޮފީ މޭޒުމަތީގައި އިން އިރު ލަސްލަހުން ދިޔައީ ހުސްވަމުންނެވެ. ދޭތެރެއަކުން ގަޑި ވެސް ބަލާލައެވެ. އެހެން ކުދިން އައުމުގެ ކުރިން އޭނާ ބޭނުންވީ އެއްކޮން ނުނިމުނަސް ބޮޑުބައެއް ނިންމާލެވޭތޯއެވެ.

”ލިއަމް ނުހޭލަނީބަ؟ “ ހަތެއް ޖެހި އިރުވެސް ލިއަމްގެ މެސެޖެއް ނާންނާތީ ރުއާނާ ފޯނު ނެގީ ގުޅާލުމުގެ ނިޔަތުގައެވެ. ނަމަވެސް ކްލާހުގެ ތެރެއަށް ލިއަމް ވަދެގެން އައި މަންޒަރު ފެނި ފޯނު ބާއްވާފައި ރުއާނާއަށް ބަލައިލެވުނެވެ.

”ގުޑް މޯނިންގ“ ރުއާނާއާއި ޖެހިގެން މަގަތައް ހުރި ގޮނޑީގައި ލިއަމް އިށީންދެލިއެވެ. ރުއާނާ ހީލާފައި ރައްދުދިނެވެ.

”ނީޑް ހެލްޕް؟“ ރުއާނާ ކުރަމުން ދިޔަ މަސައްކަތް ފެނި ލިއަމް ގާތްވެލަމުން އެހިއެވެ. ބޯޖަހާލާފައި އޭނާއަށް ސުވާލްތައް ލިއަމް އަށް ދައްކާލިއެވެ. ލިއަމް ކިޔައިދޭން ފެށުމުން ކަނުލާ އަޑުއަހަމުން ދިޔައެވެ. އޭނާގެ އެހީތެރިކަމާއި އެކު ހީކުރި ވަރަށް ވުރެން އަވަހަށް ނިންމާލެވުނެވެ.

”ތޭންކިއު ސޯ މަޗް.. ހީކުރީ ނުނިމޭނެ ކަމަށް…“

“ އެނީތިންގ ފޯރ ޔޫ“ ރުއާނާގެ ލޮލަށް ބަލަހައްޓައިގެން އިނދެ ލިއަމް ބުނެލިއެވެ. ”ވާޙަކައެއް އަހާލަންތަ؟“ ލިއަމް އެހިއެވެ. އޭނާ އަހަން އުޅުނީ ކޮންވާހަކައެއް ކަން ނަގައިގަނެވުމުން ރުއާނާ ނުތަވަސްވިއެވެ.

”އިއްޔެ ކިހިނެތްވީ؟ ކީއްވެ އެހާ ބާރަށް ދިޔައީ؟ ކަމެއް ގޯސްވީތަ؟“ ކަމެއް ދެނެ ގަންނަން އުޅޭ ފަދައަކުން ލިއަމް ބަލައިލިއެވެ. ރުއާނާ ފުންނޭވާއެއް ދޫކޮށްލިއެވެ. އިޒްވާ އާދޭސްކޮށްފައި ނުބުނަން އެދުނު ނަމަވެސް ލިއަމްއަށް އެކަން ފޮރުވާކަށް ހިތެއް ނުބުންޏެވެ. މިއަދު ފޮރުވައިގެން ތިއްބާ މާދަމާ ވާނެގޮތެއް ނޭނގެއެވެ. އެފަދަ ކަމަކަށް ފަހު ވެސް މިނިވަން ކަމާއިއެކު ނޫހް ދޫކޮށްލެވިއްޖެނަމަ ހުރިހާ ކަމެއް ގޯހުން ގޯހަށް ގޮސްފާނެއެވެ. އެންމެންނަށް އެނގުމުން ބަދަލެއްގެ ގޮތުގައި، ކޮންމެވެސް ސިފައެއްގައި އިޒްވާއާއި ދިމާ ނުކޮށްލާ ނުހުންނާނެއެވެ.  އެކަމަކު މިފަދަ ތާކު ތިބެ އެވާހަކަ ދައްކަން ރުއާނާ ބޭނުމެއް ނުވިއެވެ.

”އޯކޭ.. އީތަން ބުންޏެއްނު އިޒީ ސިޑީން ވެއްޓުނީއޭ.. ދެޓްސް އަ ލައި.. އީތަން ވެސް އަހަރެން ވެސް ބޭނުމެއް ނޫން ފޮރުވާކަށް… އެކަމަކު އީތަންގެ ފައިބުޑަށް ވެއްޓި އިޒީ އާދޭސް ކުރީމަ މަޖުބޫރުވެގެން ލިއަމް ކައިރީގަ ދޮގުހެދީ.. އެކަމަކު އޭގެ ކުރިން އިޒީއާއި ވާޙަކަ ދައްކާލަން ބޭނުން.. އެއީ އަސްލު  އެކަން ހިނގާ ދިޔަ ގޮތް އެނގެން ބޭނުންވާތީވެ… މްމްމް.. މި، ޑިއުޓީ ނިންމާފަ ދިމާވެވޭނެތަ؟ އޭގެ ކުރިން އިޒީއާއި ވާހަކަ ދެއްކޭނެ ކަމަށް މިބަލަނީ.. ޝީ ސެއިޑް ޝީ އިޒް ކަމިންގ“ ރުއާނާ ތެދުތެދަށް ބުނެދިނެވެ. އަދި އޭނާ ބޭނުންވާ ގޮތް ހާމަކުރިއެވެ.

”އައި ނިއު އީޓް.. ވިސްނުމެއް ހުރި މީހަކަށް ވިއްޔާ އެނގޭނެ އެ އަނިޔާތަކަކީ ސިޑިއަކުން ވެއްޓިގެން ލިބުނު އަނިޔާތަކެއް ނޫންކަން…އެހެންވީމަ ފައިވްގަ ދިމާވެވޭނެ.. ރޭގަ  ރަނގަޅަށް ނުވެސް ނިދުނު އެކަމާއި ވިސްނަމުން ގޮސް“ ލިއަމް ބުނި ގަޑީއާއި އެއްބަސްވުމުގެ ގޮތުން ރުއާނާ ބޯޖަހައިލިއެވެ. އެވާހަކަ އެގޮތައް ބުނެދެވުމުން ވެސް ރުއާނާގެ ހިތައް ލިބުނީ ބަޔާންކުރަން ދަތި ހިތްހަމަ ޖެހުމެކެވެ. އިޒްވާގެ ކަމެއްގައި، ބޮޑު އޮޅުވާލުމެއްގައި ލިއަމް ބަހައްޓަން އޭނާގެ ޒަމީރް އެއްބަހެއް ނުވިއެވެ. ކޮންމެފަދަ ނަތީޖާއެއް ނުކުތަސް ހަގީގަތް ހާމަކުރަން ރުއާނާ ބޭނުމެވެ.

”އޯކޭ އެހެންވީމަ.. މްމްމް، އަދި އެބަ އޮތް ދޯ ކްލާސް ފެށެން ވަގުތު.. އާދެބަލަ އަހަންނާއިއެކު“ ރުއާނާގެ މޫނަށް ބަލަހައްޓައިގެން އިނދެ ލިއަމް އެއަތުގައި ހިފާ ކޮޅަށް ނެގިއެވެ. ރުއާނާއަށް ނިތްއަރުވާލެވުނީ ކޮންތާކަށް ހޭ އަހާފަދައަކުންނެވެ.

”ޑޯންޓް އާސްކް، ލެޓްސް ގޯ“ އަތުކުރީގައި އޮތް ގަޑިއަށް ނަޒަރެއް ދެމުން ލިއަމް ހިފާލައިގެން ހުރި އަތައް ބާރުކޮށްލިއެވެ. އެންމެފަހުން ބޯޖަހައިލަމުން ފޮތްތައް ކަބަޑުގެ ވަތްގަނޑަށް ލަމުން ލިއަމްއާއި އެކު ދިޔައެވެ. ލިފްޓަށް އަރައިގެން ގޮސް ލިއަމް ވަނީ އޭނާގެ ކޮޓަރިއަށެވެ. ލިފްޓުން ފެށިގެން އެހިސާބަށް އާދެވެންދެން ވެސް ލިއަމްގެ ކަޅި ރުއާނާގެ މޫނުން ވަކިނުވެއެވެ. ޖަންބުކުލަ ހިނދުކޮޅަކަށް ވެސް އެ މޫނުން ނުފިލައެވެ.

އެތެރެއަށް އެޅި ފިޔަވަޅާއި އެކު ރުއާނާއަށް ހުއްޓިލެވުނެވެ. ފުރަތަމަ ވެސް ކަންފަތުގައި ހިފާލީ މަޑުގޮތަކަށް ޖަހާފާލާއި ހުރި ”ބްލެވާރޑް“ ލަވައިގެ ހިތްގައިމު އަޑެވެ. ފެނުނު މަންޒަރުން އަނގަމަތީގައި އެއްއަތް ބާއްވާލެވުނު އިރު ލިއަމްގެ މޫނަށް ބަލައިލެވުނެވެ.

