ހިރާސް 2 (02)

”އެކްސްކިއުޒް މީ .. މިސް އާރ ޔޫ އޯލް ރައިޓް..“ ރުއާނާއަށް ވަމުން ދިޔަ ގޮތުން އޭނާގެ ގައިގާ ދުވަސްވީ އަންހެނަކު ހިފަހައްޓާލިއެވެ. އެހެން މީހުން ވެސް ކަންބޮޑުވެފައި ތިބި އިރު   ސުވާލު ކުރަމުން ދިޔައެވެ. ނަމަވެސް އެއިން ސްވާލަކަށް ޖަވާބް ދެވޭ ވަރަށް ވުރެން އޭނާގެ ހާލަތު ގޯހެވެ. ހަށިގަނޑުގައި އަޅަމުންދިޔަ ތުރުތުރަށް ކެތް ނުވެގެން އެންމެފަހުން ރުއާނާ އަރިއަޅާލިއެވެ.

*****

ރުއާނާއަށް ހޭވެރިކަން ވެގެން ލަސްލަހުން އެސްފިޔަތައް ތަޅުވާލެވުނެވެ. ދެލޯ ހުޅުވާލެވުނު އިރު ފުރަތަމަ ވެސް ރުއާނާގެ ދެލޮލަށް ފެނުނީ އައިވީ ސްޓޭންޑެވެ. ވަގުތުން މުޅި ކުއްޖާ ކޮޅަށް ޖެހުނެވެ. ބޮލަށް ވެސް ޒާތަކަށް ބަރުވެފައި ހުރުމުން ރުއާނާއަށް އަތް ޖައްސާލެވުނީ ބޮލުގައެވެ.

”ވެއާރ އޭމް އައި؟“ އަތުގައި ވާއި އައި ކެނިއުލާ ފެނުމުން ރުއާނާގެ ހައިރާންކަން ދެ ގުނަވިއެވެ.

”ޒެންޓްރަސް ހޮސްޕިޓަލްގެ އެޑްމިޓް ކުރެވިފަ ތިވަނީ“ ރުއާނާ ސިހިފައި ބަލައިލެވުނީ އޭނާގެ  އެނދާއި ދާދި ގާތުން މީހަކު ވާހަކަ ދެއްކި އަޑު އިވިފައެވެ. ރުއާނާ ބަލައިލި ހިނދު ފެނުނީ ޒުވާން ފިރިހެން ކުއްޖަކާއި އަންހެންކުއްޖެކެވެ. ވާހަކަ ދެއްކީ އެތަނުން އަންހެން ކުއްޖާއެވެ. ޑޮކްޓާރ ކޯޓްގައި ތިބުމުން ދެ ޒުވާނުންވެސް އެއީ ޑޮކްޓަރުންކަން ރުއާނާއަށް ދެނެގަނެވުނެވެ.

”ހޭއި.. އަމް ޑޮކްޓާރ އިޒްވާ.. އާރ ޔޫ ފީލިންގް ބެޓާރ ނައު “ ރީތި ހިނިތުންވުމުގައި ހުރެ އިޒްވާ އަހައިލިއެވެ. ރުއާނާވެސް ގަދަކަމުން ކަހަލަ ގޮތަކަށް ހިނިތުންވެލަމުން ބޯޖަހައިލިއެވެ.

”ކި..ކިހިނެތް .. މިތަނަށް“

”މްމް.. އެކްޗްއަލީ އަހަރެންގެ ކަޒިންއަކަށް ރުއާނާ ފެނުނީ.. ބަސް ތެރެއިން.. ހީ ބްރޯޓް ޔޫ ހިއާރ.. “ މިފަހަރު ޖަވާބު ދިނީ ލޫކްއެވެ.

”ކިހިނެތް ނަން އެނގުނީ“ ކުރެވުނު ސުވާލުގެ މޮޔަކަން އިޙްސާސްވީ ސުވާލް ކުރެވުނު ފަހުންނެވެ.

”ހެހެހެ.. އަމް ސޮރީ ބޭގް ބެލީ އައިޑެންޓީ ކާޑް ފެނޭތޯ.. “

”އިޓްސް އޯކޭ…މްމްމް.. އަމް ފައިން ނައު.. އައި ހޭވް ކްލާސެސް.. ކެން އައިގޯ“ ތުންފަތުގައި ދަތް އަޅާލައިގެން ހުރެ ރުއާނާ އެދުނެވެ. ވަގުތުން ދެކޮޅު ހަދަމުން އިޒްވާ ދެފަރާތައް ބޯހޫރުވާލިއެވެ.

”ނޯވޭ.. އެންމެ އަވަހަށް ވެސް މި އައިވީ ހުސްވީމަ ޑިސްޗާރޖް ކޮށްލެވެން އިނީ.. ކުރިން ވެސް މިގޮތައް ވޭތަ.. އައިމީން ޕެނިކް އެޓޭކް…ނޯސް ބްލީޑިން ޕްލަސް ވަރަށް ބޮޑަށް ބްލަޑް ޕްރެޝާރ ވެސް ހައި ވެފަ ހުރީ.. “ އިޒްވާގެ ސުވާލަށް ތެދައް ޖަވާބު ދޭކަށް ރުއާނާ ބޭނުމެއް ނުވެއެވެ. އެކަމާއި ގުޅޭ ގޮތުން އިތުރު ސުވާލެއް ކުރި ނަމަވެސް އެއަށް ދޭނެ ޖަވާބެއް ރުއާނާގެ އަތަކު ނުވެއެވެ.  ދެފަރާތައް ބޯ ހޫރުވާލީ ނޫނެކޭ ބުނެލަމުންނެވެ. އިޒްވާ ބޯޖަހާލާފައި އިތުރަށް ސުވާލެއް ނުކުރެއެވެ.

