”ދަރިފުޅާ.. އަންހެން ކުއްޖެކޭ؟ ކޮން ކުއްޖެއް އެއީ؟ ތިތަނުގެ ޑޮކްޓަރެއްތަ.. ؟ތިތަނުން ދިމާވި ކުއްޖެއްތަ؟. އިޒް ދެޓް ޔުއާރ ޖީ އެފް؟ “ ޔޫމީންގެ ސުވާލްތައް އިވި ލިއަމްއަށް ދެލޯ މަރާލެވުނެވެ. ހިނިވެސް އައެވެ. ނަމަވެސް ބޮލުގައި ރިއްސައިގަނެފައި ހުރުމުން އެހާ ގިނަ ވާހަކަ ތަކެއް ދައްކަން އެވަގުތު ލިއަމް ބޭނުމެއް ނުވިއެވެ.
“ އިޓްސް އާލިއާ.. ކީވާންގެ އެކްސް.. “ އެންމެ ފަހުން ލިއަމް ބުނެލިއެވެ. އެހިނދު ޔޫމީންގެ ބަސް ހުއްޓުނެވެ.
***
”ވަޓް.. އާލް؟“ ޔޫމީންއަށް ވީގޮތުން ގޮތުން ލިއަމްގާތައް ހިނި އަންނަގޮތްވިއެވެ. ނުފެނުނު ނަމަވެސް ޔޫމީންގެ މޫނުމަތީގެ ކުލަވަރު ހުންނާނެ ގޮތް ލިއަމްއަށް ސިފަވިކަހަލައެވެ.
”ގެނޭ އަވަހަށް … މިރޭ ގެނަޔަސް ދޮންތައަށް އޯކޭ.. “ އާދަޔާއި ހިލާފް ފޯރިއެއް ޔޫމީންއަށް ހުރީ އަރާފައެވެ. ބާރަށް ހެވިދާނެތީ އޯކޭއޭ ބުނެ ލިއަމް ފޯނު ކަނޑާލިއެވެ.
****
ރުއާނާއަށް ހޭލެވުނީ އެހެން ދުވަސް ދުވަހަށް ވުރެން ތަންކޮޅެއް ލަހުންނެވެ. ނަމާދު ނުކުރެވޭ ދުވަސްކޮޅެއްކަމުން އޭނާއަށް އޮވެވުނީއެވެ. ދުވަހަކީ ހޮނިހިރު ދުވަސް ކަމުން ކިޔަވަން ޔުނިވާރސިޓީއަށް ދާން ނުޖެހެއެވެ. ނަމަވެސް އާދައިގެ މަތިން ޑިއުޓީ ކުރިއަށް އިނެވެ. ތެދުވެލާފައި އެނދުގެ ހެޑްބޯޑްގައި ލައްވެލަމުން ނިދި ފިލުވާލުމުގެ ބޭނުމުގައި އިރުކޮޅަކު އެގޮތުގައި އިނެވެ. އާފުރިލަމުން ފޯނު ހޯދާލި އިރު ސައިޑް ޓޭބަލް މަތީގައި ވާ ތަބަށް ފެނި ހައިރާންވިއެވެ.
”ބައްޕަ ތަންކޮޅެއް އަވަހަށް މިއަދު އޮފީހަށް ދާންޖެހިގެން މިދަނީ.. ރަނގަޅަށް ސައިބޮއެގެން ހުންނާތި“ ތަބަކުގެ އެއްފަރާތުގައި އޮތް، ގަނޑުކޮޅެއްގައި ލިޔެފައިވެއެވެ. އޭގެ ތެރޭގައި އޮރެންގް ޖޫސް ތައްޓާއި ވެނީލާ ސްވިސް ރޯލްސް ގެ އިތުރުން ޓޯސްޓްކޮށްފައި ހުރި ޕާނާއި ސޫޕެއް ހުއްޓެވެ. ރުއާނާ ގެ ތުންފަތުގައި ދުވެލީ އުފާވެރި ހިނިތުންވުމެކެވެ. ތެދުވެ މޫނު ދޮވެލައިގެން އައިސް ތަބައް ހިފައިގެން އޭނާ ނުކުމެލީ ބެލްކޮންޏަށެވެ. އަޅީގެ އެކި ކުލަތަކުގެ ވިލާތަކުން އުދަރެސް ފުރިފައިވި އިރު، ފިނިގަދަ ކަމުން އޭނާ ރޫރޫ އަޅައިގަތެވެ. ހުދުކުލައިގެ އޯވާރ ސައިޒް ޓީޝާޓުގެ މަތިން ކެހެރި ބްލޭންކެޓަކުން ހަށިގަނޑު ފޮރުވާލައިގެން އިން އިރު ވެސް ހީގަންނަމުންދިޔައެވެ.
ލަސްލަހުން ކަމުން ދިޔައިރު އޭނާގެ އުގުމަތީގައި އޮތް ފޯނުން ދިޔައީ އެންމެ ފަހުން ކިޔެވި ފިލާވަޅާއި ގުޅޭ ވީޑިއޯއެއް ބަލަމުންނެވެ. ވީޑިއޯއިން ފެންނަނީ ޒެންޓްރަސް ހޮސްޕިޓަލުގައި ކުރިން މަސައްކަތް ކުރި ޑޮކްޓަރަކު ކޮށްފައިވާ އޮފަރޭޝަނެއްގެ މަންޒަރުތަކެވެ.
