އެތެރެއަށް ވަދެގެން ދިޔައިރު ހިނގޭހެން އޭނާގެ އިސްކޮޅު ހުރި ދިގު ވިނަތައް ދެފަރާތައް ކަފިކޮށްފައި މަގެއް ހަދާފައި އޮތެވެ. ހީވާ ގޮތުން އެއީ އެ ސަރަހައްދުގައި ދިރިއުޅޭ މީހުންގެ މަސައްކަތެކެވެ. ހައެއްކަ މިނެޓް ހިނގުނު ފަހުން އޭނާގެ ފަހަތުން ބަރު ފިޔަވަޅެއްގެ އަޑު އިވުނުހެން ހީވެގެން މުޅި ކުއްޖާ ހުއްޓުނެވެ. ނަމަވެސް ހީވިގޮތެއް ކަމަށް ބަލާފައި ދެވަނަ ފިޔަވަޅު އަޅަން ފައި ހިއްޅާލި ހިނދު އޭނާގެ ކަންފަތް ދޮށުން ހީވީ އައި ބާރު ވައިރޯޅި އަކާއި އެކު ދޫނި ފަތްތަކެއް ކޭއްތިގެން ދިޔަހެންނެވެ. ރުއާނާ ބިރުގަތީ އެހިސާބުންނެވެ.
”ރުއާނާ.. ރަން..ރަން“ ރުއާނާގެ ކަންފަތް ދޮށުގައި ހީވީ ވައިރޯޅިއެއް ފަދައިން މީހަކު ބުނެލި ހެންނެވެ. ގަނެފައިވާ ބިރުވެރިކަން ދެގުނަވިއެވެ. ހުރި ދިމާލަ ފަހަތައް އެނބުރި ހަށިގަނޑުގައި ހުރި ބާރެއްލާފައި އޭނަ ދުއްވައިގަތެވެ.
***
ބިރުން ތުރުތުރު އަޅަމުން ދިޔައިރު ދެވޭ ނުދެވޭ ތަނެއް ވެސް ރުއާނާއަކަށް ނޭނގެއެވެ. ވަތް މަގު ކަމަށް ހީކޮށް ރުއާނާއަށް ނުކުމެވުނީ މާދުރު މަގަކުންނެވެ. އޭނާއަށް ވަލުތެރެއިން ނުކުމެވުނު އިރު މުޅި ކުއްޖާ މާ ނޭވާ ލެވެމުން ދިޔައެވެ. ނަމަވެސް ރުއާނާ ނުހުއްޓެއެވެ. އެންމެ ފަހު ނޭވާއާއި ހަމައަށް ވެސް އޭނާ ގަސްތުކުރީ ދުވާށެވެ. މުޅި ހަށިގަނޑުން ވަނީ އޮތްދާ ހިއްލާ ލައިފައެވެ. އޭރުވެސް ވައިކަފާލާއި އެމީހަކު އުދުހެމުން އަންނަ އަޑު ރުއާނާއަށް އިވެމުންދިޔައެވެ. ފަސް އެނބުރި ބަލާލައިފި ނަމަ އެމީހުންނަށް އޭނާ އަތުވާނެކަން އެނގޭތީ އެންމެ ފަހަރަކުވެސް ރުއާނާ ބަލައެއް ނުލައެވެ.
”ޔާ ﷲ ސޭވް މީ .. އާހްހްހް“ ބިރުން ތުރު ތުރު އަޅަމުން ދިޔައެވެ. ވަލުތެރެއަށް ވުމުން އެތަނުން މީހަކު ފެނުމަކީ ނާދިރް ކަމެއްކަން އެނގިހުރެ އެހީއަކަށް އެދި ރުއާނާއަށް ގޮވެމުން ދިޔައެވެ. ނަސީބު ކަންދިމާކުރި ގޮތުން އޭނާ ވަލު ތެރެއަށް ވަތް ދިމާ ފާހަގަވެ މަގުގެ އަލި ކޮން އޮތް ހިސާބަށް ނުކުމެވުނެވެ.
ރުއާނާ ފަސް އެނބުރުނީ އެހިސާބުންނެވެ. އޭރު ވަލާއި ގުޅޭ ހިސާބުގައި އެމީހަކު ސީދާ އޭނާއަށް ބަލަން ހުއްޓެވެ. ކަޅުކުލައިގެ ދިގު ހުޑް އެއް އަޅައިގެން ހުރި ފަސްބައެއް އޮތީ ބިންމަތީގައެވެ. ބޮލަށް ވައްޓާލާފައި އޮތް ބަޔާއި އެކު އަޅައިގެން ހުރި މާސްކްގެ ސަބަބުން ދެލޯ ނޫން އިތުރު ތަނެއް ނުފެނެއެވެ. އެ ’ވިލު ނޫކުލަ’އިގެ ދެލޮލުން އެކަނިވެސް އެއީ ކާކުކަން ރުއާނާއަށް އެނގެއެވެ. ބިރުގަތީ އެހެންވެއެވެ. އޭރު އޭނާ ބަލަން ހުރެފައި ވަލުގެ ތެރެއަށް ދެމިގަނެއްޖެއެވެ.
ދުވެފައި އައީ ފަސް އެނބުރި ބަލަމުން ކަމަށް ވުމުން ކުރިމަތީން އައި މީހަކު ރުއާނާއަށް ފެންނަ ގޮތެއް ނުވިއެވެ.
’އާހްހް“ ރުއާނާއަށް ހަޅޭއްލަވައި ގަނެވުނީ މީހެއްގެ ގައިގާ ލައިގަތުމުންނެވެ. ހިތްތެޅެމުން ދިޔައިރު ރުއާނާއަށް ހުރީ ނޭވާ ލާން ވެސް އުނދަގޫވެފައެވެ. ރުއާނާ ހީކުރީ އެ މީހުންގެ ތެރެއިން މީހެއް ކުރިމަތިން އޭނާއާއި ދިމާކޮށްލީ ކަމަށެވެ.
”ރުއާނާ؟“ ކުރިމަތީގައި ހުރީ ލިއަމްއެވެ. އެއްފަހަރު ދެލޯ ބޮޑުވެފައި ހުރި ރުއާނާއަށް ބަލައިލެވުނު އިރު، އަނެއް ފަހަރު ވަލާއި ދިމާ ލިއަމްއަށް ބަލައިލެވުނެވެ. ލިއަމްގެ ދެލޮލުގައިވީ ސިހުމާއި ކަންބޮޑުވުން ފޮރުވާލަމުން ރުއާނާއަށް ސަމާލުކަން ދިނެވެ.
ނަމަވެސް ރުއާނާ ހުރީ ޖަވާބެއް ދެވޭ ވަރުގެ ހާލަތަކު ނޫނެވެ. ލިއަމްގެ ފައިބުޑަށް ތިރިވެވުނު ހީވީ ހަށިގަނޑުން ހަކަތަ ދޫވެގެން ތިރިވެވުނު ހެންނެވެ. ވާހަކައެއް ނުދެއްކުނެވެ. ރޮވުނީއެވެ.
”ހޭއި.. ހޭއި.. ވަޓްސް ރޯންގް؟ ހައު އިންޑް އަޕް ހިޔާރ؟ ވަޓް ހެޕެންޑް؟“
އެތައް ސުވާލެއް އަދިވެސް ކުރަން ހުރި ނަމަވެސް، ރުއާނާ އެއްޗެއް ނުބުނެ ރޮމުން ދާތަން ފެނި ލިއަމް އިތުރަށް އަހާކަށް ގަސްތެއް ނުކުރިއެވެ. ރުއާނާޢާއި ދިމާވިފަހުން މިވީ މުއްދަތުގައި އޭނާ އެފަދައިން ރޯތަނެއް ލިއަމް އަދި ނުދެކެއެވެ. ލުއިފަތެއް ހެން ރުއާނާ އުފުލާލަމުން އޭނަގެ އަތްދަނޑި މައްޗަށް ލިއެވެ.
ރޮމުން ދި ރުއާނާއަށް ސިހުމެއް ލިބުނީ ލިއަމްގެ އެގާތްކަމުންނެވެ. މުޅި ކުއްޖާގެ ރުއިން ހުއްޓުނު އިރު ލިއަމްގެ މޫނަށް ބަލައިލެވުނެވެ. ރުއާނާ ލަދުގަންނަ ގޮތްވަމުން ދިޔައެވެ.
”އައި ކެން ވޯރކް“ މަޑުމަޑުން އިއްވާލިއެވެ. ލިއަމްގެ ތުންފަތައް ވެރިވެގަތީ ފިރިހެންވަންތަ ހިނިތުންވުމެކެވެ. އެއްޗެއް ނުބުނެ ބޯޖަހާލާފައި ވެސް ރުއާނާ ތިރީގައި ބަހައްޓާކަށް ގަސްތެއް ނުކުރިއެވެ. ލިއަމް އެހުރިގޮތައް ގޮސް ވަނީ ރުއާނާއަށް ރީތިވީ ގެއަށެވެ. އާޝޯހްވެފައި އެކި ދިމަދިމާ ބަލައިލެވުނު އިރު އެއީ އަނެއްކާ ލިއަމްގެ ގޭ ބާއޭ ހީވިއެވެ. ނަމަވެސް އަހާލާކަށް ނުކެރުނެވެ. އެހާ ގާތުން އެ ސޫރަ ފެނުނު އިރު ރުއާނާއަށް ބަލައިލެވުނެވެ. އިރުކޮޅެއް ކުރީގެ ހާދިސާ ވެސް ސިކުންތު ކޮޅަކަށް ހަނދާނުން ދިޔަ ކަހަލައެވެ. ހާދަ ރީއްޗެވެ. އެހަށިގަނޑުގައި އަރަމުން ދިޔަ މީރުވެސް ވެސް ހީވީ ރުއާނާގެ ހިތާ ކުޅެމުން ދިޔަހެންނެވެ. ގަނެފައިވާ ބިރުފިލައި ހަމަޖެހުމެއް އިޙްސާސްކޮށްދިން ކަހަލައެވެ.
”ހިޔާރ ވީ އާރ..“ ލިއަމް، ރުއާނާ ތިރީގައި ބެހެއްޓީ ގޭ ދޮޜާއި ހަމައަށް ގޮސްފައެވެ.
”ކަމް އިން“ ތަޅު ހުޅުވާލަމުން އެތެރެއަށް ވަނުމަށް ލިއަމް ހުއްދަ ދިނެވެ. ނަމަވެސް ރުއާނާއަކަށް ވަންނާކަށް ނުކެރުނެވެ. ގޭތެރެ އޮތީ އަނދިރިކޮންނެވެ. އެފަދަ ކަނު އަނދިރި ކަމެއްގެ ތެރޭގައި ކެތް ކޮށްލުމަކީ އޭނައަށް ކުޅަދާނަ ކަމެއް ނޫނެވެ.
”ވަޓް ހެޕެންޑް؟ “
“މްމް އެކްޗުއަލީ އަމް އެފްރެއިޑް އޮފް ޑާރކް.“ ހިތްވަރުކޮށްލާފައި ރުއާނާ ބުނެލިއެވެ.
”އޯހް..އޯހް.. އަމް ސޮރީ“ ލިއަމް ސްވިޗް ބޯޑާއި އަތްގާތް ކޮށްލަމުން ބޮކިތައް ދިއްލާލިއެވެ. އެއާއިއެކު މުޅި ގޭތެރެއަށް ވެރިވެގަތީ ފަނޑު އޮރެންޖްގެ ކުލައިގެ އަލިކަމެކެވެ. އެވަރު ވެސް ރުއާނާއަށް ކަމަކު ނުދިޔައެވެ. އޭނާ ގޭގައި ނިދާއިރު ބޭނުން ކުރާ ލައިޓް ވެސް އެއީ ހުދު އަލިކަމެއް ހުންނަ ލައިޓެކެވެ.
”އިޒް ދިސް އޯކޭ؟“ ލިއަމް އަހާލުމާއި އެކު ރުއާނާ ނޫނެކޭ ބޫހޫރުވާލިއެވެ. ލިއަމް ގެ ހިނިތުންވުމުގައި ހުރެ ޗާންދަލިޔާގެ ރިމޯޓު ހޯދާލަމުން ދިއްލާލިއެވެ. ނަމަވެސް އެވެސް ފަނޑުގޮތަކަށެވެ. އޭގެން ވެސް އަންނަމުން ދިޔައީ އޮރެންޖްއާއި ރަންކުލަ އެއްވުމުން އަންނާނެ ފަދަ އައްޔެކެވެ. ނަމަވެސް ދިއްލާފައިފައި ވި ބޮކިތަކާއި އޭގެ އަލިކަން އޭނާއަށް ފުދެއެވެ.
މުޅި ގޭގެ ތެރެއަށް ރުއާނާއަށް ނަޒަރެއް ދެވުނެވެ. އެއާއިއެކު މުޅި ކުއްޖާ އާޝޯހްވެގެން ދިޔައެވެ. ގޭގެ ބޭރުން ކަޅާއި އަޅިކުލަ ފެނުނު ނަމަވެސް މުޅި ގޭތެރެ ގާއި ވަނީ ލަކުޑި ކުލަ އާއި އެކުލައިގެ ސާމާނެވެ. ފަރުނީޗަރުން ފެށިގެން ހުރިހާ ސާމާނެއްގައި ވެސް އެކުލައެވެ. ހާދަހާ އަސާރީ އޭ ރުއާނާގެ ހިތައް އެރިއެވެ.