”ކޮން ކޮލެޖް އަކަށް ކިޔަވަން ދަނީ.. ކޯއްޗެއް ތިކިޔަވަނީ .. ދެންމެ ކްލާސް ވާހަކަ ބުނީމާ މިއަހާލީ“ ސުވާލަކަށް ފަހު ސުވާލެއް ލޫކް ކުރަމުން ދިޔައެވެ. ލޫކް ކަޅި ޖަހާ ނުލާ ރުއާނާގެ މޫނަށް ބަލަމުން ދިޔަ ގޮތުން އިޒްވާ ގާތައް ހުރީ ހިނިއަންނަ ގޮތްވެފައެވެ. ރީތި އަންހެން ކުއްޖަކު ފެނިއްޖެ ނަމަ އެގޮތައް ވާޙަކަ ދައްކަން މަސައްކަތް ކުރުން އެއީ ލޫކްގެ މައިގަނޑު މަސައްކަތެވެ.

”ޒެންޓްރަސްއަށް ޖޮއިން ވެފަ މިއަދު މިއި ފަސްޓް ޑޭ.. އިއްތިފާގަކުން މިތަނަށް މިއާދެވުނީ.. އަމްމް ޑްއިންގ މެޑްސިން.. ދިޒް އިޒް މައި ފައިނަލް އިޔާރ އެންޑް ދިޒް އިޒް މައި ނިއުރޮލޮޖީ ރޮޓޭޝަން .. މިކޮޅަށް ޖޮބް އަށް ވެސް ނުކުންނަން ޖެހޭ މިއަދު..“ ރުއާނާ  ބުނެލި ހިނދު އިޒްވާގެ މޫނު ދިއްލުނެވެ.

”ރިއަލީ..ހޭ އިޒީ ވެސް އޭ.. ފައިނަލް އިޔާރ ހަމަ.. ލުކްސް ލައިކް ވީ ވިލް ބީ ކްލާސްމޭޓްސް.. ލެޓްސް ބީ ފްރެންޑްސް“ އުފާވެރި ރާގެއްގައި ބުނެލަމުން އިޒްވާ ސަލާމަށް އަތްދިނެވެ. ރުއާނާ ވެސް އުފަލާއި އެކު ސަލާމް ކޮށްލިއެވެ. ރުއާނާގެ އެކުވެރި މިޖާޖުން އިޒުވާ އާއި ދެމީހުން އެކުވެރިވާކަށް މާ ގިނައިރެއް ނުނެގިއެވެ. ރުއާނާ، ލޫކް އާއި މެދު ބެހެއްޓި ބީރައްޓެހި ކަމުން ލޫކްއަކަށް އިތުރަށް ވާހަކަ ދައްކާކަށް ނުކެރުނެވެ.  އިރުކޮޅަކު ހުރެލާފައި ނުކުމެގެން ދިޔައެވެ.

“އަސްލު އިޒީ ވެސް ޑިއުޓީ އިންނަނީ ރުއާ ތި ބުނި ގަޑީގަ.. މިއަދު ވީ ގޮތަކީ އިޒީގެ އާންޓް އެއް ކުޑަ ކަމެއް ހަވާލުކުރީމަ ޑިއުޓީ ޗޭންޖް ކޮށްލަން ޖެހުނީ .. ފަނީ ތިންގް އިޒް، މައި ބްރަދާރ އިޒް އަ ލެކްޗަރާރް.. ހަހަހްހާ“

”ވަޓް.. އަސްލުވެސް ތަ“ އިޒްވާ ބޯ ޖަހައިލުމުން ރުއާނާއަށް މަޖާވީއެވެ. ކިޔަވާދޭ ގަޑީގައި އިޒްވާ ސަކަރާތް ނުޖަހާ ނުހުންނާނެ ކަން ރުއާނާ އަށް އެނގުނެވެ.  އިޒްވާއާއި އާއި އެކުވެރި ވެވި ހޭދަވި ވަގުތު ކޮޅު ތެރޭގައި އިޒްވާގެ ސަކަ މިޒާޖު ރުއާނާއަށް ފެނިއްޖެއެވެ.

”މިހާރު ދެން އައިވީ ގެ ހާފްއަށް ވުރެން ބޮޑުބައި ބޯލެވިއްޖެ.. އަލްހަމްދުލިއްލާހް އަމް ފިޓް ނައު .. އޯލްރެޑީ މިސްޑް މިއަދުގެ މުޅި ސެސަން..އަވަހަށް ޑިއުޓީއަށް ދިޔުން އެންމެ ބުއްދިވެރިވާނީ.. އިޒީ ޕްލީޒް“ މައުސޫމް ރާގެއްގައި ބުނެލަމުން ރުއާނާ ދުލުގައި ދަތްއެޅިއެވެ.

”މިކުއްޖާ ހާދަ މޮޅޭ އެމޯޝަނަލް ބްލެކްމެއިލް ވެސް ކުރަންދޯ“ ހިނިގަނޑެއް ޖަހާލާފައި ރުއާނާގެ އަތުން ކެނިއުލާ ނައްޓާލަން އިޒްވާ އުޅެގަތެވެ. ރުއާނާ ވެސް ހީލައިގެން އިނެވެ.

”އިޒީ ކާކުތަ އަހަރެން ގެނައީ މިކޮޅަށް“

“މައި ބްރަދާރ“ ރުއާނާއަހައިލުމުން އިޒްވާ ބުނެލިއެވެ. ރުއާނާ އެހެން ހޭ ބުނެލި އިރު ހިނިތުން ވެލެވުނެވެ. އިޒްވާގެ ބޭބެ ފެނިއްޖެނަމަ ޝުކުރު އަދާކުރަން ނިންމިއެވެ.