”ކީއްވެތަ ޑޮކްޓާރ އިޒާންގެ މާސްކް އަޅާފައި ހުންނަ ވީޑިއޯތައް ކޮލެޖް ވެބްސައިޓްގަ ވެސް މިހުންނަނީ.. އައި ވޮނަ ސީ ހިޒް ފޭސް… އާހްހްހް ބަޓް…ޑޮކްޓާރ އިޒާން އިޒް އައުޑްސްޓޭންޑިންގް.. ހިޒް ހޭންޑް މޯވްމެންޓްސް އާރ ކްރޭޒީ..އައި މީން ސޯ ސްމޫތް .. ސަޗް އަ އިންސްޕިރޭޝާން.. “ ގަޔާވެފައި އިނދެ ރުއާނާ ބަލަމުންދިޔައިރު ، އެފަދަ ވީޑިއޯ ތަކަކީ، ފިލްމުތަކަށް ވުރެން އޭނާއަށް ކަމުދެއެވެ. އިޒާންގެ ހުނަވެރި ވީޑިއޯ ބަލާ ނިމުނު އިރު އޭނާގެ އަނގައިން ތައުރީފްގެ ބަސްތައް ނުހުއްޓެއެވެ. އިޒާންގެ މޫނު ނުފެންނާތީ އެތަކެއް ޝަކުވާއެއް ވެސް އިއްވަމުން ދިޔައެވެ. އެކަނި އިނދެ ވާހަކަ ދެއްކުމަކީ އާދަޔާއި ހިލާފަށް ރުއާނާ ކުރާ ހިތްވާ ކަމެކެވެ.
”ޑޮކްޓާރ އިޒާން އަކީ އިޒީ އާއި އެއުޅޭ ފޮނި ޕްރޮފެސާރ ގެ ބައްޕަ.. ބަޓްޓް..އައި ނެވާރ ހާޑް އެ ފެމެލީގެ އެއްވެސް ވާހަކައެއް .. ނުވެސް ފެނޭ …ކޮބައިބަ އެމީހުން.. “
”މޭބީ ލިއަމް ތަނާއި ހަވާލްވީމަ ގޭގަ ރެސްޓް ކުރަނީ ކަންނޭގެ…ވާހާ ދުވަހު ވޯކް ކުރެވިފަ އެންނު ތިބޭނީ ”ރުއާނާ އެކަނި އިނދެ ވާހަކަ ދައްކަމުން ދިޔައެވެ. އެގޮތުގައި އިނދެ ތަށި ހުސްވުމުން އެތެރެއަށް ވަނީ ޑިއުޓީއަށް ދިޔުމުގެ ކުރިން ފެންވަރާލުމަށެވެ.
***
”މަންމާ.. މަންމާ“ ގެއަށް ވަދެގެން އައި ޔެނާ ގޮވާލިއެވެ. ގޭތެރޭގައި އެއްވެސް މީހެއްގެ ހިލަމެއް ނެތެވެ. ޔެނާ މަޑުމަޑުން ހިނގާލާފައި ބަދިގެއަށް ވަތް އިރު ޔޫމީންއާއި ކައިވަން އޮލަ ވާހަކައެއްގައި ތިއްބެވެ. ދެމީހުންގެ މޫނުމަތީގައި ވީ ނުފިލާ ހިނިތުންވުމެކެވެ. ޔެނާ ފެނުމުން އެ ހިނިތުންވުންތައް އިތުރަށް ފުޅާވިއެވެ.
”ދަރިފުޅު އެކަނިތަ ތިއައީ؟..“
”ނޫން ލޫތް ގެއަށް ވަންނަނިކޮން އެމަޖެންސީ ސާޖަރީ އަކަށް ހޮސޕިޓަލުން ގުޅީމަ ޔެން ލާފަ އެދިޔައީ“ ޔެނާ ޖަވާބު ދިނެވެ. އެހެންހޭ ބުނެ ޔެނާގެ އަތުގައި ހިފާލަމުން، ކައިވަން އޭނާ ގޮނޑީގައި ބައިންދާލިއެވެ. އެއާއި އެކު ޔޫމީން އޭނާގެ އަތައް މޭވާ ކޮށާފައިވާ ތައްޓެއް ގެނެސް ދިނެވެ.
“މަންމާ ނުކެވޭނެ އެހާ ވަރަކަށް.. ލޫތް މަންމަ ވެސް އަބަދު ވެސް އެއްޗެއް ކާންދީދީ ހުންނަނީ.. ލޫތް އެއީ އަނެއް މީހާ.. ޑީއުޓި އިން އަންނާނީ ޝޮޕްތައް ހުރިގޮތައް ގަނެލައިގެން..އެކަމަކާއި ހުރެ ފަލަވެގެން ގޮސް ބެރަކަށް ވެ ނިމިއްޖެ“ ޔެނާ ކުޑަކުއްޖަކު ފަދައިން ޝަކުވާ ކޮށްލި ގޮތުން ކައިވަން އާއި ޔޫމީންއަށް ހެވުނެވެ.
”ކާންވާނެ އޭ މިދުވަސްކޮޅު .. އީން ހަމަ ރަނގަޅަށް އެހަދަނީ..ބޭބީ ހެލްތީ ކޮން އޮންނާނީ ވެސް މަންމި ކެއީމަ އޭ.. ބާކީ މިހާރު ވަން މަންތް މިއޮތީ“ އުލަކުން ފަހަރަކު މޭވާ ކޮޅެއް ނަގާ ޔެނާގެ އަނގައަށް ޔޫމީން ދިޔައީ ލަވާ ދެމުންނެވެ. ތުން ހަދައިގެން އިނދެ ވެސް ޔެނާ ދިޔައި އަނގަ ދައްކަމުންނެވެ.
”ޔެން އަށް އެނގޭތަ.. ކީވާން ޕްލޭ ބޯއީ ދުވަސް ވަރު ރައްޓެހިވެގެން އުޅުނެއްނު ކުއްޖެއް.. އާލިއާ.. އާލް.. ލިއަމް ދޮންބެގެ ފްރެންޑް ޒައްޔާންގެ ކޮއްކޮ.. އާލް ކަމިން ޓް ލިވް ވިތް އަސް“ ޔޫމީން ދިން ހަބަރަކުން ޔެނާ ކޮށިއަރައިގެން ދިޔައެވެ.
”ދަރިފުޅާ..ޕިސް..މަޑުމަޑުން “ ކައިވަން ފެންތައްޓެއް ދިއްކޮށްލުމުން އެއް ނޭވާއިން އެ ބޯލައިގެން ޔެނާ ބަލައިލީ ދެލޯ ބޮޑުކޮށްލައިގެން އިނދެއެވެ.
