ހިރާސް 2 (03)

”އަނެއްކާ ވެސް އެމީހުންގެ ނުރައްކަލެއް ރުއާއަށް ކުރިމަތި ވަނީބަ“  ރާބިއުގެ ސިކުނޑީގައި ހަރުލާފައި ވީ ހޮސްޕިޓަލުން އައި މަގުމަތީގައި ކާރުގަ އިނދެ ރުއާނާ ކިޔައިދިން ވާހަކަ ތަކެވެ. ހެނދުނު ބަހުގައި ހިނގާދިޔަ ހާދިސާއެވެ. އެކަންތައް ގަނޑުން ސަލާމަތް ވެގެން ރުއާނާ އަލުން ދުނިޔެއާއި ކުރިމަތި ލީތާ އަދި ވެގެން މިދިޔައީ ކުޑަ ދުވަސްކޮޅެކެވެ. ރާބިއު އަށް ފުންނޭވާއެއް ދޫކޮށްލެވުނު އިރު މޫނުމަތީގައިވަނީ އުދާސްކަމެވެ.

****

”ރާއްޖެ ދާން ވީބަ އަނެއްކާ ވެސް..“ ރާބިއު ހިތާ ހިޔާ ކިޔާލެވުނެވެ. ކުޑަ ހިނދުކޮޅަކަށް ނަމަވެސް އެހިޔާލާއި މެދު ވިސްނާލެވުނެވެ.  ނަމަވެސް  އެއީ ރަނގަޅު ނިންމުމެއް ނޫން ކަން ވިސްނުނެވެ. އެއީ ރުއާނާއަށް ލިބޭނެ ގެއްލުމެކެވެ. ރުއާނާގެ ހުވަފެނަކީ ޒެންޓްރަސްއަށް ކިޔަވަން ދިޔުމެވެ. އެތަނަށް ދިޔަ މިއީ ފުރަތަމަ ދުވަހެވެ. ޔަގީނުން ވެސް ރުއާނާ އެއްބަހެއް ވެސް ނުޥާނެއެވެ.

****

ފަތިހްގެ އެންމެ ހިތްފަސޭހަ ވަގުތެވެ. ލަވާލްއާއި ޔާސިރް ތިބީ އާދައިގެ މަތިން ޓެރެހުގައި ހުންނަ އުނދޯލީގައެވެ. އެވަގުތަކީ ނަމާދަށް ފަހު ކޮފީ ބޯލުމުގެ ބޭނުމުގައި ދެމަފިރިން އެކުގައި އެތަނުގައި ހޭދަކޮށްލާ ވަގުތެކެވެ. ގިނަ ދުވަސް ދުވަހު އެތެރެއަށް ދެމަފިރިން ވަންނަނީ އިރުއެރީމައެވެ. ވަށައިގެން ވަނީ ޕޮޓްތަކުގައި ވާ ތަފާތު ވައްތަރުގެ މާ ގަސްތަކާއި ރީތި ގޮތްތައް އަރުވާފައިވާ މާ ވެޔޮ ތަކެވެ. ކުލަކުލައިގެ ޕެންސީސް، ސްނެޕްޑްރެގޮން، ވައިލަސް އަދި ޕްރިމްރޯސަސް އާއި ސިކްލަމަން ފަދަ ގަސްތަކުގައި ފޮޅިލާފައިވާ މާތަކުގެ ވަހުން، މާހައުލު ވަނީ ހުވަނދުލެވިފައެވެ. ޓެރެހުގެ އެއް ބިތް ފޮރުވޭވަރަށް، ގަދަ ފެހި ކުލައިގެ ހިތުގެ ބައްޓަމަށް ފަތްހުރި ވެޔޮތަކެއް އަރުވާފައެވެ.

”ހާދަ ފިންޏޭ ދޯ.. ޔާސިރްއަކަށް ނުވާނެ ވިއްޔަ އެކަމުގެ އުނދަގުލެއް ވެސް“ ކަޅުކުލައިގެ ޖެކެޓްގެ ދެއަރިމަތީގައި ހިފާލަމުން ލަވާލް ހަށިގަނޑު ފޮރުވާލިއެވެ.  ޔާސިރް ހީލަމުން ލަވާލްގެ އުނަގަނޑުގައި މިނިވަން ކޮން އޮތް އަޅުވާލިއެވެ. ދޭތެރެއަކުން ކޮފީ ޖޯޑުން އެތި ފޮދެއް ބޮމުން ދިޔައެވެ.

