މި ޖިސްމުގާ ވަނީ 08

”މިތަން ވަރަށް ފިންޏެއްނު“ އިޔާން ލައިގެން ހުރި ކަޅުކުލައިގެ ހޫޑީ ބޯ ވުމުގެ ސަބަބުން އޭނައަކަށް މާބޮޑު އަސަރެއް ނުކުރެއެވެ. ޝުކުރު އަދާ ކުރިއިރު ވެސް އަމީރާއަށް ހުރެވުނީ އޭގައި އަތްލާން ނުކެރިފައެވެ. އެންމެފަހު އޭނާގެ އަތުގެ ތެރެއިން އިޔާން، ލައްވާލަ ދިނެވެ.

”ކެންވީ ޓޯކް “ އިޔާންގެ ސުވާލުން އަމީރާއަށް އިސްއުފުލާ ބަލައިލެވުނެވެ. ފިނިނޭވާއެއް ދޫކޮށްލަމުން އަމީރާ ބޯޖަހައިލިއެވެ.

***

”ވަޓް ހެޕެންޑް ..ޓް ޔޫ“ އަމީރާގެ މޫނަށް ބަލައިލަމުން އިޔާން އަހާލިއެވެ. އެ ސުވާލާއި އެކު އެ މޫނަށް ވެރިވެގެން ދިޔަ ހިތްދަތިކަން އިޔާންއަށް ފެނުނެވެ.

”ވަރަށް އުދަނގޫ ކިޔައިދޭން.. މިހާތަނަށް އަނިޔާ ވެރިންނާއި މުޅިން ވެސް ދިމާވެފަ ހުރީ .. އެކަމަކު ގޭގަ އުޅުނު ދައްތަ ފިޔަވައި“

”ބަޓް އެހީއެއް ވެވޭނީ ވެސް ކިޔައިދިނީމަ.. އާއިލާގެ ގާތައް-“

”އިޔާން އަހަރެންގެ އާއިލާއެއް ނެތް..“ އިޔާންގެ ޖުމްލަ މެދުކަނޑާލަމުން ބުނެލިއިރު އަމީރާގެ ދެލޮލުން ކަރުނު ތިއްކެއް ވެއްޓި ކޯތާފަތުގައި ޖެހުނެވެ. އަމިއްލަ މީހާއާއި ބެހޭ އެއްވެސް ކަމެއް ނޭނގޭ ހިނދު އިޔާންއަށް އޭނާ ކިޔައިދޭން އޮތީ ވަކި ކޯއްޗެއް ހެއްޔެވެ. އެތަނަށް ގެނެވުނު ގޮތެއް ވެސް ހުދު އޭނާއަކަށް ނޭނގެއެވެ.

އިޔާންއަށް ބުނާނެ އެއްޗެއް ނޭނގުނެވެ. އަމީރާގެ ދެލޮލުން ފައިބަމުން ދިޔަ ކަރުނުތައް ފެނި އުނދަގޫ ކަމެއް ހިތައް އިޙްސާސް ވަމުންދިޔައެވެ. ކުރިއަށް ވުރެން ބޮޑަށް އަމީރާއަށް އެހީވުމަށް ހިތް ދިޔައީ އެދެމުންނެވެ. އެކަމަކު އަމީރާގެ ފުށުން އެއްވެސް ކަމެއް ނޭނގޭނަމަ ކުރިއަށް ދާނެގޮތެއް އިޔާންއަކަށް ނުވިސްނުނެވެ.

”އަހަރެން އެހީ ވާނަން.. ފެމެލީ ނެތަސް ޔޫ ކޭން ސްޓޭ ވިތް މީ… ރޭގަ ފަހަތުން ދުވެފަ އައި މީހުން މަށައް ފެނުނު.. ކޮން ކަމެއް ކަން ނޭނގުނު ނަމަވެސް ،އެނގޭ ވަރަށް ބޮޑު ކަމެއް ތަހައްމަލް ކުރަމުން ދާކަން.. ޕްލީޒް ޔޫ ކޭން ޓްރަސްޓް މީ“ އިޔާން އެދެމުންދިޔައެވެ. އުއްމީދާއި އެކު އަމީރާގެ މޫނަށް ބަލަހައްޓައިގެން އިޔާންއަށް ހުރެވުނެވެ. އަމީރާ ބޯޖަހައިލި ތަން ފެނި އިޔާންއަށް ފިނި ނޭވާއެއް ދޫކޮށްލެވުނެވެ.

“އައި ލޮސްޓް މައި މެމޮރީސް.. އައި ޑޯންޓް ނޯ ހޫ އައި އޭމް “ ފުރަތަމަ ވެސް އަމީރާއަށް ބުނެވުނެވެ. ”ކީކޭ“ ހޭ އަހައިލެވުނު އިރު އިޔާންއަށް ލިބިގެން ދިޔައީ ވަރުގަދަ ޝޮކެކެވެ. އަމީރާ ބޯޖަހައިލީ މިއީ ތެދެކޭ ބުނާ ފަދައަކުންނެވެ. އަމީރާކިޔައި ދޭން ފެށިއެވެ.

……..

މުޅި ކޮޓަރީގެ ތެރޭގައި ހިފާލާފައިވަނީ އުމުރުން އެންމެ ފަސް އަހަރުގެ އަމީރާގެ ރުއިމުގެ އަޑެވެ. ރޮމުން ، ވަށައިގެންވާ މާހައުލަށް ނަޒަރު ހިންގާލި ހިނދު ފުރަތަމަ ވެސް އޭނާއަށް ފެނުނީ ތަނުގައިވާ އެތައް މެޝިންތަކެކެވެ. އޭނާގެ ނަރުތައް އޭނާގެ ހަށިގަނޑަށް ގުޅާފައި ހުއްޓެވެ. ބޮލުގައި ބެންޑޭންޖް ގަނޑެއް އަޅާފައި އޮތް އިރު ވާ ތަދުން ކެތް ނުވެގެން ބޮލުގައިވެސް އެ ކުދި އިނގިލިތަކުން ދިޔައީ ހާކަމުންނެވެ. ގުޅާފައި ވާ އައިވީ  ފުޅިން ލަސްލަހުން ތިކިޖަހަމުން ދިޔައެވެ.  އަމީރާ އެގޮތުގައި ރޮމުން ދާތާ ފަނަރަ ވަރަކަށް މިނެޓް ހޭދަ ވި ފަހުން ބަޔަކު ވަދެގެން އައެވެ. ލާފައި ވާ ހުދު ކޯޓުތަކާއި ކަރުގައި އޮޅާލެވިފައިވާ ސްޓެތޯ އިން އެއީ ޑޮކްޓަރުންކަން އެނގެއެވެ.