”މި؟އަހަރެން ހީކުރީ ދެންމެ ކަމަށް އައީ.. އެކަމަކު، މީ ކޮންއިރަކު ކުރި ކަމެއް؟ ހައިރާންވީ ވަރުން ރުއާނާއަށް ވާހަކަ ދައްކަން ވެސް ހުރީ އުނދަގޫވެފައެވެ. ކުޑަދޮރު ކައިރީގައި ބެހެއްޓިފައި ހުރި މޭޒުމަތީގައި ހެނދުނުގެ ނާސްތާ ހުއްޓެވެ. މުޅިންވެސް ރުއާނާއަށް އެންމެ ކަމުދާ ޒާތުގެ ސާމާނެވެ. ރުއާނާގެ ސުވާލަށް ޖަވާބު ނުދީ އެހިނިތުންވުމުގައި ހުރެފައި އެދެކޮނޑުގައި ހިފާލައިގެން ހުރެ ލިއަމް ގެންގޮސް ބޭންދީ މޭޒުގެ އެއް ފަރާތުގައި ހުރި ގޮނޑީގައިއެވެ. އަނެއް ފަރާތުގައި ހުރި ގޮނޑީގައި ލިއަމްވެސް އިށީންދެލިއެވެ.

”ރުއާ ޕްރޮމިސް މީ ވަން ތިންގް. ކެން ޔޫ؟“ ލިއަމް އަޅައިގެން ހުރި ނަމްބަރު އައިނު ނަގާ މޭޒުމަތީގައި ބާއްވާލަމުން ބަލައިލިއެވެ. ބޯޖަހައިލަމުން ރުއާނާ ނިތް އަރުވާލިއެވެ. އަދި ކޮންކަމެއް އަހާލިއެވެ.

”ކީއްވެ ނުބުނެ ގެއިން ނުކުމެގެން އަންނަނީ؟ ބުނީމެންނު އެހެން ނުހަދަން.. އެންޑް ޔޫ ނޯ ދި ރީޒަން.. ދެން ކީއްވެ ކޮންމެ ފަހަރަކު ނުބުނެ ގެއިން ނުކުމެގެން ތި އަންނަނީ؟“  މަޑުން ވާހަކަ ދެއްކި ނަމަވެސް ލިއަމްގެ އަޑުގައިވި ނުތަވަސްކަމާއި ހިތްހަމަނުޖެހުން ރުއާނާއަށް ނަގައިގަނެވުނެވެ.

”ސޮރީ.. ވަރަށް ހެނދުނު އައިސްފިން ފިލާވަޅުތައް ނުނިމި ހުރީމަ ނިންމާލަން ވެގެން.. އެހާ ހެނދުނާ ގޮވަން ނުކެރުނީ.. “

”ވީ އާރ ނޮޓް ސްޓްރޭންޖާރސް.. އުނދަގުލެއް ނުވާނެ.. ރުއާއަށް ނޭނގުނަސް އަހަރެން މިހުންނަނީ ސިހިސިހި ކަމެއް ވެދާނެތީ…  އެހެން ނަހަދައްޗޭ.. ޕްލީޒް؟“ އާދޭހުގެ ރާގެއްގައި ލިއަމް ބުންޏެވެ. ރުއާނާގެ އަތްމަތީގައި ބާއްވާލިއަތައް ފިތާލިއެވެ.

”އައި ޕްރޮމިސް.. ދެން ނުވާނެ އެހެންނެއް“ ރުއާނާ ހީލިއެވެ. އެ ޖަވާބުން ހިތްހަމަޖެހުމުގެ ނޭވާއެއް ލިއަމް ދޫކޮށްލެވުނެވެ. ބޯޖަހައިލަމުން އަވަހަށް ކާން އެދުނެވެ. ލިއަމް ކާންފެށިއިރު ރުއާޏާވެސް ލަސްލަހުން ކަމުން ދިޔައެވެ.

”ސޯ ވަޓްސް ދި އޮކޭޝާން“ އާވި އަރަމުންދިޔަ ކޮފީ ޖޯޑުގެ އަތްގަނޑޫގައި އިނގިލި ހާކާލަމުން ރުއާނާ ބުނެލިއެވެ. ލިއަމް ނިތް އަރުވާލުމުން، އޭނާ އިޝާރާތް ކުރި މޭޒުމައްޗަށެވެ.

”އިއްޔެ ގެއަށް ދިޔަގޮތައް ނުފެންނަމެންނު .. މުޅި ދުވަހު ފިލައިގެން އުޅުނީ .. ތި މޫނު ބަލާލަމުން ބޭނުންވީ… އެހެންނޫނީ އައި ކުޑުންޓް ބްރީތް ޕްރޮޕާލީ“ ލިއަމް ދެލޮލުގެ ހަނިއަރިން ރުއާނާގެ މޫނަށް ނަޒަރެއް ދިން އިރު ލަދުން އިންތަން ފެނި ހިނިއައެވެ.

ލިއަމް އެބަހައްޓާ ގާތްކަމުގެ މާނަ އެނގެއެވެ. ރުއާނާގެ ހުރިހާ ހިއްސެއް ބަރާބަރައް މަސައްކަތް ކުރެއެވެ. ލޯބި ނުވާނަމަ އެފަދަ ގާތްކަމެއް ނުބަހައްޓާނެތާއެވެ. އެހެން އަންހެންނުނާއި ބަހައްޓާ ދުރުމިނާއި އޭނާއާއި ހެދި އުޅެމުންދާގޮތް ވެސް ރުއާނާއަށް އެނގެއެވެ. ހުދު އޭނާގެ ހިތުގެ ހާލަކީވެސް އެއީއެވެ. ނަމަވެސް ލިއަމްގެ ދުލުން އެފަދަ ވާހަކައެއް ނުދައްކައެވެ. ކީއްވެބާއެވެ. އެ ގުޅުމެއް ނަމެއް ދޭނީ ކޮންއިރަކުން ބާއޭ ރުއާނާގެ އަމިއްލަ ހިތާ ސުވާލްކޮށްލެވެއެވެ. އިސްނަގާފައި އެފަދަ ހިތްވަރެއް ކޮއްލާކަށް އޭނާއަކަށް ނުކެރޭނެއެވެ.

ލިއަމްއަށް ދޭނެ ރައްދަކާއިމެދުވިސްނާލިއެވެ. ރުއާނާ މަޑުކުރީ ލިއަމް ކައިމެންދެންނެވެ.

”ވައި؟“

”ހަމަ ނޭނގިގެންތަ ތިއެހީ؟“

”ޔާ .. ކޮން ކަމެއް ނޭނގިގެންހޭ ތަ ތި އެހީ؟“ ކައި ނިމުމުން އޫ ތަށިތެރެއަށް ދޫކޮށްލަމުން ފެންފޮދެއް ބޯލިއެވެ. އޭނާގެ ސުވާލާއި ލިއަމް ބަލަމުން ދިޔަ ގޮތުން ކޮށީނޭރީ ކިރިއާއެވެ. އެ ތޫނު ނަޒަރުން ހީވީ ރުއާނާ ލަދުގަންނަވަން ހިތުލައިގެން އިންހެންނެވެ. ލަދުގަތްކަން ފޮރުވަމުން ރުއާނާ ކަރުކެހިލަމުން ތެދުވެލިއެވެ.

ލިއަމް ތެދުވަންނަން ނޫޅުމުން ނުބަލަން ހުރެފައި ވެސް ބަލައިލަމުން ރުއާނާ ނިތްއަރުވާލިއެވެ. އޭނާ ތެދުވެ އައިސް ހުއްޓިލީ ރުއާނާއާއި އިންޗިއެއްހާ ގާތުގައިއެވެ. ހަތަރުކަޅި ހަމަވެގެން ދިޔައިރު ލިއަމްގެ އަތް ރުއާނާގެ ހިމަ އުނަގަނޑުގައި އަޅުވާލިއެވެ. ތެޅިގަނެފައި ރުއާނާއަށް ދުރަށް ޖެހިލެވުނެވެ. ނަމަވެސް އެއަށް ވުރެން ބާރަށް ރުއާނާ ގެނެސް ލިއަމްގެ މޭގައި ތަތްކޮށްލިއެވެ. އެ ތޫނު ނަޒަރުން ހިތް އަވަސްވެ މުޅި ހަށިގަނޑުގައި ފިނީގެ ރާޅެއް ދުވެލި ކަހަލައެވެ. ލިއަމްގެ މޫނަކު ސަމާސާގެ ކުލައެއް ނުވެއެވެ.  ފެންނަނީ ސީރިއަސްކަމެވެ.