”ހީ ފިލުވާލަ ދޭނެ މީހަކު ވެސް ހުންނަން ވާނެ އެންނު“ ޔާސިރްގެ ސަމާސާއިން ލަވާލްގާތައް ހިނިއައެވެ. އުމުރުން ކިތަންމެ ދުވަހެއް ވީނަމަވެސް އެ ސަކަ މިޒާޖުން ބައެއް ވެސް އުނި ނުވެއެވެ.

”އަހަހަހަ…ކުދިން ބޮޑެތިވެ އެ ދަރިންނަށް ވެސް ދަރިން ލިބި، އަހަރެމެންނަށް މުނި މާމައާއި މުނި ކާފަ ކީމަ ވެސް އުޅޭގޮތް“ ލަވާލް ގެ މޫނުމަތިން ފެނިގެންދާ ތާޒާ ކަމަށް އިތުރު ދިރުމެއް އެ ހީލިމުން ގެނެސްދިން ކަހަލައެވެ.

”ކީއްތަ ވީ ކިހާ ލޯބި..އެތައް  ބައެއްގެ ޑްރީމް ކުރާ ދިރިއުޅުމެއް މިއީ.. އަލްހަމްދްލިއްލާހް“

”އަލްހަމްދުލިއްލާހް.. އެކަމަކު…އަހަރެމެންގެ ދިރިއުޅުން ފުރިހަމަ ވާނީ އަހަރެމެންގެ ދަރިން ދެކިލުމުގެ ނަސީބު އަލުން ލިބުނީމަ… ޔާސިރް ހަމަ އަހަރެމެންގެ ދެދަރިންގެ ހަބަރެއް ނީވުނޭ ދޯ “ ޔާސިރްގެ ކޮނޑުގައި ބޯ އަޅާލަމުން ލަވާލް ބުނެލި އިރު ދެލޯ މަރަލެވުނެވެ.

“ ފަންސަވީސް އަހަރު…އުއްމީދެއް ނެތް .. ހީވަނީ އެދެކުދިން ދުނިޔޭގަ ނެތީ ހެން… އެހެންނަމަ އެއްވެސް ނިޝާނެއް ނެތި ނުދާނެ.. ހަނދާންވޭތަ އަހަރެންގެ ބައްޕައަށް އޭރު ވީ ގޮތް.. އެކަމުގަ އެނގުނު ދޯ އަހަރެމެންނަށް ބައްޕަ ގެންދިޔަކަން.. އެކަމަކު ޒިވީއާއި ޒާނ-“ ޔާސިރްގެ ޖުމްލަތައް މެދު ކަނޑަލަން ޖެހުނީ ޓެރެހުގެ ސްލައިޑް ދޮރު ހުޅުވާލި އަޑުއިވިފައެވެ. ފަސް އެނބުރުނު އިރު އިޒްވާ ވަތްތަން ފެނި ޔާސިރްގެ މޫނުމަތީގައި ވީ މާޔޫސްކަން ފޮރުވާލަމުން، ހިނިތުންވެލިއެވެ. ލަވާލް ވެސް، އިޒްވާއަށްފެނުމުގެ ކުރިން ދެލޮލުން ފޭދުނު ކަރުނު ތިކި ފުހެލިއެވެ.

”މާމާ.. ކާފާ .. ކޮފީ ނިންމާލީތަ“ ހުދުކުލައިގެ އަތްދިގު، ނިދާ ހެދުމާއި ހަރުވާޅުގައި އިޒްވާ

ނުކުމަތް އިރު އޭނާގެ އަތުގައި ވެސް ކޮފީ މަގެއް އިނެވެ. އިޒްވާގެ މޫނުމަތީގައިވީ އަސަރުތަކުން ދެމީހުން ދައްކަމުން ދިޔަވާހަކަ އިވުނުކަން ދެނެގަނެވުނު ހިނދު ލަވާލްއަށް ތުންފަތުގައި ދައިގަނެވުނެވެ. ހީލައިގެން ހުރިއިރުވެސް އިޒްވާގެ ދެލޯ ހުރީ ހިސާބަކަށް ތެތްކޮންނެވެ.

