މި ޖިސްމުގާ ވަނީ 10

”ޔަނާލް އަކީ އަހަރެންގެ ކުރީގެ އަންހެނުން.. “ އެހާ ހަމަޖެހިލާފައި އިޔާން ބުނެލި ޖުމްލައިން އަމީރާއަށް ލިބުނީ ވަރުގަދަ ޝޮކެކެވެ. ހައިރާންވެފައި ހުރެ ދެލޯ ބޮޑުކޮށްލެވުނެވެ. އަނގަމަތީގައި އަތް އަޅާލައިގެން ހުރެ، ދެފަރާތައް ބޯ ހޫރުވާލެވުނު ހިނދު އިޔާން ބޯ ޖަހައިލީ ތެދެކޭ ބުނާ ފަދައަކުންނެވެ. އަމީރާގެ ފައި ވެސް ބިމުގައި ހަރުލާ ގޮތެއް ނުވިއެވެ. އަރި އަޅާލަން އުޅޭހެން ހީވެގެން ފާރުގައި އަތް ޖައްސާލި ހިނދު، ހުޝިޔާރުކަމާއި އެކު އިޔާން އޭނާގެ ގައިގާ ހިފެހެއްޓިއެވެ.

****

”ވަޓް“ އިޔާންގެ ދެލޮލަށް ބަލަހައްޓައިގެން ހުއްޓާ އަމީރާގެ ދެލޮލުން ކަރުނަތައް އޮހޮރިގަތެވެ. އިޔާން އަނެއްކާ ވެސް ބޯޖަހައިލިއެވެ. އެ ވާހަކަ ގަބޫލްކުރާކަށް ހިތެއް ނޭދުނެވެ. އަމީރާއަށް ހުރިގޮތައް ހުރެވުނީއެވެ.

”އެމީ.. ލެޓްސް ޓޯކް.. ވަރަށް ގިނަ ވާހަކަ ތައް އެބަހުރި ދައްކަން ވެފަ .. އެކަމަކު-“

”ކޮން އެކަމަކުއެއް.. އިޔާއަށް އަހަންނާ ބެހޭ ގޮތުން ނޭނގޭ އެއްވެސް ކަމެއް ނޯންނާނެ.. އެކަމަކު އަމިއްލައަށް އިޔާ ނެތް އެއްވެސް ވާހަކައެއް، އަހަރެންގެ ގާތު ދައްކާފައެއް.. މޭބީ އަމް ދި އޮންލީ ވަން ހޫ ފެލް ފޯރ ޔޫ.. ކީއްކުރާނީ އެންމެން ވެސް ބޭނުންވަނީ ޒުވާން އަންހެން ކުދިންގެ ފަރާތުން ވަގުތީ ހިތްހަމަ ޖެހުން..“

”އެމީ ސްޓޮޕް.. ސްޓޮޕް އިޓް! އަހަންނަކީ އެމީ ތި ހީކުރާ ކަހަލަ ވިޔާ ނުދާ އުޅުމެއް ހުރި މީހެއް ނޫން.. ފުރަތަމަ އަހަންނަށް ވާހަކަ ދައްކަން ފުރުސަތެއް ދީބަލަ.. އެމީ ތިހީކުރާ ފަސޭހަ ކަންކަމެއް ނޫނޭ އެހުންނަނީ.. އެން-“ އިޔާން ދައްކަމުން ދިޔަ އެއްވެސް ވާޙަކައެއް އަމީރާ އަޑުއަހާކަށް ބޭނުމެއް ނުވިއެވެ. ވެފައިވީ ދެރައިގެ މައްޗަށް ކުރި ހޯދީ އަމީރާގެ ރުޅިވެރިކަމެވެ. އަމީރާ ހުރަސް އެޅުމުން އިޔާންގެ ޖުމްލަތައް ވެސް މެދުކެނޑުނެވެ. ދެލޮލުން ކަރުނަތައް  ފައިބަމުން ދިޔަ ހިނދު ވެސް އަމީރާ ބެލީ އިޔާންގެ އަތުގައި ހިފާ ކޮޓަރިން ނެރެވޭތޯއެވެ.

”އެމީ ޕްލީޒް.. އަޑުއަހާ ބަލަ… އެއްވެސް ކަމެއް އަހަރެން ސިއްރެއް ނުކުރަމޭ.. ތިހެން އުޅުނީމަ ކޮންކަމެއް ވާނީ.. އެމީ ގަބޫލް ނުކުރިއަސް ކުރިއަސް ތިއީ އަހަރެން މިދުނިޔެ މަތިން ލޯބިވި ހަމައެކަނި ކުއްޖާ“ އަމިރާ ރޮމުން ރޮމުން އިޔާން އެ ކޮޓަރި ތެރެއިން ގަދަކަމުން ނެރެން މަސައްކަތް ކުރަމުން ދިޔައެވެ. ނަމަވެސް އިޔާންގެ އެ ޖުމްލަގެ އަޑުއިވި އަމީރާ ވަގުތުން ހުއްޓުން އެރިއެވެ. އިޔާންއާއި ހަތަރުކަޅި ހަމަކުރެވުނު އިރު އެ ދެލޯ ވަނީ ފެންކަޅިވެފައެވެ.

”ވަޓް؟“

”އައި..އައި ސެއިޑް.. އައި ލަވް ޔޫ…“ އަމީރާގެ އަތުގައި ހިފާލަމުން އިޔާން ބުނެލި އިރު އެދެލޮލުން ވެއްޓުނު ކަރުނުތިކި ތިރިއަށް ފިރުކި ގަތެވެ. އަމީރާގެ ހިތައް ކުރުވީ ބުނެދޭން ދަތި އަސަރްތަކެކެވެ. އިޔާންގެ ބަހުގެ ތެދުކަން އެދެލޮލުން ސާބިތުވެއެވެ. އަމީރާއަށް ޓަކައި އެ ހިތުގައި އުފެދިފައިވި ލޯބި، އެއިން ކޮންމެ ކަރުނަ ތިއްކެއް ބުނަމުން ދިޔަ ކަހަލައެވެ.

”އި..އިޔާ-“

”އެމީ ޕްލީޒް އަހަންނަށް ހުރިހާ ކަމެއް ކިޔައިދޭން ޓައިމް ދީފާނަން ތަ.. އަދި ވެސް އެ ކަންތަކުން އަރައި ނުގަނެވިގެން މިއުޅެނީ..ހަގީގަތަކީ ސްޕެއިންއަށް މިއަދު އައިސް މިހުރީ ކޮންމެ ހެން ވަޒީފާއަށް ކުރިއެރުން ހޯދާކަށް ނޫން.. އެކަމަކު މާޒީއާއި ފިލަން“ އިޔާންގެ ކޮންމެ ޖުމްލައެއްގައި ވީ ވޭން އަމީރާއަށް ތަސައްވުރު ކުރަން ވެސް ދަތިވިއެވެ. އިޔާންއާއި އެކު ހޭދަވި ތިން މަސް ދުވަސް ތެރޭގައި އެފަދަ ގޮތަކަށް އިޔާން ރޮނިކޮން އޭނާ ނުދެކެވެ. ކުޑަމިނުން އެދެލޮލުން ކަރުނައިގެ އަސަރެއް ވެސް ނުދެކެއެވެ.

އިޔާން ބަލަހައްޓައިގެން ހުރުމުން އަމީރާ ބޯޖަހައިލިއެވެ. އެހިނދު އަމީރާގެ އަތުގައި ހިފައި އެމޭގައި ބޮނޑިކޮށްލިއެވެ. ލިބުނު ހަމަޖެހުމާއި އެކު ލޯމަރާލެވުނެވެ. އިޔާންގެ ހަށިގަނޑުގައި ބައްދާލެވުނު އިރު އަމީރާގެ ހުރިހާ ހިތާމައެއް ހީވީ ވަގުތުކޮޅަކަށް ނަމަވެސް ފަނޑުވި ހެންނެވެ.

”އައި ލަވް ޔޫ ޓޫ “ އެ މޭގައި ބޯ އަޅާލައިގެން އެއޮތް ގޮތައް އޮވެފައި އަމީރާ ބުނެލިއެވެ. އިޔާންގެ ބާރުގައި ދެއަތުން އިތުރަށް އޭނާ ފިތާލި ގޮތުން ހީވީ އެދެމެދަށް ވައިރޯޅިއެއް ވެސް ވަންނަން ނުރުހުނު ހެންނެވެ.

”އަދި އަހަންނަށް ކިރިޔާ ސިކްސްޓީން.. އިޔާންއަށް އެކަމަކު ޓްވެންޓީ ފައިވް ވާން މާގިނަ ދުވަހެއް ނެތް“

”އޭޖް އިޒް ޖަސްޓް އަ ނަމްބާރ.. ބަޓް ޔޫ އާރ މައިން “ އިޔާން ދުރުވެލަމުން އަމީރާގެ ނިތުގައި އޭނާގެ ނިތްޖައްސާލިއެވެ. ދެލޮލުގައިވާ ފެންތަކާއި އެކު ވެސް އަމީރާގެ ތުންފަތީމައި އުފާވެރި ހިނިތުން ވުމެއް ދުވެލިއެވެ. އަމީރާ އާއި ދުރުވެލަމުން އެއަތުގައި ހިފާލައިގެން އިޔާން ނުކުމަތީ ބެލްކޮންޏަށެވެ. އަމީރާގެ ގާތުގައި އިށީންދެލުމަށް ބުނެ އިޔާން ވެސް އޭނާގެ މަގަތުގައި އިށީނެވެ.

”އަހަންނާއި ޔަނާލް ކައިވެނި ކުރެވުނީ ދެމީހުން ކުރެން އެކަކު ވެސް ބޭނުން ވެގެންނެއް ނޫން.. އެ ކައިވެންޏަކީ އަހަރެމެން ދެމީހުން ދުނިޔެއަށް އުފަން ވުމާއި އެކުގައި ހެން  އަހަރެމެން ދެމީހުންގެ ކާފަ މެން ގެ މެދުގައި ރޭވިގެން ޕްރޮމިސް ވެވިފައި އޮތް ކައިވެންޏެއް.. ދެބައި މީހުންގެ ވިޔަފާރީގެ ގުޅުން ބަދަހި ކުރަން އެމީހުންނަށް ފެނުނީ އަހަރެމެން ދެމީހުން.. ދެމީހުންނަށް އަށާރަ އަހަރުވެގެން ދިޔުމުން އެމީހުން އަހަރެމެންނަށް ފޯސް ކުރަންފެށި.. އަހަރެންގެ ހަޔާތުގަ އެއްވެސް ކުއްޖަކު ނެތް އެކަމަކު ވެސް އަހަރެން ބޭނުމެއް ނުވި ޔަނާލްއަކާއި މެރީ ކުރާކަށް“

”ވައި “ މައުސޫމް ކަމާއިއެކު އަމީރާ އެއްސެވެ.

“ ޔަނާލްއަކީ ޑްރަގް އެޑިކްޓެއް.. އެހެންވެ“ އިޔާން ބުނެލީ ހިތި  ހިނިތުންވުމަކާއި އެކުގައެވެ. އަމީރާއަށް އަނގަމަތީގައި އަތް އެޅުނެވެ.

”އެންމެ ފަހުން އަހަރެންގެ މަންމަ ވެސް އަހަންނަށް މަޖުބޫރު ކުރަން ފެށީ…. އެކަމާއި ހުރެ އަހަންނަށް މަޖުބޫރުވީ އޭނާއާއި ކައިވެނި ކުރަން..  ކައިވެނި ކުރެވުނު… ކައިވެންޏަށް ފަހު ދެމީހުން ނިދީ އެއްކޮޓަރި އެއްގައި ނަމަވެސް ދެތާކު..އޭނައަށް ބެޑް ދީފަ އަހަރެން އޮންނަނީ ސޯފާގަ.. ދެމީހުން ކުރެ އެކަކު ވެސް އަނގަޔަކުން ނުބުނަން ކޮންމެހެން ބުނަން ޖެހިގެން ނޫނީ ކޮންމެ ގޮތަކަށް ކައިވެނި ކުރެވުނު ނަމަވެސް އަހަންނާއި އިނދެގެން އުޅެ އެހެން ފިރިހެނަކާއި ނަހަމަ ގުޅުމެއް ނުބޭއްވޭނެ އެކަކަށް ވެސް.. އޭނާ ވިޔަސް އެމީ ވިޔަސް ކަން އޮންނާނީ މިހެން ހަމަ.. އެހެން އުޅެނިކޮން އޭނާ ޑްރަގްސް އާއި އެކު އެއްފަހަރު ހައްޔަރު ކުރީ އެވެސް ސިއްރު ލޯބިވެރިޔާ އާއިއެކު.. އަހަންނާއި އެ ކޭސް ހަވާލް ވެވުނީ..ވިސްނާލަ އަހަންނަށް ވާނެގޮތް .. އެއީ އަހަރެންގެ އަންހެނުން ކަން އިތުރު މީހަކަށް އެނގޭކަށް އަހަންނެއް ބޭނުމެއް ނުވި..“ އިޔާން އިސްޖެހިފައި އިނދެ ވާހަކަ ދައްކަމުން ދިޔައިރު އިޔާންގެ އަތައް އަމީރާ ފިތާލާ ބާރުކޮށްލިއެވެ. އެމޫނުމަތިން ފެނިގެންދާ މާޔޫސްކަމަކުން އަމީރާގެ ހިތައް ހީވީ މީހަކު ފިތަމުންދާ ހެންނެވެ.

