މި ޖިސްމުގާ ވަނީ 13

މީ ކޯއްޗެއް އެމީ.. ކީއް ކުރާ ކޭޝް ކާޑެއް؟“

”“ރާއްޖެ ދާން ބޭނުންވަނީ.. އެކޮޅުގަ ދާނެ ތަނެއް ނެތް.. ސްޓިލް އައި ވޮނަ ގޯ ވެއާރ އައި ބިލޯންގް..“ މާރިއާ ސުވާލްގެ ނަޒަރަކުން ބަލަހައްޓައިގެން އިނުމުން އަމީރާ އިތުރަށް ބުނެލިއެވެ. މާރިއާއަށް ބަލައިލެވުނީ ލުއިސްގެ މޫނަށެވެ. ލުއިސްއަށް ވެސް ބުނާނެ އެއްޗެއް ނޭނގުނެވެ.

***

”އެ.. އެމީ..އާ ޔޫ ޝުއާރ؟“ ލުއިސް ހުރީ ޔަގީންކުރަން ބޭނުންވެފައެވެ. އެއީ ހަމަ  އަމީރާގެ އެންމެ ފަހު ނިންމުންތޯއެވެ. ބަހެއް ނުބުނެ ހަމަހިމޭކަމުގެ ސުކޫތަކަށް ފަހު އަމީރާ ބޯޖަހައިލިއެވެ. ޒަންޔާއާއި މާކިންގެ ހަބަރެއް ނީވި ދާކަށް ބޭނުމެއް ނުވެއެވެ. ނަމަވެސް އެނޫން އިތުރު ވަކިގޮތެއް ނެތެވެ. މި ފަސްގަނޑުގައި އޭނާއަށް އަމާންކަމެއް ނެތެވެ.

”އެމީ.. ރާއްޖެ ދާން ބޭނުން ކަމުގައިވާ ނަމަ އެކަންތައް ބޭބެމެން ކޮށްދޭނަން.. އެންމެ ފަހުން އެމީގެ ފަހަތުގައި ޖައްސާފައި ތިބި މީހުންގެ މަތިން ހަނދާން ވިއަސް އެނގޭ މި ފަސްގަނޑުގައި ރައްކާތެރިކަމެއް ނުވާކަން.. އަހަރެމެން ދެމީހުން ވެސް ބޭނުންވަނީ އެމީއަށް ރައްކާތެރި މާހައުލެއް.. އެކަމަކު އަދިވެސް ބޭބެ އަހާލަން ބޭނުން ތިއީ ހަމަ އެމީގެ އެންމެ ފަހުގެ ނިންމުން ތޯ.. އެކޮޅުގައި ހުންނާނެ ބޭބެގެ އެންމެ ރައްޓެއްސެއް.. އޭނާގެ ކިބައިން ބޭބެއަށް އެހީއަކަށް އެދެވޭނީވެސް.. އެމީއަށް އެނގޭނެ އެއީ …އިޔާން ގެ ބައްޕަ ކަން“ ލުއިސްގެ ވާހަކަ ނިމުނު އިރު އަމީރާއަށް ދެލޯ މަރާލެވުނެވެ. އެވާހަކަ ފެށިއިރު އެކަމާއި ނުވިސްނާލެވުނު މޮޔަ އަމީރާއަށް ހީވިއެވެ. އެކަމާއި އިރުކޮޅަކު އަމީރާ ވިސްނާލިއެވެ. ކޮންމެ ގޮތެއް ވިޔަސް ސްޕެއިންގައި އިތުރަށް މަޑުކުރުމުގެ އެއްވެސް ވިސްނުމެއް އަމީރާގެ ނެތެވެ. އެގޭގައި ހުންނަން ޖެހުނުކަމުގައި ވީ ނަމަވެސް އަމީރާ ހެވެވެ. އިޔާންއާއި ދުރުން އުޅެވިދާނެތާއެވެ.

”އަހަރެންގެ ފަހުގެ ނިންމުން މިއީ.. އެންޑް އިޔާން.. އައި ޑޯންޓް ކެއާރ“ ވަރަށް ވިސްނުމަށް ފަހު އަމިއްލަ ނިންމުން އިއްޥާލިއެވެ. ނަމަވެސް ސުވަލަކީ އިޔާންއާއި ދުރުވެގެން އެއްގޭގެ ތެރޭގައި އަމީރާއަށް ކެތްވާނެބާއެވެ. އެއިޙްސާސްތައް ތާޒާކަންމަތީގައި އަދިވެސް ވެއެވެ. އެ ސޫރަ ދެކިލަން  އެދި ހިތް ރޯ ވަރު ހެއްދި ފަރާތް ދެނެވޮޑިގެންވާނެއެވެ. ނޭނގި ނަމެވެސް އަލުން އެ ލޯބި ލިބޭތޯ އެދެވެއެވެ. ޔަގީނުންވެސް އުނދަގޫވާނެއެވެ. ނަމަވެސް އޭނާއަށް އޮތީ ކެތް ކުރުމެވެ.

”އޯކޭ… ބޭބެ ނަދީމްއާއި އެބަ ގުޅާލަން… މްމްމް މިހާރު ރާއްޖެ ގަޑީން ހަވީރު ދޯ މިވީ“ ފޯނުގެ ގަޑިއަށް ނަޒަރެއް ދެމުން ލުއިސް މިސްރާބު ޖެހީ ކޮޓަރީގެ ތެރެއިން ނުކުމެވޭހެން ހުރި ކުޑަ ބެލްކޮނީ ކޮޅަށެވެ.

”ބޭބޭ.. އަހަރެންގެ އަސްލު އިތުރު އެކަކަށް ވެސް އެނގޭކަށް ބޭނުމެއް ނުވޭ..ހޫގޯ ގެ ގޭގަ އުޅުނު ކަން ވެސް އެނގޭކަށް ބޭނުމެއް ނޫން“

”އޮފްކޯޒް.. ބޭބެއަށް އެނގޭ ބުނަންވީ ގޮތް“ ލުއިސް ހީލާފައި ނުކުތުމުން، އަމީރާއަށް ދޫކޮށްލެވުނީ ހިތްހަމަޖެހުމުގެ ނޭވާއެކެވެ.