“ކަމް ހިޔާރ ދޫނި..“ އިޒްވާގެ އަތުގައި ޔާސިރް ހިފާލައިގެން ، ގެނެސް ބޭންދީ ލަވާލްއާއި އޭނާއާއި މެދުގައެވެ. އިޒްވާގެ އަތުގައި ލަވާލް ހިފާލިއެވެ. އޭރު ހިފަހައްޓައިގެން ހުރި ކަރުނަތައް ލަސްލަހުން އިޒްވާގެ ދެލޮލުން ފައިބައިގަތެވެ.

”އަމްސޮރީ ބޭބީ ގާލް.. އިރާދުކުރެއްވިއްޔާ މާގިނަ ދުވަހެއް ނުވެ އަހަރެމެންގެ ދުއާ އިޖާބަ ކުރައްވާނެ… އެކަލާނގެ ވަނީ ކެތްތެރިންނާއި އެކު.. މީ މާމަގެ ދޫނި“ ލަވާލްގެ މޭގައި އިޒްވާ ފޮރުވާލަމުން، އެ އިސްތަށިގަނޑުގައި ފިރުމާލިއެވެ. އޭރު އިޒްވާގެ ލުއި ގިސްލުމުގެ އަޑު އިވެމުން ދިޔައެވެ.

”ކެތްތެރިވާން ޖެހޭނެ ދަރިފުޅާ.. މިހުރިޙާ ދުވަހުވެސް ދަރިފުޅު ތިއައީ މި އިމްތިހާނަށް ކެތްތެރިވަމުން.. ދަރިފުޅު ދެކެމެންނު ދުނިޔޭގައި އެތައް ކުދިންނެއް މައިންނާއި ބަފައިންނާއި ނުލާ ދިރިއުޅެމުންދާ ހިތްދަތި ގޮތް.. މާމައާއި ކާފަ އަދި ފެމެލީ އެންމެން މިތިބީ ދަ-“

”ބަޓް އައި ނީޑް ދެމް…“ ލަވާލްގެ މޭގައި އިހުނަށް ވުރެން ބޮޑަށް ބޮނޑިވެލަމުން އިޒްވާ ރޯންފެށިއެވެ. ލަވާލްއަށް ޔާސިރްގެ މޫނަށް ބަލައިލެވުނެވެ. ޔާސިރްގެ މޫނުމަތިންވެސް ފެނިގެން ދަނީ މަޑުމޮޅިކަމެވެ.

އެތަނުގައި ތިބެ އެވާހަކަ ދެއްކުމުން އަމިއްލަ ނަފްސު، ލަވާލްއަށް ކުށްވެރިކުރެވުނެވެ. އިޒާންއާއި ޒީވާގެ ނަން އިޒްވާގެ ކުރިމަތިގައި ނުބުނަން ޔާސިރްއާއި އައްޒާމް އަންގާފައި ވާތި ވިހާވެސް ބޮޑަށް އެމައުޝޫއަށް ނުދެވޭތޯ ގޭގެ އެންމެން ބަލައެވެ.

ހިތައް ހަމަޖެހުމެއް އިޙްސާސްވަންދެން އިޒްވާ ރޯލިއެވެ. އޭނާގެ ރުއިން ހުއްޓުނީ ޔާސިރްއާއި ލަވާލް ހިތްވަރު ދިނުމުގެ އެތައް ބަހަކަށްފަހުއެވެ. ކޮފީ މަގު ވެސް ހުސްނުކޮށް އިޒްވާ އެތަނުން ތެދުވީ ހޮސްޕިޓަލަށް ދިޔުމުގެ ބަހަނާގައެވެ. ނަމެވެސް އެކަނިވެރިވުމުން އޭނާ ރޯނެކަން ދެމީހުންނަށް ވެސް އެނގެއެވެ.