”ވަޓް.. ރިއަލީ“ ޔެނާއަށް ، ޔޫމީން ބޯ ޖަހައިލިއެވެ.
”އަޅެ ކީއްވާނީ އެކުއްޖާއާއި މެރީ ކުރާ ހިޔާލް ގެންގުޅެން.. ކީވާން ކުއްޖަކާ ނުގުޅެން އެހުންނަނީ އެކުއްޖާއަށް ހެދުނު ގޮތުން ގިލްޓީ ވެގެން..އޭނައަށް އެނގޭ ތަ އާލް އަންނަކަން؟“ ޔެނާގެ މޫނަށް ވެރިވެފައި ހިތްހަމަޖެހުމެވެ.
”ނޫން.. ކީވާން ދެންމެ އެދިޔައީ ހޮސްޕިޓަލަށް.. މިގެއަށް އަންނަ މަގުމަތީގަ އާލް މިހާރު ވާނީ.. އައީމަ ކީވާންއަށް ފެންނާނެ އެންނު.. އާލް އެއީ ނާރސިންގ ހަދާފަ ހުރި ކުއްޖެއް އެހެންވެ މިހާރު ވެއްޖެ ޖޮބް ވެސް ހޯދާދީފަ.. “ ޔޫމީން ބުނެލިއެވެ. ކައިވާން އާއި ޔޫމީން އެކުއެކީގައި ބޯ ޖަހައިލިއެވެ.
ތިންމީހުން ވާހަކައިގާ ތިއްބާ ގޭގެ ބެލް އެޅުމުން ޔޫމީން ގޮސް ދޮރު ހުޅުވާލިއެވެ. ހިމަ ތޮޅިކޮން ހުރި ޒުވާން އަންހެން ކުއްޖެއްގެ އިތުރުން މާސްކެއް އަޅައިގެން ހުރި ޒުވާން ފިރިހެނެކެވެ. ވަގުތުން އެއީ އާލިއާ އާއި ޒައްޔާންކަން ދެނެގަންނާކަށް ޔޫމީންއަކަށް އުނދަގުލެއް ނުވިއެވެ. ފުޅާ ހިނިތުންވުމަކާއި އެކު ދެ މީހުން ވަންނަން ތަން ދިނެވެ. ނަމަވެސް ޒައްޔާނު އެތެރެއަކަށް ވަންނާކަށް ނޫޅުނެވެ. ފަހުން އަންނާނެ ކަމަށް ބުނެ އޭނާ ނުކުމެގެން ދިޔައިރު ލަދުގަނެފައިވާ ފަދައަކުން އާލިއާ އިސްޖަހައިގެން ހުރެ އެތެރެއަށް ވަނެވެ.
”ކިހިނެތް އާލް“ އާލިއާގެ އަތުގައި ހިފާލަމުން ޔޫމީން ވާހަކަ ދެއްކިއެވެ. އިސްކޮޅުން ކުރުވެފައި ހިމަ ތޮޅިކޮން ހުރިއިރު ފަންފަން އިސްތަށިކޮޅު އޮތީ ކޮނޑާއި ހަމައަށް ކޮށާލެވިފައެވެ. ހުދު ދޮންކުލަ އަރާ ހަންގަނޑު އޮމާންކަމުން ވިދައެވެ. ޔޫމީންއަށް އެންމެ ކަމުދިޔައީ އެމޫނުމަތީގައިވި ލަދުރަކި ކަމުންނެވެ. ނުހަނު ހިތްހެޔޮ ކަމާއި އެކު ވާހަކަ ދެއްކިއެވެ.
”ހާއި “ ޔެނާ ސަލާމަތް އަތްދިއްކޮށްލުމުން އާލިއާ ވެސް ހީލަމުން ސަލާމް ކޮށްލިއެވެ.
***
ބުރަ ވަގުތުތަކަށް ފަހު، ވަރުބަލި ކަމުގެ އިޙްސާސް ކުރެވިގެން އިޒްވާ ކެންޓީނަށް ވަނީ އައިސްކޮފީއެއް ހޯދުމުގެ ނިޔަތުގައެވެ. ފުދޭވަރަކަށް ކިއު ދިގެވެ. އިޒްވާގެ ފޯނު ވައިބްރޭޓް ވެގެން ބަލައިލިއިރު ލިއަމްގެ ވޮއިސް މެސެޖެކެވެ.
”އިޒީ .. ދޮންބެ ބާތްޑޭ ގިފްޓަށް ދިނީމެންނު ކަސްޓަމައިޒް ކޮން ހަދާފަ އިން ބިއްލޫރު ފްރޭމް އެއް.. މިއަދު އޮފީހަށް ގެނައި ތަނުން ވެއްޓި ތެޅިއްޖެ.. އައި ވޯނަ ނިއު ވަން.. އައި އޯޑާރ ޓް ބްރިންގް ނިއު ވަން އޭސަޕް“ ވޮއިސް އަޑު އަހާލި އިރު އިޒްވާގެ މޫނަށް ވައްތަރެއް ޖައްސާލެވުނެވެ.
”ވަޓް ދާ.. ދޮންބެ އެއީ ފަނަރަ ދުވަސް ކުރިން އޯޑާރ ދީގެން ހެދި އެއްޗެއް“ އިޒްވާ ވެސް ވޮއިސް ފޮނުވާލިއެވެ. އެއާއި އެކު އަނެއްކާ ވެސް ލިއަމްގެ ވޮއިސް މެސެޖެއް ލިބުނެވެ.