”އިޔާ ޓޭކް އަ ބްރީތް.. އަމް ހިޔާރ“

އިޔާން އެންމެފަހުން އަމީރާގެ ކޮނޑުގައި ބޯ އަޅުވާލިއެވެ. އޭނާގެ ބުރަބޮޑުވެފައި ސިކުނޑިއަށް ލުޔެއް އިޙްސާސް ކުރެވުނެވެ.

“ ވަގުތުން އެ ކޭސް އެހެން މީހަކާއި ހަވާލް ކޮށްފަ އަހަރެން  އެދުވަހު ގެޔަށް ދިޔައީ.. ފުރަތަމަ ވެސް އޭނާގެ މަންމައާއި ބައްޕައަށް ގުޅާފަ ގެނައިން އަހަރެންގެ އެޕާޓްމަންޓަށް.. އަހަރެންގެ މުޅިއާއިލާ ތިއްބަ ބުނިން އެ މައްސަލަ ނިމިގެން ޔަނާލް ގެއަށް އައިހާ އަވަހަކަށް ވަރިކުރާނެ ވާހަކަ…ދެން..ދެން އާޙް“ ކުރިއަށް ވާހަކަ ގެންދަން މަސައްކަތް ކުރި ނަމަވެސް އިޔާންއަކަށް އެހިތްވަރެއް ނުކުރެވުނެވެ. އޭނާއަދި އެވާހަކަ ބުނަން ތައްޔާރެއް ނޫނެވެ. ދެލޯ މަރާ ފިތާލެވުނު އިރު އެދެލޮލުން އަނެއްކާ ވެސް ކަރުނަ ތިއްކެއް ފޭދުނެވެ.

”އެމީ..އައި ކޭންޓް.. ބޭނުން ވަގުތު.. އެކަންތަކަށް ފަހު ބައްޕަގެ ސައިޑް ފެމެލީއާއި އޮތް ގުޅުން އެއްކޮންހެން ކެނޑިގެން ދިޔައީ.. ކާފަގެ ހުރިހަމައެކަނި ދަރިއަކީ ބައްޕަ..ކާފަގެ މުދަލުގެ ވާރިސަކީ ވެސް ބައްޕަ.. އެކަމަކު ބައްޕަ އެއިން އެއްޗެއްގަ ހިފާކަށް ބޭނުމެއް ނުވި.. ބައްޕަ މިހާރު، އަމިއްލަ މީހެއްގެ ކުންފުނީގަ މަސައްކަތް ކުރަނީ “

”އިޓްސް އޯކޭ އިޔާ.. އަމް ސޮރީ ފޯރ ޖަޖިންގ ޔޫ“ އަމީރާ ދެރަވެލާފައި ބުނެލިއެވެ. އެހާ އަވަހަށް އިޔާން ދައްކާ ވާޙަކަ އަޑު ނާހަން ބޮޑާ ހޭކުމުން އަމިއްލަ ނަފްސަށް އަޑުލައިގަނެވުނެވެ.

”އިޓްސް ނަތިންގް… އެމީ..އެމީއަށް އަންދާޒާ ވެސް ނުކޮށްލެވޭނެ ހިނގާދިޔަ ހާދިސާ.. މާފް ކުރާނަން ތަ؟ އެއީ އަހަރެން ގަސްތުގަ ކުރި ކަމެއް ނޫން.. ބަޔަކު އަހަންނަށް ކުރިމަތި ކުރުވި ކަމެއް“

”އިޔާ.. މިވަގުތު އިހަށް ވާހަކަ ނުދައްކާ.. ތި ޓިއާރސް ތައް ބަލާކަށް ކެތެއް ނުވޭ.. ޕްލީޒް އިޔާ.. އެވާހަކަ ނާހާނަން.. އިޔާ ބޭނުން ދުވަހަކުން ކިޔާ ދިނަސް އޯކޭ.. މާފް ކުރަން ބުނާކަށް ނުޖެހޭނެ..އަހަރެންގެ ހިތް ސާފް.. ނައު ސްޓޮޕް ކްރައިން“ އިޔާންގެ ދެލޮލުން ފައިބަމުން ދިޔަ ކަރުނުތައް ފުހެލަ ދެމުން ދިޔަ ނަމަވެސް ތާޒާ ކަރުނުތައް މެދު ކެނޑުމެއް ނެތި ފައިބަމުން ދިޔައެވެ.

އިރުކޮޅެއް ފަހުން ދެމީހުންނަށް ދުރުވެލެވުނީ އިޔާންގެ ފޯނު ރިންގްވާން ފެށުމުންނެވެ. ފޯނު ނަގާ ދުރަށް ޖެހިލަމުން އޭނާ ވާހަކަ ދައްކަމުން ދިޔައެވެ. އިރުކޮޅަކު ފޯނުގައި ހުރުމަށްފަހު އެނބުރި އައި އިރު ކުރިއަށް ވުރެން ބޮޑަށް އެ މޫނުމަތިން އުޖާލާކަން ފެނެއެވެ. ނަމަވެސް ރުއިމުގެ ސަބަބުން އެ މޫނަށް ވެރިވެފައިވާ ރަތްކަން އެއްކޮން ނުކެނޑެއެވެ.

”މަހުދީ އެގުޅީ.. މިއަދު ސެޝަންއަށް ނުދިޔައީމަ…ދެން މިއަދު އެމީގެ ގާތުގަ މަޑުކޮށްލަން ބޭނުން ވަނީ އެހެންވެ ފަހުން ހަނދާން ވީމަ ވެސް ނުދިޔައީ…މަހުދީ ބުނި އަރީފް ވެސް ނުދާ ވާހަކަ … ހީވަނީ އިތުރު ޕްލޭންއެއް ރާވަނީ ހެން… ހަހަހަހާ.. ހެނދުނު އޭނަ ކީކޭ އެމީ ގާތު ބުނީ“ އަމީރާގެ ގާތުގައި އިށީންދެފައި އެހިމަ އުނަގަނޑުގައި އިޔާން އަތް އަޅުވާލަމުން ގާތައް ދަމާލާފައި އިޔާން ބުނެލިއެވެ. އަމީރާ ތެދު ތެދަށް އަރީފް ދެއްކި ވާހަކަ ކިޔައިދިނެވެ. އިޔާންގެ މޫނުމަތިން އެއްވެސް ވަރަކަށް ހައިރާންވި ކަމުގެ ނިޝާނެއް ފެންނާކަށް ނެތެވެ.

”ހަހްހް… އަރީފް އަކީ ޔަނާލްގެ ކަޒިންއެއް… އޭނާގެ މައިންބަފައިން ދިރިއުޅެނީ މެލޭޝިއާގަ..  ކުޑައިރުންސުރެން ޔަނާލްގެ އާއިލާ އޭނާ ބެލެހެއްޓީ … އެހެންވެ އޭނާ މާ ފޯރިއެއް އަޜާފަ އެހުރީ.. އެހެންނޫނަސް އޭނާ އެބުނީ މަ ބުނަން ވީ އެތި .. ޔަނާލްގެ ސަބަބުން ގާތް އެކުވެރިއަކާއި ގުޅުން ކަނޑާލަން ޖެހުނު .. އެނގޭތަ އޭނާގެ ވަގު ލޯބިވެރިޔާއަކީ އަހަރެންގެ ގާތް އެކުވެރިއެއް..  މީހަކަށް މިވަރުގެ ކެއްސެއް ދެވޭނެ ތަ.. “ އަރީފްގެ ނަން ބުނާ ކޮންމެ ފަހަރަކު އިޔާންގެ މޫނުމަތިން ފެންނަނީ އިންތިހާ ރުޅިވެރިކަމެވެ.

“އިޓްސް ފައިން އިޔާ.. ދެނެއް އޭނައަކަށް އިޔާއާއި ދެކޮޅަކަށް ނުދެއްކޭނެ އެއްވެސް ވާހަކައެއް.. ދެއްކި ނަމަވެސް އަހަރެން ގަބޫލް ކުރިއްޔާތާ… މްމްމް ލެޓްސް ގޯ އައުޓް.. ދެމީހުންގެ މޫޑް ރަނގަޅު ކޮށްލަން“ އަމީރާ ބުނެލިއެވެ. އިޔާން ބަލައިލީ ގަބޫލް ނުކުރެވޭ ފާޑަކަށެވެ.އެގެއަށް އައި ފަހުން އެއްފަހަރު ވެސް އަމީރާ އަދި ބޭރަކަށް ނުނިކުމެއެވެ.

“އާރ ޔޫ ސީރިއަސް؟“ އިޔާން އަހާލުމާއި އެކު އަމީރާ ބޯޖަހައިލިއެވެ. ލިބުނު ހިތްހަމަ ޖެހުމުގައި އިޔާންއަށް ހީލެވުނެވެ. ދާނެ ތަނަކާއި މެދު އޭނާ ސުވަލްކޮށްލިއެވެ.

”ލައިބްރަރީއަކަށް.. އެއްދުވަހު މާރިއާ އާންޓް ބުނި ގެއާއި މާދުރު ނޫން ހިސާބެއްގަ ލައިބްރަރީ އެއް އިންނާނެ ވާހަކަ ..އެންޑް ތި ރޫމްއިން ފެންނަ ބައެއް ފޮތްތަކުން އައި ނޯ.. އިޔާ ވެސް ފޮތް ކިޔާ އުޅޭކަން.. “ މައުސޫމްކަމާއި އެކު ހުރިހާ ދަތެއް ފެންނަ ވަރަށް އަމީރާ ހީލިއެވެ. އެއަށް ފަހު ތެދުވެފައި އިޔާންއަށް އަތްދިއްކޮށްލި ގޮތުން ހިނިއައިސް ހުރެ އިޔާންވެސް ތެދުވެލިއެވެ.

ބޭރަށް ނުކުތުމުގެ ކުރިން އަމީރާގެ މޫނު ފޮރުވޭނެހެން ކަޅު މާސްކެއް އަޅުވާލަ ދިނެވެ. އަދި އެކުލައިގެ ތޮއްޕެއް ބޮލުގައި ވެސް އަޅުވާލިއެވެ. ނުހަނު ލޯބިން އަމީރާގެ ކޯތަފަތުގައި ބޮސްދިނެވެ.  އަމީރާގެ މޫނުމަތިން ފަނޑު ރަތްކަމެއް ވެރިވެގެން ދިޔައިރު ،ލަދުރަކި ކަން ފެންނަމުންދިޔައެވެ.

”މި ކުއްޖާ ލަދު ގަންނަ ވަރުން ވެސް.. ހަހަހަހާ.. ލެޓްސް ގޯ “

ދެޒުވާނުންނަށް ގެއިން ނުކުމެވުން އިރު ހިސާބަކަށް ދުނިޔެމަތި ބައްދާލާފައިވަނީ ކަޅު ވިލާތަކުންނެވެ. މަގުގެ އެކި ހިސާބުތަކުގައި ހަރަކާތްތެރި ވަމުންދާ މީހުންގެ ހަރަކާތްތައް އަވަސް ވެފައިވީ އިރު މަސައްކަތް ކުރަމުން ދިޔައީ ވާރޭގެ ކަނިތައް އޮއްސާލުމުގެ ކުރި ހިޔާވަހިކަމެއް ހޯދޭތޯއެވެ. އިޔާން އާއި އަމީރާވެސް ހަލުވި ހިނގުމުގައި  ނުކުމެގެން ދިޔައީ ، ކެރިގަނޑުގެ ކުރިން މަންޒިލަށް ފޯރާތޯއެވެ.