”އިށީންނަން ވީނު ..“ގޭގެ ފުރިހަމަ ކަމަށް ގެއްލި އާޝޯޙްވެފައި ހުރި ރުއާނާ ސިހުނީ ލިއަމްގެ އަޑުންނެވެ. ލިއަމް އޭރު ލާފައި ހުރި ކޯޓު ބާލާފައި ސޯފާގެ މަގަތުގައި ހުރި ސްޓޭންޑްގައި އަޅުވާލަނީއެވެ. އޭނާ މިސްރާބު ޖެހީ ބަދިގެއާއި ދިމާލަށް ދެއެވެ. ރުއާނާ ދެއަތް ދެއަތާއި ޖޯޑުކޮށްލަމުން ސޯފާގައި އިށީންދެލިއެވެ. ރުއާނާ އަތާއި ދިމާލުގައި އަތް ހާކާލެވުނީ ކޮންމެވެސް ވަރަކަށް ތަދު އިޙްސާސް ވާތީއެވެ. ޓީޝާޓުގެ އަތް އޮޅާލާފައި ބަލާލަން ހިތައް އަރުވާލި ނަމަވެސް ލިއަމްއަށްއާދެވިދާނެތީ ފަސްޖެހޭ ގޮތްވިއެވެ. އެ ޒަހަމް ގަނޑު ލިއަމްއަށް ފެންނާކަށް އޭނާ ނޭދެއެވެ.
”ވޯޙް.. މި ބޮޑު ގޭގަ މީނަ އެކަނި ތަ މިއުޅޭނީ.. އެވެސް މި އަނދިރި ކަމުގަ.. ވަޓް އިޒް ހީ؟“ ރުއާނާއަށް ހިތާ ހިތާ ކިޔާލެވުނެވެ. އޭނާގެ ނަޒަރު ހުއްޓުނީ އެކި ހިސާބުތަކުގައި ބެހެއްޓިފައިވާ ބޮޑެތި އުއްބައްތި ސްޓޭންޑް ތަކަށެވެ.
”ވާއު.. ހާދަ ރީއްޗޭ“ އިށިންދެއިން ތަނުން ތެދުވެ ރުއާނާ ގޮސް ހުއްޓުނީ އެތަނުން ސްޓޭންޑެއްގެ ކައިރީގައެވެ. އެއިން ކޮންމެ ސްޓޭންޑެއްވެސް އޭނާގެ އިސްކޮޅު ހުއްޓެވެ.
”ކޮބާ އަދިވެސް ބަލާ ނުނިމޭތަ؟“
މާ ބޮޑަށް އެ ސާމާނަށް ގެއްލި ހުރުމުން އޭނާއަކަށް ލިއަމް އައިކަމަށް ނޭނުގުނެވެ. ސިއްސައިގެން ގޮސް ފަސް އެނބުރުނު އިރު ލައިގަތީ ލިއަމްގެ މޭގައެވެ. ރުއާނާއަށް އިސް އުފުލާލެވުނެވެ. އޮރެންޖް އަލީގައި ލިއަމް ފެންނަނީ ސިއްރުވެރިކޮންނެވެ. ހާދަ ރީއްޗެވެ. ހިންދިރުވާލެވުނެވެ. ލިއަމް ކަޅިޖަހައި ނުލާ ބަލަމުން ދިޔަގޮތުން ހީވީ ރުއާނާ ލަދު ގަންނަވާލަން އުޅުނުހެންނެވެ.
ހުރެވުނުލެއް ކައިރިކަން އިޙްސާސްވެގެން ރުއާނާއަށް އަވަސްއަވަހަށް ދުރަށް ޖެހިލެވުނެވެ. މޫނު ރަތްވަމުން ދާކަހަލަ އިޙްސާސްއެއް ކުރެވިގެން އޭނައަށް ތުންފަތުގައި ދައިގަނެވުނެވެ.
ރުއާނާ ހަދިޔާ ކޮށްލި ހިނިތުންވުމަށް ގެއްލިފައި ލިއަމްއަށް ހުރެވުނީއެވެ. އޮމާން ކޯތާފަތައް ދިގު އެސްފިތަކުގެ ނިވާ އެޅިފައިވާ އިރު ރަތްކަން ގަދަ ތުންފަތައް ލިއަމްއަށް ބެލުނު އަދަދެއް ވެސް ނޭނގެއެވެ. ރުއާނާގެ މޫނުމަތީގައި ވީ ރަތްކަން، އޮރެންޖް އަލިކަމުގައި ވެސް ފާހަގަވެ ލިއަމްގެ ތުންފަތުގައި ސިއްރުވެރި ހިނިތުންވުމެއް ދުވެލިއެވެ. ހިތްހަމައަކަށް އަޅުވާލަމުން ލިއަމް ވެސް ރުއާނާގެ މޫނުން ނަޒަރު ވަކިކޮށްލިއެވެ.
”ހޭވް ސަމް ވޯޓާރ.. ”ލިއަމް ދިއްކޮށްލީ އޭނާ ގެނައި ފެންތައްޓެވެ. ރުއާނާ ފެންތަށީގައި ހިފަމުން ޝުކުރު އަދާކުރިއެވެ.
”މްމްމް..ކީއް..ކީއްވެ އެހާ އަނދިރި ކޮށްލާފަ މިހުރީ“ ދެމެދުގައިވީ ހަމަހިމޭންކަމުން އުނދަގޫވެގެން ރުއާނާއަށް އަހައިލިއެވެ.
”ދެޓްސް ހައު އައި އޭމް“
”ވަޓް ޔޫ މީން؟“ ލިއަމްގެ ޖަވާބުން ރުއާނާއަކަށް އެކައްޗެއް ވެސް ނުވިސްނުނެވެ. ލިއަމް އިތުރަކަށް އެއްޗެއް ބުނާކަށް ނޫޅުނެވެ.
”ބައި ދި ވޭއި، ހައު ޔޫ އިންޑް އަޕް ހިއާރ؟ ވަޓ“ ރުއާނާ ސޯފާގައި އިށީންދެލުމުން ލިއަމް އަހައިލިއެވެ. އޭނާ އިނީ ރުއާނާގެ މޫނައް ބަލަހައްޓައިގެން ކަމުން ސުވާލާއި އެކު އެ މޫނަށް ވެގެން ދިޔަގޮތް ސިއްރެއް ނުވިއެވެ. ތެޅިގެން އިރު ތުންފަތުގައި ހުރި ހިނިތުންވުން ގެއްލިއްޖެއެވެ. އިރުކޮޅަކު އެއްޗެއް ނުބުނެ އިދެފައި އެންމެ ފަހުން ރުއާނާ ވާހަކަ ދެއްކިއެވެ.
”މްމް..އި..އިޓްސް..އަމްމް.. ދުއްވާލަން ނުކުތީ .. ބޮޑެތި މަގުތަކަށް ވުރެން މިކަހަލަ އޭރިއާތައް އަސްލު ލައިކް ވޭ.. މިހިސާބަށް އައި އިރު ނޭނގޭ މިއީ ސާރ ދިރިއުޅޭ އޭރިއާ ކަމެއް. “
”އޯހް.. އޯކޭ… ޑިޑް އެނީތިންގް ހެޕެންޑް އިން ދެއާރ؟ އައި މީން އިން ފޮރެންސްޓް؟ އަހަންނަށް ފެނުނު އިރު ވަރަށް ބިރުން ހުރީ އެންޑް ޔޫ ކްރައިޑް“
ލިއަމްގެ ސުވާލުން ރުއާނާ ހާސްވާ ގޮތްވިއެވެ. ތުންފަތް ހަފާލަ ހަފާލަ އިން އިރު ޖަވާބު ދޭކަށް ބޭނުމެއް ނުވިއެވެ. ”އަނެއްކާ ލިއަމްއަށް އޭނަ ފެނުނީބަ؟“ ރުއާނާގެ ހިތައް އެރި އެއްޗަކުން ދެލޯ ބޮޑުވިއެވެ.
”މްމްމް؟“
”ސާރ.. އައި ހޭވް ޓް ގޯ.. ބައްޕަ ވަރަށް ހާސްވާނެ ލަސްވަންޏާ..އިރު އޮއްސުމުގެ ކުރިން ދާނަމޭ ބުނެފަ ނުކުތީ“ ރުއާނާ އިންތަނުން ތެދުވިއެވެ. ޖެހިގެން އިން ސޯފާގައި އޮތް އޭނާގެ ދަބަސް ހިފައިގެން ރުއާނާ ނުކުންނަން ދިޔައެވެ.
”ވެއިޓް.. ލެޓް މީ ޑްރޮޕް ޔޫ.. “
”ކާރުގަ އައީ“
”އައި ނޯ.. ފަހުން ބަލާ އަންނާނީ… މިހާރު ވަރަށް ލަސް ވެއްޖެ .. އައި ގެސް އެއިޓް ވަނީ.. އެހާ ސޭފް އެއް ނޫން އެކަނި ދިޔުމެއް“
ރުއާނާ އެންމެ ފަހުން ބޯޖަހައިލިއެވެ. އެކަނި ދަތުރުކުރަން އޭނާ ވެސް ޖެހިލުން ވެއެވެ. ގެއަށް ދިޔަ ނަމަވެސް ފަސޭހައިން މިރޭ ނިދާލެވޭނެ ކަމެއް ވެސް ނޭނގެއެވެ. ލިއަމްގެ ފަހަތުން ރުއާނާ ނުކުތީ އަވަހަށް ގެއަށް ދާން ބޭނުން ވެފައި ހުރިވަރުންނެވެ. ލިއަމް ހުޅުވާލަ ދިނީ ޑްރައިވަރު ސީޓާ ޖެހިގެން ސީޓުގެ ދޮރެވެ. ރުއާނާއަށް އަރަން ނުކެރިފައި ހުއްޓާ ލޮލުލުގެ އިޝާރާތުން އެރުމަށް އަންގާލިއެވެ.
”މްމްމް ކެން ވީ ޓޯކް އެބައުޓް ދެޓް؟“ ކާރު ދުއްވާލަމުން ލިއަމް އަހާލިއެވެ. ނަމުގައި މަގު މައްޗަށް ނަޒަރެއް ދީގެން އިނެއް ކަމަކު ވަށްކަޅި ރުއާނާގެ މޫނަށް ބެލެމުން ދިޔަ އަދަދެއް ވެސް ނޭނގެއެވެ. ރުއާނާ ބޯޖަހައިލި ތަން ފެނި ލިއަމްގެ ހިތައް ހަމަޖެހުމެއް ލިބުނެވެ.
”އަމް ސޮރީ.. އަމް ރިއަލީ ސޮރީ އެބައުޓް ދެޓް.. އަސްލު ބުނެގެން ނުވާނެ އެވަރުގެ ބަސްތަކެއް ދެކޮޅު ބަލާ ނުލާ .. އަހަންނަކަށް ވެސް ނޭނގޭ އެދުވަހު ވެފަ ހުރި ގޮތެއް.. ރުޅިގަދަ ވެފަ ހުރެ ގޮސް އެގޮތައް ބުނެވުނީ… ސިޓިލް އައި ޑޯންޓް ނޯ ވަޓް އެގްޒޭކްޓްލީ ހެޕެންޑް.. ބަޓް އައި ނިއު އިޓްސް އެބައުޓް މައުނާ.. ރައިޓް؟“ ރުއާނާގެ މޫނަށް ލިއަމް ބަލައިލިއެވެ.
“އެންޑް އައި ސަސްޕެންޑެޑް ހާރަ ފޯރ ފައިވް މަންޓްސް“
”ވަޓް؟ ވައި؟ އެހާ ބޮޑު ކަމަކަށް ނުހެދިޔަސް އޯކޭ ވާނެ.. އެކަމަކާއި ނުވެސް ވިސްނަން މިހާރު.. ހަމަ ވަރަށް ކޫލް..“
”ބިކޯޒް ސީ ހާޓްސް ޔޫ..އައި މީން. އަހަރެންގެ އެއްވެސް ސްޓާފަކަށް މިސްޓްރީޓް ކުރެވޭތަން ދެކޭކަށް ނުހުންނާނަން..އެއީ ކާކު އެހެން ނޫނަސް..އެންޑް ޓެލް މީ ވަޓް ހެޕެންޑް ދެޓް ނައިޓް؟“
”އަޅާ ނުލާ އިޓްސް ރިއަލީ އޯކޭ..އަމް ސީރިއަސްލީ ފައިން ނައު. އަނެއްކާ މާ ޑީޕްއަށް ގޮސްފިނަމަ އޭނާ އެނބުރި އައިސް ނޭނގޭ ކޮށްލާނެ ވަރެއް.. “ ރުއާނާ ހީލިއެވެ. އޭނާ ކިޔައިދޭ ހިޔާލް ނުކުރުމުން އިތުރަށް އަހާކަށް ލިއަމް ނުހަދައެވެ. ރުއާނާ ނުކިޔައިދިނަސް އޭނާއަށް އޮތީ މައުވާގެ ފުށުން އެނގިފައެވެ. މައުވާ ގެނެސް ސަސްޕެންޑްކުރި ދުވަހު އަމިއްލައަށް ހުރިހާ ވާހަކައެއް އޭނާ ވަނީ ކިޔައިދީފައެވެ. ލިއަމް ބޭނުންވީ ރުއާނާގެ އަނގައިން އެވާހަކަ އަހާށެވެ.