”އައި ޑޯންޓް ކެއާރ.. އައި ނީޑް އިޓް “
”އާރ ޔޫ އޯޑަރިންގ މީ؟“
”ޔާހް އޭޒް އައި ސެއިޑް ބިފޯރ.. ބާއި“ ލިއަމްގެ ފަހު މެސެޖް އަޑުއެހި އިރު އިޒްވާއަށް މޫނު ހަދާލެވުނެވެ. އޭނާ އެހާ އަވަހަށް އެހޯދާނީ ކިހިނެތް ހެއްޔެވެ. އެންމެ އަވަހަށް ވެސް ލިބޭނީ ފަނަރަ ދުވަސް ފަހުންނެވެ. ލިއަމްގެ ގޮތް އެނގެއެވެ. އަވަހަށް ހޯދާ ނުދީ ފިއްޔާ ގެނެސްދެންދެން ކިޔާނެއެވެ. މާދަމާ ކޮންމެހެން ހަދާފަ ވެސް ހޯދަން ދާން އިޒްވާ ނިންމިއެވެ.
އިޒްވާއަށް ހުރެވުނީ ކިއުގެ އެންމެ ފަހަތުން ދެވަނައިގައެވެ. ވަރުބަލި ވެފައި ހުރިވަރުން އެތަނުގައި ގިނައިރު ހުންނާކަށް ބޭނުމެއް ނެތެވެ. ނަމަވެސް ކޮފީ ނުލާ ދާކަށް ވެސް ބޭނުމެއް ނޫނެވެ. އެހެން ހުއްޓާ ސިހުނީ އޭނާގެ ނިތް ކުރީގައި ފިނި އެއްޗެއް ޖެހުމުންނެވެ.
ތެޅިގަނެފައި ބަލައިލި އިރު ހެވިފައި ހުރީ އީތަން އެވެ. އޭނާގެ އަތުގައި އޮތް ފިނި ކޮފީ ދަޅު ފެނުމުން ވީ ގޮތް އެނގި އިޒްވާ ހީލިއެވެ.
”ލުކްސް ލައިކް އިޓްސް ގޮނަ އިންޑް އެނީ ސޫން“ އީތަން ބުނެލީ ހެދިފައި އޮތް ދިގު ކިއުއަށް ނަޒަރެއް ދެމުންނެވެ. އިޒްވާ ތުންފިއްތާލިއެވެ.
”އަހަރެން ވެސް މިތަނުގައި ހުރެފައި މިވަނީ އެކޮޅުގަ އިން ޝޮޕަށް.. ދަނިކޮން އައި ސޯ ޔޫ“ އީތަން އެ ދަޅު ދިއްކޮށްލަމުން ހީލިއެވެ. އިޒްވާ ބަލައިލީ ޝުކުރުވެރިކަމާއިއެކު އެވެ.
”ތޭންކިއު އީތަން.. ވަރަށް ޓަޔާރޑް ވެފަ މިހުރީ އެކަމަކު ހަމަ ކޮފީއެއް ނުލާ ނުދާން ވެގެން ހުއްޓަ މި ލިބުނީ“ ދަޅު ކަނޑާލަމުން ތުމުގައި ޖަހައިލަމުން ހިނގައިގަތެވެ.
”މިއަދު ރުއާ ނުވެސް ފެނޭ.. ކޮންތާކަށް ވަދެގެން ބާ އެއުޅެނީ.. ގުޅަން ވެސް ގުޅިން“
”ސޭމް ހެހެހެ ޕާޓްނާރ ނުފެނިގެން މިސްވެގެން ގުޅާލިން ދެންމެ.. ފޯނު ނުނަގާ“ އީތާން ވެސް ދިޔައީ އިޒްވާއާއި އެއްވަރަށް ހިނގަމުންނެވެ. ދެމީހުން އެކުގައި ގޮސް އިށީންދެލީ ކެންޓީނުގައި ކުޑަ ދޮރާއި ދިމާލަށް ހުރި މޭޒުތަކުން މޭޒެއްގައެވެ.
ރުއާނާއާއި ނުލާ އިޒްވާއާއި ދިމާވި ފުރަތަމަ ފަހަރު ނަމަވެސް ފުދޭވަރަކަށް ރަނގަޅަށް ދެމީހުންގެ ދެމެދުގައި ވާހަކަ ދެކެވުނެވެ. އިޒްވާގެ އެކުވެރި މިޒާޖު އީތަންއަށް ކަމުދިޔައެވެ. އިޒްވާ އަބަދު ހީލައިގެން އިންނަކަން އީތަންއަށް ފާހަގަ ވިއެވެ.
“އިނގޭތަ ކުރީ ދުވަހު ރުއާ ވަރަށް ލަދުން ހުރީ“ އީތަން ހަނދާންވެގެން ބުނެލިއެވެ. އިޒްވާ ޖަހައިލީ ހިނިގަނޑެކެވެ.
“ފޯރ މީ ދޮންބެ އެންޑް ރުއާ ވަރަށް މެޗް.. ޔޫ ނޯރ.. މްމްމް.. ޕާފެކެޓް އޭޖް ގެޕް އަނެއްކާ“ އިޒްވާގެ ޖުމްލަތަކާއި އެއްބަސްވެވުން އީތަން އަށް ވެސް ހީލެވުނެވެ. ނަމަވެސް އެދުވަހުގެ ހަނދާންތައް އާވެ ދެމީހުން އެ ވާހަކަ ދައްކަމުން ދިޔައީ ހެމުންނެވެ.
***
ރުއާނާ މަޑުކޮށްލައިގެން ހުރީ، ނިއުރޮލޮޖީ ޑިޕާރޓްމަންގެ އަވަސް ފަރުވާ ދޭ ކޮޓަރީގެ ބޭރުގައި ހުންނަ ކައުންޓަރުގެ ކައިރީގައިއެވެ. ސްކްރަބްގެ މަތިން ކޯޓް ލާފައި ހުރިއިރު އަތުގައި އޮތީ ވޯޑްގައި އެނދުމަތި ކުރެވިފައިވާ ބަލިމީހެއްގެ ތާވަލެވެ. ފަރުވާތެރިކަމާއި އެކު އޭގައި ލިޔަމުން ދިޔައެވެ.