މަގު މައްޗަށް ނުކުމެވުނު އިރު ވެސް އަމީރާއަށް ހުރެވުނީ ހިސާބަކަށް ހާސްވެފައެވެ. ދަތުރުކުރަމުން ދިޔަ ވެހިކަލްތައް ފެނި ބޮލަށް ބަރުވާން ފެށުމުން އޭނާ މަސައްކަތް ކުރީ މަގުގެ މެދަށް ނުބެލުމަށެވެ. އަމީރާގެ ހާލަތުގެ އިޙްސާސްވެ އިޔާން ވެސް މަގު ހުރަސް ނުކޮށް ވާނެ ގޮތެއް ބަލަމުން ދިޔައެވެ. ނަމަވެސް ވަކި ހިސާބަކުން ހުއްޓެން މަޖުބޫރުވިއެވެ. ލައިބްރަރީ ހުންނަނީ މަގުގެ އަނެއް ފަރާތައް ވާހެން ކަމުން އެހިސާބުން ހުރަސް ނުކޮށް ވާނެ ގޮތެއް ނީންނާނެއެވެ.  އޭރު ތުނިކޮން ވާރޭވެހެން ވެސް ފަށައިފިއެވެ.

”ޑޯންޓް ބީ ސްކެއާރޑް ބޭބީ ގާލް“ އިޔާން އެންމެ ފަހުން އަމީރާ ނަގާ އަތްދަނޑި މައްޗަށް ލުމަށްފަހު ހުރަސް ރޮނގުމަތިން ދުވެލާފައި ހުރަސް ކޮށްލިއެވެ. އެހުރިހާ އިރު އަމީރާ އޮތީ ދެލޯ މަރާ ތަގުޅި ކޮށްލައި ގެންނެވެ. އެހިތުގެ ތެޅުން އަވަސް ވެފައި ވީ ވަރު އިޔާންއަށް ދިޔައީ އިޙްސާސް ކުރެވެމުންނެވެ. ހިތައް އުނދަގޫވީ ވަރުން ގަޔާލާ ފިތާލާލެވުނެވެ.

”ހިޔާރ ވީ އާރ“ ލައިބްރަރީގެ ކުރިމައްޗަށް ހުއްޓިފައި އަމީރާ ބެހެއްޓިއެވެ. އޭރު ވާރޭ ވެސް ވެސް ބޯކޮށްލާފައިވުމުން ލަސް ނުކޮށް  އެތެރެއަށް ވަނެވެ. ދެމީހުން ވެސް ތިބީ ހިސާބަކަށް ތެމިފައެވެ. އެތެރެ  ފުރިބާރުވެފައި ވީތަން ފެނި، އަމީރާއަށް އަޑެއްވާލެވުނެވެ.

”އަޅެ އިޔާ..މި ބޯ ކެރިގަނޑުގަ ހަމަ އަލުން ގެޔަށް ދާންވީތަ“ ކުޑަކުއްޖަކު ފަދައިން ބިމުގައި އަމީރާ ދެފައިން ތަޅާލިއެވެ.

”އަޅެ ހިނގާބަލަ ކައުންޓާރ އަށް.. އައި ތިންކް ޕްރައިވެޓް  ކޯނާރސް ވެސް ހުރޭ ކަންނޭގެ“ އިޔާން ކައުންޓަރާއި ގާތް ވުމުން އަމީޜާ ވެސް ފަހަތުންއައެވެ. ނަސީބު ކަންދިމާ ކުރި ގޮތުން އެމީހުންނަށް އެންމެ ފަހަށް އިން ޕްރައިވެޓް ކޯނާރ ލިބުނެވެ.

”ފައިވް ހަންޑްރެޑް ޑޮލާރ ފޯރ ފައިވް އަވަރސް“ ކައުންޓަރުގައި އިން ކުއްޖާގެ ޖުމްލައިން އަމީޜާގެ ދެލޯ ބޮޑުވިއެވެ. އިޔާން ހީލާފައި އޭނާގެ ވޮލެޓުން ކާޑް ނެގިއެވެ.

”އިޔާ އިޓްސް ފައިވް“ އަމީރާ ސިއްރުން ބުނެލިގޮތުން އިޔާންއަށް ބުމަ އަރުވާލެވުނެވެ.

”ސޯ ވަޓް.. ލެޓްސް އެންޖޯއީ“

”ނޫން.. އިޓްސް ޓޫ އެކްސްޕެންސިވް “

”އިޓްސް އޯކޭ.. ކާމް ޑައުން.. ވީ ކޭން ޑޫ ވަޓްއެވާރ ވީ ވޯންޓް އިފް ދޭ އާރ ގިވިންގް ސަމް ޕްރައިވެސީ“ އެއްލޯ މަރާލަމުން އިޔާން ބުނެލި ޖުމްލައިގެ މާނަ އެނގުމުން އަމީރާ ލަދުގަންނަ ގޮތްވިއެވެ. އެންމެ ފަހުން ހަތިޔާރު ބަހައްޓާފައި އިޔާންގެ ގަމީހުގެ ކަނެއްގައި ހިފަހައްޓާލައި ގެން އަމީރާ ހުއްޓެވެ. ފައިސާ ދެއްކުމައި އެކު އިޔާންގެ އަތައް ތަޅުދަނޑިއެއް،އެމީހުން ލައިދިނެވެ.

ދެޒުވާނުން އެކުގައި ސިޑީން އަރައިގެން މައްޗަށް އެރި އިރު ދެފަރާތުގައިވަނީ ޕާޓިސަން ތަކުން ވަކި ކުރެވިފައިވާ ކުދި ކޮޓަރިތަކެވެ. އިޔާންއާއި އަމީރާއަށް ލިބުނީ އެންމެ ފަހަތައް އިން ކޮޓަރި ކަމުން އެތަނުގެ ދޮރު ހުޅުވާލާފައި އެތަނަށް ވަނެވެ.

އެޅި ފުރަތަމަ ފިޔަވަޅާއި އެކު އަމީރާ އާޝޯހްވިއެވެ. ކުޑަދޮރު އިދެފައިފައި ކޮޓަރީގެ ވަށައިގެން ވަނީ ތަފާތު ވައްތަރުގެ ފޮތްތަކުން ފުރާލެވިފައިވާ ހަރުތަކެވެ. ކޮޓަރީގެ މެދުގައި ކުޑަ މޭޒަކާއި ދެ ސޯފާ ހުއްޓެވެ. މޭޒުމަތީގައި އެތަނުން ލިބޭ ކާތަކެތީގެ މޭނުއަކާއި ކޯޑްލެސް ފޯނެއް އިނެވެ.

”ވޯޙް…ވޯޙް.. ސޯ ޑްރީމީ… އައި ލަވް ދިސް ޕްލޭސް..“ ތޮއްޕާއި މާސްކް އަދި އަރައިގެން ހުރި ފައިވާން ދުރަށް އެއްލާލަމުން އަމީރާ ދުވެލާފައި ގޮސް ހުއްޓުނީ ވާހަކަ ފޮތްތައް ހުރި ހަރުގެ ގާތަށެވެ. އޭނާގެ ހުރިހާ ހަރަކާތެއް ބަލަން ކުޑަދޮރު އިން ފުޅާ ފްރޭމްގެ މަތީގައި އިޔާން އިނެވެ.

”މްމްމް ޑާނާ ލޯގަންގެ ’އިން ދި ޑާރކް’؟  ޑާކް ރޮމޭންސް ؟“ އަމީރާ ނެގި ފޮތް ފެނި ، އިޔާންއަކަށް މަޑަކުން ނީނދެވުނެވެ.  ހިނިއައި ވަރުން އަނގަމަތީގައި އަތްއެޅިއެވެ.

”މީގަ ނުހުންނާނެ މަށައް ނޭނގޭ އެއްޗެއް..ހޫގޯގެ ގޭގައި އިންނަ ލައިބްރަރީވެސް ފޮތް ކިޔަން“ އަމީރާ ދެލޯ އަޅާލައިގެން އައިސް އިށީނީ އިޔާން އިން ފަޅި ނޫން އަނެއް ފަރާތުގައެވެ. އޭރުން ކުޑަދޮރުން ބޭރަށް ވާރޭ ވެހެމުން ދިޔަ މަންޒަރު ފެނި އަމީރާއަށް ހީލެވުނެވެ.

”އޯހްހް ރިއަލީ؟ މައި ބޭޑް ..ފަންސަވީސް އަހަރުވާނެ ދުވަސްކޮޅެއް ފަހުން ސްޓިލް ނޭނގޭ ބައިވަރު އެއްޗިހި އެބަހުރި …ދަސްކޮށްދޭން ވީނު.“

އިޔާންގެ ޖަވާބުން އަމީރާގެ މުޅި މޫނު ރަތްވިއެވެ.

”އިޔާން .. ލެޓް މީ ހޭވް ލިލް ފަން.. އޯކޭ؟“ އަތުގައި އޮތް ފޮތުން އިޔާންގެ ގައިގާ ބޮނޑިއެއް އަޅާލަމުން އަމީރާ ލޯ އަލާލިއެވެ. އިޔާންވެސް ހީގަނެފައި އިތުރަށް އަމިރާއަށް އުނދަގު ނުކޮށް ފޮތެއް ހިފައިގެން އައި ކުރިން އިންތާގައި ޖައްސާލިއެވެ.

އެދުވަހަށް ފަހު ކޮންމެ ދުވަހަކު އިޔާން ވޯކްޝޯޕްގެ ސެޝަންތައް ނިންމުމަށްފަހު ގެއަށް އައުމުން އަމީރާއާއި އެކު އެތަނަށް ދެއެވެ. ވާދައަށް ފޮތް ކިޔާ، ސަކާރާތް ޖަހާ އެކަކު އަނެއްކަކާއި ދިމާކޮށް ހަދައެވެ. ބައެއް ދުވަސް ދުވަހު ރޭގަނޑު ހިނގާލަން ނުކުމެއެވެ. ލުއިސްގެ ކާރު ދުއްވާލަން ގޮސް ނުވަތަ ޕާކްތަކަށް އެކީގައި ގޮސް ހަދައެވެ. ދެމީހުންގެ ގުޅުން ނަވާޒް އާއި މަހްދީ އަށް އެނގެއެވެ. އެ ހަފްތާގައި  އިޔާން ވަނީ، އެދެމީހުންނާއި އަމީރާ ބައްދަލް ކުރުވާފައެވެ. އެމީހުންގެ ދިމާ ކުރުންތަކާއި، އަމީރާ އާއި އިޔާންއަށް  ކޮންމެ ދުވަހަކު ހެން ކުރިމަތި ލާން ޖެހެއެވެ. އެގޮތުގައި އިތުރު ހަފްތާއެއް ވޭތުވެގެން ދިޔައިރު މާރިއާ އާއި ލުއިސް ވެސް މެޑްރިޑުން ބާސެލޯނާއަށް އެނބުރި އައިސްފިއެވެ.

އަރީފް އުޅެނީ އެހެން އެންމެނާއި ދުރުން އެކަހެރިވެގެންނެވެ. އިޔާންގެ އިންޒާރަށް ފަހު އޭނާ ބަރާބަރަށް ވޯކްޝޮޕަށްދެއެވެ. ނަމަވެސް އެތަނުގައި ފުރިހަމަ ކުރަން ޖެހުނު އަމަލީ އެއްވެސް ތަމްރީނެއްގައި ބައިވެރިއެއް ނުވެއެވެ. ދޭތެރެއަކުން އަމީރާއާއި ދިމާ ކޮށްލަން އޭނާ އުޅުނު ނަމަވެސް ކޮންމެ ވެސް އެކަކު އަބަދުވެސް އަމީރާއާއި އެކުގައި ވާތަން ދެކިފައި އޭނާގެ މަސައްކަތައް ހުރަސް އެޅެމުންދިޔައެވެ.

އަމާން ކަމާއި އެކު ދުވަސްތައް ވޭތުވަމުން ގޮސް ވޯކްޝޮޕްގެ އެންމެ ފަހު ދުވަސް އައިސް ޖެހުނެވެ. އެދުވަހު ނިންމާ ޖަލްސާވެސް އޮތުމުން އިޔާންމެން އަށް ގެއަށް އާދެވުނީ އެހެން ދުވަސް ދުވަހަށްވުރެން ތަންކޮޅެއް ލަހުންނެވެ. ތިން ޒުވާނުން ގެއަށް އައިސް ވަން އިރު މާރިއާއާއި އަމީރާ ވެގެން ރަނގަޅު ކެއުމެއް ތައްޔާރުކޮށްފައި ހުއްޓެވެ. ކުކުޅާއި ފްރައިޑްރައިސް އެއް ގެ އިތުރު ޕާސްތާ އާއި ސްޕެނިޝް މީހުންގެ ހާއްސަ ފޮނި ކާއެއްޗެއް ކަމުގައިވާ ’ބުނުއެލޮސް‘ ހުއްޓެވެ.