***

ލިއަމް ތީއޭޓާރ ގައުންގައި އައިސް އޭނާއަށް ހާއްސަ ކުރެވިފައިވާ ކޮޓަރީގެ ތެރެއަށް ވަނެވެ. ސާޖަރީއަކަށް ފަހުން އައުމުން އޭނާގެ ރީތި މޫނުމަތިން ވަރުބަލިކަން ފެންނަމުންދިޔައެވެ. އެއްގަޑި އިރުގެ ހުސްވަގުތުކޮޅަކަށް ފަހު އަނެއްކާ ބަލިމީހުން ބެލުން ކުރިއަށް އިނުމުން އޭނާ ބޭނުން ވީ އަރާމް ކޮށްލާށޭވެ. އެތަނުގެ އެތެރެއަށް ވާ ހެން އިތުރު ކޮޓަރިއެއް ހުއްޓެވެ. ދޮރު ހުޅުވާލުމަށް ފަހު އެތެރެއަށް ވަދެ އެންމެ މަގަތައް  ހުރި ސިންގަލް ބެޑަށް ޖެހިގަތެވެ. އެހެން އޮތް އިރު ހެނދުނުގެ ހޮސްޕިޓަލަށް އަންނަނިކޮން ދިމާވި ހާދިސާ ހަނދާންވެގެން އެ އަންހެންކުއްޖާ ހާލު ކިހިނެތް ތޯ ބެލުމަށް އިޒުވާ އަށް މެސެޖްއެއް ކޮށްލުމަށް ފަހު ޖީބަށް ފޯނު ކޮއްޕާލިއެވެ.

”ވަތް އަ ޑޭ.. “ އެނދުގައި އޮށޯވެލި ކަމެއް ނޭނގެ ފޯނު ރިންގުވާން ފެށުމުން ލިއަމްއަށް ތުންފިއްތާލެވުނެވެ. މޫނު ބަނަކޮށްލައިގެން ހުރެ އަނެއްކާ ތެދުވެ އެނދުގައި އިށީންދެލިއެވެ. ޖީބުން ފޯނުނަގާ ބަލާލިއިރު ގުޅަނީ ލަވާލް އެވެ.

”މާމާ..“ލިއަމް މަޑުމަޑުން ގޮވާލި ހިނދު ފުރަތަމަ ވެސް އަޑުއަހަން ޖެހުނީ ލަވާލްގެ ޝަކުވާތަކާއި އެވެ. އިސްތަށިގަނޑުގެ ތެރެއަށް އިނގިލިތައް ކޮއްޕާލަމުން، ލިއަމް އިނީ ކޮލަށް ދޫ ވެސް ހަރާލައިގެންނެވެ.

”ދަރިފުޅު ގާތުގަ އަޅެ ނުބުނަން ތަ މިއަދު އަންނާކަށް.. އެހާ ވަރުން މިއަދު ޗުއްޓީ ހަދާލަން ބުނީމަ ވެސް ދޯ..“

”ސޮރީއޭ.. އިއްޔެ ފައިނަލްވި ސާޖަރީއެއް އިނީމަ އަންނަން މަޖުބޫރު ވީއޭ.. ބަޓް އައި ޕްރޮމިސް މިއަދު ދާނަން ޑިއުޓީ ނިމުނު ހާ އަވަހަކަށް“ލަވާލްގެ ޝަކުވާތައް އިވި ހިތުގައި ހަމްދަރްދީ އުފެދިގެން ލިއަމް ބުނެލިއެވެ. އެކަމަކުއެހެން ބުނެލި ނަމަވެސް އެގެޔަށް ދެވޭނެ ބާއޭ ލިއަމްގެ އަމިއްލަ ހިތައް ވެސް އަރަމުންދިޔައެވެ. އޭނާ ދާނަމޭ ބުނި ނަމަވެސް އެކަކު ވެސް ގަބޫލެއް ނުކުރާނެއެވެ.

”ދަރިފުޅު ހީކުރީ ތިހެން ބުނީމަ މާމަ ގަބޫލް ކުރާނެ ކަމަށްތަ.. ނޯ ވޭ.. ޔޫ ޙޭވް ޓް ކަމް.. އައީ މަ ގަބޫލް ކުރާނީ.. މިއަދު އެބައުޅޭ އެންމެން ގެޔަށް އައިސްގެން.. ތިހެން ހަދާކަށް ނުވާނެ އެންނު“ ލަވާލް ނުހަނު އަސަރާއި އެކު ބުނެލި ގޮތުން ލިއަމްގެ ހިތައް އުނދަގޫވެލިއެވެ.

”އިންޝާﷲ ހައެއް ޖަހާއިރު ހުންނާނީ ގޭގަ.. މިހާ ވަރުން ޔަގީން ކޮށްބަ“ ކުޑަކުއްޖަކު ފަދައިން ލިއަމް ބުނެލިއެވެ. އެންމެ ފަހުން ލަވާލް އިންތިޒާރުގައި ހުންނާނަމޭ ބުނެ ފޯނު ކަނޑާލިއެވެ.

”ކޮބާ ކަމެއް ނެތީތަ“ ފޯނު ކަނޑާލަމުން ލިއަމް އަނެއްކާ ވެސް އެނދުމައްޗަށް ޖެހިގަތެވެ. އެހުރިހާ އިރު ކީވާން އެތަނުގައި ހުރިކަން އޭނާއަށް އެނގެއެވެ.

”ކަމެއް ނޯންނާނެ ތަ ދެން .. އަދި އެބައޮތް ދެ ސާޖަރީ މިއަދު… އެކަމަކު ވެސް ބޭފުޅާ ހާލު ބަލާލަން މިއައީ…ލިއަމް މުހައްމަދު އިޒާން ހާލު ކިހިނެތް ތޯ .. އަދު ބޭފުޅާގެ ތަބީއަތު އެހާ ރަނގަޅު ނޫން ކަމަށް ބަޔަކު ބުނާ އަޑު އެހިން.. “ ކީވާންގެ މޫނުގައިވީ ލާނެއް ހިންޏެކެވެ. ކީވާންގެ ޖުމްލަ ހުއްޓުނި އިރު އިތުރު މީހަކު ޓަކި ޖަހާ އަޑު އިވުނެވެ. އޭރު ލިއަމް  އޮތީ ދެލޯ އަޅާލައިގެންނެވެ.