”ޑޮކްޓާރ ރުއާނާ..ރައުންޑް ނިންމާލީތަ“ ބަލިމީހުން ބެލުމަށްފަހު އަދްރެކް އައިސް އިށީންދެލީ ކައުންޓަރު ތެރޭގައިވާ ހުސް ގޮނޑިތަކުން ގޮނޑިއެއްގައެވެ. ހީލާފައި ރުއާނާ ބޯ ޖަހައިލިއެވެ. އޭރު އޭނާގެ މަސައްކަތް ނިމެމުން ދާތީ ބޮޑަށް ސަމާލްކަން ހުރީ އެކަމަށެވެ. މަސައްކަތް ނިމިގެން ހުސްކޮން އިން އިތުރު ގޮނޑިއެއްގައި އޭނާ ވެސް ޖައްސާލިއެވެ. މާގިނައިރު ކޮޅަށް ހުރުމުގެ ސަބަބުން އޭނާ ހުރީ ދެފައިގާ ރިއްސާގޮތްވެފައެވެ. އޭރު އަދްރެކް ފޯނެއް އައިސްގެން ގޮސް އެނބުރި އައިސް އަނެއްކާ ވެސ އިށީންނަނީއެވެ.
“ރުއާނާ .. ޑޮކްޓާރ ކައިވާން ކުރުމަށް ހަމަޖެހިފަ ވާ ސާޖަރީއެއް އެބައިން މާދަމާ… އެއީ ޓެން އަވާސްގެ ސާޖަރީއެއް .. އައި ގޮޓް ދި ޗާންސް ސާޖަރީ އެސިސްޓް ކޮށްދޭން އެކަމަކު އަހަރެންގެ ޕޭޝެންޓް އެއްގެ އެމެޖެންސީ ސާޖަރީއެއް އެބައިން ހެނދުނަށް ޝެޑިއުލް ވެފަ.. މިއީ ޑޮކްޓާރ ރުއާނާއަށް ލިބުނު ރަގަނޅު ޗާންސްއެއް ހުނަރު ދައްކާލަން.. ސޯ އައި ސެންޑް ޔުއާރ ނޭމް.. ޑޮކްޓާރ ލިއަމް ވެސް ހުންނާނެ ހަމަ “ އަދްރެކްގެ ވާހަކައިން ރުއާނާގެ އަނގަ ހުޅުވުނެވެ. އެފަދަ ފުރުސަތެއް ހޮސްޕިޓަލާއި ގުޅުނުތާ ހަފްތާއެއް ނުވަނީސް ލިބުމުން ހައިރާން ވެސް ވިއެވެ. ނަމަވެސް ވީ އުފަލުން އަވަސްއަވަހަށް ބޯޖަހައިލެވުނެވެ.
ކޮންމެ ދުވަހަކުވެސް ސާޖަރީތަކަށް ވަދެވުނު ނަމަވެސް، ކައިވަން ފަދަ ނަންހިނގާ ޝަހުސިއްޔަތަކާއި އެކު ސާޖަރީއެއްގައި ބައިވެރިވުމަކީ ވެސް އޭނާއަށް ލިބުނު ފަހުރެކެވެ.
”ތޭންކިއު ސޯ މަޗް“ އަނގަމަތީގައި އަތް އަޅައިގެން އިންގޮތަށް އިނދެ ރުއާނާއަށް ބުނެވުނެވެ. އޭރު ކައިރީގައި ތިބި ނަރުސް ކުދިންތައް ވެސް ރުއާނާއަށް މަރްހަބާ ކިޔަމުން ދިޔައެވެ. އެއީ ކޮންމެ ކޮންމެ ޑޮކްޓަރަކަށް ލިބޭނެ ފުރުސަތެއް ނޫނެވެ.
އަދްރެކްވެސް ހިނިއައިސްފައި އިނދެ ބޯޖަހައިލިއެވެ. ”ސެރާ.. ޖޯނާ..މޭރީ މިއަދު އޮތް މީޓިންގަ ކީކޭތަ ކީ“ އަދްރެކް، އެވަގުތު ތިބި ތިން ނަރުހުން ކުރެ އެއްސެވެ. އެއާއި އެކު ތިން މީހުންއެކުގައި މޫނު ކުނިކޮށްލިއެވެ.
”ހުރިހާ ނާރސް އިންގެ ސެލެރީ ބޮޑުކުރުމާއި ބެހޭ ބިލް އެއް، ޑޮކްޓާރ ލޫތް ހުޅުވާލީ އިންފްރޮންޓް އޮފް އަސް.. ހުރިހާ މީހުން އިއްތިފާގުން ބިލަށް އާނބަސް ބުނީ.. ދެ ޑޮކްޓަރުން ފިޔަވާ.. އެނގޭތަ ކޮން ދެމީހުންނެއް ކަމެއް.. ޑޮކްޓާރ މައުވާ އާއި އޭނާގެ ބެސްޓްފްރެންޑް ޑޮކްޓާރ ޔީލާ“ ޖޯނާ ކިޔައިދިނެވެ. އެއާއެކު އަދްރެކް ކީކޭހޭ އަހައިލިއެވެ. ރުއާނާއަށް މާ ބޮޑަކަށް ވާނުވާ ނޭނގޭތީ އެއްޗެއް ނުބުނެ އެމީހުން ދައްކަމުން ދިޔަ ވާހަކަ އަޑުއަހަން އިނެވެ.
”ޑޮކްޓާރ ޔަޒަކްގެ ޑޯޓާ ޔީލާ؟ ކާންޓް ބިލީވް.. އަހަރެމެން ނިއުރޯ ޑިޕާރޓްމަންޓްގެ ފަރާތުން މީޓިންއަށް ދިޔައީ ޑޮކްޓާރ ކީވާން.. އޭނާ ވެސް ނުބުނޭ ތިކަހަލަ އެއްޗެއް“ އަދްރެކް އަދިވެސް ހުރީ ހައިރާންވެފައެވެ. މައުވާގެ މިޒާޖު އެނގުނު ނަމަވެސް ޔީލާފަދަ މަޑުން ހުންނަ ޑޮކްޓަރަކު އެފަދަ ކަމެއް ކޮށްފާނެކަމަކަށް އަދްރެކްއަށް ގަބޫލް ކުރަން ހުރީ އުދަގޫ ވެފައެވެ. ޔީލާ އަކީ ބޯޑް މެންބަރަކަށް ވެފައި، ބޯޑް މެމްބަރުންގެ ތެރެއިން އެކަކުވެސް ބިލާއި ދެކޮޅު ވެއްޖެނަމަ ފާހެއް ނުވާނެއެވެ.
