ދެ ޒުވާނުން ފަސް އެނބުރުނީ ކޮޓަރީގެ ދޮރު ހުޅުވުނު އަޑުއަހާފައެވެ. ދޮރު ކުރިމަތީގައި ހުރި ރާބިއު ފެނި ރުއާނާ އަވަސްއަވަހަށް ދެލޯ ފުހެލަން އުޅުނެވެ. ރާބިއުގެ މޫނު ހުރިގޮތުން އެތަނުގައި ދެކެވުނު ވާހަކަ އޭނާ އަޑުއެހިކަން ރުއާނާއަށް އެނގުނެވެ. ރާބިއު އައިގޮތައް ލިއަމްގެ ގާތައް ހުއްޓި އޭނާގެ މޫނުމަތީގައި ހަށިގަނޑުގައި ހުރި ބާރެއް ލާފައި ޖަހާލިއެވެ. އޭރު ރާބިއުގެ ދެލޮލުން އަލިފާން ކަނި ބުރައެވެ.
****
ލިއަމްގެ މޫނުމަތީގައި ޖަހާލެވުމުން ރާބިއުގެ ހިތައް ހަމަޖެހުމެއް ލިބުނެވެ.
”ބައްޕާ.. ނޫން!“ ކަރުނު ތަކާއި އެކު ދެލޯ ބޮޑުކޮށްލައިގެން ހުރެ ރުއާނާއަށް ގޮވާލެވުނެވެ.
”ދަރިފުޅާ ވެއިޓް…އެއްވެސް ބައްޕައަކަށް ކެތެއް ނުކުރެވޭނެ އެމީހެއްގެ އަމިއްލަ ދަރިއެއްގެ ދެލޮލުން ކަރުނު ދެކޭކަށް.. އަދި އަމުދުން ކެތެއް ނުވާނެ އަމިއްލަ ދަރީގެ އެއްވެސް ކުށެއް ނެތި މީހަކު އައިސް އެ ފާޑަށް ބަވައި ގަންނަ އަޑު އަހާކަށް… ދަރިއަކު ނަމަވެސް ރުއާ ކުށެއް ކުރި ނަމަ ބައްޕަ ގަބޫލް ކުރާނަން ކުށެއް ކުރި ކަމަށް.. އެކަމަކު މިތާގަ އެކުއްޖާއަށް ކަމެއް ކުރެވޭ ވަރަށް ވުރެން ބަލިކަށި… ތިކޮޅުން، ތިކޮޅުގެ އަމިއްލަ އިމޭޖް ހަޑިވާން ނޭދޭހެން އެހެން މީހުން ވެސް ނޭދޭނެ އަމިއްލަ އިމޭޖް ހަޑިވާކަށް.. ފުރަތަމަ އައިސް ކަމުގެ ދެކޮޅު ބަލާލުން އެންމެ ރަނގަޅެއްނު! އެއީ އަހަރެންގެ ހުރި ހަމައެކަނި ދަރިފުޅު“ ވާނުވާ މާ ބޮޑަށް ނޭނގުނު ނަމަވެސް، ލިއަމްގެ ވާހަކަތައް އިވުމުން ރާބިއު ހުރީ އިންތިހާއަށް ލިއަމް ދެކެ ފޫހިވެފައެވެ. ވާހަކަ ދެއްކުނީ ވެސް އެހެން މީހުންނާއި ދައްކާހާ މަޑުމައިތިރި ކޮންނެއް ނޫނެވެ. އޭރު އަދްރެކް އާއި ކީވާން އާއި އިޒްވާ އެނބުރި އައިސް ތިއްބެވެ. ކުރިމަތިން ނިއުޅިގެންދިޔަ މަންޒަރުން ތިންމީހުން ތިބީ ދެން ހަނދާނެ ގޮތެއް ނޭނގިފައެވެ. ރާބިއުގެ ރުޅި އެއީ ހައްގު އެއްޗެއް ކަން ތިން މީހުނަށް ވެސް ގަބޫލްކުރެވެއެވެ.
ލިއަމް ބަހަކުން ބަހެއް ނުބުނެ އިސްޖެހިފައި ހުރިއިރު، އޭނާގެ މޫނުމައްޗަށް އަރައިގެން ދިޔަ ހަމަލާއިން ކޮލުގެ ހިސާބެއް ރަތް ވެފައި ހުއްޓެވެ. ނަމަވެސް ކުރިން ހުރި ރުޅިވެރިކަމެއް އޭނާގެ މޫނަކުން މިހާރު ނުފެނެއެވެ.
”ލިއަމް.. ޔޫ ޝުޑް އެޕޮލޮޖައިޒް“ ކީވާންއަށް ބުނެވުނެވެ.
”ނޫނޭ އޭނާގެ އިމޭޖް ހަޑި ވެދާނެ އޭނައަށް ވުރެން ދަށް ފެންވަރުގެ ކުއްޖެއްގެ ގާތުގަ މާފަށް އެދެން ވީމަ..އެހެންނޫނަސް ރުއާ ވޯންޓް މައިންޑް އިޓް.. އެއަށް ވުރެން ރަނގަޅަށް ތަރުބިއްޔަތު ކޮށްފަ ހުރި ކުއްޖެއް އެއީ.. އަޅާ ނުލާ ..“ ލިއަމްއާއި ދިމާ ބަލާ ވެސް ނުލާ ރާބިއު އެނބުރުނީ ކީވާންއާއި ދިމާލަށެވެ.
ލިއަމްއަށް ބަލައިލެވުނީ ރުއާނާގެ މޫނަށެވެ. ހަތަރުކަޅި ހަމަވެގެން ދިޔައިރު އެއްޗެއް ނުބުނި ނަމަވެސް ރުއާނާގެ މޫނުން ފެނިގެންދާ ކުލްވަރުން އޭނާއަށް ހެދުނީ ޅަ އެއްޗެއްކަން އިޙްސާސް ވަމުންދިޔައެވެ. ރުއާނާގެ އަތައް ގުޅާފައިވާ ކެނިއުލާވެސް ލިއަމްއަށް ފެނުނީ އެވަގުތެވެ. އެތަނަށް ވަތް އިރު އައިވީ ފުޅި ނައްޓާލާފައި އިނުމުން އޭނާއަށް އެހާ ބޮޑަށް އެކަންތައް ލޮލުގައި އަޅައި ވެސް ގަންނަ ގޮތް ނުވީއެވެ. އެތަނުން ނުކުމެގެން ދިޔައިރު ރާބިއުގެ ކޮންމެ ޖުމްލައެއް ނުހަނު ހަރު އަޑުން އޭނާގެ ކަންފަތް ދޮށުގައި ހީވީ ގުގުމަމުން ދިޔަހެންނެވެ. އާދަޔާއި ހިލާފަށް އުނދަގޫ ވަމުން ދިޔައެވެ. ނަމަވެސް މިފަހަރު އެ އުނދަގޫ ވެގެން ދިޔައީ އޭނާއާއި ދިމާލަށް ރާބިއު އެހެން ކިޔުމުން އެކަމާއި އައި ރުޅި އަކުންނެތް ނޫނެވެ.
***
ފަތިސްވެގެން އައި އިރު މުޅި ހޮސްޕިޓަލްގެ ތެރޭގައި ގުގުމާލާފައި ވަނީ ބަންގީގެ އަޑުންނެވެ. ކޮންމެ ނަމާދެއްގެ ވަގުތުގައި އެފަދައިން އެތަނުން ބަންގީގެ އަޑު އިވެން ހުރެއެވެ. ދެ އަތައް ފުރޮޅިލަމުން ރުއާނާ ހޭލާފައި އިށީންދެލީ އެނދުގެ ފަޑީގައެވެ. ތިންވަނަ އައިވީ ފުޅި ގުޅާފައިވާ އިރު، ފުޅި ހުރީ ހުސްވާން ގިނަ ވަގުތެއް ނެތެވެ. އޭރު ރާބިއު ދުރުގައިވާ ސޯފާގައި ނިދިފައި އޮތެވެ.
”މިޙާރު އޯކޭ ވާނެ ފުޅި ނައްޓާލިއަސް.. އޯލްރެޑީ އަމް ޓޫ ފައިން“ އެކަނި ހުރެ ވާހަކަ ދައްކަމުން ރުއާނާ އެނދުން ތެދުވެލިއެވެ. ނަމަވެސް ކެނިއުލާ ނައްޓާލުމަށް ކަފަ ކޮޅެއް ވެސް އެތަނުން ނުފެނުމުން އައިވީ ފުޅި ނައްޓާލަމުން، ރުއާނާ ކޮޓަރީގެ ދޮރުހުޅުވާލާފައި ދޮރުން ބޯ ދިއްކޮށްލިއެވެ. ބޭރުގައިވާ ނާސިންގ ސްޓޭޝަނުގައި ހުރި ސެރާއަށް، އޭނާ ފެނުމުން ދުވެލާފައި އައެވެ.