އެތަނުގައި ތިބީ އަމީރާ އެއްގޮތަކަށް ވެސް ދަންނަ ގޮތަކަށް ވެސް ތިބި ބައެއް ނޫނެވެ.  އެނގޭ ހާވެސް އެޗަކީ ދިވެހިންނަށް ވުރެން އިސްކޮޅުން ބިޔަވެފައި ގައިގެ ކުލަ އަލިކަމެވެ. އެމީހުން އައިސް ވާހަކަ ދައްކަން ފެށި އަމީރާ ނުދަންނަ ބަހަކުންނެވެ. ކިތަންމެ ހަގު ނަމަވެސް އަމީރާ ވާހަކަ ދައްކަމުން ދިޔައީ ދިވެހިންނެވެ. އެއްވެސް އެއްޗެއް އަމީރާގެ ޅަ ސިކުނޑިއަކު ނުވެއެވެ. މުޅި ސިކުނޑީ ވަނީ ހުސްކޮންނެވެ. އަމިއްލަ އާއިލާގެ އެއްވެސް ހަނދާނެއް ސިކުނޑިއަކު ނެތެވެ. އެއްވެސް އިތުރު ކަމެއް ވެސް ސިކުނޑީގައި ނުވާއިރު އެއްޗެއް ވިސްނަން މަސައްކަތް ކުރި ހިނދު، ބޮލުގައި ރިއްސައިގަތީ، މުޅި ކުއްޖާގެ ހޭވެރިކަން ފިލާ ދާވަރަށެވެ. ހަށިގަނޑުގައި ވެސް އެކިސާބުތަކައް ވެސް ތަދުވަމުން ދާތީ ބަލައިލި އިރު ބޭސް އަޅާފައި ހުއްޓެވެ.

”ކޮންތަނެއް މީ..އާހްހް..“ އެތައް ހިތްވަރަކުން ތެދުވަންނަން އުޅުނު ވަގުތު ވެސް ވީ އެފަދަ ގޮތެވެ.  ބޮލަށް ވީ ތަދުން ހަޅޭއްލަވައިގަނެވުނެވެ. އެތަނުން އެކަކު ތެޅިގަނެފައި ބޭރަށް ނުކުމަތް އިރު ދެން ތިބި މީހުން އަމީރާގެ ހިދުމަތައް އަވަސްވެގަތެވެ. ހުއްޓުމެއް ނެތި އަމީރާ އެދެމުން އާއިލާގެ ގާތައް ދިޔުމަށެވެ. އެއްވެސް ހަނދާނެއް ނެތް ނަމަވެސް އަމީރާ އެހެން ބުނަމުން ދިޔައެވެ. އޭރުވެސް ބޮލަށް ނުހަނު ބާރުކުރަމުން ދިޔައެވެ. އެންމެ ފަހުން ހަބަރު ހުސް ވާ ގޮތްވިއެވެ.

އަމީރާއަށް ހޭވެރިކަން ވީ އޭގެ ގަޑިއެއްގެ އިރު ފަހުންނެވެ. އޭރު ބާއްވާފައި އޮތީ ކުރިން އޮތް ކޮޓަރިއަކު ނޫނެވެ. ހޮސްޕިޓަލުގެ ޕްރައިވެޓް ކޮޓަރިއެއްގައެވެ.

”ކިހިނެތްތަ މިޙާރު “ އަމީރާ ސިހުނީ ކައިރިން ދިވެހި ބަހުން މީހަކު ވާހަކަ ދެއްކުމުންނެވެ. ކުރިމަތީގައި ހުރީ މޫނު ބުރުގަލުގެ ނިވަލުގައިވާ މީހެކެވެ. އަޑުން އަންހެނެއްކަން އެނގެއެވެ. އޭނާގެ ދެލޮލާއި އަމީރާގެ ދެލޯ ސީދާވި ހިނދު ޒާތެއްގެ އުނދަގުލެއް އަމީރާއަށް ވެގެން ދިޔައެވެ. ހީވީ ކޮންމެ ވެސް ތާކުން ދެކެފައިވާ މީހެއް ހެންނެވެ. ނަމަވެސް އިތުރަށް ވިސްނަން މަސައްކަތް ކުރި ހިނދު އޭނާގެ ބޮލުގައި ރިއްސަން ފެށިއެވެ.

”އެއްވެސް ހަނދާނެއް އެބަހުރިތަ“އޭނާ އަހައިލުމާއި އެކު އަމީރާ ދެފަރާތައް ބޯހޫރުވާލިއެވެ. އެންމެ ކުޑަމިނުން އަމިއްލަ ނަން ވެސް ހަނދާނެއް ނުވިއެވެ.

”އަމީރާ އަށް އެނގޭތަ ސްޕެއިންގެ އެމެރިކާނޯ ހޮސްޕިޓަލްގަ ތިއޮވެވުނީ“

”އަމީރާ އޭ.. ސްޕެއިން… އަޅުގަނޑުގެ މަންމައާއި ބައްޕަ ކޮބާ“

”އާން.. އަމީރާ ތިހުރީ ސްޕެއިންގަ.. މަންމައާއި ބައްޕަ ވީ ތަނެއް އަހަރެމެންނަކަށް ވެސް ނޭނގޭ..  އަމީރާގެ އާއިލާގެ އެއްވެސް މީހަކުވެސް ނެތް މިތާކު.. ދައްތައަކީ ސްޕެއިންގަ ދިރިއުޅޭ ދިވެއްސެއް.. ހޮސްޕިޓަލްއަށް ޑޮކްޓަރަށް ދައްކަން އައިސް އުޅެނިކޮން މި ރޫމް ކުރިމަތިން ހުރަސްކުރެވުނީ އިއްތިފާގުން..ޑޮކްޓަރުން ދެއްކީ މި ރޫމްގަ އޮތް ކުއްޖަކު އެހެން ބަހަކުން ޥާހަކަ ދައްކާ ވާހަކަ.. އެމީހުން ތިބީ ހަނދާނެ ގޮތް ހުސްވެފަ.. ދައްތަ އަކީ އެތައް ގައުމަކަށް ޓްރެވެލް ކޮށްފަ ހުރި މީހަކަށް ވާތީ ތަފާތު ބަސްތައް އެނގޭ.. އެހެންވެ މި ރޫމްއާއި ކައިރިވެލި ތަނާ އިވުނީ އަމީރާ ވާހަކަ ދައްކާ އަޑު..  ޑޮކްޓާރުންނާއި ސުވާލު ކޮށްލީމަ ބުނީ އަމީރާގެ ހާލަތު.. އަދި ބުނީ ކޮންމެ ވެސް އަންހެނަކު އަމީޜާ މިތަނަށް ގެނެސް ޕާސްޕޯޓަކާއި މި ލިޔުން ދޫކޮށްލާފަ ދިޔަ ވާހަކަ.. އަމީރާގެ ބާކީ ތިބި އާއިލާގެ މެމްބަރުންނަށް މިތަނަށް އަމީރާ ގެނަކަން އެނގެއޭ ބުނީ.. ދެން މި ލިޔުން ދިނީ.. އަމީރާ ހޭ އެރީމަ ލިއުމުގެ ފަހަތުގަ އިން ނަމްބަރަށް ގުޅަން ބުނީ.. ޑޮކްޓަރުން އޯލްރެޑީ ގުޅައިފި.. އެނގޭތަ މި ލިއުމުގެ ހަގީގަތް. މިއީ ފާޑެއްގެ އެއްބަސްވުމެއް.. ބަޔަކަށް އަމީރާ ދީފަ އިނީ މުއްދަތެއް ނެތްގޮތަކަށް…  “ އޭނާގެ ޖުމްލަ ނުނިމެނީސް ދެ ފިރިހެނަކު ކޮޓަރީގެ ތެރެއަށް ވަނެވެ. ކޯޓު ފަޓުލޫނުގައި ތިބި ދެމީހުން ވެސް އައި ހުއްޓުނީ އަމީރާގެ  މަގަތުގައެވެ. އަމީރާގެ ކުޑަ ކުޑަ މޫނުމަތިން ބިރުގަނެފައި ވާވަރު ހާމަވެއެވެ. އެތަނުން އެކަކު ޕާސްޕޯޓާއި އެ ލިއުން އަތުލަމުން އަމީރާގެ އަތުގައިވާ ކެނިއުލާ ނައްޓާލުމަށް،  ޑޮކްޓަރުންނަށް އަމުރު ކޮށްލިއެވެ. ޑޮކްޓަރުން ބަލަހައްޓައިގެން ތިބެން ފެށުމުން ކޯޓުގެ ތެރެއިން ފިސްތޯލެއް ނަގާފައި ދައްކާލިއެވެ.