”އަންނަމުން މުޅި ފައުޖު ގޮވައިގެން ދޯ ތިއައީ“ ލިއަމް ބުނެލިގޮތުން ކީވާން ހޭންފެށިއެވެ. އޭނާ ގޮސް އައި އިރު ފަހަތުން އިތުރު ދެ ޒުވާނުން އައިސް ތިއްބެވެ. ޑޮކްޓަރު ކޯޓުގައި ތިބި އިރު އެ މޫނުތަކުގައި ވެސް ވީ ލާނެއްކަމެވެ.

”ބްރޭކް ގަޑީގަ ކެންޓީނަށް ވަދެ ހުއްޓަ އިވުނު ހަބަރަކުން އަހަންނަށް އަރުން ކާ އެއްޗެއް ވެސް އެތެރެ ނުކުރެވިގެން މިއައީ“  އަދްރެކް އިށީންދެލީ ލިއަމްގެ ފައިމަތީގައެވެ. އެހެން އިނދެ ދޭތެރެއަކުން ލިއަމްގެ ފަޔއިގާ ބޮނޑިއެއް އަޅާލައެވެ.  ލިއަމް ހަރަކާތެއް ވެސް ނުކޮށްލާ އޮތެވެ.

”އާން މަށައް ވެސް .. މަ ޗުއްޓީއަށް ރާއްޖެ ދާން ޕްލޭންކުރަން އިންދަ ކީވާން ހަބަރު ދިނުމުން ޕްލޭނަކާއި ޕްލޭނެއް ދުކޮށްލާފަ ބޭފުޅާގެ އަރިހަށް މިއައީ.. މުޅި ހޮސްޕިޓަލް ތެރޭގަ މިހާރު ހީވަނީ ކާޅު ގޮވާހެން.. އެ ކިޔަނީ ހަމަ ތެދެއްތަ.. ޒުވާން އަންހެން ކުއްޖަކު އުރާލައިގެން އަންހެނުން ދެކެ ބިރު ގަންނަ ޑޮކްޓާރ ލިއަމް ލިފްޓަށް އެރިއްޔޯ“ ޝާއިން ކިއައިދެމުން ދިޔަ ގޮތުން ކީވާންއާއި އަދްރެކް ވެސް ދިޔައީ ހެމުންނެވެ.

”މަޑުކޮށްބަލަ ތިހާ ހިސާބަށް މިހާރު ތި ވާހަކަ ފޯރީތަ… “ ލިއަމް ހައިރާން ވެސް ވިއެވެ. މިއަދު ހެނދުނު ހިނގާދިޔަ ހާދިސާ އޭނާގެ ހިތުން މާގިނަ ބަޔަކަށް ނޭނގެއެވެ.

”އާއެކޭ .. އަދި މީގެ މަޖާ ތަންކޮޅަކީ ދެންމެ މަ މިތަނަށް އައި އިރު  މައުވާ ގޮސް ކައުންޓަރަށް ހުއްޓުނީމަ އޭނާގެ ގާތުގަ އެތާގަ އިން މަންޖެ އެވާހަކަ ދައްކަން ފެށީ.. މަ ދުށިން މައުވާގެ މޫނަށް އެރި ކުލަ .. ރުޅި އައިސްގެން މީހާ ތުރުތުރު އަޅައިގަތީ..“އަދްރެކް މިފަހަރު ބުނެލި ވާހަކައިން ރުޅިގަދަވެފައި އިނދެވެސް ލިއަމްއަށް ހެވުނެވެ. މައުވާއަކީ ވެސް ހޮސްޕިޓަލު ގައި މަސައްކަތް ކުރާ އަންހެނުންގެ ޑޮކްޓަރެކެވެ. ލިއަމްގެ ފަހަތުން އުޅޭ ވަރުން އޭނާއަށް ހުންނަނީ އުނދަގޫ ވެފައެވެ. ލިއަމްއާއި ދިމާލަށް އޮޅިގެން އަންހެން ކުއްޖަކަށް ބަލައިލެވުނަސް އެމީހަކާއި ދިމާލަށް މައުވާ ދަނީ އާދައިގެ ގޮތަކަށް ނޫނެވެ.

”ކިހިނެތް ތަ އެއަންހެންކުއްޖާއާއި ދިމާވީ..“

”ވީ ގޮތަކީ މިކޮޅަށް އަންނިކޮން ކާރު ހުއްޓުނީ .. އެގަޑީގަ އިތުރު މީހަކަށް ގުޅިއަސް ނާދެވޭނެ އަވަހަކަށް.. ބަސް ސްޓޮޕް އެއް ކައިރިއަށް ކާރު އޮތީ ހުއްޓިފަ .. ޓެކްސީއެއް ވެސް ހޯދުމަކީ ފަސޭހަކަމެއް ނުވާނެތީ އެހެންވެ ބަހަށް އެރީ..  ވަރަށް ސްޓްރޭންޖް ކަމަކާއި ދިމާވީ .. އެ ބަހަށް މި އަންހެން ކުއްޖާ ވެސް އެރީ… މަ ކުރީގަ އިނީމަ ނޭނގޭ އަސްލު ފަހަތުގަ ވީ ގޮތެއް.. އަޑުގަދަ ވާތީ ފަހަތައް ދިޔައިރު މިކުއްޖާ އޮތީ ވެއްޓިފަ .. ބައެއް މީހުން ބުނާއަޑު އިވޭ ފަހަތުގަ އިން ކޮންމެ ވެސް މީހަކު ފެނިގެން އޭނާއަށް ވީ ގޮތެކޭ.. ޕެނިކް އެޓޭކްއެއް ޖެހުނީ.. ނޭފަތުން ހުރި ލޭވެސް އައިސްފަ“ ލިއަމް ހެނދުނުގެ ހާދިސާ ކިޔައިދިނެވެ. އޭރު ތިން ޒުވާނުން ވެސް ޝައުގުވެރިކަމާއި އެކު އަޑު އަހަން ތިއްބެވެ.