”ބިކޯޒް އައިމް ސޯ އިން ޓް ޔޫ..އާހްހް އަމް ކޮމްޕްލީޓްލީ ލޮސްޓް އިން ޔޫ.. ދަ ކިސް އައި ސްޓޯލް އެންޑް އެވްރީ ހަގް ވީ ޝެއާރޑް.. އައި މީން އިޓް“ ރުއާނާގެ ކަންފަތައް، ލިއަމްގެ ނޭވާގެ އިހްސާސްވާހާ ގާތައް ހުއްޓި ވައި އަޑުން އިއްލިއެވެ. ހީބިހި ނަގައިގެން ދިޔައިރު ހަށިގަނޑުގައި ވާހާ ލޯލިތަކެއް ކޮޅަށްޖެހުނެވެ. ނާރު ތަކުގައި ދައުރުވަމުން ހުރިހާ ލެއެއް އެ މޫނަށް ޖަމާވި ކަހަކައެވެ. ޖަންބުކުލައިން މޫނު ފެވުނެވެ. ދެލޯ މެރުނީ ލިއަމްގެ ތުންފަތް އިޙްސާސްވެގެން ދިޔުމުންނެވެ. އިޙްތިޔާރުން ބޭރުގައި، ރުއާނާގެ ދެއަތް ލިއަމްގެ ކޮނޑުގައި އަޅުވާލެވުނެވެ.  އެކަމުގައި ބައިވެރިވެވުނެވެ. މޭޒާއި މަގަތުގައި ހުރި ސޯފާގައި ހަމަޖެހިލެވުނު އިރު ރުއާނާ ބައިންދާލީ ލިއަމްގެ ފައިމަތީގައެވެ. ދެޒުވާނުން ދިޔައީ އަމިއްލަ ދުނިޔެއަށް ގެނބެމުންނެވެ. މާހައުލުގައި ހިފާލާފައި މަޑު މިއުޒިކުގެ އަޑާއި އެކު އިޙްސާސްތައް ފުންވަމުންދިޔައެވެ.

ހަމަހޭވެރިކަން ގެއްލިފައި ތިބި ދެ ޒުވާނުންނަށް ސިހުމެއް ލިބުނީ ދޮރުގެ ތަޅުގައި މީހަކު ހިފާލި އަޑާއި އެކު އިތުރު ބައެއްގެ ހުނުމުގެ އަޑު ދޮރުކައިރިން އިވުމުންނެވެ. ބިރެއް ފެނުނު ފަދައިން ލިއަމްގެ ފައި މަތިން ރުއާނާ ތެދުވެލިއެވެ. ދޮރުގެ ފުރަގަހުގައި ތިބީ ކޮންބައެއްކަން އެނގޭތީ ލިއަމްގެ މޫނަކުން ހާސްކަމެއް ނުފެނެއެވެ. ސޯފާމަތީގައި އޮތް ރިމޯޓް ނަގާ ލަވަ ނިއްވާލި ހިނދު ދޮރު ހުޅުވާލި އަޑު ވެސް އިވުނެވެ.

ލިއަމް ބަލައިލި އިރު ރުއާނާ އަވަހަކަށް އިސްޖެހިއެވެ. ކުއްލިއަކަށް ހިތައް ވެރިވި ހިޔާލަކުން އިންތަނުން ތެދުވެ އަލުން ރުއާނާގެ އުނަގަނޑުގައި ހިފާލިއެވެ. ދެން ބަލައިލީ ވަދެގެންއައި އޭނާގެ އެކުވެރިންނަށެވެ.

ފެނިގެންދާ މަންޒަރުން އަދްރެކްއާއި ޝާއިން އަދި ކީވާން ދޮރާއި ހިސާބުން ހުއްޓިއްޖެއެވެ. ތިން  މީހުން އަނގަ ނަގައިގެން ތިބިއިރު ލިއަމް ދިޔައީ އެތެރެއިން ހެމުންނެވެ. އަނެއްކޮޅުން ރުއާނާގެ ހާލަތު ގޯހެވެ. އުނަގަނޑުން ދޫނުކޮށްލައިގެން ލިއަމްގެ އަތުގައި ވިކަމުން ދިޔައެވެ.

”ނުބައި ވަގުތަކު ދޯ މި އާދެވުނީ.. ކޮންޓިނިއު .. ކޮންޓިނިއު..“ ލާނެތް ހިންޏެއް ހީލައިގެން ހުރެ ކީވާން ބުނެލިއެވެ. އެއާއިއެކު ތިންމީހުން ދިމާކޮށްލީ ނުކުމެގެން ދާށެވެ. ނުކުމެ ދޮރު ޖެހި އަޑަށް ހެވިފައި ހުރެ ލިއަމް ބަލައިލީ ރުއާނާގެ މޫނަށެވެ. ލިއަމްގެ ނަޒަރުން ކެތް ނުވެގެން އެސްފިޔަތައް ތިރިކޮށްލައިގެން ހުއްޓެވެ.

”ގަޑި ޖެހެނީ.. “  ރުއާނާގެ އަތުގައި ހިފާލައިގެން ލިއަމް ނުކުމަތެވެ. ދެމެދުގައި ހިނގާދިޔަ ކަންތައްކަށް ފަހު އާދަޔާއި ހިލާފަށް ހަމަހިމޭންކަން އޮތީ ވެރިވެފައެވެ. ކްލާސް ރޫމް ދޮރުމަތިން އީތަން އާއި އިޒްވާ ފެނުމުން ލިއަމްގެ އަތުން އަތް ނައްޓާލުމަށްފަހު ދުވެލާފައި ގޮސް އެމީހުން ފަހަތުން އެތެރެއަށް ވަނެވެ.

ކުލާހުގައި ކިޔަވާދެމުން ދިޔަ އިރުވެސް ލިއަމްގެ ސަމާލުކަން ގިނަވަގުތު ހުރީ ރުއާނާއަށެވެ. އެކަން ދެނެގަނެވިގެން އިޒްވާއާއި އީތަން އިރުކޮޅާހެން ރުއާނާއާއި ދިމާކޮށްލައެވެ. އިއްޔެގެ ހާދިސާއަށްފަހު އިޒްވާގެ ތަބީއަތުގައި މަޑުމައިތިރި ކަމެއް ހުއްޓަސް ، ކުރިއަށް ވުރެން ރަނގަޅުކަމަށް ދައްކައެވެ. ހިނިތުންވެލާ ވަގުތުތައް ގިނައެވެ. ސަކަރާތްވެސް ޖަހަމުންދިޔައެވެ.

”ކޮބާ ލޫކް މިއަދު؟“ ލޫކް ނާންނާތީ  އިޒްވާ ކުރެން ރުއާނާ އެހިއެވެ. ފަތިހު އައިގޮތައް އެމެޖެންސީ ސާޖަރީއަކަށް ލޫކް ވަތް ވާހަކަ އީތަން ބުނެލިއެވެ. އެހެންހޭ ބުނެ ރުއާނާ ބޯޖަހައިލިއެވެ.

ކުލާސްތައް ނިމުމުން ނުކުމެވުމުން ރުއާނާ ގަސްތުކުރީ ދުވަހުގެ ބާކީބައި އޮފް ހަދާލާށޭވެ. އަދްރެކްއަށް މެސަޖަކުން އެކަން އަންގާލުމަށްފަހު އިޒްވާ ގޮވައިގެން އިމާރާތުން ބޭރަށް ދިޔުމަށް ހިނގައިގަތެވެ. ”ކޮންތާކަށް ދާނީ.. “  ރުއާނާ އެހުމުން އިޒްވާ ބުނީ އޭނާ އާންމުކޮން ގޮސް އުޅޭ ޕާކަށް ދިޔުމަށެވެ. އެއީ އޭނާ އެންމެ ހިތްހަމަ ޖެހިގެން އިނދެލޭ ހަމައެކަނި މާހައުލެވެ. ކާރު ދުއްވަން އިނީ އިޒްވާއެވެ. ހޮސްޕިޓަލާއި ކައިރި ކަމުންނާއި ވަގުތުގެ ގޮތުން ޓްރެފިކުގައި ނުޖެހި ދިހަ މިނެޓް ތެރޭގައި އެހިސާބަށް ފޯރިއެވެ.

ސްނޯ ވެހެމުން ދިޔަ ނަމަވެސް އާދައިގެ މަތިން އެތަނުން މީހުން ހުސްނުވެއެވެ. ބެންޗްތަކުގައި މީހުން ތިބިއިރު ކޮންމެ މީހަކުވެސް ތިބީ އެމީހެއްގެ އަމިއްލަ ދުނިޔޭގައެވެ. އެކަނިން ވަގުތު ހޭދަ ކޮށްލަން އައިސް ތިބި މީހުންވެސް މަދެއް ނޫނެވެ. އިޒްވާއާއި ރުއާނާ އިށީންދެލީ ބެންޗެއްގައެވެ.

”މްމްމް ހާދަ ހިތް ފަސޭހައޭ މި ތަން.. ދެން އަވަހަށް ފަށާ ވާހަކަ… އަހަންނަށް އެނގޭ ތިދެމީހުންގެ ދޭތެރޭގަ އޮތީ އާދައިގެ ގުޅުމެއް ނޫންކަން.. އިޒީ އާއި ނޫހް“ އިޒްވާއަށް އިށީންދެ ނުލެވެނީސް ރުއާނާ ފެށިއެވެ.