”ނޯ ނޯ“ އަމީރާއަށް ބިރުން ރޯން ފެށުނެވެ. ގާތުގައި ހުރި އަންހެން މީހާ ވެސް ބިރުން ހުރެ ހަޅޭއްލަވައިގަތެވެ.

ޖެހިލުން ވެފައި ހުރި ނަމަވެސް ޑޮކްޓަރުން ވެސް އަވަސް އަވަހަށް އެމީހުން ބުނި ކަންތައް ކޮށްދިނެވެ. އެއާއި އެކު އަމީރާގެ އަތުގައި ހިފައިގެން އެމީހުން ނުކުތެވެ. އޭރުވެސް އަމީރާއަށް ދިޔައީ ރޮވެމުންނެވެ. ހަޅޭއްލަވައިގަނެ ދުއްވައިގަންނަން ބޭނުން ވިޔަސް ހަތިޔާރު ހިފައިގެން ތިބުމުން އެހިތްވަރު ކުރާކަށް ނުކެރުނެވެ. ބޮލުގައި ވެސް ރިއްސަމުން ދިޔައިރު ހަށިގަނޑުގެ އެކި ހިސާބުތަކުގައި ވޭން އަޅަމުން ދިޔައީ އެހާ ވަރަށެވެ. ނުހިނގި ގެން ހުއްޓުނު ހިނދު އެތަނުން މީހަކު އޭނާ އުފުލާލައިގެން ގެންގޮސް ކާރަށް އެރުވިއެވެ.

ދިގު ރާސްތާއެއް ކޮށްފައި މަންޒިލަށް ފޯރުނު އިރު އަމީރާގެ ހާލަތު މާ ރަނގަޅެއް ނޫނެވެ. ގޯތިތެރެއަށް ކާރު ހުއްޓުމާއި އެކު ކާރުން ފޭބުނު ގޮތައް ހޮޑު ލެވެން ފެށުނެވެ. ހަށިން ހަކަތަ ދޫވެގެން ތިރިވެވުނު އިރު ވެސް ކައިރީގައި ތިބި މީހުން ކުރެން މީހަކު އަޅާ ވެސް ނުލިއެވެ. ހިތައް ކުރި އަސަރުން ހިތުގައި ޖެހި ރޮވުނެވެ. ނުތެދުވެވިފައި އިންދަ އޭނާގެ ދެކޮނޑުގައި ހިފާ މީހަކު ނެގިއެވެ. ބަލައިލި އިރު ސާޅީހަކަށް އަހަރުގެ އަންހެނެކެވެ. އޭނާގެ މޫނުމަތީން ފެނުނީ ހަމްދަރްދީއެވެ. އަމީރާއަށް ކުރިއަށް ބޮޑަށް ރޮވުނެވެ.

”އަމީރާ ދޯ.. ދައްތައަށް ކިޔަނީ ލޯލާ.. ހިނގާ އެތެރެއަށް ދަމާ “ އަމީރާގެ ހެދުމުގައިވާ ނަޖިސްތަކަށް ބަލައިލަމުން ލޯލާ ވާހަކަ ދެއްކިއެވެ. އޭނާ ވާހަކަ ދެއްކީ އިނގިރޭސި ބަހުންނެވެ. އެކަމަކު އަމީރާއަކަށް ލޯލާގެ ޖުމްލަތައް ދޭހައެއް ނުވިއެވެ. އެންމެ ފަހުން ލޯލާހިނިތުން ވެލަމުން އިޝާރާތުން އޭނާގެ ފަހަތުން އައުމަށް އަންގާލިއެވެ.

ލޯލާއާއި އެކު އަމީރާ އެތެރެއަށް ވަދެގެން ގޮސް ލިފްޓައް އެރިއެވެ. އޭރު އޭނާގެ ރުއިން ވެސް ވަނީ ހުއްޓިފައެވެ. ވަށައިގެންވާ މާހައުލަށް ކަޅިއެއް އެއްލުނެވެ. ހަވޭލިއެއް ފަދަ އެ ބޮޑުގޭގައި އެކި ހިސާބުތަކުން މީހުން ތައް ހޭލަމޭލަ  ވަމުން ދާ ތަން ފެނެއެވެ. މުޅިން ވެސް ކަޅާއި ހުދު ޔުނީފޯމުގައިވާ މީހުންނެވެ. އޭނާ ފެނުމުން އެންމެން ކަޅި ޖަހާ ނުލާއި ބަލަމުން ދިޔަ ގޮތުން ހިސާބަކަށް ބިރު ވެސް ހީވަމުންދިޔައެވެ.

ލޯލާ، އޭނާ ގެންދިޔައީ ކޮޓަރިއަކަށެވެ. ތަނަވަސް އެ ކޮޓަރީގައި  ބަންކްބެޑް ޖަހާފައިވާ އިރު ބޮޑު އަލާމާރިއަކާއި ރީތިވާ މޭޒެއް ހުއްޓެވެ. އަލަމާރި ހުޅުވާލާފައި އެއްފަޅި ދެއްކި އިރު އެތާގައި ވަނީ އޭނާއަށް ހެޔޮވަރުގެ އަންނައުނެވެ. އެތަނުން ހެދުމެއް ނަގާ އަމީރާގެ އަތައް ދިނުމަށްފަހު ފެންވަރައިގެން ނުކުތުމަށް އަތުން އިޝާރާތް ކޮށްލިއެވެ.ހައިރާން ވެފައި ހުރެ ލޯލާ ބުނި ގޮތައް އަމީރާ ކަންތައް ކުރިއެވެ. ޒަހަމްތަކުގެ ސަބަބުން ފެންވަރަން ވެސް ފުދޭވަރަކަށް ވަގުތު ނެގިއެވެ.

އަމީރާ ފާހާނއިން ނުކުމަތް އިރު ލޯލާގެ ގާތުގައި ޒުވާން އަންހެން ކުއްޖަކު ހުއްޓެވެ. އަމީރާ ފެނުމުން އޭނާ ހީލިއެވެ.