***

ކާރު އައިސް ހޮސްޕިޓަލް އިމާރާތައް މަޑުކޮށްލުމުން ރުއާނާ ކާރުން ފޭބިއެވެ. ކަޅުކުލައިގެ ޖީންސާއި އަޅިފުސްކުލައިގެ ކާޑިގަންގައި ފެންނަނީ ނުހަނު ފުރިހަމަ ކޮންނެވެ. ކަޅުކައިގެ ކޯޓްލާފައި ހުރުމުން ފިނީގެ އަސަރު ކުޑަވި ނަމަވެސް ނޭފަތުގެ ކުރިއަށް މަޑުރަތްކަމެއް ފާއްދާލާފައި ވެއެވެ.

”ދަރިފުޅާ.. ރަނގަޅު އެއްޗެއް ކާލައިގެން ބޭސް ކާން ވާނެ… ބައްޕަ ގުޅާނަން ބަލާ އަންނަމުން“ ރާބިއު ކާރު އަނބުރާލަމުން ދޮރުފަތާއި ކަރިވެލަމުން ގޮވާލިއެވެ. ރުއާނާ ބޯ ޖަހައިލިއެވެ. ފޯނުން ގަޑި ބަލައިލި އިރު  އަދި ކްލާސް ފެށުމާއި ދޭތެރޭގައި ދިހަ ވަރަކަށް މިނެޓް އޮތެވެ. ކްލާސްރޫމްތައް ހުންނަނީ އެންމެ މަތީ ފަންގިފިލާތަކުގައި ކަމަށްވާތީ، އެ ބައިތަކަށް ދިޔުމަށް ހުންނަ ލިފްޓް ހުންނަނީ ހޮސްޕިޓަލުން ހިދުމަތް ހޯދުމަށް އަންނަ މީހުން ބޭނުން ކުރާ ލިފްޓްތަކާއި އެކަހެރިކޮންނެވެ. ރުއާނާ މިސްރާބު ޖެހީ ކްލާސް ރޫމްތަކާއި ދެން ހުންނަ ލިފްޓަށެވެ. އެހިސާބުގައި ހަތަރު ލިފްޓް ހުރި އިރު، އިންތިޒާރުގައި ފަންސާހަކަށް ކުދިން ތިބިތަން ފެނި  ރުއާނާ އަށް ދެލޯ ބޮޑުކޮށްލެވުނެވެ.

”އޯހް މައި ގޯޑް..ނަސީބެންނު ވަގުތު ކޮޅެއް އޮއްވަ އާދެވުނުކަން“ ރުއާނާ އަމިއްލަ ނަފްސަށް އިވޭ ވަރަށް ވާހަކަ ބުނެލިއެވެ. ކުދިންތައް އަރަމުން ގޮސް އެންމެ ފަހުންރުއާނާ އަރަން ދިޔަ އިރު ލިފްޓް ފުރިގެން އެލާމް އަޅަން ފެށުމުން އޭނާއަކަށް އެރޭގޮތެއް ނުވިއެވެ.

“އާހްހް“ ގަޑި ބަލައިލި އިރު އޭރު ކްލާސް ފެށުމަށް އިނީ ނުހަނު ކުޑަ ވަގުތު ކޮޅެކެވެ. އިސްޖަހާލައިގެން އެއްފައިން ބިމުގައި ތަޅާލަ ތަޅާލަ ރުއާނަ ހުއްޓެވެ. ”މިހާ ބައިވަރު ފަންގިފިލާތައް ހުންނައިރު އެންމެ ފޯރ ލިފްޓް މި އިންނަނީ އަހަރެމެންނަށް.. އެއްވެސް ފެއަރ އެއްނޫން“ އަނގަޔަށް ވައްތަރެއް ޖައްސާލަމުން ރުއާނާ ދެލޯ އަލާޅައިގެން ހުއްޓެވެ.

”ގަޑި ވެސް ޖެހެނީ“ ރުއާނާ ފޯނު ހުޅުވާލީ އެންމެ ފުރަތަމަ އޮތީ ކޮން ގަޑިއެއްތޯ ބަލާލުމަށެވެ. ޓައިމްޓޭބަލަށް ބަލަން ހުރި އިރު ލިފްޓް އައި ހުއްޓުނު އިރު ރުއާނާއަކަށް ނޭނގުނެވެ. އެތެރެއިން ނުކުމަތީ މަތީ ބަޔަކުން ފޭބީ މަސައްކަތު މީހެވެ. އުސް ޑަސްބިން ބާލިދީ އެއް ހިފައިގެން ހުރުމުން އޭނާއަކަށް ރުއާނާއެއް ނުފެނުނެވެ. ”މަންމާ..“ރުއާނާއަށް ހުރެވުނީ ލިފްޓުގެ ކުރިމައްޗަށް ވާހެން ކަމުން، ފޯނުން ނަޒަރު ދޫކޮށްލި ހިނދު ކުއްލިއަކަށް ރުއާނާ ދިޔައީ ސިހިގެންނެވެ.