”އެމީ …ދައްތަ ވަރަށް ބޮޑު ވާހަކައެއް ބުނަން އެބަ އޮތް.. އިޓްސް އެބައުޓް އިޔާ “ މާރިއާ ބުނެލިއެވެ. އިޔާންއާއި ބެހޭގޮތުންނޭ ބުނުމުން އެނގެން ނުހަނު ޝައުގުވެރިވިއެވެ. ނަމަވެސް އަހާކަށް ހިތެއްގައި ނެތެވެ. އަމީރާ އިސްޖެހިފައި އިންގޮތުން މާރިއާއަށް ވިސްނުނީ ކަންނޭގެއެވެ. އޭނާ ވާހަކަ ދައްކަން ފެށިއެވެ.

“ އެނގޭތަ މި ވޭތުވެ ދިޔަ ދެ އަހަރު ތެރޭގައި އިޔާ މިކޮޅަށް އައިސްފި އެމީ ހޯދަން ދިހަވަރަކަށް ފަހަރު.. ކޮންމެ ފަހަރަކުވެސް އޭނާ އައިސް ދަނީ މާޔޫސްކަމާއި އެކު ނާއުއްމީދާއި އެކު .. އެންމެ ފަހުން އިޔާއައީ އޭނާގެ ގާތް އެކުވެރިއާ ވިޝާމް ވެސް ގޮވައިގެން.. ވިޝާމް ދައްތަ ގާތު ބުނި އެމީ ފެނޭތޯ، ދެމީހުން ބައްދަލްވި ފިހާރަ ކައިރީގަ އިޔާ ގިނަ ވަގުތު ހޭދަކުރާ ވާޙަކަ.. އެމީ .. ދައްތަގެ ހިތެއް ނުބުނޭ އިޔާ ކެއްސެއް ދީފާނެ އެކޭ.. ފަހަރުގައި ވެދާނެ އެންނު މީހަކު އޭނާ ފްރޭމް ކު-“

”ދައްތަ ތި ހީކުރާހާ އިނޮސެންޓް މީހެއް ނޫން އިޔާން އަކީ.. މީހަކު ފްރޭމް ކުރިނަމަ މަހުދީ ނުބުނާނެ އެންނު އެއީ އިޔާން ހަވާލް ކުރި ސިޓީއެއް ކަމަށް.. އެންމެ ބޮޑު އެވިޑެންސް އަކަށް އެއީ އޭނާގެ ހޭންޑް ރައިޓިންގް.. އަހަރެން މި ދުނިޔެމަތިން ވެސް އެންމެ ބޮޑަށް އިތުބާރުކުރި ދެމީހުން ވެސް އަހަންނަށް ދިނީ ކެހީ.. އޭގެ ތެރެއިން ވެސް އިޔާން އަށް އަހަރެންގެ މުޅި ދިރިއުޅުމުގެ ހުރިހާ ފަލްސަފާއެއް ކިޔައިދީ، އެންމެ ވޯސްޓް އިން ފެށިގެން ވެސް އެންމެ ހެޕީ މެމޮރީސްއަށް ދާންދެން ޝެއާރ ކުރިން.. ވައިފް އަކާއި ކުޑަ ކުއްޖަކު ހުންނަ ވާޙަކަ ނުބުނެވުން.. އޭރުން ފަހަރެއްގަ..ފަހަރެއްގަ އަހަރެން މަސައްކަތް ކުރީސް އިޔާ ދެކެ ލޯބި..ލޯބި ނުވާން“ ފަހު ޖުމްލައާއި އެކު އަމީރާގެ އަޑު ބެދޭ ގޮތް ވިއެވެ. އިޔާން ދިޔަ ދުވަހުގެ މަތިން ހަނދާން ކޮށްލާކަށް ވެސް އަމީރާ ބޭނުމެއް ނުވިއެވެ. އެ ހަނދާންތައް އާވުމުން އޭނާގެ ހިތުގައި ވޭން އަޅަނީ ބުނަން ދަތި މިންވަރަށެވެ. މޭގައި އަތްލެވުނު އިރު ލޮލުން ފައިބަމުން ދިޔަ ކަރުނު ތިކި ލަސްލަހުން ފައިބަން ފެށިއެވެ.

”އެމީ.. އެމީ ތިހީކުރާ ގޮތަކަށް ނޫނޭ ކަންތައް ވީ..އަ-“

”ނޫން ދައްތާ.. އަހަންނަށް އެނގޭ ހުރިހާ އެއްޗެއް ވެސް.. ދުވަހަކު ވެސް އިޔާންއަކަށް މާފެއް ނުކުރާނަން.“ މާރިއާގެ ޖުމްލަތައް މިފަހަރު ވެސް އަމީރާ ހުއްޓާލިއެވެ. މާރިއާ މާޔޫސްވާ ގޮތްވިއެވެ. އިޔާންގެ ކުށެއް ނެތްކަން ބުނެދޭނެ ގޮތެއް ނުވިސްނުނެވެ. އަމީރާގެ މިޒާޖު ހުރިގޮތުން ފަސޭހަ ކަމާއި އެކު އިޔާންގެ ވާހަކަ ދެއްކިޔަކަ ނުދޭނެކަން އޭނާއަށް ޔަގީނެވެ.

”އެމީ.. އިޔާން ގެ ވަ-“ މާރިއާ ބުނަން އުޅުނު ވަގުތު އަމީރާ ތެދުވެ އެނދާއި ދިމާލަށް ހިނގައިގަތެވެ. އޭރު ލުއިސް ވެސް ފޯނު ނިންމާލާފައި އައިސް އަނބުރާ ކޮޓަރީގެ ތެރެއަށް ވަނެވެ.  މާޔޫސްކަމާއި އެކު މާރިއާއަށް ބަލައިލެވުނީ ލުއިސްގެ މޫނަށެވެ.

“އެމީ.. ހަމަޖެހިއްޖެ“ އަމީރާގެ މަގަތައް ހުއްޓި ލުއިސް ބުނެލިއެވެ. މޫނުމަތިން އެއްވެސް އަސަރެއް ނުދައްކާ އަމީރާ ބޯ ޖަހައިލިއެވެ.