”ދެން މިކޮޅު ބަސް ސްޓޮޕް އާއި އޭރުން ވަރަށް ކައިރިވެފަ ހުރީ.. އެހެންވެ އޭނަ ގޮވައިގެން އައީ“

”އެ ގާލްގެ ފަހަތުން ކާކު ބާ ދޯ އައީ.. ފެނުނުތަ އެމީހަކު“ ކީވާން ވެސް އެކަމާއި ކުޑަކޮން ހައިރާންވެ އިނދެ އަހާލިއެވެ.

”ނޫނޭ .. އޭނާ ފެނޭ ތޯ ވެސް ނުބަލަން.. އަހަރެން ބެލީ ޕޭޝަންޓާއިގެން އުޅެވޭތޯ“

“ ބްރޯ ޔޫ ޑިޑް ވެލް.. އެކަމަކު އަހަރެން ކޮސްވެފަ މި އިންނަނީ އޭނާ އުރާލައިގެން އައި ވާހަކަ ބުނީމަ.. އަޑުއެހިން ވަރަށް ރީތި ވެސް ކުއްޖަކޯ“ ސިރިއަސް ރާގެއްގައި ބުނެލި ޖުމްލަ ޝާއިން ހުއްޓާލި ދިމާކޮށްލާފައެވެ. ލިއަމްއަށް އަނގަ ހަދާލެވުނީ ފަސޭހަގޮތަކަށް ދިމާކުރުން އެމީހުން ނުހުއްޓާނެކަން އެނގުމުންނެވެ. ދުވަހަކު ވެސް އަންހެން ކުއްޖަކާއި އެކު އޭނާ ނުފެނި އެފަދަ ގޮތަކަށް ފެނުނީމަ ކިޔާނެ ކަން ވެސް އެނގެއެވެ.

”އައި ޖަސްޓް ޑިޑް ވަޓް އައި ހޭވް ޓް ޑޫ..“

”ހޫމް ހޫމް.. ތިރީގަ އެންޓްރެސް އާއި ޖެހިގެން އެހުރީ ބޮޑު އެމަޖެންސީ ރޫމްއެއް.. އެކަމަކު އެކުއްޖާ ފަކީރު ގޮވައިގެން ލިއަމް އައީ ލިފްޓުން މައްޗަށް“ އަދްރެކް ވެސް ހަށަން ބަދެލައިގެން ހުރެ ބަލައިލީ ޖާސޫސް ކުރާ ފަދައަކުންނެވެ.

”އައި ސްވެއާރ.. މިމީހުންގެ އުނދަގޫ ހާދަ ހާ ބޮޑު ވެއްޖެއޭ މިހާރު .. މަ ހާސްވެފަ ހުރިވަރުން މައްޗަށް އެރުނީ އޭ އޭނަ ގޮވައިގެން“

”ލިއަމް އަށް އެނގޭތަ ހާސްވާން ވެސް“ އަދްރެކް ހުރީ ދޫ ދޭގޮތަކަށް ނޫނެވެ. އެމީހުންގެ ކައިރިން ކުރިއެރުމެއް ނުލިބުން އެންމެ ފަހުން މޫނު ހަދައިގެން ލިއަމް އިނެވެ. ތިން މީހުންގެ ހުނުން ވީ އިތުރެވެ. ތިންމީހުން ސަކަރާތް ޖަހަން ތިބެތިބެފައި އެތަނުން ދިޔައީ ލިއަމް ބަލިމީހުން ބަލަން އިން ގަޑި ޖެހުމުންނެވެ.

ޑިއުޓީގައި ބުރަ ވަގުތުތަކެއް ހޭދަކުރުމަށްފަހު ލިއަމް ގެއަށް ދިޔުމުގެ ކުރިން އިޒްވާ ކޮބައިތޯ ގުޅާލި އިރު އިޒްވާ މާކުރިން ގެއަށް ގޮސްފިއެވެ. ކީވާންއާއި އޭނާގެ އެކުވެރިންގެ ހިލަމެއް ވެސް އޭރުނުވެއެވެ. ހޮސްޕިޓަލް އިން ނުކުމަތްއިރު ސްނޯ ނުވެހުނު ނަމަވެސް އެކި ހިސާބުތަކު ގަނޑުފެނުގެ އަސަރުތައް ފެންނަމުން ދިޔައެވެ.ފިނިން އުނދަގުލެއް އިޙްސާސް ކުރަން ނުޖެހުނު ނަމަވެސް މީހުންގެ ޝައްކުތަކާއި ސުވާލްތަކުގެ އަމާޒް ފަތްގަނޑަކަށް ވާން ބޭނުން ނުވާތީ އަބަދުހެން އުޅެނީ ބޯ ކޯޓުތަކުގެ ނިވަލުގައެވެ.

ކާރަށް އެރުމަށްފަހު ކޯޓު ދަމައިގަނެ ފަހަތު ސީޓަށް އެއްލަމުން ލިއަމް ކާރު އަނބުރާލަން އުޅުނު ވަގުތު ހެނދުނު ފެނުނު އަންހެން ކުއްޖާ ލިއަމްގެ ލޮލުގައި އަޅައިގަތެވެ. ހޮސްޕިޓަލް އިން ނުކުމެގެން ދިޔައިރު ގާތުގައި މެދު އުމުރުގެ ފިރިހެނަކު ވެސް ހުއްޓެވެ. ފުރަގަސް ދީގެން ހުރުމުން އޭނާގެ މޫނު ނުފެނު ނަމަވެސް އެއީ އެކުއްޖާކަން ލިއަމް އެނގުނީ އޭނާ ހުރީ ހެނދުނު ލާފައި ހުރި އަންނައުނުގައި ކަމުންނެވެ.

”ކޮބާ ދަރިފުޅާ އަންނަން ތަ އެބަ“ ފޯނު ރިންގު ވެގެން ބަލާލި އިރު މިފަހަރު ގުޅަނީ ޔާސިރުއެވެ. ލިއަމްގެ އަނގައިން އަނޑެއް ލައްވާލެވުނެވެ.