”ޑޮކްޓާރ ރުއާނާ.. އަދި އެހާ ފިޓް އެއް ވެސް ނޫނެއްނު.. ހިނގާ ރޫމަށް“ ރުއާނާގެ އަތުގައި ހިފާލާފައި އޭނާ އުޅެގަތީ އަލުން ރުއާނާ ކޮޓަރީގެ ތެރެއަށް ވައްދާށެވެ.
”ސެރާ އަމް ކޮމްޕްލީޓްލީ ފައިން އޭ.. މިހާރު ހަމަ ބޭނުންވަނީ ކެނިއުލާ ނައްޓާލަން.. އައި ނީޑް ސަމް ކޮޓްންސް“ ނިކަން ހަމަޖެހިލާފައި ރުއާނާ ބުނެލިއެވެ. ވަގުތުން ސެރާ ދެކޮޅުހެދިއެވެ.
”ދެން ޕްލީޒް..ޕްލީޒް..ޕްލީޒް“
”ދެން ނޯ.. ނޯ..ނޯ.. ދި ޑޮކްޓާރސް އާރ ގޮނަ ކިލް މީ“ ބިރުގަނެފައި ހުރެ ސެރާ ބުނެލިއެވެ. އެންމެ ފަހުން އޭނާ އެއްބަސް ނުވުމުން ރުއާނާ ކެނިއުޅާ ދަމައިގަތެވެ. އެހިނދު ލޭގަނޑު އޮހޮރިގެން އައެވެ.
”ޑޮކްޓާރ!! “ ސެރާއަށް ދެލޯ ބޮޑުކޮށްލާފައި ހަޅޭއްލަވައި ގަނެވުނެވެ. ދުވެލާފައި ގޮސް އައީ ކަފަކޮޅެއް ހިފައިގެންނެވެ. ތަދުވި ނަމަވެސް ރުއާނާއަށް، ސެރާ އުޅޭމުން ދިޔަ ގޮތް މަޖާވެގެން ހެވިފައި ހުއްޓެވެ.
”އިޓްސް އޯކޭ ސިސްޓާރ.. އަހަރެން ހަމަ އަސްލުގަ ވެސް ވަރަށް ރަނގަޅު.. ޕްރޭ ކޮށްގެން އެއްޗެއް ކައި ނިމޭއިރު ދެން ނުޥާނެ މާ ގިނައިރެއް.. އޮންނާނީ ކްލާސް ފެށިފަ .. ސޯ އައި ބެޓާރ ބީ ރެޑީ“ ހިނިއައިސް ހުރެފައި، ސެރާގެ ކޮނޑުގައި ރުއާނާ އަތުން ޖަހާލިއެވެ. އެންމެ ފަހުން ރުއާނާ ގޮތް ދޫ ނުކުރާނެކަން އެނގުނީ ކަންނޭގެއެވެ. ސެރާ ބޯ ޖަހާލައިފިއެވެ. އެހެންނޫނަސް ކެނިއުލާރ ވެސް އެއޮތީ ދަމައިގަނެފައެވެ.
ނަމާދުކުރަން ހާއްސަ ކޮޓަރިއަށް ވަދެ ނަމާދުކޮށްލައިގެން، އަލުން އެނބުރި ކޮޓަރީގެ ތެރެއަށް ވަތްއިރު ރާބިއު ވެސް އިނީ ކޮޅަށެވެ. ރުއާނާ ފެނުމުން ނިތް އަރުވާލިއެވެ.
”ބައްޕަ ހީކުރީ ދަރިފުޅު ފާހާނާގަ ކަމަށް.. އަތައް ކީއްކޮށްފަ؟“
”އަތަކަށް ކަމެއް ނުވެއޭ.. މިހާރު ދޫކޯށްލީއޭ..ދެން ދަމާ ހިނގާ އެއްޗެއް ކާލަން.. ނަމާދު ވެސް ކޮށްގެން މިއައީ“ ކޮޓަރީގެ ތެރެއިން ނުކުންނަމުން ރުއާނާ ބުނެލިއެވެ.
”ދަރިފުޅަށް ގެނައި ހެދުން ވެސް ވެއްޖެ ކާރުގަ ..“
ދެމީހުން އެކުގައި ނުކުމެ މިސްރާބު ޖެހީ ހޮސްޕިޓަލްގެ ކެންޓީނަށެވެ. އެތަނުގައި އާންމު އުސޫލުން މީހުން މަދު އިރެއް ނާދެއެވެ. އެވަގުތު ވެސް މީހުން ފުދޭވަރަކަށް އުޅޭއެވެ. ބަލިމީހުންނާއި އެމީހުންގެ އެހީތެރިންނާއި ތަނުގެ މަސައްކަތް ކުރާ މުވައްޒަފުންނެވެ.
”ހެލޯ..ރާބިއު..“ މޭޒެއް ހޯދުމަށްފަހު ކާ އެއްޗިސްއަށް އޯޑާރ ދީފައި ދެމީހުން ގޮނޑިތަކުގައި ހަމަޖެހިލި ހިނދު އެތަނަށް އައިސް މަޑުކޮށްލި ޑޮކްޓާރ ކައިވަން ފެނި ރުއާނާ އަށް އިސްޖެހުނެވެ. ބައްދަލު ނުވިނަމަވެސް އެއީ ކައިވަންކަން، ހަމަ ފެނުމާއިއެކު ރުއާނާއަށް އެގިއްޖެއެވެ. ކީވާންއާއި ނުހަނު ވައްތަރެވެ.
”ކައިވަން.. “ ރާބިއު ގޮނޑިން ތެދުވެ ސަލާމަތް އަތްދިއްކޮށްލިއެވެ. ރާބިއު ހީލި ގޮތުން ކައިވަންއާއި އޮތްގުޅުން ވަރުގަދަކަން ހާމަވެއެވެ. ރާބިއުގެ މިޒާޖު ހުންނަގޮތުން އެފަދައިން ހީލާ އުޅުމަކީ ވަރަށް ނުކުރާ ކަމެކެވެ. އަބަދުވެސް ފެންނަން ހުންނަނީ އޭނާގެ ސީރިއަސް މިޒާޖެވެ.
”ރޭގަ ބައްދަލް ކޮށްލަން ކިޔާފަ ވެސް ފަހުން އަނެއްކާ އެމަޖެންސީ ސާޖަރީއަކަށް ދާން ޖެހިގެން ދެވޭގޮތެއް ނުވިއޭ..އަދި މިއުޅެނީ ގެއަށް ނުގޮސް މަ ވެސް.. ޑިފީ ކައިރީގަ ވެސް ބުނީމޭ ރާބިއު ރޭގަ އުޅުނު ވާހަކަ..އޭނާ ގެއަށް ދިޔަ ވަގުތު މަށައް ބުނެވުނީ އެހެންވެ ބުނި މިއަދު އައިސް ވާނެއޭ ދިމާކޮށްލަން.. މީތަ ރުއާ އަކީ.. “ އެމީހުންގެ ގާތުގައި ގޮނޑިއެއް ދަމާލަމުން ކައިވަންވެސް އިށީނެވެ.
”އިޒް ހީ ޓޯކިންގ އެބައުޓް ޑޮކްޓާރ އަލާނިޔަލް..އައި ހާރޑް ހިޒް ނިކް ވޯޒް ޑިފީ.. އޯހް ގޯޑް..ޑޭޑް ޔޫ އާރ ޖަސްޓް ފުލް އޮފް ސަޕްރައިސެސް.. އައި ކޭންޓް ބިލީވް އައި ލިވްޑް އަންޑާރ ސޭމް ރޫފް ވިތް ޔޫ ފޯރ ޓްވެންޓީ ފައިވް އިޔާރސް“ ރުއާނާގެ ހިތުގައި އެ ބަސްތައް ވީ އިރު އިނީ ނުހަނު ހައިރާންވެފައެވެ. ރާބިއު އަށް ރުއާނާގެ މޫނުމަތިން އެކުލަވަރު ނަގައިގަނެވުނީ ކަންނޭގެއެވެ. ބަލައިލުމަށްފަހު ހީލީ ތަފާތުގޮތަކަށެވެ.
”ޔެސް މިއީ .. ރޭގަ ފޯނުން ކިޔައި ދިނީމެންނު“ ރާބިއު ޖަވާބު ދިނީ ކައިވަންގެ ސުވާލަށެވެ.