”އަމީރާ ދޯ.. އަޅުގަނޑު އައިސް މިހުރީ ބަސް ދޭހަ ކޮށްދިނުމަށް.. ހާލު ކިހިނެތް މިޙާރު“ އޭނާ ދިވެހި ބަހުން ވާހަކަ ދައްކަމުން ދިޔައެވެ. އަމީރާއަށް ކުޑަ ހިތްހަމަ ޖެހުމެއް ލިބުނެވެ. މަޑުމަޑުން ހާލު ރަނގަޅޭ ބުނެލިއެވެ. އެހިނދު އޭޏާ ބޯ ޖަހައިލިއެވެ. ދެން ވާހަކަ ދެއް ކީ ލޯލާއެވެ.

”ހޫގޯ އެއީ މިގޭގެ ވެރިއާ.. މިއަދަށް ފަހު އަމީރާ އުޅޭނީ މިގޭގަ.. އަހަރެމެންނަށް ބުނެދީފަ އޮތީ އަމީރާ ވަރަށް އަވަހަށް އަންނާނެ ވާހަކަ..އެހެން ހުއްޓަ މިއަދު އަމީރާ ގެނައީ.. ތައްޔާރުކޮށްގެން ހޫގޯގެ ގާތައް ގެންދިޔުމަށް ބުނެފަ އޮތީ.. ހިނގާ ދަމާ“ ލޯލާގެ ޖުމްލަތައް އެ އަންހެން ކުއްޖާ ދިވެހިން އަމީރާއަށް ބުނެދިނެވެ. އަމީރާގެ އަތުގައި ހިފާލައިގެން ލޯލާ ހުރީ ހިތްހެޔޮ ހިނިތުންވުމެއްގައެވެ. ޖެހިލުންވެފައި ހުރެ އަމީރާ ވެސް ބޯޖަހައިލިއެވެ.

ލިފްޓަށް އަރައިގެން، އަމީރާ ގޮވައިގެން ލޯލާ އެރީ ގޭގެ ތިރީސް ވަނަ ފަންގިފިލާއަށެވެ. އެއީ ހޫގޯއަށް ހާއްސަ ބައެކެވެ. ފުރަތަމަ ވެސް އަމީރާގެ ކަންފަތުގައި ހަރުލައިގެން ދިޔައީ ބާރު އަޑުފައްގަނޑެކެވެ. ބޮޑު ފިރިހެނަކު ރޮއި ހޭރިގަތް އަޑުވެސް، އައީ އެ އިވުނު ބާރުއަޑުފަށާއި އެކުވެގެންނެވެ. އަމީރާއަށް ތެޅިގަނެވުނު ހިނދު ލޯލާ އެއަތައް ބާރުކޮށްލަމުން ހަމަޖެހެން ބުނެލިއެވެ. ލޯލާގެ މޫނުން ވެސް އޭނާ ހުރީ ބިރުގަނެފައި ކަން އެނގުނެވެ.

”ވަދޭ“ ލޯލާ ޓަކި ޖެހުމުން އެތެރެއިން ވަނުމަށް ބުނެލިއެވެ.  އެތެރެއަށް އަޅާލި ފުރަތަމަ ފިޔަވަޅާއި އެކު ފެނުނު މަންޒަރު އަމީރާގެ ޅަ ހިތް ހީވީ ވިރިނުހެންނެވެ. ތުރުތުރުއަޅައިގެން އިރު އެ މަންޒަރު ބަލަން ނުކުޅެދުނެވެ. ލޯލާގެ ގައިގާ ބައްދާލެވުނު އިރު ކުޑަ ދެއަތްތިލައިން ދެލޯ ފޮރުވާލިއެވެ. ބިރާއި ސިހުމާއި އެކުވެފައި ހުރެމެ ރޮވެމުން ދިޔަ އިރު އަމީރާގެ ގައިގާ ލޯލާ ބައްދާލިއެވެ.

ލެއިން ކަޅިވެފައިވާ ދެ ފިރިހެނުން އޮތެވެ. އެއްވެސް ހަރާކަތެއް ނުވެއެވެ. އެތަނުން އެކަކުގެ ގައިގާ ފައިން ޖަހާލިއިރު ހޫގޯގެ މޫނުގައި ވީ ނުލަފާ ހިނިތުން ވުމެކެވެ. ދުވަމުން ދިޔަ ބިޔަރުގެ ވަހަށް ވުރެން  ލޭގެ ވަސް ވަނީ ތަނުގައި ގަދަ ވެފައެވެ.

”އޭތް… އޭނާ ދެލޮލުން އަތް ނަގާ.. މީ ކުރިއަށް އޮތްތާގަ އޭނާއަށް ފެންނާނެ މަންޒަރު.. ލޮލުގަ އަތް އެޅުމުގެ ބޭނުމެއް ނެތް.. އެހެންނޫނަސް އަހަރެންގެ އަމުރަށް ނުކިޔަމަން ވާ އެންމެނަށް އޭގެ ހައްގު އަދަބު ލިބޭނެ “ ހޫގޯގެ ޖުމްލައިން އަމީރާއަށް އިތުރަށް ރޮވުނެވެ.

****

……

އަމީރާ ވާހަކަ ނިންމާލަން ބަލައިލީ އިޔާންގެ މޫނަށެވެ. އިޔާންގެ މޫނުމަތީގައިވީ ހުސްކަމެވެ. ނަމަވެސް އަމީރާއަށް ޓަކައި އަޅާލުން ވިއެވެ. އެހާ ބޮޑުކަމެއް އަމީރާ ތަހައްމަލް ކުރިގޮތް ސިފަ ކޮށްލާނެ ގޮތެއް ވެސް އިޔާންއަކަށް ނޭނގުނެވެ. ހިތައް ވެސް ގެންނަން ދަތިވިއެވެ.

”އެނގޭ ގަބޫލް ކުރަން އުނދަގޫ ވާނެ ކަން.. ވަރަށް ވަރަށް އުނދަގޫ ވާނެ.. އެދުވަހުން ފެށިގެން ކޮންމެ ދުވަހަކު އަހަންނަށް އެކަހަލަ މަންޒަރުތައް ފެނޭ.. “ އަމީރާ އިސްޖަހައިލިއެވެ.