***
އަރައިގެން އައި އިރާއިއެކު އިޒްވާ ތެދުވެ ނަމާދު ކޮށްލިއެވެ. ކޮޓަރިން ނުކުތް އިރު ގޭގައި ގެންގުޅޭ މީހުން އެކި މަސައްކަތުގައި އުޅެމުން ދާތަން ފެނެއެވެ. އެގޭގައި އުޅެނީ ލަވާލްއާއި ޔާސިރްއާއި އިޒްވާ އެކަންނެވެ. ދެން ގޭގައި ގެންގުޅޭ މީހުންނެވެ.
ޔާސިރްއާއި ލަވާލް އަދި ކޮޓަރިން ނުނިކުންނަކަން އެނގުމުން އޭނާ މިސްރާބު ޖެހީ ބަދިގެއަށެވެ. ގޭތެރޭގެ ހަމަހިމޭން ކަމުން ބައެއް ފަހަރު އޭނާ ފޫހިވެއެވެ. މާމައާއި ކާފަ ފެންނަން ނެތިއްޔާ ފޫހިކަން ދެގުނަވެއެވެ. އެގެޔާއި އެންމެ ކައިރީގައި ވެސް ހުންނަނީ ކުރިމަތީގައި ހުންނަ ކުލްސޫމާއާއި ޒުހޫރު ދިރިއުޅޭ ގެއެވެ. އެގޭގައި ވެސް އެދެމަފިރިން އެކަންޏެވެ. ނީރާ ވެސް މިދުވަސްކޮޅު ޔިރާގެ ގާތައް ރާއްޖެ ގޮސްގެން އުޅޭތީ އެގެޔަށް ދިޔަސް މިނެޓެއް ކޮށްލާފައި އިޒްވާ އެނބުރި އަންނަނީއެވެ.
އިޒްވާ ފެނުމުން ނޯކަރަކު ކޮފީ މަގެއް ގެނެސްދިނެވެ. ޝުކުރު އަދާ ކޮށްލުމަށްފަހު އޭނާ މޭޒުދޮށުގައި އިށީންދެ ފެށީ ފޯނު ކުޑަކޮން ހާލާށެވެ.
”އަޅެ ރުއާ ވެސް ރަނގަޅޭނު.. މިވީ ތިން ދުވަސް ވިއްޔަ އަހަރެން ގުޅާތާ.. ވީ ގޮތެއް ވެސް އެނގެނީ އެއް ނޫނޭ“ އިޒްވާ ތުންދަމާލިއެވެ. ރާބިއު އަނެއްކާ ރުއާނާގެ ގާތުގައި ބުނަން ހަނދާން ނުވީބާއޭ ހިތައް އެރިއެވެ. ކޮލެޖަށް ދިޔުމުން ފެންނާނެ ކަމުގެ އުއްމީދުގައި ގުޅަން އުޅެފައި ވެސް އެހިޔާލް އިޒްވާ ދޫކޮށްލިއެވެ. ނިކަން ހަމަޖެހިގެން ކޮފީ ބޮމުން ދަނިކޮން ކާކޮޓަރިއަށް މީހަކު ވަންނަން އައި އަޑު އިވުމުން އިޒްވާ ހީކުރީ ލަވާލް ނޫނީ ޔާސިރް ހޭލީ ކަމަށެވެ.
”ގުޑް މޯރނިންގް“ އެއިން ގޮތައް ފޯނަށް ގެއްލި އިނދެފައި އިޒްވާ ނިކަން ރާގު ދަމާލާފައި ގޮވާލިއެވެ. ރައްދުގައި ޖަވާބެއް ނައިސްގެން ބަލައިލި އިރު، ކުރިމަތީގައި ހުރި މީހަކު ފެނި އޭނާ ސިހުނެވެ. މުޅި ކުއްޖާ ކޮޅަށް ޖެހުނު އިރު، އަނގައިގާ ހުރި ކޮފީ ފޮދުވެސް ބޭރު ނުވީ ކިރިޔާއެވެ.
”މަށައް ތަ މޯރނިންގ ތިކިޔާލީ“ ވާހަކަ ދެއްކީ ނޫހްއެވެ. އޭނާގެ އަތުގައި ހުރި ކޮތަޅުތަކެއް ތިރީގައި ބެހެއްޓުމަށްފަހު އެވަގުތު އެތަނަށް އައި ނޯކަރަކު ކައިރީގައި ޔާސިރްއަށް އެ ދައްކާލުމަށް ބުނެލިއެވެ.އޭނާ ވެސް ބޯ ޖަހާލާފައި އެތަނުން ގޮސްފިއެވެ.
”ނޫނޭ.. މާމަ ނޫނީ ކާފަ ކަމަށް ހީކުރީ“ ނޫހް ފެނުމުން ކޮފީ ބޯ ހިތް ވެސް ކެނޑުނެވެ. އިތުރު އެއްޗެއް ނުބުނެ ސިންގު ތެރޭގައި މަގު ބޭއްދުމަށްފަހު އިޒްވާ ދިމާ ކޮށްލީ އެތަނުން ނުކުންނާނެވެ. ނަމަވެސް ހުއްޓެން މަޖުބޫރުވީ ދޮރާއި ހިސާބުން އޭނާގެ އަތުގައި ނޫހް ހިފުމުންނެވެ. އިޒްވާގެ ތާޒާ މޫނު ބަނަވެގެން ދިޔައީ އަވިގަދަ ދުވަހެއްގައި ކުއްލިއަކަށް ނެގި ވިލާގަނޑެއް ފަދައިންނެވެ.
”ދޫކުރޭ“ އިޒްވާގެ މޫނުމަތިން ފެނުނީ ރުޅިވެރިކަމެވެ. ތުންފަތުގައި ދަތް އަޅާލަމުން ނޫހް ދެފަރާތް ބަލައިލީ އެދެމީހުން ފެންނަ ފަށުގައި އިތުރު މީހަކު ހުރިތޯއެވެ. މީހެއްގެ ހިލަމެއް ނެތުމުން އިޒްވާގެ އަތައް ބާރުކޮށްލައިގެން ހުރެ ނޫހް މިސްރާބު ޖެހީ އިޒްވާގެ ކޮޓަރިއާއި ދިމާލަށެވެ.
”ނޫހް.. ހަމަ މިހާރު ދޫކުރާށޭ.. އަޑެއް ނީވޭތަ! ދޫކުރާށެ!.. މިޙާރު ތިހެން އަހަރެންގެ ގައިގާ އަތް ލުމުގެ ހައްގެއް ނެތް!“ އިޒްވާ ގަދަހަދަމުން ދިޔަ ނަމަވެސް ނޫހް، އޭނާ ކޮޓަރިއަށް ލުމަށްފަހު ދޮރުޖެހިއެވެ. ގޭގެ އިތުރު މީހަކަށް އިވެން ބޭނުން ނުޥާތި އިޒްވާ ހަޅޭއްލަވައިގަތީ ކޮޓަރީގެ ދޮރު ހެއްޕުނު ފަހުންނެވެ.
”ބެހެވޭނެ.. މަށައް ދައްކާކަށް ނޫންތަ އީތަން އާއި ގުޅުނީ! ނޫންތަ ؟ މީ ދޮގެއްތަ؟ ހައު ކުޑް ހީ ކިސްޑް ވަޓްސް މައިން..“ ސަހާދަތް އިނގިލިން އިޒްވާގެ ކޯތާފަތުގައި ފިރުމާލަމުން ނޫހް ބުނެލި އިރު އޭނާގެ ނަޒަރު ހުރީ އިޒްވާގެ ލޮލަށް ހުއްޓިފައެވެ. އިޒްވާގެ ދެލޮލަށް ޖަމާވަމުން ދިޔަ ކަރުނުތައް ހުރަހެއް ނެތި ފެންނަމުން ދިޔައެވެ.
”ދުރައްދޭ.. ކަލެއަށް ކީއް މަ އީތަން އާއި އެކު ނޭކެޑް ވެގެން ހުއްޓަސް.. ބެހެވޭ ކަމެއްތަ؟ މަ އީތަން އާއި ގުޅުނީ އޭނައާއި އެކު އުޅެން ބޭނުންވާތީ.. އެހާ ރަނގަޅު ފިރިހެނެއް އެކަކަށް ވެސް ނުލިބޭނެ.. އެހެންވެ މިބުނީ ތި މުޑުދާރު ދެއަތުން އަހަރެންގެ ގައިގާ އިނގިލި ކުރި ވެސް ޖައްސާލުމުގެ ހައްގެއް ނެތޭ،.. އަޑު އިވިއްޖެތަ؟“ ކުއްލިއެއް ޖަހާލުމަށްފަހު ނޫހްގެ އަތުން އިޒްވާ ވީއްލިގަތެވެ. ނަމަވެސް އެއަށްވުރެން ބާރަށް އޭނާ، އިޒްވާ ފާރާއި ދިމާލަށް އަނެއްކާ ވެސް ކޮއްޕާލިއެވެ.
”ތިހެން ބުނީމަ ދެން މަ ވީ ގަބޫލް ކުރަންތަ؟ ބަލަ މަށަކަށް ނޫންތަ ފެންނާނީ މަށައި ހެދި އިޒީ އުޅުނު ގޮތް…ރޮއެ ހޭރެމުން އަހަރެންގެ ކައިރިން ސަލާމް ޖެހި ދުވަސްތަކޯ؟ “ ފާރުގައި އިޒްވާ ތަތްކޮށްލަމުން ނޫހް ދެފަރާތުން އަތް ގެންގޮސް ، އޭނައަށް ގަދަ ނުހެދޭނެހެން ރަނގަޅަށް ބައްދާލިއެވެ.
”އެއީ މާޒީ.. އަނިޔާ ވެރިންނަކަށް ދެވަނަ ފުރުސަތު ދީއެއް ނޫޅޭން.. ލަދެއް ނުގަނޭތަ އަހަންނާއި ގުޅިގެން ހުރެ ޔީލާއާއި ގުޅޭކަށް.. އެއީ އަހަރެންގެ ކަޒިން ދައްތައޭ! ގޮތް ކުޑަ!“
”އަހަރެން ޔީލާއާއި ގުޅުނީ ލޯބިންނެއް ނޫނޭ.. އެއީ އަހަރެންގެ އެކުވެރިންނަށް ކުރި ބެޓަކަށްށޭ ބުނީމެންނު! ކީއްވެތަ ގަބޫލް ނުކުރަނީ! އަހަރެން އިޒީ ބޭނުމޭ…“
”ކަލޭގެ ލަދު ކޮބާތަ!.. ބެޓަކަށޭ ތިކިޔަނީ އެއީ އަހަރެންގެ ދައްތައޭ! ތިދެމީހުން ގުޅުނު ދުވަހުން ފެށިގެން މިދެމެދުގަ އެއްވެސް ގުޅުމެއް ނީންނާނެކަން އަހަރެން ކްލިއާރ ކޮށްދިނިން.. ދިހަ އަހަރު ވަންދެން ގުޅިގެން އުޅެފަ އެދުވަހު އެންމެ ފަހުން ދުރަށް ދާން ނިންމީ.. މި ޥޭތުވެ ދިޔަ ޑިކޭޑް ގަ މަށައް ކިތައް ޗާންސް ދެވިފަ ހުންނާނެތަ؟ އަލަކަށް ނޫނޭ ޗީޓް ކުރީމަ ޗާންސް ދިނީ.. އެންމެ.. އެންމެ ފަހުން ނުފުދިގެން އަހަރެންގެ ދައްތަ އާއި އެއްކޮން..“ އެހިސާބަށް ބުނެވުނު އިރު ނުރޯން ކެތްކުރި ނަމަވެސް އިޒްވާގެ ދެލޮލުން ކަރުނަތައް އޮހިގަތެވެ.
”އަމް ސޮރީ.. އަމް ރިއަލީ .. އައި ކޭންޓް ލިވް ވިތް އައުޓް ޔޫ.. ޖަސްޓް ވަން ލާސްޓް ޗާންސް“ ނޫހް އާދޭސްކުރަމުން ދިޔައިރު އޭނާގެ މޫނުމަތިން މާޔޫސްކަން ފެންނަމުން ދިޔައެވެ.