”ވޮޗް އައުޓް“ ތޫލި އަޑަކުން ހަޅޭއްލަވައި ގަންނަމުން ރުއާނާއަށް ދެލޯ މަރާލެވުނީ އޭނާނުވެއްޓި ނުދާނެހެން ހީވުމުންނެވެ. ނަމަވެސް ބާރުގަދަ އަތަކުން އޭނާގެ އުނަގަނޑުގައި އަތް އަޅުވާލާ، ދަމާލަމުން އުފުއްލާލީއެވެ. ނުވެއްޓި ސަލާމާތް ވިކަން އެނގުނު ހިނދު ދެލޯ ބޮޑުކޮށްލައިގެން ހުރެ ރުއާނާ ފަހަތައް ނަޒަރު ހިންގާލިއެވެ. އޭރު މަސައްކަތު މީހާ، ކަންބޮޑުވެފައި ދުރުގައި ހުއްޓެވެ.

މީހަކު ހިފަހައްޓާއިގެން ހުރިކަން އިޙްސާސްވީ ވެސް އެވަގުތުއެވެ. ރުއާނާ ބަލައިލި އިރު ފުރަތަމަ ވެސް ކަޅި ހުއްޓުނީ، ކުރިމަތިގައި ހުރީ ޒުވާނާ ފެނިއެވެ. ކަނދުރާއާއި ހަމައަށް ހުރި ރާޅުބާނީ އިސްތަށިގަނޑެކެވެ. ދިގު ތުނބުޅީގެ ތެރެއިން ”މިއުޓެޑް ބެއިޖް“ ތުންފަތް ފެންނަނީ ސިހުރުވެރި ގޮތަކަށެވެ. މަޑު މުށިކުލައިގެ ޓޭންވެލާފައިވާ ހަންގަނޑާއި އޭނާގެ އަޅިކުލައިގެ އަސަރުގަދަ ދެލޯ ހުއްޓިފައި ހުރީ ރުއާނާގެ ދެލޮލަށެވެ. އެ ރީތިކަމަށް ހިތާ ހިތުން އެއްބަސް ވެވުނެވެ. އެ ހަށިގަނޑުގެ ހޫނުކަން އިޙްސާސްވެ ރުއާނާއަށް ހަމަހޭވެރިކަން ވީ ކުއްލިއަކަށްށެވެ.

”އަމް ސޮރީ“ ކުއްލިއަކަށް ދުރަށް ޖެހިލަމުން އޭނާ އިސްޖަހައިލީ ވެދިޔަ ކަންތަކުން ލަދުގަނެފައި ވާ ހާލުގައެވެ. ނަމަވެސް އޭނާގެ އަނގައިން ރައްދުގައި އެއްޗެއް ބުނެލި އަޑެއް ނީވެއެވެ. ހިތައް ތަފާތު ފިނިކަމެއް އިޙްސާސްވީ އިރު ރުއާނާގެ މުޅި މޫނަށް ވަނީ ފަޑު ރަތް ކަމެއް ވެރިވެއެވެ. އަވަސް އަވަހަށް ލިފްޓް ހުޅުވާލުމަށްފަހު އެތެރެއަށް ވަނެވެ. އޭނާގެ ފަހަތުން އެ ޒުވާނާ ވެސް ވައިން އިރު ރުއާނާއަށް ދެލޯ މަރާ ފިއްތާލެވުނީ ލަދުގަނެފައިވާ ވަރުންނެވެ.