”ނޫން.. އަހަރެން ގަބޫލް ކޮށްފިން.. އެކަމަކު ހައިރާން ވެއްޖެ.. ދިވެހިންގެ ތެރޭގަ އުޅޭތަ އެހެން ކަންތައް ކުރަން ކެރޭ ވަރުގެ މައިންނާއި ބަފައިން ވެސް.. ކުއްޖާ ނުބަލަން ވެގެން ގެންގޮސްފާނެ ކޮންމެ ވެސް ހިޔާއަކަށް..އެކަމަކު ނުވެސް ދަންނަ ބޭރު ގައުމަކަށް އެވެސް އަންހެން ދަރިއެއް ދޫކޮށްލީމަ ވަރަށް ތަފާތު އިޙްސާސެއް ކުރުވައިފި… މްމްމް އަދި ވެދާނެ ގޮތެއް މިއީ ވެސް .. ތިގެންދިޔަ މީހުން ވަގަށް ނެގީކަމަށް ވެދާނެ އާއިލާއަށް ނޭނގި “

”ނޫން އިޔާން.. އެގްރީމެންޓް އެއް އޮތް … އަހަރެން އެދުވަހު ހޭ އެރި އިރު އެއްވެސް ހަނދާނެއް ނެތް އެކަމަކު ދިވެހިން ވާހަކަ ދައްކަން އެނގުނު.. އެ އެގްރީމެންޓްގައި އެބަ އޮތް ދިވެހި ތަރުޖަމާއެއް ވެސް.. އެ ވެސް ކިޔަން އެނގުނު..  މުއްދަތެއް ނެތް ގޮތަކަށް އަމީރާ ހަވާލް ކުރާ ކަމަށް އިނީ.. “ އަމީރާ ބުނެލިއެވެ. އެގޮތުގައި ހުރެ އަމީރާ ކިޔައިދިނީ ހޫގޯގެ ”ކާސާ ސިއެލޯ“ ގޭގެ ހަގީގަތެވެ. އެތަނުގައި ކުރާ ކަންކަކެމެވެ. އެދެލޮލުގައި ވީ ކަރުނުތައް ފެނި އިޔާންއަށް އުނދަގޫ ވެގެން އިސްޖެހުނެވެ.

”އޭގެ ފަހުން ކިހިނެތް ވީ“

”އޭގެ ފަހުން އެގޮތައް ހަމަ … އަހަންނަކީ އެތަނުގަ ހުރި އެންމެ އުމުރުން ހަގު ކުއްޖާ.. އަހަރެންގެ މަސައްކަތަކީ ލޯލާއާއި އެކު ބަދިގޭ ކެއްކުން.. ދެން ހޫގޯގެ ހާއްސަ މީހުންނަ ބަނގުރާ ގެންދިޔުން… އިޔާން ހައިރާން ވެދާނެ… އަހަރެންގެ ނަސީބު ކަންނޭނގެ ހޭ އެރިއިރު އަހަންނަށް އަހަރެންގެ އަމިއްލަ ބަސް ނޯޅުނުކަން އަދި އަމިއްލަ ދީން ނޯޅުނުކަން.. ނަމާދުކުރަންވީ ގޮތް ވެސް އަހަންނަސް އެނގުނު.. ވެދާނެ ކުރިން އަހަރެން ދިރިއުޅުނު މާހައުލަކީ ދީނަށް ލޯބި ކުރި ބަޔަކު އުޅުނު ތަނެއް ކަމަށް..އެކަމަކު އެއިން ހަނދާނެއް ނެތް…އަދި ނަމާދުގައި ކިޔާ ތަކެތި ހަނދާނުން ކެހިފަ ހުރީ.. ލޯލާ ގާތު އަހަރެން ވަރަށް އާދޭހާއި އެކު އެދުނިން ދަސްކޮށްދެވޭނެ ގޮތެއް ހޯދަން.. ލޯލާ އަހަންނަށް އެހީވީ.. ލޯލާއަކީ އެމީހުންގެ ތެރެއިން މީހެއް ނަމަވެސް އެ ނޫން މީހަކަށް އެއްވެސް އިތުބާރެއް ނެތް.. އެއީ ފެށުނީން ސުރެން އަހަންނަށް ހުރިހާ ކަމެއް ވެސް ކޮށްދިން މީހާ.. ލޯލާ ގެއަށް ގެނަ މީހެއް .. ގެޔަށް ސިއްރުން ވައްދާ އަދި ނެރެ ހަދަނީ.. އެއިން އެއްވެސް ކަމެއް ހޫގޯއަކަށް ނޭނގުނު ނަސީބަކުން… އެގޮތުގައި ދެ މަސް ހޭދަ ވި ފަހުން، އަހަންނަށް އަލުން ނަމާދު ފުރިހަމައަށް ކުރަން އެނގުނު… އެގޮތުގައި އަހަންނަށް ބާރަ އަހަރު ވީ.. އަހަރެން ވެސް ބޭނުން ވި ކިޔަވަން.. އެކަމަކު ކިޔެވޭނެ ގޮތެއް ނެތް.. އޭރު އަހަރެންގެ އުމުރުގެ ފިރިހެން ކުއްޖަކު ގެއަށް އައިސް އުޅުނު.. ލޯލާ ބުނެފައިވާ ގޮތުން އެއީ ހޫގޯގެ ގާތް މީހެއްގެ ދަރިއެއް.. އޭނާއަށް ކިޔަވައިދޭން ހޫގޯ ގެއަށް ގެނަ ކުއަލިފައިޑް ޓީޗާރ އެއް… ލޯލާ ވަރަށް އާދޭސް ކޮށްގެން، އޭނާއަށް ކިޔަވައިދޭން އަންނައިރު އަހަންނަށް ވެސް ކިޔަވައިދެމުން ދިޔައީ.. ލޯލާ މަސައްކަތް ކުރަމުން ދިޔައީ، އޯލެވެލް ފަހެއް ނަމަވެސް  ހޯދާ ދެވޭތޯ.. އެއީ  އަމިއްލަ މީހާ ނުރައްކަލުގެ ތެރެއަށް ލާފައި ވިޔަސް، ރަނގަޅު ވަގުތަކުން  އެތަނުން އަހަރެން ސަލާމަތް ކޮށްދޭން އޭނާ ހުރީ ނިންމައިގެން.. އޯލެވެލްއަށް ތައްޔާރުވެފަ އިމްތިހާނު ގާތް ވެއްޖެ.. ގެއިން ނުކުންނަން ޖެހުން އިމްތިހާނު އޮންނަ ޕްރައިވެޓް ސްކޫލަށް ދާން .. ފުރަތަމަ ގެއިން ނުކުމަތް ދުވަހަކީ އަހަންނަށް ވަރަށް އުނދަގޫ ވި ދުވަހެއް..އެތައް އަހަރެއް ފަހުން ގެއިން ނުކުމަތީ.. މަގުމަތީގަ ކާރޫ ބާރޫކަން ފެނި ހީވީ ހަނދާންކުރަން ބޭނުން ނުވާ ކަމެއް ހަނދާން ވާން އުޅޭހެން.. އަހަންނަކަށް މަގު ހުރަހެއް ނުކުރެވުން ބިރު ގަންނަނީ ހަމަ.. ބޮލުގަ ވެސް ރިއްސަންފެށީ .. އެދުވަހު ލޯލާ އެންމެފަހުން އަހަރެން ގޮވައިގެން އެތަނަށް ދިޔައީ އެގްޒާމް ނިމުނީމަ އައީ އަލުން ގެއަށް .. އެގޮތުގައި ހުރިހާ އެގްޒާމް އެއް ނިމި ފައިނަލް އެގްޒާމް އޮތް ދުވަހު ހޫގޯއަށް ހުރިޙާ ކަމެއް އެގުނީ.. އެއީ ޓޫ ޑޭސް އެގޯ.. އެގްޒާމް ހޯލް އިން ނުކުން އިރު ހޫގޯ މެން ތިބީ ބޭރުގަ.. އެ ގެންދިޔަ ގޮތައް ކޮށްފަ ހުރި އަނިޔާ މީ.“ އަމީރާގެ ވާހަކަ ނިންމާލަން ދައްކައިލީ ދެ އުޅަ ބޯއްޓެވެ. ގިނަ ލަކުނު ތަކެއް ހުރި އިރު އަދިވެސް ހިސާބަކަށް ލޭގެ އަސަރު ހުއްޓެވެ. ދެތިން މަލަން ކޮޅު ވެސް އަޅާފައި ވެއެވެ.  އިސްތަށިގަނޑު އެއް ފަރާތް ކޮށްލުމަށްފަހު އަމީރާ އިޝާރާތް ކޮށްލި ހެދުމުގެ މަތިން އުނަގަނޑަށެވެ.