”މްމްމް.. ވީ ހޭޑް އަ ހިސްޓްރީ.. ހީ ފަ** އަޕް މައި ލައިފް “ ފުރަތަމަ ޖުމްލައާއި އެކުވެސް އިޒްވާގެ ދެލޯ ފެންކަޅިވިއެވެ. ނޫހްއާއި ދެމީހުންގެ ލޯބީގެ ފަލްސަފާ ފެށީގެން ނިމެންދެން ކިޔައިދިނެވެ. އޭނާއަށް ހެދުނު ގޯހާއި އެފަހުން ނޫހްގެ އުޅުމާއި އިޒްވާއަށް ބޭވަފާތެރިވީ ގޮތް ކިޔާދިނެވެ. އަދި ހޮސްޕިޓަލުގެ ތެރެއިން ދިމާކޮށްލާ ކޮންމެ ފަހަރަކު އީތަން ސަބަބުން ސަލާމަތްވާ ގޮތްވެސް ކިޔައިދިނެވެ.  އަޑުއަހަމުން ދިޔައިރު ރުޅިގަދަވެގެން ރުއާނާގެ މޫނު ރަތްވިއެވެ. ދެއަތް މުށްކެވުނު އިރު އެންމެ ފަހުން ނޫހު ދޫކޮށްލެވުނު ހިނދު ހެދުނު ގޮތް ކުޑަކަމަށް ބުނެ ހިތާ ހިތުން އަޑުލައިގަނެވުނެވެ. އެވަގުތުވެސް ލޫތްއާއި ނޫހް އަޅާކިޔާލެވުނެވެ. ލޫތްގެ އެހުންނަ ހިތްހެޔޮ ކަމުގެ ޒައްރެއްގެ މިންވަރުވެސް ނޫހްގެ ކިބަޔަކު ނުވެއެވެ. ނޫހް މިވީ ނުބައި އަނިޔާވެރިއަކަށް ތާއެވެ. އަދި އީތަންއާއި މެދު ހިތް ޝުކުރުން ފުރުނެވެ.

”އައި ކާންޓް ބިލީވް ދިސް… ދެޓް މ** ފ**.. އައި ސްވެއާރ ދެން ނިކަން ފެނިބަލަ “ ރުއާނާގެ ހިތުގައި ނޫހްއާއި މެދު އޮތީ ހުސް ނަފްރަތާއި ރުޅިވެރިކަމެވެ. ދެން ފެނިއްޖެނަމަ އެ މޫނު އޭނާގެ ދެއަތުން ނޮޅާލާނެއެވެ.

”ދިހުރިހާ ކަމެއް ވެގެން ދިޔައިރު ވކީއްވެތަ އެކަމަކު އަހަރެން ކައިރީގަ ވެސް ނުބުނީ“

”ބޭނުން ވި ބުނަން.. އެކަމަކު މީހެއްގެ ކައިރީގަ ބުނެގެން އެކަމުގެ ހަސްކާ ދޭކަށް ވެސް އޭނާ ފަހަކަށް ނުޖެހޭނެ.. މިތާގަ އުޅޭއިރު ވެދާނެ ކަމަކާއި ދޭތެރޭގަ ނުވިސްނިޔަސް ގެއަށް ވަދެވުނީމަ ބައްދަލްކުރަނީ މުޅިން އެހެން ލެވެލްއެއްގެ ބިރުވެރިކަމެއް.. ކިތަންމެ ވަރަޖކަށް އޭނާ ގެއަށް ދިޔަސް މަނާ ކުރާނީ ކާކު.. އަހަރެން ނާންނަން ބުންޏަސް އޭނާ ނުހުންނާނެތާ ނައިހެއް“ ދެލޮލުން އައިސް ހުރި ކަރުނުތައް ފުހެމުން އިޒްވާ ވާހަކަ ދެއްކިއެވެ. އެވާހަކަތައް ރުއާނާ އަށް ގަބޫލްކުރެވުނެވެ. އިޒްވާ ހުރި މަގާމުގައި އޭނާ ހުރިކަމުގައި ވީ ނަމަވެސް ކަންތައް ކުރެވޭނީ އެފަދައިން ކަންނޭނގެއެވެ. އިޒްވާގެ ގައިގާ ބައްދާލަމުން ބޮލުގައި ފިރުމާލިއެވެ. އެތައް ހިތްވަރެއް ދިނެވެ.

ރުއާނާގެ ކޮނޑު ތެއްމަމުން ، ފުރަތަމަ ފަހަރަށް އޭނާއާއި އީތަންއާއި ދެމެދު އޮތް ގުޅުން ވެސް ހާމަކުރިއެވެ. ތެދު ތެދަށް ހުރިހާ ވާހަކައެއް ކިޔައިދެވުނު ހިނދު ބޮލަށް ނުހަނު ފަސޭހަވިއެވެ. އެވާހަކަ އިވުމުން ފުރަތަމަ ރުއާނާ ސިހުނީއެވެ. އެ ސިހުމުގައި އިންދާ ޔީލާއާއި އީތަންއާއި ދެމެދު ހިނގި ހާދިސާ ވެސް ކިޔައިދިނެވެ.

”ބަޓްޓް! ހިއެއް ނު-“

”ޔާހް..އުޅޭގޮތުން ހިއެއް ނުވާނެ.. ޝައްކެތް ވެސް ނުވާނެ.. ކަޒް ވީ ޕްލޭޑްވެލް.. އެކަމަކު ރުއާ، އީތަން ބުނެފިއަހަރެން ކައިރީގަ އޭނަ ލައިކްވާ ވާހަކަ.. ބައެއް ފަހަރު އެ ބަލާ ގޮތާ އެ ގާތްކަމުން ބުނެދޭ ކަހަލަ ހަމައެކަނި ލައިކް އެއްނޫނޭ ވަނީ.. ތަފާތު ކަމެއް ފެނޭ.. ރުއާ އާއި ވެސް ވަރަށް ކްލޯޒް އެއްނު އެކަމަކު އެކަހަލަ ގޮތަކަށް ބެލިތަ؟ “

”ތިހެން ބުނަން މިއުޅެނީ.. ނޫނޭ.. އީތަން ކިތަންމެ ކްލޯޒްކޮން އުޅުނަސް އިޒީއަށް އެ ޓްރީޓް ކުރާހެން ދުވަހަކުވެސް ނުކުރޭ.. އީތަން ކިހާ ރަނގަޅު.. ތިބުނީ އީތަންއަށް ޔީލާ ހެދިގޮތް ވެސް.. އީތަންގެ ކިބައިގަ އެހުރީ މިޒަމާނުން އަހަރެމެންނަށް ނުފެންނަ ސިފައެއް.. އަހަންނަށް ޔަގީން ހަމަ އީތަން ލޯބިވާކަން.. ނޫހްގެ ސަބަބުން އިޒީ އަދިވެސް ގޯ ތުރޫ ކުރާތީ ކަންނޭގެ އެ މަޑުކުރަނީ ލޯބިވާ ވާހަކަ ނުބުނެ.. އަނެއްކޮޅުން އިޒީ ދެކޭ ގޮތެއް ވެސް ހާމައެއް ނުކުރަމެންނު.. އިޒީ ދެކެނީ ކިހިނެތް އީތަންއާއި މެދު؟ ދޮގު ނުހަދާތި.. ތި ދެލޮލުން ވެސް އަހަރެން ދެކެން އެކި ކުލަތައް“ ރުއާނާ ވާހަކަ ދައްކަމުން ގޮސް އެންމެ ފަހުން ބުނެލި ޖުމްލަ އަހާފައި ކަރުނުތަކާއި އެކުވެސް އިޒްވާއަށް ހެވުނެވެ.

”ވަޓް ޑޫ ޔޫ ތިންކް؟“ އިޒްވާ އަހައިލިއެވެ.

”އިޒީ ނުބުނަން އުޅުނަސް އީތަން ދެކެ ލޯބިވާކަން އަހަންނަށް އެނގޭ.. އެހާ ކިއުޓްކޮން އީތަންގެ ނަން ވެސް ތި ކިޔާލަނީ.. އަނެއްކޮޅުން ހޮސްޕިޓަލަށް ވަދެ ވެސް ފުރަތަމަ ދުއްވައިގަންނާނީ އީތަން ހޯދަން“ ރުއާނާ ނުހަނު ފުން ނަޒަރަކުން އިޒްވާގެ މޫނަށް ބަލައިލިއެވެ. އިޒްވާ އިސްޖަހާލަމުން ހީލިއެވެ. ދެކޮޅަކަށް އެއްޗެއް ނުބުނެއެވެ. އެ ހިނިތުންވުން ފުންވެގެން ދިޔައީއެވެ.

”އައި..އައި ތިންކް އަ..އައި ލަވް ހިމް..“ އިޒްވާގެ އަޑު މަޑު ނަމަވެސް އިސްޖަހައިގެން އިން ޖުމްލަ ސާފްކޮން ރުއާނާއަށް އިވުނެވެ.

”ޔެސް ..ޔެސް… ޔެސްސް“ އުފަލުން ފޮޅިފައި ހުރެމެ ރުއާނާއަށް ހަޅޭއްލަވައިގަނެވުނެވެ. ރުއާނާ ހަޅޭއްލަވައިގަތް އަޑައް ކައިރި ހިސާބުތަކުގައި ތިބި މީހުންގެ ނަޒަރު ވެސް ހުއްޓިގެން ދިޔައެވެ. އެކަން ފަހްމް ވެގެން ޒާތަކަށް ކަރުކެހެމުން އަލުން އިށީނެވެ.