”އޯހް.. ނޯ.. ރުއާ އަމް ރިއަލީ ސޮރީ.. ލިއަމްގެ ފުށުން އެހާ ބޮޑު ކަމަކާއި ކުރިމަތި ލާން ޖެހުނީމަ.. ލިއަމްއަކީ އަސްލު ވަރަށް ރަނގަޅު ކުއްޖެއް.. އޭނާއަށް ހަމައެކަނި ޓޮލެރޭޓް ނުކުރެވޭނީ އޭނާ އެބުނިހެން އޭނާގެ އިމޭޖް ހަޑި ވާތަން ދެކެން..އެކަމަކު ތަނެއް ދޮރެއް ބަލާ ނުލާ ރުއާ އާއި ދިމާލަށް ހައްގުން ކަމަކާއި ނުލާ އެގޮތައް އެއްޗިހި ކިއުން ބަލައެއް ނުގަނެވޭނެ.. އައިލް ޓޯކް ޓް ހިމް“ ރުއާނާގެ ކޮނޑުގައި އަތް ލައިގެން އިނދެ ކައިވާން ވާހަކަ ދައްކަމުން ދިޔައީ ނުހަނު ގާތް ގޮތަކަށެވެ. އޭނާއަށް އިތުރު އެއްޗެއް ނުބުނެވެނީސް އައިސް ހުއްޓުނީ އަލާނިއަލް އެވެ. ރުއާނާ އިނީ ހިސާބަކަށް ލަދުގަންނަ ގޮތްވެފައެވެ.
”ހެލޯ މައި އޯލްޑް ފްރެންޑް..، އިޒް ދިޒް ރުއާ؟ “ ފުރިހަމަ ހިނިތުންވުމެއްގައި ހުރެ އަލާނިޔަލް އައިސް ރާބިއުގެ ގައިގާ ބައްދާލިއެވެ. ރާބިއު ވެސް ނިކަން ހިނިއައިސް ހުރެ ބޯޖަހައިލިއެވެ.
”ރުއާ އަށް އެނގޭތަ ބައްޕަ މީ ނިކަން ވަގުވެގެން އުޅޭ މީހެއް..“ އަލާނިޔަލް ބުނެލިގޮތުން ރާބިއު ދެލޯ ހަނިކޮށްލިއެވެ. ބައްޕަގެ ލާނެތް ފަރާތް އެހާ ދުވަސްފަހުން ފެނުމުން ރުއާނާއަށް އިނދެވުނީ މަޖާވެފައެވެ. އެމީހުންގެ ގާތުގައި ރުއާނާ އިންތަން، މައުވާއަށް ފެނިއްޖެނަމަ އޭނާ ކައިވެސް ލާފާނެއޭ ހިތައް އަރާ ހިނިއައެވެ. ޑިއުޓީގެ ކުރިން ތައްޔާރުވެލަން ބޭނުން ވާތީ ރާބިއުގެ ހުއްދަ ހޯދައިގެން ރުއާނާ ތެދުވިއެވެ. ދެވެން އިނީވެސް ރާބިއުގެ ކާރުން ހެދުން ނަގައިގެންނެވެ. މިހާރު ކިލާސް ފެށެން ވެސް މާގިނަ އިރެއް ނެތެވެ.
”އޯލްރެޑީ ބުނެފިން އެކަން އެ ހިނގާ ދިޔަ ގޮތް ވީ އެންމެ އަވަހަކަށް ބަލަން…“އިއްޔެގެ ހާދިސާ އަލާނިއަލްއަށް ކުރިން ކައިވަން ކިޔާދީފާއިވާތީ ރުއާނާ ދިޔުމުން އަލާނިއަލް ބުނެލިއެވެ. ރާބިއު އޭނާއަށް ސިފަ ކުރެވުނު މަންޒަރު ދެމީހުންނަށް ކިޔައިދިނެވެ. އޭނާގެ ހަގީގަތް އެމީހުންނަށް އެނގޭތީ އިތުރަށް ފޮރުވުމުގެ ބޭނުމެއް ނެތްތާއެވެ. ދެމީހުންގެ މޫނުންފެނުނީ ހައިރާން ކަމެވެ.
”ސޯ މައުވާ އަކީ އަހަރެމެން ނަސްލު؟ “ ގަބޫލް ކުރަން އުނދަގޫ ވެފައި ހުރެމެ އަލާނިއަލްއަށް އެހުނެވެ. ރާބިއު ވަކި އެއްޗެއް ނުބުނެއެވެ.
”ބަޓް..ވައި އިޒް ދެޓް ޕޮސިބަލް؟“
”ރޭގަ ރުއާގެ ނިތް ކުރީގައި ޖައްސާފަ ބެލިން .. އެނގެއެންނު އިންސާނެއްގެ ކަމެއް ވިއްޔާ އަހަންނަކަށް އެގޮތަކަށް ނުފެންނާނެ ކަން..އަހަރެމެންގެ ތެރެއިން މީހަކު ވީމަ އެގޮތައް އެފެނުނީ“ ރާބިއު އިތުރަށް ކިޔައިދިނެވެ.
”ސޯ ރުއާ އަށް ވަރަށް ބަލަން ޖެހޭނެ ދޯ…އޭގެ ކުރިން މައުވާ ވަޒީފާއިން ވަކިކުރަންވީ..އޭރުން ހަމަ ގައިމުވެސް މިތަނުން އެގޮތަކަށް ދިމައެއް ނުކޮށްލެވޭނެ“ ކައިވަންގެ ވިސްނުން ވެސް ހާމަ ކުރިއެވެ. އެކަމަށް އަލާނިއަލް ތާއީދުކުރިއެވެ.
”ނޫނޭ… މައުވާ އަދި ބަހައްޓާ.. އަދި ވާނުވައެއް ވެސް ނޭނގޭ..އަނެއްކާ އަނެއްކޮޅުން މިތަނުގައި ބަހައްޓާއިގެން ނޫން ގޮތަކަށް އޭނާގެ އިންފޮމޭޝަން އެއް ވެސް ނޭނގޭނެ.. އެނގޭތަ އޭނާގެ އެއްވެސް އިންފޯރ އެއް؟“
”އޭނާ އެއީ ޑޮކްޓާރ ރަފައެލްގެ ފިރިހެން ދަރިއާއި އޭނަގެ އަނބިމީހާ ރާއްޖެއަށް ކުރި ދަތުރެއްގަ އެޑޮޕްޓް ކޮށްގެން ބެލި ކުއްޖެއްކަން އެނގިފަ އޮތީ.. ޑޮކްޓާރ ރަފައެލް މިބުނީ ހޮސްޕިޓަލް ބޯޑު މެމްބާރ ރަފައެލް..“ އަލާނިޔަލްގެ ޖަވާބު އަހާފައި ރާބިއު އަށް ބޯޖަހައިލެވުނެވެ.
”ސޯ އަހަރެން ބަލާލާނަން އެމީހުންނަށް ކިހިނެތް ލިބުނު ކުއްޖެއް ތޯ އެއީ.. އެކަމަކު މިހިތައް އަރަނީ މައުވާއަށް އޭނާގެ އެ ސައިޑް އެނގޭނަމަ މިހުރިހާ ދުވަސް ވި އިރުވެސް އެހެން މީހުންނަށް ނޭނގި ހުންނާނެ ބާއޭ“ ކައިވަން އެކަމާއި ހަވާލް ވިއެވެ.
”ވެދާނެ ނޭނގެނީ ކަމަށް ވެސް..އެހެންވެ މިބުނީ އިތުރަށް ބަލަން.. ދެން ރާބިއު އަލުން ޖޮބަށް ނުކުންނާނީ ކޮން އިރަކުން؟ މެޑްސިން ހަދާފަ ވީ ނުވީ އެއް ނޭނގޭ ޖޮބް އިން ކެނޑިގެން މިހާރު ތިއުޅެނީ ސެކިއުރިޓީ އޮފިސާރ އަކަށް… އަސްލު ކިހިނެތް ލައިފް ތި ދިޔައީ؟..“ މިފަހަރު އަލާނިއަލް ކުރި ސުވާލަށް ދޭނެ ޖަވާބެއް ނުވިސްނުނެވެ. އެހުރިޙާ ވާހަކައެއް އަދި ކިޔައިދޭކަށް އޭނާ ތައްޔާރެއް ނޫނެވެ. އޭނާ ބޭނުންވަނީ ކުޑަ ދުވަސް ކޮޅަކަށް ވިޔަސް ހަމަޖެހިލެވޭތޯ އެވެ.