”އަރީފްގެ ގާތުގަ ވެސް ބުނަން ވީނު.. އޭނަ ދިޔުމުގެ ކުރިން އެންމެ ފަހުން ކާނެ ޑިނާރ ކަންނޭގެ މިއީ“ އިޔާންގެ ގާތުގައި ލުއިސް ބުނެލި ހިނދު އޭނާއަށް ބަލައިލެވުނީ އަމީރާގެ މޫނަށެވެ. އިރުކޮޅަކު ވިސްނާލުމަށްފަހު އަމީރާ ހިތާ ދެކޮޅަށް ބޯޖަހައިލިއެވެ.

އިޔާން ނުގުޅަންވެގެން، އިޝާރާތް ކޮށްލީ މަހުދީއަށެވެ. އަނގަޔަށް ފޫހި ވައްތަރެއް ޖައްސާލަމުން އޭނާ އެންމެ ފަހުން އަރީފްއަށް ގުޅައިގެން ގެނައެވެ. ގުޅިތާ މިނެޓްއެއް ނުވަނީސް އޭނަހުރީ އައިހެވެ.

“ ހީވީ ނުބުނެގެން ހުރިހެން..“އިޔާންއާއި އަމީރާ ތިބީ ސޯފާތަކުގައެވެ. ދެން ތިބި މީހުން ތިބީ މޭޒު ދޮށުގައެވެ.

ހަމަހިމޭން މާހައުލެއްގައި ތިބެ  ކަމުން ދިޔައިރު، ލުއިސްއާއި އިޔާން ކޮންމެވެސް ވަރަކަށް ވާހަކަ ދެއްކިއެވެ. އެމީހުންގެ ވާހަކައަށް މަހުދީ އާއި ނަވާޒް ވެސް ދޭތެރެއަކުން ބައިވެރި ވެލައެވެ.

މޭޒު ދޮށުގައި އިނދެ އަރީފް ބަލަމުން ދިޔައީ ސީދާ އަމީރާގެ މޫނަށެވެ. އެ މަކަރުވެރި ކުޑަ ދެލޮލުގައި ވާ ކުލަވަރު ދޭހަ ކުރަން ދަތިވީ ނަމަވެސް އަމީރާގެ ހިތުގައި ވަނީ ބިރުވެރިކަމެވެ. ހުރިހާ ފިރިހެނުން ވާޙަކަ ދައްކަމުން ގޮސް ވާހަކަ އޮލަވެފައިވާތީ، އަރީފްގެ އަމަލްތައް އިޔާންއަށް ވެސް ރެއަކާލާ ގޮތެއް ނުވިއެވެ. އަރީފްގެ ސަބަބުން ނުތަނަވަސް ވެފައިވީ ވަރުން އަމީރާ އެތާގައި މަޑުކުރާކަށް ބޭނުމެއް ނުވިއެވެ. އަވަސްއަވަހަށް ތަށީގައި ވާ ސާމާނު ހުސްކޮށްލައިގެން އޭނާ ސޯފާއިން ތެދުވިއެވެ. ތަށި ދޮންނަން ވެސް މަޑުނުކޮށް އަމީރާ ވަނީ ކޮޓަރިއަށެވެ.

އަމީރާ ހަލުވި ހިނގުމުގައި ކޮޓަރިއަށް ވަތްތަން ފެނި އިޔާންއަށް ހައިރާންވެފައި ހުރެމެ ބަލައިލެވުނެވެ. ދެވަނަ ސިކުންތްގައި އަރީފްއަށް ނަޒަރެއް ދިން ހިނދު، އިސްޖަހައިގެން އިނދެ އޭނާ ކާން އިންތަން ފެނި އިޔާން އަޅައެއް ނުލިއެވެ.

އަމީރާގެ ފަހަތުން ދާން ބޭނުން ވި ނަމަވެސް މަހުދީ މެން ނުދަނިސް ދާކަށް ނުކެރުނެވެ. ދޭތެރެއަކުން އެކޮޓަރިއަށް ނަޒަރެއް ދެވެއެވެ. އެންމެފަހުން މަހުދީ އާއި ނަވާޒް އިންތަނުން ތެދުވީ އެގޮތުގައި އިޔާން އިންތިޒާރު ކުރާތާ ގަޑިއިރެއް ފަހުންނެވެ. އެމީހުން ދޮރުން ނުކުތުމާއި އެކު އިޔާން ފުންމައިގެން ތެދުވެ ގޮސް ވަނީ އަމީރާގެ ކޮޓަރިއަށެވެ. އޭނާ ދިޔަގޮތް ފެނި ލުއިސް އާއި މާރިއާ ވެސް ހިނިއައިސް ބަލަން ތިއްބެވެ.

“އެމީ..“ކޮޓަރީގެ ތެރެއިން އަމީރާގެ ހިލަމެއް ނުވާތީ އިޔާން ވަށައިގެން ހޯދާލިއެވެ.  ފާހާނާގެ ތެރެއިން އިސްކޫރު ދޫކުރާ އަޑުއިވިގެން އޭނާވީ ފާހާނާގައި ކަން އެނގުމުން އިޔާން ޖައްސާލީ އެނދުގައެވެ.  އެހެން އިންނަތާ މާގިނައިރެއް ނުވެ  އޭނާގެ ފޯނު ރިންގުވެގެން ބަލާލިއިރު ގުޅަނީ މަޖުދާއެވެ.

”މަންމާ.. ކިހިނެތްތަ.. ފަހުން ބިޒީ ވެގެން ނުގު-“ މަޖުދާ ހަލޯ އޭ ބުނުމުގެ ކުރިން އިޔާން ވާހަކަ ދައްކަން ފެށިއެވެ. ނަމަވެސް އިޔާންގެ ވާހަކަ މެދުކަނޑާލާގައި އޭނާ ވާހަކަ ދައްކަން ފެށިއެވެ. ފުރަތަމަވެސް އިވުނީ މަޖުދާގެ ރުއިމުގެ އަޑެވެ.

”އިޔާ ސަމްތިންގް ހެޕެންޑް“ މަޖުދާއަކަށް ވާހަކައެއް ނުދެއްކުނެވެ. ރޮވެނީއެވެ. މަންމަގެ އަޑުން އިޔާން ކޮޅަށް ޖެހުނެވެ. ހާސްވެގެން ވީ ގޮތް އަހަން ފެށިއެވެ.

”މަންމާ.. ކިހިނެތްވީ …ގޭގަ ކަމެއް ހިނގީތަ.. ދޮންތައަށް ކަމެއް ވީތަ ނޫނީ ކޮއްކޮމެނަށް-“

”ނޫނޭ ދަރިފުޅާ..އިޓްސް ޔަނާ..ޔަނާލް“ މަޖުދާގެ ގިސްލުން ވީ އިތުރެވެ.

އެވަގުތު ވީ އަމީރާ ފާހާނައިން ނުކުމަތް ވަގުތަށެވެ. އެނދުގައި އިން އިޔާން ފެނި އަމީރާ ދިޔައީ ސިހިގެންނެވެ. އިޔާންގެ ގޯސްވެފައިވާ ތަބީއަތުގެ ސަބަބުން އަމީރާއަށް ނިތް އަރުވާލެވުނެވެ. އަމީރާއަށް އިތުރު އެއްޗެއް ބުނެވުމުގެ ކުރިން އަތުގެ އިޝާރާތުން މަޑުކޮށްލުމަށް ބުނެ އޭނާ ކޮޓަރިން ނުކުމެގެން ދިޔައެވެ.

”މަންމާ.. ތި ވެގެން އުޅޭ ގޮތެއް ނުކިޔާ ދެންޏާ އަހަންނަށް ކިހިނެތްތަ ހަދާ ދެވޭނީ.. އެންމެނާއި ދުރުގަ މިހެން ހުންނައިރު ވީ ގޮތެއް ނުބުނެ ރޮންޏާ ވިސްނާލަ އަހަރެން ހާސްވާނެ ވަރު“ ކޮޓަރިއަށް ވަދެވުމާއި އެކު ހެން ފުރަތަމަ ވެސް އިޔާން ބުނެލިއެވެ. އޭރުވެސް މަޖުދާގެ ރުއިމުގެ އަޑު ނޫން އަޑެއް ނީވެއެވެ. އެންމެ ފަހުން އިޔާން ފޯނު ކަނޑާލާފައި ގުޅީ ނާޔާއަށެވެ. ނާޔާ ވަގުތުން ފޯނު ނެގިއެވެ. ނަމަވެސް މަޖުދާގެ ރުއިމުގެ އަޑު އިވެމުން ދާތީ ނާޔާ ވެސް ހުރީ އެތަނުގައި އިޔާންއަށް އެނގުނެވެ.

”ދޮންތަ ބުނެބަލަ ކިހިނެތްތަ ވެގެން ތިއުޅެނީ“ އިޔާންގެ ސުވާލާއި އެކު  ނާޔާ މަޑުކޮށްލުމަށް ބުނެލިއެވެ.

”ދޮންތަ މިހާރު މިހުރީ މަންމަމެންނާއި ދުރުގަ.. އިޔާއާއި ދޮންތަ ގެ މާ ބޮޑު އޭޖް ޑިފަރެންސް އެއް ނީންނާތީ އަބަދުހެން ދިމާވާ ހުރިހާ ކަމެއް އެކަކު އަނެއްކަކާ ހިއްސާ ކުރަން އެހެންނު.. އިޔާގެ ލައިފްގަ ހިނގާ ގިނަ ކަންތައް ދޮންތައަށް ކިޔައިދޭ…ވިޝާމް އެއީ އިޔާގެ ބެސްޓްފްރެންޑް.. ސްޓިލް އޭނާއަށް ނޭނގޭ ކިތަންމެ ކަމެއް ވެސް އިޔާ ހުރީ ދޮންތައަށް ޝެއާރ ކޮށްފަ.. އެންޑް ދޮންތައަށް ވަރަށް ގިނަ ކަންތައް ސިއްރު ކޮށްފަ ވެސް ހުރިކަން އެނގޭ..ސޯ ދޮންތަ ކުރާ ކޮންމެ ސުވާލަކަށް ވެސް  ތެދަށް ޖަވާބު ދީފާނަންތަ..“ ނާޔާގެ އަޑުގައި ހުރި އަސަރަކުން ގޭތެރޭގެ މާހައުލު މާ ރަނގަޅު ނޫން ކަން އިޔާން އަށް ދެނެގަނެވުނެވެ. އިޔާން އަވަސް އަވަހަށް އާއެކޭ ބުނެލިއެވެ. ވީގޮތެއް ނުބުނެ ނާޔާ ގެ ސުވާލްތައް އެހެން ހުރުމުން ، އިޔާން ވަކިން ކަންތައް ބޮޑުވިއެވެ. ނަމަވެސް ކެތްތެރިވެ ހުރެ ޖަވާބުދެމުން ދިޔައެވެ.

”ޔަނާލް ވަރިކުރަން އުޅުނުކަން އެނގިގެން އިޔާ ސަފާރީއަކަށް ގެންދިޔައެންނު ޔަނާލްގެ ބޭބެ.. އެދުވަހު ވީގޮތް ކިޔާދީބަލަ..“

އިޔާންއަށް ތުންފަތުގައި ދައިގަނެވުނެވެ. އެ ވާހަކަ ކިޔައިދޭނެ ގޮތަކައި މެދު އޭނާ ވިސްނާލީއެވެ.

”އިޓްސް ހާޑް..“ އެންމެ ފަހުން އިޔާން ބުނެލިއެވެ. އެރޭގެ ހަނދާން ވިއަސް އޭނާގެ ނަފްސަށް ވެރިވެ ގަންނަނީ އަޖައިބެއް ފަދަ ރުޅިއެކެވެ.