”ކީކޭ ބުނީ؟“

”އެމީހުން ވަރަށް އުފަލުން ހުރީ… އެ އާއިލާ ދިރިއުޅެނީ ހުޅުމާލޭގަ އަމިއްލަ ގޭގަ.. އިޔާންއާއި ނަދީމްގެ ދެމަފިރިންނާއި ދެން ތިބި ދެކުދިން ދިރިއުޅެނީ އެންމެ މަތީ ފްލޯރ ގަ ކަމަށް ބުނީ.. އެކަމަކު އިޔާން ވަކި އެޕާރޓްމަންޓެއްގަ… ނަދީމް މެން ވަކި އެޕާރޓްމަންޓެއްގަ.. އެމީގެ އޭޖް ކުއްޖެއް ވެސް އުޅޭނެ އެގޭގަ.. ދަތިވާނެ އެއްވެސް ކަމެއް ނޯންނާނެ.. މަޖޫ އާއި ނަދީމް އަކީ ހިތްހެޔޮ ކަމުގެ ލާމަސީލް މިސާލެއް.. ދަރިންގެ ކިބައިގަ ވެސް އެ ހެޔޮކަން ހުންނާނެ“

”އަހަރެން އެގޭގަ މަޑުކޮށްލާނީ ޖޮބް އެއް ލިބި އެތަނަށް ފަރިތަ ވަންދެން..އެއަށްފަހު އަމިއްލަ ދިރިއުޅުމަކަށް ދާން ވިސްނަނީ“ އަމީރާގެ ވިސްނުން ހާމަކުރިއެވެ.

”ކޮން ކަހަލަ ޖޮބް އެއް ބޭނުން ވަނީ.. އޭރުން އެމީ އެކޮޅަށް ދާން ވާއިރަށް ހޯދާލަން ފަސޭހަ ވާނެ“ މާރިއާ ބުނެލިއެވެ. އަމިރާ ދެކޮޅު ހަދަން ބޭނުންވިއެވެ. މިޙާރު ވެސް މާ ބޮޑަށް އެމީހުންނަށް އުނދަގޫ ކުރެވިއްޖެ ކަމުގެ އިޙްސާސް ކުރުވަނީއެވެ. ނަމަވެސް ނުދަންނަ މާހައުލަކުން ވަޒީފާއެއް ހޯދުން ވާނީ ނުހަނު ބޮޑު ތަކުލީފަކަށެވެ.

އަމީރާ ވިސްނާލިއެވެ. އޭނާ ޝައުގުވެރިކަން ހުންނަ ވަކި ދާއިރާއެއް ނެތެވެ. ނަމަވެސް ކެއްކުމަކީ އެނބުރި އައި މާހައުލުގައި ވެސް އޭނަ ކުރި މަސައްކަތެވެ. ގަޔާވެގެން ކުރެވޭ ކަމެކެވެ. ހޫގޯގެ ގެޔަށް ދިޔުމަށްފަހު، ކިރިޔާ އެކި ކަންކަން ދަސްވާވަރުވުމުން އަމީރާ ފުރަތަމަ ވެސް ވެއްދީ ބަދިގެއަށެވެ. ގޭގެ ބަދިގޭގައި ހުންނަ ކައްކާ ފޮތްތަކުގެ ރެސީޕީތަކަކީ އަމީރާއަށް ހިތުދަސް އެއްޗެކެވެ. ލޯލާވެސް އަމީރާގެ ކެއްކުމަށް ނުހަނު ތައުރީފް ކޮށް ހެދިއެވެ. އެ ވަގުތުކޮޅު ލޯލާގެ މަތިން ހަނދާން ވެގެން އަމީރާއަސް އަނގަ ހަދާލެވުނެވެ.

”ކޮންމެ ވެސް ތަނެއްގަ ކައްކާ ބަޔަކުން.. އެކި ކަލްޗާރ ތަކަށް ހާއްސަ ރެސްޓޯރެންޓްއަކުން ވިޔަސް މައްސަލައެއް ނެތް.. ސްޕެނިޝް.. ޕްރެންޗް.. އިޓަލީ.. ޖެޕަނީޒް.. ޗައިނީޒް.. ވަޓްއެވާރ“

”އެނގޭނެތަ ތި ގައުމުތަކުގެ ކެއްކުންތައް؟“ ދެލޯ ބޮޑުކޮށްލައިގެން ހުރެ ލުއިސް އެއްސެވެ. އަމީރާ ބޯޖަހައިލިއެވެ.  އެހިނދު ހައިރާންވެގެން ލުއިސްއަށް އަނގަމަތީގައި އަތްއެޅުނެވެ.

”އައި ނިއު އިޓް .. އޭރުގަ ގޭގަ ވެސް ކައްކާ އުޅޭނެ .. ނުލާހިކު މީރު ވާނެ އަނެއްކާ ކައްކާ އެއްޗިހި… އަމް ޝުއާރ އެމީ ކޭން ޑޫ އިޓް “  މާރިއާ ނުހަނު ހިނިއައިސްފައި ހުރެ އަމީޜާގެ ކޮނޑުގައި އަތް އަޅުވާލިއެވެ.އެހެން އިނދެފައި އިރުކޮޅެއް ކުރިން އަމީރާ، ލުއިސްގެ އަތައް ދިން ކާޑު އަނބުރާ އަމީރާގެ އަތައް މާރިއާ ލައިދިނެވެ. އަމީރާ ހައިރާންވެފައި އިނދެ މާރިއާގެ މޫނަށް ބަލައިލިއެވެ.

”ލުކް މި މަނީ ބަހައްޓާ އެކޮޅަށް ގޮސް ސެޓްލް ވެލަން.. ޓިކެޓް ނަގާދީ އެކޮޅަށް ދިޔުމުގެ ހުރިހާ ހަރަދެއް ދައްތަ މެން ކުރާނަން“

”ނޫންން..އެގޮތެއް ކަމަކު ނުދ-“

”އެމީ ދާކަށް ދައްތަ ބޭނުމެއް ނުވޭ.. އެކަމަކު ކީއް ކުރާނީ ދޯ…އެމީ އެއީ ދިޔުމުގެ ކުރިން ދޭ ހަދިޔާއެއް .. މަނާ ނުކުރޭ… ދެން ފެންނާނެ ދުވަހެއް ނޭނގެ.. ވަރަށް.. ވަރަށް ހަނދާން ވާނެ “ އެހިސާބަށް ބުނެވުނު އިރު މާރިއަށް ރޮވިއްޖެއެވެ. އަމީރާގެ ގައިގާ ބައްދާލައިގެން އިނދެ ރޮމުން ދިޔަ ގޮތުން އަމީރާގެ ދެލޯ ވެސް ފުރިގެން އައެވެ.