”ލޯންގް ސްޓޯރީ.. އެ ވާހަކަ ބާއްވަމާ..ފަ-“
”ނޫން.. ނޫން..އަހަރެމެން މީ ކިހާ ގާތް ބައެއް.. ކިޔައިދީބަލަ.. ހުރިހާ ކަމެއް ރަނގަޅު ތަ؟“
”އިޓްސް އެބައުޓް ރުއާ.. ރެޑީ ވީމަ ކިޔައިދޭނަން..އަދިވެސް ރުއާ އެކަންތަކުން ހީލް ނުވޭ.. ހަގީގަތުގަ އަހަންނަށް ހެދުނު އެންމެ ބޮޑު ގޯހަކީ ރުއާއަށް އޭނާގެ ޕަވާސްތައް ބޭނުން ކުރަން ދަސްކޮށް ނުދެވުން.. އެކަމުން ލިބިދާނެ ގެއްލުމަކަށް ބަލާފަ ހުރެވުނީ..އެކަމަކު އިން ދި އިންޑް ބޭނުން ނުކޮށްދެވުނީމަ ވީ ގެއްލުން.. އޭގެ ބޭނުން ޖެހުނީ ނުވިސްނާ ހުއްޓާ“ ރާބިއުގެ މާޔޫސީ މޫނުގައި ހިތްދަތިކަން ވިއެވެ. އެ ވާހަކަ ތައް އިވި ކައިވާންއާއި އަލާނިއަލްއަށް އެކަކު އަނެއްކަކުގެ މޫނަށް ބަލައިލެވުނެވެ.
”ކިޔާ ދޭން ފަސޭހަ ވީ އިރަކުން ކިޔައިދިނަސް މައްސަލަ އެއް ނެތް..އެކަމަކު ވީ އެންމެ އަވަހަކަށް ކިޔައިދެއްޗޭ.. ރާބިއު.. ރުއާއަށް ޕަވާރސް ދަސްކޮށްދޭން ފަށައިފިންތަ؟“
”ނޫން.. އަހަންނަށް އަދި ހަމަ މި ވިސްނެނީ..އަނެއްކާ އަނެއްކޮޅުން ވަރަށް އޮކްވާރޑް ވާނެ ރުއާއަށް، އަހަރެން އެކަމާއި އުޅެފިއްޔާ.. އެހެން މީހަކު ހޯދަން މި މަސައްކަތް ކުރަނީ.. އެއީ ރޭގައި ކައިވަންއަށް ގުޅައިގެން ގެންދަން އުޅުނު ސަބަބު..މިކަމަށް ނެތް ތަ ޓްރަސްޓް ކުރެވޭނެ މީހެއް؟.. ކޮންމެ ކޮންމެ މީހެއްގެ އަތްމައްޗަށް ނުކެރޭނެ އެ ކުއްޖާ ދޫކޮށްލާކަށް..އެއީ މީހެއްގެ އަމާނާތެއް“
”ތިބުނީ؟“ އަލާނިއަލްއާއި ކައިވަންއާއި ދެމީހުންނަށް އެކުއެކިގައި އެހުނެވެ.
”ރު..ރުއާ އަކީ އަހަރެންގެ އަސްލު ދަރިއެއް ނޫން…“ ދެލޯ މަރާ ފިތާލައިގެން ރާބިއު ބުނެލީ އޭނާއަށް މިހާތަނަށް ބުނަން އެންމެ އުނދަގޫ ލަފްޒުތަކެވެ. ”އެންޑް ރުއާ ނޯޒް އެވްރީތިންގް..“
ކައިވަންއާއި އަލާނިއަލްގެ އަނގައިން ބަސް ހުސްވެފައިވާ ކަހަލައެވެ. ދެމީހުން މޫނުމަތިން ސިހުން ފެނިގެން ދިޔައިރު ވަނީ ވަރުގަދަ ޝޮކެއްގެ ތެރެއަށް ގަނބައި ގަނެފައެވެ.
****
ކްލާހަށް އެހެން ކުދިން ވަނުމުގެ މާކުރިން ރުއާނާ ގޮސް ވަނެވެ. އޭނާ އާންމުކޮން އިންނަ ގޮނޑީގައި އިށީންދެ އޭނާގެ ފޯނު މޭޒުމަތީގައި ބައިންދާފައި ކެމެރާ އޮންކޮށްލިއެވެ. މޭކަޕް ކޮށް ނޫޅުނު ނަމަވެސް އަތް ދަބަހުން ނެގި ފުއްދަޅުން މޫނުގައި ފުންކޮޅެއް ޖަހާލިއެވެ. ލިޕް ގްލޮސް އަކުން މަޑު ރަތްކުލައިގެ ތުންފަތް ފަވާލި ހިނދު އިތުރަށް ކުލަގަދަ ވިއެވެ. ފުނަލުން ބޯ ވެސް ރީތިކޮށްލަމުން، ހިތް ފުރޭވަރު ވުމުން ކެމެރާއަށް ބަލާލަމުން ހީލިއެވެ.
”މިއަދު ކްލާސް ފެށިގެން ނިމެންދެން އިންނަން ޖެހޭނީ އިސްޖަހައިގެން..“ ކިތަންމެ ހަމަޖެހި ލާފައި ރާބިއުގެ ކުރިމަތީގައި ހުރެފައި އައި ނަމަވެސް އެކަނިވުމުން ލިއަމް، އޭނާއާއި ދިމާލަށް ގޮވާލި އެތިވަރު ހަނދާންވެ އެ މޫނުން މޮޅިވެރިކަން ފެންނަމުން ދިޔައެވެ.
”ހީ ޝުޑް ހޭވް ޖަސްޓް އާސްކް.. ކީއްކުރާނީ ކޮންމެ ތަނެއްގައި ވެސް އޮންނާނީ މޮޅު މީހުންނަށް މޮޅު ގޮތް.. މައުވާ އާއި ލިއަމް ހާ ރިޗް ނޫން ވީމަ ވެސް އަހަރެން ދައްކާ ވާހަކަ އަޑެއް ނާހާނެ އެންނު… ނަސީބެއް ލިއަމްގެ ކުރިމަތީގަ އެއްޗެއް ނުބުނެވުން ކަން.. އައި ޑޯންޓް ވޮނަ ރުއިން މައި އިމޭޖް އީދާރ.. ބަސްއަހައިގެން ހުންނާނީ.. ބާކީ އޮތީ ހަތަރު މަސް ކިޔަވާ ނުނިމި.. ނިންމާފަ އެހެންތާކަށް ޖޮބްއަށް ދާނީ..“ އެކަނި އިނދެ ރުއާނާ ވާހަކަ ދައްކަމުން ދިޔައެވެ. ލިއަމްއާއި މެދު ތަފާތު ގޮތަކަށް ދެކެން ވެން ފެށިތާ ދުވަސްތަކެއް ނުވެ ހުއްޓާ ލިއަމް، ރުއާނާ ނުހަނު ބޮޑަށް ލަދުގަންނަ ވާލައިފިއެވެ. ލިއަމްގެ ރީތި ސޫރައިން ހިތައް ފާޑެއްގެ ދިރުމެއް އިޙްސާސް ވަމުން ދިޔަ ހިނދު މިހާރު މިވަނީ އެ ސޫރައާއި އެ އަސަރްތައް ހިތުން ފުހެލަން ވީ ވަގުތު އައިސް ޖެހިފައެވެ. ހިތައް އުނދަގޫ ވި ނަމަވެސް ރުއާނާ އެކަން ކުރާނެއެވެ.
އެގޮތުގައި އިންދާ ފަހަރަކާއި ކުއްޖަކު އަންނަމުން ގޮސް ކިލާސް ރޫމްތެރެ ހަލަބޮލިވާން އިރުކޮޅެއް ވެސް ނުނެގައެވެ. އީތަން ވެސް އައިސް ވަނެވެ. އޭނާގެ ފަހަތުން ހެން އިޒްވާއާއި ލޫކް ވެސް އައިސް ވަނެވެ.
”ރުއާ..ދޫން ހައުޒް ޔޫ؟ ފުރަތަމަ ވެސް މިދިޔައީ ރޫމްއަށް.. ސެރާ ސިސްޓާރ އިނީ.. ބުނެފި އަމިއްލައަށް ކެނިއުލާރ ނައްޓާލައިގެން ރުއާ އައިސްފިއޯ“ ރުއާނާގެ ގައިގާ ބައްދާލަމުން އިޒްވާ ބުނެލިއެވެ. ފަހު ޖުމްލައާއި އެކު އޭނާގެ އަޑުގައި ހުރީ ހިތްހަމަ ނުޖެހުމެވެ.