”އަހަންނަށް އަދިވެސް ނޭނގޭ އެހާ ލޯބި ދެވުނު އިރުވެސް، ނޫހް މަށައް މިހާ ބޮޑު ދެރައެއް ދިނީ ކީއްވެ ކަމެއް.. ކިޔަވާ ނުނިމެނިސް މެރީ ނުކުރާނަމޭ ބުނެވުން، އެއީ އަހަންނަށް ޗީޓް ކުރަން ޖެހޭ ސަބަބެއް ތަ؟“
”އަމް ރިއަލީ ސޮރީ އިޒީ.. މެރީ ކުރަން އެއްބަސް ނުވެ، ކޮންމެ ފަހަރަކު ބެޑް އަށް ދާން ދެކޮޅު ހަދާތީ ހުރިހާ ކަމެއް ވެސް ވީ.. ދެޓްސް އޯލް ބިކޯޒް އޮފް ޔޫ“ ނޫހް ގެ ޖަވާބުން އިޒްވާގެ ރުޅި ދެގުނަވިއެވެ. ނޫހުގެ ފުށުން ދުލެއް ލިބުނު ހިނދު ފުރުސަތުގެ ބޭނުން ހިފާ އޭނާގެ އަތް މިނިވަން ކުރިއެވެ. ދެވަނަ ސިކުންތުގައި ހޫނު ދެތިން ހަމަލާ ނޫހްގެ މޫނު މައްޗަށް އިޒްވާ ދޫކޮށްލިއެވެ. ނޫހްއަށް ތަދު އިޙްސާސް ވިލެއް ބޮޑުކަމުން ލޮލުން ފެން ހިލުނެވެ.
”އަހަންނަށް ޔަގީން ވެއްޖެ އަދިވެސް ހަދާނީ އެހެންކަން ..އެންޑް ވަން މޯރ ތިންގް، އަހަރެން ދުވަހަކު ވެސް އީތަން އަކަށް ދެރައެއް ނުދޭނަން.. ގެޓް ދި ފކ* އައުޓް އޮފް ހިޔާރ!“ ދޮރު ހުޅުވާލުމަށްފަހު ނޫހުގެ އަތުގައި ހިފައިގެން ގެންގޮސް ކޮޓަރިން ބޭރަށް ނެރުނެވެ.
ދޮރު ޖެހުނުއިރަށް އިޒްވާ އަކަށް އިތުރަކަށް ކެތެއް ނުވިއެވެ. ދޮރުބުޑަށް ތިރިވެވުނު އިރު ރަނގަޅަށް ވެސް ރޮވުނެވެ. ގިސްލުމުގެ އަޑު އަނގައިން ބޭރުވަމުން ދިޔައިރު އަރުތެރެ ދިޔައީ ބެދެމުންނެވެ. ފިލްމެއް ފަދައިން ނޫހް އާއި އެކު އޭނާ ކެތްކޮށްލި ދިހައަހަރު ހީވީ ރޯލް ވެގެން ދިޔަހެންނެވެ. އުފަލުން ހުރި ދުވަސްތަކަށް ވުރެން އޭނާ ރުއި ދުވަސްތައް ގިނައެވެ. އެ ދިހަ އަހަރު ނޫހް އާއި އިޒްވާ ގުޅިގެން އުޅުނުކަން ގޭގެ އެކަކައްވެސް ނޭނގޭނެއެވެ. އެންމެކުޑަ މިނުން ލިއަމްއަށް ވެސް މެއެވެ. އެއީ ވެސް ނޫހް ބޭނުންވި ގޮތެވެ. އެތަކެއް ހިތާމައަކާއި ކުރިމަތި ލާން ޖެހުނު ނަމަވެސް އޭނާ ކެތްކުރީ ނޫހް ދެކެވީ ތެދުވެރި ލޯބީގެ ސަބަބުންނެވެ. ނަމަވެސް އާޙިރުގައި އޭނާއަށް ލިބުނީ ދުވަހަކުވެސް ހިޔާލަށް ވެސް ނުގެންނަ ފަދަ ހަދިޔާއެކެވެ. ޔީލާގެ މަތިން އިޒްވާ ހަނދާންވުމުން ވަކިން ރޮވެމުން ދިޔައެވެ. ޔީލާއަށް ނޫހްގެ ހަގީގަތް ބުނެދޭން ބޭނުމެވެ. ނަމަވެސް އެދެމީހުންގެ ގުޅުމުގެ ހަބަރު އިޒްވާއަށް ލިބުނު ދުވަހުގެ ފަހުން ޔީލާއާއި އޮތް ގުޅުން ވަނީ ނުހަނު ބޮޑަށް ހީނަރުވެފައެވެ. ނީރާ ފިޔަވައި އެންމެ ބޮޑަށް އިޒްވާ ގާތް ވާނީ ވެސް ޔީލާއާއެވެ. ނަމަވެސް މިހާރު އެހުރިހާ ކަމެއް ބަދަލްވެއްޖެއެވެ.
****
”ބައްޕައަށް ގުޅާލަ އެނގޭ ނިމުނީމަ..“ ހޮސްޕިޓަލާއި ކައިރިއަށް ކާރު މަޑުކޮށްލުމުން، ރުއާނާ ފޭބި ވަގުތު ރާބިއު ގޮވާލިއެވެ.
”މްމްމް ބައްޕާ.. ފަހަރެއްގަ ނިމިގެން ކާރު ބަލާ ވެސް ގޮސް ފާނަން އެނގޭ.. އެކަމަކު ނުދަންޏާ ގުޅާނަން“ ރުއާނާއަށް، ބޯޖަހާލާމުން ރާބިއު ދިޔައެވެ.
ހިސާބަކަށް ހުން ވައްތަރު ވެފައި ހުރުމުން ރުއާނާ ހުރީ ހީކަރުވައިގަނެފައެވެ. ރޭ ގެޔަށް ދިޔަފަހުން އަތުގެ ރިހުން ގަދަވެގެން ރަނގަޅަށް ނުވެސް ނިދުނެވެ. ގަޔަށް ދޫ ކަޅުކުލައިގެ ސްވީޓްޝާޓްގައި ހުރި އިރު އަތް ވެސް ދޫކޮށް ހުރުމުން އެއަތުގައި ވާ ބޭސްގަނޑު އޮތީ ވަންހަނާ ވެފައެވެ. ރަނގަޅަށް އޮތް އަތުން ދަބަސް ހިފައިގެން ރުއާނާ މިސްރާބު ޖެހީ ލިފްޓާއި ދިމާލަށެވެ.
”އާހްހް ނަސީބެއް މިއަދު އޮތް ސާޖަރީ ވެސް މާދަމާއަށް ޑިލޭ ކޮށްލިކަން.. ހާދަ ތަދުވެއޭ އަތައް ހަދާލެވޭ ގޮތަކުން… ކީއްވެތަ ދެދުވަސްވެގެން ދިޔައިރު ވެސް އެންމެ ތަންކޮޅެއް ވެސް ރަނގަޅު ނުވަނީމި..“ އަމިއްލަ ނަފްސަށް އިވޭވަރަށް ޝަކުވާ ކުރަމުން ގޮސް ހުއްޓުނު އިރު ލިފްޓު ލެއްޕެނީއެވެ. ދުވެލާފައި ދިޔަ ގޮތައް ގޮސް ހުއްޓުނު އިރު ކީވާންއަށް އޭނާ ފެނިގެން ލިފްޓް ހުޅުވާލަ ދިނެވެ.
”ގުދް މޯރނިން“ ރުއާނާ ފެނުމުން ދެމީހުން އެކީގައި ބުނެލިއެވެ. ރުއާނާ ވެސް ހިނިތުންވުމެއް ގައި ހުރެ ހެނދުނުގެ ސަލާމް ކިޔާލިއެވެ.
”ކޮބާ ލިއަމްބެ މިއަދު؟“ ރުއާނާ ކުރަން ބޭނުންވެފައި ހުރި ސުވާލް ކުރީ އާލިއާއެވެ.
”އެ ދިޔައީ ސަޑެން ސާޖަރީ އަކަށް ..ޓޫ އަވާރ އަވާރގެ ސާޖަރީއެއް.. މިގަޑީގަ ކްލާސް އޮތީމަ، ސާޖަރީ ނިމިގެން އަންނައިރު ބޮޑުބައެއް އެގަޑިން މިސްވާނެ ..ސޯ އޭނާ އެދިގެން އަހަރެން މިއައީ ކްލާސް ނަގާލަދޭން.. އެހެންވެއޭ އާލް ކައިރީގަ ހެލްޕެއް ވެލަން އަންނަން ބުނީ“ ކީވާން ޖަވާބުން އެހެންހޭ ބުނެ އާލިއާވެސް ބޯޖަހައިލިއެވެ.
އެޖަޥާބުން މާޔޫސްވީ ރުއާނާއެވެ. ނަމަވެސް ކުރެވޭނެ ވަކި ކަމެއް ވެސް ނެއްތާއެވެ. ކްލާހަށް ވަތް އިރު އީތަން އާއި އިޒްވާ މިއަދު ނާދެއެވެ. ލޫކް ވެސް ލިއަމްއާއި އެކު ސާޖަރީއަށް ދިޔަ ހަބަރު ލިބުނެވެ. އޭނާ އިންނަ މޭޒުގެ ކައިރީގައި އިށީންދެލިއިރު ، މަޑުމަޑުން ސަލާމަތުން އޮތް އަތުން ޒަހަމްގަނޑުގެ މަތީގައި އަތް ހާކާލެވުނެވެ. ކުރިއަށް ވުރެން ބޮޑަށް އެހިސާބަށް ދަނީ ތަދު އިޙްސާސްވަމުންނެވެ.
”ހައު ލޯންގް އައި ކެން ހޭންޑްލް ދިޒް ޕެއިން؟.. މީހަކަށް ނުދައްކާ ފަރުޖެހޭނެބާ؟“ ހިތާ ހިތާ ކިޔާލިއިރު ކީވާން އެވަގުތު ކިޔައިދެމުން ދިޔަ އެއްޗެއް ވެސް ބޮލަކަށް ވަންނަ ގޮތެއް ނުވިއެވެ.
އެގޮތުގައި ހުރިހާ ކްލާސްތަކެއް ނިމިގެން ނުކުމެވުނު އިރު ކެތްނުވާ ވަރަށް ރިއްސަމުން ދިޔައެވެ. ހުން ވެސް އެހާ ބާރެވެ. އެހެން ކުދިންނަށް ވުރެން އަވަހަށް ނުކުމެގެން އޭނާ ދިޔަ ގޮތައް ގޮސް ވަނީ ފާހާނައަށެވެ. ލޯގަނޑާއި ގާތައް ހުއްޓިފައި ފުރަތަމަ ވެސް ހެދުމުގެ އަތް އޮޅާލިއެވެ.
”އޯހް ގޯޑް“ ބެންޑޭޖްގަނޑުގެ ދެފަޜާތުން ދުޅަވެގެން އަރާފައި އޮތް ގޮތުން އެ ނައްޓާކަށް ރުއާނާއަކަށް ނުކެރުނެވެ. ޑޮކްޓަރަކަށް ވީ ނަމަވެސް އޭނާ ޖެހިލުންވިއެވެ. ރަތްވެފައި ވީ ވަރުން ހީވަނީ ދެންމެ ދެންމެ އެހިސާބު ފަޅާއިގެން ގޮސްފާނެ ހެންނެވެ. ބޭރު އެހާ ވަރު ވެފައި އޮތް އިރު އެތެރެ އޮންނާނީ ކިހިނަކުން ކަމެއް ވެސް ނޭނގެއެވެ. ހެދުމުގެ އަތް ތިރިކޮށްލި އިރު ހުމުގެ އަސަރުން ހަށިގަނޑުގައި ހިސާބަކަށް ތުރުތުރު އެޅުމެއް ވިއެވެ.
ކޮންމެ ގޮތެއް ވިޔަސް ގެއަށް ދާކަށް ރުއާނާ ބޭނުމެއް ނުވިއެވެ. ދެދުވަސްދެން ނައިސް ހުރެފައި މިއަދުވެސް އެހެން ހެދުން ރީތި ގޮތަކަށް ވެސް ނުޥާނެވެ.
ހޮސްޕިޓަލް އިމާރާތައް ވަދެވުނު އިރު އޭނާގެ ފޯނު ވައިބްރޭޓް ވާން ފެށުމުމުން ބަލައިލި އިރު އަދްރެކްގެ މެސެޖެއް އައީއެވެ. ލިއަމް އެބަ ހޯދާ ކަމުގައި ބުނެފައި ، އޭނަގެ ރޫމަށް ދިޔުމަށް އެދިފައެވެ. ނެތް ހިތްވަރު ދައްކައިގެން ހުރެ ރުއާނާ އެ ފަންގިފިލާއަށް ގޮސް ލިއަމްގެ ކޮޓަރި ހޯދާލިއެވެ. މާ ބޮޑު ތަކުލީފެއް ނެތި އެ ކޮޓަރި ފެނުމުން ޓަކި ޖަހާލި ހިނދު އެތެރެއިން ވަންނާށޭ ބުނެލިއެވެ. ދޮރު ހުޅުވާފައި ރުއާނާ ވަތް އިރު ލިއަމް އިނީ މޭޒު ދޮށުގައެވެ. ހައެއްކަ ފައިލް އަތުރާލައިގެން އިނެވެ. ބަލާބެލުމެއް ހީވަނީ ކޮންމެވެސް މުހިއްމު ލިޔުމެއް ހޯދަމުންދާ ހެންނެވެ.