“ ބަޓް އަމް ސްކެއާރޑް ޓް ސޭ.. ވަރަށް ގިނަ ވަގުތު އަދި ބޭނުން ވޭ އީތަންގެ ކުރިމަތީގައި ހުރެ ހިތުގެ އަޑު އިއްވާލަން.. އަހަންނަށް އެނގޭ ނޫހްގެ ލެވެލްއަށް ދުވަހަކުވެސް އީތަން ނުވެއްޓޭނެކަން.. އެކަމަކު މާޒީއިން އަރައިގަނެ ހުރިހާ ކަމެއް ހަނދާން ނައްތާލަން ފުރަތަމަ ބޭނުންވަނީ“ އިޒްވާ ބުންޏެވެ. އެއިން ކޮންމެ ވާހަކައެއް ރުއާނާއަށް ވެސް ގަބޫލް ކުރެވުނެވެ. އިޒްވާގެ އަތުގައި ހިފާލަމުން ދެރަގޮތެއް ނުވާނެ ކަމަށް ބުނެލިއެވެ.

”ތިންދުވަހަށް ވީ ވެޑިން ވެސް… މާދަމާ މީ ލާސްޓް ޑޭ އަހަރެމެން ކިޔަވާ..ދެން އޮތީ އެގްޒާމް.. ވެޑިންއާއި އެގްޒާމަށް ތައްޔާރް ވަމުން ދަނިކޮން ނޫހްއަށް ވެސް ފާވާން އެނގުނީ.. ހިތައް އަރާ މިނެޓްކޮޅަކަށް ވިޔަސް އެހެން ޕްލެނެޓްއަކަށް ދެވޭނެނަމައޭ.. ސްޓްރެސް ފްރީވީމަ އަލުން މި ދުނިޔެއަށް އަންނަން .. ހުރިހާ ކަމަކާއި އެބަ ނާވަސް ވޭ“ އިޒްވާ ތުން ނެރެލިއެވެ. ރުއާނާއަށް ހެވިގެން އިޒްވާގެ ބޮލުގައި ޖެހިއެވެ.

****

ބިލާލް ފެނުމުން ބިންގަރާހުގެ ދެފަރާތުގައި ތިބި ފާރަވެރިން އޭނާ ވަނުމަށް ތަންދެއްކިއެވެ. އޭނާގެ އަރިހުގައި ހުރީ ދަރަކްއެވެ. އޭގެ ފަހަތައް އޭނާގެ ލަޝްކަރު އޮތެވެ. ނަމަވެސް ދެމީހުންނާއި އެކު އެތެރެއަށް ވަނީ އޭގެން މަދުބައެކެވެ. ފުޅާ ހޮހޮޅައިގެ ދެ އަރިމަތީގައި ޖަހާފައިވާ ފާނޫޒްތަކުން ފާއްދަމުން ދިޔަ އަލިފާނުގެ އަލިކަމުން އޮތީ ހުޅުދާންވެފައެވެ. ދިގުމަގު އެމީހުން ކަޑައްތު ކޮށްލީ މަދު އިރުކޮޅެއްގެ ތެރޭގައި އެމީހުން ހަލުވި މިނުގައެވެ.

ނުކުމެވުނީ ހުސް މައިދާނަކަށްށެވެ. އެހިސާބުން މަތި ހާމައަށް އޮތް އިރު ސްނޯގެ ލުއި ހަމަލާތައް މަދުންނަމަވެސް ފޯރައެވެ. މައިދާން ނިމޭ ހިސާބުގައި ވަކިން ހުރިދޮރެއް ހުއްޓެވެ. ދޮރު ހުޅުވާލި އިރު ވަދެވުނީ ފުން ކަނު އަނދިރިކަމެއްގެ ތެރެއަށެވެ. އާދައިގެ އިންސާނެއް ނަމަ އެތަނަށް ހޭނެން ގިނަ އިރުތަކެއް ނަގާނެކަން ގައިމެވެ. އެހެން މީހުން ދޮރާއި ހިސާބުން ހުއްޓުނު އިރު ބިލާލް ދޮރުން ފެށިގެން ކުރިއަށް ދެވެން އޮތް ހަނި މަގުން ދިޔައިރު އެ މަގުގެ ކޮޅު ނުފެނެއެވެ.  ދެފަރާތައް ހުރީ ކުދި ކުދި ގޮޅިތަކެކެވެ. ދަގަނޑު ތޭރިތައް ގާތްގާތުގައި ޖަހާފައި ވާއިރު އެތެރޭގެ މަންޒަރު ރަނގަޅަށް ނުފެނުނު ނަމަވެސް މީހުން ތިބިކަން ޔަގީނުން ވެސް އެނގެއެވެ.

އެއީ ކުދިކުދި ޖަލުގޮޅިތަކެވެ. އެމީހުންގެ އަމުރަށް ނުކިމަންވާ ކޮންމެ މީހަކުވެސް ގެނެސް ބައިތިއްބާފައި ތިބޭ އަނިޔާ ވެރިކަމުން ހައްދުފަހަނައަޅާފައިވާ ކިއްލާތަކެވެ. އެތަނަށް ވަނުމަށްފަހު އެމީހެއްގެ އުމުރު ހުސް ވަންދެން ވޭތުކޮށްލަން ޖެހެނީ އެތަނުގައެވެ. އަބަދުގެ އަބަދުގެ އަބަދަށް ހަޔާތުގެ ބާކީގައި ވޭތުކުރަން ޖެހެނީ އެތަނުގައެވެ. ކުށެއްގައި ބަންދު ކޮށްފައިވާ މީހުންނަށް ވުރެން ނުހައްގުން ބައި ތިއްބާފައިވަ މީހުން މާ ގިނައެވެ. އެއިން ކޮންމެ މީހަކަށް ވެސް ތާ އަބަދުމެ ހުންނަނީ އެތަނުގެ އަހުލުވެރިންގެ ފަރާތުން ލިބޭ ވޭންދެނިވި އަނިޔާ ލިބިލިބިއެވެ.

ބިލާލް ހުއްޓުނީ މެދަކާއި ހިސަބުގައިއެވެ. އޭނާ އެންގުމުން އިޝާރާތަކަށް ބަލާބަލަހުރި ދަރަކް އައިސްފިއެވެ.

”ދޮރު ހުޅުވާ“ ބިލާލް އަމުރު ކޮށްލިއެވެ.

ދަރަކް އެގޮޅީގައި ޖަހާފައިވާ ނަންބޯޑަށް ކަޅި ހިންގާލެވުނު ހިނދު ސިހިއްޖެއެވެ. ގަބޫލް ނުކުރެވިފައި ހުރެ ބިލާލްއަށް ބަލައިލެވުނެވެ. ބިލާލް އެކަމަށް ސަމާލްކަމެއް ނުދީ އަތުން އިޝާރާތް ކޮށްލީ ދޮރުހުޅުވުމަށެވެ. ބޯޖަހާލާފައި ދަރަކް އެކަން ކޮށްދިނެވެ. ދަބަރު އަޑެއް ކިޔާފައި ދޮރު ހުޅުވުނު އިރު ބިލާލް އެތެރެއަށް ވަނެވެ. ދަރަކް މަޑުކުރީ ބޭރުގައެވެ.

މެދު އުމުރުގެ އަންހެނެއް ކޮޓަރީގެ ކަނެއްގައި އިނެވެ. ތަޅުންމަތީގައި ދެފައި ވަށްކޮށްލައިގެން އިން އިރު ނުރައަށް ވެފައިވާ ފަން އިސްތަށިގަނޑުގައި ތަރުތީބެއް ނެތެވެ. އެގޮތްމިގޮތައް ހޭވި އޭގެން ބައެއް މޫނުމައްޗަށް ފައިބާފައި އޮތުމުން ސިފަ ވެސް ވަކި ނުވެއެވެ.  ބާވެ ދިމަދިމާލުން ވީދިފައިވާ ހެދުމަކާއި ހަރުވާޅެއް ލައިގެން އިން އިރު އޭނާގެ ހަރަކާތެއް ނެތެތެވެ. އިނީ ހުއްޓުން އަރާފައެވެ.

ބިލާލް ގުދުވެލާފައި ތަޅުން މަތީގައި އޮތް ފޮތިގަނޑު ނަގާ އޭނާގެ ގައިގާ އޮޅާލަ ދިނެވެ. އެއަށްފަހު އޭނާގެ ކުރިމަތީގައި ބިލާލްވެސް އިށީންދެލިއެވެ.

”މަންމާ..“ ބިލާލްގެ މޫނުމަތިން ފެނުނީ މަލާމާތެވެ. ނުބައި ޒާތަކަށް ހީލި އިރު ހޫރައިން އެގޮތުގައި އިނެވެ. ހުއްޓިފައިވީ ނަމަވެސް ހޫރައިންގެ ވަޅުވަދެފައިވާ ދެލޯ ހިސާބަކަށް ތެމިފައިވީ ތަން ބިލާލްއަށް ފެނުމުން ވަރުގަދަ ހިނިގަނޑެއް ޖަހައިލިއެވެ.