”އަމް ފައިން އޭ އިޒީ.. ލޫކް ކިހިނެތް ހުންގަނޑު؟“
”އަމް އޯކޭ.. ބައި ދި ވޭއި، ހާރޑް އެބައުޓް ލާސްޓް ނައިޓް..އާރ ޔޫ އޯކޭ؟“ ލޫކް އަހައިލުމުން އޭނާ ރަނގަޅު ކަމަށް ބުނެ ބޯ ޖަހައިލިއެވެ.
”ހާން ހާން ވަރަށް.. އައި ސޯ ޔޫ ލާސްޓް ނައިޓް.. ފޯރ އަ ސެކް އަ ފޮރގޮޓް ޓް ބްރީތް.. މައި ޕުއާރ ގާލް.. އެންޑް ރުއާ.. އަމް..އަމް ރިއަލީ ސޮރީ ފޯރ ވަޓް ހީ ސެއިޑް“ އިޒްވާގެ އަޑުގައިވީ މަޑުމޮޅިކަމުން ރުއާނާއަށް ނިކަން އަވަސް އަވަހަށް ދެފަރާތައް ބޯހޫރުވާލެވުނެވެ. އިޒްވާ ދައްކައިލީ ދޮރާއި ދިމާލެވެ. ބަލައިލި ހިނދު ފެނުނީ ލިއަމްއެވެ. ކަޅުކުލައިގެ އަތް ދިގު ޓީޝާޓާއި ޓްރައުޒާގައި ނުހަނު ފުރިހަމައެވެ. ލެޕްޓޮޕާއި ފޮތްތައް އެއްއަތުން ހިފައިގެން އައި އިރު އަނެއް އަތުން ފޯނާއި ކުޅެމުން ދިޔައެވެ. އޭނާގެ އަތުގެ މުލައްދަނޑީގައި އަޅުވާލެވިފައި އޮތް ކެހެރި ކޯޓު ގެންގޮސް ލެކްޗަރާރް މޭޒުގައި ހުރި ކަބަޑަށް ލަމުން އިސްއުފުލާލިތަން ފެނި ރުއާނާ އަވަހަށް އިސްޖެހިއެވެ.
”ޑޯންޓް ވޮރީ އައި ގޮޓް ޔޫ“ ރުއާނާއަށް ވީ ގޮތް ފެނި އިޒްވާ ބުނެލިއެވެ. ރޭގައި ލިއަމް، ރުއާނާއަށް ހެދިގޮތުން ހިސާބަކަށް އޭނާ ވެސް ހުރީ ލިއަމް ދެކެ ހިތްހަމަނުޖެހިފައެވެ.
“ އޯޕެން ޕޭޖް ނަމްބާރ ފައިވް ޓެން..“ފޮތެއް ހިފައިގެން ލިއަމް އައިސް ހުއްޓުނީ ކިލާސް މެދުގައެވެ. ލިއަމްގެ އަޑަށް ހުރިޙާ ކުދިން އިޖާބަ ދެމުންދިޔައެވެ. އޭނާއަށް ނަޒަރެއް ރުއާނާއަށް ދެވުނެވެ. ނަމަވެސް އިސްއުފުލާ ބަލާނުލިތާ މޭޒުމަތީގައި އޮތް ފޮތާއި ކަޅި ދުރު ނުކޮށްލައެވެ. ކްލާސް ފެށިގެން ނިމުނު އިރުވެސް ރުއާނާ އެފަދައެވެ.
އެންމެ ފަހަރު ވެސް އޮޅިގެން ވެސް ބަލާނުލިއެވެ. ލިއަމްގެ ހިތައް އުނދަގުލެއް ވެގެން ދިޔައެވެ. ހަގީގަތުގައި ރޭ އެންމެ ނިދިކޮޅެއްގެ އިޙްސާސް ވެސް އޭނާގެ ލޮލަކަށް ނުވެއެވެ. ނުނިދުނުތާ ވިސްނުނީ ރުއާނާއާއި މެދުގައެވެ. ކަމުގެ ދެކޮޅު ނުބަލާ އޭނާ ގޮސް ބަވާލި އިރުވެސް ރުއާނާގެ އަނގައިން އެންމެ ލަފްޒެއް ވެސް ނީއްވައެވެ. އެހެން މީހަކު ނަމަ އޭނާއާއި ދެކޮޅަށް ފެށީހެވެ. ރާބިއުއާއިވެސް ހަތަރުކަޅި ހަމަކޮށްލަން ދެން ނުކެރޭނެއެވެ. ހެނދުނު އޭނާ ދިމާވެގެން ކައިވަން ގެންގޮސް ކީ އެއްޗިހި އަދިވެސް ހަނދާނުން ނުނެތެއެވެ.
…..
”އެނގޭތަ ރާބިއު އަކީ ދޮންތިބޭ އާއި ލިއަމްގެ އަންކަލްގެ ވަރަށް ގާތް އެކުވެރިއެއް.. ލިއަމް ކުރީ ބަލައިގަނެވޭނެ ކަމެއް ނޫން.. ނުވާނެ އެންނު އެކުއްޖާއަށް އެހާ ވަރު ކޮށްލާކަށް އެއްވެސް ކުށެއް ނެތި“
”ކުށެއް ނެތި އޭ؟.. ދޮންތަބެއަކަށް ނުފެނޭތަ އޭނާ އެކުރި ކަމެއް؟ އެވަރުގެ ކަމެއް ޑޮކްޓަރަކަށް ނޭނގުނީމަ ހުރިހާ ޑޮކްޓާރުން ވެސް ލަދުގަންނަން ޖެހޭ “
”ކާމްޑައުން ލިއަމް.. ޑޯންޓް ޔޫ ފީލް ސަސްޕީޝިއަސް؟ މައުވާ އާއި މެދަކު؟ ދޮންތިބެއަށް އެހެން ބުނެވުނީމަ އެންނު ލިއަމް ގެ ރުޅި ޑަބަލް ވީ.. އަމް ސޮރީ ލިއަމް.. ދަރިފުޅާ ސިކުނޑީ ތެމޭވަރަށް ފިނިފެނުން ފުރަތަމަ ފެންވަރާލައިގެން އާދެބަލަ..“
”އަމް ފައިން“
”އޯކޭ ..ހިއާރ މީ އައުޓް.. ރުއާ ވޯޒް އިނޮސެންޓް.. ހާއްސަކޮން ހޮސްޕިޓަލް ހިންގުމާއި ހަވާލް ވެގެން ހުރެފައި އެފަދަ ކަމެއް ލިއަމް ކުރީމަ ދެރައީ.. އަހަރެމެން އެންމެންނަށް ވެސް އެބަ އެނގޭ މައުވާގެ ގޮތް.. ތެދުތެދަށް ބުނަންޏާ ދޮންތިބެއަށް ފުރަތަމަ އެގަޑީގަ މައުވާ ތީއޭޓާރ އިން ފެނުނީމަ ވެސް އެނގިއްޖެ ގޯހެއް އުޅޭކަން.. އަދްރެކް ކައިރީގަ އަހާލިން ރުއާ ގެ ވާހަކަ..ރުއާ އެއީ އޭނާގެ ދަށުން މަސައްކަތް ކުރާ ކުއްޖެއް ވީމަ.. ހީ ސެއިޑް ރުއާ އަކީ އެންމެ ރެސްޕޯންސިބަލް ނަގާ އަދި އެންމެ ރަނގަޅު ސްޓާފް ކަމަށް.. ކުޑަ ދުވަސްކޮޅެއްގެ ތެރޭގައި ހުރިހާ މީހުންގެ ލޯބި ހޯދާފަ ވާ ކުއްޖެއެއް އެއީ.. ރުއާ އެކަނި ވެސް އެބަހުރި ސާޖަރީތައް ކޮމްޕްލީޓް ކޮށްފަ.. ރޭގަ ތިއޭޓާރ ތެރެއިން އެހެން ބުނި އިރު، އޭރު ނޭނގެ ރުއާ އަކީ ރާބިއުގެ ދަރިއެއް ކަމެއް ވެސް.. ފަހުން އެނގުނީ.. އެނގުނު އިރު މަސްރަހް ގޯސްވެފަ މިއޮތީ“ ރާބިއު ކީ ގޮތައް ނުކިޔަން ވެގެން ކައިވަން ވާހަކަ އެއް ހަދާލިއެވެ. ސްޓާފަކަށް މައުވާ އާއި ރުއާނާ އެކުއެކީގައި ޗޭންޖިންގރޫމު ދޮރުމަތިން ފެނުނޭ ބުނެލިއެވެ. އަދި ފަހުން ރުއާނާއަށް ވެގެންދިޔަ ގޮތް ކިޔައިދިނެވެ. އެހިނދު ލިއަމްއަށް ލިބުނީ ވަރުގަދަ ޝޮކެކެވެ.