އެއަންހެންކުއްޖާއަށް ވެފައިވީ ގޮތުން ލިއަމްއަށް ހުރީ މަޖާވެފައެވެ. ތުންފަތައް ވެރިވާން އުޅުނު ހިނިތުންވުން ފޮރުވާލުމަށްފަހު، ލިއަމްގެ އާންމު އުސޫލު ކަމުގައިވާ ހަރުކަށިކަމުގެ އަސަރުތަކުން އެ މޫނުގައި ފަވާލިއެވެ. ތުންފަތުގައި ޝަހާދަތް އިނގިލި ޖައްސާލަމުން ލިއަމް ސިއްރުވެރި ނަޒަރެއް ދިނެވެ. އެއީ ކުރީ ދުވަހު ލިއަމް ސަލާމަތް ކޮށްދިން އަންހެންކުއްޖާކަން އެނގި ހިސާބަކަށް ޝައުގުވެރިވިއެވެ. މިތަނުގައި ކީއްކުރަނީބާއޭ ވެސް ހިތައް އެރިއެވެ.  ރުއާނާ އެއް އަރިއަކަށް އެނބުރުނު އިރު، މެއާއިލަ ބޮނޑީކޮށްލައިގެން ހުރި ފޮތްތައް ފެނި ކޮންމެ ވެސް ވަރަކަށް ލިއަމްއަށް ނަގައިގަނެވުނެވެ. ލިއަމްގެ ހިނިތުންވުން އިތުރަށް ފުންވެގެން ދިޔައެވެ.

ލިފްޓް ގޮސް މަންޒިލަށް ހުއްޓުމުން ލިއަމްއަށް ވުރެން ކުރިން ރުއާނާ ފައިބައިގެން ދިޔައެވެ. ހަލުވި ފިޔަވަޅުތަކުގައި ދިޔައިރު ވެސް ރުއާނާ ފަސްއެނބުރި ބަލާ ވެސް ނުލިއެވެ. ލިއަމް ހައިރާންވިއެވެ. އެހެން އަންހެން ކުއްޖަކު ނަމަ ދެންމެ ލިއަމްއާއި ދިމާލަށް ކަޅި ޖަހާ ނުލާ ބަލާނެކަން ގައިމެވެ. އަދި ލިއަމްއާއި ވާހަކަ ދައްކަން ވެސް މަސައްކަތް ކުރީހެވެ. ނަމަވެސް މި ފެނުނު އަންހެން ކުއްޖާ މުޅިން ތަފާތެވެ. އެންމެ ފަހަރަކު ވެސް ބަލާ ނުލިތާ، އަނގައިން ބުނަން މަސައްކަތެއް ނުކުރެވެ.

”އިންޓްރެސްޓިންގް“ ރުއާނާ ގޮސް ގެއްލެންދެން ލިއަމް އެގޮތުގައި ހުއްޓެވެ. އޭނާ ސިހުނީ ފަހަތުން އިޒްވާ ގޮވާލި އަޑަށެވެ.

”ދޮންބޭ.. ކިހިނެތް ވެފަ“ އިޒްވާއާއި އެކު ލޫކް ވެސް ހުއްޓެވެ.

”މްމްމް ކަމެއް ނުވޭ.. ކޮބާ ހިނގާ ކްލާހަށް ވަންނަން ދާން…“ ލިއަމް ހީލަމުން އިޒްވާގެ ކޮނޑަށް އަތް ވައްޓާލަމުން ހިނގައިގަތެވެ.

ރުއާނާ އައިސް އިށީންދެލީ އެންމެ ފަހަތު ބަރީގެ ގޮނޑިތަކުން ގޮނޑީއެއްގައެވެ. އޭރު އެހެން ކުދިން ވެސް މަދުމަދުން ވަންނަމުން ދިޔައެވެ.

”ހެލޯ .. “ ރުއާނާ  އިސްއުފުލާލި އިރު ސަލާމަތް އަތް ދިއްކޮށްލައިގެން ހުރީ ޒުޥާން ފިރިހެންކުއްޖެކެވެ. ބަލާ ބެލުމަށް ބޮޑަށް ވައްތަރީ ސްވިސް ކުއްޖަކާއިއެވެ. ވަރުގަދަ ހަށިގަނޑާއި ބްލަންޑް އިސްތަށިގަނޑެކެވެ. އަންހެން ކުދިން ހިތް ކިޔާފަދަ ރީތި ކަމެއް އޭނާގެ ކިބައިގާ ހުއްޓެވެ. ރުއާނާ ހިނިތުންވެލަމުން ސަލާމް ކޮށްލިއެވެ. އޭނާ އިށީނީ ރުއާނާގެ މޭޒާއި ކުރިމަތީގައި ހުރި މޭޒުގެކައިރީގައެވެ.