”އެހެންވީ އިރު ބުނެބަ.. އެރޭ އެ ޑްރިންކް ބުއިމަށް ފަހު އެއްވެސް ކަހަލަ ކަމެއް ކުރެވުނު ތަ“

”ޔާހް..ޔާހް..ކުރެވުނު.. އޭނަ ހުރީ އަހަރެންގެ ކޯކްތައްޓަށް އަށް ވަރަށް ސްޓްރޯންގް ޑްރަގް އެއް އަޅާފަ.. އެއީ ވެލޮރިން.. ތަށި ބޮވުނު ގަޑީގަ ހަށިގަނޑަށް ވީ ގޮތުން އެނގުނު ހަމަ އެމީހުން އެއްޗެއް އަޅާފަ ހުރި ކަން.. ބޮޑަށް ސަކާރާތް ވުމުގެ ކުރިން ވިޝާމްއަށް ގުޅަން އުޅުނިން އެކަމަކު އެމީހުން ފޯނު ވެސް އަތުލީ .. ބަޔަކު ހީވީ އަހަރެންގެ ބޮލުގައި އެއްޗަކުން ތަޅާހެން ..ކޮޅަށް ތެދުވެވުނު އިރު ހަށިގަނޑުގައި އެއްވެސް ވަރެއް ނެތް..އެއްލެމުން އެއްލެމުން ހިނގުނީ… އެހެން ހުއްޓާ އެތަނަށް އައީ ޔަނާލް… ނުހަނު ބޮޑަށް ހިނިއައިސް ހުރީ.. ޔާނިޒް ވެސް ހީގަތް އަޑު އެހިން..އެހިސާބުން ދެމީހުން އެއްބައިވެގެން ގަތް ގަނޑެއްކަން އެނގުނު… ޔަނާލް ހިނގައިގަނެފައި ޔާނިޒްގެ ގާތުގައި ބުނި އަހަރެން ގެނެސްދޭން..އޭނާ އަހަރެން ގޮވައިގެން ގޮސް ކޮޓަރިއަކަށް ވެއްދީ ..ޔާނިޒް ނުކުމަތީމަ ޔަނާލް ވަދެ ރޫމް ލޮކް ކުރި.. ހޭވެރިކަން ހުރި ނަމަވެސް ދެން ދޮންތަ އަށް އަށް ވެސް އެނގެ އެންނު ޑްރަންކް ވެފް ތިބޭ މީހުން އުޅޭ ގޮތް.. ވަ..ވަރަށް އުނދަގޫ ވޭ ކިޔައިދޭން ވެސް.. އެ ވަގުތު ނޭނގޭ ވާނުވާ އެއް ވެސް.. އަހަރެންގެ ސިކުނޑިއާއި ހަށިގަނޑު މަސައްކަތް ކުރީ އަމިއްލަ ބާރަކުންނޫން..ހުރިޙާ ކަމެއް ވެގެން ދިޔައީ މަދު އިރުކޮޅެއްގެ ތެރޭގަ.. ހޭވެރިކަން ވީ ހެނދުނު..ބޮލަށް ހުރީ ބާރުއަރާފަ.. ދެލޯ ހުޅުވުނީ ވެސް ވަރަށް މަސައްކަތުން.. ބަލައިލި އިރު ޔަނާލް އިން ނުބައި ފާޑަކަށް ހިނިއައިސް.. އެވަގުތު އެނގުނީ ނޭކެޑްކަން ވެސް“ ދެލޯ މަޜާލައިގެން ހުރެ އިޔާން ބުނެލިއެވެ. އަމިއްލަ ދޮންތައަށް އެފަދަ ވާހަކައެއް ކިޔައިދޭން ޖެހުމުން ވެސް އިޔާން ލަދުގަންނަ ގޮތްވިއެވެ. ނަމަވެސް ހިނގައިގަތް އުޅެނީ ކިހާވަރެއްގެ ހާދިސާއެއް ކަން އެނގޭނީ ވެސް އިޔާން ތެދަށް ޖަވާބުދިގެން ކަން އޭނާއަށް ވިސްނުނެވެ.

”ޑިޑް ޝީ ސޭ އެނީތިންގް..“

”ޔާހް.. ނައު ޔޫ އާރ ސްޓަކް ވިތް މީ ޔޯ… އެމީހުން ތިބީ އަހަރެމެންގެ ކާފަގެ މުދަލަށް ދަހިވެތިވެގެން.. އަމިއްލައަށް ބުނީ ތި މުދާގަނޑުން ބައެއް ލިބޭނެކަން މިހާރު ޔަގީނޭ…އެމީހުން ހީކުރީ އެހެން ކަންތައްވީމަ އަހަންނަށް ވަރިކުރަން ނުކެރޭނެ ކަމަށް..ބަޓް ސްޓިލް އެތަނުން އޭނަ ވަރިކުރިން“ އިޔާން ހިންދިރުވާލިއެވެ.

”އަހަރެމެންގެ ކާފައަށް އެނގޭ މިހާރު އޭނާގެ އާއިލާގެ ގޮތް.. ތި ކައިވެނި ކުރުވުނީމަ މިހާރު ހިތާމަ ވެސް ކުރޭ.. އެ ފެމެލީއާއި އިޔާ ދުރުވެއްޖެކަން ވެސް އަދި ރިއަލައިޒް ވީ.. އިޔާ އަށް އެނގޭތަ.. ތިކޮޅަށް މީގެ ސިކްސްމަންތް ކުރިން ދިޔައީމެންނު އެދުވަހު ކާފައަށް އެނގުނީ، ކާފައާއި ޔަނާލްގެ ކާފަ ބިޒްނަސް ޕާޓްނާރސްއަށް ވެ ތިބެ އެ ކޮމްޕެނީއިން އެމީހުން ލާރިތަކެއް ނަގާފަ ހުރިކަން..އެ މައްސަލައިގަ ޔަނާލްގެ ފެމެލީއާއި މިފެމެލީ އޮތް ގުޅުން އެއްކޮން ކެނޑުނީ.. އިޔާ ކަންބޮޑުވާނެ ތީވެ މަންމަމެން ނުކިޔަން އެތިބީ.. އެކަމަކު މިއަދު މިހާ ބޮޑު ކަމެއް ހިނގާ ދިޔައީމަ ދޮންތައަކަށް ހިއެއް ނުވޭ އިތުރަށް އިޔާ ގާތުގަ ނުބުނެ ހުންނަން ވީ ހެންނެއް..“

”ކިހިނެތްތަ ވެގެން ތިއުޅެނީ ދޮންތާ“

”މިއަދު ޔަނާލްގެ ގޭގެ މެއިޑަކު އައީ ސިކްސްމަންތް ގެ ބޭބީއެއް ގޮވައިގެން..“

”ވަޓް ބޭބީއެކޭ“ އިޔާންގެ މޫނުމަތީގައި ހީވީ މީހަކު ބާރުހުރި އެތިފަހަރެއް ޖަހާލިހެންނެވެ. މުޅި މީހާއަށް ހުއްޓުން އެރިއެވެ. ދެފަރާތައް ބޯހޫރުވާލެވުނެވެ.

”އެކުޑަ އަންހެން ކުއްޖާގެ ގައިގަ އެތަން މިތަނުގަ ހުރި ކުދި ޒަހަމް ކޮޅުތައް ވެސް.. އެންމެ ފުރަތަމަ ވެސް  ބޭބީ ރޯތީ ދޮންތަ އޭނައަށް ފީޑް ކުރީ.. އިޔާ ޝީ އިޒް ޔުއާރސް.. ޑީ އެން އޭ އެއް ބޭނުމެއް ނުވި..އެންމެ ފުރަތަމަ ސިކުންތުން ވެސް ވީ އާލް ނިއު، ދެޓް ޔުއާރސްކަން.. އެކުއްޖާ ފެނުންތަނާ ހަމަ ހީވީ އިޔާގެ ތުއްތު އިރުގެ މަންޒަރެއް ފެނުނު ހެން…“ ނާޔާ ރޮވިފައި ހުރެ ކިޔައިދިނެވެ. އިޔާންއަށް އިތުރަށް ބުނާނެ އެއްޗެއް ނޭނގުނެވެ. ވާންވީ އުފާކަމެއް ދެރަކަމެއް ނޭނގުނެވެ. އެނގޭހާ ވެސް އެއްޗަކީ އޭނާގެ ދެލޮލުން ކަރުނައިގެ ސައިލާބުތައް އޮހެމުން ދިޔަކަމެވެ.

”މެއިޑް ބުނީ އެކުއްޖާއަށް އަނިޔާ ކުރިކަމަށް..ޔަނާލް ވިހޭކަން އެކަނީ.. މި ސިކްސް މަންތް ވެސް އެކުއްޖާ ބެލެހެއްޓީ އެގޭގެ މެއިޑުން … ޔަނާލް ބޭބީ އަނިޔާ ކުރާ މަންޒަރެއް، އެގޭގެ ކެމެރާއަށް އަރާފަ ހުރި.. އޭގެން މަންޒަރެއް ފޯނަށް އަޅައިގެން އޭނާ ހުރި އަހަރެމެންނަށް ދައްކަން ވެގެން ގެނެސްފަ.. އެއަދި އެންމެ މަންޒަރެއް.. ވިސްނާލަ ކިތައް ދުވަހު ކިތައް އަނިޔާ އެކުއްޖާއަށް ދީފަ ހުންނާނެ..ބޭބީ އާއި އެއްކޮން މެއިޑް ފިލައިގެން އައީ ސީދާ މިގެއަށް.. އެކަން އެނގިގެން ޔަނާލް ރާއްޖެއިން ބޭރަށް ގޮސްފި“

”އިޔާ ލަސްނުކޮށް އާދޭ.. ޔުއާރ ބޭބީ ނީޑްސް ޔޫ“ ނާޔާ އެންމެ ފަހުން ރޯންފެށިއެވެ.

ޔަނާލް އެދަރިފުޅަށް އަނިޔާ ކުރި ވާހަކަ ނާޔާ ބުނި ހިނދު އިޔާންގެ ލޭ ކެކިގެން ދިޔައެވެ. ކިތަންމެ ނުބައި އަނިޔާ ވެރިއަކަށް ވީ ނަމަވެސް އެންމެ ހަމަހުގެ ތުއްތުކުއްޖަކަށް އަނިޔާ ކުރަން ޔަނާލްއަށް ކެރިދާނެކަމަކަށް އިޔާން ހިތައް ވެސް ނާރުވައެވެ. ނާޔާގެ ފޯނު ކުރު ކޮށްލާފައި ބޭއްވީ އެދަރިފުޅުގެ ފޮޓޯއެއް ފޮނުވާނެ ކަމަށް ބުނުމުންނެވެ. ލަސްތަކެއް ނުވެ ފޮޓޯ ލިބުނު ހިނދު  އޭނާ ބަލައިލިއެވެ. އިޔާންގެ ދެލޮލުން އޮހެމުން ދިޔަ ކަރުނުތައް ވީ އިތުރެވެ. ތުއްތު ދަރިފުޅު ނިދާލާފައި ވީ އިރު ހީވީ އޭނާގެ ތަސްވީރެއް ސިފަވެގެން ދިޔަހެންނެވެ. ގަބޫލްކުރަން ދަތި ވިޔަސް އެއީ އޭނާގެ ލޭކަން ޔަގީންވިއެވެ. ދަރިފުޅުގެ ގައިގެ އެތަން މިތަނުން ޒަހަމްކޮޅުތައް ފެންނަން ހުރުމުން އިޔާންއަކަށް ކެތެއް ނުވިއެވެ. ގިނަ ތަންތާގައި މަލަން ކޮޅުތައް އަޅާފައިވީ އިރުއޭގެ މަތިން ލޭގެ އަސަރު ވެސް ފެންނަން ހުއްޓެވެ.މޭގައި ފޯނު ޖައްސާލެވުނު އިރު ގިސްލެވުނެވެ.

އިޔާން ހޯދުމަށް މަހުދީ އައިސް ވައިން އިރު ވެސް އޭނާއަކަށް ނޭގުނެވެ. އިޔާންގެ ހާލަތު ފެނި މަހުދީއަށް ތުންފަތުގައި ދަތް އަޅާލެވުނެވެ. އިޔާންގެ މަގަތުގައި އިށީންދެލަމުން އޭނާގެ ކޮނޑުގައި އަތް ޖައްސާލި ނަމަވެސް ހިތްވަރުދޭނެ ގޮތެއް ނޭނގުނެވެ.

”އައި ނޯ ބްރޯ.. ހީވަނީ ނާޔާ ދައްތަގެ ގާތުން ކަންނޭގެ، އަހަރެންގެ ނަމްބަރް ހޯދައިގެން ވިޝާމް ގުޅި.. އޭނާ ކިޔައިދިން ވެގެން އުޅޭ ގޮތް.. އައިލް ހެލްޕް.. ވީ ކޭން ވޯކް ޓްގޭދާރ.. އެ ތުއްތު ކުއްޖާއަށް އިންސާފް ހޯދާދޭން ޖެހޭ އެބަ.. ނޯވަން ކެން ހާމް އަ ބޭބީ“ މަހުދީގެ އަޑުގައި ވީ އިޔާންއާއި މެދު ހަމްދަރްދީއެވެ. ޔަނާލްދެކެ އައިސްފައިވާ ގަދަ ރުޅި އިހުނަށް ވުރެން ދެގުނަ ވިއެވެ.