”ހޫރައިން… އެހާ ދުވަސް ފަހުން ބައްދަލް ކުރަން އައީމަ ވެސް ތި އިންނަނީ ބަލާވެސް ނުލާން ތަ.. ނިކަން ވާހަކަ ދައްކަބަލަ؟ ނޫނީ ބައްޕަ ގޮވައިގެން އަންނަން ވީތަ؟.. އެހެންނޫނީ ތިހޯދާ ރާބިއު ގެންނަން ވީތަ؟ ހަހަހަހާ.. ނިކަން ބުނެބަލަ.. ތިއީ އެއްވެސް އިރެއްގަ އެހާ ކިޔަމަންތެރި މީހެއް ނޫނެއްނު.. ކޮންމެހެން ހުރިހާ ކަމެއް ގޯހުން ގޯހަށް ދިޔައީމަ ހިމޭނުން އިންނާނެ ކަމެއް ނެތެއްނު“ ބިލާލް ހުއްޓާނުލާ ވާހަކަ ދެއްކި ނަމަވެސް  ހޫރައިންގެ ފަރާތަކުން ވާހަކަ ދައްކާނެ ކަމުގެ އިޝާރާތެއް ނުފެނެއެވެ. ކުޑަމިނުން އަރިއަކަށް ގުޑިވެސް ނުލިއެވެ. ހޫރައިން ދެއްކީ އެހެންޏާ ވެސް އޭނާ ދައްކަމުންދާ ކުލައެވެ. ހަމަހިމޭންކަމެވެ.

އެންމެފަހުން ބިލާލް އިންތަނުން ތެދުވެއްޖެއެވެ. ހީވާގޮތުން ހޫރައިން ވާހަކަ ނުދައްކާނެކަން އެނގުމުން  މިއަދުވެސް ހަތިޔާރު ބެހެއްޓީއެވެ.

****

ރުއާނާ އަންނަންދެން ނާސިންގ ސްޓޭޝަނުގައި ލިއަމް މަޑުކޮށްލީ ސެރާ ގެނެސްދިން ފައިލްއެއް ބަލާލުމަށާއި އެކުއެކީގައެވެ. އޭރު އެތަނުގައި ސެރާ އާއި އިތުރު ނަރުހަކާއި ކީވާން އަދި ލޫކް މަޑުކޮށްލައިގެން ތިއްބެވެ. އެމީހުން ދައްކަމުން ދިޔައީ ބަލިމީހަކަށް ކުރި ޒިޔާރަތެއްގައި ދިމާވި ކަމެއްގެ ވާހަކައެވެ. އެ ވާހަކަ ފަށައިގެން ހެމުން ދިޔައިރު ބުނެލާ މޮޅެތި ޖުމްލަތަކުން ލިއަމްގެ ގާތައް ވެސް ހިނިއައެވެ. ފަހެއް ޖެހުމާއި ގާތްވެފައި ވަނިކޮން، އެވަގުތު އޮތް ނަރުހުންނަށް ބާއްވާ ބައްދަލްވުމަކަށް ދާން ޖެހުމުން ދެ އަންހެންކުދިން ދިޔައެވެ.

”ކޮބާ ނިމުނީތަ؟“ އަދްރެކް އައީ އީތަން އާއި އެކުގައެވެ. ދެމީހުންގެ އަތުގައި އެނާރޖީ ޑްރިންކްސް ހުރިއިރު މޫނުތަކުން ވަރުބަލިކަން ފެންނަމުން ދިޔައެވެ.

”ވަރަށް ސަޅި އިނގޭ ޑޮކްޓަރު ކޯޓުގައި ދެމީހުން ތިބެގެން އެނާރޖީ ޑްރިންކްސް ބޮއުން“ އެމީހުންގެ ފެނުމުން ލިއަމް އިއްވާލިއެވެ.

”ދެން އަހަރެމެން ބައިވެރިން ނެތް މީހުންނަކަށް ބޯނެ އެއްޗިސްއެއް ނުލިބޭނެ އެންނު.. މި އެންނު އޮތް ގޮތަކީ“ އަދްރެކްގެ ލާނެތް ޖަވާބުން ލިއަމްއަށް ކޮލަށް ދޫ ހަރާލެވުނެވެ. އީތަން ހުއްޓާ ބުނުމުން ލަދުގަންނަ ގޮތްވިއެވެ.

”މީގެ އަހަރެއް ކުރީގެ ހަނދާން އާކޮށްލަބަލަ“ ލިއަމްވެސް ވަކި ދުލެއް ނުދިނެވެ. ވަގުތުން އަދްރެކްގެ އަނގަބަންދުވިއެވެ. މިފަހަރު ހެވުނީ ލިއަމްއެވެ.

”ހޫން ހޫން.. ދެން އެކަމަކު މަށަކަށް ވެސް ތިވަރެއް ނުވެއޭ.. ރޯމާ ދުވާލް ވިއްޔަ ބްރޯ ރޮމޭންސް ކުރަނީ“

”ކިހިނެތް ހެދީ ދޮންބެ މިހާރު“ އެމީހުން ދައްކަމުން ދިޔަ ވަހަކަ ފަހްމް ނުވެގެން ލޫކް އެހިއެވެ. އީތަން ވެސް ގަޔާވެފައި އިނދެ ލޫކްގެ ކައިރީގައި އިށީންދެލިއެވެ.

”ކިހިނެތް ނުހަދަނީ.. މިޙާރު މީނައަކަށް އަހަރެމެންގެ ބޭނުމެއް ނުޖެހޭ.. ވަރަށް ކުރިއަށް ޖައްސާލައިފި.. ހެނދުނު މީނަ ކޮބައިތޯ ދިޔައިރު ނުބައި ގަޑިއަކަށް ވަދެވުނީ“ ކީވާން ފެށިއެވެ.  ނަމަވެސް ލިއަމްގެ ހަމަލާއަށް އޭނާގެ އަތައް އެރުމުން ވާހަކަ ކުރިއަށް ގެންދެވޭ ގޮތެއް ނުވިއެވެ. ކީވާން ނުކީ ނަމަވެސް ރުއާނާއާއި ގުޅިފައިވާ ކަމެއްކަން ދެނެގަނެވުނެވެ.

”ދެން ފަހަރުން ވެސް ޓަކި ޖަހަން ހަނދާންކުރާތި..“ ލިއަމްގެ ޖުމްލައިން އަދްރެކްއާއި ކީވާން އަށް ނުހިފެހެއްޓިގެން ހެވުނެވެ. ފައިލަށް ބަލަމުން ދިޔަ ނަމަވެސް ދެމީހުން ހޭގޮތުން ލިއަމްއަށް ވެސް ހެވުނެވެ. “ މަށައް މި ބުނެވުނީ ގޯސް އެއްޗެއްތަ“

”ނޫނޭ ގޯހެއް ނޫން.. އީތަން ބުނެބަލަ.. މިޙާރު މިއޮތް އިންނަ ދުވަސް އައިސް ޖެހެނީ އެންނު..އެކަހަލަ ކަމެއް ނުކުރަންތަ؟“ އަދްރެކް އެހިގޮތުން އީތަންއަށް ބަލައިލެވުނީ ލިއަމްއާއި ދިމާލެވެ. އޭރު އޭނާ ވެސް ފައިލްއިން އަތް ދޫކޮށްލައިގެން ބަލަހައްޓައިގެން ހުއްޓެވެ.

”އީތަންއާއި ނުބެހިބަލަ.. އަހަރެން ކަހަލަ އިނޮސެންޓް ރައްޓެހިންނޭ އަހަރެން ހޯދަނީ“ އީތަންގެ ކޮނޑުގައި އަތް އަޅުވާލަމުން ލޫކް ބުނެލިއެވެ. ލިއަމް ބަލަމުން ދިޔަ ގޮތް ފެނި އީތަންއަށް ވެގެން ދިޔަ ގޮތުން ލޫކް ބޭނުންވީ އެވަގުތު އީތަން ސަލާމަތް ކޮށްދޭށެވެ.

އެ ޖަވާބުން ލިއަމްގެ ނަޒަރު އޭނާގެ މޫނުން ވަކިވުމުން އީތަންއަށް ދޫކޮށްލެވުނީ ފިނި ނޭވާއެކެވެ. އެކަކު އަނެއްކަކާއި ދިމާ ކުރުމުގައި ތިބިއިރު މާހައުލުގައި ހިފާލާފައި ވަނީ އެމީހުންގެ ހުނުމުގެ އަޑެވެ. ފަހުން ޝާއިން ވެސް އައުމުން އިތުރަށް ފޯރި ހިފާލިއެވެ.

އެގޮތުގައި ތިއްބާ ރުއާނާއާއި އިޒްވާ ވަދެގެން އައުމުން އެ މައުޝޫއަށް ވާހަކަ ދެއްކުން ހުއްޓުނެވެ.

”ގެއަށް ލައިދޭން ދާން ވީތަ؟ އީތަން އާއި އެއްކޮންތަ ދާނީ“ ރުއާނާ ފެނުމުން ހިނިތުންވެލަމުން ލިއަމް ވާހަކަ ދެއްކީ އިޒްވާއާއެވެ.

“ ވީ އާރ ގޮއިންގ ޓްގެދާރ “ ޖަވާބު ދިނީ އީތަން އެވެ. އިޒްވާ ބަލައިލުމުން އީތަން ހީލިއެވެ. އިޒްވާއާއި އީތަން ނުކުމެގެން ދިޔައެވެ.

”ވާހަކަ ދެއްކުނު ތަ؟“ އެމީހުން ދިޔަތަން ބަލަން ހުރެފައި ކީވާން ހުއްޓިލީ ރުއާނާގެ ގާތުގައެވެ. ލިއަމް ދެމީހުންގެ މޫނަށް ވަކި ވަކިން ބަލައިލަމުން ނިތްއަރުވާލިއެވެ. ރުއާނާ ދޫކޮށްލީ ފުންނޭވާއެކެވެ.