”މިއަދު ކްލާސް ނިންމާފަ ޑިސްޕްލިންގްއަށް ރުއާ ހާޒިރް ކުރަން އެބަ އޮތް.. ފުރަތަމަ ފަހަރަށް ކަމަށް ބަލާފަ ނަސޭހަތް ދީފަ ދޫކޮށްލާނެ..ސްޓިލް ނަސޭހަތް ދޭން ވެސް ރުއާ އެއްވެސް ކަމެއް ނުކުރޭ.. ޑޫ ސަމްތިންގ ބިފޯރ އިޓްސް ޓޫ ލޭޓް.. ޝީ އިޒް އަ ގުޑް ކިޑް.. ކީވާން ބުނި އެހެން އަންހެން ކުއްޖަކު ނަމަ ރޭގަ ލިއަމްގެ މޫނުގައި ޖެހީހޭ..ހަހަހަ.. “ ވާހަކަ ދައްކަން ހުރުމަށް ފަހު ކައިވަން ދިޔައީ ލިއަމްގެ ބުރަކަށީގައި ޖަޙާލާފައެވެ.
….
އެހިޔާލްތަކުން އެނބުރި އާދެވުނީ ކުއްޖަކު ގޮވުމުންނެވެ. ފުންނޭވާއެއް ދޫކޮށްލުމަށްފަހު، އިސްޖެހިފައި އިން ރުއާނާގެ މޫނަށް ބަލައިލަމުން ގޮވި ކުއްޖާގެ ގާތައް ލިއަމް ދިޔައެވެ.
”ގެޓް ވެއްޖެ ތަ؟“
ލިއަމްގެ އަޑު ކުރިމަތީގައި ހުރި މޭޒުތައް ކައިރިން އިވިލި އިރު ވެސް ރުއާނާއަށް އިނީ އިސް އުފުލާލަން ނުކެރިފައެވެ.
”އިޒީ..އައި ޑޯންޓް ނޯ މި ކްއެޝަން އެއް..އެނީ އައިޑިއާ؟“ ރުއާނާ ގޮވާލުމުން އިޒްވާ އެނބުރި ފައި ކިއައިދޭން ފެށިއެވެ. ލިއަމްއަށް ނުގޮވާ ފަރުޖެހުމުން ހިސާބެއް ހިތްހަމަޖެހުނެވެ. އެފަދަ ގޮތަކަށް ކްލާސް ނިމިގެން ނުކުތް އިރު އޭނާގެ ފަހަތުން އިޒްވާއާއި ލޫކްއަދި އީތަން ވެސް އައެވެ.
”އާރ ޔޫ ޝުއާރ ..ޔޫ ކޭން ޑޫ ދިސް އެލޯން؟“ ރުއާނާ އެކަނި ލިފްޓަށް އަރައިގެން ދާން ފެށުމުން އިޒްވާއަށް ދެރަވެފައި ހުރެމެ އެހުނެވެ. އޭނާ ހަމައެކަނި ބޯޖަހައިލިއެވެ. ރުއާނާއަށް މިއަދު ޑީއުޓީގެ އެއްވެސް ކަމެއްނެތެވެ. ކުރިއަށް އޮތީ ޑިސިޕްލިން ކޮމެޓީއިން އޭނާއަށްޓަކައި ބާއްވާ ބައްދަލްވުމަށް ދިޔުމެވެ. އެކަމަށްޓަކައި ތައްޔާރު ވަމުން ދިޔައިރު ހިތައް ނުހަނު އުނދަގޫ ވަމުން ދިޔައެވެ. އޭނާ ކުށެއް ނެތި އެހާ ބޮޑު ކަމެއްގައި ބެދުނު އިރު ދެރަވާގޮތްވިއެވެ.
ލިފްޓަށް އަރާފައި ދާން ބޭނުންވާ ފްލޯރގެ ނަމްބަރަށް ފިއްތާލި ހިނދު، އައިނައި ތަނެއް ނޭގި ލިފްޓުގެ ދެ ދޮރުފަތުގެ މެދަށް ލިއަމް އަތްކޮށްޕާލިއެވެ. ކައިރީގައި ތިބި ތިން މީހުން ވެސް ދިޔައީ ސިހިގެންނެވެ. ލިއަމް އަޑެއް ބަޑެއް ވެސް ލައްވާ ނުލާ އެހެން ހެދުމުން ރުއާނާވެސް ސިއްސައިގެން ދިޔައެވެ. ސިކުންތުކޮޅަކަށް ނަމަވެސް ލިއަމްގެ މޫނަށް ބަލައިލެވުނެވެ. ދެވަނަ ސިކުންތުގައި އިސްޖެހިގޮތައް އޭނާ ދިމާކޮށްލީ ލިފްޓުން ވެސް ފައިބާށޭވެ.
ނަމަވެސް އަނެއްކާ ވެސް އިތުރު ހައިރާން ކަމެއް ލިބުނީ ރުއާނާގެ އަތުގައި ލިއަމް ހިފެހެއްޓުމުންނެވެ. އެހެން މީހަކު ވަނުމުގެ ކުރިން ލިފްޓުގެ ދޮރު ބަންދުކޮށްލިއެވެ.
ރުއާނާއަށް ހުރެވުނީ ނޭވާއެއް ލާން ވެސް ނުކެރިފައެވެ. މުޅި ހަށިގަނޑުގައި މަޑު ތުރުތުރެއް ލަމުން ދިޔައިރު ލިއަމް ހިފަހައްޓައިގެން ހުރި ހިސާބު ވަކިން ބޮޑަށް ވިންދު ޖަހަމުން ދިޔަހެން ހީވިއެވެ.
”ކެން ވީ ޓޯކް؟“ ލިއަމްގެ ފިރިހެންވަންތަ އަޑު އިވުނު ހިނދު ރުއާނާގެ މުޅި ހަށިގަނޑަށް ފިނިވެގެން ދިޔައެވެ. ނަމަވެސް މަޑުމަޑުން ލިއަމްގެ އަތް ތިލަ އޭނާގެ އަތުން ނައްޓަން ހިފައިލިއެވެ.
”ޓޯކް ޓް މީ.. ޕްލީޒް..ކެން ޔޫ ޑޫ ދެޓް؟“ ރުއާންގެ އިސްޖެހިފައި މޫނަށް ކަޅި ޖަހާނުލާ ބަލަހައްޓައިގެން ހުރިއިރު އެ ރީތި ކުއްޖާގެ މޫނުން ކަޅި ދުރުކޮށްލަން ހިތެއް ނޭދުނެވެ. ހާދަ ރީއްޗެވެ. އެހާ ނާޒުކު ވަގުތު ކޮޅެއްގައި ވެސް ވެރިވި ހިޔާލުން ދެފަޜާތައް ބޯހޫރުވާލިއެވެ. ނަމަވެސް ރުއާނާގެ އަތުން ދޫކޮށްލާކަށް އޭނާ ނޫޅުނެވެ.
ލިއަމްގެ ސަބަބުން ހިތުގައި އުފެދެމުން ދިޔަ ހިޔާލްތަކުން ކެތް ނުވާވަރު ވުމުން ރުއާނާ އިސް އުފުލާލިއެވެ. އޭނާގެ މޫނަށް ރުޅިވެރިކަމުގެ ކުލަވަރު ގެނުވުންވީ ވެސް ބޯޑު ވޭނަކަށެވެ.
”އަހަރެމެން ދެމީހުން މީ ދަންނަ ބައެއް ވެސް ނޫން.. އެހެން ނޫނަސް އަހަންނަށް ބުނެވޭ އެންމެ ބަހަކުން ވެސް އެހެން މީހަކަށް ނިކަމެތިކަމެއް ލިބޭކަށް ނޭދެން.. އެކޮޅަށް ގޮސްފަ އައި ވިލް އެކްސްޕްލެއިން އެވްރީތިންގް ޓް ދެމް“
”އަޑު އަހާނަންތަ.. އަހަރެން ވާހަކަ ދައްކަން ބޭނުމޭ؟“
”އިޓް ހާޓްސް“ ލިއަމްއަށް ރައްދެއް ނުދީ ހުރުމަށްފަހު އެންމެ ފަހުން ރުއާނާ ބުނެލިއެވެ. ވަގުތުން ލިއަމް ރުއާނާގެ އަތުން ދޫކޮށްލިއެވެ. އިތުރު އެއްޗެއް ބުނެވެން ވާ އިރަށް ލިފްޓު ވެސް ހުއްޓުމާއިއެކު ރުއާނާ އިތުރަށް މަޑުކުރާކަށް ނުހަދައެވެ. ނުކުމެގެން ދިޔައެވެ.