”އައި އޯލްރެޑީ ބުކްޑް އަ ޓިކެޓް ފޯރ ޔޫ.. ސޭޑްލީ ދެ ޓިކެޓެއް ނުލިބުނު އެންމެ އަވަހަށް ފުރުމަށް އޮތް ފްލައިޓް އަކުން.. އެމީއަށް ކިހިނެތް ހަދާނީ“ މަހުދީ އަހަން ނާހަން އިނދެފައި އަހައިލިއެވެ. އިރުކޮޅަކު އިނދެފައި އިޔާން މޫނު ފުހެލާފައި އެނދުން ތެދުވިއެވެ. އޭނާ އަވަސް ވެގަތީ އަމީރާއާއި ބައްދަލްކުރުމަށް ދާށެވެ.

”ވެއިޓް.. ތިހެން ހުރެ ދިޔައީމަ އޭނާ ސުވާލް ކުރާނެ.. ފުރަތަމަ ހަމަޖެހެން ހިނގާ.. އެ ފްލައިޓްގެ ޗެކިންގ ފެށޭ ގަނޑީގެ ދެގަޑިއިރުގެ ކުރިން އެއާރޕޯޓަށް ދާންޖެހޭ..  އެއީ  ފަތިހު ހައެއް..“

”އޭގެ ކުރިން އަމީރާއަށް ކިޔައިދޭން އެބަޖެހޭ.. އަހަންނަކަށް ނޭނގޭ ކިޔައިދޭނެ ގޮތެއް ވެސް.. ޔަގީނުން ވެސް އެމީ ރޯނެ.. އޭނާ ބަހައްޓާފަ ދާކަށް ބޭނުމެއް ނުވޭ.. އެކަމަކު ދަރިފުޅު މުހިއްމު އެހެން އެންމެނަށް ވުރެން..އެނގޭތަ މިއަދު އަހަރެން ގެޔަށް އައީ ލުއިސް ލައްވާ އެމީއަށް ހެއްދި ޕާސްޕޯޓް ވެސް ހިފައިގެން.. އެމީއަށް ސަޕްރާއިޒްއެއް ދޭންވެގެން، އެ ދައްކަން މިހުރީ“ އިޔާން ދައްކައިލީ އެމީރާއަށް އޭނާ ހެއްދި ޕާސްޕޯޓެވެ. އިޔާންގެ މޫނުމަތިން މާޔޫސްކަމާއި އެއްވަރަށް އޭނާ ވެފައިވީ ދެރަ އިންތިހާއަށް ހާމަވެއެވެ. މަހުދީވެސް ދެރަވިއެވެ. އެކުވެރިއާގެ ހިތާމަތައް ކުޑަ ކޮށްދޭން ބޭނުންވިއެވެ.

“ މަށައް އިތުބާރު ކުރަމެންނު.. އަހަރެމެން ޓިކެޓް ނަގާފަ އޮންނާނީ ދެދުވަސް ފަހަށް… އެދުވަހުން އެމީ ގެންދާނަން.. ދެންމެ ބެލި އިރުވެސް އެބަހުރި އެދުވަހަށް ޓިކެޓް ލިބެން.. އަމާނާތްތެރިކަމާއި އެކު އިޔާންއަށް ރައްދު ކޮށްދޭނަން.. މަށައް އެނގެއޭ އެމީ ދެކެ ބްރޯ ލޯބިވާވަރު.. އަހަރެން ހުއްޓަ އަރީފްއަށް ވެސް އެމީއަކަށް ގޮތެއް ނުހެދޭނެ..“ މަހުދީގެ އަޑުގައިވީ ޔަގީންކަމެވެ. އެކުވެރިޔާއަށް އިޔާން ބަލައިލީ ޝުކުރުން ފުރިފައި ހުރެމެވެ. ދަބަސްތައް ނަގާ އޭނާގެ ސާމާނު ޕެކް ކުރަމުން ދިޔައިރު އޭނާގެ އަތްމަތި ނުހަނު އަވަހެވެ. މަހުދީ ވެސް ދިޔައީ އިޔާންއަށް އެހީވަމުންނެވެ.

”ދޭ އެމީގެ ގާތައް .. ކޮންމެ ވެސް މިންވަރެއް ކިޔައިދެވޭތޯބަލާ.. ވާނުވާ އަންގާލާތި.. ފަތިހުން އަހަރެން  ވެސް ނުކުންނާނަން“ މަހުދީ ދާން ވެގެން ނުކުތުމުން އިޔާން ބޯ ޖަހައިލިއެވެ.

ކޮޓަރިން ނުކުމެފައި އިޔާން އެކޮޓަރިއަށް ވަތް އިރު އަމީރާއަށް އޮތީ ނިދިފައެވެ. ގަޑިއަށް ނަޒަރެއް ދެވުނު އިރު އޭރު މެންދަމުން އަލިވެ ދޭއް ޖަހަނީއެވެ. އޭނާއަށް ކޮޓަރިތެރޭގައި އެހާ ގިނައިރު އިނދެވުނުކަން އިޙްސާސްވީ ވެސް އެވަގުތުއެވެ.  މާޔޫސްވީ ވަރުން އިޔާންއަށް ދެލޯ މަރާލެވުނެވެ. އެހާ އަރާމްކޮން ނިދާފައި އޮތްވާ އުނދަގޫ ކުރާހިތެއް އިޔާން ނުވިއެވެ. ދެން ހަދާނެ ގޮތަކާއި މެދު އިޔާންއަށް ވިސްނާލިއެވެ. އޭނާއަށް ވިސްނުނީ އެންމެ ގޮތެކެވެ. ގަނޑަކާއި ގަލަމެއް ހިފައިގެން އައިސް  އޭނާ ބުނަން ބޭނުންވި ހުރިހާ ވާހަކައެއް އޭގައި ލިޔެލިއެވެ. އެކަމަށް ވެސް ގަޑި އިރެއް ހޭދަވިއެވެ. އެ ނޯޓުކޮޅުގައި އެއްވެސް ކަމެއް ފޮރުވުމެއް ނެތި އިޔާން ހާމަކުރިއެވެ. އެތަކެއް ފަހަރު މާފަށް އެދިފައެވެ.  އެއަށްފަހު ފޯނު ފޮޓޯއެއް ނަގާލިއެވެ. އޭނާ ގެނައި ސިޓީ އުރައެއްގެ ތެރެއަށް އެ ގަނޑުކޮޅު ފައްޖަހާފައި ލުމަށްފަހު އޭގެތެރެއަށް އޭނާގެ ކޭޝް ކާޑާއި އަމީރާގެ ޕާސްޕޯޓް ވެސްލިއެވެ. އެ މަސައްކަތް ނިންމާލުމަށްފަހު ބަލައިލި އިރު ފަހެއް ޖަހަނީއެވެ.  މާގިނަ ވަގުތެއް ނެތުމުން އިޔާން އަވަސް ވެގަތީ އެއާރޕޯޓަށް ދިޔުމަށް ތައްޔާރު ވެލުމަށެވެ.

”އަމްސޮރީ ބޭބީ.. އައި ލަވް ޔޫ ސޯ މަޗް … ސީ ސޫ ސޫން“ އަމީރާގެ މަޑު ކޯތާފަތުގައި ބޮސްދިނުމަށްފަހު އިޔާން ނުކުމަތެވެ. އޭނާ ނުކުތީ ސިޓީ އުރަ ވެސް ހިފައިގެންނެވެ. އެތާގައި ބާއްވަން އޭނާގެ ޒަމީރް އެއްބަސް ނުވީއެވެ. އެންމެ ރަނގަޅު ގޮތަކީ މަހުދީގެ ބެލުމުގެ ދަށުން ދިނުން ކަމުގައި ވިސްނުނީއެވެ.

ދަބަސް ތައް ހިފައިގެން ތިރިއަށް ފޭބިއިރު އޭނާގެ އިންތިޒާރުގައި މަހުދީ ހުއްޓެވެ. އޭނާގެ އަތައް ސިޓީއުރަ ރައްދުކުރުމަށްފަހު އެއަށް ހަދަންވީގޮތް ބުނެދިނެވެ. މަހުދީ ހައިރާންވެފައި ބަލަހައްޓާއިގެން ހުރިގޮތުން އިޔާން ރޭގައި ވީ ގޮތް ކިޔައިދިނެވެ.

”އެމީ ނުނިދާ ހުރިނަމަ ހުރިހާ ވާހަކައެއް ކިޔައިދޭނަން.. އަރީފްއާއި  ހިސާބަށް މިކަންތައް ގަނޑު ނުދަނީސް އެމީއަށް މި ހަވާލު ކުރާތި އިނގޭ..މިހާރު ވެސް ޔަނާލްގެ ސައިޑުން އެނގިފަ އޮންނާނީ“ ކާރުއައުމުން ދަމުން އިޔާން ބުނެލިއެވެ. މަހުދީ ހިނިތުންވެލަމުން ބޯޖަހައިލިއެވެ.

ދެމީހުންގެ ވާހަކަތައް އަޑުއަހަން ތަންކޮޅެއް ދުރުގައި އަރީފް ހުރިތަނެއް ދެމީހުންކުރެން އެކަކަށް ވެސް ނުފެނެއެވެ. އިޔާން ދިޔުމުން މަހުދީ އެތެރެއަށް ވަދެގެން ދިޔައެވެ.

”ހޫމްމް.. ކަލޭ ހީކުރީ ކަލެއަށް އެކަން ވާނެ ކަމަށް ތަ.. ޔަނާލް ނޫން އިތުރު އެއްވެސް އަންހެނަކާ އެއްވެސް ގުޅުމެއް، އަހަރެން ދުނިޔޭގަ ހުއްޓާ ކަލެއަކަށް ނުބޭއްވޭނެ.. ކަލޭގެ އާއިލާގެ މުދާގަނޑު ހޯދާފަ ހަމަ ހުއްޓާލާނީ.. އެއްވެސް އުފަލެއް ލިބުނަކަ ނުދޭނަން.. ކަލޭގެ ހަޔާތައް އަންނަ ކޮންމެ މީހަކުވެސް ޖެހޭނީ ހަމަ ރޯން.. މިއަދު މިއީ އަމީރާ ރޯނެ ދުވަސް.. އެ ކުޑަ ހަންޑި ވެސް އިޔާންއާއި ގާތްވީ އަހަރެން ދައްކާ ވާހަކަ އަޑު ވެސް ނާހާ..ހަހަހަހާ..  “ އަރީފްގެ މޫނުގައިވީ މަކަރުވެރިކަމެވެ. އޭނާގެ ވިހަ ހިނިތުންވުން ފޮރުވާލީ ގޭތެރެއަށް ވަންނަމުންނެވެ.

އަރީފް ގޭތެރެ ހޯދާލީ މަހުދީގެ ހިލަމެއް ވޭތޯއެވެ. އޭނާ ފެންނަން ނެތުމުން ދެން ގޮސް ހުޅުވާލީ އޭނާ ނިދާ ކޮޓަރިއެވެ. މަޑުމަޑުން ދޮރު ހުޅުވާލި އިރު މީހަކު އާދޭތޯ ވެސް އެވަރަށް ބަލަމުން ދިޔައެވެ.ފާހާނާގައި އޭނާ އުޅޭ އަޑު އިވުމުން، އަރީފް އެކި ތަންތަން ބަލަންފެށިއެވެ. މާކަ ބޮޑު މަސައްކަތެއް އޭނާއަކަށް ކުރާކަށް ނުޖެހުނެވެ. އެ ސިޓީ އުރަ އޮތީ ރީތިވާ މޭޒުމަތީގައެވެ.

”ފައިނަލީ..“ ބަލާކަށް ނުހުރެ އެ ހިފައިގެން އަޜީފް ކޮޓަރީގެ ތެރެއިން ނުކުމެ އޭނާގެ ކޮޓަރީގެ ތެރެއަށް ވަނެވެ. އިޔާން ލިޔެފައި އޮތް  ގަނޑުފެނި އޭނާގެ ތުންފަތުގައި ވީ ވިހަ ހިނިތުން އިތުރަށް ފުންވިއެވެ. އިތުރު ގަނޑަކާއި ގަލަމެއް ނަގާ އަރީފް ލިއަން ބޭނުންވި ސާމާނުތައް އޭގައި ލިޔުނެވެ. އެއަށްފަހު ރަނގަޅަށް އެއަށް ނަޒަރެއް ދިނެވެ. އިޔާންގެ ގަނޑުކޮޅު ޑަސްޓްބިންއަށް ބޮނޑިކޮށްލާފައި ލަމުން، އޭނާ ލިޔުނު ގަޑުކޮޅު އޭގެ ތެރެއަށް ލަމުން އަރީފް މިސްރާބު ޖެހީ އަމީރާގެ ގާތައް ދިޔުމަށެވެ.