”އައި ކާންޓް ޝޯ ޔޫ .. ބަޓް ދެއަ އާރ ސްކާސް ޓޫ… ދޭ ހިޓް މީ.. ދޭ ހިޓް ލޯލާ ބިކޯޒް އޮފް މީ… ސޯ އެހިސާބުން އައި ޖަސްޓް ރޭން އަވޭ ފްރޮމް ދެއާރ.. މަގު މައްޗަށް ނުކުންނަން ބިރު ގަނޭ.. ހިތްވަރުކޮށްފަ ނުކުމަތީ..އެކަމަކު މަގު ހުރަސް ކުރާކަށް ނުކެރޭ.. އެހެންވޭ ހުރި ގޮތައް ހަމަ ދުވީ.. ދެން އައި މެޓް ޔޫ“ އަމީރާގެ ތުންފަތުގައި ވީ ހިތި ހިނިތުންވުމެކެވެ. އެތައް ކަމެއް އަމީރާ އެގޭތެރެއިން ވަނީ ދެކެފައެވެ. މުސްލިމަކަށް ވެ ހުރެ ސާބިތުކަން މަތީގައި ހުރެވުން އެއީ އޭނާ އަބަދުވެސް އަމިއްލަ ނަފްސާއި މެދު އެންމެ ފަޙްރުވެރިވާ ކަންތެކެވެ.

”އާހްހް.. ޔޫ ޑިޑް ވެލް..އެކަމަކު އަހަރެން ހުއްޓަ ދެން އެކަހަލަ ކަމެއް އެމީހުންކަށް ނުކުރެވޭނެ .. “

”ދޭ ހޭވް ގަންސް އިޔާން“

”އެއްފަހަރު އެންނު މަރުވާނީ.. އައި ޑޯންޓް ކެއާރ…ހާސް ނުވޭ.. އިންޝާﷲ އެއްވެސް ކަމެއް ނުވާނެ..“ އިޔާން ހީލިއެވެ. އަމީރާ ވެސް އިތުރަށް އެއްޗެއް ނުބުނެ ހީލިއެވެ.

”އަހަރެން މިހާރު ލައިފްގެ ބޮޑު ސްޓޯރީ ކިޔައި ދިނީ…އެކަމަކު އިޔާން އެއްވެސް އެއްޗެއް ނުބުނެ“

އަމީރާގެ ޖުމްލައާއި އެކު އިޔާންގެ ތުންފަތުގައިވާ ހިނިތުންވުން ފަނޑުވެގެން ދިޔައެވެ. އިޔާން ވިސްނާލިއެވެ. އަމީރާގެ ހާލަތު އެހާ ނާޒުކް އިރު އިޔާންގެ ދިރިއުޅުމުގެ ފަލްސަފާ ކިޔައިދިނުން އެހާ ރަނގަޅެއް ނުވާނެއެވެ.

”ވަޓް ހެޕެންޑް“

”ނަތިންގް.. ދެއާރސް ނަތިންގް ޓް ޓެލް.. ނަތިންގް އިންޓްރެސްޓީންގ.. ހައު އޯލްޑް އާރ ޔޫ“

“ ސިކްސްޓީން.. ހައު އެބައުޓް ޔޫ“އަމީރާގެ ޖުމްލައާއި އެކު އިޔާންގެ ދެލޯ ހަނިވިއެވެ.

”އަހަރެންގެ އޭޖް އެނގުނީމަ ބިރުން ދުވެ ފިލާނެ.. އަމް ޓްވެންޓީ ފޯރ..“ އިޔާން ސަމާސާ ރާގެއްގައި ބުނެލިއެވެ. ހަގީގަތުގައި ވެސް އިޔާން ޖެހިލުންވިއެވެ. ދެމީހުންގެ ދެމެދުގައި ފުދޭވަރެއްގެ ބޮޑު ފަރަގެއް އެބަހުއްޓެވެ. އެކަން އިޙްސާސްވެގެން އަމީރާ އޭނާއާއި ވާހަކަ ވެސް ނުދައްކަފާނެއެވެ. އެހެންވާކަށް އިޔާން ބޭނުމެއް ނުވިއެވެ. ނޭނގޭ ސަބަބަކާއި ހުރެ ހިތް އެދި ގޮވަމުން ދިޔައި އަމީޜާއާއި ވާހަކަ ދެއްކުމަށެވެ. އަމީރާގެ ގާތުގައި ހުރުމަށެވެ. ދިމާވިތާ ގިނަ އިރު ނުވިނަމަވެސް އިޔާންގެ ސިކުނޑިވެސް ދިޔައީ އެކަމަށް އެދެމުންނެވެ.

”ނޫނޭ.. އަހަހަހަ.. ދެޓްސް ފައިން އޭ.. އައި ވޯންޓް މައިންޑް“ އަމިރާ ހޭންފެށި ހިނދު އިޔާންގެ ނޭވާ ވެސް ހީ އަރުތެރޭގައި ތާށިވިހެންނެވެ. އެހާ ވެސް ފުރިހަމައެވެ. ކުދި އަންނާރު އޮތްތަކެއް ފަދަ ދަތްތައް ދައްކާލި އިރު  މޫނަށް ޖަންބުކުލަ ވެރިވެގެން ދިޔައެވެ. އެ ފުރިހަމަކަމަށް ގެއްލިފައި ހުއްޓާ އިޔާން ސިހުނީ އަމީރާ ވާހަކަ ދެއްކުމުންނެވެ.

”އިރު އެރިއިރު ވެސް ނޭނގުން.. އިޔާން ބުނީމެންނު ތިރީގަ އެކުވެރިން ތިބި ވާހަކަ… އަދި އެހާ ކޮމްފޯޓަބަލް އެއް ނޫން އިތުރުމީހަކަށް ފެންނަން“

”ޑޯންޓް ވޮރީ.. މާ ކުރިން މާރިއާ ކައިރީގަ ބުނެފަ އިންނާނެ އެވާހަކަ.. ދޭއާރ ވިތް ޔޫ..އައި މީން ލުއިސް އާއި މާރިއާ“ އިޔާން ބުނެލިއެވެ.

ދެމީހުން އެތަނުގައި ތިބެ އެތެރެއަށް ވަނި އިރުއެރުމުންނެވެ. މާގިނައިރެއް ނުވެ އިޔާން މެންގެ ވޯކްޝޮޕަށް ދާން ޖެހޭތީ ހިތާއި ދެކޮޅަށް ވެސް އިޔާންއަށް ޖެހުނީ ދާށެވެ.