”މައުވާ ދެކޮޅު ހެދި ނަމަވެސް ވަކި އެއްޗެއް ނުބުނޭ..އެކަމަކު ޑޮކްޓަރ ޔީލާ ގެ ފުށުން ވަރަށް އަންއެކްސްޕެކްޓެޑް ކަމެއް ފެނުނީ.. ސޯ ޑިސްރެސްޕެކްޓްފުލް … އޭނަ ބުނީ ވަރަށް ބޭކާރު ކަމަކޯ އެއީ.. ގިނަ ނަރުހުން ތިބެނީ ޑިއުޓީގަ ވެސް ނިދާފަ ޔޯ.. ރަނގަޅަކަށް މަސައްކަތެއް ވެސް ނުކުރެއޭ.. ނަރުހުންގެ މަސައްކަތް ވެސް ކުރަން ޖެހެނީ ޑޮކްޓަރުންނަށޭ…އެހެން ބުނި އިރުގަ ޝީ ބެޓާރ ޓް ސީ އޯލް ދި ސާރވެއިލެންސް ފޫޓޭޖްސް.. އެހެން ނޫނަސް މިއޮތް ބޮޑު ހޮސްޕިޓަލްގައި ހުރިހާ ނަރުހުން ނިދާފަ ތިބެންޏާ ކޮން ބައެއްބާ ޑޮކްޓަރުންގެ ފުރަގަހުގަ ހިދުމަތްކުރަން ސައުވީސް ގަޑިއިރު އެތިބެނީ“ މޭރީ ވެސް ބުނެލިއެވެ. މޭރީއަކީ ހޮސްޕިޓަލްގައި މަސައްކަތް ކުރާތާ އެތައް އަހަރެއް ވެފައިވާ ފަރާތެކެވެ.
”ބަޓް ޔޫ ގާއިޒް ޑިޒާވް އަ ބެޓާރ ރެއިޒް.. ވީ ޑޮކްޓާރސް އާރ ސާރވައިވިންގ ބިކޯޒް އޮފް ޔޫ އޯލް..މަސައްކަތު މީހުންގެ އެލަވަންސްތައް ޖެހޭ ބޮޑުކުރަން..އެމީހުންވެސް ހަރަދުކުރަން ޖެހޭ އާއިލާއެއް ވާނެ ކޮންމެވެސް ތާކު“ ރުއާނާގެ ޖުމްލައިން ޖޯނާ ތުން ބޮޑުކޮށްލައިގެން ހުރެ އޭނާގެ ގައިގާ ކުޑަކޮން ބައްދާލިއެވެ.
”އަސްލު ވެސް.. އައި ޑޯންޓް ތިންކް އަވާރ ސީއީއޯ އަކަށް ތީގެން ކަމެއް އެނގޭނެ ހެނެއް.. އެގަޑީގަ ލިއަމް ވެސް އުޅުނީ ކޮންސަލްޓިންގަ.. މީޓިންގ އަކަށް އޭނަ ނުދޭ.. “ އަދްރެކް ދޫކޮށްލީ ފުންނޭވާއެކެވެ. ވާހަކައިގާ ތިއްބާ ލިއަމް އަންނަތަން ފެނި އަދްރެކްއަށް، މޭރީ ދައްކާލިއެވެ.
”ހީ އިޒް ސޯ ހޭންޑްސަމް..“ ސިއްރު ސިއްރުން ޖޯނާގެ ކަންފަތް ދޮށުގައި ސެރާ ބުނެލިއެވެ. ދެ އަންހެންކުދިން އާވާރާއެއް ފަދައިން ބަލހައްޓައިގެން ތިއްބެވެ. ރުއާނާއަށް އެމީހުންގެ ޖުމްލަތައް އިވި ދެފަރާތައް ބޯ ހޫރުވާލެވުނެވެ. ނުބަލަން އިނދެފައި ވެސް ލިއަމް އަންނަ ދިމާ ވަށް ކަޅި ބަލައިލިއެވެ. ސްކްރަބް ލާފައި ހުރުމުން ދެއަތް އޮތީ ހާމައަށެވެ. ދެއަތުގައި ނާރުތައް އަރާފައިވާއިރު އެއަތުގެ ވަރުގަދަކަން އިޙްސާސްކޮށްލަން ގައިމް ވެސް އުނދަގުލެވެ. ނުބަލަން މަސައްކަތް ކުރަމުން ދިޔަ ނަމަވެސް ރުއާނާގެ ކަޅީގެ ބާރުވެސް އޭނާގެ އަތުން ދޫވެފައިވާ ކަހަލައެވެ.
“ބޮސް.. ކޮބާ ނިމުނީ؟“ އަދްރެކް އަހައިލީ ލިއަމް އައިސް މަގަތައް ހުއްޓުމުންނެވެ.
”ޔެއާރ ދެން ދާންވީ ގެއަށް..ކޮބާ ޝާއިން؟“ ލިއަމް އިށީނުމަށް އަދްރެކް ގޮނޑިއެއް ދިއްކޮށްލިއެވެ.ލިއަމްއަށް ރުއާނާ ފެނުނީ އެވަގުތުއެވެ. ލިއަމްއާއި ދިމާ ބަލަހައްޓައިގެން އިނދެފައި އޭނާ ބަލައިލުމުން ރުއާނާ އަވަސް އަވަހަށް އިސްޖަހައިލި ގޮތް ފެނި އެތުންފަތުގައި ދުވެލީ ސިއްރުވެރި ހިނިތުންވުމެކެވެ.