“ އަހަންނަށް ކިޔަނީ އީތިން.. އީތަން ޖޯންސް… ވަޓްސް ޔޯ ނޭމް“

”ރުއާނާ..މްމްމް ވައި ޑޯންޓް ޔޫ ސިޓް ހިއާރ“ފިރިހެން ކުއްޖެއް ނަމަވެސް އޭނާގެ އެކުވެރިކަމުން ރުއާނާ ހުރީ ވާހަކަ ދައްކާލާ ހިތްވެފައެވެ. އިޒްވާ މަތިން ހަނދާންވެގެން އޭނާގެ ހިލަމެއް ވޭތޯ ރުއާނާއަށް ދޭތެރެއަކުން ދޮރަށްވެސް ނަޒަރެއް ދެވެއެވެ.

”ހެހެހެ.. ޑަމީ…ބަލާ ވަންނަ ދޮރުގަ އެއިން ލިޔުންކޮޅެއް.. އެއްވެސް ބޯއި އަކާއި ގާލްއަކަށް ކައިރިޔަކު ނުތިބެވޭނެ.. “ އީތަން ހީލާފައި  ބުނެލިއެވެ. އެހެންހޭ ބުނެލި އިރު ރުއާނާގެ ގާތައް ވެސް ހިނިއަންނަ ގޮތްވިއެވެ. އެރިކްގެ ތައާރަފް ދިންއިރު ރުއާނާ ޝައުގުވެރިކަމާއި އެކު އަޑުއަހަން އިނެވެ. އީތަންވެސް މި ސެމިސްޓާރގައި ޓްރާންސްފާރ ވި ވާހަކައާއި  ކިޔެވުމުގެ އެންމެ އެންމެ ފަހު އަހަރު ކަމަށް ބުނެލިއެވެ. ކިތަންމެ އެކުވެރިކޮން ވާހަކަ ދެއްކި ނަމަވެސް ރުއާނާގެ ހުރިހާ މައުޝޫމާތެއް އޭނާ ހިއްސާ ނުކުރެއެވެ. ކޯހުގެ ފަހު އަހަރުކަމާއި އޭނާގެ ވެސް ފުރަތަމަ ދުވަސްކަމުގައި ރުއާނާ ބުނެލިއެވެ. ދެމީހުން ވާހަކައިގަ ތިއްބާ ކުއްލިއަކަށް އިޒްވާ ވަދެގެން އައިތަން ފެނި ރުއާނާގެ މޫނުމަތީގައިވި ހިނިތުންވުން ފުޅާވިއެވެ. އިޒްވާގެ ފަހަތުގައި ލޫކް ވެސް ހުއްޓެވެ.

”ހައުޒް ޔޫ ރުއާ؟“ އިޒްވާ އައިގޮތައް ރުއާނާގެ ގައިގާ ބައްދާލިއެވެ. ރުއާނާ ވެސް ބައްދާލަމުން ރަނގަޅުކަމަށް ބުނެ އިޒްވާގެ ހާލު އެހިއެވެ. އިޒްވާ އިށީންނީ  ރުއާނާއާއި ޖެހިގެންނެވެ. ރުއާނާއާއި އީތާންގެ އެކުވެރިކަން ފެނި ފާޑަކަށް ހުރެފައި ލޫކް އެންމެ ފަހުން އިށީނީ އީތަންގެ ގާތުގައެވެ.

”އިޒީ ބުނީ މެންނު .. އިޒީގެ ދޮންބެ އޭ ލެކްޗަރާރ އަކީ.. ސީ ރުއާ.. ދެއާރ ހީ އިޒް.. މައި ހޭންޑްސަމް“ އިޒްވާ ނުހަނު ބޮޑަށް ހިނިތުންވެފައި އިނދެ ދައްކައިލީ އެތެރެއަށް ވަދެގެން އައި ލިއަމް އެވެ. އެހިނދު ރުއާނާއަށް ވެސް އެދިމާލަށް ނަޒަރް ހިންގާލެވުނެވެ.