”މިސާލަކަށް ނުގޮސް ފިއްޔާޔޯ“ ލިއަމް ބޭނުމަކަށް ވީ ޔާސިރް ތަޅުވާލުމަށެވެ.

”މްމްމް ނާންނަން ދޯ އެހެންވީމަ “ އެހިނދު ޔާސިރްގެ ހަރުކަށި އަޑު އިވިގެން ލިއަމްއަށް ހެވުނެވެ. އަވަސް އަވަހށް މިދަނީ ކަމުގައި ބުނެ ފޯނު ކަނޑާލިއެވެ. ދިޔުމުގެ ކުރިން މާ ވިއްކާ ފިހާރައެއްގެ ކައިރިއަށް މަޑުކޮށްލުމަށްފަހު ދެ މާ ބޮނޑި ތައްޔާރު ކޮށްލިއެވެ. ލިއަމްއަށް އެގެޔަށް ދެވުނު އިރު ދޮރުމަތީގައި އޭނަގެ އިންތިޒާރު ގައި ޔަޒަކް އާއި ކައިވަން ހުރި ތަން ފެނި އަންނަ ގޮތްވިއެވެ.

”މި މީހުން ހަމަ ގަބޫލެއް ނުކުރި ދޯ އަހަރެން އަންނަކަމަކަށް“ ގޭގެތެރެއަށް ކާރު މަޑުކޮށްލި ހިނދު ދެމީހުން ތިބީ އޭނާގެ ގާތުގައި ޖައްސާފައެވެ. އެއްޗެކޭ ނުބުނެ ހިނގައި ގަންނަން އުޅުނު ހިނދު އޭނާގެ ކަންފަތައް ބާރުވެގެން  ފަސް އެނބުރުނު އިރު ފުރަތަމަ ވެސް ވެސް ފެނުނީ އަލާނިޔަލްއެވެ.

”ލިއަމް އާދެވިއްޖެ ދޯ.. “ ކަންފަތުގައި ހިފައިގެން ހުރިގޮތައް އަލާނިޔަލް ގޭތެރެއަށް ވަންނަން ދިޔައެވެ. އޭނާގެ ފަހަތުން ޔަޒަކުއާއި ކައިވަން ހިނިއައިސްފައި ތިބެ ވަންނަން އައެވެ.

”މީނަ މިގޭގަ ހައްޔަރު ކޮށްފަ ބަހައްޓަން މަށައް ފެންނަނީ“ ލިއަމް ފެނިގެން ލަވާލް އައިސް ބައްދާލި ހިނދު އަލާނިޔަލް ވެސް ބުނެލިއެވެ.

”ދެޓްސް ނޮޓް ގޮނަ ހެޕެން“  ލިއަމް ވެސް ހުރީ ދޫކުރާ ގޮތަކަށް ނޫނެވެ. އެހިނދު އަލާނިޔަލް އައިސް ލިއަމްގެ އިސްތަށިގަނޑަށް ދަމާލިއެވެ. ލިއަމް ހޭން ފެށުމުން އަލާނިޔަލްވެސް ހުނުމުގައި ވެރިވިއެވެ.

“ ރަނގަޅަށް ވިއްޔާ ދޮންބެ އެއް މިހާރު ހަނދާނެއް ވެސް ނުހުންނާނެ މިގެޔަށް އެންމެ ފަހުން އައި ދުވަހެއް.. މީ ދޮގެއްތަ“

”ދެން އެންމެން ވެގެން އަހަރެން ރޮލާ ކާލަން ތަ ތިގެނައީ“ މައިލީން އުރާލައިގެން އިޒްވާ ހުއްޓެވެ. މައިލީން ގޮވައިގެން ހުރުމުން ލިއަމްއަކަށް އޭނާގެ ގަޔަކު އަތެއް ނުލެވޭނެކަން އިޒްވާ ދަނެއެވެ. ލިއަމް އަނގަ ހަދާލި ގޮތުން އިޒްވާ ފެށިއެވެ. އަތުގައި އޮތް ދެ މާ ބޮނޑިން ކުޑަކޮން އޮތް މާ ބޮނޑި ލަވާލްގެ އަތައް ދީފައި ބޮނޑުކޮން އޮތް މާ ބޮނޑި ދިއްކޮށްލީ އިޒްވާގެ އަތަށެވެ. ކުޑަކުއްޖަކު ފަދައިން އިޒްވާ އުފަލުން ހަޅޭއްލަވައިގަތެވެ.

”ތޭންކިއު ދޮންބޭ“ މައިލީން އުރައިގެން ހުރި ގޮތަށް އިޒްވާ، ލިއަމްގެ ގައިގާ ބައްދާލިއެވެ. އިޒްވާގެ އުފާވެފައިޥާ މޫނު ފެނި ލިއަމްގެ ހިތައް ބަޔަންކުރަން ދަތި ހިތްހަމަޖެހުމެއް ލިބުނެވެ. އިޒްވާގެ ނިތުގައި ބޮސްދިނުމަށްފަހު ގަޔާއި ދުރުކޮށްލީ މައިލީން އުރާލުމަށެވެ.

ލިވިންގރޫމަށް ދިޔައިރު މުޅި ގޭތެރެ ވަނީ އޭނައަށް ޓަކައި ޒީނަތްތެރި ކޮށްފައެވެ. އެހިސާބުން އައްޒާމް އާއި  ވެސް ދިމާވިއެވެ. ނުހަނު ލޯބިން ލިއަމްގެ ގައިޣާ ބައްދާލާފައި އައްޒާމް ދުވަހުގެ ތަހުނިޔާކިޔެވެ.  ޔަމްހާގެ އާއިލާއާއި ޒީހާންއާއި ޔިރާ ވެސް ތިއްބެވެ.  ކައިވެންޏަށް ފަހު ދެކުދިންނާއި އެކު ކައިނާ ދިރިއުޅެނީ ރާއްޖޭގައެވެ. ނީކިޔާ ވެސް އަމިއްލަ ދިރިއުޅުމެއް ފަށައިގެން ރާއްޖެ އަށް ވަނީ ދިރިއުޅުން ބަދަލްކޮށްފައެވެ. ދެމީހުން ވެސް ގުޅައިގެން އުފަންދުވަހުގެ ތަހުނިޔާ ލިއަމްއަށް އަރިސްކުރަމުން ދިޔައެވެ.