އަމީރާ ބަދިގެ ތެރޭގައި އުޅުނީ ހެނދުނުގެ ނާސްތާ ތައްޔާރު ކުރުމައިގެންނެވެ. އޭނާ ހީކޮށްގެން ހުރީ އިޔާން އަދި ނުހޭލަނީ ކަމަށެވެ. ދޭތެރެއަކުން އެކޮޓަރީގެ ދޮރުގައި  ޖަހާލައެވެ. ނަމަވެސް ތަޅު ހުޅުވާލަން ނުކެރޭނެތީ އަނބުރާ އަންނަނީއެވެ.

”އިޔާ.. އަވަސް-“ އިޔާން ލަސްވެގެން އަމީރާ ގޮވާލި ހިނދު ހުއްޓެން މަޖުބޫރުވީ އެތެރެއަށް ވަދެގެނަ އައި އަރީފް ފެނިއެވެ.

”އިޔާން އެއް ނާންނާނެ… ހަހަހަހްހާ“ އަމީޜާގެ އަޑުއިވި އަރީފް ޖަހައިލީ މަލާމާތުގެ ހިނިގަނޑެ ކެވެ. އަމީރާ ވަގުތުން ދެލޯ އަޅާލިއެވެ. އެތާގައި ހުންނަން ބޭނުން ނުވެގެން އެންމެ ފަހުން އޭނާ ދިޔައީ އިޔާންގެ ކޮޓަރިއަށް ވަނުމަށެވެ. ނަމަވެސް ހުޅުވާލި ދޮރާއި އެކު އޭނާ ހައިރާންވެގެން ދިޔައި މުޅީ ކޮޓަރިތެރެ ހުސްކޮން އޮތުމުންނެވެ. އިޔާން ޖަހާ އުޅޭ ސެންޓްގެ ވަސް ކޮންމެވެސް   ވަރަކަށް ތަނުގައި ހަރުލާފައި ވެއެވެ. ހައިރާންވެގެން މުޅި ކޮޓަރިތެރެ އާއި ބެލްކޮނިވެސް އޭނާ ބެލިއެވެ. އެއްވެސް ތާކުން އިޔާން ނުފެނުމުން އެންމެ ފަހުން އޭނާ ގަސްތުކުރީ މާރިއާ އާއި ލުއިސްގެ ގާތު އެހުމަށެވެ. ކިތަންމެ ވަރެއް ވިޔަސް އަޜީފް ދައްކާ ވާހަކަ އަޑުއަހާކަށް އޭނާގެ ހިތެއް ނުބުނެއެވެ.

ދެތިންފަހަރު ދޮރުގައި ޓަކި ދިން ހިނދު މާރިއާ ދޮރު ހުޅުވާލިއެވެ. ހާސްވެފައި ހުރެ އަމީރާ އެހީ އިޔާންގެ ވާހަކައެވެ.

”އިޔާ ނުބުނޭތަ.. ރޭގަ އާންޓްމެން ނިދަން ތިއްބަ މެސެޖް އެއް ކޮށްލާފަބުނި ކުއްލިއަކަށް ރާއްޖެ ދާން ޖެހޭ ވާހަކަ..“ ހައިރާންވެފައި މާރިއާ އެއްސެވެ. އިސާހިތަކު އަމީރާގެ ދެލޮލަށް ކަރުނަތައް ބޮނޑިވެގަތެވެ. ރޭގަ ވެސް އިޔާން ދާ ވާހަކައެއް ނުބުނެއެވެ.

”އާރ ޔޫ ސީރިއަސް.. އެމީ ގާތު އިޔާ ހަމަ ނުބުނޭތަ؟ ”އަމީރާގެ ދެލޮލުން ފައިބަމުން ދިޔަ ކަރުނުތައް ފެނި މާރިއާގެ މޫނުމަތީގައިވީ ހާސްކަން ދެގުނަވިއެވެ. އޭނާ ފޯނު ނަގާ އިޔާންއަށް ގުޅޭތޯ ބެލިއެވެ. ނަމަވެސް ފޯނު ނިއްޥާލާފައި ވާތީ ގުޅޭ ގޮތެއް ނުވިއެވެ.

”ބުނީމެންނު އަމީރާ.. އަދި ރޯންޖެހޭނެ އޭ.. ލަހެއް ފަހެއް ނެތި މިއަދު އެ ދުވަސް މިއޮތީ ބައްދަލް ކޮށްފަ..އެހެންވެ މީހުން ބުނަނީ ގަދަބަސް ނުބުނަން..“ އަރީފް އެ މަކަރުވެރި ހިނިތުނވުމުގައި ހުރެ އަމީރާގެ އަތައް ސިޓީއުރަ ލައްވާލިއެވެ.

”ތިއީ އިޔާން، އަމީރާއަށް ދިން ވަރަށް ލޯބި ހަދިޔާއެއް.. ހަހައްހާ“ އަރީފް ގޮސް އަލުން ސޯފާގައި އިށީނެވެ. އަމީރާ ތުރުތުރު އަޅަމުން ދިޔަ އަތަކުން  އުރަ ކަނޑާ ނެގިއެވެ. އޭގައިވަނީ ކޭޝްކާޑަކާއި ޕާސްޕޯޓެއްގެ އިތުރު ފަތް ޖަހާފައިވާ ނޯޓުކޮޅެކެވެ.

”އަމީރާ.. މި ނޯޓް އަމީރާގެ އަތައް ލިބޭ އިރު އަހަންނެއް ނުހުންނާނެ.. އެންމެ ފުރަތަމަ ވެސް އަމީރާއަށް ލޯބީގެ ދަޅަ ދެއްކުނީތީ މާފަށް އެދެން.. އަހަންނަކީ އަދިވެސް މީހެއްގެ ފިރިއެއް އަދި ކުޑަ ދަރިއެއްގެ ބައްޕަ… މި ޕާސްޕޯޓް ހިފައިގެން ކޭޝްކާޑް ގައި ވާ ފައިސާއާއި އެކު، އަހަރެންގެ މަތިން ހަނދާން ނައްތާލާފައި، އަމީރާވެސް އާ ދިރިއުޅުމެއް އުޅެން މަސައްކަތް ކުރޭ.. ހަގީގަތަކީ އަހަންނަކަށް އަމީރާ ދެކެ ލޯތްބެއް ނުވެވުނު.. ހަމައެކަނި ގުޅުނީ މިވީ ކުޑަދުވަސްކޮޅު އަހަރެންގެ ފޫހި ފިލުވާލަން.. އުއްމީދުކުރަން އަހަރެންގެ މަތިން ހަނދާން ނައްތާލާނެކަމަށް.. އިޔާން“ އިނގިރޭސި ބަހުން ކަރުދާސްކޮޅުގައިވީ ލިއުންކޮޅު ކިޔާލެވުނު އިރު އަމީރާގެ ހަށީގައި ކޮޅަށް ހުންނާނެ ވަރުވެސް ނެތެވެ. ގިސްލެވެމުން ދިޔައިރު ދެފަރާތައް ބޯ ހޫރުވާލެވުނެވެ.

”ނޫން.. ނޫން .. އިޔާ..އި..އިޔާ އެހެންނެއް ނުހަދާނެ..“ ރޮމުން ރޮމުން ދެފަރާތައް ބޯހޫރަމުން ދިޔައިރު އަމިއްލަ ނިކަމެތިން އެހާ ބޮޑަށް ދުވަހަކު ވެސް އިޙްސާސްއެއް ނުވެއެވެ.

އޭނާގެ ހާލަތުފެނި މާރިއާއަށް ވެސް ދިޔައީ ރޮވެމުންނެވެ. ހިތްވަރު ދިނުމަށް ޓަކައި އަނގައިން ބުނާނެ ބަހެއް ވެސް ނޭނގުނެވެ. ހަމައެކަނި އަމީރާގެ ގައިގާ ބާރަށް ބައްދާލެވުނީއެވެ.

”އަރީފް .. މި ވެދާނެ އަރީފް ކުރާ ކަމަކަށް.. އަހަންނަށް ހާދަ ހީ ނުވެއޭ އިޔާ މިފަދަ ކަމެއް ކޮށްފާނެ ހެން.. އިޔާ އެއީ މިއަށް ވުރެން ރަނގަޅު ކުއްޖެއް.. ނަދީމްގެ ދެން ތިބި ކުދިންނަށް ވުރެން އޭނާގެ ވިސްނުން ރަނގަޅުވާނެ“ އިޔާން އެފަދަ ނޯޓެއް ދޫކޮށްލާފައި، އަމީރާ ދޫކޮށް ގޮސްފާނެ ކަމަކަށް ލުއިސްއަކަށް ގަބޫލެއް ނުކުރެވުނެވެ. އެދެލޮލުން އަމީރާއަށް ބަލަން ހުންނަގޮތް ، އެތަށް ފަހަރަކު އޭނާއަށް ވަނީ ފެނިފައެވެ.

”މަހުދީ އަތައް މި ދިނީ އިޔާން… އޭނާއަށް ގުޅާފަ ގެނެސް އަހަންވީ ހަމަ.. އެހެން ނޫނަސް ތި ކޭޝްކާޑްގަ އެއިނީ އިޔާންގެ ނަމެއްނު“ އަރީފް ބުނެލިއެވެ. އަމީރާގެ އަތުން ކާޑް ނެގުމަށްފަހު ލުއިސް ބަލައިލިއެވެ. ތެދެކެވެ. އެއީ އިޔާންގެ ކާޑެވެ. ނަމަވެސް މަހުދީ ބުނާ އެއްޗެއް ލުއިސް ބަލަން ބޭނުން ވިއެވެ. މަހުދީގެ ފޯނަށް ގުޅިތަނާ މާ ގިނައިރެއް އައިސް ވަނެވެ.

”ކިހިނެތް ވީ.. ”މާރިއާގެ ގައިގާ ބައްދާލައިގެން އިން އަމީރާ ފެނި މަހުދީއަށް އެހުނެވެ. ކައިރިވީ ވީހެން އަމީރާގެ ގިސްލުމުގެ އަޑު އިވި މަހުދީ ހައިރާން ވެފައި އެކަކު އަނެއްކަކުގެ މޫނަށް ބެލުނެވެ.

”މި ސީޓީ އުރަ މިއީ އެމީ އަށް ދޭށޭ ކިޔާފަ އިޔާން، މަހުދީއާއި ހަވާލްކުރި އެއްޗެއް ތަ“  ލުއިސް އަހައިލިއެވެ. އެހިނދު އޭނާ ކުރިއަށްވުރެން ބޮޑަށް ހައިރާންވިއެވެ. އެއީ އޭނާގެ މޭޒުމަތީގައި ބޭއްވި ސިޓީ އުރަކަން ޔަގީންވެގެން، ރުޅިވެރިކަމާއި އެކު އަރީފްއަށް ކަޅިއަޅާލިއެވެ.

”އިޔާން ފަތިހް ދަމުން މަށާއި ހަވާލް ކުރި އެމީ އަށް މި ދޭން އެދިފަ.. ރޫމް ތެރޭގައި އޮތްވާ އަރީފް ދޯ ގެނައީ..“ އެއާއި އެކު އަމީރާގެ ރުއިން ވީ އިތުރެވެ. ކުރިއަށް ވުރެން ބޮޑަށް ގިސްލެވެން ފެށުނެވެ. މަހުދީ، އަމީރާގެ ގާތައް ޖެހިލިއެވެ.

”ކިހިނެތް ތަ ވީ..އިޔާން ރޭގަ ވަރަށް ލަސްވަންދެން އެމީއާއި ވާހަކަ ދައްކަން މަޑުކުރިއޭ.. އެކަމަކު ނިދާފަ އޮތީމަ ނުގޮވަން ލެޓާރ އެއް ލިޔުނީ.. އަހަރެމެންނާއި އެއްކޮން އެމީ ރާއްޖެ ދާ ގޮތައް ވެސް ނި-“

”މަހުދީ ކޮންމެހެން ދެން  އަމީރާގެ ހިތްހަމަ ޖައްސުވަން އުޅޭނެ ކަމެއް ނެތް.. މިއޮތީ އިޔާންގެ ލެޓާރ.. މަ ތި ރޫމަށް ވައިން އިރު މޭޒުމަތީގަ ’އެމީއަށް‘ މިހެން ޖަހާފަ އޮތީމަ މި ނެގީ.. މަ ހީކުރީ ކަލޭ ކުރާ ކަމެއް ކަމަށް.. ބަލާލިއިރު މި ފެނުނީމަ ވަގުތުން މިއައީ ދައްކަން“ އަމީރާގެ އަތުގައި އޮތް ގަނޑުކޮޅު އަތުލަމުން އަރީފް ، މަހުދީގެ އަތައް ދިނެވެ.