****

މޭޒުމަތީގައި ފައިލް ތަކެއް، ހާވާލައިގެން އިނދެ އިޔާން ހޯދަމުން ދިޔައީ ހަފްތާއެއް ކުރިން ހައިކަލް، އޭނާގެ އަތައް ދިން ލިއެކިއުންތަކެވެ. ލެވުނީ ކޮން ފައިލަކަށް ކަމެއް އެއް ގޮތަކަށް ވެސް އޭނާއަކަށް ނޭނގުނެވެ. މުޅި ކަބަޑު އެފުށް މިފުށައް ޖެހުމަށްފަހު އެންމެ ފަހުން ގޮނޑީގެ ތެރެއަށް ޖެހިގަތެވެ.

”ކޮންތާކަށް ބާ އެ ލެވުނީ… ގައިމުވެސް ގެޔަކަށް ނުގެންދަން“

އިޔާން ސިހުނީ ކެބިން ދޮރުގައި ޓަކި ޖަހައިލުމުންނެވެ. ވަންނާށޭ ބުނެ މޭޒުމަތީގައި ހުރި ފައިލްތައް ރަމަތަ ކުރުމަށް އަވަސްވެގަތެވެ.

”ބޮސް ..ހާދަ ވަރެއް އަރުވާލައިގެން ތިއުޅެނީ؟“ އެތެރެއަށް ވަދެގެން އައި މަހުދީއަށް އިޔާންގެ ކެބިން ތެރެއޮތް ގޮތް ފެނި ބުމަ އަރުވާލެވުނެވެ. ހީވަނީ ކުޑަވަރެއްގެ ޒަލްޒަލާއެއް އައިސް އޮތްހެންނެވެ.

”މިއުޅެނީ ފައިލް އެއް ނުފެނިގެން .. ވަރަށް ހޯދިއްޖެ“

މަހުދީ ދިއްކޮށްލީ އޭނާ އަންނަމުން ގެނައި ފައިލެވެ. އިޔާން ދެލޯ ބޮޑުކޮށްލަމުން ފައިލް ޖަހައިގަތެވެ.  މަހުދީ ގާތައް ހިނިވެސް އައެވެ.

”ސާބަހޭ އެކަމަކު ވާ.. މީގަ ތެރޭގައި އޮތް ޕެންޑްރައިވްގަ އިން ވީޑިއޯ ކޮޅު ބަލާލާށޭ ކިޔާފަ އެއް ނޫންތަ މަ އަތައް އިއްޔެ ފައިލް ދިނީ“ މަހުދީ ހެމުން ހެމުން ބުނެލިއެވެ. އެހެން ބުނުމުން އިޔާން ހަނދާން ވިއެވެ. ބޮލުގައި އަތް ޖައްސާލެވުނީ އެކަންތައް ހަނދާނުން ކައްސާލުމުންނެވެ. އިޔާންގެ ގާތައް ވެސް ހުރީ ހިނި އަންނަ ގޮތް ވެފައެވެ.

”އަހަހަ.. ކޮބާ ބެލިންތަ ވީޑިއޯ؟ އެނީތިންގ ސަސް؟“

”ސާރ ބުނިހެން އެގެޔާއި އެންމެ ކައިރިއަށް އޭރު ބަހައްޓާފަ ހުރިކަމަށް ބުނާ ކެމެރާގެ ފޫޓޭޖް ބެލިން.. އެއީ އޭރު ކޭސްއާއި ހަވާލުވެ ތިބި އޮފިސަރުން އާއިލާއަށް ދައްކާފައިވާ ވީޑިއޯ ދޯ..؟“ މަހުދީ ކޮށްލީ ސުވާލެކެވެ. އިޔާން ބޯ ޖަހައިލަމުން ކިހިނެތް ވީ ތޯ އަހައިލިއެވެ.

”ސަމްތިންގް އިޒް އޮފް ހިއާރ…ސާރ ހަވާލްކުރި ޕެންޑްރައިވް އަކީ އެގޭގެ މީހުން މިކޮޅަށް ހަވާލް ކުރި ފޫޓޭޖް ތާ ދޯ.. އޭގެން ފެންނަނީ ހަމައެކަނި އެކުއްޖާ ގޭގެ ގޭޓުން ނުކުމަންނަ ތަން އެކަނި.. ސާރ ބުނެގެން އަހަރެން ދެންމެ ބަލައިލިން، މިކޮޅުން އޭރު އާއިލާއަށް ދެއްކި ކަމަށް ބުނާ ފޫޓޭޖް.. އެ މި ޕެންޑްރައިވް އިން ފެންނާނެ.. ޗެކް ޔޯ ސެލްފް“ މަހުދީގެ ވާހަކަ ހުރި ގޮތުން އިޔާންއަށް ދެލޯ ހަނިކޮށްލެވުނެވެ. އިތުރަށް ވާހަކަ ނުދައްކާ ވީޑިއޯ ބެލުމަށް މަހުދީގެ އަތުގެ އިޝާރާތުން އަންގާލިއެވެ. އިޔާން ވެސް ބޯ ޖަހާލާފައި ސީޕީޔޫއަށް ޕެންޑްރައިވް ޖަހާލުމަށްފަހު ޑެސްކްޓޮޕުން ފެންނާނެހެން އަޅުވާލިއެވެ.

ފުރަތަމަ ފެނިގެން ދަނީ ކުޑަ އަންހެން ކުއްޖާ ގެއިން ނުކުމަތް ތަނެވެ. ކެމެރާގެ ފަހަތުގައިވާ އޮފި އެލޭ ގަހުގެ އޮފިތައް ކެމެރާ އިން ހޮޅިދަނޑިއަށް އަރާފައި ވާ ގޮތުން، އޭގެ ނޭދެވޭ އަސަރުތައް ފޫޓޭޖް މަންޒަރުތަކަށް ވަނީ ކޮށްފައެވެ. ކުއްލި ކުއްލިއަށް އޮފިތަކުން ހިޔާ އެޅުމުގެ ސަބަބުން ވީޑިއޯއަށް އަނދިރިވެއެވެ. މަންޒަރު ނުސާފްވެއެވެ. އެނޫން ނަމަވެސް ފެށުނީންސުރެން ވީޑިއޯ ދިޔައީ ހުއްޓެމުންނެވެ. އެފަދަ ހާލެއްގައި ވީއިރު، އަންހެން ކުއްޖާ މަގުގެ މެދަކާއި ހިސާބަށް ދާއިރު ކަޅު ކުލައިގެ ކާރެއް އައިސް މަގުގެ އެއްފަރާތައް މަޑުކޮށްލައެވެ. ކާރާއި ހިސާބަށް އޭނާއަށް އެރުނު ހިނދު ދެންވީ ގޮތެއް ނޭނގުނެވެ. އެދޭތެރެއިން އަނެއްކާ ވެސް ވީޑިއޯ ހުއްޓުނު އިރު، އެންމެ ފަހުން ނިމުން އިރު ވީޑިއޯ ކޮޅު އައީ ނުހަނު އަވަސްވެގެންނެވެ.