”ދޮންތަ ދޫނި ހަމަ ބަލަ ބަލާ ހުއްޓަ މިހިރަ މުސްކުޅި ވަނީ“ ލިއަމްގެ ގައިގާ ބައްދާލި ގޮތައް ޔޫމީން ދޫވެސް ނުކޮށްލިއެވެ. ޔޫމީންއަށް ފަހު ކައިވަން ވެސް ލިއަމްގެ ގައިގާ ބައްދާލުމަށްފަހު އެދެމީހުންގެ ފަރާތުން ދިން ހަދިޔާ ލިއަމްއާއި ހަވާލުކުރިއެވެ. ސާޅީހުގެ ފަހު އަހަރުތައް ގުނަމުންދާއިރު އަދިވެސް އެ މޫނުތަކުގައި ޒުވާންކަން ފެންނަމުން ދިޔައެވެ.

”ކޮބާ ހަދިޔާ.. “ ހުރިހާ އެންމެން ހަދިޔާ ތައް ދިން އިރު ވެސް ކީވާން ދުރުގައި އިނުމުން އޭނައަށް ލިބުނު ޕާރްސަލް ތަކުން އެކަތި ނަގާ ކީވާން ގެ ބޮލުގައި ޖެހިއެވެ.

”އައުޗް އަމް އަ ހިޔުމަން އޭ.. ކާމް ޑައުން ބްރޯ.. މާދަމާ އޮފިހަށް ދިޔައީމަ އަހަރެންގެ ގިފްޓް އެނގޭނެ“

”އަނެއްކާ ކޯއްޗެއް…“

”މައުވާ ޔާ އެއްކޮން ބްލައިންޑް ޑޭޓެއް ފިކްސް ކޮށްފަ ވެއްޖެ.. ކަމުދާނޭ ދޯ“ ކީވާންގެ ވާހަކައިން ލިއަމް ، އޭނާގެ ފައިގާ ނުހަނު ބާރަށް ވިކައިގަތެވެ. އޭރު މުޅި ގޭތެރޭގައި ގުގުމާލާފައި ވަނީ އެންމެންގެ ހުނުމުގެ އަޑެވެ. މައުވާގެ ކަންތައް އެއީ އެގޭގެ އެންމެނަށް އާ ހަބަރެއް ނޫން ކަމުން ލިއަމް ރުޅި އެރުވުމަށް އެންމެން ވެސް މައުވާގެ ނަން ބޭނުން ކުރެއެވެ.

”އާރ ޔޫ ގާއިޒް ހޭވިންގް މައި ބާތްޑޭރ ޕާޓީ އޯރ ޖަސް ބުލީއިން މީ.. ރަނގަޅެއްނު މިގެއަށް ނާންނަކަން“ ހިތް ފުރެންދެން ކީވާންގެ ގައިގާ ޖެހުމަށް ގޮސް ލިއަމް ގޮސް ކޭކް ކައިރީގަ އިށީންދެ އުލަކުން ކޭކު ކާންފެށިއެވެ.  އޭރު ކީވާން ވެސް ހެމުން ހެމުން އައިސް ލިއަމްގެ ގައިގާ އޮޅުލައިގަތެވެ.

”ބަލަ ދަރިފުޅާ ތި ކޭކު ފަޅާބަލަ ފުރަތަމަ .. އަހަރެމެންގެ ކެމެރާމޭން މިހުރީ ރެޑީގައޭ“ އީން ހޭން ހުރެފައި  ލޫކް ދައްކާލިއެވެ. ދެން ރަނގަޅުވާނެ ކަމަށް ބުނެ އަވަހަށް ކޭކު ކާން އަންނާށެ ލިއަމް ގޮވާލިއެވެ. ފަހަރަކު މީހަކަށް ކޭކު ކޮޅެއް ލެވުމަށްފަހު، ލިއަމް ބަހައްޓުވާގެން އެކި ގޮތްގޮތައް ލޫކް ދިޔައީ ފޮޓޯ ނަގަމުންނެވެ. އެތައް އިރަކު ސަކަރާތް ޖެހުމަށް ފަހުން ހުރިހާ ޒުވާނުންނާއި އެކު ޔޫމީންއާއި ކައިވަން ، ޔަޒަކް އާއި މިލާން އަދި އަލާނިޔަލްއާއި އީން އެރީ ޓެރެހަށެވެ.

އެތަނުގައި ތިބޭ އިރު ހަލަބޮލި މަގުތައް ފެންނަމުން ދެއެވެ. އުނދޯލި ތަކާއި ސޯފާތަކުގައި އެންމެން ޖައްސާލައިގެން ތިބެ އެކި އެކި ވާހަކަ ދައްކަމުން ދިޔައިރު ، އެމީހުންގެ ގާތުގައި އިނދެފައި ލިއަމް ޖެހިލީ ރެއިލިންގއާއި ވީ ފަޅިއަށެވެ.  ހަމަހިމޭންކަމުގައި ސިކުންތުކޮޅެއް އޭނާގެ ނަފްސަށް ބޭނުން ވީއެވެ. އެހެން ހުރެފައި ބަލައިލިއިރު އެންމެން ސަކަރާތް ޖަހަމުން ދިޔަ މަންޒަރު ފެނި ހިތުންވެވުނެވެ. ނަމަވެސް އެދެލޮލުގައި ފޮރުވިފައިވާ ހިތާމައެއް ވެއެވެ. އެމީހުންނަށް ފަސް ދީ މަގުމައްޗަށް ނަޒަރު ހުއްޓާލި އިރު ކުރިން މޫނުގައި ހުރި ހިނިތުން ވުމުން ވަނީ ފޭދިފައިއެވެ.