***
“ ވަޓް ޑޫ ޔޫ ތިންކް ވިލް ހެޕެން؟“ އީތަން އަހާލީ އިޒުވާގެ މުނަށް ބަލައިލަމުންނެވެ. އޭރު ދެމީހުން ތިބީ ކެންޓީނުގެ ތެރޭގައެވެ. ސާޖަރީއަކަށް ދާން ޖެހުމުން ލޫކް އެމީހުންނާއި ވަކި ހިސާބަކުން ވަކިވިއެވެ.
”ނޭނގޭ ދޯ.. ދޮންބެ އިޒް ގެޓިން އޮން މައި ނާވްސް“ ގޮނޑީގައި ލައްވެގަނެލަމުން އޭނާ ހަމަޖެހިލިއެވެ. އީތަންގެ ގާތައް އިޒްވާގެ ޖުމްލައިން ހިނިއަންނަ ގޮތްވިއެވެ.
”ބައި ދި ވޭއި އަ ހޭވް އަ ލޮޓްސް އޮފް ޑައުޓްސް އެބައުޓް ސެކްޝަން ސީ.. ކެން ޔޫ ހެލްޕް މީ ވިތް އިޓް؟“
”އޮފްކޯޒް.. ސޯ މީ..ވ-“ އީތަންގެ ޖުމްލަ ފުރިހަމަ ނުކުރެވެނީސް ކެންޓީނުގެ ތެރެއަށް ވަދެގެން އައި ދެ ޒުވާނުން ފެނި މުޅި މޫނު ހުދުވެގެން ދިޔައެވެ. އީތަން އަށް ވެގެން ދިޔަ ގޮތުން އިޒްވާވެސް ފަސް އެނބުރިގަތެވެ. އެހިނދު އިޒްވާގެ އުފާވެރި މޫނު މިލާ މޯޅިވާން ސިކުންތެއް ވެސް ނުނެގިއެވެ.
ޔީލާއާއި ނޫހް އަތުގުޅުވާ ލައިގެން އައި އިރު ފެންނަ މީހުންނަށް އެދެމީހުންގެ ދެމެދުގައި އޮތީ އާދައިގެ ގުޅުމެއް ނޫންކަން އެނގޭ ވަރުވެއެވެ. އަޅިކުލައިގެ އަތްދިގު ގަމީހާއި ޑެނިމް ޖީންސްގައި ހުރިއިރު ކަޅު ކުލައިގެ ލެދާރ ޖެކެޓް އޭނަގެ އަތުގައި އޮތެވެ. އޭނާއާއި ޖެހޭ ނުޖެހޭ ހިސާބުގައި ހުރި ޔީލާ ހުރީ ކަކުލުން ތިރިއަށް ހުރި ހެދުން ކޮޅާއި ޑޮކްޓަރު ކޯޓުގައެވެ.
”އިޒީ ކެން ޔޫ ހެލްޕް މީ ވިތް ދިސް؟.. ދިސް ގާލް ވޯޒް މައި އެކްސް.. “
”ވަޓްޓް!“ އީތަންގެ ޖުމުލައިން އިޒްވާ ދެލޯ ބޮޑުވިއެވެ. އަނގަހުޅުވިފައި ހުރެ އެއްފަހަރު އެދެމީހުންނަށް އަނެއްފަހަރު އީތަންގެ މޫނަށް އިޒްވާ އަށް ބެލެމުން ދިޔައެވެ.
”ޔެއާރ.. ސީ ވޯޒް.. ޝީ ފައުންޑް އައުޓް ދެޓް އައި ވޯޒް އޭން އޯފެން.. ސޯ އައި ގޮޓް ޑަމްޕްޑް.. “
”އެންޑް އެދެ މީހުން އެއީ އަހަރެންގެ ކަޒިންސް.. އެންޑް ހީ ..ހީ ބިޓްރެއިޑް މައި ޓްރަސްޓް“ ދެލޮލަށް ޖަމާވަމުން ދިޔަ ކަރުނު ތަކާއި އެކު އިޒްވާ ބެލީ ހިންދިރުވާލެވޭތޯއެވެ. ކޮންމެ ގޮތައް ހަދާފަ ވެސް އެމީހުންގެ ކުރިމަތީގައި ރޯކަށް އިޒްވާ ބޭނުމެއް ނޫނެވެ. ހާއްސަކޮން ނޫހްގެ ކުރިމަތީގައި އޭނާ ނުރޯނެއެވެ. އެމީހުންނާއި ފުރަގަސް ދެމުން އީތަންގެ މޫނަށް އިޒްވާ ކަޅި ހުއްޓާލިއެވެ.
”ޔޫ އޯކޭ ؟“ އިޒްވާއަށް ވެގެން ދިޔަ ގޮތުން އީތަންއަށް ތެޅިގަނެވުނެވެ. އެދެލޯ ފުރިފައިވި ކަރުނުތައް އޭނާ ދެކުނެވެ.
”އިޒީ.. އިޒް ދެޓް ޔޫ؟“ އިވުނީ ޔީލާގެ އަޑެވެ. ނުހަނު ހިތްވަރުކޮށްފައި އިޒްވާ ކަރުނަތައް ފުހެލަމުން ޔީލާއާއި ކުރިމަތިލިއެވެ. އޭރު ގާތުގައި ހުރި ނޫހްގެ ނަޒަރު ވެސް ހުރީ އޭނާގެ މޫނަށް ހުއްޓިފައި ކަން އިޒްވާއަށް އެނގުނެވެ. ނަމަވެސް އޭނާއަށް ސަމާލުކަން ދޭކަށް އޭނާގެ ހިތަކު ނެތެވެ.
”ޔެސް އިޓްސް މީ.. ސިސް މިތާގަ ކީއް ތިކުރަނީ“ އިޒްވާ ހިނިތުންވެލަން މަސައްކަތް ކުރިއެވެ. އިޒްވާ ސިހުނީ އޭނާގެ އުނަގަނޑުގައި އީތަން އަތް އަޅުވާލުމުންނެވެ.
”ލެޓްސް ގޯ ބޭބް.. މިހާރު އަހަރެމެންގެ އޯޑާރ ނިމޭނެ“ ޔީލާއަށް އީތަން ފެނުނީ ވެސް ވާހަކަ ދެއްކި އަޑަށެވެ. އެހިނދު އޭނާ ވެސް ސިހިއްޖެއެވެ.
”ވަ..ވަ.ވައި..ޔޫ ގާއީޒް.. ޓްގެދާރ؟“ އެހުރިޙާ އިރު އެއްޗެއް ނުބުނެ ހުރެ ނޫހް އެހިއެވެ. އެއަޑުގައި ހުރީ ހިތްހަމަ ނުޖެހުމުގެ އަސަރުތައް އިޒްވާއަކަށް ނޯޅެއެވެ.
”ވީ އާރ ޑޭޓިން.. ހަނީ ލެޓްސް ގޯ އެކޮޅުން އޯޑާރ ނިމުނީ ކަންނޭގެ.. ބާއި ސިސް..ސީ ޔޫ ލޭޓާރ..“ އިޒްވާ، އީތަންގެ ގަޔާއި ވީހާވެސް ބޯޑަކަށް ކައިރިވެލިއެވެ. ދަމުން ޔީލާއަށް އަތް ހޫރުވާލަމުން ރީތި ހިނިތުންވުމެއް ދިނެވެ. ފާދަކަށް ހުރެފައި ވެސް ޔީލާ ވެސް ހީލިއެވެ.
”އަމް ސޮރީ ފޯރ ދިސް“ އިޒްވާގެ އުނަގަނޑުގައި އަތް އަޅުވާލައިގެން އެމީހުންނާއި ތަންކޮޅެއް ދުރަށް ދެވުމުން އޭނާގެ ކޮލުގައި އީތަން ބޮސްދިނެވެ. ފަހަތުގައި ޔީލާއާއި ނޫހް ބަލަން ތިބޭނެކަން ދެމީހުންނަށް ވެސް އެނގެއެވެ. އީތަންގެ ތުންފަތް އިޙްސާސްވި ހިނދު ހިސާބަކަށް އިޒްވާގެ ހިތްތެޅިގަތެވެ. ނަމަވެސް ނޫހްއަށް އެ މަންޒަރު ދައްކަން ބޭނުން ވެފައި ހުރި ވަރުން އަނެއްކާ ވެސް، ރީތި ހިނިތުންވުމަކާއި އެކު އީތަންގެ ގައިގާ ބައްދާލިއެވެ.