ނަމަވެސް އިޔާންއަށް އެކަން ނަގައި ގަނެވުނީ، އޭގެން ތަފާތުކަމެއް ނުފެނުމުން އޭނާ ބުނެލި ޖުމްލައަށް މަހުދީ ކޮށްލި ސުވާލާއި އެކުގައެވެ.

”މަހުދީ ދެތިން ފަހަރު ބަލައިފިން.. އަދި ރެއަކާއި ލާ ގޮތެއް ނުވި ތިބުނި އެއްޗެއް“

”އެންމެ ލާސްޓް ޓްވެންޓީ ސެކަންޑްސް ރިޕީޓެޑް ކޮން ބަލައިލަބަލަ.. ޒޫމް އިޓް…ހަމަ ކަމެއް ފާޙަގަ ނުވޭތަ؟“ މަހުދީ، އިޔާން އިށީނދެ އިން ގޮނޑީގެ އަތްގަނޑުގައި އަތް އަޅުވާލިއެވެ.

ދެތިން މިނެޓް އެ މަސައްކަތުގައި އިންދާ އިޔާންއަށް ވެސް މަހުދީ ބުނި ވާހަކަ ފަހުމް ވާގޮތްވިއެވެ. އަންހެން ކުއްޖާ، ވެހިކަލާއި ނުހަނު ގާތައް ދިޔަ ހިނދު ކުއްލިއަކަށް ވީޑިއޯ ކޮޅު ހުއްޓެއެވެ. ކެމެރާގެ މަންޒަރު ބޮޑު ކޮށްލިއިރު، ކިތަންމެ ފުސް ނަމަވެސް އެދެމެދުގައި ދެފިޔަވަޅު އެޅޭނެހާ ހުސް ޖާގަ އޮތް ކަމަށް ހުދު އިޔާންއަށް ޔަގީންވިއެވެ. ނަމަވެސް ހުއްޓިފައިވީ ވީޑިއޯ އަލުން އެޅުވުނު އިރު އޭނާ ފެންނާކަށް ނެތެވެ. ބަލާ މީހަކަށް ހީވާނީ އޭނާ ވެހިކަލްގެ އެތެރެއަށް ވަނީކަމަށެވެ. ނުވަތަ ވެހިކަލްގެ އަނެއް ފަރާތުން މަގުގެ އަރިމަތިން ޕޭވްމަންޓް މަތިން އަރައިގެން ދިޔައީ ހެންނެވެ. އެއަށް ވުރެން އިތުރަކަށް މަންޒަރެއް ނެތެވެ. ވީޑިއޯ އަވަސް ވެފައި ވަނީ ވެސް އެހިސާބުންނެވެ.

”ޔޫ އާރ ރައިޓް! ސަމްތިންގ އިޒް އޮޑް ހިޔާރ.. “ އިޔާންގެ ނިތައް ރޫއަރައިގެން ދިޔައެވެ. އެތައް ފަހަރު އަޅުވާލި ނަމަވެސް ފެނިގެން ދިޔަ މަންޒަރު ބަދަލެއް ނުވިއެވެ. އެތައް ފަހަރެއްގެ މަތިން އެ މައްސަލައާއި އުޅެގެން ވެސް އެއްވެސް އޮފިސަރަކަށް ދެނެނުގަނެވުނު ކަމެއް އެ ވަނީ ފާހަގަ ވެފައެވެ. އެންމެފަހުން މައުސް އިން އަތް ދޫކޮށްލަމުން އޭނާ ނަޒަރެއް ދިނީ މަހުދީއަށެވެ.

“ ތަހުގީގުގެ ރިޕޯޓްތަކައް ބަލާފަ ވަކި އެއްޗެއް ބުނަން އެނގޭނީ..ދެން ބަލާލަބަ މި ވީޑިއޯ ތައް.. އެ އަހަރުގެ މި ހާދިސާ ހިނގުމުގެ ކުރިން އަދި  ފަހުން ހަމަ ސޭމް ސްޕޮޓްގައި ހިނގާފަ ވާ އެކި ކުށްތަކާއި ގުޅޭ ކެމެރާގެ މަންޒަރު މިހުރީ.. ތޭރަ އަހަރުގެ ކުރީގެ ވީޑިއޯ ހަމަ ހުސް، މި ވީޑިއޯ ތަކާއި އެ އަންހެން ކުއްޖާގެ ގެ ވީޑިއޯ އަޅާ ކިޔާލަ ބަލަ“ މަހުދީ ދެއްކީ އޭނާގެ ފޯނަށް އަޅައިގެން ގެނަ އިތުރު ވީޑިއޯ ތަކެކެވެ. އޭނާ ބުނިހެން އެއީ ހަމަ އެ އަހަރު ހިނގާފައިވާ ބައެއް ކޭސްތަކުގެ ކެމެރާގެ މަންޒަރުތަކެވެ. ބައެއް ވީޑިއޯ ތަކަކީ އެހާދިސާއަށް ވުރެން ކުރިން ހިނގާފައިވާ ކަންކަމެވެ. ދެން ހުރީ އޭގެ ފަހުން ހިނގި ކަންކަމާއި ގުޅޭ މަންޒަރުތަކެވެ. މިހާރު ހުންނަ ކެމެރާ ތަކަށް ވުރެން މަންޒަރުތަކުގެ ކޮލިޓީ ފެންވަރު ދަށް ނަމަވެސް މަންޒަރު ކުލަ ވެފައި މީހުންގެ ސިފަ ވަކި ކުރަން، ފަސޭހަ ކަމާއި އެކު އެނގެއެވެ. މަހުދީ ފޯނުން ދެއްކި ހުރިހާ ވީޑިއޯއެއް އެއްވެސް ކަހަލަ އުނދަގޫ ކަމެއް ނެތި ނުހުއްޓި ފުރިހަމައަށް ފެނެއެވެ. ތަފާތީ ހަމައެކަނި އެ ވީޑިއޯ ކޮޅެވެ.