”މޮމް..ޑޭޑް .. އައި މިސް ޔޫ“އަމިއްލަ ނަފްސަށް އިވޭ ވަރަށް ބުނެލިއިރު ދެލޮލުން ވެއްޓުނު ކަރުނު ތިއްކެއް ކޯތާފަތް މަތިން ތިރިއަށް ފިރުކި ގަތެވެ.

”ވޯންޓް ސަމް “ އަވަސް ހަރަކާތަކާއި އެކު ލިއަމް ދެލޯ ފުހެލީ ފަހަތުން އަލާނިޔަލްގެ އަޑު އިވިފައެވެ. ލިއަމް ބަލައިލިއިރު އަލާނިއަލް އައިސް ހުރީ ދެ ކޮފީ ޖޯޑު ހިފައިގެންނެވެ.  އެއް ތަށި ލިއަމްގެ އަތައް ދިއްކޮށްލިއެވެ.

”އެއްވެސް ކަމެއްގަ އުއްމީދު ކަނޑާލާކަށް ނުވާނެ..“ ލިއާމްގެ މޮޅިވެރި މޫނު ފެނުމުން އަލާނިޔަލް ބުނެލިއެވެ. ދެރަވެސް ވިއެވެ. އެކަމަކު އޭނާއަށް ވެސް އެކަމުގައި އެއްވެސް ކަމެއް ނުކޮށްދެވުނެވެ.

އެއްޗެއް ނުބުނެ ލިއަމް ބޯ ޖަހައިލިއެވެ. ކޮފީ ތަށީގައި ތުން ޖެހި އިރު ހިތި ހިނިތުންވުމެއް ތުންފަތުގައި ދުވެލިއެވެ. ލިއަމް ގަޔާއި ކައިރި ކޮށްލަމުން އަލާނިޔަލް އެ ކޮނޑުގައި ފިރުމާލީ ހިތްވަރު ދޭފަދައަކުންނެވެ.

”ލުކްސް ލައިކް ހީ އިޒް ސަފަރިންގ އެގައިން“ އަލާނިޔަލްގެ ގާތުގައި ލިއަމް ހުރިގޮތް ފެނި ލޫތްއަށް ބުނެވުނެވެ. ކީވާން އާއި ނޫހް ވެސް ލިއަމްއާއި ދިމާ ބަލައިލި އިރު ހިތުގައި ވަނީ ހަމްދަރްދީއެވެ.

”އެހެންވެ އޭނަ މިގެއަށް ނާންނަން އުޅެނީ.. ވަންސް ހީ ކޭމް، ހީ ރިމެމްބާރޑް އޯލް ދޯސް މެމޮރީސް..ކިތަންމެ ހިތްވަރު ދައްކައިގެން އުޅުނު ނަމަވެސް އެތެރެއިން އޭނާގެ ހިތް ރޮވޭ.. އިޒީ ވެސް ބޮޑުވެފަ ހުރީމަ މިހާރު ލިއަމްއަށް މަޖުބޫރު އެގޮތައް ހުރިހާ އިމޯޝަން ތަކެއް ފޮރުވައިގެން އުޅެން“  ލިއަމްގެ ގާތައް ދާން އުޅެފައިވެސް ކީވާން މަޑު ޖެހިލީ އަލާނިއަލް ވާހަކަ ދައްކަމުން ދިޔަ މަންޒަރު ފެނިއެވެ.

***

”ދަރިފުޅާ .. ރޫމް ތަޅު ނުލާ ބަހައްޓާތި.. ބައްޕަ އެބަދަން ތި ރޫމްއަށް ނިދަން“ ގެއަށް ވަދެފައި ރާބިއު ބުނެލިއެވެ. ފަހަތުން ރުއާނާ ވެސް ވަދެފައި އަރައިގެން ހުރި ބޫޓް ބޭލުމަށްފަހު ހަރަށް ލިއެވެ.

”ނޫނޭ ބައްޕާ ..މިހާރު އިރާދު ކުރެއްވިއްޔާ ރަނގަޅު.. ސޯފާގައި އޮވެ އުނަގަނޑަށް ތަދު ކުރަން އަންނާނެ ކަމެއް ނެތް“

”މައްސަލަ އެއް ނެތް .. އެކަމަކު ގޯސްވަންޏާ ބައްޕައަށް އަންގަންވާނެ އެނގޭ.. ހުރިހާ ކުޑަ ދޮރެއް ލޮކް ކޮށްފަ ބަހައްޓާތި“ ރުއާނާގެ ޖަވާބު ހިސާބަކަށް ހިނިއައިސް ހުރެ ރާބިއު ވެސް ބުނެލިއެވެ. ރުއާނާ ބޯޖަހާލާފައި ކޮޓަރިއަށް ވަނުމުން ރާބިއު ގޮސް ސޯފާގައި އިށީންދެލިއެވެ.

”އަނެއްކާ ވެސް އެމީހުންގެ ނުރައްކަލެއް ރުއާއަށް ކުރިމަތި ވަނީބަ“  ރާބިއުގެ ސިކުނޑީގައި ހަރުލާފައި ވީ ހޮސްޕިޓަލުން އައި މަގުމަތީގައި ކާރުގަ އިނދެ ރުއާނާ ކިޔައިދިން ވާހަކަ ތަކަށްށެވެ. ހެނދުނު ބަހުގައި ހިނގާދިޔަ ހާދިސާއެވެ. އެކަންތައް ގަނޑުން ސަލާމަތް ވެގެން ރުއާނާ އަލުން ދުނިޔެއާއި ކުރިމަތި ލީތާ އަދި ވެގެން މިދިޔައީ ކުޑަ ދުވަސްކޮޅެކެވެ. ރާބިއު އަށް ފުންނޭވާއެއް ދޫކޮށްލެވުނު އިރު މޫނުމަތީގައިވަނީ އުދާސްކަމެވެ.

****

(ނުނިމޭ)