”ދެމީހުން އާދޭ“ ކީވާންއަށް އެނގޭތީ ރުއާނާ ފޮރުވާކަށް ނުހެދިއެވެ. ބޯޖަހާލާފައި އޭނާ އައެވެ. ތިންމީހުން ނުކުމަތީ ހޮސްޕިޓަލުގެ ގޯތިތެރެއަށެވެ. އިމާރާތުގެ ފުރަގަހަށް ހުރި ސްޓާފް އޭރިއާއިން އިށީންނާނެ ތަންކޮޅެއް ލިބުމުން އިށީނެވެ.

”ދެން ފަށާބަލަ“ ލިއަމް ކެތްތެރިކަމެއް ނެތެވެ. އިޒްވާގެ މޫނު ދެންމެ ފެނުނު ވަގުތުވެސް ލިއަމްގެ ހިތް ރޯލިއެވެ. ވަރަށް ފަހުން ވެސް ރޮއެފައި ހުރިކަން އެ ދެލޮލުން ހެކިދިނެވެ. ރުއާނާއާއި ވާހަކަ ދައްކަން ވެފައި ނެތްނަމަ އޭނާ އިޒްވާގެ ފަހަތުން ދިޔައީހެވެ.

އިޒްވާ ކިޔައިދިން ގޮތައް ރުއާނާ ދެމީހުންނަށް ކިޔައިދިނެވެ. ނަމަވެސް އީތަންއާއި ދެމީހުންގެ ދެމެދުގައި އޮތް ގުޅުމުގެ ހަޤީގަތް ސިއްރުކޮށްފައެވެ.  ނޫހްއާއި ގުޅިގެން އުޅުނު އިރު އިޒްވާއަށް ހެދުނު ގޯހުގެ ވާހަކަ ވެސް ރުއާނާ ނުބުނެއެވެ. އަދި އީތަންއާއި ޔީލާއާއި މާޒީ ވެސް އިޒްވާއާއި އީތަންއަށްޓަކައި ރުއާނާ ސިއްރުކުރިއެވެ. އެ ނޫން އެހެން ހުރިހާ ވާހަކައެއް ދެމީހުންނާއި ހިއްސާކުރިއެވެ. ވާހަކަ ނިންމާލުމަށްފަހު ދެމީހުންގެ މޫނަށް ވަކިވަކީން ރުއާނާ ބަލައިލިއެވެ.

ލިއަމް އިސްޖެހުނު އިރު އެމޫނުން އެކަނިވެސް ރުޅިއައިސް ހުރި ވަރު ހާމަވެއެވެ. ދުވަހަކު ނާންނަހާ ރުޅި ހުރީ އައިހެވެ. ކީވާން ހިފަހައްޓާލައިގެން ހުރި އިރުވެސް ލިއަމްގެ ހަށިގަނޑުގައި ހުރި މަޑު ތުރުތުރެއް ހިފާލާފައެވެ. އެ ރުޅީގެ މައްޗަށް ހިތްދަތި ކަން ކުރިހޯދަން ގިނަ އިރެއް ނުވިއެވެ. އަތް މުށްކަރުވާލާފައި ބެންޗްގެ ކުރިމަތިގައި ހުރި މޭޒުގެ މަތީގައި، ހަށިގަނޑުގައި ހުރި ބާރެއްލާފައި ޖެހިއެވެ. އަތުން ތަންކޮޅެއް މެށުނު އިރު ޓޮއް އަޑު ކިޔާ މޭޒުގެ ފައިތައް އޭގެ މަގާމުން ލުހި ބިމާ ހަމާވާން ނެގީ ސިކުންތުކޮޅެކެވެ. ކީވާންއާއި ރުއާނާ ދިޔައި ސިހިގެންނެވެ.

ލިއަމް މޫނުގައި ދެއަތް އަޅުވާލި ހިނދު ދެލޮލޫން ވެއްޓުނު ފެންތިކި ކޯތާފަތުން ތިރިއަށް ފިރުކިގަތްތަން ރުއާނާއަށް ފެނުނެވެ. ތުންފަތުގައި ދަތް އަޅާލެވުނެވެ. އޭނާ އެވާހަކަ ކިޔައިދިނީވެސް ލިއަމް ދެރަވާނެކަން އެނގިހުރެއެވެ. ނަމަވެސް އެ ވާހަކަ ފަހުން ބުނުން ވެސް އެއީ ހެދޭ ގޯހަކަށް ވެދާނެއެވެ.

”ކާމް ޑައުން.. މިހާރު ނޫހްގެ ޗެޕްޓާރ އެ ނިމުނީ.. ދެން ލާހިކެއް ނޫން އެންމެ ފިޔަވަޅެއް ވެސް އިޒީއާއި ގާތައް އަޅާކަށް.. މިއަދު ލިއަމް ޝުކުރުވެރިވާން ޖެހޭނެ އީތަން ކަހަލަ ޒުވާނެއް އިޒީގެ ލައިފްއަށް ގެނައުމުން ވެސް..  މިއަދު އެވަގުތު ނަސީބު ދެރަކަމުން އީތަން އަށް ނުދެވުނު ނަމަވެސް އެބުނި ކޮންމެ ފަހަރަކު އީތަން އެވަނީ އިޒީ ހިމާޔަތް ކޮށްދީފަ..“ ކީވާން ވާހަކަ ދެއްކިއެވެ. އެވާހަކަތައް ލިއަމްއަށް ގަބޫލް ކުރެވުނެވެ. ނަމަވެސް ދެރަވަނީއެވެ. އިޒްވާއަށް އެހާ ވަރުވެގެން ދިޔައިރު ވެސް ބޭބެގެ ހައިސިއްޔަތުން އެއްވެސް ކަމެއް ނުކޮށް ދެވުނީތީއެވެ. އެހެން ހިތައް އެރުމާއި އެކުވެސް ލިއަމްގެ މެޔަށް ބާރުވެގަތެވެ. ދެލޮލުން ކަރުނުތައް ހޯސްލާފައި ފައިބަމުން ދިޔައިރު ކުރިއަށް ވުރެން ބޮޑަށް މޫނު ފޮރުވާލެވުނެވެ.

”ހޮސްޕިޓަލްގެ އެމަޖެންސީއިން އެގުޅަނީ .. އެބަ އަންނަން އެނގޭ..“ ރުއާނާގެ ފޯނު ކީވާންއަށް ދައްކާލަމުން ހދިޔައީ އެތަނުން އެވަގުތު ދާން ބޭނުން ނުވެފައި ހުރެމެއެވެ. ޚިވާން ބޯޖަހައިލިއެވެ.

”އެއްބަޑު އެއްބަފާގައި ހުރި ހަމައެކަނި ބޭބެގެ ހައިސިއްޔަތުން ފެއިލް ވެއްޖެ.. މަންމައާއި ބައްޕަ މިއަދު ފެނުނަސް މޫނުހަމަ ކުރާކަށް ނުކެރޭނެ… “ ކަރުނަތައް ފުހެމުން ވާހަކަ ދެއްކިއިރު ލިއަމްގެ އަޑު ކުރެހުނެވެ. ދެލޮލާއި މޫނަށް ރަތްކަން ވެރިވެފައިވީ އިރު ތާޒާ ކަރުނުން އަނެއްކާ ވެސް ލޯ ފުރުނެވެ.

”ތިހެން ހިތައް ނާރުވާބަލަ.. ފެއިލް އެއް ނުވެއޭ.. ކިހާ ލޯބިން އިޒީ ތިގެންގުޅެނީ.. ދުރުގަ ތިއްބަސް ކޮންމެ ދުވަހަކު އިޒީގެ ހާލު ބަލަމެންނު.. ނުފެނިއްޖެއްޔާ ހޯދަން ވެސް ދަމެއްނު.. ނޫނީ ބަލިވީމަ ވެސް ކައިރީގަ ހުންނަމެންނު.. ނުވިތާކަށް އިޒީ ކަމެއް ބޭނުންވީމަ އެންމެ ފުރަތަމަ އެއަތުގަ ހިފަނީ ލިއަމްއޭ.. ވީއިރު ތިފަދަ އެއްޗިސް ހިތައް އަރުވާކަށް ނުވާނެ… އިޒީގެ ބޯހަރުކަމުން ތިގެއަށް ވެސް އަހަރެމެން ގެއަށް ވެސް ނުގެނެވިފަ އެހުރީ.. އެގޭގަ ހުއްޓާ އެފަދަ ކަމެއް ވާނެކަމަކަށް އެކަކު ވެސް ހިއެއް ނުކުރާނެ އެންނު.. ހާއްސަކޮން ނޫހް ފަދަ އާއިލާ މީހެއްގެ ފުށުން.. ކާކު އުއްމީދު ކުރާނީ މިހެން ވާނެ ކަމަށް.. މައްސަލަ އަކީ އެހާ ވަރުވެގެން ދިޔައިރުވެސް އެކަކު ކައިރީގަ ވެސް ނުބުނީމަ.. އެޓްލީސްޓް ރުއާ ކައިރީގަ ވެސް ނުބުނެ..އެހެންނަމަ މިއަށް ވުރެން އަވަހަށް އެކުއްޖާއަށް ސަލާމަތް ވެވުނީސް“ ލިއަމްގެ ބުރަކަށިގައި ކީވާން ފިރުމާލިއެވެ. އެ ދެމުންދިޔަ ހިތްވަރުން ލިއަމްއަށް އެއްވެސް ހަމަޖެހުމެއް ނުލިބުނެވެ. އެއަށްވުރެން ބޮޑަށް އޭނާގެ ހިތައް ވަނީ އަސަރުކޮށްފައެވެ. އިޒްވާގެ މޫނައްވެފައި ހުރި ގޮތް ސިފަވެގެންދާ ކޮންމެ ފަހަރަކު ލިއަމްގެ އަތް މުށްކެވިގެންދެއެވެ. ލޭކެކެއެވެ. ކީވަންގެ އެތައް މަސައްކަތަކުން ލިއަމް އެންމެ ފަހުން ހަމަޖެހިލެވޭތޯ ބެލިއެވެ.