”ޔޫ ލުކް ޕޭލް.. އެނީތިންގް ރޯންގް؟“ ރުއާނާގެ މޫނު ފެނުނު ހިނދު އޭނާއާއި ދައްކަން އުޅުނު ވާހަކަ ވެސް ލިއަމް ހަނދާން ނެތުނު ކަހަލައެވެ. މުޅި ކުއްޖާ ޒާތަކަށް ހުދުވެފައި ހުރި އިރު ކޮންމެވެސް ކަހަލަ ވޭނެއް ތަހައްމަލް ކުރަމުން ދާކަހަލައެވެ.
”ކެން ޔޫ ޗެކް މައި ހޭންޑް؟ އައި ޑޯންނޯ ވަޓް ޓް ޑޫ.. އިޓް ހާޓްސް“ ކެތް ނުވެގެން ރުއާނާއަށް އެންމެ ފަހުން ބުނެވުނެވެ. ލިއަމް ތެޅިގަނެފައި ރުއާނާގެ ގާތައް އައިއެވެ. ރުއާނާ މަޑުމަޑުން ހެދުމުގެ އަތް އޮޅި ހިނދު، ބެންޑޭޖް އަޅާފައި އޮތް ހިސާބުގެ ދެ އަރިމަތި ފެނި ލިއަމްގެ ދެލޯ ބޮޑުވިއެވެ.
”ވަޓް ހެޕެންޑް؟ އާދޭ އިށީންނަން“ ސޯފާގައި އޭނާ ބައިންދަމުން، ބޭހާއި ސާމަނުތައް ހިފައިގެން ލިއަމްއައެވެ. އަތުގައި ހިފާ ލަސްލަހުން ބެންޑޭޖް ގަނޑު ނައްޓުވާލަން އުޅެމުން ދިޔައެވެ. ”އާހްހް“ ލިއަމްއަށް އެއަތުގައި ހިފުނު ގޮތުން ރުއާނާގެ ދެލޮލުން ފެންއައެވެ. ސަލާމަތުން އޮތް އަތުން ލިއަމްގެ އަތުގައި ބާރަކަށް ހިފަހައްޓާލެވުނެވެ.
”އަމް ސޮރީ…ތަދުވޭތަ؟“ ލިއަމް ދިޔައީ ފުމެދެމުންނެވެ. އެއްކޮން ނައްޓާލެވުނު އިރު އަތައް ދޫ ޖެހިފައިވާތީ މާ ގަދަޔަށް ރިއްސާހެން ހީވިއެވެ. ރުއާނާގެ ދެލޮލުން ފެންތައް ފައިބަމުން ދިޔައިރު، ލިއަމްގެ އަތައް ބާރުކޮށްލެވުނެވެ.
އެއަތުގައިވާ ޒަހަމްގަނޑު ފެނުމުން ލިއަމް ދިޔައީ ސިހިގެންނެވެ. ދެލޯ ބޮޑުކޮށްލައިގެން ހުރިއިރު މިއިން ޒަމާނކު އެފަދަ މޮޑު ސިހުމެއް ނުލިބޭކަހަލައެވެ. އެއްފަހަރު ރުއާނާގެ މޫނަށް އަނެއް ފަހަރު އެއަތައް ލިއަމްއަށް ބެލުނެވެ. ވަކިތަކެއްގެ ނިޝާން ހުރިއިރު ޒަހަމްގަނޑު ހުރީ ގަދަ ނޫކުލައަކަށް އަރާފައެވެ. ވަށައިގެން ދޮހާއި ލޭގެ އަސަރު ހުރި ހުއްޓެވެ. ލިއަމްއަށް ބަލަހައްޓައިގެން ހުރެވުނީ ގަބޫލްކުރަން ދަތިވެފައެވެ. އާދައިގެ މީހަކު ޒަހަމްވެގެން އަންނައިރު، ކިތަންމެ ބޮޑު ޒަހަމްގަނޑަކަށް ވިޔަސް އެގޮތަކަށް ނުހުންނާނެއެވެ.
”ހައު؟.. އައި މީން ހައު..ކިހިނެތްތަ މި ކަހަލަ ޒަހަމެއް ރުއާނާގެ ގައިގަ ހުންނަން ވީ؟.. ވައި؟“ އެ ސުވާލްތައް އޮތީ ލިއަމްގެ ހިތުގައެވެ. ސުވާލް ކުރި ނަމަވެސް ރުއާނާ ހުރީ ޖަވާބު ދެވޭ ފަދަ ހާލަތެއްގަ އެއް ނޫނެވެ. ލިއަމް އިތުރަކަށް މަޑެއް ނުކުރިއެވެ. ރުއާނާ އަތް ދަނޑި މައްޗަށް ލައިގެން އެ ކޮޓަރިން ނުކުމެ ގޮސް އެރީ ލިފްޓަށެވެ.
”ކޮންތާކަށް މިދަނީ؟.. އައި ކެން ވޯކް“
“މިގަޑީގަ ވާހަކަ ނުދައްކާ“
ލިއަމް އެރީ އިމާރާތުގެ އެންމެ މަތީ ފަންގިފިލާއަށެވެ. އެތަނުގެ ދޮރު ހުޅުވުނު އިރު މާހައުލަށް ހިންގާލެވުނު ފުރަތަމަ ނަޒަރާއި އެކު ވެސް ރުއާނާއަށް ކުރުވީ ތަފާތު އަސަރެކެވެ. ހިނގެން މެދުގައި މަގެއް އޮތްއޮތް އިރު ދެފަރާތައް ވަކި ވަކި ކޮޓަރި ތަކެއް ހުއްޓެވެ. އެ ބޮޑު ތަނުގަ ވެސް ވީ ހަމަ ހިމޭން ކަމެކެވެ. މިއިން އިރަކު އެތަނަށް މީހަކު ވަދެފައިވާ ކަމުގެ ނިޝާނެއް ވެސް ފެންނާކަށް ނެތެވެ. ތަންކޮޅެއް ބިއްދޮށުގައި ހުރި ކޮޓަރިއަކަށް ރުއާނާ ގޮވައިގެން ލިއަމް ވަނެވެ. މެދުގައި އެނދެއް ހުރެފައި އެއްފަރާތެއްގައި ކަނބަޑުތަކެވެ. އެނދާއި މަގަތުގައިވާ ސްޓޭންޑް ކައިރިކޮށްލާފައި ބޮކީގެ އަލިގަދަ ކޮށްލިއެވެ. ދުވަމުން ދިޔައީ ޒާތެއްގެ ކެމިކަލް ވަހެކެވެ. ގައިމުވެސް ބޭސް ވަހެއް ނޫނެވެ. ހޮސްޕިޓަލްއަށް އޭނާ ނުގެންގޮސް މިތަނަށް ގެނައީ ކީއްވެބާއޭ ރުއާނާ ހިތާއި ހިތާ ސުވާލް ކޮށްލެވުނެވެ. މަޑުކޮށްލުމަށް ބުނެ ލިއަމް ނުކުތީ ބޭރަށެވެ.
ބޭރަށް ނުކުމެވުނު ހިނދު ލިއަމް އަށް ދޫކޮށްލެވުނީ ފުންނޭވާއެކެވެ. ފޯނު ނަގާފައި އޭނާ ގުޅާލީ އަލާނިއަލްއަށެވެ. ދެފަހަރަކު ރިންގް ވިތަނާ ފޯނު ނެގިއެވެ. އެންމެ ފުރަތަމަ ވެސް ވެގެން އުޅޭ ގޮތް އަލާނިއަލްއަށް ލިއަމް ކިޔައިދިނެވެ.
”އަމް ޕްރިޓީ ޝުއާރ ދިޒް އެއިންޓް ނޯރމަލް.. މިބުނަނީ ކީކޭކަން އެނގޭނެ ފެނުނީމަ.. ކެން ޔޫ ކަމް އަންކަލް؟ އަހަރެމެންގެ ތެރެއިން މީހެއްގެ އަމަލެއް މިއީ.. އެހެން ނޫނީ ޝީ އިޒް…މްމް.. ޝީ އިޒް ވަން އޮފް އަސް“ ލިއަމް ފޯނު ކަންފަތުގައި ޖަހައިގެން ހުރި އިރު އެ މޫނުމަތީގައި ހާސްކަން ނޫން އިތުރު ކުލައެއް ނެތެވެ. އަލާނިއަލް މިދަނީ އޭ ބުނެ ފޯނު ކަނޑާލުމުން ލިއަމް އެނބުރި ކޮޓަރީގެ ތެރެއަށް ވަނެވެ. ލިއަމް ވަތްއަޑަށް ރުއާނާ ދޮރާއި ދިމާލަށް ބޯ ދިއްކޮށްލިއެވެ.
ކަބަޑް ތަކުގެ ކައިރިއަށް ހުއްޓި ދެކަބޮޑަކުން ދެ ފުޅިއެއް ލިއަމް ނެގިއެވެ. ދެފުޅީގައި ވެސް ދިޔާ ކޮން ހުރި ފެނެއް ޒާތު އެއްޗެއް ހުރިއިރު އެކަތީގެ ކުލަ ހުރީ ހުރީ ވިލުނޫކުލައެއްގައެވެ. އަނެއް ފުޅީގެ ހުރި ފެނުގައި ހުރީ ވަޅު ފެހިކުލައެކެވެ. ދެ ފުޅި އާއި ދެ ސިރިންޗް ހިފައިގެން އޭނާ އިށީންދެލީ ރުއާނާ ބޭއްވިފައި އޮތް އެނދުގެ މަގަތުގައެވެ.
”އިޓް މޭބީ އަ ލިލް ޕެއިންފުލް…ބަޓް ދެއާރ އިޒްންޓް އެނީ އަދާރ އޮޕްޝަން..ސޮރީ“ ރުއާނާއާއި ގާތައް ގޮނޑި ދަމާލަމުން، އިށީންދެ ޒަހަމް ސާފްކުރަން ފެށިއެވެ. ސާފްކުރުމަށް އަޅަމުން ދިޔަފެނާއި އެކު ކަފަކޮޅު ޖައްސާލާ ކޮންމެ ފަހަރަކު ތަދުވި ނަމަވެސް ތުންފަތް ހަފާލަ ހަފާލަ އޭނާ އޮތެވެ.
ލިއަމް އެ މަސައްކަތުގައި އިންދާ ދޮރު ހުޅުވުނު އަޑަށް ބަލައިލި އިރު އެތެރެއަށް ވަދެގެން އައީ އަލާނިއަލް ފެނުމުން ލިއަމް އަށް ދޫކޮށްލެވުނީ ފުން ނޭވާއެކެވެ.
”ރުއާ؟ ރުއާގެ ވާހަކަ ތަ ލިއަމް ދެންމެ ދެއްކީ؟“ އަލާނިއަލްއަށް ރުއާނާ ފެނިގެން ކައިރިއަށް އާދެވުނު ގޮތް ވެސް ނޭނގެއެވެ. އޭނާ ފެނުމުން ރުއާނާ އެހާލުގައި އޮވެ ވެސް ހީލިއެވެ. އަލާނިއަލް ގާތައް ޖެހިލަމުން ރުއާނާގެ އަތައް ދިން ނަޒަރާއި އެކު އޭނާވެސް ހިސާބަކަށް ސިހުނެވެ. ލިއަމް ބުނީ ދޮގެއް ނޫނެވެ. އަލާނިއަލް ހާސްވެ ހުރެ ވެސް ލިއަމް އަށް އެންގީ ވީހާ ވެސް އަވަހަކަށް އެތަނަށް ފަރުވާ ކުރުމަށެވެ.
”ޑިޑް ޔޯ ޑޭޑް ނޯޒް އެބައުޓް ދީސް؟“ އަލާނިއަލްގެ ސުވާލަށް ރުއާނާ ޖަވާބު ދިނީ ބޮލުންނެވެ. އަލާނިއަލްއަށް ދޫކޮށްލެވުނީ ފުންނޭވާއެކެވެ.
”ލިއަމް ގެނޭ އަންކަލް އަތައް..ޖަސްޓް ހޯލްޑް ހާރ ހޭންޑް“ ލިއަމް ބޯޖަހާލާފައި އަލާނިއަލް ބުނި ގޮތައް ކަންތައް ކުރިއެވެ. އަލާނިއަލް އެނބުރި ކަބޮޑު ކައިރިއަށް ގޮސް އައީ ލިއަމް ގެންގުޅުނު ފުޅިތަކުގެ އިތުރު ދެފުޅި ހިފައިގެންނެވެ.
”އަންކަލް؟ ޝީ އިޒް ހިއުމަން“ ލިއަމްއަށް ލޯ ބޮޑޫކޮށްލެވުނެވެ. އޭނާ ބުނެލީ ހަމައެކަނި އަލާނިއަލްގެ ކަންފަތައް އިވޭހާ މަޑުންނެވެ.