”ޓޭކް ކެއާރ..“ދިޔުމުގެ ކުރިން އިޔާން ބުނެލި ހިނދު އަމީރާ ވެސް ރައްދުގައި ހީލިއެވެ.

އެގޮތުގައި މަހެއް ވޭތުވެ ދިޔައިރު، އިޔާންއާއި އަމީރާގެ ގުޅުން ބަދަހިވަމުން ދިޔައެވެ. އަމީރާގެ ރީތި  ސޫރައަށް ގެއްލިފައި ހުރެވޭ ވަގުތުތައް އިންތިހާއަށް ގިނައެވެ.  އެކުގައި ހޭދަ ކުރެވޭ ވަގުތު މަދުނަމަވެސް ދުވަހެއް ނިމިގެންދާއިރު ދެތިން ފަހަރު އަމީރާގެ ހާލު ނުބަލާ އިޔާންއަކަށް ނުހުރެވެއެވެ. ވޯކްޝޮޕްގައި ހުންނަ ވަގުތު ވެސް ފޯނުގައި އަތްލެވޭ މަދު ވަގުތު ކޮޅުގެ ބޭނުން އިޔާން ދިޔައީ ހިފަމުންނެވެ. ގޭގައި އިންނަ ކޯޑްލެސް ފޯނަށް ގުޅާލުމާއި އެކު އަމީރާ ފޯނު ނަގައެވެ. އެއަޑުން ވެސް އިޔާންއަށް ޒާތެއްގެ ހަމަޖެހުމެއް ލިބެމުން ދިޔައެވެ.

ދުވަހުގެ ބޮޑު ބައި ވޯކްޝޮޕްގައި ހޭދަ ކުރުމަށްފަހު އިޔާންއަށް ގެއަށް އާދެވޭ އިރު ހުންނަނީ އިރުއޮއްސިފައެވެ. އޭނާގެ ބައިވެރިން އެވަގުތުގެ ބޭނުން ކުރަނީ ތަންތަން ބަލާލަން ގޮސް މަޖާ ކޮށް ހެދުމުގައެވެ. ނަމަވެސް އިޔާން އެ ވަގުތުތައް ހޭދަކުރަނީ އަމީރާއާއި އެކުގައެވެ. އެއިން މީހަކު ސުވާލެއް ކޮށްފިނަމަ ޖަވާބަކަށް ވަނީ ބޭރުތެރެއަށްނުކުމެ އުޅެން ބޭނުން ނުވާ ކަމެވެ. އަމީރާ އެގޭގައި ހުންނަކަމެއް އަދިވެސް އެއިން އެކަކަށް ވެސް ނޭނގެއެވެ.

ވޯކްސޮޕްގައި އުޅެނިކޮން ލިބުނު އަނިޔާއަކަށް ފަހު އިޔާންއަށް އެދުވަހު ގެއަށް އާދެވުނީ އެހެން ދުވަސް ދުވަހަށް ވުރެން ތަންކޮޅެއް އަވަހަށެވެ. ގެއަށް ވަތް އިރު ތިރިން އޭނާއާއި ފުރަތަމަ ވެސް ބައްދަލްވީ އަރީފްއާއިއެވެ.

”ގޭގަ ކީއްތިކުރަނީ..“ އިޔާންއަށް ހައިރާންވެގެން ހުރެ އެހުނެވެ.

”ސޮރީ ސާރ.. ނިދާ ނުހޭލެވިގެން މިއަދު ނުދެވުނީ… ނަވާޒްމެން ގޮވީމަ ވެސް ނުހޭލެވުނު.“އޭނާ ޖަވާބު ދިނެވެ. އިޔާންއާއި ވާހަކަ ދެއްކިއިރު ވެސް އަރީފްގެ ނަޒަރު ހުއްޓިފައި ހުރީ ގޭގެ ދެވަނަ ފަންގިފިލާއަށެވެ. އިޔާން އެދިމާލަށް ބަލާލި އިރު މަތީގައި ހުރި އަމީރާ ފެނި ދެލޯ ބޮޑުވިއެވެ. ތެޅިގަނެފައި އޭނާގެ ފޯނުން ، ގޭގެ ފޯނަށް ގުޅަލިއެވެ. ލަސްތަކެއް ނުވެ އަމީރާ އެތެރެއަށް ވަނެވެ.

”ސާރ.. ހޫޒް ދެޓް“ އަރީފް އަހައިލި އިރު އެ މޫނުގައިވީ ކުލަވަރު ދެނެގަންނަން އިޔާންއަށް ދަތިވިއެވެ. އަރީފްގެ މިޒާޖު ހުންނަ ގޮތުން އިޔާން ތެދަށް ބުނަން ޖެހިލުންވިއެވެ. ނަމަވެސް އަރީފް އަށް އަމީރާ މިހާރުއެވަނީ ފެނިފައެވެ.

”އެއީ ކާކު ތޯ އެއް ނޫނެއްނު ބަލަންވީ.. އަހަރެން މީ ތިމީހުންނާއި ހަވާލުވެ ހުރި މީހަކީ.. މިއަދު މީ ތިން ވަނަ ދުވަސް ތިގޮތައް އަރީފް ގަޑި ޖެހުނު ތާ.. ދެން މިގޮތައް ފެނިއްޖެ ނަމަ މަށައް މަޖުބޫރުވާނެ އެކޮޅަށް އަންގަން..އޭރުން ދެން ޖެހޭނީ އަލުން އަނބުރާ ރާއްޖެ ދާން.. ތިހެން ހަނދަން ވެއްޖެއްޔާ މިތަނަށް އައުމުގެ ބޭނުމެއް ނެތެންނު“ އިޔާންގެ މޫނުން ފެނުނު ހަރުކަށި ކުލަވަރުން އަރީފް އިތުރަށް މަޑުކުރަން ނުކެރިގެން ބޯ ޖަހައިލުމަށް ފަހު އެތަނުން ދިޔައެވެ. ދިޔައިރު ވެސްދެވަނަ ފަންގިފިލާއަށް އޭނާގެ ނަޒަރު ހުރީ ސީދާވެފައެވެ.

ހިތުގައި އުފެދިފައިވާ ނުތަނަވަސްކަމާއި އެކު އިޔާން މައްޗަށް އެރިއިރު ދޮރު ފުރަގަހުގައި ހުރެފައި އަމީރާ ނުކުތެވެ. އިޔާން ފެނުމާއި އެކު ރީތި ހިނިތުންވުމެއް ހަދިޔާ ކޮށްލިއެވެ. އެހީލުން ފެނި އިޔާންގެ ސިކުޑިގައިވީ ހުރިހާ ނުތަނަވަސް ކަމެއް އެކީ ހީވީ ފިލައިގެން ދިޔަހެންނެވެ.

”އިޔާން ވަޓް ހެޕެންޑް“ އަމީރާ އަހައިލިއެވެ. ކުޑަގޮތަކަށް އިޔާން ދެންމެގެ ހާދިސާ ކިޔައިދިން ހިނދު އަމީރާގެ އުފާވެރި މޫޑް ވަގުތުން ބަދަލް ވިއެވެ. އިޔާން ދެފަރާތައް ބޯ ހޫރުވާލީ ހާސްނުވުމަށް ބުނާ ފަދައަކުންނެވެ. އެވަގުތު މާރިއާ ކޮޓަރިން ނުކުމަތް ތަން ފެނި ވާހަކަ ދައްކަން ހުޅުވާލި އަނގަ އިޔާން ލައްޕާލިއެވެ.