ކަޅު ގަމީސް ، އަޅިކުލައިގެ ޓްރައުޒާގެ ދަށައް ޖަހާފައި ހުރި އިރު ހިމަ ދިގު ޓައީ އެއް ކަރުގައި އަޅާލެވިފައިވެއެވެ. އެ ތޫނު ދެލޯ ފޮރުވާލެވިފައިވަނީ ނަމްބަރު އައިނުންނެވެ. އެ ފިރިހެންވަންތަ ކަން ފެނި ހުރިޙާ އަންހެން ކުދިން އޯޝޯހް ކުރުވިއެވެ. ކަޅި ޖަހާލަން ވެސް ނޭގިފައި ތިބި އިރު އެއީ ކިޔަވާދޭން އައި ލެކްޗަރާރް ކަން ހަނދާން ނެތިފައިވާ ފަދައެވެ. ލިއަމްއަށް އެކަމުން އުނދަގޫ އިޙްސާސްވަމުން ދިޔައެވެ. ތިރީސް ކުދިން ތިބި ކުލާހުގެ، ހުރިހާ ކުދިންގެ ތެރެއިން ވެސް ލިއަމްގެ ދެލޯ ހުއްޓުނީ އޭނާގެ މޫނަށް ބަލަހައްޓައިގެން އިން ރުއާނާ ފެނިއެވެ. އެހެން ކުދިންގެ ނަޒަރުގައިވި އާޝޯހްކަމުގެ ބަދަލުގައި ރުއާނާގެ މޫނުން ފެންނަން ހުރީ ހައިރާންކަމެވެ.

”އިޒް ހީ ރިއަލީ ޔުއާރ ބްރަދާރ.. “

”ޔެސް.. “ ރުއާނާއަށް ހިނިތުން ވުމެއް ރައްދުކޮށްލަމުން އިޒްވާ ބަލައިލީ ލިއަމްއާއި ދިމާލެވެ. ލާނެތް ގޮތަކަށް އެއްލޯ މަރާލިއެވެ. އޭރު ލިއަމް ވެސް އިޒްވާގެ އެސަމާސާއިން ހިނިއައިސް ހުއްޓެވެ.

ލިއަމްގެ މޫނަށް ބަލަހައްޓައިގެން ހުރިއިރު ރުއާނާއަށް ތުންފިއްތާލެވުނެވެ. ލިއަމްއަކީ އިޒްވާގެ ބޭބެ ކަމަށް ވަންޏާ އިއްޔެއޭނާ ސަލާމަތް ކޮށްދިނީ ވެސް ލިއަމް އެވެ. އަނެއްކޮޅުން މިއަދު ލިފްޓްގެ ކައިރިން ހިނގާދިޔަ ހާދިސާ ހަނދާންވެ، ރުއާނާއަށް ދެލޯ މަރާލެވުނީ ލަދުގަތް ވަރުންނެވެ. އުފުލާލައިގެން ލިއަމް، އޭނާ ހޮސްޕިޓަލަށް ގެނަގޮތެއް ސިފަކޮށްލާކަށް ރުއާނާއަކަށް ނުކެރުނެވެ. އިޒްވާ އެހެން ނުބުނާނެ ނަމައޭ ހިތައް އަރަމުން ދިޔައެވެ. ހައްތަހާ ލަދުގަންނަމުން ދިޔައެވެ. އޭނާ އިސް އުފުލާލި އިރު ލިއަމް ސީދާ އޭނާގެ މޫނަށް ބަލަހައްތައިގެން ހުރި ތަން ފެނި ރުއާނާއަށް ވެސް ބަލަހައްޓައިގެން ހުރެވުނެވެ.

“ ހީ އިޒް ދަ ވަން ހޫ ކެރީ ޔޫ ޓް ދި ހޮސްޕިޓަލް“ އެންމެ ފަހުން އިޒްވާ ނުބުނޭތޯ، ރުއާނާ ދުއާ ކޮށްލަ ކޮށްލަ ޖުމްލަ ބުނެލިއެވެ. ރުއާނާއަށް ތުންފިއްތާލެވުނެވެ.

***

(ނުނިމޭ)