”ޓްރަސްޓް މީ“
އަލާނިއަލްގެ ޖަވާބު އަހާފައި ލިއަމް ބޯޖެހިއެވެ. ލަސްނުކޮށް ދެމީހުންގެ މަސައްކަތް ފެށިއެވެ. ސިރިންޖްތަކަށް ފުޅިތަކުގައިވާ ސާމާނު އެޅުމަށްފަހު އަލާނިއަލް އިޝާރާތް ކޮށްލުމުން ލިއަމް ބޯޖަހައިލަމުން ރުއާނާގެ ސަލާމަތުން އޮތް އަތާއި ޒަހަމްވެފައި އޮތް އަތުގެ ރަނގަޅަށް އޮތް ބައިގާ ހިފެހެއްޓިއެވެ.
”އެކޮޅު ނުބަލައްޗޭ… ތަދުވިޔަސް ނުތެޅޭތި“ ލިއަމްގެ ޖުމްލައާއި އެކު ރުއާނާ ބޯޖަހައިލި ނަމަވެސް، އެހިނދު އަލާނިއަލް ޖަހައިލި އިންޖެކްޝަނާއި އެކު ހީވީ ރުއާނާގެ ހޭވެރިކަން ފިލާދާން އުޅުނު ހެންނެވެ. މުޅި ހަށިގަނޑަށް ވާންއަރައި، ވެގެން ދިޔަ ކުއްލި ތަދާއިއެކު ރުއާނާއަށް ކެތެއް ނުވިއެވެ. ހީވީ ހަށިގަނޑުގައި ވާހާ ކަށިތަކެއް މުގުރިގެން ދިޔަ ހެންނެވެ. ކެތްކުރެވޭނެ އެންމެ މައްޗަކަށް ކެތް ކުރަމުން ދިޔަ ނަމަވެސް، ތޫލި ހަޅޭކެއްގެ އަޑު އަނގައިން ނުކުތެވެ.
”އިޓްސް އޯކޭ.. އިޓްސް އޯކޭ.. ނިމެނީ މިޙާރު“ ލިއަމްއާއި ވީ ފަރާތައް މޫނު ލައިގެން އޮވެ ރުއާނާ ރޮމުން ދިޔަގޮތް ފެނި ލިއަމްގެ ހިތައް އުނދަގޫވެގެން ދިޔައީ އިންތިހާއަށެވެ.
ވާ ތަދަށް ކެތް ނުވެގެން ރުއާނާ ތެޅިގަތް އިރު ލިއަމް ހިފަހައްޓާލައިގެން ހުރިގޮތުން މާ ގަދައެއް ނުހެދެއެވެ. ނަމަވެސް އަލާނިއަލް ހަތަރު ވަނަ އިންޖެކްޝަން ޖަހަން ވާއިރަށް މުޅި ކުއްޖާ ދެމުނެވެ. ހީވީ ހަށީގައިވާހާ ހަކަތައެއް އެކުއެކީގައި ދިޔަ ހެންނެވެ.
”އިޓްސް ޑަން.. ކުޑަ އިރުކޮޅެއް ފަހުން ހަމައަކަށް އެޅެމުން ދާނީ.. ރުއާ.. ބައްޕައަށް ގުޅާފަ އެބަ ހަބަރު ދެން އެނގޭ“ އަލާނިޔަލް ފޯނު ނެގި ހިނދު ރުއާނާ ދެފަރާތައް ބޯހޫރުވާލިއެވެ. އެނދުން ތެދުވަންނަން އުޅުނެއް ކަމަކު އެއްވެސް ވަރެއް އިޙްސާސް ނުވާތީ އެކަން ޥާގޮތެއް ނުވިއެވެ. ދެފައި ކޮޅަކު ވެސް ވާތްގަތް ނެތެވެ.
”ނު..ނު..ނޫން.. އޭރުން ގެއިން ވެސް ނުނިކުމެވޭނެ.. ޕްލީޒް ޑޯންޓް“ ރުއާނާ އެހާ އާދޭހާއި އެކު އެދުމުން އަލާނިއަލްއަށް އެކަން ކުޜާކަށް ނުކެރުނެވެ. ބޯޖަހާލުމަށްފަހު އަރާމް ކުރަން ބުނެލާފައި، ލިއަމް އަށް ލޮލުގެ އިޝާރާތުން އައުމަށް އެދި އޭނާ ނުކުމެގެން ދިޔައީއެވެ.
”އޭޒް ހީ ސެއިޑް، އިރުކޮޅަކުން ހަމައަކަށް އެޅޭނެ.. ވޫންޑުގަ މިވަގުތު އެއްވެސް އެއްޗެއް ނޭޅޭނެ ހަމަ މިހެން އޯޕެން ކޮން ބައިންދަން ޖެހޭނީ.. ދޮރު ކައިރީގަ މިހުރީ.. ކަމެއް ބޭނުން ވެއްޖެނަމަ ކޯލް މީ.. ނައު ޓޭކް އަ ރެސްޓް“ ރުއާނާގެ ގައިމަތީގައި ރަޖައެއް އަޅާލަ ދިނުމަށްފަހު ލިއަމް ނުކުމެގެން ދިޔައެވެ.
އަތުގައި ވާ ރިހުން ކުރިއަށް ވުރެން މަޑުވެގެން ދިޔައިރު ރުއާނާގެ ދެލޮލަށް ވެރިވެގަތީ އަޖައިބެއް ފަދަ ގަދަ ނިންޖެކެވެ. އޭރުން ހުންގަނޑު ވެސް ހުރީ މަޑުވާ އަތައް އަޅާފައެވެ.
****
”މިއޮއް އުޅެނީނު… ކޮބާ ކީއްވެ ދެމީހުން ކްލާހަށް ނުދިޔައީ؟“ ލިފްޓުން ފޭބި އީތަން އާއި ކައުންޓަރު ދޮށުގައި މަޑުކޮށްލައިގެން ހުރި އިޒްވާ ފެނި ،ކީވާން އެއްސެވެ. ކީވަން ބަލިމީހުން ބެލުމުގައި އުޅެފައި އައީ ސާޖަރީއަކަށް ދިޔުމަށެވެ.
”އިޒީ އަށް ތަންކޮޅެއް ލަހުން އާދެވުނީ..އެހެންވެ ކްލާހަށް ނުގޮސް މިކޮޅަށް މިއައީ..“ އިޒްވާ ބުނެލިއެވެ. އީތަން ވެސް ދިނީ އެޖަވާބެވެ. ދެމީހުންނަށް ބޯޖަހާލުމަށްފަހު ކީވާން ދިޔައެވެ.
”ވަޓްސް ރޯންގް؟ ސަމްތިންގް ހެޕެންޑް؟“ އިޒްވާގެ މިލާ މޯޅިވެފައިވާ މޫނުފެނުމުން ގޯހެއް އުޅޭކަށް ނަގައިގަންނާކަށް އީތަންއަކަށް އުދަނގުލެއް ނުވިއެވެ. އިޒްވާ އިސްޖަހައިލި ތަން ފެނި އިތުރަށް ޔަގީން ވިއެވެ.
”އިޒީ.. ބްރޭކަށް ނުދަނީތަ؟“ އީތަންއަށް އެއްޗެއް ނުބުނެވިގެން އުޅެނިކޮން އައިސް މަޑުކޮށްލީ ޔީލާއެވެ. ވަގުތުން އީތަންގެ މުޅި މިޒާޖު ބަދަލްވިއެވެ. މޫނަށް ވެރިވެގަތީ ފޫހިކަމެވެ. އިޒްވާއާއި ގާތައް ޖެހިލަމުން ކޮލުގައި ހިފާލިއެވެ.
”ނޫނޭ.. އީތަންއާއި އެއްކޮން އެއްޗެއް ކާލަން މިދަނީ.. ސިސް ކޮންތާކަށް؟“ ޔީލާ ފެނުމުން ވެފައިވާ އުނދަގު ފޮރުވާލަމުން އިޒްވާ ގަދަކަމުން ހީލިއެވެ.
“ ނޫހް އެބައިން ކެންޓީނުގަ..އެހެންވެ މިދަނީ… އޯކޭ ..ސީ ޔޫ ލޭޓާރ“ ޔީލާ، އިޒްވާއަށް ހިނިތުންވުމެއް ރައްދުކޮށްލިއެވެ. ދަމުން ދިޔައީ އީތަންއަށް ފޫހިގޮތަކަށް ބަލައިލާފައެވެ. އީތަން އެނގޭކަމަކަށް ނުހަދާ ހުރިހާ ސަމާލުކަމެއް ދީގެން ހުރީ އިޒްވާއަށެވެ.ޔީލާ ’ނޫހް’ގެ ނަން ބުނެލި ހިނދު ވަކިން ބޮޑަށް އިޒްވާގެ މޫނު ބަނަވިގޮތް ފެނި އީތަންއަށް ކޮންމެވެސް ވަރަކަށް ވާނުވާ އެނގެން ފެށިއެވެ.
”ނައު ޓެލް މީ، ވަޓްސް ރޯންގް؟ ނޫހްގެ ކަމެއް ދޯ؟ ކީއްވެތަ މިހާރަކަށް އައިސް އޭނާ މާ ވަރަކަށް މިތަނުން މި ފެންނަނީ.. ޕައިލެޓް އެއްނު.. ދެއިރު ދެދަޅައަށް އޭނާ އަންނަން ޖެހޭނީ މިތާކަށް ނޫނެއްނު.. ހީވާކަހަލަ ހުރިޙާ ފްލައިޓްތަކެއް އޮތީ މިތާގަ އޭ“ އީތަންގެ ވާހަކަ ހުރިގޮތުން އެޙާ ބޮޑަށް ތަބީއަތު ގޯސްވެފައި ހުއްޓާވެސް އިޒްވާއަށް ހެވުނެވެ.
”ހަހަހަހާ…ޝުޑް ވީ ގޯ ދެއާރ؟.. އައި ވޮނަ ޕްރޫވް ހިމް، އަމް ނޯ ލޯންގާރ ހިޒް ޓޯއީ“ އިޒްވާގެ ހީލިތަންފެނި އީތަންއަށް ވެސް ހީލެވުނެވެ.
ތިރިއަށް ދިޔަ މަގުމަތީގައި ނޫހް، އިޒްވާއަށް ހެދިގޮތުގެ ވާހަކަ ތަފްސީލާއި އެކު އީތަންއަށް ކިޔައިދިނެވެ. ހެނދުނުގެ ހާދިސާ ވެސް މެއެވެ.
”ވަޓް ދަ! ހައު ޑެއާރ ހީ“ އީތަންއަށް މުށްކަރުވާލެވުނެވެ. ރުޅިގަދަވެގެން ގޮސް ތުންފަތް ހަފާލެވުނީ އޭނާއަށް ހަޑިއެއްޗެއް ބުނެވިދާނެކަމުގެ ބިރަށެވެ.
”ހައު ކުޑް ޔޫ އީވެން ސްޓޭ ސައިލެންޓް! ޓެން އިޔާޒް؟ އޯހް މައި ގޯޑް.. އާރ ޔޫ ކްރޭޒީ… ދެން ދުވަހަކު ވެސް އޭނާގެ ގާތައް ގޮސްގެން ނުވާނެ!“ އީތަން ރުޅިގަދަވި ވަރުން އޭގެ ރަތް ކަން މުޅި މޫނުގައި ވިއެވެ.
އެއްޗެއް ބުނަން އުޅެފައިވެސް އިޒްވާ މަޑުޖެހިލީ ލިފްޓްގެ ދޮރު ހުޅުވުމުންނެވެ. ބޭރަށް ނުކުމެވުމާއި އެކު އިޒްވާގެ އަތުގައި އީތަން ހިފާލިއެވެ. ދެމީހުންގެ ގުޅުވާލެވިފައިވާ އަތައް އިޒްވާއަށް ނަޒަރެއް ދެވުނެވެ. ނޫހްގެ ސަބަބުން ޒަހަމްވެފައިވާ އޭނާގެ ހިތައް،އެކަމުން ޒާތެއްގަ ހިތްހަމަ ޖެހުމެއް އިޙްސާސްވަމުން ދިޔައެވެ. އޭނާ މިއަދު ބޭނުން ވަނީ އެފަދަ ގާތްކަމެކެވެ. ކެންޓީނަށް ވަދެވުނު އިރު މޭޒެއްގެ ދޮށުގައި ޔީލާއާއި ނޫހް ތިބިތަން ފެނި އިންތިހާއަށް އުނދަގޫ ވިއެވެ. އީތަންގެ އަތައް ބާރުކޮށްލެވުނު އިރު އެމީހުން ތިބިތަން ލޮލުގެ އިޝާރާތުން ދައްކާލިއެވެ.
”ޑޯންޓް ވޮރީ.. މަ ހާދަ ބޭނުންވެއޭ ޔީލާ އޭ ކިޔުނު ބި*ގެ މޫނަށް އަޜާ ކުލަވަރު ދެކެން“
”އަހަހަހަ…ޝީ އިޒް މައި ސިސްޓާރ“
”ހެވޭ.. އައި ޑޯންޓް ކެއާރ.. މަށާއި ލޫކް އާއި ވެސް އެހާ ކްލޯޒްވީ އިރު އަދި ޔީލާ މިވީ އޭނާގެ ދައްތަ އަށް.. ހަޑި ދޯ“ އީތަން ވާހަކަ ދައްކަމުން ދިޔަ ގޮތުން އިޒްޥާއަކަށް ނޫހީއެއް ނުހުރެވުނެވެ.