”ކޮބާ ދެކުދިން ކޮން ވާހަކައެއްގަ.. އިޔާ ހާދަ އަވަހަކަށް“

”ކުޑަ އަނިޔާއެއް ވެގެން މިއަދު މިއައީ“ ބޯކަހާލަމުން އިޔާން ޖަވާބުދިނެވެ. އެހިނދު މާރިއާ ތެޅިގަނެފައި ކިހިނެތް ވީހޭ އަހައިލިއެވެ.

”މާ ބޮޑު ކަމެއް ނުވެ .. ހާސް ނުވެބަ އާންޓް“

”އިޔާ ނުބުނާނެ ކިތަންމެބޮޑު ކަމެއް ވިޔަސް.. މަޖޫ ވެސް ބުނާނެ އެހެން .. ދައްކަބަ އާންޓް ބަލާލަން“ މާރިއާ ގޮތެއް ދުލެއް ނުކުރިއެވެ. އެންމެ ފަހުން ލާފައި ހުރި ޓީޝާޓުގެ ފަހަތު ކޮޅު ހިއްލާލުމަށް ފަހު ބަލައިލިއެވެ. އުނަގަނޑުން ބޮޑު ބައެއް ނޫފައި ގަނެފައި ހުރިތަން ފެނި މާރިއާގެ ދެލޯ ބޮޑުވިއެވެ..

”އަޅޭ.. އިޔާ ހާދަ ބޮޑަކަށޭ މިއޮތީ ސަކަރާތް ވެފަ.. އަދި ބުނެފިއެންނު ކުޑަކޮންނޭ.. އިޔާގެ އަނގައިން ނުކުންނާނެތަ ރަނގަޅު އެއްޗެއް.. ޓީޝާޓް ބާލާ އެބަ އަންނަން އޮއިޓްމެންޓް އެއް ހިފައިގެން“ މާރިއާ ހަލުވި ހިނގުމުގައި ހުރެ ދިޔައީ ބޭސްފުޅި ބަލައެވެ. އިޔާން ހިނިއައިސް ހުރެފައި ބަލައިލީ އަމީރާ ހުރިތޯއެވެ. އަމީރާ، އޭނާގެ ކުރިމަތީގައި ބަލަހައްޓައިގެން ހުރި އިރު ކަންބޮޑުވެފައިކަން އެދެލޯ ހެކިދެއެވެ. އިޔާންގެ ހިތައް ތަފާތު ހިތްހަމަޖެހުމެއް އެކަމުން ލިބުނު އިރު އޭރު މާރިއާ ވެސް ކޮޓަރިން ނުކުންނަ އަޑު އިވި ޓީޝާޓު ބޭލުމަށް އަވަސްވެގަތެވެ.

އިޔާންގެ ވަރުގަދަ ހަށިގަނޑު ފެނުނު ހިނދު އަމީރާއަށްގެ މޫނަށް ވެރިވީ ޖަންބުކުލައެކެވެ. ހަށިގަނޑުގައި މަސްތައް އެތުރިފައިޥާ ގޮތުން ބަރާބަރަށް ކަސްރަތުކުރާކަން ހާމަވެއެވެ. ޒުވާން އަންހެންކުދިން މޮޔަކުރުވާ ފަދަ ރީތިކަމެކެވެ. ބަލަން ނުކެރުމުން އިސްޖަހައިލި އިރު ހިތް ތެޅެމުން ދިޔައެވެ. އިސްޖެހިފައި ހުރިއިރު ވެސް އިޔާންގެ ކަޅި އޭނާގެ މޫނަށް ހުއްޓިފައިވާކަން އިޙްސާސްވެ އިތުރަށް ލަދުގަންނަ ގޮތްވިއެވެ.

”ބަލާ ދެކުދިން ތިބިގޮތް.. އެމީއަށް ގޮވާފަ ބުނަންވީނު ބޭސް ހާކަލަ ދޭން އިޔާގެ ގައިގަ“ އިޔާންއަށް އަނިޔާވި ވާހަކަ ބުނުމުން މާރިއާގެ ފަހަތުން ލުއިސް ވެސް އައެވެ. ދެމީހުންނަށް އިޔާންއާއި އަމީރާ ތިބިގޮތް ފެނި، ހުއްޓިލީ ތަންކޮޅެއް ދުރުގައެވެ. އެމޫނުތަކުން ފެނިގެންދަނީ ލާނެތްކަމެވެ. ލުއިސްގެ ޖުމްލައަށް ބޯޖަހައިލަމުން މާރިޔާ ނިކަން ހިނިއައިސް  ހުރެފައި އަމީރާއަށް ގޮވާލިއެވެ. އޭރު ލުއިސް އެތަނުން ގޮސްފިއެވެ.

”އެމީ.. އިޔާގެ ގައިގަ މި ހާކާލަ ދީބަ.. ބޭބެ އެބަ ގޮވާ އެހެންވެ މިދަނީ “ އަމީރާގެ ޖުމްލައަކަށް ވެސް މަޑުނުކޮށް މާރިއާ އެތަނުން ދިޔައެވެ.

”ދައްތާ.. މި..މި“ އަމީރާ ތެޅިގަނެފައި ގޮވައިލި އިރު މާރިއާ ފެންނަން ވެސް ނެތެވެ. އިވުނީ އެކޮޓަރީގެ ދޮރު ލެއްޕުނު އަޑެވެ. އަމީރާއަށް އަތުގައި އޮތް ބޭސްފުޅިއެއް ބަލައިލެވުނު ހިނދު ދެލޯ މަރާ ފިއްތާލެވުނެވެ.

”ހާކާދޭނަންތަ..“ އަމީރާ ސިހުނީ އިޔާންގެ އަޑު ކަންފަތް ދޮށުން އިވުމުންނެވެ. ހީބިހި ނަގާލި އިރު މޫނުމަތީގައި ފިނިދަލެއް ހިއްލާލިއެވެ. ލަދުން ވިރެމުން ދިޔައެވެ. އެހެން ހުއްޓާ އޭނަގެ އަތުގައި އިޔާން ހިފައިލުމުން ތެޅިގަނެފައި ބަލައިލި އިރު އިޔާންގެ ނަޒަރު ސީދާވެފައިވިއެވެ.  އަމީރާއަށް ހަރަކާތެއް ވެސް ނުގެނެވިފައި ހުއްޓާ އިޔާން ހިނގައިގަތެވެ. އިޔާންގެ މިސްރާބު ހުރީ އޭނާގެ ކޮޓަރިއަށެވެ. ނުބަލަން މަސައްކަތް ކުރަމުން ދިޔަ ނަމަވެސް އެ ފިރިހެންވަންތަ ހަށިގަނޑަށް، އަމީރާއަށް ކަޅި އުކެމުން ދިޔައެވެ.

***

(ނުނިމޭ)