އެ ކިޔާ ނިމުނު އިރު މަހުދީ ހުރީ ބޮލުގައި ރިއްސައިގަންނަ ގޮތްވެފައެވެ. ފުރަތަމަ ވެސް ބަލައިލެވުނީ އަރީފް މޫނަށެވެ. އެ މޫނުމަތީގައިވީ ވިހަކަމުން، އިތުރަށް އެއްޗެއް ވިސްނާކަށް ނުޖެހުނެވެ. އޭގައި އެވަނީ އިޔާން ލިއާ އެއްޗެއް ނޫން ކަން ކަނޑައެޅިގެން އޭނާއަށް އެނގެއެވެ.

”ލުކް އެމީ.. މީހަކު ހަމަ އައިސް އެއްޗެއް ދިނީމަ އަދި ގަބޫލް ކުރާކަށް ނުވާނެ.. “

”މީހަކު އެއްޗެއް ދިނިއްޔެއް ނޫނޭ މަހުދީ.. މީގަ އެބަ އޮތް އިޔާންގެ ކޭޝްކާޑު ވެސް.. އިޔާންއެއް ކަމަކު މިފަދަ ކަމެއް ކޮށްފިއްޔާ އެމީހަކަށް ދެވަނަ ފަހަރަކަށް އަހަރެމެންގެ ތެރެއަކުން ޗާންސް އެއް ނުލިބޭނެ.. މިގެއިން ދެނެއް އޭނައަކަށް މަރްހަބާއެއް ނުކިޔާނަން.. މިއީ އިޔާގެ ލިޔުން“ މާރިޔާގެ އަޑުން އޭނަ ހިތްހަމަ ނުޖެހިފައިވާ ވަރު މަހްދީއަށް އިޙްސާސްވިއެވެ. އެ ގަނޑުކޮޅަށް ވަރަށް ރަނގަޅަށް މަހުދީ ބަލައިލިއެވެ. ތެދެކެވެ. އިޔާންގެ އަތުލިޔުމާއި ނުހަނު ވައްތަރެވެ. އެކަމަކު ދެތިން ފަހަރު ރަނގަޅަށް ބަލާލައިފިނަމަ ތަފާތު ވަކިކުރަން އެނގޭ ވަރުވެއެވެ. އަރީފް އެކަމަށް ނުހަނު ވިސްނައިގެން ލިޔެފައި ހުރިކަން ދޭހަވެއެވެ.  މިވަގުތު އިޔާންގެ ކުށެއް ނެތްކަން ހާމަ ކޮށްދޭން ކިތަންމެ މަސައްކަތެއް ކުރި ނަމަވެސް އެކަމެއް ނުޥާނެއެވެ. އެންމެ ފަހުން މަހުދީ ހަތިޔާރު ބެހެއްޓިއެވެ.

އެތައް އިރަކު ރުއިމަށް ފަހު އަމިރާއިން ތަނުން ތެދުވިއެވެ. ދެލޯ ދުޅަވެފައިވީ އިރު މުޅި މޫނުމަތި ވަނީ ދުޅަވެފައެވެ. މަހުދީގެ އަތުގައި އޮތް ކަރުދާސް ގަނޑާއި ދެންހުރި ސާމަނުތައް ހިފައިގެން އަމީރާ ހިނގައިގަތެވެ. އަމިއްލަ ކޮޓަރިއަށް ވަދެވުމުން ކުރިއަށް ވުރެން ހިތުގައި ޖެހުނެވެ. ރޮއި ރޮއި މުޅި ކުއްޖާ ހަށިން ވަރު ދޫވާން އުޅުނުހެން ހީވެގެން އެންމެ ފަހުން އެނދު މައްޗަށް ވެއްޓިގަނެވުނެވެ.  ދެމީހުން އެކުގައި ހޭދަކުރެވުނު އުފާވެރި ދުވަސްތައް ފިލްމެއް ފަދައިން އޭނާގެ ސިކުޑީގެ ލޯގަނޑުގައި ރޯލްވަމުންދިޔައެވެ. އިޔާންއާއި އެކު ދިރިއުޅުމަށް އޭނާ ދެކުނު ހުވަފެން ތައް ވިއްސި ވިހާލިވާން ނެގީ މަދު ސިކުންތުކޮޅެކެވެ. އެ ލޯބީގެ ހުވަފެންތަކުގައި ކުލަ ޖައްސަން ބިނާކުރި ހުވަފެނީ ގަނޑުވަރު ފުނޑުފުނޑު ވެއްޖެއެވެ. އިޔާންގެ ފިރިހެންވަންތަ ސޫރަ ސިފަވާ ކޮންމެ ފަހަރަކު ލަގޮނޑިއަށް ބާރުވެގެންދެއެވެ.

އެތައް އިރަކު ވިސްނަން އޮވެފައި  އެންމެ ފަހުން އަމީރާ ގޮތެއް ނިންމިއެވެ. އެގޭގައި ހުންނާކަށް އެއްގޮތަކަށް ވެސް އަމީރާ ބޭނުމެއް ނުވިއެވެ. އިޔާންއާއި އެކު ހޭދަވި އުފާވެރި ދުވަސްތައް ފެށުނީ އެގެއިންނެވެ. އެދުވަސްތައް ނިމި ކަފުންވެގެން ދިޔައީ ވެސް އެތަނުންނެވެ. އިތުރަށް އެތަނުގައި ހުރުމަކީ އޭނާގެ އަމިއްލަ ހިތައް ދެވޭ އަނިޔާއެކެވެ. އިތުރު ވޭނެއް ތަހައްމަލް ކުރެވޭނެހާ ހިތްވަރެއް ނާޒުކް ހިތުގައި ނުވެއެވެ.

ކިތަންމެ ހިތްބަލި ވީ ނަމަވެސް ކެތްކުރުން ނޫން ގޮތެއް އޭނާއަކަށް ނެތެވެ. ހަޔާތުގައި އެންމެ ބޮޑަށް އިތުބާރު ކުރީ އިޔާނަށެވެ. ނަމަވެސް އެހުރިހާ ކަމަކަށް، ފަޅި ސިކުންތުން އިޔާން ނިމުން ގެނުވައިފިއެވެ.  ވެފައިވީ ދެރައިން މާ ރަނގަޅަކަށް އަމީރާއަކަށް ނުވެސް ވިސްނެއެވެ. އަލުން އަނބުރާ ހޫގޯގެ ގެއަށް ދާން އޭނާ ނިންމިއެވެ. އެ ނޫން އެއްވެސް ތަނެއް މި ފަސްގަނޑުން އޭނާއަކަށް ނޭނގެއެވެ.

މަހުދީ ފުރަތަމަ ވެސް ގޮސް ވަނީ ނަވާޒްގެ ކޮޓަރިއަށެވެ.  އޭނާ އައިލެއް ބާރުކަމުން ނަވާޒް ވެސް ދިޔައީ ސިއްސައިގެންނެވެ.

”ކިހިނެތް ވީ ބްރޯ“ ހައިރާންވެ ހުރެ އެހިނަމަވެސް ނަވާޒްގެ ސުވާލަށް އޭނާއަށް ޖަވާބުދެވޭ ވަރެއް ނުވިއެވެ.  ފޯނު ނަގައި އިޔާންއަށް ގުޅޭތޯ ބެލިއެވެ. ފޯނު ނިއްވާލާފައި އޮތުމުން އޭޏާ ވާނީ މަތީގައި އެނގި އިތުރަށް ހާސްވިއެވެ.

ދެން އޭނާ ގުޅީ ވިޝާމްގެ ނަމްބަރަށެވެ. ދެތިންފަހަރަށް ފޯނު ރިންގުވި ހިނދު އޭނާ ފޯނުނެގިއެވެ

ފުރަތަމަވެސް ހިނގައިގެން އުޅޭ ހާދިސާ އެއް ނޭވާއިން، އޭނާއަށް ކިޔައިދިނވެ. ވިޝާމްއަށް ވެސް ލިބުނީ ޝޮކެކެވެ. އިޔާންގެ ފުށުން އަހާފައި ވީ ނަމަވެސް އަރީފް އެފަދަ ކަމެއް ކޮށްފާނެ އެކޭ ހިތަކަށް ވެސް ނާރައެވެ.

”އިޔާން މިކޮޅަށް ލޭންޑް ވިހާ އަވަހަކަށް މަހުދީއަށް ގުޅަން ބުނާނަން“ ވިޝާމް ވެސް ލަސް ނުކޮށް ފޯނު ކަނޑާލިއެވެ. ފޯނު ބާއްވަމުން އެނދުގައި މަހުދީއަށް އިށީންދެވުނެވެ. އޭނާ ފޯނުގައި ހުރެ ދެއްކި ވާހަކަ އިވުމުން ނަވާޒް ވެސް އިނީ ހައިރާންވާ ގޮތްވެފައެވެ.

”ކިހިނެތް ތަ ވީ؟“

”މަހުދީ.. ނަވާޒް.. އެމީ އެއް ނެތް..އެމީ ގޮސްފި“ ނަވާޒްއަށް ރައްދު ނުދެވެނީ، އެ ކޮޓަރިއަށް ވަދެގެންއައި މާރިއާއެވެ.

”އެމީ ލަސް ވެގެން ރޫމް ބެލިތަނާ އެނގުނީ“ އޭނާ ރޮމުން ރޮމުން ބުނީ އަމީރާ ދިޔަ ވާހަކައެވެ. އަމީރާ ގެއިން ނުކުމެގެން ދިޔަ ތަން ކެމެރާއަށް އަޜާފައިވާ ވާހަކަވެސް ބުނެލިއެވެ.

އިތުރަށް ވަގުތު ބޭކާރު ނުކޮށް ލުއިސް އާއި އެކު މަހުދީއާއި ނަވާޒް ބޭރަށް ނުކުތީ އަމީރާގެ ހިލަމެއް ވޭތޯއެވެ.

ދެދުވަސް ވަންދެން އަމީޜާ ހޯދަން އެތަކެއް މަސައްކަތެއް ކުރުމަށް ފަހުގައިވެސް ފެންނަ ގޮތެއް ނުވިއެވެ. މާލެ ދިޔަ ހިނދު ފުރަތަމަ ވެސް އިޔާންގެ ކަންފަތައް އެހަބަރު ލިބުނެވެ. ނަމަވެސް ކުރެވޭނެ އެއްވެސް ކަމެއް ނެތެވެ. ދަރިފުޅު ދޫކޮށްލާފައި ވެސް ދެވޭކަށް ނެތެވެ. މަހުދީއާއި ނަވާޒް އިތުރު އެއް ހަފްތާ މަޑުކުރާގޮތައް ހަމަޖެހުނު އިރު، އޭނާ އެދިގެން ވިޝާމް ވެސް ސްޕެއިންއަށް ދިޔައެވެ. ތިންމީހުންނާއި ލުއިސް ވެގެން މުޅި ސްޕެއިން ބެލިއެވެ. ނަމަވެސް އަމީރާގެ އެއްވެސް ހިލަމެއް ނުވިއެވެ. އިޔާންގެ އެދުމުގެ މަތިން އެކަންތައް އިތުރު މީހަކަށް ނޭނގި އޮތީ ސިއްރުވެފައެވެ.

******************

(މިހާރު)

ހިޔާލްތަކުން އެނބުރި އާދެވުނު އިރު އިޔާންގެ ދެލޮލުން ހުއްޓުމެއް ނެތި ކަރުނަތައް ފައިބަމުންދިޔައެވެ. އޭގެ ފަހުން އެތައް ފަހަރަކު އަމީރާ ހޯދުމަށް އިޔާން ސްޕެއިންއަށް ދިޔައެވެ. ނަމަވެސް މާޔޫސްކަން މަތީގައި ކަރު އެލުވާލައިގެން އެނބުރި އަންނަން ޖެހެނީއެވެ.

”އައި ވިޝް އައި ހޭޑް ނެވާރ މެޓް ޔަނާލް… އެހެން ނޫންނަމަ މިދުވަސް ދެކޭކަށް ނުޖެހުނީސް“

ހިތުގައި ފުންވެފައިވީ ހިތާމަތަކަށް ތަސައްލީއެއް ލިބުނީ ރީއާގެ ތުއްތުއަޑު، އޭނާގެ ކަންފަތުގައި ޖެހިފައެވެ. ކަރުނަތައް ފުހެލަމުން އިޔާން ތެދުވީ ރީއާގެ ގާތައް ދިޔުމަށެވެ.

***

(ނުނިމޭ)