އިޒްވާގެ އުނަގަނޑުގައި އަތް އަޅުވާލަމުން އީތަން މިސްރާބު ޖެހީ ސީދާ އެމީހުންނާއި ގާތުން ކައުންޓަރަށް ދާށެވެ. އެމީހުން ބަލަން ތިބިކަން އެނގިހުރެ ، ނުފެންނަ ކަމަށް ހަދާފައި ހީ ސަކަޜާތް ޖަހަމުން ދެމީޙުން ގޮސް ކައުންޓަރު ދޮށުގައި ހުއްޓުނެވެ. ދެ އައިސް ކޮފީއަށް އޯޑާރ ދިނުމަށްފަހު އެތަނުން ދިން ނަމްބަރުކޮޅު ހިފައިގެން ނުކުމެލީ ބޭރަށެވެ. ކޮންމެވެސް ވަރަކަށް ފިނިކޮން އޮތުމުން އީތަން ހުރީ ހީކަރުވައި ގަންނަގޮތްވެފައެވެ. ނަމަވެސް އިޒްވާ ކިބަޔަކުން އެފަދަ ކަމެއް ނުފެނެއެވެ.
”މްމްމް ސޯ ރިފްރެޝިންގ…“ ދެއަތް މައްޗަށް ހިއްލާލަމުން އިޒްވާ ލޯމަޜާލިއެވެ. ކުރިން ހުރި މޮޅިވެރިކަން ފިލާ ކޮންމެވެސް ވަރަކަށް އިޒްވާ ހަމަޖެހިފާ ވާތަން ފެނި އީތަންއަށް ވެސް ހަމަޖެހުމުގެ ނޭވާއެއް ލެވުނެވެ. ބައެއްފަހަރު އެހިނިތުންވުމުން އީތަންއަށް ނޭނގޭ އުފާވެރިކަމެއް ލިބެއެވެ. އިރުކޮޅަކު އިޒްވާގެ މޫނަށް ބަލަހައްޓައިގެން އޭނާއަށް ހުރެވުނެވެ.
”ހާދަ ފިންޏޭ .. އިޒީ ހިއެއް ނުކަރުވާތަ؟..އައި ތިންކް ދެން ނެތް ކަންނޭގެ ދޯ މާގިނަ ވަގުތެއް ޑިއުޓީ ނިމެން.. ހިނގާ ރައިޑްއަކަށް ދާން“ އީތަން އެދުމާއި އެކު އިޒްވާ އުފާވެފައި ހުރެ ބޯޖަހައިލިއެވެ.
”ރުއާ ދުނިޔޭގަ ނެތީތަ؟ ހާދަ ވަރަކަށް ގުޅިއްޖެއޭ.. ހަބަރެއް ނުވި.. މެސެޖް ކުރެވުނު އަދަދެއް ވެސް ނޭނގުނު“
”ތި ވާހަކައެއްނު މިކިޔަނީ.. އިޒީވެސް ހާދަ ވަރަކަށް ގުޅަން އުޅެފީމޭ.. ޖުނާ ސިސްޓާރ ބުނި ހެނދުނު ކްލާހަށް އައޭ..އެހެންވެ ހޯދަން ދިޔައިރު ކްލާސްތައް ނިމިއްޖެ.. އެކަމަކު ރުއާއެއް ނުފެނުނު..“ މާޔޫސް ކަމާއި އެކު އިޒްވާ ވެސް ބުނެލިއެވެ. ނިމިގެން ރުއާނާ ހޯދަން ދިޔުމުގެ އަޒުމުގައި އެނބުރު އެތެރެއަށް ވަނީ އޯޑާރ ދިން ކޮފީ ނިމިއްޖެތޯއާއި އެކުއެކީގައެވެ.
”ވެއިޓް ފޯނެއް“ އިޒްވާގެ ފޯނު ރިންގު ވަމުންދާތީ ބަލާލިއިރު ގުޅަނީ ލޫތްއެވެ.
”ކީކޭ ތިއްތީ؟ އޭން؟..އެހެންތަ.. މިދަނީ މިދަނީ“
”ކިހިނެތް ވީ؟“
”އެގުޅީ ތިއްތިބެ .. ޔެން ދައްތި މިކޮޅަށް ޑޮކް އަށް ދައްކާލަން އައިތަނާ ބަނޑުގަ ރިއްސާތި ވިއްސާ ކޮޓަރިއަށް ވައްދާފިއޯ.. ދޮންތިއަކަށް ވެސް ނޭނގޭނެ އޯ.. ކޮފީ ހިފައިގެން އެކޮޅަށް އާދޭ އެނގޭ.. އަހަރެން މިދަނީ“ އިޒްވާ އަވަސް އަވަހަށް ބުނެލަމުން ހިނަގައިގަތެވެ.
ޔޫމީންއަށް ގުޅައިގެން ހުރެ ލިފްޓަށް އެރިއިރު ލިފްޓުގައި ތިބި ނޫހް އާއި ޔީލާ ފެނި ހިންދިރުވާ ލެވުނެވެ. ޔޫމީން ފޯނު ނެގުމުން ކުޑަކޮން ވެގެން އުޅޭގޮތް ކިޔާލަ ދީފައި އަވަހަށް ހޮސްޕިޓަލަށް އައުމަށް އެދި އިޒްވާ ފޯނު ކަނޑާލިއެވެ.
”ޔެން ބަނޑުގަ ރިއްސަނީ؟ “ އިޒްވާ ފޯނުގައި ހުރެ ދެއްކި ވާހަކައިން ބައެއް އަޑު އިވިގެން ޔީލާ އަހައިލިއެވެ. އިޒްވާ ބޯޖަހައިލުމުން ޔެނާ އޮތް ތަން އީލާ އޮޅުން ފިލުވާލިއެވެ.
”ފަސްވަނަ ލޭބާރ ރޫމް.. އެތަނަށް މިދަނީ އަހަރެން ވެސް“ އިޒްވާ ޖަވާބު ދީފައި އިތުރަކަށް ވާހަކައެއް ނުދައްކައެވެ. އިސްޖަހާލައިގެން ހުރެ އަވަހަށް އައުމަށް ބުނެ ޔީލާއާއި ނޫހް އާއި އެކު ލިފްޓަށް އަރަން ޖެހުނުކަން އީތަންއަށް އަންގާލިއެވެ. ޔީލާ ވެސް ކައިރީގައި ހުއްޓާ ނޫހް ބަލަމުންދާކަން އެނގިގެން އިޒްވާ ގާތައް ހުރީ ވަރަށް ބޮޑަށް ރުޅި އައިހެވެ. ލިފްޓް ހުއްޓޭނެ އިރެއްގެ އިންތިޒާރުގައި ހުއްޓާ ނަސީބަކުން މަންޒިލަށް އާދެވިއްޖެއެވެ.
ވިއްސާ ކޮޓަރި ކައިރިއަށް ދެވުނު ތިބީ ކީވާންއާއި ކައިވަންއެވެ. ލޫތް އެތެރެއަށް ވަދެއްޖެކަމަށް ކައިވަން ބުނުމުން އިޒްވާ، ދެމީހުންގެ މެދުގައި އިށީންދެލިއެވެ. އޭނާގެ ފަހަތުން އައިސް ޔީލާއާއި ނޫހް ވެސް މަޑުކޮށްލީ އިޒްވާގެ ކުރިމައްޗަށް ވާހެންނެވެ. އޭރުވެސް ނޫހް ބަލަމުން ދިޔަގޮތުން އިޒްވާ އިނީ ރުޅިގަދަވެގެން ގޮސް އަތުން ފައިން ގޯހެއް ހެދޭވަރުވެފައެވެ.
”އިޒްވާ.. އައި ތިންކް ވީ ނީޑް ޓް ޓޯކް“ އެންމެން ތިއްބާ ނޫހްގެ އަޑުން އިޒްވާ ސިއްސުވާލިއެވެ. އިސްޖަހައިގެން އިނދެފައި އިސް އުފުލާލި އިރު އޭނާގެ މޫނަށް އެންމެންގެ ކަޅި ހުއްޓިފައި ވާތީ ވަކިން ރުޅި ގަދަވިއެވެ.
”ވަޓް؟“ ދެ ބުމަ އަރުވާލަމުން އިޒްވާއަށް އެހުނެވެ.
”އައި މީން ތަނަކުން ފެންނަ ފިރިހެނަކާއި ވާހަކަ ދެއްކުމުގެ ކުރިން އެމީހެއްގެ ގޮތް ބެލުން ވެސް ރަނގަޅު.. އެހެންނު؟ “ ނޫހްގެ ޖުމްލައިން ޔީލާވެސް ބަލައިލީ ހިތްހަމަ ނުޖެހިފައި ހުރެއެވެ. އީތަން ދެކެ ފޫހިވީ ނަމަވެސް އީތަން އަކީ ގޯސް ޒުވާނެއް ނޫންކަން އޭނާއަށް އެނގެއެވެ. ނޫހް އެބުނަނީ އީތަންގެ ޥާހަކަކަން ޔީލާއަށް އެނގެއެވެ. އެ ނޫން އިތުރު ފިރިހެނަކާއި އެކު އިޒްވާ ނުފެނެއެވެ. ހާއްސަކޮން ކައިވަން ވެސް އިންދާ އެފަދަ ގޮތަކަށް ނޫހްގެ ވާހަކަ އިޒްވާއާއި ދެކޮޅަށް ބެހެއްޓުމުން ނޫހްގެ ނަމުން އޭނާއަށް ގޮވާލެވުނެވެ. ނޭނގޭ ސަބަބަކާއި ހުރެ އިޒްވާ އޭނާއާއި ދުރުވެފައި ވީނަމަވެސް އަބަދުވެސް އެއީ އޭނާއަށް އެންމެ ހާއްސަ ކޮއްކޮއެވެ.
”ނޫހް .. ތަންކޮޅެއް ރެސްޕެކްޓާއި އެއްކޮން ވާހަކަ ދެއްކިއްޔާ މަށައް ރަނގަޅު .. އަހަރެމެން އެންމެންނަށް ވެސް އެބަ އެނގޭ އިޒީ އަކީ ހިލޭ ފިރިހެނުންގެ ފަހަތުން ދުވެ އުޅޭ ކުއްޖެއް ނޫން ކަން“ އިޒްވާގެ ތަބީއަތައް އައި ބަދަލް ދެކި ކީވާންއަކަށް މަޑަކުން ނުހުރެވުނެވެ. އޭނާ ހުރީ އިންތިހާއަށް ހިތްހަމަ ނުޖެހިފައެވެ.
”އިޒްވާގެ ގާތު އަހާބަލަ އީތަން ކިޔާ ޒުވާނާއާއި އޮތީ ކޮން ގުޅުމެއް ހެއްޔޭ! ދޮންބެގެ ރިޗްގެ ކަން ފެނިގެން ނޫނީ ކީއްވެގެންތަ އޭނާ ކަހަލަ ކަޓު މީހަކު އިޒީ އާއި ވާހަކަ ދައްކަން-“ ނޫހް އަށް ބުނެވުނީ އެހިސާބަށެވެ. އޭނާގެ މޫނު މައްޗަށް އަރައިގެން ދިޔައީ އިޒްވާގެ އަތުގެ ހަމަލާއެކެވެ.
”އަމް ސޮރީ ކުޑޫ ބަޓް އައި ހޭވް ޓް ޑޫ ދިޒް.. ވަޓް އިޒް ރޯންގް ވިތް ޔޫ؟ އެންމެންނަކީ ނޫހް ކަހަލަ ބޯހަމަ ނުޖެހޭ މީހުންނެއް ނޫނޭ.. ރިޗް ވީމަ އޭ ތިބުނާ ތަންކޮޅަށް ބަލާފަ ދެން އަހަރެން ހުންނަން ވީތަ އުމުރު ހުސްވަންދެން މީހަކާއި އަނގައިން ނުބުނެ.. ބުނަންތަ ވާހަކަ އެއް .. ދުވަހަކު ވެސް ދޮންބެ ނުބުނޭ ވަކި ލެވެލްއެއްގެ މީހަކު ޗޫސް ކުރާކަށް.. ދެން ހުރީ ކީވާންބެ އާއި ތިއްތި.. އެމީހުން ބުނީމަ ހުއްޓާނަން ކޮންމެ ކަމެއް ވެސް..އެކަމަކު ތިއީ ކާކުތަ މަގޭ ދިރިއުޅުމަށް ބަސް ކިޔަން…“ އިޒްވާގެ ރުޅިވެރި ބަސްތައް އިވި އެންމެންނަށް ލިބިފައިވަނީ ވަރުގަދަ ޝޮކެކެވެ. ހާއްސަކޮން ނޫހްއެވެ. އޭނާގެ މޫނުމަތިން ހިސާބެއްގެ ލަދެއް ފެންނަމުން ދިޔައެވެ.