”އެހެން ވީޑިއޯ ތަކާއި ބަލާފަ..ލުކް އެޓް ، ހައު ބްލަރީ އިޓް އިޒް … ލުކްސް ލައިކް އިޓްސް ރި ސޭވްޑް.. އަދި މިހާރު ވަސީލަތްތައް އިތުރު ވީމަ އަހަރެމެންނަށް އިތުރަށް އައި ޓީ ޓެކްނީޝަނުން މެދުވެރިކޮށްގެން ވެސް ހޯދޭނެ ގޮތް ގޮތް އެބަހުރި.. އެކަމަކު މިހާ ދުވަސް ވީމަ އޭގެ އަސްލު މަންޒަރުތަކެއް ވެސް މިހާރަކު ނުލިބޭނެ ފަސޭހައަކުން. ލުކްސް ލައިކް ދިސް ވީޑިއޯ ވޯޒް ސަމްހައު ފެބްރިކޭޓެޑް“ އިޔާންއަށް ބުނެވުނެވެ. ނަމަވެސް މީގެ ކުރިން އެ މައްސަލަ ބެލި މީހުންނަށް، އެ ވީޑިއޯ އިން ކަމެއް، ފަހްމް ނުވެއޮތީ ކީއްވެބާއޭ ހިތައް އަރަމުން ދިޔައެވެ.  އެމީހުންނަށް ވެސް ގައިމު އޮންނާނީ ފޫޓޭޖް ފެނިފަތާއެވެ. އިޔާންގެ ސިކުނޑީގައި ވަނީ ސުވާލްތައް ފުނިޖެހިފައެވެ.

”އަނެއްކަ.. ބައެއްގެ އަތެއް މިކަމުގައި ވަނީބަ؟… ނޯ ވޭ.. ނޯ ވޭ.. އެހެން ކިހިނެތް ވާނީ.. ހައިކަލްބެ މެންނަކީ ސިޔާސީ ވެރިންނަށް ވުރެން ބާރުވެރި ބައެއް…މްމްމް… އަނެއްކާ އެކަމާއި ހަސަދަ ވެރިވެގެން ބަޔަކު ކަމެއް ކުރީބަ؟“ އިޔާންގެ ހިތުގައި އުފެދެމުން ދިޔަ ޝައްކުތައް ފުންވަމުން ދިޔައެވެ. ބައެއްގެ ނުފޫޒު އެކަމުގައި އޮތް ބާއޭ ހީވަމުންދިޔައެވެ. ހައިކަލްއަކީ ހަމައެކަނި ނަން ހިނގާ ވަރުގަދަ ޝަހުސިއްޔަތެއް ނޫނެވެ. އޭނާގެ އެހުންނަ ހިތްހެޔޮ ހެޔޮލަފާ ސިފައިގެ ސަބަބުން ނުގުޅޭ މީހަކު ނެތެވެ. އޭނާއާއި ދެކޮޅުވެރި މީހެއްގެ ނަން، ތުންތުން މަތިން ވެސް އިޔާން އަޑު އަހާފައި އެއް ނުވެއެވެ. އެކިއުމުރު ފުރައިގެ މީހުންގެ މެދުގައި ހައިކަލްއަކީ މަގުބޫލް ފަރާތެކެވެ.

”ސާރ.. ހެލޯ؟“ ގެއްލިފައި ހުރި އިޔާން ސިހުނީ މަހުދީގެ އަޑަށެވެ.

”ކިހިނެތް ހަދަން ވިސްނަނީ؟“

”ލެޓް މީ ތިންކް ފަސްޓް.. މްމްމް ކުރީގެ ކޭސް ފައިލް އަހަރެން ހޯދާލާނަން… މަހުދީ… މި ވާހަކަ އިތުރު މީހަކަށް އެނގިގެން ނުވާނެ އަދި .. އިޓްސް އޮންލީ ބިޓްވީން އަސް.. އޯކޭ؟“ އިޔާން ބުންޏެވެ. މަހުދީ ބޯ ޖަހައިލުން އެކަމާއި އެއްބަސް ވެލިއެވެ. އިރުކޮޅަކު ވާހަކަ ދައްކާލަން މަޑުކުރުމަށްފަހު އޭނާ ނުކުމެގެން ދިޔައެވެ.

އިޔާންއަށް ގޮނޑީގެ ތެރެއަށް ޖެހިގަނެވުނެވެ. ދެލޯ މަރާލައިގެ އޮތް އިރު ވިސްނެމުން ދިޔައީ އެ ވީޑިއޯއާއި މެދުގައެވެ. ކޮންމެވެސް ހަގީގަތެއް ފޮރުވުމަށްޓަކައި، ތަހުޤީގައް ބާރުފޯރުވަން ބަޔަކު މަސައްކަތް ކޮށްފައި ވާކަން އޭނާގެ ހިތް ބުނަމުންދިޔައެވެ. ހައިކަލްގެ މުޅި އާއިލާއަށް ދިމާވި އެ ބޮޑު ހާދިސާއަށް ފަހު އެކަމާއި، މުޅި ގައުމު ހިތާމަ ކުރިކަން އޭނާ ވެސް ދަނެއެވެ. ނަމަވެސް ސުވާލަކީ އެކަން އެކުރި ބަޔަކު އެހާ ބޮޑު އޮޅުވާލުމެއް އޮޅުވާލަންވީ ކީވެބާއެވެ؟

ހައިކަލް އެދިފައިވާ ގޮތައް އަލުން ތަހުޤީޤް ހުޅުވުމާއި ދޭތެރޭގައި އިޔާން ވިސްނާލިއެވެ. އާ ހެއްކެއް ފެނިފައިވާ ނަމަވެސް، އިތުރަށް ޔަގީން ކުރަން އޭނާ ބޭނުންވިއެވެ. އެފަދަ ކަމަށް ތައްޔާރު ވުމުގެ ކުރިން ފުރިހަމަ ކުރަން ޖެހޭ ބައިވަރު މަރުހަލާތަކެއް  ވެސް ވެއެވެ.

”މައްސަލައެއް އަލުން ހުޅުވުމަށް، ހުށައަޅާ ކޮންމެ ހުށައެޅުމެއް ވެސް ބެލޭނީ ވަކި ވަކި ކޭސް ތަކަށް ބަލައިގެން.. އެންޑް ހުށައެޅިފައިވި ހެކިތަކާއި މައުޝޫއުމާތުގެ ބުރަދަނަށް ބަލައިގެން.. މްމްމް… ސޯ.. ރި-އޯޕެނިންގ އަށް އެދުމުން ރިޖެކްޓް ނުކުރާ ވަރުގެ، މިއަށް ވުރެން ބޮޑު ހެއްކެއް ބޭނުން ވޭ އެބަ.. އެ ވާން ޖެހޭނީ އެމީހުންނަށް ސުވާލް ނުއުފެއްދޭނެ ވަރުގެ އެވިޑެންސް އަކަށް“ އިޔާން މޭޒުގައި އަތުގެ އިނގިލި ތަކުން ތަޅައިލިއެވެ. އޭނާ ގަސްތު ކުރީ މައްސަލަ ނިނުމުނު ގޮތުގެ ބަޔާން ހޯދުމަށެވެ.