”ޑޮކްޓާރ ރުއާ.. ވީއާރ ގޮއިންގް ޓް ހޭވް ޑިނާރ..ވުޑް ޔޫ ލައިކް ޓް ޖޮއިން އަސް؟“ މާރިއާ ބަލިމީހެއްގެ ގާތައް ދާންވެގެން ތެދުވުމުން، ސެރާ އާއި ޖޯނާ ވެސް ތެދުވިއެވެ.
”ނެކްސްޓް ޓައިމް… އައި އޯލްރެޑީ އޭޓް.. އަމް ގޮއިންގް ޓް ޗެކް ސަމްތިންގ“ ސެރާއަށް ޖަވާބުދެމުން ރުއާނާ ހީލިއެވެ. އެންމެ ރަނގަޅޭ ބުނެ ދެމީހުން ހިނގައިގަތެވެ. ދެ ޒުވާނުންގެ ކައިރީގައި އޭނާ އެކަނި އިންނަން ޖެހުމުން ހިސާބަކަށް ލަދު ވެސް ގަތެވެ. ނަމަވެސް އިންތަނުން ތެދުވާކަށް ވެސް ނުކެރުނެވެ.
”ޝާއިން ދޯ…އޭނާ ޑެޑީއަކަށް ވާން އުޅޭތީ ޑިއުޓީން ކިރިޔާ ޓައިމްއެއް ލިބުނަސް އެމަންޖެއަށް ގުޅައިގެން… ކީއްކުރާނީ ވީ ސިންގަލް ޕީޕަލް އާރ ސޯ ޔޫސްލެސް“
އަދުރެކްގެ ޖުމްލައިގެން ރުއާނާއަށް ހެވެން ފެށުމުން، އެދެމީހުންނަށް ނަގައިގަނެވުމުގެ ކުރިން ދެތުންފަތް ފިއްތާލިއެވެ.
”އަހަރެން ބާކީ ކޮށްލީ އެންނު.. އަހަރެން ވެސް ސިންގަލް ފޯރ އެވާރ“ ކީވާން އާދެވުނީ އެމީހުން އެ ސަކާރާތެއްގައި ތިއްބައެވެ. ކީވާން ފެނުނު ހިނދު ލިއަމްއާއި އަދްރެކްގެ މޫނުން ފެނުނީ ލާނެތް ކަމެވެ. ހީވާ ގޮތުން ކީވާންއަށް އާލިއާގެ ހަބަރު އަދި ނުލިބެއެވެ. އެހެންނޫންނަމަ އެހާ ހަމަޖެހިގެން ނުހުންނާނެކަން ދެޒުވާނުންނަށް ވެސް އެނގެއެވެ. ލިއަމްގެ ފުށުން އަދްރެކްއަށް ވެސް ވަނީ އެހަބަރު ލިބިފައެވެ.
”އެޑީ އެނގޭތަ.. އަ ހޭވް ގޮޓް ޓޫ ނިއުސް ފޮރ ކިވީ .ވަން އިޒް ބޭޑް އެންޑް ވަން އިޒް ގުޑް“
”ވަޓ؟ ފޯރ މީ؟އަނެއްކާ ކޮންކަހަލަ ނުބައި ކަމެއް ކުރަން ތިއުޅެނީ“ ކީވާން މޭގައި އަތްޖައްސާލިއެވެ.
”ހަމަ ނޭނގޭތަ؟ ނޫނީ އަހަރެމެން އަނގައިން ބުނުއްވަންތަ ތިއުޅެނީ؟ ހާދަ ހީވެއޭ ތިގެއަށް މިއަދު އައި ބަހާރު މޫސުމުގެ އަޑު އަހަރެމެންގެ އަނގައިން ވެސް އަހާ ހިތުން ހުރި ހެން“
”އަހަންނަށް ކިހިނެތް އެނގޭނީ ބަހާރު މޫސުމާއި ހަރީފް މޫސުން ގެއަށް އެއްކޮން ގޮސް ވަނަސް.. ހެނދުނު އެމެޖެންސީގަ އައި ގޮތައް މިއުޅެނީ.. މިހާރު އެހެރަ ހަތެއް ޖަހަނީ.. އަދި ގެއަށް ނުދެވޭ“ އަދްރެކްގެ ބުރަކަށީގައި ކީވާން ބޮނޑިއެއް އަޅާލިއެވެ.
”ލިއަމް ދެން ބުނަން ވީ އެނގޭ.. ހަބަރެކޭ ކިޔާފަ ނުބުނަން އުޅެންޏާ މަ ހިތައް ނިކަން އުނދަގޫ ވޭ..“
”މިބުނަނީ އޭ.. ގުޑް ނިއުސް އިޒް ޔޫ ގޮޓް އަ ނިއު ރޫމް މޭޓް.. ބޭޑް ނިއުސް އިޒް އިޓްސް އޭން އާޖެންޓް ކޯލް ފްރޮމް ޔޯ ޕާސްޓް“ ލިއަމް ނުހަނު ހަމަޖެހިލާފައި ބުނެލިއެވެ. އަދްރެކްއަކަށް ނީނދެވުނެވެ. ބާރުބާރަށް ހޭންފެށިއިރު އޭނާގެ ލޮލުން ފެން އަންނަމުން ދިޔައެވެ.
ލިއަމް ބުނި ޖުމްލައިގެ ހަގީގަތެއް ނޭނގުނު ނަމަވެސް ރުއާނާ ގާތައް ވެސް އޭނާ ބުނިގޮތުން ހެވުނެވެ. ތުންފަތް ހަފާލަމުން އިސްތަށިގަނޑު ބައެއް މޫނަށް ވައްޓާލިއެވެ. މިވަރުން ދަންޏާ އޭނާގެ ހިނިގަނޑު ކޮންޓްރޯލުން ވެސް ނައްޓާފާނެއެވެ. އެތަނުން ތެދުވެގެން ދާން ހިތައް އެރި ނަމަވެސް ލިއަމް އިން ގޮތުން ދާން ޖެހޭނީ އޭނާއާއި ޖެހި ފިތިގެންނެވެ. ތެދުވެލަން ބުނާކަށް ވެސް އޭނާއަކަށް ނުކެރޭނެއެވެ.