”އިޒީގެ ވެޑިންގ ނިމެންދެން އަހަންނަށް މަޑުން ހުރެވޭނީ..އޭގެ ފަހުން އޭނާގެ ބަދުނަސީބުކަމުން މަށައް ފެންނާނީ..“ ލިއަމް ބުނެލި ގޮތުން ކީވަން ހިސާބަކަށް ނުތަވަސްވިއެވެ. އެއަޑުގައިވީ ޔަގީންކަމެވެ. ލިއަމް އަކީ ބުނެފި ބަހުގައި ހިފަހައްޓާ ޒުވާނެކެވެ. އޭނާގެ ރުޅިއަކީ އާދައިގެ ރުޅިއެއް ނޫނެވެ. އެ ސިފަ ކިތަންމެ މަދުން ފެނުނު ނަމަވެސް، އޭނާގެ ރުޅިގަނޑު ހިލިއްޖެނަމަ ދެން ވާނެ ގޮތް ހިތައް އަރުވާލަން ވެސް ދަތްޗެވެ.

”އާންން.. އެކަމަކު މިފަހަރު މަށައް ފެންނަނީ އިހަށް މަޑުކޮށްލަން.. މިހާރު މަށައް އެނގޭކަން އެނގުނީމަ ވެސް އޭނާ ހުންނާނީ ހިސާބަކަށް ޖެހިލުން ވެފަ… ލިއަމްއަށް މިއިން އެއްވެސް ކަމެއް އެނގުނު ކަމެއް އޭނައަކަށް ނޭނގޭނެ.. އަންކަލްއަށް ބަލާފަ ވެސް ޔޫ ހޭވް ޓް ތިންކް އެބައުޓް އިޓް.. އަހަރެންގެ މަންމަމެން ނުލާ އަންކަލްއާއި އީން ދައްތަ އެއީ ތިދެމީހުންނަށް އެންމެ ބޮޑަށް ބެލި ދެމީހުން.. ނޫހްއާއި މެދު ދުޝްމަން ކަން އޮތްނަމަވެސް ދެން ހުރީ ލޫތް.. ލޫތްއަށް ބަލާފަ ވެސް އެބަ ޖެހޭ އަދި މަޑުކޮށްލަން.. ދެން މިފަދަ ކަމެއް ތަކްރާރް ވެއްޖެނަމަ ދޫދޭނެ ކަމެއް ނެތް.. މިބުނަނީ މިވަގުތު އިހަށް މަޑުކޮށްލަން … އެކަމަކު މިރެއިން މިރެއަށް އިޒީ ގެންދާނަން އަހަރެމެން ގެޔަށް.. ތިގެއަކަށް އޭނައެއް ނުދާނެ..އެއީ މަށައް ޔަގީންވާ އެއްޗެއް..“ ކީވާން ވާހަކަ ދެއްކިއެވެ. އޭނާ ބަލައިލި އިރުވެސް ލިއަމް އެގޮތުގައި އިނެވެ.

”ބަޓް، އައި ކޭންޓް ޕްރޮމިސް “ ކީވާންގެ ވާހަކަ ލިއަމް ކަނުލާ އަޑުއެހިއެވެ. އެތައް ގޮތަކުން ވިސްނުމަށްފަހު ލިއަމް ލަސްލަހުން ބޯޖަހައިލިއެވެ. އެއީ ރަނގަޅު ވާހަކަތަކެއް ނަމަވެސް ނޫހް ފެނުމުން ވާނެ ގޮތެއް ހުދު އޭނާއަކަށް ވެސް ނޭނގެއެވެ. ނަފްސް ކޮންޓްރޯލް ކުރެވިދާނެ ކަމާއި މެދުވެސް ޝައްކެވެ. ދެމީހުން ވާހަކަ މެދުކަނޑާލީ ރުއާނާ އެނބުރި އަންނަ ތަން ފެނުމުންނެވެ.

”މަ ދަނީ.. މަންމަ މެސެޖް ކޮށްފި އާލިއާ ގޮވައިގެން ދިޔުމަށް .. އިޒީ ކައިރީގަ ބުނޭ ޕެކް ކުރަން .. ގެއަށް ދަމުން އެގެޔަށް ކައިރިކޮށްލަފަ ނަގައިގެން ދާނީ“ ޔޫމީން ކުރިން މެސެޖަށް ޖަޥާބު ފޮނުވާލަމުން ކީވާން ތެދުވެލިއެވެ. ލިއަމް ބޯޖަހައިލަމުން ފޯނު ނަގާ އިޒްވާ އަށް ގުޅާލިއެވެ. ގުޅާލި ހިނދު ނުހަނު އަވަހަށް ފޯނު ނަގައިފިއެވެ. އޭރު އިޒްވާ ހުރީ ގޭގައެވެ. ލިއަމް ފުރަތަމަ އެހީ އެގެޔަށް ދިޔުމަށެވެ. ނަމަވެސް ޖުމްލަ ރަނގަޅަށް ނުނިމެނީސް އިޒްވާ އިންކާރުކުރިއެވެ. އެކަން އެހެން ވާނެކަން މާކުރިން ވެސް ލިއަމްއަށް އެނގެއެވެ.

”އެހެންވީމަ ދޮންތަ މެން ގެޔަށް ދާން ރެޑީވޭ.. ކީވާންބެ ގޮސްފި ބަލާ.. ނޯ މޯރ އެސްކިއުޒް“

“ އޯކޭ.. ތައްޔާރުވަނީ.. އެކަމަކު ކިހިނެތް ވީ ކުއްލިއަކަށް؟“ އެގެޔަށް ދާން ބުނުމުން އިޒްވާ ދެކޮޅެއް ނުހެދިއެވެ. ނުހަނު ފަސޭހައިން އެއްބަސްވިއެވެ. ހަމަޖެހުމުގެ ނޭވާއެއް ލިއަމްއަށް ބޭރުކޮށްލެވުނެވެ.

”އެއީ ކައިވެންޏަށް ދެދުވަހަށް ވީމަ.. އިންޑިއާ އާއި ޕާކިސްތާން މީހުންވެސް ކައިވެންޏާއި ގާތްވީމަ ކައިވެނިވެވޭ ދެމީހުން ބައްދަލް ނުކުރެވޭ ގޮތައް ހަދައެއްނު.. މިރެއަށް ފަހު އީތަންއާއި ބައްދަލްކުރުން މުޅިން މަނާ ވީ އެނގޭ.. ދެން ހަމަ ވެޑިން ނައިޓްގަ ފެންނަން ޖެހޭނީ.. އެހެން ބުންޏަސް މާދަމާ ކުލާހަށް އަންނައްވާނެ.. ލާސްޓް ކްލާހެއްނު..“ ލިއަމް ހުރީ އެ ސުވާލަށް މާކުރިން ވެސް ތައްޔާރްވެގެންނެވެ. އެހެންކަމުން އިޒްވާއަށް ޝައްކެއްވެސް ނުވިއެވެ. އޭނާ ވާހަކަ ދެއްކިގޮތުން އިޒްވާ ހީލި އަޑުއަހާފައި ލިއަމްގެ ހިތައް ހަމަޖެހުން ލިބުނެވެ.

”ރުއާ..ބަލާލާތި އިނގޭ އޭނައަށް“ ކީވާން ނުކުތުމުގެ ކުރިން ރުއާނާއަށް ލިއަމްގެ ހާލަތު ކިޔައިދިނެވެ. ކުރިއަށް ވުރެން ރަނގަޅު ކަމަށް ކީވާން ބުނުމުން ރުއާނާއަށް ހަމަޖެހުމެއް ލިބުނެވެ. ނަމަވެސް ހުންނަން ބޭނުންވި ވަގުތު ދާން ޖެހުމުން ރުއާނާ ހުރީ ދެރަވާ ގޮތް ވެފައެވެ. ބޯޖަހާލާފައި ލިއަމްގެ ގާތައް ދިޔައެވެ. ރުއާނާ ވިސްނަމުން ދިޔައީ ދެން ނޫހް ފެނުމުން ލިއަމް ހަނދާނެ ގޮތަކާއި މެދުގައެވެ. ކީވާން ބުނާހެން ލިއަމްގެ ރުޅިއަކީ އާދަޔާއި ހިލާފް ރުޅިއެކެވެ. އެކަން އޭނާއަށް ވެސް ވަނީ ތަޖުރިބާ ކުރެވިފައެވެ.

****

(ނުނިމޭ)