***

“ ޖަލީލޫ.. ހާޖަރާ… ތަންކޮޅެއް އަތް މަތި އަވަސް ކޮށްލަ ބަލަ .. އެކުއްޖާ ބަލާ އެއާރޕޯޓަށް ދާން ވާއިރު ވެސް ނޭނގޭ ތިވަރުން ނިމޭނެ ކަމެއް“ ބަދިގޭގެ މޭޒުމައްޗަށް ކާ އެއްޗެހި ލަމުން ދިޔައިރު މަޖުދާގެ އަތް މަތި ހުރީ ނުހަނު އަވަސްކޮންނެވެ. އިރުކޮޅަކާއި ހެން ފާރުގައި ހުރި ގަޑިއަށް ނަޒަރެއް ދެއެވެ.

ގެއަށް އަންނަން އުޅޭ އާ މެހެމާނު ހުންނަން ހަމަ ޖެހިފައި ވަނީ އިރަމްގެ އާއި އެކު އެއްކޮޓަރީގައި ކަމުން، އެ ތަނުގައިވާ ސާމާނުތައް ވަނީ އައު ކޮށްފައެވެ. އަވަސް ކުރުމަށްޓަކައި، ގޭގައި ގެންގުޅޭ ބޭރުމީހުންގެ ތެރެއިން ދެމީހަކަށް ކޮޓަރި ތެރެ ކުނި ކެހުމަށް ހަވާލް ކޮށްގެން އުޅޭތާ ވިއްސަކަށް މިނެޓް ވެއްޖެއެވެ.

”އިޔާން ވެސް އަދި މިރޭ ހަމަ ދާން ވެއްޖެ ކޮފީއަށް… މި ދެމީހުން ވެސް ފޯރިއެއް އެބަ ހުއްޓެއްނު.. ދެ ލޯބިވެރިންނެކޭ އެއްފަދަ.. އަޖައިބެއް ނުވާނެ ތަ .. ދެން ލޯބި ވަންޏާ ވެސް އެކަކު އަނެއްކަކުގެ މޫނަށް ބަލަން ނުތިބެ ނިކަން ބުނެބަލަ ލޯބިވެއޭ.. ތިހެން ތިބީމަ ކިހާ ވަގުތެއް އެބަ  ގެއްލޭ އަހަރެމެންނަށް“ އެމީހުން ލަސް ވެގެން ވަތް އިރު އެކަކު އަނެއްކަކަށް ގެއްލިފައި ތިބިތަން ފެނި މަޖުދާ ބުނެލިއެވެ. އޭނާ ދޮރުކަނީގައި އަތް ވިދެލައިގެން ހުރި ގޮތުން، ޖަލީލް އާއި  ހާޖަރާ ސިހިފައި ދުރަށް ޖެހިލައިފިއެވެ. ހިތްހަމަ ނުޖެހިފައި ހުރި ނަމަވެސް ދެމީހުންގެ އެއާދައިން މަޖުދާ ގާތައް ހިނި އަންނަ ގޮތްވިއެވެ. ޖަލީލް އާއި ހާޖަރާ އަކީ މެލޭޝިއާއަށް އުފަން ދެމީހުންނެވެ. އެކަކު އަނެއްކަކު ފެނުމުން އުޅޭ ގޮތުން، ނުބުނި ނަމަވެސް ދެމީހުންގެ ހިތުގައި ދެމީހުންނަށްޓަކައި އުފެދިފައި ވާ އިޙްސާސްތައް ފެންނަ ކޮންމެ މީހަކަށް ވެސް ދޭހަ ވާނެކަން ގައިމެވެ.

”ސޮރީ މެޑަމް.. ހާޖަރާގެ ލޮލަށް އެއްޗެއް ވެއްޓުނީ“ ފަރިތަކަމާއި އެކު ޖަލީލް ދިވެހި ބަހުން ބުނެލިއެވެ. ހެވިދާނެތީ އެއްޗެއް ނުބުނެ ބޯޖަހާލާފައި މަޖުދާ އެތަނުން އައެވެ. އޭނާ ނުކުންތާ މާގިނަ އިރެއް ނުވެ އެދެމީހުން ވެސް މަސައްކަތް ނިންމާފަ ނުކުމެއްޖެއެވެ.

އޭރު މަޖުދާ ވެސް، ގަޑީގެ ކުރިން ހުރިހާ ކަމެއް ނިންމާލެވުމުން ، ވެފައިވާ  ވަރުބަލި ފިލުވާލުމަށްޓަކައި އިނީ ސޯފާގައި ޖައްސާލައިގެންނެވެ.

”މަޖޫ.. އެމީހުންނަށް ކީއްކުރީތަ.. ހާދަ ގޮތަކަށް ތިބެ އެދިޔައީ؟“ ނަދީމް ކޮޓަރިން ނުކުމަތީ އެއާރޕޯޓަށް ދިޔުމަށް ތައްޔާރު ވެގެންނެވެ. އޭނާ ނުކުތުމުން މާހައުލުގައި ދުވައިލީ ނޭފަތައް އުނދަގޫ ވާ ފަދަ އަތަރު ވަހެކެވެ. އެ ވަހަށް ކެތް ނުވެގެން މަޖުދާއަށް ނޭފަތުގައި އަތް އެޅުނެވެ.

”މަ ހިތައް އަރާ އަންނަ ކޮންމެ ހާއްސަ ދުވަހަކަށް ސެންޓް ފުޅިއެއް ނަދީމަށް މަ ދެނީ ކީއްކުރަން ބާއޭ.. ހުރިހާ ތަނެއް ސާފް ކޮށް މުޅި ގެއަށް ލެވެންޑާރ އެއާރ ފްރެޝްނާރ ޖަހާފަ އައީމަ ބޮކަރުން އަތަރުން ފެންވަރުވާލަ ދީފި …ޝުކުރިއްޔާ ނަދީމޫ“

މަޖުދާގެ ޖުމްލަތައް އިވި ނަދީމްއަށް ހެވުނެވެ.