އިސްޖަހައިގެން އިނދެ ރުއާނާ އެންމެ ފަހުން އިސް އުފުލާލީ ކޮންމެ ގޮތެއް ހަދާފަ ވެސް އެތަނުން ތެދުވަން ހިތުލާފައެވެ. ފުރަތަމަވެސް ފެނުނީ ލޮލުގެ ހިމަކޮޅުން އޭނާއަށް ބަލަހައްޓައިގެން އިން ލިއަމްއެވެ. ރުއާނާގެ މެއަށް ހީވީ ފިނިފެން އެއްޗެއް އޮއްސާލިހެންނެވެ. ހީވީ ވަށައިގެން ވާ ހުރިހާ މަންޒަރެއް ފުސްވެގެން ދިޔަހެންނެވެ. ލިއަމްގެ ފުން ކަނޑެއް ފަދަ ދެލޮލުގެ ތެރެއަށް ގެނބެވުނު އިރު ހިތުގެ ހިނގުން އަވަސް ވަމުން ދިޔައެވެ. ދެމީހުންގެ ނަޒަރު ސީދާވެފައި ވީ އިރު އަދްރެކް އާއި ކީވާން ދައްކަމުން ދިޔަ ވާހަކައިގެ މިންވަރެއް ވެސް ނީވޭ ކަހަލައެވެ.
”ހޭ ގޯރޖަސް“ ރުއާނާ ސިހުނީ ދުރުން އިޒްވާގެ އަޑުއިވިފައެވެ. އަވަސް އަވަހަށް ކަޅި ދުރުކޮށްލަމުން އަނެއް ފަރާތައް އެނބުރުލިއެވެ. އިޒްވާ އައި ކަން ނަސީބެކޭ ރުއާނާގެ ހިތައް އެރިއެވެ. ނޫންނަމަ އެމީހުންގެ ގާތުގައި އޭނާ ރަނގަޅަށް ވެސް ބޭޒާރުވީހެވެ.
”ނުނިމޭތަ ދޫންޏާ“
”ނޫނޭ ހަމަ ނިމުނީ މި ދެން .. ބައްޕަ އަންނަން ދެން މި މަޑުކޮށްލަނީ“ ރުއާނާ ހީލަމުން މޭޒުމަތީގައި ވާ ފައިލްތައް ރަމަތަ ކޮށްލަމުން ކައުންޓަރު ތެރެއިން ނުކުންނަން އައެވެ. ނަމަވެސް ލިއަމް އިން ގޮތުން ނުކުމެވޭ ގޮތެއް ނުވިއެވެ. މިފަހަރު އިނީ ފޯނަށް ސަމާލްކަން ދީގެންނެވެ. ރުއާނާ ހުރި ކަމެއް ހަމަ ނޭނގެނީ ބާއޭ ހިތައް އެރިއެވެ. ބުނަން ނުކެރިފައި ހުއްޓާ ލިއަމްއަށް އަދްރެކް ގޮވާލިއެވެ.
”ދެން ރުއާ ނުކުންނަން ތަން ދެގަ.. މުޅި ތަން މޮށްކޮށްގެންނޭ އިންނަނީ“ އަދްރެކްގެ އަޑަށް އިސްއުފުލާލަމުން ލިއަމް ފަހަތައް ގޮނޑި ޖައްސާލިއެވެ. ލިބުނު ފުރުސަތުގައި ރުއާނާ އެދޭތެރެއިން ދެމިގަތެވެ.
”ހެލޯ އަމް ކީވާން.. ރުއާނާ ދޯ.. މިތިބަ ދެމީހުންގެ އުނދަގުލާއިހެދި އައިސްވެސް އަނގައިން ނުބުނެވި މިއިންނަން ޖެހުނީ..“ ރުއާނާއަށް ސަލާމް ކޮށްލުމަށް ކީވާން އަތް ދިއްކޮށްލިއެވެ.
”ޔެސް ..އިޓްސް އޯކޭ..“ހިތްހެޔޮ ހިނިތުންވުމެއް ރައްދު ކޮށްލަމުން ރުއާނާ ވެސް ސަލާމް ބަލައިގަތެވެ.
އިޒްވާގެ ފަހަތުން ރުއާނާ ނުކުތީ ރާބިއު ބަލައި އައިސް ގުޅަން ފެށުމުންނެވެ. ލަސް ހިނގުމުގައި ދިޔައިރު ރުއާނާގެ ސިކުނޑީގައިވީ ލިއަމް ބަލަން އިންގޮތެވެ. އެ ތޫނު ނަޒަރެވެ. ރުއާނާގެ މުޅި ހަށިގަނޑު ހީވީ އެކްސްރޭ ކޮށްލިހެންނެވެ. އޭނާ ނަޒަރު ދިމާވުމުން ވެސް ލިއަމްގެ ނަޒަރު ބަދަލް ކޮށްނުލާ އިން ގޮތެވެ. ހިތް ޒާތަކަށް ތެޅެމުން ދިޔައިރު ބަޔާންކުރަން ދަތި އިހްސާސެއް މުޅި ހަށިގަނޑަށް ކުރުވަމުންދިޔައެވެ. ދެމެދުގައި ވާހަކަ ތަކެއް ނުދެއްކޭ އިރު ކްލާހުން ދިމާ ވެފައިވީ އެންމެ ދެދުވަހުއެވެ. ޑިއުޓީ އިން ވެސް ދިމާވި އެއީ ދެވަނަ ދުވަހެވެ. ވިސްނަން ވީ ގޮތެއް ރުއާނާއަކަށް ނޭގުނެވެ.
****
(ނުނިމޭ)
Comments (2)
Laisays:
އޮކްޓޯބަރ 2, 2025 at 12:56V reethi
I love the way their eye gazes are connecting each other’s🤩🤩💞💞
Shayerrsays:
އޮކްޓޯބަރ 2, 2025 at 13:14Wowww 🔥🔥🔥🔥
Loved itttt🤍🤍💋