”ބަލަ މަ ވެސް މީ އިޒްވާގެ ބޭބެއެއް“ ނޫހް ރުޅިވެރިކަމާއި އެކުބުނެލިއެވެ. އެހާ ރުޅިގަދަވެފައި ހުއްތާ ވެސް އިޒްވާގެ ޣާތައް ހިނި އަންނަން އުޅުނެވެ. ނޫހް ލަދެއް ވެސް ނުގަނޭ ހެއްޔެވެ. ބޭބެ އެކޭ ބުނަން އެއީ އޭނާގެ ހައިސިއްޔަތެއް ނޫނެވެ.
”އަހަރެންގެ ބޭބެ އެއް ވިއްޔާ އަހަންނަށް ދައްކައިދޭނީ ހެވާއި ނުބައި.. މުއްސަނދިކަމާއި ފަގީރުކަން އަޅާކިޔާކަށް ނޫން ދަސްކޮށްދޭނީ…އެހެންނޫނަސް އެންމެ ކުރިން ސުރެން ވެސް ބޭބެއިންގެ ލޯބި ދީގެން އުޅުނު މީހުން މަތިން މިހާރު ވެސް ހަނދާން ހުންނާނީ“ އިޒްވާގެ ޖުމްލަތަކުން ހީވީ ނޫހްގެ ލޭކެކިގަތް ހެންނެވެ. އެއްޗެއް ބުނަން އަނގަހުޅުވާލި ހިނދު ކައިވަން އަތްހިއްލާލައިފާ ދެފަރާތައް ބޯހޫރުވާލިއެވެ.
“އިޒީ އެބުނީ ތެދެއް.. އިޒީ ވާހަކަ ދައްކާނެ މީހަކާއި ނުދައްކާނެ މީހެއް އެނގޭނީ އިޒީއަށް.. ތިކަހަލަ ވާހަކައެއް ނޫހް ދެއްކިކަން އަލާނިއަލްއަށް އެނގިއްޖެނަމަ ވަރަށް ބޮޑަށް ރުޅި އަންނާނެ.. މުއްސަނދިކަމާއި ފަގީރްކަން އަޅާ ކިޔާއިރު އެނގެން ޖެހޭ އެބަ އެއީ އެއްވެސް އެއްޗެއް ނޫންކަން.. ކިތަންމެ ފައިސާއެއް އޮތަސް ދުނިޔެ ދޫކޮށް ދާއިރު އެކައްޗެއް ވެސް ނުގެންދެވޭނެ.. އެހެންނޫނަސް އީތަން އަކީ ރަނގަޅު ކުއްޖެއް….މަށައް ޔަގީން ލިއަމް އެކަމާއި ދެކޮޅެއް ނުހަދާނެ ކަން.. “ ކައިވަން އިޒްވާ ގެނެސް ކައިރީގައި ބައިންދާލިއެވެ. އޭނާގެ ކޮންމެ ޖުމްލައަކުން ހިތްހަމަ ނުޖެހިފައި ހުރިވަރު ހާމަވެއެވެ.
ލިފްޓުން ފޭބި ގޮތައް އެމީހުންގެ ވާހަކަ އިވޭ ހިސާބުގައި އީތަން ހުރި އިރު ތުންފަތުގައި ވީ ހިނިތުންވުމެކެވެ. އިޒްވާގެ ދިފާއުގައި އެންމެން ވާހަކަ ދެއްކި އަޑުއަހާފައި ހިތްހަމަޖެހުނެވެ. މިގުތު އެތަނަށް ދިއުން އެހާ ބުއްދިވެރިކަމަށް ނުވާތީ އިޒްވާއަށް މެސެޖެއް ކޮށްލަމުން ކައުންޓަރު މަތީގައި އޭނާގެ ކޮފީ އިންނާނެ ޥާހަކަ ބުނެފައި ، ދާކަން އަންގާލަމުން ނުކުތެވެ.
****
އަތުގައިވާ ގަޑިއަށް ދޭތެރެ ދޭތެރެއިން ނަޒަރެއް ރާބިއު ނަޒަރެއް ދެމުން ދިޔައިރު އަށެއް ޖެހި އިރު ވެސް ރުއާނާ ގެއަށް ނާންނާތީ އިނީ ފިކުރުބޮޑުވެފައެވެ. ދެތިން ފަހަރަށް ގުޅާލުމުން ވެސް ބިޒީ ކޮށްލުމަށްފަހު މަސައްކަތް ނުނިމޭކަމަށް ބުނެ ކޮށްލަނީ މެސެޖެކެވެ. އޭނާ ގެއިން ނުކުމަންނަން ވާއިރަށް ވެސް ރުއާނާއަށް ނާދެވިދާނެތީ ރާބިއު އިނީ ފިކުރުބޮޑުވާ ގޮތްވެފައެވެ.
ރުއާނާ ގާތުގައި މީހަކު ނެތި ބިލާލްއާއި ބައްދަލް ކުރަން ދާކަށް ރާބިއު ހިތެއް ނޭދެއެވެ. އޭނާ ދިޔައީ ފަރާތަކަށް އިންތިޒާރު ކުރަމުންވެ.
”ހާދަ ލަސްވެއޭ އެބަ..“ އެއްތާކު އިށީންދެގެން އިނުން ވެސް އޭނާއަކަށް ކުޅަދާނައެއް ނުވިއެވެ. ދެކޮޅަށް ހިނގަމުން ދާތާ އިރުކޮޅެއް ފަހުން ގޭގެ ބެލް އެޅި އަޑު އިވުނެވެ. ހަލުވި ފިޔަވަޅު ތަކެއްގައި ގޮސް ދޮރުހުޅުވާލި އިރު ކުރިމަތީގައި ހުރީ އަލާނިއަލް ފެނި ރާބިއުގެ މޫނުން ހަމަޖެހުމެއް ލިބުނެވެ.
”ފައިނަލީ .. ވަދޭ އެތެރެއަށް“ އަލާނިޔައަލްގެ ފަހަތުގައި މޫނު ނިވާކޮށްގެން ހުރި ޒުވާން ފިރިހެނެއް ވެސް ހުއްޓެވެ. އެމީހުން ވަންނަން ތަން ދީގެން ރާބިއު އެއްފަޜާތަކަށް ޖެހިލިއެވެ.
”ރުއާ ރަނގަޅު ތަ؟“ ފުރަތަމަ ވެސް ރާބިއު އަހާލިއެވެ. އަލާނިއަލް ގުޅާފައި ރުއާނާގެ ވާހަކަ ބުނީންސުރެން ރާބިއުގެ ދެފައި ބިމުގައި ހަރުލާ ގޮތެއް ނުވިއެވެ.
”ރަނގަޅު އިރާދުކުރެއްވިއްޔާ .. ކިހިނެތްތަ މިވަނީ ރާބިއު؟ ރުއާ ނުބުނާށޭ ބުނެފަ އޮތްވާ ވެސް ކަމެއް ގޯސްހެން ހީވެގެން ހަމަ މަށައް ގުޅަން ޖެހުނީ.. ޔެން ވިހައިގެން ނެރެންދެން ހުރެފަ މިއައީ.. އެހެންވެ ކުޑަކޮން ލަސް މިވީ“
”ރަނގަޅުތަ ދެކުދިން؟“ ރާބިއު އަހާލިއެވެ. އަލާނިއަލް ބޯޖަހައިލަމުން ޔެނާއާއި ތުއްތު ދަރިފުޅުގެ ހާލު ރަނގަޅު ކަމުގައި ބުންޏެވެ.
”ބޭބެ އެންގި ވަގުތުން ފެށިގެން އަހަރެން ހުރިން ރުއާއަށް ފާރަ ލައިގެން .. އެކަމަކު ރުއާ އެ ފަށުގެ ބޭނުމެއް ނުކުރޭ.. ކުރި ނަމަ ވަގުތުން އޭނާގެ ކުރިމައްޗަށް އަހަރެން ދިޔައީސް.. އެހެންވީމަ އެ އަނިޔާ އެއީ އެތަނުން ލިބުނު އަނިޔާއެއް ނޫން ކަމަށް ބޮޑަށް ބެލެވެނީ“ މޫނުގައި އަޅާފައި އޮތް މާސްކު ތިރިކޮށްލަމުން ޒައްޔާނު ވާހަކަ ދެއްކިއެވެ.
”ކޮން ފުޅިއެއް.. ކިޔައިދީބަލަ އެއްކޮން “ އަލާނިއަލްއަށް އަނެއްކާ ވެސް އެހުނެވެ. ރާބިއުއަށް ދެލޯ މަރާލެވުނެވެ.
”ކިޔައިދޭން މިގެނައީ .. އަހަންނަށް ހީވަނީ މިރޭ އެތަނަށް ގޮސްފިއްޔާ އަހަންނަށް ވެސް ސަލާމަތެއް ނުވެވޭނެހެން ފަސޭހައަކުން.. އެކަމަކު ބިލާލް އެދައްކާ ވާހަކައެއްގެ ތެދު ދޮގު ބަލަން ޖެހޭ އެބަ.. އަހަރެން ހީކުރީ އެދުވަހު ހައްޔަރު ތިން މީހުން މަރާލި ކަމަށް .. އެކަމަކު އޭނާ އައިސް ބުނަނީ މަރުނުވާކަމަށް.. ޑިފީ އަހަންނަށް ކޮށްދޭންވީ ކަމަކީ ގޮސް އަންނަން ދެން އަހަރެންގެ ދަރިފުޅު ބަލާލަ ދޭންވީ.. އެއީ މީހެއްގެ އަމާނާތެއް..އެކަންތައް އަހަންނަށް ކޮށްދޭނަންތަ؟“ އާދޭހާއި އެކު ރާބިއު އެއްސެވެ. ރުއާނާގެ ފުރިހަމަ ރައްކާތެރިކަން ޔަގީންކޮށްފައިމެ ނޫނީ އޭނާއާއި ދުރަށް ފިޔަވަޅެއް ވެސް ރާބިއު ނާޅާނެއެވެ.
”ރުއާ އާއި މެދު ހާސް ނުވޭ.. ފަށާބަލަނިކަން“ އަލާނިއަލް އަނެއްކާ ވެސް އެދުނެވެ. ރާބިއުއަށް ބަލައިލެވުނީ ޒައްޔާނުގެ މޫނަށެވެ.
”އެހާ ތަފްސީލްކޮން ކިޔައިދޭކަށް ވަގުތެއް ނެތް އެކަމަކު ކުޑަ ގޮތަކަށް ބުނެލަ ދެވިދާނެ.. ވިހި އަހަރު ކުރިން އެއީ… އަހަންނާއި ހޫރައިން މިއީ އެންމެ ކުރިން ސުރެން ލޯބީގެ ގޮތުން ގުޅިގެން އުޅުނު ދެމީހުން.. ލޯތްބަކީ ކޯއްޗެއްކަން ކިރިޔާ އެނގޭނީ…އަހަންނަކީ ނިކަމެއްޗެއް.. ހޫރައިން އެއީ މުއްސަނދި ދެމަފިރިއެއްގެ ހަމަ އެކަނި ހުރި ފުރާނަ..ވަރަށް ހަމަ ޖެހިގެން އުޅުނީ ވަރަށް އުފަލުގަ..އެކަމަކު އެންމެންނާއި ސިއްރުން…ހުރިހާ ކަމެއް ބަދަލްވީ ހޫރައިންގެ އާއިލާއަށް އެނގުނު ހިސާބުން.. ހޫރައިންގެ ބައްޕައާއި ކަނެކްޝަން އިންނަ ފަރާތެއް އެއީ އެތަނުގެ ވެރިއަކަށް އޭރު ހުރީ.. އޭނާގެ ފިރިހެން ދަރިއާއި ހޫރައިންގެ ކައިވެނި އެއީ އާއިލާގެ ތެރޭގައި މާކުރިން ވެސް ރޭވިފަ އޮތް ކަމަކަށް ވަނީ.. ހޫރައިން އަށް އެކަން އެނގުނީ އަހަންނާއި ކައިވެނި ކުރަން ބޭނުން ވެގެން އޭނާގެ އާއިލާ ގާތުގަ ބުނި ދުވަހު.. ގޯސް ވީ އެހިސާބުން“ ރާބިއުއަށް ލޯ މަރާލެވުނެވެ. އެވާހަކަ ދެއްކުން އެއީ ކިހާ އުނދަގޫ ކަމެއްކަން އެމޫނުން ދޭހަވެއެވެ.
ދެލޮލުގެ މިޔަކަނުން ފޭދިފައި ހުރި ކަރުނުތަކާއި އެކު އެހީއަކަށް އެދި އޭނާ ބަލައިލީ ޒައްޔާނުގެ މޫނަށެވެ. ޒައްޔާނުއަށް ދޫކޮށްލެވުނީ ފުންނޭވާއެކެވެ.
****
(ނުނިމޭ)
Comments (1)
Fathsays:
ނޮވެމްބަރ 7, 2025 at 23:38Alhey vvvv reethi mibaives mashaa Allah