”ހޭނެ ކަމެއް ނެތް.. ހަމަ މިހާރު ދޭ ސެންޓް ޖަހައިގެން އަންނަން.. ނޯތް ދަމާލަން ނުކެރޭ މިހާރު“ އެ ވަހަށް ކެތް ނުވެގެން ސޯފާއިން ތެދުވެގެން އައިސް ނަދީމްގެ ބުރަކަށީގައި އަތް އަޅުވަލަމުން ކޮޓަރިއާއި ދިމާލަށް ކޮއްޕާލިއެވެ. ހެމުން ހެމުން އޭނާ އެތެރެއަށް ވަނެވެ.

“ މަންމާ ކޮން ވަހެއް އެދުވަނީ“ މީރާން ކުޅެ ނިމިގެން ގެޔަށް އައި އިރު މަޖުދާ ހުރީ އެއާ ފްރެޝްނާރ  ޖަހާށެވެ.  އަތަރުގެ ގަދަވަސް އެއްކޮން އޭރުވެސް ނުކެނޑެއެވެ.

”ދަރިފުޅުގެ ބައްޕަ އެއައީ ބޮކަރު އަތަރު ޖަހައިގެން.. މަންމައަށް ފަސޭހަ ކޮށްދިނީ އެންނު.. ދޭބަލަ ނީއްކޮ ކޮބާތޯ.. ފެން ވަރަން ވަތް މީހާ އަދި ނޫޅޭ ނުކުންނާކަށް… ކުޑޫވެސް ކޮލެޖުން އަންނަން އުޅޭނެ މިހާރު .. މެހެމާނު އަންނަން ވާއިރަށް ހުރިހާ ކުދިން ވާނެ ތިބެން .. “  މީރާން ދިއްކޮށްލި ބޫޓު، ބޫޓު ހަރަށް ލަމުން މަޖުދާ ބުނެލިއެވެ.މީރާން ވެސް ބޯޖަހައިލަމުން ނީޝަންގެ ކޮޓަރިއަށް ވަދެ އޭނާއަށް ގޮވަން ފެށިއެވެ.

”ނީއްކޮ ރެޑީ ވަނީ.. ދޮންބެ ނާންނަނީތަ؟“

”ހަވީރް ކޮފީއަށް ދިޔަ ގޮތައް އަދި ނާދެ.. ރީއްކޮ ނިންދަވާފަ ދަރިފުޅު ކޮޓަރީގަ ބާއްވާފަ މަންމަ މިއައީ…އަދި މަންމަ ހަނދާނެއް ނެތް އެކުއްޖާ އަންނަ ވާހަކަ ދޮންބެ ގާތު ބުނާކަށް ވެސް.. އެހެންނު ވާނީ މެހެމާނު އަންނަ ހަބަރު ލިބިގެން އޯޑާރ ކުރި ފަރުނީޗާރ ތައް ވެސް ދެންމެ އެދިޔައީ ރާވާ ނިންމާފަ… އަދި އިޔާ މުޅި ވީކްގަ ބިޒީ ކޮށްލައިގެން އުޅެފަ ލޮލަށް ފެންނަނީ ރޭގަނޑު.. އެއްޗެއް ކިޔޭނެ ތަ.. ދެން މިއަދު އޮފް ދުވަހު ރީއްކޮ އާއި އެއްކޮން އުޅެފަ ވިޝާމް އާއި އެއްކޮން ކަންނޭގެ މިހާރު އެދިޔައީ ބޭރަށް..“ މަޖުދާ ފޯނު ހިފައިގެން އިށީންދެލީ އިޔާންއަށް ގުޅުމަށެވެ.

”މަޖޫ .. މަ މިދަނީ އެއާރޕޯޓަށް.. ލޯ ސަކަރާތް ކަމުން ކާރު ދުއްވަން ނުކެރޭނެތީ ޔުމާން އަށް މިގުޅީ ..ގުޅި އިރު އިޔާ ހުރީ ވިލިނގިލީގަ ވިޝާމް މެންނާއި އެއްކޮން…“ ކޮޓަރި ތެރެއިން ނުކުމެ ނަދީމް ބުނެލިއެވެ. މަޖުދާ ބޯ ޖަހައިލިއެވެ.

***

ފްލައިޓްގެ ކުޑަދޮރުން ބޭރު ބަލާލެވުނުއިރު، ރޭގަނޑުގެ އަނދިރިކަމުގެ ތެރެއިންވެސް ފާޅުވާ ދިއްލުންތައް ކުދި އަލިކޮޅު ތަކެއް ފަދައިން ވިދަމުންދިޔައެވެ. ތިރިވަމުން އައި ވަރަކަށް ކަނޑުގެ ލޮނުގަނޑު އަނދިރި ގޮތަކަށް ފެންނަމުން ދިޔައެވެ. ހަނދުވަރުގެ ރިހިއަލިން ރާޅުތަކުގައިވާ ފޮނުތައް އެކުލައިން ދިއްލިފައިވާ ތަން ފެންނަމުން ދިޔައެވެ. ބަލައިލަން ނުހަނު ރީއްޗެވެ.

ވެލާނާ އިންޓަނޭޝަނަލް އެއާރޕޯޓުގެ ރަންވޭގައި، އެމިރޭޓްސް އެއާރލައިންގެ ބޯޓު ޖެއްސިކަން ކުރޫއިން އިއުލާނު ކުރުމާއި އެކު އަމީރާގެ ހިތައް ތަފާތު އިޙްސާސްއެއް ކުރުވިއެވެ. ބޯޓުގެ އިންޖީނުގެ އަޑު ކަންފަތުގައި ލުއި ގޮތަކަށް ހަރުލާފައި ހުއްޓަސް، އޭނާގެ ހިތުގެ ތެޅުމުގެ އަޑު އޭނާއަށް އިވޭހެން ހީވިއެވެ. ނޭނގޭ ސަބަބަކާއި ހުރެ ހިތް ތެޅިގަތެވެ. ނުތަވަސް ވެފައިވާ ސިކުނޑީގައި އަސަރުތައް ދިޔައީ ފުންވަމުންނެވެ.

”ވަޓްސް ހެޕެނިންގް ޓް މީ؟“ މޭގައި އަތް ޖައްސާލެވުނު އިރު އަމީރާގެ ހިތްހަމައަކަށް އަލުވާލުމުގެ ގޮތުން ދެތިން ނޭވާ ބޭރުކޮށްލަން ޖެހުނެވެ.

***

(ނުނިމޭ)