***
”ދެވަނަ ފަހަރަށް މިފަދަކަމެއް ތަކުރާރް ވެއްޖެނަމަ ޑޮކްޓާރ ރުއާނާއާއި މެދު ފިޔަވަޅު އެޅިގެންދާނެ .. ފުރަތަމަ ފަހަރު ކަމަށް ބަލާފަ ނަސޭހަތް ދިފަ މި ކޭސް މި ކްލޯޒް ކޮށްލީ.. އެންމެ ރަނގަޅު ދިޔަސް“ މޭޒުގެ އެއް ފަރާތުގައި ރުއާނާ އިސްޖެހިފައި އިންއިރު އޭގެ އަނެއް ފަރާތުގައި އިދާރީ ބައިގެ ދެ މުވައްޒަފަކު ތިއްބެވެ.
”ވެއިޓް…“ ރުއާނާ އިންތަނުން ތެދުވަތް ހިނދު ، ހުއްޓުން އެރީ އެތެރެއަށް ވަދެގެން އައި ލިއަމް ފެނިއެވެ.
”ޝީ އިޒް އިނޮސެންޓް.. ދިސް ކޭސް އިޒް ކްލޯޒްޑް ނައު.. މައުވާގެ ކައިރީގަ ބުނާތި ވީ އެންމެ އަވަހަކަށް އަހަރެންގެ އޮފީހަށް އައިސް ދިނުމަށް“ ރުއާނާގެ މޫނަށް ބަލައިލުމަށްފަހު އެއްޗެއް ނުބުނެ ލިއަމް ނުކުމެގެން ދިޔައެވެ.
ވާން ވީ އުފާ ކަމެއް އޭނާއަކަށް ނޭނގުނެވެ. މިއަދު މަސައްކަތައް ނުކުންނަން ނުޖެހޭތީ އިރުކޮޅަކަށް ވެސް މަޑުނުކޮށް ރުއާނާ ބޭނުން ވީ އެތަނުން ނުކުމަންނާށެވެ. އަލުން އެނބުރި ކޮޓަރިއަށް ވަދެ އޭނާގެ މޭޒުމަތީގައި އޮތް ދަބަސް ހިފައިގެން ރުއާނާ ނުކުތެވެ.
ބަހަށް އަރައިގެން ގެއަށް އާދެވުނު އިރު ރާބިއު ގެޔަކު ނެތެވެ. އޭނާގެ ބުރަހެލިވެފައި ސިކުނޑިއަށް އަރާމެއް ހޯދުމަށް ފެނުނު ހަމައެކަނި ގޮތަކީ ފިނިފެނުން ފެންވަރާލުމެވެ . ބާތް ޓަބުގެ ތެރެއަށް ހަށިގަނޑު ދޫކޮށްލައިގެން ރުއާނާ، ބައިގަޑި އިރު ވަރު ވަންދެން އޮތެވެ. ހީވީ ސިކުނޑީގައި ވާ ހުރިހާ ޝަކުވާއަކާއި ވިސްނުންތަކެއް ފެންގަނޑުގެ ތެރެއަށް ދޫކޮށްލަން ހިތުލައިގެން ހުރި ހެންނެވެ.
***
ރާބިއު ނުކުތީ ގެޔާއި މާދުރު ނޫން ހިސާބެއްގައި ހުންނަ ފިހާރައަކުންނެވެ. ގެއަށް ބޭނުންވާނެ ބައެއް ސާމާނާއި ތަރުކާރީ އާއި މޭވާ އަދި ރުއާނާ ގަޔާވާނެ ފަދަ ލުއިކާނާގެ ވައްތަރު ތަކުން އަތުގައި ވާ ދެކޮތަޅު ވަނީ ބަރާ ވެފައެވެ. ގަޑިން ހަވީރު ހަތަރެއް ނުޖަހާ ނަމަވެސް ’ސްޕްރިންގ‘ އަށް ވުމުން ފެންނަ ފުދޭވަރަކަށް އަނދިރިކޮންނެވެ.
ގެ ހުންނަ ހަނިގޯޅިއަށް އެޅުނު ހިނދު ފަހަތުން މީހަކު އަންނަހެން އޭނާއަށް ހީވިއެވެ. ނަމަވެސް އެކަމަށް ސަމާލުކަން ނުދީ ހުއްޓާ މިފަހަރު ހީވީ އޭނާގެ ކަންފަތް ކައިރިން ވައިރޯޅިއެއް ދަތުރު ކޮށްލިހެންނެވެ. ވަގުތުން ރާބިއުގެ ފިޔަވަޅުތައް ހުއްޓުނެވެ.ވަށައިގެން ބަލައިލި އިރު، އެމަގުގައި ތިބި ދެތިން މީހަކު ވެސް ތިބީ އޭނާއާއި ފުދޭވަރަކަށް ދުރުގައެވެ. އެއްވެސް މީހަކު ނެތުމުން މިފަހަރު ވެސް އެއީ ހީވި ގޮތެއް ކަމަށް ބަލާފައި ރާބިއު ކުރިއަށް ހިނގާލަން އެޅި ފުރަތަމަ ފިޔަވަޅާއި އެކު ވެސް ހުއްޓުނީ ކުރިމަތީގައި ހުރި މީހާ ފެނިފައެވެ.
”ބިލާލް“ ރާބިއުގެ ހިތް ނުބައިގޮތަކަށް ތެޅިގަތެވެ. ފުރަތަމަ ވެސް ހިތައް އައީ ރުއާނާއެވެ. ރާބިއުގެ މޫނަށް އެރި ކުލަވަރު ދެކެން ބިލާލް ހުރި އިރު އޭނާގެ ދެތުންފަތުގައިވީ ވިހަ ހިނިތުންވުމެކެވެ.
”ދުރުން ފެނިފެނި ވަރުބަލި ވީތަ..އެންމެ ފަހުން ކުރި މައްޗަށް ތި އެރީ..ކޮން ކަމެއް ކަލޭ ބޭނުން ވަނީ؟“
”މީ އަދި ފެށުން ކަމަށް ބަލާ.. ކަލޭ ރުއާނާ ނުދީ ފިއްޔާ ބަލާ ހައްޔަރުގަ ތިބި ހައްޔަރީންނަށް އޭގެ ގެއްލުން ވާނެ ކަމަށް“
”މަށައް ކިހިނެތް އެނގެނީ އެމީހުން މިހާރުވެސް ދުނިޔޭގަ ތިބި ކަމެއް؟“ ބިލާލްގެ ޖުމްލަތަކަށް ރާބިއު ރައްދު ދިނެވެ. އެހިނދު އޭނާ އަނެއްކާ ވެސް ޖަހައިލީ ނުބައި ހިނިގަނޑެކެވެ.
”ރުއާނާގެ ވަށައިގެން ނުރައްކާ.. ހޮސްޕިޓަލުގަ ވެސް ނުރައްކާ… ހޮސްޕިޓަލުން ބޭރުގަ ވެސް ނުރައްކާ..ހަހަހަ.. ކަލޭމެން ދެމީހުން ކުރެ އެކަކަށް ވެސް ސަލާމަތެއް ނުވެވޭނެ“
”ދެން ކީއްވެތަ ކޮންމެ ފަހަރަކު އައިސް ތިދަނީ އަހަންނަށް ގޮތެއް ނުހަދާ.. ހަމަ މަރާލާފަ ދާންވީނު ރުއާނާ އާއި ހަމައަށް.. އެނޫން ގޮތަކަށް ނެތޭ ކަލޭމެންނަށް އެކުއްޖާ ލިބޭކަށް.. އަހަރެން ދުނިޔޭގަ ހުއްޓާ ލާހިކެއް ނޫން ރުއާ ގެންދާކަށް“ ރާބިއު ޖަހާލައީ މަލާމާތުގެ ހިނިގަނޑެކެވެ.
”އެހެންތަ؟ ހަނދާން ނެތުނީތަ؟ ކަލޭގެ އަނބިމީހާ އަދި ރުއާނާއާއި އަހަރެންގެ މަންމަ ހޫރައިން ވީ އޭނާގެ އަތްދަށުގަ ކަން.. ހައްޔަރުގަ ތިބި އެހެން މީހުންނާއި މެދު ކަލޭ ބިރު ނުގަތަސް، ދެން އެހުރީ ކަލޭގެ ލޯބިވާ ހޫރައިން އެންނު؟“ ބިލާލްގެ އަޑުން ރާބިއުއަށް ތެޅިގަނެވުނެވެ.
****
(ނުނިމޭ)
Comments (1)
Shafsays:
އޮކްޓޯބަރ 30, 2025 at 13:13Next part please